Adhikarana দিনচর্যাধ্যাযঃ (২) · Śloka ২
অথাতো দিনচর্যাধ্যাযং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ|
(গদ্যসূত্রে)||২||
View original
अथातो दिनचर्याध्यायं व्याख्यास्यामः|
इति ह स्माहुरात्रेयादयो महर्षयः|
(गद्यसूत्रे)||२||
Show commentary
সর্বাঙ্গসুন্দরী ব্যাখ্যা ( কৃত)
স০-অথেতি সর্বেষ্বধ্যাযেষু মঙ্গলার্থঃ| তথা অত ইত্যানন্তর্যে প্রস্তুতাভিসম্বন্ধে বা| অথেত্যাদিশব্দানাং পূর্বাধ্যাযে বর্ণিত এবার্থঃ| মাঙ্গলিকো হ্যাচার্যঃ প্রত্যধ্যাযারম্ভে মঙ্গলার্থমথশব্দং প্রযুঙ্ক্তে| দিনে দিনে চর্যা দিনচর্যা, দিনস্য বা চর্যা দিনচর্যা| চরণং চর্যা| উভযলোকহিতমাহারবিহারচেষ্টিতমিতি যাবত্, প্রতিদিনে যত্কর্তব্যম্| দিনচর্যা যস্মিন্নধ্যাযেঽস্তীতি পূর্ববত্ ছপ্রত্যযমুত্পাদ্য তল্লোপে প্রকৃতিভাবত্বং চ প্রতিপাদ্য দিনচর্যেতি নিষ্পাদ্যতে, তমধ্যাযং ব্যাখ্যাস্যামঃ| ননু, প্রস্তুতাদাযুষ্কামীযাদধ্যাযাদনন্তরং কোঽস্য সম্বন্ধঃ ?| উচ্যতে| যস্মাদাযুষ্কামেণ পুরুষেণ যত্প্রধানমাযুষ্যং তদাসেব্যং প্রথমতঃ, তদন্বন্যানি যান্যাযুষ্যাণি| অতঃ প্রথমং তাবদাচারপ্রধানেন ভবিতব্যম্| যতঃ, "আচারাদাযুর্লভ্যতে" ইত্যাচার্যাঃ| যদ্যপ্যত্র রাত্রিচর্যাঽপি বিহিতা, তথাপি প্রাধান্যাদ্দিনচর্যা অস্মিন্নধ্যাযে নির্দিষ্টা| অতো দিনচর্যাধ্যাযোঽযমুচ্যতে|
আযুর্বেদরসাযনম্ ব্যাখ্যা ( কৃত)
আ০ র০ দিনচর্যাধ্যাযং ব্যাখ্যাতুং প্রতিজানীতে-অথাত ইতি| যতঃ পূর্বাধ্যাযে ব্যাধিপ্রতীকারঃ সামান্যসংক্ষেপাভ্যাং ব্যাখ্যাতঃ| স এবেদানীং বিশেষবিস্তরাভ্যাং ব্যাখ্যেযঃ| স চ হেত্বাদিক্রমেণ| তত্রাদৌ বহুবক্তব্যত্বাদ্বহিরঙ্গো হেতুঃ| স দ্বেধা-বিহারঃ আহারশ্চ| বিহারো দ্বেধা-নিযতকালোঽনিযতকালশ্চ| নিযতকালোঽদ্বেধা-দৈনন্দিনঃ আর্তবশ্চ| তত্র দৈনন্দিনোঽস্মিন্নধ্যাযে| অত এবাযং দিনচর্যাখ্যঃ| স চ প্রবোধাদিঃ|
Adhikarana ব্রাহ্মে মুহূর্ত উত্থানম্ (১) · Śloka ১
অস্মিংস্তন্ত্রে আযুঃপালনং প্রকৃতম্|
তদ্বিবিধম্, স্বস্থবৃত্তমাতুরবৃত্তং চ|
তত্র মঙ্গল্যত্বাত্ স্বল্পবক্তব্যত্বাদাতুরোপযোগিত্বাচ্চ স্বস্থবৃত্তমেবাদাবুচ্যতে ব্রাহ্মে মুহূর্ত উত্তিষ্ঠেত্স্বস্থো রক্ষার্থমাযুষঃ|
|১|
View original
अस्मिंस्तन्त्रे आयुःपालनं प्रकृतम्|
तद्विविधम्, स्वस्थवृत्तमातुरवृत्तं च|
तत्र मङ्गल्यत्वात् स्वल्पवक्तव्यत्वादातुरोपयोगित्वाच्च स्वस्थवृत्तमेवादावुच्यते ब्राह्मे मुहूर्त उत्तिष्ठेत्स्वस्थो रक्षार्थमायुषः|
|१|
Show commentary
সর্বাঙ্গসুন্দরী ব্যাখ্যা ( কৃত)
স০-রাত্রেশ্চতুর্দশো মুহূর্তো ব্রাহ্মো মুহূর্তঃ, বিষুবতি সমরাত্রিংদিবে কালে দ্বিঘটিকোপলক্ষণঃ| মুহূর্তস্য চেহ দ্বিঘটিকোপলক্ষণার্থত্বাত্সর্বস্মিন্ কালে রাত্রেশ্চতুর্ঘটিকাবশেষে সমুত্থানং কার্যমিতি স্থিতম্| (স্বস্থো-নীরোগঃ কল্যঃ| স আযুষো যথোপচরিতস্য জীবিতস্য রক্ষার্থং ব্রাহ্মে মুহূর্ত উত্তিষ্ঠেদভ্যুত্থানং কুর্যাত্| মুহূর্তো-নাডিকাদ্বযম্| ব্রহ্ম-জ্ঞানং, তদর্থমধ্যযনাদ্যপি ব্রহ্ম, তস্য যোগ্যো মুহূর্তো ব্রাহ্মঃ, পশ্চিমযামস্য নাডিকাদ্বযম্|) তস্মিন্ ব্রাহ্মে মুহূর্ত উত্তিষ্ঠেত্| কিম্ভূতঃ ? স্বস্থোঽনাতুরঃ| (সুশ্রুতে সূ.অ.১৫/৪৮)- "সমদোষঃ সমাগ্নিশ্চ সমধাতুমলক্রিযঃ| প্রসন্নাত্মেন্দ্রিযমনাঃ স্বস্থ ইত্যভিধীযতে" ইতি স্বস্থলক্ষণম্| কিমর্থমুত্তিষ্ঠেত্ ? রক্ষার্থমাযুষো জীবিতস্য| তদা হ্যুত্তিষ্ঠতো ব্যাধ্যলক্ষ্ম্যাদ্যভাব এবাযুষো রক্ষা ভবতি| আতুরেণ ধাতুসাম্যার্থং স্বপ্তব্যমেব|
আযুর্বেদরসাযনম্ ব্যাখ্যা ( কৃত)
আ০ র০- তত্র প্রবোধং বিধত্তে-ব্রাহ্মো মূহূর্ত ইতি| রাত্রেরুপান্ত্যো মুহূর্তা ব্রাহ্মঃ| তত্র উত্তিষ্ঠেত্-প্রবুধ্যেত্| স্বস্থোনীরোগঃ| রোগিণস্ত্বনিযমঃ|
Adhikarana শৌচবিধিঃ দন্তধাবনম্ (১-৩) · Śloka ৩
|
শরীরচিন্তাং নির্বর্ত্য কৃতশৌচবিধিস্ততঃ||১||
অর্কন্যগ্রোধখদিরকরঞ্জককুভাদিজম্|
প্রাতর্ভুক্ত্বা চ মৃদ্বগ্রং কষাযকটুতিক্তকম্||২||
কনীন্যগ্রসমস্থৌল্যং প্রগুণং দ্বাদশাঙ্গুলম্|
ভক্ষযেদ্দন্তপবনং দন্তমাংসান্যবাধযন্||৩||
View original
|
शरीरचिन्तां निर्वर्त्य कृतशौचविधिस्ततः||१||
अर्कन्यग्रोधखदिरकरञ्जककुभादिजम्|
प्रातर्भुक्त्वा च मृद्वग्रं कषायकटुतिक्तकम्||२||
कनीन्यग्रसमस्थौल्यं प्रगुणं द्वादशाङ्गुलम्|
भक्षयेद्दन्तपवनं दन्तमांसान्यबाधयन्||३||
Show commentary
সর্বাঙ্গসুন্দরী ব্যাখ্যা ( কৃত)
স০-শরীরস্য চিন্তা শরীরচিন্তা- জীর্ণাজীর্ণনিরূপণাদিকা, তাং নির্বর্ত্য, ততো মূত্রপুরীষাদেঃ কৃতশৌচবিধানঃ, ততোঽনন্তরং দন্তপবনমর্কাদিকং ভক্ষযেত্| সঙ্গ্রহেঽপ্যুক্তম্ (সূ.অ.৩)- "ব্রাহ্মে মুহূর্ত উত্তিষ্ঠেজ্জীর্ণাজীর্ণং নিরূপযন্" ইত্যাদি| অর্কঃ- সূর্যাহ্বঃ| ন্যগ্রোধো- যক্ষাবাসঃ| খদিরো- গাযত্রী| করঞ্জশ্চিরিবিল্বঃ| ককুভোঽর্জুনঃ| আদিশব্দেন মালতীকরবীরাদিপরিগ্রহঃ| কথং ভক্ষযেত্ ? দন্তানাং মাংসান্যবাধযন্নপীডযন্| প্রাতঃ- প্রত্যুষসি, ভুক্ত্বা চ- আহারং ভক্ষযিত্বা চ| মৃদ্বগ্রং- কূর্চিতাগ্রম্| তথা কষাযকটুতিক্তম্, রসত্রযেণ হ্যনেন মুখবৈরস্যারোচকশ্লেষ্মাদ্যপনযাঃ সম্যক্ সম্পদ্যন্তে| অর্কাদ্যুপাদানাদেব কষাযাদিত্বে লব্ধে, কষাযাদিগ্রহণং সঙ্গ্রহাদিগৃহীতস্য সঙ্গ্রহার্থং স্পষ্টার্থং চ| অর্কাদিগ্রহণমুদাহরণার্থং জ্ঞেযম্| অত্র সংক্ষেপবিবক্ষযা ন দন্তপবনস্য গণসঙ্গ্রহঃ| দ্বাদশাদ্যঙ্গুলপ্রমাণত্বং শ্লেষ্মাতকাদ্যনিষ্টদন্তপবননিষেধশ্চ তন্ত্রান্তরোক্ত (সঙ্গ্রহোক্ত) মপি নেহোক্তম্| সুশ্রুতেনোক্তম্ (?) "অজগ্ধমনুপক্লিষ্টং ষডষ্টদ্বাদশাঙ্গুলম্| প্রদেশনীমুখসমং মৃদু স্যাদ্দন্তধাবনম্| কূর্চিতাগ্রং" ইত্যাদি|
আযুর্বেদরসাযনম্ ব্যাখ্যা ( কৃত)
আ০ র০- শৌচং বিধত্তে-শরীরচিন্তামিতি| ততঃ-প্রবোধানন্তরম্| কৃতশৈচবিধির্ভবেত্-স্মৃত্যুক্তবিধিনা মলোত্সর্গাদ্যাচমনপর্যন্তং কুর্যাত্| কিং কৃত্বা শরীরচিন্তাং নির্বর্ত্য-নিষ্পাদ্য| কীদৃশং মে শরীরং, কিঞ্চ মযা অস্য হিতমনুষ্ঠিতং, কিংবা অদ্যানুষ্ঠেযমিত্যাদি বিমর্শঃ শরীরচিন্তা| বক্ষ্যতি হি (সূ. অ. ২/৪৭)- "নক্তংদিনানি মে যান্তি কথম্ভূতস্য সম্প্রতি| দুঃখভাঙ্গ ভবত্যেবং নিত্যং সন্নিহিতঃ স্মৃতিঃ||" ধর্মশাস্ত্রেঽপি-"ব্রাহ্মো মুহূর্ত উত্থায চিন্তযেদাত্মনো হিতম্" ইতি| তদা হি কৃতো বিমর্শো যথার্থো ভবতি, মনসঃ প্রসন্নত্বাত্| দন্তধাবনং বিধত্তে-অর্কেতি| প্রাতর্ভুক্ত্বা চেতি দ্বিকালং দন্তপবনং ভক্ষযেত্| দন্তাঃ পূযন্তে শোধ্যন্তেঽনেনেতি দন্তপবনং-দন্তকাষ্ঠম্| তচ্চার্কাদিজম্| ককুভোঽর্জুনঃ| আদিশব্দাদসনাদযঃ| তচ্চ মূলম্| উক্তং হি সঙ্গ্রহে (সূ. অ. ৩)- "বটাসনার্কখদিরকরঞ্জকরবীরজম্| সর্জারিমেদাপামার্গমালতীককুভোদ্ভবম্|| কষাযতিক্তকটুকং মূলমন্যদপীদৃশম্| বিজ্ঞাতবৃক্ষং ক্ষুণ্ণাগ্রমৃজ্বগ্রন্থি সুভূমিজম্||" ইতি| কনীন্যগ্রসমস্থ্যৌল্যং-কনিষ্ঠিকাঙ্গুল্যগ্রভাগবত্স্থূলম্| প্রগুণংঋজু| কষাযাদিরসমর্কাদিভ্যোঽন্যদপি গ্রাহ্যম্, অর্কাদ্যনভিব্যক্তকষাযাদিরসমপি গ্রাহ্যামিত্যুভযোর্গ্রহণম্| ভক্ষণেন ভক্ষণপূর্বকং দন্তঘর্ষণং লক্ষ্যতে, দন্তমাংসবাধননিষেধান্যথানুপপত্তেঃ| ন হি ভক্ষণমাত্রেণ দন্তমাংসানাং পীডা| উক্তং চ সঙ্গ্রহে (সূ. অ. ৩)- "প্রাতর্ভুক্ত্বা চ যতবাগ্ভক্ষযেদ্দন্তধাবনম্| বাপ্যত্রিবর্গত্রিতযক্ষৌদ্রাক্তেন চ ঘর্ষযেত্| বাপ্যং-কুষ্ঠম্| ত্রিবর্গত্রিতযং-ত্রিফলা, ত্রিকটুকং, ত্রিজাতকং চ| শনৈস্তেন ততো দন্তান্ দন্তমাংসান্যবাধযন্" ইতি| ঘর্ষণং চাধোদন্তপুর্বকম্| উক্তং হি সঙ্গ্রহে (সূ. অ. ৩)- "দন্তান্ পূর্বমধো ঘর্ষেত্প্রাতঃ সিঞ্চেচ্চ লোচনে| তোযপূর্ণমুখো গ্রীষ্মশরদোঃ শীতবারিণা" ইতি| ঋত্বন্তরে কোষ্ণবারিণেত্যর্থঃ|
Adhikarana দন্তধাবননিষেধঃ (৪) · Śloka ৪
নাদ্যাদজীর্ণবমথুশ্বাসকাসজ্বরার্দিতী|
তৃষ্ণাস্যপাকহৃন্নেত্রশিরঃকর্ণামযী চ তত্||৪||
View original
नाद्यादजीर्णवमथुश्वासकासज्वरार्दिती|
तृष्णास्यपाकहृन्नेत्रशिरःकर्णामयी च तत्||४||
Show commentary
সর্বাঙ্গসুন্দরী ব্যাখ্যা ( কৃত)
স০-অজীর্ণাদীনাং দ্বন্দ্বঃ| এতানি বিদ্যন্তে যস্যেতি 'অত ইনিঠনৌ' ইতি ইনিঃ| এবং তৃষ্ণাস্যেত্যাদৌ দ্বন্দ্বাদিনিশ্চ| তদ্দন্তপবনমজীর্ণী ন ভক্ষযেত্| এবং বমথ্বাদীনাং কর্ণাময্যন্তানাং সম্বন্ধো যোজ্যঃ|
আযুর্বেদরসাযনম্ ব্যাখ্যা ( কৃত)
আ০ র০- রোগবিশেষে দন্তধাবনং নিষেধতি-নাদ্যাদিতি| অজীর্ণাদিরোগী, তদ্দন্তপবনং, নাদ্যান্ন ভক্ষযেত্| অর্দিতংএকাযামঃ| সঙ্গ্রহে তু (সূ. অ. ৩)- "নৈব শ্লেষ্মাতকারিষ্টবিভীতধবধন্বজান্| বিল্ববব্বূলনির্গুণ্ডীশিগ্রুতিন্দুকতিল্বকান্|| কোবিদারশমীপীলুপিপ্পলেঙ্গুদগুগ্গুলূন্| পারিভদ্রকমম্লীকামোচক্যৌ শাল্মলীং শণম্|| স্বাদ্বম্ললবণং শুষ্কং সুষিরং পূতি পিচ্ছিলম্| পালাশমাসনং দন্তধাবনং পাদুকে ত্যজেত্||" ইতি|
Adhikarana সৌবীরাঞ্জনম্ (৫) · Śloka ৫
সৌবীরমঞ্জনং নিত্যং হিতমক্ষ্ণোস্ততো ভজেত্|
|৫|
View original
सौवीरमञ्जनं नित्यं हितमक्ष्णोस्ततो भजेत्|
|५|
Show commentary
সর্বাঙ্গসুন্দরী ব্যাখ্যা ( কৃত)
স০-ততো-দন্তপবনভক্ষণানন্তরং, সৌবীরাখ্যমঞ্জনং ভজেত্| কস্মাত্ ? যতো হিতমক্ষ্ণোঃ|
আযুর্বেদরসাযনম্ ব্যাখ্যা ( কৃত)
আ০ র০- অঞ্জনং বিধত্তে-সৌবীরমিতি| ততো-দন্তধাবনান্তরং, সৌবীরাখ্যমঞ্জনং ভজেত্| যস্মাদক্ষ্ণোর্নেত্রযোঃ নিত্যং-সর্বদা, হিতং-পথ্যম্| অস্য চ মৃদুচূর্ণাঞ্জনত্বাত্তিস্রঃ শলাকা মানম্| সঙ্গ্রহে তু ফলমুক্তম্ (সূ. অ. ৩)- "লোচনে তেন ভবতো মনোজ্ঞে সূক্ষ্মদর্শনে| ব্যক্তত্রিবর্ণে বিমলে সুস্নিগ্ধঘনপক্ষ্মণী||" ইতি| সুশ্রুতস্তু (চি. অ. ২৪/১৮) স্রোতোঞ্জনমাহ-"মতং স্রোতোঞ্জনং শ্রেষ্ঠং বিশুদ্ধং সিন্ধুসম্ভবম্| দাহকণ্ডূমলঘ্নং চ দৃষ্টেঃ ক্লেদরুজাপহম্||" ইতি| উভযোঃ প্রামাণ্যাদ্বিকল্পঃ|
Adhikarana রসাঞ্জনম্ (৫-৬) · Śloka ৬
|
চক্ষুস্তেজোমযং তস্য বিশেষাত্ শ্লেষ্মতো ভযম্||৫||
যোজযেত্সপ্তরাত্রেঽস্মাত্স্রাবণার্থং রসাঞ্জনম্|
|৬|
