১. জ্বরচিকিত্সিতাধ্যাযঃ

সর্বাঙ্গসুন্দরী ব্যাখ্যা ( কৃত)

শ্রীগণেশায নমঃ| শ্রীসরস্বত্যৈ নমঃ| শ্রীগুরুভ্যো নমঃ| অথেদানীং চিকিত্সিতস্থানস্যারম্ভঃ| তস্য চাযং সম্বন্ধঃ| রোগপরীক্ষা নিদানস্থানে গদিতা| সাম্প্রতং চিকিত্সা বক্তুং যুক্তা| তথা চ মুনিঃ (চ. সূ. অ.২০/২০)- "রোগমাদৌ পরীক্ষেত ততোঽনন্তরমোষধম্|" ইতি| তস্মাচ্চিকিত্সিতস্থানারম্ভো ন্যায্যঃ| তত্র যথোদ্দেশো ব্যাধীনাং নিদানস্থানে, তেনৈব ক্রমেণাস্য স্থানস্য বিরচনা যুক্তেতি জ্বরচিকিত্সিতমেব বিবক্ষুরাহ-

সর্বাঙ্গসুন্দরী ব্যাখ্যা ( কৃত)

স০-ইতি হ স্মাহুরাত্রেযাদযো মহর্ষয ইত্যনেনাগমশরণত্বমাত্মনঃ প্রতিপাদযতি|

আযুর্বেদরসাযনম্ ব্যাখ্যা ( কৃত)

আ০ র০-অথ চিকিত্সাস্থানমারভ্যতে, নিদানস্থানানন্তরত্বাত্| তত্রাদৌ জ্বরচিকিত্সা[মাহ]-অথাত ইতি| ব্যাখ্যা পূর্ববত্| চিকিত্সিতং-ব্যাধিপ্রতীকারঃ, তং ব্যাখ্যাস্যাম ইতি|

সর্বাঙ্গসুন্দরী ব্যাখ্যা ( কৃত)

স০-আমাশযস্থো দোষো বহ্নিং হত্বা| সহামেন বর্তত ইতি সামঃ| তথ, মার্গান্ পিধায-স্ত্রোতাংসি স্থগযিত্বা, যত্যস্মাদ্ধেতোঃ, জ্বরং বিদধাতি, তস্মাত্কারণাল্লঙনং কুর্বীত| লঙ্ঘনমত্রোপবাসঃ| তথা চোক্তম্| "লঙ্ঘনস্যাবিশেষোক্তাবুপবাসং প্রকল্পযেত্|" ইতি| অত এবাযমপি বক্ষ্যতি (শ্লো. ১০)- "তস্মাদাদোষপচনাজ্জ্বরিতানুপবাসযেত্|" ইতি| কদা লঙ্ঘনং কুর্বীত ? ইত্যাহ-প্রাগূপেষু-পূর্বলক্ষণেষূত্পন্নমাত্রেষ্বেব, জ্বরাদৌ বা-উত্পন্নমাত্রে জ্বরে সতি| কিং কুর্বন্ লঙ্ঘনং কুর্বীত ? ইত্যাহ-বলং যত্নেন পালযন্,- প্রাণাংস্তাত্পর্যেণ রক্ষন্, তদবিরোধেনেত্যর্থঃ| ননু, কুত এবং বিধীযতে ? ইত্যাহ-বলাধিষ্ঠানমিত্যাদি| যস্মাদারোগ্যং-স্বাস্থ্যং, বলাধিষ্ঠানম্| বলমধিষ্ঠানং-আশ্রযো, যস্য তদেবম্| তথা, ক্রিযাক্রম আরোগ্যার্থঃ-স্বাস্থ্যপ্রযোজনঃ|ঘ্

আযুর্বেদরসাযনম্ ব্যাখ্যা ( কৃত)

আ০ র০-লঙ্ঘনে বিহিতে সতি যত্স্যাত্ তদাহ-লঙ্ঘনমাহ-আমাশযস্থ ইতি| আমাশযস্থত্বাদিচতুষ্টযং লঙ্ঘনসাধ্যত্বে হেতুঃ| প্রাগূপজ্ঞানদিনে লঙ্ঘনং কার্যম্| তদতিক্রমে [জ্বরাদৌ] রূপজ্ঞানদিনে|| লঙ্ঘনস্যারোগ্যার্থত্বাত্, আরোগ্যস্য বলাধীনত্বাত্, যাবন্ন বলক্ষযস্তাবত্ [লঙ্ঘনং] কার্যম্| বঙ্গসেনে তু (জ্বরাধিকারে শ্লো.১৪১)-"জ্বরস্য পূর্বরূপেষু বর্তমানেষু বুদ্ধিমান্| পাযযেত্সর্পিরচ্ছং তু ততঃ স লভতে সুখম্|| বিধির্মারুতজেষ্বেষ পৈত্তিকেষু বিরেচনম্| মৃদু প্রচ্ছর্দনং তদ্বত্ কফজেষু বিধীযতে|| সর্বং ত্রিদোষজেষূক্তং যথাদোষং বিকল্পযেত্|" ইতি| এতচ্চ প্রকৃতিদেশকালাদিভির্দোষস্য জ্ঞানে সতি জ্ঞেযম্, পূর্বরূপেণাজ্ঞানাত্| তত্র চ লঙ্ঘনমেবানিষিদ্ধম্|ঘ্

সর্বাঙ্গসুন্দরী ব্যাখ্যা ( কৃত)

স০-লঙ্ঘনৈঃ-উপবাসৈঃ, দোষে-পূর্বোক্তে, ক্ষপিতে-ক্ষযং নীতে, তথাঽগ্নৌ দীপ্তে-সমিদ্ধে সতি, তথা লাঘবেঽঙ্গানাং সতি, স্বাস্থ্যাদি জাযতে| স্বাস্থ্যং-যথাপ্রকৃতিত্বম্| রুচিঃ-অন্নাভিলাষঃ| পক্তিঃ-পাক আমস্য| বলং-উত্সাহঃ| ওজঃ-পরং ধাতুতেজঃ| ক্ষপিধাতুরনুক্তো~পি ধাতুগণে শিষ্টপ্রযোগতবশাদঙ্গীকৃতঃ| লঙ্ঘনৈরিতি জাতৌ বহুবচনম্(?)| তেন কদাচিদেকেনৈব লঙ্ঘনেন কদাচিদনেকৈর্দোষক্ষযো জাযত ইতি জ্ঞেযম্|

আযুর্বেদরসাযনম্ ব্যাখ্যা ( কৃত)

আ০ র০-লঙ্ঘনফলমাহ-লঙ্ঘনৈরিতি| লঙ্ঘনানি দ্বাদশ বমন বিরেচনবস্তিনস্যরক্তক্ষ্স্রাবদীপনপাচনান্নবর্জনোদকবর্জনব্যাযামাতপমারুতভেদাদ্ভবন্তি|

সর্বাঙ্গসুন্দরী ব্যাখ্যা ( কৃত)

স০-তত্র-তস্মিন্মলে, উত্কৃষ্টে-স্বজন্মগুণকর্মলক্ষণতোঽধিকে| তথা, কফপ্রাযে-কফবহুলে বাতাখ্যে পিত্তাখ্যে বেতি সামর্থ্যাদ্গম্যতে| সমুত্ক্লিষ্টে-স্বস্থানাচ্চলিতে বহিরেনির্যাতে| তথা, চলে-শিথিলে, উত্ক্লিষ্টেঽপি হি কদাচিত্ স্থানাবষ্টম্ভাদচলঃ স্যাত্| এতদেব কফোত্ক্লিষ্টাদিকং দর্শযতি-সহৃল্লাসেস্যাদি| হৃল্লাসাদীনাং দ্বন্দ্বঃ| সহ তৈর্বর্ততে যস্তস্মিন্| হৃল্লাসঃ-উদ্বমনমিবানুভবঃ| উদ্বমনং-হৃদযস্য| প্রসেকঃ-পানীযস্যেব নিষ্ঠীবনম্| সদ্যোভুক্তস্যেত্যাদি| ঈদৃশো মলে সতি সদ্যঃ কৃতাহারস্য জ্বরে সঞ্জাতে বিশেষেণ সামে জ্বরে বমনার্হস্য বমনং শস্তম্| বমনার্হাঃ-বমনবিরেচনবিধৌ প্রোক্তাঃ|

আযুর্বেদরসাযনম্ ব্যাখ্যা ( কৃত)

আ০ র০-জ্বরবিশেষে বমনমাহ-তত্রোত্কৃষ্ট ইতি| উত্কৃষ্টদোষাদিষ্বেকাদশেষু জ্বরেষু বমনং শস্তম্| তথাঽপি সামে বিশেষেণ| উত্কৃষ্টঃ-অতিপ্রভূতঃ| সমুত্ক্লিষ্টো-বহির্নির্জিগমিষুঃ| কফপ্রাযঃ-শ্লেষ্মবহুলঃ| চলঃ-চঞ্চলঃ|

সর্বাঙ্গসুন্দরী ব্যাখ্যা ( কৃত)

স০-অন্যথা-উক্তবিধিবিপর্যযেণ, তত্-বমনং কৃতং, শ্বাসাদীন্ কুর্যাত্| তথা,-অনুত্ক্লিষ্টঃ কফপ্রধানঃ স্থিরো হৃল্লাসাদিরহিতো-বিপরীতঃ|

আযুর্বেদরসাযনম্ ব্যাখ্যা ( কৃত)

আ০ র০-বমনদ্রব্যাণ্যাহ-অন্যথাবমনে দোষমাহ-কুর্যাত্তদিতি|

সর্বাঙ্গসুন্দরী ব্যাখ্যা ( কৃত)

স০-গালো-মদনফলম্, অস্য নিরপাযত্বাচ্ছ্রেষ্ঠত্বাচ্চপিপ্প্পল্যাদিদ্রব্যেভ্যোঽনেন সহোপযোগিভ্যো বহূপযোগিতযা প্রধাববিভক্ত্যা প্রাগুপন্যাসঃ| অন্যথা "কল্পযেত্সদৃশান্ ভাগান্ প্রমাণং যত্র নোদিতম্|" (হৃ. ক. অ. ৬/২৪) ইতি মদনফলেন পিপ্পল্যাদীনাং চ তুল্যং প্রমাণং প্রাপ্নুযাত্| পিপ্পলীভির্যুতান্ গালানথবা শক্রযবৈর্যুতানথবা মধুযষ্টিকযা বা যুতানথবোষ্ণাম্বুনা মাক্ষিকযুতেন বা সহ পিবেত্| অথবা পটোলাদীনাং পত্রোদকেন বা সহ পিবেত্| অথবা তর্পণাদিভিঃ পিবেত্| অথবা কল্পোদিতানি-বমনকল্পোক্তানি বমনানিযোগ্যানি প্রযুঞ্জীত| বলকালবিভাগবিদিতি অস্যাং দেহবলাবস্থাযাং তথা ব্যাধিবলাবস্থাযাং চেদং বমনং দাতুং যোগ্যমিতি যো বিভাগং বেত্তি স বলকালবিভাগবিত্|

আযুর্বেদরসাযনম্ ব্যাখ্যা ( কৃত)

আ০ র০-বমনযোগানাহ-পিপ্পলীভির্যুতানিতি| পিপ্পলীন্দ্রযবযষ্টীমধুযুক্তৈর্মদনফলৈস্ত্রযঃ| সমধূষ্ণোদকসলব ণোদকপটোলাদ্যুদকমদে(ন্থে)ক্ষুরসমদ্যৈরালোডনার্থে প্রত্যেকম্| কল্পোদিতানি বা-যথালাভং যথাসাত্ম্যং যথাদোষং চ প্রযোগার্থমনেকধোপদেশাত্| অত এবোক্তং বলকালবিভাগবিত্| এবং সর্বত্র জ্ঞেযম্|

সর্বাঙ্গসুন্দরী ব্যাখ্যা ( কৃত)

স০-বমনে যোগ্যো যো জ্বরী স কৃতে বমনে, অপরস্তু বমনেঽযোগ্যঃ সোঽকৃতে বমনে, বিশোষণং-উপবাসলক্ষণং, কুর্যাত্| এবং কৃতবমনোঽকৃতবমনো বা জ্বরী সর্বথা লঙ্ঘনং কুর্যাত্| কিমর্থম্ ? ইত্যাহ-দোষাণাং-বাতাদীনাং, সমুদীর্ণানাং-সমন্তাত্সমুত্থানাং, পাচনায-পক্ত্যর্থং, শমায-শান্ত্যর্থং চ| নিরমাণাং পুনঃ সমুদীর্ণানং শান্ত্যর্থমেব|

আযুর্বেদরসাযনম্ ব্যাখ্যা ( কৃত)

আ০ র০-অন্নবর্জনমাহ-কৃতেঽকৃতে বেতি| কৃতে বমনে বমনযোগ্যত্বাভাবাদকৃতে বা| অপক্বানাং পাচনায, পক্বানাং শমনায|

সর্বাঙ্গসুন্দরী ব্যাখ্যা ( কৃত)

স০-দোষেণ-আমাখ্যেন বাতাদিনা বা সহৈকলোলীভূতেন, অগ্নৌ ছন্নে-চ্ছাদিতে, অন্নমামাশযস্থং ন বিপচ্যতে ভস্মনেব| যথা বাহ্যোঽগ্নৌ স্থগিতে তোযতণ্ডুলাদিকং স্থালীস্থং ন বিপচ্যতে, তথৈবামাশযস্থমন্নমামেন ছন্নেঽগৌ ন বিপচ্যতে| যতশ্চৈবং তস্মাদ্ধেতোরামদোষস্য-পূর্বোক্তস্য, পচনং-পাকমবধিং কৃত্বা, জ্বরিতান্নরানুপবাসযেত্|

আযুর্বেদরসাযনম্ ব্যাখ্যা ( কৃত)

আ০ র০-বিশেষেণ যুক্তিমাহ-আমেন ভস্মনেবেতি|

সর্বাঙ্গসুন্দরী ব্যাখ্যা ( কৃত)

স০-[ তৃষ্ণক্- ] তৃষ্ণাবান্নরঃ, অল্পাল্পং-স্তোকং স্তোকং, বাতকফজ্বরে উষ্ণাম্বু পিবেত্| তৃষ্ণগিতি " স্বপিতৃষোর্নজিঙ্" ইতি নজিঙ্| অল্পাল্পমিতি "প্রকারে গুণবচনস্য" ইতি দ্বিত্বম্| তত্-উষ্ণাম্বু পীতং, কফং-বাতস্ত্যানং, বিলযং নীত্বা-বিলীনবিগ্রহতামাপাদ্য, তৃষ্ণামাশু নিবর্তযেত্, তর্পণ স্বভাবত্বাত্| তথা, অগ্নিমুদীর্য-সমিদ্ধং কৃত্বা, স্রোতাংসি বিশোধযেত্| কিং কৃত্বা ? মৃদূকৃত্য,-তেষাং স্রোতসাং মার্দবমুত্পাদ্য| তথা, লীনানি-অপ্রবৃত্তস্বরূপাণি ছ, তানি পিত্তানিলস্বেদশকৃন্মূত্রাণি চ, তেষামনুলোমনং-প্রবর্তনম্| তথা, প্রাণানাং-জীবিতাখ্যানাং, অবলম্বনম্| তদুষ্ণং জলমাশ্রিত্য তথা প্রাণাঃ প্রবর্তন্ত ইত্যর্থঃ| অনেন চোষ্ণাম্বুকর্মকথনব্যাজেন বাতকফজ্বরস্বরূপমপি কিঞ্চিত্ প্রকাশযতি| যথা,-বাতশোষিতেন কফেন স্ত্যানীভূতেনাত্র তৃষ্ণা জাযতে, তথাঽধিকমগ্নিমান্দ্যম্, স্রোতসামশুদ্ধত্বম্, তথা লীনানি পিত্তাদীন্যত্র স্যুঃ, ইতি|

আযুর্বেদরসাযনম্ ব্যাখ্যা ( কৃত)

আ০ র০-উদকবর্জনমাহ-তৃষ্ণগল্পাল্পমিতি| তচ্চ ন সর্বথা, কিঞ্চাল্পাল্পমুষ্ণাম্বু ষডঙ্গাদিশৃতং বা| তত্রাদ্যং বাতকফজ্বরে, দ্বিতীযং পিত্তজ্বরাদৌ| তৃষ্ণক্-তৃষাবান্| উষ্ণাম্বুগুণানাহ-তত্কফং বিলযং নীত্বেতি| লীনানাং পিত্তাদীনামনুলোমনম্| শীতাম্বুদোষানাহ-বিপরীতমতঃ শীতমিতি| দোষসঙ্ঘাতঃ-আমপিত্তশ্লেষ্মরসাদিসঙ্ঘাতঃ|

সর্বাঙ্গসুন্দরী ব্যাখ্যা ( কৃত)

স০-এবংগুণমপ্যুষ্ণাম্বু একান্তপিত্তলে-কেবলপিত্তলে জ্বরিণি, বা, ন যুঞ্জ্যাদিতি| তথা, উদ্রিক্তং-অধিকং, পিত্তং যস্মিংস্তস্মিংশ্চ ন যুঞ্জ্যাত্| তথ, তদুষ্ণাম্বু দবথ্বাদিমতি নরে ন যুঞ্জ্যাত্| চক্ষুরাদিভ্যো যস্তীব্র ঊষ্মা প্রবর্ততে স দবথুঃ| সর্বাঙ্গীণস্তীব্র ঊষ্মা-দাহঃ| মোহো-ভ্রমঃ| তথা, বিষমদ্যাভ্যামুত্থিতে-জাতে জ্বরে| তথা, গ্রীষ্মকালে| তথা, ক্ষতশ্চ ক্ষীণশ্চ ক্ষতক্ষীণঃ, ক্ষতঃ-উরঃক্ষতঃ, ক্ষীণো-ধাত্বপচযবান্, তস্মিংস্তথাভূতে নরে ন যুঞ্জ্যাত্| তথা,অস্রপিত্তনি-রক্তপিত্তবতি [ নরে, ন যুঞ্জযাত্ ]|

আযুর্বেদরসাযনম্ ব্যাখ্যা ( কৃত)

আ০ র০-উষ্ণাম্বু জ্বরবিশেষে নিষেধতি-উষ্ণমেবংগুণত্বেঽপীতি| একান্তপিত্তলে-পিত্তজ্বরে| উদ্রিক্তপিত্তে-সংসর্গজে সন্নিপাতজে বা| দবথুঃ-ইন্দ্রিযসন্নিপাদ্যঃ (?)|

সর্বাঙ্গসুন্দরী ব্যাখ্যা ( কৃত)

স০-তেভ্যঃ-উদ্রিক্তপিত্তাদিভ্যঃ পিপাসিতেভ্যো,ঘনাদিসাধিতং শীতং তোযং হিতম্| পানীযসাধনে চ তন্ত্রান্তরে বিধিরুক্তো যথা-"কর্ষং গৃহীত্বা দ্রব্যস্য তোযস্য প্রস্থমাবপেত্| অর্ধাবশেষং তদ্ভাহ্যং তোযপানে ত্বযং বিধিঃ||" ইতি|

আযুর্বেদরসাযনম্ ব্যাখ্যা ( কৃত)

আ০ র০-নিষেদ্ধো [ষ্ণো] দকানাং শীতোদকমাহ ঘনচন্দনেত্যাদি| [চন্দনশব্দেন রক্তচন্দনং গ্রাহ্যম্, ] "চন্দনে রক্তচন্দনম্" ইতি বচনাত্|

সর্বাঙ্গসুন্দরী ব্যাখ্যা ( কৃত)

স০-পিত্তং বিনা ঊষ্মা ন বিদ্যতে, জ্বরশ্চোষ্মণা বিনা নাস্তি, সন্তাপলক্ষণত্বাত্ জ্বরস্য| যতশ্চৈবং তস্মাদ্যানি পিত্তস্য বিরুদ্ধান্যাহারবিহারাদীনি তানি সর্বস্মিন্ জ্বরে ত্যজেত্| পিত্তাধিকে পুনরধিকং কৃত্বা-অতিশযেন, ত্যজেত্| পিত্তাধিক ইত্যত্রাধিকগ্রহণেনেদং প্রতিপাদযতি,-সর্বো জ্বরস্ত্রিদোষজো ভূযসা তু ব্যপদেশ ইতি|

আযুর্বেদরসাযনম্ ব্যাখ্যা ( কৃত)

আ০ র০-ঊষ্মা-সন্তাপঃ| সর্বস্মিন্ জ্বরে নিষেধঃ, পিত্তাধিকে ত্বধিকম্| রাগপ্রাপ্তস্যাযং নিষেধো ন বিধিপ্রাপ্তস্যোক্তো(ষ্ণো)দকাদেঃ|

সর্বাঙ্গসুন্দরী ব্যাখ্যা ( কৃত)

স০-ন কেবলং জ্বরে পিত্তবিরুদ্ধানি ত্যজেত্| যাবত্ স্নানাদীংশ্চ ত্যজেত্| স্নানাদীনাং পিত্তহরত্বাশঙ্কযা সেব্যত্বে প্রাপ্তেঽচিন্ত্যপ্রভাবত্বাত্ জ্বরে বিরুদ্ধানীতি তত্সেবনং নিষেধতি| প্রদেহঃ চন্দনাদ্যনুলেপঃ| পরিশেষং চ লঙ্ঘনং ত্যজেত্, যল্লঙ্ঘনমুপযুক্তমুপবাসলক্ষণং ততো যদন্যত্তত্ পরিশেষম্,-শুধ্দ্যাদ্যেকাদশপ্রকারং চ, তত্ত্যজেত্| উপবাসলক্ষণং তু লঙ্ঘনং নবজ্বরে কর্তব্যমেব|

আযুর্বেদরসাযনম্ ব্যাখ্যা ( কৃত)

আ০ র০-স্নানাদীনি জ্বরে নিষেধতি-স্নানাভ্যঙ্গপ্রদেহাং শ্চেতি| প্রদেহঃ-অনুলেপনম্| পরিশেষং লঙ্ঘনং-দীপনপাচনাদি|

সর্বাঙ্গসুন্দরী ব্যাখ্যা ( কৃত)

স০-যথাঽজীর্ণে সামে তীব্ররুজ্যপি শূলঘ্নমৌষধং ন পিবেত্, প্রত্যবাযভযাত্| তথৈব সামে জ্বরে দারুণপীডাবতি তদানীমামপক্ত্যর্থ মুস্তাপর্পটকাদ্যৌষধং ক্বাথাদিকল্পনাকল্পিতং ন পিবেত্| হি-যস্মাত্, তত্-ঔষধং পীতং, অস্যামবস্থাযামামাভিভূত কোষ্ঠস্য প্রযুক্তং ভূয এবামমাবহেত্| অত্র চ সাম ইত্যুক্তে বহ্বাম ইতি গম্যতে| অল্পে হ্যজীর্ণে ভেষজমনুজ্ঞাতমেব| তথা চোবাচ তন্ত্রকারঃ (হৃ.সূ.অ.৮/১৯)-"জীর্ণাশনে তু ভৈষজ্যং যুঞ্জ্যাত্স্তব্ধগুরুদরে| দোষশেষস্য পাকার্থমগ্নেঃ সন্ধুক্ষণায চ||" ইতি| তস্মাত্সামো বহ্বাম ইতি বোধ্যম্| অথাত্র দৃষ্টান্তমাহক্ষীরং বিষমহেরিব| যথা ক্ষীরং বিষঘ্নমপ্যভিহিতমহীনাং তদেব বিষং কুর্যাত্|

আযুর্বেদরসাযনম্ ব্যাখ্যা ( কৃত)

আ০ র০-নিষেধে যুক্তিমাহ-অজীর্ণ ইব শূলঘ্নমিতি| যথা বিষঘ্নমপি ক্ষীরং বিষাভিভূতকোষ্ঠে বিষবর্ধনম্, এব মামঘ্নমপ্যৌষধং আমাভিভূতকোষ্ঠে আমবর্ধনম্| বঙ্গসেনে তু(?)-"বৈযাত্যাদ্যধিকোঽপ্যত্র ভেদঃ কর্তুমিহেচ্ছতি| কদা তেনৈব কর্তব্যো মেদো নৈবান্যথা ভবেত্|| কষাযং পিপ্পলীমূলত্রিবৃচ্চূর্ণাবচূর্ণিকম্| সামজ্বরে কফোরস্কে এতত্স্রংসনমুচ্যতে|| যবক্ষারান্বিতো যদ্বা ক্বাথো ধান্যপটোলযোঃ|" ইতি|

সর্বাঙ্গসুন্দরী ব্যাখ্যা ( কৃত)

স০-উদর্দাদযঃ প্রাগুক্তাঃ| উদর্দশ্চ পীনসশ্চ শ্বাসশ্চ তৈঃ সহ বর্ততে যো জ্বরস্তস্মিন্| তথা, জঙ্ঘে, চ পর্বাণি চাস্থীনি ছ, তত্র শূলং, তদ্বিদ্যতে যস্য তস্মিংশ্চ| তথা, বাতশ্লেষ্মাত্মকে বাতকফোদ্ভবে স্বেদঃ প্রশস্তো-হিতঃ| স আচরিতঃ স্বেদাদীন্ প্রবর্তযেত্| অগ্নেশ্চ পাটবং-দীপ্ততরত্বং, বিদধ্যাত্|

আযুর্বেদরসাযনম্ ব্যাখ্যা ( কৃত)

আ০ র০-জ্বরবিশেষে স্বেদমাহ-সোদর্দপীনসশ্বাস ইতি| "উদর্দ উক্তো বক্ষোভিষ্যন্দোঽন্যৈঃ শীতবেপথুঃ| শীতাম্বুস্পর্শজঃ শোথো রাগকণ্ডূযুতোঽপরৈঃ||" ইত্যাযুর্বেদপ্রকাশোক্তস্ত্রিবিধোঽপ্যুদর্দঃ| স্বেদগুণানাহ-স প্রবর্তযেত্| স্বেদমুত্রেতি| স্বেদঃ স্বেদাদীন্ প্রবর্তযেত্| সিদ্ধযোগে তু (জ্বরাধিকারে শ্লো. ১৩১)-"খর্পরভৃষ্ট [পটস্থিতকাঞ্জিকসিক্তো হি বালুকাস্বেদঃ| শমযতি বাতকফামযমস্তকশূলাঙ্গভঙ্গাদীন্||"] ইতি|

সর্বাঙ্গসুন্দরী ব্যাখ্যা ( কৃত)

স০-তথা, স্নেহোক্তং-স্নেহবিধ্যধ্যাযে কথিতং,চাচারবিধিং চ সর্বশোঽনুপালযেত্, কুর্যাদিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-স্নেহবিধ্যুক্তং নিযমমতিদিশতি-স্নেহোক্তমিতি| স্নেহোক্তমাচারবিধিমিতি উষ্ণোদকোপচারীতি|

সর্বাঙ্গসুন্দরী ব্যাখ্যা ( কৃত)

স-মলানাং-সামানাং বাতাদীনাং পৃথক্স্থিতানাং সংসর্গস্থিতানাং সন্নিপাতস্থিতানাং চ, সমর্থ্যাল্লঙ্ঘনাদযস্তিক্তরসাবসানাঃ পাচনানি স্যুঃ| যথাবস্থং-অবস্থানতিক্রমেণ| কস্যাঞ্চিজ্জ্বরাবস্থাযাং লঙ্ঘনং-উপবাসলক্ষণং, মলানাং পাচনং স্যাত্| কস্যাঞ্চিত্ স্বেদনং স্যাত্| [কস্যাঞ্চিত্ ] কালঃ ষডহাখ্যঃ| কস্যাঞ্চিদ্যবাগ্বঃ-পেযাঃ| কস্যাঞ্চিত্তিক্তকো রসঃ-তিক্তরসাগ্জ্রাতদ্রব্যোপযোগঃ| এবমবস্থাবশাত্ লঙ্ঘনাদযস্তিক্তরসান্তা মলানামেকৈকশঃ পাচনানি স্যুঃ| অথবা ক্রমেণৈব পাচনানি স্যুঃ, যথা-লঙ্ঘনং স্বেদনং চ কৃত্বা ষডহাদূর্ধ্বং যবাগ্বস্তিক্তকো রসঃ পাচনান্যবিপক্বানাং মলানাং তরুণে জ্বরে স্যুঃ| তত্র "আমাশযস্থঃ" (শ্লো.১) ইত্যাদিনা গ্রন্থেন নির্দিষ্টা লঙ্ঘনযোগ্যাবস্থা, "সোদর্দপীনস" (শ্লো. ১৯) ইত্যাদিনা চ স্বেদনযোগ্যাবস্থা, "ইত্যযং ষডহো নেযঃ" (শ্লো. ৩৮) ইত্যাদিনা চ নির্দিষ্টা কালযোগ্যাবস্থা, "যুক্তং লঙ্ঘিতলিঙ্গৈস্তুতং" (শ্লো. ২৪) ইত্যাদিনা পেযাযোগ্যাবস্থা, "উদ্রিক্তপিত্তে" (শ্লো. ১৪) ইত্যাদিনা চ তিক্তরসোপযোগযোগ্যাবস্থা, ইতি যথাবস্থং দ্রষ্টব্যম্| ক্রমস্তু যথা,-বাতশ্লেষ্মকে সামে জ্বরে প্রথমং লঙ্ঘনং কুর্বন্নেব স্বেদনং দ্বিত্রাদিদিনলক্ষণং চ কালং লঙ্ঘিতলক্ষণযুক্তস্য যবাগ্বাদিপেযাদ্যন্নভুক্তস্যানন্তরং মুস্তাপর্পটকাদিতিক্তরসোপযোগঃ, ইতি ক্রমার্থঃ| অস্যবিশিষ্টবিষযেঽপবাদমাহ-

আযুর্বেদরসাযনম্ ব্যাখ্যা ( কৃত)

আ০ র০-লঙ্হনাদীনাং প্রযোগকালমাহ-লঙ্ঘনং স্বেদনমিতি| লঙ্ঘনং-বমনম্, ক্ষুত্তৃষো কালশব্দেন গ্রহণাত্| যথাবস্থমিতি উত্কৃষ্টদোষাদ্যবস্থাযাং বমনম্, সোদর্দত্বাদ্যবস্থাযাং স্বেদ্নম্, সামত্বমাত্রাবস্থাযাং কালঃ, ক্ষুদ্বোধাবস্থাযাং যবাগূঃ, মৃদুজ্বরত্বাদ্যবস্থাযাং তিক্তকো রসঃ| অনুত্পন্নৈতদবস্থে তু জ্বরে ক্রমেণ লঙ্ঘনাদীনি কুর্যাত্|জ্বরে "লঙ্ঘনং কুর্বীত" ইত্যুক্তম্|

সর্বাঙ্গসুন্দরী ব্যাখ্যা ( কৃত)

স০-শুদ্ধেন বাতেন-আমদোষাদ্যদুষ্টেন, যো জ্বরঃ স শুদ্ধবাতজ্বরঃ| ক্ষযেণ-ধাত্বপচযাদিলক্ষণেন, যো জ্বরঃ স ক্ষযজ্বরঃ| যশ্চ ভূতবিষবায্বগ্নিসম্প্রহারাদিসমুদ্ভবঃ স আগন্তুজ্বরঃ| তথা, অতরুণো জ্বরঃ স জীর্ণজ্বরঃ| তে বিদ্যন্তে যেষাং ত এবংভূতাঃ| তেষু লঙ্ঘনং নেষ্যতে| তেষু তর্হি কিং কার্যম্ ? ইত্যাহ-

আযুর্বেদরসাযনম্ ব্যাখ্যা ( কৃত)

আ০ র০-জ্বরবিশেষে লঙ্ঘনং নিষেধতি-শুদ্ধবাতক্ষযেতি| শুদ্ধবাতঃ-নিরামবাযুঃ| ক্ষযো-রাজযক্ষ্মা| আগন্তুঃ-অভিঘাতাদিজঃ| জীর্ণঃ-চিরকালজঃ|

সর্বাঙ্গসুন্দরী ব্যাখ্যা ( কৃত)

স০-হি-যস্মাত্, তেষু-শুদ্ধবাতাদিজ্বরেষু, শমনং হিতম্| শমনস্য সন্তর্পণাপতর্পণরূপেণ দ্বৈবিধ্যাত্ কিং তচ্ছমনং তেভ্যো হিতম্ ? ইত্যাহ-যন্ন কর্শনম্, বৃংহণমিত্যর্থঃ| যদ্যেবং তত্স্পষ্টমেব বৃংহণমিত্যেতদেব কস্মান্ন কৃতম্ ? কিং শমনং যন্ন কর্শনমিতি পদদ্বযোপাদানেন ? ব্রূমঃ| অর্থান্তরদ্যোতনার্থমেতদুক্তম্| তথা চাযমর্থো বিশিষ্ট উভযযোরুপাদানেন প্রকাশ্যতে| যথা-ন সর্বসর্বিকযা যদ্বৃংহণং শমনং তত্তেভ্যো হিতম্| কিন্তর্হি ? কিঞ্চিদ্বৃহণং শমনং তত্তেভ্যো হিতমিতি|

আযুর্বেদরসাযনম্ ব্যাখ্যা ( কৃত)

আ০ র০-হি-যস্মাত্, তেষু শমনং হিতম্| কিং লঙ্ঘনভেদঃ ? নেত্যাহ-যন্ন কর্শনম্,- বৃংহণভেদ ইত্যর্থঃ| "বৃংহণং শমনং ত্বেব বাযোঃ পিত্তানিলস্য চ|" (হৃ.সূ.অ. ১৪১৭) ইতি বচনাত্| বৈত্রাশম্যমাত্র(?)নিবারকবৃংহণলাভার্থং শমনশব্দোক্তিঃ| বঙ্গসেনে তু (জ্বরাধিকারে শ্লো.১৬৬)-"কার্যং ন বালে বৃদ্ধে বা|" ইতি|

সর্বাঙ্গসুন্দরী ব্যাখ্যা ( কৃত)

স০-[ তত্র- ] তেষু জ্বরেষু, মধ্যে, সামজ্বরস্যাকৃত্যা লক্ষণেন "জ্বরোপদ্রবতীক্ষ্ণত্বং" (হৃ. নি. অ. ২/৫৪) ইত্যাদিনা, অবিশোষিতং-অলঙ্ঘিতং, বিদ্যাত্| লঙ্ঘনে-লঙ্ঘনলক্ষণাপেক্ষযা, দ্বিবিধোপক্রমজ্ঞানং-দ্বিবিধোপক্রমণীযাধ্যাযোক্তলক্ষণং, চবেক্ষেত| তল্লক্ষণং-চ-"বিমলন্দ্রিযতা সর্গো মলানাং" (হৃ.সূ.অ.১৪/১৭) ইত্যাদি| "অতিকার্শ্য" (হৃ,সূ.অ. ১৪/২৯) ইত্যাদিভিরতি লঙ্ঘিতং চ|

