Adhikarana ১ (১-২) · Śloka ২
অথাতঃ প্রতিশ্যাযপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः प्रतिश्यायप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথাত ইত্যাদি| বাতং প্রতি অভিমুখং শ্যাযো গমনং কফাদীনাং যত্র স প্রতিশ্যাযঃ| প্রতিষেধঃ চিকিত্সিতম্||১-২||
Adhikarana ২ (৩) · Śloka ৩
নারীপ্রসঙ্গঃ শিরসোঽভিতাপো ধূমো রজঃ শীতমতিপ্রতাপঃ | সন্ধারণং মূত্রপুরীষযোশ্চ সদ্যঃ প্রতিশ্যাযনিদানমুক্তম্ ||৩||
नारीप्रसङ्गः शिरसोऽभितापो धूमो रजः शीतमतिप्रतापः | सन्धारणं मूत्रपुरीषयोश्च सद्यः प्रतिश्यायनिदानमुक्तम् ||३||
🔊 Audio coming soon
তচ্চ চিকিত্সিতমলক্ষিতানাং ব্যাধীনাং ন সম্ভবতি, অতঃ প্রতিশ্যাযলক্ষণার্থং পূর্বং সদ্যোজনকমেব নিদানং নির্দিশন্নাহ- নারীপ্রসঙ্গ ইত্যাদি| নারীপ্রসঙ্গো নারীষ্বতিশযেন প্রবৃত্তিঃ| শিরঃ অভিতপ্যতে যেন স শিরোভিতাপঃ| (শিরোভিতাপো ধূমাদিঃ, রজোধূমচযাশ্চ নাসাপ্রবিষ্টা হেতবঃ)| কেচিদমুং পাঠং ন পঠন্তি; তন্ন, যতঃ সর্বনিবন্ধকারৈরঙ্গীকৃতোঽযং পাঠঃ||৩||
Adhikarana ৩ (৪) · Śloka ৪
চযং গতা মূর্ধনি মারুতাদযঃ পৃথক্ সমস্তাশ্চ তথৈব শোণিতম্ | প্রকোপ্যমাণা বিবিধৈঃ প্রকোপণৈর্নৃণাং প্রতিশ্যাযকরা ভবন্তি হি ||৪||
चयं गता मूर्धनि मारुतादयः पृथक् समस्ताश्च तथैव शोणितम् | प्रकोप्यमाणा विविधैः प्रकोपणैर्नृणां प्रतिश्यायकरा भवन्ति हि ||४||
🔊 Audio coming soon
সদ্যোজনকং নিদানমভিধায চযাদিক্রমেণ| কালান্তরজনকমপি নিদানমাহ- চযমিত্যাদি| চযং গতাঃ অর্থাত্ স্বে স্বে স্থানে সঞ্চযং প্রাপ্তাঃ| মূর্ধনীতি মূর্ধনি প্রতিশ্যাযকরা ভবন্তীতি যোজনীযম্| যদি স্বে স্বে স্থানে চিতাস্তত্ কথং মূর্ধনি প্রতিশ্যাযকরা ইত্যাহ- প্রকোপ্যমাণা ইত্যাদি| বিবিধৈঃ প্রকোপণৈঃ বলবদ্বিগ্রহাদিভিঃ ক্রোধাদিভির্দিবাস্বপ্নাদিভিশ্চ| অন্যে তু মূর্ধনি সঞ্চযং প্রাপ্তা দোষা ইতি ব্যাখ্যানযন্তি| ননু স্বস্থানবৃদ্ধিঃ সঞ্চযঃ, বাতপিত্তকফরক্তানাং শিরসি স্থানং নাস্তি, তত্কথং মূর্ধনি বাতাদীনাং সঞ্চযঃ? সত্যং, ‘যো বাযুর্বক্ত্রসঞ্চারী’ ইত্যাদিনা বাযোঃ শিরসি স্থানমুক্তং, পিত্তস্য ত্বগ্দৃষ্টিশ্চেতি শিরসি স্থানদ্বযং, শ্লেষ্মণঃ স্থানং শিরসি প্রসিদ্ধমেব, সিরাণাং সর্বগত্বাদ্রক্তস্যাপি শিরসি স্থানং, তস্মাত্ শিরসি সঞ্চযং গতা ইতি যুক্তম্||৪||
Adhikarana ৪ (৫) · Śloka ৫
শিরোগুরুত্বং ক্ষবথোঃ প্রবর্তনং তথাঽঙ্গমর্দঃ পরিহৃষ্টরোমতা | উপদ্রবাশ্চাপ্যপরে পৃথগ্বিধা নৃণাং প্রতিশ্যাযপুরঃসরাঃ স্মৃতাঃ ||৫||
शिरोगुरुत्वं क्षवथोः प्रवर्तनं तथाऽङ्गमर्दः परिहृष्टरोमता | उपद्रवाश्चाप्यपरे पृथग्विधा नृणां प्रतिश्यायपुरःसराः स्मृताः ||५||
🔊 Audio coming soon
