৬. দ্রব্যকল্পাধ্যাযঃ

সর্বাঙ্গসুন্দরী ব্যাখ্যা ( কৃত)

অথ ভেষজকল্পো ব্যাখ্যাতুমারভ্যতে| বস্তিব্যাপদাং হ্যুত্পন্নানাং সিদ্ধিঃ-সাধনং, সদ্ভেষজপ্রযোগাত্|

সর্বাঙ্গসুন্দরী ব্যাখ্যা ( কৃত)

স০-ভেষজস্য কল্পো-যোজনা, ভেষজকল্পঃ| শেষং পূর্ববত্|

আযুর্বেদরসাযনম্ ব্যাখ্যা ( কৃত)

আ০ র০- ভেষজকল্পং ব্যাখ্যাতুং প্রতিজানীতে-অথেতি|

সর্বাঙ্গসুন্দরী ব্যাখ্যা ( কৃত)

স০-ধন্বদেশে, তথা সাধারণে দেশে, তথা সমে-অনিম্নোন্নতে, তথা সন্মৃত্তিকে, তথা শ্মশানাদিবর্জিতে, চৈত্যং-দিনচর্যাধ্যাযে (হৃ. সূ. অ. ২/৩৩) উক্তম্| তথা মৃদৌ-সুস্পর্শে, তথা প্রদক্ষিণং-অনুকূলং জলং যস্মিন্, তথা কুশরোহিষসংস্তৃতে, তথাঽফালকুষ্টে-খিলে, তথা বৃক্ষৈর্মহত্তরৈরনাক্রান্তে দেশে, যদ্ভেষজং জাতং যুক্তং যথাস্বম্ বর্ণরসাদিভিঃ, তদ্ভেষজং শস্যতে| তথা জন্তুভিঃ- কীটৈঃ, অজগ্ধং-অভক্ষিতং, দবেন-দাবাগ্নিনা, অদগ্ধং-অপ্রুষ্টং, তথাঽবিদগ্ধং বৈকৃতৈর্ভূতৈঃ-স্বভাবং পরিত্যজ্য ধর্মবাধাদ্বিকৃতৈরাকাশা(পৃথিব্যা)দিভির্যদনাসেবিতং তদবিদগ্ধম্| বিকৃতমেব বৈকৃতম্, প্রজ্ঞাদিত্বাদণ্| তথা ছাযাদিভির্যথাকালং কালমনতিক্রম্য সেবিতং, যদা তস্যভেজষস্য বৃদ্ধৌ ছাযাদীনামন্যতমং বস্তুজাতমুপযুজ্যতে তদা তেন সেবিতমিত্যর্থঃ| তথাঽবগাঢং-দূরং গতং, মহত্-পৃথু, মূলং যস্য তদবগাঢমহামূলম্| তথোদিচীং-উত্তরাং, দিশমাশ্রিতং-তামাশ্রিত্য স্থিতম্|

আযুর্বেদরসাযনম্ ব্যাখ্যা ( কৃত)

আ০ র০- স চ দেশগুণকালকল্পনামানৈঃ পঞ্চধা| তত্র দেশমাহ-ধন্ব ইতি| ধন্বে-জাঙ্গলে| সন্মৃত্তিকে-স্নিগ্ধকৃষ্ণসুবর্ণবর্ণমধুররসমৃত্তিকে| আযতনং-বধস্থানং দেবযজনাগারং চ| গুণমাহ-যুক্তমিতি| অবগাঢং-গম্ভীরম্| সঙ্গ্রহে তু (ক. অ. ৮)- "বিশেষতস্ত্বশ্মবতী স্থিরা গুর্বী শ্যামা কৃষ্ণা ব স্থূলতৃণবৃক্ষসস্যপ্রাযা পৃথ্বী স্বগুণভূযিষ্ঠা| নানাবর্ণা লঘুপুষ্পবতী প্রবিরলপাণ্ডুবৃক্ষপ্ররোহাঽগ্নিগুণভূযিষ্ঠা| রূক্ষা রাসভভস্মবর্ণা রুক্ষতনুকোটরবৃক্ষপ্রাযাঽল্পরসপ্ররোহাঽনিলগুণভূযিষ্ঠা| মৃদ্বীসমা শ্বভ্রবত্যব্যক্তরসজলা মহাপর্বতবৃক্ষা শ্যামাঽঽকাশগুণভূতিষ্ঠা| তত্রাম্বুপৃথ্বীগুণভুযিষ্ঠাসু ভূমিষু জাতানি বিরেচনানি বৃংহণানি চ শস্যন্তে| অনলানিলাকাশগুণভূযিষ্ঠাসু বমনানি| সর্বগুণযুক্তাসূভযতো ভাগানি| আকাশগুণভূযিষ্ঠাসু শমনানি| এবং বলবত্তমানি ভবন্তি| তেষাং শাখাপলাশমচিরপ্ররূঢং বর্ষাবসন্তযোর্গ্রাহ্যম্| গ্রীষ্মে মূলানি শিশিরে বা শীর্ণপ্ররূঢপর্ণানাম্| শরদি ত্বক্কন্দক্ষীরাণি| হেমন্তে সারাণি| যথর্তু পুষ্পফলম্| অন্যে পুনরাহুঃ, সৌম্যান্যৌষধানি সৌম্যেষ্বৃতুস্ষু, আগ্নেযান্যাগ্নেযেষু, এবমব্যাপন্নান্যাপূর্ণতররসবীর্যাণি ভবন্তি|" ইতি| এতচ্চ " যথাকালং চ সেবিতম্" ইত্যত্র তন্ত্রকারেণ সঙ্গৃহীতম্|

সর্বাঙ্গসুন্দরী ব্যাখ্যা ( কৃত)

স০-অথেত্যানন্তর্যমঙ্গলসূচকম্| ভেষজমেবংবিধং বিদিত্বাঽনন্তরং কল্যাণং-স্বস্ত্যযনাদি, চরিতং-অনুষ্ঠিতং, যেনাসৌ কল্যাণচরিতঃ, তথা শ্রাদ্ধঃ-ভেষজহরণং প্রতি শ্রদ্ধাবান্, তথা শুচিঃ-স্নানাদিনা শুদ্ধঃ তথোপোষিতঃ-কৃতোপবাসঃ, এবংবিধমৌষধমেবংবিধঃ পুমান্ গৃহ্ণীযাত্| তচ্চ ভেষজং [সুস্থং-] স্বস্থং কৃত্বা, স্থিতং কালে সক্ষীরং-আর্দ্রং, কল্পযেত্| তদসম্পত্তৌ তু তথাবিধস্য সক্ষীরস্যৌষধস্যাসম্পত্তৌ, অনতিক্রান্তবত্সরং ভেষজং কল্পযেত্| কিং সর্বং দ্রব্যমনতিক্রান্তবত্সরং কল্পযেত্? ঋত ইত্যাদি| গুডাদীন্ বর্জযিত্বা পরমৌষধমনতিক্রান্তবত্সরং কল্পযেত্| গুডাদীংস্তু অতিক্রান্তবত্সরান্ কল্পযেত্| ক্ষীরং বষ্কযণ্যাঃ সম্বন্ধি গ্রাহ্যম্| বিট্ মূত্রং চ, তচ্চক্ষীরং চ, নীরুজং-অপগতদোষং, গ্রাহ্যম্| বযোবলবতাং ধাতুপিচ্ছাদিকং গ্রাহ্যম্| আদিগ্রহণাত্ চিকিত্সিতোপযোগি কেশনখচর্মাদিকং গৃহ্যতে| বযঃশব্দোপাদানাত্ বিশিষ্টং তরুণং বযো গৃহ্যতে, ন হ্যবযাঃ কশ্চিদস্তি|