View original
|
चक्षुस्तेजोमयं तस्य विशेषात् श्लेष्मतो भयम्||५||
योजयेत्सप्तरात्रेऽस्मात्स्रावणार्थं रसाञ्जनम्|
|६|
Show commentary
সর্বাঙ্গসুন্দরী ব্যাখ্যা ( কৃত)
স০-অস্মাত্কারণাত্, স্রাবণার্থং সপ্তরাত্রে সতি, রসাঞ্জনং দার্বীক্বাথসমুদ্ভবাখ্যং, যোজযেত্| যস্মাচ্চক্ষুস্তেজোমযমাগ্নেযম্| যদ্যপি পঞ্চমহাভূতাত্মকং সর্বমপি, তথাপি বাহুল্যেন ব্যপদেশাত্তেজোমযমুচ্যতে| অত এব তদ্রূপাণ্যালোচযতি| তথা চ লোকে কশ্চিদাহ-- "নরপতিরেতি" ইতি| ন চাসৌ নরাণামেব পতিঃ কিন্তর্হি নারীণামপীতি| তস্য হি চক্ষুষো বাতপিত্তাভ্যামপি ভযমস্তি, বিশেষেণ তু কফাদ্ভযম্, ততো রসাঞ্জনং যোজযেত্|
আযুর্বেদরসাযনম্ ব্যাখ্যা ( কৃত)
আ০ র০-সৌবীরাপবাদেন রসাঞ্জনং বিধত্তে-চক্ষুরিতি| সপ্তরাত্রে রসাঞ্জনং যোজযেত্| অন্তরার্থে সপ্তমী, সপ্তরাত্রমন্তরং কৃত্বেত্যর্থঃ| কিমর্থং ? স্রাবণার্থং,- শ্লেষ্মনিবর্হণার্থম্| যস্মাচ্চক্ষুস্তেজোমযম্, ততস্তস্য শ্লেষ্মতঃ-কফাজ্জলাত্মকাত্, বিশেষাদ্ভযম্| বাতপিত্তযোস্তু বিশেষভযাভাবান্নিত্যাঞ্জনেন চ প্রসাদনেনোপশমাত্ পৃথক্ প্রতীকারাভাবঃ| অস্য চ তীক্ষ্ণপিণ্ডাঞ্জনত্বাদ্ধরেণুমাত্রত্বম্| পিণ্ডত্বং চ দার্বীক্কাথজত্বাত্| উক্তং হি-"দার্বীক্কাথমজাক্ষীরপাদং পক্ত্বা যদা ঘনম্| তদা রসাঞ্জনাখ্যং তন্নেত্রযোশ্চ প্রযোজযেত্||" ইতি| ননু "পঞ্চসপ্তাষ্টরাত্রে বা স্রাবণার্থং রসাঞ্জনম্|" ইতি (সূ. অ. ৫/১২) চরকবচনম্| ইহ তু সপ্তরাত্র ইতি বিরোধঃ| মৈবম্| পঞ্চসপ্তাষ্টরাত্রাণাং বহুমধ্যাল্পকফবিষযত্বাত্| ননু "নিশাযাং তু ধ্রুবমঞ্জনমিষ্যতে" ইতি (সূ. অ. ৫/১৪) চরকেণাঞ্জনস্য রাত্রিঃ কাল উক্তঃ| ইহ তু দন্তধাবনান্তরমিতি বিরোধঃ| মৈবম্| চরকবাক্যস্য হ্যযমর্থঃ| যদা নিত্যাঞ্জনং বাধিত্বা পূর্বাহ্ণে রসাঞ্জনং প্রযুজ্যতে তদা ধ্রুবং নিত্যসেব্যমঞ্জনং নিশাযামিষ্যতে, অন্যদা তু প্রাতরেবেত্যবিরোধঃ| তথা চ মনুঃ (অ. ৪/১৫২)- "মৈত্রং প্রসাধনং স্নানং দন্তধাবনমঞ্জনম্| পূর্বাহ্ণ এব কুর্বীত দেবতানাং চ পূজনম্|" ইতি| মৈত্রং-সূর্যারাধনম্|
Adhikarana নস্যাদিসেবনম্ (৬) · Śloka ৬
|
ততো নাবনগণ্ডূষধূমতাম্বূলভাগ্ভবেত্||৬||
View original
|
ततो नावनगण्डूषधूमताम्बूलभाग्भवेत्||६||
Show commentary
সর্বাঙ্গসুন্দরী ব্যাখ্যা ( কৃত)
স০-নাবনাদীনাং গুণাঃ নস্যাদিবিধিষু বক্ষ্যমাণা বিধানং চ| তাম্বূলস্য তু বৈশদ্যারুচিহরত্বসৌগন্ধ্যাদিগুণাঃ প্রসিদ্ধা এব| নাবনাদীনাং তাম্বূলান্তানাং দ্বন্দ্বঃ| ততোঽঞ্জনাদনন্তরং, নাবনগণ্ডূষধূমতাম্বূলানি ভজতে যঃ স এবংবিধো ভবেত্| 'ভজো ণ্বিঃ' ইতি ণ্বিঃ|
আযুর্বেদরসাযনম্ ব্যাখ্যা ( কৃত)
আ০ র০-নস্যাদীন্ বিধত্তে-তত ইতি| ততোঽঞ্জনাদনন্তরং, ক্রমেণ নাবনাদীন্ ভজেত্| উক্তং হি সঙ্গ্রহে (সূ. অ. ৩)- "অণুতৈলং ততো নস্যং ততো গণ্ডূষধারণম্| ঘনোন্নতপ্রসন্নত্বক্স্কন্ধগ্রীবাঽঽস্যবক্ষসঃ|| সুগন্ধিবদনাঃ স্নিগ্ধনিস্বনা বিমলেন্দ্রিযাঃ| নির্বলীপলিতব্যঙ্গা ভবেযুর্নস্যশীলিনঃ" ইতি| গণ্ডূষশ্চ স্নেহকষাযোষ্ণোদকৈঃ ক্রমাত্ কার্যঃ| উক্তং হি সঙ্গ্রহে (সূ. অ. ৩)- "ওষ্ঠস্ফুটনপারুষ্যমুখশোষদ্বিজামযাঃ| ন স্যুঃ স্বরোপঘাতাশ্চ স্নেহগণ্ডূষধারণাত্|| খদিরক্ষীরবৃক্ষারিমেদাম্বুকবলগ্রহঃ| অরোচকাস্যবৈরস্যমলপুতিপ্রসেকজিত্|| সুখোষ্ণোদকগণ্ডূষৈর্জাযতে বক্ত্রলাঘবম্| প্রাযোগিকং ততো ধূমং গন্ধমাল্যাদি চাচরেত্| ধূমপস্যোর্ধ্বজত্রূত্থা ন স্যুর্বাতকফামযাঃ| অঞ্জনোত্ক্লেশিতং নস্যৈঃ কবলৈর্নাবনেরিতম্| ধূমেন কবলোত্ক্লিষ্টং ক্রমাদ্বাতকফং জযেত্" ইতি| তাম্বূলং তু জাতীফলাদিযুক্তম্| উক্তং হি সঙ্গ্রহে (সূ. অ. ৩)- "রুচিবৈশদ্যসৌগন্ধ্যমিচ্ছন্বক্ত্রেণ ধারযেত্| জাতীলবঙ্গকর্পূরকঙ্কোলকটুকৈঃ সহ|| কটুকং-লতাকস্তূরিকাফলম্| তাম্বূলীনাং কিসলযং হৃদ্যং পূগফলান্বিতম্" ইতি|
Adhikarana তাম্বূলনিষেধঃ (৭) · Śloka ৭
যেষাং তু তাম্বূলমপথ্যং, তানাহ তাম্বূলং ক্ষতপিত্তাস্ররূক্ষোত্কুপিতচক্ষুষাম্|
বিষমূর্চ্ছামদার্তানামপথ্যং শোষিণামপি||৭||
View original
येषां तु ताम्बूलमपथ्यं, तानाह ताम्बूलं क्षतपित्तास्ररूक्षोत्कुपितचक्षुषाम्|
विषमूर्च्छामदार्तानामपथ्यं शोषिणामपि||७||
Show commentary
সর্বাঙ্গসুন্দরী ব্যাখ্যা ( কৃত)
স০-ক্ষতং বিদ্যতে যেষাং তে ক্ষতাঃ| অর্শ আদিত্বাদচ্| এবং পিত্তাস্রা রূক্ষাশ্চ| উত্কুপিতমভিষ্যন্নং চক্ষুরেকং দ্বে বা যেষাং ত এবম্| ক্ষতাশ্চ পিত্তাস্রাশ্চ রূক্ষাশ্চোত্কুপিতচক্ষুষশ্চ, তেষামপথ্যমহিতম্| তথা বিষার্তানাং মূর্চ্ছার্তানাং মদার্তানাং শোষিণাং চ, ইত্যপিশব্দস্যার্থঃ| শোষিণো- রাজযক্ষ্মিণঃ|
আযুর্বেদরসাযনম্ ব্যাখ্যা ( কৃত)
আ০ র০-ক্ষতাদৌ তাম্বূলং নিষেধতি-তাম্বূলমিতি| ক্ষতংক্ষতকাসঃ| পিত্তাস্রং-রক্তপিত্তম্| রূক্ষো-নিঃস্নেহাঙ্গঃ| উত্কুপিতচক্ষুঃ-অভিষ্যন্দাখ্যোঽক্ষিরোগঃ| শোষো-মুখশোষো রাজযক্ষ্মা চ| উক্তং হি সুশ্রুতে (চি. অ. ২৪/২৪)-"রক্তপিত্তক্ষতক্ষীণতৃষ্ণামূর্চ্ছাপরীতিনাম্| রূক্ষদুর্বলমত্তানাং ন হিতং মুখশোষিণাম্||" ইতি| তাম্বূলং সুপ্তোত্থিতাদৌ তু পথ্যম্| উক্তং হি সঙ্গ্রহে (সূ. অ. ৩)-"পথ্যং সুপ্তোত্থিতে ভুক্তে স্নাতে বান্তে চ মানবে| দ্বিপত্রমেকং পূগং চ সচূর্ণখদিরং চ তত্" ইতি|
Adhikarana অভ্যঙ্গঃ (৮) · Śloka ৮
তদেতত্সর্বং বিধায, ভোজনাসন্নে কালেঽভ্যঙ্গ আচরণীয ইত্যাহ অভ্যঙ্গমাচরেন্নিত্যং, স জরাশ্রমবাতহা|
দৃষ্টিপ্রসাদপুষ্ট্যাযুঃস্বপ্নসুত্বক্ত্বদার্ঢ্যকৃত্||৮||
View original
तदेतत्सर्वं विधाय, भोजनासन्ने कालेऽभ्यङ्ग आचरणीय इत्याह अभ्यङ्गमाचरेन्नित्यं, स जराश्रमवातहा|
दृष्टिप्रसादपुष्ट्यायुःस्वप्नसुत्वक्त्वदार्ढ्यकृत्||८||
Show commentary
সর্বাঙ্গসুন্দরী ব্যাখ্যা ( কৃত)
স০-অভ্যঙ্গং নিত্যং সততমাচরেত্| নিত্যগ্রহণং চোপলক্ষণার্থম্| একদ্বিত্রিদিনান্তরমপি যথোদিতমাচরতো ন দোষঃ| সোঽভ্যঙ্গঃ, আচর্যমাণো জরা চ শ্রমশ্চ বাতশ্চ তান্ হন্তীতি ক্বিপ্| তথা দৃষ্টীত্যাদি| দৃষ্টেঃ প্রসাদো- বৈমল্যং দৃষ্টিপ্রসাদঃ| শোভনা চাসৌ ত্বক্ চ সুত্বক্, তস্যা ভাবঃ সুত্বক্ত্বম্| দৃঢস্য ভাবো দার্ঢ্যম্| "বর্ণদৃঢাদিভ্যঃ ষ্যঞ্চ" ইতি ষ্যঞ্| দৃষ্টিপ্রসাদাদীনাং দ্বন্দ্বঃ| তানি করোতি যোঽভ্যঙ্গঃ, স এবম্|
আযুর্বেদরসাযনম্ ব্যাখ্যা ( কৃত)
আ০ র০-অভ্যঙ্গং বিধত্তে-অভ্যঙ্গমিতি| স চোত্পন্নাযাং ক্ষুধি বিধেযঃ| তদা হি শুদ্ধস্রোতস্তযা রোমকূপৈঃ স্নেহো দেহং ব্যাপ্নোতি, তং চোষ্মা পচতি| উক্তং চ সঙ্গ্রহে (সূ. অ. ৩)- "অথ জাতান্নপানেচ্ছো মারুতঘ্নৈঃ সুগন্ধিভিঃ| যথর্তুসংস্পর্শসুখৈস্তৈলৈরভ্যঙ্গমাচরেত্||" ইতি| অভ্যঙ্গফলমাহ- স ইতি| সোঽভ্যঙ্গঃ , জরাদীন্ হন্তি, দৃষ্টিপ্রসাদাদীংশ্চ করোতি| সুত্বক্ত্বং-নির্মলনির্বলীকত্বং ত্বচঃ| সঙ্রহে তু (সূ.অ. ৩)- "রথাক্ষচর্মঘটবদ্ভবন্ত্যভ্যঙ্গতো গুণাঃ| স্পর্শনেঽভ্যধিকো বাযুঃ স্পর্শনং চ ত্বগাশ্রিতম্|| ত্বচ্যশ্চ পরমভ্যঙ্গো যস্মাত্তং শীলযেদতঃ "| ইতি|
Adhikarana শিরাদৌ বিশেষেণ শীলনম্ (৯) · Śloka ৯
শিরঃশ্রবণপাদেষু তং বিশেষেণ শীলযেত্|
|৯|
View original
शिरःश्रवणपादेषु तं विशेषेण शीलयेत्|
|९|
Show commentary
সর্বাঙ্গসুন্দরী ব্যাখ্যা ( কৃত)
স০-তমভ্যঙ্গম্, শিরঃশ্রবণপাদেষু, বিশেষেণাতিশযেন, শীলযেদভ্যসেত্, ইতি বচনাচ্চাবশ্যং ন তথা সর্বশরীরেঽভ্যঙ্গঃ কার্যঃ, যথৈতেষু শিরঃশ্রবণপাদেষু| অত্র চ পূর্ববদেকত্বাভাবঃ|
আযুর্বেদরসাযনম্ ব্যাখ্যা ( কৃত)
আ০ র০-অভ্যঙ্গাভ্যাসং বিধত্তে-শির ইতি| তমভ্যঙ্গং, শীলযেদভ্যসেত্ সর্বেষ্বঙ্গেষু, বিশেষান্মূর্ধকর্ণাঙ্ঘ্রিষু| একস্মিন্নেব প্রযোগে পুনঃ পুনঃ যোজনমভ্যাসঃ| প্রত্যহং প্রযোগাভ্যাসস্তু নিত্যমিত্যনেনৈবোক্তঃ| সঙ্গ্রহে (সূ. অ. ৩) তু-"স কেশ্যঃ শীলিতো মূর্ধ্নি কপালেন্দ্রিযতর্পণঃ| হনুমন্যাশিরঃকর্ণশূলঘ্নং কর্ণপূরণম্|| পাদাভ্যঙ্গস্তু তত্স্থৈর্যনিদ্রাদ্দষ্টিপ্রসাদকৃতু| পাদসুপ্তিশ্রমস্তম্ভসঙ্কোচস্ফুটনপ্রণুত্||" ইতি|
Adhikarana অভ্যঙ্গনিষেধঃ (৯) · Śloka ৯
অথেতদপবাদমাহ |
বর্জ্যোঽভ্যঙ্গঃ কফগ্রস্তকৃতসংশুদ্ধ্যজীর্ণিভিঃ||৯||
View original
अथेतदपवादमाह |
वर्ज्योऽभ्यङ्गः कफग्रस्तकृतसंशुद्ध्यजीर्णिभिः||९||
Show commentary
সর্বাঙ্গসুন্দরী ব্যাখ্যা ( কৃত)
স০-অভ্যঙ্গো বর্জ্যো- বর্জনীযঃ| কফগ্রস্তেন কৃতসংশুদ্ধিনা অজীর্ণিনা চ| গ্রস্তগ্রহণমতিশযপ্রতিপাদনার্থম্|
আযুর্বেদরসাযনম্ ব্যাখ্যা ( কৃত)
আ০ র০-অভ্যঙ্গং কফগ্রস্তাদৌ নিষেধতি-বর্জ্য ইতি| কফগ্রস্তঃ-অতিবৃদ্ধশ্লেষ্মা, কৃতসংশুদ্ধিঃ-কৃতবমনবিরেকঃ, অজীর্ণী চ, অভ্যঙ্গং বর্জযেত্| কৃতসংশুদ্ধেস্তদহরেব নিষিদ্ধঃ| উক্তং হি সুশ্রুতে (চি. অ. ২৪/৩৬)- "তরুণজ্বর্যজীর্ণী চ নাভ্যক্তব্যঃ কথঞ্চন| তথা বান্তো বিরিক্তশ্চ নিরূঢো যশ্চ মানবঃ|| পূর্বযোঃ কৃচ্ছ্রতা ব্যাধ্যোরসাধ্যত্বমথাপি বা|| শেষাণাং তদহঃ প্রোক্তা অগ্নিসাদাদযো গদাঃ||" ইতি|
Adhikarana ব্যাযামঃ (১০) · Śloka ১০
লাঘবং কর্মসামর্থ্যং দীপ্তোঽগ্নির্মেদসঃ ক্ষযঃ|
বিভক্তঘনগাত্রত্বং ব্যাযামাদুপজাযতে||১০||
View original
लाघवं कर्मसामर्थ्यं दीप्तोऽग्निर्मेदसः क्षयः|
विभक्तघनगात्रत्वं व्यायामादुपजायते||१०||
Show commentary
সর্বাঙ্গসুন্দরী ব্যাখ্যা ( কৃত)
স০-শরীরাযাসজননং কর্ম ব্যাযাম উচ্যতে| তস্মাত্পঞ্চগুণাঃ লাঘবাদযো নিষ্পদ্যন্তে| বিভক্তানি-বিভাগেন স্থিতানি, ঘনানি- দৃঢানি, গাত্রাণি যস্য স বিভক্তঘনগাত্রঃ, তস্য ভাবস্তত্ত্বমিতি|
আযুর্বেদরসাযনম্ ব্যাখ্যা ( কৃত)
আ০ র০-ইষ্টসাধনত্বকথনদ্বারা ব্যাযামং বিধত্তে-লাঘবমিতি| ব্যাযামাত্ লাঘবাদ্যুপজাযতে| তস্মাত্তং কুর্যাদিত্যর্থসিদ্ধম্| বিভক্তঘনগাত্রত্বং-সুসন্নিবিষ্টনিবিডাবযবত্বম্| আযাসমাত্রফলং শারীরং কর্ম ব্যাযামঃ|উক্তং হি সঙ্গ্রহে (সূ. অ. ৩)- "শরীরাযাসজনকং কর্ম ব্যাযাম উচ্যতে" ইতি| তচ্চ নিযুদ্ধাদি| তচ্চাভ্যক্তগাত্রৈঃ ক্রিযতে, ইত্যভ্যঙ্গানন্তরমুক্তম্| বক্ষ্যতি হি (সূ. অ. ৩/১০)- "বাতঘ্নতৈলৈরভ্যঙ্গং মূর্ধতৈলং বিমর্দনম্| নিযুদ্ধং কুশলৈঃ সার্ধং পাদাঘাতং চ যুক্তিতঃ" ইতি|
