১৫. শোধনাদিগণসঙ্গ্রহোধ্যাযঃ

সর্বাঙ্গসুন্দরী ব্যাখ্যা ( কৃত)

দ্বিবিধোপক্রমণীযাধ্যাযাদনন্তরং শোধনাদিগণসঙ্হ্গ্রহাধ্যাযারম্ভঃ| যতো দোষোপক্রমণীযে দ্বিবিধোপক্রমণীযে চ নানাবিধা উপক্রমা অভিহিতাঃ | তে চ মদনমধুকাদিভেষজাশ্রযাঃ, অতস্তানি শোধনাদ্যুপযোগীনি সর্বোপক্রমাধিকারীণি সঞ্জিঘৃক্ষুরধ্যাযমিমমারেভে-

সর্বাঙ্গসুন্দরী ব্যাখ্যা ( কৃত)

স০-শোধনং-শোধনরূপো দ্রব্যগণঃ, আদির্যেষাং ত এবম্| আদি শব্দেন বাতহরাদিগণপরিগ্রহঃ| তেষাং সঙ্গ্রহো যস্মিন্নধ্যাযে স শোধনাদিগণসঙ্গ্রহঃ, তং শোধনাদিগণসঙ্গ্রহসংজ্ঞমধ্যাযং ব্যাখ্যাস্যামঃ| গণঃ-সমূহঃ| বিক্ষিপ্তানাং পদার্থানামেকত্র রাশীকরণং-সঙ্গ্রহঃ| তত্র শোধনগণস্য সর্বদোষবিজযিত্বেন প্রাধান্যাত্ পূর্বমুপন্যাসঃ|

আযুর্বেদরসাযনম্ ব্যাখ্যা ( কৃত)

আ০ র০- শোধনাদিগণীমধ্যাযং ব্য্খ্যাতুং প্রতিজানী-অথেতি|

সর্বাঙ্গসুন্দরী ব্যাখ্যা ( কৃত)

স০-মদনং-রাঠঃ| মধুকং-মধুযষ্টিকা| লম্বা-তুম্বী দীর্ঘতিক্তাঽলাবুসংজ্ঞা| নিম্বঃ-পিচমন্দঃ| বিম্বী-গোহ্লা, ওষ্ঠোপমফলসংজ্ঞা| বিশালা-ইন্দ্রবারুণী| ত্রপুসং-তিক্তত্রপুসং ব্রেদ্যম্, তস্য বমনযোগ্যত্বাত্| কুটজং-বত্সকম্| মূর্বা-পীলুপর্ণী| দেবদালী-গরাগরী| কৃমিঘ্নং-বিডঙ্গম্| বিদুলো-জলবেতসঃ| দহনঃ-চিত্রকঃ| চিত্রা-মূষিকপর্ণী| কোশবত্যৌ-ঘণ্টালিকে, একা ধামার্গবো দ্বিতীযা রাজকোশাতকী| করঞ্জো-নক্তমালঃ| কণা-কৃষ্ণা| লবণং-সৈন্ধবম্| বচা-গোলোমী| এলা-ত্রুটীঃ| সর্ষপো-রক্ষোঘ্নঃ| এতানি মদনাদীনি ছর্দনানি-ছর্দিকরাণি| "বসুমুনিবিরতিশ্চেন্মালিনী নৌ মযোঃ যঃ|" অত্র চ মদনবিশালাত্রপুসকুটজবিডঙ্গৈলাসর্ষপাণাং ফলানি বমনক্রন্তি| মধুকবিদুলচিত্রকদন্তীবচানাং তু মূলানি| রোধ্রসুবর্ণক্ষীরীকম্পিল্লানাং ত্বচঃ| শেষাণাং ফলপত্রপুষ্পাণি বেদিতব্যানীতি|

আযুর্বেদরসাযনম্ ব্যাখ্যা ( কৃত)

আ০ র০- শোধনাদিদ্রব্যগণঃ| তত্র বমনগণমাহমদনমধুকেত্যাদি| মদনো-গেলঃ| মধুকং-যষ্টীমধু| লম্বাকটুতুম্বী| নিম্বঃ-পিচুমন্দঃ| বিম্বী-কটুতুণ্ডিকেরী|বিশালা-ইন্দ্রবারুণী| ত্রপুসং-কটুবালুকম্| কুটজো-বত্সকঃ| মূর্বা-মধুরসা| দেবদালী-জীমূতকঃ| কৃমিন্ধং-বিঙ্গগং| তিদুলো-বেতসঃ| দহনঃ-চিত্রকঃ| চিত্রাচিত্রাডিকা কটুপটোলফলং পত্রকং চ| কোশবত্যৌ-কটুকোশাতকী রাজকোশাতকী চ| করঞ্জো-নক্তমালঃ| কণাপিপ্পলী| লবণং-সৈন্ধবম্| বচা-উগ্রা| এলা-ত্রুটিঃ| সর্ষপো-রক্ষোন্ধঃ| ছর্দনানীতি বমনানি| বহুবচনং গুণবহুত্বার্থম্| তেন বমনাদিদ্রব্যাণাং যস্য কস্যচিত্ ত্রিকচতুষ্কপঞ্চকাদেঃ প্রযোজকত্বম্| উক্তং চ সুশ্রুতেন (সূ. অ. ৩৭/৩৪|-"সমস্তং বর্গমর্ধং বা যথালাভমথাপি বা| প্রযুঞ্জীত ভিষক্ প্রাজ্ঞো যথোদ্দিষ্টেষু কর্মসু||" ইতি| উপলক্ষণং চেদম্| অত এব সঙ্গ্রহকারোঽধিকমধীতে (সূ. অ. ১৪)- "মদনজীমূতেক্ষ্বাকুকোশাতকীদ্বযফলপুষ্পপত্রাণি| কুটজকরঞ্জত্রপুসসর্ষপপিপ্পলীবিডঙ্গৈলাপ্রত্যক্পুষ্পীহরেণুপৃথ্বীকাকুস্তুম্বরীপ্রপুন্নটানাং ফলানি শারদানি চ হস্তিপর্ণ্যাঃ| কোবিদারকর্বুদারারিষ্টাশ্ব্বগন্ধানীপবিদুলবিম্বীবন্ধুজীবকশ্বেতাশণপুষ্পীসদ্পুষ্পীবচাচিত্রাচিত্রকমৃগৈর্বারুকেন্দ্রবারুণীসুষবীচতুরঙ্গুলস্বাদুকণ্টকপাঠাপাটলীশার্ঙ্গেষ্টামধুকমূর্বাসত্পপর্ণসোমবল্কদ্বীপিশিগ্রুসুমনস্সৌমনস্যাযবাবীবৃশ্চীবপুনর্নবামহাসহাক্ষুদ্রসহেসক্ষুকাণ্ডকতকপিপ্পলীমূলচবিকানলদোশীরহীবেরমূলানি| শাল্মলীশাল্মলুকাভদ্রপর্ণ্যৈরাবণ্যুপোদকৌদ্দালকধন্বনরসাঞ্জনরাজাদনোপচিত্রাগোপশৃঙ্গাটিকাপিচ্ছাঃ| প্রিযঙ্গুপুষ্পম্| তালীসপত্রম্| হরিদ্রাশৃঙ্গবেরকন্দৌ| মধূকদারুহরিদ্রাসারৌ| তগরগুডূচীমধুফাণিতক্ষীরক্ষারলবণানি চেতি বমনোপযোগীনি|" ইতি|

সর্বাঙ্গসুন্দরী ব্যাখ্যা ( কৃত)

স০-নিকুম্ভো-দন্তী| কুম্ভঃ-ত্রিবৃত্| ত্রিফলা-বরা| গবাক্ষী-বিশালা, দ্বিতীযেন্দ্রবারুণী| স্রুক্-গুডা| শঙ্খিনী-যবতিক্তা| নীলিনী-নীলপুষ্পা, ভারবাহীসংজ্ঞা| তিল্বকো-রোধ্রঃ| শম্যাকঃ-কর্ণিকারঃ| কম্পিল্লকো-রঞ্জনকঃ| হেমদুগ্ধা-কনকক্ষীরী| দুগ্ধং-ক্ষীরম্| মূত্রং-প্রসিদ্ধম্| নিকুম্ভাদীন্যেতানি বিরেচনানি| উপজাতির্বৃত্তম্|

আযুর্বেদরসাযনম্ ব্যাখ্যা ( কৃত)

আ০ র০- বিরেচনগণমাহ-নিকুংভকুম্ভেতি| নিকুম্ভোদন্তী| কুম্ভঃ-ত্রিবৃত্| ত্রিফলা-প্রসিদ্ধা| গবাক্ষী-শ্বেতপুষ্পেন্দ্রবারুণী| স্নুক্-স্নুহী| শঙ্কিনীসদ্দশাশ্বেতপুষ্পা| নীলিনী-কালাঞ্জনিকা| নিল্বকো-রোধ্রঃ| শম্যাকঃ-আরগ্বধঃ| কম্পিল্লো-রক্তাঙ্গঃ| হেমদুগ্দা-হেমাবতী কঙ্কুষ্ঠপ্রকৃতিঃ| সঙ্গ্রহে ত্বধিকমুক্তম্ (সূ. অ. ১৪) - "ত্রিবৃচ্ছ্যামাদন্তীদ্রবন্তীশঙ্খিনীসত্পলাজগন্ধাজশৃঙ্গীবচাগবাক্ষীছগলান্ত্রীসুবর্ণক্ষীরীচিত্রককিণিহীহ্বস্বপঞ্চমূলবৃশ্চীবপুনর্নবাপলঙ্কষাবাস্তুকশাকসালমূলানি| তিল্বকরম্যককম্পিল্লকপাটলীত্বচঃ| ত্রিফলপীলুপ্রিযালবকুলবদরকর্কন্ধুকাস্মর্যপরূষকদ্রাক্ষানীলিনীক্লীতনকক্ষীরকোদকীর্যাবিটুঙ্গপূগপঞ্চঃঙ্গুলফলানি, চতুরঙ্গুলফলপত্রাণি| পূতীকত্বক্ফলপত্রাণি| পূতিকত্বক্ফলপত্রাণি| মহাবৃক্ষসত্পপর্ণজ্যোতিষ্মতীক্ষীরাণি| ক্ষীরমস্তুমদ্যধান্যাম্লূত্রাণি চেতি বিরেচনোপযোগীনি| কোশাতকীদেবদালীসপলাকারপেল্লিকাস্বরসা অর্কক্ষীরমুষ্ণোদকং চেত্যুভযাত্মকানি|" ইতি|

সর্বাঙ্গসুন্দরী ব্যাখ্যা ( কৃত)

স০-মদনং-মদনফলম্| কুটজং-বত্সকত্বক্| কুষ্ঠং-গদনাম| দারু-দেবদারুঃ| রাস্না-যুক্তরসা| মিশিঃ-শতপুষ্পা| কৃতবেধনং-ধামার্গবঃ| কুলত্থাঃ-প্রসিদ্ধাঃ| এতানি নিরূহণানি-নিরূহণসাধনানি| "ভবতি জগতি নৌ ততঃ পরৌ র্যৌ নজসহিতৈর্জরগৈশ্চ পুষ্পিতাগ্রা|"

আযুর্বেদরসাযনম্ ব্যাখ্যা ( কৃত)

আ০ র০- নিরূহগণমাহ-মদনেত্যাদি| কুষ্ঠং-পাকলম্| দশমূলং-মহদ্র্হস্বে পঞ্চমূলে| দারু-দেবদারু| রাস্ত্রা-প্রসিদ্ধা| যবঃ-তীক্ষ্ণশূকঃ| মিশিঃ-শতপুষ্পা| কৃতবেধনং-কটুকোশাতকী| কুলত্থঃ-শিম্বীধান্যবিশেষঃ| মধু-মাক্ষিকম্| সঙ্গ্রহে ত্বধিকমুক্তম্ (সূ. অ. ১৪) - "বস্তিষু তু তেষু তেষ্ববস্থান্তরেষু যান্যুপযুজ্যন্তে দ্রব্যাণি, তান্যসঙ্খযেযত্বান্নোপদিশ্যন্তে| রসস্কন্ধেভ্য এব যথাদোষং যথাবস্থং চ বিভজেত্| সর্বেষু প্রাযো মদনকুটজজীমূতকেক্ষ্বাকুকোত্রিবৃদ্বচাযষ্ট্যাদ্বকুষ্ঠরাস্নাপুনর্নবাকটতৃণমূলানি, সরলদেবদারুহপুষহিঙ্গুরসাঞ্জনদযোষপত্রৈলামৃতাযবকোলকুলত্যা গুডলবণমস্তুধান্যাম্লমূত্রস্নহক্ষীরক্ষৌদ্রাণি চেতি||" ইতি|

