Adhikarana অথ বর্ত্মরোগবিজ্ঞানীযো নামৈকাদশোঽধ্যাযঃ - প্রতিজ্ঞা (১) · Śloka ১
অথাতো বর্ত্মরোগবিজ্ঞানীযং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ||১||
View original
अथातो वर्त्मरोगविज्ञानीयं व्याख्यास्यामः|
इति ह स्माहुरात्रेयादयो महर्षयः||१||
Show commentary
শশিলেক ব্যাখ্যা (ইন্দু কৃত)
নিজহেতুত্বাদুক্তশিষ্টত্বাত্ কাযচিকিত্সাঙবূতত্বাচ্চোর্ধ্বাঙ্গচিকিত্সাযা অবসরস্তত্রাপি চক্ষুষঃ প্রাধান্যাত্তস্যৈব বর্ত্মসন্ধিসিতাসিতদৃষ্টিক্রমেণ নির্ণযঃ ক্রিযতে| তত্র তাবদ্বর্ত্মরোগাণাং হেত্বাদিপ্রদর্শনাধ্যায আরভ্যতে| বর্ত্ম নেত্রপুটম্||১||
Adhikarana নেত্ররোগাণাং সামান্যো হেতুঃ সম্প্রাপ্তিশ্চ (২) · Śloka ২
সর্বরোগনিদানোক্তৈরহিতৈঃ কুপিতা মলাঃ|
অচক্ষুষ্যৈর্বিশেষেণ প্রাযঃ পিত্তানুসারিণঃ|
সিরাভিরূর্ধ্বং প্রসৃতা নেত্রাবযবমাশ্রিতাঃ|
বর্ত্ম সন্ধিং সিতং কৃষ্ণং দৃষ্টিং বা সর্বমক্ষি বা|
রোগান্ কুর্যুঃ ||২||
View original
सर्वरोगनिदानोक्तैरहितैः कुपिता मलाः|
अचक्षुष्यैर्विशेषेण प्रायः पित्तानुसारिणः|
सिराभिरूर्ध्वं प्रसृता नेत्रावयवमाश्रिताः|
वर्त्म सन्धिं सितं कृष्णं दृष्टिं वा सर्वमक्षि वा|
रोगान् कुर्युः ||२||
Show commentary
শশিলেক ব্যাখ্যা (ইন্দু কৃত)
সর্বরোগেত্যাদিনাসামান্যেনাক্ষিরোগাণাং নিদানং সম্প্রপ্তিশ্ছোচ্যতে| সর্বরোগনিদানে যান্যহিতান্যুক্তানি তৈর্বিশেষেণ চাচক্ষুষ্যৈর্মলা বাতাদযঃ কুপিতাঃ সিরাভিশ্ছ যথাস্বং কোষ্ঠাদূর্ধ্বং শিরঃপ্রসৃতা বর্ত্মাদিকং চ নেত্রস্যাবযবং সর্বমেব বা নেত্রমাশ্রিতা রোগান্ নানাবিধান্ কুর্যুঃ| কিম্ভূতা আহ| প্রাযো বাহুল্যেন দোষাঃ পিত্তানুসারিণঃ পিত্তপ্রধানাঃ| প্রাযো নেত্রযো রোগকরা ইত্যর্থঃ||২||
Adhikarana কৃচ্ছ্রোন্মীলম্ (৩) · Śloka ৩
চলস্তত্র প্রাপ্য বর্ত্মাশ্রযাঃ সিরাঃ|
সুপ্তোত্থিতস্য কুরুতে বর্ত্মস্তম্ভং সবেদনম্|
পাংসুপূর্ণাভনেত্রত্বং কৃচ্ছ্রোন্মীলনমশ্রু চ|
বিমর্দনাত্স্যাচ্চ শমঃ কৃচ্ছ্রোন্মীলং বদন্তি তম্||৩||
View original
चलस्तत्र प्राप्य वर्त्माश्रयाः सिराः|
सुप्तोत्थितस्य कुरुते वर्त्मस्तम्भं सवेदनम्|
पांसुपूर्णाभनेत्रत्वं कृच्छ्रोन्मीलनमश्रु च|
विमर्दनात्स्याच्च शमः कृच्छ्रोन्मीलं वदन्ति तम्||३||
Show commentary
