Adhikarana অম্লপিত্তস্য নিদানপূর্বকং স্বরূপম্ (১) · Śloka ১
অথাম্লপিত্তনিদানম্ |
বিরুদ্ধদুষ্টাম্লবিদাহিপিত্তপ্রকোপিপানান্নভুজো বিদগ্ধম্ |
পিত্তং স্বহেতূপচিতং পুরা যত্তদম্লপিত্তং প্রবদন্তি সন্তঃ ||১||
View original
अथाम्लपित्तनिदानम् |
विरुद्धदुष्टाम्लविदाहिपित्तप्रकोपिपानान्नभुजो विदग्धम् |
पित्तं स्वहेतूपचितं पुरा यत्तदम्लपित्तं प्रवदन्ति सन्तः ||१||
Show commentary
মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)
কোঠহেতৌ পিত্তশ্লেষ্মোল্লেখাত্ পিত্তশ্লেষ্মমিলনরূপস্যাম্লপিত্তস্য নিদানম্| নিদানপূর্বকমম্লপিত্তস্য স্বরূপমাহ– বিরুদ্ধেত্যাদি| বিরুদ্ধং ক্ষীরমত্স্যাদি, দুষ্টং ব্যাপন্নমন্নং; বিদাহিস্থানে বিদগ্ধেতি পাঠান্তরে বিদগ্ধং ভর্জিতং; পিত্তপ্রকোপিপানান্নভুজ ইতি পিত্তপ্রকোপি পানং তক্রসুরাদি, অন্নমাশুধান্যমাষাদি; পিত্তপ্রকোপিপানান্নগ্রহণেনৈবাম্লবিদাহিনো গ্রহণে সিদ্ধে তদভিধানং বিশেষার্থং; ‘পিত্তপ্রকোপণাদ্যন্নভুজ’ ইতি পাঠান্তরে আদিশব্দাত্ কফাদিপ্রকোপণমন্নং গৃহ্যতে| এবংবিধপানান্নমুপভুঞ্জানস্য বিদগ্ধং কুপিতং, স্বহেতূপচিতং পুরা যদিতি বর্ষাসু জলৌষধিগতবিদাহাদিভিঃ স্বহেতুভিরুপচিতং সঞ্চযমাপন্নম্| যদুক্তম্– “বর্ষাস্বম্লবিপাকিত্বাদদ্ভিরৌষধিভিস্তথা|” (চ. চি. অ. ৩) ইতি| বিদাহাদ্যম্লগুণোদ্রিক্তং পিত্তমম্লপিত্তম্||১||
আতঙ্কদর্পণ ব্যাখ্যা (বাচস্পতি বৈদ্য কৃত)
কোঠহেতৌ পিত্তকফোল্লেখাত্ পিত্তকফমিলিতরূপস্যাম্লপিত্তস্যাতোঽনন্তরং নিদানম্| তত্র নিদানপূর্বকমম্লপিত্তস্য স্বরূপমাহ– বিরুদ্ধেত্যাদি| বিরুদ্ধং ক্ষীরমত্স্যাদি, দুষ্টং ব্যাপন্নমন্নম্| বিদাহিস্থানে ‘বিদগ্ধ’ ইতি পাঠান্তরং, তত্র বিদগ্ধং ভর্জিতম্| পিত্তপ্রকোপিপানান্নভুজ ইতি পিত্তপ্রকোপি পানং তক্রসুরাদি, অন্নমাশুধান্যমাষাদি, ‘পিত্তপ্রকোপণাদ্যন্নভুজঃ’ ইতি পাঠান্তরে আদিশব্দাত্ কফাদিপ্রকোপণমন্নং গৃহ্যতে, এবংবিধপানান্নং ভুঞ্জানস্য বিদগ্ধং কুপিতং, স্বহেতূপচিতং পুরা যদিতি বর্ষাসু জলৌষধিগতবিদাহাদিভির্হেতুভিঃ উপচিতং সঞ্চযমাপন্নং, যদুক্তম্– “বর্ষাস্বম্লবিপাকিত্বাদদ্ভিরোষধিভিস্তথা” ইতি| পিত্তপ্রকোপিপানান্নগ্রহণেনৈবাম্লবিদাহিনো গ্রহণে সিদ্ধে তদভিধানং বিশেষার্থম্||১||