সর্বাঙ্গসুন্দরী ব্যাখ্যা ( কৃত)

স০-বেল্লং-বিডঙ্গম্| অপামার্গঃ-প্রত্যুক্পুষ্পী| ব্যোষং-ত্রিকটুকম্| দার্বী-পীতদ্রুঃ| সুরালা-শ্রেষ্ঠসর্জরসঃ| শৈরীশং-শিরীষবীজম্| বার্হতং-বৃহতীবীজম্| শৈগ্রবং-শিগ্রুবীজম্| সারো মাধূকো-মধূকপুষ্পসারঃ| সৈন্ধবং-সিন্ধূত্থম্| তার্ক্ষ্যশৈলং-শুষ্করসাঞ্জনম্| ত্রুট্যৌ-সূক্ষ্মৈলা স্থূলৈলা চ| পৃথ্বীকা-হিঙ্গুপত্রী| এতান্যুত্তমাঙ্গং শোধযন্তি,- মূর্ধবিরেচনানীত্যর্থঃ| "মৌ যৌ পঞ্চাশ্বৈর্বৈশ্বদেবীতি নাম্না|"

আযুর্বেদরসাযনম্ ব্যাখ্যা ( কৃত)

আ০ র০- নাবনগণমাহ-বেল্লাপামার্গেতি| সুরালাশ্রেষ্ঠঃ সর্জরসঃ| শিরিষবৃহতীশিগ্রণাং বীজম্| মধুকস্যসারঃ| তার্ক্ষ্যশৈলং-রসাঞ্জনম্| ত্রুট্যৌ-এলাদ্বযম্| পৃষ্বীকা-বাষ্পিকা| সঙ্গ্রহে ত্বধিকমুক্তম্ (সূ. অ. ১৪) - "অপামার্গবিডঙ্গমরিচপিপ্পলীশিরীষবিল্বাজাজ্যজনোদাবার্তাকপূথ্বীকৈলাহরেণুফলানি| তালীসতমতর্কারীহরীতকবর্গপত্রাণি| সর্ষপফলপত্রাণি| শিগ্রুফলপত্রত্বজঃ| হরিদ্রামূলকলশুননাগরকন্দপত্রাণি| অতিবিষাকন্দা| কুষ্ঠথচাভার্ঙীশ্বেতাকিণিহীনাগন্তীজ্যোতিষ্মতীগবাক্ষীবযস্যাবৃশ্চিকালীবিম্বীকরঞ্জমূলানি| অর্কালর্কপুষ্পমূলানি| রোধ্রমদনসত্পপর্ণনিম্বীকরঞ্জমূলানি| মুরঙ্গীমাতুলুঙ্গীলবঙ্গাপ্পুষ্পণি| অগুরুসুরদারুসরলশলুকীজিঙ্গিণ্যশনরসাঞ্জনহিঙ্গুলাক্ষানির্যাসাঃ| শালতালমধূকদার্বীসারাঃ| তেজস্বিনীমেষশৃঙ্গীবরাঙ্গেদীবৃহতীদ্বযত্বচঃ| রাজাদতমজ্জা|ক্ষৌদ্রলবণমদ্যানি, গবাদিশকৃন্মূত্রপিত্তানি, এববুধানি চেন্দ্রিযোপশমনীযান্যন্যান্যপি| তথা স্নেহাঃ ক্ষীরং রক্তং মাংসরসো ধান্যরসস্তোযমিতি শিরোবিরেচনোপযোগীনি| মধুকপদ্মকমঞ্জিষ্ঠাসারিবামুস্তা পুন্নাগনাগকেশরৈলবালুকসুবর্ণত্বক্ত্মালপত্রপৃথ্বীকাহরেণুলাক্ষাশতপুষ্পাশলুকীশকরাদমনক্রমক্বকন্প্যগ্রোধোদুম্বংরাশ্বত্শ্চপ্লক্ষরোধ্রত্বক্পদ্মোত্পলানি সর্বগন্ধদ্গম্যাণি চ কুষ্ঠতগরবর্জ্যানিপ্রাযোগিকধূমোপযোগীনি| অগুরুগুলিশল্লকীশৈলেযকনলদহ্রীবেররেণূশীরমুস্তধ্যামকবরাঙ্গশ্রীবেষ্টকস্যৌণেযকপরিপেলৈবৈলবালুককন্দুরুকসর্জরসযষ্ঠ্যাঙ্কফলসারস্নৈহিধূমোপযোগীনি| শিরোবিরেলদ্রব্যাণি গন্ধদ্রব্যাণি চ কুষ্ঠতগরবর্জ্যানি প্রাযোগিকধূমোপযোগীনি| অগুরুগুগ্গুলিশল্লকীশৈলেযকনলদহ্নীবেরেণূশীরমুস্তধ্যামকারাঙ্গশ্চীবেষ্টকস্যৌণেযকপরিলৈবৈলবালুককন্দুরুকসর্জরসযষ্ঠ্যাঙ্কফলসারস্নেহমধূচ্ছিষ্টবিল্বফলমজ্জতিলযবমাষকুঙ্কুরানি মেদোমজ্জবসাসর্পীষি চ স্নৈহিকধূমোপযোগীনি| শিরোবিরেকদ্রব্যাণি গন্ধদ্রব্যাণি চ তীক্ষ্ণনি মনোহ্বা হরিতালং চেতি তীক্ষ্ণধূমোপযোগীনি|" ইতি|

সর্বাঙ্গসুন্দরী ব্যাখ্যা ( কৃত)

স০-ভদ্রাদারু-কিলিমম্| নতং-তগরম্| কুষ্ঠং-গদঃ| দশমূলং=দ্বিপঞ্চমূলম্| বলাদ্বযং-বলাঽতিবলা চ| এতানি ভদ্রদার্বাদীনি, চ-অপরং, বক্ষ্যমাণো বীরতরাদির্বিদার্যাদিশ্চ গণো বাযুং নাশযতি|

আযুর্বেদরসাযনম্ ব্যাখ্যা ( কৃত)

আ০ র০- বাতন্ধগণমাহ-ভদ্রদারু নতমিস্যাদি| ভদ্রদারু-দেবদারু| নতং-তগরম্| বীরতরাদিবিদার্যাদী-বক্ষ্যগাণৌ গশ্রৌ| তযোর্যানি পুনরুক্তানি তানি দ্বিগুণং যোজ্যানি| সঙ্গ্রহে তু (সূ. অ. ১৪) - "ভদ্রদারুকুষ্ঠতগরবরুণবলাতিঅলার্তগলকচ্ছুরাবাঙ্কীককুবেরাক্ষিবত্সাদন্যর্কালর্ককিংশুককতকভার্ঙ্গীকার্পাসীবৃশ্চিকাত্স্ত্রীপত্তূরপ্রভৃতীনি বিদার্যাদির্বর্বক্ষ্যমাষগণো বীরসরাদিস্তৃণাল্যবর্জ্যানি ষট্ পঞ্চমূলানি চেতি বাঅশমনানি||" ইতি|

সর্বাঙ্গসুন্দরী ব্যাখ্যা ( কৃত)

স০-দূর্বা-শাদ্বলম্| অনন্তা-যবাসকঃ| নিম্বঃ-প্রসিদ্ধঃ| বাসা-আটরূষকঃ| আত্মগুপ্তা-কপিকচ্ছূঃ| গুন্দ্রা-পদএরকঃ| অভীরুঃ-শতাবরী| শীতপাকী-শিখণ্ডিকা কাকণন্তিকাভেদঃ| প্রিযঙ্গুঃ-শ্যামা| এষ দূর্বাদির্গণঃ, তথা বক্ষ্যমাণো ন্যগ্রোধাদিঃ পদ্মকাদিশ্চ গণঃ, তথা শালিপর্ণীপৃশ্নিপর্ণ্যৌ, তথা পদ্মং-জলজম্, বন্যং-কুটন্নটম্, তথা সাবাদিশ্চ গণঃ, এতে পিত্তং নাশযন্তি| "ম্তৌ তৌ গৌ চেচ্ছালিনী বেদলোকেঃ|"

আযুর্বেদরসাযনম্ ব্যাখ্যা ( কৃত)

আ০ র০- পিত্তন্ধগণমাহ-দূর্বেত্যাদি| অনন্তা-দুরালভা| গুন্দ্রা-এরকা শীতপাকী-গুঞ্জা|স্থিরে দ্বে-শালিপর্ণী দযো-বক্ষ্যমাণা গণাংঃ| অত্রাপি পুনরুক্তানি দ্বিগুণানি| সঙ্গ্রহে তু (সূ. অ. ১৪) - "দূর্বানন্তামোচরসমঞ্জিষ্ঠাপরিপেলবকালাকালীযককদলীকন্দলীপযস্যাত্মগুত্পানারুকেলখর্জূরদ্রাক্ষাবিদারীবদরীবলানাগবলানাগবলানাগপুষ্পাশতাবরীশীযপাক্যোদনপাকীধবন্বনস্যন্দনখদিরকদরপ্রিযালতালশাঅসর্জতিনিশাশ্বকর্ণগুন্দ্রাবানীরপদ্মাপদ্মকপদ্মবীজমৃণালকুমুদনলি নসৌগন্ধিকপুণ্ডরীকশতপত্রশেবালক~হ্নারোত্পলকাকোল্যুত্পলিকাশালূকশৃঙ্গাটককসেরুকক্রৌঞ্চাদনপ্রভৃতীনি শীতবীর্যাণি| সারিবাদিঃ পদ্মকাদিঃ পটোআদির্ন্যগ্রোধাদির্দাহহরোমহাকষাযরতৃণপঞ্চমূলং চেতি পিত্তশমনানি||" ইতি|

সর্বাঙ্গসুন্দরী ব্যাখ্যা ( কৃত)

স০-আরগ্বধাদ্যাদযো গণাঃ সপ্তৈতে বলাসং-শ্লেষ্মণং জযন্তি|

আযুর্বেদরসাযনম্ ব্যাখ্যা ( কৃত)

আ০ র০- শ্লেষ্মন্ধগণমাহ-আরগ্বধাদিরিতি| এতে সত্পগণা বক্ষ্যমাণাঃ| অতাপি পুনক্তানি দ্বিগুণানি| সঙ্গ্রহে তু (সূ. অ. ১৪) - "শীতশিবশতপুষ্পাসরলসুরদারুরাস্নেঙ্গ্রুদীসাতলসুমনঃকাকাদনীলাঙ্গলিকাহস্তিকর্ণমুঞ্জাতলামজ্জকপ্রভৃতীন্যারগ্বাধাদিরসনাদিরর্কাদিঃ সুরসাদির্মুষ্ককাদির্বত্সকাদির্মুস্তাদিঃ শীতন্ধো মহাকষাযো বল্লীকণ্টকপঞ্চমূলে চেতি শ্লেষ্মপ্রশমনানীতি||" ইতি|

সর্বাঙ্গসুন্দরী ব্যাখ্যা ( কৃত)

স০-জীবন্ত্যাদির্গণো জীবনীযসংজ্ঞঃ| উদাহরণমাত্রং চেদম্| ধীমতা স্বাদুশীতস্নিগ্ধাদীন্ জীবন্ত্যাদিষু সাধারণগুণানালোচ্য ক্ষীরেক্ষুদ্রাক্ষাক্ষোডবিদারিকন্দাদিষু (ষ্বপি) তদ্গুণেষু জীবনীযাদিত্বমবধারযিতুং যুক্তমিতি| জীবন্তী-জীববর্দ্ধনী| কাকোল্যৌ দ্বে-একা কাকোলী কেবডীসংজ্ঞা, অন্যা ক্ষীরকাকোলী পযস্বিনীসংজ্ঞা| দ্বে মেদে-একা মেদা মণিচ্ছিদ্রাসংজ্ঞা, অন্যা মহামেদা বৃক্ষরুহাসংজ্ঞা| মুদ্গপর্ণ্যাদীনাং নামানি প্রাগুক্তানীতি| "হ্যন্তান্তরাদিগুরুভিঃ সোদধিলৈঃ সপ্তভির্গণৈর্গুরুণা| আর্যার্ধে নাত্রাযুজি জঃ ষষ্ঠোঽযং নলঘুকৌ বা|"