আযুর্বেদরসাযনম্ ব্যাখ্যা ( কৃত)

আ০ র০- গ্রহণস্থাপনাবচারণাবধিমাহ-অথেতি| শ্রাদ্ধঃ-শ্রদ্ধাবান্| সক্ষীরং-আর্দ্রম্, তদভাবে শুষ্কম্| তচ্চ বর্ষাবধি, ঘৃতাদীনি বিনা| ধান্যং-শাল্যাদি| কৃষ্ণা-পিপ্পিলী| বাষ্কযণং,-বষ্কযণী-প্রৌঢবত্সা, তস্যা বিণ্মুত্রং ক্ষীরং চ| তন্নীরুজাং-অরোগাণাং, তরুণানাং বলিনাং চ গ্রাহ্যম্| ধাত্বাদিকং তদ্বত্| সঙ্গ্রহে তু (ক. অ. ৮)- "অথ মঙ্গলাচারঃ কল্যাণবৃত্তিঃ শুচিঃ শুক্ল্বাসাঃ সংপূজ্য দেবতামশ্বিনৌ গোব্রাহ্য্ণাংশ্চ কৃতোপবাস উদঙ্নুখঃ প্রাঙ্নুখো বাগৃণ্হীযাত্| গৃহীত্বা চানুরূপগুণবদ্ভাজনসংস্থান্যাগারেষু পূর্বোত্তরদ্বারেষু নিবাতপ্রবাতৈকদেশেষু নিত্যপুষ্পোপহারবলিকর্মসু, অগ্নিসলিলোপস্বেদধূমরজোমূষিকচতুষ্পদামনভিগমনীযানি স্ববচ্ছন্নানি শিক্যেষ্বাসজ্য স্থাপযেত্|" ইতি|

সর্বাঙ্গসুন্দরী ব্যাখ্যা ( কৃত)

স০-কষাযস্য যোনযঃ-আকরাঃ, লবণবর্জিতা মধুরাদযঃ পঞ্চ রসাঃ| তেভ্য এব কষাযাঃ-স্বরসাদযঃ, পঞ্চ সম্ভবন্তি| লবণস্য তু স্বরসকল্পনাযোগো ন সম্ভবতি, সদৈব শুষ্করূপত্বাত্| কল্ককল্পনাঽপি ন সম্ভবতি, যতো যদ্ দ্রব্যং দ্রবেণ সিক্তং পীণ্ডীভবতি ন তু বিলীযতে তত্ কল্কসংজ্ঞামাসাদযতি| তথা যদ্ দ্রব্যং ক্বাথযিত্বা জলাদুদ্ধ্রিযতে দ্রব্যাবযবাস্তূদকমনুপ্রবিশন্তি, তত্রৈব শৃতকল্পনা| লবণস্য তু বিলীনরূপত্বাদেবং ন সম্ভবতি ইতি শৃতকল্পনাযা অপ্যসম্ভবঃ| এবং শীতফাণ্টযোরপ্যনেনৈব ন্যাযেনাসম্ভব ইত্যুক্তং লবণবর্জ্যা রসাঃ কষাযযোনয ইতি| মুনিনাঽপ্যুক্তং (চ. সূ. অ. ৪/৬)-["কল্পনাবশতঃ পঞ্চানাং রসানাং কষাযসংজ্ঞাব্যবহার ইতি| লবণস্য কল্পনাযোগাভাবাত্ ] মধুরকষাযোঽম্লকষাযস্তিক্তকষাযঃ কটু কষাযঃ কষাযকষাযশ্চেতি|" ইতি| রসানাং স্বরসাদি কল্পনাযোগো ন সম্ভবতি| উক্তং চৈতত্| তস্মাত্ গুণগুণিনোরভেদোপচারাদিহ রসগ্রহণেন তদাশ্রযাণাং দ্রব্যাণাং গ্রহণং মন্তব্যম্| রসঃ কল্কঃ শৃতঃ শীতঃ ফাণ্টশ্চেতি প্রকল্পনা পঞ্চধৈব কষাযাণাং স্বরসাদীনাম্| সা চ কল্পনা পূর্বং পূর্বং-যথাপূর্বং, বলাধিকা-অধিকশক্তিঃ| এবং ফাণ্টাখ্যা কল্পনা সবলা| ততোঽপ্যধিকশক্তিঃ শীতাখ্যা| ততোঽপ্যধিকবীর্যা শৃতাখ্যা| ততোঽপ্যধিকশক্তিঃ কল্কাখ্যা| কল্কাখ্যাযাং চূর্ণাখ্যাযাশ্চ কল্পনাযা অন্তর্ভাবাদপৃথগ্গ্রহণম্| কল্কাখ্যাযাশ্চ কল্পনাযাঃ স্বরসাখ্যা কল্পনা অধিকশক্তিঃ| ননু, চূর্ণাদনন্তরং কল্কঃ ক্রিযতে ন তু কল্কাদনন্তরং চূর্ণম্| তস্মাত্ পঞ্চানাং কল্পনানাং মধ্যে চূর্ণকল্পনৈব নির্দেষ্টুং যুক্তা, ন তু কল্ককল্পনা| যুক্তমাহ ভবান্| কিন্তু লবণস্য কষাযসংজ্ঞাযাং সমাবেশো মাভূদিতি কল্পনানাং মধ্যে কল্ক ইতি নির্দেশঃ কৃতো ন চূর্ণ ইতি| তস্মাল্লবণে ন সম্ভবতি কষাযসংজ্ঞাসমাবেশঃ|

আযুর্বেদরসাযনম্ ব্যাখ্যা ( কৃত)