Adhikarana ব্যাযাম নিষেধঃ (১১) · Śloka ১১
ইদানীং যেনাসৌ ন কার্যস্তং দর্শযতি বাতপিত্তামযী বালো বৃদ্ধোঽজীর্ণো চ তং ত্যজেত্|
|১১|
View original
इदानीं येनासौ न कार्यस्तं दर्शयति वातपित्तामयी बालो वृद्धोऽजीर्णो च तं त्यजेत्|
|११|
Show commentary
সর্বাঙ্গসুন্দরী ব্যাখ্যা ( কৃত)
স০-বাতপিত্তামযী, বালঃ- আষোডশাদ্বর্ষাত্, বৃদ্ধঃ- সপ্ততেরূর্ধ্বম্, অজীর্ণী চ, তং জহ্যাত্|
আযুর্বেদরসাযনম্ ব্যাখ্যা ( কৃত)
আ০ র০-বাতরোগাদৌ ব্যাযামং নিষেধতি-বাতপিত্তামযীতি| তং-ব্যাযামম্|
Adhikarana ব্যাযামমাত্রা,ব্যাযামকালঃ (১১-১২) · Śloka ১২
|
অর্ধশক্ত্যা নিষেব্যস্তু বলিভিঃ স্নিগ্ধভোজিভিঃ||১১||
শীতকালে বসন্তে চ, মন্দমেব ততোঽন্যদা|
|১২|
View original
|
अर्धशक्त्या निषेव्यस्तु बलिभिः स्निग्धभोजिभिः||११||
शीतकाले वसन्ते च, मन्दमेव ततोऽन्यदा|
|१२|
Show commentary
সর্বাঙ্গসুন্দরী ব্যাখ্যা ( কৃত)
স০-তুরবধারণে| বলবদ্ভিঃ পুরুষৈঃ স্নিগ্ধভোজিভিরর্ধশক্ত্যৈব নিষেব্যো ব্যাযামঃ| প্রাক্ শ্রমাদ্বাযামবর্জনং কার্যমিত্যর্থঃ| কদাসৌ বিধাতব্যঃ ? ইত্যাহ- শীতকাল ইতি| হেমন্তে শিশিরে বসন্তে চ সেব্যঃ| শীতর্তুবসন্তাভ্যামন্যদা মন্দমেব সেব্যঃ| মন্দমিতি ক্রিযাবিশেষণম্| ক্রিযাবিশেষণানাং চ কর্মত্বমেকত্বং নপুংসকত্বং চ বক্তব্যমিতি|
আযুর্বেদরসাযনম্ ব্যাখ্যা ( কৃত)
আ০ র০-ব্যাযামমাত্রামাহ-অর্ধশক্ত্যেতি| অর্ধশক্ত্যা ব্যাযামো নিষেব্যঃ| কিং সর্বৈঃ? নেত্যাহ-বলিভিরিতি| বলিভিঃ স্নিগ্ধভোজিভিরিতি মিলিতং বিশেষণম্| কিং সর্বদা? নেত্যাহ-শীতকাল ইতি| শীতকালে-হেমন্তশিশিরযোঃ| অন্যদা তু ততোঽর্ধশক্তের্মন্দমল্পমাত্রং নিষেব্যঃ| অন্যদেত্যন্যস্যামবস্থাযাং অন্যস্মিংশ্চ ঋতৌ| অন্যাবস্থা-বলিত্বস্নিগ্ধভোজিত্ববিপর্যযঃ| অন্যর্তুঃ- গ্রীষ্মাদিত্রযম্| এব শব্দেন মন্দত্ববিষযে অর্ধশক্তের্ন প্রবেশঃ,অর্ধশক্তিবিষযে তু মন্দত্বপ্রবেশোঽস্তীতি দ্যোত্যতে|অর্ধশক্তিলক্ষণম্ সুশ্রুতেনোক্তম্ (চি. অ. ২৪/৪৩)- "হৃদি স্থানস্থিতো বাযুর্যদা বক্রং প্রপদ্যতে| ব্যাযামং কুর্বতো জন্তোস্তদ্বলার্ধস্য লক্ষণম্ " ইতি|
Adhikarana দেহমর্দনম্ (১২) · Śloka ১২
|
তং কৃত্বাঽনুসুখং দেহং মর্দযেচ্চ সমন্ততঃ||১২||
View original
|
तं कृत्वाऽनुसुखं देहं मर्दयेच्च समन्ततः||१२||
Show commentary
সর্বাঙ্গসুন্দরী ব্যাখ্যা ( কৃত)
স০-তং- ব্যাযামং, কৃত্বা, অনুসুখং- যথা শরীরে বাধা ন স্যাত্তথা, দেহং মর্দযেত্| সমন্ততঃ- পরিতঃ|
আযুর্বেদরসাযনম্ ব্যাখ্যা ( কৃত)
আ০ র০ - মর্দনং বিধত্তে-তং কৃত্বেতি| অনুসুখং-সুখানতিক্রমেণ| সমন্ততঃ-সর্বাঙ্গেষু| অতিব্যাযামদোষকথনাত্পূর্বং মর্দনবিধানং মর্দনস্য ব্যাযামাঙ্গত্বখ্যাপনার্থম্| অঙ্গত্বং চোক্তমেব, তং কৃত্বেতি| অত এবোক্তং সুশ্রুতব্যাখ্যাযাং জৈজ্জটেন-"মর্দনমপি ব্যাযামান্তঃপাত্যেব" ইতি| তচ্চ বিশেষাত্পদ্ভ্যাম্| উক্তং হি সুশ্রুতেন (চি. অ. ২৪/৪৩)- "ব্যাযামস্বিন্নগাত্রস্য পদ্ভ্যামুদ্বর্তিতস্য চ|| ব্যাধযো নোপসর্পন্তি সিংহং ক্ষুদ্রমৃগা ইব||" ইতি|
Adhikarana অতিব্যাযামনিষেধঃ (১৩) · Śloka ১৩
তৃষ্ণা ক্ষযঃ প্রতমকো রক্তপিত্তং শ্রমঃ ক্লমঃ|
অতিব্যাযামতঃ কাসো জ্বরশ্ছর্দিশ্চ জাযতে||১৩||
View original
तृष्णा क्षयः प्रतमको रक्तपित्तं श्रमः क्लमः|
अतिव्यायामतः कासो ज्वरश्छर्दिश्च जायते||१३||
Show commentary
সর্বাঙ্গসুন্দরী ব্যাখ্যা ( কৃত)
স০-অতিব্যাযামাত্তৃষ্ণাদযো ভবন্তি| তৃষ্ণেতি পৃথক্ পদম্| (তেন তৃষ্ণাদীনাং পদানামকৃতসমাসানাং নির্দেশো দোষদেশাদ্যনুরোধেনৈকস্য দ্বযোস্ত্রিচতুরাণাং বহুতরাণাং সর্বেষাং চাতি ব্যাযামব্যাপত্ত্বদ্যোতনার্থঃ|) অতিব্যাযামপ্রসঙ্গেনাতিজাগরাদীনামপি ব্যাপদো দর্শযতি-
আযুর্বেদরসাযনম্ ব্যাখ্যা ( কৃত)
আ০ র০-ব্যাযামপ্রমাণাতিক্রমে দোষমাহ-তৃষ্ণেতি| ক্ষযো-রাজযক্ষ্মা| প্রতমকঃ-তমকশ্বাসভেদঃ| শ্রমঃ-কর্মেন্দ্রিযাণাং স্বব্যাপারাক্ষমত্বম্, ক্লমো-বুদ্ধীন্দ্রিযাণাম্|
Adhikarana অতিব্যাযামাদিনা ব্যাপদঃ (১৪) · Śloka ১৪
ব্যাযামজাগরাধ্বস্ত্রীহাস্যভাষ্যাদি সাহসম্|
গজং সিংহ ইবাকর্ষন্ ভজন্নতি বিনশ্যতি||১৪||
View original
व्यायामजागराध्वस्त्रीहास्यभाष्यादि साहसम्|
गजं सिंह इवाकर्षन् भजन्नति विनश्यति||१४||
Show commentary
সর্বাঙ্গসুন্দরী ব্যাখ্যা ( কৃত)
স০-ব্যাযামাদীনাং ভাষ্যান্তানাং দ্বন্দ্বঃ| তান্যাদির্যস্য সাহসস্য ধনুরাকর্ষণাদেস্তদেবম্| অযথাবলমারম্ভঃ সাহসম্, তদ্ভজন্সেবমানো বিনশ্যতি| ক ইব ? সিংহ ইব, সিংহো বিক্রমবানপ্যতিবলং গজপতিং মহাবর্ষ্মাণমাকর্ষন্নাক্রামন্ যথা বিনশ্যতি, তথাঽযথাবলমারব্ধেন ব্যাযামাদিনা নরো মার্যত ইতি|
আযুর্বেদরসাযনম্ ব্যাখ্যা ( কৃত)
আ০ র০-ব্যাযামপ্রসঙ্গাজ্জাগরাদীনাং যথোক্তপ্রমাণাতিক্রমে দোষমাহ-ব্যাযামেতি| গজমাকর্ষন্ সিংহ ইব| যতঃসাহসতঃ| অযথাবলমারম্ভঃ সাহসম্| ন হি ব্যাযামাদ্যতিভজনপর্যাপ্তং পুংসাং বলমস্তি| অধ্বস্ত্রীশব্দাভ্যাং গমনসম্ভোগো লক্ষ্যেতে| আদিশব্দেন ধনুরাকর্ষণাদি|
Adhikarana উদ্বর্তনগুণাঃ (১৫) · Śloka ১৫
উদ্বর্তনং কফহরং মেদসঃ প্রবিলাযনম্|
স্থিরীকরণমঙ্গানাং ত্বক্প্রসাদকরং পরম্||১৫||
View original
उद्वर्तनं कफहरं मेदसः प्रविलायनम्|
स्थिरीकरणमङ्गानां त्वक्प्रसादकरं परम्||१५||
Show commentary
সর্বাঙ্গসুন্দরী ব্যাখ্যা ( কৃত)
স০-উদ্বর্তনস্য কফহরাদযশ্চত্বারো গুণাঃ|
আযুর্বেদরসাযনম্ ব্যাখ্যা ( কৃত)
আ০ র০-ইষ্টসাধনত্বকথনদ্বারোদ্বর্তনং বিধত্তে-উদ্বর্তনমিতি| উদ্বর্তনং কফহরণাদিগুণম্| অতঃ কুর্যাদিত্যর্থসিদ্ধম্| প্রবিলাযনং-দ্রবীকরণম্| দ্রবীকৃত্য মেদসঃ শোষণমিত্যর্থঃ| উদ্বর্তনং-কষাযাদিচূর্ণৈর্গাত্রোদ্ধর্ষণম্|
Adhikarana স্নানগুণাঃ (১৬) · Śloka ১৬
দীপনং বৃষ্যমাযুষ্যং স্নানমূর্জাবলপ্রদম্|
কণ্ডূমলশ্রমস্বেদতন্দ্রাতৃড্দাহপাপ্মজিত্||১৬||
View original
दीपनं वृष्यमायुष्यं स्नानमूर्जाबलप्रदम्|
कण्डूमलश्रमस्वेदतन्द्रातृड्दाहपाप्मजित्||१६||
Show commentary
সর্বাঙ্গসুন্দরী ব্যাখ্যা ( কৃত)
স০-স্নানং দীপনং বৃষ্যামাযুষ্যং চ ভবতি| ঊর্জা- উত্সাহঃ, বলং- প্রাণঃ, এতে প্রদদাতি- করোতি যত্তদেবম্| কণ্ড্বিত্যাদি| কণ্ড্বাদীনাং দ্বন্দ্বঃ| এতান্ জযতি| স্নানস্য প্রভাবাদাযুষ্যত্ববৃষ্যত্বদীপনত্বানি বোদ্দব্যানি| অথবা স্নানেন প্রহর্ষো ভবতি, প্রহর্ষণত্বাচ্চ বৃষ্যত্বম্| তথা চ বক্ষ্যতি (উ.অ.৪০/৩৫)- "যত্কিঞ্চিন্মধুরং স্নিগ্ধং বৃংহণং বলবর্ধনম্| মনসো হর্ষণং যচ্চ তত্সর্বং বৃষ্যমুচ্যতে" ইতি| তথা, স্নানং জাঠরাগ্নের্বহির্নির্গতানি রোমকূপাশ্রিতান্যর্চীংষি রুদ্ধ্বাঽন্তর্নযতি, ততশ্চাগ্নেঃ প্রবলত্বং কুর্বদ্ দীপনং সম্পদ্যতে| যথা- শীতকালে শীতানিলস্পর্শসংরুদ্ধস্য জাঠরাগ্নেঃ প্রবলত্বম্| বালাদিত্যস্তু ব্যাচক্ষিষ্ট "স্নানেন ভ্রাজকাখ্যং ত্বগাশ্রিতং পিত্তমন্তঃ প্রবিশদূষ্মাণং সংবর্ধযতি, তেন তদ্দীপনম্"| অত এব পরিষেকে জলমুষ্ণমিষ্যতে| যস্মাচ্ছীতং নির্বাপযতি তেজো ন দেহস্যান্তঃ প্রবেশযতি| শীতকালে তু যচ্ছীতানিলস্পর্শসংরুদ্ধস্যাগ্নেঃ প্রবলত্বং তত্কাল এবং তস্মিন্, কালস্বাভাব্যাদিতি বোদ্ধব্যম্| তথা চান্যর্তৌ শীতে সতি মন্দাগ্নিত্বমেব দৃশ্যতে| যথা- বর্ষাসু| অগ্নিমান্দ্যাদেবাত্র হি বহ্নিসন্ধুক্ষণং ভোজনং সমুপদিষ্টম্| তথা চ মুনিঃ (চ.সূ.অ.৬/৩৬)- "ব্যক্তাম্ললবণস্নেহং বাতবর্ষাকুলেঽহনি| বিশেষশীতে ভোক্তব্যং বর্ষাস্বনিলশান্তযে" ইতি|
আযুর্বেদরসাযনম্ ব্যাখ্যা ( কৃত)
আ০ র০-ইষ্টসাধনত্বকথনদ্বারা স্নানং বিধত্তে-দীপনমিতি| স্নানং দীপনত্বাদিগুণম্| অতঃ কুর্যাদিত্যর্থসিদ্ধম্| দীপনং প্রভাবাত্| কেচিদত্র যুক্তিমাহুঃ-"বাহ্যোঽঙ্গসেকৈঃ শীতাদ্যৈরূষ্মাঽন্তর্যাতি পীডিতঃ| নরস্য স্নাতমাত্রস্য দীপ্যতে তেন পাবকঃ||" ইতি| বৃষ্যং-বৃষায স্ত্রীপ্রসঙ্গিনে হিতং, শুক্রবর্ধনমিত্যর্থঃ| ঊর্জোত্সাহঃ| মলস্ত্বগুপলেপঃ| মনঃকর্মেন্দ্রিযব্যাপারে সতি বুদ্ধীন্দ্রিযোপরমস্তন্দ্রা| দহ্যমানবত্ দুঃখং দাহঃ| পাপ্মা-পাপম্|
Adhikarana উষ্ণশীতাম্বুস্নানবিষযঃ (১৭) · Śloka ১৭
উষ্ণাম্বুনাঽধঃকাযস্য পরিষেকো বলাবহঃ|
তেনৈব তূত্তমাঙ্গস্য বলহৃত্কেশচক্ষুষাম্||১৭||
View original
उष्णाम्बुनाऽधःकायस्य परिषेको बलावहः|
तेनैव तूत्तमाङ्गस्य बलहृत्केशचक्षुषाम्||१७||
Show commentary
সর্বাঙ্গসুন্দরী ব্যাখ্যা ( কৃত)
স০-উষ্ণাম্বুনা অধঃকাযস্য পরিষেকো বলাবহঃ- প্রাণকৃত্| তেনৈবোষ্ণোদকেনৈব, উত্তমাঙ্গস্য- শিরসঃ, পরিষেকো বিধীযমানঃ কেশচক্ষুষাং বলহৃত্| প্রাণ্যঙ্গানাং সমাহার এব দ্বন্দ্ব ইত্যস্য প্রাযিকত্বাত্কেশচক্ষুষামিত্যুপপন্নমেব|
আযুর্বেদরসাযনম্ ব্যাখ্যা ( কৃত)
আ০ র০-উষ্ণশীতভেদভিন্নস্য স্নানস্য বিষযমাহ-উষ্ণাম্বুনেতি| উষ্ণাম্বুনা যঃ পরিষেকঃ, সোঽধঃকাযস্য বলাবহঃ| স এবোত্তমাঙ্গস্যোর্ধ্বকাযস্য কেশানাং চক্ষুষোশ্চ বলহৃত্| তস্মাত্কেশচক্ষুর্বলার্থিভিঃ শীতেন বারিণা স্নাতব্যম্, ইতরৈরুষ্ণেন, ইত্যর্থসিদ্ধম্| ন ত্বেকস্মিন্ স্নানে শীতোষ্ণযোঃ প্রযোগঃ, ক্রিযাসঙ্করদোষাপত্তে| সঙ্গ্রহে (সূ. অ. ৩) তু-"নানাপ্লুত্য শিরঃ স্নাযান্ন জলেঽল্পে ন শীতলে|" ইতি|
Adhikarana স্নাননিষেধঃ (১৮) · Śloka ১৮
স্নানং যেষামপথ্যম্, তান্ দর্শযিতুমাহ স্নানমর্দিতনেত্রাস্যকর্ণরোগাতিসারিষু|
আধ্মানপীনসাজীর্ণভুক্তবত্সু চ গর্হিতম্||১৮||
View original
स्नानं येषामपथ्यम्, तान् दर्शयितुमाह स्नानमर्दितनेत्रास्यकर्णरोगातिसारिषु|
आध्मानपीनसाजीर्णभुक्तवत्सु च गर्हितम्||१८||
Show commentary
সর্বাঙ্গসুন্দরী ব্যাখ্যা ( কৃত)
স০-নেত্রে চাস্যং চ কর্ণৌ চ তত্র রোগাঃ| অর্দিতং চ নেত্রাস্যকর্ণরোগাশ্চাতিসারশ্চ তে বিদ্যন্তে যেষাং ত এবম্| তেষু গর্হিতমহিতম্| এবং শেষেষু যোজ্যম্| আধ্মানাদীনাং দ্বন্দ্বস্ততো মতুপ্| তেন আধ্মানবত্সু গর্হিতমিতি যোজ্যম্| এবং শেষেষ্বপি|