আযুর্বেদরসাযনম্ ব্যাখ্যা ( কৃত)

আ০ র০- অথ মহাকশাযাঃ| তত্র জীবনীযগণমাহজীবন্তীত্যাদি| সঙ্গ্রহে তু (সূ. অ. ১৪) - "আনম্ত্যাদৌষধানামামযানাং চানন্তা এব কষাযাঃ| যেতু সুতরাষধানামামযানাং চানন্তা এব কশাযাঃ| যে তু সুতরামুপযোগবন্তঃ প্রকর্ষবর্তিনো বা তে জীবনীযাদিসংজ্ঞাঃ| প্রত্যেকং দশকষাযসংযোগাত্ পঞ্চচত্বারিংশন্মহাকষাযা বক্ষ্যন্তে| তত্প্রতিপত্যর্থম্| শক্যং হি বুদ্ধিমদ্ভিঃ স্বাদুস্নিগ্ধশীতাদীন্ জীবন্ত্যাদিষু সাধারণান্ দুনানানালোচ্য ক্ষীরেক্ষুক্ষৌদ্রদ্রাক্ষাক্ষোডবিদারিকন্দাদিষ্বপি তদ্গুণেষু জীবনীযাদিত্বমবধারযিতুম্| যথোক্তানুসরণমেব শ্রেযো মন্দবুদ্ধেরিতি| ব্যাস্তাশ্চ তে চত্বারি শতানি পঞ্চাশদধিকানি তদভিধানান্যেব| যদ্যপি চ তানি তান্যেব দ্রব্যাণীতি দ্রব্যসঙ্করঃ কাষাযেষু, তথাঽপি নসংজ্ঞাবিরোধঃ| একস্যাপি বহুকার্যনির্বনাত্| তত্রলবণবর্জ্যাঃ পঞ্চ রসাঃ কল্পনাযাং কষাযা ইত্যুচ্যন্তে, তদ্যোনিত্বাত্| লবণে তু নির্যাসাদিকল্পনানামসম্ভবঃ, পৃথদুপযোগোপকাররহিতত্বাচ্চ নৈরর্থক্যমিতি| ভবন্তি চাত্র| জীবন্তী কাকোল্যৌ দ্বে মেদে মুদ্গমাষপর্ণ্যৌ চ| ক্রষভকজীবকমধুকং চেতি গণো জীবনীযাআখ্যঃ|| ১|| বাঠ্যা বলা পযস্যা কাকোল্যাবৃষভবাজিগন্ধে চ| ক্ষীরিণিরাজক্ষবকে ভারদ্বাজী চ বৃহণীযোঽযম্|| ২|| বাঠ্যা-অতিবলা| পযস্যা-ক্রষ্যগন্ধা, বিদারী ক্ষীরবিদারী [ বা ]| ক্ষীরিণী-শ্রীপর্ণী| রাজক্ষবকং-দিগ্ধিকা| ভারদ্বাজী-বনকার্পাসী| হৈমবতী বিরিবিল্বং মুস্তা কুষ্ঠং বচা হরিদ্রে চ| চিত্রককটুকাতিবিষা বর্গোঽযং লেখনীযাখ্যঃ|| ৩|| হৈমবতী-শ্বেবতী-শ্বেতবচা| অর্কৈরণ্ডৌ চিত্রা চিত্রকচিরিবিল্বশঙ্খিনীসরলাঃ| হেমক্ষীরী কটুকা বহ্নিমুখী ভেদনীযানি|| ৪|| চিত্রা-দন্তী| সরলা-ত্রিবৃত্| বহ্নিমুখী-লাঙ্গলী| মধুমধুকপৃশ্র্নিপর্ণীকট্ফলরোধ্রপ্রিযঙ্গুধাতক্যঃ| অম্বষ্ঠকী সমঙ্গা মোচরসশ্চেতি সন্ধানম্|| ৫|| অম্বশ্ঠকী-মাচিকা| হুঙ্গুমরিচাম্লবেতসদীপ্যকভল্লাতকাস্থিসংযোগাত্| বর্গঃ সপঞ্চকোলো নিদ্রিষ্টো দিপনীযোঽযম্|| ৬|| এন্দ্র্যতিরসা পযস্যা ক্রষ্যপ্রোক্তাস্থিরা বলাঽতিবলা| ইতি বল্যো দশকোঽযং হযগন্ধা রোহিণী ক্রষভী|| ৭|| ঐন্দ্রী-ইন্দ্রবারুণী| অতিরসা-মূর্বা| ক্রষ্যপ্রোক্ত-শতাবরী| রোহিণী-শ্রীপর্ণী| ক্রষমীকপিকচ্ছূঃ| চন্দনতুঙ্গপযস্যাসিতালতামছুকপদ্মোকোষীরম্| বর্ণ্যো গণোঽযমিদিতো মঞ্চিষ্ঠাসারিবাসহিতঃ|| ৮|| তুঙ্গকিঞ্জল্কম্| সিতা-শ্বেরদূর্বা| লতা-প্রিযঙ্গুঃ| হংসপদীবৃহতীদ্বযমৃদ্বীকাসারিবেক্ষুমূলানি| কৈডর্যমধুককৃষ্ণাঃ সবিদার্যঃ কণ্ঠজননানি|| ৯|| কৈডর্যঃ-কট্ফলঃ| বৃক্ষাম্লবদরদাডিসাম্লবেতসং বর্গম্|| ১০|| কুবলং-কোলম্| নাগরচবিকাচিত্রকচিডঙ্গমূর্বামৃতাবচামিস্তাঃ| সহপিপ্পলীপটোলাস্তৃত্পিন্ধোঽযং গণঃ প্রথিতঃ|| ১১|| কুটজফলবিল্বচিত্রকমহৌষধপ্রতিবিষাবচাচবিকাঃ| অন্বযবাসং পথ্যা দারুহরিদ্রা গণোঽর্শোন্ধঃ|| ১২|| স্বদিরামলকারুষ্করনিশাভযাসত্পপর্ণকরবীরাঃ| কুষ্ঠন্ধাশ্চতুরঙ্গুলবিডঙ্গজাঈপ্রবালাশ্চ|| ১৩|| নলদকৃতমালচন্দনসর্ষপধননিম্বকুটজমধুকানি| কণ্ডূং দারুহরিদ্রা সনক্তমালানি নিন্ধান্তি|| ১৪|| নলদংমাংসী| কৃতমালঃ-আরগ্বধঃ| অক্ষীবমরিচকেম্বুকবিডঙ্গকাণ্ডীরকিণিহিনির্গুণ্ড্যঃ| ন্ধন্তি কৃমীন্ শ্বদংষ্ট্রাবৃষাখুপর্ণ্যস্তথা ন চিরাত্|| ১৫|| অক্ষীবঃ-শিগ্রুঃ| কাণ্ডীরঃ-উগ্র্কাণ্ডঃ| মঞ্জিষ্ঠাশ্লেষ্মাতকরজনীসুবহাশিরীষপালিন্যঃ| সৈলাচন্দনকতকাঃ সসিন্দুবারা বিষং শ্রন্তি|| ১৬|| সুবাহা-গন্ধনাকুলী| পালিন্দী-ত্রিবৃতা| শালিকৃজ্ঞকাশষষ্টিকবীরণদর্ভেক্ষুবালিকেক্শূণাম্| তদ্বদ্গুন্দ্রোরকটযোর্মূলমলং স্তন্যজমনায|| ১৭|| ইক্ষুবালিকা-হ্বস্বেক্ষুঃ| পাঠানাগরসুরতরুঘনামৃতাসারিবেন্দ্রযবমূর্বাঃ| কটুকাকিরাততিক্তং বর্গোঽযং স্তন্যশুদ্ধিকরঃ|| ১৮|| মেদাকাকোলীদ্রযবৃক্ষরুহাজীবকর্হভকুলিঙ্গাঃ| শুক্রজননো গণোঽযং সহজনিলাশূর্পপর্ণীভিঃ|| ১৯|| কুলিঙ্গা-কর্কটশৃঙ্গী| জটিলা-উত্রঠা| কুষ্টৈলবালুকক্ট্ফলকাণ্ডেক্ষুসমুম্রফেনকোশীরৈঃ| বসুকেক্ষিবক্শুরকঈঃ শুক্রং শুধ্যেত্সকদম্বনির্যাসৈঃ||২০|| কাণ্ডেক্ষুঃকাশঃ| বসুকঃ-বুক্তঃ| ইক্ষুরকঃ-কোকিলাক্ষঃ| দ্রাক্ষাকাকোলীদ্বযমধুপর্ণীমহুকজীবকবিদার্যঃ| স্নেহোপগাঃ সমেদাজীবন্তীশালিপর্ণীকাঃ|| ২১|| সৌভাঞ্জনকপুনর্নববৃশ্চীবকুলত্থমাষবদরাণি| স্বেদোপগানি বিদ্যাত্সযবতিলার্কোরুবূকাণি|| ২২|| লাজাম্লবদরদাডিমযবশষ্টিকমাতুলুঙ্গস্ব্যানি| জম্বাম্রপল্লবানি চ দমিনিগ্রহণানি মৃস্ত্রা চ|| ২৩|| নাগরধন্বযবাসকবালকপর্পটকচন্দনগুডূচ্যঃ| মীনিম্বধনপটোলীকুস্তুম্বর্যস্তৃষং ন্ধন্তি|| ২৪|| বৃহতীদ্বযবৃক্ষরুটাপ্লষ্করমূলামযাকণাশৃঙ্গ্যঃ| হিধ্মাং নিন্ধন্তি শঠী দুরালমা বদরবীজং চ|| ২৪|| শ্যামাঽবন্তা পদ্মা কট্বঙ্গঃ পদ্মোকেশরং রোধ্রম্| ধাতকিকুসুমসমঙ্গা মোচেরসাম্রাস্থিবিঙ্গহপাম্|| ২৬|| স্যামা-প্রিযঙ্গু| অনন্তা-ধন্বযাসকঃ| পদ্মা-পদ্মচারিণী| জম্বূশল্লকিমধুকংনীলোত্পলকচ্ছুরাতিলত্র্যাহ্বম্| ভৃষ্টা চ মৃত্ পযস্যা সশাল্মলী বুঙ্গিরজনানি|| ২৭|| কচ্ছুরা-ধন্বযাসকঃ| শ্র্যহ্বঃ- শ্রীবেষ্টকঃ| জগ্ব্বম্রোদুম্বরবটকপীতনপ্লক্ষপিপ্পলাশ্মন্তম্| মল্লাতসোমবল্কং মূত্রগ্রহণায নির্দিষ্টম্|| ২৮|| ক,অলমলিমকুমুদমধুকসৌগন্ধিকধাতকীলতাকুসুমম্| মূত্রং নযতি বিরাগং সোত্পলশতপত্রপিণ্ডরীকং চ|| ২৯|| মধুকধাতকীলতাকুসুমেম্যোঽন্যানি পদ্মানি| লতা-প্রিযঙ্গু| কমলং-ম্রিবর্ণম্, নলিনং-রক্তম্, শতপত্রং-নীলম্, পুণ্ডরীকং-শ্বেতম্, তানি দিবা বিকসন্তি| কুমুদং-শ্বেতম্, সত্পলং-নীলম্, তে চ রাত্রৌ| সৌগন্ধিকং সন্ধ্যাযাম্| সৃক্ষাতলীশ্বংদদ্রাদ্রভৌত্কটচসুকবশিরকুশকাশাঃ| মূত্রং বিরেচরেযেযুর্গুন্দ্রা পাশাণমেদশ্চ|| ৩০|| বশিরঃ-করিপিপ্পলী| ন্দ্রাহ্যান্মলকপুনর্নববৃদুরালভাভযাকৃষ্ণাঃ| কাসং ন্ধনি সশঙ্গী তামলকী কণ্টকারী চ|| ৩১|| চণ্ডাম্লবেতসশঠীতামলীসুরসহিঙ্গুজীবন্ত্যঃ| পুষ্করমূলৈলাগুরু বর্গোঽযং শ্বাসশমনায|| ৩২|| দ্রাক্ষাপীলুপরূষকমঞ্জিষ্ঠাসারিবাসুতাপলাঃ|| ত্রিফলা বেতি গণোঽযং জ্বরসংশমনায নির্দিষ্টঃ|| ৩৩|| দাডিমফল্গুপরূষকপ্রিযালযবষষ্টিকেক্ষুবদরাণি| অমকাশননি বিদ্যাদ্দাক্ষাখর্জূরসহিতানি|| ৩৪|| পদ্মকলাজোশীরং মধুত্পলসারিবাসিতোদীচ্যম্| কাশ্মর্যফলং স্বন্দ্রনমেষ গণো দাহহা প্রোক্তঃ|| ৩৫|| নতনাগরাগুরুবনাধান্যকসূতীকপিম্পলীব্যাধ্যঃ| শীতং শমযন্ত্যচিরাচ্ছ্থোতাকঃ সাগ্নিমন্থশ্চ|| ৩৬|| ভূতীকং-কট্তৃণম্| তিন্দুকপিযালবীজকসপ্তচ্ছদখদরবদরাণি| অহিমারবাআলিকগৌ ককুভশ্চোদর্দশমনানি|| ৩৭|| কাকোল্যেলা সেব্যং নিদ্রিগ্ধিকে শালিপৃশ্র্নিপর্ণ্যৌ চ| ন্ধন্ত্যঙ্গমর্দমচিরাস্তন্দনমধুকোরুবূকং চ|| ৩৮|| দীপ্যকামরিচাজাজীগণ্ডীরং সালগন্ধমথ শূলম্| শমযতি সপঞ্জকোলং, শোফং দশম্ স্লমাদ্যং চ|| ৩৯|| ৪০|| মধুমধিকলাজগৈরিকফলিনীমোচরসমৃত্কাপালানি| সংস্থাপযন্তি রিধিরং রুধিরং চ শর্করং রোধ্রম্|| ৪১|| মৃত্কপালং-কর্পরম্| রুধিরং-কুঙ্কুমম্| শৈলৈলাবালুকট্ফলমোচরসাশোকপদ্মকশিরীষম্| স্থাপযতি বেদনামথ সহতুঙ্গকদম্ববিদুলং চ|| ৪২|| বিদুলো-বেতসঃ| কৈডর্যহিঙ্গুচোরকপঙ্কষাশোকরোহিণিবযঃস্থাঃ| পূত্যরিমেদো জটিলাগোলোমিবচাশ্চ সংজ্ঞাদাঃ|| ৪৩|| পলঙ্কষা-গুগ্গুলুঃ| অশোকরোহিণী-কটুকা| বযঃস্থা-হরীতকী| পূযরিমেদো-দুর্গন্ধোঽহিমারকঃ| জটিলা-মাংসী| দূর্বা| ঐন্দ্রী দূর্বাঽমোধা বিষ্বক্সেনাঽব্যাথা শিবাঽরিষ্টা| ব্রাহ্যী সবাঠ্যপুষ্পী-অতিবলা| শতবীর্যা-শতবরী| অমৃতা পথ্যা ধাত্রী জীবন্তী শ্রেযসী স্থিরা যুক্তা| মণ্ডূকপর্ণ্যতিরসা স্থাপযতি পুনর্নবা চ বযঃ|| ৪৫|| শ্রেযসী-পাঠা| যুক্তা-রাস্না| ইতি নানাবিধব্যাধিবিধাতার্থমুদাহৃতাঃ| যোগা রোগাতুরবশাত্ কল্পযেতান্ যথাযথম্||" ইতি|

