৩. ঋতুচর্যাধ্যাযঃ

সর্বাঙ্গসুন্দরী ব্যাখ্যা ( কৃত)

স০-দিনচর্যাধ্যাযানন্তরমৃতুচর্যাধ্যাযস্য উপোদ্ঘাতঃ| পূর্বাধ্যাযে সামান্যেন দিনচর্যোপদিষ্টা|

সর্বাঙ্গসুন্দরী ব্যাখ্যা ( কৃত)

স০- পূর্ববদ্ব্যাখ্যেযম্|

আযুর্বেদরসাযনম্ ব্যাখ্যা ( কৃত)

আ০ র০ -ঋতুচর্যাধ্যাযং ব্যাখ্যাতুং প্রতিজানীতে-অথেতি| যতঃ পূর্বাধ্যাযে দৈনন্দিনো বিহার উক্তঃ| আর্তবো বক্তব্যঃ| স চাস্মিন্নধ্যাযে| অত এবাযমৃতুচর্যাখ্যঃ|

সর্বাঙ্গসুন্দরী ব্যাখ্যা ( কৃত)

স০-মাসৈরিত্যাদিনা কালোপবর্ণনমাহ| ননু, কালোপবর্ণনং দিনচর্যাযাং কস্মান্ন কৃতম্ ? উচ্যতে| ঋতুগৌরবোদ্ভাবনার্থম্| ঋতবো হি বিশেষেণোপযোগিনঃ, বিপ্রতিপত্তেশ্চ| যথা- একে চাতুর্মাসিকমৃতুং কৃত্বা শীতোষ্ণবৃষ্টিলক্ষণান্ হেমন্তগ্রীষ্মবর্ষাখ্যাংস্ত্রীনৃতূনিচ্ছন্তি| অপরে তু দ্বিমাসিকান্ শিশিরবসন্তগ্রীষ্মবর্ষাশরদ্ধেমন্তলক্ষণান্ ষডৃতূনিতি| দ্বে সংখ্যে যেষাং তে দ্বিসংখ্যাঃ, তৈর্দ্বিসংখ্যৈঃ| মাঘ আদ্যো যেষাং ফাল্গুনাদীনাং ত এবম্| তৈর্দ্বিসংখ্যৈর্মাঘাদ্যৈর্মাসৈঃ ক্রমাত্- পরিপাঠ্যা ষডৃতব স্মৃতাঃ| কে তে ? ইত্যাহ- শিশিরাদ্যাঃ- শিশিরবসন্তগ্রীষ্মবর্ষাশরদ্ধেমন্তাঃ| উপচারাদেব ষট্ত্বে লব্ধে ষড্গ্রহণং পরমতক্ষেপার্থম্| তথা হি- কেচিত্ ত্রয এব ঋতব ইতি মন্যন্তে| তৈস্তু ঋতুভিস্ত্রিভিঃ শিশিরাদিভিরুত্তরাযণং বিদ্যাত্- জানীযাত্| অযনমুত্তরং- সবিতুরুত্তরমার্গপ্রতিপত্তিঃ, উত্তরাযণম্ আদানং জানীযাত্| আদানমিতি চান্বর্থং নাম ইতি প্রতিপাদযতি| তদা- তস্মিন্ কালে, নৃণাং প্রতিদিনং- অন্বহং, বলমাদত্তে- সারং গৃহ্ণাতি| কোঽসৌ ? প্রকৃতত্বাদাদিত্যঃ|

আযুর্বেদরসাযনম্ ব্যাখ্যা ( কৃত)

আ০ র০-তত্র ঋতুবিশেষান্ লক্ষযতি- মাসৈরিতি| দ্বিসংখ্যৈরিতি ষট্কৃত্বা আবর্ত্যৈকশেষঃ কর্তব্যঃ| তত্র মাঘফাল্গুনৌ-শিশিরঃ, চৈত্রবৈশাখৌ-বসন্তঃ, জ্যেষ্ঠাষাঢৌ-গ্রীষ্মঃ, শ্রাবণভাদ্রপদৌ-বর্ষাঃ, আশ্বিনকার্তিকৌ-শরত্, মার্গশীর্ষপৌষৌ-হেমন্তঃ| ননু সুশ্রুতেন ভাদ্রপদাদ্যৈর্বর্ষাদয ঋতব উক্তাঃ| তদ্যথা (সু.সূ.অ. ৬/১০)- "ভাদ্রপদাশ্বযুজৌ-বর্ষাঃ , কার্তিকমার্গশীর্ষৌ-শরত্,পৌষমাঘৌ- হেমন্তঃ, ফল্গুনচৈত্রৌ-বসন্তঃ, বৈশাখজ্যেষ্ঠৌ-গ্রীষ্মঃ, আষাঢশ্রাবণৌ-প্রাবৃট্ " ইতি| ইহ ত্বন্যথেতি বিরোধঃ| মৈবম্| ন হি ফল্গুনচৈত্রৌ-বসন্তঃ নাপি চৈত্রবৈশাখৌ| কিন্তু মীনমেষৌ| যদা ফাল্গুনাদৌ মীনসঙ্ক্রান্তিস্তদা ফল্গুনচৈত্রৌ-বসন্তঃ,যদা তু ফাল্গুণান্তে তদা চৈত্রবৈশাখৌ| এবং বৃষমিথুনৌ- গ্রীষ্মঃ, কর্কটসিংহৌ-বর্ষাঃ, কন্যাতুলে-শরত্, বৃষ্চিকধনুষী-হেমন্তঃ, মকরকুম্ভৌ-শিশিরঃ, ইতি| উক্তং চ জ্যোতিঃশাস্ত্রে- "মৃগাদিরাশিদ্বযভানুভোগাত্ ষডর্তবস্যুঃ শিশিরোবসন্তঃ| গ্রীষ্মশ্চ বর্ষাশ্চ শরচ্চ তদ্বদ্ধেমন্তনামা কথিতোঽত্র ষষ্ঠঃ||" বর্ষাযনর্তুযুগপূর্বকমত্র সৌরাদিতি চ| সৌরশ্চ মাসস্তত্রৈবোক্তঃ-" দর্শাবধিং মাসমুশন্তি চান্দ্রং, সৌরং তথা ভাস্কররাশিভোগাত্| ত্রিংশদ্দিনং সাবনসংজ্ঞমার্যা,নাক্ষত্রমিন্দোর্ভগণভ্রমাচ্চ|" ইতি| অবশ্যং চৈবমঙ্গীকর্তব্যম্, অন্যথা অধিমাসনিপাতে মাসত্রযমৃতুঃ স্যাত্| সঙ্গ্রহে তু (সূ.অ.৪)-"মাসরাশিস্বরূপাখ্যমৃতোর্যল্লক্ষণত্রযম্| যথোত্তরং ভজেচ্চর্যাং তত্র তস্য বলাদিতি" ইতি| মাসলক্ষণাদ্রাশিলক্ষণং বলবত্, অতো রাশিলক্ষণমেবাঙ্গীকৃতম্, স্বরূপলক্ষণস্য ঋতুবিপর্যযপর্যবসানাত্| উক্তং হি তত্রৈব (সঙ্গ্রহে সূ.অ.৪)-ঋতুষ্বেবংবিধেষ্বেব বিধিঃ স্বাস্থ্যায দেহিনাম্| নির্দিশ্যতেঽন্যরূপেষু বিরুদ্ধজ্ঞানিকো বিধিঃ| " ইতি| তস্মাচ্ছিশিরষট্কপ্রাবৃট্ষট্কযোঃ সংজ্ঞামাত্রেণৈব ভেদঃ| সংজ্ঞাভেদং চ দেশভেদেনাহ কাশ্যপঃ-"ভূযো বর্ষতি পর্জন্যো গঙ্গাযা দক্ষিণে তটে| অতঃ প্রাবৃট্ চ বর্ষাশ্চ ঋতূ তত্র প্রকল্পিতৌ|| তস্যা এবোত্তরে দেশে হিমবদ্বিন্ধ্যসঙ্কুলে| ভূযঃ শীতমতস্তত্র হেমন্তশিশিরাবুভৌ||" ইতি| দক্ষিণদেশীযৈর্বৃষ্টিসংবন্ধিনোর্দ্বযোঃ প্রাবৃড্বর্ষাখ্যত্বং কৃত্বা, পারিশেষ্যাচ্ছীতসম্বন্ধিনোর্দ্বযোঃ শরদ্ধেমন্তাখ্যত্বং কৃতম্| উত্তরদেশীযৈস্তু শীতসম্বন্ধিনোর্দ্বযোর্হেমন্তশিশিরাখ্যত্বং কৃত্বা, পারিশেষ্যাদ্বৃষ্টিসম্বন্ধিনোর্দ্বযোর্বর্ষাশরত্সংজ্ঞত্বং কৃতমিত্যর্থঃ| বৃষ্টিশীতবাহুল্যোপন্যাসস্তত্রান্বর্থসংজ্ঞার্থঃ , ন চ সংজ্ঞাসঙ্করে লক্ষণসঙ্করঃ, দোষাণাং দোষধাতুমলসংজ্ঞাবত্| অন্যে পুনর্ভেদং মন্বানাঅন্নরসান্ বলং চাধিকৃত্য শিশিরষট্কম্, চযাদীন্ শোধনং চাধিকৃত্য প্রাবৃট্ষট্কম্, ইতি ব্যবস্থাপযন্তি| তদসত্| চরকখারণাদিপ্রভৃতিভিঃ শিশিরষট্কমেবাধিকৃত্য চযাদীনামুক্তত্বাত্| শোধনস্যতু চৈত্রশ্রাবণকার্তিকেষু বিধান্নান্ন ৠত্বপেক্ষা| ৠত্বপেক্ষাযামপি সাধারণর্তূনাং শিশিরষট্কেপি বিদ্যমানত্বান্ন প্রাবৃট্ষট্কাপেক্ষা| অন্যেতু গঙ্গাযা দক্ষিণে বৃষ্টিবাহুল্যাত্ প্রাবৃট্ষট্কম্, উত্তরে শীতবাহুল্যাত্ শিশিরষট্কম্, ইতি ব্যবস্থাপযন্তি| তদপ্যসত্ উভযত্রাপি চাতুর্মাসিকবৃষ্টিশীতোপলংভাত্, আশ্বিনে দিব্যোদকগ্রহণস্যোভযদেশবিষযত্বাচ্চ| ভেদপক্ষে হ্যুত্তরদেশে তদনার্তবং স্যাত্| যত্তু সুশ্রুতস্য (উ.অ.৬৪/৪৫)-"তাপাত্যযে হিতা নিত্যম্" ইত্যাদি,বর্ষাচর্যাযাঃ পৃথক্ প্রাবৃট্চর্যাভিধানম্, তদতিদুর্দিনবিষযম্| তথা চ চরকঃ (সূ.অ.৬/৩৬)-" ব্যক্তাম্ললবণস্নেহং বাতবর্ষাকুলেঽহনি| বিশেষশীতে ভোক্তব্যং বর্ষাস্বনিলশান্তযে|| " ইতি| অত এব সুশ্রুতেন তাপাত্যযশব্দঃ প্রযুক্তঃ| তাপস্য- অর্কপ্রকাশস্য, অত্যযঃ- অত্যন্তাপগমঃ, স চাতিদুর্দিন এব, ইতি সর্বং সমঞ্জসম্| তস্মাদ্বাগ্ভটাচার্যাভিমতমভেদপক্ষমেবাশ্রযধ্বমিতি| প্রথমর্তুত্রযস্য সংজ্ঞাদ্বযমাহ-ত্রিভিরিতি| তৈঃ-শিশিরাদ্যৈস্ত্রিভিঃ, উত্তরাযণমাদানং চ বিদ্যাত্| আদানসজ্ঞাং নির্বক্তি- তদাদত্ত ইতি| তত্-শিশিরাদিত্রযং, নৃণাং প্রতিদিনং বলমাদত্তে, ইতি আদানম্| বলবিসর্গংপ্রতি সৌম্যত্বস্য হেতুত্বেনোপাদানাত্ বলাদানং প্রতি আগ্নেযত্বস্য হেতুত্বং জ্ঞেযম্|

সর্বাঙ্গসুন্দরী ব্যাখ্যা ( কৃত)

স০-আদিত্যশ্চ পবনাশ্চাদিত্যপবনাঃ, তে তস্মিন্ কালে যস্মাত্সৌম্যান্গুণান্ ভুবঃ সম্বন্ধিনঃ ক্ষপযন্তি- বিনাশযন্তি| কীদৃশাস্তে ? অত্যর্থং- অতিশযেন তীক্ষ্ণাশ্চোষ্ণাশ্চ রূক্ষাশ্চাত্যর্থ- তীক্ষ্ণোষ্ণরূক্ষাঃ| কস্মাদেবংবিধাস্তে ? ইত্যাহ- মার্গস্বভাবতঃ- বর্ত্মস্বাভাব্যাত্| ন চ স্বভাবঃ পর্যনুযোগমর্হতি| মার্গঃ- উষ্ণাংশোরুত্তরদিগ্গমনম্| যতশ্চাদিত্যপবনা রূক্ষাস্ততস্তিক্তাদযো রসা বলিনো ভবন্তি| ক্রমাদিত্যনেন যথাসংখ্যমত্র বোধযতি| তেন তিক্তঃ শিশিরে, বসন্তে কষাযো, গ্রীষ্মে কটুকো, বলীত্যবতিষ্ঠতে, ন সর্বে তিক্তাদয একৈকস্মিন্নৃতাবিতি| তিক্ত ইত্যাদ্যসমাসকরণং জ্ঞাপনার্থম্| তিক্তাদিরেকৈকো বলী ভবতি| দ্বৌ তু স্বপ্রমাণাবস্থিতৌ| নৈবর্তৌ পৃথগ্ভূয তিক্তাদের্বলবত্ত্বমিত্যর্থঃ| যত এবং ভূমেঃ সৌম্যগুণহানির্বর্ধনং চ রূক্ষাণাং রসানাম্, তস্মাত্কারণাদাদানমাগ্নেযম্|

আযুর্বেদরসাযনম্ ব্যাখ্যা ( কৃত)

আ০র০-আগ্নেযত্বে হেতুমাহ- তস্মিন্নিতি| হি- যস্মাত্, তস্মিন্কালে, ভুবঃ সৌম্যান্ গুণনাদিত্যপবনাঃ ক্ষপযন্তি| নন্বাদিত্যপবনাঃ সর্বদা সন্তোঽপি তদৈব কুতঃ ক্ষপযন্তি? ইত্যত আহ-অত্যর্থতীক্ষ্ণোষ্ণরূক্ষাঃ, মন্দাদিসৌম্যগুণবিপরীততীক্ষ্ণাদিগুণোদ্রেকাদিত্যর্থঃ| তদৈবৈবং কুতঃ? ইত্যাহ-মার্গস্বভাবতঃ,- মার্গস্বভাবাভ্যাং| স্বভাবঃ প্রকৃতত্বাত্কালস্য| উক্তং হি সঙ্গ্রহে(সূ.অ.৪)-"কালস্বভাবমার্গপরিগৃহীতঃ" ইতি| মার্গো- মকরাদিরাশিপরিচ্ছিন্ন আকাশভাগঃ| যতশ্চাত্র-অস্মিন্কালে, তিক্তাদযো রসা বলিনঃ, ক্রমাদিতি যথাসঙ্খ্যেনোত্তরোত্তরাশ্চ| তেন শিশিরে তিক্তো বলী, ততোপি বসন্তে কষাযঃ, ততোপি গ্রীষ্মে কটুক ইতি| তস্মাদিতি আগ্নেযগুণৈর্বিপরীতানাং সৌম্যগুণানাং হানেস্তুল্যগুণানাং তিক্তাদীনাং বৃদ্ধেশ্চাদানমাগ্নেযম্|

সর্বাঙ্গসুন্দরী ব্যাখ্যা ( কৃত)

স০-ত্রযো বর্ষাদয ঋতবো দক্ষিণাযনং ভগবতো দিবাকরস্য দক্ষিণদিগ্গমনম্| স চ কালো বিসর্গাখ্যঃ|

আযুর্বেদরসাযনম্ ব্যাখ্যা ( কৃত)

আ০ র০-দ্বিতীযর্তুত্রযস্য সংজ্ঞাদ্বযমাহ-ঋতব ইতি| বর্ষাদযস্ত্রয ঋতবো দক্ষিণাযনং বিসর্গশ্চোচ্যতে|

সর্বাঙ্গসুন্দরী ব্যাখ্যা ( কৃত)

স০-যত্- যস্মাত্, বলমযং কালো বিসৃজতি- দদাতি দক্ষিণাযনাখ্যঃ, তস্মাদ্বিসর্গোঽন্বর্থসংজ্ঞঃ কালঃ| হি- যস্মাত্, অত্র- বিসর্গাখ্যে কালে, সৌম্যত্বাত্- সোমভূযিষ্ঠত্বাত্, সোমো বলবান্, তদাশ্রিতরাত্রিবৃদ্ধিদর্শনাত্| হীযতে রবিঃ- তদাশ্রিতদিনহান্যুপলব্ধের্হীনশক্তিঃ সম্পদ্যতে| কদা ? মহীতলে- ভূপৃষ্ঠে, শান্ততাপে সতি| কৈঃ ? মেঘবৃষ্ট্যনিলৈঃ শীতৈঃ| শীতৈরিত্যুপলক্ষণার্থম্, বিসর্গকালত্বান্মৃদুভিঃ স্নিগ্ধৈরপীতি| অত এব স্নিগ্ধা রসা অম্ললবণমধুরা বলিনো ভবন্তি| অত্রাপি ক্রমাদিত্যনুবর্ততে| পূর্ববচ্চ ব্যাখ্যেযম্|