আযুর্বেদরসাযনম্ ব্যাখ্যা ( কৃত)
আ০ র০-অর্দিতাদৌ স্নানং নিষেধতি-স্নানমিতি| অর্দিতঃ-একাযামঃ| আধ্মানমুদরাপূরণম্| ভুক্তবান্-কৃতভোজনঃ| গর্হিতং-নিষিদ্ধম্|
Adhikarana জীর্ণে হিতভোজনম্বেগোদীর্ণধারণনিষেধঃ ব্যাধ্যুপেশ্চানিষেধঃ (১৯) · Śloka ১৯
জীর্ণো হিতং মিতং চাদ্যান্ন বেগানীরযেদ্বলাত্|
ন বেগিতোঽন্যকার্যঃ স্যান্নাজিত্বা সাধ্যমামযম্||১৯||
View original
जीर्णो हितं मितं चाद्यान्न वेगानीरयेद्बलात्|
न वेगितोऽन्यकार्यः स्यान्नाजित्वा साध्यमामयम्||१९||
Show commentary
সর্বাঙ্গসুন্দরী ব্যাখ্যা ( কৃত)
স০-জীর্ণে- সম্যক্পরিণতে পূর্ব আহারে, অদ্যাত্- ভুঞ্জীত| কিমদ্যাত্ ? হিতং- পথ্যম্| মিতং- মাত্রযা যুক্তম্| পথ্যমপি হ্যতিমাত্রং হীনমাত্রং বা ভুক্তং দোষায স্যাত্, অতো মিতম্| ন বেগানিত্যাদি| বাতবিণ্মূত্রাদীনাং সম্বন্ধিনো বেগাননুন্মুখীভূতান্ বলান্নৈরযেন্ন প্রবর্তযেত্| ন বেগিত ইত্যাদি| সঞ্জাতবাতবিণ্মূত্রবেগস্তমকৃত্বা নান্যকার্যঃ স্যাত্| নান্যত্কার্যং কুর্যাদিত্যর্থঃ| নাজিত্বেত্যাদি| সাধযিতুং শক্যঃ সাধ্যঃ, তং রোগমজিত্বা নান্যকার্যঃ স্যাদিতি যোজ্যম্| স হ্যুপেক্ষিতো দুঃসাধ্যোঽসাধ্যো বা স্যাত্| সাধ্যশব্দোপাদানাদসাধ্যামযং প্রতি যত্নো ন কার্যঃ, চিকিত্সানৈষ্ফল্যাদিতি দ্যোতযতি|
আযুর্বেদরসাযনম্ ব্যাখ্যা ( কৃত)
আ০ র০-ভোজনং বিধত্তে-জীর্ণ ইতি| হ্যস্তনে জীর্ণেঽন্নে সতি, অদ্যাত্-ভুঞ্জীত| কিম্ ? হিতং,-দেশকালাদ্যুচিতম্, মিতং-যথোক্তমাত্রম্| ননু, বিহারেষ্বাহারস্যোক্তিরপ্রস্তুতা| মৈবম্| ক্রিযাপ্রাধান্যাদ্বিহারত্বমাহারস্য| ক্রিযাপ্রধানো হি বিহারঃ, ক্রিযাদ্রব্যপ্রধান আহারঃ, অযমেব বিহারাহারযোর্ভেদঃ, ক্রিযাদ্রব্যযোরুভযত্র ভাবাত্| সঙ্গ্রহে (সূ. অ. ৩) তু-"অন্নপানবিধানেন ভুঞ্জীতান্নং বিনাঽত্যযাত্| অভিনন্দ্য প্রসন্নাত্মা হুত্বা দত্ত্বা চ শক্তিতঃ|| পাকং সজলমেকান্তে যথাসুখমিতি ব্রুবন্| প্রযচ্ছেত্সর্বমুদ্দিশ্য পাচযেন্নান্নমাত্মনে| নান্নমদ্যান্মূমূর্ষূণাং মৃতানাং দুঃখজীবিনাম্| স্ত্রীজিতক্লীবপতিতক্রূরদুষ্কর্মকারিণাম্|| গণারিগণিকাসত্রধূর্তানাং পণিনাং ন চ| নোত্সঙ্গে ভক্ষযেদ্ভক্ষ্যান্ জলং নাঞ্জলিনা পিবেত্|| সর্বং চ তিলসম্বদ্ধং নাদ্যাদস্তমিতে রবৌ|| ন ভুক্তমাত্র আযস্যেন্ন নিষিদ্ধং ভজেত্সুখম্||" ইতি| এবং প্রবোধাদযো ভোজনান্তা বদ্ধক্রমা বিহারা উক্তাঃ| তাংশ্চাবশ্যকর্তব্যান্মন্যমানেষু নরেষু বেগোদীরণবেগধারণব্যাধ্যুপেক্ষাঃ সম্ভাব্যেরন্| অতস্তত্প্রতিষেধং করোতি| তত্র বেগোদীরণং নিষেধতি-ন বেগানিতি| বেগাঃ-বাতবিণ্মূত্রাদযঃ| কিং প্রবর্তমানানপি ন প্রবর্তযেত্ ? নেত্যাহ-বলাত্, অপ্রবৃত্তান্ন প্রবর্তযেদিত্যর্থঃ| বেগধারণং নিষেধতি-ন বেগিত ইতি| বেগিতঃ-সঞ্জাতবেগঃ সন্, অন্যকার্যো ন স্যাদ্বেগানেবোত্সৃজেদিত্যর্থঃ| ব্যাধ্যুপেক্ষাং নিষেধতি-নাজিত্বেতি| আমযমজিত্বাঽন্যকার্যো ন স্যাত্, আমযমেব জযেদিত্যর্থঃ| কিং সর্বম্ ? নেত্যত আহ-সাধ্যম্, অসাধ্যস্তু প্রযত্নবৈযর্থ্যাদুপেক্ষ্য এব| ইতি বদ্ধক্রমবিহারা ব্যাখ্যাতাঃ|
Adhikarana ধর্মপ্রাধান্যম্ (২০) · Śloka ২০
সুখার্থাঃ সর্বভূতানাং মতাঃ সর্বাঃ প্রবৃত্তযঃ|
সুখং চ ন বিনা ধর্মাত্তস্মাদ্ধর্মপরো ভবেত্||২০||
View original
सुखार्थाः सर्वभूतानां मताः सर्वाः प्रवृत्तयः|
सुखं च न विना धर्मात्तस्माद्धर्मपरो भवेत्||२०||
Show commentary
সর্বাঙ্গসুন্দরী ব্যাখ্যা ( কৃত)
স০-সর্বভূতানামশেষপ্রাণিনাং, যস্মাত্সুখার্থাঃ প্রবৃত্তযঃ- কর্মাণি, মতাঃ- অভিপ্রেতাঃ| সুখং চ শর্মাখ্যং, ধর্মাদ্বিনা ন ভবতি, তস্মাত্কারণাত্, ধর্মপরো- ধর্মপ্রধানঃ, স্যাত্| ধর্মাদিতি "পৃথগ্বিনা" ইতি পঞ্চমী|
আযুর্বেদরসাযনম্ ব্যাখ্যা ( কৃত)
আ০ র০-অথাবদ্ধক্রমান্ বিহারান্ ব্যাচষ্টে, তে চ প্রাযেণ ধর্মরূপাঃ| তত্র ধর্মস্যাযুর্বেদাঙ্গত্বে হেতুমাহ-সুখার্থা ইতি| সুখমারোগ্যম্| উক্তং হি চরকে (সূ. অ. ৯/৪)- "সুখসংজ্ঞকমারোগ্যং, বিকারো দুঃখমেব চ" ইতি| যদ্যপি ষোডশাত্মকাচ্চিকিত্সিতাদারোগ্যং, তথাপি ধর্মসহকৃতাদেব| ইতি ধর্মস্যাযুর্বেদাঙ্গত্বম্|
Adhikarana মিত্রামিত্রাণাং স্বীকারপরিত্যাগৌ (২১) · Śloka ২১
ভক্ত্যা কল্যাণমিত্রাণি সেবেতেতরদূরগঃ|
|২১|
View original
भक्त्या कल्याणमित्राणि सेवेतेतरदूरगः|
|२१|
Show commentary
সর্বাঙ্গসুন্দরী ব্যাখ্যা ( কৃত)
স০-কল্যাণে- শুভকর্মণি, মিত্রাণি- সহাযাঃ, উপদেশাদিনা কল্যাণমিত্রাণি, তানি ভক্ত্যা- অদম্ভমতিঃ সন্, ভজেত্| ইতরাণি- কল্যাণমিত্রাপেক্ষযেতরাণি পাপমিত্রাণি, তেভ্যো দূরগস্তদ্বর্জনপরঃ| তত্সঙ্গো হি দৃষ্টাদৃষ্টানর্থকরঃ| দূরগ ইত্যত্র "অন্তাত্যন্তাধ্বদূরপারসর্বানন্তেষু ডঃ" ইতি ডঃ|
আযুর্বেদরসাযনম্ ব্যাখ্যা ( কৃত)
আ০ র০-সন্মিত্রসেবাং বিধত্তে-ভক্ত্যেতি| কল্যাণানি কল্যাণহেতুত্বাত্| ইতরাণ্যকল্যাণানি, তেভ্যো দূরগঃ সন্, কল্যাণানি মিত্রাণী, সেবেত| কযা? ভক্ত্যা| যদ্যপি ভক্তিঃ সেবৈব, তথাপি ফলানুসন্ধাননিবৃত্যর্থমেবমুক্তম্| এবং হি কৃতং কর্ম মহাফলং ভবতি| অত এব বক্ষ্যমাণান্যপি কর্মাণি অবশ্যকর্তব্যবুদ্ধ্যা কর্তব্যানি, ন তু ফলানুসন্ধানেন|
Adhikarana হিংসাদিপাপনিষেধঃ (২১-২২) · Śloka ২২
|
হিংসাস্তেযান্যথাকামং পৈশুন্যং পরুষানৃতে||২১||
সম্ভিন্নালাপং ব্যাপাদমভিধ্যাং দৃগ্বিপর্যযম্|
পাপং কর্মেতি দশধা কাযবাঙ্মনসৈস্ত্যজেত্||২২||
View original
|
हिंसास्तेयान्यथाकामं पैशुन्यं परुषानृते||२१||
सम्भिन्नालापं व्यापादमभिध्यां दृग्विपर्ययम्|
पापं कर्मेति दशधा कायवाङ्मनसैस्त्यजेत्||२२||
Show commentary
সর্বাঙ্গসুন্দরী ব্যাখ্যা ( কৃত)
স০-হিংসা- প্রাণ্যুপঘাতঃ, স্তেযং- চৌর্যম্, অন্যথাকামো- নিষিদ্ধকামসেবা পশুস্ত্রীগুরুদারগমনাদি, এতত্ত্রিবিধং কাযিকং পাপং কর্ম| পৈশুন্যং- পরেষাং ভেদকৃদ্বচনম্, পরুষমমৃদুবচনম্, অনৃতসত্যবচনম্, সম্ভিন্নালাপোঽসম্বদ্ধপ্রলপনম্, চতুর্বিধমেতদ্বাচিকম্| ব্যাপাদঃ- প্রাণ্যুপঘাতচিন্তা, অভিধ্যা- পরগুণাদ্যসহিষ্ণুতা, বিষযস্পৃহা বা. দৃগ্বিপর্যযং- শাস্ত্রদৃষ্টিবৈপরীত্যং নাস্তিকত্বাদি, ত্রিবিধমেতন্মানসম্| তদেতদ্ধিংসাদি দশধা পাপং কর্ম কাযবাঙ্মনসৈস্ত্যজেন্ন কুর্যাদিত্যর্থঃ|
আযুর্বেদরসাযনম্ ব্যাখ্যা ( কৃত)
আ০ র০-পাপং নিষেধতি-হিংসেতি| তচ্চ দশবিধম্| তত্র হিংসা-প্রাণিবধঃ| স্তেযং-প্রাণিবধঃ| স্তেযং-চোর্যম্| অন্যথাকামোঽগম্যাগমনম্| পৈশুন্যং-পরস্যাঽপ্রত্যক্ষং তদ্দোষকীর্তনম্| প্রত্যক্ষং তু পরুষম্| অনৃতমসত্যম্| সম্ভিন্নালাপোঽসত্প্রলাপঃ| ব্যাপাদঃ-পরানিষ্টচিন্তনম্| অভিধ্যা-পরস্বাপহরণেচ্ছা| দৃগ্বিপর্যযঃ-আপ্তবাক্যেষ্বপ্রমাণবুদ্ধিঃ| দৃক্শব্দেনাপ্তদৃষ্টোঽর্থ উচ্যতে|
Adhikarana শক্তিতোঽবৃত্যাদ্যানুবর্তনম্ (২৩) · Śloka ২৩
অবৃত্তিব্যাধিশোকার্তাননুবর্তেত শক্তিতঃ|
|২৩|
View original
अवृत्तिव्याधिशोकार्ताननुवर्तेत शक्तितः|
|२३|
Show commentary
সর্বাঙ্গসুন্দরী ব্যাখ্যা ( কৃত)
স০-ন বিদ্যতে বৃত্তির্যেষাং তানবৃত্তীন্| শক্তিতঃ- যথাসামর্থ্যম্, অনুবর্তেত- অনুকূলং গচ্ছেত্| তথা, ব্যাধিনা শোকেন চার্তাংশ্চ|
আযুর্বেদরসাযনম্ ব্যাখ্যা ( কৃত)
আ০ র০-আর্তানুবৃত্তিং বিধত্তে-অবৃতীতি| অবৃত্তিঃ-জীবনোপাযাভাবঃ| শোকঃ-ইষ্টবিযোগজং দুঃখম্| অনুবর্তেত-আর্তিনিবারণে প্রযতেত|
Adhikarana কীটাদিষ্বাত্মবদ্দর্শনম্ (২৩) · Śloka ২৩
|
আত্মবত্সততং পশ্যেদপি কীটপিপীলিকম্||২৩||
View original
|
आत्मवत्सततं पश्येदपि कीटपिपीलिकम्||२३||
Show commentary
সর্বাঙ্গসুন্দরী ব্যাখ্যা ( কৃত)
স০-কীটান্ পিপীলিকাংশ্চাত্মবত্পশ্যেত্| স্বশরীরতুল্যানিত্যর্থঃ| কিমুত সাধূনসাধূংশ্চ| কীটপিপীলিকমপ্যাত্মবত্পশ্যেদিত্যপিশব্দস্যার্থঃ| কীটপিপীলিকমিতি "ক্ষুদ্রজন্তবঃ" ইত্যেকত্বম্|
আযুর্বেদরসাযনম্ ব্যাখ্যা ( কৃত)
আ০ র০-ভূতদযাং বিধত্তে-আত্মবদিতি| কীটপিপীলিকমপ্যাত্মবত্পশ্যেত্, কিং পুনর্ব্রাহ্মণাদিকম্| "আত্মনঃ প্রতিকূলানি পরেষাং ন সমাচরেত্" ইত্যর্থঃ|||
Adhikarana দেবাদ্যর্চনম্ (২৪) · Śloka ২৪
অর্চযেদ্দেবগোবিপ্রবৃদ্ধবৈদ্যনৃপাতিথীন্|
|২৪|
View original
अर्चयेद्देवगोविप्रवृद्धवैद्यनृपातिथीन्|
|२४|
Show commentary
সর্বাঙ্গসুন্দরী ব্যাখ্যা ( কৃত)
স০-দেবাদীনাং দ্বন্দ্বঃ| দেবাদীনর্চযেত্| বৃদ্ধাঃ- জ্ঞানবৃদ্ধাঃ শীলতপোবৃদ্ধাশ্চ| নৃপো- রাজা| অতিথিঃ- অসমানগ্রামী বৈশ্বদেবান্তে সমুপস্থিতঃ|
আযুর্বেদরসাযনম্ ব্যাখ্যা ( কৃত)
আ০ র০-পূজ্যপূজাং বিধত্তে-অর্চযেদিতি| পূজ্যাশ্চ দেবাদযঃ| বৃদ্ধঃ-শ্রুতাদিভিরাত্মনোঽধিকঃ|
Adhikarana যাচকদ্বেষনিষেধঃ (২৪) · Śloka ২৪
|
বিমুখান্নার্থিনঃ কুর্যান্নাবমন্যেত নাক্ষিপেত্||২৪||
View original
|
विमुखान्नार्थिनः कुर्यान्नावमन्येत नाक्षिपेत्||२४||
Show commentary
সর্বাঙ্গসুন্দরী ব্যাখ্যা ( কৃত)
স০-অর্থিনো- যাচকান্, প্রত্যাখ্যানেন বিমুখান্ন কুর্যাত্| নাবমন্যেত্- নাবমানযেত্| ন চ পরুষবচনাদিনা আক্ষিপেত্- পরিভবেত্|
আযুর্বেদরসাযনম্ ব্যাখ্যা ( কৃত)
আ০ র০-যাচকদ্বেষং নিষেধতি-বিমুখানিতি| স ত্রেধা, বিমুখীকরণম্ অবজ্ঞা পরুপভাষণং চেতি|
Adhikarana পরোপকারঃ (২৫) · Śloka ২৫
উপকারপ্রধানঃ স্যাদপকারপরেঽপ্যরৌ|
|২৫|
View original
उपकारप्रधानः स्यादपकारपरेऽप्यरौ|
|२५|
Show commentary
সর্বাঙ্গসুন্দরী ব্যাখ্যা ( কৃত)
স০-অরৌ শত্রাবপকারপরেঽপি সত্যুপকারপ্রধানঃ স্যাত্| ননু, রিপুরপকারক এব, তত্কিমপকারপর ইতি বিশেষণেন| তথা চ মাঘঃ (সর্গঃ ২/৩৭)- "উপকর্ত্রারিণা সন্ধির্ন মিত্রেণাপকারিণা| উপকারাপকারৌ হি লক্ষ্যং লক্ষণমেতযোঃ" ইতি| উচ্যতে| ন হি সর্বদৈবারিরপকারং কর্তুং শক্যঃ স্যাত্, কিং তর্হি কদাচিদেব| হেত্বাদ্যধীনত্বাদপকারকারিত্বস্য| বাতাদিদোষবত্| যথা- বাতাদযো দোষা দূষণস্বভাবা অপি সন্তঃ কদাচিদ্বিকারকারিত্বে সমর্থা ভবন্তি কদাচিন্নৈব| দোষত্বং তু সর্বদৈব তেষাম্| তস্মাদপকারপর ইতি যুক্তং বিশেষণম্| অপকারিণ্যুপকারকৃত্স্যাত্ কিং পুনরুপকারক ইত্যপিশব্দার্থঃ|