আ০ র০- কল্পনামাহ-কষাযযোনয ইতি| দ্রব্যাদুদ্ধৃতসারভাগঃ কষাযঃ| লবণস্য তদভাবত্বাদযোনিত্বম্| তে রসাদযো যথাপুর্বং বলবত্তরাঃ| [তন্ত্রান্তরে-"রসঃ ব্কাথো হিমঃ ফাণ্টঃ কল্কশ্চূর্ণং বিবর্তিকা| লেহঃ স্নেহোঽথ সন্ধানং দশৈতা দ্রব্যকল্পনাঃ|| সদ্যঃ সমুদ্ধৃতাত্ ক্ষুণ্ণাত্ পটনিষ্পীডিতাত্ স্ত্রবেত্| দ্রব্যাত্তু স চ নির্যাসো রসঃ স্বরস উচ্যতে|| দ্বিরষ্টপলিকে তোযে ক্ষুণ্ণদ্রব্যপলং স্মৃতম্| তুর্যশেষং স নির্যূহঃ স্মৃতঃ ব্কাথঃ কষাযকঃ|| শৃতঃ কষাযো নির্যূহঃ ক্বাথো যূষঃ কৃতশ্চ সঃ| কৃতযূষঃ প্রমথ্যা চ দ্রব্যাত্কালীকৃতা স্মৃতা|| দ্বিপল মানমেতস্য কেচিদাহুশ্চতুঃ| পলম্|" ইতি|]

সর্বাঙ্গসুন্দরী ব্যাখ্যা ( কৃত)

স০-সদ্যঃ-তত্ক্ষণং, সমভূমেঃ সম্যগুদ্ধৃতং-উত্খাতং, অনন্তরং ক্ষুণ্ণং-পিষ্টং, সদ্যঃসমুদ্ধৃতক্ষুণ্ণং, তস্মাদ্বস্ত্রপীডিতাদ্যঃ স্রবেত্ স স্বরসঃ কল্পনাকষাযঃ সমুদ্দিষ্টঃ-সংজ্ঞাযাং সঙ্কেতিতঃ|

আযুর্বেদরসাযনম্ ব্যাখ্যা ( কৃত)

আ০ র০- রসলক্ষণমাহ-সদ্য ইতি| যস্মিন্ দিনে সমুদ্ধৃতং তস্মিন্নেব দিনে প্রক্ষাল্য ক্ষুণ্ণং পটপীডিতং চ যদ্দ্রব্যং তস্য রসঃ|

সর্বাঙ্গসুন্দরী ব্যাখ্যা ( কৃত)

স০-দ্রবেণাঽঽপ্লুতঃ পিষ্টঃ সন্ কল্ক ইতি কল্পনাকষাযঃ সঙ্কেতিতঃ| যত্ দ্রব্যং দ্রবেণ অপ্লুতং-শুষ্কমেব পিষ্টং, স কল্পনাকষাযশ্চূর্ণ ইতি গদিতঃ| তেন কল্কস্যৈবাযং ভেদ ইতি, নাসৌ কল্পনেতি শঙ্কনীযম্|

আযুর্বেদরসাযনম্ ব্যাখ্যা ( কৃত)

আ০ র০- কল্কলক্ষণমাহ-কল্ক ইতি| শুষ্কং দ্রব্যং দ্রবেণাপ্লুত্য পিষ্টং কল্কঃ, অনাপ্লুত্য-চূর্ণঃ| সঙ্গ্রহে তু (ক. অ. ৮)- " উপলদশনাপিষ্টস্তু কল্কঃ| সূক্ষ্মতান্তবচ্যুতশ্চূর্ণঃ| তস্য সমস্তদ্রব্যাপরিত্যাগাদাপ্লুতোযোগাচ্চ কল্কাদভেদঃ| ইতি| দশনপেষণে লালৈব দ্রবঃ| কল্কস্য পেষণে পানে চাপ্লুতত্বম্| চূর্ণস্য পান এব| সমস্য্গ্রহণেঽপ্যশক্যপেষণস্য ত্যাগান্ন কষাযলক্ষণাভাবঃ|

সর্বাঙ্গসুন্দরী ব্যাখ্যা ( কৃত)

স০-যত্ দ্রব্যং দ্রবেণাঽঽপ্লুত্য শৃতং স কল্পনাকষাযঃ ক্বাথ ইতি কথ্যতে|

আযুর্বেদরসাযনম্ ব্যাখ্যা ( কৃত)

আ০ র০-শৃতলক্ষণমাহ-শৃত ইতি ক্বাথনোদ্ধৃতঃ শুষ্কদ্রব্যরসঃ-শৃতঃ| সঙ্গ্রহে তু (ক. অ. ৮)- " স তু ভেদ্যান্যৌ ষধান্যণুশো ভেদযিত্বা ছেদ্যানি চ ছেদযিত্বা প্রক্ষাল্যোদকেন শুচৌ রূক্ষাযামধঃ প্রলিত্পাযাং তাম্রাযোমৃন্মযান্যতমস্থাল্যাং সমাবাপ্য বব্হল্পপানীযগ্রাহিতামৌষধানামাকলয্য যাবতা মুক্তরসতা স্যাত্তাবদুদকমাসেচযেচ্ছোষযেচ্চ| অথাগ্নাবধিশ্রিত্য মহত্যাসনে সুখোপবিষ্টঃ সর্বতঃ সততমবলোকযন্ দর্ব্যা চ বিঘট্টযন্ মৃদুনা পরিতঃ সমুপগচ্ছতাঽনলেন সাধযেত্| অবতার্য চ সুপরিশ্রুতং যথার্হস্পর্শং প্রযুঞ্জীত| ক্ষীরাদিসহিতং চ দ্রব্যং ন সম্যঙ্নুক্তরসং ভবতীতি বারিক্বাথপূর্বকং ক্ষীরাদ্যৈস্তদুপদেশেঽনুপদগ্ধং ক্বাথযেত্|" ইতি| তদুপদেশে-ক্ষীরাদিব্কাথোপদেশে, বারিক্বাথং কৃত্বা তং ক্বাথং ক্ষীরাদ্যৈঃ সহ সমং ক্ষীরাদিশেষং ক্বাথযে| এবং হ্যনুপদগ্ধং দ্রব্যং ভবতি| কেবলক্ষীরাদিপাকে তূপদগ্ধং স্যাত্|

সর্বাঙ্গসুন্দরী ব্যাখ্যা ( কৃত)

স০-যত্ দ্রব্যং দ্রবে সকলাং রাত্রিং স্থিতং স কল্পনাকষাযঃ শীত ইত্যুচ্যতে|

আযুর্বেদরসাযনম্ ব্যাখ্যা ( কৃত)

আ০ র০- শীতলক্ষণমাহ-শীত ইতি| ক্বথনং বিনা ক্বাথবত্সকলরাত্রিস্থাপিতোদ্ধৃতঃ-শীতঃ|

সর্বাঙ্গসুন্দরী ব্যাখ্যা ( কৃত)

স০-যত্ দ্রব্যং দ্রবেঽভিষুত্য সদ্যঃ পূতং ক্রিযতে স কল্পনাকষাযঃ ফাণ্ট ইতি সঙ্কেতিতঃ|

আযুর্বেদরসাযনম্ ব্যাখ্যা ( কৃত)

আ০ র০- ফাণ্টলক্ষণমাহ-সদ্য ইতি| সদ্যঃ-আলোডনসমনন্তরমেব পূতঃ-ফাণ্টঃ| অভিষুতঃ-আলোডিতঃ| আলোডনং চোষ্ণোদকেন| উক্তং হি সঙ্গ্রহে (ক. অ. ৮)- "উষ্ণাম্ভসি ক্ষুণ্ণাভিষুতপূতং ফাণ্টঃ|" ইতি|

