২. রক্তপিত্তচিকিত্সিতাধ্যাযঃ

সর্বাঙ্গসুন্দরী ব্যাখ্যা ( কৃত)

জ্বরচিকিত্সিতাদনন্তরং রক্তপিত্তচিকিত্সিতমুচ্যতে| যতো মহেশ্বরস্য ললাটাজ্জ্বরো বভূব, তত্সন্তাপাদ্রক্তপিত্তমিত্যুক্তম্| অতো রক্তপিত্তচিকিত্সিতস্যৈবারম্ভো যুক্তঃ| তথা, নিদানে যদ্বিশেষেণ নোক্তং তদিহ বিশেষেণ স্পষ্টং কৃত্বা নিদানাভিপ্রাযমপি ভণ্যতে, রক্তপিত্তস্য ক্ষিপ্রকারিত্বাত্|

সর্বাঙ্গসুন্দরী ব্যাখ্যা ( কৃত)

স০-বলিনো-বলবতঃ পুংসো ন স্ত্রিযাঃ, যদুত্পন্নমূর্ধ্বগং রক্তপিত্তং তত্সাধযেত্-উপক্রমেত্| তথা যদেবোর্ধ্বগমবেগং-অবেগবত্, তথৈকো দোষঃ-কফাখ্যঃ, অনুগঃ-অনুবলো, যস্য তদেকদোষানুগম্| নিদানেঽপ্যুক্তম্ (হৃংই.অ.৩/৮)-"ঊর্ধ্বং সাধ্যং কপাদ্যস্মাত্" ইতি| তথা নবং-অচিরোত্পন্নং, তথা যত্সুখে কালে- তদ্ব্যাধিপ্রতিপক্ষভূতে হেমন্তে শিশিরে বা জাতং, তথা যন্নিরুপদ্রবং-বিকৃতবিজ্ঞানীযাধ্যাধ্যাযোক্তৈঃ (হৃ.শা.অ.৫/৭৪)" রক্তপিত্তংভৃশং রক্তং" ইত্যাদিগ্রন্থনির্দিষ্টৈরুপদ্রবৈ রহিতম্| অতো লক্ষণাদ্যদ্বিপর্যযলক্ষণমূর্ধ্বগমপি রক্তপিত্তং তদর্থাদসাধ্যং যাপ্যং বা স্যাদিতি গম্যতে|

আযুর্বেদরসাযনম্ ব্যাখ্যা ( কৃত)

আ০ র০- অথ রক্তপিত্তচিকিত্সিতম্| তত্র সাধ্যমাহঊর্ধ্বগমিতি| অবোগং-বেগবাহুল্যরহিতম্| সুখে-হেমন্তাদৌ|

সর্বাঙ্গসুন্দরী ব্যাখ্যা ( কৃত)

স০-অধোগং রক্তপিত্তমূর্ধ্বগরক্তপিত্তোক্তৈকদোষানুগাদিবিশেষণবিষিষ্টমপি যাপযেত্| যচ্চ দোষদ্বযানুগং-বাতকফাভ্যাং হীনবলাভ্যামনুগতমূর্ধ্বগমপি, তচ্চ যাপযেত্|

আযুর্বেদরসাযনম্ ব্যাখ্যা ( কৃত)

আ০ র০- যাপ্যমাহ-অধোগমিতি, শান্তং শান্তমিতি চ| যত্-গচ্ছ্ত্, ইণ্ গতৌ|

সর্বাঙ্গসুন্দরী ব্যাখ্যা ( কৃত)

স০-শান্তং শান্তং-অতিশযেন শান্তং, পুনঃ কুপ্যত্-কোপং গচ্ছত্, ঊর্ধ্বগমেকদোষানুগমধোগং বা ত্যজেত্| অথ মার্গাত্-ঊর্ধ্বাত্ নাসাক্ষিকর্ণাস্যলক্ষণাত্, মার্গান্তরং-গুদমেঢ্রলক্ষণং, যত্-গচ্ছ্হত্, এবং যত্প্রবৃত্তং তচ্চ ত্যজেত্| যদিতি ইণঃ শতরি ইণো যণিতি যাদেশে যদিতি রূপম্| তথা অতিপ্রবৃত্তমূর্ধ্বমার্গাধোমার্গাদ্বা যদ্রক্তপিত্তং তত্ত্যজেত্, রক্তস্য প্রাণাযতনত্বাত্| উক্তং চ-"জীবিতং প্রাণিনাং তত্র রক্তে তিষ্ঠতি তিষ্ঠতি|" ইতি| তথা, মন্দাগ্নের্যত্প্রবৃত্তমধোগমূর্ধ্বগং ব তদপি বিরুদ্ধোপক্রমত্বাত্ত্যজেত্| তথা হি,-মন্দাগ্নেঃ কটুকাম্লোষ্ণরূক্ষতীক্ষ্ণাদ্যৌষধমগ্নিসন্ধুক্ষণং যত্তদ্ধিতম্, রক্তপিত্তে চাতো বিপরীতপ্রাযং যত্তত্পথ্যম্| তথা, ত্রিদোষমূর্ধ্বগমধোগং বা তদপি ত্যজেত্, বিষমত্বাত্| যতো ন তদ্বমনবিষযং ভবতুমর্হতি নাপি বিরেচনবিষযম্|

আযুর্বেদরসাযনম্ ব্যাখ্যা ( কৃত)

আ০ র০- অসাধ্যমাহ-অতিপ্রবৃত্তমিতি| যত্রানুবন্ধ্যপি পিত্তং তদ্ধি (ন্ত্রি) দোষজম্| যত্র তু জনকমেব তদ্দ্বিদোষ [ জ ] মেকদোষং (ষ)[জং] বা| নিদানোক্তানামপি সাধ্যাদীনাং পুনরুক্তিরপরিপূর্ণপূরণায| তত্র সাধ্যত্বে যুক্তিরুক্তা, ইহ তু লক্ষণমিতি বা, পূর্বাচার্যাতিবিপ্রকীর্ণোক্তিপ্রদর্শনং বা|

সর্বাঙ্গসুন্দরী ব্যাখ্যা ( কৃত)

স০-নিদানাদি জ্ঞাত্বাঽনন্তরং রক্তপিত্তে-ঊর্ধ্বগেঽধোগে বা, আদৌ-প্রথমত এব, লঙ্ঘনং প্রযোজযেত্, অথবা বৃংহণং, অথবা শোধনং শমনং বা| তত্র নিদানং-তীক্ষ্ণোষ্ণকট্বম্লাদিসেবনম্, এতজ্জ্ঞানং হি তন্নিদানবর্জন উপযুজ্যতে| তথা চ বক্ষ্যতি (শ্লো.২৪)-"যত্কিঞ্চিদ্রক্তপিত্তস্য নিদানং তচ্চ বর্জযেত্|" ইতি| অযনং-ঊর্ধ্বাঘোলক্ষণং জ্ঞাত্বা| তথা চ বক্ষ্যতি (শ্লো.৮)- "রক্তে সপিচ্ছে সকফে গ্রথিতে কণ্ঠমার্গগে| লিহ্যান্মাক্ষিকসর্পির্ভ্যাং ক্ষারমুত্পলনালজম্||" ইতি| তথা (শ্লো.৪৭)- "গুদাগমে বিশেষেণ শোণিতে বস্তিরিষ্যতে|" ইত্যাদি| তথা, পিত্তাখ্যস্য মলস্যাত্র মূলভূতত্বাত্সামর্থ্যাত্ মলৌ-বাতকফাখ্যৌ, অনুবলৌ জ্ঞাত্বা চিকিত্সাবিশেষং প্রযোজযেত্| তথা চ বক্ষ্যতি (শ্লো.৩৬)-"রক্তপিত্তং ন চেচ্ছাম্যেত্তত্র বাতোল্বণে পযঃ| যুঞ্জযাচ্ছাগং" ইত্যাদি| তথা, বলং জ্ঞাত্বা| যতো বক্ষ্যতি (শ্লো. ১৩)- "যথাস্বং মন্থপেযাদিঃ প্রযোজ্যো রক্ষতা বলম্|" ইতি| দেশো-দ্বিবিধঃ শারীরো ভূমিদেশশ্চ| তত্র শারীরো-মুখনাসাদ্যবযবরূপঃ| ঊর্ধ্বগে হি রক্তপিত্তে সত্যপি নাসাপ্রবৃত্তে বিশেষেণান্যদৌষধমন্যপ্রবৃত্তেঽন্যত্| তথা, অধোগে রক্তপিত্তে সত্যপি গুদপ্রবৃত্তেঽন্যদৌষধং মেঢ্রপ্রবৃত্তে চান্যত্| ভূমিদেশশ্চ-ত্রিবিধোব্যাখ্যাতো জাঙ্গলানূপসাধারণভেদেন| তত্র জাঙ্গলেঽন্যধৌষধমনূপেঽন্যত্ সাধারণে চান্যত্| কালো-মুহূর্তাদিঃ শীতোষ্ণবর্ষলক্ষণ আবস্থিকশ্চ| তথা চ শীতে কালেঽন্যাদৃসমৌষধমন্যস্মিন্ কালেঽন্যাদৃষমৌষধং রক্তপিত্তে| আদিগ্রহণেনানলাহা রসত্ত্বসাত্ম্যবযঃপ্রকৃতিপ্রভৃতযো গৃহ্যন্তে| অবস্থাং চ জ্ঞাত্বা অবস্থাবশাত্, রক্তপিত্তস্য হ্যবস্থাবিশেষেণান্যদৌষধং স্যাত্|

আযুর্বেদরসাযনম্ ব্যাখ্যা ( কৃত)