প্রতিশ্যাযস্য পূর্বরূপমাহ- শিরোগুরুত্বমিত্যাদি| ক্ষবথোঃ প্রবর্তনং ছিক্কাযাঃ প্রবৃত্তিঃ| অঙ্গমর্দো বেদনাবিশেষঃ| পরিহৃষ্টরোমতা উচ্ছূনরোমতা, উদ্ধর্ষিতরোমাঞ্চ ইতি যাবত্| পৃথগ্বিধা উপদ্রবা জ্বরারোচকাদযঃ| পুরঃসরা অগ্রগামিনঃ, পূর্বরূপাণীত্যর্থঃ||৫||
Adhikarana ৫ (৬) · Śloka ৭
আনদ্ধা পিহিতা নাসা তনুস্রাবপ্রবর্তিনী | গলতাল্বোষ্ঠশোষশ্চ নিস্তোদঃ শঙ্খযোস্তথা ||৬|| স্বরোপঘাতশ্চ ভবেত্ প্রতিশ্যাযেঽনিলাত্মকে |৭|
आनद्धा पिहिता नासा तनुस्रावप्रवर्तिनी | गलताल्वोष्ठशोषश्च निस्तोदः शङ्खयोस्तथा ||६|| स्वरोपघातश्च भवेत् प्रतिश्यायेऽनिलात्मके |७|
🔊 Audio coming soon
বাতজপ্রতিশ্যাযস্য লক্ষণমাহ- আনদ্ধা পিহিতেত্যাদি| আনদ্ধা আধ্মাতা পূরিতেব| পিহিতা রজঃশূকপূর্ণেব||৬||-
Adhikarana ৬ (৭-৮) · Śloka ৮
উষ্ণঃ সপীতকঃ স্রাবো ঘ্রাণাত্ স্রবতি পৈত্তিকে ||৭|| কৃশোঽতিপাণ্ডুঃ সন্তপ্তো ভবত্তৃষ্ণানি(ভি)পীডিতঃ | সধূমং সহসা বহ্নিং বমতীব চ মানবঃ ||৮||
उष्णः सपीतकः स्रावो घ्राणात् स्रवति पैत्तिके ||७|| कृशोऽतिपाण्डुः सन्तप्तो भवत्तृष्णानि(भि)पीडितः | सधूमं सहसा वह्निं वमतीव च मानवः ||८||
🔊 Audio coming soon
পিত্তপ্রতিশ্যাযস্য লক্ষণমাহ- উষ্ণ ইত্যাদি| সপীতক ঈষত্পীত ইত্যর্থঃ| সধূমমিতি সধূমমিব বহ্নিং নাসযা বমতীত্যর্থঃ| সহসা অকস্মাত্||৭-৮||
Adhikarana ৭ (৯) · Śloka ১০
কফঃ কফকৃতে ঘ্রাণাচ্ছুক্লঃ শীতঃ স্রবেন্মুহুঃ | শুক্লাবভাসঃ শূনাক্ষো ভবেদ্গুরুশিরোমুখঃ ||৯|| শিরোগলৌষ্ঠতালূনাং কণ্ডূযনমতীব চ |১০|
कफः कफकृते घ्राणाच्छुक्लः शीतः स्रवेन्मुहुः | शुक्लावभासः शूनाक्षो भवेद्गुरुशिरोमुखः ||९|| शिरोगलौष्ठतालूनां कण्डूयनमतीव च |१०|
🔊 Audio coming soon
কফকৃতপ্রতিশ্যাযলিঙ্গমাহ- কফ ইত্যাদি| কফকৃতে প্রতিশ্যাযে কফঃ স্রবেদিতি সম্বন্ধনীযম্||৯||-
Adhikarana ৮ (১০-১১) · Śloka ১১
ভূত্বা ভূত্বা প্রতিশ্যাযো যোঽকস্মাদ্বিনিবর্ততে ||১০|| সম্পক্বো বাঽপ্যপক্বো বা স সর্বপ্রভবঃ স্মৃতঃ | লিঙ্গানি চৈব সর্বেষাং পীনসানাং চ সর্বজে ||১১||
भूत्वा भूत्वा प्रतिश्यायो योऽकस्माद्विनिवर्तते ||१०|| सम्पक्वो वाऽप्यपक्वो वा स सर्वप्रभवः स्मृतः | लिङ्गानि चैव सर्वेषां पीनसानां च सर्वजे ||११||
🔊 Audio coming soon
সান্নিপাতিকস্য লিঙ্গং নির্দিশন্নাহ- ভূত্বেত্যাদি| অকস্মাত্ কারণং বিনা| সর্বজে প্রতিশ্যাযে সর্বেষাং বাতাদিজানাং প্রতিশ্যাযানাং পীনসানাং লিঙ্গানি ভবন্তীতি যোজ্যম্| সান্নিপাতিকপ্রতিশ্যাযোঽসাধ্যঃ, বিদেহোক্তত্বাত্||১০-১১||
Adhikarana ৯ (১২-১৩) · Śloka ১৪
রক্তজে তু প্রতিশ্যাযে রক্তাস্রাবঃ প্রবর্ততে | তাম্রাক্ষশ্চ ভবেজ্জন্তুরুরোঘাতপ্রপীডিতঃ ||১২|| দুর্গন্ধোচ্ছ্বাসবদনস্তথা গন্ধান্ন বেত্তি চ | মূর্চ্ছন্তি চাত্র কৃমযঃ শ্বেতাঃ স্নিগ্ধাস্তথাঽণবঃ ||১৩|| কৃমিমূর্ধবিকারেণ সমানং চাস্য লক্ষণম্ |১৪|