আযুর্বেদরসাযনম্ ব্যাখ্যা ( কৃত)

আ০ র০-অলঙ্ঘিতলক্ষণমাহ-তত্র সামজ্বরাকৃত্যেতি| "জ্বরোপদ্রবতীক্ষ্ণত্বং" ইত্যাদি সামজ্বরাকৃত্যা অলঙ্ঘিতলক্ষণে সিদ্ধেঽপ্যলঙ্ঘিতলক্ষণং লক্ষণসঙ্করে লঙ্ঘিতোঽভূদিত্যেবমর্থঃ| লঙ্ঘিতলক্ষণমাহ দ্বিবিধোপক্রমে-"বিমলেন্দ্রিযতাসর্গঃ" ইত্যাদি|

সর্বাঙ্গসুন্দরী ব্যাখ্যা ( কৃত)

স০-লঙ্ঘিতলিঙ্গৈঃ-বিশোষিতলক্ষণৈঃ, যুক্তং জ্বরিতং নরং জ্ঞাত্বা তং পেযাভিরুপাচরেত্| কিম্ভূতাভিঃ ? যথাস্বৌষধসিদ্ধাভিঃ| যদ্যত্স্বং যথাস্বমিতি বীপ্সাযামব্যযীভাবঃ| যথাস্বং চ তদৌষধং চ যথাস্বৌষধম্| বাতাদেঃ পৃথগ্রূপস্য সংসৃষ্টস্য সন্নিপতিতস্য যদ্যস্য যোগ্যমৌষধং তেন সিদ্ধাভিঃ-বক্ষ্যমাণৈঃ পেযাদিদ্রব্যৈর্যথাযথং যোগ্যৈঃ কৃতাভিরিত্যর্থঃ| কিম্ভূতাভিঃ ? মণ্ডঃ পূর্বঃ-প্রধানঃ, অচ্ছতযা যাভ্যস্তাভিরিতি সমাসঃ| এবং মণ্ডাত্ কিঞ্চিদ্ধনাঃ পেযাঃ কার্যা ইত্যর্থোঽবতিষ্ঠতে| ন তু মণ্ডঃ পূর্বঃ-প্রথমোঽভ্যবহারো, যাসাং তা মণ্ডপূর্বা ইতি ব্যাখ্যেযম্| এবং হি ব্যাখ্যাযমানে সর্বাসাং পেযানাং মণ্ডপূর্বাণাং জ্বরেঽভ্যবহারঃ প্রাপ্নোতি| ততশ্চ (শ্লো.২৭)-"সৃষ্টবিড্বহুপিত্তো বা সশুণ্ঠীমাক্ষিকাং হিমাং পেযাং পিবেত্|" তামপি মণ্ডপূর্বা পিবেত্, ন কেবলামিতি| এতশ্চ ক্রিযমাণং বিরুদ্ধং স্যাত্| তথা ক্বথিতামলকেঽত্যর্থং পিত্তশমনে ক্ব মণ্ডঃ ? তথা ক্ব বহুপিত্তো জ্বরী বা মণ্ডঃ "শৃতঃ পিপ্পলীশুণ্ঠীভ্যাং যুক্তো লাজাম্বুদাডিমৈঃ|" (চ.সূ.অ. ২৭/২৫৬) ইত্যেবংস্বরূপঃ ? পেযাযাশ্চ জ্বরঘ্নত্বমুক্তম্| তথা ক্ষুধিতে সম্যগ্লঙ্ঘিতং জ্ঞাত্বা মণ্ডাত্ কিঞ্চিদ্ধনাভিঃ পেযাভিরসাবুপাচরণীযঃ| তস্য-জ্বরিণঃ, তাভিঃ-পেযাভিঃ, অগ্নির্দীপ্যতে-সমিধ্যতে, সমিদ্ভিঃ-"এধৈঃ, যথা বাহ্যঃ পাবকঃ| মুনিনা চোক্তম্ (চ.চি.অ.৩/১৪৯)-"তাশ্চ ভেষজসংযোগাল্লঘুত্বাচ্চাগ্নিদীপনাঃ| চোক্তম্ (চ.চি.অ.৩/১৪৯)-"তাশ্চ ভেষজসংযোগাল্লঘুত্বাচ্চাগ্নিদীপনাঃ| বাতমূত্রপুরীষাণাং দোষাণাং চানুলোমনাঃ| স্বেদনায দ্রবোষ্ণত্বাদ্দ্রবত্বাত্তৃট্প্রশান্তযে| আহারভাবাত্ প্রাণায সরত্বাল্লাঘবায চ|| জ্বরধ্যো জ্বরসাত্ম্যত্বাত্তস্মাত্পেযাভিরাদিতঃ| জ্বরানুপাচরেদ্ধীমান্" ইতি| খরনাদেনাপ্যুক্তম্-"পিবেদ্চ্চাং সসিক্থাং বা স্বাং স্বাং পেযা নবজ্বরে|" ইতি| কিযন্তং কালং জ্বরিণং পেযাভিরুপরেত্ ? ইত্যাহ-ষডহমিত্যাদি| পেযাভির্জ্বরিণং ষডহং যাবদুপাচরেত্| ষণ্ণামহ্নাং সমাহারঃ, "তদ্ধিতার্থোত্তরপদ" ইত্যাদিনা সমাসঃ, "রাজাহঃসখিভ্যষ্টচ্" ইতি টচ্, ন সঙ্খ্যাদেঃ সমাহারে" ইত্যহ্নাদেশো যদি শান্তো জ্বরস্তদা দোষদূষ্যাদ্যপেক্ষযা ভক্তযূষাদিভিরুপাচরেদিতি বাশাব্দেন গমযতি| মৃদুত্বং বেতি| অথবা ষডহেঽতী তেঽপি যাবজ্জ্বরো মার্দবং গচ্ছতি তাবত্পেযাভিরুপাচরেত্| ননু, তর্হি কিং ষডহং বেত্যনেন ? অত্র কেচিদেবমাহুঃ| ষডহাদর্বাক্প্রাযেণ মৃদুতাযামপি জাতাযাং ষডহং যাবত্ জ্বরিণং পেযাভিরুপাচরেদিতি দ্যোতনার্থং ষডহং বেতি কৃতম্| অপরে তু কাল এব বাহুল্যেন জ্বরমার্দবস্যেতি জ্ঞাপনার্থমিদং কৃতমিতি মন্যন্তে| জ্বরমার্দবে তু জাতে পাচনাদিযোগঃ কার্যঃ| তথা চ বক্ষ্যতি (শ্লো.৩৯)- "ততঃ পক্বেষু দোষেষু লঙ্ঘনাদ্যৈঃ প্রশস্যতে| কষাযঃ" ইতি| অথ তা এব পেযা বক্তুমুপক্রমতে

আযুর্বেদরসাযনম্ ব্যাখ্যা ( কৃত)

আ০ র০-পেযোপচারমাহ-যুক্তং লঙ্ঘিতলিঙ্গৈরিত্যাদি| যথাস্বৌষধসিদ্ধাভিরিতি| ষডহং মৃদুত্বং বা-যথাঽস্মিন্ জ্বরে যদৌষধং পাচনং শমনং বা| মণ্ডপূর্বাভিঃ-প্রথমদিনে মণ্ডঃ প্রযুজ্যতে, দ্বিতীযদিনাদৌ প্রযুক্তাভিঃ| আদিতঃ-আদৌ, অন্তে যূষৈ রসৈশ্চেত্যর্থঃ| এতেন প্রথমদিনে মণ্ডঃ, দ্বিতীযতৃতীযচতুর্থেষু পেযাঃ-যবাগূবিলেপ্যঃ, "যবাগ্বাং চ" (শ্লো.৩৭) ইতি বক্ষ্যমাণত্বাত্, চকারেণ বিলেপী, পঞ্চমে যূষৌদনঃ, ষষ্ঠে রসৌদনঃ, ইতি ষডহমুপাচরেত্| যূষৌদনরসৌদনৌ যুক্ত্যা হি, "ইত্যযং ষডহো নেযঃ" (শ্লো.৩৮) ইতি বক্ষ্যতি| জ্বরমৃদুত্বাদ্যবেক্ষ্য যাবধ্যন্তরে (?) প্রকারান্তরং স্বযমূহ্যম্| উক্তোপচারফলমাহ-তস্যাগ্নিরিতি| তস্য-লঙ্ঘিতস্য| তাভিঃ-মণ্ডাদিরসযূষরসপেযাদিভিঃ|

সর্বাঙ্গসুন্দরী ব্যাখ্যা ( কৃত)

স০-প্রাক্-পূর্বং সর্বাভ্যঃ পেযাভ্যো, লাজপেযাং পিবেত্, ন তু যবাদিপ্রকৃতিজাং পেযাম্| কীদৃশীম্ ? সুজরাম্, অল্পজত্বাদ্যাচ্ছীঘ্রং জরাং যাতি তাম্| তথা, সশুণ্ঠীধান্যপিপ্পলীংশুণ্ঠ্যাদিভিঃ শৃতামিতি বোধ্যম্| অত এব সসৈন্ধবামিতি পৃথগ্ নির্দিষ্টম্| অন্যথা সশুণ্ঠীধান্যপিপ্পলীসৈন্ধবামিতি নির্দেশং কুর্যাত্| মুনিরপ্যাহ (চ. চি. অ. ৩/১৭৭)- "লাজপেযাং চ সুজরাং পিপ্পলীনাগরৈঃ শৃতাম্" ইত্যাদি| সসৈন্ধবামিত্যত্র সশব্দস্যেষত্পর্যাযত্বাত্ অল্পসৈন্ধবামিতিবোধ্যম্| তথা, অম্লার্থী-যো জ্বর্যম্ল প্রার্থযতে সঃ, তাং-পূর্বোক্তাং পেযাং, সহদাডিমাং পিবেত্| পূর্বস্যাঃ পেযাযাঃ সদাডিমত্বমেবাস্যা বিশেষঃ| "বোপসর্জনস্য" ইতি সহশব্দস্য সভাবঃ|

আযুর্বেদরসাযনম্ ব্যাখ্যা ( কৃত)

আ০ র০-পেযাসু প্রথমং লাজপেযা যোজেত্যাহ-প্রাগ্লাজপেযামিতি| সুজরাং-সুক্বথিতাম্| ক্বথনং চ শুণ্ঠ্যাদিক্বাথেন| ক্বাথশ্চ ষডঙ্গবত্সাধ্যঃ| সলবণত্বং তু পশ্চাত্, "কষাযযোনযঃ পঞ্চ রসা লবণবর্জিতাঃ|" (হৃ. ক. অ. ৬/৮) ইতি বচনাত্| "চতুর্দশগুণে পেযা" ইতি বচনাত্ লাজাশ্চতুর্দশগুণে ক্বাথে ক্বথনীযাঃ| অস্যা এব পেযাযাঃ মণ্ডঃ প্রথমদিনে পেযঃ| উক্তং হি সিদ্ধযোগে (জ্বরাধিকারে শ্লো. ১৫৯) "শস্তং সুলঙ্ঘিতস্যাদৌ বিধায কবলগ্রহম্| লাজসক্তুকপথ্যং স্যাত্সৈন্ধবেনাবচূর্ণিতম্|| রক্তপিত্তহিতত্বেন দাহজ্বরহৃতেস্তথা| সক্তবঃ শীতবীর্যাঃ স্যুর্লাজপূর্বা হিতা ন তে|| পাচনো দীপনো লাজমণ্ডস্তেনোষ্ণ ইষ্যতে| অতোঽযং দশমূলাদিসাধিতো ভিষজাং মতঃ|| তচ্চেজ্জীর্যত্যবিঘ্নেন জ্বরী জীবেত্তদাধ্রুবম্|" ইতি| যত্ "বাতে বাতকফে পিত্তে সামবাতরুজাজ্বরে| বাঠ্যমণ্ডং প্রশংসন্তি পটোলমগধান্বিতম্||" ইতি| তদ্বদ্ধমলবিষযম্| ভৃষ্টঃ শকলীকৃতো যবো-বাঠ্যঃ| অম্লার্থিনঃ পেযামাহ-তথাঽম্লার্থীতি| তাং-লাজপেযাম্| তথা-তদ্বত্সাধিতাম্| সহদাডিমাং-শুণ্ঠ্যাদিষু দাডিমং প্রদেযম্|

সর্বাঙ্গসুন্দরী ব্যাখ্যা ( কৃত)

স০-পিবেদিত্যনুবর্ততে| সৃষ্টবিট্-ভিন্নবর্চা জ্বরী, বহুপিত্তো বা সশুণ্ঠীমাক্ষিকাং হিমাং পেযাং পিবেত্, নোষ্ণাং নান্যথা যো জ্বরী| ধান্যপিপ্পল্যাবত্রাপাস্যে, শুণ্ঠীগ্রহণাত্| অত্র চ শুণ্ঠ্যা দ্রব্যেভ্যোঽসংযোগান্মধুরপাকত্বাদগ্নিমান্দ্যোত্সারণোপক্ষীণশক্তিত্বাদ্ যুক্তঃ পিত্তে প্রযোগঃ| এবমন্যত্রাপি শুণ্ঠ্যাঃ প্রযোগে চিন্ত্যম্| সৈন্ধবং তু তাবন্মাত্রং সর্বত্রাবিরুদ্ধমেব|

আযুর্বেদরসাযনম্ ব্যাখ্যা ( কৃত)

আ০ র০-শিথিলমলপিত্তোত্তরযোঃ পেযামাহ-সৃষ্টবিডিতি| হিমাযাং মাক্ষিকপ্রক্ষেপঃ, কিঞ্চিন্মাধুর্যং যথা স্যাত্|

সর্বাঙ্গসুন্দরী ব্যাখ্যা ( কৃত)

স০-বস্ত্যাদিশূলী ব্যাঘ্রীগোক্ষুরসাধিতাং পেযাং পিবেত্|

আযুর্বেদরসাযনম্ ব্যাখ্যা ( কৃত)

আ০ র০-বস্ত্যাদিশূলিনঃ পেযামাহ-বস্তিপার্শ্বশিরঃ-শূলীতি|

সর্বাঙ্গসুন্দরী ব্যাখ্যা ( কৃত)

সং-পৃশ্নিপর্ণ্যাদিসাধিতাং পেযাং দীপনপাচনীং জ্বরাতি সারবান্ অম্লাং পিবেত্| দীপনী চাসৌ পাচনী চেতি পুংবত্কর্মধারযেতি পুংবদ্ভাবঃ| অত্রাম্লগ্রহণং ন কর্তব্যম্| যতঃ সর্বত্রপেযাপ্রসঙ্গেঽম্লার্থী যো জ্বরী স সদাডিমাং পেযাং পিবেদিত্যুক্তম্| তস্মাত্কিমনেন ? ব্রূমঃ| অম্লাভিলাষী ভবতু বা মা ভবতু| তথাঽপ্যম্লামেব জ্বরাতিসারী পিবেদিত্যস্যার্থস্য দ্যোতনার্থমম্লামিত্যুক্তম্|

আযুর্বেদরসাযনম্ ব্যাখ্যা ( কৃত)

আ০ র০-জ্বরাতিসারিণঃ পেযামাহ-পৃশ্নিপর্ণীতি| অম্লাং-দাডিমোপেতাম্|

সর্বাঙ্গসুন্দরী ব্যাখ্যা ( কৃত)

স০-পিবেত্সিদ্ধামিত্যত্রানুবর্ততে| হ্রস্বেন-বৃহত্যাদিনা, পঞ্চমূলেন সিদ্ধাং পেযাং হিধ্মাদিবান্ পিবেত্|

আযুর্বেদরসাযনম্ ব্যাখ্যা ( কৃত)

আ০ র০-হিধ্মাদিযুক্তস্য পেযামাহ হৃস্বেন পঞ্চমূলেনেতি| হৃস্বেন-বৃহত্যাদিনা| রুক্-শূলম্|

সর্বাঙ্গসুন্দরী ব্যাখ্যা ( কৃত)

স-কফার্তো নরো বিল্বাদিনা-মহতা, পঞ্চমূলেন সহ যবসাধিতাং পিবেত্| তণ্ডুলা এবাত্র প্রকৃতিত্বেন যোজ্যাঃ| যবাস্তুক্বাথ এব| বিবদ্ধং-বিষ্টব্ধং, বর্চঃ-পুরীষং, যস্য-নরস্য, স নরঃ সযবাং-যবপ্রধানাং পিবেত্| কিম্ভূতাম্ ? পিপ্পল্যামলকৈঃ কৃতাম্| তথা, সর্পিষা ভৃষ্টাং-সম্যগাজ্যেন সংস্কৃতাম্| তথা, মলঃ-পুরীষাদিঃ, দোষো-বাতাদিঃ, তেষামনুলোমনীং-স্বমার্গপ্রবর্তিনীম্|

আযুর্বেদরসাযনম্ ব্যাখ্যা ( কৃত)

আ০ র০-কফার্তস্য পেযামাহ-পঞ্চমূলেন মহতেতি| যবরূপেযং সর্পিষা ভৃষ্টা যাবন্নিরধ(ন্নির্ধূম)ত্বং তাবত্সর্পিঃ সন্তাপ্য তন্মধ্যে প্রক্ষিপ্তাম্|

সর্বাঙ্গসুন্দরী ব্যাখ্যা ( কৃত)

স০-কোষ্ঠে বিবদ্ধে-বিবদ্ধদোষাধিষ্ঠানে, তথা সরুজি চবিকাদিভিঃ সাধিতাং পেযাং পিবেত্|

আযুর্বেদরসাযনম্ ব্যাখ্যা ( কৃত)

আ০ র০ বিবাদ্ধশূলযুক্তস্য পেযামাহ-চবিকাপিপ্পলীতি|

সর্বাঙ্গসুন্দরী ব্যাখ্যা ( কৃত)

স০-তুঃ পুনরর্থে| পরিকর্তনং-পরিকর্তিকা ছেদনমিবানুভবঃ, স যস্যাস্তি স পরিকর্তী কোষ্ঠঃ, তস্মিন্পরিকর্তিনি তু কোষ্ঠে, কোলাদিভিঃ সাধিতাং পেযাং পিবেত্| শ্রীফলং-বিল্বফলম্|

আযুর্বেদরসাযনম্ ব্যাখ্যা ( কৃত)

আ০ র০-পরিকর্তিনঃ পেযামাহ-পিবেত্ত্বিতি| কোলং বদরম্| কলশী-পৃষ্ণিপর্ণী| শ্রীঃ-বিল্বঃ|

সর্বাঙ্গসুন্দরী ব্যাখ্যা ( কৃত)

স০-অস্বেদনিদ্রো নরস্তৃষ্ণার্তশ্চ সিতাদিভিঃ সাধিতাং পেযাং পিবেত্|

আযুর্বেদরসাযনম্ ব্যাখ্যা ( কৃত)

আ০ র০-অস্বেদনিদ্রাতৃষ্ণার্তস্য পেযামাহ-অস্বেদনিদ্রাতৃষ্ণার্ত ইতি| সিতা-শর্করা, সা চ মধুবদ্যোজ্যা| সঙ্গ্রহে (চি.অ. ১)-"সিতাধাত্র্যাজ্যনাগরৈঃ" ইতি পাঠঃ| তেন সর্পৈর্ভৃষ্টাঃ কার্যাঃ| পরীবারঃ-উপদ্রবঃ|

সর্বাঙ্গসুন্দরী ব্যাখ্যা ( কৃত)

সং-পেযোদ্দিষ্টৈরেবৌষধৈর্মাংসরসাদযোঽপি যথোপযোগং কর্তব্যাঃ| [ তথা চ সঙ্গ্রহেঽধ্যগীষ্ট-(চি. অ. ১)-"কুর্যাত্ পেযৌষধরেব রসযূষাদিকানপি|" ] রসোঽত্র মাংসরসঃ| যূষাঃ-মুদ্গাদিসম্বন্ধিনঃ ক্বাথাঃ| আদিগ্রহণাত্ পানিযমস্তুতক্রব্যঞ্জনাদযো গৃহ্যন্তে| পেযাদিষু চ দ্রব্যপরিমাণাদিকং পূর্বোক্তং সূপশাস্ত্রাদিভ্যো বাঽবগন্তব্যম্| তথা চ তন্ত্রান্তরে-"পেযাযূষরসাদ্যেষু রসালাপানকাদিষু| দ্রব্যমাত্রাং প্রযুঞ্জীত লোকসিদ্ধাং যথার্হতঃ||" ইতি|| যস্য পুংসো যত্পরিমাণৈর্দ্রব্যৈর্মাত্রা যোগ্যা তস্য তত্পরিমাণৈর্দ্রব্যৈরেব পেযাদযঃ কার্যা ইত্যর্থঃ| অন্যে ত্বেবং মন্যন্তে,-পেযাযূষরসাদ্যেষু দ্রব্যপরিমাণমল্পমেব কল্পযিতব্যম্| পানার্থে চ যদ্দ্রব্যৈঃ সধিতং তোযমুক্তং তদল্পপরিমাণদ্রব্যৈরেব সধনীযম্| অল্পপরিমাণেনৈব দ্রব্যেণ তত্তোযং সম্যক্ পাচ্যতে| তথা চ খারণাদিরপাঠীত্-"বহুদ্রব্যো ঘনঃ ক্বাথঃ স্বচ্ছমল্পৌষধং জলম্|" ইতি| শ্রপণক্রিযাসামান্যেঽপ্যস্যোভযস্য পৃথক্সংজ্ঞাবিনির্দেশো দ্রব্যপরিমাণভেদাদযং ক্বাথ ইদং জলমিতি| জ্বরিণাং চ প্রথমং যথাঽচ পেযা দেযাস্তথা যূষরসা অপ্যচ্ছা এব দেযাঃ, অগ্নিমান্দ্যভযাত্| ক্বাথোঽপ্যত এব বহুপরিমাণদ্রব্যসাধ্যত্বাদ্ধনতযা তিক্তরসদ্রব্যকৃতোঽপি প্রথমং জ্বরে নিষিদ্ধঃ| কিং সর্বত্র জ্বরে সর্বাঃ সর্বদা সর্বস্মিন্দেশে পেযা দেযা ন ? ইত্যাশঙ্ক্যাহ-

আযুর্বেদরসাযনম্ ব্যাখ্যা ( কৃত)

আ০ র০-পেযৌষধৈরেব রসযূষাদিকানপি কুর্যাদিত্বাহ-কুর্যাদিতি|

সর্বাঙ্গসুন্দরী ব্যাখ্যা ( কৃত)

স০-মদ্যোদ্ভব ইত্যাদিষ্বর্থেষু পেযাং নেচ্ছন্তি, মুনয ইতি শেষঃ| মদ্যেনোদ্ভবো যস্য তস্মিন্ মদ্যোদ্ভবে জ্বরে, তথা মদ্যনিত্যে পুরুষে, তথা কফে পিত্তস্থানগতে সতি, তথা গ্রীষ্মকালে, তথা তযোর্বাঽধিকযোঃ, তযোরিতি পিত্তকফৌ পরামৃশ্যেতে, পিত্তকফযোশ্চাধিকযোঃ, পিত্তস্থানগতে কফ ইত্যস্তযোরেব প্রকৃতত্বাত্, তথা তৃট্ছর্দির্দাহৈঃ সমুদিতৈঃ পীডিতে পুরুষে যো জ্বরস্তস্মিংশ্চ, প্রত্যেকং তু তৃডার্তেঽনুজ্ঞাতৈব, আস্বেদনিদ্রস্তৃষ্ণাত্র্ত ইত্যুক্তেঃ, দাহার্তেঽপি সৃষ্টবিড্বহুপিত্তো বেত্যাহ, তথা যস্যোর্ধ্বং প্রবৃত্তে রক্তে জ্বরস্তস্মিংশ্চ পেযাং নেচ্ছন্তি| তেষু তর্হি কিং কার্যম্ ? ইত্যাহ-

আযুর্বেদরসাযনম্ ব্যাখ্যা ( কৃত)

আ০ র০-জ্বরবিশেষে পেযাং নিষেধতি-মদ্যোদ্ভব ইতি| মদ্যনিত্যে পুরুষে| তযোঃ-পিত্তকফযোরধিকযোর্বা|

সর্বাঙ্গসুন্দরী ব্যাখ্যা ( কৃত)

স০-তেষু পুনর্বিষযভূতেষু লাজতর্পণান্-লাজসক্তূন্, পিবেত্,-পেযাবসরে ন তু যবসক্তূন্ পিবেত্| জ্বরাপহৈঃ ফলরসৈঃদ্রাক্ষাদীনাং জ্বরঘ্নানাং ফলানাং রসৈঃ-স্বরসৈঃ, অথবা তদ্রসৈঃক্বাথৈঃ| অথবা, অদ্ভিঃ-জলৈঃ, ক্বথিতশীতলৈরিত্যর্থাদ্গম্যতে| কিম্ভূতান্ লাজতর্পণান্ ? সশর্করাক্ষৌদ্রান্|

আযুর্বেদরসাযনম্ ব্যাখ্যা ( কৃত)

আ০ র০-নিষিদ্ধপেযস্য তর্পণমাহ-তেষু ত্বিতি| লাজতর্পণং-লাজচূর্ণকৃতমর্থম্| সঙ্গ্রহে তু (চি.অ. ১)-"দ্রাক্ষাদাডিমকাশ্মর্যপথ্যাপীলুপরুষকৈঃ| জ্বরঘ্নৈস্তোযমৃদিতৈরদ্ভির্বা লাজতর্পণান্| পিবেত্সুসূক্ষ্মরজসঃ" ইতি| তত্র তর্পণশব্দেন সক্ত্বঃ| তে চ লাজানাম্|

সর্বাঙ্গসুন্দরী ব্যাখ্যা ( কৃত)

স০-ততঃ-তর্পণপানাদনন্তরং, জীর্ণে তর্পণে, যবাগ্বাং বেতি যবাগূপানার্হে নরে যবাগ্বাং জীর্ণাযাং, ক্ষুদ্বান্ পুরুষো-জাতবুভুক্ষঃ সন্, দ্বিতীযেঽন্নকাল ওদনমশ্নীযাত্-ভুঞ্জীত| কিম্ভূতম্ ? ভৃষ্টাস্তণ্ডুলা যস্মিন্| কিং কেবলমোদনং ভুঞ্জীত ? নেত্যাহ-দকেত্যাদি| দকলাবণিকৈঃ-কুলত্থাদীনাং সম্বন্ধিভির্যূষঃ-ক্বাথৈঃ, ওদনমদ্যাত্| অথবা, অবস্থাবশাত্ মুদ্গলাবজৈরোদনমদ্যাত্| মুদ্গলাবজরসৈরিতি বক্তব্যে রসৈরিতি পৃথঙ্নির্দেশো লাবজরসানাং প্রাধান্যজ্ঞাপনার্থম্| তথা লাবজরসাঃ সংস্কার্যাঃ সংস্কারকাশ্চ মুদ্গাঃ, অত এব বহুমাত্রাণাং লাবানামল্পানাং চ মুদ্গানামত্রোপযোগঃ কার্য ইত্যবতিষ্ঠতে| "নাতিমাং সাস্তনুরসা দকলাবণিকাঃ স্মৃতাঃ|" ইতি কেচিদাহুঃ| অন্যেত্বাচক্ষতে,-"অল্পমাংসপটুস্নেহা দকলাবণিকাঃ স্মৃতাঃ|" ইতি|

আযুর্বেদরসাযনম্ ব্যাখ্যা ( কৃত)

আ০ র০-যূষোদনরসৌদনাবাহ-ততো জীর্ণে ত্বিতি| যস্য তর্পণমুক্তং তস্য তর্পণে জীর্ণে, যস্য যবাগূরুক্তা তস্য যবাগ্বাং জীর্ণাযাং, ওদনমশ্নীযাত্| জীর্ণত্বমপি বিকারঃ পাকঃ| স চ দিনত্রযেণ জাযতে| ত্রিদিনং তর্পণং যবাগূং বা ভুক্ত্বা ততো যূষৌদনং ততো রসৌদনং ভুঞ্জীতেত্যর্থঃ| মুদ্গজৈর্যূষৈ রসৈঃ| লাবজৈর্দকলাবণিকৈঃ| দকং-উদকম্, তেন লবণেন চ সংস্কৃতৈঃ, অকৃতৈরিত্যর্থঃ| বাশব্দাদমুদ্গলাবজৈরপি যথা সাত্ম্যং ধান্যান্তরমাংসান্তরজৈঃ| যূষৈর্বা রসৈর্বেতি ব্যাখ্যানে মুদ্গলাবজৈরিতি বিশেষণং ন ঘটতে, ক্রমাভাবাত্|

সর্বাঙ্গসুন্দরী ব্যাখ্যা ( কৃত)

স০-ইতি-পূর্বোক্তেন প্রকারেণ, প্রথমো জ্বরস্য ষডহো নেযঃ অতিবাহ্যঃ, নান্যো জ্বরস্য সম্বন্ধী, ইত্যযমিতি নির্দেশাল্লভ্যতে- কিং কুর্বতা ভিষজা ষডহো নেযঃ ? বলং রক্ষতা, তথা দোষং তত্কালে সামং বাতাদ্যন্যতমং পৃথক্ সংসৃষ্টং সন্নিপতিতং বা তজ্জ্বরকারণং রক্ষতা,-তত্র তদ্রক্ষাং কুর্বতা, যথাঽসৌ দোষঃ কৃচ্ছ্রসাধ্যতামসাধ্যতাং বা ন যাতি| অত্র চ যদি কিল বলরক্ষার্থং সন্তর্পণং ক্রিযতে তদা সন্তর্পণস্যামবৃদ্ধিহেতুত্বাত্ সামো দোষো বর্ধেত, অথামদোষক্ষপণার্থমপতর্পণং কুর্বীত তদা বলহানিঃ স্যাত্, তস্মান্মধ্যমযা বৃত্ত্যাঽবহিতেন বৈদ্যেনোভযং রক্ষতোপক্রমঃ কার্যঃ, নাত্রাবহেলা কার্যেত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-মণ্ডাদ্যুপচারমুপসংহরতি-ইত্যযং ষডহো নেয ইতি|

সর্বাঙ্গসুন্দরী ব্যাখ্যা ( কৃত)

স০-লঙ্ঘনাদ্যৈঃ-তিক্তসাবসানৈস্তত্কালোচিতৈর্জ্বরকারিসামমলপক্তৄহেতুভিঃ, পক্বেষু দোষেষু ততঃ-ষডহাদূর্ধ্বং, কষাযঃ প্রশস্যতে| মুস্তাপর্পটকাদিঃ পাচনঃ, প্রাধান্যেন পাচনসংজ্ঞযা বিহিতত্বাত্| তথা বক্ষ্যমাণঃ কলিঙ্গকাদিরর্ঘশ্লোকসমাপনঃ (শ্লো. ৪৮) পঞ্চপ্রকারঃ শমনঃ প্রশস্যতে, প্রাধান্যেন শমনসংজ্ঞযা বিহিতত্বাত্| তথা ছাধ্যেষ্যতে তন্ত্রকৃত্ (শ্লো. ৫১) "পঞ্চৈতে সন্ততাদীনাং পঞ্চানাং শমনা মতাঃ|" ইতি| তদেতদুভযং-পাচনশব্দশ্রুত্যাক্ষিপ্তো মুস্তাপপর্টকাদিঃ শমনশ্রুত্যাক্ষিপ্তঃ কলিঙ্গকাদিঃ, কষাযঃ-ক্বাথঃ, প্রশস্যতে| কস্য পাচনঃ ? ইত্যাহ-দোষশেষস্য| অত এব পক্বেষু দোষেষু লঙ্ঘনাদ্যৈরিত্যল্পপক্বেষু পক্বপ্রাযেষ্বীষদামেষু দোষেষ্বিতি বোধ্যম্| অন্যথা পক্বস্য পাচনমযুক্তমিব স্যাত্, পিষ্টপেষণন্যাযেনানর্থকত্বাত্| তথা চাপক্বং যদ্বস্তুজাতং তদগ্নিঃ পছতি, পহন্তমগ্নিঃ পাচনঃ পাচযাত| এবং চ পাক্যাভাবাত্ কিমগ্নিঃ পচতু ? কিং বা কষাযঃ পাচযতু ? ইত্যনুপপন্নমিবৈতত্স্যাত্| যদা পুনর্মুস্তাপর্পটকাদিঃ কলিঙ্গাদিরন্যো বা কশ্চিত্ কষাযস্তিক্তাদ্যন্যতমো বাতাদিদোষজ্বরশান্ত্যর্থং প্রযুজ্যতে তদা পাচনো ভবন্নপি শমনসংজ্ঞঃ, ন পাচনসংজ্ঞঃ| ননু, প্রথম এব দিনে তিক্তরসকষাযমনুজজ্ঞে তন্ত্রকৃত্| তথা চোবাছ (শ্লো. ১৫)- "ঘনচন্দনশুণ্ঠ্যম্বুপর্পটোশীরসাধিতম্| শীতং তেভ্যো হিতং তোযং পাচনং তৃড্জ্বরাপহম্||" ইতি| তত্কথমেতত্ ? অত্রোচ্যতে| জ্বরিণঃ প্রসক্ততৃষোঽবশ্যং পানং কিঞ্চিদ্বিতরণীযম্| ন চ (পানে) মদ্যেক্ষুরসদধিমস্ত্বারনালক্ষীরাদীনামত্র যোগ্যত্বেঽপি জ্বরস্যৈবং বিধানি নিষদ্ধানি তন্ত্রকৃদ্ভিঃ, শিশিরজলমপ্যামদোষস্রোতঃসংরোধাগ্নিসাদাদীনাবহেত্ জ্বরং গাঢতরং কুর্যাত্| তস্মাত্ পানার্থে তিক্তসাধিতমুক্তমম্ব্বনুমেনে| দ্রব্যাণি চাত্র স্বল্পমাত্রযৈব যোজ্যা নীত্যনন্তরমেব প্রত্যপাদি| কিঞ্চ জ্বরিতস্তৃষতো জলং বহৌষধং পাতুমপি ন ক্ষমেত| কিঞ্চ কতিপযান্যেব ঘনাদীনি জলসংস্কারেণ পাতুমনুমতানি, ন সকলান্যপি তিক্তান্যনুমতানি| কিংতর্হি ? বিশিষ্টপ্রভাবং দর্শযন্তি ঘনাদীন্যেব| বিশিষ্টপ্রভাবত্বং চান্যত্রাপি দ্রব্যাণাং দৃষ্টম্| যথা-শমীফলং মধুরমপি কেশঘ্নম্, তথাঽম্লমপ্যামলকং পিত্তকফঘ্নম্, সৈন্ধবং লবণমপি চক্ষুষ্যম্, ইত্যাদ্যন্যদপ্যূহ্যম্| তস্মাত্ ঘনাদীনাং পানীযসংস্কারোপযোগো নবজ্বরেঽপি হিতঃ|