আযুর্বেদরসাযনম্ ব্যাখ্যা ( কৃত)
আ০ র০- পরোপকারং বিধত্তে-উপকারেতি| অপকারপরেপ্যরৌ উপকারপ্রধানঃ স্যাত্, কিং পুনরুপকারপরে মিত্রাদৌ| অপকারাসমর্থোঽপ্যরিরস্তীতি ন পৌনরুক্ত্যম্|
Adhikarana সম্পদাদৌ সমচিত্ততা, ঈর্ষ্যানিষেধঃ (২৫) · Śloka ২৫
|
সম্পদ্বিপত্স্বেকমনা, হেতাবীর্ষ্যেত্ফলে ন তু||২৫||
View original
|
सम्पद्विपत्स्वेकमना, हेतावीर्ष्येत्फले न तु||२५||
Show commentary
সর্বাঙ্গসুন্দরী ব্যাখ্যা ( কৃত)
স০-সম্পত্সু বিপত্সু চৈকমনাঃ- সমচিত্তঃ| সম্পত্সু হর্ষেণ, বিপত্সু বিষাদাদিনা, ন ভাব্যমিত্যর্থঃ| হেতাবিত্যাদি| হেতৌ- কারণে, ঈর্ষ্যেত্| যথা- অযমেবং শ্রুতত্যাগাদিগুণবান্ কস্মাত্, কস্মাদহমপ্যেবং ন ভবেযম্| ফলে ন তু- পরকীযে শোভনে ফলে বস্ত্রালঙ্কারাদিকে নের্ষ্যেত্|
আযুর্বেদরসাযনম্ ব্যাখ্যা ( কৃত)
আ০ র০-নির্বিকারত্বং বিধত্তে-সম্পদ্বিপত্স্বিতি| হেতুষু সম্পত্সু, চিষাদহেতুষু বিপত্সু, একমনাঃ-হর্ষবিষাদরহিতচিত্তো, ভবেত্| ঈর্ষ্যাং নিষেধতি-হেতাবিতি| পরোত্কর্ষাসহনমীর্ষ্যা| তাং ন কুর্যাত্| যো হি বুদ্ধিমান্, স হেতৌ-ফলসাধনে, ঈর্ষ্যেত্, ন তু ফলে| এতদুক্তং ভবতি, একং ফলমুদ্দিশ্য, তত্সাধনমনুতিষ্ঠদ্ভিঃ পরস্পরের্ষ্যযাঽনুষ্ঠেযম্| তথা হ্যনুষ্ঠিতং কর্ম সম্যগাশু নিষ্পদ্যতে| অথ দৈবানুকূল্যাদেকস্য ফলে সিদ্ধে, তত্রেতরৈরীর্ষ্যা ন কর্তব্যা| সা হি ন ফলস্য সাধনম্, প্রত্যুত পাপরিতাপযোরিতি|
Adhikarana ভাষণম্ (২৬) · Śloka ২৬
কালে হিতং মিতং ব্রূযাদবিসংবাদি পেশলম্|
|২৬|
View original
काले हितं मितं ब्रूयादविसंवादि पेशलम्|
|२६|
Show commentary
সর্বাঙ্গসুন্দরী ব্যাখ্যা ( কৃত)
স০-কালে- প্রস্তাবে, হিতং- পথ্যম্, মিতং- ন বহু, অবিসংবাদি- সত্যম্, পেশলং- মনোজ্ঞং, ব্রূযাত্|
আযুর্বেদরসাযনম্ ব্যাখ্যা ( কৃত)
আ০ র০-ভাষণং বিধত্তে-কাল ইতি| কালে-প্রস্তাবে, ব্রূযাত্| তচ্চ হিতং-পথ্যম্| মিতং-বিবক্ষিতার্থপ্রকাশনমাত্রম্| অবিসংবাদি-সত্যম্| পেশলং-মধুরম্|
Adhikarana সদ্বর্তনপ্রকারঃ (২৬-২৭) · Śloka ২৭
|
পূর্বাভিভাষী, সুমুখঃ সুশীলঃ করুণামৃদুঃ||২৬||
নৈকঃ সুখী, ন সর্বত্র বিশ্রব্ধো, ন চ শঙ্কিতঃ|
|২৭|
View original
|
पूर्वाभिभाषी, सुमुखः सुशीलः करुणामृदुः||२६||
नैकः सुखी, न सर्वत्र विश्रब्धो, न च शङ्कितः|
|२७|
Show commentary
সর্বাঙ্গসুন্দরী ব্যাখ্যা ( কৃত)
স০-পূর্বাভিভাষী- পূর্বালাপী, স্যাত্| সুমুখো- গতভ্রুকুটিঃ| সুশীলঃ- শোভনস্বভাবঃ| তথা, করুণযা মৃদুরার্দ্রসন্তানো মাতেব পুত্রে| একোঽদ্বিতীযঃ সন্সুখী ন স্যাত্| তথা, সর্বত্র- সর্বস্মিন্ জনে, বিশ্রব্ধো- বিশ্বস্তো, ন স্যাত্| তথা চ ভগবান্ ব্যাসঃ- "মাযাচারে মাযযা বর্তিতব্যম্" ইতি| তথা, সর্বত্র- মিত্রস্বজনাদিষ্বপি, শঙ্কিতোঽবিশ্বস্তো, ন স্যাত্, তেষাং বৈমুখ্য- দোষপ্রসঙ্গভযাত্|
আযুর্বেদরসাযনম্ ব্যাখ্যা ( কৃত)
আ০ র০-পূর্বাভিভাষিত্বাদিকং বিধত্তে-পূর্বাভিভাষীতি| পূর্বাভিভাষী-যদৃচ্ছযা সঙ্গতে সুহৃদি তদ্বচনাত্পূর্বং কুশলপ্রশ্নাদিকারী, ভবেত্| তথা, সুমুখঃ-প্রসন্নবদনঃ| সুশীলঃ শিষ্টানুমতব্যবহারবান্| করুণামৃদুঃ-সত্যপি সামর্থ্যে কৃপালুত্বাত্পরাপকারসহিষ্ণুঃ| একসুখিত্বাদিকং নিষেধতি- নৈক ইতি| একঃ সুখী ন ভবেত্-জ্ঞাতিভৃত্যাদিভ্যো যথাযথমবিভজ্য সুখসাধনং নোপযুঞ্জীত| তথা সর্বত্র ন বিশ্রব্ধো ন চ শঙ্কিতো ভবেত্- অবিশ্বসনীযেষু বিশ্বাসমশঙ্কনীযেষু চ শঙ্কাং ন কুর্যাত্|
Adhikarana শত্রুত্বাদেরপ্রকাশনম্ (২৭-২৮) · Śloka ২৮
|
ন কঞ্চিদাত্মনঃ শত্রুং নাত্মানং কস্যচিদ্রিপুম্||২৭||
প্রকাশযেন্নাপমানং ন চ নিঃস্নেহতাং প্রভোঃ|
|২৮|
View original
|
न कञ्चिदात्मनः शत्रुं नात्मानं कस्यचिद्रिपुम्||२७||
प्रकाशयेन्नापमानं न च निःस्नेहतां प्रभोः|
|२८|
Show commentary
সর্বাঙ্গসুন্দরী ব্যাখ্যা ( কৃত)
স০-আত্মনঃ শত্রুং কঞ্চিদপি ন প্রকাশযেত্| তত্প্রকাশনাদ্ধিঃ ভেদঃ স্যাত্| নাত্মানং কস্যচিদ্রিপুং প্রকাশযেত্| পূর্বোক্তাদেব হেতোঃ| অপমানং- অসত্কারং, কস্যচিন্ন প্রকাশযেত্| প্রভোঃ স্বামিনঃ সম্বন্ধিনীং নিঃস্নেহতাং ন প্রকাশযেত্| তত্প্রকাশনাদসৌ প্রভুর্জাতাবসরৈর্ভেদকৈঃ সুতরাং নিঃস্নেহীক্রিযতে|
আযুর্বেদরসাযনম্ ব্যাখ্যা ( কৃত)
আ০ র০-আত্মনঃ শত্রুত্বাদিপ্রকাশনং নিষেধতি-ন কঞ্চিদিতি| আত্মনঃ শত্রুং ন কঞ্চিত্প্রকাশযেত্-মমাযং বৈরীতি ন দ্যোতযেত্| তথা, আত্মানমপি কস্যচিদ্রিপুং ন প্রকাশযেত্ অহমস্য বৈরীতি ন দ্যোতযেত্| তথা, অপমানং-কুতোঽপি জাতং তিরস্কারং, ন প্রকাশযেত্| তথা, প্রভোর্নিঃস্নেহতাং ন প্রকাশযেত্-মাং প্রতি স্বমী সম্প্রতি নিঃস্নেহ ইতি ন দ্যোতযেত্|
Adhikarana লোকপ্রকৃত্যনুসারেণ বর্তনম্ (২৮-২৯) · Śloka ২৯
|
জনস্যাশযমালক্ষ্য যো যথা পরিতুষ্যতি||২৮||
তং তথৈবানুবর্তেত পরারাধনপণ্ডিতঃ|
|২৯|
View original
|
जनस्याशयमालक्ष्य यो यथा परितुष्यति||२८||
तं तथैवानुवर्तेत पराराधनपण्डितः|
|२९|
Show commentary
সর্বাঙ্গসুন্দরী ব্যাখ্যা ( কৃত)
স০-জনস্যাশযমালক্ষ্য- লোকস্য অভিপ্রাযং বুদ্ধ্বা পরিচ্ছিদ্য, যো জনো যথা পরিতুষ্যতি তথা তেনৈব প্রকারেণ দানপ্রিযবচনাদিনা তমনুবর্তেতারাধযেত্| কীদৃশো ভূত্বা ? পরারাধনে পণ্ডিতস্তজ্জ্ঞঃ|
আযুর্বেদরসাযনম্ ব্যাখ্যা ( কৃত)
আ০ র০-লোকরঞ্জনং বিধত্তে-জনস্যেতি| লোকস্যাভিপ্রাযংজ্ঞাত্বা, যো যথা পরিতুষ্যতি তং তথৈবানুবর্তেত| কীদৃশঃ ? পরারাধনপণ্ডিতঃ-পরসন্তোষোত্পাদনপ্রকারেষু সুনিষ্ঠিতো ভূত্বা|
Adhikarana ইন্দ্রিযাণাং লালনপীডননিষেধঃ (২৯) · Śloka ২৯
ন পীডযেদিন্দ্রিযাণি ব চৈতান্যতি লালযেত্||২৯||
View original
न पीडयेदिन्द्रियाणि व चैतान्यति लालयेत्||२९||
Show commentary
সর্বাঙ্গসুন্দরী ব্যাখ্যা ( কৃত)
স০-ইন্দ্রিযাণি- রসনাদীনি, কদন্নাশনাদিনা ন পীডযেন্ন নিগৃহ্ণীযাত্| ন চৈতানীন্দ্রিযাণ্যতি লালযেদতিশযেন বিলাসযেত্|
আযুর্বেদরসাযনম্ ব্যাখ্যা ( কৃত)
আ০ র০-ইন্দ্রিযপীডাং ইন্দ্রিযাতিলালনং চ নিষেধতি ন পীডযেদিতি| স্পষ্টম্|
Adhikarana ত্রিবর্গশূন্যকর্মানারম্ভঃ (৩০) · Śloka ৩০
ত্রিবর্গশূন্যং নারম্ভং ভজেত্তং চাবিরোধযন্|
|৩০|
View original
त्रिवर्गशून्यं नारम्भं भजेत्तं चाविरोधयन्|
|३०|
Show commentary
সর্বাঙ্গসুন্দরী ব্যাখ্যা ( কৃত)
স০-ত্রযাণাং ধর্মার্থাকামানাং বর্গস্ত্রিবর্গঃ, তেন শূন্যং- রহিতং, আরম্ভমুদ্যমং, ন ভজেত্- ন কুর্যাত্| কথং ভজেত্ ? তং চ ত্রিবর্গমবিরোধযন্- পরস্পরমবাধযন্|
আযুর্বেদরসাযনম্ ব্যাখ্যা ( কৃত)
আ০ র০-ত্রিবর্গশূন্যমারম্ভং নিষেধতি-ত্রিবর্গশূন্যমিতি| ত্রিবর্গো-ধর্মার্থকামাঃ, তৈঃ শূন্যং-তেষামন্যতমং যো ন ফলতি তং, ন সেবেত| ত্রিবর্গপরস্পরবিরোধযুক্তমারম্ভং নিষেধতি- তং চাবিরোধযন্নিতি| তং ত্রিবর্গং পরস্পরং বিরোধযন্নারম্ভং ন ভজেত্| যত্রারম্ভে ধর্মাদিষ্বেকো নশ্যত্যেক উত্পদ্যতে, তং ত্যজেদিত্যর্থঃ|
Adhikarana সর্বধর্মৈষু মধ্যমমার্গানুবর্তনম্ নীচরোমত্বাদিকম্ (৩০) · Śloka ৩০
|
অনুযাযাত্প্রতিপদং সর্বধর্মেষু মধ্যমাম্||৩০||
View original
|
अनुयायात्प्रतिपदं सर्वधर्मेषु मध्यमाम्||३०||
Show commentary
সর্বাঙ্গসুন্দরী ব্যাখ্যা ( কৃত)
স০-সর্বধর্মেষু মধ্যমাং প্রতিপদং প্রতিপত্তিমনুযাযাত্- সর্বেষ্বাচারেষু মধ্যমং মার্গমনুবর্তেত| নৈকত্রাসক্তিং কুর্যাদিত্যর্থঃ|
আযুর্বেদরসাযনম্ ব্যাখ্যা ( কৃত)
আ০ র০-সর্বধর্মানুসরণং বিধত্তে-অনুযাযাদিতি| সর্বধর্মেষু মধ্যমাং প্রতিপদমনুযাযাত্-সর্বেষ্বাত্মকৃত্যেষু রাগদ্বেষরহিতাং বুদ্ধিমনুসরেত্| মধ্যস্থঃ সর্বান্ ধর্মাননুতিষ্ঠেদিত্যর্থঃ|
Adhikarana নীচরোমত্বাদিকম্ স্নানশীলাদিঃ (৩১) · Śloka ৩১
নীচরোমনখশ্মশ্রুর্নির্মলাঙ্ঘ্রিমলাযনঃ|
স্নানশীলঃ সুসুরভিঃ সুবেষোঽনুল্বণোজ্জ্বলঃ||৩১||
View original
नीचरोमनखश्मश्रुर्निर्मलाङ्घ्रिमलायनः|
स्नानशीलः सुसुरभिः सुवेषोऽनुल्बणोज्ज्वलः||३१||
Show commentary
সর্বাঙ্গসুন্দরী ব্যাখ্যা ( কৃত)
স০-নীচান্যদীর্ঘাণি রোমনখশ্মশ্রূণি যস্য স এবংভূতো ভবেত্| রোমাণি- বাহূরুপ্রভৃতিষু রোমাণি কেশাশ্চোচ্যন্তে| তথা চ "হৃষের্লোমসু" ইত্যত্র সূত্রে বিবৃতম্- 'লোমানি মূর্ধজান্যঙ্গজানি চেহ গৃহ্যন্তে' ইতি| নীচলোমাদিকফলং চ মুনিনোক্তম্ (চ.সূ.অ.৫/৯৬)- "পৌষ্টিকং ধন্যমাযুষ্যং শুচি রূপবিরাজনম্| কেশলোমনখাদীনাং কৃন্তনং সম্প্রসাধনম্" ইতি| তথাঙ্ঘ্রী- পাদৌ| মলাযনানি- ঘ্রাণকর্ণাদীনি| নির্মলান্যঙ্ঘ্রিমলাযনানি যস্য স এবম্| অস্য চ ফলম্ (চ.সূ.অ.৫/৯৫)-- "মেধ্যং পবিত্রমাযুষ্যমলক্ষ্মীকলিনাশনম্| পাদযোর্মলমার্গাণাং শৌচাদানমভীক্ষ্ণশঃ" ইতি| স্নানং শীলযতীতি স্নানশীলো- নিত্যস্নাযী স্যাত্| তথা, সুসুরভিঃ- সুগন্ধিঃ| শোভনো জীর্ণমলিনবস্ত্রাদিবিবর্জিতো বেষো যস্য স সুবেষঃ| অনুল্বণোঽনুদ্ধতঃ, স চাসাবুজ্জ্বলশ্চানুল্বণোজ্জ্বলঃ| অনুদ্ধতবেষঃ উজ্জ্বলশ্চ স্যাদিত্যর্থঃ|
আযুর্বেদরসাযনম্ ব্যাখ্যা ( কৃত)
আ০ র০-নীচরোমত্বাদিকং বিধত্তে-নীচেতি| নীচত্বং ছেদেন কার্যম্| রোমশব্দেন কেশা অপি গৃহ্যন্তে| উক্তং হি চরকে (সূ.অ. ৮/১৮)-"ত্রিঃ পক্ষস্য কেশশ্মশ্রুতোমনখান্সংহারযেত্" ইতি| তথা, নির্মলাঙ্ঘ্রিমলাযনঃ| মলাযনং-শ্রোত্রাদি| স্নানশীলঃ-কালদ্বযেঽপি স্নাননিষ্ঠঃ, প্রত্যহং স্নানস্য প্রাগ্বিহিতত্বাত্| উক্তং চ চরকেণ (সূ. অ. ৮/১৮)- "দ্বৌ কালাবুপস্পৃশেত্" ইতি| সুসুরভির্গন্ধমাল্যাদিধারণেন| সুবেষো বস্ত্রালঙ্কারাদিধারণেন| অনুল্বণোজ্জ্বলোঽনুদ্ধতশৃঙ্গারঃ| উজ্জ্বলঃ-শৃঙ্গাররসঃ|
Adhikarana রত্নাদিধারণম্ (৩২) · Śloka ৩২
ধারযেত্সততং রত্নসিদ্ধমন্ত্রমহৌষধীঃ|
|৩২|
View original
धारयेत्सततं रत्नसिद्धमन्त्रमहौषधीः|
|३२|
Show commentary
সর্বাঙ্গসুন্দরী ব্যাখ্যা ( কৃত)
স০- ধারযেদিত্যাদি| রত্নানি- মণযো বজ্রপদ্মরাগাদযঃ| সিদ্ধমন্ত্রোঽপরাজিতাদিঃ| মহৌষধিঃ- সহদেব্যাদিকা| রত্নাদীনাং দ্বন্দ্বঃ| রত্নাদীর্বাহুগ্রীবাদিষু, সততং- সদৈব, ধারযেত্|