रक्तजे तु प्रतिश्याये रक्तास्रावः प्रवर्तते | ताम्राक्षश्च भवेज्जन्तुरुरोघातप्रपीडितः ||१२|| दुर्गन्धोच्छ्वासवदनस्तथा गन्धान्न वेत्ति च | मूर्च्छन्ति चात्र कृमयः श्वेताः स्निग्धास्तथाऽणवः ||१३|| कृमिमूर्धविकारेण समानं चास्य लक्षणम् |१४|
🔊 Audio coming soon
রক্তজপ্রতিশ্যাযস্য লক্ষণমাহ- রক্তজে ইত্যাদি| উরোঘাতস্তন্ত্রান্তরোক্তলক্ষণঃ তেন প্রকর্ষেণ পীডিতঃ| তদেব তন্ত্রান্তরোক্তলক্ষণং দর্শযতি,- “উরঃক্ষতং গুরু স্তব্ধং পূতিপূর্ণকফো রসঃ| সকাসঃ সজ্বরো জ্ঞেয উরোঘাতঃ সপীনসঃ”- ইতি| মূর্চ্ছন্তি পতন্তি| অত্র রক্তজপ্রতিশ্যাযে| কৃমযঃ সূক্ষ্মাঃ| কৃমিমূর্ধবিকারেণেত্যাদি| কৃমিজস্য শিরোরোগস্য যল্লক্ষণং তেন সমানমস্য লক্ষণমিত্যর্থঃ| কেচিত্ ‘মূর্চ্ছন্তি চাত্র কৃমযঃ শ্বেতাঃ স্নিগ্ধাস্তথাঽণবঃ’ ইতি পাঠং রক্তজপ্রতিশ্যাযলক্ষণভিন্নং পঠন্তি, ব্যাখ্যানযন্তি চ- অত্রেতি এষু সর্বেষ্বেব প্রতিশ্যাযেষু||১২-১৩||-
Adhikarana ১০ (১৪-১৫) · Śloka ১৬
প্রক্লিদ্যতি পুনর্নাসা পুনশ্চ পরিশুষ্যতি ||১৪|| মুহুরানহ্যতে চাপি মুহুর্বিব্রিযতে তথা | নিঃশ্বাসোচ্ছ্বাসদৌর্গন্ধ্যং তথা গন্ধান্ন বেত্তি চ ||১৫|| এবং দুষ্টপ্রতিশ্যাযং জানীযাত্ কৃচ্ছ্রসাধনম্ |১৬|
प्रक्लिद्यति पुनर्नासा पुनश्च परिशुष्यति ||१४|| मुहुरानह्यते चापि मुहुर्विव्रियते तथा | निःश्वासोच्छ्वासदौर्गन्ध्यं तथा गन्धान्न वेत्ति च ||१५|| एवं दुष्टप्रतिश्यायं जानीयात् कृच्छ्रसाधनम् |१६|
🔊 Audio coming soon
ইদানীমেকদোষজেঽপি প্রতিশ্যাযে দুরুপচারতো দোষান্তরপ্রকোপাদ্দুষ্টিং গতস্য লিঙ্গমাহ- প্রক্লিদ্যতীত্যাদি||১৪-১৫||-
Adhikarana ১১ (১৬-১৭) · Śloka ১৭
সর্ব এব প্রতিশ্যাযা নরস্যাপ্রতিকারিণঃ ||১৬|| কালেন রোগজননা জাযন্তে দুষ্টপীনসাঃ | বাধির্যমান্ধ্যমঘ্রাণং ঘোরাংশ্চ নযনামযান্ | কাসাগ্নিসাদশোফাংশ্চ বৃদ্ধাঃ কুর্বন্তি পীনসাঃ ||১৭||
सर्व एव प्रतिश्याया नरस्याप्रतिकारिणः ||१६|| कालेन रोगजनना जायन्ते दुष्टपीनसाः | बाधिर्यमान्ध्यमघ्राणं घोरांश्च नयनामयान् | कासाग्निसादशोफांश्च वृद्धाः कुर्वन्ति पीनसाः ||१७||
🔊 Audio coming soon
ইদানীং সর্বেষামেব প্রতিশ্যাযানামুপেক্ষযা মিথ্যাহারাচারিণো নরস্য কালান্তরেণ রোগান্তরারম্ভকত্বং নির্দিশন্নাহ- সর্ব ইত্যাদি| সর্বে এব প্রতিশ্যাযাঃ কালেন রোগজননা ভবন্তি, তথা ত এব প্রতিশ্যাযাঃ ক্রমেণ দুষ্টপীনসা জাযন্তে| কে তে রোগা ইত্যাহ- বাধির্যমিত্যাদি| বৃদ্ধাঃ প্রতিশ্যাযা বাধির্যাদীন্ কুর্বন্তীতি পিণ্ডার্থঃ| প্রতিশ্যাযানাং পক্বতা ‘পক্বং ঘনং চাপ্যবলম্বমানং’ ইত্যাদিনা জ্ঞেযা; এতদ্বিপর্যযেণ চামতা| কেচিদ্বৃদ্ধসুশ্রুতোক্তম্,- “অরুচির্বিরসং বক্ত্রং নাসাস্রাবো রুজাঽরতিঃ| শিরোগুরুত্বং ক্ষবথুর্জ্বরশ্চামস্য লক্ষণম্|| তনুত্বমামলিঙ্গানাং শিরোনাসাস্যলাঘবম্| ঘনপীতকফত্বং চ পক্বপীনসলক্ষণম্”- ইতি প্রতিশ্যাযানামামপক্বলক্ষণং পঠন্তি||১৬-১৭||