আযুর্বেদরসাযনম্ ব্যাখ্যা ( কৃত)

আ০ র০-ঔষধমাহ-ততঃ পক্বেষ্বিতি| ততঃ-ষডহাত্পরম্| কষাযঃ-স্বরসাদিঃ অপক্বদোষশঙ্কাযাং পাচনঃ, তদভাবে শমনঃ| বৃদ্ধিজশনম্(?)| পক্বেষু দোষেষ্বিতি দিনসঙ্খ্যানাদরার্থম্| তদুক্তিস্তু ক্রমকথনার্থম্|

সর্বাঙ্গসুন্দরী ব্যাখ্যা ( কৃত)

স০-কষায ইতি বর্ততে| জ্বরস্য প্রকৃতত্বাত্ পিত্তে-পিত্তজ্বরে, তিক্তকষাযকল্পনাপ্রকারঃ প্রযোজ্যঃ| তিক্তঃ পিত্তে বিশেষেণেত্যতো বিশেষনির্দেশাদন্যদোষোত্থেঽপি জ্বরে তিক্তরসাধিষ্ঠিতো দ্রব্যকষাযো যথাবস্থং প্রযোজ্যঃ, ন কেবলং পিত্তজ্বরাখ্যে, ব্যাধিদোষঘ্নত্বাত্| তথা তিক্তো রসো নিসর্গত এব জ্বরঘ্নঃ শাস্ত্রেঽস্মিন্পঠিতঃ| যথা (হৃ. সূ. অ. ১০/১৪)- "তিক্তঃ স্বযমরোচিষ্ণুররুচিং কৃমিতৃড্বিষম্| কূষ্ঠমূর্চ্ছাজ্বরোত্ক্লেদদাহপিত্তকফান্ জযেত্||" ইতি| মুনিরপ্যবোচত্ (ছ. সূ. অ. ২৬৪৩)- "তিক্তো রসঃ স্বযমরোছিষ্ণুররোছকঘ্নো বিষঘ্নঃ ক্রিমিঘ্নো মূর্চ্ছাদাহপ্রশমনস্তৃষ্ণাপ্রশমনস্ত্বঙ্মাংসযোঃ স্থিরীকরণো জ্বরঘ্নঃ" ইত্যাদি| তস্মাদ্রসেষু যথা তিক্তরসস্য জ্বরঘ্নত্বং তথা নান্যেষাং রসানামিত্যবেহি| গুডূছ্যাদেশ্চ দ্রব্যস্য তিক্তরসত্বাদেব জ্বরঘ্নত্বস্য প্রতিপাদিতত্বাত্ পুনর্যজ্জ্বরঘ্নত্বমুক্তং তছ্ছক্ত্যুত্কর্ষাযেতি বোধ্যম্| গুডূছ্যাশ্চ মুনি(?)গুণানাহ| যথা (সঙ্গ্রহে অ. ১২)- "তিক্তাঽমৃতা ত্রিদোষঘ্নী গ্রাহিণ্যুষ্ণা রসাযনী| দীপনী জ্বর তৃড্দাহকামলাবাতরগ্ক্তনুত্||" ইতি| এবমন্যেষামপি দ্রব্যাণামাধেযসামর্থ্যাদ্যুত্কর্ষসিদ্ধমপি যত্ পুনরুছ্যতে, তত্তেষাং তস্য কর্মণঃ শক্ত্যুত্কর্ষার্থং বোধ্যম্| কটুক ইত্যাদি| কটুকরসাধিষ্ঠিতো জ্বরঘ্নদ্রব্যবিশেষজঃ ক্বাথঃ কফে-কফজ্বরে প্রযোজ্যঃ, ন তু যঃ কশ্ছিত্কটুকদ্রব্যকষাযঃ, সর্বস্য জ্বরঘ্নত্বানুপপত্তেঃ| যস্মাদ্দ্রব্যপ্রভাবাদ্বিশিষ্টমেব কটুরসাধিষ্ঠিতং কিমপি যদ্ দ্রব্যং তজ্জবরঘ্নমিতি মন্তব্যম্| এতদেব তস্মাছ্ছাযং গ্রন্থকৃত্ "কফে কটুকো যোজ্যঃ" ইতি জগাদ|

আযুর্বেদরসাযনম্ ব্যাখ্যা ( কৃত)

আ০ র০-যস্মিন্ দোষে যঃ কষাযস্তমাহ-তিক্তঃ পিত্ত ইতি| বিশেষেণেতি বচনাত্ কফেঽপি, ন তু বাতে, বিরুদ্ধত্বাত্|

সর্বাঙ্গসুন্দরী ব্যাখ্যা ( কৃত)

স০-কষাযঃ-কষাযরসাধিষ্ঠিতদ্রব্যজঃ কষাযঃ, স পিত্তশ্লেষ্মহরত্বেঽপি নবজ্বরে,-তরুণজ্বরে, ন শস্যতে| কুতঃ ? ইত্যাহ-মলেত্যাদি| কষাযো হ্যত্র যোজিতো মলস্তম্ভাত্কারণাত্ বিষমজ্বরং-সততাদিকং, কুরুতে| কষাযস্তম্ভিতা হি মলাঃ কোষ্ঠমপ্রতিপন্নত্বাত্ সম্যক্পাকমযান্তঃ সন্ধিস্তোতোলীনাঃ কষাযপানবিহিতবেগা অশক্তত্বাদ্বিষমমেব জ্বরং কুর্বন্তি| যদি হি তেষাং কষাযদানেন শক্তিহানির্ন কৃতা স্যাত্ তদা সন্ততমেব জ্বরং কুর্যুঃ| তস্মাত্ স্বল্পত্বাত্ সততাদিকং বিষমজ্বরং কর্তুমেষাং যুক্তম্| ননু, পিত্তশ্লেষ্মহরত্বেপীত্যনর্থম্| যতঃ "কষাযঃ পিত্তকফহা" (হৃ.সূ.অ.১০১২০) ইতি পূর্বমুক্তম্| অস্ত্যেবৈতত্| অর্থবিশেষজ্ঞাপনার্থং তু পুনরুক্তম্| নবজ্বরে-একদোষজে সন্নিপাতজে বাতকফজে বাতপিত্তজে, কেবলং কষাযো ন শস্তোঽপি তু পিত্তশ্লেষ্মজ্বরেঽপি ন শস্তঃ, তস্মাত্ পিত্তকফজেঽপি জ্বরে নাযং যোজ্য ইত্যর্থঃ| তথা, কষাযোঽযং যোজিতো ন কেবলং বিষমজ্বরং করোতি, যাবদরুচ্যাদীশ্চ করোতি| অত্রাপি মলস্তম্ভাদিতি সম্বধ্যতে| তেন যদ্যপ্যাদিশব্দেনানিযতরুপাণামনেকানাব্যাধীনাং গ্রহণং প্রাপ্তম্, তথাঽপি মলস্তম্ভাদ্যে ব্যাধয উত্পদ্যন্তেঽরুচ্যাদিরূপাস্তেষামেবেহ গ্রহণার্থমেবং সম্বন্ধঃ কৃতঃ| তথা, বিষমজ্বরারুচিহৃল্লাসহিধ্মাধ্মানাদিকানপীত্যেকবিভক্ত্যৈব নির্দেশঃ কর্তুং ব্যবচ্ছদ্য পৃথঙ্ক্নির্দেশো যঃ কৃতস্তেনেদং দ্যোত্যতে,-কষাযঃ প্রযোজিতোঽবশ্যমেব বিষমজ্বরং কুরুতে, অরুচ্যাদীন্ পুনর্নাবশ্যং কুরুতে, ইতি| তদেবং কষাযো রসবিশেষো মলস্তম্ভাদেব নবজ্বরে নিষিধ্যতে, ন তু কল্পনাবশাত্| তথা চ মুনিঃ (চ. চি. অ. ৩১১৬০)- "যঃ কষাযঃ কষাযস্তু স বর্জ্যস্তরুণে জ্বরে| ন তু কল্পনমুদ্দিশ্য কষাযঃ প্রতিষিধ্যতে||" ইতি|

আযুর্বেদরসাযনম্ ব্যাখ্যা ( কৃত)

আ০ র০-কষাযং জ্বরে নিষেধতি-পিত্তশ্লেষ্মহরত্বেঽপীতি| কষাযঃ-কষাযরসস্য কষাযঃ| নিষেধাতিক্রমে দোষমাহ-মলস্তম্ভাদিতি| সঙ্গ্রহে তু (চি.অ. ১)-"ন চ্যবন্তে ন পচ্যন্তে কষাযস্তম্ভিতা মলাঃ| তির্যগ্গতা বিমার্গা বা বর্দ্ধযন্ত্যপি চ জ্বরম্|| বহ্বামকফবাতত্বাচ্ছূলানাহাদিকানপি|" ইতি|

সর্বাঙ্গসুন্দরী ব্যাখ্যা ( কৃত)

স০-সপ্তাহাদনন্তরমষ্টমেঽহ্নযৌষধং-জ্বরঘ্নং যথাযোগ্যং শৃতাদিকল্পনযা কল্পিতং, যোজ্যমিতি কিচিদেবাচার্যা আহুঃ| অন্যে তু দশাহাদূর্ধ্বমৌষধং-মুস্তাপর্পটকাদিকং, যোজ্যমাহুঃ| কেচিদাচার্যা লঘ্বন্নভুক্তস্য নরস্যৌষধং যোজ্যমিত্যাহুঃ| লঘ্বন্নশব্দেন পেযাদিকং ভণ্যতে, ওদনতস্তস্য লঘুত্বোক্তেঃ| লঘ্বন্নং ভুক্তং যেনাসৌ লঘ্বন্নভুক্তঃ| আহিতাগ্ন্যাদিত্বান্নিষ্ঠান্তস্য পরনিপাতঃ| "পরমতমপ্রতিষিদ্ধমনুমতমেব" ইতি সর্বমেতত্ প্রমাণম্, অবস্থাবশেন প্রযোগার্হত্বাত্| আমোল্বণে তু ন-আমাধিকজ্বরিণি পুরুষে পুনরৌষধং জ্বরঘ্নং মুস্তাপর্পটকাদিকং ষডহাদূর্ধ্বং সপ্তাহাত্ দশাহাদ্বা ন যোজ্যম্| কিমিতি চেত্ ? আহ-

আযুর্বেদরসাযনম্ ব্যাখ্যা ( কৃত)

আ০ র০-উক্তমৌষধকালং মতান্তরেণ নিরাকুরুতে-সপ্তাহাদৌষধমিতি| লঘ্বন্ন-মণ্ডাদি, ষডহাদনন্তরং অবধিত্রযমপ্যপ্রযোজকম্| যাবদামোল্বণস্তাবদৌষধং ন যোজ্যম্|

সর্বাঙ্গসুন্দরী ব্যাখ্যা ( কৃত)

স০-তীব্রজ্বরেণ পরীতস্য জ্বরিণঃ পুংসো দোষবেগোদযে দোষস্য-আমাদ্যাখ্যস্যোল্বণস্য, বেগো-মুস্তাপর্পটকাদিনোত্ক্লেশাত্, দোষবেগঃ, তস্যোদযঃ-প্রাদুর্ভাবো, দোষবেগোদযঃ| অথবা, উল্বণামস্য বাতাদের্দোষস্য বেগোদযঃ, তস্মিন্ দোষবেগোদযে সতি| অথবা তথৈব দোষে-আমাখ্যে, অতিনিচিতে-অতিশযেন সঞ্চযং প্রাপ্তে, বাতাদৌ ব দোষ উল্বণে| অত এব তন্দ্রাস্তৈমিত্যেঽবশ্যং করোতি তস্মিন্ তন্দ্রাস্তৈমিত্যকারিণি| যতো-যস্মাত্, তদানীমামচ্ছন্নপাবকেনাপছ্যমানং ভৈষজ্যং-ঔষধং মুস্তাপর্পটকাদিশৃতাদিকল্পনাকল্পিতং, তদৌষধং প্রযুক্তং ভূযঃ-পুনরপি, জ্বরং জ্বলযতি-উত্তেজযতি ন শমযতি| তস্মাদামোল্বণে জ্বরে ন ষডহাদূর্ধ্বং নাপি সপ্তাহান্ন চ দশাহাদূর্ধ্বং ভৈষজ্যং যোজ্যম্| কদা তর্হি যোজ্যম্ ? ইত্যাহ-

আযুর্বেদরসাযনম্ ব্যাখ্যা ( কৃত)

আ০ র০-স্বসিদ্ধান্তে যুক্তিমাহ-তীব্রজ্বরপরীতস্যেতি| দ্বিবিধো হ্যামোল্বণো জ্বরঃ-অপক্বঃ পচ্যমানশ্চ| তত্র প্রথমেঽর্থে পচ্যমানস্যোক্তিঃ, অপক্বস্য দ্বিতীযে| উভযোরপি প্রযুক্তমৌষধমপচ্যমানং পুনর্জ্বরং জ্বলযতি|

সর্বাঙ্গসুন্দরী ব্যাখ্যা ( কৃত)

স০-মৃদুর্জ্বরঃ-উপদ্রবমৃদুতযা| লঘুঃ-পটুঃ দেহঃ| চলিতা মলাঃ-মূত্রপুরীষাদযঃ| মৃদুর্জ্বর ইত্যাদিলক্ষণাবস্থা যদা ভবতি তদাঽস্যামবস্থাযামচিরজ্বরিতস্যাপি-অনিতিক্রান্তষডহস্যাপি, ভৈষজ্যং যোজ্যম্| অপিশব্দাত্ কিং পুনঃ ষডহেঽপ্যতীতে জ্বরিতস্যৈবংলক্ষণাযামবস্থাযমুত্পন্নাযাং তদৌষধং চ ন যোজ্যম্ ? ইত্যেবং ব্যাধ্যবস্থা কালতো গরীযসীত্যুক্তং ভবতি| অথ তদৌষধমাহ-ঘ্

আযুর্বেদরসাযনম্ ব্যাখ্যা ( কৃত)

আ০ র০-ঔষধযোগ্যাং জ্বরাবস্থামাহ-মৃদুজ্বর ইতি|

সর্বাঙ্গসুন্দরী ব্যাখ্যা ( কৃত)

সং-মুস্তযা সহ পর্পটং যুক্তমথবা শুণ্ঠ্যা ধন্বযাসেন যুক্তং পাক্যং-শৃতং, শীতকষাযং-শীতকল্পনাকল্পিতং, বা কৃত্বা পিবেদিতি বক্ষ্যমাণেন সম্বন্ধঃ| পাঠা চোশীরং চ পাঠোশীরং বালকেন সহ শৃতং শীতং বা পিবেত্| স্বরসকল্কফাণ্টাখ্যকল্পনাভ্যঃ শৃতশীতাখ্যকল্পনাদ্বযকল্পিতস্যাস্য তথা সামর্থ্যস্য দৃষ্টত্বাদেতত্কল্পনাযুগলমুপন্যস্তবান্| বা সমুচ্ছযে ভিন্নক্রমে| তদ্বদিত্যাদি| ন কেবলং মুস্তাপর্পটকং পিবেত্, তথা পাঠোশীরং সবালকং পিবেত্, যাবদ্ভূনিম্বগুডূচীমুস্তনাগরমপি পিবেদিতি|

আযুর্বেদরসাযনম্ ব্যাখ্যা ( কৃত)

আ রং-ঔষধমাহ-মুস্তযা পর্পটং যুক্তিমিতি| তচ্চ পঞ্চধা,- মুস্তাপর্পটম্, শুণ্ঠীপর্পটম্, দুরালভাপর্পটম্, পাঠাদিত্রযম্ ভূনিম্বাদিচতুষ্টযং চ| তচ্চ পাক্যং শীতকষাযং বা কৃত্বা পিবেত্| পাক্যঃ-ক্বাথঃ|

সর্বাঙ্গসুন্দরী ব্যাখ্যা ( কৃত)

সং-ইমে-পূর্বোক্তা মুস্তাপর্পটকাদযঃ কষাযাঃ, যথাযোগংযোগানতিক্রমেণ, যো যঃ কষাযো যস্মিন্ জ্বরে দাতুং যুক্তঃ স তত্র যোজ্য ইতি যথাযোগং যোজ্যাঃ| কিংক্রিযা এতে স্যুঃ ? ইত্যাহ-দোষপাচনাঃ, দোষস্য-আমাখ্যস্য পক্বপ্রাযস্য, পাচনাঃ| তন্ত্রান্তরে চোক্তম্-"প্রযুক্তং পাচযেদামং যতত্পাচন মুচ্যতে| পিত্তাদিজিন্নিরামস্য যত্স্যাত্তচমনং মতম্||" ইতি| অত্র মুস্তাপর্পটস্য পূর্বমুপন্যাসো জ্বরনাশনেভ্যোঽন্যেভ্যোঽস্য মুস্তাপর্পটস্য প্রাধান্যপ্রদর্শনার্থঃ| তথা চাচার্যোঽগ্ন্যাণাং মধ্যে "মুস্তাপর্পটক জ্বরে" (হৃ. উ. অ. ৪০/৪৮) ইতি নির্দেক্ষ্যতে| তস্মান্মুস্তাপর্পটস্যৈব জ্বরনাশনে জ্যাযস্ত্বমিত্যবেহি, ব্যাধিপ্রতিপক্ষত্বাত্|

আযুর্বেদরসাযনম্ ব্যাখ্যা ( কৃত)

আ০ র০-উক্তানামৌষধানাং বিষযং বিভাগং ফলং চাহ-যথাযোগমিতি| যথাযোগং-যো যত্র দেশে কালে বা লভ্যঃ, যত্র জ্বরে বা দ্রব্যশক্তিপর্যালোচনযা যোগ্যঃ, স তত্র যোজ্যঃ, স তত্র যোজ্যঃ| সিদ্ধযোগে তু (জ্বরাধিকারে শ্লো. ৮২)- "নাগরং দেবকাষ্ঠং চ ধান্যকং বৃঅহ্তীদ্বযম্| দদ্যাত্পাচনকং পূর্বং জ্বরিতায জ্বরাপহম্||" ইতি| সঙ্গ্রহে তু (চি.অ. ১)-"পাঠেন্দ্রযবভূনিম্বমুস্তপর্পটকামৃতাঃ| জযন্ত্যামমতীসারং জ্বরং চ সমহৌষধাঃ|| ইতি|

সর্বাঙ্গসুন্দরী ব্যাখ্যা ( কৃত)

স০-কলিঙ্গকাদযোঽর্ধশোকৈঃ সমাপনং যেষাং তেঽর্ধশ্লোকসমাপনাঃ পঞ্চৈতে পঞ্চানাং সন্ততাদীনাং যথাসঙ্খ্যং শমনা মতাঃ মুনীনামিতি শেষঃ|

সর্বাঙ্গসুন্দরী ব্যাখ্যা ( কৃত)

স০-দুরালভাদি পাচনং বাতজে জ্বরে, অথবা পিপ্পল্যাদিকং বাতজে জ্বরে, কনীযো-বৃহত্যাদিকং, পঞ্চমূলং চ বাতজে জ্বরে, ইতি যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-সামান্যপাচনান্যুক্ত্বা বিশেষপাচনানি কথযতি| তত্র বাতজ্বরস্যাহ-দুরালভামৃতামুস্তানাগরমিতি| দুরালভাদিচতুষ্কঃ পিপ্পলীমূলাদ্যষ্টকো বা|

সর্বাঙ্গসুন্দরী ব্যাখ্যা ( কৃত)

স০-পিত্তে-পিত্তজেজ্বরে, শক্রযবাদযঃ সমাক্ষিকা মতাঃ| পিত্তজেঽপি মুস্তাপর্পটকং ধন্বযাসকিরাততিক্তাভ্যাং সহিত হিতম্|

আযুর্বেদরসাযনম্ ব্যাখ্যা ( কৃত)

আ০ র০-পিত্তজ্বরস্যাহ-পিত্তে শক্রযবাঘনমিতি| ইন্দ্রযবাদিত্রিকো মুস্তাদিচতুষ্কো বা|

সর্বাঙ্গসুন্দরী ব্যাখ্যা ( কৃত)

স০-"বত্সকমূর্বীভার্ঙ্গী" (হৃ. সূ. অ. ১৫/৩৩) ইত্যাদিঃ কফে মতঃ| অথবা বৃষাদিঃ| গাঙ্গেযী-মুস্তা|

আযুর্বেদরসাযনম্ ব্যাখ্যা ( কৃত)

আ০ র০-কফজ্বরস্যাহ-বত্সকাদ্যো গণ ইতি| "বত্সকমূর্বাভার্ঙ্গী" ইত্যাদিগণঃ, বৃষাদিচতুষ্কো বা| গাঙ্গেযীমুস্তা| শৃঙ্গবেরং-শুণ্ঠী|

সর্বাঙ্গসুন্দরী ব্যাখ্যা ( কৃত)

স০-রুগ্বিবন্ধাদিযুক্তে জ্বরেঽভযাদিঘনাবসানং দীপনপাচনম্|

আযুর্বেদরসাযনম্ ব্যাখ্যা ( কৃত)

আ০ র০-সশূলবিবন্ধস্য কফবাতজ্বরস্যাহ-রুগ্বিবন্ধানিলশ্লেষ্মযুক্ত ইতি| সিদ্ধযোগে তু (জ্বরাধিকারে শ্লো. ৮৮)- "বিল্বাদিপঞ্চমূলাম্বু পাচনং বাতজে জ্বরে|| কলিঙ্গং কট্ফলং মুস্তং পাঠা তিক্তকরোহিণী| পক্বং সশর্করং পীতং পাচনং পৈত্তিকে জ্বরে|| মাতুলিঙ্গশিফাবিশ্বকাযস্থাগ্রন্থিকোদ্ভবম্| কফজ্বরেশু সক্ষারং পাচনং বা কণাদিকম্|| সম্সৃষ্টদোষেষু হিতং সংসৃষ্টমথ সংসৃষ্টমথ পাচনম্|" ইতি| অথ শমনানি| তত্র সঙ্গ্রহে (চি.অ. ১)-"সগুডাঃ সারিবাদ্রাক্ষাশতাহ্বাকণরেণুকাঃ| কাশ্মর্যসারিবাদ্রাক্ষাত্রাযমাণামৃতাগুডাঃ|| শতপুষ্পাবচাকুষ্ঠদেবদারুহরেণুকাঃ| শর্করামধুসংযুক্তাঃ সমাংসীমুস্তধান্যকাঃ|| কৃষ্ণাপুনর্নবাদ্রাক্ষাশতাহ্বাগুডসারিবাঃ| শালিপর্ণীবলাদ্রাক্ষাসারিবাচ্ছিন্নসম্ভবাঃ|| আরগ্বধো বলা রাস্না কাশ্মর্যং মধুকং গুডঃ| শতাবরীছিন্নরুহাস্বরসো বা গুডান্বিতঃ|| সকৃষ্ণজীরকসিতানাগরশ্চামৃতারসঃ| বাতজ্বরং জযত্যাশু কেবলো বাঽমৃতারসঃ|| ভার্গীসরলগাঙ্গেযীদারুকুষ্ঠৈলবালুকম্| কোষ্ণং গুডঘৃতোপেতং পিবেদ্বা বাতজেজ্বরে||' ইতি| সিদ্ধযোগে তু (জ্বরাধিকারে শ্লো.৮৯)- "কিরাতাব্দামৃতোদীচ্যবৃহতীদ্বযগোক্ষুরৈঃ| সস্থিরাকলশীবিশ্বৈঃ ক্বাথো বাতজ্বরাপহঃ||" ইতি| বঙ্গসেনে তু (জ্বরাধিকারে শ্লো. ২২৭)-"পঞ্চমূলীবলারাস্নাকুলত্থৈঃ সহ পৌষ্করৈঃ| পর্বভেদং শিরঃকম্পং নিহন্তি পবনজ্বরম্|| দর্ভং বলাং গোক্ষুরকং পাচযেত্পাদশেষিতম্| শর্করাঘৃতসংযুক্তং পিবেদ্বাতজ্বরাপহম্||" ইতি| ইতি বাতজ্বরঃ| অথ পিত্তজ্বরঃ| তত্র সঙ্গ্রহে (চি.অ. ১)-"পটোলাদিগুডূচ্যাদী সূত্রোক্তৌ পিত্তজে জ্বরে| অঞ্জনাদিঃ সকাশ্মর্যঃ সারিবাদিঃ সশকরঃ|| সিতামধুককাশ্মর্যশীতোশীরপরূষকম্| গুডূচীসারিত্রঃরোধ্রকমলোত্পলশকরাঃ| দ্রাক্ষাভযাতিক্তঘনশম্যাকফলপপটম্| শ্যামাপর্পটদুঃস্পর্শাতিক্তাতিক্ত বৃষাসিতাঃ|| শ্যামা-প্রিযঙ্গুঃ| শর্করাতিক্তকটুকাত্রাযমাণাবিভীরকম্| গুডূচ্যামলকৈর্যুক্তঃ কেবলো বাঽপি পর্পটঃ|| কষাযো বা হিমস্তিক্তদ্রাক্ষামধুকনিম্বজঃ| পিত্তজ্বরঘ্নীতিক্তা বা শ্লক্ষ্ণপিষ্টা সশর্করা||" ইতি| বঙ্গসেনে তু (জ্বরাধিকারে শ্লো. ২৪১)-"পটোলযবধান্যাকমধুকং মধুসংযুতম্| হন্তি পিত্তজ্বর দাহং তৃষ্ণাং চাতিপ্রমাথিনীম্|| দ্রাক্ষারগ্বধযোশ্চাপি কাশ্মর্যস্যাথবা জলম্| পটোলাভযনিষ্ক্বাথো মধুনা মধুরীকৃতঃ| তীব্রপিত্তজ্বরামর্দী পানাত্তৃট্দাহনাশনঃ|| একঃ পর্পটকঃ শ্রেষ্ঠঃ পিত্তজ্বরধিনাশনঃ কিং পুনর্যদি যুজ্যেত চন্দনোদীচ্যনাগরৈঃ|| গুডূচীমুস্তধান্যাকমধুক কটুরোহিণী| তৃষ্ণাশূলারুচিচ্ছর্দিপিত্তজ্বরহরো গণঃ| কিরাতামৃতধান্যাব্দচন্দনোশীরপর্পটৈঃ| সপদ্মকৈঃ কৃতঃ ক্বাথো হন্তি পিত্তভবং জ্বরম্| দাহহৃল্লাসমরুচিমুত্ক্লেশবমথুক্লমান্|| সসিতো নিশি পর্যুষিতঃ প্রাতর্ধান্যাকতণ্ডুলক্বাথঃ| পীতঃ শমযত্যচিরাদন্তর্দাহং জ্বরং ঘোরম্|| চন্দনং মধুকং দ্রাক্ষা কটুকা সদুরালভা| চন্দনাদিগণঃ প্রোক্তো হন্যাদ্দাহজ্বরারুচীঃ|| মুদ্গানামঞ্জলীচূর্ণং যষ্টীমধুকমাধিতম্| পাক্যং শীতকষাযং বা পিবেত্পিত্তজ্বরাপহম্|| হ্নীবেরং মুস্তকং ধান্যং চন্দনং যষ্টিকাঽমৃতা| বৃষোশীরযুতঃ ক্বাথঃ শর্করামধুসংযুতঃ| রক্তপিত্ত জযত্যুগ্রং তৃষ্ণাদাহজ্বরাপহঃ|| ভূনিম্বাতিবিষারোধ্রং মুস্তকেন্দ্রযবামৃতম্| বাসক নাগরং বিল্বং কষাযো মাক্ষিকান্বিতঃ| সশ্বাসকাসবিড্ভেদরক্তপিত্তজ্বরাপহঃ|| পথ্যাতৈলঘ্রুতক্ষৌদ্রৈলেহো দাহজ্বরাপহঃ| কাসাসৃক্পিত্তবীসর্পশ্বাসান্ হন্তি বমীরপি||" ইতি| ইতি পিত্তজ্বরঃ| অথ কফজ্বরঃ| তত্র সঙ্গ্রহে (চি. অ. ১)-"কফজেঽতিবিষোশীরপটোলমরিচক্ষপাঃ| সমূর্বেন্দ্রযবদ্বীপিকুষ্ঠনিম্ববচাগুডাঃ|| ক্ষপা-হরিদ্রা| সপ্তচ্ছদামৃতানিম্বস্ফূর্জাতং মাক্ষিকান্বিতম্| স্পূর্জাতঃ-তিন্দুকঃ| নিশা ত্রিকটুকং তিক্তা নাগপুষ্পং কলিঙ্গকাঃ|| সারিবাতিবিষাকুষ্ঠদুঃস্পর্শামুস্তগুগ্গুলু| পরূষ ত্রিফলা তিক্তা বীজং বৃক্ষকজং ঘনঃ|| নাগরত্রিফলামুস্তামূর্বাপাঠাঃ সমাক্ষিকাঃ|" ইতি| বঙ্গসেনে তু (জ্বরাধিকারে শ্লো. ২৬৪)- "ত্রিফলাত্রিবৃতামুস্তং কটুকং সকলিঙ্গকম্| পটোলারগ্বধ চৈব রোহিণী চিত্রকং সমম্| ক্বাথঃ ক্ষৌদ্রযুতঃ শ্লেষ্মজ্বরকাসগলামযে|| নিম্ববিশ্বামৃতাভীরুশঠীভূনিম্বপৌষ্করম্| পিপ্পলী বৃহতী চেতি ক্বাথো হন্তি কফজ্বরম্|| ত্রিফলাপটোলবাসাছিন্নরুহাতিক্তরোহিণীষড্গ্রন্থা| মধুনা শ্লেষ্মসমুত্থে দশমূলীবাসক্রস্য বা ক্বাথঃ|| আমলক্যভযা কৃষ্ণা চিত্রকশ্চেত্যযং গণঃ| সর্বজ্বরকফাতঙ্কে ভেদী দীপনপাচনঃ|| সিন্ধুবারদলক্বাথং কণাঢ্যং কফজে জ্বরে| জঙ্ঘযোশ্চ বলে ক্ষীণে কর্ণে চ পিহিতে পিবেত্|| কট্ফলং পুষ্করং কৃষ্ণা শৃঙ্গী চ মধুনা সহ| কাসশ্বাসজ্বরহরঃ শ্রেষ্ঠো লেহঃ কফান্তকৃত্|| কফজ্বরার্তস্ত্রিফলাং পিপ্পলীং চ সমাক্ষিকাম্| কাসে শ্বাসে চ মধুনা সর্পিষা চ সুখী ভবেত্|| কট্ফলং পুষ্করং শৃঙ্গী মুস্তকং কটুকং শঠী| সমস্তান্যেকশো বাঽপি শ্লক্ষ্ণচুর্ণানি কারযেত্|| সার্দ্রকস্বরসক্ষাদ্রং লিহ্যাত্কফবিনাশনম্| শূলানিলারুচিচ্ছর্দিকাসশ্বাসক্ষযাপহম্|| ক্ষৌদ্রোপকুল্যাসংযোগঃ কাসশ্বাসজ্বরাপহঃ| প্লীহানং হন্তি হিক্কাং চ বালানাং চ প্রশস্যতে|" ইতি| ইতি কফজ্বরঃ| অথ সংসর্গজাঃ| তত্র সঙ্গ্রহে (চি.অ. ১)- সংসর্গসন্নিপাতেষু মিশ্রানেতান্বিকল্পযেত্|" ইতি|

সর্বাঙ্গসুন্দরী ব্যাখ্যা ( কৃত)

স০-দ্রাক্ষাদিরযং গণঃ ফাণ্টঃ-"সদ্যোঽভিষুতপূতঃ" (হৃ. ক. অ. ৬/১১) ইত্যেবংলক্ষণঃ, তথা হিমঃ-শীতো বা, "রাত্রিংদ্রবে স্থিতঃ" (হৃ. ক. অ. ৬/১০) ইত্যেবংলক্ষণঃ| তথা জাতীকুসুমৈঃ সুগন্ধীকৃতো মধুসিতালাজৈর্যুক্তো বাতপিত্তজং জ্বরং জযতি, মদাত্যযাদিংশ্চ|

আযুর্বেদরসাযনম্ ব্যাখ্যা ( কৃত)

আ০ র০-বাতপিত্তজ্বরে শমনমাহ-দ্রাক্ষামধূকেতি| মৃণালং-বিসম্| চূর্ণপলোপেতমুষ্ণোদকচতুষ্পলং শীতং বস্ত্রপূতং-ফাণ্টঃ| হিমঃ-শীতকষাযঃ| মধুসিতালাজানাং মিথঃ সমানাং পেযত্বানুপঘাতেন প্রক্ষেপঃ|

সর্বাঙ্গসুন্দরী ব্যাখ্যা ( কৃত)

স০-কটুকাং পানীযেন পিষ্ট্বা কর্পরে-মৃদ্ভৃষ্টখণ্ডে, অভিনবে তথা শুচৌ পাচযেত্| তস্যা রসো নিষ্পীডিতঃ সর্পির্যুক্তো জ্বরদাহৌ জযতি|

আযুর্বেদরসাযনম্ ব্যাখ্যা ( কৃত)

