Adhikarana ১ (১-২) · Śloka ২
অথাতো দ্বিব্রণীযং চিকিত্সিতং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो द्विव्रणीयं चिकित्सितं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
শারীরানন্তরং চিকিত্সাস্থানমারভ্যতে| দ্বৌ ব্রণাবধিকৃত্য কৃতং দ্বিব্রণীযম্| চিকিত্সিতং বিকারপ্রতীকারঃ||১-২||
Adhikarana ২ (৩) · Śloka ৩
দ্বৌ ব্রণৌ ভবতঃ- শারীর, আগন্তুশ্চ | তযোঃ শারীরঃ পবনপিত্তকফশোণিতসন্নিপাতনিমিত্তঃ; আগন্তুরপি পুরুষপশুপক্ষিব্যালসরীসৃপপ্রপতনপীডনপ্রহারাগ্নিক্ষারবিষতীক্ষ্ণৌষধশকলকপালশৃঙ্গ- চক্রেষুপরশুশক্তিকুন্তাদ্যাযুধাভিঘাতনিমিত্তঃ | তত্র তুল্যে ব্রণসামান্যে দ্বিকারণোত্থানপ্রযোজনসামর্থ্যাদ্ ‘দ্বিব্রণীয’ ইত্যুচ্যতে ||৩||
द्वौ व्रणौ भवतः- शारीर, आगन्तुश्च | तयोः शारीरः पवनपित्तकफशोणितसन्निपातनिमित्तः; आगन्तुरपि पुरुषपशुपक्षिव्यालसरीसृपप्रपतनपीडनप्रहाराग्निक्षारविषतीक्ष्णौषधशकलकपालशृङ्ग- चक्रेषुपरशुशक्तिकुन्ताद्यायुधाभिघातनिमित्तः | तत्र तुल्ये व्रणसामान्ये द्विकारणोत्थानप्रयोजनसामर्थ्याद् ‘द्विव्रणीय’ इत्युच्यते ||३||
🔊 Audio coming soon
কথং দ্বৌ ব্রণৌ ভবত ইত্যাহ- শারীর আগন্তুশ্চ; অত্র কেচিত্ ‘শরীরসমুত্থশ্চ, আগন্তুশ্চ’ ইতি পঠন্তি, ব্যাখ্যানযন্তি চ- উভযত্র চকারকরণমুভযোশ্চ ব্যাকরণমুভযোঃ পরস্পরানুবন্ধসূচনার্থম্| অভিঘাতশব্দঃ পুরুষাদিভিঃ প্রত্যেকং সম্বন্ধনীযঃ| পশবো গোমহিষাদযঃ, মৃগা এণাদযঃ, পক্ষিণঃ কাককঙ্কগৃধ্রাদযঃ, ব্যালা ব্যাঘ্রাদযো দুষ্টজীবাঃ, সরীসৃপাঃ কৃষ্ণসর্পাদযো মীনমকরৌ চ, প্রপতনং প্রকর্ষেণ পতনং, প্রহারো লগুডাদিকুট্টনং, তীক্ষ্ণৌষধানি চিরবিল্বচিত্রকাদীনি, শকলং কাষ্ঠাদীনাং খণ্ডং, কপালং ঘটাদীনাং কর্পরং, চক্রমাযুধবিশেষঃ স্বনামখ্যাতঃ, ইষুর্বাণঃ, পরশুরাযুধবিশেষঃ কুঠারাকারঃ, শক্তিরাযুধবিশেষস্ত্রিমুখী, কুন্তঃ প্রসিদ্ধঃ; আদিশব্দাত্ খঙ্গাদযঃ| ব্রণসামান্যং ব্রণজাতির্ব্রণত্বমিত্যর্থঃ; তস্মিংস্তুল্যে সত্যপি দ্বিকারণোত্থানপ্রযোজনসামর্থ্যাদ্ ‘দ্বিব্রণীয’ ইত্যুচ্যতে; দ্বিকারণং দ্বিহেতুকং যদুত্থানমুত্পত্তিঃ, তস্য প্রযোজনং শীতক্রিযাদি, তস্য সামর্থ্যং শক্তিঃ, তস্মাদ্ ‘দ্বিব্রণীয’ ইত্যুচ্যতে||৩||