Adhikarana ১২ (১৮) · Śloka ১৮
নবং প্রতিশ্যাযমপাস্য সর্বমুপাচরেত্ সর্পিষ এব পানৈঃ | স্বেদৈর্বিচিত্রৈর্বমনৈশ্চ যুক্তৈঃ কালোপপন্নৈরবপীডনৈশ্চ ||১৮||
नवं प्रतिश्यायमपास्य सर्वमुपाचरेत् सर्पिष एव पानैः | स्वेदैर्विचित्रैर्वमनैश्च युक्तैः कालोपपन्नैरवपीडनैश्च ||१८||
🔊 Audio coming soon
ইদানীং প্রতিশ্যাযানাং সামান্যং চিকিত্সিতমাহ- নবং প্রতিশ্যাযমিত্যাদি| অপাস্য পরিত্যজ্য| সর্বেষাং প্রতিশ্যাযানাং বাতাত্মকত্বাত্ সর্বেষামেব সর্পিঃপানম্| কালোপপন্নৈঃ আবস্থিককালযোগ্যৈঃ| অবপীডনৈঃ নস্যভেদৈঃ| কেচিদত্র, ‘পীনসানাং চ সর্বেষাং হেতুর্যস্মাত্ সমীরণঃ| কফপিত্তাধিকেঽপ্যস্মাত্ মারুতং সমুপক্রমেত্|| তস্মাদভিষ্যন্দমুদীর্যমাণমুপাচরেদাদিত এব ধীমান্| ঘৃতৈঃ সহিঙ্গ্বম্লকটূষ্ণসিদ্ধৈঃ স্বেদৈর্বিচিত্রৈর্বমনৈশ্চ তীক্ষ্ণৈঃ|| কটুত্রিকং চিত্রকতিন্তিডীকং তালীশপত্রং চবিকাম্লসঞ্জ্ঞম্| বিচূর্ণিতং জীরকচূর্ণযুক্তমেলাচ্ছদত্বক্সুরভীকৃতং চ|| মিশ্রং পুরাণেন গুডেন দদ্যাত্তত্ পীনসানাং পরিপাচনার্থম্| পক্বং গুডং চাপি কটুত্রিকেণ ঘৃতপ্রগাঢং প্রলিহেত্ সুখোষ্ণম্| সর্পির্গুডাভ্যাং কটুকৈশ্চ পক্বান্ খাদেচ্চ শক্তূনপি নাতিশীতান্| গুডাধিকং চার্দ্রকমাদিশন্তি যুক্তোষিতং তত্ পরিপাচনার্থম্| শিরোবিরেকং বমনং চ কেচিদামে ন দাতব্যমিতি ব্রুবন্তি”- ইতি পঠন্তি| স চ পাঠো জেজ্জটাচার্যেণ নাঙ্গীকৃতঃ||১৮||
Adhikarana ১৩ (১৯) · Śloka ১৯
অপচ্যমানস্য হি পাচনার্থং স্বেদো হিতোঽম্লৈরহিমং চ ভোজ্যম্ | নিষেব্যমাণং পযসাঽঽর্দ্রকং বা সম্পাচযেদিক্ষুবিকারযোগৈঃ ||১৯||
अपच्यमानस्य हि पाचनार्थं स्वेदो हितोऽम्लैरहिमं च भोज्यम् | निषेव्यमाणं पयसाऽऽर्द्रकं वा सम्पाचयेदिक्षुविकारयोगैः ||१९||
🔊 Audio coming soon
নবপ্রতিশ্যাযস্য পাকার্থং চিকিত্সামাহ- অপচ্যমানস্যেত্যাদি| অহিমম্ উষ্ণং, ভোজ্যং ভোজনম্| অপরমপি পাকার্থং যোগমাহ- নিষেব্যমাণমিত্যাদি| আর্দ্রকং পযসা পাযযেম্ ইক্ষুবিকারযোগৈর্বা| ইক্ষুবিকারা গুডাদযঃ| কেচিত্ ‘নিষেব্যমাণং পযসাঽঽর্দ্রকং বা সম্পাচযেত্ তত্ কটুকোপযোগৈঃ’- ইতি পঠন্তি, ব্যাখ্যানযন্তি চ- দুগ্ধেন সহার্দ্রকরসঃ পেযঃ, অন্যে তু দুগ্ধেন সহ নাগরচূর্ণং পেযমিতি মন্যন্তে; কটুকোপযোগৈঃ কটুদ্রব্যোপযোগৈঃ| অস্যাগ্রে কেচিত্ ‘গ্রাম্যাণি মাংসানি দধীনি মদ্যং মাষান্ কুলত্থান্ লবণং কটূনি| অম্লং তথা চামকমূলকং চ তথা ধনত্বং তরুণঃ প্রযাতি’- ইতি পঠন্তি; স চ ন পঠনীযঃ, সর্বনিবন্ধকারৈঃ পরিহৃতত্বাত্||১৯||