শশিলেক ব্যাখ্যা (ইন্দু কৃত)
তত্রৈবংস্থিতে চলো বাযুঃ প্রধানো বর্ত্মাশ্রযাঃ সিরাঃ প্রাপ্য সুপ্তোত্থিতস্য তত্কালত্যক্তনিদ্রস্য পুংসো বর্ত্মস্তম্ভাদিকং কুরুতে| তস্য চ রোগস্য বিমর্দনাচ্ছমঃ স্যাত্| তং রোগবিশেষমাচার্যা নাম্না কৃচ্ছ্রোন্মীলমিতি বদন্তি||৩||
Adhikarana নিমেষঃ (৪) · Śloka ৪
চালযন্বর্ত্মনী বাযুর্নিমেষোন্মেষণং মুহুঃ|
করোত্যরুঙ্নিমেষোঽসৌ ||৪||
View original
चालयन्वर्त्मनी वायुर्निमेषोन्मेषणं मुहुः|
करोत्यरुङ्निमेषोऽसौ ||४||
Show commentary
শশিলেক ব্যাখ্যা (ইন্দু কৃত)
বাযুঃ ক্রুদ্ধো বর্ত্মনী চালযন্ মুহুর্নিমিষোন্মেষণং করোতি| অরুগিতি বিনা রুজম্| অসৌ রোগো নিমেষাখ্যঃ||৪||
Adhikarana বাতহতবর্ত্ম (৫) · Śloka ৫
বর্ত্ম যত্তু নিমীল্যতে|
বিমুক্তসন্ধি নিশ্ছেষ্টং হীনং বাতহতং হি তত্||৫||
View original
वर्त्म यत्तु निमील्यते|
विमुक्तसन्धि निश्छेष्टं हीनं वातहतं हि तत्||५||
Show commentary
শশিলেক ব্যাখ্যা (ইন্দু কৃত)
যত্তু বর্ত্ম বাযুনা নিমীল্যতে ন কদাচিদুন্মীল্যতে তদ্বর্ত্ম নাম্না বাতহতমুচ্যতে| কিম্ভূতং বর্ত্মাহ| বিমুক্তসন্ধি বিস্রস্তবন্ধনম্| নিশ্ছেষ্টং হীনং চ||৫||
Adhikarana কুম্ভিকাঃ (৬) · Śloka ৬
কৃষ্ণাঃ পিত্তেন বহ্ব্যোঽন্তবর্ত্ম কুম্ভীকবীজবত্|
আধ্মাযন্তে পুনর্ভিন্নাঃ পিটিকাঃ কুম্ভিসংজ্ঞকাঃ||৬||
View original
कृष्णाः पित्तेन बह्व्योऽन्तवर्त्म कुम्भीकबीजवत्|
आध्मायन्ते पुनर्भिन्नाः पिटिकाः कुम्भिसंज्ञकाः||६||
Show commentary
শশিলেক ব্যাখ্যা (ইন্দু কৃত)
অন্তর্বত্ম বর্ত্মনোঽন্তর্ভাগে পিত্তেন কৃষ্ণাঃ পিটিকা ভবন্তি| যা ভিন্নাঃ কুম্ভীকবীজবত্ কুমুদতণ্ডুলবত্ পুনরাধ্মাযন্তে পরিপূর্বন্তে| তাঃ পিটকাঃ কুম্ভিনাম্ন্যঃ||৬||
Adhikarana পিত্তোত্ক্লিষ্টবর্ত্ম (৭) · Śloka ৭
সদাহক্লেদনিস্তোদং রক্তাভং স্পর্শনাক্ষমম্|
পিত্তেন জাযতে বর্ত্ম পিত্তোত্ক্লিষ্টমুশন্তি তত্||৭||
View original
सदाहक्लेदनिस्तोदं रक्ताभं स्पर्शनाक्षमम्|
पित्तेन जायते वर्त्म पित्तोत्क्लिष्टमुशन्ति तत्||७||
Show commentary
শশিলেক ব্যাখ্যা (ইন্দু কৃত)
পিত্তেন সদাহাদিগুণং বর্ত্ম জাযতে ভবতি| তদ্বর্ত্ম নাম্না পিত্তোত্ক্লিষ্টমুশন্তি||৭||
Adhikarana পক্ষ্মশাতম্ (৮) · Śloka ৮
করোতি কণ্ডূং দাহং চ পিত্তং পক্ষ্মান্তমাশ্রিতম্|