Adhikarana ৩ (৪) · Śloka ৪
সর্বস্মিন্নেবাগন্তুব্রণে তত্কালমেব ক্ষতোষ্মণঃ প্রসৃতস্যোপশমার্থং পিত্তবচ্ছীতক্রিযাবচারণবিধিবিশেষঃ সন্ধানার্থং চ মধুঘৃতপ্রযোগ ইত্যেতদ্দ্বিকারণোত্থানপ্রযোজনম্, উত্তরকালং তু দোষোপপ্লববিশেষাচ্ছারীরবত্ প্রতীকারঃ ||৪||
सर्वस्मिन्नेवागन्तुव्रणे तत्कालमेव क्षतोष्मणः प्रसृतस्योपशमार्थं पित्तवच्छीतक्रियावचारणविधिविशेषः सन्धानार्थं च मधुघृतप्रयोग इत्येतद्द्विकारणोत्थानप्रयोजनम्, उत्तरकालं तु दोषोपप्लवविशेषाच्छारीरवत् प्रतीकारः ||४||
🔊 Audio coming soon
অথাগন্তুব্রণস্য কর্মবিশেষযোজনং দর্শযন্নাহ- সর্বস্মিন্নিত্যাদি| তত্কালমেবেতি যত্কালমেবাভিঘাতাত্ ক্ষতমুত্পদ্যতে তস্মিন্নেব কালে| ক্ষতোষ্মণ ইতি ঊষ্মা প্রহারসঙ্ঘট্টজনিতং তেজঃ| প্রসৃতস্য বিস্তৃতস্য| বিধিবিশেষো বিধানভেদঃ| হেতুপ্রত্যনীকং কর্মাভিধায ব্যাধিপ্রত্যনীকং দর্শযন্নাহ- সন্ধানার্থং চেত্যাদি| চকারঃ ক্ষতোষ্মণো নির্বাপণার্থং তথা মার্গাবরোধক্রুদ্ধবাতরক্তশমনার্থং চ| বক্ষ্যমাণশারীরব্রণোত্থানপ্রযোজনং মনসি সম্প্রধার্যাহ- এতদ্বিকারণোত্থানপ্রযোজনমিতি| উত্তরকালমিতি সপ্তাহাদূর্ধ্বমিত্যর্থঃ; যতঃ সদ্যোব্রণত্বং সপ্তাহমেব| দোষোপপ্লববিশেষাদিতি দোষৈরনিলাদিভিরুপপ্লবো দূষণং তদ্ভেদাত্||৪||
Adhikarana ৪ (৫) · Śloka ৫
দোষোপপ্লববিশেষঃ পুনঃ সমাসতঃ পঞ্চদশপ্রকারঃ, প্রসরণসামর্থ্যাত্, যথোক্তো ব্রণপ্রশ্নাধিকারে; শুদ্ধত্বাত্ ষোডশপ্রকার ইত্যেকে ||৫||
दोषोपप्लवविशेषः पुनः समासतः पञ्चदशप्रकारः, प्रसरणसामर्थ्यात्, यथोक्तो व्रणप्रश्नाधिकारे; शुद्धत्वात् षोडशप्रकार इत्येके ||५||
🔊 Audio coming soon
দোষোপপ্লববিশেষং দর্শযন্নাহ- দোষেত্যাদি| সমাসতঃ সঙ্ক্ষেপতঃ; বাতাদীনাং শোণিতচতুর্থানাং পৃথগন্যোন্যসংসর্গেণ পঞ্চদশভেদাঃ; বিস্তরঃ পুনরেষাং ধাতুমলসংসর্গজোঽপরিসঙ্খ্যেযঃ| শুদ্ধত্বাদিতি পঞ্চদশপ্রকারদোষোপপ্লবযুক্তত্বাত্ পঞ্চদশপ্রকারো ব্রণঃ, ষোডশশ্চ শুদ্ধঃ সকলদোষোপপ্লবরহিতো ব্রণ ইত্যর্থঃ||৫||