আযুর্বেদরসাযনম্ ব্যাখ্যা ( কৃত)

আ০ র০-বিসর্গসংজ্ঞাং নির্বক্তি-যদ্বলমিতি| যত্-যস্মাত্, অযং কালঃ সৌম্যত্বাদ্ধেতোর্বলং বিসৃজতি-দদাতি, অতো বিসর্গাখ্যঃ| সৌম্যত্বে হেতুমাহ-অত্র সোম ইতি| হি-যস্মাত্, অত্র-অস্মিন্ কালে মার্গে চ, তদ্বশাত্সোমো বলবান্ ভবতি| তবিশ্চ হীযতে-ত্যজ্যতে, প্রকৃতত্বাদ্বলেন| ন কেবলং কালমার্গবশাত্, কিন্তু শীতৈর্মেঘবৃষ্ট্যনিলৈশ্চ| বৃষ্ট্যা বিনাঽপি ছাযাযা এব কারণত্বান্মেঘানাং পৃথগ্গ্রহণম্| তথা, ইহ-অস্মিন্ কালে, অম্লাদ্যাঃ স্নিগ্ধা রসা বলিনো ভবন্তি| কস্মিন্সতি ? তৈরেব মেঘাদ্যৈঃ শান্ততাপে মহীতলে সতি| আদানে হ্যাদিত্যপবনতাপিতাযাং ভুবি সৌম্যগুণক্ষযাদ্রূক্ষা রসা বলিন আসন্| বিসর্গে পুনঃ শান্ততাপাযাং ভুবি সৌম্যগুণলাভাত্ স্নিগ্ধা রসা বলিন ইত্যর্থঃ| চকারেণ ক্রমাদিত্যনুকৃষ্যতে| তেন বর্ষাস্বম্লো বলী, ততোঽপি শরদি লবণঃ, ততোঽপি হেমন্তে মধুর ইতি সিদ্ধম্| সোমবৃদ্ধ্যা, সূর্যহান্যা, স্নিগ্ধরসবলিত্বেন চ বিসর্গস্য সৌম্যত্বমিতিবাক্যার্থঃ| কালমার্গযোঃ কারণত্বং সঙ্গ্রহেঽপ্যুক্তম্ (সূ. অ. ৪)- "কালমার্গমেঘবাতবর্ষাভিহতপ্রতাপে দক্ষিণাযনগেঽর্কে শশিনি চাব্যাহতবলে" ইতি| মার্গোঽত্র কর্কটাদিরাশিষট্কপরিচ্ছিন্ন আকাশভাগঃ|

সর্বাঙ্গসুন্দরী ব্যাখ্যা ( কৃত)

স০-শীতস্বভাবে কালে হেমন্তশিশিরাখ্যে নৃণামগ্র্যং বলং ভবতি| বৃষ্টিশ্চ ঘর্মশ্চ তস্মিন্বৃষ্টিঘর্মে- বর্ষাগ্রেএষ্মাখ্যে কালেঽল্পম্| তুরবধারণে| শেষযোঃ- শরদ্বসন্তযোরৃত্বোর্মধ্যমেব বলম্| ননু, বসন্তে আদানকালত্বাদত্যর্থতীক্ষ্ণোষ্ণরূক্ষৈরাদিত্যপবনৈঃ শোষ্যমাণেষু বলবৃদ্ধিহেতুষু ভুবঃ সৌম্যেষু গুণেষু, কথং মধ্যবলত্বমিতি ? অত্র ব্রূমঃ| বর্ষাদিষু ত্রিষ্বৃতুষু বলমুপচিতং ক্রমেণৈবাপচীযতে| যথা- কৄষ্ণপক্ষে চন্দ্রঃ| তস্মাদ্দীর্ঘকালানুবৃত্তং বলমুপচিতং বসন্তে ক্রমেণৈবাপচীযতে, ইতি মধ্যবলত্বং যুক্তম্| অনেনৈব হেতুনা শিশিরেঽগ্র্যবলত্বম্| যতঃ সকলেন বিসর্গিণা কালেন যদুপচিতমতিশযেন বলং তত্ শিশিরে প্রারম্ভমাত্রাদানকালেঽপচীযমানমপি বলং ন হীনং লক্ষ্যতে| যথা- কৃষ্ণপক্ষাদৌ চন্দ্রঃ ক্ষীযমাণঃ, ইতি যুক্তমুক্তং শীতেঽগ্র্যং বলং বসন্তে চ মধ্যং বলমিতি|

আযুর্বেদরসাযনম্ ব্যাখ্যা ( কৃত)

আ০ র০-যেনৈব ক্রমেণ বলমুপচীযতে, তেনৈব চাপচীযত ইত্যাহ-শীতেঽগ্র্যমিতি| শীতে-হেমন্তশিশিরযোঃ, অগ্র্যংভাগত্রযপূর্ণং বলম্| বৃষ্টিঘর্মে-প্রাবৃড্গ্রীষ্মযোঃ, অল্পংভাগদ্বযোনম্| শেষযোঃ-শরদ্বসন্তযোঃ, মধ্যং-একভাগোনম্| (যে তু শিশিরে চতুর্ভাগপূর্ণস্য বলস্য বসন্তে ভাগদ্বযোনত্বং বিধায মধ্যং বলং কল্পযন্তি| তদসত্| ক্রমেণাপচিতৌ বসন্তে ভাগদ্বযোনতানুপপত্তেঃ| উত্কৃষ্টমধ্যাল্পতযা অত্র মধ্যত্বং বেদ্যম্| একভাগোনং মধ্যং, দ্বিভাগোনমল্পমিতি|) যাবদ্বলং বিসর্গস্যান্ত্যে দিনে তাবদাদানস্যাদ্যে, যাবদ্বিসর্গস্যোপান্ত্যে তাবদাদানস্য দ্বিতীযে| এবং যাবদ্বিসর্গস্যাদ্যে তাবদাদানস্যান্ত্যে, ইতি হেমন্তপর্যন্তং বাচ্যম্| ইতি ঋতুনির্ণযঃ|

সর্বাঙ্গসুন্দরী ব্যাখ্যা ( কৃত)

স০-কিল বিসর্গাভিবর্দ্ধিতবলত্বাত্পুমান্ বলী ভবতি| তস্য বলিনঃ পুংসো হেমন্তে কালে শীতসংরোধাদ্ধেতোরনলোঽগ্নির্বলী ভবতি| যতঃ সর্বতঃ স্রোতোরোধাজ্জাঠরোঽগ্নিরান্তরৈরেব স্বেরর্চির্ভিরভিবর্ধতে| বর্ধিতশ্চাসৌ যুক্তমাহারং সম্যক্পচতি| পক্বাচ্চাহারাদ্বলমভ্যাধিকং জাযতে| হেমন্তে ইত্যনেন এতত্ দ্যোতযতি, অস্মিন্নেব কালে শীতসংরোধাত্ প্রবলোঽগ্নির্ভবতি, ন তু ঋত্বন্তরোপজনিতশীতসংরোধাত্| তথা হি- অন্যর্তুজেন শীতেনাগ্নিসাদো ভবতি, যথা- বর্ষাসু| তত্র হি বৃষ্টিবাতাভ্যাং ভবতি শীতম্, ন চাগ্নিদীপ্তিঃ| তথা চাষ্টাঙ্গসঙ্গ্রহে (সূ.অ.৪)- "বৃষ্টিবাতাকুলে ত্বহ্নি ভোজনং ক্লেদবাতজিত্| পরিশুষ্কং লঘুস্নিগ্ধমুষ্ণাম্ললবণং ভজেত্" ইতি| ইহ পুনরনেকরূপং গৌরবযুক্তং ভোজনং শস্যতে| বক্ষ্যতি হি- "অতো হিমেঽস্মিন্" ইত্যারভ্য যাবত্ "রসান্ স্নিগ্ধান্পলং পুষ্টম্" ইত্যাদি| তথোক্তম্- "ঊষ্মা বহিঃ প্রতিহতো হিমশীতবাতৈরন্তঃ শরীরবিবরং প্রতিপদ্যমানঃ| স্বস্থানপিণ্ডিতবপুর্ভবতি প্রচণ্ডঃ শীতেঽনিলানলহরো বিধিরিষ্যতেঽতঃ" ইতি| তথা, যদ্যপি "তত্র সত্ত্বশরীরোত্থং" ইত্যারভ্য যাবত্ "তথোর্জস্করযোগজম্" ইত্যাদিনা (হৃ.শা.অ.৩/৭৮) গ্রন্থেনাহারো যুক্তজস্যৈকস্যৈব বলস্য হেতুরিত্যুক্তো গ্রন্থকৃতা| তথাঽপি যুক্ত্যা নিরূপ্যমাণঃ সহজকালজযোরপি বলযোরাহার এব হেতুঃ, অনুবৃত্তিহেতুত্বাত্| তথা হ্যাহারং বিনা শরীরমেব ন স্যাত্| তদনযা যুক্ত্যা ত্রিবিধমপি বলমাহারজমিতি বোদ্ধব্যম্| ননু, যদি প্রবলোঽনলো ভবতি, ততঃ কিম্ ? ইত্যাহ- অল্পেন্ধন ইত্যাদি| অল্পমিন্ধনমাহারাখ্যং যস্য সোঽল্পেন্ধনঃ সন্, সোঽনলো, ধাতূন্- রসাদীন্ পচেত্| কীদৃশঃ ? বাযুনেরিতঃ- বাতোদ্দীপিতঃ| অতঃ- অস্মাদনন্তরোক্তাদ্ধেতোরল্পেন্ধনত্বে সতি ধাতুপাকাখ্যাত্| অস্মিন্ হিমে শীতে স্বাদ্বম্ললবণাখ্যান্ রসান্ সেবেত| নান্যর্তুসম্ভবে হিম ইত্যস্যার্থস্য দ্যোতনায (অস্মিন্) হিম ইত্যুক্তম্|

আযুর্বেদরসাযনম্ ব্যাখ্যা ( কৃত)

আ০ র০-অথ ঋতুচর্যামাহ| তাং চ শিশিরাদ্যুদ্দেশেঽপি হেমান্তাদিক্রমেণ, শিশিরচার্যাযা হেমন্তচর্যামূলত্বাত্| তত্র সোপপত্তিকাং মধুরাদিসেবাং বিধত্তে-বলিন ইতি| যতো হেমন্তে অনলঃ প্রবলো ভবতি| স চাল্পেন্ধনঃ সন্ ধাতূন্ পচেত্| অতো মধুরাদীন্ সেবেত| প্রাবল্যে হেতুমাহ-শীতসংরোধাত্, রোমকূপানাবৃণ্বতা শীতেনার্চিষাং বহিঃ প্রচারে বারিতে পিণ্ডিতোষ্মত্বাত্ প্রবলঃ| নন্বেবং বর্ষাস্বপ্যাপদ্যেত ইত্যত আহ-বলিনঃ, বলিত্বে সতি শীতসংরোধাত্| বর্ষাসু পুনর্বলহানিঃ| ননু, প্রবলশ্চেত্তত্কিং স্নিগ্ধোষ্ণবীর্যাম্ললবণান্ সেবেত ? ইত্যত আহ-বাযুনেরিতঃ,-শীতজনিতবাযুনা সন্ধুক্ষিতঃ, স ধাতূন্ পচেত্| অম্ললবণৌ চ স্নিগ্ধোষ্ণবীর্যত্বাচ্ছীতস্য তজ্জনিতবাযোশ্চ বিপরীতৌ| অযং বিধিঃ কিং হেমন্তমাত্রে ? নেত্যাহ-হিমে,-শীতযুক্তে| হেমন্তে বিশেষ্যে সত্যপ্যস্মিন্নিতি পদং হেমন্ত এব হিমে এব, অযম্ বিধির্নান্যদেতি নিযমার্থম্| ইদং চোপলক্ষণম্| তেন যস্যর্তোর্যল্লক্ষণং, তদ্যুক্ত এব তস্মিন্নেব তদ্বিধিরিতি| সুশ্রুতস্তু (উ. অ. ৬৪/২২) তিক্তকটুকসেবামপ্যাহ-"হেমন্তে লবণক্ষারতিক্তাম্লকটুকোত্কটম্| সসর্পিস্তৈলমহিমমশনং হিতমুচ্যতে||" ইতি| সাপ্যুচিতা, চীযমানকফপ্রত্যনীকত্বাত্| হেমন্তে হি বাতকফৌ চীযতে| যদাহ খারণাদিঃ-"পিত্তং শাম্যতে, তচ্ছৈত্যাদ্বাযুঃ শ্লেষ্মা চ চীযতে" ইতি|

সর্বাঙ্গসুন্দরী ব্যাখ্যা ( কৃত)

স০-এতর্হি- এতস্মিন্কালে, বুভুক্ষিতঃ প্রাতরেব- প্রত্যুষসি, নান্যকালে যত্কিঞ্চিদ্দিনাতিক্রান্তৌ সত্যাম্, অবশ্যকার্যং- মূত্রোত্সর্গাদিকং দিনচর্যোক্তং, সম্ভাব্য- সম্পাদ্য, যথোক্তং- যথানির্দিষ্টম্, অনু- পশ্চত্, বাতঘ্নতৈলাভ্যঙ্গাদিকং শীলযেত্| যদ্যপি "বুভুক্ষিতঃ, অবশ্যকর্যং সম্ভাব্য যথোক্তং শীলযেদনু" ইত্যুক্তম্, তথাপি বুভুক্ষিতেন ন তথান্যত্কার্যং কার্যম্, যথা ভোজনম্| তথা চোক্তম্- "আহারকালে সম্প্রাপ্তে যো ন ভুঙ্ক্তে বুভুক্ষিতঃ| তস্য সীদতি কাযাগ্নির্নিরিন্ধন ইবানলঃ||" ইতি| তস্মাদৌচিত্যাদ্বুভুক্ষিতেনাহারঃ কার্য ইতি বেদ্যম্| নন্বন্যস্মিন্নপি কালে বুভুক্ষিতস্যৈবাহারানুজ্ঞানাদিহ বুভুক্ষিতগ্রহণং ন কার্যম্| যুক্তমাহ ভবান্| কিন্ত্বস্মিন্কালে জাঠরাগ্নিরত্যগ্নিচ্ছাযানুকারী ভবতি| ততোঽস্য জাঠরাগ্নেরত্যগ্নেরিবোপচারো যুক্তঃ| যথা (চরকে চি.অ.১৫/২১৯, হৃদযে চি.অ.১০/৮৪)- "মুহুর্মুহুরজীর্ণেঽপি ভোজ্যান্যস্যোপহারযেত্| নিরিন্ধনোঽন্তরং লব্ধ্বা যথৈনং ন বিপাদযেত্||" ইতি| অবুভুক্ষিতস্যৈব ভোজনাধিকারিত্বমিতি ভ্রান্তিনিরাসাযেহ বুভুক্ষিতগ্রহণম্| নিশানাং দৈর্ঘ্যাদিতি বিশিষ্টকালোপলক্ষণার্থং কৃতম্| যদাঽত্র হেমন্তে শর্বর্যো দীর্ঘা জাযন্তে, তদৈষ বিধিঃ সর্বোনুষ্ঠেযো ন প্রারব্ধমাত্র এবাস্মিন্নিতি| নন্বত্র সেবেত শীলযেদ্ভজেদিত্যেকার্থাভিধাযীনি বহূনি ক্রিযাপদানি কিং নির্দিষ্টানি ? একেনৈবার্থাধিগতেঃ| অত্র ব্রূমঃ| কার্যান্তরসূচনার্থমেতত্পদত্রযং কৃতম্| তথা হি- "অতো হিমেঽস্মিন্সেবেত" ইত্যত্র যঃ সেবেতশব্দঃ স ইদং দ্যোতযতি- স্বাদ্বম্ললবণরসাঃ পবনবিজযার্থমস্মিন্ কালে নিতরামুপযোক্তব্যাঃ| ন কাদাচিত্ক এষামস্মিন্নৃতাবুপযোগো বিধেয ইতি| অত এব বাতঘ্নতৈলাভ্যঙ্গাদেঃ পৃথগেষাং রসানামুপন্যাসঃ| তথা, "যথোক্তং শীলযেত্" ইত্যত্র যঃ শীলযেদিত্যেষ শব্দঃ স বাতঘ্নতৈলাদেঃ সর্বস্য তুল্যকক্ষতাং দ্যোতযতি| তথা, "প্রাবারাজিন" ইত্যাদৌ যো ভজেচ্ছব্দঃ স সকলস্যাহারবিহারশীলনস্য শযনবিধেশ্চ তুল্যতাং প্রথযতি| তথা চ বক্ষ্যতি (সূ.অ.৭/৫১)- "আহারশযনাব্রহ্মচর্যৈর্যুক্ত্যা প্রযোজিতৈঃ| শরীরং ধার্যতে নিত্যমাগারমিব ধারণৈঃ||" ইতি| বাতঘ্নতৈলৈরভ্যঙ্গং শীলযেত্| তৈলস্য সর্বস্যৈব বাতঘ্নত্বাদ্বাতঘ্নেতি বিশেষণমতিশযপ্রতিপাদনার্থম্, তেন বলাতৈলাদিভিরিতি বোধ্যম্| মূর্ধ্নি তৈলং-শিরোভ্যঙ্গাদি| বিমর্দনং- শরীরসংবাহনম্, এতদৌচিত্যাদভ্যক্তঃ সন্ শীলযেত্| কুশলৈঃ- তদ্বিদ্ভিঃ সার্ধং, নিযুদ্ধং- বাহুযুদ্ধং, শীলযেত্| পাদাঘাতং- পাদেন বিমর্দনম্, যুক্তিত ইত্যনেনার্ধশক্ত্যৈব শীলনং দ্যোতযতি| বাহুযুদ্ধপাদাঘাতযোশ্চানভ্যক্তস্যৈব শীলনং যুক্তম্|