পক্ষ্মণাং শতনং চানু পক্ষ্মশাতং বদন্তি তম্||৮||
View original
करोति कण्डूं दाहं च पित्तं पक्ष्मान्तमाश्रितम्|
पक्ष्मणां शतनं चानु पक्ष्मशातं वदन्ति तम्||८||
Show commentary
শশিলেক ব্যাখ্যা (ইন্দু কৃত)
পক্ষ্মান্তমাশ্রিতং পিত্তং কণ্ডূবাদিকং করোতি তং রোগমাচার্যা নাম্না পক্ষ্মশাতমিতি বদন্তি||৮||
Adhikarana পোথকী (৯) · Śloka ৯
পোথক্যঃ পিটকাঃ শ্বেতাঃ সর্ষপাভা ঘনাঃ কফাত্|
শোফোপদেহরুক্কণ্ডূপিচ্ছিলাস্রসমন্বিতাঃ||৯||
View original
पोथक्यः पिटकाः श्वेताः सर्षपाभा घनाः कफात्|
शोफोपदेहरुक्कण्डूपिच्छिलास्रसमन्विताः||९||
Show commentary
শশিলেক ব্যাখ্যা (ইন্দু কৃত)
শ্বেতা আকৃত্যা চ সর্ষপসদৃশা ঘনাঃ সংহতাঃ শোফাদিসমন্বিতাশ্ছ পিটকাঃ কফাদ্ভেতোর্ভবন্তি| তাশ্ছ পিটাকাঃ কফাদ্ভেতোর্ভবন্তি| তা নাম্না পোথক্য ইত্যুচ্যন্তে||৯||
Adhikarana কফোত্ক্লিষ্টবর্ত্ম (১০) · Śloka ১০
কফোত্ক্লিষ্টং ভবেদ্বর্ত্ম স্তম্ভক্লেদোপদেহবত্||১০||
View original
कफोत्क्लिष्टं भवेद्वर्त्म स्तम्भक्लेदोपदेहवत्||१०||
Show commentary
শশিলেক ব্যাখ্যা (ইন্দু কৃত)
স্তম্ভাদিমদ্বর্ত্ম ভবেত্ কফাদিতি প্রকরণাত্| তদ্বর্ত্ম নাম্না কফোত্ক্লিষ্টমিত্যুচ্যতে||১০||
Adhikarana লগণঃ (১১) · Śloka ১১
গ্রন্থিঃ পাণ্ডুররুক্পাকঃ কণ্ডূমান্ কঠিনঃ কফাত্|
কোলমাত্রঃ স লগণঃ কিঞ্চিদল্পস্ততোঽথবা||১১||
View original
ग्रन्थिः पाण्डुररुक्पाकः कण्डूमान् कठिनः कफात्|
कोलमात्रः स लगणः किञ्चिदल्पस्ततोऽथवा||११||
Show commentary
শশিলেক ব্যাখ্যা (ইন্দু কৃত)
কফোদ্ভেতোঃ কোলমাত্রো বদরমাত্রস্ততো বা কোলাত্ কিঞ্চিদল্পঃ পাণ্ড্বাদিগুণো গ্রন্থির্নাম্না লগণ ইত্যুচ্যতে||১১||
Adhikarana উত্সঙ্গা (১২) · Śloka ১২
রক্তা রক্তেন পিটকা তত্তুল্যপিটকাচিতা|
উত্সঙ্গাখ্যা ||১২||
View original
रक्ता रक्तेन पिटका तत्तुल्यपिटकाचिता|
उत्सङ्गाख्या ||१२||
Show commentary
শশিলেক ব্যাখ্যা (ইন্দু কৃত)
রক্তেন বাতাদিদুষ্টেন রক্তা লোহিতবদ্রক্তবর্ণা পিটকা ভবতি| তত্তুল্যাভিঃ প্রধানসদৃশাভিরন্যাভিঃ পিটকাভিরাচিতা কৃতসঞ্চযা সা পিটকা নাম্নোত্সঙ্গেত্যুচ্যতে ||১২||
Adhikarana উত্ক্লিষ্টং বর্ত্ম (১৩) · Śloka ১৩
তথোক্লিষ্টং রাজিমত্ স্পর্শনাক্ষমম্||১৩||
View original