আ০ র০- লঙ্ঘনীযবৃংহণীযশোধনীযশমনীয বিভাগমাহ-জ্ঞাত্বেতি| তত্র নিদানজ্ঞানাত্ বৃংহণোত্থে লঙ্ঘনং লঙ্ঘনোত্থে বৃংহণম্| অযনজ্ঞানাত্ ঊর্ধ্বগে লঙ্ঘনমধোগে বৃংহণম্| অনুবলমলজ্ঞানাত্ কফে লঙ্ঘনং বাতে বৃংহণম্| বলজ্ঞানাত্ সম্পূর্ণে বলে লঙ্ঘনমল্পে বৃংহণম্| দেশজ্ঞানাত্ অনূপে লঙ্ঘনং জাঙ্গলে বৃংহণম্| কালজ্ঞানাত্ বিসর্গে লঙ্ঘনমাদানে বৃংহণম্| আদিশব্দাত্ যৌবনে লঙ্ঘনং বার্ধকে বৃংহণমিত্যাদি| অবস্থাজ্ঞানাত্ অপক্বে লঙ্ঘনং পক্বে বৃংহণম্| পূর্বং শমনশোধনবিভাগো জ্ঞেযঃ| আদৌগ্রহণাত্ লঙ্ঘনানন্তরং বৃংহণং বৃংহণানন্তরং লঙ্ঘনং চ কার্যম্|

সর্বাঙ্গসুন্দরী ব্যাখ্যা ( কৃত)

স০-সন্তর্পণোত্থং বলিনো বহুদোষস্য নরস্য রক্তপিত্তমূর্ধ্বগং বিরেকেণ সাধযেত্, অধোগতং তু বমনেন সাধযেত্| অন্যতপতর্পণোত্থং রক্তপিত্তং দুর্বলস্যাল্পদোষস্যোর্ধ্বগং শমনৈরধোগং বৃংহণৈরুপাচরেত্| বৃংহণৈর্বা শমনৈঃ| ন চেদং চিকিত্সিতং নিরপেক্ষং যুঞীতেত্যাহ-লঙ্ঘ্যবৃংহ্যানবেক্ষ্য চেতি| লঙ্ঘনাদুত্পন্নমধোগমপি শমনৈরুপাচরেত্| বৃংহণাদুত্পন্নমূর্ধ্বগমপি লঙ্হ্ঘনৈরুপাচরেদিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-শোধ্যত্বেঽপি বম্যবিরেচ্যবিভাগমাহ-সন্তর্পণোত্থমিতি| অধোগে বমনম্| ঊর্ধ্বগে বিরেচনম্| সন্তর্পণোত্থং ইত্যত্র উভযত্র তুল্যম্| শাম্যত্বেঽপি লঙ্ঘনশাম্যবৃংহণশাম্যবিভাগমাহ- শমনৈর্বৃংহণৈশ্চেতি| অন্যত্- অপতর্পণোত্থমল্পবলস্য চাল্পদোষস্যচ| ঊর্ধ্বগং লঙ্ঘনশমনৈস্তথা লঙ্ঘ্যে পুরুষে সন্তর্পণোত্থত্বাদিত্রযে সত্যপি বৃংহণম্| বৃংহ্যে পুরুষে অতর্পণোত্থত্বাদিত্রযে সত্যপি লঙ্ঘনম্|

সর্বাঙ্গসুন্দরী ব্যাখ্যা ( কৃত)

স০-ঊর্ধ্বং প্রবৃত্তে রক্তপিত্তে শুণ্ঠীরহিতং ষডঙ্গোদকং পিবতঃ পুংসস্তিক্তকষাযৌ রসৌ শমনম্| তথা, উপবাসঃ|

আযুর্বেদরসাযনম্ ব্যাখ্যা ( কৃত)

আ০ র০- শমনমাহ-ঊর্ধ্বং প্রবৃত্ত ইতি| ষডঙ্গোদকং-"ঘনচন্দনশুণ্ঠ্যম্বুপর্পটোশীরসাধিতম্|" (হৃ. চি. অ. ১/১৫) ইতি জ্বরোক্তম্, তচ্চাত্র শুণ্ঠীং বিনা কার্যম্|

সর্বাঙ্গসুন্দরী ব্যাখ্যা ( কৃত)

স০-অধোগে তু রক্তপিত্তে বৃংহণো মধুরো রসো হিতঃ|

আযুর্বেদরসাযনম্ ব্যাখ্যা ( কৃত)

আ০ র০- বৄংহণমাহ-অধোগে রক্তপিত্ত ইতি|

সর্বাঙ্গসুন্দরী ব্যাখ্যা ( কৃত)

স০-ঊর্ধ্বগে রক্তপিত্তে প্রাক্-পূর্বং, তর্পণং যোজ্যম্, তথাসাত্ম্যত্বাত্| এবমধোগে রক্তপিত্তে প্রাক্ পেযা যোজ্যা|

আযুর্বেদরসাযনম্ ব্যাখ্যা ( কৃত)

আ০ র০- ঊর্ধ্বগাধোগযোঃ পথ্যবিভাগমাহ্ন-ঊর্ধ্বগে তর্পণমিতি| ঊর্ধ্বগে প্রাক্ তর্পণং পথ্যম্, অধোগে তু পেযা শেষং জ্বরবত্|

সর্বাঙ্গসুন্দরী ব্যাখ্যা ( কৃত)

স০-বলিনো নরস্যাশ্নতো রক্তমশুদ্ধং-দুষ্টং, ন ধার্যং-ন স্তম্ভনীযম্| তদ্ধি ঘৃতং সিরাব্যধবিধ্যুক্তান্ বিসর্পবিদ্রধিপ্লীহাদীন্ রোগান্ করোতি| অন্যথা-বিধিবিপর্যযে সতি দুর্বলস্যাভোজনস্য চ, শীঘ্রং ধারযেত্| যস্মাদগ্নিবচ্ছীঘ্রং মরণকারি তত্-রক্তমস্তম্ভিতং, স্যাত্|

আযুর্বেদরসাযনম্ ব্যাখ্যা ( কৃত)

আ০ র০- অশুদ্ধস্য রক্তস্য স্তম্ভনং নিষেধতি-অশ্নত ইতি| শুদ্ধস্য স্তম্ভনং বিধত্তে-ধারযেদিতি| অন্যথা-শুদ্ধত্বে, বলাশনযোরল্পযোরশুদ্ধত্বেঽপি| তত্-অস্তম্ভিতং রক্তম্|

সর্বাঙ্গসুন্দরী ব্যাখ্যা ( কৃত)

স০-ত্রিবৃতা-শুক্লগোপীত্যুচ্যতে| শ্মামা-মালবিকা ত্রিবৃদুচ্যতে| তযোঃ কষাযেণ তথা তযোরেব [কল্কেন] মাত্রামাশ্রিত্যৈতদুক্তম্| অত্র চ কণ্টকারিকালেহবত্ (হৃ.চি.অ.৩/৬২) ক্বাথকল্কশর্করাণাং পরিমাণং বেদ্যমিতি বৃদ্ধবৈদ্যব্যবহারঃ|

আযুর্বেদরসাযনম্ ব্যাখ্যা ( কৃত)

আ০ র০- বিরেচনমাহ-ত্রিবৃচ্ছামাকষাযেণেতি| কল্কেনত্রিবৃদ্দ্বযস্যৈব| পাণিতলং কর্ষম্|

সর্বাঙ্গসুন্দরী ব্যাখ্যা ( কৃত)

স০-তথা ত্রিবৃতাদিভির্মোদকো-বটকঃ| শর্করাপরিমাণং চ পদ্মকাদ্যচূর্ণবদববোধ্যম্| স চ মোদকঃ সন্নিপাতোর্ধ্বরক্তশোফজ্বরহৃদ্ভবতি| পূর্বোক্তস্য লেহস্য বিষযনির্দেশাদেব বিষযো বেদ্যঃ| ত্রিবৃত্সমসিতা পিপ্পলীপাদসংযুতা তদ্বত্-সন্নিপাতাদি হৃদিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০- বিরেচনান্তরমাহ-ত্রিবৃতেতি| সন্নিপাতস্ত্রিভিঃ সম্বধ্যতে| বিরেচনান্তরমাহ-ত্রিবৃত্সমসিতেতি| সঙ্গ্রহে (চি. অ. ৩)- " ত্রিফলাত্রিবৃতাধাত্রীত্রাযন্ত্যারগ্বধাভযাঃ| গবাক্ষীক্ষুরসক্ষীরদ্রাক্ষাঃ ক্ষৌদ্রসিতোত্কটাঃ|| যথাস্বং কল্পবিহিতা বিরেকার্থং প্রযোজযেত্|" ইতি| ত্রিফলাদীনি দশ বিরেচনানি| প্রত্যেকং মধুসিতোত্কটানি| গবাক্ষী-ইন্দ্রবারুণী|

সর্বাঙ্গসুন্দরী ব্যাখ্যা ( কৃত)

স০-মদনফলেন সংযুক্তং তর্পণং সিতামধুভ্যাং সহ বমনে দেযম্, বাতকোপভযাদিত্যভিপ্রাযঃ| অথবা সশর্করং ফল সংযুক্তং, [অথবা] মধুকোদকমথবা ক্ষৌদ্রসংযুক্তং, অথবা ক্ষীরং, অথবেক্ষুরসম্| সর্বমেতত্ মদনফলসংযুক্তং পৃথক্ প্রত্যেকং দেযম্|

আযুর্বেদরসাযনম্ ব্যাখ্যা ( কৃত)

আ০ র০- বমনপঞ্চকমাহ-বমনং ফলসংযুক্তমিতি| পঞ্চস্বপি মদনফলসংযোগঃ| সঙ্গ্রহে তু (চি. অ. ৩)- "ফলেন্দ্রযবগাঙ্গেযীমধুকং বা সমাক্ষিকম্|" ইতি|

সর্বাঙ্গসুন্দরী ব্যাখ্যা ( কৃত)