Adhikarana অম্লপিত্তলক্ষণম্ (২) · Śloka ২
অবিপাকক্লমোত্ক্লেশতিক্তাম্লোদ্গারগৌরবৈঃ |
হৃত্কণ্ঠদাহারুচিভিশ্চাম্লপিত্তং বদেদ্ভিষক্ ||২||
View original
अविपाकक्लमोत्क्लेशतिक्ताम्लोद्गारगौरवैः |
हृत्कण्ठदाहारुचिभिश्चाम्लपित्तं वदेद्भिषक् ||२||
Show commentary
মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)
তস্য লিঙ্গমাহ– অবিপাকেত্যাদি| অবিপাক ইত্যাহারাপাকঃ, ক্লমোঽনাযাসজঃ শ্রমঃ| অম্লপিত্তে পিত্তং প্রধানং, বাতকফাবপ্যত্রানুগৌ গৌরবোদ্গারকম্পাদিনা জ্ঞেযৌ||২||
আতঙ্কদর্পণ ব্যাখ্যা (বাচস্পতি বৈদ্য কৃত)
তস্য লিঙ্গমাহ– অবিপাকেত্যাদি| অবিপাকঃ আহারাপাকঃ, ক্লমোঽনাযাসজঃ শ্রমঃ, অম্লপিত্তে পিত্তং প্রধানং, বাতকফাবপ্যত্রানুগৌ গৌরবোদ্গারকম্পাদিনা জ্ঞেযৌ||২||
Adhikarana অধোগতস্যাম্লপিত্তস্য লক্ষণম্ (৩) · Śloka ৩
তৃড্দাহমূর্ছাভ্রমমোহকারি প্রযাত্যধো বা বিবিধপ্রকারম্ |
হৃল্লাসকোঠানলসাদহর্ষস্বেদাঙ্গপীতত্বকরং কদাচিত্ ||৩||
View original
तृड्दाहमूर्छाभ्रममोहकारि प्रयात्यधो वा विविधप्रकारम् |
हृल्लासकोठानलसादहर्षस्वेदाङ्गपीतत्वकरं कदाचित् ||३||
Show commentary
মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)
তস্য কদাচিদধ-ঊর্ধ্বগমনভেদাদ্দ্বিবিধস্যাধোগতিং তাবদাহ– তৃড্দাহেত্যাদি| মূর্ছা সর্বথা জ্ঞানশূন্যত্বং, মোহো বিপরীতজ্ঞানম্| প্রযাত্যধো বেত্যত্র বাশব্দো ভাব্যূর্ধ্বগমনাপেক্ষযা| বিবিধপ্রকারমিতি হরিত্পীতকৃষ্ণরক্তাদিবহুবর্ণত্বদুর্গন্ধিত্বযোগান্নানাবিধম্| কদাচিদিতি ন সর্বকালম্||৩||
আতঙ্কদর্পণ ব্যাখ্যা (বাচস্পতি বৈদ্য কৃত)
তস্য কদাচিত্ কাযোর্ধ্বাধোগমনভেদাদ্বিবিধস্যাধোগতিং তাবদাহ– তৃডিত্যাদি| অধো বিবিধপ্রকারং কদাচিত্প্রযাতি, তথা তৃড্দাহাদিকারি, তথা হৃল্লাসাদিকরং, মূর্ছা সর্বথা জ্ঞানশূন্যত্বং, মোহোঽত্র বিপরীতং জ্ঞানম্| প্রযাত্যধো বেত্যত্র বাশব্দো ভাব্যূর্ধ্বগমনাপেক্ষযা; বিবিধপ্রকারমিতি হরিতপীতকৃষ্ণরক্তাদিবহুবর্ণত্বদুর্গন্ধিত্বযোগান্নানাবিধম্| কদাচিদিতি ন সর্বকালম্||৩||