সর্বাঙ্গসুন্দরী ব্যাখ্যা ( কৃত)

স০-মানং চ কল্পনা চ মানকল্পনে, তেষাং-স্বরসাদীনাং, মানকল্পনে [তন্মানকল্পনে]| তে ব্যাধ্যাদিবলেন যুঞ্জযাত্| আদিশব্দেন কোষ্ঠবলাদীনাং গ্রহণম্| তত্র সম্যগ্রসবীর্যাদীন্ দোষধাত্বাদ্যালোচ্য প্রথমমনন্তরং ব্যাধ্যাদিবলং চ, ততঃ স্বরসাদীনাং মানকল্পনে যুঞ্জ্যাত্, ন নিযমং কৃত্বেত্যত আহ-তথা চ বচনং মুনেঃ| মাত্রাযা ন ব্যবস্থাঽস্তি ব্যাধিং কোষ্ঠং বলং বযঃ| আলোচ্য দেশকালৌ চ যোজ্যা তদ্বচ্চ কল্পনেতি|

আযুর্বেদরসাযনম্ ব্যাখ্যা ( কৃত)

আ০ র০- উক্তানাং কল্পনানাং বক্ষ্যমাণানাং চ মানানাং বিষভেদানাহ-তন্মানেতি| ব্যাধিবলানুসারেণ যা কল্পনাযযা মাত্রযা যস্যোচিতা তাং তযা তস্য যুঞ্জ্যাত্|

সর্বাঙ্গসুন্দরী ব্যাখ্যা ( কৃত)

স০-মধ্যমং মানং-মাত্রা, স্বরসস্য চতুষ্পলম্|

আযুর্বেদরসাযনম্ ব্যাখ্যা ( কৃত)

আ০ র০- মন্দবুদ্ধ্যর্থং মধ্যমং মানমুপদিশ্যতে| তত্র রসস্যাহ-মধ্যমিতি|

সর্বাঙ্গসুন্দরী ব্যাখ্যা ( কৃত)

স০-পেষ্যস্য-উভযরূপস্য কল্কস্য চূর্ণস্য বা, কর্ষং মধ্যমং মানম্| তচ্চ-পেষ্যস্য কর্ষং, দ্রবস্য পলত্রযে প্রক্ষিপ্যালোড্যম্|

আযুর্বেদরসাযনম্ ব্যাখ্যা ( কৃত)

আ০ র০- পেষ্যস্যাহ-পেষ্যস্যেতি| কল্কচূর্ণযোঃ কর্ষং তদাঽঽলোডনদ্রবস্য পলত্রযম্|

সর্বাঙ্গসুন্দরী ব্যাখ্যা ( কৃত)

স০-ক্বাথং দ্রব্যপলে, দ্রবস্য প্রকৃতত্বাত্ তস্য প্রস্থার্ধং দত্ত্বা, তচ্চ শ্রপণেন পাদশেষং কুর্যাত্|

আযুর্বেদরসাযনম্ ব্যাখ্যা ( কৃত)

আ০ র০- শৃতস্যাহ-ক্বাথমিতি| শৃতে ক্বাথ্যদ্রব্যস্য পলং দ্রবস্য ষোডশপলানি, চত্বার্যবশেষ্যাণি|

সর্বাঙ্গসুন্দরী ব্যাখ্যা ( কৃত)

স০- শীতং কষাযং পলে দ্রব্যস্য, ষড্ভিঃ পলৈর্দ্রবস্য, কুর্যাত্|

আযুর্বেদরসাযনম্ ব্যাখ্যা ( কৃত)

আ০ র০- শীতস্যাহ-শীতমিতি| শীতে দ্রব্যস্য পলং দ্রবস্য ষট্ পলানি|

সর্বাঙ্গসুন্দরী ব্যাখ্যা ( কৃত)

স০-ততঃ-শীতকষাযাত্, অপরং-ফাণ্টাখ্যং প্রকৃতত্বাত্ দ্রব্যস্য পলে চতুর্ভির্দ্রবস্য পলৈঃ কুর্যাত্| পঞ্চবিধাযাং কষাযকল্পনাযাং মধ্যমং মানম্| অস্মাচ্চ মানাত্ দেশকালাদীন্ সমীক্ষ্যোনাধিকভাবো মাত্রাযাঃ স্ববুদ্ধ্যা কল্প্যঃ|

আযুর্বেদরসাযনম্ ব্যাখ্যা ( কৃত)