Adhikarana ৫ (৬) · Śloka ৬
তস্য লক্ষণং দ্বিবিধং- সামান্যং, বৈশেষিকং চ | তত্র সামান্যং রুক্ | ‘ব্রণ’ গাত্রবিচূর্ণনে, ব্রণযতীতি ব্রণঃ | বিশেষলক্ষণং পুনর্বাতাদিলিঙ্গবিশেষঃ ||৬||
तस्य लक्षणं द्विविधं- सामान्यं, वैशेषिकं च | तत्र सामान्यं रुक् | ‘व्रण’ गात्रविचूर्णने, व्रणयतीति व्रणः | विशेषलक्षणं पुनर्वातादिलिङ्गविशेषः ||६||
🔊 Audio coming soon
ইদানীং ব্রণস্য শুদ্ধাশুদ্ধভেদেন লক্ষণদ্বৈবিধ্যমাহ- তস্য লক্ষণমিত্যাদি| তস্য ব্রণস্যেত্যর্থঃ| সামান্যলক্ষণং ব্রণস্য কিমিত্যাহ- তত্র সামান্যং রুগিতি; রুক্ পীডামাত্রমিত্যর্থঃ| ব্রণস্য ব্যুত্পত্তিমাহ- ‘ব্রণ’ গাত্রবিচূর্ণনে ইত্যেবং ধাতুঃ, গাত্রবিবর্ণনমিত্যস্যার্থঃ| ব্রণযতীতি গাত্রবৈবর্ণ্যং করোতীত্যর্থঃ| এতেনাদোষলিঙ্গাধিষ্ঠিতো রোপণচিকিত্সাবিষযঃ শুদ্ধ এব ব্রণ উক্তঃ| বিশেষলক্ষণমাহ- বিশেষলক্ষণমিত্যাদি| অযমশুদ্ধো ব্রণ উক্তঃ||৬||
Adhikarana ৬ (৭) · Śloka ৭
তত্র শ্যাবারুণাভস্তনুঃ শীতঃ পিচ্ছিলোঽল্পস্রাবী রূক্ষশ্চটচটাযনশীলঃ স্ফুরণাযামতোদভেদবেদনাবহুলো নির্মাংসশ্চেতি বাতাত্, ক্ষিপ্রজঃ পীতনীলাভঃ কিংশুকোদকাভোষ্ণস্রাবী দাহপাকরাগবিকারকারী পীতপিডকাজুষ্টশ্চেতি পিত্তাত্, প্রততচণ্ডকণ্ডূবহুলঃ স্থূলৌষ্ঠঃ স্তব্ধসিরাস্নাযুজালাবততঃ কঠিনঃ পাণ্ড্ববভাসো মন্দবেদনঃ শুক্লশীতসান্দ্রপিচ্ছিলাস্রাবী গুরুশ্চেতি কফাত্, প্রবালদলনিচযপ্রকাশঃ কৃষ্ণস্ফোটপিডকাজালোপচিতস্তুরঙ্গস্থানগন্ধিঃ সবেদনো ধূমাযনশীলো রক্তস্রাবী পিত্তলিঙ্গশ্চেতি রক্তাত্, তোদদাহধূমাযনপ্রাযঃ পীতারুণাভস্তদ্বর্ণস্রাবী চেতি বাতপিত্তাভ্যাং, কণ্ডূযনশীলঃ সনিস্তোদো রূক্ষো গুরুর্দারুণো মুহুর্মুহুঃ শীতপিচ্ছিলাল্পস্রাবী চেতি বাতশ্লেষ্মভ্যাং, গুরুঃ সদাহ উষ্ণঃ পীতপাণ্ডুস্রাবী চেতি পিত্তশ্লেষ্মভ্যাং, রূক্ষস্তনুস্তোদবহুলঃ সুপ্ত ইব চ রক্তারুণাভস্তদ্বর্ণাস্রাবী চেতি