Adhikarana సూతికారోగలక్షణం (౧) · Śloka ౧
అథ సూతికారోగనిదానం | అంగమర్దో జ్వరః కంపః పిపాసా గురుగాత్రతా | శోథః శూలాతిసారౌ చ సూతికారోగలక్షణం ||1||
View original
अथ सूतिकारोगनिदानम् | अङ्गमर्दो ज्वरः कम्पः पिपासा गुरुगात्रता | शोथः शूलातिसारौ च सूतिकारोगलक्षणम् ||१||
🔊 Audio coming soon
Show commentary
మధుకోశ వ్యాఖ్యా (విజయరక్షిత, శ్రీకంఠదత్త కృత)
క్రమప్రాప్తత్వాత్ సూతికారోగనిదానారంభః– అంగమర్ద ఇత్యాది| సూతికారోగలక్షణమితి సూతికారోగ ఏవ లక్షణం, అంగమర్దాదివ్యతిరిక్తస్య రోగస్యానభిధానాత్| ఏతేऽంగమర్దాదయః ప్రాయేణ సూతికాయా భవంతః సూతికారోగత్వేన లక్ష్యంతే ఇత్యర్థః||1||
ఆతంకదర్పణ వ్యాఖ్యా (వాచస్పతి వైద్య కృత)
సూతికారోగలక్షణమాహ– అంగమర్ద ఇత్యాది| సూతికారోగ ఏవ లక్షణం, అంగమర్దాదివ్యతిరిక్తస్య రోగస్యానభిధానాత్| ఏతేనాంగమర్దాదయః ప్రాయేణ సూతికాయా భవంతః సూతికారోగత్వేన లక్ష్యంత ఇత్యర్థః||1||