স০-ঊর্ধ্ব[গ]রক্তপিত্তিনোঽধোগরক্তপিত্তিনো বা যথাক্রমং বিরেকবমনাভ্যাং শুদ্ধস্যানন্তরং [যথাস্বং-] যথাযোগং যথাবিধি, মন্থপেযাদিঃ প্রযোক্তব্যঃ,-ঊর্ধ্বগে মন্থাদিরধোগে পেযাদিরিতি যথার্থঃ|

আযুর্বেদরসাযনম্ ব্যাখ্যা ( কৃত)

আ০ র০- শুদ্ধস্য পথ্যমাহ-শুদ্ধস্যেতি| অনন্তরঃ "ঊর্ধ্বগে তর্পণং যোজ্যম্" (শ্লো. ৮) ইত্যাদি| বলং অগ্নিবলং দেহবলং চ|

সর্বাঙ্গসুন্দরী ব্যাখ্যা ( কৃত)

স০-মন্থো জ্বরোক্তো দ্রাক্ষাদিঃ-"দ্রাক্ষামধূকমধুক" (হৃ. চি. অ. ১/৫৫) ইত্যাদিঃ| পিত্তঘ্নৈর্বা-দ্রাক্ষামলকক্রাশ্মর্যমধুকাদিভিঃ, ফলৈঃ কৃতঃ প্রযোক্তব্যঃ|

আযুর্বেদরসাযনম্ ব্যাখ্যা ( কৃত)

আ০ র০- মন্থমাহ-মন্থো জ্বরোক্ত ইতি| দ্রাক্ষাদিঃ-"দ্রাক্ষামধূকমধুক" ইত্যাদিঃ| মন্থান্তরমাহ-পিত্তঘ্নৈর্বেতি|

সর্বাঙ্গসুন্দরী ব্যাখ্যা ( কৃত)

স০-অথবা মধ্বাদিনা দ্রব্যপঞ্চকেন কৃতেন পঞ্চসারাখ্যেন লাজসক্তুভিঃ সসর্পিষ্কৈর্মন্থো হিতঃ| মন্দাগ্নীনামম্লাভিলাষিণাং চ দাডিমামলকাভ্যামম্লশ্চ মন্থঃ প্রযোক্তব্যঃ| 'অধোগে প্রাক্পেযা প্রযোজ্যা' ইত্যুক্তম্| অতস্তা এব পেযা ব্রূতে-

আযুর্বেদরসাযনম্ ব্যাখ্যা ( কৃত)

আ০ র০- মন্থান্তরমাহ-মধুখর্জূরেতি| পঞ্চ মধ্বাদীনি সারাণ্যত্রেতি পঞ্চসারম্, সংজ্ঞা চেযম্| মন্থান্তরমাহ-দাডীমামলকাম্লো বেতি| দাডিমামলকরসযোগাদম্লঃ|

সর্বাঙ্গসুন্দরী ব্যাখ্যা ( কৃত)

স০-কমলোত্পলেত্যাদিভির্বর্গৈরর্ধশ্লোকৈঃ পেযা বিহিতাঃ| পাদযৌগিকা বক্ষ্যন্তে| ভূনিম্বসেব্যেত্যাদযঃ|

আযুর্বেদরসাযনম্ ব্যাখ্যা ( কৃত)

আ০ র০- ত্রিভিরর্ধর্চৈস্তিস্ত্রঃ পেযা আহ-কমলোত্পলেতি| চতুর্ভিঃ পাদৈশ্চতস্নঃ পেযা আহ-ভূনিম্বসেব্যজলদা ইতি| বিদারিগন্ধা-শালিপর্ণী| হরেণুকাঃ-সতীনাঃ| সঙ্গ্র্হে ত্বধিকাঃ পেযাঃ (চি. অ. ৩)- "চন্দনাম্বুপ্রিযঙ্গবঃ| তুবর্যো বাঽতিবলযা বলযা বা হরেণবঃ||" ইতি|

সর্বাঙ্গসুন্দরী ব্যাখ্যা ( কৃত)

স০-মাংসানি জাঙ্গলানি শীতবীর্যাণী-শশাদিসবন্ধীনি, পূর্বোক্তপেযৌষধানাং পৃথক্পৃথগ্জলে সাধযেত্| অনন্তরং তস্মিন্ রসে যবাগূঃ কল্পযেত্| কীদৃশীঃ ? শীতাস্তথা সশর্করাক্ষৌদ্রাঃ| তদ্বদিত্যনেন শীতত্বং মাংসরসানামতিদিশতি, ন তু সশর্করাক্ষৌদ্রত্বমপি, অযোগার্হত্বাত্| অত এবাহ-তান্ মাংসরসান্ ঈষদম্লানম্লাভিলাষিণঃ, অনম্লাভিলাষিণোঽনম্লানেব| তথা, ঘৃতভৃষ্টান্ সশর্করান্-শর্করাযুক্তান্|

আযুর্বেদরসাযনম্ ব্যাখ্যা ( কৃত)

আ০ র০- উক্তানাং পেযানাং প্রকারান্তরমাহ-জাঙ্গলানি চেতি| তেষাং-পেযৌষধানাং, জলে-কাথে| রসে-ক্বাথসিদ্ধমাংসরসে| মাংসরসানাহ-তদ্বদিতি| তদ্বত্-পেযাবত্, তণ্ডুলপ্রক্ষেপংবিনা| সঙ্গ্রহে তু (চি. অ. ৩)- "তত্কষাযে হিতাঃ পেযামাংসপেযাস্তথা রসাঃ| অনম্লাঃ কিঞ্চিদম্লা বা সঘৃতক্ষৌ দ্রশর্করাঃ||" ইতি|

সর্বাঙ্গসুন্দরী ব্যাখ্যা ( কৃত)

স০-তথা, শূকশিম্বীজং, ধান্যং শাকং চ রক্তপিত্তে শস্যতে| অন্নস্বরূপবিজ্ঞানীযেঽধ্যাযে (সূ.অ. ৬) যদুক্তং লঘু চ শীতলং চ|

আযুর্বেদরসাযনম্ ব্যাখ্যা ( কৃত)

আ০ র০- ধান্যানি শাকানি চাহ-শূকশিম্বীভবং ধান্বমিতি রক্তে-রক্তপিত্তে|

সর্বাঙ্গসুন্দরী ব্যাখ্যা ( কৃত)

স০-পূর্বোক্তমম্বু-ষডঙ্গং শুণ্ঠীরহিতং, পানীযং-পাতব্যম্| অথবা লঘুনা পঞ্চমূলেন শৃতম্| পানীযস্য শ্রপণে তন্ত্রকারৈর্বিধিরুক্তঃ| যথা-"কর্ষং গৃহীত্বা দ্রব্যস্য ক্বাথযেত্প্রাস্থিকেঽম্ভসি| অর্ধশৃতং প্রযোক্তব্যং জলপাকে ত্বযং বিধিঃ||" ইতি| কেবলং বা জলং শৃতশীতং হিতম্| মধ্বম্ভো-মাক্ষিকযুক্তং পানীযম্| ফলাম্বু বা-দ্রাক্ষাভির্বা পিত্তঘ্নৈঃ ফলৈঃ কৃতম্|

আযুর্বেদরসাযনম্ ব্যাখ্যা ( কৃত)

আ০ র০- তৃষিতস্য পানার্থমুদকমাহ-পূর্বোক্তমম্ব্বিতি| পূর্বোক্তং-নিঃশুণ্ঠীষডঙ্গোদকম্| লঘুপঞ্চমীলসিদ্ধং বা| শৃতশীতং বা কেবলম্| মধূদকং বা| ফলোদকং বা ফলানি-দাডিমাদীনিলৌ শীতলানি|সঙ্গ্রহে তু (চি. অ. ৩)পদ্মকাদ্যঞ্জনাদি চ সারিবাদিং চ কল্পযেত্| অন্নপানে গণং তদ্বদ্দশকং দাহনাশনম্|| কফানুগে যূষশাকং মারুতানুগতে রসম্| অভীরোরঙ্কুরৈর্লাবাঃ সহ মুদ্গাঃ পটোলজৈঃ| মকুষ্ঠা ধন্বযাসোত্থৈ রক্তপিত্তে পরং মতাঃ|" ইতি|

সর্বাঙ্গসুন্দরী ব্যাখ্যা ( কৃত)

স০-শশঃ-শশস্য মাংসং, সহবাস্তুকেন বিড্বিবন্ধে সতি রক্তপিত্তিনঃ শস্তঃ|

আযুর্বেদরসাযনম্ ব্যাখ্যা ( কৃত)

আ০ র০- বিবন্ধে রসমাহ-শশঃ সবাস্তুক ইতি|

সর্বাঙ্গসুন্দরী ব্যাখ্যা ( কৃত)

স০-তিত্তিরিস্তু মারুতেঽধিক উদুম্বরস্য ক্বাথে সাধিতঃ শস্তঃ| প্লক্ষস্য ক্বাথে সাধিতো বর্হিণো-মযূরঃ, তদ্বত্-মারুতেঽধিকে শস্তঃ| বর্হিণ ইতি "ফলবর্হাভ্যামিনচ্|" তথৈবন্যগ্রোধস্য নির্যূহে কুক্কুটঃ শস্তঃ| উদুম্বরাদিক্বাথসাধনং তিত্থির্যাদীনামৌষ্ণ্যং প্রতিহন্তুম্|

আযুর্বেদরসাযনম্ ব্যাখ্যা ( কৃত)

আ০ র০- মারুতাধিকে রসমাহ-তিত্তিরিঃ পুনরিতি| মারুতা[ধিকে রসা] ন্তরমাহ-প্লক্ষস্য বর্হিণস্তদ্বদিতি| বর্হিণো-মযূরঃ| রসান্তরমাহ-ন্যগ্রোধস্য চ কুক্কুট ইতি| সঙ্গ্রহে তু (চি. অ. ৩)- "বিসোত্পলমৃণালানাং বর্তকক্রকরৌ হিতৌ| বর্তীরোঽম্ভোজনালানামশ্বত্থস্য কপিঞ্চলঃ||" ইতি|