Adhikarana ১৪ (২০) · Śloka ২০
পক্বং ঘনং চাপ্যবলম্বমানং শিরোবিরেকৈরপকর্ষযেত্তম্ | বিরেচনাস্থাপনধূমপানৈরবেক্ষ্য দোষান্ কবলগ্রহৈশ্চ ||২০||
पक्वं घनं चाप्यवलम्बमानं शिरोविरेकैरपकर्षयेत्तम् | विरेचनास्थापनधूमपानैरवेक्ष्य दोषान् कवलग्रहैश्च ||२०||
🔊 Audio coming soon
পক্বপ্রতিশ্যাযস্য নিবর্হণমাহ- পক্বমিত্যাদি||২০||
Adhikarana ১৫ (২১) · Śloka ২১
নিবাতশয্যাসনচেষ্টনানি মূর্ধ্নো গুরূষ্ণং চ তথৈব বাসঃ | তীক্ষ্ণা বিরেকাঃ শিরসঃ সধূমা রূক্ষং যবান্নং বিজযা চ সেব্যা ||২১||
निवातशय्यासनचेष्टनानि मूर्ध्नो गुरूष्णं च तथैव वासः | तीक्ष्णा विरेकाः शिरसः सधूमा रूक्षं यवान्नं विजया च सेव्या ||२१||
🔊 Audio coming soon
পক্বপ্রতিশ্যাযে সেব্যমাহ- নিবাতেত্যাদি| আসনম্ উপবেশনং, চেষ্টনং ক্রীডনম্| মূর্ধ্নো মস্তকস্য| বাসো বস্ত্রম্| বিজযা হরীতকী||২১||
Adhikarana ১৬ (২২) · Śloka ২২
শীতাম্বুযোষিচ্ছিশিরাবগাহচিন্তাতিরূক্ষাশনবেগরোধান্ | শোকং চ মদ্যানি নবানি চৈব বিবর্জযেত্ পীনসরোগজুষ্টঃ ||২২||
शीताम्बुयोषिच्छिशिरावगाहचिन्तातिरूक्षाशनवेगरोधान् | शोकं च मद्यानि नवानि चैव विवर्जयेत् पीनसरोगजुष्टः ||२२||
🔊 Audio coming soon
সেব্যমুদ্দিশ্য পরিহার্যমাহ- শীতেত্যাদি||২২||
Adhikarana ১৭ (২৩) · Śloka ২৩
ছর্দ্যঙ্গসাদজ্বরগৌরবার্তমরোচকারত্যতিসারযুক্তম্ | বিলঙ্ঘনৈঃ পাচনদীপনীযৈরুপাচরেত্ পীনসিনং যথাবত্ ||২৩||
छर्द्यङ्गसादज्वरगौरवार्तमरोचकारत्यतिसारयुक्तम् | विलङ्घनैः पाचनदीपनीयैरुपाचरेत् पीनसिनं यथावत् ||२३||
🔊 Audio coming soon
ইদানীং সোপদ্রবস্য পক্বপ্রতিশ্যাযস্যাবস্থিকং চিকিত্সাসূত্রমাহ- ছর্দীত্যাদি| অরতিঃ ন ক্বচিদবস্থিতিশ্চেতসঃ||২৩||
Adhikarana ১৮ (২৪) · Śloka ২৪
বহুদ্রবৈর্বাতকফোপসৃষ্টং প্রচ্ছর্দযেত্ পীনসিনং বযঃস্থম্ | উপদ্রবাংশ্চাপি যথোপদেশং স্বৈর্ভেষজৈর্ভোজনসংবিধানৈঃ | জযেদ্বিদিত্বা মৃদুতাং গতেষু প্রাগ্লক্ষণেষূক্তমথাদিশেচ্চ ||২৪||
बहुद्रवैर्वातकफोपसृष्टं प्रच्छर्दयेत् पीनसिनं वयःस्थम् | उपद्रवांश्चापि यथोपदेशं स्वैर्भेषजैर्भोजनसंविधानैः | जयेद्विदित्वा मृदुतां गतेषु प्राग्लक्षणेषूक्तमथादिशेच्च ||२४||
🔊 Audio coming soon
পক্বপ্রতিশ্যাযে বমনাবস্থাং নির্দিশন্নাহ- বহুদ্রবৈরিত্যাদি| বাতকফোপসৃষ্টং পীনসিনং বহুদ্রবৈর্বামযেদিতি পিণ্ডার্থঃ| বযঃস্থং তরুণম্| বান্তে সতি কিং কুর্যাদিত্যাহ- উপদ্রবানিত্যাদি| যথোপদেশং যথাকথিতম্| বক্ষ্যমাণচিকিত্সাযাঃ কালমুদ্দিশন্নাহ- মৃদুতামিত্যাদি| মৃদুতাং গতেষু অল্পীভূতেষু, প্রাগ্লক্ষণেষু আমপ্রতিশ্যাযলক্ষণেষু, উক্তং বক্ষ্যমাণং ‘বাতিকে তু প্রতিশ্যাযে পিবেত্’ ইত্যাদিকং বিধানমিত্যর্থঃ| কেচিত্ ‘বিদিত্বা মৃদুতাং তু তেষাং প্রাগ্লক্ষণানাং বিধিমাদিশেচ্চ’ ইতি পঠন্তি||২৪||