সর্বাঙ্গসুন্দরী ব্যাখ্যা ( কৃত)

স০-বিদারী-বৃষ্যকন্দা| পঞ্চাঙ্গুলঃ-এরণ্ডঃ| বৃশ্চিকালী-উষ্ট্রধূমকা মেষশ্রৃঙ্গী বা| বৃশ্চীবঃ-ক্ষুদ্রবর্ষাভূঃ| দেবাহ্বযঃ-সুরদারু| [দেবাদ্বযেতি পাঠে একা সহদেবা দ্বিতীযা বিশ্বদেবা চেতি দেবাদ্বযম্| ] শূর্পর্ণ্যৌ-মুদ্গপর্ণী মাষপর্ণী চ| কণ্ডূকরী-কপিকচ্ছূঃ| জীবনেত্যাদি| "অভীরুবীরাজীবন্তীজীবকর্ষভকৈঃ স্মৃতম্| জীবনাখ্যম্" (হৃ. সূ. অ. ৬|১৭০) ইতি জীবনসংজ্ঞং পঞ্চমূলম্| বৃহতী কণ্টকারিকা শালিপর্ণী পৃশ্নিপর্ণী গোক্ষুরকমিতি হ্রস্বসংজ্ঞং পঞ্চমূলম্| গোপসুতা-সারিবা| ত্রিপাদি-হংসপাদী কীটমারিকাখ্যা| এষ বিদার্যাদিগণো বৃংহণো বাতপিত্তঘ্নঃ শোষাদিহরশ্চ| উপজাতির্বৃত্তম্|

আযুর্বেদরসাযনম্ ব্যাখ্যা ( কৃত)

আ০ র০- অথবিদার্যাদিপ্রভৃতযঃ| তত্র বিদার্যাদিগণমাহ-বিদারীতি| বৃশ্চিকালী-বৃশ্চিকালী-বৃশ্চিকপত্রা| বৃশ্চিবঃ-পুনর্নবা| দেবাদ্বযং-সহদেবা বিশ্বদেবা চ| শূর্পপর্ণ্যৌ-মুদ্রপর্ণী মাষপর্ণী চ| কণ্ডূকরী-কপিকচ্ছূঃ| জীবনং হস্বং চ পঞ্চমূলং-প্রাগুক্তম্| দোপসুতা-সারিবা| ত্রোপাদী-হংসপাদী| অযং বিদার্যাদিগণো হৃদ্যর্বাদিগুণঃ| শোষো-রাজযক্ষ্মা| ঊর্ধ্বঃ-উদবর্তঃ|

সর্বাঙ্গসুন্দরী ব্যাখ্যা ( কৃত)

স০-সারিবা-কৃষ্ণবল্লী| উশীরং-বীরতরু (রম্)| কাশ্মর্যঃ-সর্বতোভদ্রা| মধূকো-গুডপুষ্পকঃ| শিশিরদ্বযং-একং সিতচন্দনং মলযজসংজ্ঞমন্যদ্রক্তচন্দনসংজ্ঞম্| যষ্টী-ক্লীতকসংজ্ঞম্| পরূষকং-মৃদুফলম্| সারিবাদিরযং দাহাদীন্ হন্তি|

আযুর্বেদরসাযনম্ ব্যাখ্যা ( কৃত)

আ০ র০- সারিবাদিগণমাহ-সারিবেতি| শিশিরদ্বযং শ্বেতপীতচন্দনে|

সর্বাঙ্গসুন্দরী ব্যাখ্যা ( কৃত)

স০-পদ্মকং-হেমপদ্মম্| পুণ্ড্রঃ-প্রপৌণ্ডরীকম্| বৃদ্ধিঃ-মহাশ্রাবণী| তুগা-তুগাক্ষীরী| ঋদ্ধিঃ-শ্রাবণী| শ্রৃঙ্গী-কুলীরশ্রৃঙ্গী| অমৃতা-ছিন্নরুহা| দশ জীবনসংজ্ঞাঃ-জীবন্ত্যাদিগণোক্তাঃ| এতে পদ্মকাদযঃ স্তন্যহেতবঃ, তথা বাতপিত্তং ঘ্নন্তি, তথা প্রীণনাদিগুণযুক্তাঃ| "অষ্টাভ্যো ভদ্গৌ যোজ্যাবুপচিত্রা|"

আযুর্বেদরসাযনম্ ব্যাখ্যা ( কৃত)

আ০ র০- পদ্মকাদিগণমাহ-পদ্মকপুণ্দ্রাবিতি| পুণ্ড্রঃ-প্রপৌণ্ডরীকম্| তুগা-বংশরোচনা| শ্রৃঙ্গী-কর্কটশৃঙ্গী| অমৃতা-গুডূচী| জীবনসংজ্ঞা দশ-জীবনীযো গণঃ| ঈরণো-বাযুঃ|

সর্বাঙ্গসুন্দরী ব্যাখ্যা ( কৃত)

স০-পুরূষকো-মৃদুফলো ধন্বনচ্ছদঃ| বরা-শ্রেষ্ঠা| দ্রাক্ষা-মধুফলা| কট্ফলং-রোহিণী সোমবল্কঃ| কতকফলং-বারিপ্রসাদনম্| রাজাহ্বং-কড়্ণিকারম্| দাডিমং-শুকেষ্টম্| শাকং-খরচ্ছদবৃক্ষবিশেষঃ| পরূষকাদিরেষ তৃডামযাদিজিত্|

আযুর্বেদরসাযনম্ ব্যাখ্যা ( কৃত)

আ০ র০- পরূষাদিগণমাহ-পরূষকমিত্যাদি| বসত্রিফলা| রাজাহ্বং-রাজাদনম্| শাকং-শাকবৃক্ষফলম্|

সর্বাঙ্গসুন্দরী ব্যাখ্যা ( কৃত)

স০-অঞ্জনং দ্বিধা,-একং স্রোতোঞ্জনং যামুনসংজ্ঞমপরং সৌবীরং নেত্রভূষণাখ্যম্| ফলিনী-প্রিযঙ্গুঃ| মাংসী-কৃষ্ণজটা| পদ্মং-পুষ্করম্| উত্পলং-শশিপ্রিযম্| রসাঞ্জনং-তার্ক্ষ্যশৈলম্| এলা-বহুলা| মধুকং-মধুযষ্টী| নাগাহ্বং-নাগকেসরম্| এষোঽঞ্জনাদির্বিষাদিজিত্|

আযুর্বেদরসাযনম্ ব্যাখ্যা ( কৃত)

আ০ র০- অঞ্জনাদিগণমাহ-অঞ্জনমিত্যাদি| অঞ্জনংস্ত্রোতোঞ্জনম্| সওলা-সূক্ষ্মৈলা,সশব্দ ঈষদ্বাচী| নামাহ্বংনাগকেসরম্|

সর্বাঙ্গসুন্দরী ব্যাখ্যা ( কৃত)

স০-পটোলং-পাণ্ডুফলম্| কটুরোহিণী-কটুকা| চন্দনং-গন্ধসারম্| মধুস্রবো-মুরঙ্গী| গুডূচী-ছিন্নরুহা| পাঠা-অম্বষ্ঠা| এতৈর্দ্রব্যৈর্যুক্তমেতত্ পটোলাদিকং কফাদীন্ নিহন্তি| "মাত্রাসমকং নবমো ল্গান্তম্ (মো লগোন্ত্যঃ) " (বৃত্তরত্নাকরে অ. ২|৩২)

আযুর্বেদরসাযনম্ ব্যাখ্যা ( কৃত)

আ০ র০- পটোলাদিগণমাহ-পটোলেত্যাদি| মধুস্ত্রবামূর্বা|

সর্বাঙ্গসুন্দরী ব্যাখ্যা ( কৃত)

স০-গুডূচী-ছিন্নোদ্ভবা| পদ্মকো-মরুদ্ভবঃ| অরিষ্টো-নিম্বঃ| ধানকা-ধান্যকম্| রক্তচন্দনং-রক্তকাষ্ঠম্| এষ গুডূচ্যাদিঃ পিত্তাদীন্ হন্তি, [অগ্নিকরশ্চ ]|

আযুর্বেদরসাযনম্ ব্যাখ্যা ( কৃত)

আ০ র০- গুডূচ্যাদিগণমাহ-গুডূচীত্যাদি| অরিষ্টোনিম্বঃ|

সর্বাঙ্গসুন্দরী ব্যাখ্যা ( কৃত)