আযুর্বেদরসাযনম্ ব্যাখ্যা ( কৃত)

আ০ র০-দিনচর্যাবিহিতস্যাভ্যঙ্গাদেবির্শেষমাহ-দৈর্ঘ্যাদিতি| এতর্হি-এতস্মিন্কালে, অভ্যঙ্গাদীন্ শীলযেত্| কদা ? প্রাতঃ| কিমবশ্যকার্যং বাধিত্বা ? নেত্যাহ-যথোক্তমবশ্যকার্যং-শৌচাদিকং, সম্ভাব্য-সম্যক্ কৃত্বা| কিমজাতান্নপানেচ্ছ এব ? নেত্যাহ-বুভুক্ষিত এব| ননু প্রাতঃ কথং বুভুক্ষিতঃ ? ইত্যত আহ-নিশানাং দৈর্ঘ্যাত্| সম্ভাব্যেত্যনেন পশ্চাদর্থে সিদ্ধে নৈরন্তর্যার্থমনুগ্রহণম্| অভ্যঙ্গসেকপিচবো বস্তিশ্চেতি চতুর্বিধং মূর্ধতৈলম্| অভ্যঙ্গস্য পৃথগুপাদানমিতরাবযবার্থম্| বিমর্দনং-করাভ্যাং পীডনম্| অভ্যঙ্গমূর্ধতৈলবিমর্দনানি বাতঘ্নতৈলৈর্বলাতৈলাদিভিঃ শীলযেত্| নিযুদ্ধং-বাহুযুদ্ধম্| কুশলৈঃ-মল্লৈঃ| পাদাঘাতং-পাদাভ্যাং মর্দনম্| যুক্তিতঃ-মাত্রাদ্যনতিক্রমেণ|

সর্বাঙ্গসুন্দরী ব্যাখ্যা ( কৃত)

স০-কষাযেণ- রোধ্রাদিনা, অপহৃতঃ- অপনীতঃ, স্নেহো যস্য স এবম্| ততঃ- অনন্তরং, যথাবিধি- শাস্ত্রোদিতেন বিধানেন, স্নাতঃ| কুঙ্কুমেন- কাশ্মীরেণ, প্রদিগ্ধঃ- অনুলিপ্তঃ| দর্পঃ- কস্তূরিকা, তেন সহ বর্ততে যত্কুঙ্কুমং তদেবম্| তথা, অগুরুণা- জোঙ্গকেন ধূপিতঃ| রসান্- মাংসরসান্, স্নিগ্ধান্ ভজেত্| মাংসরসানাং স্নিগ্ধত্বেঽপি স্নিগ্ধানিতি বিশেষণমতিশযদ্যোতনার্থম্| স্নিগ্ধতমান্ রসানিত্যর্থঃ| পলং- মাংসং, পুষ্টং- মেদুরং, ভজেত্| তথা, গুডস্যেদং গৌডং তন্মধ্যম্| তথা, অচ্ছসুরাং- সুরামণ্ডং, সুরাং- মদিরাং, চ ভজেত্| অম্লেনান্নেন কষাযদ্রব্যৈশ্চ যা ক্রিযতে সা সুরা ভণ্যতে| ননু, দ্বিধৈব সুরা সেব্যত্বেনেহাভীষ্টা, তত্সুরাশব্দ এব নির্দেষ্টুং ন্যায্যঃ| তস্মিন্হি সামান্যপদে নির্দিষ্টে দ্বিধৈব সুরা নির্দিষ্টা ভবতি| সত্যমেতত্| কিন্ত্বচ্ছসুরাং নিতরাং ভজেত্, ন তথা সুরামিতি জ্ঞাপনার্থং দ্বযোরুপাদানম্| অত এবাচ্ছসুরামিতি পূর্বং নির্দিষ্টম্| গোধূমেত্যাদি| গোধূমশ্চ পিষ্টং চ মাষশ্চ ইক্ষুশ্চ ক্ষেএরং চ তান্যেবম্| গোধূমপিষ্টমাষেক্ষুক্ষীরেভ্য উত্থানং যাসাং বিকৃতীনাং তা এবম্| উত্পূর্বাত্তিষ্ঠতেঃ সুপেএতি যোগবিভাগাদ্ভাবে কঃ| "উদঃ স্থাস্তম্ভোঃ পূর্বস্য" ইতি সস্য তকারঃ| গোধূমপিষ্টমাষেক্ষুক্ষীরোত্থাশ্চ তা বিকৃতযশ্চ, তাঃ শুভাঃ- রম্যাঃ, ভজেত্| তথা, নবং- অপুরাণমন্নং, তথা বসাংভজেত্| "শুদ্ধমাংসস্য যঃ স্নেহঃ সা বসা পরিকীর্তিতা"| তথা, তৈলং ভজেত্- ভক্ষযেত্| অভ্যঙ্গস্তু প্রাগনুজ্ঞাত এব| শৌচকার্যে- শৌচক্রিযাযাং, সুখোদকং- উষ্ণোদকং, ভজেত্| প্রাবারঃ- কার্পাসো রোমবান্ ঘনঃ পটঃ, স্থূলপটকাদিঃ| অজিনং- সুখস্পর্শরোমচর্ম| কৌশেযং- পট্টবসনম্| প্রবেণী- সূচীবাণাখ্যো বস্ত্রবিশেষঃ| কৌচবং- রাঙ্কববস্ত্রভেদঃ, তবরক ইত্যন্যে| এতৈরাস্তৃতং- দত্তপ্রচ্ছদপটং, শযনং ভজেত্| কীদৃক্ শযনং ভজেত্ ? উষ্ণস্বভাবৈঃ- রোমশিকারল্লিকাপ্রাযৈঃ, প্রাবৃতঃ- প্রকর্ষেণাচ্ছাদিতঃ| তথা, অর্ককিরণান্ভজেত্| কথম্ ? যুক্ত্যা- সম্যগ্যোগলক্ষণযা| অতিসেবিতা হি গ্লান্যাদীন্ কুর্যুঃ| তথা, স্বেদং ভজেত্| যুক্ত্যৈবেত্যত্রাপি যোজ্যম্| অতিসেবিতো হি স্বেদো গ্লান্যাদীন্ জনযেত্| পাদত্রাণং চ- পাদুকাদিকং, সর্বদা ভজেত্|

আযুর্বেদরসাযনম্ ব্যাখ্যা ( কৃত)

আ০ র০-উদ্বর্তনাদের্বিশেষমাহ-কষাযেতি| কষাযাপহৃতস্নেহাদিকো ভূত্বা রসাদীন্ ভজেত্| কষাযেণাপহৃতঃ স্নেহঃস্নেহাপহরণমাত্রমুদ্বর্তিতঃ, ন ত্বন্যকালবদুত্পাদিতরৌক্ষ্যঃ| যথাবিধি স্নাতঃ, বিধিশ্চাত্র শীতকালোচিতত্বাত্ সর্বাঙ্গানামুষ্ণোদকেন স্নানম্| উক্তং চ চরকেণ (সূ. অ. ৬/১৪)- "অভ্যঙ্গোত্সাদনে মুর্ধতৈলং জেন্তাকমাতপম্" ইতি| জেন্তাকংসর্বাঙ্গোষ্ণোদকস্রানমিতি বাষ্পচন্দ্রঃ| সদর্পেণ-সক্স্তূরিকেণ| প্রদিগ্ধো-অনুলিপ্তঃ| রসান্-মাংসরসান্| স্নিগ্ধান্ ঘৃতাদিসংস্কৃতান্| পলং-মাংসম্| পুষ্টং-মেদুরম্| গৌডং-গুডকৃতং মদ্যম্| অচ্ছসুরাং-সুরামণ্ডম্| সুরাং-ঘনসুরাম্| অচ্ছসুরাযাঃ পৃথগ্গ্রহণমতিশযভজনার্থম্| গোধূমাদ্যুত্থাঃ-গোধূমাদিকৃতা মোদকাদ্যাঃ| পিষ্টং-শালিপিষ্টম্| শুভাঃহৃদ্যাঃ| নবং-অনতিক্রান্তবত্সরম্| অন্নং-ধান্যম্| বসাং-মাংসস্নেহম্| রসাদিতৈলান্তং ভোজনোপযোগি| সুখোদকং-কবোষ্ণমুদকম্, তচ্চ শৌচকার্যে| পানে তু শীতমেব| প্রবারঃ-কার্পাসরোমবান্ ঘনঃ পটঃ| অজিনং-চর্ম| কৌশেযং-কৃমিকোশোত্থম্| প্রবেণী-সূচীবাণাখ্যং বস্রম্| কুথকঃ-কম্বলঃ| উষ্ণস্বভাবৈর্লঘুভির্বস্রৈঃ প্রাবৃতঃ| অর্ককিরণান্ স্বেদং চ যুক্ত্যা-সম্যগ্যোগেন ভজেত্| পাদত্রাণং সর্বদা-বহিশ্চরণং বিনাপি, বহিশ্চরণে তু দিনচর্যাযামুক্তমেব|

সর্বাঙ্গসুন্দরী ব্যাখ্যা ( কৃত)

স০-ঊরূ চ স্তনৌ চ শ্রোণিশ্চ ঊরুস্তনশ্রোণি| পীবরং- পীনং, ঊরুস্তনশ্রোণি যাসাং তা এবম্ভূতাঃ, প্রমদাঃ- বিলাসিন্যঃ, শীতং হরন্তি- নুদন্তি| পীনত্বেনাতিকার্শ্যমত্র নিষিধ্যতে| তথা চাহ গ্রাম্যধর্মাধিকারে (হৃ.সূ.অ.৭/৬৯)- "ত্যজেদতিকৃশাম্" ইতি| কিম্ভূতাঃ ? সহ মদেন- যৌবনোদ্ভূতেন সুরাদিপানজেন কামোদ্রেককারিণা বা, বর্তন্তে তাঃ সমদাঃ| তথা, প্রিযাঃ- বল্লভাঃ, শীতং হরন্তি| কিম্ভূতাঃ ? উষ্ণাঙ্গ্যো ধূপকুঙ্কুমযৌবনৈঃ- অগুর্বাদিধূপেনোষ্ণাঙ্গ্যঃ, তথা কুঙ্কুমানুলেপনেনোষ্ণাঙ্গ্যঃ, তথা যৌবনোষ্মণা, সহজেনোষ্ণাঙ্গ্য ইতি যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-শীতাপহন্তৃত্বকথনদ্বারা স্ত্রীসেবাং পিধত্তে পীবরেতি| প্রমদাঃ-স্ত্রিযঃ| সমদাঃ-যৌবনোত্থং মদ্যজং চ মদং বিভ্রাণাঃ|

সর্বাঙ্গসুন্দরী ব্যাখ্যা ( কৃত)

স০-অঙ্গারাণাং তাপোঽঙ্গারতাপঃ, তেন সন্তপ্তং চ তদ্গর্ভেঽভ্যন্তরে ভূবেশ্ম চ তত্তস্মিংশ্চরতি- তিষ্ঠতি নিত্যং যস্তস্যাঙ্গারতাপসন্তপ্তগর্ভভূবেশ্মচারিণঃ পুংসো যতঃ শীতপারুষ্যজনিতো দোষো- দুঃখং, ন জাতু- কদাচিজ্জাযতে, ততোঽঙ্গারতাপসন্তপ্তগর্ভভূবেশ্মচারী স্যাদিতি ভাবঃ|

আযুর্বেদরসাযনম্ ব্যাখ্যা ( কৃত)

আ০ র০-শীতাপহন্তৄত্বকথনদ্বারা নিবাতোষ্ণগৃহসেবাং বিধত্তে-অঙ্গারেতি| অঙ্গারাণাং তাপেন সন্তপ্তং যদ্বেশ্ম, যচ্চ গর্ভবেশ্ম-গৃহান্তর্বর্তিগৃহং, যচ্চ ভূবেশ্ম-ভূম্যন্তর্বর্তিগৃহং, তেষু যশ্চরতি স তথা| শীতেন যত্পারুষ্যং তজ্জনিতো দোষো জাতু কদাচিত্, তস্য ন জাযতে| তস্মাত্তানি ভজেদিত্যর্থসিদ্ধম্|

সর্বাঙ্গসুন্দরী ব্যাখ্যা ( কৃত)

স০-অযমেব- হৈমন্তঃ, বিধিঃ- পূর্বোক্তঃ, শিশিরে চ বিশেষতঃ- অতিশযেন কার্যঃ| কুতঃ ? ইত্যাহ- যস্মাত্তস্মিন্ কালে শীতমধিকং ভবতি, কালস্বাভাব্যাত্| তথা, আদানকালাজ্জাতমাদানকালজং চ রৌক্ষ্যং ভবতি| ততো হেতুদ্বযাদ্বিশেষেণ হৈমন্তিকো বিধিঃ সেব্যঃ| হেমন্তে "রসান্ স্নিগ্ধান্ শীলযেত্" ইত্যুক্তম্| শিশিরে তানতিশযেন শীলযেত্| এবং সর্বোঽপি হৈমন্তিকৌ বিধির্যোজনীযঃ| আদানকালজমিত্যনেনৈতদ্দ্যোতযতি| আদানকাল এব রৌক্ষ্যস্য কারণম্, নান্যত্| অত এব হেমন্তে শীতেঽপি রৌক্ষ্যং নাস্ত্যেবেতি| আদানস্য চ প্রারম্ভমাত্রত্বে এব শিশিরস্য সম্ভব ইতি শিশিরে কিঞ্চিদেব রৌক্ষ্যং বেদ্যম্| ননু, যথা রৌক্ষ্যমাদানকালজং তথৌষ্ণ্যমপি| তথা চোক্তম্- "তস্মিন্ হ্যত্যর্থতীক্ষ্ণোষ্ণরূক্ষাঃ" ইতি| এবং চৌষ্ণ্যসদ্ভাবাচ্ছীতস্য হেমন্ততো হানিঃ প্রাপ্তা, ন ত্বাধিক্যম্| তত্কথমুক্তং "তদা হি শীতমধিকম্" ইতি ? ব্রূমঃ| রৌক্ষ্যস্য দ্বৌ হেতূ| একস্তাবদ্ভগবদ্দিবাকরকরৈর্জগত্স্নেহাদানম্| দ্বিতীযস্ত্বাগ্নেযঃ কালঃ| তদেবং রৌক্ষ্যেণোভযহেতুজেন শিশিরে কালে বাতাঃ শীতস্বভাবা আহিতাধিকশক্তযো জাযন্তে হৈমন্তেভ্যো মারুতেভ্যঃ| তথাবিধাশ্চৌষ্ণ্যেনাদানকালজেনাদানকালপ্রাথম্যাদপ্রাপ্তবলেন শিশিরে নাভিভূযন্তে| অনভিভূতাশ্চ শীতস্বভাবত্বাচ্চ শীতমেব বর্ধযন্তি| অতো যুক্তং শীতাধিক্যং শিশির ইতি|

আযুর্বেদরসাযনম্ ব্যাখ্যা ( কৃত)

অ০ র০-শিশিরচর্যামাহ-অযমেবেতি| অযং-হেমন্তোক্তঃ| স্বযুক্ত্যা ন্যূনাধিকপ্রযোগনিষেধার্থমেবশব্দঃ| বিশেষতঃ-অত্যভ্যাসেন| হি-যস্মাত্, তদা-তস্মিন্কালে, অধিকং শীতম্, আদানকালজং রৌক্ষ্যং চ| চকারাদ্বাতকোপবলক্ষযৌ চ| যথোক্তং খারণাদিন-"স্বভাবশৈত্যাদ্রৌক্ষ্যাচ্চ বাতকোপাদ্বলক্ষযাত্| বিধির্বিশেষাত্স্নিগ্ধোষ্ণঃ শিশিরে হৈমনোমতঃ||" ইতি| বাতকোপশ্চ তেনৈবোক্তঃ-"স বাযুঃ শিশিরে কোপং যাত্যেবোপচযং কফঃ|" ইতি|

সর্বাঙ্গসুন্দরী ব্যাখ্যা ( কৃত)