আ০ র০-শমনান্তরমাহ-পাচযেত্কটুকামিতি| পাকোঽত্র পুটকাবিধিনা| সঙ্গ্রহে তু (চি.অ. ১)-"গোকণ্টকবলাদর্ভাঃ সসিতা বাতপিত্তজে| দ্রাক্ষামলকভূনিম্বাঃ সগুডূচীশঠীগুডাঃ|| ত্রাযান্তীসারিবাদ্রাক্ষাকাশ্মর্যচ্ছিন্নজাগুডাঃ| দ্রাক্ষামসূরত্রাযন্তীগুডূচীসারিবাবলাঃ||" ইতি| সিদ্ধযোগে তু (জ্বরাধিকারে শ্লো.১১৬)-"ত্রিফলাশাল্মলীরাস্নারাজবৃক্ষাটারূষকৈঃ| শৃতমম্বু হরেত্তূর্ণং বাতপিত্তোদ্ভবং জ্বরম্|| [বিশ্বামৃতাব্দভূনিম্বৈঃ পঞ্চমূলীসমন্বিতৈঃ| কৃতঃ কষাযো হন্ত্যাশু বাতপিত্তোদ্ভবং জ্বরম্||] পঞ্চমূলীহৃস্বা| নিদিগ্ধিকামৃতারাস্নাত্রাযমাণাবলান্বিতৈঃ| মসূরবিদলৈঃ ক্বাথো বাতপিত্তজ্বরং জযেত্|| বিদলাঃ-যন্ত্রদলনজা অবযবাঃ| গুডূচী পর্পটং মুস্তং কিরাতং বিশ্বভেষজম্| বাতপিত্তজ্বরে দেযং পঞ্চভদ্রমিদং শুভম্||" ইতি| বঙ্গসেনে তু (জ্বরাধিকারে শ্লো. ২৯২)- "বলাভার্গ্যমৃতৈরণ্ডচন্দনোশীরপর্পটৈঃ| উপকুল্যাব্দহ্রীবেরৈঃ কষাযং চ পিবেত্ততঃ| পর্বভেদং শিরঃকম্পং বাতপিত্তজ্বরং জযেত্|| নীলোত্পলমুশীরং চ বলা পদ্মকমেব চ| কাশ্মরী মধুকং দ্রাক্ষা মধূকানি পরূষকম্| পেযঃ শীতকষাযোঽযং বাতপিত্তজ্বরাপহঃ|| আরগ্বধফলং মুস্তং যষ্টীমধুকমেব চ| উশীরমভযা চৈব হরিদ্রাদারুসাহ্বযা|| পটোলং পিচুমন্দশ্চ তথা কটুকরোহিণী|এষ সিদ্ধঃ কষাযঃ স্যাদ্বাতপিত্তভবে জ্বরে ইতি| ইতি বাতপিত্তজ্বরঃ |

সর্বাঙ্গসুন্দরী ব্যাখ্যা ( কৃত)

সং-বাতশ্লেষ্মণি কষাযকল্পনযা কল্পিতা বচাদযো মতাঃ| অথবা, গুডূচীসম্ভবঃ ক্বাথঃ পিপ্পলীচূর্ণযুতো মতঃ|

আযুর্বেদরসাযনম্ ব্যাখ্যা ( কৃত)

আ০ র০-অথ বাতকফজ্বরঃ| তত্র শমনমাহ-কফবাত ইতি| শমনান্তরমাহ-পিপ্পলীচূর্ণযুক্তো বেতি|

সর্বাঙ্গসুন্দরী ব্যাখ্যা ( কৃত)

স০-ব্যাঘ্র্যাদিক্বাথঃ কণাচূর্ণসংযুক্তো বাতশ্লেষ্মজ্বরাদিজিত্| স০-পথ্যাদি পাচনং সিদ্ধচূর্ণং মধুহিঙ্গুভ্যাং সংযুতং কফবাতজ্বরাদীন্ পরাকরোতি|

আযুর্বেদরসাযনম্ ব্যাখ্যা ( কৃত)

আ০ র০-শমনান্তরমাহ-ব্যাঘ্রীশুণ্ঠ্যমৃতাক্বাথ ইতি| আ০ র০-শমনান্তরমাহ-পথ্যাকুস্তুম্বরীতি| সিদ্ধযোগে (জ্বরাধিকারে শ্লো. ১৩৪)- "পিপ্পলীপিপ্পলীমূলচব্যচিত্রকনাগরৈঃ| দীপনীযঃ স্মৃতো বর্গঃ কফানিলগদাপহঃ|| পিপ্পলীভিঃ শৃতং তোযমনভিষ্যন্দি দীপনম্| বাতশ্লেষ্মবিকারঘ্নং প্লীহঘ্নং জ্বরনাশনম্|| মুস্তপর্পটদুঃস্পর্শাগুডূচীবিশ্বজং জলম্| কফবাতারুচিচ্ছর্দিদাহশোফজ্বরাপহম্|| দশমূলীরসঃ পেযঃ কণাযুক্তঃ কফানিলে| অবিপাকেঽতিনিদ্রাযাং পার্শ্বরুক্শ্বাসকাসকে||" ইতি| বঙ্গসেনে তু (জ্বরাধিকারে শ্লো. ৩৩৫)-"সভূনিম্বামৃতাদারু কট্ফলং কটুকা বচা| কষাযং পাযযেদাশু বাতশ্লেষ্মজ্বরাপহম্| পর্বভেদশির শূলকাসারোচকপীডিতম্|| তৃষ্ণান্বিতে বাতকফজ্বরার্তে সশ্বাসকাসারুচিবিড্বিবন্ধে| হিতং জলং পাচনদীপনং চ পটোলশুণ্ঠীযবপিপ্পলীনাম্||" ইতি| ইতি বাতকাফজ্বরঃ|

সর্বাঙ্গসুন্দরী ব্যাখ্যা ( কৃত)

স০-"আরগ্বধেন্দ্রযবাদিভিঃ" (হৃ. সূ. অ. ১৫/১৭) মাক্ষিকসহিতঃ কফপিত্তজ্বরং জযতি| তথা তিক্তাদযঃ কফপিত্তজ্বরং ঘ্নন্তি|

আযুর্বেদরসাযনম্ ব্যাখ্যা ( কৃত)

আ০ র০-অথ পিত্তকফজ্বরঃ| তত্র শমনমাহ-আরগ্বধাদিরিতি| শমনান্তরমাহ-তথেতি| সঙ্গ্রহে তু (চি.অ. ১)- "বৃষপুষ্পচ্ছদরসঃ শর্করামাক্ষিকান্বিতঃ| পিত্তশ্লেষ্মজ্বরং হন্তি সাসৃক্ পিত্তং সকামলম্|| অনন্তাবিশ্বভৈষজ্যকটুকাতোযতোযদাঃ| জ্বরতৃট্ভ্রমসম্মোহধূমকাম্লকনাশনাঃ||" ইতি| অনন্তা-দুরালভা| সিদ্ধযোগে তু (জ্বরাধিকারে শ্লো. ১২২)-"কণ্টকার্যমৃতাভার্গীনাগরেন্দ্রযবাসকম্| ভূনিম্বং চন্দনং মুস্তং পটোলং কটুরোহিণী|| কষাযং পাযযেদেনং পিত্তশ্লেষ্মজ্বরাপহম্| দাহতৃষ্ণারুচিচ্ছর্দিকাসহৃত্পার্শ্বশূলনুত্|| [গুডূচীনিম্বধান্যাকং পদ্মকং চন্দনান্বিতম্|] এষ সর্বজ্বরান্ হন্তি গুডূচ্যাদিস্তু দীপনঃ| হৃল্লাসারোচকচ্ছর্দিপিপাসাদাহনাশনঃ|| সশর্করামক্ষমাত্রাং কটুকামুষ্ণবারিণা| পীত্বা জ্বরং জযেজ্জন্তুঃ কফপিত্তসমুদ্ভবম্|| পটোলং পিচুমন্দং চ ত্রিফলা মধুকং বলা| সাধিতোঽযং কষাযঃ স্যাত্পিত্তশ্লেষ্মভবে জ্বরে|| দীপনং কফবিচ্ছেদি পিত্তবাতানুলোমনম্| জ্বরঘ্নং পাচনং ভেদি শৃতং ধান্যপটোলযোঃ||" ইতি| ইতি পিত্তকফজ্বরঃ|

সর্বাঙ্গসুন্দরী ব্যাখ্যা ( কৃত)

স০-সন্নিপাতজ্বরে ব্যাঘ্র্যাদিকটুকান্তং পাচনম্|

আযুর্বেদরসাযনম্ ব্যাখ্যা ( কৃত)

আ০ র০-অথ সন্নিপাতজ্বরঃ| তত্র শমনমাহ-সন্নিপাতজ্বর ইতি|

সর্বাঙ্গসুন্দরী ব্যাখ্যা ( কৃত)

স০-নাগরাদিপাচনং বাতশ্লেষ্মাধিকে জ্বরে কাসাদীন্নিহন্তি|

আযুর্বেদরসাযনম্ ব্যাখ্যা ( কৃত)

আ০ র০-শমনান্তরমাহ-নাগরমিতি| সঙ্গ্রহে তু (চি.অ.১)-"মুস্তা পর্পটকং পথ্যা মৃদ্বীকা কটুরোহিণী| ত্রাযন্তীকণতন্মূলদ্রাক্ষাপথ্যামধূলিকাঃ|| মধূলিকা-জলজযষ্টীমধুঃ| ত্রিফলোশীরষড্গ্রন্থাযষ্টীমধুগনাবলাঃ||" ইতি| সিদ্ধযোগে তু (জ্বরা. শ্লো. ১৬৬)-"পঞ্চমূলী কিরাতাদির্গণো যোজ্যস্ত্রিদোষজে| পিত্তোত্কটে চ মধুনা কণযা বা কফোত্কটে|| বাতপিত্তজ্বরোক্তোঽযং নবাঙ্গঃ| উভযং দশমূলং তু সন্নিপাতজ্বরাপহম্| কাসে শ্বাসে চ তন্দ্রাযাং পার্শ্বশূলে চ শস্যতে| পিপ্পলীচূর্ণসংযুক্তং কণ্ঠহৃদ্গ্রহনাশনম্|| উভযং-দ্বিপঞ্চমূলাত্মকম্| চিরজ্বরে বাতকফোল্বণে বা ত্রিদোষজে বা দশমূলমিশ্রঃ| কিরারতিক্তাদিগণঃ প্রযোজ্যঃ শুদ্ধার্থিনে বা ত্রিবৃতাবিমিশ্রঃ|| আদিশব্দাত্ গুডূচীমুস্তাশুণ্ঠ্যঃ| দশমূলমিশ্রস্যৈব ত্রিবৃতামিশ্রবম্| দশমূলী শঠী শৃঙ্গী পৌষ্করং সদুরালভম্| ভার্গী কুটজবীজং চ পটোলং কটুরোহিণী|| অষ্টাদশাঙ্গ ইত্যেষ সন্নিপাতজ্বরাপহঃ| কাসহৃদ্গ্রহপার্শ্বার্তিশ্বাসহিক্কাবমীহরঃ|| ভূনিম্বদারুদশমূলমহৌষধাব্দতিক্তেন্দ্রবীজধনিকেভকণাকষাযঃ| তন্দ্রাপ্রলাপকসনারুচিদাহমোহশ্বাসাদিযুক্তমখিলং জ্বরমাশু হন্তি|| মুক্তাপর্পটকোশীরদেবদারুমহৌষধম্| ত্রিফলা ধন্বযাসশ্চ নীলী কম্পিল্লকং ত্রিবৃত্|| কিরাততিক্তকং পাঠা বলা কটুকরোহিণী| মধুকং পিপ্পলীমূলং মুস্তাদ্যো গণ উচ্যতে|| অষ্টাদশাঙ্গমুদিতমেতদ্বা সন্নিপাতনুত্| পিত্তোত্তরে সন্নিপাতে হিতং চোক্তং মনীষিভিঃ| মন্যাস্তম্ভ উরোঘাত উরঃপার্শ্বশিরোগ্রহে|| বৃহত্ত্যৌ পৌষ্করং ভার্গী শঠী শৃঙ্গী দুরালভা| বত্সকস্য চ বীজানি পটোলং কটুরোহিণী| বৃহত্যাদির্গণঃ প্রোক্তঃ সন্নিপাতজ্বরাপহঃ| কাসাদিষু চ সর্বেষু হিতঃ সোপদ্রবেষু চ|| শঠী পুষ্করমূলং চ ব্যাঘ্রী শৃঙ্গী দুরালভা| গুডূচী নাগরং পাঠা কিরাতং কটুরোহিণী|| এষ শঠ্যাদিকো বর্গঃ সন্নিপাতজ্বরাপহঃ| কাসহৃদ্গ্রহপার্শ্বার্তিশ্বাসে তন্দ্র্যাং চ শস্যতে||" ইতি| বঙ্গসেনে তু (জ্বরা. শ্লো. ৪৪৩)- "দশমূলস্য নিক্বাথঃ কট্ফলাদিরজোযুতঃ| তুল্যার্দ্রকরসঃ পীতো মৃত্যুকল্পং জ্বরং জযেত্|| দশমূলীকষাযং তু সপৌষ্করকণান্বিতম্| সন্নিপাতজ্বরে দেযং শ্বাসকাসতৃষান্বিতে|| অমৃতাদশমূলাভ্যাং সাধিতং বিধিবজ্জলম্| সন্নিপাতজ্বরং হন্যান্ত্রযোদশবিধং নৃণাম্|| বিশ্বশঠীদশমূলীছিন্নাপাঠেভপিপ্পলীন্দ্রযবাঃ| সকিরাততিক্তবাসাঃ শমযন্তি হৃতৌজসং সদ্যঃ|| ত্র্যূষণদশমূলশঠীভার্গীছিন্নোদ্ভবাক্বাথঃ| পীতঃ শমযতি সহসা জ্বরমুগ্রং সন্নিপাতাখ্যম্|| দ্বিপঞ্চমূলীষড্গ্রন্থাবিশ্বগৃধ্রনখীদ্বযাত্| গৃধ্রনখীদ্বযং-কন্থারিকাদ্বযম্| কফবাতহরঃ ক্বাথঃ সন্নিপাতহরঃ পরঃ|| সিংহাস্যপর্পটারিষ্টং যষ্টীধান্যাকনাগরম্| দারুগ্রগন্ধেন্দ্রযবাঃ শ্বদংষ্ট্রা গ্রন্থিকং তথা|| এষাং কষাযমাহৃত্য সন্নিপাতজ্বরী পিবেত্| শ্বাসাতিসারকাসঘ্নং শূলারুচিহরং পরম্|| কট্ফলং ত্রিফলা দারু চন্দনং সপরূষকম্| কটুকাপদ্মকোশীরং বিপচেত্কার্ষিকং জলম্|| তত্সন্নিপাতদাহঘ্নং পীতমাত্রেযপূজিতম্| দীর্ঘাকালপ্রযুক্তানাং জ্বরিণামমৃতোপমম্|| ব্যোষাব্দত্রিফলারিষ্টপটোলীতিক্তবত্সকৈঃ| সভূনিম্বামৃতাপাঠৈস্ত্রিদোষজ্বরজিজ্জলম্|| তিল্বকং ত্রিবৃতা দন্তী সমুলং চতুরঙ্গুলম্| পক্বং কষাযং বিস্রাব্য নীলিনীচূর্ণমিশ্রিতম্| সসর্পিষ্কং পিবেত্তূর্ণম্ সন্নিপাতে বিরেচনম্|| (শ্লো. ৩৯২)-বর্ধনৈর্বাঽপি হীনস্য হাপনৈরুচ্ছ্রিতস্য বা| কফস্থানানুপূর্ব্যা সন্নিপাতজ্বরে ক্রিযা|| হীনস্য বর্ধনাদ্ধানির্বৃদ্ধযোরিতি নিশ্চযঃ| হাপনাদতিব্রুদ্ধস্য হীনযোর্বৃদ্ধিসম্ভবঃ|| ততঃ সমত্বং দোষাণামুরঃ স্থানং কফস্য তু| তত্রস্থানাং ক্রিযা তদ্বদিতি জ্বরবিনির্জযঃ|| যথাদোষোচ্ছ্রযং চৈব জ্বরান্ শেষানুপক্রমেত্| নির্হরেত্পিত্তমেবাদৌ জ্বরেষু সমবাযিষু| দুর্নিবারতরং তদ্ধি জ্বরার্তেষু বিশেষতঃ|| সন্নিপাতে ক্ষুধার্তং যো ভোজযেত্পিশিতৌদনম্| স কথং ভিষগাখ্যাতিং লভেন্মূঢো নরাধমঃ|| সন্নিপাতে তু দাহার্তং যঃ সিঞ্চিচ্ছীতবারিণা| আতুরঃ স কথং জীবেদ্ভিষগ্বা স কথং ভবেত্|| সন্নিপাতে চ কম্পন্তং বিলপন্তং চ যো ঘৃতম্| পাযযেদ্ভোজযেদ্বাঽপি তৌ চ স্যাতামু(তাং শু)ভৌ কথম্|| সন্নিপাতেন তৃষ্যন্তং পার্শ্বরুক্তালুশোষিণম্| যঃ পাযযেজ্জলং শীতং স মৃত্যুর্নরবিগ্রহঃ|| সমুদ্রতরণং হ্যেতদ্বদন্তি ভিষগীশ্বরাঃ| মৃত্যুনা সহ যোদ্ধব্যং সন্নিপাতং চিকিত্সিতা|| সন্নিপাতার্ণবে মগ্নং যোঽভ্যুদ্ধরতি মানবম্|| কস্তেন ন কৃতো ধর্মঃ কাং চ পূজাং ন সোঽর্হতি|| শ্লেষ্মনিগ্রহমেবাদৌ কুর্যাব্দ্যাধৌ ত্রিদোষজে| নিরস্তে শ্লেষ্মণি হ্যস্য স্রোতঃসূদ্ধাটিতেষু চ| লাঘবং জাযতে সদ্যস্তৃষ্ণা চৈবোপশাম্যতি|| লঙ্গনং বালুকাস্বেদো নস্যং নিষ্ঠীবনং তথা| অবলেহোঽঞ্জনং চৈব প্রাক্ প্রযোজ্যং ত্রিদোষজে|| সুরসার্জকনির্যাসঃ সমধুব্যোষসৈন্ধবঃ| মহাশ্লেষ্মানিলোদ্রেকসংজ্ঞানাশবিমোক্ষণঃ||" [ইতি| সিদ্ধযোগে তু (জ্ব. শ্লো. ১৫৩) ]-"মধূকসারসিন্ধূত্থবচোষণকণাঃ সমাঃ| শ্লক্ষ্ণং পিষ্ট্বাঽম্ভসা নস্যং কুর্যাত্সংজ্ঞাপ্রবোধনম্|| (শ্লো. ১৫১)-মাতুলিঙ্গার্দ্রকরসং কোষ্ণং ত্রিল্বণান্বিতম্| অন্যদ্বা সিদ্ধিবিহিতং নস্যং তীক্ষ্ণং প্রযোজযেত্|| তেন প্রভিদ্যতে শ্লেষ্মা প্রভিন্নশ্চ প্রসিচ্যতে| শিরোহৃদযকণ্ঠাস্যপার্শ্বরুক্ চোপশাম্যতি|| (শ্লো. ১৪৭)-আর্দ্রকস্বরসোপেতং সৈন্ধবং কটুকত্রযম্| আকণ্ঠং ধারযেদাস্যে নিষ্ঠীবেচ্চ পুনঃপুনঃ|| তেনাস্য হৃদযে শ্লেষ্মা মন্যাপার্শ্বশিরোগলাত্| লীনোঽপ্যাকৃষ্যতে শুষ্কো লাঘবং চাস্য জাযতে|| পর্বভেদো জ্বরো মূর্চ্ছা নিদ্রাকাসগলামযাঃ| মূখাক্ষিগৌরবং জাড্যমুত্ক্লেশশ্চোপশাম্যতি|| সকৃদ্দ্বিত্রিচতুঃ কুর্যাদ্দৃষ্ট্বা দোষবলাবলম্| এতদ্ধি পরমং প্রাহুর্ভেষজং সন্নিপাতিনাম্|| স্বিন্নমামলকং পিষ্ট্বা দ্রাক্ষাভিঃ সহ সংসৃজেত্| বিশ্বভেষজসংযুক্তং মধুনা সহ লেহযেত্|| তেনাস্য শাম্যতে মূর্চ্ছা কাসঃ শ্বাসস্তথৈব চ|| কট্ফলং পৌষ্করং শৃঙ্গী ব্যোষং যাসশ্চ কারবী| শ্লক্ষ্ণচূর্ণীকৃতং চৈতন্মধুনা সহ লেহযেত্|| এষাঽবলেহিকা হন্তি সন্নিপাতং সুদারুণম্| হিক্কাং শ্বাসং চ কাসং চ কণ্ঠরোধং নিযচ্ছতি| এতদ্যোজ্যং কফোদ্রেকে চূর্ণমার্দ্রকজৈ রসৈঃ|| সর্বেষু সন্নিপাতেষু ন ক্ষৌদ্রমবচারযেত্| শীতোপচারি ক্ষৌদ্রং স্যার্চ্ছিতং চাত্র বিরুধ্যতে|| ক্রিযাভিস্তুল্যরূপাভিঃ ক্রিযাসঙ্কর্যমিষ্যতে| ভিন্নরূপতযা তাস্তু ন তু কুর্বন্তি দূষণম্|| (শ্লো. ১৫৪)-শিরীষবীজগোমূত্রকৃষ্ণামরিচসৈন্ধবৈঃ| অঞ্জনং স্যাত্প্রবোধায সরসোনশিলাবচৈঃ|| যদা তুল্যানিলকফৌ তালুক্লোমগলাশ্রিতৌ| কুর্যাত্তাবধিকং শোষং জিহ্বাযাঃ খরতাং তথা|| তথা তাং স্ফুটিতাং জিহ্বাং সংশুষ্কাং মধুপিষ্টযা| দ্রাক্ষযা সঘৃতং চাস্য লেপযেত্সন্নিপাতিনঃ|| স্বেদোদ্গমে ভৃষ্টকুলিত্থ চূর্ণনিপাতনং শস্তমিতি ব্রুবন্তি|" ইতি| বঙ্গসেনে তু (জ্ব.শ্লো. ৫০৩)-"দুর্গেঽম্ভসি যথা মজ্জদ্ভাজনং ত্বরযা বুধঃ| গৃহ্ণীযাত্তলমপ্রাপ্তং তথাঽভিন্যাসপীডিতম্|| কারবীপুষ্করৈরণ্ডত্রাযন্তীনাগরামৃতাঃ| দশমূলীশঠীশৃঙ্গীবাসাভার্গীপুনর্নবাঃ|| তুল্যা মূত্রেণ নিষ্ক্বাথ্য পীতাঃ স্রোতোবিশোধনাঃ| অভিন্যাসজ্বরাযাসমাশু ঘ্নন্তি সমুদ্ধতম্|| মাতুলুঙ্গাশ্মভিদ্বিল্বব্যাঘ্রীপাঠোরুবূকজঃ| ক্বাথো লবণমূত্রাদ্যোঽভিন্যাসানাহশূলনুত্|| ব্যাঘ্রীদুরালভাভার্গীশঠীশৃঙ্গি সপৌষ্করম্| পক্বাম্বু শ্লেষ্মহৃত্পেযমভিন্যাসপ্রশান্তযে|| ভার্গী পুষ্করমূলং চ রাস্না বিল্বং সমুস্তকম্| নাগরং দশমূলং চ পিপ্পল্যাসু চ সাধিতম্| হিঙ্গ্বার্দ্রকরসোপেতং পিপ্পলীচূর্ণসংযুতম্|| সন্নিপাতজ্বরং ঘোরমভিন্যাসং চ দারুণম্| হৃত্পার্শ্বশূলমানাহং সদ্যঃপীতং নিযচ্ছতি|| বীজপূরকবিল্বাশ্মভেদকং বৃহতীদ্বযম্| সকেশীকং তথৈরণ্ডং জলে চাষ্টগুণে শৃতম্|| পক্বগোমূত্রসংযুক্তং বিডসৌবর্চলান্বিতম্| হৃদ্বস্তিশূলে সানাহেঽপ্যভিন্যাসজ্বরে হিতম্|| দন্তীং দ্রবন্তীং বৃহতীং সৈরণ্ডং [ বীজপূরকম্| শ্যামাং ব্যাঘ্রীং চ নিষ্ক্বাথ্যাভিন্যাসে বহুবর্চসি|| সিংহী ব্যাঘ্র্যমৃতা দ্রাক্ষা অজাজী সকটুত্রিকম্| শৃঙ্গীবিডঙ্গ চ সমং পক্ত্বা বিস্রাব্য সাধযেত্|| ঘৃতাক্তৈস্তণ্ডুলৈর্ভৃষ্টৈঃ পেযামুষ্ণাং জ্বরী পিবেত্| হিক্কী শ্বাসী চ কাসী চ তথাঽভিন্যাসপীডিতঃ| বিবদ্ধবাতবিণ্মূত্রে পানমস্য প্রযোজযেত্|| বৃহতী পৌষ্করং ভার্গী শঠী শৃঙ্গী দুরালভা| পক্ত্বা পানং প্রশংসন্তি শ্লেষ্মা তেনাস্য শাম্যতি|| ত্রিবৃদ্ধিশালাত্রিফলাকটুকারগ্বধৈঃ কৃতঃ| সক্ষারো ভেদনঃ ক্বাথঃ পেযঃ সর্বজ্বরাপহঃ|| তিক্তাঽভযা ত্রিবৃত্তীর্ণা ত্রাযন্তী রাজবৃক্ষকঃ| ক্ষারাঢ্যঃ সৈন্ধবোপেতঃ ক্বাথো ভেদী জ্বরাপহঃ|| শিরীষবীজং মরিচং বস্তমূত্রেণ তত্সমম্| অঞ্জনং তদভিন্যাসে সংজ্ঞাবোধনমিষ্যতে|| মাতুলুঙ্গরসং তস্য হিঙ্গুশুণ্ঠীযুতং মুখে| দদ্যাত্প্রবোধনং তীক্ষ্ণং কটুতিক্তোপসংহিতম্|| ত্বগেলাপত্রসুষবীবৃহতীকণ্টকারিকাঃ| মরীচং পিপ্পলী বিল্বং চিরিবিল্বং সচিত্রকম্|| করঞ্জবীজং মঞ্জিষ্ঠা ত্রাযন্তী বিশ্বভেষজম্| গলপ্রবোধনং শ্রেষ্ঠমভিন্যাসজ্বরাপহম্|| করঞ্জবহ্নিমঞ্জিষ্ঠাত্রাযন্তীবিশ্বকূলকম্| কূলকং-পটোলম্| বৃহত্যৌ সুষবী ব্যোষং ক্বাথঃ স্যাদ্গলশোধনঃ|| ইত্যভিন্যস উদ্দিষ্টঃ সরূপঃ সচিকিত্সিতঃ| চিকিত্সিতে কৃতেঽপ্যেবং [যস্য সংজ্ঞা ন জাযতে| ললাটে পাদযোর্বাঽপি ] তস্য দাহঃ প্রশস্যতে|| (শ্লো. ৪৯০)-জ্যোতিষ্মত্যাস্তথা তৈলং মূলং পিণ্ডালুকস্য চ| তন্দ্রীবিনাশনং শ্রেষ্ঠং নস্য কর্মণি যোজিতম্|| সৈন্ধবং শ্বেতমরিচং সর্ষপং কুষ্ঠমেব চ| বস্তমূত্রেণ পিষ্টানি নস্যং তন্দ্রীনিবারণম্|| অসুরাহ্নপতঙ্গস্য বিট্ চূর্ণং মধুসংযুতম্| অঞ্জনাদ্বোধযেন্মুগ্ধং তন্দ্রিতং সন্নিপাতিনম্|| জাতীপুষ্পং প্রবালং চ রোহিণী মরিচং বচা| সৈন্ধবং বস্তমূত্রেণ তন্দ্রীনাশনমুত্তমম্|| অযোরজঃ শ্বেতরোধ্রমঞ্জনং মরিচং তথা| গোপিত্তেন সমাযুক্তং তন্দ্রীনাশনমুত্তমম্||" ইতি| ইতি সন্নিপাতজ্বরঃ|

সর্বাঙ্গসুন্দরী ব্যাখ্যা ( কৃত)

স০-মধূকপুষ্পাদিকং কালে-শাস্ত্রোক্তে, শীতকষাযং পিবন্ জ্বরান্ সর্বান্-একদোষদ্বিদোষজান্, অপোহতি| "উপসর্গাদস্যত্যূহ্যোর্বেতি বাচ্যম্" ইতি পরস্মৈপদম্| জাতিপল্লবা আমলকানি মুস্তং ধন্বযাসকং তদ্বত্-পূর্ববচ্ছিতকষাযং কল্পযিত্বা পিবন্ সর্বান্ জ্বরান্ হন্তি| ধন্বযবাসকং চেতি চশব্দোঽত্র লুপ্তো দ্রষ্টব্যঃ| তদেতৈশ্চতুর্ভির্দ্রব্যৈরেতত্ পাচনম্| কেচিত্তু ধন্বযবাসকং পৃথগেবেচ্ছন্তি| তস্মাদেতত্কৃতোঽপি কষাযঃ পূর্ববদ্বোধ্যঃ|

আযুর্বেদরসাযনম্ ব্যাখ্যা ( কৃত)

আ০ র০-অথ জ্বরসামান্যম্| তত্র শমনমাহ-মধূকপুষ্পেতি| তচ্চ ত্রিধা-মধুকপুষ্পাদিদশকং জাত্যাদিত্রিকং ধন্বযাসকং চেতি| ত্রযোঽপি শীতকষাযাঃ |

সর্বাঙ্গসুন্দরী ব্যাখ্যা ( কৃত)

স০-তথা চ বদ্ধবিট্ পুরুষঃ কটুকাদিকং কষাযং পিবেদিতি বর্ততে, ন তু হিমমিতি| শীতস্য মলস্তম্ভহেতুত্বাদস্য চৌষধস্য শোধনরূপত্বাত্| গুডা-সুধা, গুড ইত্যন্যে|

আযুর্বেদরসাযনম্ ব্যাখ্যা ( কৃত)

আ০ র০-বদ্ধবিট্কস্য শোধনমাহ-বদ্ধবিডিতি| শীতকষাযে গুডপ্রক্ষেপঃ| ইতি জ্বরৌষধানি|

সর্বাঙ্গসুন্দরী ব্যাখ্যা ( কৃত)

স০-জীর্ণং-পরিণতং, ঔষধং যস্য স জীর্ণৌষধঃ সন্, পেযাদ্যমেব পূর্বোক্তমন্নং ভুঞ্জীত| অদ্যত ইত্যন্নম্, ইতি কৃত্বা পেযাদেরপ্যন্নত্বম্| আদিশব্দেন যূষাদিপরিগ্রহঃ|

আযুর্বেদরসাযনম্ ব্যাখ্যা ( কৃত)

আ০ র০-অথ জ্বরৌষধানন্তরং পথ্যানি| তত্র পেযাদ্যং পথ্যমাহ-জীর্ণৌষধোঽন্নমিতি| তচ্চ লঙ্ঘনানন্তরৌষধদানবিষযম্| পেযাদ্যনন্তরৌষধদানে রসৌদনপর্যন্তপথ্যসেবানিষ্পত্তেঃ পুনঃ পেযাদিক্রমস্যানুচিতত্বাত্| আদ্যশব্দাদ্যূষৌদনাদযঃ| সিদ্ধযোগে তু (জ্ব.শ্লো. ৮৪)-"অনুলোমোঽনিলঃ স্বাস্থ্যং ক্ষুত্তৃষ্ণা সুমনস্কতা| লঘুত্বমিন্দ্রিযোদ্গারশুদ্ধির্জীর্ণৌষধাকৃতিঃ| ক্লমো দাহোঽঙ্গসদনং ভ্রমো মূর্চ্ছা শিরোরুজা| অরতির্বলহানিশ্চ সাবশেষৌষধাকৃতিঃ|| ঔষধশেষে ভুক্তং পীতং চ তথৌষধং চ শেষেঽন্নে| ন করোতি গদোপশমং প্রকোপযত্যন্যরোগাংশ্চ||" ইতি|ন চ সর্বঃ কশ্চিত্পেযাদিক্রমাচরেদিত্যাহ|

সর্বাঙ্গসুন্দরী ব্যাখ্যা ( কৃত)

স০-শ্লেষ্মবান্ন তু-জীর্ণৌষধোঽপি শ্লেষ্মবান্নরঃ পেযাদিকং না শ্নীযাত্| কিম্ ? ইত্যাহ-পেযেত্যাদি| যতঃ পেযা কফং বর্ধযতি--বিলীনরুপস্য কফস্য স্ত্যানভাবতামুত্পাদযন্তী সংস্থানবিশেষমুপর্যুপরিভাবতযোপচযমুত্পাদযতি, ন তু সা কফং সাক্ষাদ্বর্ধযতি, ইতি বর্ধযতেরর্থঃ, অনেকার্থত্বাদ্ধাতূনামিতি, এষচার্থোঽনুরূপতন্ত্রকারদৃষ্টান্তদর্শনাদবগম্যতে| তথা চাহপঙ্কং পাংসুষু বৃষ্টিবদিতি| যথা,-পাংসুষু বৃষ্টিঃ পতিতা ন তু পঙ্কং বর্ধযতি-শিথিলরূপতাং পাংসূনামপাস্য নিবিডরূপতামিব তেষামুত্পাদযতি| ন পাংসূন্ বৃষ্টির্বর্ধযতি-আধিক্যং নযতি, ন বর্ধযতেঽত্রা(ত্যেত্য)র্থঃ| তন্ত্রকারস্যার্থ এবং বিবক্ষিতো ভবিষ্যত্ তদানীমত্রৈবং স্পষ্টমেব দৃষ্টন্তমদর্শযিষ্যত্| যথা-"পেযা কফং বর্ধযতি যথা বৃষ্টির্নদীজলম্|" ইতি| তচ্চ তন্ত্রকারোঽমুনৈবানুসারেণাহ-

আযুর্বেদরসাযনম্ ব্যাখ্যা ( কৃত)

আ০ র০-শ্লেষ্মজ্বরে পেযাং নিষেধযতি-শ্লেষ্মবান্ন ত্বিতি| পেযানিষেধে যুক্তিমাহ-পেযা কফং বর্ধযতি পঙ্কং পাংসুষু বৃষ্টিবত্| শ্লেষ্মাভিষবদেহানামিতি| যথা পাংসুষু পতিতা বৃষ্টিঃ পঙ্কং বর্দ্ধাযতি তথা শ্লেষ্মাভিষবে-কফক্লিন্নে দেহে, পতিতা পেযা কফং বর্দ্ধযতি|

সর্বাঙ্গসুন্দরী ব্যাখ্যা ( কৃত)