तथोक्लिष्टं राजिमत् स्पर्शनाक्षमम्||१३||
Show commentary
শশিলেক ব্যাখ্যা (ইন্দু কৃত)
তথেতি রক্তেনোত্ক্লিষ্টন্নাম বর্ত্ম তত্তদ্রাজিমত্ স্পর্শনাক্ষমঞ্চ||১৩||
Adhikarana অর্শোবর্ত্ম (১৪) · Śloka ১৪
অর্শোঽধিমাংসং বর্ত্মান্তঃ স্তব্ধং স্নিগ্ধং সদাহরুক্|
রক্তং রক্তেন তত্স্রাবিচ্ছিন্নং ছিন্নং চ বর্ধতে||১৪||
View original
अर्शोऽधिमांसं वर्त्मान्तः स्तब्धं स्निग्धं सदाहरुक्|
रक्तं रक्तेन तत्स्राविच्छिन्नं छिन्नं च वर्धते||१४||
Show commentary
শশিলেক ব্যাখ্যা (ইন্দু কৃত)
রক্তেনাসৃজা বর্ত্মান্তর্বর্ত্মনোঽন্তভাগে রক্তং লোহিতমধিমাংসং ভবতি স্তব্ধাদিগুণকমিত্যধিমাংসমর্ম ইতি নাম্নোচ্যতে||১৪||
Adhikarana অঞ্জননামিকা (১৫) · Śloka ১৫
মধ্যে বা বর্ত্মনোঽন্তে বা কণ্ডূষারুগ্বতী স্থিরা|
মুদ্গমাত্রাসৃজা তাম্রা পিটকাঞ্জননামিকা||১৫||
View original
मध्ये वा वर्त्मनोऽन्ते वा कण्डूषारुग्वती स्थिरा|
मुद्गमात्रासृजा ताम्रा पिटकाञ्जननामिका||१५||
Show commentary
শশিলেক ব্যাখ্যা (ইন্দু কৃত)
অসৃজা রক্তেন বর্ত্মনোঽন্তে বা মধ্যে বা কণ্ডূবাদিমতী স্থিরা মুদ্গপ্রমাণা তাম্রবর্ণ চ যা পিটকা ভবতি সা নাম্না অঞ্জননামিকেত্যুচ্যতে ||১৫||
Adhikarana বিসবর্ত্ম (১৬) · Śloka ১৬
দোষৈর্বত্ম বহিঃ শূনং যদন্তঃ সূক্ষ্মকাচিতম্|
সস্রাবমন্তরুদকং বিসাভং বিসবর্ত্ম তত্||১৬||
View original
दोषैर्वत्म बहिः शूनं यदन्तः सूक्ष्मकाचितम्|
सस्रावमन्तरुदकं बिसाभं बिसवर्त्म तत्||१६||
Show commentary
শশিলেক ব্যাখ্যা (ইন্দু কৃত)
দোষৈস্ত্রিভির্যদ্বর্ত্ম বহিঃ শূনমন্তঃ সূক্ষ্মচ্ছিদ্রং সস্রাবমন্তরুদকং যস্মিন্ বিসে তত্সদৃশং ভবতি তদ্বর্ত্ম নাম্না বিসবর্ত্ম ইত্যুচ্যতে||১৬||
Adhikarana উত্ক্লিষ্টবর্ত্ম (১৭) · Śloka ১৭
যদ্বর্ত্মোক্লিষ্টমুত্ক্লিষ্টমকস্মান্ম্লানতামিযাত্|
রক্তদোষত্রযোত্ক্লেশাদ্ভবত্যুত্ক্লিষ্টবর্ত্ম তত্||১৭||
View original
यद्वर्त्मोक्लिष्टमुत्क्लिष्टमकस्मान्म्लानतामियात्|
रक्तदोषत्रयोत्क्लेशाद्भवत्युत्क्लिष्टवर्त्म तत्||१७||
Show commentary
শশিলেক ব্যাখ্যা (ইন্দু কৃত)
রক্তস্য দোষত্রযস্য চ মিশ্রীভাবেন তেষামুত্ক্লেশাদ্ধেতোর্যদ্বর্ত্ম পুনরুত্ক্লিষ্টং স্বযমেব পুনর্ম্লানতামিযাত্ কিঞ্চিত্পারে শোষং গচ্ছতি তদ্বর্ত্ম নাম্নোত্ক্লিষ্টবর্ত্মেত্যুচ্যতে||১৭||