স০-শিশিরে মধুরস্নিগ্ধাদিনা আহারেণ কালস্বাভাব্যাচ্চ শ্লেষ্মা সঞ্চিতোঽতিশযেন স্ত্যানত্বাদতিকুপিতো বসন্তে ঋতাবর্কাংশুতাপিতঃ- সূর্যপ্রভাভির্বিলাযিতো, দ্রবস্বরূপত্বাজ্জলমিব বিপরীতং জাঠরাগ্নিং হত্বা, হি- যস্মাত্, রোগান্- বিকারান্, কুরুতে- জনযতি| অতঃ- অস্মাত্কারণাত্, তং- কফং, ত্বরযা- শীঘ্রমেব, জযেত্| দোষানিতি কেচিত্পঠন্তি| অর্কতাপিত ইত্যনেনৈব সিদ্ধে অংশুশব্দোঽত্র রশ্মীনাং পটিমানং সূচযতি, ন তথা শীতে| তত্র হি (সং.সূ.অ.৪)- "ধূমধূম্ররজোমন্দাস্তুষারাবিলমণ্ডলাঃ| দিগাদিত্যাঃ" ইত্যধিজগে| কৈর্জযেত্? তীক্ষ্ণৈর্বমননস্যবিরেকাদিভিরুপক্রমেত্| তথা, লঘূনি রূক্ষাণি চ যানি ভোজনানি, তৈশ্চ| তথা, ব্যাযামশ্চোদ্বর্তনং চ আঘাতশ্চ তৈশ্চ কফং জযেদিতি| চশব্দো লুপ্তনির্দিষ্টঃ| ততঃ কফমুল্বণং- উদ্ধতং, জিত্বাঽনন্তরং স্নাতোঽনুলিপ্তঃ- সমালিপ্তঃ কর্পূরচন্দনাগুরুকুঙ্কুমৈঃ| তথা, পুরাণং চ তদ্যবগোধূমং চ, তথা, ক্ষৌদ্রং- মাক্ষিকং, তথা জাঙ্গলং চ তচ্ছূল্যং চ- "শূলেন সংস্কৃতং মাংসং শূল্যম্" ভটিত্রং চ, তত্তানি ভুঙ্ক্তে পুরাণযবগোধূমক্ষৌদ্রজাঙ্গলশূল্যভুক্| শূল্য ইতি "শূলোখাদ্যত্" ইতি যত্| এবংবিধঃ সন্ বযস্যৈঃ- মিত্রৈঃ সহিত আসবাদীন্ পিবেত্| কিম্ভূতান্? নির্গদান্- নিবৃত্তগদান্নির্দোষান্, পিবেদিতি বক্ষ্যমাণেন সম্বন্ধোঽত্র দীপকত্বাত্| আসবো- যো দ্রব্যাণ্যাসুত্য ক্রিযতে| উক্তং চ- "মদ্যাকরাধিকদ্রব্যমদিরাদ্যৈঃ কৃতস্তু যঃ| সোঽরিষ্টঃ স্যাদাসবস্তু দ্রব্যাণ্যাসুত্য যঃ কৃতঃ||" ইতি| সীধুঃ- ইক্ষুরসোদ্ভবঃ| মার্দ্বীকং- মৃদীকারসোদ্ভবম্| মাধবো- মধুনা সংস্কৃতঃ| কিম্ভূতানাসবাদীন্? সহকাররসোন্মিশ্রান্- অধিবাসিতান্| তথা, প্রিযযা- দযিতযা, আস্বাদ্য- কিঞ্চিত্পীত্বা, অর্পিতান্- ঢৌকিতান্| তথা, প্রিযাস্যসঙ্গেন সুরভীন্,-সুগন্ধীন্| তথা, প্রিযানেত্রাণ্যেবোত্পলানি তৈরঙ্কিতান্-সঞ্জাতশোভান্| তথা, সৌমনস্যকৃতঃ- চিত্তপ্রসাদকৃতঃ| তথা, হৃদ্যান্- হৃদযায হিতান্| তথা, শৃঙ্গবেরাম্বু- শুণ্ঠীক্বথিতজলং পিবেত্| তথা, সারঃ-অসনচন্দনাদিজঃ, তেন ক্বথিতমম্বু পিবেত্| তথা, মধুনা যুক্তমম্বু মধ্বম্বু| জলদেন- মুস্তযা চ ক্বথিতমম্বু পিবেত্| চেতি সমুচ্চযে|

আযুর্বেদরসাযনম্ ব্যাখ্যা ( কৃত)

আ০ র০-অথ বসন্তচর্যা| সা চ দ্বিবিধা, শোধনী শমনী চ| তত্র চযপূর্বকে প্রকোপে শোধনী, অচযপুর্বকে শমনী| তত্রাকৃতাযাং পূর্বর্তুচর্যাযাং পূর্বর্তুনা চিতস্য দোষস্যোত্তরেণ যঃ প্রকোপঃ স চযপুর্বকঃ| স এবাপথ্যজঃ, পূর্বর্তুসেবিতা পথ্যজাতত্বাত্| যস্তু কৃতাযাং তস্যাং পূর্বেণাচিতস্যোত্তরেণ যঃ প্রকোপঃ সোঽচযপূর্বকঃ| স এব পথ্যজঃ, পূর্বর্তুসেবিতপথ্যজাতত্বাত্| উক্তং চ-"দোষপ্রকোপো দ্বিবিধঃ পথ্যাপথ্যনিমিত্তজঃ| তত্রাপথ্যনিমিত্তো যঃ স সংশোধনমর্হতি|| পথ্যজঃ শমনীযশ্চ প্রায আগনুত্জশ্চ যঃ|" ইতি| তত্র সংশোধনীং বিধত্তে-কফশ্চিত ইতি| যস্মাচ্ছিশিরে চিতঃ কফো, বসন্তে সূর্যরশ্মিভির্দ্রবীকৃতঃ সন্, জলমিব প্রত্যনীকত্বাত্ বহ্নিং হত্বা, রোগান্ করোতি| অতস্তং-চিতং অকুপিতং কফং, বসন্তারম্ভ এব তীক্ষ্ণদ্রব্যকৃতৈর্বমননস্যধূমগণ্ডূষাদ্যৈঃ শোধনৈর্জযেত্| তথা, লঘুরূক্ষৈস্তিক্তকটুকপ্রাযৈঃ সংসর্জনক্রমেণ ভোজনৈশ্চ| শিশিরশব্দেন শীতপর্যাযেণ শিশিরহেমন্তযোর্গ্রহণম্, দ্বযোরপি কফচযাত্| যদাহ খারণাদিঃ-"হেমন্তে নিচিতঃ শ্লেষ্মা শিশিরেঽপি ন কুপ্যতি| আহারৈশ্চ গুরুস্নিগ্ধৈ গুরুস্ত্রিগ্ধৈর্ভৃশমেবোপচীযতে||" ইতি| শমনীং বিধত্তে-ব্যাযামোদ্বর্তনাঘাতৈরিতি| উল্বণং শ্লেষ্মাণং ব্যাযামাদ্যৈর্জিত্বা স্নাতস্ততঃ কর্পূরাদ্যৈরনুলিপ্তঃ, পুরাণযবাদীন্ ভুঞ্জানঃ, আসবাদীন্ পিবেত্| প্রকোপে প্রকৃতেঽপ্যুল্বণগ্রহণমচর্যপূর্বকপ্রকোপার্থম্| আঘাতঃ-পদ্ভ্যাং মর্দনম্| কফগ্রস্তস্যাভ্যঙ্গনিষেধাদ্রূক্ষা এব ব্যাযামাদযঃ| স্নানশীল ইতি চ বচনাত্প্রাপ্তেঽপি স্নানে, স্নাত ইতি শ্লেষ্মকালীনপ্রাতঃস্নাননিষেধার্থম্| ব্যাযামাদীন্কৃত্বৈব স্নাযান্ন পূর্বমিত্যর্থঃ| পুরাণত্বং যবগোধূমক্ষৌদ্রাণাম্| জাঙ্গলং-মৃগাদিমাংসম্, তস্য শূল্যং-ভটিত্রম্| সহকারঃ-অতিসুরভিরাম্রঃ, তস্য রসঃ-তত্ফলবৃন্তনির্যাসঃ, তেন উন্মিশ্রান্-অধিবাসিতান্| প্রিযযা রসবিশেষজ্ঞানার্থং স্বযমাস্বাদ্যার্পিতান্| গন্ধবিশেষজ্ঞানার্থং সঙ্গতেন সহজসুরভিণা প্রিযামুখেন সুরভীকৃতান্| বৈমল্যাদিজ্ঞানার্থমবলোকযন্ত্যাঃ প্রিযাযাঃ প্রতিবিম্বিতাভ্যাং নেত্রাভ্যামুত্পলৈশ্চ সাক্ষন্নিক্ষিপ্তৈরঙ্কিতান্| সৌমনস্যকৃতঃ-পরিণামেন মনঃপ্রশান্তিকরান্| হৃদ্যানাস্বাদে| নির্গদান্-নির্দোষান্| অক্বথিতৈরোষধৈঃ কৃতং মদ্যমাসবঃ| ক্বথিতৈররিষ্টঃ| ইক্ষুরসেন সীধুঃ| দ্রাক্ষারসেন মার্দ্বীকম্, মধুনা মাধবঃ| শৃঙ্গবেরাম্বু-শুণ্ঠ্যা ক্বথিতং জলম্| অসনাদিসারৈঃ সারাম্বু| মুস্তার্ভির্জলদাম্বু| মধুমিশ্রং জলং মধ্বম্বু| অনেকদ্রববিধানং যস্য যত্সাত্ম্যং তত্তেন সেবনার্থমিত্যর্থঃ|

সর্বাঙ্গসুন্দরী ব্যাখ্যা ( কৃত)

স০-কাননেষু- উপবনেষু, স্থিতো মধ্যাহ্নং গমযেত্- অতিবাহযেত্| অহ্নো মধ্যো মধ্যাহ্নঃ| "সংখ্যাবিসা" ইত্যাদিজ্ঞাপকাত্পূর্বাপরেত্যাদিনা একদেশিসমাসঃ| "অহ্নোঽহ্ন এতেভ্যঃ" ইত্যহ্নাদেশঃ| কথম্ ? গোষ্ঠ্যাং- ক্রীডাযাং কথা গোষ্টীকথাস্তাভিঃ, চিত্রাভিঃ- কমনীযাভিঃ, ন ত্বর্থব্যবহারসম্বন্ধিনীভিঃ| কীদৃশঃ সন্ ? সুখী- রাগদ্বেষাদিরহিতঃ| কিম্ভূতেষু কাননেষু ? দক্ষিণদিক্প্রবৃত্তৈরনিলৈঃ শীতানি, তেষু দক্ষিণানিলশীতেষু| তথা, পরিতঃ- সমন্তাজ্জলং নিত্যং বহন্তি যানি তেষু| আভীক্ষ্ণ্যে ণিনিঃ| তথা, ক্বচিত্প্রদেশে অদৃষ্টঃ- ঈষদ্দৃষ্টঃ, ক্বচিদতিঘনত্বাত্ নষ্টঃ- ন দৃশ্যতে, সূর্যো যেষূপবনেষু তান্যেবং তেষু| তথা, মণীনাং- বজ্রমরকতাদীনাং, কুট্টিমানি- বিশিষ্টা ভুবঃ, তাভিঃ কান্তিঃ- শোভ, যেষাং তান্যেবং তেষু| তথা, পরপুষ্টৈঃ- কোকিলৈঃ বিঘুষ্টেষু- কৃতশব্দেষু| তথা, কামস্য কর্মান্তাঃ কামকর্মান্তাঃ- মদনব্যাপারাঃ| অন্তশব্দোঽত্র প্রশংসাবচনে| যথোদ্ভটস্য (কাব্যালঙ্কারসঙ্গ্রহে প্রথমসর্গে) বচনম্- "বনান্তদেবতাবেণ্যঃ" ইতি) কামকর্মান্তনিমিত্তং ভূমযো যেষাং বনানাং তান্যেবং তেষু| বিচিত্রাণি- নানারূপাণি, পুষ্পাণি যেষাং তে তথাবিধা বৃক্ষা যেষাং তান্যেবং তেষু| সুষ্ঠু গন্ধো যেষাং তেষু| "গন্ধস্যেত্" ইতীত্সমাসান্তঃ|

আযুর্বেদরসাযনম্ ব্যাখ্যা ( কৃত)

আ০ র০-ভোজনান্তরমুদ্যানসেবং বিধত্তে-দক্ষিণানিলশীতেষ্বিতি| কাননেষু মধ্যাহ্নং গমযেত্-অতিবাহযেত্| সুখী-অব্যাকুলঃ সন্| গোষ্ঠ্যো-লোকবার্তাঃ| অথাঃ-শাস্ত্রবার্তাঃ| জলবাহিষু-জলাশযযুক্তেষু| অদৃষ্টসূর্যেষু-ঘনচ্ছাযেষু| অনষ্টসূর্যেষু-প্রকাশবত্সু| মণিমযৈঃ-বদ্ধভূমিকৈঃ কান্তিমত্সু| পরপুষ্টৈঃ-কোকিলৈর্নাদিতেষু| কামকর্ম-মদনব্যাপারং, অন্তন্তি-বধ্নন্তি স্বসৌন্দর্যেণোত্তরোত্তরং বর্ধযন্তীতি কামক্রর্মান্তাঃ| "অতি বন্ধনে" ইত্যস্মাত্কর্মণ্যণ্|

সর্বাঙ্গসুন্দরী ব্যাখ্যা ( কৃত)

স০-অস্মিন্কালে কফোপচযদোষভযাত্ গুরুশীতাদীংস্ত্যজেত্| ননু, লবণমপি শ্লেষ্মাণং করোতি, তত্কস্মাদিহ ন নিষিদ্ধম্ ? অতো ব্রূমঃ| লবণঃ পূর্বং কফমম্লমধুরাবিব ন করোতি| কিং তর্হি ? নিধনে চিরন্তনসঞ্চিতং স্রুতিরূপং শ্লেষ্মাণং বিধত্তে, বিষ্যন্দিত্বাত্| ন চ লবণস্য মধুরাদেরিব বহুতরস্য প্রযোগঃ প্রসিদ্ধঃ, কিং তর্হি ? অল্পস্যৈব| তস্মাল্লবণস্যাত্রানিষেধ এব ন্যায্যঃ|

আযুর্বেদরসাযনম্ ব্যাখ্যা ( কৃত)

আ০ র০-গুর্বাদীন্নিষেধতি-গুরুশীতেতি|

সর্বাঙ্গসুন্দরী ব্যাখ্যা ( কৃত)

স০-যত্- যস্মাত্, তীক্ষ্ণাংশুঃ- ভাস্করঃ, অতিতীক্ষ্ণা অংশবঃ- করাঃ, যস্য স এবংভূতঃ সন্, গ্রীষ্মে সংক্ষিপতীব জগত্স্নেহমিত্যত্রানুক্তমপ্যর্থাল্লভ্যতে| কেচিত্তু "স্নেহমর্কোঽতিতীক্ষ্ণাংশুঃ" ইতি পঠন্তি| স্নেহস্তেজো বলং সারমিত্যেকোঽর্থঃ| তং স্নেহমর্কঃ সংক্ষিপতীব- যত্সম্বন্ধাত্ সংহরতীব পিবতীব| ইবশব্দেনৈতত্সূচযতি- হেতুপ্রত্যযপরতন্ত্রেষু সর্বভাবেষু ন কশ্চিত্ক্বচিত্ তদ্বুদ্ধিপূর্বকং সংহরতি| অতঃ- অস্মাত্কারণাত্, অস্মিন্- গ্রীষ্মকালে, পট্বাদীস্ত্যজেত্| পরমার্থতো বলহানিকৃত্ত্বাদেষাম্|

আযুর্বেদরসাযনম্ ব্যাখ্যা ( কৃত)

আ০ র০-অথ গ্রীষ্মচর্যা| তত্র সোপপত্তিকং পট্বাদীন্ নিষেধতি-তীক্ষ্ণাংশুরিতি| যত্-যস্মাত্, তীক্ষ্ণাংশুঃ-সূর্যঃ, গ্রীষ্মেঽতিতীক্ষ্ণাংশুঃ সন্, সংক্ষিপতীব-সংহারপ্রবৃত্ত ইবাঽঽভাতি| অতঃ পট্বাদীংস্ত্যজেত্| অস্মিন্-অতিক্লমবিহ্বললোকে গ্রীষ্মে, পট্বাদীনাং ক্লমহেতুত্বাত্|

সর্বাঙ্গসুন্দরী ব্যাখ্যা ( কৃত)

স০-মধুরমেবান্নং ভজেত্- বাহুল্যেন মধুরমন্নং সেব্যম্, ন তথাঽন্যরসাঘ্রাতম্, ইত্যেবকারাল্লভ্যতে| তথা, লঘু স্নিগ্ধং হিমং দ্রবং চেতি| চশ্ব্দো লুপ্তনির্দিষ্টো দ্রষ্টব্যঃ|

আযুর্বেদরসাযনম্ ব্যাখ্যা ( কৃত)

আ০ র০-মধুরাদিসেবাং বিধত্তে-ভজেদিতি| অন্নং মধুরমেব-মধুরৈকরসম্| পানং তু মধুরাম্লাদিরসমপি, "নিত্যং সর্বরসাভ্যাসঃ" ইতি বচনাদ্রসালাদিবিধানাচ্চ|

সর্বাঙ্গসুন্দরী ব্যাখ্যা ( কৃত)

স০-সক্তূন্ সশর্করান্ লিহ্যাত্| সুষ্ঠু শীতং সুশীতং চ তত্তোযং চ, তেন সিক্তং- আপ্লুতং, অঙ্গং- কাযো, যস্য স এবংভূতঃ সন্|

আযুর্বেদরসাযনম্ ব্যাখ্যা ( কৃত)