সর্বাঙ্গসুন্দরী ব্যাখ্যা ( কৃত)

স০-যত্কিঞ্চিদ্রক্তপিত্তস্য কারণং-যেন সেবিতেন তজ্জাতং, তচ্চ বর্জযেত্-পরিহরেত্|

আযুর্বেদরসাযনম্ ব্যাখ্যা ( কৃত)

আ০ র০- বর্জনিযমাহ-যত্কিঞ্চিদিতি|

সর্বাঙ্গসুন্দরী ব্যাখ্যা ( কৃত)

সং-বাসকস্য রসেন ফলিন্যাদিকং পীতং রক্তপিত্তং শমযতি| অথবা, অটরূষকস্য রসঃ শর্করামধুযুক্তঃ পীতো রক্তপিত্তং জযেত্| অথবা কেবলো বাসারসঃ| অথবা ক্বথিতো বৃষঃ শীঘ্রং রক্তং জযেত্| স বৃষো যস্মাদস্য-রক্তস্য, পরমৌষধম্|

আযুর্বেদরসাযনম্ ব্যাখ্যা ( কৃত)

আ০ র০- শমনমাহ-বাসারসেনেতি| ফলিনী-প্রিযঙ্গুঃ| মৃত্-সৌরাষ্ট্রী| অঞ্জনং-রসাঞ্জনম্| মাক্ষিকং-মধু| [ শমনান্তরমাহ-নির্যাস ইতি| নির্যাসঃ-স্বরসঃ| স শর্করামধুসংযুক্তঃ কেবলো বেতি দ্বিবিধঃ| ] শমনান্তরমাহ-শৃতোঽপি বা বৃষ ইতি| শ্রুতোঽপি শর্করামধুসংযুক্তঃ কেবলো বেতি স্বরসবদ্দ্বিবিধঃ|

সর্বাঙ্গসুন্দরী ব্যাখ্যা ( কৃত)

স০-পটোলাদযোঽর্ধশ্লোকাস্ত্রযঃ ক্বাথা মধুশর্করাযুতা রক্তপিত্তং জযন্তীতি যোজ্যম্| অত্র চ বাসক আর্দ্রোঽপি দ্বিগুণো ন যোজ্যঃ| এবং হ্যুক্তং তন্ত্রান্তরে-"বাসাকুটজকূষ্মাণ্ডশতপুষ্পাসহাচরাঃ| নিত্যমার্দ্রাঃ প্রযোক্তব্যাস্তথাঽপি দ্বিগুণা ন তে||" ইতি|

আযুর্বেদরসাযনম্ ব্যাখ্যা ( কৃত)

আ০ র০- ত্রিভিরর্ধর্চৈঃ ব্কাথত্রযমাহ-পটোলমালতীতি| চন্দনদ্বযং-শ্বেতং রক্তং চ| কৃষ্ণা মৃত্-কৃষ্ণমৃত্তিকা| মদযন্তিকা-যূথিকা|

সর্বাঙ্গসুন্দরী ব্যাখ্যা ( কৃত)

স০-অথবা পলাশত্বক্ক্বাথঃ শীতঃ শর্করাযুতঃ পূর্বোক্তগুণঃ| অথবা মধুসর্পিভ্যাং গবাশ্বশকৃতো রসং পিবেত্| গবাশ্চেতি "অবড্ স্ফোটাযনস্য" ইত্যবঙাদেশঃ|

আযুর্বেদরসাযনম্ ব্যাখ্যা ( কৃত)

আ০ র০- ক্বাথান্তরমাহ-পলাশবল্কব্কাথো বেতি| বল্কলং-ত্বক্| লেহমাহ-লেহ্যাদ্বা মধুসর্পির্ভ্যামিতি| শকৃদ্রসস্য পাকাদ্ঘনীভাবেন লেহত্বম্|

সর্বাঙ্গসুন্দরী ব্যাখ্যা ( কৃত)

স০-গ্রথিতে-গ্রন্থিমতি, রক্তপিত্তে পারাবতস্য শকৃত্ ক্ষৌদ্গেণ সহ লিহ্যাত্|

আযুর্বেদরসাযনম্ ব্যাখ্যা ( কৃত)

আ০ র০- গ্রথিতে রক্তে লেহমাহ-সক্ষৌদ্রমিতি| গ্রথিতং তন্তুলম্|

সর্বাঙ্গসুন্দরী ব্যাখ্যা ( কৃত)

স০-অতিনিঃস্রুতরক্তশ্চ জাঙ্গলং রক্তং ক্ষৌদ্গেণ সহ পিবেত্| আজং যকৃদপক্বং পিত্তযুতং ভক্ষযেত্|

আযুর্বেদরসাযনম্ ব্যাখ্যা ( কৃত)

আ০ র০- অতিযোগে রুধিরমাহ-অতিনিঃসৃতরক্তো বেতি| জাঙ্গলং-জাঙ্গলবর্গীযহরিণাদিশরীরজম্| অতিযোগে যকৃদ্ভক্ষণমাহ-ভক্ষযেদ্বেতি| অজস্য-ছাগস্যেদমাজম্| আমং-অপক্বম্| আজেনৈব পিত্তেন যুক্তম্|

সর্বাঙ্গসুন্দরী ব্যাখ্যা ( কৃত)

স০-চন্দানাদিভির্বলাজলে পর্যুষিতৈঃ কষাযো রক্তপিত্তজিত্|

আযুর্বেদরসাযনম্ ব্যাখ্যা ( কৃত)

আ০ র০- অতিযোগে শীতকষাযমাহ-চন্দনোশীরেতি| বলাজলে-বলাক্বাথে|

সর্বাঙ্গসুন্দরী ব্যাখ্যা ( কৃত)

স০-চন্দনাদিজঃ প্রসাদ সুশীতঃ শর্করামাক্ষিকাভ্যাং সহ রক্তস্যাতিপ্রবৃত্তিং জযেত্|সং-ইক্ষুগণ্ডিকা আপোথ্য ভৃশমাদৌ সঙ্কুট্য জলে প্লাবযেত্| নবে কুম্ভে রাত্রিমাকাশে গুপ্তং-কীটাদ্যুপহতং যথা ন স্যাত্তথা. স্থিতং তত্-ইক্ষুগণ্ডিকাজলং, প্রাতঃ স্রুতং সমাক্ষিকং বিকসিতপদ্মেন কৃতশেখরং তদ্গুণং-পূর্ববদ্গুণমিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০- অতিযোগে শীতকষাযান্তরমাহ-প্রসাদৈতি| মৃদ্ভৃষ্টলোষ্টং-পাকাদগ্নিবর্ণতাং নীতং মৃল্লোষ্টম্|আ০ র০- অতিযোগে শীতকষাযান্তরমাহ-আপোথ্য বেতি| আপোথ্য-জর্জরীকৃত্য| প্লবযেত্-নবকুম্ভস্থে জলে ক্ষিপেত্| অল্পত্বার্থং ইক্ষুগণ্ডিকাঃ-ইক্ষুখণ্ডানি| রাত্রিমাকাশে স্থিতংশিক্যালম্বনাত্| গুত্পং-প্রকৃতিকীটাদিভ্যঃ| মধুমত্-ক্ষোদ্রযুক্তম্| বিক্কচাম্ভোজকৃতোত্তংসং-কুম্ভকণ্ঠবদ্ধৈরন্তঃপ্রবিশদ্ভিরিব বিকসিতকমলৈঃ সুরভীকৃতম্| তদ্গুণং-পূর্বৌষধসমানম্|

সর্বাঙ্গসুন্দরী ব্যাখ্যা ( কৃত)

স০-পিত্তজ্বরে চ যে কষাযা উক্তাঃ-"শক্রযবাঘনম্| কটুকা চেতি সক্ষৌদ্গা" (হৃ. চি. অ. ১/৫২) ইত্যাদযঃ, তাংশ্চ-কষাযান্, অত্র যোজযেত্|

আযুর্বেদরসাযনম্ ব্যাখ্যা ( কৃত)