আ০ র০- ফাণ্টস্যাহ-চতুর্ভিরিতি| ফাণ্টে দ্রব্যস্য পলং দ্রবস্য চত্বারি পলানি| অনযোরনবশেষ্যত্বং ক্বথনাভাবাত্, যাবত্পূতং তাবত্পেযম্| অত্র তন্ত্রান্তরোক্তো বিশেষঃ-"কর্ষশ্চূর্ণস্য কল্কস্য গুটিকানাং চ সর্বশঃ| দ্রবশুক্ত্যাঽবলেঢব্যঃ পাতব্যশ্চ চতুর্দ্রবঃ| ক্বাথেন চূর্ণপানং যত্তত্র ক্বাথপ্রধানতা প্রবর্ততে ন তেনাত্র চূর্ণাপেক্ষী চতুর্দ্রবঃ|| তেন দ্বিপলে ক্বাথে চূর্ণকর্ষঃ| মাত্রা ক্ষৌদ্রঘৃতাদীনাং কল্কক্বাথেষু চূর্ণবত্| আদিশব্দাত্ গুডতৈলশর্করাদীনি| ষোডশাষ্টচতুর্ভাগং বাতপিত্তকফার্তিষু| ক্ষৌদ্রং কষাযে দাতব্যং বিপরীতা তু শর্করা| ইত্যেকে|| উত্তমা স্যাত্ পলং মাত্রা ত্রিভিশ্চাক্ষৈশ্চ মধ্যমা| জঘন্যা সা পলার্দ্ধেন স্নেহক্বাথ্যৌষধেষু চ| দীপ্তানলমহাকাযং পাযযন্ত্যঞ্জলিং জলম্| অন্যে ত্বর্দ্ধং পরিত্যজ্য প্রসৃতিং তু চিকিত্সকাঃ| ক্বাথত্যাগমনিচ্ছন্তস্ত্বষ্টভাগাবশেষিতম্| পারংপর্যোপদেশেন বৃদ্ধবৈদ্যাঃ পলদ্বযম্|| স্যাদ্ধিতঃ সাধিতো যূষস্ত্বষ্টাদশগুণে জলে| চতুর্দশগুণে পেযা যবাগূঃ ষঙ্গুণে জলে|| শৃতং পঞ্চগুণে ভক্তং বিলেপী চ চতুর্গুণে| ক্বাথ্যদ্রব্যাঞ্জলিং ক্ষুণ্ণং শ্রপযিত্বা জলাঢকে| অর্দ্ধস্থিতেন তেনাত্র যবাগ্বাদ্যুপযোজযেত্| বৃদ্ধবৈদ্যাঃ পলং দ্রব্যম্ গ্রাহযন্ত্যাঢকেঽম্ভসি|| ভেষজস্যাতিবাহুল্যাত্ কদাচিদরুচির্ভবেত্| যদপ্সু শতশীতাসু ষডঙ্গাদি প্রযুজ্যতে| কর্ষমাত্রং ততোদ্রব্যং সাধযেত্প্রাস্থিকেঽম্ভসি| অর্ধস্থিতং প্রযোক্তব্যং পানেপেযাদিসংবিধৌ| কর্ষার্ধং বা কণাশুণ্ঠ্যোঃ কল্কদ্রব্যস্য বা পলম্| বিনীয পাচযেদ্যুক্ত্যা বারিপ্রস্থেন চাপরান্| অত্র দ্বাত্রিংশত্পলজলে ক্বাথ্যস্য কর্ষার্দ্ধং কর্ষঃ পলং বা তীক্ষ্ণসৌম্যাতিসৌম্যত্বে সতি, কণাশুণ্ট্যোরিতি ষডঙ্গাদীতি কল্কতিসৌম্যত্বে সতি, কণাশুণ্ঠ্যোরিতি ষডঙ্গাদীতি কল্কদ্রব্যস্যেতি পদৈস্তীক্ষ্ণাদীনাং গ্রহণাত্ যস্য কল্কোঽপ্যতিসৌম্যত্বাত্ পাতুং শক্যতে কিং পুনঃ ক্বাথস্তত্কল্কদ্রব্যস্য| অপরান্-সার্ধকর্ষদ্বিকর্ষাদীন্, যুক্ত্যা-তীক্ষ্ণাদ্যবান্তরবিশেষপর্যালোচনযা, পাচযেত্| আঢকেঽঞ্জলিঃ পলং বেত্যেতত প্রস্থে পলং কার্ষো বেত্যনেন গতার্থমপ্যরুচির্যথা ন স্যাত্ তথা কল্প্যমিত্যেবমর্থমুক্তম্| দ্রব্যাদষ্টগুণং ক্ষীরং ক্ষীরাত্তোযং চতুর্গুণম্| ক্ষীরাবশেষঃ কর্তব্যঃ ক্শীরপাকে ত্বযং বিধিঃ|| ন স্যান্মুক্তরসং সম্যগ্ দ্রব্যং ক্ষীরাদিভিঃ সহ| তন্নির্দেশে বারিপূর্বম্ পাদবত্সাধযেদ্ভিষক্|| পূর্বং ষোডশভাগং বারি চতুর্ভাগাবশেষং সাধযেত্, পশ্চাত্তেন বারিণা তুল্যানি ক্ষীরাদীন্যাবারিক্ষযাত্পচেত্| শুষ্কং দ্রব্যমুপাদায স্বরসানামসম্ভবে| বারি ণ্যষ্টগুণে সাধ্যং গ্রাহ্যং পাদাবশেষিতম্|| আঢকং দ্রব্যচূর্ণানামাসুতং সলিলাঢকে| অহোরাত্রস্থিতং কুর্যাত্স্বরসং স্বরসেঽসতি|| মৃদৌ চতুর্গুণং বারি কঠিনেঽষ্টগুণং স্মৃতম্| কঠিনাত্কঠিনং যত্তু তত্র ষোডশিকং জলম্|| মৃদ্বাদিক্বাথ্যসঙ্ঘাতে মানানুক্তৌ চিকিত্সকাঃ| মধ্যস্যোভযগামিত্বাদিচ্ছন্ত্যষ্টগুণং জলম্|| পাদশেষঃ স্নেহবিধৌ ক্বাথস্তোযে চতুর্গুণে|" ইতি|

সর্বাঙ্গসুন্দরী ব্যাখ্যা ( কৃত)

স০-স্নেহপাকে বিধাতব্যে কল্কস্নেহদ্রবাণামমানোক্তৌ-মান বচনস্য বিশিষ্টস্যানির্দেশে, চতুর্গুণবিবর্ধিতং কল্কস্নেহদ্রবং যোজ্যম্| কল্কশ্চ স্নেহশ্চ দ্রবশ্চ তেষাং সমাহারঃ কল্কস্নেহদ্রবম্| তদেবং কল্কাত্ স্নেহশ্চ্তুর্গুণঃ স্নেহাত্ দ্রবশ্চতুর্গুণ ইতি বোধ্যম্| পঞ্চপ্রভৃতি তু দ্রবং পৃথক্ স্নেহসমং দদ্যাদিত্যত্র যোজ্যমিতি|

আযুর্বেদরসাযনম্ ব্যাখ্যা ( কৃত)

আ০ র০- স্নেহপাকে মানমাহ-স্নেহপাক ইতি| কল্কাচ্চতুর্গুণঃ স্নেহঃ, স্নেহাচ্চতুর্গুণং দ্রবম্|

সর্বাঙ্গসুন্দরী ব্যাখ্যা ( কৃত)

স০-শৌনকাখ্যস্তু তন্ত্রকৃদধীতে-এবং পঠতি| স্নেহ ইত্যাদি| স্নেহঃ কদাচিচ্ছুদ্ধাম্বুনা পচ্যতে কদাচিন্নিঃক্বাথেন কদাচিত্স্বরসেনেতি| তৈঃ শুদ্ধাম্বুনিঃক্বাথস্বরসৈঃ স্নেহে সিদ্ধ্যতি সতি ক্রমেণ কল্কস্যাংশং চতুর্থং ষষ্ঠমষ্টমং যোজযেদিতি|

আযুর্বেদরসাযনম্ ব্যাখ্যা ( কৃত)

আ০ র০- শৌনকমতমাহ-অধীত ইতি| নিষ্ব্কাথে দ্রবে কল্কাত্ষঙ্গুণঃ স্নেহঃ, স্বরসেঽষ্টগুণঃ স্নেহঃ, অন্যত্র চতুর্গুণঃ| ক্ষীরাদিষু শুদ্ধাম্বুপ্রক্ষেপস্যাবকাশত্বাত্ রসব্কাথযোঃ পরস্পরমন্যৈর্বা সঙ্করে সামান্যপরিভাষাবিষযত্বাত্| সঙ্কীর্ণং হি দ্রবান্তরম্| "শণস্য কোবিদারস্য বৃষস্য ককুভস্য চ| কল্কাঢ্যাত্বাত্প্রশংসন্তি পুষ্পকল্কং চতুর্থকম্||" ইতি|

সর্বাঙ্গসুন্দরী ব্যাখ্যা ( কৃত)

স্০- স্নেহপাকলক্ষণমধুনা লক্ষযন্নাহ-

আযুর্বেদরসাযনম্ ব্যাখ্যা ( কৃত)