আযুর্বেদরসাযনম্ ব্যাখ্যা ( কৃত)
আ০ র০-রত্নাদিধারণং বিধত্তে-ধারযেদিতি|
Adhikarana সঞ্চারপ্রকারঃ (৩২) · Śloka ৩২
|
সাতপত্রপদত্রাণো বিচরেদ্যুগমাত্রদৃক্||৩২||
View original
|
सातपत्रपदत्राणो विचरेद्युगमात्रदृक्||३२||
Show commentary
সর্বাঙ্গসুন্দরী ব্যাখ্যা ( কৃত)
স০-যুগমাত্রদৃগ্বিচরেদ্ভ্রমেত্| যুগং- হস্তচতুষ্টযম্, তত্পশ্যতি যঃ স এবম্| এবং কুর্বন্সম্মুখমাগচ্ছদ্ভির্গবাশ্বাদিভির্নোপদ্রূযতে| তথা, সহাতপত্রেণ- ছত্রেণ, পদত্রাণেন- পদাধারপর্যাযেণ, যো বর্ততে স এবম্| পাদত্রচ্ছত্রযোশ্চ গুণা উক্তাঃ- "মারুতস্যানুলোম্যায খুডস্তম্ভশ্রমাপহম্| অন্বর্থসংজ্ঞং পাদত্রং বলদৃক্শুক্ররক্ষণম্| বর্ণ্যং নেত্রহিতং ছত্রং বাতবর্ষাতপাপহম্" ইতি|
আযুর্বেদরসাযনম্ ব্যাখ্যা ( কৃত)
আ০ র০-পর্যটনং নিযচ্ছতি-সাতপত্রেতি| আতপত্রং ছত্রম্| পদত্রাণে-উপানহৌ| যুগং-হস্তচতুষ্টযম্, তন্মাত্রং পুরঃ পশ্যন্বিচরেত্|
Adhikarana নিশি সঞ্চারে বিশেষঃ (৩৩) · Śloka ৩৩
নিশি চাত্যযিকে কার্যে দণ্ডী মৌলী সহাযবান্|
|৩৩|
View original
निशि चात्ययिके कार्ये दण्डी मौली सहायवान्|
|३३|
Show commentary
সর্বাঙ্গসুন্দরী ব্যাখ্যা ( কৃত)
স০-রাত্রৌ চাত্যযিকে কার্যে দণ্ডী সন্ বিচরেত্| দণ্ডেন সর্পাদীনামুত্ত্রাসমপি চোক্তম্| তথা (সুশ্রুতে চি.অ.২৪/৭৬)- "শুনঃ সরীসৃপব্যালবিষাণিভ্যো ভযাপহম্| শ্রমস্খলনদোষঘ্নং স্থবিরে চ প্রশস্যতে| সত্বোত্সাহবলস্থৈর্যধৈর্যবীর্যবিবর্ধনম্| অবষ্টম্ভকরং চাপি ভযঘ্নং দণ্ডধারণম্||" ইতি| তথা চ (চরকে সূ.অ.৫/৯৯)- "স্খলতঃ সম্প্রতিষ্ঠানং শত্রূণাং চ নিষূদনম্| অবষ্টম্ভনমাযুষ্যং ভযঘ্নং দণ্ডধারণম্" ইতি| মৌলীশিরোবেষ্টনযুক্তঃ| অনেনোপরিষ্টাত্ পততাং পতঙ্গকীটাদিমূত্রপুরীষাদীনাং রক্ষা| তথা, সহাযবান্| অনেনাপি চিত্তাবষ্টম্ভঃ| দণ্ডশব্দাত্ "অত ইনিঠনৌ" ইতি ইনিঃ, মৌলিশব্দাচ্চ ব্রীহ্যাদিত্বাত্, তস্য হ্যাকৃতিগণত্বমিতি কেচিত্| আত্যযিক ইতি| অত্যযঃ- কৃচ্ছ্রম্| তস্মিন্ ভবমিত্যধ্যাত্মাদিত্বাঠ্ঠঞ্|
আযুর্বেদরসাযনম্ ব্যাখ্যা ( কৃত)
আ০ র০-রাত্রিপর্যটনং নিযচ্ছতি-নিশীতি| যত্কার্যং কালপ্রতীক্ষাং ন সহতে তদাত্যযিকম্| তস্মিন্সতি দণ্ডাদিযুক্তঃ সন্ রাত্রৌ বিচরেত্| মৌলিঃ-শিরোবেষ্টনম্|
Adhikarana চৈত্যাদিচ্ছাযাদ্যাক্রমণনিষেধঃ (৩৩-৩৪) · Śloka ৩৪
|
চৈত্যপূজ্যধ্বজাশস্তচ্ছাযাভস্মতুষাশুচীন্||৩৩||
নাক্রামেচ্ছর্করালোষ্টবলিস্নানভুবো ন চ|
|৩৪|
View original
|
चैत्यपूज्यध्वजाशस्तच्छायाभस्मतुषाशुचीन्||३३||
नाक्रामेच्छर्करालोष्टबलिस्नानभुवो न च|
|३४|
Show commentary
সর্বাঙ্গসুন্দরী ব্যাখ্যা ( কৃত)
স০-চৈত্যো- বিশিষ্টদেবতাধিষ্ঠিতো লোকপ্রসিদ্ধো বৃক্ষবিশেষঃ, বুদ্ধালয ইত্যন্যে| পূজ্যো- গুরুপিত্রাদিঃ| ধ্বজশ্চিহ্নম্| অশস্তাশ্চণ্ডালাদযঃ, অশস্তমমঙ্গল্যং বস্তু ইত্যন্যে| এষাং ছাযাম্| তথা, ভস্ম-ভূতিঃ| তুষো- ধান্যাদিত্বক্| অশুচির্বিট্, যদ্বা উচ্ছিষ্টং বস্তু| তদেতন্নাক্রামেত্| শর্করা- সূক্ষ্মপাষাণাকৃতির্মৃত্খণ্ডিকা| তথা, লোষ্টং- মৃত্পিণ্ডাদিখণ্ডঃ| বলির্দেবতাদ্যর্চনম্| স্নানং প্রসিদ্ধম্| বলিশ্চ স্নানং চ বলিস্নানে, তযোর্ভুবৌ বলিস্নানভুবৌ| শর্করা চ লোষ্টং চ বলিস্নানভুবৌ চ তা নাক্রামেত্|
আযুর্বেদরসাযনম্ ব্যাখ্যা ( কৃত)
আ০ র০-চৈত্যাদিচ্ছাযাদ্যাক্রমণং নিষেধতি-চৈত্যেতি| চৈত্যো-গ্রহাধিষ্ঠিতো বৃক্ষঃ পূজ্যো-দেবাদিঃ, ধ্বজো-যূপাদিঃ, অশস্তশ্চণ্ডালাদিঃ, তেষাং ছাযাং নাক্রমেত্| তথা, ভস্মভূতিম্| তুষং-ধান্যত্বচম্| অশুচীন্-বিণ্মূত্রোচ্ছিষ্টনি| শর্করাদিব্যাপ্তান্| শর্করা-বালুকা, লোষ্টং-মৃত্পিণ্ডঃ, বলিঃ-পূজোপহারঃ| স্নানং-স্নানোদকম্|
Adhikarana বাহুভ্যাং নদীতরণনিষেধাদি (৩৪-৩৫) · Śloka ৩৫
|
নদীং তরেন্ন বাহুভ্যাং, নাগ্নিস্কন্ধমভিব্রজেত্||৩৪||
সন্দিগ্ধনাবং বৃক্ষং চ নারোহেদ্দুষ্টযানবত্|
|৩৫|
View original
|
नदीं तरेन्न बाहुभ्यां, नाग्निस्कन्धमभिव्रजेत्||३४||
सन्दिग्धनावं वृक्षं च नारोहेद्दुष्टयानवत्|
|३५|
Show commentary
সর্বাঙ্গসুন্দরী ব্যাখ্যা ( কৃত)
স০- নদীং- তরঙ্গিণীং, দোর্ভ্যাং ন তরেত্| অগ্নিস্কন্ধমভি- অগ্নিরাশেরভিমুখং, ন ব্রজেত্| সন্দিগ্ধা চাসৌ নৌশ্চ তাং, নারোহেন্নোচ্চলেত্| সন্দিগ্ধাযাঃ শিথিলবন্ধনত্বাজ্জর্জরত্বাদতিভারাক্রান্তত্বাত্পারগমনং প্রতি সন্দেহঃ| চেতি সমুচ্চযে| বৃক্ষং চ নারোহেত্| কথম্ ? দুষ্টযানবত্| যথা দুষ্টযানমশ্বাদিকং নারোহেত্ তথেতি| দুষ্টযানারোহণমপি চোক্তযাঽনযা নিষিদ্ধম্|
আযুর্বেদরসাযনম্ ব্যাখ্যা ( কৃত)
আ০ র০-বাহুভ্যাং নদীতরণং নিষেধতি-নদীমিতি| অগ্নিকন্ধাভিমুখং গমনং নিষেধতি-নাগ্নিস্কন্ধমিতি| অগ্নিস্কন্ধো-মহানগ্নিরাশিঃ| সন্দিগ্ধনাবাদ্যারোহণং নিষেধতি-সন্দিগ্ধনাবমিতি| সন্ধিগ্ধা-শঙ্ক্যমানমজ্জনা| দুষ্টং যানং-শঙ্ক্যমানপতনমশ্বাদি| তস্য চ দৃষ্টান্তত্বেনোপাদানং তদারোহণস্য নিষেধবিষযত্বখ্যাপনার্থম্|
Adhikarana ক্ষুত্যাদিকরণপ্রকারঃ (৩৫) · Śloka ৩৫
|
নাসংবৃতমুখঃ কুর্যাত্ক্ষুতিহাস্যবিজৃম্ভণম্||৩৫||
View original
|
नासंवृतमुखः कुर्यात्क्षुतिहास्यविजृम्भणम्||३५||
Show commentary
সর্বাঙ্গসুন্দরী ব্যাখ্যা ( কৃত)
স০-নাসংবৃতাস্যঃ ক্ষুত্যাদীন্ কুর্যাত্| হস্তাদিনা মুখং পিধায কুর্যাদিত্যর্থঃ| ক্ষুতিঃ- ছিক্কা, হাস্যং- হসনম্, বিজৃম্ভণং- জৃম্ভিকা, এষাং সমাহারদ্বন্দ্বঃ|
আযুর্বেদরসাযনম্ ব্যাখ্যা ( কৃত)
আ০ র০-অনাচ্ছাদিতমুখস্য ক্ষবথ্বাদিকং নিষেধতিনাসংবৃতমুখ ইতি|
Adhikarana নাসাবিকোষণনিষেধাদি (৩৬) · Śloka ৩৬
নাসিকাং ন বিকুষ্ণীযান্নাকস্মাদ্বিলিখেদ্ভুবম্|
নাঙ্গৈশ্চেষ্টেত বিগুণং, নাসীতোত্কটকশ্চিরম্||৩৬||
View original
नासिकां न विकुष्णीयान्नाकस्माद्विलिखेद्भुवम्|
नाङ्गैश्चेष्टेत विगुणं, नासीतोत्कटकश्चिरम्||३६||
Show commentary
সর্বাঙ্গসুন্দরী ব্যাখ্যা ( কৃত)
স০-নাসাং ন বিকর্ষেত্| মলোত্সারণমাত্রং তু কার্যমেব, ইতি বিশব্দেন দ্যোতযতি| অকস্মাত্- কারণং বিনা, ভুবং- পৃথ্বীং, ন বিলিখেত্- নোত্কর্ষেত্| অঙ্গৈর্হস্তপাদাদিভিঃ, বিগুণং- অননুগুণং যথা ভবতি তথা, ন চেষ্টেত- ন ব্যাপ্রিযেত| উত্কটকং স্থিতমবস্থানং যস্য স এবম্ভূতো নাসীত| চিরং চ তিষ্ঠেদিত্যর্থঃ, অর্শোরোগাদ্যুত্পত্তেঃ|
আযুর্বেদরসাযনম্ ব্যাখ্যা ( কৃত)
আ০ র০-নাসিকানিষ্কোষণং নিষেধতি-নাসিকামিতি| নাসিকা ছিদ্রোপলক্ষণম্| তেন গলকর্ণনাসিকাস্রোতোদশনাক্ষিবিবরাণি| উক্তং হি সুশ্রুতে (চি. অ. ২৪/৯৫)- "ন গলকর্ণনাসাস্রোতোদশনাক্ষিবিবরাণ্যভিনিষ্কুষ্ণীযাত্" ইতি| নিষ্কারণং ভূমিবিলেখনং নিষেধতি-নাকস্মাদিতি| বিগুণামঙ্গচেষ্টাং নিষেধতি-নাঙ্গৈরিতি| বিগুণং-অনার্জবম্| চিরকালমুত্কটকাসনং নিষেধতি-নাসীতেতি|
Adhikarana শ্রমাত্প্রাগ্দোহবাক্চেষ্টাঃ (৩৭) · Śloka ৩৭
দেহবাক্চেতসাং চেষ্টাঃ প্রাক্ শ্রমাদ্বিনিবর্তযেত্|
নোর্ধ্বজানুশ্চিরং তিষ্ঠেত্|৩৭|
View original
देहवाक्चेतसां चेष्टाः प्राक् श्रमाद्विनिवर्तयेत्|
नोर्ध्वजानुश्चिरं तिष्ठेत्|३७|
Show commentary
সর্বাঙ্গসুন্দরী ব্যাখ্যা ( কৃত)
স০-দেহাদীনাং দ্বন্দ্বঃ| এষাং সম্বন্ধিনীশ্চেষ্টাঃ ক্রিযাঃ শ্রমাত্খেদাত্ পূর্বং বিনিবর্তযেত্| তাবদ্ধনুরাকর্ষাদি কুর্যাদ্যাবন্নাতীব শ্রমঃ স্যাদিত্যর্থঃ| তথা, ঊর্ধ্বে জানুনী যস্য স ঊর্ধ্বজানুশ্চিরং নাসীত|
আযুর্বেদরসাযনম্ ব্যাখ্যা ( কৃত)
আ০ র০-শ্রমোত্পত্তেঃ প্রাগেব সর্বচেষ্টোপরমং বিধত্তেদেহেতি| ব্যাযামস্য শ্রমৈকফলত্বান্নিবৃত্তিকালাভিধানাচ্চ তদ্দ্যতিরিক্তাঽত্র দেহচেষ্টা গ্রাহ্যা| চিরকালমূর্ধ্বজানুস্থিতং নিষেধতি-নোর্ধ্বজানুরিতি| যো জঙ্ঘে সঙ্কোচ্যোত্তানঃ শেতে, যশ্চোর্ধ্বং তিষ্ঠতি, স ঊর্ধ্বজানুঃ|
Adhikarana রাত্রৌ দ্রুমাদিসেবননিষেধঃ,সূনাদিসেবননিষেধঃ (৩৭-৩৮) · Śloka ৩৮
নক্তং সেবেত ন দ্রুমম্||৩৭||
তথা চত্বরচৈত্যান্তশ্চতুষ্পথসুরালযান্|
সূনাটবীশূন্যগৃহশ্মশানানি দিবাঽপি ন||৩৮||
View original
नक्तं सेवेत न द्रुमम्||३७||
तथा चत्वरचैत्यान्तश्चतुष्पथसुरालयान्|
सूनाटवीशून्यगृहश्मशानानि दिवाऽपि न||३८||
Show commentary
সর্বাঙ্গসুন্দরী ব্যাখ্যা ( কৃত)
স০-নক্তং- রাত্রৌ, দ্রুমং- তরুং, ন সেবেত| তদাশ্রিতকীটমূত্রশকৃদাদিপাতরক্ষার্থম্| চত্বরং- ত্রিপথম্| অন্যে ত্বাহুঃ- "যত্র প্রদেশে নগরনিবাসিনো গ্রাম্যা বা সমেত্য নানাবিধাঃ কথাঃ কুর্বন্তি, স চত্বর উচ্যতে"| চৈত্যান্তঃ- চৈত্যসমীপম্, চতুষ্পথং- মার্গচতুষ্টযসঙ্গমঃ, সুরালযো- দেবগৃহম্, এতাংশ্চ নক্তং ন সেবেত| সূনা- বধস্থানম্, অটবী- নির্জনো দেশঃ, শূন্যগৃহং- উজ্জটং ভবনম্, শ্মশানং- পিতৃবনম্, এতানি দিবাঽপি ন সেবেত| অপি শব্দেন রাত্রৌ নিতরামসেবনমাহ|
আযুর্বেদরসাযনম্ ব্যাখ্যা ( কৃত)
আ০ র০-রাত্রৌ দ্রুমাদিসেবাং নিষেধতি-নক্তমিতি| গ্রামাদ্বহির্যত্রোপবিশ্য গ্রাম্যাঃ সর্বে কথাঃ কুর্বতে, যশ্চ ত্রযাণাং পথাং সঙ্গমঃ, স চত্বরঃ| চৈত্যান্তঃ-চৈত্যসমীপম্| চতুষ্পথঃ-চতুর্ণাং পথাং সঙ্গমঃ| সুরালযো-দেবকুলম্| সূনাদিসেবাং নিষেধযতি-সূনেতি| সূনা- বধস্থানম্| অটবী-অরণ্যম্| অপিশব্দাদ্রাত্রাবপি ন|
Adhikarana উদ্যদাদিত্যদর্শননিষেধাদি (৩৯) · Śloka ৩৯
সর্বথেক্ষেত নাদিত্যং, ন ভারং শিরসা বহেত্|
নেক্ষেত প্রততং সূক্ষ্মং দীপ্তামেধ্যাপ্রিযাণি চ||৩৯||
View original
सर्वथेक्षेत नादित्यं, न भारं शिरसा वहेत्|
नेक्षेत प्रततं सूक्ष्मं दीप्तामेध्याप्रियाणि च||३९||
Show commentary
সর্বাঙ্গসুন্দরী ব্যাখ্যা ( কৃত)
স০-আদিত্যং সর্বথা- উদ্যন্তমস্তং যান্তং প্রতিমাগতমুপরক্তং বা, নেক্ষেত| তথা, ভারং শিরসা ন চ বহেন্ন নযেত্| প্রততং- অনবরতং, সূক্ষ্মং বস্তু নেক্ষেত| দীপ্তং চামেধ্যং চাপ্রিযং চ তানি প্রততং নেক্ষেত| ননু, তর্হি সর্বথা নেক্ষেতেত্যনেন কোঽর্থঃ ? যতো রবিরপি দীপ্তঃ, দীপ্তগ্রহণেনৈবাস্য দর্শননিষেধঃ সিদ্ধঃ| অস্ত্যেবৈতত্| কিন্তু সর্বপ্রকারমাদিত্যং নেক্ষেত| দীপ্তং ত্বনবরতং নেক্ষেতেতি|