আ০ র০- পিত্তজ্বরকষাযানতিদিশতি-যে চেতি| সঙ্গ্রহে তু (চি. অ. ৩)- "বাসারসেন ভূনিম্বকটুকাশর্করাঃ পিবেত্| তেনৈব বা ক্ষৌদ্রযুক্তং পদ্মকেসরপদ্মকম্|| সরোধ্রনাগকুসুমশাড্বলোত্পলবাস্তুকম্| শাড্বলং-দূর্বা| পথ্যারজন্যহিংস্ত্রা বা পলাণ্ডুং তদ্বদেব বা|| অহিংস্ত্রা-কন্থারিভেদঃ| তদ্বত্-মধুসর্পির্ভ্যা লিহ্যাত্| ফলিনীলোধ্রখদিরশাল্মলীকোবিদারজম্| শিরীষশেলুককুভসিন্দুবারাতিমুক্তজম্|| পলাশযূথিকাশিগ্রুমধূকাসনজন্ম চ| মধুনাচূর্ণিতং পুষ্পমেকত্র পৃথগেব বা|| পুষ্পৈরেভির্বিপব্কং চ সক্ষৌদ্রং মাহিষং ঘৃতম্| লিহ্যাত্ ক্ষৌদ্রেণ পথ্যাং বা কিঞ্জল্কং কমলস্য বা|| লাজান্ শৃঙ্গাটকং মুস্তং খর্জূরং কৃষ্ণমৃত্তিকাম্| ক্ষীরিবৃক্ষাঙ্কুরান্ দ্রাক্ষাং তবক্ষীরিং সিতোপলাম্|| গৈরিকং মধুকং রোধ্রং শঙ্খং শম্বূকমঞ্জনম্| তণ্ডুলীযকমূলং বা বীজং বা বাস্তুকোদ্ভবম্|| রোধ্রকালীযকোশীরফলিনীশঙ্খগৈরিকম্| পটোলপত্রং দূঃস্পর্শা সমঙ্গ সারিবা লতা|| ত্বগ্জম্বূবেতসাশ্বত্থহযাহ্বোদুম্বরার্জুনাত্| কিরাততিক্তক্রমুকমুস্তকট্ফলপদ্মকম্|| প্রপৌণ্ডরীকহীবেরকমলোত্পলপর্পটম্| চন্দনেন পৃথগ্যুক্তং সমস্তং বা সশর্করম্|| ফাণ্টীকৃতং শৃতং শীতং চূর্ণং বা তণ্ডুলাম্ভসা| পীতমাশুজযত্যস্ত্রং তৃড্দাহতমকানপি|| তদ্বদচ্ছঃ সিতারোধ্রমধূকোশীরচন্দনাত্| মৃচ্ছ্যামাসারিবামুস্তুধাতকীযষ্টিকান্বিতাত্|| অচ্ছঃ-প্রসাদঃ| তদ্বত্-চন্দনাদিবত্| বৈডূর্যমুক্তামৃচ্ছঙ্খগৈরিকামলকোদদকম্| মধূদকং রসং বেক্ষোঃ পিবঞ্জযতি শোণিতম্|| ত্রপুসীমূলকল্কং বা সক্ষৌদ্রং তণ্ডুলাম্বুনা| পিবেত্করঞ্জবীজং বা তেন ক্ষৌদ্রসিতাযুতম্|| রোধ্রচন্দনযষ্টযাহ্বং তেন যষ্টযাহ্বমেব বা| নীলোত্পলং সিতা যষ্টী মধূকং পদ্মকেসরম্|| ছিন্নোদ্ভবা চ শীতোঽযং কষাযো রক্তজিত্পরম্|" ইতি| বঙ্গসেনে তু (রক্তপিত্তাধিকারে শ্লো ৪৮)- "তালীসচূর্ণযক্তঃ পেযঃ ক্ষৌদ্রেণবাসকস্বরসঃ| কফপিত্তশ্বাসবমীতমকস্বরভেদরক্তপিত্তহরঃ|| আটরূষকমৃদীকাপথ্যাব্কাথঃ সশর্করঃ| ক্ষৌদ্রাঢ্যঃ কসনশ্বাসরক্তপিত্তনিবর্হণঃ|| শতাবরী বলা রাস্না কাশ্মর্যং সপরূষকম্| পাযযেদ্রক্তপিত্তঘ্নং সদ্যঃ শূলহরং পরম্|| চন্দনেন্দ্রযবাঃ পাঠাকটুকা সদুরালভা| গুডূচী বাসকং রোধ্রং পিপ্পলীক্ষৌদ্রসংযুতম্| [ কফান্বিতং জযেদ্রক্তং তৃষ্ণাকাসজ্বররাপহম্|| ] পিবেচ্ছীতকষাযং বা জম্ব্বাম্রার্জুনসম্ভবম্| উদুম্বরফলানাং বা রসং সমধু পাযযেত্|| অতসীকুসুমসমঙ্গা বটপ্ররোহত্বগম্ভসা পীতা| প্রশমযতি রক্তপিত্তং যদি ভুঙ্ক্তে মুদ্গযূষেণ|| লোহগন্ধিনি নিঃশ্বাসে উদ্গারে ধূমগন্ধিনি| পৃথ্বীকাং শণমাত্রাং তু খাদেদ্দ্বিগুণশর্করাম্|| (শ্লো. ৪৬)- " বাসাকষাযোত্পলমৃত্প্রিযঙ্গুরোধ্রাঞ্জনাম্ভোরুহকেসরাণি| পিত্বাসিতাক্ষৌদ্রযুতানি হন্যাত্পিত্তাসৃজো বেগমুদীর্ণমাশু|| বাসাযাং বিদ্যমানাযামাশাযাং জীবিতস্য চ| রক্তপিত্তী ক্ষযী কাসী কিমর্থমবসীদতি|| সমাক্ষিকঃ পদ্মপ(দ)লোদ্ভবো বা পীতো রসঃ শোণিতমাশু হন্তি|| (শ্লো. ৬৯)- " পব্কোদুম্বরকাশ্মর্যপথ্যাখর্জূরগোস্তনাঃ| মধুনা ঘ্নন্তি সংলীঢ রক্তপিত্তং পৃথক্ পৃথক্|| বাসকস্বরসে পথ্যা সপ্তধা পরিভাবিতা| কৃষ্ণা বা মধুনা লীঢা রক্তপিত্তং দ্রুতং জযেত্|| (শ্লো. ৯৩)- চন্দনং নলদং লোধ্রমুশীরং পদ্মকেসরম্| নাগপুষ্পং চ বিল্বং চ ভদ্রমুস্তং সশর্করম্|| হীবেরং চৈব পাঠা চ কুটজস্য ফলং ত্বচম্|শৃঙ্গবেরং সাতিবিষং ধাতকী চ রসাঞ্জনম্|| আম্রাস্থি জম্বুসারাস্থি তথা মোচরসোঽপি চ| নীলোত্পলং সমঙ্গা চ সূক্ষ্মৈলা দাডিমত্বচম্|| চতুর্বিশতিরেতানি সমভাগানি কারযেত্| তণ্ডুলোদকসংযুক্তং ক্ষৌদ্রেণ সহ যোজযেত্| হিতং লোহিতপিত্তানামর্শঃ সুজ্বরিতেষু চ| মূর্চ্ছতমোপসৃষ্টানাং তৃষার্তানাং চ দাপযেত্|| [অতীসারং তথা ছর্দিঃ স্ত্রীণাং চ রজসো গ্রহম্|] চলিতানাং চ গর্ভাণাং স্তম্ভনং পরমুচ্যতে| অশ্বিভ্যাং বিহিতো যোগোরক্তপিত্তবিনাশনঃ||" ইতি| জম্বূসারা-রাজজম্বূঃ| ইতি নবরক্তপিত্তম্|

সর্বাঙ্গসুন্দরী ব্যাখ্যা ( কৃত)

স০-এভির্বিবিধৈঃ-নানাপ্রকারৈঃ কষাযৈঃ, অগ্নৌ দীপ্তে কফে চ বিজিতে সতি যদি রক্তপিত্তং ন শাম্যতি, তদা তত্র বাতোল্বণে রক্তপিত্তে সতি পঞ্চগুণেঽম্ভসি শৃতং ছাগং পযো যুঞ্জযাত্| পঞ্চগুণেঽম্ভসি গব্যং ক্ষীরং ক্বথিতং তদ্বত্-তেন ছাগেন সমানগুণং, তচ্চ যুঞ্জযাত্| অথবা লঘুনা পঞ্চমূলেন শৃতং গব্যং সশর্করামধু তদ্গুণম্| তথা, জীবকর্ষভকাদিভিঃ পৃথক্ পৃথক্ শৃতং সহ ঘৃতেনাথবা শর্করযা সহ তদ্গুণম্|

আযুর্বেদরসাযনম্ ব্যাখ্যা ( কৃত)

আ০ র০- অথ জীর্ণরক্তপিত্তম্| তত্র ছাগক্ষীরপ্রযোগমাহ-কষাযৈর্বিবিধৈরিতি| গব্যক্ষীরমাহ-তদ্বদ্গব্যমিতি| তদ্বত্-"অল্পাম্বুপানব্যাযামকটুতিক্তাশনৈঃ " (হৃ. সূ. অ. ৫/২৪) ইত্যুক্তহেতুমত্| পঞ্চগুণেঽম্ভসি শৃতম্| ক্ষীরান্তরমাহ-পঞ্চমূলেনেতি ক্ষীরান্তরমাহ-জীবকর্ষভকেতি|

সর্বাঙ্গসুন্দরী ব্যাখ্যা ( কৃত)

স০-গোকণ্টকাদিভিস্তথা [ পর্ণিনীভিঃ-] শালিপর্ণীপৃশ্নিপর্ণীমুদ্গপর্ণীমাষপর্ণীভিঃ, শৃতং শীঘ্রমেব রক্তং সবেদনং হন্তি| বিশেষেণ মূত্রমার্গগতম্| বিষেষগ্রহণাদন্যমার্গগমপি রক্তং হন্তীতি দ্যোতযতি|

আযুর্বেদরসাযনম্ ব্যাখ্যা ( কৃত)

আ০ র০- মূত্রমার্গগে ক্ষীরমাহ-গোকণ্টকাভীরুশৃতমিতি|

সর্বাঙ্গসুন্দরী ব্যাখ্যা ( কৃত)

স০-বিণ্মার্গগে-গুদগতে, রক্তপিত্তে তু বিশেষেণ মোচরসেন শৃতং ক্ষীরং হিতম্| বটপ্ররোহৈর্বা শৃতং ক্ষীরং, অথবা বটশুঙ্গৈঃ-প্রথমোদ্ভূতমুকুলিতৈঃ পল্লবপ্রাযৈঃ, শুণ্ঠ্যুদীচ্যোত্পলৈর্বা শৃতং পযো হিতম্|

আযুর্বেদরসাযনম্ ব্যাখ্যা ( কৃত)

আ০ র০- গুদপ্রবৃত্তে ক্ষীরচতুষ্টযমাহ-বিণ্মার্গগে বিশেষেণেতি| মোচরসঃ-শাল্মলীনির্যাসঃ| শৃ(শু)ঙ্গৈঃ-বটশৃ(শু)ঙ্গৈঃ| মুকুলাবস্যং পত্রং-শৃ(শু)ঙ্গঃ|