আ০ র০-লোকস্য তীব্রতাপশ্রান্তত্বাচ্ছ্রান্তস্য চ ভোজননিষেধাত্পূর্বং শ্রমহরং বিধত্তে-সুশীতেতি| স্নানং সক্তবশ্চ শ্রমহরাঃ|

সর্বাঙ্গসুন্দরী ব্যাখ্যা ( কৃত)

স০-অস্মিন্কালে মদ্যং ন পেযম্| পেযং বা স্বল্পমিতি বাতশ্লেষ্মপ্রকৃতিনা শ্লেষ্মবাতক্ষযার্থমন্যর্তুবদ্বহু ন পেযম্, কিংতর্হি ? স্বল্পমেব পাতব্যম্| সুবহুবারি বেতি পিত্তশ্লেষ্মপ্রকৃতিনা মদ্যোচিতেন শ্লেষ্মক্ষযার্থং পিত্তপ্রতীকারমপীচ্ছতা সুবহুবারি তন্মদ্যং পেযম্| ইত্যত্রানুক্তোঽপ্যেবমর্থাদ্বিষযবিভাগো বোধ্যঃ| অন্যথা নিষেধবিধ্যোর্বিরোধঃ স্যাত্|

আযুর্বেদরসাযনম্ ব্যাখ্যা ( কৃত)

আ০ র০-মদ্যস্য শ্রমহরেষ্বগ্র্যত্বাত্কামতঃ প্রসক্তং পানং নিষেধতি-মদ্যমিতি| অন্যতঃ শ্রমাপনুত্তৌ সত্যাং মদ্যং ন পেযম্, তীক্ষ্ণাদিগুণত্বাত্| অসত্যাং পেযং বা , কিন্তু স্বল্পম্| স্বল্পেনাপ্যসত্যাং পূর্ণমাত্রং ন পেযম্, কিন্তু সুবহুবারি-বহুতরোদককৃতং বা| পানানুগ্রহশ্চ মদ্যসাত্ম্যানামেব|

সর্বাঙ্গসুন্দরী ব্যাখ্যা ( কৃত)

স০-তত্- মদ্যম্, অন্যেন প্রকারেণ পীতং সত্ শোফাদীন্ করোতি| শোফঃ- শ্বযথুঃ| শৈথিল্যং- অঙ্গানামনৈষ্ঠুর্যম্| দাহঃ- সর্বাঙ্গীণস্তাপঃ| মোহঃ- অজ্ঞানং জন্তোঃ|

আযুর্বেদরসাযনম্ ব্যাখ্যা ( কৃত)

আ০ র০-উক্তবিধ্যতিক্রমে দোষমাহ-অন্যথেতি| শোষোমুখাশেষঃ| তত্-মদ্যম্|

সর্বাঙ্গসুন্দরী ব্যাখ্যা ( কৃত)

স০-কুন্দঃ- পুষ্পবিশেষঃ, ইন্দুঃ- চন্দ্রঃ, তযোর্দ্বন্দ্বঃ| কুন্দেন্দুবদ্ধবলং- শুক্লং শালিং জাঙ্গলৈঃ পলৈঃ- মাংসৈঃ সহাশ্নীযাত্- অদ্যাত্| "ক্ষুণ্ণঃ সিতঃ স্মৃতঃ শালী রক্তো ব্রীহিরুদাহৃতঃ"|

আযুর্বেদরসাযনম্ ব্যাখ্যা ( কৃত)

আ০ র০-অন্নং বিধত্তে-কুন্দেন্দ্বিতি| কুন্দং-পুষ্পবিশেষঃ| কুন্দেন্দুগ্রহণং লঘুস্নিগ্ধশীতগুণবিশিষ্টধবলত্বার্থম্| পলৈঃ-মাংসৈঃ সহ|

সর্বাঙ্গসুন্দরী ব্যাখ্যা ( কৃত)

স০-রসং নাতিঘনং পিবেত্| রসশব্দেনাদিলোপাখ্যযা তন্ত্রযুক্ত্যা মাংসরস উচ্যতে| তথা, রসালং- মার্জিকাখ্যাং পিবেত্| তথা, রাগখাণ্ডবৌ পানকং চ পঞ্চসারাখ্যম্| এতেষাং চ লক্ষণং তন্ত্রান্তরে উক্তম্| যথা- "সিতামধ্বাদিমধুরা রাগাস্তত্রাচ্ছকান্তযঃ| তে সাম্লাঃ খাণ্ডবা লেহ্যাঃ পেযাশ্চাংশুকগালিতাঃ|| স্বাদ্বম্লপটুকট্বাদ্যাঃ প্রলেহাস্তত্র খাণ্ডবাঃ| গুডদাডিমমাংসাদ্যা রাগা অংশুকগালিতাঃ|| হৃদ্যা বৃষ্যা রুচিকরা গ্রাহিণো রাগখাণ্ডবাঃ" ইতি| তথা- "দ্রাক্ষামধূকখর্জূরকাশ্মর্যৈঃ সপরূষকৈঃ| তুল্যাংশৈঃ কল্পিতং পূতং শীতং কর্পূরবাসিতম্|| পানকং পঞ্চসারাখ্যং দাহতৃষ্ণানিবর্তকম্|" অন্যত্র চোক্তম্| যথা- "গুডদাডিমাদিযুক্তা বিজ্ঞেযা রাগখাণ্ডবাঃ| ত্রিজাতমরিচাদ্যৈস্তু সংস্কৃতাঃ পানকাস্তথা " ইতি| কীদৃশং পানকং পিবেত্ ? ইত্যাহ- নবং যন্মৃদ্ভাজনং তত্র স্থিতম্| তথা, মোচং- কদলীফলং, চোচং- পনসফলং, তযোর্দলানি, তৈর্যুক্তম্| তথা, সাম্লম্, তিত্তিডীকাদিযোগাত্ খাণ্ডবরসানুগতম্| কেচিত্তু ক্ষীরং ঘৃতপিপ্পলীশশিমাক্ষিকশর্করোপেতং পঞ্চসারং পানকমিত্যাহুঃ| কেন পিবেত্ ? ইত্যাহ- মৃন্মযশুক্তিভিঃ| পাটলযা বাসিতং- সুরভীকৃতং, তথা সকর্পূরং সুশীতলং চাম্ভঃ পিবেত্| মৃন্মযশুক্তিভিরিত্যত্রাপি যোজ্যম্| সুশ্রুতে চোক্তম্- "পরিপেলবযা তুল্যা গুডগুগ্গুলুমুস্তকাঃ| চূর্ণিতাঃ শশিনোপেতা নবভাজনধূপনম্|| কুষ্ঠমুস্তকসংযুক্তৈঃ পেলবোশীরবালকৈঃ| মৃদিতা মৃত্সুপিষ্টৈস্তৈঃ খদিরাঙ্গারপাচিতাঃ|| সহকাররসাভ্যক্তাশ্চম্পকোত্পলবালকৈঃ| পদ্মকুব্জককুন্দৈশ্চ যথালাভাধিবাসিতাঃ|| শ্রেষ্ঠঃ সলিলবাসোঽযং স্মৃতঃ সর্বর্তুকো বুধৈঃ"| ইতি|

আযুর্বেদরসাযনম্ ব্যাখ্যা ( কৃত)

আ০ র০-পানং বিধত্তে-পিবেদিতি| রসং-মাংসরসম্| নাতিঘনং-ঈষত্সান্দ্রম্| রসালা-করমথিতং মরিচশর্করাদিযুক্তং দধি| মধুরাম্ললবণকৃতং পানকং-রাগঃ| মধুরাম্ললবণকটুকষাযজং-খাণ্ডবঃ| পঞ্চসারং পানকং-মধ্বাদিভিঃ পঞ্চভিঃ কৃতম্| বক্ষ্যতি হি (হৃ. চি. অ. ২/১৩)- "মধুখর্জূরমৃদ্বীকাপরূষকসিতাম্ভসা| মন্থো বা পঞ্চসারেণ সঘৃতৈর্লাজসক্তুভিঃ|| ইতি| তচ্চ নবে মৃন্মযে পাত্রে স্থিতম্| মোচং-কদলীফলং, চোচং-নারিকেলং, তযোর্দলৈঃ-শকলৈর্যুক্তম্| সাম্লং-দাডিমাদ্যৈরম্লীকৃতম্| মৃন্মযীভিঃ শুক্তিভিঃ পিবেত্| তথা, অম্ভঃ পিবেত্| তচ্চ পাটলাপুষ্পৈরধিবাসিতং সকর্পূরং সুশীতলং চ|

সর্বাঙ্গসুন্দরী ব্যাখ্যা ( কৃত)

স০-মাহিষং ক্ষীরং সসিতং- সশর্করং, রজন্যাং- রাত্রৌ, পিবেত্| কিম্ভূতম্ ? চন্দ্রেণ নক্ষত্রৈশ্চ শীতলম্| রাত্রাবাকাশে শৈত্যার্থং স্থাপিতমিত্যর্থঃ| কিংকুর্বন্ পিবেত্ ? ভক্ষ্যান্ ভক্ষযন্- ভুঞ্জন্| কীদৃশান্ ? শশাঙ্ককিরণান্- কর্পূরনাডিকাখ্যান্| [ (হৃ.চি.অ.৫/৪৯)- "তালীসচূর্ণবটকাঃ সকর্পূরসিতোপলাঃ| শশাঙ্ককিরণাখ্যাস্তু ভক্ষ্যা রুচিকরাঃ পরম্||"]

আযুর্বেদরসাযনম্ ব্যাখ্যা ( কৃত)

আ০ র০-রাত্রিভোজনং বিধত্তে-শশাঙ্ককিরণানিতি| রজন্যাং পুনঃ শশাঙ্ককিরণান্ ভক্ষ্যান্ ভক্ষযন্ চন্দ্রনক্ষত্রশীতলং সশর্করং মাহিষং ক্ষীরং পিবেত্| শশাঙ্কঃ-কর্পূরঃ, কীর্যতে-বিক্ষিপ্যতে, যেষু তে শশাঙ্ককিরণাঃ,- কর্পূরনালিকাদযঃ| চন্দ্রেণ তস্যাভাবে নক্ষত্রৈর্বা শীতলীকৃতং চন্দ্রনক্ষত্রশীতলম্|

সর্বাঙ্গসুন্দরী ব্যাখ্যা ( কৃত)

স০-অভ্রং- আকাশং, কষন্তি- উল্লিখন্তি, অত্যুচ্চতযাঽভ্রঙ্কষাঃ| মহান্তশ্চ তে শালাশ্চ তালাশ্চ মহাশালতালাঃ| অভ্রঙ্কষাশ্চ তে মহাশালতালাশ্চ, তৈ রুদ্ধঃ- স্থগিতঃ, উষ্ণরশ্মিঃ- দিনকরো যেষু বনেষু তেষু, মধ্যন্দিনে- মধ্যাহ্নে, অর্কতাপার্তঃ সন্ স্বপ্যাত্- শযীত| মাধব্যো- লতাবিশেষা অতিমুক্তকাখ্যাঃ, তাসু শ্লিষ্টা মাধবীশ্লিষ্টাঃ দ্রাক্ষাযাস্তবকাঃ- গুচ্ছকা দ্রাক্ষাস্তবকাঃ| মাধবীশ্লিষ্টাশ্চ তে দ্রাক্ষাস্তবকাশ্চ, তৈঃ শালিতুং- শ্লাঘিতুং শীলং যেষাং বনানাং তানি মাধবীশ্লিষ্টদ্রাক্ষাস্তবকশালীনি, তেষু বনেষু|

আযুর্বেদরসাযনম্ ব্যাখ্যা ( কৃত)

আ০ র০-স্থানবিশেষে নিদ্রাং বিধত্তে-অভ্রঙ্কষেতি| অভ্রঙ্কষাঃ-অত্যুচ্চাঃ| মহান্তঃ-স্থূলাঃ| মাধবীষু-বাসন্তীষু, শ্লিষ্টাঃ-লগ্নাঃ, দ্রাক্ষাস্তবকা যাসু শালাসু-লতাগৃহেষু, তদ্বন্তি যানি বনানি|

সর্বাঙ্গসুন্দরী ব্যাখ্যা ( কৃত)

স০-কাযমানে- বেণ্বাদিনিষ্পাদিতে গৃহবিশেষে| কীদৃশে ? সুগন্ধি চ তদ্ধিমং চ তত্পানীযং চ তত্সুগন্ধিহিমপানীযম্| পটানাং- বস্ত্রাণাং, আলিঃ- পঙ্ক্তিঃ, পটালিঃ| সুগন্ধিহিমপানীযেন সিচ্যমানা পটালির্যস্মিন্নসৌ সুগন্ধিহিমপানীযসিচ্যমানপটালিকঃ, তস্মিন্ তথাবিধে কাযমানে| তথা, প্রবালাঃ- কিসলযানি| ফলানাং লুম্বযঃ- স্তবকাঃ| প্রবালাশ্চ ফললুম্বযশ্চ প্রবালফললুম্বযঃ| চূতানাং প্রবালফললুম্বযস্তাভিঃ, চিতে- পরিতো ব্যাপ্তে|

আযুর্বেদরসাযনম্ ব্যাখ্যা ( কৃত)

আ০ র০-পটালিকাঃ-পঙ্ক্তিমত্যো নবাস্তৃণাদিরচিতা ভিত্তযঃ| কাযমানে-শিবিরে| প্রবালাঃ-পল্লবাঃ| ফললুম্বযঃ-ফলস্তবকাঃ|

সর্বাঙ্গসুন্দরী ব্যাখ্যা ( কৃত)

স০-কদলীত্যাদি| তল্পে- শযনে, কল্পিতে| কৈঃ ? কদলীদলাদিভিঃ| কদল্যাঃ- রম্ভাযাঃ, দলানি- পত্রাণি, কহ্লারং- সৌগন্ধিকম্, মৃণালং- বিসম্, কমলং- পদ্মম্, উত্পলং- কুমুদম্, এতেষাং দ্বন্দ্বঃ| তৈঃ কদলীদলাদিভিঃ, কোমলৈঃ- সুকুমারস্পর্শৈঃ, কল্পিতে- রচিতে| কিম্ভূতে ? কুসুমানি চ পল্লবাশ্চ কুসুমপল্লবাঃ| হসন্ত ইব কুসুমপল্লবা যত্র তস্মিন্| ধারাগৃহেঽথবা স্বপ্যাদিতি বর্ততে| ধারাগৃহং- অবিরতং যতো জলধারাঃ পতন্তি| কিম্ভূতে ? পুস্তস্ত্রীস্তনহস্তাস্যৈঃ প্রবৃত্তমুশীরবারি যত্র তস্মিন্| পুস্তো- দার্বাদিময্যাঃ স্ত্র্যাদ্যাকৃতেরুপাদানকারণং যদ্বস্তু তদুচ্যতে|

আযুর্বেদরসাযনম্ ব্যাখ্যা ( কৃত)

আ০ র০-কল্হারং-সন্ধ্যাবিকাশি পদ্মিনীপুষ্পম্| কমলং-দিনবিকাশি| উত্পলং-রাত্রিবিকাশি| মৃণালানি-বিসানি| তল্পে-শযনে| হসত্কুসুমাঃ-বিকসন্মল্লিকাদিপুষ্পাঃ, পল্লবাঃ-পর্যন্তাঃ, যস্য তত্তথা| অথবা ধারাগৃহে স্বপ্যাত্| যত্র যন্ত্ররচনাবিশেষেণ রচিতা জলসীকরাঃ প্রসরন্তি, তদ্ধারাগৃহম্| পুস্তস্ত্রিযো-দার্বাদিময্যঃ পুত্রিকাঃ, তাসাং স্তনাদিভ্যঃ প্রবৃত্তমুশীরবারি-সেব্যোদকং যত্র তত্তথা|

সর্বাঙ্গসুন্দরী ব্যাখ্যা ( কৃত)

স০-নিশাসু- রাত্রিষু, সৌধপৃষ্ঠে- হর্ম্যতলে, আসনা- স্থিতিঃ| কার্যেত্যধ্যাহার্যম্| তত্রাসীতেত্যর্থঃ| কিম্ভূতে সৌধপৃষ্ঠে ? নিশাকরঃ- শীতাংশুঃ, তস্য করাঃ- গভস্তযঃ, তৈরাকীর্ণে- ব্যাপ্তে|

আযুর্বেদরসাযনম্ ব্যাখ্যা ( কৃত)

আ০ র০-নিশাসু পুনশ্চন্দ্ররশ্মব্যাপ্তে হর্ম্যমস্তকে স্বপ্যাত্|

সর্বাঙ্গসুন্দরী ব্যাখ্যা ( কৃত)