আযুর্বেদরসাযনম্ ব্যাখ্যা ( কৃত)
আ০ র০-আদিত্যদর্শনং নিষেধতি-সর্বথেতি| ননু "নোদ্যন্তমস্তমাযান্তং তপন্তং প্রতিমাগতম্| উপরক্তং চ ভাস্বন্তং বাসসা বা তিরোহিতম্||" ইতি সঙ্গ্রহে (সূ. অ. ৩)| ইহ তু সর্বথা, ইতি বিরোধঃ| মৈবম্| যো হ্যদৃষ্টমেব দোষং জিহাসুঃ, তং প্রত্যুদযাদিনিষেধঃ| যস্তু, দৃষ্টমপি, তং প্রতি সর্বপ্রকারেণেত্যবিরোধঃ| পুরস্তাদ্দীপ্তনিষেধাদেব নিষেধে সিদ্ধেঽপ্যুদযাদ্যদীপ্তাবস্থাসু নিষেধার্থমিদম্| শিরসা ভারবহনং নিষেধতি- ন ভারমিতি|প্রততাদিদর্শনম্ নিষেধযতি- নেক্ষেতেতি| প্রততং- বিস্ফারিতাক্ষম্, ক্রিযাবিশেষণমিদম্| সূক্ষ্মং- অণু| দীপ্তম্-তেজস্বি|অমেধ্যম্-অশুচি|অপ্রিযম্-দ্বিষ্টম্|
Adhikarana মদ্যবিক্রযাদিনিষেধঃ (৪০) · Śloka ৪০
মদ্যবিক্রযসন্ধানদানাদানানি নাচরেত্|
|৪০|
View original
मद्यविक्रयसन्धानदानादानानि नाचरेत्|
|४०|
Show commentary
সর্বাঙ্গসুন্দরী ব্যাখ্যা ( কৃত)
স০-বিক্রযো- বিনিমযঃ, ইযত্প্রমাণমধুনেদং দীযত ইতি| সন্ধীযতে যেন তত্সন্ধানম্- অনেকদ্রব্যসম্ভারো যেন তত্- মদ্যং যথাবত্প্রমাণেন সন্ধীযতে| দানং- যথাশাস্ত্রং স্বত্বনিবৃত্তিঃ পরস্বত্বাপাদানম্| আদানং- যথাশাস্ত্রমেব পরস্মাদ্ গ্রহণম্| এতেষাং দ্বন্দ্বঃ| ততো মদ্যশব্দেন ষষ্টীসমাসঃ| মদ্যবিক্রযাদীনি নাচরেত্| দ্বিজবিষযং চৈতদ্বাক্যমিতি বোধ্যম্| সর্বস্য তু নিষেধাত্ ক্রযাদিব্যবহারোচ্ছেদঃ স্যাত্|
আযুর্বেদরসাযনম্ ব্যাখ্যা ( কৃত)
আ০ র০-মদ্যবিক্রযাদীনি নিষেধতি-মদ্যবিক্রযেতি| বিক্রযো-মূল্যেন দানম্| সন্ধানং- উত্পাদনম্| আদানং প্রতিগ্রহঃ| মদ্যস্যৌষধেষু বিধানাত্ ক্রযপানযোরনিষেধঃ|
Adhikarana পুরোবাতাদিত্যাগাদি (৪০-৪৪) · Śloka ৪৪
|
পুরোবাতাতপরজস্তুষারপরুষানিলান্||৪০||
অনৃজুঃ ক্ষবথূদ্গারকাসস্বপ্নান্নমৈথুনম্|
কূলছাযাং নৃপদ্বিষ্টং ব্যালদংষ্ট্রিবিষাণিনঃ||৪১||
হীনানার্যাতিনিপুণসেবাং বিগ্রহমুত্তমৈঃ|
সন্ধ্যাস্বভ্যবহারস্ত্রীস্বপ্নাধ্যযনচিন্তনম্||৪২||
শত্রুসত্রগণাকীর্ণগণিকাপণিকাশনম্|
গাত্রবক্ত্রনখৈর্বাদ্যং হস্তকেশাবধূননম্||৪৩||
তোযাগ্নিপূজ্যমধ্যেন যানং ধূমং শবাশ্রযম্|
মদ্যাতিসক্তিং বিশ্রম্ভস্বাতন্ত্র্যে স্ত্রীষু চ ত্যজেত্||৪৪||
View original
|
पुरोवातातपरजस्तुषारपरुषानिलान्||४०||
अनृजुः क्षवथूद्गारकासस्वप्नान्नमैथुनम्|
कूलछायां नृपद्विष्टं व्यालदंष्ट्रिविषाणिनः||४१||
हीनानार्यातिनिपुणसेवां विग्रहमुत्तमैः|
सन्ध्यास्वभ्यवहारस्त्रीस्वप्नाध्ययनचिन्तनम्||४२||
शत्रुसत्रगणाकीर्णगणिकापणिकाशनम्|
गात्रवक्त्रनखैर्वाद्यं हस्तकेशावधूननम्||४३||
तोयाग्निपूज्यमध्येन यानं धूमं शवाश्रयम्|
मद्यातिसक्तिं विश्रम्भस्वातन्त्र्ये स्त्रीषु च त्यजेत्||४४||
Show commentary
সর্বাঙ্গসুন্দরী ব্যাখ্যা ( কৃত)
স০-ত্যজেদিতি ক্রিযা বক্ষ্যমাণা| পুরঃশব্দস্য বাতাতপাভ্যাং প্রত্যেকং সম্বন্ধঃ| পুরোবাতঃ- পূর্বদিগাগতো বাতঃ| পুর আতপঃ- পূর্বাতপঃ| পুরোবাতাদীন্ পঞ্চ ত্যজেত্| অনৃজুঃ- বিষমস্থিতশরীরঃ, ক্ষবথ্বাদীন্ ষট্ ত্যজেত্| অনৃজ্বিতি ক্রিযাবিশেষণমিতি কেচিহ্যাচক্ষতে| অন্নমত্র শাল্যাদি| কূলং- বপ্রঃ, তচ্ছাযাং ত্যজেত্| তত্র হি তিষ্ঠতস্তত্পাতাদ্ভযং স্যাত্| নৃপদ্বিষ্টং- রাজ্ঞোঽপ্রিযং, ত্যজেত্| ব্যালো- দুষ্টহস্ত্যাদিঃ, দংষ্ট্রিণঃ- সর্পাদ্যাঃ, বিষাণিনো- গবাদ্যাঃ, তাংস্ত্যজেত্| হীনাঃ- কুলশীলবিত্তাদিভির্ন্যূনাঃ, অনার্যাঃ- অসাধবঃ, অতিনিপুণাঃ- অতিগণনাপরাঃ, তেষাং সেবাং ত্যজেত্| উত্তমৈরিতি সহার্থে গম্যমানে তৃতীযা| উত্তমৈঃ সহ বিগ্রহং ত্যজেত্| সন্ধ্যাস্বভ্যবহারাদীন্ পঞ্চ ত্যজেত্| শত্রুসত্রেত্যাদি| শত্র্বশনং ত্যজেত্| সত্রং- যজ্ঞঃ, তস্যাশনং ত্যজেত্| ঋত্বিজাদীন্ বর্জযিত্বা, অন্যস্য হি তদশনং নিষেধতি| তথা হি- "যজ্ঞান্তে তদুদ্ভূতপাপোপশমনীযং প্রাযশ্চিত্তং শ্রূযতে"| গণাঃ- কথকচারণাদযঃ, তৈরাকীর্ণং- ব্যাপ্তমশনং ত্যজেত্| গণিকা- বেশ্যা, তস্যাঃ সম্বন্ধ্যশনং ত্যজেত্| তদশনাদ্ধি তপ্তাপসঙ্ক্রমণং স্যাত্| পণিকঃ- পণোপজীবী, ইতরবণিগিত্যর্থঃ| (তথা হি (সঙ্গ্রহে সূ. অ, ৩)- "গণারিগণিকাসত্রধূর্তানাং পণিনাং ন চ " ইতি|) পণিকা ইতি "নৌদ্ব্যচষ্ঠন্" ইতি ঠন্| পণিকো হি পাপীযান্নিন্দ্রিতপণ্যাদিবিক্রীণানঃ প্রশংসতীত্যাদি হেতোঃ| গাত্রেত্যাদি| গাত্রাণি-অঙ্গানি, তৈস্তথা বক্ত্রেণ নখৈশ্চ বাদ্যং ত্যজেত্| তথা, হস্তাবধূননং কেশাবধূননং চ ত্যজেত্| (অবধূননং-কম্পনম্|) তোযেত্যাদি| মধ্যশব্দঃ প্রত্যেকং সম্বধ্যতে| তোযযোর্দ্বযোর্মধ্যেন যানং ত্যজেত্| ন যাযাদিত্যর্থঃ| এবমগ্ন্যোর্মধ্যেন| তথা, পূজ্যযোর্মধ্যেন| সমাসকরণাত্তোযাগ্ন্যোস্তোযপূজ্যযোরগ্নিপূজ্যযোরপি মধ্যেন ন যাযাদিতি বোদ্ধব্যম্| তথা, ধূমং , শবাশ্রযং-শবোদ্ভূতং, ত্যজেত্| মধ্যেত্যাদি| মধ্যেঽতিসক্তিঃ- অতিসেবা, তাং ত্যজেত্| স্ত্রীষু-যোষাসু, বিশ্রম্ভং-বিশ্বাসং স্বাতন্ত্র্যং চ ত্যজেত্|
আযুর্বেদরসাযনম্ ব্যাখ্যা ( কৃত)
আ০ র০-পুরোবাতাদীন্ নিষেধতি-পুরোবাতেত্যাদি| পুরোবাতঃ-পূর্বদিগ্বাযুঃ| আতপো-ঘর্মঃ| রজো-ধূলিঃ| তুষারো-অবশ্যাযঃ| পরুষানিলঃ-চণ্ডবাতঃ| অনৃজুরিতি ক্ষবথ্বাদিষট্কবিষযং কর্তৃবিশেষণম্| অন্নং-ভোজনম্| কূলং-রোধঃ, তস্য ছাযা| নৃপদ্বিষ্টো- রাজদ্বেষ্যঃ| ব্যালো-দুষ্টগজাদিঃ| দংষ্ট্রী-সর্পাদিঃ| বিষাণী-মহিষাদি| সন্ধ্যাস্বিত্যভ্যবহারাদিপঞ্চকবিষযম্| অভ্যবহারো-ভোজনম্| স্ত্রীশব্দেন সম্ভোগোলক্ষ্যতে| চিন্তনং-অধীতপরামর্শঃ| শত্র্বাদীনামশমম্| শত্রুঃ-বৈরী| সত্রং-যজ্ঞঃ| গণাঃ-বহবো মিলিত্বা দাতারঃ| আকীর্ণো-যোগ্যাযোগ্যমবিচিন্ত্যান্নদাতা| গণিকা-বেশ্যা| আপণিকো-বণিক্| গাত্রাদিভির্বাদ্যম্| বাদ্যং-শব্দানুকারি| বক্ত্রেণ বংশাদের্নখেন বীণাদের্বাদনং নিষেদ্ধুং পৃথগ্গ্রহণম্| অবধূননং-কম্পনম্| তোযযোঃ, অগ্ন্যোঃ, পূজ্যযোঃ, তোযাগ্ন্যোঃ, তোযপূজ্যযোঃ, অগ্নিপূজ্যযোশ্চ মধ্যেন যানম্| শবাশ্রযো ধূমঃ-প্রেতধূমঃ| মদ্যাতিসক্তিঃ-মদ্যপানরতিঃ| স্ত্রীষ্বিতি বিশ্রম্ভস্বাতন্ত্র্যবিষযম্| বিশ্রম্ভো-বিশ্বাসঃ|
Adhikarana সর্বচেষ্টাসু লোকোপদেষ্টৃত্বম্ (৪৫) · Śloka ৪৫
আচার্যঃ সর্বচেষ্টাসু লোক এব হি ধীমতঃ|
অনুকুর্যাত্তমেবাতো লৌকিকেঽর্থে পরীক্ষকঃ||৪৫||
View original
आचार्यः सर्वचेष्टासु लोक एव हि धीमतः|
अनुकुर्यात्तमेवातो लौकिकेऽर्थे परीक्षकः||४५||
Show commentary
সর্বাঙ্গসুন্দরী ব্যাখ্যা ( কৃত)
স০-হি-যস্মাত্, ধীমতো- বুদ্ধিযুক্তস্য, সর্বচেষ্টাসু- নিঃ- শেষব্যাপারেষু, লোক এবাচার্যঃ- উপদেষ্টা, অতঃ- অস্মাদ্ধেতোঃ, তমেব- লোকমেব, লৌকিকেঽর্থে পরীক্ষকঃ পুরুষোঽনুকুর্যাত্| যথা লোকো ব্যবহরতি তথা ব্যবহ্নিযাদিত্যর্থঃ|
আযুর্বেদরসাযনম্ ব্যাখ্যা ( কৃত)
আ০ র০-লোকাদেবাচারশিক্ষাং বিধত্তে-আচার্য ইতি| হি-যস্মাত্, ধীমতঃ পুরুষস্য সর্বস্য সর্বত্র লোক এবাচার্যঃ-শিক্ষকঃ| অতোঽস্মাত্তমেবানুকুর্যাত্| যথা লোক আচরতি তথা আচরেদিত্যর্থঃ| কথম্ভূতঃ ? লৌকিকেঽর্থে পরীক্ষকঃ,-লোকে কঃ কিমর্থং, কিমাচরতীতি পরীক্ষাং কুর্বন্|
Adhikarana সদ্ব্রতস্বরূপম্ (৪৬) · Śloka ৪৬
আর্দ্রসন্তানতা ত্যাগঃ কাযবাক্চেতসাং দমঃ|
স্বার্থবুদ্ধিঃ পরার্থেষু পর্যাপ্তমিতি সদ্ব্রতম্||৪৬||
View original
आर्द्रसन्तानता त्यागः कायवाक्चेतसां दमः|
स्वार्थबुद्धिः परार्थेषु पर्याप्तमिति सद्व्रतम्||४६||
Show commentary
সর্বাঙ্গসুন্দরী ব্যাখ্যা ( কৃত)
স০-আর্দ্রসন্তানতা- সর্বসত্ত্বেষু কৃপালুত্বম্| ত্যাগো- দানম্| কাযবাক্চেতসা ত্রযাণাং দমঃ- উপশমঃ| পরার্থেষু- পরপ্রযোজনেষু, স্বার্থবুদ্ধিঃ- যথা অযমেব স্বার্থো যঃ পরার্থঃ, ইত্যুভযলোকহিতত্বম্| ইতি- এবংপ্রকারং, সদ্ব্রতং পর্যাপ্তম্| সমাপ্তমিত্যর্থঃ| সত্ শোভনং চ তদ্ব্রতং চ সদ্ব্রতম্|
আযুর্বেদরসাযনম্ ব্যাখ্যা ( কৃত)
আ০ র০-উক্তেষু বিহারেষু ধর্মং বিবেচযতি-আর্দ্রসন্তানতেতি| আর্দ্রঃ-করুণরসভাবিতত্বাত্ ত্যক্তকাঠিন্যঃ, সন্তানঃ-চিত্তবৃত্তিপরম্পরা, যস্যেতি আর্দ্রসন্তানঃ| তস্য ভাবঃ আর্দ্রসন্তানতা, পরমকারুণিকত্বম্| ত্যাগো-দানম্| কাযাদীনাং দমঃ-তচ্চাপলনিগ্রহঃ| পরার্থেষু-পরকার্যেষু, স্বার্থবুদ্ধিঃ-স্বার্থবত্তাত্পর্যম্| ইতি-এতচ্চতুষ্টযম্| পর্যাপ্তং-সম্পুর্ণো ধর্মঃ| সদ্ব্রতং-সতাং ব্রতমবশ্যকর্তব্যোঽর্থঃ|
Adhikarana আচারাবহিতত্বম্ (৪৭) · Śloka ৪৭
নক্তংদিনানি মে যান্তি কথম্ভূতস্য সম্প্রতি|
দুঃখভাঙ্ন ভবত্যেবং নিত্যং সন্নিহিতস্মৃতিঃ||৪৭||
View original
नक्तंदिनानि मे यान्ति कथम्भूतस्य सम्प्रति|
दुःखभाङ्न भवत्येवं नित्यं सन्निहितस्मृतिः||४७||
Show commentary
সর্বাঙ্গসুন্দরী ব্যাখ্যা ( কৃত)
স০-নক্তংদিনানি- রাত্রিদিনানি, সম্প্রতি- ইদানীং, কথম্ভূতস্য- কীদৃশস্য সতঃ, মে- মম, যান্তি| এবং নিত্যং সন্নিহিতস্মৃতিঃ সন্ পুমান্ দুঃখভাক্ ন ভবতি|
আযুর্বেদরসাযনম্ ব্যাখ্যা ( কৃত)
আ০ র০-ইষ্টসাধনত্বকথনদ্বারেণাচারাবহিতত্বং বিধত্তে-নক্তংদিনানীতি| কিংদেশস্য, কিংকালস্য, কিংবযসঃ, কিংমনসঃ, কিংকার্যস্য মম, সম্প্রতি নক্তংদিনানি যান্তীত্যেবং সন্নিহিতস্মৃতিঃ সন্ দুঃখভাক্ ন ভবতি| অতঃ সর্বদৈবাবহিতেন ভবিতব্যমিত্যর্থঃ|
Adhikarana আচারফলম্ (২) · Śloka ২
ইত্যাচারঃ সমাসেন, যং প্রাপ্নোতি সমাচরন্|
আযুরারোগ্যমৈশ্বর্যং যশো লোকাংশ্চ শাশ্বতান্||৪৮||
ইতি শ্রীবৈদ্যপতিসিংহগুপ্তসূনু শ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে দিনচর্যা নাম দ্বিতীযোঽধ্যাযঃ||২||
View original
इत्याचारः समासेन, यं प्राप्नोति समाचरन्|
आयुरारोग्यमैश्वर्यं यशो लोकांश्च शाश्वतान्||४८||
इति श्रीवैद्यपतिसिंहगुप्तसूनु श्रीमद्वाग्भटविरचितायामष्टाङ्गहृदयसंहितायां सूत्रस्थाने दिनचर्या नाम द्वितीयोऽध्यायः||२||
Show commentary
সর্বাঙ্গসুন্দরী ব্যাখ্যা ( কৃত)