সর্বাঙ্গসুন্দরী ব্যাখ্যা ( কৃত)

স০-রক্তশব্দস্যাতিসারদুর্নাম্রোঃ সম্বন্ধঃ| রক্তাতিসারস্য রক্তার্শসশ্চ, যা চিকিত্সা তামত্র-রক্তে, যোজযেত্|

আযুর্বেদরসাযনম্ ব্যাখ্যা ( কৃত)

আ০ র০- রক্তাতিসাররক্তার্শশ্চিকিত্সামতিদিশতি-রক্তাতিসারেতি|

সর্বাঙ্গসুন্দরী ব্যাখ্যা ( কৃত)

স০-কষাযান্-পূর্বোক্তান্, পযসা পীত্বা পযসৈবাশ্নিযাত্| স০-এতৈর্বা কষাযাখ্যৈর্যোগৈর্বিপক্বং ঘৃতং রক্তপিত্তিনং পাযযেত্|

আযুর্বেদরসাযনম্ ব্যাখ্যা ( কৃত)

আ০ র০- পূর্বোক্তকষাযান্ সপযস্কানাহ-পীত্বা কষাযানিতি| আ০ র০- পূর্বোক্তকষাযসিদ্ধানি ঘৃতান্যাহ-কষাযযোগৈরিতি|

সর্বাঙ্গসুন্দরী ব্যাখ্যা ( কৃত)

স০-মূলপল্লবাদিযুক্তং ক্ষুণ্ণং-চূর্ণিতং, বৃষমষ্টগুণে জলে পক্ত্বা তেন-আষ্টাশাবশেষেণ ক্বাথেন, ঘৃতং বিপাচযেত্| কিম্ভূতম্ ? তত্পুষ্পগর্ভম্| তস্য-বৃষস্য, পুষ্পাণী গর্ভঃ-কল্কো, যস্য তদেবম্| তচ্চ শীতিভূতং ক্ষৌদ্গেণ সহ পিত্তশোণিতাদীন্নাশযেত্|

আযুর্বেদরসাযনম্ ব্যাখ্যা ( কৃত)

আ০ র০- বাসাঘৃতমাহ-সমূলমস্তকমিতি| [সিদ্ধসারে রক্তপিত্তাধিকারে শ্লো. ৪৮ ]-"শতবর্যাদিকে চাজ্যে শর্করামধু পাদিকম্| মধ্বেব পাদিকং শ্রেযো বাসাসর্পিষি সম্মতম্||" ইতি| বঙ্গসেনে তু (রক্তপিত্তাধিকারে)- "বৃষস্য পত্রাঙ্কুরপুষ্পশাখাকষাযকল্কেন ঘৃতং বিপক্বম্| সমাক্ষিকং ক্ষোণকফে প্রযুক্তং তদ্রক্তপিত্তং শমযত্যুদীর্ণম্|| (শ্লো. ১২৬)- বাসকস্বরসে সর্পিঃ পযসা সহ পাচযেত্| কল্কৈর্ভূনিম্বকুটজমুস্তযষ্ট্যাহ্বচন্দনৈঃ|| উশীরমধুকানন্তাসারিবোদীচ্যপদ্মকৈঃ| ত্রাযন্ত্যুত্পলমূর্বাভির্মদযন্ত্যাশ্চপল্লবৈঃ| সিতাক্ষৌদ্রযুতং হন্যাদ্রক্তপিত্তং সুদারুণম্| পৈত্তংকাসং চ গুল্মং চ স্বরভেদং হলীমকম্|| যে চান্যে কীর্তিতারোগা রক্তপিত্তকফাশ্রযাঃ| তান্ সর্বান্ শমযেদেতত্ পীযমানং হিতাশিনা|| অশ্বগন্ধাপলশতং তদর্ধং গোক্ষুরস্য চ| শতাবরী বিদারী চ শালিপর্ণী বলাঽমৃতা|| অশ্বত্থস্য চ শুঙ্গানি পদ্মবীজং পুনর্নবা| কাশ্মর্যস্য ফলং চেব মাষবীজং তথৈব চ|| পৃথগ্দশ পলানেতাশ্চতুর্দ্রোণেঽম্ভসঃ পচেত্| দ্রোণশেষে রসে তস্মিন্ পুতে শীতে প্রদাপযেত্|| মৃদ্বীকা পদ্মকং কুষ্টং পিপ্পলী রক্তচন্দনম্| পত্রকং নাগপুষ্পং চ আত্ম গুত্পাফলং তথা|| নীলোত্পলং সারিবে দ্বে জীবনীযান্যশেষতঃ| পৃথক্কর্ষাসমা ভাগাঃ শর্করাযাঃ পলদ্বযম্|| রসঃ স্যাত্পৌণ্ড্রকেক্ষূণামাঢকাকমাহরেত্| [ চৌর্গুণেন পযসা ঘৃতপ্রস্থং বিপাচযেত্|| ] রক্তপিত্তং ক্ষতক্ষীণং কামলাং বাতশোণিতম্| হলীমকং পাণ্ডুরোগং বর্ণভেদং স্বরক্ষযম্|| মূত্রকৃচ্ছ্রমুরোদাহং পার্শ্বশূলং চ নাশযেত্| এতদ্রাজ্ঞাং প্রদাতব্যং বহ্বন্তঃপুরচারিণাম্|| স্ত্রীণাং চৈবাপ্রজাতানাং দুর্বলানাং চ দেহিনাম্| শ্রেষ্ঠং বলকরং ধন্যং হৃদ্যং বৃষ্যং রসাযনম্|| ওজস্তেজস্করং স্বর্যমাযুষ্যং প্রাণবর্ধনম্| সংবর্ধযতি শুষ্কং চ পুরুষং দুর্বলেন্দ্রিযম্|| সর্বরোগবিনির্মুক্তস্তোযসোক্তো যথা দ্গুমঃ| কামদেবমিতি খ্যাতং সর্পিরুক্তং মহাগুণম্|| (শ্লো. ৯৯)- দূর্বাসোত্পলকিঞ্জল্কা মঞ্জিষ্ঠা সৈলবালুকা| সিতাসিতমুশীরং চ মুস্তচন্দনপদ্মকম্|| বিপচেত্কার্ষিকৈরেতৈঃ সর্পিরাজং সুখাগ্নিনা| তণ্ডুলাম্বুত্বজাক্ষীরং দত্বা চৈব চতুর্গুণম্|| [দ্রাক্ষাযশ্ট্যাহ্বধুককাশ্মরীচন্দনং সিতম্| পিষ্ট্বা তত্কার্ষিকৈর্দ্রব্যৈর্ঘৃতপ্রস্থং বিপাচযেত্||] তত্পানং বমতো রক্তং নাবনং নাসিকাগতে| কর্ণভ্যাং যস্য গচ্ছেচ্চ তস্য কর্ণৌ প্রপূরযেত্|| চক্ষুঃস্নাবিণি রক্তে চ পূরত্তেন চক্ষুষী| মেঢ্রপাযুপ্রবৃত্তে চ বস্তিকর্মণি তদ্ধিতম্|| রোমকূপপ্রবৃত্তে চ তদভ্যঙ্গে প্রযোজযেত্| পিত্তজেষু বিকারেষু বিস্ফোটাদিষু বুদ্ধিমান্|| বিষেষু কীটদোষেষু বিসর্পেষু প্রযোজযেত্| [রক্তস্ত্রাবীণি চার্শাসি লেপযেত্তেন সর্পিষা|| ] দূর্বা সেন্দীবরী পদ্মং মঞ্জিষ্ঠাসৈলবালিকা| রালা মুস্তা তথোশীরং চন্দনং মধুকাহ্বযম্|| পদ্মকং রোধ্রকুষ্ঠং চ চন্দনং রজনীদ্বযম্| কাকোল্যৌ সারিবা চেতি কল্কৈরেতৈশ্চ কার্ষিকৈঃ|| ঘৃতপ্রস্থমজাক্ষীরং তণ্ডুলোদকসংযুতম্| দূর্বাযাঃ স্বরসেনৈব সাধিতং পুর্ববদ্গুণম্|| ন্যগ্রোধোদুম্বরাশ্বত্থশুঙ্গান্যাপোথ্য বাসযেত্| অহোরাত্রং জলে তত্পে ঘৃতং তেনাম্ভসা পচেত্|| তদর্ধশর্করাযুক্তং লেহযেত্ক্ষৌদ্রপাদিকম্| অধো বা যদি বাঽপ্যূর্ধ্বং রক্তং যস্য প্রবর্ততে| সুখং ভবতি তস্যাশু অগ্নিবেশবচো যথা|| শতাবরীদাডীমতিত্তিডীকং কাকোলি মেদে মধুকং বিদারীম্| পিষ্ট্বা চ মূলং ফলপুরকস্য ঘৃতং পচেত্ ক্ষীরচতুর্গুণং চ| কাসজ্বরানাহবিবন্ধশূলং তদ্রক্তপিত্তং চ ঘৃতং নিহন্তি|| শতাবর্যাস্তু মূলানাং রসপ্রস্থদ্বযং মতম্| তত্সমং চ ভবেত্ক্ষীরং ঘৃতপ্রস্থং বিপাচযেত্|| জীবকর্ষভকৌ মেদা মহামেদা তথৈব চ| কাকোলী ক্ষীরকাকোলী মৃদ্বীকা মধুকং তথা|| মুদ্গপর্ণী মাষপর্ণী বিদারী রক্তচন্দনম্| শর্করামধুসংযুক্তং সিদ্ধং বিস্ত্রাবযেত্ ঘৃতম্|| রক্তপিত্তবিকারেষু বাতরক্তগদেষু চ| ক্ষীণশুক্রেষু দাতব্যং বাজীকরণমুত্তমম্|| অঙ্গদাহং শিরোদাহং জ্বরপিত্তসমুদ্ভবম্| যোনিশূলং চ দাহং চ মূত্রকৃচ্ছ্রং চ পৈত্তিকম্|| এতান্ রোগান্নিহন্তাশু ছিন্নাভ্রমিব মারুতঃ| শতাবরীসর্পিরিদং বলবর্ণাগ্নিবর্ধনম্||[শতাবর্যাদিকে চাজ্যে শর্করামধু পাদিকম্||] (শ্লো. ১৪১)- অনন্তা সারিবা পদ্মং সলোধ্রং নীলমুত্পলম্| কল্কৈরেভিঃ পচেত্সার্পিঃ সক্ষীরং নাবনং পরম্|| রক্তপিত্তং প্রশমযেন্নারীণাং প্রদরং তথা| হস্তাপাদাঙ্গদাহেষু জ্বরে রক্তে তত্থোর্ধ্বগে| বাসাঘৃতং শতাবর্যা সিতযা পরমং হিতম্|| দূর্বামধুকমঞ্জিষ্ঠাদ্রাক্ষেক্ষুরসচন্দনৈঃ| সারিবাদ্বযনক্তাহ্বৈস্তৈলপ্রস্থং বিপাচযেত্|| ক্ষীরং চতুর্গুণং দত্বা সিদ্ধমভ্যঞ্জনং ভবেত্| রক্তপিত্তহরং হ্যেতদ্বল্যং বাতন্ধমুত্তমম্| দূর্বাতৈলমিতি খ্যাতং সবর্ণকরণং মহত্|| (শ্লো. ১৬৭)- তুলামাদয বাসাযাঃ পচেদষ্টগুণে জলে| তেন পাদাবশেষেণ পাচযেদাঢকং ভিষক্|| চূর্ণানামভযানাং তু খণ্ডাচ্ছুদ্ধাচ্ছতং তথা| দ্বিপলং পিপ্পলীচূর্ণাত্সিদ্ধশীতে চ মাক্ষিকাত্|| কুডবং পলমানং চ চাতুর্জাতং সুচূর্ণিতম্| ক্ষিপ্ত্বা বিলোডিতং খাদেদ্রক্তপিত্তী যথাবলম্| কাসশ্বাসগৃহীতশ্চ যক্ষ্মণা চ প্রপীডিতঃ|| লোহাচ্চতুর্গুণং ক্ষীরমাজ্যং দ্বিগুণমুত্তমম্| চুর্ণপাদং চ বৈডঙ্গং দদ্যান্মধুসিতে সমে|| সর্বমেকত্র প্রক্ষিপ্য পাত্রে তাম্রমযে দ্দঢে| পাকমানীয তত্বেন স্থাপযেত্ ঘৃতভাজনে|| মাষকাদিক্রণাদৌ বক্ষযেদ্বিধিপূর্বকম্| অনুপানং প্রযুঞ্জীত নালিকেরজলাদিকম্|| রক্তপিত্তং জযেত্তীব্রমম্লপিত্তং ক্ষতং ক্ষযম্| পুষ্টিদং কান্তিজননমাযুষ্যং বৃষ্যমুত্তমম্|| (শ্লো. ১৯৩) শতাবরী ছিন্নরুহা বৃষমুণ্ডিতিকা বলা| তালমূলী চ গাযত্রী ত্রিফলাযাস্ত্বচস্তথা|| ভার্গী পুষ্করমূলং চ পৃথক্ পঞ্চ পলানি চ| জলদ্রোণে বিপক্তব্যমষ্টভাগাবশেষিতম্|| দিব্যৌষধিহতস্যাপি মাক্ষিকেণ হতস্য বা| পলদ্বাদশকং দেযং রুক্মলোহস্য চূর্ণিতম্|| খণ্ডতুল্যং ঘৃতং দেযং পলষোডকং বুদ্ধৈঃ| পচেত্তাভ্রমযে পাত্রে গুডপাকো মতো যথা|| প্রস্থার্ধং মধুনো দেযং শুভাশ্মজতুকং ত্বচম্| শৃভাশ্মজতুকং ত্বচম্| শৃঙ্গী বিডঙ্গং কৃষ্ণা চ শুণ্ঠ্যাজাজী পলং পলম্|| ত্রিফলা ধান্যকং পত্রং ব্দ্যক্ষং মরিচকেসরম্| চূর্ণং দত্বা সুমথিতং স্নিগ্ধেভাণ্ডে নিধাপযেত্|| যথাকালং প্রযুঞ্জীত বিডলপদকং ততঃ গব্যক্ষীরানুপনং চ সেব্যং মাংসরসং পযঃ||গুরুবৃষ্যান্নপানানি স্নিগ্ধমত্স্যাদি বৃংহণম্| রক্তপিত্তং প্রদুষ্টং চ ক্ষতকাসং বিশেষতঃ|| বাতরক্তং প্রমেহং চ শীতপিত্তং বমিং ক্লমম্| শ্বযথুং পাণ্ডুরোগং চ কুষ্ঠং প্লীহোদরং তথা|| আনাহং রক্তস্ত্রাবং চ অম্লপিত্তং নিহন্তি চ| চক্ষুষ্যং বৃংহণং বৃষ্যং মাঙ্গল্যং প্রীতিবর্ধনম্|| আরোগ্যং পুত্রদং শ্রেষ্ঠং কাযাগ্নিবলর্ধনম্| শ্রীকরং লাঘবকরং খণ্ডখাদ্যং প্রকীর্তিতম্|| ছাগং পারাবতং মাংসং তিত্তিরিক্রকরাঃ শশাঃ| কুলিঙ্গাঃ কৃষ্ণসারা যে তেষাং মাংসানি যোজযেত্|| নারিকেলপযঃ পানং সুনিষণ্ণ্কবাস্তুকম্| শুষ্কমূলকজীবাখ্যং পটোলং বৃহতীফলম্|| ফলং বার্তাকপব্কাম্রং খর্জূরং স্বাদুদাডিমম্| ককারপূর্বকং যচ্চ মাসং চানূপসম্ভবম্|| বর্জনীযং বিশেষেণ খণ্ডখাদ্যং প্রকুর্বতা| লোহান্তরবদত্রাপি পুটনাদিক্রিযেষ্যতে| (শ্লো. ১৬১)- পঞ্জ্চাশত্পলিকং স্বিন্নং কূষ্নাণ্ডং প্রস্থামাজ্যতঃ| পক্বং পলশতং খণ্ডাদ্বাসাব্কাথাঢকে পচেত্|| শুভাধাত্রীঘনৈর্ভার্গীত্রিসুগন্ধৈশ্চ কর্ষিকৈঃ| ঐলেযবিশ্বধান্যাকমরিচৈশ্চ পলাংশকৈঃ|| পিপ্পলীকুডবং চৈব মধুমানীং প্রদাপযেত্| কাসং শ্বা [সং ক্ষযং হিক্কাং রক্তপিত্তং হলীমকম্|| হৃদ্রোগমম্লপিত্তং চ পীনসং চ ব্যপোহতি| যুক্তসর্পিষি কূষ্মাণ্ডে পাকো বন্ধেন মুদ্গযা||" ইতি|