স০-স্বস্থচিত্তস্য- রাগাদ্যনুপহতমনসঃ, জলার্দ্রাঃ ক্লমং হরন্তি| এবং তালবৃন্তাদযো যোজ্যাঃ| অন্তর্দীপকত্বাদস্য| তথা চ কীদৃশস্য ? চন্দনার্দ্রস্য- চন্দনেনানুলিপ্তস্য| তথা, মালিনঃ- স্রগ্বিণঃ| তথা, নিবৃত্তং কামতন্ত্রং- পুষ্পধন্বপরিচ্ছদো যস্য| তথা, সুষ্ঠু সূক্ষ্মে তনুনী স্বচ্ছে বাসসী যস্য স এবম্| জলার্দ্রাঃ- পানীযপ্লুতাঃ শাটিকাঃ| তালবৃন্তানি- মযূরপিচ্ছাদিকৃতানি তালবৃন্তাকৃতীনি ব্যজনানি| তথা, বিস্তৃতাঃ- মহান্তঃ, পদ্মিনীপুটাঃ- নলিনীপত্রাণি, বীজনার্থম্| তথা, উত্ক্ষেপাঃ- মযূরপিচ্ছাদিকৃতা ব্যজনবিশেষাঃ| তে চ কিম্ভূতাঃ ? মৃদুরুত্ক্ষেপো যেষু তে মৃদূত্ক্ষেপাঃ| জলবর্ষী হিমোঽনিলো যেষু উত্ক্ষেপেষু তে জলবর্ষিহিমানিলাঃ| শীতজলাভ্যুক্ষিতৈরেতৈর্বাতঃ কার্য ইত্যর্থঃ| কর্পূরেত্যাদি| মালাশব্দঃ প্রত্যেকং যুজ্যতে| স্ফটিককর্পূরগ্রথিতা মালা মল্লিকামালাশ্চেত্যর্থঃ| তথা, হারাঃ- মুক্তাফলদামানি| কিম্ভূতাঃ ? সহ হরিচন্দনেন বর্তন্ত ইতি সহরিচন্দনাঃ| যত্ ছেদে লোহিতমতিসুগন্ধি সুষ্ঠু শীতবীর্যং চ, তদ্ধরিচন্দনমুচ্যতে| মনোহরেত্যাদি| মনোহরো- রম্যঃ, কলো- মধুরঃ, আলাপো যেষাং তে মনোহরকলালাপাঃ| শিশবো- বালকাঃ| তথা, সারিকাঃ- শরারযঃ| শুকাঃ- কীরাঃ| মৃণালেত্যাদি| মৃণালানি- অতিকোমলানি বিসানি, বলযাঃ- কটকানি, যাসাং তাঃ| দযিতাঃ- যোষিতঃ| কিম্ভূতাঃ ? কান্তাঃ- রম্যাঃ| তথা, প্রোত্ফুল্লৈঃ বিকসিতৈঃ, কমলৈরুজ্জ্বলাঃ- শোভিতাঃ| এবম্ভূতাশ্চোত্প্রেক্ষ্যন্তে, জঙ্গমাঃ- সঞ্চারিণ্য ইব পদ্মিন্যঃ| ক্লমং হরন্তীতি যোজ্যম্| স্বস্থচিত্তস্যেতি প্রাধান্যখ্যাপনার্থং প্রাগুপাত্তম্| স্বস্থচিত্তস্যৈবৈতে জলার্দ্রাদযঃ ক্লমং হরন্তি, ন তথোপতপ্তমনসঃ| [তথা হি- চন্দনার্দ্রাদিসকলবিশেষেণ বিশেষিতস্যাপ্যুপতপ্তমনসো ন তথা ক্লমং হরন্তি|] চিত্তাযত্তা হি সর্বভাবানাং শুভাশুভপ্রবৃত্তযঃ| তথা চ স্নিগ্ধমধুরোঽপ্যাহার উপযুক্তঃ, সুখশয্যাদিরপি বিহারঃ সেবিতঃ, শোকাবিষ্টচেতসো ন তথা শরীরস্য পুষ্টিমাদধাতি| অত এব "শোকঃ শোষণানাম্" ইত্যগ্র্যসঙ্গ্রহে (চরকে সূ.অ.২৫/৩৯, সঙ্গ্রহে সূ.অ.১৩) প্রোক্তম্| তথা, রূক্ষোঽপ্যাহারস্তথাবিধো বিহারশ্চ সেবিতো নির্বৃত্তমনসঃ পুষ্টিমেবাদধাতি, ন কার্শ্যম্| তথা চোক্তম্ (চ.সূ.অ.২৫/৩৯, সং.সূ.অ.১৩)- "নির্বৃতিঃ পুষ্টিহেতূনাম্" ইতি| সুশ্রুতে চ ক্লমস্য লক্ষণমুক্তম্ (শা.অ.৪/৫১)- "যোনাযাসঃ শ্রমো দেহে প্রবৃদ্ধঃ শ্বাসবর্জিতঃ| ক্লমঃ স ইতি বিজ্ঞেয ইন্দ্রিযার্থপ্রবাধকঃ" ইতি|

আযুর্বেদরসাযনম্ ব্যাখ্যা ( কৃত)

আ০ র০-ক্লমহরত্বকথনদ্বারেণাসনাদীনি বিধত্তে-আসনেতি| স্বস্থচিত্তত্বাদিবিশিষ্টস্য যা আসনা-আস্যা, সা ক্লমং হরতি| স্বস্থচিত্তস্য-নির্বৃত্তমনসঃ| চন্দনার্দ্রস্যকর্পূরযুক্তচন্দনার্দ্রস্য| তদুক্তম্-"কর্পূরচন্দনার্দ্রাঙ্গো মৃদুঘর্মোত্তরচ্ছদঃ" ইতি| মালিনঃ-মালাভূষিতস্য| নিবৃত্তকামতন্ত্রস্য-সুরতবিমুখস্য| তনু-বিরলং, বাসো যস্য| জালার্দ্রাদযো ব্যজনবিশেষাঃ ক্লমং হরন্তি| জালার্দ্রাঃ-বস্ত্রমযানি ব্যজনানি| তালবৃন্তানি-তালবৃন্তজযানি| বিস্তৃতাঃ-যে ব্যজনকালে বিস্তীর্যন্তে| পদ্মিনীপুটাঃ-পদ্মিনীপুটমযানি| উত্ক্ষেপাঃ-নলিকাপ্রবিষ্টদণ্ডত্বাদর্ধ্বমধশ্চাম্ভঃ ক্ষিপন্তি| তে চ সর্বে জলার্দ্রাদযো মৃদূত্ক্ষেপাঃ-মন্দান্দোলনাঃ| জলবর্ষী হিমানিলো যেষাং তে তথা| কর্পূরমালাদযঃ ক্লমং হরন্তি| কর্পূরগ্রথিতা মল্লিকাগ্রথিতাশ্চ মালাঃ| সহরিচন্দনাঃ-পীতচন্দনমণিমিশ্রিতাঃ, হারাঃ-মুক্তাবলযঃ| মনোহরাঃ-সুন্দরাকারঃ, কলালাপঃ-মধুরালাপাশ্চ, শিশবঃ শুকাঃ সারিকাশ্চ| মৃণালাদিধারণাজ্জঙ্গমাঃ পদ্মিন্য ইব যাশ্চ স্ত্রিযঃ, তাশ্চ ক্লমং হরন্তি|

সর্বাঙ্গসুন্দরী ব্যাখ্যা ( কৃত)

সং-আদানমুক্তম্, তেনাদানাখ্যেন কালেন গ্লানং-সক্লমং, বপুঃ-শরীরং, যেষাং পুরুষাণাং তে আদানগ্লানবপুষঃ, তেষামপচিতধাতূনামগ্নিরপ্যপচিতঃ সন্নো-মন্দঃ সন্, পুনর্বর্ষাসু সীদতি-হানিং যাতি| অপিশব্দঃ পুনরর্থে, অনেকার্থত্বান্নিপাতানাম্| বর্ষাস্বিতি নিত্যবহুত্বাদ্বহুবচনম্| কেন সীদতি ? ইত্যাহ-কালস্বভাবাদ্দোষৈঃ,-বাতপিত্তশ্লেষ্মভিঃ, দুষ্টৈরিত্যনুক্তমপ্যর্থাদ্গম্যতে| যতোঽগ্নিসাদহেতুত্বমদুষ্টানাং তেষাং ন সম্ভবতি| তস্মাদ্দুষ্টৈর্দোষৈরগ্নিঃ সীদতীত্যর্থাল্লভ্যতে| ননু, কথং বর্ষাসু দোষাণাং দুষ্টত্বং স্যাত্ ? ইত্যাহ-দুষ্যন্তীত্যাদি| তে দোষা দুষ্যন্তি| কদা ? অম্বরে-বিযতি, অম্বুলম্বাম্বুদে-অম্বুনা লম্বা অতিনির্ভরত্বাদম্বুলম্বা ঈদৃশা অম্বুদাঃ-মেঘাঃ, যস্মিন্নেবংবিধে সতি| অনেন চ বিশেষণেনাস্য কালস্য স্বরূপমুপলক্ষযন্ত্যাচার্যাঃ| যদৈবংবিধো বর্ষাকালঃ সম্পদ্যতে, তদৈবৈতে দোষা দুষ্যন্তি-স্বকর্মণ্যযোগ্যাঃ সম্পদ্যন্তে, ন বর্ষাকালমাত্রেঽনাসাদিতস্বরূপে| তথা, সতুষারেণ মরুতা-সজলকণেন পবনেন, তথা, সহসা-গ্রীষ্মতাপসন্তাপাদনন্তরমেব, শীতলেনাভ্যন্তরো বাযুর্দুষ্যতি| তথা, ভুবো বাষ্পঃ-ঊষ্মা ভূবাষ্পস্তেন| তথা, কালস্বাভাব্যাচ্চাম্লপাকেন বারিণা পিত্তং দুষ্যতি| তথা, মলিনেন বারিণা-লূতাদিতন্তুবিণ্মূত্রেত্যাদিকলুষেণ বর্ষাজলেন, কালস্বাভাব্যাচ্চাতিশযেন মন্দত্বং গতেনাগ্নিনা শ্লেষ্মা দুষ্যতি| তদেবমস্মিন্কালে বাতপিত্তশ্লেষ্মাণো যুগপত্কালস্বাভাব্যাদ্দুষ্যন্তি| নন্বিহ ত্রযাণামপি দোষাণাং কোপোঽনুজ্ঞাযতে| বক্ষ্যতি তু (হৃ.সূ.অ. ১২|২৪)-"চযপ্রকোপপ্রশমা বাযোর্গ্রীষ্মাদিষু ত্রিষু" ইতি| তদিমে বচসী পরস্পরং ব্যাঘ্নাতে| অত্রোচ্যতে| নানযোর্বাক্যযোর্মিথো বিরোধঃ সম্ভাব্যতে| যস্মাদিহ দুষ্যন্তীত্যুক্ত্যা স্বস্থানস্থা এব দুষ্টিং প্রাপ্তা বিষাদিস্পৃষ্টদ্রব্যবত্কার্যকরণেঽসমর্থা জাযন্ত ইত্যুক্তম্| চযপ্রকোপপ্রশমা ইত্যত্র প্রকর্ষেণ কোপঃ স্থানান্তরগতিলক্ষণো গদিতঃ| তদেবমস্মিন্ কালে বাযোঃ কদাচিদ্দুষ্টত্বং স্যাত্ কদাচিত্কোপশ্চ, ইতি বচনাভ্যামেতাভ্যাং প্রত্যপাদি| পিত্তশ্লেষ্মণোস্তু দুষ্টত্বমাত্রমেব| ইতি ন কিঞ্চিদত্রাসমঞ্জসম্| তেষ্বিত্যাদি| ইতি-প্রকারে| অন্যোন্যং দূষযিতুং শীলং যেষাং বাতাদীনাং ত এবম্, তেষু-অনেন প্রকারেণ পরস্পরং দূষণস্বভাবেষু সত্সু, ভজেত্সাধারণং সর্বং-যত্কিঞ্চিদ্বাতাদীনাং যুগপত্ প্রশমনং প্রশমনং তত্সর্বং সেবেত| যচ্চোষ্মণো জাঠরাগ্নেঃ, তেজনং-উদ্দীপনং, তদ্ভজেত্| ঊষ্মণস্তেজনস্যাত্র চশব্দপ্রযুক্তস্যোপাদানং প্রাধান্যখ্যাপনার্থম্| অগ্নির্হি সর্বভাবানাং প্রধানম্| তথা চ বক্ষ্যতি (সঙ্গ্রহে শা.অ.৬)- "শান্তেঽগ্নৌ ম্রিযতে, যুক্তে চিরং জীবত্যনামযঃ| রোগী স্যাদ্বিকৃতে, মূলমগ্নিস্তস্মান্নিরুচ্যতে" ইতি| তস্মাদগ্ন্যুত্তেজনার্থং যত্নঃ কার্য ইতি ভাবঃ| ভজেদিতি ক্রিযাপদং আদিদীপকত্বাত্ "ভোজনং ত্বতিদুর্দিনে" ইতি যাবত্সর্বেষু যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-অথ বর্ষাচর্যা| সা চ চযপূর্বকে প্রকোপে শোধনী, অচযপূর্বকে শমনী| তত্র সোপপত্তিকমুভযচর্যা সাধারণং বিধত্তে-আদানম্লনবপুষামিতি| যত্সাধারণংসর্বদোষহরং, যচ্চোষ্মণস্তেজনং-অগ্নিদীপ্তিকরং, তত্সর্বং বর্ষাসু ভজেত্| কেষু সত্সু ? তেষু-অগ্নিদোষেষু, অন্যোন্যদূষিষু-কৃতপরস্পরদূষণেষু সত্সু| সর্বেষাং দুষ্টত্বার্সর্বসাধারণং ভজেদিত্যর্থঃ| কথমন্যোন্যদূষণম্ ? ইতি,-অনেন প্রকারেণ| আদানেনাবসন্নদেহানামগ্নিরপি দেহাবযবত্বাদবসন্নোঽপি পুনর্দোষৈঃ সীদতি-মন্দত্বলক্ষণাং দুষ্টিং যাতি| তে চ দোষা আদানমন্দেন বহ্নিনা দুষ্যন্তি-দুষ্টিং যান্তি| বহ্নেঃ সহকারীণ্যাহ-অম্বুলম্বাম্বুদেঽম্বরে,- জলভরলম্বমানমেঘে নভসি সতি, সতুষারেণ-সজলকণেন্, সহসা প্রবৃত্তেন শীতলেন চ বাযুনা দুষ্যন্তি, ভূবাষ্পেণ চ দুষ্যন্তি, অম্লপাকেন মলিনেন চ বারিণা দুষ্যন্তি| দুষ্টিশ্চাত্র বাযোশ্চযপূর্বকঃ প্রকোপঃ, "চযপ্রকোপ্রশমা বাযোর্গ্রীষ্মাদিষু ত্রিষু" ইতি (হৃ. সূ. অ. ১২/২৪) বচনাত্| পিত্তস্য চযলক্ষণা দুষ্টিঃ, বর্ষাদিষু তু পিত্তস্য" ইতি (হৃ. সূ. অ. ১২/২৪) বচনাত্| কফস্য ত্বচযপূর্বকঃ প্রকোপঃ| উক্তং হি চরকেণ (সূ. অ. ৬/৩৩) _"ভূবাষ্পান্মেঘনিষ্যন্দাত্পাকাদম্লাজ্জলস্য চ| বর্ষাস্বগ্নিবলে হীনে কুপ্যন্তি পবনাদযঃ||" ইতি| চরকবচনেঽপি পিত্তপ্রকোপশব্দেন চযমাত্রং লক্ষ্যম্, "চযপ্রকোপপ্রশমাঃ পিত্তাদীনাং যথাক্রমম্| ভবন্ত্যেকৈকশঃ ষট্সু কালেষ্বভ্রাগমাদিষু||" ইতি (চ. সূ. অ. ১৭/১১২) স্ববচনবিরোধভাযাত্|

সর্বাঙ্গসুন্দরী ব্যাখ্যা ( কৃত)

স০--শুদ্ধা তনুর্যস্য স এবম্ভূতঃ-কৃতবিরেকাদিঃ সন্, আস্থাপনং-নিরূহং, ভজেত্| তথা, জীর্ণং ধান্যং-পুরাণযবগোধূমাদিকম্| তথা, রসান্-মাংসরসান্| কিম্ভূতান্ ? কৃতান্,- স্নেহশুণ্ঠ্যাদিযুতান্| তথা, জাঙ্গলং পিশিতং-হরিণৈণাদিকং মাংসম্| তথা, যূষান্-মুদ্গদাডিমাদিকৃতান্| তথা, মধু-মার্দ্বীকম্, অরিষ্টম্, দ্বযমপ্যেতত্ চিরন্তনং-পুরাণম্, ন তু নবম্, আগ্নিমান্দ্যভযাত্| মস্তু সৌবর্চলাঢ্যং-অক্ষলবণসংযুক্তম্| বেতি সমুচ্চযে| কিম্ভুতং মস্তু ? পিপ্পলীপিপ্পলীমূলচব্যচিত্রকনাগরাঃ পঞ্চকোলম্, তেনাবচূর্ণিতম্| তথা, দিব্যং আকাশজং, তথা কৌপং, তথা শৃতং-ক্বথিতং, চাম্ভঃ পিবেত্| চঃ সমুচ্চযে| দিবি ভবং দিব্যম্, দিগাদিত্বাদ্যত্| কূপে ভবং কৌপম্, প্রাগ্দীব্যতোঽণ্| অতিদুর্দিনে-বাতবর্ষাকুলেঽহনি, ব্যক্তাঃ-প্রধানাঃ, অম্ললবণস্নেহা যত্র তদ্ভোজনং ভজেত্| তথা, সংশুষ্কং-শুষ্কপ্রাযম্| তথা, ক্ষৌদ্রবত্-সমাক্ষিকম্| তথা, লঘু| ননু, "বাতলং মধু" ইতি (হৃ.সূ.অ. ৫|৫২) বক্ষ্যতি| পবনশ্চাত্র কুপ্যতীত্যুক্তম্| অতো মাক্ষিকস্যাত্রোপযোগো ন যুক্তঃ| অত্রোচ্যতে| দেহধাতবোঽস্মিন্ কালে ক্লেদমুপযান্তি| ততশ্চ ক্লেদসংরক্ষণে এবোপক্ষীণপ্রভবত্বাত্ মধু মরুত্কোপং বিধাতুমসমর্থম্| তস্মান্মধূপযোগো ন্যায্য এব|