স০-আভিষ্যণ্ণ ইতি, অভিপূর্বাত্স্যন্দেঃ স্রবণার্থো ব্যুত্পাদিতঃ| শ্লেষ্মণা-স্রুতিরূপেণৈব, অভিষ্যণ্ণঃ-ক্লিন্ন ইব, দেহো যেষাং তে শ্লেষ্মাভিষ্যণ্ণদেহাঃ, তেষাম্, অতো জ্বরিণাং প্রাগপি প্রথমপথ্যাবসরেঽপি, যূষান্ যোজযেত্| কিমুত শ্লেষ্মবতঃ পুংসো জীর্ণৌষধস্য যূষান্ন যোজযেত্ ? ইত্যপিশব্দস্যর্থঃ| কিম্ভূতান্ ? কুলত্থাদিকৃতান্| তথা, লঘূন্| ননু, কুলত্থাদীনাং লঘুত্বাত্তত্কৃতা যূষা লঘব এব ভবিষ্যন্তি| তত্কিং লঘূনিত্যনেন ? অত্রোচ্যতে| শম্বীধান্যানাং মধ্যে গুরবোঽপি রাজমাষমাষাদযঃ সন্তি, তন্নিবৃত্ত্যর্থমেতত্| অপি চ, লঘূনিত্যনেন যূষপ্রকৃতিদ্রব্যৈরল্পপরিমাণৈঃ কৃতানিতি দ্যোতযতি| যতোঽল্পপরিমাণৈঃ কুলত্থাদিভিঃ কৃতা লঘুতরাঃ স্যুঃ, তস্মাল্লঘূনিতি যুক্তম্| তথা, রূক্ষান্-ঘৃতভর্জনকাদিরহিতান্| তথা, তিক্তরসযুক্তান্| তথা, হৃদ্যান্-ইষ্টরসগন্ধবর্ণস্পর্শযুক্তত্বাচ্চেতস আহ্লাদকরান্| তথা, রুচিকরান্-জ্বরিণোঽন্যস্য বা রোচিষ্ণূন্| তথা, পটূন্-সলবণান্|

আযুর্বেদরসাযনম্ ব্যাখ্যা ( কৃত)

আ০ র০-পেযাস্থানে যূষমাহ-অতঃ প্রাগপীতি| প্রাগপি-"যুক্তং লঙ্ঘিতলিঙ্গৈস্তু তং পেযাভিরুপাচরেত্|" (শ্লো. ২৪) ইত্যত্রাপি| লঘূন্-সম্যক্পাকেন| রূক্ষান্-অকৃতত্বেন ধান্যস্যানবত্বেন [ চ ]| পটূন্-সৈন্ধবযোগেন|

সর্বাঙ্গসুন্দরী ব্যাখ্যা ( কৃত)

স০-রক্তাদ্যাঃ-"রক্তো মহান্ সকলমঃ" (হৃ.সূ.অ.৬/৯) ইত্যাদযঃ| তথা, ষষ্টিকা ব্রীহ্যাদযোঽপি, জীর্ণাঃ-পুরাণাঃ, হিতাঃ-পথ্যাঃ| শ্লেষ্মোত্তরে-প্রভূতশ্লেষমণি জ্বরে, বীততুষাঃ-অপনীতত্বচো, যবাশ্চ পথ্যাঃ| কীদৃশাঃ ? বাটীকৃতাঃ-ভৃষ্টবিদলীকৃতা ইত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-পথ্যযোগ্যং ধান্যমাহ-রক্তাদ্যা ইতি| বাটীকৃতাঃ-বাধত্বং নীতাঃ| বাধত্বং-ভৃষ্টস্য শকলীকরণম্|

সর্বাঙ্গসুন্দরী ব্যাখ্যা ( কৃত)

স০-ওদনস্তৈঃ-রক্তাশাল্যাদিভিঃ পূর্বোক্তৈশ্চ, কৃতো জ্বরিণো যথাযথং যো যস্য দানে যোগ্যঃ স তস্য প্রযোক্তব্যঃ| কিম্ভূতঃ ? দ্বিস্ত্রিঃ স্রুতো-দ্বৌ বারৌ ত্রীন্ বারান্ বা জলং দত্ত্বা ধাতঃ| কথং প্রযোজ্যঃ ? দোষদূষ্যাদিবলেন| জ্বরঘ্নৈঃ-জ্বরাপহৈর্দ্রব্যৈঃ, ক্বাথং কৃত্বা, তেন ক্বাথেন সাধিতঃ| দোষস্য-বাতাদের্বলং তথা দূষ্যস্য রসাদের্বলমপেক্ষ্য, আদিগ্রহণাদ্দেশকালবযঃ সত্ত্বসাত্ম্যশরীরাহারবলং গৃহ্যতে| একাহাদিকানাং জ্বরিণামকৃতপেযানামেব কুলত্থমুদ্গচণকাদিযূষা উক্তাঃ| সম্প্রতি সামান্যেন জ্বরিণাং কৃতপেযানাং যূষাদীনাহ-

আযুর্বেদরসাযনম্ ব্যাখ্যা ( কৃত)

আ০ র০-ওদনবিধিমাহ-ওদনস্তৈরিতি| তৈঃ-রক্তশাল্যাদিভিঃ, দ্বিস্ত্রির্বা স্রুতো-যূলিতঃ(?), উদকান্তরপ্রক্ষেপেণ|

সর্বাঙ্গসুন্দরী ব্যাখ্যা ( কৃত)

স০-মুদ্গাদ্যৈঃ-শিম্বীধান্যৈঃ, লঘুভিঃ কৃতা যূষাস্তথা কুলত্থৈঃ কৃতা যূষা জ্বরঘ্নাঃ| মুদ্গাদ্যৈরিত্যাদিঃ প্রকারে| তেন সুজরা মুদ্গচণককুলত্থমকুষ্টমসূরাদযো গৃহ্যন্তে| মুদ্গশব্দস্যাদৌ নির্দেশ ইদং বোধযতি,-যূষসাধ্যে ব্যাধৌ বাহুল্যেন মুদ্গযূষঃ কার্যঃ, মুদ্গানাং পথ্যতমত্বাত্| তথা চোবাচ মুনিঃ (ছ.সূ.অ.২৫/৩৮)- "মুদ্গঃ শিম্বীধান্যানাং পথ্যত্বে শ্রেষ্ঠতমঃ|" ইতি| ননু, মুদ্গাদ্যৈরিত্যাদিশব্দেনৈব কুলত্থা গৃহিতা এব, কিং পৃথঙ্নির্দেশেন ? ব্রূমহে| কুলত্থযূষস্য জ্বরবিষযে বিরলঃ প্রযোগঃ কার্য ইতি সূছযিতুং পৃথক্কৃতো নির্দেশ ইতি| তথা ছ কুলত্থা এবংগুণাঃ (হৃ.সূ.অ.৬/১৯)- "উষ্ণাঃ কুলত্থাঃ পাকেঽম্লাঃ শুক্রাশ্মশ্বাসপীনসান্| কাসার্শঃ কফবাতাংশ্চ ঘ্নান্তি পিত্তাস্রদাঃ পরম্|| ইতি| এবমুষ্ণত্বাদম্লবিপাকিত্বাদতিপিত্তাস্রকারিত্বাত্ কুলত্থানাং যূষো বহুদ্রব্যপরিমাণো বহুমাত্রোপযুক্তো জ্বরস্য ন শান্তযে সম্পদ্যতে, প্রত্যুত বৃদ্ধযে স্যাদিতি সম্ভাব্যতে, পিত্তবিরুদ্ধত্বাত্| তস্মাদল্পপরিমাণদ্রব্যসাধিতোঽল্পমাত্রযা কুলত্থযূষঃ শ্লেষ্মাদ্যুপশমকৃদ্যাবন্মাত্রঃ স্যাত্তাবানেব প্রযোজ্যত ইতি স্থিতম্|

আযুর্বেদরসাযনম্ ব্যাখ্যা ( কৃত)

আ০ র০-যূষদ্রব্যাণ্যাহ-মুদ্গাদ্যৈরিতি|

সর্বাঙ্গসুন্দরী ব্যাখ্যা ( কৃত)

স০-কারবেল্লকাদিভী রসা জ্বরে হিতাঃ| মুনিস্তু কারবেল্লকাদীনাং শাকত্বমেবেচ্ছতি (চ.চি.অ.৩১১৮৭)| খরণাদেঽপ্যুক্তম্-"পটোলং সফলং নিম্বং কর্কোটককঠিল্লকম্| শাকং পর্পটকং চ স্যাত্" ইতি| তথা জাঙ্গলৈঃ-জাঙ্গলদেশপ্রাণিজৈস্তদভাবাত্তত্তুল্যৈরন্যদেশপ্রাণিজৈরপি, মংসৈর্হিতা রসা ব্যাঘ্র্যাদিভিঃ সংস্কৃতাস্তথা পিপ্পল্যাদিভিঃ সংযুতা ইতি বক্ষ্যমাণেন সম্বন্ধঃ| সংস্কারমাত্রযোগভাজঃ পিপ্পল্যাদযোঽত্র যোজ্য ইত্যর্থঃ| প্রাযেণ কেচিদেব সিতামধুভ্যাং যুক্তা অবস্থাবশাত্, ন তু সর্ব এব| কিম্ভূতা রসা যূষাশ্চৈবংবিধাঃ কার্যাঃ ? কৃতাকৃতাঃ| পানকদাডিমাজাজীশুণ্ঠ্যাদ্যৈরপি সংস্কৃতা যূষা রসাশ্চ-কৃতাঃ| বিপরীতাস্ত্বতঃ-অকৃতাঃ|

আযুর্বেদরসাযনম্ ব্যাখ্যা ( কৃত)

আ০ র০-খলদ্রব্যাণ্যাহ-কারবেল্লকেতি| নিম্বস্য কুসুমম্| পটোলস্য ফলং পল্লবশ্চ| রসা ইতি বক্ষ্যমাণমত্রযোজ্যম্| খলত্বং তু ধান্যমাংসেতরকৃতত্বাত্|| রসদ্রব্যাণ্যাহ-অত্যন্তলঘুভিরিতি| যূষাদীনামুপকরণদ্রব্যাণ্যাহ-ব্যাঘ্রীপরূষেতি| তানি চ ব্যাঘ্র্যাদীনি ত্রযোদশ| প্রযেণৈতান্যন্যান্যপ্যবস্থাবশাত্ প্রযোজ্যানি| তে তু যূষাদযঃ সংস্কৃতাঃ সংযুতা বা কার্যাঃ| প্রক্ষেপ্যাপনযনেন সংস্কৃতত্বম্, অনপনযনেন সংযুতত্বম্| প্রক্ষেপশ্চ যথাযোগং ক্বথনকালে ক্বথনানন্তরং বা| স্নেহেন বিশিষ্টাঃ-কৃতাঃ, অবিশিষ্টাঃ-অকৃতাঃ, কটুপট্বম্লানামুক্তত্বাত্|

সর্বাঙ্গসুন্দরী ব্যাখ্যা ( কৃত)

স০-অনম্লেন তক্রেণ সিদ্ধানি| তথা, রুচ্যানি-অভ্যবহর্তুমভিলষিতানি| তথা, অচ্ছানি-তনূনি ন ঘনানি| তথা, অনলসম্পন্নানি-বহ্নিপক্বানি| কেচিদ্ধি তক্রমপক্বমেবাচ্ছীকৃত্য সংস্কৃত্য চ শুণ্ঠীজীরকাদিনাঽভ্যবহরন্তি তন্নিষেধাযৈতদুক্তম্| এবংবিধানি ব্যঞ্জনানি-তেমনানি রসকষাযাণী, ওদনেন সহাভ্যবহর্তব্যানি|

আযুর্বেদরসাযনম্ ব্যাখ্যা ( কৃত)

আ০ র০-ব্যঞ্জনবিধিমাহ-অনম্লতক্রসিদ্ধানীতি| ব্যঞ্জনানি-শাকানি| অচ্ছানি-ঘনানি| অনলসম্পন্নানি-সুপক্বানি|

সর্বাঙ্গসুন্দরী ব্যাখ্যা ( কৃত)

স০-অনুপানেঽপি-আতুরস্য পশ্চাত্পানেঽপি, তানি যোজযেত্| তথা ক্বথিতশীতং চ বারি মদ্যং চ, সাত্ম্যতঃ-সাত্ম্যবশাত্, অনুপানেঽপি যোজযেত্|

আযুর্বেদরসাযনম্ ব্যাখ্যা ( কৃত)

আ০ র০-অনুপানান্যাহ-অনুপানেঽপীতি| তানি-ব্যঞ্জনানি পানযোগ্যানি কৃতানি|

সর্বাঙ্গসুন্দরী ব্যাখ্যা ( কৃত)

স০-সজ্বরং নরং দিনান্তে ভোজযেত্,-অথবা জ্বরমুক্তং-অচিরকালজ্বরত্যক্তম্| কিম্ভুতং ভোজনং ভোজযেত্ ? লঘু,-মাত্রযা স্বভাবাত্ (চ) উভযথা যল্লঘু| কিমিত্যেতস্মিন্ কালে লঘু ভোজযেত্ ? ইত্যাহ-শ্লেষ্মেত্যাদি| তদা-তস্মিন্দিনান্তাখ্যে কালে, শ্লেষ্মক্ষযো যস্তেন বিবৃদ্ধ ঊষ্মা-স্বস্বভবো, যস্যানলস্য জাঠরাগ্রেরসৌ শ্লেষ্মক্ষযবিবৃদ্ধোষ্মাঽনলঃ| অত এব বলবান্ তদা পক্তুং শক্তঃ|

আযুর্বেদরসাযনম্ ব্যাখ্যা ( কৃত)

আ০ র০-পথ্যগ্রহণকালমাহ-সজ্বরং জ্বরমুক্তং বেতি| জ্বরমুক্তং তু-আবললাভাত্| দিনান্তে-পঞ্চদশে মুহূর্তে| লঘু-অল্পমাত্রম্| তদা-দিনান্তে|

সর্বাঙ্গসুন্দরী ব্যাখ্যা ( কৃত)

স০-অথবা যথোচিতে কালে সজ্বরং জ্বরমুক্তং বাঽঽতুরং ভোজযেত্| যস্য যস্য য উচিতঃ-সাত্ম্যঃ, আহারকালস্তস্মিন্ ভোজযেত্| যথোচিতে হি কালে প্রাযঃ ক্ষুদুপগমো জাযতে| কথং ভোজযেত্ ? ইত্যাহ-দেশেত্যাদি| দেশসাত্ম্যবশাত্ তং ভোজযেত্, নৈবমেব| ননু, এবং যস্য পূর্বাহ্ণে কালে ভোজনমুচিতং তদা তস্য ভোজনে দীযমানে কো গুণঃ স্যাত্ ? ইত্যাহ-

আযুর্বেদরসাযনম্ ব্যাখ্যা ( কৃত)

আ০ র০-দিনান্তস্যাপবাদমাহ-যথোচিতেঽথবেতি| দেশো-ভূমির্দেহশ্চ|

সর্বাঙ্গসুন্দরী ব্যাখ্যা ( কৃত)

স০-যস্মাদল্পবহ্নিঃ-মন্দাগ্নিঃ, পূর্বাহ্ণে ভুঞ্জানোঽজীর্ণেন ন পিড্যতে-ন বাধ্যতে| অধুনা সর্পিঃপানকালং নিরূপযতি-

আযুর্বেদরসাযনম্ ব্যাখ্যা ( কৃত)

আ০ র০-অপবাদাপবাদমাহ-প্রাগল্পবহ্নিরিতি| যোঽল্পবহ্নিঃ প্রাক্-দিনান্তে, ভুঞ্জানো হি-স্ফুটং, অজীর্ণেন ন বাধ্যতে, অন্যথা বাধ্যতে, তস্মাদ্দিনান্ত এব ভুঞ্জীত| অমন্দবহ্নিং প্রতি পূর্বোঽপবাদঃ|

সর্বাঙ্গসুন্দরী ব্যাখ্যা ( কৃত)

স০-কষাযস্য-মুস্তাপর্পটকাদেঃ, পানং কষাযপানম্, তেন| তথা, পথ্যান্নৈঃ-পেযাযূষাদিভিঃ, দশাহ ইতি-অনেন প্রকারেণ, লঙ্ঘিতে-অতিক্রান্তে| তথেতি প্রাযেণ ক্ষীণঃ কফঃ সম্ভাব্যতেঽতো দশাহে লঙ্ঘিত ইত্যুক্তম্| আমজ্বরসংজ্ঞানিবৃত্তিস্তু ষডহাদূর্ধ্বং সপ্তমেঽহ্ন্যষ্টমে বাঽহনি জ্বরস্য জাযতে| তথা চ মুনিঃ (চ. চি. অ. ৩/২৭২)- "সপ্তাহেন হি পছ্\যন্তে সপ্তধাতুগতা মলাঃ| নিরামশ্চাপ্যতঃ প্রোক্তো জ্বরঃ প্রাযোঽষ্টমেঽহনি||" ইতি| তস্মাত্ কষাযপানপথ্যান্নৈরিত্যাদিতো দশাহে লঙ্ঘিতে কফে মন্দে-ক্ষীণপ্রাযে, সর্পিদদ্যাত্| কিম্ভূতে জ্বরে ? বাতপিত্তোত্তরে,- বাতপিত্তাধিকে| অস্যামবস্থাযাং পক্বেষু-নিরামেষু বাতাদিদোষেষু, সর্পির্দদ্যাত্| পক্বেষু সর্পির্দত্তমমৃতং-মহাগুণমিত্যর্থঃ| অন্যথা পুনঃ অপক্বেষু দোষেষু কফোত্তরে, তত্সর্পির্দত্তং বিষোপমং-বিষতুল্যং, দশাহেঽতিক্রান্তেঽপি স্যাত্| অতোঽস্যামবস্থাযাং সর্পির্দত্তং জ্বরস্য তদুপদ্রবাণাং চ বৃদ্ধিং করোতি, তস্মাদস্যামবস্থাযাং সর্পিঃপানমযুক্তম্| তত্র-কফোত্তরে জ্বরে সতি, লঙ্ঘনাদিক্রমং কুর্যাত্| কিযন্তং কালম্ ? আকফসঙ্ক্ষ্যাত্,- যাবত্কফস্য-জ্বরকারিণোঽধিকস্য, সঙ্ক্ষ্যঃ-সম্যক্ ক্ষযঃ, ন ধাতুক্ষযোঽপি যাবত্| যতঃ কফজ্বরেঽপি বিডঙ্গাদিসর্পির্বক্ষ্যতি (শ্লো. ৯৩)| অথ জীর্ণজ্বরচিকিত্সামাহ-

আযুর্বেদরসাযনম্ ব্যাখ্যা ( কৃত)

আ০ র০-অসর্পিষ্কস্য ভোজনস্যাবধিমাহ-কষাযপানপথ্যান্নৈরিতি| পক্বেষু দোষেষু দশাহেঽনতীতেঽপ্যমৃতোপমং সর্পিঃ| অপক্বেষ্বতীতেঽপি বিষোপমম্, জ্বরোপদ্রববর্ধনাত্| তত্র-তথাবিধে চিরপাকজ্বরে, লঙ্ঘনাদিক্রমমেব কুর্যাত্, ন সসর্পিষ্কভোজনাদিষ্টং [বৃং]হণক্রমম্| সিদ্ধযোগে তু পথ্যে বিশেষ উক্তঃ (জ্বরাধিকারে শ্লো. ৪২)- "শ্রমোপবাসানিলজে হিতো নিত্যং রসৌদনঃ|| মুদ্গযূষৌদনশ্চাপি দেযঃ কফসমুত্থিতে| স এব সিতযা যুক্তঃ শীতঃ পিত্তজ্বরে হিতঃ|| মুদ্গামলকযূষস্তু বাতপিত্তাত্মকে হিতঃ| মুদ্গামলকযূষস্তু গাঢবিট্কে বিধীযতে|| শুষ্কমূলকযূষস্তু কফবাতাত্মকে হিতঃ| নিম্বকূলকযূষস্তু হিতঃ পিত্তকফাত্মকে|| কূলকঃ-পটোলম্| লঘুনা পঞ্চমূলেন পিপ্পল্যা সহ ধান্যযা| মহত্যা পঞ্চমূল্যা তু ব্যাঘ্রীদুঃস্পর্শগোক্ষুরৈঃ|| সিদ্ধানি ভিষগন্নানি প্রযুঞ্জীত যথাক্রমম্| বাতপিত্তে শ্লেষ্মপিত্তে কফবাতে ত্রিদোষজে|| (শ্লো. ১৬৪)-যবকোলকুলত্থানাং মুদ্গমূলকশুণ্ঠযোঃ| একৈকং মুষ্টিমাহৃত্য পচেদষ্টগুণে জলে|| পঞ্চমুষ্টিক ইত্যেষ বাতপিত্তকফাপহঃ| শস্যতে গুল্মশূলে চ শ্বাসে কাসে ক্ষযে জ্বরে|| মূলকশুণ্ঠঃ-শুষ্কমূলকম্| পঞ্চমুষ্টিকযূষেণ ত্রিকণ্টককৃতেন বা| আদোষশমনাত্পথ্যং ত্রিকণ্টেনৈব সাধযেত্|| মহাদাহো বিধাতব্যো যূষশ্চণকসম্ভবঃ| মুস্তাপর্পটকৈরাতো নির্যূহেন প্রসাধিতঃ|| কফপিত্তজ্বরহরো যূষো ধান্যপটোলযোঃ| (বঙ্গসেনে জ্বরা. শ্লো. ৪১৬)-যবকোলকুলত্থৈস্তু মুদ্গমূলকশুণ্ঠকৈঃ|| ধান্যাকবিশ্বৈঃ সংযুক্তৈর্যূষো বাতকফাপহঃ| সপ্তমুষ্টিক ইত্যেষ সন্নিপাতজ্বরাপহঃ|| কফবাতামদোষঘ্নঃ কণ্ঠহৃদ্বক্ত্রোশোধনঃ||" ইতি| ইতি নবজ্বরঃ|

সর্বাঙ্গসুন্দরী ব্যাখ্যা ( কৃত)

স০-জীর্ণঃ-পুরাণো জ্বরঃ, অনুবর্ততে-অনুবধ্নাতি| কুতঃ ? দেহধাত্ববলত্বাত্| দেহধাতবঃ-তদারম্ভকা রসরুধিরাদযঃ, দেহগ্রহণাদ্বাতপিত্তশ্লেষ্মাণোঽপি ধারণাদ্ধাতব উচ্যন্তে| দেহধাতূনামবলত্বং-স্বল্পত্বম্| তস্মাচ্চ জীর্ণো জ্বরোঽনুবধ্নাতি, ন স্বভাবমাত্রাদেব, ইতি চশব্দস্যার্থঃ| জীর্ণজ্বরস্য শান্ত্যর্থং দেহবলাধানার্থং চ সর্পিঃপানং হিতমিতি প্রতিপাদযন্নাহ-

আযুর্বেদরসাযনম্ ব্যাখ্যা ( কৃত)

আ০ র০-অথ জীর্নজ্বরঃ| তত্র জীর্ণজ্বরানুবৃত্তৌ হেতুমাহ-দেহধাত্ববলত্বাচ্চেতি| দেহস্যাবলবত্ত্বং-স্রোতসামদৃঢত্বম্| ধাতূনামবলত্বং-স্বস্রোতোভিসঞ্চরণাশক্তিঃ|

সর্বাঙ্গসুন্দরী ব্যাখ্যা ( কৃত)

স০-রূক্ষং যত্তেজস্তজ্জ্বরকৃত্| রূক্ষমিতি বচনাদ্দেহোষ্মা জাঠরোঽনলো গৃহ্যতে, তস্যৈব জ্বরকৃত্ত্বাত্| তথোক্তম্ (হৃংই.অ.২/৩)- "মলাস্তত্র স্বৈঃস্বৈর্দুষ্টাঃ" ইত্যাদি যাবত্| "জ্বরং নির্বর্তযন্তি তে|" ইত্যাদি জাঠরানলস্যৈব জ্বরকৃতত্বম্| তেন জ্বরকৃতা রূক্ষেণ তেজসা রূক্ষিতস্য চ পুংসঃ সর্পিঃ সংশমনম্| চশব্দাচ্চান্যস্যাপি| অত এবাহ-বমনেত্যাদি| বমনাদিভী রৌক্ষ্যকৃদ্ভিঃ কৃতৈস্তদানীং যঃ স্যাত্-ভবেত্, অতিবলঃ-প্রবৃদ্ধত্বাদতিসমর্থো ধাতুঃ| কো ধাতুঃ ? সহচারী,-যঃ সহ চরতি তচ্ছীলো বাতাখ্যো ধাতুরগ্নিনা সহ চরতি| ননু, এবং পরস্পরসহচরভাবত্বেঽগ্নিরপি বাযুনা সহ চরতি, ততোঽগ্নিস্বভাবত্বাত্ পিত্তাখ্যোঽপি ধাতুরিহ সহচারী প্রাপ্তঃ, তন্নিবৃত্ত্যর্থং সদাগতিরিত্যাহ| সদাগতিত্বং বাযোরেবান্বর্থত্বেনোপপদ্যত ইতি পিত্তস্যাগ্রহণম্| কিং কস্য যথা সংশমনম্ ? অম্বু বেশ্মনো-গৃহস্য, দীপ্তস্য-জ্বলিতস্য, জলং যথা|

আযুর্বেদরসাযনম্ ব্যাখ্যা ( কৃত)

আ০ র০-সর্পিঃপ্রযোগে যুক্তিমাহ-রূক্ষমিত্যাদি| হি-যস্মাত্, জীর্ণাবস্থাযাং নিরামং তেজো জ্বরং করোতি| তেন চ তেজসা রূক্ষিতস্য জ্বরিণঃ, তথা বমনাদিভির্নবজ্বরোপক্রমৈ রূক্ষিতস্য, সহচারী-সখা, পুনস্তদেব বর্ধযতি| ততো ধাতূন্ নযতি| তস্য-তথানুবৃত্তস্য জীর্ণজ্বরস্যানুবৃত্তৌ প্রধানভূতস্য বাযোঃ, সর্পিঃ সংশমনম্|

সর্বাঙ্গসুন্দরী ব্যাখ্যা ( কৃত)

স০-যস্মাদ্ধৃতং সর্বেষাং বাতপিত্তজিতামগ্র্যং যথা ন তথাঽন্যান্যৌষধানি বাতপিত্তজিন্তীতি| অত এব প্রাগভ্যধাত্ (শ্লো. ৮২)- "সর্পির্দদ্যাত্কফে মন্দে বাতপিত্তোত্তরে জ্বরে|" ইত্যাদি| যস্মাচ্ছ ঘৃতং সংস্কারমনুরুধ্যতে-অনুবর্ততে| গুণান্তরাধানং-সংস্কারঃ| তং চ যস্মাদ্ধৃতং সুষ্ট্বতিশযবৈলক্ষণ্যাদনুরুধ্যতে-আত্মসাত্করোতি| তৈলাদিরপি স্নেহঃ সংস্কারমনুবর্ততে| ন তু যথা ঘৃতং স্বশৈত্যমজহদেব সংস্কারমনুবর্তত ইতি| এতচ্ছ স্নেহবিধৌ প্রতিপাদিতমেব| অমুমেব ছ ন্যাযমঙ্গীকৃত্য মুনিরপ্যবোচত্ (চংই.অ.১/৪০)-"নান্যঃ স্নেহস্তথা কশ্চিত্ সংস্কারমনুবর্ততে| যথা সর্পিরতঃ সর্পিঃ সর্বস্নেহোত্তমং মতম্||" ইতি| হি-যস্মাত্, সুতরাং সংস্কারমনুরুধ্যতে ঘৃতম্, তস্মাদ্ধৃতং জীর্ণে বাতপিত্তোত্তরে নির্বিকল্পং দদ্যাত্| কীদৃশম্ ? যথাস্বৌষধসাধিতম্,-যথাযথং ব্যাধিপ্রতিপক্ষৈরৌষধৈঃ পক্বম্|

আযুর্বেদরসাযনম্ ব্যাখ্যা ( কৃত)

আ০ র০-সর্পির্দানং বিধত্তে-বাতপিত্তজিতামগ্ন্যমিতি| যত এবং অতস্তত্সর্পির্দদ্যাত্| সর্পির্পোঽপি তৈলং বাতহরমিতি চেত্তত্রাহ-বাতপিত্তজিতামগ্ন্যং পিত্তসংসৃষ্টশ্শ(বা)তাযু(?)| জীর্ণজ্বরে তৈলমপ্যৌষধসাধিতং তথেতি চেত্তত্রাহ-সংস্কারং চানুরুধ্যতে সুতরাম্| অত এব যথাস্বৌষধসাধিতমিত্যুক্তম্|

সর্বাঙ্গসুন্দরী ব্যাখ্যা ( কৃত)

স০-ঘৃতং বিপরীতং জ্বরোষ্মাণং জযেত্| জ্বরনির্বর্তক ঊষ্মাজাঠরোঽনলো, রূক্ষতীক্ষ্ণাদিগুণঃ স পক্তিস্থানান্নিরস্তো জ্বরনির্বর্তকো ঘৃতস্য স্নিগ্ধশীতত্বাদিগুণযোগাদ্বিপরীতঃ, এবং বিপরীতং জ্বরোষ্মাণং ঘৃতং জযেত্| পিত্তং চ শৈত্যতঃ-শৈত্যাদ্ধৃতং জযেত্, ন স্নেহাত্, "পিত্তং সস্নেহ" (হৃ.সূ.অ.১/১১) ইতি বচনাত্| স্নেহাত্-স্নিগ্ধত্বাত্, ঋতং বাতং জযেত্ ন তু শৈত্যাত্, "শীতোঽনিলঃ" (হৃ.সূ.অ.১/১১) ইতি বছনাত্| কফং স্নিগ্ধশীতত্বাদিনা তুল্যং যোগসংস্কারাভ্যাং জযেত্| যোগো-যুক্তিঃ কফজ্বরহরৈর্দ্রব্যৈঃ সহ যোজনা, সংস্কারো-গুণাধানম্, যোগশ্চ সংস্কারশ্ছ যোগসংস্কারৌ, তাভ্যাং ঘৃতং কফং জযেত্| ননু, বিপরীতং জ্বরোষ্মাণং ঘৃতং জযেদিতি ন ঘটতে, ঘৃতস্যাগ্নিবৃদ্ধিহেতুত্বাত্| তথা চ বক্ষ্যতি (হৃ.ছি.অ.১০/৬৮)-"স্নেহমেব পরং বিদ্যাদ্দুর্বলানলদীপনম্| নালং স্নেহসমিদ্ধিস্য শমাযান্নং সুগুর্বপি||" ইতি| অত্রাচক্ষ্মহে| ঘৃতং স্নেহনত্বদীপনত্বাভ্যাং বাতশমনং কুর্বঞ্জ্বরোষ্মাক্ষেপত্বং বাতস্য বিনির্বায জ্বরোষ্মণোঽপি রৌক্ষ্যতৈক্ষ্ণ্যাদিযুতস্য ঘৃতং বিপরীতগুণত্বাচ্ছমং করোতি, ন বৃদ্ধিম্| ননু, যথা স্নেহাদ্বাতং শমযতি তথা তত এব স্নেহাত্কিমিতি ঘৃতং সমানগুণত্বাত্ পিত্তং শমযতি ? বৄমঃ| জীর্ণজ্বরে লঙ্ঘনাদিভিরতিরূক্ষেণ জ্বরোষ্মণা পিত্তং রূক্ষ্মেব সম্পন্নং স্নেহভাগপরিক্ষযান্ন সস্নেহম্, অতঃ কথং কৃত্বা জ্বরযতু ?| তচ্চ ঘৃতং পিত্তমেব শমযতি, ন বাতং কোপযতি, দ্রব্যপ্রভাবত্বাত্সস্নেহনত্বাচ্চ|

আযুর্বেদরসাযনম্ ব্যাখ্যা ( কৃত)

আ০ র০-সর্পিষো ব্যাধিবিপরীতত্বং হেতুবিপরীতত্বং চাহ-বিপরীতং জ্বরোষ্মাণমিতি| বিপরীতং-উষ্ণম্| জ্বরং বাতমপি বিপরীতম্| কফস্তু শীতত্বাত্ স্নিগ্ধত্বাচ্চ তুল্যঃ, তমপ্যুষ্ণরূক্ষযোগসংস্কারাজ্জযেত্|

সর্বাঙ্গসুন্দরী ব্যাখ্যা ( কৃত)

স০-পূর্বে কষাযাঃ-প্রাগুক্তানি পাচনানি, সহ ঘৃতেন প্রযুঞ্জ্যাত্| কথম্ ? যথামলং-দোষানতিক্রমেণ|

আযুর্বেদরসাযনম্ ব্যাখ্যা ( কৃত)

আ০ র০-উক্তৈঃ ক্বাথৈঃ সর্পিঃপানমাহ-পূর্বে কষাযা ইতি| যথামলং-যথাদোষম্, বাতজ্বরে বাতজ্বরঘ্না ইত্যাদি| যে তু প্রাগেব সসর্পিষ্কা উক্তাঃ, তে ন জ্বরে দানার্থম্, তত্র চ ন সর্পিঃ প্রধানং চূর্ণাদ্যা বা, এতত্প্রযোগাত্| ইহ তু প্রধানম্, অত এব সমেন ক্বাথেন পেযম্, ভাগানুক্তৌ সমত্বাত্|

সর্বাঙ্গসুন্দরী ব্যাখ্যা ( কৃত)

স০-ত্রিপলাদীনি মসূরদলানি চৈষ ক্বাথো ঘৃতেন সহোপযোজিতো জ্বরকাসহা স্যাত্|

আযুর্বেদরসাযনম্ ব্যাখ্যা ( কৃত)

আ০ র০-কাসোপদ্রবকে জ্বরে সর্পিঃপ্রযোগমাহ-ত্রিফলেতি| মসূরদলান্তানি ক্বাথ্যানি|

সর্বাঙ্গসুন্দরী ব্যাখ্যা ( কৃত)

স০-পিপ্পলীত্যাদিভির্দ্রব্যৈঃ কল্কীকৃতৈর্ঘৃতচতুর্থাংশৈস্তোযেন চতুর্গুণেন ঘৃতাপেক্ষযা সাধিতং ঘৃতমাশু জ্বরং হন্তি, বিষমা গ্ন্যাদীংশ্চ|