Adhikarana ১৯ (২৫) · Śloka ২৬
বাতিকে তু প্রতিশ্যাযে পিবেত্ সর্পির্যথাক্রমম্ | পঞ্চভির্লবণৈঃ সিদ্ধং প্রথমেন গণেন চ ||২৫|| নস্যাদিষু বিধিং কৃত্স্নমবেক্ষেতার্দিতেরিতম্ |২৬|
वातिके तु प्रतिश्याये पिबेत् सर्पिर्यथाक्रमम् | पञ्चभिर्लवणैः सिद्धं प्रथमेन गणेन च ||२५|| नस्यादिषु विधिं कृत्स्नमवेक्षेतार्दितेरितम् |२६|
🔊 Audio coming soon
বাতিকপ্রতিশ্যাযস্য চিকিত্সামাহ- বাতিক ইত্যাদি| যথাক্রমং স্নেহপানক্রমেণেত্যর্থঃ| প্রথমো গণো বিদারিগন্ধাদিঃ| কৃত্স্নং সমস্তম্| অর্দিতেরিতং অর্দিতচিকিত্সিতোক্তম্||২৫||-
Adhikarana ২০ (২৬-২৮) · Śloka ২৮
পিত্তরক্তোত্থযোঃ পেযং সর্পির্মধুরকৈঃ শৃতম্ ||২৬|| পরিষেকান্ প্রদেহাংশ্চ কুর্যাদপি চ শীতলান্ | শ্রীসর্জরসপত্তঙ্গপ্রিযঙ্গুমধুশর্করাঃ ||২৭|| দ্রাক্ষামধূলিকাগোজীশ্রীপর্ণীমধুকৈস্তথা | যুজ্যন্তে কবলাশ্চাত্র বিরেকো মধুরৈরপি ||২৮||
पित्तरक्तोत्थयोः पेयं सर्पिर्मधुरकैः शृतम् ||२६|| परिषेकान् प्रदेहांश्च कुर्यादपि च शीतलान् | श्रीसर्जरसपत्तङ्गप्रियङ्गुमधुशर्कराः ||२७|| द्राक्षामधूलिकागोजीश्रीपर्णीमधुकैस्तथा | युज्यन्ते कवलाश्चात्र विरेको मधुरैरपि ||२८||
🔊 Audio coming soon
পিত্তরক্তকৃতযোঃ প্রতিশ্যাযোশ্চিকিত্সামাহ- পিত্তরক্তোত্থযোরিত্যাদি| মধুরকৈঃ কাকোল্যাদিভিঃ| কেচিত্ ‘পিত্তরক্তোত্থযোস্তিক্তৈঃ কষাযমধুরৈর্ঘৃতম্’ ইতি পঠন্তি, ব্যাখ্যানযন্তি চ- তিক্তানি পটোলাদীনি| পরিষেকানিত্যাদি| প্রদেহাঃ প্রলেপাঃ| শ্রীরিতি শ্রীবেষ্টকঃ নবনীতধূপঃ, ‘গুগ্গুলী’ ইতি লোকে, সর্জরসো রালা, পত্তঙ্গং রক্তচন্দনং; মধুলিকা গুডূচী, মর্কটতৃণমপরে, গোজী গোজিহ্বিকা, শ্রীপর্ণী কাশ্মীরী| কবলা গণ্ডূষভেদাঃ| অত্রেতি পিত্তরক্তোত্থযোঃ প্রতিশ্যাযযোরিত্যর্থঃ| মধুরৈঃ দ্রাক্ষারগ্বধমধুশর্করাদিভিঃ||২৬-২৮||
Adhikarana ২১ (২৯) · Śloka ৩০
ধবত্বক্ত্রিফলাশ্যামাতিল্বকৈর্মধুকেন চ | শ্রীপর্ণীরজনীমিশ্রৈঃ ক্ষীরে দশগুণে পচেত্ ||২৯|| তৈলং কালোপপন্নং তন্নস্যং স্যাদনযোর্হিতম্ |৩০|
धवत्वक्त्रिफलाश्यामातिल्वकैर्मधुकेन च | श्रीपर्णीरजनीमिश्रैः क्षीरे दशगुणे पचेत् ||२९|| तैलं कालोपपन्नं तन्नस्यं स्यादनयोर्हितम् |३०|
🔊 Audio coming soon
পিত্তরক্তকৃতযোঃ প্রতিশ্যাযযোর্নস্যার্থং তৈলমাহ- ধবেত্যাদি| ধবত্বগাদিকল্কৈস্তৈলচতুর্থাংশৈর্দশগুণে ক্ষীরে তৈলং পচনীযম্| শ্যামা ত্রিবৃত্, তিল্বকঃ পট্টিকারোধ্রঃ| কালোপপন্নং নিরামতাকালযোগ্যম্| অনযোঃ পিত্তরক্তোত্থযোঃ প্রতিশ্যাযযোঃ||২৯||-
Adhikarana ২২ (৩০-৩৩) · Śloka ৩৩