আ০ র০- বিশেষান্তরমাহ-পৃথক্ স্নেহসমমিতি| যত্র চতুর্ভ্যোঽধিকানি দ্রবাণি তত্র তু পরস্পরসাম্যেন মিলিতানি স্নেহাচ্চতুর্গুণানি| সঙ্গ্রহেঽপ্যুক্তম্ (ক. অ. ৮)- "সমুদিতদ্রবস্য পাদেন সেহো যোজ্যঃ|" ইতি| সর্বদ্রবাণাং যুগাপত্প্রক্ষেপঃ, অথৈকধ্যং প্রতি সংসৃজ্যাধিশ্রিত্য চ নির্যূহবত্সাধযেত্|" ইতি (ক. অ. ৮) সঙ্গ্রহবচনাত্| অনিরূপিতকল্পনং চ ভৈষজ্যং কল্কীকুর্যাত্| কল্কানুক্তৌ নিরূপিতকল্পনমিতি, " যতঃ ব্কাথস্ততঃ কষ্কঃ কেবলকাথভাষিতে|" ইতি বচনাত্|

সর্বাঙ্গসুন্দরী ব্যাখ্যা ( কৃত)

স০-কল্কবিষযেঽঙ্গুলিগ্রাহিত্বং যদা ন ভবতি, অগ্নৌ প্রক্ষিপ্তে বা স্নেহে সশব্দতা-চটচটাযিত্বং ন ভবতি, তথা বর্ণগন্ধরসস্পর্শানাং যদা সম্পত্-শুভত্বং স্যাত্, তদা-তস্মিন্ কালে, অশ্যামলচ্ছাযামন্তং স্নেহং শীঘ্রমাহরেত্| অগ্রিতঃ স্নেহস্য কটাহস্থিতস্য স কালোঽবতরণ ইত্যর্থঃ| অন্যদপি স্নেহপাকলক্ষণমস্তি-ঘৃতস্যেতি| ঘৃতাখ্যস্য স্নেহস্য সম্যক্পাকং প্রাপ্তস্য ফেনোপশমো যদা জাযতে, তৈলাখ্যস্য চ স্নেহস্য পচ্যমানস্য তদুদ্ভবঃ-ফেনোত্পত্তিঃ স্যাত্, তদা ঘৃততৈলযোঃ পাকো ভবতি|

আযুর্বেদরসাযনম্ ব্যাখ্যা ( কৃত)

আ০ র০- পব্কস্নেহহলক্ষণমাহ-নাঙ্গুলিগ্রাহিতেতি| উক্তং চ বৃন্দেন (জ্বরাধিকারে শ্লো ২৬৫)- "স্নেহকল্কো যদাঽঙ্গুল্যা বর্তিতো বর্তিবদ্ভবেত্| বহ্নৌ ক্ষিপ্তে চ নো শব্দস্তদা সিদ্ধং বিনির্দিশেত্|| শব্দস্যোপরমে প্রাত্পে ফেনস্যোপরমে তথা| গন্ধবর্ণরসানাং চ সম্পত্তৌ সিদ্ধ্মাদিশেত্|" ইতি| ঘৃততৈলযোঃফেনোপশমোদ্ভবৌ বিশেষৌ|

সর্বাঙ্গসুন্দরী ব্যাখ্যা ( কৃত)

স০-লেহস্য পাকং প্রাপ্তস্য তন্তুমত্তা-তন্তুপ্রাদুর্ভাবঃ পাকঃ| তথাঽপ্সু মজ্জনং পাকলক্ষণং সরণাসরণরূপতযা দ্বিধা সম্ভবত্যত ইদমাহ-সরণং ন চ| সর্বলেহস্যাপ্সু মজ্জনং ভবতি ন তু সরণং-অবযবশো গমনম্, তথাঽপি তস্য পাকঃ সম্পন্ন ইতি বেদ্যম্|

আযুর্বেদরসাযনম্ ব্যাখ্যা ( কৃত)

আ০ র০- পব্কেলেহলক্ষণমাহ-লেহস্যেতি| তন্তুমত্বমুদকমজ্জনমবিসরণং চ| স্নেহলেহৌক্বাথভেদৌ| তযোর্মানং "উত্তমাস্যাত্পলং মাত্রা" ইত্যাদিনোক্তম্, ক্বাথ্যৌষধশব্দেন লেহস্যাপি গ্রহণাত্|

সর্বাঙ্গসুন্দরী ব্যাখ্যা ( কৃত)

স০-পাকস্ত্রিপ্রকারো মন্দশ্চিক্কণঃ খরচিক্কণাখ্যঃ [ চ ]| স্নেহপাকবিধৌ কিট্টাখ্যে বস্তুজাতে কল্কসমে যথা কল্কোঽঙ্গুলিনাঽবষ্টভ্নাতি, তথা কিট্টেঽপি স্নেহপাকস্যাঙ্গুলিগ্রাহিতা ন ভবতি, স স্নেহপাকো মন্দ উচ্যতে| মদনোপমে কিট্টে সত্যেবমঙ্গুলিগ্রাহিণি স্নেহপাকস্য স চিক্কণঃ পাকঃ| কিঞ্চিত্-ঈষত্, কিট্টে সীদতি সতি তথা বর্ণতঃ কৃষ্ণে চ তস্মিন্, তথা বর্ত্য(র্তি)মানে-বর্তিমা(তাং)গচ্ছতি সতি, পশ্চিমঃ-খরচিক্কণাখ্যঃ পাকঃ| অতঃ অস্মাত্ খরচিক্কণাত্, ঊর্ধ্বং-অনন্তরং, দগ্ধো ভবতি স্নেহঃ| স চ নিষ্কার্যঃ স্যাত্-যথানিরূপিতকার্যকরণো ন ভবেত্, নির্বীর্যত্বাত্| আমঃ-ঈষত্পাকঃ স্নেহঃ, পুনরগ্নিসাদকৃত্|

আযুর্বেদরসাযনম্ ব্যাখ্যা ( কৃত)

আ০ র০- স্নেহপাকভেদানাহ-পাকস্ত্বিতি| তত্র কল্কসমে কিট্টে মন্দঃ| পাকেন স্নেহাত্পৃথগ্ভূতঃ কল্কঃ-কিট্টঃ| বৈবর্ণ্যাদ্যভাবাত্ কল্কসমত্বম্| মদনোপমে চিক্কণঃ| মদনং মধূচ্ছিষ্টম্| পশ্চিমঃ-খরচিক্কণঃ| সীদতি-ম্লাযতি| অত ঊর্ধ্ব-পশ্রিমাদূর্ধ্বম্ দগ্ধঃ, স চ নিষ্ফলঃ| মন্দাদর্বাক্-আমঃ, স চাগ্নিমান্দ্যকৄত্|

সর্বাঙ্গসুন্দরী ব্যাখ্যা ( কৃত)