আযুর্বেদরসাযনম্ ব্যাখ্যা ( কৃত)

আ০ র০-পিপ্পল্যাদিসিদ্ধংঘৃতমাহ-পিপ্পলীতি| ধাবনী-কণ্টকারী| তামলকী-ভূম্যামলকী| হিমং-চন্দনম্| পালনী-ত্রাযমাণা| সেব্যং-উশীরং| অত্র ঘৃতে দ্রবমুদকম্, পিপ্পল্যাদীনাং কল্কঃ|

সর্বাঙ্গসুন্দরী ব্যাখ্যা ( কৃত)

স০-তৈল্বকং ঘৃতং-বাতব্যাধিচিকিত্সিতোক্তং (অ.২১/৩২), ত্রিবৃতযা রহিত [ বাতিকে জ্বরে ] পিবেত্| পৈত্তিকে জ্বরে তিক্তকং কুষ্ঠচিকিত্সিতোক্তং (অ.১৯/২), তথা বৃষঘৃতং-রক্তপিত্তচিকিত্সিতোক্তং (অ.২/৪০), অত্রৈব বা বক্ষ্যমাণং (শ্লো.৯৪), যোজযেত্| পালনিকযা-ত্রাযন্ত্যা, যদ্ধৃতং পক্বং তচ্চ পিত্তজ্বরে যোজযেত্|

আযুর্বেদরসাযনম্ ব্যাখ্যা ( কৃত)

আ০ র০-তৈলবকাদিঘৃতান্যতিদিশতি-তৈল্বকমিতি| তৈল্বকং-বাতব্যাধিচিকিত্সিতোক্তং "পলাষ্টকং তিল্বকতো বরাযাঃ" (অ. ২১/৩২) ইত্যাদি| তত্র চ ত্রিবৃদুক্তা, সা প্রত্যাখ্যাতা| তিক্তকাদীনি ত্রীণি পিত্তজ্বরে| তচ্চ তিক্তকং-কুষ্ঠচিকিত্সিতোক্তং "পটোলনিম্বকটুকা" (অ. ১৯/২) ইত্যাদি| বৃষঘৃতং-রক্তপিত্তচিকিত্সিতোক্তং "সমূলমুস্তকং ক্ষুণ্ণং" (অ. ২/৪০) ইত্যাদি| পালনিকাঘৃতং-বিদ্রধিচিকিত্সিতোক্তং "কুডবং ত্রাযমাণাযাঃ" (অ. ১৩/১৩) ইত্যাদি|

সর্বাঙ্গসুন্দরী ব্যাখ্যা ( কৃত)

স০-বিডঙ্গাদিভিঃ পলপ্রমাণৌর্ঘৃতপ্রস্থং ক্ষীরতুল্যং চতুর্গুণজলং পচেত্| তচ্চোপযুক্তং জীর্ণো যঃ কফজ্বরস্তং হন্তি|

আযুর্বেদরসাযনম্ ব্যাখ্যা ( কৃত)

আ০ র০-কফজ্বরঘ্নং ঘৃতমাহ-বিডঙ্গসৌবর্চলেতি| বিডঙ্গাদীনাং দশানাং কল্কীকৃতানাং প্রত্যেকং পলম্| ঘৃতস্য প্রস্থং-দ্বাত্রিংশত্পলানি|

সর্বাঙ্গসুন্দরী ব্যাখ্যা ( কৃত)

স০-গুডূচ্যাদীনাং পঞ্চানাং পৃথ্ক্পৃথগ্রসকল্কাভ্যাং সিদ্ধাঃ পঞ্চ স্নেহাঃ জ্বরচ্ছিদো-জীর্ণজ্বরঘ্নাঃ স্যুরিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-গুডূচীঘৃতাদিপঞ্চকমাহ-গুডূচ্যা রসকল্কাভ্যামিতি| সঙ্গ্রহে তু (চি.অ. ২)-"বাসাগুডূচীত্রিফলাত্রাযমাণাযবাসকাত্| ক্বাথে ক্ষীরে চ বিপচেজ্জ্বরঘ্নং কল্কিতৈর্ঘৃতম্|| পিপ্পলীমুস্তমৃদ্বীকাচন্দনোত্পলনাগরৈঃ| বলাদুরালভামুস্তাত্রাযন্তীনিম্বপর্পটম্|| পঞ্চমূলং কনীযশ্চ ক্বাথযিত্বা ঘ্রুতং পচেত্| সক্ষীরং কল্কিতৈর্দ্রাক্ষামেদামলকষৌষ্করৈঃ|| শঠীতামলকীযুক্তৈস্তচ্চ জ্বরহরং পরম্| ক্ষযকাসশিরঃপার্শ্বহৃচ্ছূলাংসাভিতাপনুত্|| কুলত্থকোলত্রিফলাদশমূলযবান্ পচেত্| দ্বিপলান্ সলিলদ্রোণে পূতে পিষ্ট্বাঽক্ষিকান্ ক্ষিপেত্|| পঞ্চকোলকসপ্তাহ্ববযস্থানিম্বতুম্বরূন্| শঠীপুষ্করমূলার্কমূলপ্রতিবিষাবচাঃ|| কিরাততিক্তকং মুস্তং কর্কটাখ্যাং দুরালভাম্| নক্তমালমুভে পাঠে কটুকাশিগ্রুতেজিনীঃ|| সোমবল্কদ্বিরজনীকণ্টকীকণ্টকারিকাঃ| পটোলীহিঙ্গুগোজিহ্বাকেম্বুকং মদনাজ্জটাম্|| লবণানি পলাংশানি ক্ষারানর্দ্ধপলোন্মিতান্| প্রস্থং চাজ্যস্য তত্সিদ্ধং দীপনং কফবাতজিত্|| হৃত্প্লীহগ্রহণীগুল্মশ্বাসকাসার্শসং হিতম্| দীর্ঘজ্বরাভিভূতানাং জ্বরিণামমৃতোপমম্|| বযস্থা-গুডূচী| তেজিনী-মূর্বা| সোমবল্কঃ-কট্ফলঃ| কণ্টকীবিকঙ্কতঃ| মদনো-রাঠঃ| ক্ষারান্-যবক্ষারস্বর্জিকাক্ষারটঙ্কণক্ষারান্| মঞ্জিষ্ঠাতিবিষাপথ্যাবচানাগররোহিণীঃ| দেবদারু হরিদ্রাং চ দ্রোণেঽপাং পালিকান্ পচেত্|| ক্বাথেঽস্মিন্ সাধযেত্পিষ্টৈর্ঘৃতপ্রস্থং পিচূন্মিতৈঃ| শৃঙ্গবেরকণাহিঙ্গুদ্বিক্ষারপটুপঞ্চকৈঃ|| তত্কফাবৃতসর্বোত্থজ্বরিণামমৃতোপমম্| বর্ধ্মহিধ্মারুচিশ্বাসকাসপাণ্ডুবিকারিণাম্|| গলগ্রহপ্রমেহার্শঃপ্লীহাপস্মারশোষিণাম্| উদাবর্তপরীতানাং মন্দাগ্নিক্রিমিকোষ্ঠিনাম্||" ইতি| সিদ্ধযোগে তু (জ্বরাধিকারে শ্লো. ২৫৩)- "দশমূলীরসে সর্পিঃ সক্ষীরে পঞ্চকোলকৈঃ| সক্ষারৈর্হন্তি তত্সিদ্ধং জ্বরকাসাগ্নিমন্দতাম্| বাতপিত্তকফব্যাধীন্ প্লীহানং চপি পাণ্ডুতাম্|| অস্য ষট্পলেন দত্বা(?)সর্পিঃ প্রস্থম্, ষট্পলঃ কল্কঃ, ক্ষীরং সমম্, অর্থাদ্দশমূলীরসস্ত্রিগুণঃ| পঞ্চকোলৈঃ সসিন্ধূত্থৈঃ পালিকৈঃ পযসা সমম্| সর্পিঃপ্রস্থং শৃতং প্লীহবিষমজ্বরগুল্মনুত্||" ইতি| বঙ্গসেনে তু (জ্বরাধিকারে শ্লো.৭৩১)- "কল্যাণকং ষট্পলং বা ঘৃতং জীর্ণজ্বরে পিবেত্|| কুক্কুটং তরুণং সদ্যঃ শকৃত্পাদাস্যবর্জিতম্| তস্য মাংসস্য কুর্বীত শৃতং পলশতং ভিষক্|| বৃহতী কণ্টকারী চ শৃঙ্গী কর্কটকস্য চ| বদরাণি কুলিত্থাশ্চ ভার্গী হ্যামলকং তথা|| শকটী পুষ্করং মূলং পঞ্চমূলং মহত্তথা| এতত্তুলাং চ সঙ্গৃহ্য তদ্দ্বিদ্রোণেঽম্ভসঃ পচেত্|| পাদশেষং পরিস্রাব্য কষাযং গ্রাহযেদ্ভিষক্| ষড্গুণং ক্ষীরমাহৃত্য বিপচেত্তু ঘৃতাঢকম্|| তত্র কল্কীকৃতং দদ্যাদাশ্বত্থং পঞ্চমূলকম্| তত্সাধুসিদ্ধং বিজ্ঞায শুভে ভাণ্ডে নিধাপযেত্|| তস্য কালে পিবেন্মাত্রাং বলং দোষমবেক্ষ্য চ| জীর্ণে তস্মিংস্তু ভুঞ্জীত রক্তশাল্যোদনং মৃদু|| জীর্ণজ্বরোপসৃষ্টানাং শুষ্যতাং শ্বাসকাসিনাম্| প্রযোজ্যং কৌক্কুটং সর্পৈর্যক্ষ্মিণাং বিষমজ্বরে| লেখনং বৃংহণীযং চ বলবর্ণাগ্নিবর্ধনম্|| পঞ্চমূলকং-পঞ্চাঙ্গম্| বাসারিষ্টামৃতাভার্গীপঞ্চমূলফলত্রিকৈঃ| সযাসমধুকদ্রাক্ষাকাশ্মর্যৈরক্ষসম্মিতৈঃ|| ঘৃতপ্রস্থং বিপক্তব্যমেভির্মাত্রামতঃ পিবেত্| বৃদ্ধবাসাঘৃতং প্রোক্তমেতত্সর্বজ্বরাপহম্|| মাগধীচূর্ণকুডবং তস্মাদষ্টগুণং হবিঃ| জলে চতুর্গুণে সিদ্ধং জ্বরঘ্নং প্লীহনাশনম্||" ইতি|

সর্বাঙ্গসুন্দরী ব্যাখ্যা ( কৃত)

স০-ঘৃতে চ পরিণতে সতি মৃদু-অতীক্ষ্ণং মাংসরসাশনং ভুঞ্জীত| হি-যস্মাত্, অলং বলং জাতং দোষহরং ভবতি| তচ্চরসাশনং অতিশযেন বলকরং স্যাত্|

আযুর্বেদরসাযনম্ ব্যাখ্যা ( কৃত)

আ০ র০-ঘৃতানন্তরং পথ্যমাহ-জীর্ণে ঘৃতে চেতি| হিযস্মাত্, বলমত্যর্থং দোষহরম্| তচ্চ-মাংসং, অত্যর্থং বলপ্রদম্|

সর্বাঙ্গসুন্দরী ব্যাখ্যা ( কৃত)

স০-অত এব তস্মাত্কারণাত্ মুদ্গকারবেল্লাদিজা রসাঃ কফপিত্তহরা জীর্ণজ্বরে বাতোত্তরে প্রাযেণ ন হিতাঃ| তে হ্যুপযুক্তাঃ শূলাদিকৃতো জ্বরবর্ধনাশ্চ স্যুঃ|

আযুর্বেদরসাযনম্ ব্যাখ্যা ( কৃত)

আ০ র০-যূষখলযোর্নিষেধমাহ-কফপিত্তহরা ইতি| মুদ্গাদিরসাঃ-যূষঃ| কারবেল্লাদিরসাশ্চ-খলঃ| ইতি জীর্ণজ্বরঘৃতানি|

সর্বাঙ্গসুন্দরী ব্যাখ্যা ( কৃত)

স০-এবমপি কৃতে সতি যদি জ্বরো ন শাম্যতি তদা শোধনার্হস্য নরস্য প্রাগুক্তং-"পিপ্পলীভির্যুতান্ গালান্" (শ্লো.৬) ইত্যাদিকং, বমনং যোজযেত্| কদা ? দোষে আমাশযগতে সতি, বলবতঃ পুংসো বমনং যোজযেত্, বলং পালযন্-রক্ষযন্|

আযুর্বেদরসাযনম্ ব্যাখ্যা ( কৃত)

আ০ র০-অথ জীর্ণজ্বরশোধনানি| তত্র শোধনকালমাহ-ন শাম্যতীতি| বমনমাহ-বমনং প্রাগুক্তমিতি| প্রাগুক্তং-"পিপ্পলীভির্যুতান্ গালান্" ইত্যাদি| সঙ্গ্রহে তু (চি.অ. ২) "সন্তর্পণোত্থে বমনং পিপ্পলীলবণাম্বুনা| শর্করামাক্ষিকাম্ভোভির্দাহতৃষ্ণোল্বণে জ্বরে||" ইতি|

সর্বাঙ্গসুন্দরী ব্যাখ্যা ( কৃত)

স০-পক্বে পুনর্দোষে তথা শিথিলে-অবিষ্টব্ধে, অথবা বিষজেমদ্যোত্থে বা জ্বরে, মোদকং ত্রিফলাদিভির্বিরেচনং দদ্যাত্| ব্যোষাদ্যং বা-"ব্যোষত্রিজাতকাম্ভোদকৃমিঘ্নামলকৈস্ত্রিবৃত্| সর্বৈঃ সমা সমসিতা ক্ষৌদ্রেণ গুটিকাঃ কৃতাঃ||" (হৃ.ক.অ. ২/২১) ইতি বা, দদ্যাত্| অথবা পযসা-ক্ষীরেণ, মৃদ্বীকানাং রসেন বা, আরগ্বধং বিরেচনং দদ্যাত্| ত্রিফলাং ত্রাযন্তী বা পযসা জ্বরী পিবেত্|

আযুর্বেদরসাযনম্ ব্যাখ্যা ( কৃত)

আ০ র০_বিরেচনমাহ-পক্বে ত্বিতি| শ্যামা-শ্যামমূলা ত্রিবৃত্| ত্রিবৃত্-অরুণমূলা| কেসরং-নাগকেসরম্| সিতযা মোদকং কৃত্বা মধুনা লিহ্যাত্| ব্যোষাদ্যং বিরেচনমতিদিশতি-ব্যোষাদ্যং বেতি| তচ্চ বিরেচনকল্পোক্তং "ব্যোষত্রিজাতকাম্ভোদ" ইত্যাদি| বিরেচনষট্কমাহ-দ্রাক্ষাধাত্রীরসং তদ্বচিতি| তত্র ত্রীণি ধাত্রীহরীতক্যারগ্বধৈর্দ্রাক্ষাযুক্তৈঃ| ত্রীণ্যারগ্বধত্রিফলাত্রাযমাণাভিঃ পযোযুক্তাভিঃ| সঙ্গ্রহে তু (চি.অ. ২)-"রসমামলকানাং বা ঘৃতভৃষ্টং জ্বরাপহম্| লিহ্যাদ্বা ত্রিবৃতশ্চূর্ণং কৃষ্ণাত্রিফলযোস্তথা|| সর্পির্মধুভ্যাং ত্রিফলাং পিবেদ্দ্রাক্ষারসেন বা| সঘৃতং ত্রিফলাক্বাথং সর্পিষা বা বিনা ঘৃতম্|| পযোনুপানমুষ্ণং বা মৃদ্বীকাস্বরসং পিবেত্|" ইতি| বঙ্গসেনে তু (জ্বরাধিকারে শ্লো. ৭২৭)- "মধুকারগ্বধদ্রাক্ষাতিক্তাযাসফলত্রিকৈঃ| সপটোলৈর্জলং ভেদি জ্বরং হন্তি ত্রিদোষজম্|| অরোচকে গাত্রসাদে বৈবর্ণ্যেঽঙ্গমলাদিষু| শান্তজ্বরোঽপি শোধ্যঃ স্যাদনুবন্ধভযান্নরঃ||" ইতি|

সর্বাঙ্গসুন্দরী ব্যাখ্যা ( কৃত)

স০-বিরিক্তানাং জ্বরিণাং চশব্দাদ্বমিতানাং চ যথাক্রমংক্রমানতিক্রমেণ, সংসর্গী কর্তব্যেত্যধ্যাহার্যম্| মণ্ডঃ পূর্বঃ-প্রথমো, যস্যাং সৈবম্| মণ্ডং প্রথমং দত্ত্বাঽনন্তরং পেযাবিলেপ্যাদযো যথাক্রমং দেযাঃ| কৃতবমনবিরেচনানন্তরং যঃ পেযাদ্যবচারণাক্রমঃ স সংসর্গীত্যুচ্যতে|

আযুর্বেদরসাযনম্ ব্যাখ্যা ( কৃত)

আ০ র০-বিরেচনানন্তরং পথ্যমাহ-বিরিক্তানাং চেতি| সংসর্গী-পেযাদিক্রমঃ, "পেযাং বিলেপীং (হৃ.সূ.অ. ১৮/২৯) ইত্যাদিকঃ|

সর্বাঙ্গসুন্দরী ব্যাখ্যা ( কৃত)

স০-জ্বরেণোত্ক্লিষ্টং-উত্ক্লেশিতং জ্বরোত্ক্লিষ্টং, মলং-পুরীষাখ্যং, চ্যবমানং-পতন্তং, সদা উপেক্ষেত-ন তদ্বিধারণে প্রযত্নং কুর্যাত্| ননু, ঔষধানি (ধেন) কিমিত্যসৌ ন বিধ্নীযতে ? ইত্যাহ-পক্বোঽপীত্যাদি| দোষঃ-পুরীষাখ্যো, যতঃ পক্বঃ| অপিশব্দাত্কিমুতাপক্বঃ ? কোষ্ঠে-আমপক্বাশযাশ্রযাখ্যে, কৃতং-গৃহীতং, আস্পদং-অবস্থিতিঃ, যেন স এবংভূতো বিকুর্বীত-বিকারং কুর্যাত্|

আযুর্বেদরসাযনম্ ব্যাখ্যা ( কৃত)

আ০ র০-স্বযংপ্রবৃত্তেঃ স্তম্ভনং নিষেধযতি-চ্যবমানমিতি|

সর্বাঙ্গসুন্দরী ব্যাখ্যা ( কৃত)

স০-অতিপ্রবর্তমানং বা তং মলং অপক্বং পাচযন্ সঙ্গ্রহং নযেত্- ন ত্বাম এব সঙ্গৃহীতব্য ইত্যাহ-আমসঙ্গ্রহণ ইত্যাদি| আমশব্দঃ পুরীষাখ্যস্য দোষস্য পচ্যমানাবস্থোপলক্ষণার্থঃ| আমস্য-অপক্বস্য দোষস্য, সঙ্গ্রহণমামসঙ্গ্রহণং তস্মিন্নাম সঙ্গ্রহণে যে দোষা ভবন্তি তে দোষোক্রমে-দোষোপক্রমণীযেঽধ্যাযে, ঈরিতাঃ-উক্তাঃ| তথা চ তত্রোক্তম্ (হৃ.সূ.অ.১৩/৩১)- "উত্ক্লিষ্টনধ ঊর্ধ্বং বা ন চামান্ বহতঃ স্বযম্| ধারযেদৌষধৈর্দোষান্ বিধৃতাস্তে হি রোগদাঃ||" ইতি| তস্মাদামসঙ্গ্রহণার্থমৌষধং ন দেযম্| তথা, আমজ্বরেঽপ্যামনির্হরণার্থমৌষধং ন দেযম্, ইতিপ্রতিপাদযন্নাহ-

আযুর্বেদরসাযনম্ ব্যাখ্যা ( কৃত)

আ০ র০-[ অতি ] প্রবৃত্তৌ পাচনপূর্বকং স্তম্ভনং কার্যমিত্যাহ-অতিপ্রবর্তমানং বেতি|

সর্বাঙ্গসুন্দরী ব্যাখ্যা ( কৃত)

স০-তুর্ব্যতিরেকে ভিন্নক্রমঃ| যস্তু মোহাত্-অজ্ঞানাত্, ভিষক্পাপো দোষহরণমামজ্বরে পাযযেত্ স স্বযমনর্থকারী সুপ্তং কৃষ্ণসর্পং করস্যাগ্রেণ পরামৃশেত্-স্পৃশেত্| অতিপ্রত্যবাযং পশ্যতৈবমুক্তং তন্ত্রেকৃতা| তত্র চ বাক্যে রূপকাখ্যোঽলঙ্কারঃ| তস্য হ্যেতল্লক্ষণম্-"তদপরমৌপম্যে সতি যস্মিন্ স্যাদ্বাক্যযোর্যোগঃ|" অস্যোদাহরণম্-"যঃ সেবতে কুনৃপতিং কুরুতে বধিরস্য কর্ণজাপং সঃ ইতি|

আযুর্বেদরসাযনম্ ব্যাখ্যা ( কৃত)

আ০ র০-আমজ্বরে শোধনং নিষেধযতি-পাযযেদ্দোষহরণমিতি|

সর্বাঙ্গসুন্দরী ব্যাখ্যা ( কৃত)

স০-জ্বরেণ ক্ষীণস্য পুংসো ন বমনং হিতং ন চ বিরেচনং হিতম্| তর্হি কথং দোষনির্হরণং তস্য ? ইত্যাহ-

আযুর্বেদরসাযনম্ ব্যাখ্যা ( কৃত)

আ০ র০-জ্বরক্ষীণস্য শোধনং নিষেধযতি-জ্বরক্ষীণস্যেতি|

সর্বাঙ্গসুন্দরী ব্যাখ্যা ( কৃত)

স০-তস্য কামং-যথেষ্টং কৃত্বা, পযসা নিরূহৈর্বা মলান্ হরেত্|

আযুর্বেদরসাযনম্ ব্যাখ্যা ( কৃত)

আ০ র০-জ্বরক্ষীণস্য পযঃপানং বস্তিকর্ম চ শোধনার্থং বিধত্তে-কামং ত্বিতি|

সর্বাঙ্গসুন্দরী ব্যাখ্যা ( কৃত)

স০-ক্ষীরমুচিতং-সাত্ম্যং, যস্য তস্য ক্ষীরোচিতস্য, তথা প্রকর্ষেণ ক্ষীণঃ শ্লেষ্মা যস্য তস্য প্রক্ষীণশ্লেষ্মণঃ, তথা দাহশ্চ তৃট্ চ তে বিদ্যেতে যস্য তস্য দাহত্ড়্ড্বতঃ, অত এব পিত্তানিলাভ্যামার্তস্য-পীডিতস্য, ক্ষীরং পথ্যম্| অতিসারিণোঽপিপথ্যম্, কিং পুনঃ প্রক্ষীণঃ শ্লেষ্মা যস্য তস্য ক্ষীরোচিতস্য পূর্বোক্তবিশেষণবিশিষ্টস্য ক্ষীরং ন পথ্যম্ ? ইত্যপি শব্দার্থঃ|

আযুর্বেদরসাযনম্ ব্যাখ্যা ( কৃত)

আ০ র০-পযঃপানেঽধিকারিণমাহ-ক্ষীরোচিতস্যেতি| অতিসারিণোঽপি-কিং পুনঃ শোধ্যস্য|

সর্বাঙ্গসুন্দরী ব্যাখ্যা ( কৃত)

স০-তচ্চ-ক্ষীরং, লঙ্ঘনোত্তপ্তং বপুর্জীবযেত্-কাযস্য সপ্রাণতামুত্পাদযেত্| কিং কিমিব ? অগ্নিনা-দাবেন, প্লুষ্টং বনং যথা দিব্যাম্বু জীবযেত্-প্রতোহযেত্, তথা বপুঃ ক্ষীরমিতি| লঙ্ঘনশব্দেনাত্র সামান্যং লঙ্ঘনবাচ্যং বস্তু ভণ্যতে| "শরীরলাঘবকরং যদ্দ্রব্যং কর্ম বা পুনঃ| তল্লঙ্ঘনমিতি জ্ঞেযম্" ইত্যেবংলক্ষণম্, ন তু বিশিষ্টমুপবাসলক্ষণম্, যোগ্যতাবশাত্| তস্যজ্বরিণঃ পুংসঃ, তত্-ক্ষীরং, আশু জ্বরং চ নিযচ্ছতি| ন কেবলং বপুর্জীবযেদিতি চার্থঃ|

আযুর্বেদরসাযনম্ ব্যাখ্যা ( কৃত)

আ০ র০- ক্ষীরগুণানাহ-তদ্বপুরিতি| দিব্যাম্বু-বৃষ্ট্যম্বু, যথা দগ্ধং বনং জীবযেত্ তথা ক্ষীরং বপুর্জীবযেত্|

সর্বাঙ্গসুন্দরী ব্যাখ্যা ( কৃত)

স০-যত এবং মহাগুণং ক্ষীরং তস্মাদ্ধেতোঃ সংস্কৃতং-দ্রব্যান্তরেণ, তথা শীতমুষ্ণং বেতি কৃত্বা, অথবা ধারোষ্ণমেব কালে বিভজ্য, যুঞ্জীত-যথাবিষযং কালে প্রযোজযেত্| অতঃ-যথানিরূপিতাত্ ক্ষীরোপযোগবিষযাত্, অন্যথা-অন্যেন প্রকারেণ, প্রযুক্তং ক্ষীরং জ্বরিণং হন্তি|

আযুর্বেদরসাযনম্ ব্যাখ্যা ( কৃত)

আ০ র০-ক্ষীরবিশেষে নিযমমাহ-সংস্কৃতমিতি| সংস্কৃতং-ঔষধসিদ্ধম্| তচ্চ শীতমুষ্ণং বা দোষবশাত্| ধারোষ্ণং তূষ্ণমেব| তদ্বত্-সংস্কৃতসমফলম্|

সর্বাঙ্গসুন্দরী ব্যাখ্যা ( কৃত)

স০-ক্ষীরং শুণ্ঠ্যাদিযুতং শৃতমনন্তরং শীতং মধুযুতং তৃড্দাহজিদিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-সংস্কৃতং ক্ষীরমাহ-পয ইতি| তস্য শুণ্ঠ্যাদিভিস্ত্রিভিঃ পাকঃ, শর্করাঘৃতযোঃ পক্বোষ্ণে প্রক্ষেপঃ, মধুনঃ পক্বশীতে|

সর্বাঙ্গসুন্দরী ব্যাখ্যা ( কৃত)

স০-তেনৈব পূর্বোক্তেন পযসা তুল্যং-তদ্বত্| যথা পূর্বোক্তং শৃতশীতং তৃড্দাহজ্বরহৃত্ তথা দ্রাক্ষাদিভিঃ শৃতমনন্তরং শীতং মধুযুতং তৃডাদিজিদিত্যর্থঃ| অথবা ক্ষীরং চতুর্গুণেন জলেন শৃতং পিবেত্| অথবা পিপ্পল্যা শৃতং পিবেত্|

আযুর্বেদরসাযনম্ ব্যাখ্যা ( কৃত)

আ০ র০-ক্ষীরান্তরমাহ-তদ্বদিতি| তদ্বত্-শর্করাদিযুতম্| ক্ষীরদ্বযমাহ-চতুর্গুণেনাম্ভসেতি|

সর্বাঙ্গসুন্দরী ব্যাখ্যা ( কৃত)

স০-পঞ্চমূলেন শৃতং ক্ষীরং পীত্বা কাসাদিভ্যো মুচ্যতে| মুচ্যত ইতি কর্মকর্তরি তঙ্| চিরজ্বরো-দীর্ঘকালানুবন্ধী জ্বরঃ|

আযুর্বেদরসাযনম্ ব্যাখ্যা ( কৃত)

আ০ র০-ক্ষীরান্তরমাহ-কাসাচ্ছ্বাসাদিতি|

সর্বাঙ্গসুন্দরী ব্যাখ্যা ( কৃত)

স০-এরণ্ডমূলেনাথবা বালবিল্বেন শৃতমথবা ধারোষ্ণং ক্ষীরং পীত্বা পুরুষো জ্বরাদ্বিমুচ্যতে| কিম্ভূতাজ্জ্বরাত্ ? বিবদ্ধা নিলবর্চসঃ| বিবদ্ধে-বিশেষেণ বদ্ধে, অসম্যক্প্রবর্তনাদনিলবর্চসী যস্মিন্ জ্বরে স বিবদ্ধানিলবর্চাঃ, তস্মাজ্জ্বরাদ্বিমুচ্যতে| তথা, রক্তং চ পিচ্ছা চ রক্তপিচ্ছে, তাভ্যামুপলক্ষিতা অতি সৃতিঃ-অতীসারঃ, সহ তযা বর্ততে যো জ্বরঃ, তস্মাত্তথাবিধাজ্জ্বরাত্ তথা সহ তৃষা সহ শূলেন তথা প্রবাহিকযা-নিস্ছারিকাপরসংজ্ঞযা, বর্ততে যস্তমাত্ তথাবিধাজ্জবরাত্ প্রমুচ্যতে|

আযুর্বেদরসাযনম্ ব্যাখ্যা ( কৃত)

আ০ র০-ক্ষীরত্রযমাহ-শৃতমেরণ্ডমূলেনেতি| অতিসৃতিঃ-অতিসারঃ, সরক্তপিচ্ছযোঃ পিচ্ছা অতস্তূদকবত্(?)|

সর্বাঙ্গসুন্দরী ব্যাখ্যা ( কৃত)

স০-শুণ্ঠ্যাদিভিঃ সাধিতং পযঃ শোফাদিজিত্|

আযুর্বেদরসাযনম্ ব্যাখ্যা ( কৃত)

আ০ র০-ক্ষীরান্তরমাহ-সিদ্ধমিতি| গুডেন পক্বোষ্ণপ্রক্ষিপ্তেন সিদ্ধত্বম্

সর্বাঙ্গসুন্দরী ব্যাখ্যা ( কৃত)

স০-বৃশ্চীবাদিভিঃ সাধিতং পযো জ্বরশোফনুদিতি| বৃশ্চীবঃ-সূক্ষ্মপুনর্নর্বঃ| স্থূলপুনর্নবস্তু-বর্ষাভূঃ| পুনর্নবদ্বযং বিল্বং চাত্র যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-ক্ষীরান্তরমাহ-বৃশ্চীবেতি| বৃশ্চীববর্ষাভ্বৌপুনর্নবে|

সর্বাঙ্গসুন্দরী ব্যাখ্যা ( কৃত)

স০-শিংশিপাসারেণ সিদ্ধং-শৃতং ক্ষীরমুপযুক্তং, আশু-ন তু চ, জ্বরহৃত্| ক্ষীরস্য শ্রবণে বিধিরতীসারচিকিত্সিতোক্তঃ (হৃ. ছি. অ. ৯/৩৯)-"পযস্যুত্ক্বাথ্য মুস্তানাং বিংশতি" ইত্যনুসারেণানুকল্প্যঃ| তন্ত্রান্তরে ত্বেবমুক্তম্-"দ্রব্যাদষ্টগুণং ক্ষীরং ক্ষীরাত্তোযং চতুর্গুণম্| ক্ষীরাবশেষঃ কর্তব্যঃ ক্ষীরক্বাথে ত্বযং বিধিঃ||" ইতি| ননু, কিং বাতপিত্তোত্তরে জ্বরে জ্বরে ঘৃতং প্রধানমা শ্রীযতাং পূর্ববচনপ্রামাণ্যাত্ ? অথবা ক্ষীরং প্রধানমেতদ্বচনপ্রামাণ্যাত্ ? ইত্যত্র সংশযঃ| অত্রোচ্যতে| উভযমপীদং ঘৃতং ক্ষ্রীরং ছ বাতপিত্তোত্তরে জ্বরে প্রধানম্, অবস্থাবশাত্ সাত্ম্যবশাছ্ছ ক্বচিত্কিঞ্চিদুপযুজ্যতে|

আযুর্বেদরসাযনম্ ব্যাখ্যা ( কৃত)

আ০ র০-ক্ষীরান্তরমাহ-শিংশপাসারসিদ্ধং চেতি|

সর্বাঙ্গসুন্দরী ব্যাখ্যা ( কৃত)

স০-নিরূহো যুক্তো দোষে পক্বে তথা পক্বাশযং গতে সতি বলাদীন্ দ্রাগেব করোতি| পিত্তং কেবলং কফপিত্তং বা পক্বাশযাশ্রিতং স্রংসনং-বিরেচনং, হরেত্| বস্তিঃ প্রযোজিতস্ত্রীনপি মলান্বাতাদ্যান্ হরেত্| কীদৃশান্ ? পক্বাশযমাশ্রিতান্|

আযুর্বেদরসাযনম্ ব্যাখ্যা ( কৃত)

আ০ র০-নিরূহগুণানাহ-নিরূহস্ত্বিতি| পক্বাশযাশ্রযান্-পক্বাশযমাশ্রিত্য, মলাংস্তু-সর্বগতান্, হরেত্| অযং তু পক্বাশযগতানিত্যপকর্ষ এব, পক্বাশযাদূর্ধ্বং হি পিত্তাশযঃ|

সর্বাঙ্গসুন্দরী ব্যাখ্যা ( কৃত)

স০-প্রক্ষীণে কফপিত্তে যস্য পুংসস্তথা দীপ্তাগ্নের্বদ্ধবর্চস্স্ত্রিক্পৃষ্ঠকটিগ্রহে সত্যনুবাসনং প্রযুঞ্জীত|

আযুর্বেদরসাযনম্ ব্যাখ্যা ( কৃত)

আ০ র০-নিরূহাঙ্গেঽনুবাসনেঽধিকারিণমাহ-প্রক্ষীণকফপিত্তস্যেতি|

সর্বাঙ্গসুন্দরী ব্যাখ্যা ( কৃত)

স০-পটোলাদিভিঃ ক্বাথং ক্ষীরেঽর্ধোদকে ক্ষীরশেষং তথামিশ্রিতং কল্কীকৃতৈর্দ্রব্যৈর্মুস্তাদিভির্মধুঘৃতাভ্যাং চ যোজিতং বস্তিং জ্বরনাশনং দদ্যাত্|

আযুর্বেদরসাযনম্ ব্যাখ্যা ( কৃত)