Adhikarana শ্যাববর্ত্ম (১৮) · Śloka ১৮
শ্যাববর্ত্ম মলৈঃ সাস্রৈঃ শ্যাবং রুক্লেদশোফবত্||১৮||
View original
श्याववर्त्म मलैः सास्रैः श्यावं रुक्लेदशोफवत्||१८||
Show commentary
শশিলেক ব্যাখ্যা (ইন্দু কৃত)
সাস্রৈঃ সরক্তৈর্মলৈর্বাতাদিভিস্ত্রিভির্মিশ্রীভূতৈঃ শ্যাবং বর্ণেন রুগাদিযুক্তং চ যদ্বর্ত্ম ভবতি তন্নাম্না শ্যাববর্ত্মোচ্যতে||১৮||
Adhikarana শ্লিষ্টবর্ত্ম (১৯) · Śloka ১৯
শ্লিষ্টাখ্যং বর্ত্মনী শ্লিষ্টে কণ্ডূশ্বযথুরাগিণী||১৯||
View original
श्लिष्टाख्यं वर्त्मनी श्लिष्टे कण्डूश्वयथुरागिणी||१९||
Show commentary
শশিলেক ব্যাখ্যা (ইন্দু কৃত)
সাস্রৈরেব চ মলৈর্বর্ত্মনী দ্বে কণ্ডূবাদিত্রযযুক্তে পরস্পরশ্লিষ্টে চ ভবতঃ তদ্বর্ত্ম শ্লিষ্টাখ্যমুচ্যতে||১৯||
Adhikarana সিকতাবর্ত্ম (২০) · Śloka ২০
বর্ত্মন্তঃপিটকা রূক্ষাঃ কর্কশাঃ সিকতোপমাঃ|
সিকতাবর্ত্ম ||২০||
View original
वर्त्मन्तःपिटका रूक्षाः कर्कशाः सिकतोपमाः|
सिकतावर्त्म ||२०||
Show commentary
শশিলেক ব্যাখ্যা (ইন্দু কৃত)
বর্ত্মনোঽন্তর্ভাগে রূক্ষত্বাদিগুণাঃ পিটকা ভবন্তি তদ্বর্ত্ম নাম্না সিকতাবর্ত্মোচ্যতে||২০||
Adhikarana কর্দমবর্ত্ম (২১) · Śloka ২১
কৃষ্ণং তু কর্দমং কর্দমোপমম্||২১||
View original
कृष्णं तु कर्दमं कर्दमोपमम्||२१||
Show commentary
শশিলেক ব্যাখ্যা (ইন্দু কৃত)
কৃষ্ণং কর্দমসদৃশং মার্দবেন যদ্বর্ত্ম তন্নাম্না কর্দমমুচ্যতে||২১||
Adhikarana বহলবর্ত্ম (২২) · Śloka ২২
বহলং বহলৈর্মাংসৈঃ সবর্ণৈশ্ছীযতে সমৈঃ||২২||
View original
बहलं बहलैर्मांसैः सवर्णैश्छीयते समैः||२२||
Show commentary
শশিলেক ব্যাখ্যা (ইন্দু কৃত)
যদ্বর্ত্ম সমৈর্বহলৈর্ঘনৈর্মাংসৈশ্ছীযতে তন্নাম্না বহলমিত্যুচ্যতে||২২||
Adhikarana কুকূণকঃ (২৩) · Śloka ২৩
কুকূণকঃ শিশোরেব দন্তোত্পত্তিনিমিত্তজঃ|
স্যত্তেন শিশুরিচ্ছূনতাম্রাক্ষো বীক্ষণাক্ষমঃ|
সবর্ত্মশূলপৈচ্ছিল্যকর্ণনাসাক্ষিমর্দনঃ||২৩||
View original
कुकूणकः शिशोरेव दन्तोत्पत्तिनिमित्तजः|
स्यत्तेन शिशुरिच्छूनताम्राक्षो वीक्षणाक्षमः|
सवर्त्मशूलपैच्छिल्यकर्णनासाक्षिमर्दनः||२३||
Show commentary
শশিলেক ব্যাখ্যা (ইন্দু কৃত)
দন্তোদ্ভবতো যো বর্ত্মরোগঃ শিশোরেব ভবতি স নাম্না কুকূণকঃ তেনোচ্ছোওনাদিরূপাক্ষঃ শিশুঃ স্যাত্|| ২৩||