আযুর্বেদরসাযনম্ ব্যাখ্যা ( কৃত)

আ০ র০-শোধনীং বিধত্তে-আস্থাপনমিতি| শুদ্ধতনুঃ-কৃতবিরেচনঃ সন্, আস্থাপনং-বস্তিকর্ম, ভজেত্| শমনীং বিধত্তে-জীর্ণং ধান্যমিতি| জীর্ণং-পুরাণম্| রসান্-মাংসরসান্| কৃতান্-পটুকট্বম্লস্নেহযুতান্| পিশিতং-মাংসম্| যূষান্-ধান্যক্বাথান্, তানপি কৃতান্| মধু-মার্দ্বীকম্, অরিষ্টং-ক্বথিতৌষধমদ্যম্, দ্বযমপি চিরন্তনম্| পঞ্চকোলাবচুর্ণিতং সৌবর্চললবণাঢ্যং চ মস্তু-দধিমণ্ডম্| দিব্যং-আন্তরিক্ষম্| তচ্চাতীতাশ্বিনগৃহীতং কাচাদিপাত্রস্থম্, বর্ষাসু গ্রহণনিষেধাত্| তদভাবে কৌপম্, তচ্চ শৃতম্| উক্তং হি সঙ্গ্রহে (সূ. অ. ৪)- "দিব্যং ক্বথিতকূপোত্থং চৌণ্ড্যং সারসমেব চ|" ইতি| বর্ষাবিশেষে ভোজনবিশেষমাহ-ভোজনং ত্বিতি| অতিদুর্র্দিনে-বাতবর্ষাকুলেঽহনি| সংশুষ্কং-কুল্মাষাদি| ক্ষৌদ্রবত্সমাক্ষিকম্| বাতলমপি মধু ক্লেদঘ্নত্বাত্কালসামর্থ্যেন বা অবাতলত্বাদ্বিহিতম্| উক্তং হি সঙ্গ্রহে (সূ. অ. ৭)- "বাতলং বাতকোপেঽপি বর্ষাসু মধু শস্যতে" ইতি|

সর্বাঙ্গসুন্দরী ব্যাখ্যা ( কৃত)

স০-পাদাভ্যাং চরতি নিত্যং পাদাচারী, নৈব যঃ সোঽপাদচারী,-যানযাযী স্যাত্| তথা, সুরভিঃ-শোভনগন্ধযোগাত্| "স্নানশীলঃ সুসুরভিঃ" (হৃ.সূ.অ. ২|৩১) ইত্যনেনৈবাস্যার্থস্যোক্তত্বাত্ সুরভিগ্রহণমতিশযার্থম্| তথা, সততং অবিরতং, ধূপিতেঽম্বরে যস্য স এবম্| তথা, হর্ম্যপৃষ্ঠে-ধবলগৃহতলে, বসেত্-তিষ্ঠেত্| কীদৃশে ? বাষ্পশ্চ শীতং চ শীকরশ্চ তৈর্বর্জিতে|

আযুর্বেদরসাযনম্ ব্যাখ্যা ( কৃত)

আ০ র০-অপাদচারিত্বাদি বিধত্তে-অপাদচারীতি| অপাদচারী-সততং হস্ত্যাদিবাহনগামী| ধূপিতাম্বরঃ-অগুর্বাদিধূপিতবস্ত্রঃ| সততমিতি ত্রিষ্বপি সম্বন্ধনীযম্| অতএব "স্নানশীলঃ সুসুরভিঃ" ইত্যস্যাপৌনরুক্ত্যম্| স্থানবিশেষে বাসং বিধত্তে-হর্ম্যপৃষ্ঠ ইতি| হর্ম্যপৃষ্ঠে-হর্ম্যমস্তকে|

সর্বাঙ্গসুন্দরী ব্যাখ্যা ( কৃত)

স০-তথা, নদীজলাদীন্ পঞ্চ ত্যজেত্| উদকালোডিতাঃ সক্তবঃ সসর্পিষ্কা উদমন্থবাচ্যা জলাবক্ষীরীসংজ্ঞাঃ| তদত্র কালে সাম্যত্বাত্সক্তবস্তক্রাদিসংযোগান্নাত্যন্তমনিষ্টাঃ| পানীয সংযোগাত্তু বাতলাঃ, প্রকৃষ্টবাতলে কালে নাভীষ্টা এব| মুনিনা ত্বেবমুক্তম্ (চ. সূ.অ. ৬|৩৪)- "উদমন্থং দিবাস্বপ্নমবশ্যাযং নদীজলম্| ব্যাযামমাতপং চৈব ব্যবাযং চাত্র বর্জযেত্" ইতি| অধুনা শরচ্চর্যাং বিবক্ষুরিদমাহ-

আযুর্বেদরসাযনম্ ব্যাখ্যা ( কৃত)

আ০ র০-নদীজলাদীন্ নিষেধতি-নদীজলেতি| দ্রবালোহিতাঃ সক্তবো মন্থঃ, স এবোদকে দ্রবে উদমন্থঃ| আযাসো-ব্যাযামঃ|

সর্বাঙ্গসুন্দরী ব্যাখ্যা ( কৃত)

স০-বর্ষাসু শীতং বর্ষাশীতং, তদুচিতং-সাত্ম্যং যস্য, তদেবংবিধমঙ্গং-বপুর্যেষাং তে বর্ষাশীতোচিতাঙ্গা নরাঃ, তেষাং সহসৈব-ঝটিত্যেব, শরদি জাতাযাং, অর্করশ্মিভিঃ-ভানুভাভিস্তপ্তানাং সতাং পিত্তং কুপ্যতি| কিম্ভূতম্ ? বৃষ্টৌ সঞ্চিতং,-বর্ষাসু বৃদ্ধিং গতম্| যতশ্চৈবং ততশ্চ তজ্জযায তিক্তং ঘৃতং-কুষ্ঠচিকিত্সিতোক্তং, যোজ্যমিতি বাক্যশেষঃ| যদি বা, তিক্তৈর্দ্রব্যৈঃ সাধিতম্| তথা, বিরেকো যোজ্যঃ| তথা, রক্তমোক্ষণং চ| সর্বোপক্রমেভ্যঃ পিত্তে বিরেকস্য জ্যাযস্ত্বাদিহ পূর্বমুপন্যাসঃ| তথা হ্যাহ (চরকে সূ.অ. ২৫|৩৯)- "বিরেচনং পিত্তহরাণাম্" ইতি| ততো রক্তমোক্ষণং, পিত্তাধারত্বাদ্রক্তস্য| বিরেচনাঙ্গত্বাচ্চ তজ্জযায ঘৃতং তিক্তমিতি ঘৃতস্য পূর্বমুপন্যাসঃ| ন হ্যস্নিগ্ধস্য বিরেচনপ্রাপ্তিরস্তি| তথা চ বক্ষ্যতি (হৃ. সূ. অ. ১৮|৫৯)- "স্নেহস্বেদাবনভ্যস্য কুর্যাত্সংশোধনং তু যঃ| দারু শুষ্কমিবানামে শরীরং তস্য দীর্যতে" ইতি| তথা, বিরিক্তস্য স্রুতরক্তস্য চ পবনপ্রকোপভযম্| কালস্বাভাব্যাচ্চ পিত্তকোপভযম্| তদেতত্পরিহর্তুং তথা দেহপুষ্ট্যর্থমগ্নিসন্ধুক্ষণার্থং চ তিক্তঘৃতোপযোগঃ কার্যঃ| ইত্যনেককার্যকরণত্বেন প্রাধান্যাচ্চ তিক্তঘৃতস্য পূর্বমুপন্যাসঃ| অসমাসকরণং চ জ্ঞাপনার্থম্| নৈতানি সর্বাণ্যবশ্যং তিক্তঘৃতাদীনি তদা কার্যাণি| কিং তর্হি ? দেশাদ্যনুরোধাত্ কদাচিত্পিত্তবিজযায তিক্তং ঘৃতং, কদাচিদ্বিরেকঃ, কদাচিদ্রক্তমোক্ষঃ, কদাচিদ্দ্বযং, কদাচিত্সকলান্যেবেতি| বিরেকস্তু পিত্তবিজযার্থমবশ্যং শরদি কার্যঃ| যথা-বসন্তে শ্লেষ্মবিজযায বমনম্, বর্ষাসু চ পবনবিজযায বস্তিঃ| অত এব প্রাঙ্নির্দিষ্টং বসন্তে বমনং, বর্ষাসু চাস্থাপনং, শরদি বিরেক ইতি|

আযুর্বেদরসাযনম্ ব্যাখ্যা ( কৃত)

আ০ র০-অথ শরচ্চর্যা| সা চ চযপূর্বকে শোধনী, অচযপূর্বকে শমনী| তত্র সোপপত্তিকাং শোধনীং বিধত্তেবর্ষাশীতোচিতাঙ্গানামিতি| বর্ষাসু সঞ্চিতং পিত্তং বার্ষিকশীতসাত্ম্যশরীরাণাং নৃণাং শরদ্যর্করশ্মিভিঃ সহসৈব তপ্তানামসাত্ম্যতাপসম্বন্ধাত্কুপ্যতি| অতস্যস্য-পিত্তস্য, জযায তিক্তং-তিক্তসংজ্ঞং কুষ্ঠচিকিত্সিতোক্তং, ঘৃতং স্নেহনার্থং যোজ্যম্| ততো বিরেকস্ততো রক্তমোক্ষণম্|

সর্বাঙ্গসুন্দরী ব্যাখ্যা ( কৃত)

স০-ক্ষুধিতোঽন্নং-ভোজনং, তিক্তাদিগুণযুক্তং ভজেত্| ক্ষুধিতগ্রহণমতিবুভুক্ষিতপ্রতিপাদনার্থম্, অক্ষুধিতস্য ভোজনাধিকারাভাবাত্| কিং তত্তিক্তাদিগুণযুক্তম্ ? ইত্যাহ-শালীত্যাদি| শাল্যাদীন্ সপ্ত ভজেত্|

আযুর্বেদরসাযনম্ ব্যাখ্যা ( কৃত)

আ০ র০-শমনীং বিধত্তে-তিক্তমিতি| ক্ষুধিতঃ সন্ তিক্তাদিরসং লঘু শাল্যাদিকমন্নং ভজেত্| ক্ষুধিতগ্রহণমতিক্ষুধিতস্য ভোজনার্থম্| তদা হি পিত্তাধিক্যাদসম্যক্ক্ষুধ্যপি ক্ষুধিতত্ববুদ্ধিঃ| উক্তং চ চরকেণ (সূ. অ. ৬/৪১)- "পিত্তপশমনং সেব্যং মাত্রযা সুপ্রকাঙ্ক্ষিতৈঃ|" ইতি| শাল্যাদিগ্রহণং তত্তুল্যানামেব তিক্তাদীনাং প্রাপ্ত্যর্থম্| সিতাশর্করা| ধাত্রী-আমলকী|

সর্বাঙ্গসুন্দরী ব্যাখ্যা ( কৃত)

স০-সমন্তাত্-সর্বতঃ, সূর্যপ্রভাভিরহনি তপ্তং-ক্বথিতম্, চন্দ্রকিরণৈর্নিশি শীতীকৃতম্| তথা, অগস্ত্যোদযেন নির্বিষীকৃতম্| তথা, শুচি-পবিত্রম্| বর্ষাসু হ্যশুচীত্যুক্তম্| তচ্চ হংসোপভোগ্যতযা হংসবদতিনৈর্মল্যাদ্ধংসোদকং নাম তন্ত্রকারৈরাযুর্বেদশাস্ত্রে সংজ্ঞিতম্| তথা, নির্মলং-অকলুষম্| তথা, মলান্বাতপিত্তশ্লেষ্মণো, জযতীতি মলজিত্| অগস্ত্যোদযনির্বিষশব্দেন বিশেষণেনৈতত্ প্রতিপাদযতি, যথা-যদন্তরিক্ষপ্রভবং সরস্তডাগাদিস্থং জলং, তদেব প্রাযেণ শরদ্যেবংগুণং বেদ্যম্| ন কূপাদিপ্রভবম্, তস্য সদা নির্বিষত্বাত্| তথা চান্তরিক্ষপ্রভবমেবং পঠ্যতে (হৃ. সূ. অ. ৫|৮)- "লূতাদিতন্তুবিণ্মূত্রবিষসংশ্লেষদূষিতম্" ইতি| তচ্চ নাভিষ্যন্দি-ন স্রুতিরূপশ্লেষ্মকারি, ন বা রূক্ষং-ন বাতপ্রকোপকারি| বাশব্দশ্চ শব্দস্যার্থেঽত্র| যতস্তপ্তাংশুকিরণৈস্তপ্তম্, যতশ্চ শীতাংশুকরৈঃ শীতং-প্রাহ্লাদিতম্, ইত্থং স্নেহরৌক্ষ্যযোরন্তরে বর্তমানং পানাদিষ্বমৃতোপমম্| আদিশব্দেন স্নানাবগাহযোর্গ্রহঃ| কুপিতদোষশমনাদকুপিতদোষসাম্যানুবৃত্তিহেতুত্বাচ্চামৃততুল্যমেতজ্জলং ভজেদিতি যোজ্যম্| অত্রোষ্ণাংশুগ্রহণমগ্নিতাপনিবৃত্ত্যৈ| কিরণগ্রহণং সাক্ষাত্তত্স্পর্শসম্ভাবনার্থম্| তৃণদবপলাশাদিভিরাস্তৃতমপি রবিস্তাপযতি ন তু তত্তথা গুণবত্| অতঃ কিরণগ্রহণেন তদ্ব্যবধানব্যুদাসং করোতি| ননু চ, সর্বং দিনং সূর্যকিরণৈস্তাপঃ সম্ভবতি| চন্দ্রকরৈস্তু সর্বাং রাত্রিং কথমিব স্যাত্ ? যতঃ সকলস্য চন্দ্রমসঃ পৌর্ণমাস্যামেব সর্বস্যাং রাত্র্যাং সম্ভবো নান্যত্র| তস্মাচ্ছীতং চন্দ্রকিরণৈ রাত্র্যামিতি নৈতদ্যুক্তম্| অত্রোচ্যতে| বিমলে ব্যোমনি যথৈব রবিচন্দ্রৌ যথাকালমব্যাহতস্বরূপং প্রাপ্তৌ পথ্যতাং জলস্যাপাদযতস্তদ্বন্নক্ষত্রাণ্যপি| তস্মান্নক্ষত্রৈরপি শীতং চন্দ্রেণেব শ্রেষ্ঠমেব ভবত্যুদকম্| এবং চৈতদবগচ্ছেত্, অন্যথৈতদ্বাক্যমযুক্তমিব স্যাত্| চরকমুনিনাপ্যনেনৈবাঽভিপ্রাযেণ নক্ষত্রগ্রহণং নাকারি| যথা (চ. সূ. অ. ৬|৪৫)- "দিবা সূর্যাংশুসন্তপ্তং নিশি চন্দ্রাংশুশীতলম্|" ইতি| অষ্টাঙ্গসঙ্গ্রহেঽপ্যুক্তম্ (সূ.অ. ৪.)- "দিবা দিবাকরকরৈর্নিশাকরকরৈর্নিশি" ইতি| অত্র হি সকলস্যাহোরাত্রস্য রবিশশিযোগায দিবানিশাগ্রহণম্, অন্যথৈতদনর্থকং স্যাত্, ব্যভিচারাভাবাত্|

আযুর্বেদরসাযনম্ ব্যাখ্যা ( কৃত)

আ০ র০-হংসোদকং বিধত্তে-তপ্তমিতি| কিরণরশ্মিগ্রহণং সাক্ষাত্সম্বন্ধার্থম্| সমন্তাদপি-সর্বেষ্বপি প্রদেশেষু| অহোরাত্রগ্রহণং সর্বদা সম্বন্ধার্থম্| সর্বং দিনং সূর্যেণ তাপিতং, সর্বাং চ রাত্রিং শীতাংশুনা শীতলীকৃতম্| শীতাংশুশব্দেন রাত্রিদৃশ্যং জ্যোতিশ্চক্রমুপলক্ষ্যতে, যৌগিকত্বাদুচ্যতে বা| অগস্ত্যো-জ্যোতির্বিশেষঃ| শুচি-স্বত এব নির্মলম্, তচ্চ শরদি| যদাহ সুশ্রুতঃ (সূ. অ. ৪৫/৮)- "শরদি সর্বং প্রসন্নত্বাত্" ইতি| তস্মাচ্ছারদমেব হংসোদকম্| তথাঽঽহ চরকঃ (সূ. অ. ৬/৪৬)- "হংসোদকমিতি খ্যাতং শারদং বিমলং শুচি" ইতি| নির্মলং-সূর্যতাপাদিনা অপগতদোষম্| মলজিত্-দোষত্রযহরম্| নাভিষ্যন্দি-ন স্রোতঃস্রাবি| ন বা রূক্ষং-ন স্রোতঃশোষি| পানাদিষু-পানস্নানাবগাহেষু| অমৃতোপমং-যথা দেবানামমৃতং তথেদং মনুষ্যাণাম্| সঙ্গ্রহে তু (সূ. অ. ৪)- "হংসৌঘাপক্ষবিক্ষেপভ্রমদ্ভ্র্মরপঙ্ক্তিষু| সুসরোরুহসেব্যাসু সরসীষু প্লবেত চ|| ইতি|