স০-মৃদুঃ-মন্দপাকঃ স্নেহো, নস্যে-তদ্বিষযে, প্রযোজ্যঃ| খরঃ-খরচিক্কণঃ স্নেহঃ, অভ্যঙ্গে-তদ্বিষযে, প্রযোজ্যঃ| পানে তথা বস্তৌ-তদ্বিষযে, চিক্কণঃ প্রযোজ্যঃ|

আযুর্বেদরসাযনম্ ব্যাখ্যা ( কৃত)

আ০ র০- ত্রযাণাং বিষযভেদানাহ-মৃদুরিতি|

সর্বাঙ্গসুন্দরী ব্যাখ্যা ( কৃত)

স০-শাণাদযো বহপর্যন্তাঃ ক্রমেণ চতুর্গুণাঃ পাণিতলাদিসংজ্ঞা বেদ্যাঃ|

আযুর্বেদরসাযনম্ ব্যাখ্যা ( কৃত)

আ০ র০- মানভেদানাহ-শণমিতি| শাণাদযোঽষ্টৌ যথোত্তরং চতুর্গুণাঃ| শাণমানং তু সঙ্গ্রহেণোক্তম্ (ক.অ.৮)- "ষড্বংশ্যো-মরীচিঃ| তাঃ ষট্-সর্ষপঃ| তেঽষ্টৌ-তণ্ডুলঃ| তৌ-ধান্যমাষঃ| তৌ-যবঃ| অতঃ পরং চতুর্গুণবৃচ্যা অণ্ডিকামাষকশাণাঃ|" ইতি| বংশী-বংশরন্ধ্রপ্রবিষ্টরশ্মিস্থং রজঃ|

সর্বাঙ্গসুন্দরী ব্যাখ্যা ( কৃত)

স০-শুষ্কার্দ্রযোরেকস্মিন্ যোগে তুল্যপরিমাণেন নির্দিষ্টযোঃ শুষ্কদ্রব্যাদার্দ্রং দ্রব্যং দ্বিগুণং দত্ত্বা যোজযেত্| শুষ্কার্দ্রযোর্বা দ্রব্যযোস্তুল্যপরিমাণনির্দিষ্টযোঃ শুষ্কদ্রব্যাভাবে সত্যার্দ্রং দ্রব্যং দ্বিগুণং কৃত্বা যোজযেত্| শুষ্কদ্রবদ্রব্যযযোরেকস্মিন্ যোগে তুল্যপরিমাণেন নির্দিষ্টযোঃ শুষ্কদ্রব্যাত্ দ্রবদ্রব্যম্ কুডবাদিপরিমাণ সংজ্ঞযা নির্দিষ্টং দ্বিগুণং কৃত্বা যোজযেত্|

আযুর্বেদরসাযনম্ ব্যাখ্যা ( কৃত)

আ০ র০- আর্দ্রদ্রবযোর্বিশেষমাহ-দ্বিগুণমিতি| আদ্রং ত্বৌষধং দ্বিগুণং যোজযেত্, পলমিত্যুক্তে পলদ্বযম্| কুডবাদি দ্রবং চ, কুডবৈত্যুক্তে কুডবদ্বযম্| " বাসাকুটজকূষ্মাণ্ডশতপুষ্পাসহাচরাঃ| নিত্যমার্দ্রাঃ প্রযোক্তব্যা মানতো দ্বিগুণা ন তে||" ইত্যেকে|

সর্বাঙ্গসুন্দরী ব্যাখ্যা ( কৃত)

স০-নির্দ্রবে-অনুক্তদ্রবে, পেষণালোডনার্থং বারি যোজযেত্| স্নেহপাকে চানুক্তদ্রবে বার্যেব যোজযেত্| যত্র যত্র প্রযোগে দ্রব্যাণাং পরিমাণং বিশিষ্টং নোক্তং তত্র তত্র দ্রব্যাণাং সদৃশান্ ভাগান্ কল্পযেত্|

আযুর্বেদরসাযনম্ ব্যাখ্যা ( কৃত)

আ০ র০- অনুক্তজ্ঞানার্থমাহ-পেষণালোডন ইতি| পেষণালোডনস্নেহপাকেষ্বনুক্তদ্রবেষু বারি যোজ্যম্| প্রমাণানুক্তৌ সমভাগত্বম্| কল্পনানুক্তৌ কল্কঃ| অঙ্গানুক্তৌ মূলম্| অপ্রসিদ্ধৌ তদেব| যথা-হরীতকীত্যুক্তে ফলম্| " অনির্দিষ্টাপ্রসিদ্ধেষু মূলং গ্রাহ্যং ত্বগাদিষু|" ইতি (ক. অ. ৮) সঙ্গ্রহবচনাত্|

সর্বাঙ্গসুন্দরী ব্যাখ্যা ( কৃত)