কফজে সর্পিষা স্নিগ্ধং তিলমাষবিপক্বযা ||৩০|| যবাগ্বা বামযেদ্বান্তঃ কফঘ্নং ক্রমমাচরেত্ | উভে বলে বৃহত্যৌ চ বিডঙ্গং সত্রিকণ্টকম্ ||৩১|| শ্বেতামূলং সদাভদ্রাং বর্ষাভূং চাত্র সংহরেত্ | তৈলমেভির্বিপক্বং তু নস্যমস্যোপকল্পযেত্ ||৩২|| সরলাকিণিহীদারুনিকুম্ভেঙ্গুদিভিঃ কৃতাঃ | বর্তযশ্চোপযোজ্যাঃ স্যুর্ধূমপানে যথাবিধি ||৩৩||
कफजे सर्पिषा स्निग्धं तिलमाषविपक्वया ||३०|| यवाग्वा वामयेद्वान्तः कफघ्नं क्रममाचरेत् | उभे बले बृहत्यौ च विडङ्गं सत्रिकण्टकम् ||३१|| श्वेतामूलं सदाभद्रां वर्षाभूं चात्र संहरेत् | तैलमेभिर्विपक्वं तु नस्यमस्योपकल्पयेत् ||३२|| सरलाकिणिहीदारुनिकुम्भेङ्गुदिभिः कृताः | वर्तयश्चोपयोज्याः स्युर्धूमपाने यथाविधि ||३३||
🔊 Audio coming soon
কফজপ্রতিশ্যাযচিকিত্সামাহ- কফজে ইত্যাদি| তিলমাষবিপক্বযা যবাগ্বা কৃসরযা বামনীযদ্রব্যসিদ্ধযা বামযেত্| বান্তশ্চ কফঘ্নং ক্রমমন্নসংসর্জনাখ্যমাচরেত্| উভে ইত্যাদি| দ্বিবলাদিভিঃ কল্কীকৃতৈস্তৈলং সিদ্ধং নস্যে হিতম্| ত্রিকণ্টকোগোক্ষুরকঃ| শ্বেতা শ্বেতস্যন্দঃ| সদাভদ্রা কাশ্মরী| সরলেত্যাদি| সরলা ত্রিবৃত্, কিণিহী কটভী, দারু দেবদারু, নিকুম্ভা দন্তী||৩০-৩৩||
Adhikarana ২৩ (৩৪-৩৫) · Śloka ৩৫
সর্পীংষি কটুতিক্তানি তীক্ষ্ণধূমাঃ কটূনি চ | ভেষজান্যুপযুক্তানি হন্যুঃ সর্বপ্রকোপজম্ ||৩৪|| রসাঞ্জনে সাতিবিষে মুস্তাযাং ভদ্রদারুণি | তৈলং বিপক্বং নস্যার্থে বিদধ্যাচ্চাত্র বুদ্ধিমান্ ||৩৫||
सर्पींषि कटुतिक्तानि तीक्ष्णधूमाः कटूनि च | भेषजान्युपयुक्तानि हन्युः सर्वप्रकोपजम् ||३४|| रसाञ्जने सातिविषे मुस्तायां भद्रदारुणि | तैलं विपक्वं नस्यार्थे विदध्याच्चात्र बुद्धिमान् ||३५||
🔊 Audio coming soon
সান্নিপাতিকপ্রতিশ্যাযচিকিত্সামাহ- সর্পিংষীত্যাদি| সর্পীষি ঘৃতানি| কটুতিক্তানি কটুতিক্তদ্রব্যসিদ্ধানীত্যর্থঃ| কটূনি চেতি চকারেণ প্রত্যেকবাতাদিযুক্তা ক্রিযাঽপ্যনুক্তা সমুচ্চীযতে| রসাঞ্জনে ইত্যাদি| অত্রেতি সান্নিপাতিকপ্রতিশ্যাযে ইত্যর্থঃ||৩৪-৩৫||
Adhikarana ২৪ (৩৬-৩৭) · Śloka ৩৮
মুস্তা তেজোবতী পাঠা কট্ফলং কটুকা বচা | সর্ষপাঃ পিপ্পলীমূলং পিপ্পল্যঃ সৈন্ধবাগ্নিকৌ ||৩৬|| তুত্থং করঞ্জবীজং চ লবণং ভদ্রদারু চ | এতৈঃ কৃতং কষাযং তু কবলে সম্প্রযোজযেত্ ||৩৭|| হিতং মূর্ধবিরেকে চ তৈলমেভির্বিপাচিতম্ |৩৮|
मुस्ता तेजोवती पाठा कट्फलं कटुका वचा | सर्षपाः पिप्पलीमूलं पिप्पल्यः सैन्धवाग्निकौ ||३६|| तुत्थं करञ्जबीजं च लवणं भद्रदारु च | एतैः कृतं कषायं तु कवले सम्प्रयोजयेत् ||३७|| हितं मूर्धविरेके च तैलमेभिर्विपाचितम् |३८|
🔊 Audio coming soon
মুস্তেত্যাদি| তেজোবতী কাকমর্দনিকা, অগ্নিকঃ অজমোদা| মুস্তাদিভিঃ কৃতঃ কষাযঃ সান্নিপাতিকে প্রতিশ্যাযে হিতঃ; সর্বেষু প্রতিশ্যাযেষু হিত ইত্যন্যে||৩৬-৩৭||-