আ০ র০-নিরূহমাহ-পটোলনিম্বেতি| পটোলনিম্বযোশ্চ্ছদনং-পত্রম্| পযসো দ্বৌ ভাগৌ পটোলাদিক্বথিতস্যোদকস্যৈকো ভাগ ইত্যর্ধোদকত্বম্| ন স্যাপ্যু(দু)ক্তরসামিত্যাদিবচনাত্(?)সমত্বে প্রাপ্তেঽর্ধত্ববিধিঃ|

সর্বাঙ্গসুন্দরী ব্যাখ্যা ( কৃত)

স০-মুদ্গপর্ণী মাষপর্ণী শালিপর্ণী পৃশ্র্নিপর্ণীত্যাদি(চেতি)-চস্রঃ পর্ণীনীঃ যষ্টীফলাদীংশ্চ ক্বাথযেত্| ফলং-মদনফলম্| তথা, যষ্ট্যাদীন্ কল্কযেত্, ইত্যেষ সগুডাদির্বস্তির্জ্বরহৃত্|

আযুর্বেদরসাযনম্ ব্যাখ্যা ( কৃত)

আ০ র০-নিরূহান্তরমাহ-চতস্রঃ পর্ণিনীরিতি| চতস্রঃ পর্ণীনীঃ-মুদ্গমাষশালপৃশ্নিপূর্বাঃ| ফলং-মদনফলম্| নৃপদ্রুমঃ-আরগ্বধঃ| ফলিনী-প্রিযঙ্গুঃ| ফলং-মদনফলম্| সঙ্গ্রহে তু (চি.অ. ২)-"ত্রাযমাণামৃতাযষ্টীমদনাংশুমতীদ্বযৈঃ| সবলাচন্দনবৃষৈর্জাঙ্গলৈশ্চ মৃগদ্বিজৈঃ|| ক্বাথে কৃতে ক্ষিপেত্পিষ্ট্বা ফলযষ্টিকণাঘনম্| স সদ্যোজ্বরহা বস্তিঃ সাজ্যক্ষৌদ্রোঽল্পসৈন্ধবঃ|| আম্রাদীনাং ত্বচং শঙ্খং চন্দনং মধুকিত্পলম্| স্বর্ণগৈরিকমঞ্জিষ্ঠামৃণালাঞ্জনপদ্মকম্|| ক্ষীরেণ কল্কিতং বস্তিং শীতং সমধুশর্করম্| দাহজ্বরহরং দদ্যাত্ সিদ্ধং তৈশ্চানুবাসনম্||" ইতি|

সর্বাঙ্গসুন্দরী ব্যাখ্যা ( কৃত)

স০-জীবন্ত্যাদীনি দ্রব্যাণি স্নেহস্য চতুর্ভাগমাত্রাণি জলেন পিষ্ট্বা ক্ষীরং স্নেহসমং তৈলাত্সর্পিষশ্চ চতুর্গুণং জলং চ তৈলসর্পির্দ্রব্যাচ্চতুর্গুণমিত্যেকত্র সাধিতং পক্বমেতত্ জ্বরেঽনুবাসনং দদ্যাত্| যথাস্নেহং যথামলং-যো যস্মিন্ জ্বরে দোষে-বাতাদৌ, যঃ স্নেহো যোগ্যস্তত্র তং, দদ্যাত্|

আযুর্বেদরসাযনম্ ব্যাখ্যা ( কৃত)

আ০ র০-অনুবাসনমাহ-জীবন্তীমিতি| ক্ষীরস্য চত্বারো ভাগাঃজলস্য চত্বারঃ, সর্পিষ একঃ, তৈলস্যৈকঃ, কল্কস্য সার্ধঃ, ইত্যেকত্র-মিলিতং, সাধযেত্| স্নেহঃ-শরীরস্নিগ্ধত্বম্, তদনুসারেণ মলানুসারেণ চ কল্পনা| সঙ্গ্রহে তু (চি.অ. ২)-"চন্দনাগরুকাশ্মর্যপটোলমদনোত্পলৈঃ| পটোলারিষ্টমদনগুডূচীমধুকৈরপি||" ইতি|

সর্বাঙ্গসুন্দরী ব্যাখ্যা ( কৃত)

স০-যে চ বস্তযঃ সিদ্ধিষু-বস্তিকল্পাধ্যাযে, বক্ষ্যন্তে জ্বরনাশনাস্তে চ, 'দেযাঃ' ইতি শেষঃ|

আযুর্বেদরসাযনম্ ব্যাখ্যা ( কৃত)

আ০ র০-বস্ত্যন্তরমতিদিশতি-যে চ সিদ্ধিষ্বিতি| সিদ্ধিষু-কল্পস্থানে| তে চ যোজ্যা ইতি শেষঃ| ইতি জীর্ণজ্বরঃ|

সর্বাঙ্গসুন্দরী ব্যাখ্যা ( কৃত)

স০-জীর্ণজ্বরে বিরেচনাখ্যং নস্যং দদ্যাত্| কীদৃশং তন্নস্যং স্যাত্ ? শিরসো রুজং গৌরবং চ শ্লেষ্মাণং চ হরতি তচ্ছীলং তত্| তথা, ইন্দ্রিযাণাং-বক্ষুরাদীনাং, চ বোধনম্| তথা, রুচিকৃত্| শূন্যশিরসঃ পুংসঃ স্নেহিকং-স্নেহেন মিশ্রং স্নিগ্ধং, নস্যং দদ্যাত্| দাহার্তে শিরসি পিত্তহরং নস্যং দদ্যাত্|

আযুর্বেদরসাযনম্ ব্যাখ্যা ( কৃত)

আ০ র০-অথ জ্বরোপদ্র্বাঃ| তত্র শিরঃশূলাদিষু নস্যমাহ-শিরোরুগ্গৌরবশ্লেষ্মহরমিতি| বিরেচনং-শোধনম্| স্নৈহিকং-বৃংহণম্| পিত্তনাশনং-শমনম্|

সর্বাঙ্গসুন্দরী ব্যাখ্যা ( কৃত)

স০-ধূমাদীংশ্চ যথাদোষং কল্পযেত্| কিম্ভূতান্ ? প্রতিশ্যাযাদিঘ্নান্|

আযুর্বেদরসাযনম্ ব্যাখ্যা ( কৃত)

আ০ র০-প্রতিশ্যাযাদৌ ধূমাদীনাহ-ধূমগণ্ডূষকবলানিতি|

সর্বাঙ্গসুন্দরী ব্যাখ্যা ( কৃত)

স০-অরুচৌ সত্যাং বীজপূরকস্য কেসরং সঘৃতসৈন্ধবমাস্যেন ধারযেদিতি সম্বন্ধঃ| অথবা ধাত্র্যাদীনাং কল্কং ধারযেত্|

আযুর্বেদরসাযনম্ ব্যাখ্যা ( কৃত)

আ০ র০-অরুচৌ কবল(কল্ক)দ্বযমাহ-অরুচাবিতি| বঙ্গসেনে তু (জ্বরাধিকারে শ্লো. ২৩১)-"শর্করাদাডিমাভ্যাং চ দ্রাক্ষাদাডিমযোস্তথা| বৈরস্যে ধারযেত্কল্কং গণ্ডূষং চ তথা ঘৃতম্|| (শ্লো. ২৫৯)-হরীতকী প্রিযঙ্গুশ্চ পিপ্পলী লোধ্রমেব চ| দার্বী হরিদ্রা তেজোহ্বা সক্ষৌদ্রং মুখধাবনম্|| এতেন কটুভাবশ্চ মুখরোগশ্চ শাম্যতি| বক্ত্রং বিশদতামেতি ভক্তচ্ছন্দশ্চ জাযতে|| (শ্লো. ২৮০)-অজাজীশর্করাযুক্তোদাডিমস্বরসেন তু| রুচিষ্যো মধুনা যুক্তঃ কর্তব্যঃ কবলগ্রহঃ||" ইতি|

সর্বাঙ্গসুন্দরী ব্যাখ্যা ( কৃত)

স০-ত্বগাশ্রিতে জীর্ণজ্বরেঽভ্যঙ্গাদীন্ কুর্যাত্| যথোপশযং-যথাসুখাবহং, সংস্পর্শো যেষাং, তান্, তথা শীতবীর্যৈরুষ্ণ বীর্যৈশ্চ দ্রব্যৈঃ কল্পিতান্-যোজিতান্| তথা, অঞ্জনংধূমাংশ্চ কুর্যাত্| অঞ্জনধূমানাগন্তুজেঽপি জ্বরে তথৈব কুর্যাত্| সদ্যোগত্বাদাগন্তুজেঽপ্যেতেঽনিষিদ্ধা এব| তানিতি পুনঃ কৃতমতিশযার্থম্| বিশেষেণাগন্তুজেঽপি জ্বরে-ভূতবিষাদ্যুদ্ভবে, তান্ কুর্যাদিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-ত্বগ্গতে জ্বরেঽভ্যঙ্গাদীনাহ-যথোপশযসংস্পর্শানিতি| তে চ শীতাভিলাষিণঃ শীতৈর্দ্রব্যৈঃ শীতস্পর্শাঃ কল্প্যাঃ, উষ্ণাভিলাষিণ উষ্ণৈরুষ্ণস্পর্শাঃ| আদিশব্দাদবগাহাদযঃ| অঞ্জনধূপাংশ্চ ত্বগ্গতে কুর্যাত্| প্রসঙ্গাদাগন্তুজে নস্যাদীনাহ-তথৈবাগন্তুজেঽপীতি| বঙ্গসেনে ত্বভ্যঙ্গতৈলান্যুক্তানি (জ্বরাধিকারে শ্লো. ৭৭৭)-"লাজামধুকমঞ্জিষ্ঠামূর্বাচন্দনসারিবাঃ| তৈলং ষট্চরণং নাম হ্যভ্যঙ্গাজ্জ্বরনাশনম্|| লাক্ষা নিশা কুষ্ঠশুণ্ঠী মঞ্জিষ্ঠা চ সুবর্চিকা| মূর্বা চ চন্দনং সিদ্ধং তৈলং তক্রেঽথ ষড্গুণে|| অভ্যঙ্গেন প্রশমযেদ্দাহং শীতজ্বরং নৃণাম্| (শ্লো. ৬২৮)-দধ্নঃ সসারকস্যাত্র তক্রং কট্টরমিষ্যতে|| (শ্লো. ৭১৯)- স্বর্জিকাকুষ্ঠমঞ্জিষ্ঠা [লাক্ষামূর্বামহৌষধৈঃ| সক্ষীরৈঃ সাধিতং তৈলমভ্যঙ্গাদ্দাহশীতনুত্|| বলামধুকমঞ্জিষ্ঠা ] পদ্মাপদ্মকচন্দনৈঃ| সমুদ্রফেনহ্নীবেররজনীসারিবোত্পলৈঃ|| পিষ্টৈস্তৈলং পচেদেতৈরজাক্ষীরং চতুর্গুণম্| বাতপিত্তজ্বরাজ্জীর্ণাত্তেনাভ্যক্তো বিমুচ্যতে||" ইতি|

সর্বাঙ্গসুন্দরী ব্যাখ্যা ( কৃত)

সং-দাহে সতি সর্পিষা সহস্রধৌতেনাভ্যঙ্গমাচরেত্|

আযুর্বেদরসাযনম্ ব্যাখ্যা ( কৃত)

আ রং-দাহস্যৌষধান্যাহ-দাহে সহস্রধৌতেনেতি| সহস্রধৌতেন-সহস্রকৃত্বো ধৌতেন| যাবতি মজ্জতি তাবচ্ছীতোদকে ঘৃতং প্রক্ষিপ্য হস্তেন মর্দযেত্, তদুদকং স্রাবযেত্, ইত্যেকো বারঃ, এবং সহস্রম্|

সর্বাঙ্গসুন্দরী ব্যাখ্যা ( কৃত)

স০-সূত্রোক্তৈঃ-সূত্রস্থানোদিতৈঃ, মধুরাম্লকষাযকৈর্গণৈঃ| তত্র মধুরো গণো-"ঘৃতহেম" (হৃ.সূ.অ. ১০/২২) ইত্যাদিঃ, অম্লো গণো-"ধাত্রীফলাম্লীকা" (হৃ. সূ. অ. ১০/২৫) ইত্যাদিঃ, কষাযো গণঃ-"পথ্যাঽক্ষং" (হৃ. সূ. অ. ১০/৩১) ইত্যাদিঃ, তত্র চৈতৈর্মধুরাম্লকষাযৈর্বর্গৈঃ| তত্র দূর্বাদিদিভির্গণৈঃ- "দূর্বাঽনন্তা" (হৃ.সূ.অ. ১৫/৬) ইতি নির্দিষ্ট একঃ, "ন্যগ্রোধাদিঃ" (হৃ. সূ. অ. ১৫/৪২) দ্বিতীযঃ, তৃতীযস্তু "পদ্মকপুণ্ড্রৌ" (হৃ. সূ. অ. ১৫/১২) ইত্যাদিঃ, চতুর্থঃ "সারিবোশীর" (হৃ. সূ. অ. ১৫/১১) ইত্যাদিঃ, এতৈ পূর্বোক্তৈর্গণৈঃ পিত্তঘ্নৈঃ শোধনাদিগণসঙ্গ্রহোক্তৈঃ শীতবীর্যৈর্হিমস্পর্শৈর্ভেষজৈস্তথা স্পর্শতো বীর্যতশ্চ শীতগুণৈঃ, অক্বাথাঃ ক্বাথাঃ কৃতাঃ, অকল্কাঃ কল্কাঃ কৃতাঃ, তৈঃ ক্বাথকল্কীকৃতৈরেতৈর্গণৈস্তৈলং ক্ষীরেণ সহ পচেত্| তচ্চ পক্বমভ্যঙ্গাত্-ম্রক্ষণাত্, সদ্যো-ন চিরেণ কালেন, দাহজ্বরং জযেত্| ন কেবলমেতৈর্গণৈস্তৈলং পচেদ্দাহজ্বরশান্ত্যৈ, যাবত্তৈরেব শিরো-মূর্ধানং, গাত্রং চ নাতিপিষ্টৈঃ-কিঞ্চিত্পিষ্টৈঃ, প্রলেপযেত্| সুপিষ্টৈর্হ্যৈতৈঃ প্রত্যুত দাহ উত্পদ্যতে| তথা চোক্তম্ (সঙ্গ্রহে সূ. অ. ৭)- "শ্লক্ষ্ণশুষ্কঘনো লেপশ্চন্দনস্যাপি দাহকৃত্| ত্বগ্গতস্যোষ্মণো রোধাচ্ছীকৃত্ত্বন্যথাঽগুরোঃ|| ইতি| অনেনৈবাভিপ্রাযেণ শীতজ্বরে বক্ষ্যতি (শ্লো. ১৪১)- "তৈঃ সুপিষ্টৈশ্চ লেপযেত্|" ইতি| গাত্রগ্রহণেনৈব শিরোগ্রহণে লব্ধে পুনঃ শিরোগ্রহণং বিশেষার্থম্| বিশেষেণ শিরো লেপযেত্, তস্য বিশেষেণ জ্বরাশ্রযত্বাত্| তথা চোক্তম্-"বিমুক্তস্যাপি হি শিরো জ্বরো যস্য ন মুঞ্চতি| অবিমুক্তঃ স বিজ্ঞেযা জ্বরঃ পুনরুপৈতি তম্||" ইতি| তস্মাচ্ছিরসো বিশেষেণ লেপনার্থং পৃথগুপাদানম্| তেষাং গণানাং ক্বাথস্তত্ক্বাথঃ, তেন পরিষেকমবগাহং চ ক্বাথপূর্ণাযাং দ্রোণ্যাং যোজযেত্| তথা, আরনালাদিভিঃ পরিষেকাদি যোজযেত্|

আযুর্বেদরসাযনম্ ব্যাখ্যা ( কৃত)

আ০ র০-অভ্যঙ্গার্থং তৈলমাহ-সূত্রোক্তৈশ্চেতি| তৈস্তৈরিত্যগণপঠিতৈরপি| তৈরেব-তৈলদ্রব্যৈঃ, তত্ক্বাথেনারনালাদিভির্বা পৃথক্ পরিষেকোঽবগাহশ্চ|

সর্বাঙ্গসুন্দরী ব্যাখ্যা ( কৃত)

স০-কপিত্থাদিভির্বদরীপল্লবোদ্ভবেন বা ফেনেন লিপ্তেঽঙ্গে সতি দাহাদযঃ শাম্যন্তি|

আযুর্বেদরসাযনম্ ব্যাখ্যা ( কৃত)

আ০ র০-দাহঘ্নং লেপত্রযমাহ-কপিত্থেতি| মাতুলুঙ্গস্যাম্লং কেসরম্| অরিষ্টকো-রক্ষাফলঃ| বঙ্গসেনে তু (জ্বরা. শ্লো. ২৫৮)-"জিহ্বাতালুগলক্লোমশোষে মূর্ধ্নি তু দাপযেত্| কেসরং মাতুলুঙ্গস্য মধুসৈন্ধবসংযুতম্||' ইতি|

সর্বাঙ্গসুন্দরী ব্যাখ্যা ( কৃত)

স০-যশ্চ দোষোপক্রমণীযাধ্যাযে পিত্তহরঃ ক্রমো বর্ণিতঃ-উক্তঃ, তং চ-ক্রমং, শীলযতঃ-অভ্যসতঃ, জ্বরো দাহেন সহ নশ্যতি|

আযুর্বেদরসাযনম্ ব্যাখ্যা ( কৃত)

আ০ র০-সূত্রোক্তং পিত্তক্রমমতিদিশতি-যো বর্ণিত ইতি|

সর্বাঙ্গসুন্দরী ব্যাখ্যা ( কৃত)

স০-বীর্যোষ্ণৈরুষ্ণসংস্পর্শৈঃ-উভযথা বীর্যতঃ স্পর্শতশ্চোষ্ণৈস্তগরাদিভির্দ্রব্যৈঃ, [ অন্যৈশ্চ- ] অপরৈরপি, তদ্বিধৈঃ-উষ্ণবীর্যৈঃ উষ্ণসংস্পর্শৈশ্চ, ক্বাথীকৃতৈঃ কল্কীকৃতৈশ্চ সুরাদিভিঃ-অম্লপাকরসৈঃ, [শীতে-] শীতজ্বরএতদ্বিষযে, তৈলং পচেত্| তেন-তৈলেন, সুখোষ্ণেনাভ্যঞ্জযাত্-ম্রক্ষযেত্| তৈশ্চ-পূর্বোক্তৈর্দ্রব্যৈঃ, সুপিষ্টৈঃ-অতিশ্লক্ষ্ণৈঃ, লেপযেত্| তৈশ্চ কিঞ্চিদুষ্ণৈঃ পরিষেকমবগাহং চ কল্পযেত্-যোজযেত্| তদ্বচ্চ-তথৈব, সুক্তাদিভিঃ কেবলৈশ্চ পরিষেকাদিকং কল্পযেত্| "আরগ্বধেন্দ্গব" (হৃ. সূ. অ. ১৫/১৭) ইত্যাদি চ পানাভ্যঞ্জনলেপনে কল্পযেত্| অগরুজাম্ ধূপান্ কল্পযেত্| যাংশ্চ ধূপান্ বিষমজ্বরে বক্ষ্যন্তে তাংশ্চ কল্পযেত্| তথা স্বেদান্ শীলযেত্| কিম্ভূতান্ ? অগ্নিকৃতাননগ্নিকৃতাংশ্চস্বেদবিদ্ধ্যুক্তান্ | তথা-স্বেদযতি সাধু স্বেদি যদ্ভেষজং ভোজনং চ তচ্চ সংশীলযেত্| তথা গর্ভে-গর্ভগৃহাভ্যন্তরে, যদ্ভূবেশ্ম-ভূমিগৃহং, তত্র শযনং-শয্যাম্, তথা কুথাদীনাবরণবিশেষান্, তথা হসন্তিকাঃ-বহ্নিশকটিকাঃ, শীলযেত্| কিম্ভূতাঃ ? নির্ধূমদীপ্তৈরঙ্গারৈর্হসন্তীরিব| তথা, মদ্যাদীংশ্চ শীলযেত্| বেপথুমন্তমঙ্গনা আলিঙ্গযেযুর্দযিতাদিগুণযুক্তঃ| গতশীতং চ বিদিত্বা ততস্তাঃ-যোষাঃ, পুনরপনযেত্| এতচ্চ ব্রুবংস্তাভিঃ সম্ভোগাভিলাষং নিবারযতি| অধুনা সন্নিপাতচিকিত্সিতং ব্রূতে-

আযুর্বেদরসাযনম্ ব্যাখ্যা ( কৃত)

আ০ র০-শীতস্যৌষধান্যাহ-বীর্যোশনৈরিতি| পুরো-গুগ্গুলুঃ| পৃথ্বীকা-বাহ্লিকা| ধ্যামকং-কত্তৃণম্| তমালপত্রং-পত্রকম্| [ ভূতীকং-] ভূস্তৃণম্| প্রকীর্যা-করঞ্জঃ| ক্বথিতৈঃ কল্কিতৈশ্চ তগরাদিভিঃ সুরাসৌবীরকাদ্যম্লদ্রবযুক্তৈঃ| তেন-তৈলেন| তৈঃ-তৈলদ্রব্যৈঃ| কেবলৈঃ-জলপিষ্টৈঃ| অপিশব্দাত্ সুরাদিপিষ্টৈঃ শুক্তাদিভিঃ, তদ্বত্-তগরাদিযুক্তৈঃ কেবলৈরপি| সঙ্গ্রহে তু (চি.অ. ২)-"কুঙ্কুমাগরুকস্তূরীনখৈলাসুরদারুভিঃ| শৈলেযচণ্ডাত্বগ্বক্ররাস্নাকপিপুরামযৈঃ|| পৃথক্প্রদেহাঃ সর্বৈর্বা শীতঘ্না দৃঢকল্কিতাঃ| বক্রং-তগরম্| কপিঃ-সিহ্লকঃ| আমযং-কুষ্ঠম্| যবচূর্ণং ঘৃতাভ্যক্তং পচেত্ ক্ষীরে চতুর্গুণে| দর্বীপ্রলেপিনং লেপং তং জ্বরার্তস্য যোজযেত্||" ইতি| বক্ষ্যতে আচার্যঃ| হসন্তী-হাস্যমিব কুর্বন্তী| হসন্তিকাশকটিকা| সত্র্যূষণং মদ্যাদিপঞ্চকম্| সঙ্গ্রহে তু (চি. অ. ২)-"অজাজ্যাঃ সগুডং কল্কং সগুডং বাঽমৃতারসম্| রসং বার্তাকফলজং পিবেদ্বা মধুসংযুতম্|| মধুকাগুরুকৌন্তীনাং কল্কো ব্যাঘ্রনখস্য চ| মদ্যেন পীতঃ সক্ষৌদ্রস্তীব্রশীতজ্বরাপহঃ|| আনাহে কালবিত্কুর্যাত্ক্রিযামলসকোদিতাম্| পিপ্পলীপিপ্পলীমূলযবানীচব্যসাধিতাম্|| যবাগূং পাযযেচ্চৈনমনিলস্যানুলোমনীম্| সোপদ্রবোঽপি চেদেবং জ্বরঃ শীতো ন শাম্যতি|| অত্যুদীর্ণেঽনিলকফে স্বে স্থানে পিত্তধাম্নি বা| তক্রানুপানং ত্রপুসং ভক্ষযিত্বাঽনলং ভজেত্|| আস্বেদসম্ভবস্তিষ্ঠেত্প্রাবৃতস্তদ্বদাতপে| ততো বিমৃদিতঃ স্নাতো যুক্তাশী স্যাদ্গতে জ্বরে|| শমং তৌ পিত্তবৃধ্দ্যৈব প্রপদ্যেতে স্বধাম চ| নিবর্ততে ততঃ শীঘ্রং বাতশ্লেষ্মোদ্ভবো জ্বরঃ||" ইতি|

সর্বাঙ্গসুন্দরী ব্যাখ্যা ( কৃত)

স০-হীনাধিকভাবত্বেন বিষমদোষজে সন্নিপাতে বর্ধনেনৈকদোষস্যার্থাত্ ক্ষীণস্য ক্ষীণযোর্বা, উচ্ছ্রিতস্যোচ্ছ্রিতযোর্বা ক্ষপণেন, দেশকালবলান্মলান্ জযেত্| কথং বিষমদোষজে সন্নিপাতে বর্ধনেনৈকদোষস্য সন্নিপাতজ্বরস্যোপশান্তি ? তস্মাদ্বর্ধনমযুক্তম্| অত্রাচক্ষ্মহে| সন্নিপাতস্থেন ক্ষীণেন দোষেণ সতাঽক্ষীণৌ দোষৌ জ্বরকারিণৌ| ন তৌ সুখেন জেতুং শক্যেতে, বিষমাশ্রযত্বাত্| ক্ষীণস্য তু দোষস্য বর্ধনেন দোষসাম্যমুত্পাদ্যৈকরূপযা ক্রিযযা সন্নিপাতঃ সুখেন জেতুং শক্যতে| তস্মাদ্বর্ধনেনৈকদোষস্যেতি বক্তুং যুক্তম্| তথা চ,-বাতাখ্যে যতো দোষে শীতলঘুরূক্ষাদিরুপৈর্দ্রব্যৈর্বৃদ্ধির্ভবতি| বর্ধমানেন চ তত্রস্থৌ পিত্তকফাবপ্যেবং প্রাযেণ কিঞ্চিত্ ক্ষযং যাতঃ, তত্ক্ষ্যাচ্চাসৌ জ্বরোঽপ্য মৃদুতাং গতঃ সুখেন শক্যতে জেতুং ইতি| এবং দোষত্রযস্যাপি জ্বরকারণে তথা যুক্ত্যা প্রতীকারঃ কৃতো ভবতি| এবমুচ্ছ্রিতস্যাপি ক্ষপণৈরে(ণেনৈ)করূপযা ক্রিযযা সুখেন সন্নিপাতো জীযতে| তদেবং ব্দ্যুল্বণৈকোল্বণৈর্দোষৈর্জনিতে সন্নিপাতে চিকিত্সাক্রম উক্তঃ| সম্প্রতি সমদোষজে সন্নিপাতে চিকিত্সাক্রমং দর্শযিতুমাহ-কফেত্যাদি| স্থিতিঃ-স্থানম্, কফশ্চ স্থানং চ কফস্থানে, তযোরানুপূর্বী-ক্রমঃ, তযা চ তুল্যকক্ষান্-সমান্ সন্নিপাতান্, জ্বরে মলান্ জযেত্| তত্র কফঃ প্রাগ্জেতব্যস্ততঃ পিত্তং ততো বাযুরিতি কফানুপূর্বীত্যুচ্যতে| উক্তং চ (সঙ্গ্রহে সূ.অ.২১)-"স্থানতঃ কেচিদিচ্ছন্তি প্রাক্ তাবচ্ছ্লেষ্মণো বধম্| শিরস্যুরসি কণ্ঠে চ প্রলিপ্তেঽন্নরুচিঃ কুতঃ|| তদভাবে কথং ভোজ্যপানদ্রব্যাবচারণম্| অসত্যভ্যবহারে চ কুতো দোষস্য নিগ্রহঃ|| তস্মাদাদৌ কফো ধাত্যঃ কাযদ্বারার্গলো হি সঃ| মধ্যস্থাযি যতঃ পিত্তমাশুকারি চ চিন্ত্যতে|| অতো বাতসস্বস্যাস্য কুর্যাত্তদনু নিগ্রহম্| অধঃস্থাযী চ তদনু নিগ্রাহ্যঃ স্যাত্সমীরণঃ||" ইতি| সুশ্রুতস্ত্বাহ(?) (সঙ্গ্রহে সূ.অ. ২১)-"[সুশ্রুতশ্চ ন সর্বত্র মতমেতদ্ব্রবীতি তু|] জযেজ্বরেঽতিসারে চ ক্রমাত্পিত্তকফানিলান্|| প্রাযেণ তাপাত্মতযা জ্বরে তেজো বিশিষ্যতে| বিশশ্চ সরতা পিত্তাত্তথা চ মৃদুকোষ্ঠতা|| তস্য চানুবলঃ শ্লেষ্মা গৌরবাপক্তিজাড্যকৃত্| বাযুশ্চ বর্ধতেঽবশ্যং যস্ত্বহঃসু তযোঃ ক্ষযে|| জ্বরাতিসারযোস্তস্মাদেষ দোষজযে ক্রমঃ| কফপিত্তানিলানন্যে ক্রমাদাহুস্তযোরপি|| যস্মাদামাশযোত্ক্লেশাদ্ভূযিষ্ঠং তত্সমুদ্ভবঃ| ক্রমেণাদ্যেন তত্রাপি প্রবৃদ্ধান্ স্বাশযে স্থিতান্| স্বাশযেষু প্রদুষ্টানাংস্থিতৈব হ্যাশুকারিতা| বিজ্ঞায কর্মভিঃ স্বৈঃ স্বের্দোষোদ্রেকং যথামলম্| ভেষজং যোজযেত্তত্তু স্বীকুর্যান্ন ক্রমং ভিষক্|" ইতি| অন্যে ত্বাহুঃ (সং.সূ.অ. ২১)-"ক্রমান্মরুত্পিত্তকফাঃ সর্বত্র সদৃশে বলে| বাতাদীনাং যথাপূর্বং যতঃ স্বাভাবিকং বলম্|| ঊচে পরাশরোঽপ্যর্থমমুমেব প্রমাণযন্| যথোপন্যাসতঃ প্রাপ্তমাদৌ দোষভিষগ্জিতম্| নেত্ড়ভঙ্গেন দৃষ্টৌ হি সমং সৈন্যপরাজযঃ||" ইতি| স্থানানুপূর্ব্যা বা দোষাংস্তুল্যকক্ষান্ জযেত্| স্থানং চ যদ্যপ্যবিশেষেণৈব সম্ভবতি তথাঽপীহ জ্বরকারিদোষপ্রস্তাবাদামাশযো গৃহ্যতে| তেনামাশযস্থো দোষঃ প্রাগ্জেতব্যস্ততঃ পক্বাশযস্থঃ, ইতি স্থানানুপূর্বী-স্থানমাহাত্ম্যস্য চিকিত্সাক্রমঃ, কার্যঃ| তথা চ প্রাগধ্যগীষ্ট (হৃ. সূ. অ. ১৭/১৩)-"আমাশযগতেবাযৌ কফে পক্বাশযাশ্রিতে| রূক্ষপূর্বং তথা স্নেহপূর্বং স্থানানুরোধতঃ||" ইতি| তদেবং কফস্থানানুপূর্ব্যা বা তুল্যকক্ষান্ মলান্ জযেত্| অন্যে ত্বেবং ব্যাখ্যানযন্তি,- কফস্য স্থানংকফস্থানম্, কফস্থানলক্ষণা চাসাবানুপূর্বী চ, তযা কফ স্থানানুপূর্ব্যা বা তুল্যকক্ষান্ মলান্ জযেত্| যদ্যপি কফস্থানানি কণ্ঠাদীন্যপি তথাঽপীহ জ্বরকারিদোষপ্রস্তাবাদামাশযোগৃহ্যতে| তথা চোক্তম্ (শ্লো.১)-"আমশযস্থো হত্বাঽগ্নিং সোমো মার্গান্ পিধায যত্| বিদধাতি জ্বরং দোষস্তস্মাত্কুর্বীত লঙ্ঘনম্||" ইতি| তদেবং রূক্ষোষ্ণপাচনাদিঃ ক্রমোঽত্র কার্য ইত্যবতিষ্ঠতে| ননু, কফস্থানানুপূর্ব্যা বেত্যেতন্ন বাচ্যম্, যতস্তুল্যকালং ত্রিদোষহরৈর্দ্রব্যৈঃ সন্নিপাতস্য ক্রিযা কার্যা| দ্রব্যাণি দোষঘ্নানি| অত্রোচ্যতে| জ্বরনাশনানি দ্রব্যাণি ত্রিদোষঘ্নানি বিরলানি| একদোষঘ্নানি পুনর্জ্বরহন্তৃণি ত্রিদোষঘ্নেভ্যঃ সমর্থরাণি বহুতরাণীতি কফস্থানানুপূর্ব্যা বেত্যুক্তম্| অপি চ দোষকালাদিবশাচ্চিকিত্সাপ্রকারান্তরোঽযমুপযুজ্যত ইতি| সন্নিপাতচিকিত্সাপ্রক্রমাদিদমপ্যাহ-

আযুর্বেদরসাযনম্ ব্যাখ্যা ( কৃত)

আ০ র০-দাহশীতযোরেকজ্বরোপদ্রবযোরৌষধমাহ-বর্ধনেনেতি| যদা দাহোঽল্পঃ শীতমধিকং তদা দাহহেতোর্বর্ধনেন শীতহেতোঃ ক্ষপণেন বা শীতজযঃ, পশ্চাদ্দাহজযঃ| যদা শীতমল্পং দাহোঽধিকঃ তদা শীতহেতোর্বর্ধনেন দাহহেতোঃ ক্ষপণেন বা দাহজযঃ, পশ্চাচ্ছীতজযঃ| যদা দাহশীতে তুল্যে তদা তুল্যকক্ষান্ মলান্ কফানুপূর্ব্যা বা স্থানানুপূর্ব্যা জযেত্| কফপিত্তবাতানাং ক্রমাজ্জযঃ-কফানুপূর্বী| উরঃকোষ্ঠবস্তীনাং ক্রমাজ্জযঃ-স্থানানুপূর্বী| উক্তং চ সঙ্গ্রহে (চি.অ. ২)- "বমনৈশ্চ বিরেকৈশ্চ বস্তিভিশ্চ যথাক্রমম্| জ্বরানুপচরেদ্ধীমান্ কফপিত্তানিলোদ্ভবান্|| সংসৃষ্টৈঃ সন্নিপতিতৈরেকনৈকোল্বণৈঃ সমৈঃ| জ্বরান্ দোষৈঃ ক্রমাপেক্ষী যথোক্তৈরৌষধৈর্জযেত্|| বর্ধনেনৈকদোষস্য ক্ষপ্ণেনোচ্ছ্রিতস্য বা| কফস্থানানুপূর্ব্যা বা সন্নিপাতজ্বরং জযেত্||" ইতি| তথা (সং.চি.অ. ২)-"নিদ্রানিবারণোপাযঃ সন্ন্যাসেঽভিহিতো হিতঃ| সন্নিপাতে বিশেষেণ দারুণোঽযমুপদ্রবঃ|| কম্পঃ প্রলপনং যস্য সংজ্ঞানাশশ্চ দারুণঃ| রসৈস্তু লাববর্তীরকুলীরশশতৈত্তিরৈঃ|| তর্পযেত্প্রাক্ পুরাণেন সর্পিষাঽযং জযেদপি| বলারাস্নাগুডূচ্যাদ্যৈস্তৈলৈশ্চ পরিষেচযেত্||" ইতি|