Adhikarana ঊর্ধ্বগস্যাম্লপিত্তস্য লক্ষণম্ (৪-৬) · Śloka ৬
বান্তং হরিত্পীতকনীলকৃষ্ণমারক্তরক্তাভমতীব চাম্লম্ |
মাংসোদকাভং ত্বতিপিচ্ছিলাচ্ছং শ্লেষ্মানুজাতং বিবিধং রসেন ||৪||
ভুক্তে বিদগ্ধে ত্বথবাঽপ্যভুক্তে করোতি তিক্তাম্লবমিং কদাচিত্ |
উদ্গারমেবংবিধমেব কণ্ঠহৃত্কুক্ষিদাহং শিরসো রুজং চ ||৫||
করচরণদাহমৌষ্ণ্যং মহতীমরুচিং জ্বরং চ কফপিত্তম্ |
জনযতি কণ্ডূমণ্ডলপিডকাশতনিচিতগাত্ররোগচযম্ ||৬||
View original
वान्तं हरित्पीतकनीलकृष्णमारक्तरक्ताभमतीव चाम्लम् |
मांसोदकाभं त्वतिपिच्छिलाच्छं श्लेष्मानुजातं विविधं रसेन ||४||
भुक्ते विदग्धे त्वथवाऽप्यभुक्ते करोति तिक्ताम्लवमिं कदाचित् |
उद्गारमेवंविधमेव कण्ठहृत्कुक्षिदाहं शिरसो रुजं च ||५||
करचरणदाहमौष्ण्यं महतीमरुचिं ज्वरं च कफपित्तम् |
जनयति कण्डूमण्डलपिडकाशतनिचितगात्ररोगचयम् ||६||
Show commentary
মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)
ঊর্ধ্বগতিমাহ– বান্তমিত্যাদি| নীলং স্নিগ্ধকৃষ্ণং, কৃষ্ণং মর্দনাঞ্জনবদ্রূক্ষকৃষ্ণম্, আরক্তমীষল্লোহিতং, রক্তমন্তর্লোহিতম্| মাংসোদকাভমিতি মাংসধাবনতোযাভং কৃষ্ণলোহিতমিত্যর্থঃ| বিবিধং রসেনেতি রসেন লবণকটুতিক্তাখ্যেন নানারূপম্| করোতি তিক্তাম্লবমিমিতি তিক্তস্য অম্লস্য বা বমিং বান্তিং করোতি| উদ্গারমেবংবিধমেবেতি অত্র করোতীতি সম্বধ্যতে, এবংবিধমিতি অম্লতিক্তম্| কণ্ঠহৃত্কুক্ষিদাহং শিরসো রুজং চেতি অত্রাপি করোতীতি সম্বধ্যতে| করচরণেত্যাদি– কণ্ডূমণ্ডলপিডকাশতনিচিতগাত্ররোগচযমিতি কণ্ড্বাদিনিচিতগাত্রং চ রোগচযং চেতি দ্বন্দ্বঃ, তেন কণ্ড্বাদিনিচিতগাত্রং রোগচযং করোতীত্যর্থঃ; রোগচযোঽবিপাকোত্ক্লেশাদিঃ||৪-৬||
আতঙ্কদর্পণ ব্যাখ্যা (বাচস্পতি বৈদ্য কৃত)