বাতশোণিতাভ্যাং, ঘৃতমণ্ডাভো মীনধাবনতোযগন্ধির্মৃদুর্বিসর্প্যুষ্ণকৃষ্ণস্রাবী চেতি পিত্তশোণিতাভ্যাং, রক্তো গুরুঃ স্নিগ্ধঃ পিচ্ছিলঃ কণ্ডূপ্রাযঃ স্থিরো সরক্তপাণ্ডুস্রাবী চেতি শ্লেষ্মশোণিতাভ্যাং, স্ফুরণতোদদাহধূমাযনপ্রাযঃ পীততনুরক্তস্রাবী চেতি বাতপিত্তশোণিতেভ্যঃ, কণ্ডূস্ফুরণচুমচুমাযমানপ্রাযঃ পাণ্ডুঘনরক্তাস্রাবী চেতি বাতশ্লেষ্মশোণিতেভ্যঃ, দাহপাকরাগকণ্ডূপ্রাযঃ পাণ্ডুঘনরক্তাস্রাবী চেতি পিত্তশ্লেষ্মশোণিতেভ্যঃ, ত্রিবিধবর্ণবেদনাস্রাববিশেষোপেতঃ পবনপিত্তকফেভ্যঃ, নির্দহননির্মথনস্ফুরণতোদদাহপাকরাগকণ্ডূস্বাপবহুলো নানাবর্ণবেদনাস্রাববিশেষোপেতঃ পবনপিত্তকফশোণিতেভ্যঃ, জিহ্বাতলাভো মৃদুঃ স্নিগ্ধঃ শ্লক্ষ্ণো বিগতবেদনঃ সুব্যবস্থিতো নিরাস্রাবশ্চেতি শুদ্ধো ব্রণ ইতি ||৭||
तत्र श्यावारुणाभस्तनुः शीतः पिच्छिलोऽल्पस्रावी रूक्षश्चटचटायनशीलः स्फुरणायामतोदभेदवेदनाबहुलो निर्मांसश्चेति वातात्, क्षिप्रजः पीतनीलाभः किंशुकोदकाभोष्णस्रावी दाहपाकरागविकारकारी पीतपिडकाजुष्टश्चेति पित्तात्, प्रततचण्डकण्डूबहुलः स्थूलौष्ठः स्तब्धसिरास्नायुजालावततः कठिनः पाण्ड्ववभासो मन्दवेदनः शुक्लशीतसान्द्रपिच्छिलास्रावी गुरुश्चेति कफात्, प्रवालदलनिचयप्रकाशः कृष्णस्फोटपिडकाजालोपचितस्तुरङ्गस्थानगन्धिः सवेदनो धूमायनशीलो रक्तस्रावी पित्तलिङ्गश्चेति रक्तात्, तोददाहधूमायनप्रायः पीतारुणाभस्तद्वर्णस्रावी चेति वातपित्ताभ्यां, कण्डूयनशीलः सनिस्तोदो रूक्षो गुरुर्दारुणो मुहुर्मुहुः शीतपिच्छिलाल्पस्रावी चेति वातश्लेष्मभ्यां, गुरुः सदाह उष्णः पीतपाण्डुस्रावी चेति पित्तश्लेष्मभ्यां, रूक्षस्तनुस्तोदबहुलः सुप्त इव च रक्तारुणाभस्तद्वर्णास्रावी चेति वातशोणिताभ्यां, घृतमण्डाभो मीनधावनतोयगन्धिर्मृदुर्विसर्प्युष्णकृष्णस्रावी चेति पित्तशोणिताभ्यां, रक्तो गुरुः स्निग्धः पिच्छिलः कण्डूप्रायः स्थिरो सरक्तपाण्डुस्रावी चेति श्लेष्मशोणिताभ्यां, स्फुरणतोददाहधूमायनप्रायः पीततनुरक्तस्रावी चेति वातपित्तशोणितेभ्यः, कण्डूस्फुरणचुमचुमायमानप्रायः