স০-দ্বৌ শাণৌ বটকঃ কোলং বদরং দ্রংক্ষণশ্চেত্যত্র শব্দান্যত্বম্, ন তু তত্ত্বতো ভেদঃ| তৌ দ্বৌ দ্রংক্ষণাবক্ষং তথা পিচুস্তথা পাণিতলং তথা সুবর্ণং তথা কবলগ্রহস্তথা কর্ষস্তথা বিডালপদং তথা তিন্দুকস্তথা পাণিমানিকা, ইত্যত্রাভিন্নেঽর্থে শব্দানেকত্বম্| তথা দ্বৌ পিচূ শক্তিস্তথাঽষ্টমিকা, ইত্যত্রাপি শব্দান্যত্বমর্থস্যৈক্যে সতি| পলং প্রকুঞ্চো বিল্বং চ মুষ্টিরাম্রং চতুর্থিকা, ইত্যত্রাপি শব্দানাং বৈলক্ষণ্যে সতি নার্থতো ভেদঃ| দ্বে পলে প্রসৃত ইত্যুচ্যতে| তৌ দ্বৌ প্রসৃতাবঞ্জলিঃ কথ্যতে| তৌ দ্বাবঞ্জলী মানিকা,- অষ্টৌ পলানীত্যেব| আঢকাদীনাং শব্দনাং স্বরূপতো ভিন্নানাং নার্থতো ভেদঃ| তথৈব দ্রোণাদীনাং শব্দানাম্| পলশতং তুলা নিগদ্যতে| তানি-পলশতনি, বিংশতির্ভার উচ্যতে| ক্বাথাদীনাং তূত্তমাদিমাত্রাঃ সঙ্গ্রহাদবধার্যাঃ| সঙ্গ্রহে ত্বেবং পঠ্যতে (ক. অ. ৮)- "ক্বাথো নির্যূহঃ| তত্র ভেদ্যান্যৌষধান্যণুশো ভেদযিত্বা ছেদ্যানি চ ছেদযিত্বা প্রক্ষাল্যোদকেন শুচৌ রূক্ষাযামধঃপ্রলিপ্তাযাং তাম্রাযোমৃন্মযাদ্যন্যতমাযাং স্থাল্যাং সমাবাপ্য বহ্বল্পপানীযগ্রাহিতামৌষধানামাকলয্য যাবতা মুক্তরসতা স্যাত্ তাবদুদকমাসেচযেচ্ছোষযেচ্চ| [অগ্রাবধিশ্রযেত্| যাবন্মাত্রোদকদানে তথা তদবশিষ্টত্বে চ তত্র নিযমসামর্থ্যাত্ ক্বাথ্যদ্রব্যপরিমাণস্য| অত্রেযত্পরিমাণানি দ্রব্যাণি, উদকমিযত্প্রমাণং, তদবশিষ্টতা চেযত্প্রমাণা, ইতি ন নিযমোক্তিরেবংবিধা বিদ্যতে| কিং তর্হি? অভ্যূহনীযমেতত্সর্বমিতি| অত্র বিধিঃ|] অথাগ্নাবধিশ্রিত্য মহত্যাসনে সুখোপবিষ্টঃ সর্বতঃ সততমবলোকযন্ দর্ব্যা চ বিঘট্টযন্ মৃদুনা চ পরিতঃ সমুপগচ্ছতাঽনলেন সাধযেত্| অবতার্য চ সুপরিস্রুতং যথার্হস্পর্শং প্রযুঞ্জীত| ক্ষীরাদিসহিতং চ দ্রব্যং ন সম্যঙ্মুক্তরসং ভবতীতি বারিক্বাথপূর্বকং ক্ষীরাদ্যৈস্তদুপদেশেঽনুপদগ্ধং ক্বাথযেত্| শীতসলিলাপ্লুতং তু নিশাপর্যুষিতং পূতং শীতঃ কষাযঃ| উষ্ণাম্ভসি ক্ষুণ্ণাভিষুতঃ পূতঃ ফাণ্ট ইতি| তত্র সম্যগ্রসবীর্যাদীন্যৌষধস্য সমীক্ষ্য ব্যাধ্যাতুরাদিবলতশ্চ নির্যাসাদীনাং কল্পনাং মাত্রাং চ সংপ্রযোজযেত্| তথা চ কেচিদাহুঃ| মাত্রাযা ন ব্যবস্থাঽস্তি ব্যাধিং কোষ্ঠং বলং বযঃ| আলোচ্য দেশকালৌ চ ভৈষজ্যমবচারযেত্|| [ এবং চ সর্বমভ্যূহ্যাত্র কর্তব্যং নিশ্চিতং কৃত্বোক্তেন বিধিনেতি| ] এতদেবমুপদিষ্টং বুদ্ধিমতাং জ্ঞানপ্রবোধায| যথা তু সর্বে ভিষজো বিজ্ঞাস্যন্তি তথৈবোপদেক্ষ্যত ইতি| নির্যাসে মধ্যমা মাত্রা চতুষ্পলম্| কল্কচূর্ণযোঃ কর্ষঃ পলত্রযং তদালোডনে| নির্যূহে ভেষজপলমুদকার্ধপ্রস্থেঽধিশত্য পাদশেষমবতারযেত্| শীতফাণ্টযোরৌষধপলং ষড্ভিশ্চতুর্ভিরম্বুপলৈরাসুতমিতি|" ইতি| তথা শাণপরিমাণস্য পাণিতলবাচকস্য [ চ ] কিমপি পরিমাণং নোক্তং যেনাসৌ [ ন ] পরিচ্ছিদ্যত ইতি ন বাচ্যম্, সঙ্গ্রহে তত্পরিমাণস্যোক্তত্বাত্| তত্র হ্যেবমুক্তম্ ( সং.ক.অ.৮)-"ষড্বংশ্যো মরীচী| তাঃ ষট্ মরীচ্যঃ সর্ষপ উচ্যতে| অষ্টৌ সর্ষপাস্তণ্ডুলঃ| তৌ দ্বৌ তণ্ডুলাবেকো ধান্যমাষঃ| তৌ দ্বৌ ধান্যমাষৌ যবঃ| অতঃ পরং চতুর্গুণবৃধ্দ্যাঽণ্ডিকামাষকশাণকর্ষপলকুডবপ্রস্থাঢকদ্রোণবহাঃ কল্প্যন্তে| [ এবং চতুর্ভির্মাষকৈঃ শাণস্য পরিমাণং পরিচ্ছিদ্যতে| ] ধরণং তু পলস্য দশমো ভাগঃ| মাষকস্য তু পর্যাযো হেমঃ| কর্ষস্য ষোডশিকা| আঢকস্য তু পর্যাযাঃ কংসঃ পাত্রং ভাজনং চ| দ্রোণস্য পর্যাযো নল্বণঃ, তথা অর্মণঃ, তথোন্মানঃ, তথা ঘটঃ কুম্ভঃ কলশশ্চ| দ্রোণদ্বযস্য চ শূর্পঃ|" ইতি|

আযুর্বেদরসাযনম্ ব্যাখ্যা ( কৃত)

আ০ র০- সংজ্ঞান্তরমাহ-দ্বৌ শাণাবিতি| শাণদ্বযস্য বটকাদযশ্চতস্ত্রঃ সংজ্ঞাঃ| বটকদ্বযস্যাক্ষাদযো নব ষোডশিকা চ| পলদ্বযস্য প্রসৃতঃ| প্রসৃতদ্বযস্যাঞ্জলিঃ কুডবশ্চ| অঞ্জলিদ্বযস্য মানিকা| আঢকাদযস্তিস্ত্র একার্থাঃ| দ্রোণাদযশ্চতস্ত্রঃ [চ্]| পলশতং-তুলা| বিংশতিস্তু ভারঃ| সঙ্গ্রহে তু (ক. অ. ৮)- "ধরণং তু পলস্য দশমো ভাগঃ| মাষকস্য পর্যাযো হেমো ধানকশ্চ| পলদ্বযস্যাষ্টমানম্| দ্রোণদ্বযস্য শূর্পঃ|" ইতি|

সর্বাঙ্গসুন্দরী ব্যাখ্যা ( কৃত)

স০-হিমবত্পর্বতেন বিন্ধ্যশৈলেন চ বাহুল্যেন বসুন্ধরা ব্যাপ্তা| তত্র-তযোর্মধ্যাত্, আদ্যং-হৈমবতমৌষধং, সৌম্যং পথ্যং চ স্বভাবাদ্ভবতি| বৈন্ধ্যং চৌষধমাগ্নেযং-ন তথা দেহস্য সদা পথ্যং, স্যাদিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং পঞ্চমে কল্পসিদ্ধিস্থানে দ্রব্যকল্পো নাম ষষ্ঠোঽধ্যাযঃ সমাপ্তঃ|| ৬||

আযুর্বেদরসাযনম্ ব্যাখ্যা ( কৃত)

আ০ র০- শৈলভেদাদ্দ্রব্যবিশেষমাহ-হিমবদিতি| ইতি হেমাদ্রিটীকাযামাযুর্বেদরসাযনে| দ্রব্যকল্পপ্রকরণং সামস্ত্যেন নিরূপিতম্||