ঊর্ধ্বগতিমাহ– বান্তমিত্যাদি| হরিত্ শাকপত্রাভম্, নীলং চাষপক্ষপ্রভং স্নিগ্ধকৃষ্ণং, কৃষ্ণম্ অঞ্জনাভম্, আরক্তম্ ঈষল্লোহিতং, রক্তম্ অত্যন্তলোহিতং, মাংসোদকাভং মাংসধাবনতোযাভম্, অচ্ছং নির্মলম্| বিবিধং রসেন লবণকটুতিক্তাখ্যেনানুরূপং করোতি| আহারস্যাবস্থামাহ– ভুক্ত ইত্যাদি| ভুক্তে আহারে বিদগ্ধে অথবা কদাচিদভুক্তেঽপি সতি তিক্তাম্লবমিং করোতীতি সম্বধ্যতে| অম্লপিত্তে কফপিত্তবত্সামান্যমাহ– করেত্যাদি| কফপিত্তং করচরণদাহাদিকং জনযতি, তথা কণ্ডূমণ্ডলপিডকাচিতগাত্ররোগনিচযমিতি কণ্ড্বাদিনিচিতগাত্রং চ রোগনিচযশ্চেতি দ্বন্দ্বঃ| তেন কণ্ড্বাদিনিচিতগাত্রং রোগচযং করোতীত্যর্থঃ| রোগচযঃ অবিপাকোত্ক্লেশাদিঃ||৪-৬||
Adhikarana অম্লপিত্তস্য সাধ্যত্বাদিবিচারঃ (৭) · Śloka ৭
রোগোঽযমম্লপিত্তাখ্যো যত্নাত্ সংসাধ্যতে নবঃ |
চিরোত্থিতো ভবেদ্যাপ্যঃ, কৃচ্ছ্রসাধ্যঃ স কস্যচিত্ ||৭||
View original
रोगोऽयमम्लपित्ताख्यो यत्नात् संसाध्यते नवः |
चिरोत्थितो भवेद्याप्यः, कृच्छ्रसाध्यः स कस्यचित् ||७||
Show commentary
মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)
সাধ্যত্বাদিকমাহ– রোগ ইত্যাদি| কৃচ্ছ্রসাধ্যঃ স কস্যচিদিতি অহিতাহারাচারশীলিনঃ কস্যচিচ্চিরোত্থিতোঽপি কৃচ্ছ্রসাধ্যঃ||৭||
আতঙ্কদর্পণ ব্যাখ্যা (বাচস্পতি বৈদ্য কৃত)
সাধ্যত্বাদিকমাহ– রোগ ইত্যাদি| অযমম্লপিত্তাখ্যো রোগো নবঃ সন্ যত্নাত্সংসাধ্যতে, চিরোত্থিতো যাপ্যো ভবেত্| কস্যচিদিত্যাদি| অহিতাহারাচারশীলিনঃ কস্যচিচ্চিরোত্থিতোঽপি কৃচ্ছ্রসাধ্য ইত্যর্থঃ||৭||
Adhikarana অম্লপিত্তে দোষান্তরসংসর্গঃ, দোষভেদেনাম্লপিত্তলক্ষণানি চ (৮-১২) · Śloka ১২
সানিলং সানিলকফং সকফং তচ্চ লক্ষযেত্ |
দোষলিঙ্গেন মতিমান্ ভিষঙ্মোহকরং হি তত্ ||৮||
কম্পপ্রলাপমূর্ছাচিমিচিমিগাত্রাবসাদশূলানি |
তমসো দর্শনবিভ্রমবিমোহহর্ষাণ্যনিলকোপাত্ ||৯||
কফনিষ্ঠীবনগৌরবজডতারুচিশীতসাদবমিলেপাঃ |
দহনবলসাদকণ্ডূনিদ্রাশ্চিহ্নং কফানুগতে ||১০||
উভযমিদমেব চিহ্নং মারুতকফসম্ভবে ভবত্যম্লে |
তিক্তাম্লকটুকোদ্গারহৃত্কুক্ষিকণ্ঠদাহকৃত্ ||১১||
ভ্রমো মূর্ছারুচিশ্ছর্দিরালস্যং চ শিরোরুজা |
প্রসেকো মুখমাধুর্যং শ্লেষ্মপিত্তস্য লক্ষণম্ ||১২||
View original
सानिलं सानिलकफं सकफं तच्च लक्षयेत् |
दोषलिङ्गेन मतिमान् भिषङ्मोहकरं हि तत् ||८||
कम्पप्रलापमूर्छाचिमिचिमिगात्रावसादशूलानि |