पाण्डुघनरक्तास्रावी चेति वातश्लेष्मशोणितेभ्यः, दाहपाकरागकण्डूप्रायः पाण्डुघनरक्तास्रावी चेति पित्तश्लेष्मशोणितेभ्यः, त्रिविधवर्णवेदनास्रावविशेषोपेतः पवनपित्तकफेभ्यः, निर्दहननिर्मथनस्फुरणतोददाहपाकरागकण्डूस्वापबहुलो नानावर्णवेदनास्रावविशेषोपेतः पवनपित्तकफशोणितेभ्यः, जिह्वातलाभो मृदुः स्निग्धः श्लक्ष्णो विगतवेदनः सुव्यवस्थितो निरास्रावश्चेति शुद्धो व्रण इति ||७||
🔊 Audio coming soon
ইদানীং বাতাদিব্রণলক্ষণমাহ- তত্রেত্যাদি| চটচটাযনশীলঃ চটচটাযনস্বভাবঃ| চটচটাযনাদযো বেদনাবিশেষাঃ| স্ফুরণং পুনঃ পুনশ্চলনম্, আযামঃ সঙ্কুচিতাঙ্গদেশস্য দীর্ঘীকরণমিব, তোদঃ সূচীভিরিব, ভেদনং ত্বগ্বিদারণমিব| ক্ষিপ্রজঃ শীঘ্রজন্মা| কিংশুকোদকাভোষ্ণস্রাবী কিংশুকসুমনঃপ্রক্ষালনসলিলসদৃশোষ্ণস্রবণশীল ইত্যর্থঃ| প্রততচণ্ডকণ্ডূবহুলঃ বিশালকণ্ডূযনপ্রাযঃ| স্থূলৌষ্ঠঃ বিশালোন্নতব্রণবর্ত্মেত্যর্থঃ| স্তব্ধসিরাস্নাযুজালাবততঃ অমৃদুসিরাস্নাযুসমূহেন বদ্ধ ইত্যর্থঃ| প্রবালদলনিচযপ্রকাশঃ প্রবালখণ্ডসমূহসদৃশঃ; প্রবালো বিদ্রুমঃ, স চ সমুদ্রজাতোঽত্যন্তরক্তো বল্লীবিশেষঃ| কৃষ্ণস্ফোটপিডিকাজালোপচিত ইতি কৃষ্ণস্ফোটপিডকাসমূহব্যাপ্তঃ| তুরঙ্গস্থানগন্ধিঃ তীক্ষ্ণক্ষারগন্ধিঃ| ধূমাযনশীলঃ প্রকর্ষেণ ধূমোদ্বমনমিব কর্তুং শীলঃ| তোদেত্যাদি| তদ্বর্ণস্রাবী অত্রানুক্তপরিশিষ্টেন বাতপিত্তযোর্বর্ণেন স্রাবেণ চ যুক্ত ইত্যর্থঃ| কণ্ডূযনেত্যাদি| সনিস্তোদো ব্যথাযুক্তঃ| দারুণঃ কঠিনঃ| রূক্ষেত্যাদি| সুপ্ত ইবেতি অজ্ঞাযমানস্পর্শ ইব| তদ্বর্ণাস্রাবীতি অত্রানুক্তপরিশিষ্টেন তযোর্বাতশোণিতযোর্বর্ণেন স্রাবেণ চ যুক্ত ইত্যর্থঃ| ঘৃতমণ্ডো ঘৃতস্যোপরিস্থোঽচ্ছো ভাগো মণ্ডঃ| মীনধাবনতোযগন্ধিঃ মত্স্যপ্রক্ষালনোদকগন্ধিঃ, বিস্রগন্ধিরিত্যর্থঃ| কণ্ড্বিত্যাদি| চুমচুমাযমানং রাজিকাসর্ষপলিপ্ত ইব বেদনা| নির্দহনেত্যাদি|- নির্দহনং ভস্মসাত্করণমিব, নির্মথনং মন্থানবিলোডনমিব| ইদানীং শুদ্ধব্রণমাহ- জিহ্বেত্যাদি| অত্র জিহ্বাতলাভশব্দো মৃদুস্নিগ্ধশ্লক্ষ্ণশব্দৈঃ প্রত্যেকং সম্বধ্যতে; অত্রাভাশব্দেন বর্ণঃ কথ্যতে| মৃদুঃ কোমলঃ| শ্লক্ষ্ণো মসৃণঃ| সুব্যবস্থিতঃ শোভনাকৃতিঃ; এতেন নাত্যুন্নতো নাতিনীচঃ কিন্তু সম ইতি বোধযতি| ইতিশব্দঃ সূত্রনির্দিষ্টসমাপ্তৌ||৭||