স০-আরগ্বধঃ-শম্যাকঃ| ইন্দ্রযবাঃ-কলিঙ্গকাঃ| পাটলিঃ-বসন্তদূতী| কাকপিক্তা-শার্ঙ্গেষ্টা| নিম্বঃ-পারিভদ্রকঃ| অমৃতা-গুডূচী| মধুরসা-মূর্বা| স্রুববৃক্ষো-বিকঙ্কতঃ, [কণ্টকীবৃক্ষঃ কণ্টকারিকেতি প্রসিদ্ধঃ ]| পাঠা-অম্বষ্ঠা| ভূনিম্বঃ-কৈরাতঃ| সৈর্যকঃ-সহচরঃ| পটোলং-কর্কশচ্ছদম্| করঞ্জযুগ্মং-একঃ পূতিককরঞ্জশ্চিরিবিল্বাখ্যোঽপরো নক্তমালাখ্যঃ| সপ্তচ্ছদঃ-অযুগ্মচ্ছদঃ| অগ্নিঃ-চিত্রকঃ| সুষবী-কারবী, পানীযবল্লীসংজ্ঞা| ফলং-মদনফলম্| বাণঃ-সহচরঃ| ঘোণ্টা-পূগবিশেষঃ| অযমারগ্বধাদিশ্চ্ছর্দ্যাদীন্নিহন্তি| [মেদোদরান্ বিশোধযতি-পরাকরোতি| ] বসন্ততিলকাবৃত্তম্|

আযুর্বেদরসাযনম্ ব্যাখ্যা ( কৃত)

আ০ র০- আরবধাদিগণমাহ-আরম্বধেত্যাদি| কাকতিক্তা-করঞ্জিকা- স্ত্রুববৃক্ষো-বিকঙ্কতঃ| সৈর্যকঃ-সহচরঃ| [ সুষবী-কারবেল্লুকম্| ফলং-মদনফলম্| বাণো-বীলসহচরঃ| ] ঘোণ্টা-বদরী|

সর্বাঙ্গসুন্দরী ব্যাখ্যা ( কৃত)

স০-অসনঃ-পীতশালাখ্যঃ| তিনিশঃ-স্যন্দনসংজ্ঞঃ| ভূর্জো-বহুপুটাখ্যঃ| শ্বেতবাহঃ-অর্জুনঃ| প্রকীর্যঃ-পূতিকরঞ্জঃ| খদিরো-গাযত্রী| কদরঃ-খদিরাকৃতিঃ শ্বেতসারঃ| ভণ্ডী-শিরীষঃ| শিংশিপা-মণ্ডলপত্রিকা| মেষশৃঙ্গী-অজশৃঙ্গী| ত্রিহিমং-চন্দনত্রযম্, মলযজরক্তচন্দনদারুহরিদ্রাভেদেন| তলঃ-তালঃ| পলাশঃ-কিংশুকঃ| জোঙ্গকঃ-অগুরুসংজ্ঞঃ| শাকং-বরদারু| শালো-রসনির্যাসাখ্যঃ| ক্রমুকঃ-পূগম্| ধবঃ-শকটাখ্যঃ| কলিঙ্গাঃ-শক্রযবাঃ| ছাগকর্ণো-বস্তকর্ণঃ| অশ্বকর্ণঃ-কুশিকঃ| অযমসনাদিঃ শ্বিত্রাদীন্ বিজযতে-শমযতি| বিজযত ইতি "বিপরাভ্যাং জেঃ" ইত্যাত্মনেপদম্| তথা, মেদোদোষং নিবর্হতি-পরাকরোতি| মালিনীবৃত্তম্|

আযুর্বেদরসাযনম্ ব্যাখ্যা ( কৃত)

আ০ র০- অসনাদিগণমাহ-অসনেত্যাদি| শ্বেতবাহঃ-অর্জুনঃ| প্রকীর্যঃ-পূতিকরঞ্জঃ| কদরঃ-শ্বেতখদিরঃ| ভণ্ডী-শিরীষঃ| ত্রিহিমং-চন্দনত্রযম্| তলঃ-তালবৃক্ষঃ| জোঙ্গকঃ-অগুরু| ক্রমুকঃ-ইন্দ্রযবঃ|

সর্বাঙ্গসুন্দরী ব্যাখ্যা ( কৃত)

স০-বরুণঃ-তমালঃ| সৈর্যকযুগ্মং-সহচরদ্বযম্, একো রক্তপুষ্পঃ কুরবকাখ্যোঽন্যঃ পীতপুষ্পঃ কুরণ্টকাখ্যঃ| শতাবরী-বরী| দহনো-বহ্নিঃ| মোরটো-মূর্বা| বিল্বঃ-পূতিবাতঃ| বিষাণিকা-অজশৃঙ্গী| দ্বিবৃহত্যৌ-কণ্টকারিকামহোটিকাখ্যে| দ্বিকরঞ্জঃ-করঞ্জদ্বযং প্রাগুক্তম্| তর্কারী হরীতকী চেতি-জযাদ্বযম্| বহলপল্লবঃ-শোভাঞ্জনঃ| দর্ভঃ-কুশঃ| রুজাকরো-হিন্তালঃ| বরুণাদিরযং কফাদীন্ হন্তি| "দ্রুতবিলম্বিতমাহনভৌ ভরৌ" (বৃত্তরত্নাকরে অ. ৩|৪৯)|

আযুর্বেদরসাযনম্ ব্যাখ্যা ( কৃত)

আ০ র০- বরুণাদিগণমাহ-বরুণেত্যাদি|মোরটঃ-ক্ষীরমূর্বা| বিষাণিকা-মেষশূঙ্গী| জযদ্বযং-তর্কারীদ্বযম্| বহলপল্লবঃ-শিগ্রুঃ| আঢ্যবাতং-ঊরুস্তম্ভম্| আন্তরং গুল্মং বিদ্গধিং চ|

সর্বাঙ্গসুন্দরী ব্যাখ্যা ( কৃত)

স০-ঊষকো-বৃষকঃ, কল্লর ইতি প্রসিদ্ধঃ| তুত্থকং-খর্পরং কিটিহাপরসংজ্ঞম্| হিঙ্গু-রামঠম্| কাসীসদ্বযং-একং পাংশুধাতুসংজ্ঞমপরং পুষ্পকাসীসাখ্যম্| সৈন্ধবং-মাণিমন্থম্| শিলাজতু-শিলাজম্| ঊষকাদিরযং মূত্রকৃচ্ছ্রাদীন্ হন্তি|

আযুর্বেদরসাযনম্ ব্যাখ্যা ( কৃত)

আ০ র০- ঊষকাদিগণমাহ-ঊষক ইত্যাদি| ঊষকঃ-ক্ষারমৃত্তিকা| কৃচ্ছ্রং-মূত্রকৃচ্ছ্রম্|

সর্বাঙ্গসুন্দরী ব্যাখ্যা ( কৃত)

স০-বেল্লন্তরো-বীরতর উশীরাখ্যঃ| অরণিকঃ-অগ্নিমন্থঃ| বূকঃ-ঈশ্বরমল্লিকা| বৃষঃ-আটরূষকঃ| অশ্মভেদঃ-পাষাণভেদঃ| গোকণ্টকো-গোক্ষুরকঃ| ইত্কটা-সূক্ষ্মপত্রিকা দীর্ঘলোহিতযষ্টিকা কাণ্ডবিশেষঃ, 'ইকডি' ইতি লোকে| সহাচরঃ-সহচরঃ| বাণো-নীলপুষ্পঃ সৈর্যকঃ| কাশঃ-শ্বেতচামরকঃ| বৃক্ষাদনী-কামবৃক্ষকঃ| নলো-মৃত্যুপুষ্পাখ্যঃ| কুশদ্বযং-স্থূলসূক্ষ্মভেদেন দর্ভদ্বযম্| গুণ্ঠো-বৃত্ততৃণঃ, কুদগুণ্ঠিকাপরসংজ্ঞঃ| গুন্দ্রা-পদএরকঃ| ভল্লূকঃ-শ্যোনাকঃ| মোরটঃ-ক্ষীরমোরটঃ| কুরণ্টঃ-সিতিবারকঃ| করম্ভঃ-উত্তমারণিঃ| পার্থা-সুবর্চলা| এষ বীরতরাদির্বর্গো-গণো, বাতজান্ রোগান্ হন্তি| তথা, অশ্মর্যাদিহরঃ| বসন্ততিলকাবৃত্তম্|

আযুর্বেদরসাযনম্ ব্যাখ্যা ( কৃত)

আ০ র০- বীরতরাদিগণমাহ-বেল্লন্তরেত্যাদি| অরণিকঃ-তর্কারী| বূকো-বকপুষ্পঃ| উত্কটঃ-ইক্ষুঃ| ঋক্ষাদনী-বন্দাকঃ| ভল্লূকঃ-টিণ্টুকঃ| করম্ভা-উত্তমারণী| পার্থা-আদিত্যভক্তা|

সর্বাঙ্গসুন্দরী ব্যাখ্যা ( কৃত)

স০-রোধ্রঃ-তিল্বকঃ| শাবরকো-দ্বিতীযরোধ্রঃ, অক্ষিভেষজাপরসংজ্ঞঃ| কদম্বপলাশৌ-প্রসিদ্ধৌ| জিঙ্গিণী-কৃষ্ণশাল্মলী| সরলং-দেবদারু| কট্ফলং-কুমুদা, রোহিণীভেদঃ| যুক্তা-রাস্না, গিরিকর্ণিকেত্যন্যে| কুত্সিতাম্বঃ-কদম্বঃ| কদলী-রম্ভা| গতশোকঃ-অশোকঃ| এলবালু-ঐলেযম্| পরিপেলবং-কুটন্নটং গোপালদমনকাখ্যম্| মোচা-শল্লকী| অযং রোধ্রাদিকো গণো মেদঃকফাপহো যোনিদোষঘ্নশ্চ| তথা, স্তম্ভী দোষাণাং শকৃদাদেশ্চ| তথা, বর্ণায হিতো বিষঘ্নশ্চ| স্বাগতবৃত্তম্|

আযুর্বেদরসাযনম্ ব্যাখ্যা ( কৃত)

আ০ র০- রোধ্রাদিগণমাহ-রোধ্রেত্যাদি| শাবররোধ্রঃ-শ্বেতরোধ্রঃ| জিঙ্গিণী-মোদকী| যুক্তা-রাস্না| কুত্সিতীম্বঃ-কদম্বঃ| গতশোকঃ-অশোকঃ| পরিপলবং-ক্ষুদ্গমুস্তা| মোচা-সল্লকি|

সর্বাঙ্গসুন্দরী ব্যাখ্যা ( কৃত)

স০-অর্কঃ-সদাপুষ্পী| অলর্কো-মন্দারকাখ্যঃ শ্বেতকুসুমঃ| নাগদন্তী-পর্বপুষ্পিকা| বিশল্যা-লাঙ্গলী| ভার্ঙ্গী-ফঞ্জী| রস্না-রস্যা| বৃশ্চিকালী-উষ্ট্রধূমকঃ| প্রকীর্যা-করঞ্জঃ| প্রত্যক্পুষ্পী-অপামার্গঃ| পীততেলা-কাকাদনী| উদকীর্যা-করঞ্জঃ| শ্বেতাযুগ্মং-একা কিণিহীসংজ্ঞাঽন্যা মহাশ্বেতা পালিন্দীসংজ্ঞা| তাপসানাং বৃক্ষঃ-ইঙ্গুদী| এষোঽর্কাদির্বর্গঃ কফাদিঘ্নোঽতিশযেন ব্রণশোধনঃ| শালিনীবৃত্তম্|

আযুর্বেদরসাযনম্ ব্যাখ্যা ( কৃত)

আ০ র০- অর্কাদিগণমাহ-অর্কেত্যাদি| অলর্কো-মন্দারঃ| নাগদন্তী-পর্বপুষ্পী| বিশল্যা-লাঙ্গলীং| প্রত্যবপুষ্পী-অপামার্গঃ| পিততৈলা-জ্যোতিষ্মতী| উদকীর্যাং-পূতিকরঞ্জঃ| শ্বেতাযুগ্মং-কিণিহী কটমী চ| তাপসানাং বৃক্ষঃ- ইঞ্জুদী|