সর্বাঙ্গসুন্দরী ব্যাখ্যা ( কৃত)

স০-পলাশবৃন্তানাং স্বরসে তদ্গর্ভং-পলাশবৃন্তকল্কং, ঘৃতং পচেত্| তচ্চ ক্ষৌদ্রেণ সহ রক্তঘ্নং ভবতি| তদ্বদেব ত্রাযমাণযা শৃতং রক্তপিত্তঘ্নম্|

আযুর্বেদরসাযনম্ ব্যাখ্যা ( কৃত)

আ০ র০- পলাশঘৃতমাহ-পলাশবৃন্তস্বরস ইতি| বৃন্তং পুষ্পনালম্| তদ্গর্ভং-বৃন্তকল্কগর্ভম্| ত্রাযমাণাঘৃতমাহ-তথৈবেতি| তথৈব-ক্বাথকল্কীকৃতযা| সঙ্গ্রহে তু (চি. অ. ৩)- "ক্ষীরেণ বপনীপুষ্পং মধুকং মধুশর্করা| বপনী-কার্পাসী| রোধ্রোত্পলসমঙ্গাভিস্তদ্বদ্বত্সকসাধিতম্|| রোধ্রাদিত্রযেণ, বত্সকেনৈকেন| তদ্বত্-ক্বাথকল্কাভ্যাং ঘৃতম্| লাজগোধূমমধুকসিতাচুর্ণং পযোদ্রুতম্| ঘৃতেনোত্কারিকাং কৃত্বাখাদেত্পিত্তাস্ত্রবারিণীম্||" ইতি| বঙ্গসেনে তু (রক্ত. শ্লো.৬৮)-" দ্রাক্ষযা ফলিনীভির্বা বলযা মধুকেন বা| শ্বদংষ্ট্রযা শতাবর্যা রক্তজিত্সাধিতং পযঃ|| (শ্লো. ৬৬)-সশর্করং মাক্ষিকসংপ্রযুক্তং বিদারিগন্ধাদিগণে শৃতং বা|| (শ্লো.৭৪)- ক্ষীরেণ লাক্ষাং মধুমিশ্রিতেন প্রপীয জীর্ণে পযসাঽন্নমদ্যাত্| সদ্যোনিহন্যাদ্রুধিরং ক্ষতোত্থং কান্তার্জুনানামথবাঽপি কল্কম্|| কল্কং মধূকত্রিফলার্জুনানাং নিশি স্থিতং লোহমযে সুপাত্রে| সাজ্যং বিলিহ্যানুপিবেত্সুশীতং সশর্করং ছাগপযঃ ক্ষুধার্তঃ|| পারাবতস্য মাংসং বা ঘৃতসিদ্ধং সশর্করম্| ভক্ষযেন্মধুনাশীতং রক্তপিত্তনিবারণম্|| প্রাযেণোপহতাগ্নিত্বাত্সপিচ্ছমতিসার্যতে| প্রাপ্নোতি বাঽঽস্যবৈতস্যং ন চান্নমভিনন্দতি|| নাগরেন্দ্রযবৌ তত্র পাতব্যৌ তণ্ডুলাম্বুনা| সিদ্ধাং যবাগূং জীর্ণে চ চাঙ্গেরীত(প)ত্রদাডিমৈঃ||" ইতি|