সর্বাঙ্গসুন্দরী ব্যাখ্যা ( কৃত)

স০-চন্দনং চোশীরং চ কর্পূরশ্চ মুক্তাশ্চ স্রজশ্চ বসনানি চ, তৈরুজ্জ্বলঃ-শোভনঃ সন্, সৌধেষু-ধবলগৃহপৃষ্ঠেষু, চন্দ্রিকাং জ্যোত্স্নাং, ভজেত্| কদা ? রজনীমুখে,-প্রদোষে| পরতস্তু নিদাঘ ইব ন সেব্যা, অবশ্যাযভযাত্| অবশ্যাযো হ্যত্র পরিহার্যঃ| তথা চাহ-

আযুর্বেদরসাযনম্ ব্যাখ্যা ( কৃত)

আ০ র০-প্রদোষে কৌমুদীভজনং বিধত্তে-চন্দ্রনোশীরেতি| চন্দনাদিভিরুজ্জবলঃসন্, সৌধেষ্ববস্থিতঃ সৌধধবলাং চন্দ্রিকাং রজনীমুখে ভজেত্| উশীরং-সুগন্ধিবালকম্| স্রজঃ-কুমুদাদিমালাঃ| সৌধেষু-সুধাধবলগৃহেষু|

সর্বাঙ্গসুন্দরী ব্যাখ্যা ( কৃত)

স০-তুষারাদীন্ দশ পরিত্যজেত্| তুষারো-অবশ্যাযঃ| ক্ষারো-যবক্ষারাদিঃ| সৌহিত্যং-তৃপ্তিঃ| তীক্ষ্ণং চ তন্মদ্যং চ তীক্ষ্ণমদ্যম্| পুরোবাতঃ-পূর্বদিগাগতো বাতঃ|

আযুর্বেদরসাযনম্ ব্যাখ্যা ( কৃত)

আ০ রং০-তুষারাদীন্নিষেধতি-তুষারক্ষারেতি| তুষারোঅবধ্যাযঃ| ক্ষারো-যবক্ষারাদিঃ| সৌহিত্যং-তৃপ্তিভোজনম্| তীক্ষ্ণমদ্যং-তীব্রমদমদ্যম্| পুরোবাতঃ-পূর্বদিগ্বাযুঃ|

সর্বাঙ্গসুন্দরী ব্যাখ্যা ( কৃত)

স০-শীতে-হেমন্তশিশিরযোঃ, বর্ষাসু চাদ্যাংস্ত্রীন্-স্বাদ্বম্ললবণাখ্যান্, রসান্ ভজেত্| বসন্তে চান্ত্যাংস্ত্রীন্-তিক্তকটুকষাযান্ ভজেত্| স্বাদুং নিদাঘে-গ্রীষ্মে মধুরং, ভজেত্| শরদি স্বাদুতিক্তকষাযান্ ভজেত্| শরদ্বসন্তযো রূক্ষমন্নপানং সমাসেন ভজেত্| অতো বিপরীতং-স্নিগ্ধম্, অন্যদা-হেমন্তশিশিরগ্রীষ্মবর্ষাসু| শীতমন্নপানং ঘর্মঘনান্তযোর্ভজেত্| অতো বিপরীতং-উষ্ণমন্নপানম্, অন্যদা-হেমন্তশিশিরবসন্তবর্ষাখ্যে কালে, ভজেত্|

আযুর্বেদরসাযনম্ ব্যাখ্যা ( কৃত)

আ০ র০-ব্যাসেনোক্তমৃতুচর্যাং সুখগ্রহণার্থং সমাসেনাহ-শীতে বর্ষাসু চেতি| হেমন্তশিশিরবর্ষাসু স্বাদ্বম্ললবণস্নিগ্ধোষ্ণমন্নপানং ভজেত্| বসন্তে তিক্তকটুকষাযরূক্ষোষ্ণম্| গ্রীষ্মে স্বাদুশীতস্নিগ্ধম্| শরদি স্বাদুতিক্তকষাযরূক্ষশীতম্| ইতি মথিতার্থঃ|

সর্বাঙ্গসুন্দরী ব্যাখ্যা ( কৃত)

স০-নিত্যং-সর্বদা, সর্বেষাং-ষণ্ণামপি রসানাং, অভ্যাসঃ-শীলনং, কার্যমিতি বাক্যশেষঃ| "সর্বরসাভ্যাসো বলকরাণাম্" ইতি (সং. সূ. অ. ১৩) বচনাত্| নন্বেবং সতি যথর্তুসেব্যত্বেন রসনিযমো যঃ পূর্বং কৃতঃ স বিরুদ্ধঃ ? নেত্যাহ-স্বস্বেত্যাদি| ঋতাবৃতাবিতি বীপ্সাযাং দ্বিত্বম্| স্বং চ স্বং চ স্বস্বং, তস্যাধিক্য-ভূযস্ত্বং, কার্যমিতি শেষঃ| যথা-শীতে বর্ষাসু চাদ্যাংস্ত্রীনিত্যুক্তম্| তদেতেষু ঋতুষ্বেতে রসা ভূযসোপযোক্তব্যাঃ, ন ত্বেত এবেত্যর্থঃ| তথা, সমধাতুং প্রতি সমে দেশে চৈষ নিযমো বেদ্যঃ| অন্যত্র তু জাঙ্গলেঽনূপে বা দেশে বিষমধাতোশ্চ ধাতুসাম্যোত্পাদনার্থং দেশদেহানুগুণমন্যর্তুবিহিতবিধানমন্যস্মিন্নপ্যৃতাবনুষ্ঠেযমেব|

আযুর্বেদরসাযনম্ ব্যাখ্যা ( কৃত)

আ০ র০-স্বাদ্বাদিনিযমান্নিবারিতস্য রসান্তরস্য প্রতিপ্রসবং করোতি-নিত্যমৈতি| নিত্যং-সর্বেষু ঋতুষুম্ সর্বেষাং রসানামভ্যাসঃ কর্তব্যঃ| নন্বেবং চেত্তর্হি স্বাদ্বাদিবিধির্ব্যথঃ স্যাদিত্যত আহ-স্বস্বাধিক্যমিতি| যথাস্বং বিহিতানাং অস্বাদ্বাদীনামিতরেভ্যোঽধিকোঽভ্যাসঃ কর্তব্যঃ|

সর্বাঙ্গসুন্দরী ব্যাখ্যা ( কৃত)

স০-ঋত্বোঃ-শিশিরবসন্তযোর্গ্রীষ্মপ্রাবৃষোরিত্যাদিকযোঃ, অন্ত্যশ্চাদিশ্চ যৌ সপ্তাহৌ তাবৃতুসন্ধিরিতি স্মৃতঃ-ইত্যুচ্যতে| তত্র-সপ্তাহদ্বযলক্ষণ ঋতুসন্ধৌ, পূর্বঃ-পূর্বর্তুসম্বন্ধী, বিধিস্ত্যাজ্যঃ| অপরঃ-এষ্যদ্দতুসম্বন্ধী, সেবনীযঃ| কথম্ ? ক্রমাত্,-ক্রমেণ, "পাদেনাপথ্যমভ্যস্তম্" (হৃ. সূ. অ. ৭|৪৭) ইত্যাদিনা| সপ্তানামহ্নাং সমাহারঃ সপ্তাহঃ| সপ্তাহশ্চ সপ্তাহশ্চ সপ্তাহৌ| "রাজাহঃসখিভ্যষ্টচ্" ইতি টচ্ সমাসান্তঃ| "ন সংখ্যাদেঃ সমাহারে" ইত্যহ্নাদেশনিষেধঃ| ননু, কিমেবং ত্যাগঃ সেবনং চ ক্রিযতে ? ইত্যাহ-অসাত্ম্যজা ইত্যাদি| যস্মাত্ সহসা ত্যাগশীলনাত্ অসাত্ম্যাত্-অনুচিতাজ্জাতা অসাত্ম্যজা রোগাঃ স্যুঃ| ততঃ সহসা ত্যাগশীলনং ন কার্যমিতি ভাবঃ| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে তৃতীযোঽধ্যাযঃ সমাপ্তঃ|| ৩||

আযুর্বেদরসাযনম্ ব্যাখ্যা ( কৃত)

আ০ র০-পূর্বোত্তরযোঋতুচর্যযোঃ ক্রমেণ ত্যজনভজনে বিধত্তে-ঋত্বোরিতি| পূর্বস্যর্তোরন্ত্যঃ সপ্তাহঃ, উত্তরস্য চ আদ্যঃ সপ্তাহঃ, এবং চতুর্দশাহাত্ ঋতুসন্ধিঃ স্মৃতঃ| তস্মিন্ ঋতুসন্ধৌ পুর্বর্তুসম্বন্ধী বিধিঃ ক্রমাত্ ত্যাজ্যঃ, উত্তরর্তুসম্বন্ধী ক্রমাত্সেব্যঃ| সহসা হি ত্যাগশীলনে চ ক্রিযমাণে অসাত্ম্যজা রোগাঃস্যুঃ| ক্রমো যথা-ঋতুসন্ধেঃ প্রথমে দিনে পুর্বস্যাহারস্য ত্রযঃ পাদাঃ, উত্তরস্যৈকঃ| দ্বিতীযে পূর্ব এবাহারঃ| তৃতীযে প্রথমবত্| চতুর্থে পুর্বস্য দ্বৌ পাদৌ, উত্তরস্য দ্বৌ| পঞ্চ্চমষষ্ঠযোঃ প্রথমবত্| সপ্তমে চতুর্থবত্| অষ্টমে পূর্বস্যৈকঃ, উত্তরস্য ত্রযঃ| নবমদশমৈকাদশেষু চতুর্থবত্| দ্বাদশেঽষ্টমবত্| ত্রযোদশে উত্তর এব আহারঃ| চতুর্দশেঽষ্টমবত্| অতঃপরংতূত্তর এবাহারঃ| অমু চ ক্রমং "পাদেনাপথ্যম্" (হৃ. সূ. অ. ৭/৪৭) ইত্যত্রোপপাদযিষ্যমঃ| সুশ্রুতস্ত্বহোরাত্রেঽপি ষডৃতূনাহ (সূ. অ. ৬/১৫)- "তত্র পূর্বাহ্ণে বসন্তস্য লিঙ্গম্, মধ্যাহ্নে গ্রীষ্মস্য, অপরাহ্ণে প্রাবৃষঃ, প্রদোষে বার্ষিকম্, শারদমর্ধরাত্রে, প্রত্যুষসি হৈমন্তমুপলক্ষযেত্| এবমহোরাত্রমপি বর্ষমিব শীতোষ্ণবর্ষদোষোপচযপ্রকোপোপশমৈর্জানীযাত্" ইতি| ননু, ততশ্চৈকস্য দোষস্যৈকস্মিন্ কালে চযপ্রকোপোপশমৈর্বিরুদ্ধত্বং চাপদ্যতে, বার্ষিকাণামাহোরাত্রিকাণাং চ চযাদীনাং তথা সমাবেশাত্| যথা-বসন্তস্য পূর্বাহ্ণে কফস্য লিঙ্গম্, মধ্যাহ্নে গ্রীষ্মস্য| মৈবম্| আহোরাত্রিকৈশ্চযাদিভিরনবকাশৈঃ সাবকাশা বার্ষিকাশ্চযাদযো বাধ্যন্তে| আহোরাত্রিকঃ কফস্য হি প্রশমো মাধ্যাহ্নিকঃ, তস্যাবকাশো মধ্যাহ্ন এব| প্রকোপস্তু বাসান্তিক, তস্যাবকাশাঃ সাযাহ্নাদযোঽপি, তেষামপি বসন্তত্বাত্| ন গ্রীষ্মাদিমধ্যাহ্নো মাধ্যাহ্নিকস্য প্রশমস্যাবকাশ ইতি বাচ্যম্, গ্রীষ্মে তাবদ্গ্রীষ্মত্বাদেব প্রশমে সিদ্ধে বৈযর্থ্যাত্| বর্ষাসু দোষত্রযদুষ্টিঃ, শরদ্যপি কিঞ্চিত্কফপকোপ ইষ্টঃ| "কুর্যাত্পিত্তং চ শরদি তস্য চানুবলঃ (লং) কফঃ" ইতি (হৃংই.অ. ২/৫১) বচনাত্| হেমন্তশিশিরযোঃ সঞ্চযঃ স্পষ্ট এব| এবং চযপ্রশমযোরপি বাচ্যম্| চযপ্রকোপযোস্ত্ববিরোধঃ, দ্বযোর্বৃদ্ধিরূপত্বাত্| যচ্চ প্রচলিতত্বং প্রকোপে বিশেষঃ, তং প্রতিচযহেতোরুদাসীনত্বম্| এবং বাতপিত্তযোরপি বাচ্যম্| ননু, "বযোহোরাত্রিভুক্তানাং তেঽন্তমধ্যাদিগাঃ ক্রমাত্|" ইতি (হৃ.সূ.অ. ১/৮) বাক্যে পিত্তকফবাতানাং মধ্যাহ্নপুর্বরাত্রাপররাত্রেষু প্রকোপ উক্তঃ| সুশ্রুতবাক্যে তু বাতচযবাতপ্রকোপকফচযা উক্তাঃ, ইতি বিরোধঃ| মৈবম্| দোষভেদনাবিরোধাত্| অথর্তুলক্ষণং সঙ্গ্রহে (সূ.অ.৪)-"ধূমধূম্রা রজোমন্দাস্তুষারাবিলমণ্ডলাঃ| দিগাদিত্যা মরুচ্ছৈত্যাদুত্তরো রোমহর্ষণঃ|| রোধ্রপ্রিযঙ্গুপুন্নাগলবল্যঃ কুসুমোজ্জ্বলঃ| দৃপ্তা গজাজমহিষবাজিবাযসশূকরাঃ|| হিমানীপটলচ্ছন্না লীনমীনবিহঙ্গমাঃ| নদ্যঃ সবাষ্পাঃ সোষ্মাণঃ কূপাপশ্চ হিমাগমে|| দেহোষ্মাণো বিশন্তোঽন্তঃ শীতে শীতানিলাহতাঃ| জঠরে পিণ্ডিতোষ্মাণং প্রবলং কুর্বতেঽনলম্|| বিসর্গে বলিনাং প্রাযঃ স্বভাবাদিগুরু ক্ষমম্| বৃংহণান্যন্নপানানি যোজযেত্তস্য যুক্তযে|| বসন্তে দক্ষিণো বাযুরাতাম্রকিরণো রবিঃ| নবপ্রবালত্বক্পত্রাঃ পাদপাঃ ককুভোঽমলাঃ|| কিংশুকাশোকচূতাদিবনরাজিবিরাজিতাঃ| কোকিলালিকুলালাপকলকোলাহলাকুলাঃ|| গ্রীষ্মেঽতসীপুষ্পনিভস্তীক্ষ্ণাংশুর্দবদীপিতাঃ| দিশো জ্বলন্তি ভূমিশ্চ মারুতোনৈঋতোঽসুখঃ|| পবনাতপসংস্বেদর্জন্তবো জ্বরিতা ইব| তাপার্ততুঙ্গমাতঙ্গমহিষৈঃ কলুষীকৃতাঃ|| দিবাকরকরাঙ্গারনিকরৈঃ ক্ষপিতাম্ভসঃ| প্রবৃদ্ধরোধসো নদ্যশ্ছাযাহীনা মহীরুহাঃ|| বিশীর্ণজীর্ণপর্ণাশ্চ শুষ্কবল্কলতাঙ্কিতাঃ| বর্ষাসু বারুণো বাযুঃ সর্বসস্যসমুদ্ভবঃ|| ভিন্নেন্দ্রনীলনীলাভ্রবৃন্দমন্দাবিলং নভঃ| দীর্ঘিকা নববার্যোঘমগ্নসোপানপঙ্ক্তযঃ|| বারিধারাভৃশাঘাতবিকাসিতসরোরুহাঃ| সরিতঃ সাগরাকারা ভূরব্যক্তজলস্থলা|| মন্দ্রস্তনিতজীমূতশিখিদর্দুরনাদিতা| ইন্দ্রগোপধনুঃখণ্ডবিদ্যুদুদ্যোতদীপিতা|| পরিতঃ শ্যামলতৄণা শিলীন্ধ্রকুটজোজ্জ্বলা| শরদি ব্যোমশুভ্রাভ্রং কিঞ্চিত্পঙ্কাঙ্কিতা মহী|| প্রকাশকাশসপ্তাহ্বকুমুদা শালিশালিনী| বিক্ষিপ্ততীক্ষ্ণকিরণো মেঘৌঘবিগমাদ্রবিঃ|| বভ্রুবর্ণোঽতিবিমলাঃ ক্রৌঞ্চমালাকুলা দিশঃ| কমলান্তরসংলীনমীনহংসাংসঘট্টনৈঃ|| তরঙ্গভঙ্গতুঙ্গানি সরাংসি বিমলানি চ|" ইতি| ইতি হেমাদ্রিটীকাযামাযুর্বেদরসাযনে| ঋতুচর্যাপ্রকরণং সামস্ত্যেন নিরূপিতম্|| ৩||