সর্বাঙ্গসুন্দরী ব্যাখ্যা ( কৃত)

স০-সুরসযুগং-তুলসীদ্বযং গৌরকৃষ্ণভেদেন| ফণিজ্জো-মরীচকঃ| কালমালা-কৃষ্ণার্জকঃ, কুঠেরকভেদঃ| বিডঙ্গং-বেল্লম্| খরবুসো-মরুবকঃ| বৃষকর্ণী-মূষিককর্ণী| কট্ফলং-সোমবল্কম্| কাসমর্দঃ-কাসঘ্নঃ| ক্ষবকঃ-ক্ষুদ্বিবোধনঃ| সরসী-তুম্বরপত্রিকা| ভার্ঙ্গী-অঙ্গারবল্লী| কার্মুকা-রক্তমঞ্জরী, অতিমুক্তক ইত্যন্যে| কাকমাচী-গুডফলা| কুলহলো-ভূকদম্বকোঽলম্বুসাখ্যঃ| বিষমুষ্টিঃ-কর্কোটী, মহানিম্ব ইত্যন্যে| ভূস্তৃণং-গুহ্যবীজমতিচ্ছত্রাখ্যম্| ভূতকেশী-মাংসী পুত্রজারী| সুরসাদিরেষ গণঃ শ্লেষ্মাদিঘ্নঃ প্রতিশ্যাযাদিহরো ব্রণশুদ্ধিকৃত্ [চ]| মালিনীবৃত্তম্|

আযুর্বেদরসাযনম্ ব্যাখ্যা ( কৃত)

আ০ র০- সুরসাদিগণমাহ-সুরসেত্যাদি| সুরসযুগং-শ্বেতকৃষ্ণে তুলস্যৌ| ফণিজ্জো-মরিচকঃ| কালমালা-অর্জকঃ| খরবুসো-মরুচকঃ| বৃষকর্ণী-আখুকর্ণী| ক্ষবকঃ-ক্ষুরকারী| সরাসী-কপিত্থপর্ণী| কার্মুকঃ-প্রাচীবলঃ| কুলহলো-মুণ্ডী,| ভূস্তৃণো-ভূতিকতৃণম্| ভূতকেশী-নির্গুণ্ডী|

সর্বাঙ্গসুন্দরী ব্যাখ্যা ( কৃত)

স০-মুষ্ককো-মোক্ষকঃ| স্নুক্-গুডা উগ্রকাণ্ডঃ| বরাদীনাং প্রোক্তানি নামানি| মুষ্ককাদিরেষ গুল্মাদিজিত্|

আযুর্বেদরসাযনম্ ব্যাখ্যা ( কৃত)

আ০ র০- মুষ্ককাদিগণমাহ-মুষ্ককেত্যাদি| মুষ্ককোমোক্ষকঃ| দ্বীপী-চিত্রিকঃ|

সর্বাঙ্গসুন্দরী ব্যাখ্যা ( কৃত)

স০-বত্সকো-বনতিক্তকঃ| মূর্বা-মধুরসা| মরিচং-ঊষণম্| ঘুণপ্রিযা-অতিবিষা| গণ্ডীরং-স্নুহী| এলা-বালৈলা| পাঠা-প্রাচীনা| অজাজী-জীরকঃ| কট্বঙ্গফলং-অরলুকফলম্| কেচিতু কট্বঙ্গফলং-তিন্দুকীফলমিত্যাহুঃ| অজমোদো-দীপ্যকঃ| সিদ্ধার্থো-গৌরসর্ষপঃ| অন্যেষাং নামান্যুক্তানি| "গুর্বন্তাষ্টগণাভাগাঽঽর্যা পূর্বার্দ্ধসদৃশশকলদ্বিতযা| আর্যৈরার্যাগীতিঃ সঙ্গীতা সঙ্গীতগীতসংবিধ্যৈঃ||" পশুগন্ধা-অজগন্ধা মকরন্তরাখ্যা| পঞ্চকোলকং-প্রাগুক্তম্| বত্সকাদিরসৌ বাতাদীন্নিহন্তি| আর্যা|

আযুর্বেদরসাযনম্ ব্যাখ্যা ( কৃত)

আ০ র০- বত্সকাদিগণমাহ-বত্সকেত্যাদি| ঘুপ্রিযা-অতিবিষা| গণ্ডীরং-স্নিহী| কট্বঙ্গঃ-টুন্টুকঃ| ফলং-মদনফলম্| পশুগন্ধা| চলো-বাযুঃ|

সর্বাঙ্গসুন্দরী ব্যাখ্যা ( কৃত)

স০-বচা-গোলোমী| জলদঃ-অম্বুধরঃ| দেবাহ্বং-কিলিমম্| নাগরং-বিশ্বম্| অতিবিষা-ভঙ্গুরা| অভযা-অমৃতা| হরিদ্রাদ্বযং-একা পিণ্ডা, অপরা পচম্পচা দারুহরিদ্রা| যষ্ট্যাহ্বং-ক্লীতিকা| কলশী-পৃশ্নিপর্ণী| কুটজোদ্ভবাঃ-ইন্দ্রযবাঃ| এতৌ বচাদিহরিদ্রাদিগণাবামাতীসারঘ্নৌ মেদঃকফাদিহরৌ চ|

আযুর্বেদরসাযনম্ ব্যাখ্যা ( কৃত)

আ০ র০- বচাহরিদ্রাদিগণাবাহ-বচেত্যাদি, হরিদ্রাদ্বযেত্যাদি| কলশী-পৃশ্র্নিপর্ণী| কটজোদ্ভবঃ-ইন্দ্রযবঃ| আঢ্যপবনঃ-ঊরুস্তম্ভঃ|

সর্বাঙ্গসুন্দরী ব্যাখ্যা ( কৃত)

স০-প্রিযঙ্গুঃ-শ্যামা| পুষ্পাঞ্জনং-রীতিপুষ্পম্| যুগ্মেত্যত্রানুবৃত্তিকৃতেন সম্বন্ধেনাঞ্জনমিতি সম্বধ্যতে| তেনাঞ্জনযুগ্মং-একং স্রোতোঞ্জনমন্যত্সৌবীরমিত্যর্থোঽবতিষ্ঠতে| পদ্মা-পদ্মচারিণী| পদ্মাত্-কমলাত্, রজঃ-কেসরম্| যোজনবল্লী-মঞ্জিষ্ঠা| অনন্তা-যবাসকঃ| মানদ্রুমঃ-শাল্মলী| মোচরসঃ-শাল্মলীনির্যাসঃ| সমঙ্গা-নমস্কারী রক্তমূলাখ্যা| পুন্নাগঃ-তুঙ্গো রক্তকেসরাখ্যঃ| শীতং-চন্দনম্| মদনীযহেতুঃ-ধাতুকী| উপজাতিবৃত্তম্| অম্বষ্ঠা-পাঠা মযূরশিখাখ্যা| মধুকং-মধুযষ্টিকা| নমস্করী-সমঙ্গা| নন্দীবৃক্ষঃ-প্ররোহী| পলাশঃ-প্রসিদ্ধঃ| কচ্ছুরা-ফণিহারী ধন্বযবাসকাখ্যঃ| বিল্বপেশিকা-বিল্বমজ্জা| কট্বঙ্গঃ-স্যোনাকঃ| কমলোদ্ভবং রজঃ-পদ্মরেণুঃ| এতৌ প্রিযড্গ্বংবষ্ঠাদী গণো পক্বাতীসারনাশনৌ সন্ধানীযৌ পিত্তে হিতৌ ব্রণরোপণৌ চ| "ম্সো জ্গৌ শুদ্ধবিরাডিতং মতম্" (বৃত্তরত্নাকরে অ. ৩|২১)|

আযুর্বেদরসাযনম্ ব্যাখ্যা ( কৃত)

আ০ র০- প্রিযডূগ্বম্বষ্ঠাগণাবাহ-প্রিযঙিগ্বত্যাদি, অম্বষ্ঠেত্যাদি| পুষ্পং-[উষ্পাঞ্জনম্| অঞ্জনযুগ্মং-স্ত্রোতোঞ্জনং রসাঞ্জনং চ| পদ্মা_ভার্ঙী| পদ্মাদ্রজঃ-পদ্মকেশরম্| যোজনবল্লী-মঞ্জিষ্ঠা| অনন্তা-দুরালভা| মানদ্রুমঃ-শাল্মলীবৃক্ষঃ, মোচরসঃ-তন্নির্যাসঃ| সমঙ্গা-লজ্জিকা| পুন্নাম-পুন্নাগম্| শীতং-চন্দনম্| মদনীযহেতুঃ-ধাতকী| অম্বষ্ঠা-মযূরশিখা| নমস্করী-লজ্জিকা| বিল্বপেশিকা-শুষ্কবিল্বপেশিকা| সন্ধানীযৌ-ভন্গসন্ধানজননৌ|

সর্বাঙ্গসুন্দরী ব্যাখ্যা ( কৃত)

স০-মুস্তা-গাঙ্গেযী| তিক্তাদ্বযং-একা কটুকাঽন্যা কাকতিক্তা| বিষাখ্যা-শুক্লকন্দা| হৈমবতী-শ্বেতবচা| এতে যোন্যামযঘ্নাঃ স্তন্যামযঘ্না মলপাচনাশ্চ| "তৌ জো গুরু চেদ্ভবতীন্দ্রবজ্রা|"

আযুর্বেদরসাযনম্ ব্যাখ্যা ( কৃত)

আ০ র০- মুস্তাদিগণমাহ-মুস্তেত্যাদি| দ্বিতিক্তা-কটুকা করঞ্জিকা চ| হৈমবতী-শ্বেতবচা|

সর্বাঙ্গসুন্দরী ব্যাখ্যা ( কৃত)

স০-ন্যগ্রোধো-বটঃ| পিপ্পলঃ-আশ্বত্থঃ| সদাফলঃ-উদুম্বরঃ| জম্বূদ্বযং-একা রাজজম্বূর্বৃহত্ফলাঽন্যা হ্রস্বফলা কাকজম্বূঃ| অর্জুনঃ-পার্থঃ| কপীতনঃ-কপিচূডো বানীরাখ্যঃ| সোমবল্কঃ-শ্বেতসারঃ খদিরঃ| প্লক্ষঃ-শৃঙ্গী প্লবাখ্যঃ| আম্রঃ-চূতঃ| বঞ্জুলো-বেতসঃ| পিযালো-দ্রাক্ষারসপ্রিযঃ খরস্কন্ধাখ্যঃ| নন্দী-জযবৃক্ষঃ| কোলী-বদরী| বিরলা-তিন্দুকী| মধুকং-যষ্টী| মধূকং-মধূকপুষ্পম্| ন্যগ্রোধাদিরযং সঙ্গ্রহণাদিগুণযুক্তঃ| বসন্ততিলকাবৃত্তম্|

আযুর্বেদরসাযনম্ ব্যাখ্যা ( কৃত)

আ০ র০- ন্যগ্রোধাদিগণমাহ-ন্যগ্রোধেত্যাদি| সদাফলঃ-উদ্রুম্বরঃ| জম্বূদ্বযং-জম্বূ রাজজম্বূশ্চ| কপীতনঃ-আম্রাতকঃ| সোমবল্কঃ-কট্ফলঃ| পিযালঃ-চারঃ| নন্দী-নন্দীবৃক্ষঃ| কোলী-বদরী| বিরলা-তিন্দুকী| ভগ্রসাধনো-ভন্গসধানকৃত্|

সর্বাঙ্গসুন্দরী ব্যাখ্যা ( কৃত)