Adhikarana ২৫ (৩৮-৪১) · Śloka ৪১
ক্ষীরমর্ধজলে ক্বাথ্যং জাঙ্গলৈর্মৃগপক্ষিভিঃ ||৩৮|| পুষ্পৈর্বিমিশ্রং জলজৈর্বাতঘ্নৈরৌষধৈরপি | হিমে ক্ষীরাবশিষ্টেঽস্মিন্ ঘৃতমুত্পাদ্য যত্নতঃ ||৩৯|| সর্বগন্ধসিতানন্তামধুকং চন্দনং তথা | আবাপ্য বিপযেদ্ভূযো দশক্ষীরং তু তদ্ঘৃতম্ ||৪০|| নস্যে প্রযুক্তমুদ্রিক্তান্ প্রতিশ্যাযান্ ব্যপোহতি | যথাস্বং দোষশমনৈস্তৈলং কুর্যাচ্চ যত্নতঃ ||৪১||
क्षीरमर्धजले क्वाथ्यं जाङ्गलैर्मृगपक्षिभिः ||३८|| पुष्पैर्विमिश्रं जलजैर्वातघ्नैरौषधैरपि | हिमे क्षीरावशिष्टेऽस्मिन् घृतमुत्पाद्य यत्नतः ||३९|| सर्वगन्धसितानन्तामधुकं चन्दनं तथा | आवाप्य विपयेद्भूयो दशक्षीरं तु तद्घृतम् ||४०|| नस्ये प्रयुक्तमुद्रिक्तान् प्रतिश्यायान् व्यपोहति | यथास्वं दोषशमनैस्तैलं कुर्याच्च यत्नतः ||४१||
🔊 Audio coming soon
ক্ষীরমিত্যাদি| ক্ষীরং জাঙ্গলমাংসাদিভ্যোঽষ্টগুণং, অর্ধজলে ক্ষীরাদর্ধং জলং, জাঙ্গলৈঃ মৃগপক্ষিভিঃ এণাদিভির্লাবাদিভিশ্চ, জলজৈঃ পুষ্পৈঃ নীলোত্পলাদিভিঃ, বাতঘ্নৈঃ বিদারীগন্ধাদিভিঃ, ঘৃতমুত্পাদ্য ‘তদ্দুগ্ধং মথিত্বা’ ইতি বাক্যশেষঃ| সর্বগন্ধা এলাদিপরিপঠিতাঃ| সিতা শর্করা, অনন্তা উত্পলসারিবা, চন্দনং রক্তচন্দনং, আবাপ্য প্রক্ষিপ্য| তদ্ঘৃতং ক্ষীরমথনাদ্যদুত্পন্নং ঘৃতং, প্রতিশ্যাযান্ সর্বান্ অপোহতি স্ফোটযতি| দোষশমনৈঃ বাতপিত্তশ্লেষ্মহরদ্রব্যগণৈঃ| যথাস্বং যথাত্মীযম্| ইদমেব তৈলং সর্বেষামেব প্রতিশ্যাযানাম্||৩৮-৪১||
Adhikarana ২৬ (৪২) · Śloka ৪২
সমূত্রপিত্তাশ্চোদ্দিষ্টাঃ ক্রিযাঃ কৃমিষু যোজযেত্ | যাপনার্থং কৃমিঘ্নানি ভেষজানি চ বুদ্ধিমান্ ||৪২||
समूत्रपित्ताश्चोद्दिष्टाः क्रियाः कृमिषु योजयेत् | यापनार्थं कृमिघ्नानि भेषजानि च बुद्धिमान् ||४२||
🔊 Audio coming soon
রক্তপ্রতিশ্যাযে কৃমিসম্ভবো দর্শিতঃ, অতস্তেষামেব কৃমীণাং যাপনার্থং চিকিত্সামাহ- সমূত্রেত্যাদি| কৃমিঘ্না যাঃ ক্রিযা উদ্দিষ্টাস্তা গোমূত্রপিত্তযুক্তা যাপনার্থং কর্তব্যাঃ; তথা কৃমিঘ্নানি ভেষজানি সুরসাদীনি চ কর্তব্যানি| বুদ্ধিমান্ ঊহাপোহবান্ বৈদ্যঃ| যে তু সর্বেষামেব প্রতিশ্যাযানাং কৃমিসম্ভবত্বং মন্যন্তে তেঽমুং শ্লোকমীদৃশং ব্যাখ্যানযন্তি- প্রত্যেকং বাতাদিপ্রতিশ্যাযে যাঃ ক্রিযা উদ্দিষ্টাস্তা এব গোমূত্রপিত্তযুক্তা যথাস্বং কৃমিষু যোজযেত্||৪২||
Adhikarana পুষ্পিকা · Śloka ২৪
ইতি সুশ্রুতসংহিতাযামুত্তরতন্ত্রান্তর্গতে শালাক্যতন্ত্রে প্রতিশ্যাযপ্রতিষেধো নাম চতুর্বিংশতিতমোঽধ্যাযঃ ||২৪||
इति सुश्रुतसंहितायामुत्तरतन्त्रान्तर्गते शालाक्यतन्त्रे प्रतिश्यायप्रतिषेधो नाम चतुर्विंशतितमोऽध्यायः ||२४||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে শালাক্যতন্ত্রে চতুর্বিংশোধ্যাযঃ||২৪||