Adhikarana পক্ষ্মোপরোধঃ (২৪) · Śloka ২৪
পক্ষ্মোপরোধে সঙ্কোচো বর্ত্মনোর্জাযতে ততঃ|
খরতান্তর্মুখত্বং চ রোম্ণামন্যানি বা পুনঃ|
কণ্টকৈরিব তীক্ষ্ণাগ্রৈর্ঘৃষ্টং তৈরক্ষি শূযতে|
ঊষ্যতে চানিলাদিদ্বিডল্পাহং শান্তিরুদ্ধৃতৈঃ||২৪||
View original
पक्ष्मोपरोधे सङ्कोचो वर्त्मनोर्जायते ततः|
खरतान्तर्मुखत्वं च रोम्णामन्यानि वा पुनः|
कण्टकैरिव तीक्ष्णाग्रैर्घृष्टं तैरक्षि शूयते|
ऊष्यते चानिलादिद्विडल्पाहं शान्तिरुद्धृतैः||२४||
Show commentary
শশিলেক ব্যাখ্যা (ইন্দু কৃত)
পক্ষ্মোপরোধনাম্নি রোগে বর্ত্মনোঃ সঙ্কোচো জাযতে তথা রোম্ণামপি বর্ত্মভবানাং সঙ্কোচঃ খরতান্তর্মুখত্বঞ্চ জাযতে| অন্যানি বা রোমাণি জাযন্তে| তৈশ্ছ রোমভিস্তীক্ষ্ণাগ্রৈঃ কণ্টকসদৃষৈর্ঘৃষ্টং সদক্ষি শূযতে| ঊষ্যতে সদাহং ভবতি অনিলাদিস্পর্শং চ দ্বেষ্টি| তৈশ্ছ রোমভিরুদ্ধৃতৈরপনীতৈরল্পাহং স্তোকানি দিনানি রুজশ্শান্তির্ভবতি পুনস্তথৈব ভবতি||২৪||
Adhikarana অলজী (২৫) · Śloka ২৫
কনীনকে বহির্বর্ত্ম কঠিনো গ্রন্থিরুন্নতঃ|
তাম্রঃ পক্বোস্রপূযস্রুদলজ্যাধ্মাযতে মুহুঃ||২৫||
View original
कनीनके बहिर्वर्त्म कठिनो ग्रन्थिरुन्नतः|
ताम्रः पक्वोस्रपूयस्रुदलज्याध्मायते मुहुः||२५||
Show commentary
শশিলেক ব্যাখ্যা (ইন্দু কৃত)
কনীনকে নাসানিকটে নেত্রান্তে বহির্বর্ত্মনো বহির্ভাগে কঠিনত্বাদিগুণো গ্রন্থির্ভবতি মুহুরাধ্মাযতেঽর্থান্মুহুঃ স্রবতি স গ্রন্থির্নাম্না অলজীত্যুচ্যতে||২৫||
Adhikarana বর্ত্মার্বুদম্ (২৬) · Śloka ২৬
বর্ত্মান্তমাংসপিণ্ডাভঃ শ্বযথুর্গ্রথিতোঽরুজঃ|
সাস্রৈঃ স্যাদর্বুদো দোষৈর্বিষমো বাহ্যতশ্ছলঃ||২৬||
View original
वर्त्मान्तमांसपिण्डाभः श्वयथुर्ग्रथितोऽरुजः|
सास्रैः स्यादर्बुदो दोषैर्विषमो बाह्यतश्छलः||२६||
Show commentary
শশিলেক ব্যাখ্যা (ইন্দু কৃত)
সাস্রৈঃ রক্তমিশ্রৈর্বাতাদিভির্মাংসপিণ্ডসদৃশঃ শ্বযথুঃ স্যাত্| স চ যদান্তর্বর্ত্ম ভবতি তদা গ্রথিতঃ কঠিনোঽরুজশ্ছ ভবতি| যদা তু বহির্বর্ত্ম তদা চলো ভবতি| স উভযোরপি শ্বযথুরর্বুদ ইতি নাম্নোচ্যতে||২৬||
Adhikarana বর্ত্মরোগসঙ্খ্যা (২৭) · Śloka ২৭
চতুর্বিংশতিরিত্যেতে ব্যাধযো বর্ত্মসংশ্রযাঃ||২৭||
View original
चतुर्विंशतिरित्येते व्याधयो वर्त्मसंश्रयाः||२७||