সর্বাঙ্গসুন্দরী ব্যাখ্যা ( কৃত)

স০-রক্তে পিচ্ছাবতি, পিচ্ছা-শাল্মল্যা রসসদৃশী, তথা সকফে, তথা গ্রথিতে-গ্রন্থিসদৃশে, তথা কণ্ঠমার্গগে সতি, ক্ষারমুত্পলনালজং মাক্ষিকসর্পির্ভ্যাং লিহ্যাত্| ননু, ক্ষারস্য তৈক্ষ্ণ্যাদিগুণযোগাদ্রক্তপিত্তে ন যুক্ত উপযোগঃ| তত্কথমিহ তমনুমেনে তন্ত্রকৃত্ ? ব্রূমঃ| উত্পলাদীনি শীতস্বভাবানি| তত্সমুত্থশ্চ ক্ষারঃ সযোনিমনুকরোতি| তথা চোক্তম্ (হৃ.শা.অ. ১/৪)- "কারণানুবিধাযিত্বাকার্যাণাং তত্স্বভাবতা|" ইতি| ক্ষারস্বরূপং চ বিষ্যন্দনাত্মকং ধত্তে| তদেবং কণ্ঠমার্গগস্য কফানুবন্ধস্য গ্রথিতস্য রক্তস্য ক্ষারো ঘৃতমাক্ষিকাভ্যাং সংযুক্তো বিষ্যন্দনপূর্বং শোধযত্যেব, ন তু তস্য কোপায স্যাদিতি যুক্তোঽত্র ক্ষারোপযোগঃ| অম্ভোজরেণ্বাদিজং চ পৃথক্ পৃথক্ তথা মাক্ষিকঘৃতাভ্যাং লিহ্যাত্|

আযুর্বেদরসাযনম্ ব্যাখ্যা ( কৃত)

আ০ র০- রক্তপিত্তবিশেষে ক্ষারচতুষ্টযমাহ-রক্তে সপিচ্ছ ইতি| অম্ভোজরেণুঃ-পদ্মকেসরম্| শ্যামা-প্রিযঙ্গুঃ| সঙ্গ্রহে তু (চি. অ. ৩)- " মৃণালাম্ভোজকিঞ্জল্কশ্যামাসনমধূকজম্| তদ্বত্পৃথক্পৃথক্ ক্ষারং, ঘৃতং ক্ষীরেণ সাধযেত্|| পিষ্টৈরভীরুকাকোলীমেদাবৃক্ষাম্লদাডিমৈঃ| ফলপূরকমূলেন বিদার্যা মধুকেন চ|| তদ্বিবন্ধজ্বরানাহশূলকাসাস্ত্রপিত্তজিত্| পঞ্চভিঃ পঞ্চমূলৈর্বা সিদ্ধমাদ্যৈস্তদর্থকৃত্||" ইতি|

সর্বাঙ্গসুন্দরী ব্যাখ্যা ( কৃত)

স০-গুদাগমে রক্তে বিশেষেণ বস্তিরিষ্যতে|

আযুর্বেদরসাযনম্ ব্যাখ্যা ( কৃত)

আ০ র০- গুদপ্রবৃত্তে বস্তিমাহ-গুদগম ইতি| সঙ্গ্রহে তু (চি. অ. ৩)- " মধূকাঞ্জনমঞ্জিষ্ঠামৃণালোত্পলগৈরিকৈঃ| সুবর্ণরোধ্রকালীযসমঙ্গম্রাম্বুচন্দনৈঃ|| সৌগন্ধিকসিতাশঙ্খৈঃ পিষ্টৈর্মধুঘৃতান্বিতৈঃ| ক্ষীরেণাস্থাপযেদেবং স্নানং চ শিশিরাম্ভসা|| ক্ষীরেণৈবাশযেচ্ছালীংস্ততো মধুকসর্পিষা| কালেঽনুবাসযেদেবমতীসারেঽপি দুস্তরে|| জীর্ণেঽসৃক্প্রবলে কুর্যাদ্বিরেকেচাতিযোগিনি| বিদার্যাদিগণেনেষ্টং শৃতং বাঽঽস্থাপনে পযঃ|| সক্ষৌদ্রশর্করাসর্পিঃ সর্পিশ্চৈবানুবাসনে| মূত্রাশযস্থং শমযেদ্রক্তমুত্তরবস্তিভিঃ|| ঈদ্দশৈরএব তদ্বচ্চ প্রদরেঽপি বিধিঃ স্মৃতঃ| ছেদভেদাদিভিশ্চাতিপ্রবৃত্তে শুদ্ধশোণিতে|| বিশেষাত্প্রদরস্যোক্তং যোনিরোগেষু চৌষধম্|" ইতি|

সর্বাঙ্গসুন্দরী ব্যাখ্যা ( কৃত)

স০-ঘ্রাণগে রুধিরে শুদ্ধে সতি নাবনমনুষেচযেত্-নস্যং দদ্যাত্| কষাযযোগান্ পূর্বোক্তান্-বাসকাদীন্, ঘ্রাণগেঽনুষেচযেত্| কিম্ভূতান্? ক্ষীরেক্ষ্বাদিরসেনাপ্লুতান্-সদ্রবান্| আদিশব্দেন মাংসরসঘৃতাদি গৃহ্যতে| ক্ষীরাদীন্ বা সশর্করান্ দদ্যাত্| তথা তোযমর্থাত্সসিতং, বা কেবলং জলং হিতমিতি| তথা দাডিমপুষ্পাণাং রসঃ, তথা চূতফলাস্থ্নঃ, তথা দূর্বাযা রসো, নস্যং পৃথক্পৃথক্ হিতম্|

আযুর্বেদরসাযনম্ ব্যাখ্যা ( কৃত)

আ০ র০- ঘ্রাণপ্রবৃত্তে নস্যমাহ-ঘ্রাণগে রুধির ইতি| ক্ষীরাদীন্ সসিতানিত্যন্যঃ প্রযোগঃ| তোযং সসিতমিত্যন্যঃ| কেবলং বা জলমিত্যন্যঃ| রসো দাডিমপুষ্পাণামিত্যন্যঃ| আম্রাস্থ্নো রস ইত্যন্যঃ| শাদ্বলস্য রস ইত্যন্যঃ|

সর্বাঙ্গসুন্দরী ব্যাখ্যা ( কৃত)

স০-শীতবীর্যবর্গং চ প্রলেপাভ্যঞ্জনাদিষু কল্পযেত্|

আযুর্বেদরসাযনম্ ব্যাখ্যা ( কৃত)

আ০ র০- প্রদেহাদীনাহ-কল্পযেদিতি|

সর্বাঙ্গসুন্দরী ব্যাখ্যা ( কৃত)

স০-যচ্চ পিত্তজ্বরেঽভিহিতমৌষধং বহিরন্তরে, তচ্চ রক্তপিত্তে হিতম্| তথা, যচ্চ ক্ষতে ক্ষীণে চ হিতং তদপি রক্তপিত্তে হিতমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটী- কাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে রক্তপিত্তচিকিত্সিতং নাম দ্বিতীযা- ধ্যাযঃ সমাপ্তঃ|| ২||

আযুর্বেদরসাযনম্ ব্যাখ্যা ( কৃত)

আ০ র০- পিত্তজ্বরৌষধং ক্ষতক্ষীণোষধ চ রক্তাপিত্তঽতিদিশতি-যচ্চেতি| বঙ্গসেনে তু (রক্ত. শ্লো.৮১)- "নাসাপ্রবৃত্তরুদিরং ঘৃতভৃষ্টং শ্লক্ষ্ণপিষ্টমামলকম্| সেতুরিব তোযবেগং রুণদ্ধি মূর্ন্ধ্নি প্রলেপেন|| রসো দাডীমপুষ্পস্য দূর্বারসসমন্বিতঃ| অলক্তকরসোপেস্রযং নাসাপুটে ভিষক্|| যোজযেন্নাশযেত্ ক্ষিপ্রং ত্রিদোষমপি দারুণম্| নাসারক্তং প্রবৃত্তং তু হন্যাদিতি কিমদ্ভুতম্|| দূর্বাভযাদাডিমপুষ্পকাণাং লাক্ষামলক্যোঃ স্বরসেন নস্যম্| [ দিনত্রযং যঃ কুরুতে প্রভাতে নাসাসৃজং নাম রুজং নিহন্তি|| শ্যামাশ্বমোরটানন্তাশকরাভিঃ শৃতং ঘৃতম্| সর্বদোষহরং হৃদ্যং নস্যং ] নাসাগতেঽসৃজি|| অশ্বঃ-অশ্বকন্দঃ| দূর্বা ভব্যফলং মাষঃ কুলত্থা বংশপত্রিকাঃ| জলস্থলোদ্ভবৌ কর্ণমোটকৌ খরমঞ্জরী|| দণ্ডোত্পলস্য মূলং চ নিষ্ব্কাথ্যাষ্টগুণেঽম্ভসি| তত্পাদশেষিতং তৈলং তুল্যং কৃত্বা বিপাচযেত্| তত্তৈলং প্রতিমর্শেন আনাহাখ্যং গদংজযেত্||" ইতি| ইতি নাসারুধিরম্| ইতি হেমাদ্রিটীকাযামাযুর্বেদরসাযনে| রক্তপিত্ত্তপ্রকারণং সামস্ত্যেন নিরূপিতম্||