স০-এলাযুগ্মং-সূক্ষ্মৈলা স্থূলৈলা চ| তুরুষ্কঃ-কৃত্রিমো নির্যাসবিশেষঃ| কুষ্ঠং-গদঃ| ফলিনী-গন্ধপ্রিযঙ্গুঃ| মাংসী-নলদম্| জলং-হ্রীবেরম্| ধ্যামকং-দেবদগ্ধকম্| স্পৃক্কা-দেবী| চোরকো-গ্রন্থিপর্ণঃ| চোচং-ত্বক্| পত্রং-তমালপত্রম্| তগরং-বক্রম্| স্থৌণেযং-তৈলপীতকম্| জাতিরসো-বোলঃ| শুক্তিঃ-নখঃ| ব্যাঘ্রনখঃ-সমুদ্রজঃ| অমরাহ্বং-দেবদারু| অগুরুঃ-প্রসিদ্ধঃ| শ্রীবাসকঃ-চীডা শ্রীবেষ্টকাখ্যঃ| কুঙ্কুমং-বাহ্লীকম্| চণ্ডা-কোপনা| গুগ্গুলুঃ-পুরঃ| দেবধূপঃ-সর্জরসঃ| খপুরঃ-কুন্দুরুকঃ| পুন্নাগো-রক্তকেসরঃ| নাগাহ্বযং-নাগকেসরম্| এলাদিরযং বাতাদীন্ হন্তি| তথা, বর্ণপ্রসন্নত্বকৃত্ কণ্ড্বাদিহৃচ্চ| "ম্সৌ জ্সৌ তৌ গুরুকং চ সূর্যতুরগৈঃ শার্দূলবিক্রীডিতম্|"

আযুর্বেদরসাযনম্ ব্যাখ্যা ( কৃত)

আ০ র০- এলাদিগণমাহ-এলাযুগ্মেত্যাদি| তুরুষ্কঃ-সিহ্লকঃ| ধ্যামকং-রোহিষম্| চোরকো-গ্রন্থিপর্ণঃ| চোচং-ত্বচম্| পত্রং-পত্রকম্| জাতীরসো-বোলঃ| শুক্তিঃ-নখম্| ব্যাধ্রনখঃ-তদ্ভেদঃ| শ্রীবাসকঃ-সরলনির্যাসঃ| দেবধূপো-রালঃ| খপুরঃ-সল্লকীনির্যাসঃ| নাগাহ্বযং-নাগকেশম্|

সর্বাঙ্গসুন্দরী ব্যাখ্যা ( কৃত)

স০-শ্যামা-মালবিকা ত্রিবৃত্ মসূরবিদলাখ্যা| দন্তী-মুকূলকশ্চিত্রাখ্যঃ| দ্রবন্তী-উন্দুরকর্ণিকা| ক্রমুকঃ-পট্টিকারোধ্রঃ| কুটরণা-শুক্লা ত্রিবৃত্| শঙ্খিনী-যবতিক্তা| চর্মসাহ্বা-সাতলা, ব্রাহ্মীত্যন্যে| স্বর্ণক্ষীরী-কঙ্কুষ্ঠম্| গবাক্ষী-গবাদনী স্থাণুকর্ণীসংজ্ঞা, ইন্দ্রবারুণীত্যন্যে| শিখরী-অপামার্গঃ| রজনকঃ-কম্পিল্লকঃ| ছিন্নরোহা-অমৃতবল্লী| করঞ্জঃ-কৈডর্যঃ| বস্তান্ত্রী-বৃষগন্ধা| ব্যাধিঘাতঃ- কৃতমালঃ| বহুলো-বহুফলঃ| বহুরসঃ-ইক্ষুঃ| তীক্ষ্ণবৃক্ষাত্-পীলোঃ ফলানি| শ্যামাদিরেষ গুল্মাদীন্ হন্তি| [অত্র পিপ্পল্যাদিঃ প্রসিদ্ধত্বান্নোক্তঃ| ] "ম্রৌ ভ্রৌ যাশ্চ ত্রযঃ স্যুঃ স্বরমুনিতুরগৈঃ স্রগ্ধরাস্যাদ্বিরামৈঃ|"

আযুর্বেদরসাযনম্ ব্যাখ্যা ( কৃত)

আ০ র০- শ্যামাদিগণমাহ-শ্যামেত্যাদি| শ্যামা-কৃষ্ণমূলা ন্নিবৃত্| দ্রবন্তী-চীরিতপত্রা দন্তীভেদঃ| ক্রসুকঃ-পূরাঃ| কুঠরণা-অরুণমূলা ত্রিব্ড়্ত্| চর্মসাহ্বা-সত্পলা| শিখরী-অপামার্গঃ| রজনকঃ-কম্পিল্লঃ| ছিন্নরোহা-গুডূচী| যস্তান্ত্রী-বৃদ্ধদারুকঃ| ব্যাধিধাতঃ-আরগ্বদঃ| বহলঃ-শিগ্রুঃ| বহুরসঃ-ইক্ষুঃ| তীক্ষ্ণবৃক্ষঃ-পীলুঃ, সস্য ফলানি|

সর্বাঙ্গসুন্দরী ব্যাখ্যা ( কৃত)

স০-ইতি-এবং প্রকারেণ, ত্রযস্ত্রিংশত্সঙ্খ্যা বর্গাঃ কথিতাঃ| অত্র সঙ্খ্যোপাদানমেষাং প্রাধান্যখ্যাপনার্থম্| অন্যেঽপ্যেবংপ্রকারাঃ সন্তি, এতে তু প্রধানা ইত্যর্থঃ| সুখস্মরণার্থং চ সঙ্খ্যাবচনম্| এষু চ ত্রযস্ত্রিংশত্সু বর্গেষ্বলাভতঃ-অলাভে সতি, তদ্বিধং-রসবীর্যপাকৈস্তুল্যং, দ্রব্যমন্যত্-অনুক্তমপি যুঞ্জ্যাত্| ন কেবলমেতাবদেব বিধেযমিত্যাহ-জহ্যাদযৌগিকম্,-ন কেবলমেষু বর্গেষু তদ্দ্রব্যলাভে যথালাভমন্যত্তদ্বিধং দ্রব্যং যুঞ্জ্যাত্, যাবদযৌগিকং যত্ দ্রব্যং তচ্চ ত্যজেত্| দোষরোগাদ্যপেক্ষযা পুরুষস্যাস্মিন্ কালে বযসি বা অযমেব গণঃ প্রশস্তঃ, তদা তত্সমস্তগণদ্রব্যলাভে তদ্বিধমেকং দ্রব্যং দ্বে বা বহূনি বা দ্রব্যাণি সংযোজ্য প্রযোজ্য এব, ন সমস্তদ্রব্যাপেক্ষা কার্যেতি| তথা চ সুশ্রুতঃ (সু. অ. ৩৮|৮২) - "সমীক্ষ্য দোষভেদাংশ্চ গণান্ ভিন্নান্ প্রযোজযেত্| পৃথঙ্মিশ্রান্ সমস্তাংশ্চ গণান্ বা ব্যস্তসংহতান্||" ইতি| ত্রযস্ত্রিংশদিতি "ত্রেস্ত্রযশ্চ" ইতি ত্রযসাদেশঃ| অযৌগিকমিতি অযোগায প্রভবতীত্যর্থঃ| যোগাদ্যচ্চেতি ঠঞ্|

আযুর্বেদরসাযনম্ ব্যাখ্যা ( কৃত)

আ০ র০- উপসংহরতি-ত্রযস্ত্রিংশদিতি| এতে গণা ন যাবদুক্তা গ্রাহ্যাঃ| কিং তর্হি ? ঊহাপোহযোগ্যাঃ, ইত্যাহ-তেষু ত্বলাভত ইতি| দেশতঃ কালতো বা কস্যচিদ্দ্রব্যস্যালাভে তত্সদ্দশগুণমন্যত্-অনুক্তমপি যৌগিকং যুঞ্জ্যাত্| উক্তমপ্যৌষধমযৌগিকং জহ্যাত্| দেশকালাবস্থাদ্যপেক্ষযা উচিতং-যৌগিকম্, অনুচিতং-অযৌগিকম্| যথালাভপ্রযোগোঽপি সুশ্রুতেনোক্তঃ (সূ. অ. ৬৭|৬৪) - "সমস্তং বর্গমর্দ্ধ বা যথালাভমথাপি বা| প্রযুঞ্জীত ভিষক্ প্রাজ্ঞো যথোদ্বিষ্টেষু কর্মসু||' ইতি|

সর্বাঙ্গসুন্দরী ব্যাখ্যা ( কৃত)

স০-এতে-পূর্বোক্তাঃ, বর্গা দোষদূষ্যবযোবলাদীন্যপেক্ষ্যবিকল্প্য, কল্কাদিযুক্তাঃ সুকৃচ্ছ্রান্ রোগান্-আমযান্ ঘ্নন্তি| যুক্তা ইত্যত্রান্তর্ভাবিতণ্যর্থো যুজিঃ| ততঃ কল্কাদিষু বৈদ্যেন যোজিতা ইত্যর্থোঽবতিষ্ঠতে| আদিশব্দেন ফাণ্টশীতকষাযাদিপরিগ্রহঃ| কথমেতে ঘ্নন্তি ? ইতি প্রকারং যুক্ত্যাঽঽহ-পান ইত্যাদি| পানে-পানাদ্যুপযোগে সতি| লেপাভ্যঙ্গৈরিতি বহুবচনেন লেপাভ্যঙ্গস্রানাদিভিশ্চেতি যোজ্যম্| শালিনীবৃত্তম্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে শোধনাদিগণসঙ্গ্রহাধ্যাযঃ পঞ্চদশঃ সমাপ্তঃ|| ১৫||

আযুর্বেদরসাযনম্ ব্যাখ্যা ( কৃত)