तमसो दर्शनविभ्रमविमोहहर्षाण्यनिलकोपात् ||९||
कफनिष्ठीवनगौरवजडतारुचिशीतसादवमिलेपाः |
दहनबलसादकण्डूनिद्राश्चिह्नं कफानुगते ||१०||
उभयमिदमेव चिह्नं मारुतकफसम्भवे भवत्यम्ले |
तिक्ताम्लकटुकोद्गारहृत्कुक्षिकण्ठदाहकृत् ||११||
भ्रमो मूर्छारुचिश्छर्दिरालस्यं च शिरोरुजा |
प्रसेको मुखमाधुर्यं श्लेष्मपित्तस्य लक्षणम् ||१२||
Show commentary
মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)
তত্রৈব কেবলানিলকফানিলকফমাত্রাণাং সংসর্গমাহ– সানিলমিত্যাদি| ভিষঙ্মোহকরমিতি তস্যোর্ধ্বাধঃপ্রবর্তমানত্বেন ছর্দ্যতীসারাভ্যাং সকাশাদ্ভেদস্য দুর্জ্ঞেযত্বাত্ বৈদ্যমোহকরত্বম্| কফেত্যাদি– সাদবমিলেপা ইত্যত্র সাদোঽঙ্গসাদঃ, লেপঃ শ্লেষ্মলিপ্তাস্যতা| দহনবলসাদেতি সাদশব্দো দহনবলাভ্যাং সম্বধ্যতে||৮-১২||
আতঙ্কদর্পণ ব্যাখ্যা (বাচস্পতি বৈদ্য কৃত)
তস্মিন্ননিলকফসংসর্গমাহ– সানিলমিত্যাদি| তচ্চাম্লপিত্তং সানিলং সবাতং, সানিলকফং সবাতকফং লক্ষযেত্| দোষলিঙ্গেন বাতপিত্তকফলিঙ্গেনেত্যর্থঃ| যতস্তদ্ভিষঙ্মোহকরং বৈদ্যভ্রান্তিজনকং, তস্যোর্ধ্বাধঃপ্রবর্তমানত্বেন ছর্দ্যতীসারাভ্যাং ভেদস্য দুর্জ্ঞেযত্বাত্| সানিলস্যাম্লপিত্তস্য লক্ষণমাহ– কম্পেত্যাদি| বাতযুতেঽম্লে কম্পাদযস্তথা তমোদর্শনাদযো ভবন্তি| কফানুগতস্য লক্ষণমাহ– কফেত্যাদি| কফানুগতেঽম্লে কফনিষ্ঠীবনাদিলিঙ্গং স্যাত্| সাদবমিলেপা ইতি সাদঃ অঙ্গসাদঃ, লেপঃ কফলিপ্তাস্যতা| দহনবলসাদেতি সাদশব্দো দহনবলাভ্যাং সম্বন্ধ্যতে, অন্যত্সুগমম্||৮-১২||
Adhikarana পুষ্পিকা · Śloka ৫১
ইতি শ্রীমাধবকরবিরচিতে মাধবনিদানেঽম্লপিত্তনিদানং সমাপ্তম্ ||৫১||
View original
इति श्रीमाधवकरविरचिते माधवनिदानेऽम्लपित्तनिदानं समाप्तम् ||५१||
Show commentary
মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)
ইতি শ্রীকণ্ঠদত্তকৃতাযাং মধুকোশব্যাখ্যাযাম্লপিত্তনিদানং সমাপ্তম্||৫১||
আতঙ্কদর্পণ ব্যাখ্যা (বাচস্পতি বৈদ্য কৃত)
ইতি শ্রীবাচস্পতিবৈদ্যবিরচিতাযাং মাধবনিদানব্যাখ্যাযামাতঙ্কদর্পণাখ্যাযামম্লপিত্তনিদানম্||৫১||