সর্বাঙ্গসুন্দরী ব্যাখ্যা ( কৃত)

সং-সন্নিপাতজ্বরস্যাবসানে কর্ণমূলপ্রদেশে সুষ্ঠ দারুণঃ শোফঃ সঞ্জাযতে| যেন-শোফেনোত্পন্নেন, কশ্চিদেব বিমুচ্যতে| কশ্চিদেবেত্যমেনাস্য রোগস্য নাবশ্যমসাধ্যতেতি ব্রূতে| অত এব চিকিত্সামত্রাহ-

আযুর্বেদরসাযনম্ ব্যাখ্যা ( কৃত)

আ রং-কর্ণমূলোপদ্রবমাহ-সন্নিপাতজ্বরস্যান্ত ইতি|

সর্বাঙ্গসুন্দরী ব্যাখ্যা ( কৃত)

স০-রক্তাবসেচনাদিভিঃ কবলগ্রহান্তৈরাশু তং জযেত্| প্রদেহঃ-প্রলেপঃ|

আযুর্বেদরসাযনম্ ব্যাখ্যা ( কৃত)

আ০ র০-কর্ণমূলৌষধমাহ-রক্তাবসেচনৈরিতি| বঙ্গসেনে তু (জ্ব. শ্লো. ৫৩২)-"গৈরিকং পাংসুজং শুণ্ঠী বচাকট্ফলকাঞ্জিকম্| কর্ণশোথহরো লেপঃ সন্নিপাতজ্বরে ভৃশম্||" ইতি|

সর্বাঙ্গসুন্দরী ব্যাখ্যা ( কৃত)

স০-আদিশব্দেন স্তম্ভস্বেদনাদযো গৃহ্যন্তে| শীতোষ্ণাদিভিরুপক্রমৈর্যথাযথং পৃথগ্বাতপিত্তশ্লেষ্মসংসর্গসন্নিপাতজ্বরপ্রশমনৈঃ সম্যক্ প্রযোজিতৈর্জ্বরো যস্য নরস্য শমং ন গচ্ছতি, তস্য শাখানুসারিত্বাদ্ধেতোর্বাহ্বোঃ ক্রমাত্-একৈকস্মিন্ ন যুগপদ্ দ্বযোর্ভুজযোঃ, শিরাং মুঞ্চেত্| শাখাশব্দেনাত্র কেবলং রক্তং বিবক্ষিতম্, ন মাংসাদযঃ| অত এব রক্তস্যৈব চিকিত্সানুবাচ মুঞ্চেচ্ছিরামিতি| মাংসজানাং হি শস্ত্রক্ষারাগ্নিকর্মাদিচিকিত্সা| তস্মাচ্ছাখাশব্দেন রক্তস্যৈব গ্রহণং যুক্তম্|

আযুর্বেদরসাযনম্ ব্যাখ্যা ( কৃত)

আ০ র০-রক্তস্রাবসাধ্যং জ্বরমাহ-শীতোষ্ণস্নিগ্ধরূক্ষাদ্যৈরিতি| "শাখা-রক্তাদযস্ত্বক্চ বাহ্যরোগাযনং হি সা (হৃ. সূ. অ. ১২/৪৪)|" তদনুসারী-তব্দ্যাপী| অথ বিষমজ্বরঃ| তত্র শমনান্যাহ-কলিঙ্গকা ইতি| সঙ্গ্রহে তু (চ.চি.অ ১)-"পটোলেন্দ্রযবারিষ্টভদ্রমুস্তামৃতাদ্বযম্| সারিবাদ্বিতযং পাঠা ত্রাযন্তী কটুরোহিণী|| পটোলারিষ্টমৃদ্বীকাশম্যাকত্রিফলাবৃষাঃ| চন্দনোশীরধান্যাব্দগুডূচীবিশ্বভেষজম্|| দেবদারু স্থিরা শুণ্ঠী বাসা ধাত্রী হরীতকী| পঞ্চ পঞ্চ জ্বরান্ ঘ্নন্তি যোগা মধুসিতোত্কটাঃ||" ইতি| অরিষ্টো-নিম্বঃ| অমৃতাদ্বযং-গুডূচীহরীতক্যৌ|

সর্বাঙ্গসুন্দরী ব্যাখ্যা ( কৃত)

স০-অযমেব-পূর্বোক্তো, বিধির্বিষমেঽপি-বিষমজ্বরে সততকাদৌ, যথাস্বং বাতাদীন্ বিভজ্য কার্যঃ| অনন্তরমধুনৈব চ যো বিধিরুচ্যতে পটোলকটুকাদিভিঃ, সোঽপি বিষমজ্বরে কার্যঃ|

আযুর্বেদরসাযনম্ ব্যাখ্যা ( কৃত)

আ০ র০-অতিদেশমাহ-অযমেবেতি| অযং-সন্ততজ্বরোক্তঃ|

সর্বাঙ্গসুন্দরী ব্যাখ্যা ( কৃত)

স০-পটোলাদিভিস্ত্রিভিশ্চতুর্ভিঃ পঞ্চভির্বা কৃতাঃ ক্বাথা বিষমজ্বরঘ্নাঃ|

আযুর্বেদরসাযনম্ ব্যাখ্যা ( কৃত)

আ০ র০-ক্বাথনাহ-পটোলেতি|

সর্বাঙ্গসুন্দরী ব্যাখ্যা ( কৃত)

সং-ত্রিফলাং বা পথ্যাং বা গুডূচীং পিপ্পলীং বা পৃথক্ পৃথক্ যোজযেত্ সততকাদিকে বিষমজ্বরে| অথবা তৈস্তৈঃ-রসাযনাদ্যুক্তৈর্বিধিভিঃ, গুডসহিতং ভল্লাতকং বা যোজযেত্|

আযুর্বেদরসাযনম্ ব্যাখ্যা ( কৃত)

আ রং-ত্রিফলাদিরসাযনান্যাহ-যোজযেন্ত্রিফলামিতি| তৈস্তৈঃ-রসাযনবিধ্যুক্তৈঃ| ভল্লাতকরসাযনং তু সগুডমেব|

সর্বাঙ্গসুন্দরী ব্যাখ্যা ( কৃত)

স০-যদি বা জ্বরাগমনদিবসে আদৌ-প্রথমং, লঙ্ঘনং বৃংহণং বা যোজযেত্|

আযুর্বেদরসাযনম্ ব্যাখ্যা ( কৃত)

আ০ র০-জ্বরোত্পত্তিদেনে অভোজনং গুরুস্নিগ্ধমধুরভোজনং বা কার্যমিত্যাহ-লঙ্ঘনং বৃংহণং বেতি|

সর্বাঙ্গসুন্দরী ব্যাখ্যা ( কৃত)

স০-বিষমজ্বরে প্রগে সহতৈলেন লশুনং যোজযেত্| প্রাগ্ভক্তমিত্যাদি| ভক্তাত্প্রথমং প্রাতর্বাঘৃতং চ জীর্ণং-পুরাণং, যোজযেত্| তথৈব দধি, তথা পযঃ, তথা তক্রং, ষট্পলং চ সর্পিঃক্ষযচিকিত্সিতোক্তং (হৃ. চি. অ. ৫/২৮) , প্রাতঃ প্রাগ্ভক্তং বা যোজযেদিত্যর্থঃ| কল্যাণকং-উন্মাদপ্রতিষেধোক্তং (হৃ. উ. অ. ৬/২৬) , পঞ্চগব্যং-অপস্মারপ্রতিষেধোক্তং (হৃ. উ. অ. ৭/১৯), তিক্তাখ্যং-কুষ্টচিকিত্সিতোক্তং (হৃ. চি. অ. ১৯/২), তথা বৃষসাধিতং-রক্তপিত্তচিকিত্সিতোক্তং (হৃ. চি. অ. ২/৪০), প্রাতঃ প্রাগ্ভক্তং বা যোজযেত্| ষট্পলাদীন্যতিদিশতি-সর্পিশ্চেতি|

আযুর্বেদরসাযনম্ ব্যাখ্যা ( কৃত)

আ০ র০-লশুনপুরাণঘৃতদধিক্ষীরতক্রাণি পৃথক্ সতৈলানি প্রাতঃকালে ভোজনাদৌ বা প্রযোজ্যানীত্যাহ-প্রাতঃ সতৈলমিতি| ষট্ফলাদীন্যতিদিশতি-সর্পিশ্চেতি|

সর্বাঙ্গসুন্দরী ব্যাখ্যা ( কৃত)

স০-ত্রিফলাদিক্বাথে চতুর্গুণে সর্পির্দধিসমং শাবররোঘ্নত্বক্কৃতাবাপমতিশযেন বিষমজ্বরজিত্|

আযুর্বেদরসাযনম্ ব্যাখ্যা ( কৃত)

আ০ র০-ঘৃতান্তরমাহ-ত্রিফলাকোলতর্কারীক্বাথ ইতি|০

সর্বাঙ্গসুন্দরী ব্যাখ্যা ( কৃত)

সং-সুরাং চ তীক্ষ্ণং চ যন্মদ্যং শিখিতিরিদক্ষজং চ মাংসং মেধ্যো(দ্যো)ষ্ণবীর্যমন্নেন সহ বহু সেবিত্বা তদহঃ স্বপ্যাত্| যস্মিন্ দিনে তদ্ভুক্তং তং দিবসং শযীত| তদহঃ স্বপ্যাদিতি "কালাধ্বনোরত্যন্তসংযোগে" ইতি দ্বিতীযা| অথবা পূর্বোক্তপীতভুক্তভক্তো নরঃ পুনরুল্লিখেত্-উদ্বমেত্|

আযুর্বেদরসাযনম্ ব্যাখ্যা ( কৃত)

আ রং-প্রযোগান্তরমাহ-সুরামিতি| সুরামন্যদ্বা তীক্ষ্ণং মদ্যং, শি(খীতিতিরিকুক্কুটান্মাংসং,]... অন্যদ্বা মেধ্যো৯দ্যো) [ষ্ণবীর্যং-অ](ঘী)যোষ্ণমাংসং, অন্নেন সহ জ্বরোত্পত্তিদিনে সেবিত্বা স্বপ্যাত্| ন জীর্যতি চেদুল্লিখেত্-বমেত্|

সর্বাঙ্গসুন্দরী ব্যাখ্যা ( কৃত)

সং-সর্পিষো বা মহতীম্-উত্তমাং, মাত্রাং পীত্বা পুনশ্ছ্হর্দযেত্ উদ্বমেত্|

আযুর্বেদরসাযনম্ ব্যাখ্যা ( কৃত)

আ রং-সর্পির্বমনমাহ-সর্পিষ ইতি|

সর্বাঙ্গসুন্দরী ব্যাখ্যা ( কৃত)

সং-নীলিন্যাদীন্ পৃথগ্জ্বরাগমনবাসরে কৃতস্নেহস্বেদঃ পিবেত্|

আযুর্বেদরসাযনম্ ব্যাখ্যা ( কৃত)

আ রং-বিরেচনমাহ-নীলিনীমিতি| সদ্যঃস্নেহনং স্বেদং চ কৃত্বা নীলিন্যাদিচতুষ্টযং জ্বরোত্পত্তিদিনে পিবেত্|

সর্বাঙ্গসুন্দরী ব্যাখ্যা ( কৃত)

সং-মনোহ্বাদিকং তৈলেন নযনাঞ্জনং যোজ্যম্| অঞ্জনশব্দো ম্রক্ষণেঽপি দৃশ্যত ইতিনযনশব্দেঽত্র প্রযুক্তঃ|

আযুর্বেদরসাযনম্ ব্যাখ্যা ( কৃত)

আ রং-অঞ্জনমাহ-মনোহ্বেতি|

সর্বাঙ্গসুন্দরী ব্যাখ্যা ( কৃত)

স০-হিঙ্গুতুল্যা ব্যাঘ্রীবসা নস্যং সসৈন্ধবং যোজ্যম্| ব্যাঘ্রীতি স্ত্রীলিঙ্গনির্দেশঃ স্ত্রিযা গ্রহণার্থোঽচিন্ত্যত্বাত্প্রভাবস্য, অন্যথা পুংলিঙ্গেনৈব নির্দেশং কুর্যাত্| যথা বক্তি-"পুরাণসর্পিঃ সিংহস্য বসা তদ্বত্সসৈন্ধবা|" ইতি|

আযুর্বেদরসাযনম্ ব্যাখ্যা ( কৃত)

আ০ র০-নস্যমাহ-হিঙ্গুসমা ব্যাঘ্রীবসা নস্যমিতি| ব্যাঘ্রী-ব্যাঘ্রজাতিস্ত্রী, তস্যাঃ বসা| নস্যান্তরমাহ-সসৈন্ধবম্| পুরাণসর্পিরিতি| নস্যান্তরমাহ-সিংহস্য বসা তদ্বত্ সসৈন্ধবেতি|

সর্বাঙ্গসুন্দরী ব্যাখ্যা ( কৃত)

সং-পলঙ্কষাদিধূমঃ সর্বেষু জ্বরেষু কার্যঃ| অথবা বিডালাজ্জাতা বিডালজা বিট্|

আযুর্বেদরসাযনম্ ব্যাখ্যা ( কৃত)

আ রং-ধূপমাহ-পলঙ্কষেতি| পলঙ্কষা-গুগ্গুলুঃ| ধূপান্তরমাহ-বিড্বা বিডালজেতি| বিডালজা বিট্মার্জারবিষ্ঠা|

সর্বাঙ্গসুন্দরী ব্যাখ্যা ( কৃত)

সং-পুরাদিভিঃ সহাপরাজিতাখ্যোঽযং ধূপো জ্বরেষু কার্যঃ|

আযুর্বেদরসাযনম্ ব্যাখ্যা ( কৃত)

আ রং-অপরাজিতং ধূপমাহ-পুরাধ্যামেতি| পুরোগুগ্গুলুঃ| ধ্যামকং-তৃণম্| সর্জো-রালা|

সর্বাঙ্গসুন্দরী ব্যাখ্যা ( কৃত)

সং-যে চ চিত্তবৈকৃতে-উন্মাদাপস্মারে, ধূমাদয উক্তাস্তে চ বিষমজ্বরে যোজ্যাঃ| বিকৃতমেব বৈকৃতম্| প্রজ্ঞাদিত্বাত্স্বার্থেঽণ্|

আযুর্বেদরসাযনম্ ব্যাখ্যা ( কৃত)

আ রং-উন্মাদাদিষূক্তান্ ধূপাদীনতিদিশতি-ধূপনস্যাঞ্জনোন্ত্রাসা ইতি| উন্ত্রাসঃ-অকস্মাদ্ভযোত্পাদনম্| চিত্তবৈকৃতং-উন্মাদোঽপস্মারশ্চ, তত্র যে উক্তাস্তে কার্যাঃ|

সর্বাঙ্গসুন্দরী ব্যাখ্যা ( কৃত)

সং-ন কেবলং ধূপাদযো জ্বরং নাশ্যন্তি| দৈবাশ্রযং চৌষধং মণিমঙ্গলবল্যুপহারপ্রাযশ্চিত্তজপদানস্বস্ত্যযনহোমাদিকং সর্বান্ জ্বরান্-আগন্তূন্নিজাংশ্চ, ব্যপোহতি| "উপসর্গাদস্যত্যূহ্যোর্বা বচনম্ (র্বেতি বাচ্যম্)" ইতি তঙভাবঃ| বিশেষেণ বিষমান্ ব্যপোহতি| যস্মাত্তে-বিষমজ্বরাঃ, আগন্তুনাং-ভূতাদীনাং, অনুবন্ধজ্জাতাঃ|

আযুর্বেদরসাযনম্ ব্যাখ্যা ( কৃত)

আ রং-দৈবব্যপাশ্রযমৌষধমাহ-দৈবাশ্রযং চেতি| দৈঘাশ্রযং-জপহোমাদি| হি-যস্মাত্, প্রাযো-বাহুল্যেন, তে বিষমাঃ, আগন্ত্বনুবন্ধজাঃ-গ্রহাবেশাদিসম্ভবাঃ|

সর্বাঙ্গসুন্দরী ব্যাখ্যা ( কৃত)

স০-বিষমজ্বরাশান্তৌ সত্যাং যথাস্বং-দোষাদ্যপেক্ষযা, সিরাং বিধ্যেত্| সঙ্গ্রহে চ রসাদিধাতুস্থে জ্বরে চিকিত্সোক্তা| যথা (চি.অ.২)-"রসসংস্থে তু সর্বস্মিন্ কুর্যাদ্বমনলঙ্ঘনে| সেকসংশমনালেপরক্তমোক্ষমসৃকূস্থিতে|| তীক্ষ্ণং বিরেকং মাংসাস্থে, মেদোঘ্নং মেদসি স্থিতে| অস্থিস্থে বাতশমনমভ্যঙ্গস্বেদমর্দনম্|| জ্বরে বাতার্তিশমনং বিশেষাদ্বূস্তিকর্ম চ|" ইতি| মজ্জস্থশুক্রস্থযোর্জ্বরযোরসাধ্যত্বাত্তত্র চিকিত্সা নোক্তা|

আযুর্বেদরসাযনম্ ব্যাখ্যা ( কৃত)

আ০ র০-শিরাব্যধমাহ-যথাস্বং চেতি| "তৃতীযর্কেঽসযোর্মধ্যে স্কন্ধস্যাধশ্চতুর্থকে|" (হৃ. সূ. অ. ২৭/১৩) ইত্যাদি-যথাস্বম্| সঙ্গ্রহে তু (চি.অ. ২)-"পঞ্চগব্যস্য মহতো বিধিনা পঞ্চমাহিষম্| পঞ্চাজং চতুরৈষ্ট্রং বা সিদ্ধং সিদ্ধং ঘৃতং তথা|| চতুরৌষ্ট্রং-পযোদধিমূত্রঘৃতৈঃ| কটুরোহিণিমঞ্জিষ্ঠাবৃষগ্রন্থিকচিত্রকৈঃ| পাঠাস্বগুপ্তাদ্বিনিশৈঃ পঞ্চগব্যস্য পঞ্চসু|| প্রস্থেষু সংযুতৈঃ সেব্যং বিষমজ্বরজিত্পরম্| বাক্স্বরস্মৃতিমেধাগ্নিবলারোগ্যবৃষত্বকৃত্|| শৃতক্ষীরঘৃতক্ষৌদ্রসিতাকৃষ্ণাঃ খজাহতাঃ| বিষমজ্বরহৃদ্রোগক্ষতকাসক্ষযাপহাঃ|| আস্থাপনং বা তদহর্দদ্যাত্স্বিন্নস্য যাপনম্| পযসা বৃষদংশস্য শকৃত্দ্বা তদহঃ পিবেত্|| মস্তুনা বা বৃষশকৃত্ সুরযা বা সসৈন্ধবম্|| সহদেবাবচাভদ্রানাকুলীভিঃ প্রযোজযেত্| ধূপনোদ্বর্তনালেপান্ সর্বজ্বরনিবর্হণান্||" ইতি| সিদ্ধযোগে তু (জ্ব. শ্লো. ২৩০)- "মুস্তামলকগুডূচীবিশ্বৌষধকণ্টকারিকাক্বাথঃ| পীতঃ সকণাচূর্ণঃ সমধুর্বিষমজ্বরং হন্তি|| অপামার্গজটা কট্যাং লোহিতৈঃ সপ্ততন্তুভিঃ| বদ্ধা বারে রবেস্তূর্ণং জ্বরং হন্তি তৃতীযকম্|| গঙ্গাযা উত্তরে কূলে অপুত্রস্তাপসো মৃতঃ| তস্মৈ তিলোদকং দদ্যান্মুঞ্চত্বেকাহিকো জ্বরঃ|| অগস্ত্যন্পত্রস্বরসেন নস্যং নিহন্তি চাতুর্থকমুগ্রবীর্যম্|| সোমং সনুচরং দেবং সমাতৃগণমীশ্বরম্| পূজযন্ প্রযতঃ শীঘ্রং মুচ্যতে বিষমজ্বরাত্|| বিষ্ণুং সহস্রমূর্ধানং চরাচরপতিং বিভূম্| স্তুবন্নামসহস্রেণ জ্বরান্সর্বান্ ব্যপোহতি|| মূলং ভূমিজযন্ত্যাশ্চ সহদেবোদ্ভাবং তথা| তণ্ডুলীযকমূলং বা বদ্ধং মুর্ধ্নি জ্বরাপহম্|| শান্তিং নযেন্ত্রিবৃদ্বাঽপি সক্ষৌদ্রা বিষমজ্বরম্| মধুনা চাভযা লীঢা হন্ত্যাশু বিষমজ্বরম্|| (শ্লো. ২২৮) অজাজী গুডসংযুক্তা বিষমজ্বর নাশিনী| গুডপ্রগাঢাং ত্রিফলাং লিহ্যাদ্বা বিষমজ্বরী||" [ইতি| বঙ্গসেনে তু (জ্ব. শ্লো. ৫৭৩)-] "শৈলূষমণ্ডনরজঃ পুরুষানুরূপং শুভ্রাঙ্গবত্সসুরভীপযসা নিপীতম্| আদিত্যবারভবপালিদিনে নরেণ চাতুর্থকং সুচিরজং জযতি ক্ষণেন|| শৈলূষমণ্ডনং-হরীতালম্| পুরুষানুরূপং-পুরুষাকৃতি| কল্কঃ শিরীষপুষ্পস্য রজনীদ্বযসংযুতঃ| নস্যং সর্পিঃ সমাযোগাজ্জ্বরং চাতুর্থকং জযেত্|| সিতবর্ষাভূমূলং পযস পীতং চ পৈত্তিকং জযতি| চাতুর্থকং সুচিরজং তাম্বূলেনৈব ভক্ষণাদথবা|| কৃষ্ণামলকীরামঠদার্বিবচারাজসর্ষপরসোনৈঃ| ছাগলমূত্রনিপিষ্টৈর্নস্যং ত্বেকাহিকাদিহরম্|| ক্ষীরাবিকারজনিমর্দকসত্রপাণাংমূলং জ্বরাপহমবশ্যমিদং শিখাযাম্| বদ্ধং দিবাকরদিনে যদি বাঽষ্টমীষু রাত্রিজ্বরং হরতি রঞ্জিতসূত্রবদ্ধম্||" ইতি| ইতি বিষমজ্বরঃ|

সর্বাঙ্গসুন্দরী ব্যাখ্যা ( কৃত)

সং-কেবলানিলাদিভির্জ্বরে সর্পিঃপানাদিকং কুর্যাত্| যচ্চ রক্তমোক্ষাদি সাধনং যথাস্বমুক্তং তচ্চ কুর্যাত্|

আযুর্বেদরসাযনম্ ব্যাখ্যা ( কৃত)

আ রং-অথাগন্তুজ্বরঃ| তত্রাভিঘাতজন্মৌষধমাহ-কেবলানিলেতি| কেবলনিলজো বিসর্পজো বিস্ফোটজশ্চ জ্বরস্তুল্যৌষধত্বাদুক্তঃ| কিন্ত্বসাবাগন্তুঃ| কিন্তু নিজভেদঃ কেবলঃ-পিত্তকফামৈরসংস্পৃ(সৃ)ষ্টঃ|

সর্বাঙ্গসুন্দরী ব্যাখ্যা ( কৃত)

সং-গ্রহোত্থে জ্বরে ভূতবিদ্যোক্তং বলিমন্ত্রাদি সাধনং চিকিত্সিতম্|

আযুর্বেদরসাযনম্ ব্যাখ্যা ( কৃত)

আ রং-গ্রহাবেশজস্যৌষধমাহ-গ্রহোত্থ ইতি| ভূতবিদ্যা-উত্তরস্থানোক্তং গ্রহপ্রকরণম্|

সর্বাঙ্গসুন্দরী ব্যাখ্যা ( কৃত)

সং-ওষধীগন্ধজে পিত্তশমনং চিকিত্সিতম্|

আযুর্বেদরসাযনম্ ব্যাখ্যা ( কৃত)

আ রং-ঔষধীগন্ধজস্যৌষধমাহ-ঔষধীগন্ধজ ইতি|

সর্বাঙ্গসুন্দরী ব্যাখ্যা ( কৃত)

সং-বিষে-বিষজে জ্বরে, বিষজিচ্চিকিত্সিতম্|

আযুর্বেদরসাযনম্ ব্যাখ্যা ( কৃত)

আ রং-বিষজস্যৌষধমাহ-বিষজদ্বিষ ইতি|

সর্বাঙ্গসুন্দরী ব্যাখ্যা ( কৃত)

সং-ক্রোধাদিজং জ্বরমিষ্টৈঃ-অভিমতৈঃ, অর্থৈঃ-বিষযৈঃ, তথা মনোজ্ঞৈঃ-রম্যৈঃ, তথা যথাদোষং যঃ শমঃ-শমনং তেন, তথা হিতাহিতবিবেকৈশ্চ জযেত্| আদিশব্দোঽত্র ভীশোকাদি পরিগ্রহার্থঃ|

আযুর্বেদরসাযনম্ ব্যাখ্যা ( কৃত)

আ রং-ক্রোধাদিজস্যৌষধমাহ-ইষ্টৈর্থৈরিতি| ইষ্টৈঃ-ভোক্তুগুণেন মনোজ্ঞৈঃ স্বগুণেন বা|

সর্বাঙ্গসুন্দরী ব্যাখ্যা ( কৃত)

স০-শাপাদ্যুত্থে জ্বরে দৈবব্যপাশ্রযো বিধিঃ কার্যঃ| শাপোমুনিপিত্রাদিভিঃ সক্রোর্ধৈর্দত্তঃ| [তে-] ওষধ্যাদ্যুত্থা জ্বরাঃ পূর্বং কেবলা ভবন্তি| অনন্তরং মলৈঃ-বাতাদিভিঃ, ব্যাপ্যন্তে| তস্মাদ্ধেতোস্তেষু-জ্বরেষু, দোষানুসারেণাহারাদি কল্পযেত্| ননু, শাপাদ্যুত্থেষু বাতাদিকোপো নাশঙ্ক্যত এব| তত্কিমিতি তেষ্বাহারাদিকং দোষানুসারেণ কল্প্যতে ? ইত্যাহ-ন হীত্যাদি| যস্মাদ্বাতাদীনন্তরেণ বিনা কৃতো জ্বরো নানুবধ্নাতি, তস্মাদবশ্যং তেষ্বপি বাতাদিকোপঃ সম্ভাব্যতে| অত এব চ তদনুসারেণাহারদিকল্পনম্|

আযুর্বেদরসাযনম্ ব্যাখ্যা ( কৃত)

আ০ র০-শাপজাভিচারজযোরৌষধমাহ-শাপাথবর্ণমন্ত্রোত্থ ইতি| বঙ্গসেনে তু (জ্বর. শ্লো. ৫৪১)-"ঔষধীগন্ধ[বিষজৌ বিষপিত্তপ্রবাধনৈঃ| জযেত্কষাযৈর্মতিমান্ সর্বগন্ধকৃতৈর্ভিষক্|| ]" ইতি| ইত্যাগন্তুজ্বরঃ| অথ ধাতুজ্বরঃ| [ সঙ্গ্রহে তু (চি. অ. ২)-] "রসসংস্থে তু সর্বস্মিন্ কুর্যাদ্বমনলঙ্ঘনে| সেকসংশমনালেপরক্তমোক্ষানসৃক্স্থিতে|| তীক্ষ্ণান্ বিরেকান্ মাংসস্থে মেদোঘ্নং মেদসি স্থিতে| অস্থিস্থে বাতশমনমভ্যঙ্গস্বেদমর্দনম্|| জ্বরে বাতার্তিশমন বিশেষাদ্বস্তিকর্ম চ|" ইতি|

সর্বাঙ্গসুন্দরী ব্যাখ্যা ( কৃত)

সং-জ্বরকালং চ বেগং চ যশ্চিন্তযন্ জ্বর্যতে, অস্য চজ্বরিণো, জ্বরকালস্মরণং হারিভিঃ-মনোহরৈঃ, বিষযৈঃ-শব্দাদিভিঃ, হরেত্-বিস্মারযেত্|

আযুর্বেদরসাযনম্ ব্যাখ্যা ( কৃত)

আ রং-অথ সর্বজ্বরসাধারণানি| তত্র মনোহরসেবামাহ-জ্বরকালস্মৃতিমিতি| জ্বরকালো-জ্বরবেগকালঃ, তস্য স্মৃতিঃ-অস্মিন্কাল আধত্তা ইতি স্মরণম্|

সর্বাঙ্গসুন্দরী ব্যাখ্যা ( কৃত)

সং-শুদ্ধং-রাগদ্বেষাদ্যনুপহতং, তথা করুণযাঽঽদ্রং-কৃপাপরং, চেতঃ সর্বজ্বরবিনাশনং স্যাত্|

আযুর্বেদরসাযনম্ ব্যাখ্যা ( কৃত)

আ রং-মনসঃ শুদ্ধত্বং করুণার্দ্রত্বং চাহ-করুণার্দ্রমিতি|

সর্বাঙ্গসুন্দরী ব্যাখ্যা ( কৃত)

সং-বললাভাদা-বললাভমবধীকৃত্য, ব্যাযামাদি ত্যজেত্-নাচরেত্| স্নানং চ যদ্যপি দীপনাদিগুণযুক্তং প্রাগধীতং, তথাঽপি প্রভাবজ্জবরং করোতীতি তদ্বর্জনম্| এবং ব্যাযামাদিষ্বপিচিন্ত্যম্| [অন্যত্]-অপরমনুক্তমপীহ যজ্জ্বরকারণং, তদপি ত্যজেত্| খারণাদেঽপ্য্ক্তম্-"পিষ্টান্নং হরিতং শাকং মাংসং শুষ্কং তিলান্ দধি| গ্রাম্যানূপৌদকাজাবিগব্যসূকরভাহিষম্|| মাংসং শুষ্কাণি শাকানি সর্বমেব ত্যজেজ্জবরী|" তথোক্তম্-"জ্বরিতৈ স্থিত্তিরিক্রৌঞ্চশিখিবর্তককুক্কুটাঃ| গুরুষ্ণত্বাদ্বিবর্জ্যাঃ স্যুরত্র সোপদ্রবে জ্বরে||" ইতি|

আযুর্বেদরসাযনম্ ব্যাখ্যা ( কৃত)

আ রং-ব্যাযামাদিবর্জনমাহ-ত্যজেদিতি|

সর্বাঙ্গসুন্দরী ব্যাখ্যা ( কৃত)

সং-তথা বিজ্জ্বরোঽপি-পূর্বানুভূতজ্বরঃ, সহসা-অক্রমেণৈব, সর্বান্নভক্ষো ন স্যাত্| সর্বান্নীন ইত্যুপপদসর্বান্নেত্যাদিনা খঃ| যতো নিবৃত্তোঽপি-অপগতোঽপি, জ্বরঃ শীঘ্রমেব দুর্বলং ব্যাপাদযতি|

আযুর্বেদরসাযনম্ ব্যাখ্যা ( কৃত)

আ রং-সহসাঽঽহারবৃদ্দিং নিষেধতি-ন বিজ্বরোঽপীতি| সর্বান্নমতীতি সর্বান্নীনঃ| নিষেধাতিক্রমে দোষমাহ-নিবৃত্তোঽপীতি|

সর্বাঙ্গসুন্দরী ব্যাখ্যা ( কৃত)

সং-যস্মাচ্চ জ্বরঃ সদ্য এব প্রাণহৃদ্ভবতি, তস্মাত্কারণাত্তস্য-জ্বরিণো, বিশেষেণান্যরোগেভ্যঃ সকাশাত্তস্যাং তস্যাংসামপচ্যমানপক্বাজীর্ণবিষমচিরনিবৃত্তজ্বরাদ্যবস্থাযাং চ, তত্তত্-লঙ্ঘনস্বেদনযবাগূপাচনক্ষীরসর্পিঃপানাদিকং, ভিষগ্জিতং-ঔষধং, কুর্যাত্|

আযুর্বেদরসাযনম্ ব্যাখ্যা ( কৃত)

আ রং-জ্বরচিকিত্সাযামাদরং বিধত্তে-সদ্যঃ প্রাণহর ইতি|

সর্বাঙ্গসুন্দরী ব্যাখ্যা ( কৃত)

সং-ওষধ্যাদযো বিষ্ণুকৃতমপ্যুগ্রং জ্বরং ঘ্নান্তি| কিং পুনরপচারাদিকৃতং জ্বরং ন ঘ্নান্তি ? ইত্যপিশব্দার্থঃ| ভৌ তু ভাগাবিতি দোধকমেতত্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটী- কাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে জ্বরচিকিত্সিতং নাম প্রথমোঽধ্যাযঃ সমাপ্তঃ|| ১||

আযুর্বেদরসাযনম্ ব্যাখ্যা ( কৃত)

আ রং-সিদ্দৌষধাদিধারণমাহ-ঔষধয ইতি| সঙ্গ্রহে তু (চি.অ. ২)-"কৃত্যা ত্রিবর্গসংযুক্তা রুড্নিদ্রাদিবিনোদিনী| শাস্ত্রং বিচিত্রং শৃণুযান্ন প্রেতব্যাধিতাশ্রযম্|| মনোভিরামবিষযং বচনং হ্লাদি দক্ষিণম্| মাতরং পিতরং দেবান্ বৈদ্যান্ বিপ্রান্ হরং হরিম্|| পূজযেচ্ছীলযেদ্দানদমসত্যদযার্জবান্| ধারযেচ্চ শুচির্মূর্ধ্না মণিরত্নমহৌষধীঃ|| আর্যাবলোকিতং পর্ণশবরীমপরাজিতাম্| প্রণমেদার্যতারাং চ সর্বজ্বরনিবৃত্তযে| জপংস্তথা গতোষ্ণীষং সর্বব্যাধিচিকিত্সিতম্| আগন্তুদোষসহজৈঃ সর্বরোগৈর্বিমুচ্যতে||" ইতি|| ইতি হেমাদ্রিটীকাযামাযুর্বেদরসাযনে| জ্বরপ্রকরণং নাম সমস্ত্যেন নিরূপিতম্|| ১||