আ০ র০- এতে বর্গাঃ সর্বকল্পযোগ্যাশ্চেত্যাহ-এতে বর্গা ইতি| দোষাদ্যপেক্ষযা কল্কাদীনামন্যতমেন কল্পেন, পানাদীনামন্যতমেনান্তঃপ্রযোগেণ, লেপাদীনামন্যতমেন বহিঃপ্রযোগেণ বা, দুঃসাধ্যানপি রোগান্ ন্ধন্তি| অথাগ্র্যসঙ্গ্রহঃসঙ্গ্রহে (সূ. অ. ১৩) - " শ্রেষ্ঠমুদকমাশ্বাসনস্তম্ভনক্লেদনানাম্| ১| বাযুঃ প্রাণসংজ্ঞাপ্রদানহেতূনাম্| ২| অগ্নিরামস্তম্ভশীরশূলোদ্বেষ্টকম্পপ্রশমনানাম্| ৩| স্নানং সুরা চ শ্রমহরাণাম্| ৪| ক্ষীরং জীবনীযানাম্| ৫| মাংসং বৃংহণীযানাম্| ৬| [ইর্ষশ্চ ] প্রীণনানাম্| ৭| লবণমন্নদ্রব্যরুচিকরাণাম্| ৮| তিন্দুকমনন্নদ্রব্যরুচিকরাণাম্| ৯| অম্লং হৃদ্যানাম্| ১০| কুক্কুটো বল্যানাম্| ১১| তৈলং বাতশ্লেষ্মপ্রশমনানাম্| ১২| সর্পির্বাতপির্রপ্রশমনানাম্| ১৩| মধু শ্লেষ্মপিত্তপ্রশমনানাম্| ১৪| স্বেদো মার্দবকরাণাম্| ১৫| ব্যাযামঃ স্তৈর্যকরাণাম্| ১৬| ক্ষারঃ পুংস্ত্বোপধাতিনাম্| ১৭| আমং কপিত্থমকণ্ঠ্যানাম্| ১৮| আবিকং সর্পিরহৃদ্যানাম্| ১৯| মাহিষং ক্ষীরং স্বন্পজননানাম্| ২০| মন্দকং দধি অভিষ্যন্দকরাণাম্| ২১| ইক্ষুর্নূত্রজননানাম্| ২২| যবাঃ পুরীষজননানাম্| ২৩| জাম্ববং বাতজননানাম্| ২৪| কুলত্থা অম্লপিত্তজননানাম্| ২৫| মাষাঃ শষ্কুল্যোঽবিক্ষীরং চ শ্লেষ্মপিত্তজননানাম্| ২৬| দুরালভা পিত্তশ্লেষ্মোপসমনানাম্| ২৭| উপবাসো জ্বরহরাণাম্| ২৮| বৃষো রক্তপিত্তপ্রশমনানাম্| ২৯| কণ্টকারিকা কাসন্ধানাম্| ৩০ লাক্ষা সদ্যঃক্ষতন্ধানাম্| ৩১ নাগবলাভ্যাসঃ ক্ষযক্ষতন্ধানাম্| ৩২ পুষ্করমূলং হিক্কাশ্বাসকাসপার্শ্বশূলারুচিহারাণাম্|| ৩৩| অজাপযঃ শোষন্ধস্তন্যকররক্তসঙ্গ্রহণপ্রশমনানাম্|| ৩৪| মৃদ্ভৃষ্টলোষ্টপ্রসাদশ্চছর্দিতৃষ্ণাতিযোগপ্রশমনানাম্| ৩৫| অরুষ্করশ্চিত্রকমূলং চ শুষ্কার্শঃ প্রশমনানাম্| ৩৬| কুটজো রক্তার্শঃপ্রশমনানাম্| ৩৭| লাজাশ্চ্ছর্দিন্ধানাম্| ৩৭| যাবশূকঃ স্ত্রংসনীযপাচনীযার্শোন্ধানাম্| ৩৯| তক্রাভ্যাসোঽর্শঃশ্বযথুগ্রহণীদোশধৃতব্যাপত্প্রশমনানাম্| ৪০| ক্রব্যান্মাংসাভ্যাসোঽর্শঃ শোষগ্রহনীদোষন্ধানাম্| ৪১| মুস্তং সঙ্গ্রহণীযদীপনীযপাচনীযানাম্| ৪২| অতিবিষা পাচনীযসঙ্গ্রহণীযসর্বদোষহরাণাম্| ৪৩ বিল্বং শোণিতপিত্তাতিবেগপ্রশমনীযানাম্| ৪৫| উদীচ্যং নির্বাপণদীপনীযচ্ছর্দ্যতীসারহরাণাম্| ৪৬| কট্বঙ্গং সঙ্গ্রহণীযদীপনীযানাম্| ৪৭| কুটজত্বক্ শ্লেষ্মপিত্ত্রক্তসঙ্গ্রহণীযোপশোষণীযানাম্| ৪৮| উত্পলকুমুদকিঞ্জল্কোঽনন্তা চ সঙ্গ্রহণিযরক্তপিত্তপ্রশমনানাম্| ৪৯| কাশ্মর্যফলং রক্তসঙ্গ্রহণীযরক্তপিত্তপ্রশমনানাম্| ৫০| পৃস্নিপর্ণী রক্তসঙ্গ্রহণীযদীপনীযপাচনীযবাতহরবৃষ্যাণাম্| ৫১| শালিপর্ণী বৃষ্যসর্বদোষহরাণাম্| ৫২| বলা সঙ্গ্রহণীযবল্যবাতহরাণাম্| ৫৩| পিপ্পলীমূলং দীপনীযানাহহরাণাম্| ৫৪| বিত্রকমূলং দীপনীযগুদশোফশূলহরাণাম্|| ৫৫|| যোক্ষুরকো মূত্রকৃচ্ছ্রানিলহরাণাম্|৫৬| হরিদ্রা প্রমেহহরাণাম্| ৫৭| রক্তাবসেকো বিদ্রধিবীসর্পপিটিকাগণ্ডমালামযহরাণাম্| ৫৮| এরণ্ডতৈলাম্যাসো বর্ধ্মগুল্মশূলহরাণাম্| ৫৯| লশুনো গুল্মানিলহরাণাম্| ৬০| হিঙ্গুনির্যাসশ্চছেদনীযদীপনীযানুলোমিকবরকফপ্রশমনীযানাম্| ৬১| অম্লবেতসো ভেদনীযদীপনীযানুলোমিকবাতশ্লেষ্মহণাম্| ৬২| উদ্রীক্ষীরমুদরশ্বযথুন্ধানাম্| ৬৩| অযোরজঃ পাণ্ডুরোগন্ধানাম্| ৬৪| খদিরঃ কুষ্ঠন্ধানাম্| ৬৫| বিডঙ্গ কৃমিন্বানাম্| ৬৬| রস্না বাতহরাণাম্| ৬৭| এরণ্ডমূলং বৃষ্যবাতহরাণাম্| ৬৮| গুগ্গুলির্মেদোনিলহরাণাম্| ৬৯| অমৃতা সঙ্গ্রহণীযদীপনীযবাতশ্লেষ্মশোণিতবিবন্ধপ্রশমনানাম্| ৭০| মদনফলং বমনাস্থাপনানুবাসনিপযোগিনাম্| ৭১| ত্রিবৃত্সুখবিরেচনানাম্| ৭২ চতুরঙ্গুলো মৃদুবিরেচনানাম্| ৭৩| স্নুক্পযস্তীক্ষ্ণবিরেচনানাম্| ৭৪| প্রত্যক্পুষ্পী শিরোবিরেচনানাম্| ৭৫| ত্রিফলা তিমিরন্ধানাম্| ৭৬| ত্রিফলামিগ্গুলুর্ব্রণ্যানাম্| ৭৭| শিরীষো বিষন্ধানাম্| ৭৮| আমলকং বযঃ স্থাপনানাম্| ৭৯| হরীতকী পথ্থানাম্| ৮০| ঞীরবূতাম্যাসো রসাযনানাম্| ৮১| সমধৃতসক্তুপ্রাশাম্যাসো বৃষ্যোদাবর্তহরাণাম্| ৮২| সঙ্কল্পো নক্ররেতশ্চ বৃষ্যাণাম্| ৮৩| দৌর্মনস্যমবৃষ্যাণাম্| ৮৪ তৈলগণ্ডূষাম্যাসো দন্তবলরুচিকরাণাম্| ৮৫| চন্দনোদুম্বরং দাহনির্বাপণালেপনানাম্| ৮৬| রাস্নাদুরুণী শীতাপনযনপ্রলেপনানাম্| ৮৭| লামজ্জকোশীরে দাহত্বগ্দোষস্বংদাপনযনপ্রলেপনানাম্| ৮৮| কুষ্ঠং বারহরাম্যঙ্গোপনাহোপযোগিনাম্| ৮৯| মধুকং চক্ষুষ্যবৃষ্যকেশ্গকণ্ঠ্যবর্ণ্যদ্যন্যবিরঞ্জনীযরোপণীযানাম্| ৯০| অজীর্ণাশনং গ্রহণীদূষণানাম্| ৯১| বিরুদ্ধবীর্যাশনং নিন্দিতব্যাধিকরাণাম্| ৯২| গুরুভোজনং দুর্বিপাকানাম্| ৯৩| অতিমাত্রাশনমাভদোষহেরূনাম্| ৯৪| যথাগ্ন্যভ্যবহারোঽগ্নিসন্ধুক্ষণানাম্| ৯৫| যথাসাত্ম্যমাহারবিহারৌ সেব্যানাম্| ৯৬| একাসনশযনমোজনং সুখপরিণামকরাণাম্| ৯৭| বিষমাশনমগ্নিচৈষম্যকরাণাম্| ৯৮| কালে ভোজনমারোগ্যকরার্ম্| ৯৯| বগোদীরণধারণমনারোগ্যকরাণাম্| ১০০| তৃত্পিরহারগুণানাম্| ১০১| অনশনমাযুষো হ্বাসকরাণাম্| ১০২| প্রমিতাশনং গবেধুকান্নং চ কর্ষণিযানাম্| ১০৩| উদ্দালকান্নং রূক্ষণীযানাম্| ১০৪| মদ্যং সৌমনস্যজননানাম্| ১০৫| মদ্যাক্ষেপো ধীধৃতিস্মৃতিহরাণাম্| ১০৬ স্নীষ্বতিপ্রসঙ্গঃ শোষকরাণাম্| ১০৭ শুক্রবেগনিগ্রগঘ্ ষাণ্ঢ্যকরাণাম্| ১০৮| পাদাম্যামুদ্বর্তনমন্নশ্রদ্ধাজনানাম্| ১০৯| সূনাদর্শনমন্নাঅদ্ধাজননানাম্| ১১০| মিধ্যায্গো ব্যাধিমুখানাম্| ১১১| রজস্বলারাগনমলশ্মীসুখানাম্| ১১২| ব্রহ্যচর্যমাযুষ্যাণাম্| ১১৩ পরদারগমনমনাযুষ্যাণাম্| ১১৪| অযথাপ্রাকমারম্ভঃ প্রাণোপরোধিনাম্| ১১৪| বিষাদো রোগাবর্দ্ধনানাম্| ১১৬| শিকঃ শোষণানাম্| ১১৭| নির্বৃতিঃ পিষ্টিকরাণাম্| ১১৮| স্বপ্নস্তন্দ্রাকরাণম্| ১১৯| সর্বরসাভ্যাসো বলকরাণাম্| ১২০| একরসাভ্যাসো দৌর্বল্যারোচকন্যতমদ্ষপ্রকোপকরাণাম্| ১২১| গর্ভশল্যমহার্যাণাম্| ১২২| অজীর্ণমুদ্ধার্যাণাম্| ১২৩| বালো মৃদুভেষজাহার্যাণাম্| ১২৪| বৃদ্ধো যাপ্যানাম্| ১২৫| গর্ভিণী রীক্ষ্ণৌষধব্যাযামবর্জনীযানাম্| ১২৬| সৌমনস্যং গর্ভধারণানাম্| ১২৭| সন্নিপাতো দুশ্চিকিত্স্যানাম্| ১২৮| আমবিষমচিকিত্স্যানাম্| ১২৯| জ্বরো রোগাণাম্| ১৩০| কুষ্ঠং দীর্ঘরোগাণাম্| ১৩১| রাজযক্ষ্মা রোগসমূহানাম্| ১৩২| প্রমেহোঽনুষঙ্গিণাম্| ১৩৩| জলৌকসোঽনুশস্ত্রাণাম্| ১৩৪| বস্তির্যন্ত্রণাম্| হিমবানৌষধভূমীনাম্| ১৩৬| সোম ওষধীনাম্| ১৩৭| মরুভূমিরারিগ্যদেশানাম্| ১৩৮| আনূপভূমিরহিতদেশানাম্| ১৩৯| নিদেশকারিত্বমাতুরগুণনাম্| ১৪০| অনির্দেশকারিত্বং রিষ্টানাম্| ১৪১| ভিষক্ চিকিত্সাঙ্গানাম্| ১৪২| সিদ্ধির্বৈদ্যগুণানাম্| ১৪৩| নাস্তিকো বর্জ্যানাম্| ১৪৪ লৌল্যং ক্লেশকরাণাম্| ১৪৫| আত্মবত্তোপকারিণাম্| ১৪৬| শাস্ত্রসহিতস্তর্কঃ সাধকানাম্| ১৪৭| দ্দষ্টকর্মতা নিঃসংশযকরাণাম্| ১৪৮| অসমর্থতা ভযকরাণাম্| ১৪৯| তবিদ্যসম্ভাষা বুদ্ধিবর্দ্ধনানাম্| ১৫০| আচার্যঃ শাস্ত্রাধিগমহেতূনাম্| ১৫১| আযুর্বেদোঽমৃতানাম্| ১৫২| সদ্বৈদ্যদ্বেষঃ প্রাণত্যাগহেতূনাম্| ১৫৩| সদ্বচনমনুষ্ঠেযানাম্| ১৫৪| সর্বসন্ন্যাসঃ সুখানামিতি| ১৫৫| তত্রোদকগ্নিমৃদ্ভৃষ্টলোষ্ঠপ্রসাদতক্রাভ্যাসরক্তাবসেকৈরণ্ডতৈলাভ্যাসোষ্ট্রীক্ষীরমদনফলমদ্যাক্ষেপৈকরসাভ্যাসগর্ভিণীনামেকৈকস্মাত্ সমুদাযচ্চ নির্ধারণম্| পুষ্করমূলাদীনাং তু সমুদাযাদেবেতি| ভবতি চাত্র| অগ্র্যাণাং শতমুদ্দিষ্টং পঞ্চপঞ্চাশদুত্তরম্| অলমেতদ্বিজানীযাদ্ধিতাহিতবিনিশ্চযে||" ইতি| ইতি হেমাদ্রিটীকাযমাযুর্বেদরসাযনে| শুধ্যাদিগণসঙ্গ্রহঃ সামস্ত্যেন নিরূপিতঃ|| ১৫||