Show commentary
শশিলেক ব্যাখ্যা (ইন্দু কৃত)
এতে অনন্তরোক্তা বর্ত্মাশ্রযা ব্যাধযঃ কৃচ্ছ্রোন্মীল, নিমেষ, বাতহত, কুম্ভি, পিত্তোত্ক্লিষ্ট, পক্ষ্মশাত, পোথকী, কফোত্ক্লিষ্ট, লগণ, উত্সঙ্গ, রক্তোত্ক্লিষ্ট, অর্শ, অঞ্জননামিকা, বিসবর্ত্ম, উত্ক্লিষ্টবর্ত্ম, শ্যাববর্ত্ম, সিকতা, কর্দম, বহল, কুকূণক, পক্ষ্মোপরোধ, অলজী, অর্বুদাখ্যাশ্ছতুর্বিংশতিরীত্যুক্তাঃ||২৭||
Adhikarana সাধ্যাসাধ্যতা (২৮) · Śloka ২৮
অদ্যোঽত্র ভেষজৈঃ সাধ্যো দ্বৌ ততোঽর্শশ্ছ বর্জযেত্|
পক্ষ্মোপরোধো যাপ্যঃ স্যাচ্ছেষাঞ্ছস্ত্রৌষধৈর্জযেত্||২৮||
View original
अद्योऽत्र भेषजैः साध्यो द्वौ ततोऽर्शश्छ वर्जयेत्|
पक्ष्मोपरोधो याप्यः स्याच्छेषाञ्छस्त्रौषधैर्जयेत्||२८||
Show commentary
শশিলেক ব্যাখ্যা (ইন্দু কৃত)
অত্র চতুর্বিংশতাবাদ্যঃ কৃচ্ছ্রোন্মীলাখ্যো ভেষজৈর্বক্ষ্যমাণৈঃ সাধ্যঃ তদনন্তরো নিমিষবাতহতাখ্যাবর্শআখ্যশ্ছ ত্রয ইতি বর্জযেত্| পক্ষ্মোপরোধো যাপ্যঃ| শেষাননুক্তান্ শস্ত্রৈরোষধৈশ্ছ যথাযোগ্যং জযেত্||২৮||
Adhikarana চিকিত্সাসূত্রনির্দেশঃ (২৯-৩০) · Śloka ৩০
কুট্টযেত্ পক্ষ্মশতনং ছিন্দ্যাত্তেষ্বপি চার্বুদম্|
ভিন্দ্যাল্লগণকুম্ভীকাবিসোত্সঙ্গাঞ্জনালজীঃ|
পোত্থকীশ্যাবসিকতাশ্লিষ্টোত্ক্লিষ্টচতুষ্টযম্|
সকর্দমং সবহলং বিলিখেত্ সকুকূণকম্||২৯||
ইতি বৈদ্যপতিসিংহগুপ্তস্য সূনোর্বাগ্ভটস্য কৃতা বষ্টাঙ্গসংগ্রহসংহিতাযামুত্তরতন্ত্রে বর্ত্মরোগ বিজ্ঞানীযো নামৈকাদশোঽধ্যাযঃ||৩০||
View original
कुट्टयेत् पक्ष्मशतनं छिन्द्यात्तेष्वपि चार्बुदम्|
भिन्द्याल्लगणकुम्भीकाविसोत्सङ्गाञ्जनालजीः|
पोत्थकीश्यावसिकताश्लिष्टोत्क्लिष्टचतुष्टयम्|
सकर्दमं सबहलं विलिखेत् सकुकूणकम्||२९||
इति वैद्यपतिसिंहगुप्तस्य सूनोर्वाग्भटस्य कृता वष्टाङ्गसंग्रहसंहितायामुत्तरतन्त्रे वर्त्मरोग विज्ञानीयो नामैकादशोऽध्यायः||३०||
Show commentary
শশিলেক ব্যাখ্যা (ইন্দু কৃত)
অত্রৈবেষাং চিকিত্সা সূত্র্যতে সুখাববোধায-কুট্টযেদিত্যাদি| তেষ্পবি শেষেষু পক্ষ্মশতনং বক্ষ্যমাণাপ্রকারেণ কুট্টযেত্| অর্বুদং ছিন্দ্যাত্| অলজ্যন্তং ভিন্দ্যাত্| পোত্থক্যাদিকং বিলিখেদিতি| ইতি শ্রীমন্মহামহোপাধ্যযেন্দুবিরচিতাযা- মষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে একাদশোঽধ্যাযঃ