Adhikarana ৭ (৮) · Śloka ৮
তস্য ব্রণস্য ষষ্টিরুপক্রমা ভবন্তি | তদ্যথা- অপতর্পণমালেপঃ পরিষেকোঽভ্যঙ্গঃ স্বেদো বিম্লাপনমুপনাহঃ পাচনং বিস্রাবণং স্নেহো বমনং বিরেচনং ছেদনং ভেদনং দারণং লেখনমেষণমাহরণং ব্যধনং বিস্রাবণং সীবনং সন্ধানং পীডনং শোণিতাস্থাপনং নির্বাপণমুত্কারিকা কষাযো বর্তিঃ কল্কঃ সর্পিস্তৈলং রসক্রিযাঽবচূর্ণনং ব্রণধূপনমুত্সাদনমবসাদনং মৃদুকর্ম দারুণকর্ম ক্ষারকর্মাগ্নিকর্ম কৃষ্ণকর্ম পাণ্ডুকর্ম প্রতিসারণং রোমসঞ্জননং লোমাপহরণং বস্তিকর্মোত্তরবস্তিকর্ম বন্ধঃ পত্রদানং কৃমিঘ্নং বৃংহণং বিষঘ্নং শিরোবিরেচনং নস্যং কবলধারণং ধূমো মধু সর্পির্যন্ত্রমাহারো রক্ষাবিধানমিতি ||৮||
तस्य व्रणस्य षष्टिरुपक्रमा भवन्ति | तद्यथा- अपतर्पणमालेपः परिषेकोऽभ्यङ्गः स्वेदो विम्लापनमुपनाहः पाचनं विस्रावणं स्नेहो वमनं विरेचनं छेदनं भेदनं दारणं लेखनमेषणमाहरणं व्यधनं विस्रावणं सीवनं सन्धानं पीडनं शोणितास्थापनं निर्वापणमुत्कारिका कषायो वर्तिः कल्कः सर्पिस्तैलं रसक्रियाऽवचूर्णनं व्रणधूपनमुत्सादनमवसादनं मृदुकर्म दारुणकर्म क्षारकर्माग्निकर्म कृष्णकर्म पाण्डुकर्म प्रतिसारणं रोमसञ्जननं लोमापहरणं बस्तिकर्मोत्तरबस्तिकर्म बन्धः पत्रदानं कृमिघ्नं बृंहणं विषघ्नं शिरोविरेचनं नस्यं कवलधारणं धूमो मधु सर्पिर्यन्त्रमाहारो रक्षाविधानमिति ||८||
🔊 Audio coming soon
তস্যেত্যাদি| এষাং মধ্যে প্রতিসারণং ন গণনীযং, শুক্লকৃষ্ণকর্মণোরবশেষত্বাত্ ; অতো ন সঙ্খ্যাতিরেকঃ| কেচিদত্র রোমসঞ্জননলোমাপহরণাদীন্ সপ্তোপক্রমান্ বিহায কষাযাদীন্ সপ্ত শোধনরূপান্ সপ্ত রোপণরূপানিতি দ্বিরূপান্ গণযিত্বা ষষ্টিমুপক্রমান্ পূরযন্তি| তন্ন, কষাযাদযোঽবান্তরভেদবিবক্ষযা চতুর্দশাপি সামান্যাকারেণ সপ্তৈব, অতঃ সপ্তৈব গণনীযাঃ, রোমসঞ্জননাদযশ্চাবশ্যং পঠনীযাঃ| অপরং চ গযদাসঃ পাচনং ন পঠতি, জেজ্জটস্তু লোমাপহরণং ন পঠতি অপি চ, তাভ্যাং পরমত্যন্তং বিবাদঃ কৃতঃ, স চ বিস্তরভযান্ন লিখিতঃ; তৌ চ যযা যুক্ত্যা ষষ্টিং পূরযতঃ সাঽপি বিস্তরভযান্ন লিখিতা||৮||