স০- ইতি- সমাপ্তৌ| সমাসেন- সংক্ষেপেণ, তাবদযমাচারঃ পূর্বোক্তঃ| যং সমাচরন্ননুতিষ্টন্ (পুরুষঃ) আযুরাদীন্ প্রাপ্নোতি| তথা, লোকান্- ভূর্ভুবঃস্বঃপ্রভৃতীন্, শাশ্বতান্- নিত্যান্| ননু, শাশ্বতশব্দো ন যুক্তঃ| যতঃ শশ্বচ্ছব্দস্য কালবাচিত্বাত্ "কালাঠ্ঠঞ্" ইতি ঠঞ্ প্রাপ্নোতি| তথা, "অব্যযানাং চ সাযম্প্রাতিকাদ্যর্থমুপসংখ্যানম্" ইতি টিলোপশ্চ প্রাপ্নোতি| নৈতদস্তি| "নস্তদ্ধিতে" ইত্যত্র সূত্রে হ্যুক্তম্- "শাশ্বত ইত্যাদৌ তু টিলোপো নেষ্যতে| কালাদিতি যোগবিভাগাচ্চাণ্" ইতি| তস্মাচ্ছাশ্বতশ্ব্দো ন্যায্য এবেতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে দ্বিতীযোঽধ্যাযঃ সমাপ্তঃ|| ২||
আযুর্বেদরসাযনম্ ব্যাখ্যা ( কৃত)
আ০ র০-অধ্যাযার্থমুপসংহরতি-ইতীতি| আচারঃ-শিষ্টানুমতো ব্যবহারঃ| সমাসেনেতি ধর্মশাস্ত্রাপেক্ষযা, ন ত্বাযুর্বেদান্তরাপেক্ষযা, ন্যূনত্বদোষাপত্তেঃ, বিস্তরত্বপ্রতিজ্ঞাভঙ্গাপত্তেশ্চ| আচারফলমাহ-যমিতি| এশ্বর্যং-অপ্রতিহতশক্তিত্বম্| শাশ্বতান্ লোকান্-বিষ্ণুলোকাদীন্| সঙ্গ্রহে তু (সূ. অ. ৩)- "ব্রাহ্মো মুহূর্ত উত্তিষ্ঠেত্ জীর্ণাজীর্ণে নিরূপযন্| রক্ষার্থ মাযুষঃ স্বস্থো জাতবেগঃ সমুত্সৃজেত্|| উদঙ্মুখো মূত্রশকৃদ্দক্ষিণাভিমুখো নিশি| বাচং নিযম্য প্রযতঃ সংবীতাঙ্গোঽবগুণ্ঠিতঃ|| প্রবর্তযেত্প্রচলিতং ন তু যত্নাদুদীরযেত্| নামেধ্য মার্গমৃদ্ভস্মগোস্থানাকীর্ণগোমযে|| পুরান্তিকাগ্রিবল্মীকরম্যোত্কৃষ্টচিতিদ্রুমে| ন নারীপূজ্যগোর্কেন্দুবায্যন্নাগ্নিজলং প্রতি|| ন চাতিরস্কৃত্য মহীং, ভযাশক্ত্যোস্তু কামতঃ| নিঃশল্যাদুষ্টমৃত্পিণ্ডীপরিমৃষ্টমলাযনঃ| অভ্যুদ্দৃতাভিঃ শুচিভির্মৃদ্ভিরদ্ভিশ্চ যোজযেত্|| লেপগন্ধাপহং শৌচমনুত্পতিতবিন্দুভিঃ| স্পৃষ্ট্বা ধাতূন্মলানশ্রু বসাকেশনখাংশ্বযুতান্|| স্রাত্বা ভোক্তুমনা ভুক্ত্বা সুপ্ত্বা ক্ষুত্বা সুরার্চনে| রথ্যামাক্রম্য চাচামেদুপবিষ্ট উদঙ্মুখঃ| প্রাঙ্মুখো বা বিবিক্তস্থো ন বহির্জানু নান্যদৃক্| অজল্পন্নুত্তরাসঙ্গী স্বচ্ছৈরঙ্গুষ্ঠমূলগৈঃ|| নোদ্ধৃতৈর্নানতো নোধ্ব নাগ্নিপক্বৈর্ন পূতিভিঃ| ন ফেনবুদ্বুদক্ষারৈর্নৈকহস্তার্পিতৈর্জলৈঃ|| নার্দ্রৈকপাণির্নামেধ্যহস্তপাদো ন শব্দবত্| লিখেদনুসুখং জিহ্বাং জিহ্বানির্লেখনেন চ| তথাঽস্য মলবৈরস্যগন্ধা জিহ্বাস্যদন্তজাঃ রুচিবৈশদ্যলঘুতা ন ভবন্তি ভবন্তি চ|| প্রণম্য দেবান্ বৃদ্ধাংশ্চ মঙ্গলাষ্টশতং শুভম্| শৃণ্বন্ কাঞ্চনবিন্যস্তং সর্পিঃপশ্যেদনন্তরম্|" (সঙ্গ্রহে শা. অ. ১২)-"দধিঘৃতমধুলাজপুষ্পাক্ষতোদুম্বরাশ্বত্থমুক্তামণি ছত্রদূর্বাকুশাদর্শকন্যাধ্বজস্যন্দনাষ্টাপদাক্ষাঃ নৃপশ্রীতরুভদ্রপীঠানি, সস্যানি, মত্স্যাঃ, হযাঃ, হংসচাষা, বৃষঃ কেসরী, দক্ষিণাবর্তশঙ্খাব্জসিদ্ধার্থকাঃ, রোচনা, স্বস্তিকস্তোরণং, কীচকা বেণবঃ, বরুণমধু, মদাসিক্তগণ্ডো গজঃ, তোযলম্বোঽম্বুদঃ, পূর্ণকুম্ভো, হরিদ্রাদ্রিরিন্দ্রঃ, ফলান্যামমাংসং, সিতং চামরং, গৌঃ সবত্সা, অঙ্গনা পুত্রিণী, মানুষং বর্ধমানং, সহস্রং নরাণাং, প্রযুক্তানি যানানি, ধন্বন্তরির্বামনো, ব্রাহ্মণো, ভূমিরভ্যুদ্দৃতা, সিদ্ধমন্নং, বরাহশ্চ তোযাত্থিতঃ, ত্রিনযনমধুসূদনস্কন্দপদ্মাসনাঃ, লোকপালাঃ, সুরাঃ, খং, দিশোঽগ্নিঃ, সরাংসি, স্রবন্ত্যঃ, সমুদ্রাঃ, মখাঃ, মারুতো, জ্যোতিষং, ধর্মশাস্ত্রাণি, তীর্থানি, কাব্যং, ধর্মার্থকামামৃতং, বালখিল্যাদযো, বেদবাক্যং, নিধিঃ, কৌস্তুভঃ, কাঞ্চনং, মাণিভদ্রঃ, সুমেরুঃ, প্রিযঙ্গুঃ, প্রদীপো, বচা, মোদকৌ, দিতিরদিতিররুন্ধতী, বুদ্ধিঃ, সাবিত্র্যুমাঽঽশগঙ্গা, শচী, দেবসেনা, সুধা, শান্তির্লক্ষ্মীঃ, সরস্বত্যপত্য, ক্ষমা, স্বস্তিশব্দো, বষট্কারঃ, ওংকারপুণ্যাহধর্মক্রিযাশ্চৈতদষ্টোত্তরং মঙ্গলানাং শতং দর্শনাত্স্পর্শনাত্কীর্তনাচ্চাশুভানি ব্যপোহ্যার্থসিদ্ধিং দিশত্যুত্তমাম্"| অষ্টাপদং-শারিফলম্| অক্ষঃ-পাশকঃ| বরুণমধু-বারুণী সুরা| (সঙ্গ্রহে সূ. অ. ৩)- "গন্ধমাল্যাদিকং বৃষ্যমলক্ষ্মীঘ্নং প্রসাধনম্| বাসো ন ধারযেজ্জীর্ণং মলিনং রক্তমুল্বণম্|| মাল্যংন লম্বং ন বহির্ন রক্তং জলজাদৃতে| নৈব চান্যেন বিধৃতং বস্ত্রং পুষ্পমুপানহৌ|| উত্তিষ্ঠেত ততোঽত্যর্থমর্থেষ্বর্থানুবন্ধিষু| নিন্দিতং দীর্ঘমপ্যাযুরসন্নিহিতসাধনম্| কৃষিং বণিজ্যাং গোরক্ষামুপাযৈর্গুণিনং নৃপম্| লোকদ্বযাবিরুদ্ধাং চ ধনার্থী সংশ্রযেত্ক্রিযাম্|| মুক্তবেগস্তু গমনস্বপ্নাহারসভাস্ত্রিযঃ| পাণিনাঽঽলম্য নিষ্ক্রামেদ্রত্নপূজ্যাজ্যমঙ্গলম্|| প্রাব্রুত্য পর্যটেদ্রাত্রৌ ন প্রাবৃত্য শিরোঽহনি| মধ্যাহ্নে সন্ধ্যযো রাত্রাবর্ধরাত্রে চতুষ্পথম্|| ন সেবেত, ন শর্বর্যাং বৃক্ষচৈত্যান্তচত্বরম্| ন হুংকুর্যাচ্ছবং , পূজ্যং প্রশস্তান্মঙ্গলানি চ|| নাপসব্যং পরিক্রামেন্নেতরাণ্যনুদক্ষিণম্| চতুষ্পথং নমস্কুর্যাত্প্রজ্ঞাতাংশ্চ বমস্পতীন্|| ন ব্যালিব্যাধিতাশস্তৈর্নাদান্তক্ষুত্পিপাসিতৈঃ| ন ছিন্নপুচ্ছৈর্নৈকাক্ষৈর্গোপৃষ্ঠেন চ ন ব্রজেত্|| নাতিপ্রগেঽতিসাযং, বা ন নভোমধ্যগে রবৌ| নাসন্নিহিতপানীযো নাতিতূর্ণং ন সন্ততম্|| ন শত্রুণা নাবিদিতৈর্নৈকো নাধার্মিকৈঃ সহ| দদ্যাদ্বর্ত্মার্তবৃদ্ধস্ত্রীভারিচক্রিদ্বিজন্মনে|| চক্রী-রথী| স্নানভোজনপানানি বাহ্যেভ্যো নাচরেত্পুরঃ| (*নিপাতযেন্ন লোষ্টেন ন ফলেন ফলং দ্রুমাত্|| ন বার্যমাণঃ প্রবিশেন্নাদ্বারেণ ন চাসনে| স্বযং তিষ্ঠেত্ পরগৃহে, যুক্তনিদ্রং ন বোধযেত্|| নাচরেত্ পাণিবাক্পাদদৃঙ্মোঢ্রোদরচাপলম্| ত্রিঃপক্ষস্য কচশ্মশ্রুনখরোমাণি কর্তযেত্|| ন স্বহস্তেন দন্তৈর্বা, স্নানং চানু সমাচরেত্|) স্নানোদকাবতরণে স্বপ্নং নগ্নো ন চাচরেত্|| পঞ্চপিণ্ডাননুদ্ধৃত্য ন স্নাযাত্পরবারিণি| নাত্মানমীক্ষেত জলে ন তটস্থো জলাশযম্|| ন প্রতিস্ফালযেদম্বু পাণিনা চরণেন বা| স্নাত্বা ন মৃজ্যাদ্গাত্রাণি ধুনুযান্ন শিরোরুহান্|| নিবসীতার্দ্র এবাশু সোষ্ণীষে ধৌতবাসসী| ন ত্বম্বরং পূর্বধৃতং ন চ তৈলবসে স্পৃশেত্|| বাসোঽন্যদন্যচ্ছযনে নির্গমে দেবতার্চনে| ধর্মোত্তরাভিরর্থ্যাভিঃ কথাভিস্ত্রিগুণাত্মভিঃ|| মধ্যং দিনস্য গমযদিষ্টশিষ্টসহাযবান্| ন লোকভূপবিদ্বিষ্টৈঃ সঙ্গচ্ছেত ন নাস্তিকৈঃ|| কলিবৈররুচির্ন স্যাদ্ধীরঃ সম্পদ্বিপত্তিষু| শ্রুতাদন্যত্র সন্তুষ্টস্তত্রৈব চ কুতূহলী|| ক্ষান্তিমান্ দক্ষিণো দক্ষঃ সুসমীক্ষিতকার্যকৃত্| হ্নীমান্ ধীমান্ মহোত্সাহঃ সংবিভাগী প্রিযাতিথিঃ|| অক্ষুদ্রবৃত্তির্গম্ভীরঃ সাধুরাশ্রিতবত্সলঃ| (* দাতা পিতৃভ্যঃ পিণ্ডস্য যষ্টা হোতা কৃপাত্মকঃ|| অনুজ্ঞাতা সুবার্তানাং দীনানামনুকম্পকঃ| আশ্বাসকারী ভীতানাং ক্রুদ্ধানামনুনাযকঃ||) বিত্তবন্ধুবযোবিদ্যাবৃত্তৈঃ পূজ্যা যথোত্তরম্| আত্মদ্রুহমমর্যাদং মূঢমুজ্ঝিতসত্পথম্| সুতরামনুকম্পেত নরকার্চিষ্মদিন্ধনম্|| পরস্য দণ্ডং নোদ্যচ্ছেত্ক্রুদ্ধোনৈনং নিপাতযেত্| অন্যত্র পুত্রাচ্ছিষ্যাদ্বা শাসনার্হাদ্ধিতাশযঃ|| নৃত্যবাদিত্রগীতাদিষূল্বণাং নাচরেত্ক্রিযাম্| (*প্রসিদ্ধকেশবাগ্বেষশমসান্ত্বপরাযণঃ|) ঊর্ধ্বং নাভেঃ শরীরস্য স্পৃশেন্নাধরবাসসা| ন কুর্যান্মিথুনীভূয শৌচং প্রতি বিলম্বনম্| পাণিদ্বযেন যুগপত্কণ্ডূযেন্নাত্মনঃ শিরঃ|| (*বহেন্ন ভারং শিরসা যুগপচ্চাগ্নিবারিণী|) পাদং পাদেন নাক্রামেন্ন কণ্ডূযেন্ন শৌচযেত্| ন কাংস্যভাজনে তৌ চ নোপবিষ্টঃ প্রসারযেত্|| নাসমিদ্ধমুপাসীত হুতাশং নৈব চাশুচিঃ| নানুবাতং ন বিবৃতো ন ক্লান্তো নান্যমানসঃ|| ধমেন্নাস্যেন ন স্কন্দেন্নাধঃ কুর্যান্ন পাদতঃ| ন স্কন্দেত্-ন বিকিরেত্| সততং ন নিরীক্ষেত চলসূক্ষ্মাপ্রিযাণি চ|| নাপ্রশস্তং ন বিণ্মূত্রং ন দর্পণমমার্জিতম্| নান্যদপ্যতিতেজস্বি ন ক্রুদ্ধস্য গুরোর্মূখম্|| স্ত্রীং ন স্রবন্তীং নোদক্যাং ন নগ্নাং নান্যসঙ্গতাম্| ন পত্নীং ভোজনস্বপ্নক্ষুত্তৃট্জৃম্ভাসুখাসনে|| শযীতনৈকশযনে ন চাশ্নীযাত্তযা সহ| তামনীর্ষ্যংশ্চ গোপাযেত্ স্বৈরিণীং নাধিবাসযেত্|| নোচ্ছিষ্টস্তারকারাহুতুহিনাংশুদিবাকরান্| পশ্যেন্ন যাযান্ন পঠেন্ন স্বপ্যান্ন স্পৃশেচ্ছিরঃ|| পাযযন্তীং চরন্তীং বা নান্যস্মৈ গাং নিবেদযেত্| অর্কেন্দুপরিবেষোল্কাশতক্রতুধনূংষি চ|| নান্যদ্দেবার্চনে কুর্যাত্কর্ম, ধাবেন্ন বর্ষতি| তিথিং পক্ষস্য ন ব্রূযান্নক্ষত্রাণি ন নির্দিশেত্|| নাত্মনো জন্মলগ্নর্ক্ষধনসারং গৃহে মলম্| সশব্দমনিলং হস্তভ্রূনেত্রোত্ক্ষেপণং ত্যজেত্|| হীনানার্যাতিনিপুণসেবাং বিগ্রহমুত্তমৈঃ| আরোগ্যজীবিতৈশ্বর্যবিদ্যাসুস্থিতিমানিতাম্|| নৈকাহমপ্যধিবসেদ্বাস্তু তচ্ছাস্ত্রগর্হিতম্| ন দেশং ব্যাধিবহুলং নাবৈদ্যং নাপ্যনাযকম্|| নাধর্মিজনভূযিষ্ঠং নোপসৃষ্টং ন পর্বতম্| বসেত্ প্রাজ্যাম্বুভৈষজ্যসমিত্পুষ্পতৃণেন্ধনে|| সুভিক্ষক্ষেমতারোগ্যপণ্ডিতৈর্মণ্ডিতে পুরে| নামরাণাং ন সিদ্ধানাং শাস্ত্রাণাং বা জুগুপ্সকঃ|| আরাধকস্ত্রিবর্গস্য যথাযোগ্যং জনস্য চ| দশ কর্মপথান্ রক্ষন্ জযেদাভ্যন্তরানরীন্|| পরোপঘাতক্রিযযা বর্জযেদর্জনং শ্রিযঃ| অর্থানাং বহ্বনর্থানামদাতাঽপি হ্যসম্ভবাত্|| স্বর্গাপবর্গবিভবানযত্নেনাধিতিষ্ঠতি| সাযং ভুক্ত্বা লঘু হিতং সমাহিতমনাঃ শুচিঃ|| শাস্তারমনুসংস্মৃত্য শর্বযাং চাথ সংবিশেত্| দেশে শুচাবনাকীর্ণে দ্বিত্রাপ্ত পরিচারকঃ|| যুক্তোপধানং স্বাস্তীর্ণং বিস্তীর্ণাবিষমং সুখম্| জানুতুল্যং মৃদু শুভং সেবেত শযনাসনম্|| প্রাগ্দক্ষিণশিরাঃ পাদাবকুর্বাণো গুরূন্ প্রতি| পূর্বাপরনিশাভাগে ধর্মমেবানুচিন্তযন্|| আদদীত সদা দেহাদিত্থং সারমসারতঃ| বিভ্যত্প্রতিক্ষণং মৃত্যোরযথাতথচেষ্টিতাত্|| আরোগ্যবিভবপ্রজ্ঞাবযোধর্মক্রিযাবতঃ| সুখমাযুর্হিতং চোক্তং বিপরীতং বিপর্যযে|| সর্বতেজোনিধানং হি নৃপ ইত্যুচ্যতে ভুবি| অদূষযন্মনস্তস্মাদ্ভক্তিমাংস্তমুপাচরেত্|| পর্যস্তিকোপাশ্রযকোপহাসবিবাদনিষ্ঠীবনজৃম্ভণানি| সর্বাঃ প্রকৃত্যভ্যধিকাশ্চ চেষ্টাস্তত্সন্নিধানে পরিবর্জযেচ্চ| সত্ত্বাদ্যবস্থা বিবিধাশ্চ তাস্তাঃ সম্যক্ সমীক্ষ্যাত্মহিতং বিদধ্যাত্| অন্যোঽপি যঃ কশ্চিদিহাস্তি মার্গো হিতোপদেশেষু ভজেত তং চ||" ইতি| ইত্যবদ্ধক্রমা বিহারাঃ| ইতি হেমাদ্রিটীকাযামাযুর্বেদরসাযনে| দিনচর্যাপ্রকরণম্ সামস্ত্যেন নিরূপিতম্|| ২||