Adhikarana ৮ (৯) · Śloka ৯
তেষু কষাযো বর্তিঃ কল্কঃ সর্পিস্তৈলং রসক্রিযাঽবচূর্ণনমিতি শোধনরোপণানি, তেষ্বষ্টৌ শস্ত্রকৃত্যাঃ, শোণিতাস্থাপনং ক্ষারোঽগ্নির্যন্ত্রমাহারো রক্ষাবিধানং বন্ধবিধানং চোক্তানি, স্নেহস্বেদনবমনবিরেচনবস্ত্যুত্তরবস্তিশিরোবিরেচননস্যধূমকবলধারণান্যন্যত্র বক্ষ্যামঃ , যদন্যদবশিষ্টমুপক্রমজাতং তদিহ বক্ষ্যতে ||৯||
तेषु कषायो वर्तिः कल्कः सर्पिस्तैलं रसक्रियाऽवचूर्णनमिति शोधनरोपणानि, तेष्वष्टौ शस्त्रकृत्याः, शोणितास्थापनं क्षारोऽग्निर्यन्त्रमाहारो रक्षाविधानं बन्धविधानं चोक्तानि, स्नेहस्वेदनवमनविरेचनबस्त्युत्तरबस्तिशिरोविरेचननस्यधूमकवलधारणान्यन्यत्र वक्ष्यामः , यदन्यदवशिष्टमुपक्रमजातं तदिह वक्ष्यते ||९||
🔊 Audio coming soon
ইদানীমুপক্রমেষু মধ্যে কষাযাদীনামুভযার্থকারিত্বমাহ- তেষ্বিত্যাদি| তেষু অপতর্পণাদিষু মধ্যে, কষাযাদযঃ সপ্ত| অষ্টৌ ছেদনাদযো দারণবর্জ্যাঃ সীবনান্তাঃ শস্ত্রকৃত্যাঃ শস্ত্রেণ কর্তুং শক্যা উপক্রমা অষ্টবিধশস্ত্রকর্মীযে (সূ. ২৫) উক্তাঃ| শোণিতেত্যাদি| শোণিতাস্থাপনং চতুর্বিধং কষাযশীতক্রিযাপচনদহনভেদেন, তদুক্তং শোণিতবর্ণনীযে (সূ. ১৪)| ক্ষারঃ পানীযপ্রতিসারণীযভেদেন দ্বিবিধোঽপ্যুক্তঃ| “জীর্ণশাল্যোদনং” (সূ. ১৯) ইত্যাদিনা ব্রণিতোপাসনীযোক্তেরাহারোঽপ্যুক্তঃ| রক্ষাবিধানং দ্বিবিধং তন্ত্রেণ রক্ষোঘ্নগুগ্গুল্বাদিনা ধূপনেন লক্ষ্মীগুহাদ্যোষধিধারণেন চেত্যেতদুক্তমগ্রোপহরণীযে ব্রণিতোপাসনীযে (সূ. ১৯) চ; মন্ত্রেণ চ “কৃত্যানাং প্রতিষেধার্থং” (সূ. ৫) ইত্যাদিনাঽগ্রোপহরণীযে| বন্ধবিধানং ব্রণালেপনাধ্যাযে (সূ. ১৮)| শোণিতাস্থাপনাদযঃ সপ্ত| স্নেহেত্যাদি অন্যত্রেতি পঞ্চকর্মনির্দেশে ইত্যর্থঃ| স্নেহাদযো দশ| যদিত্যাদি অবশিষ্টমুপক্রমজাতমুর্বরিত উপক্রমসমূহোঽষ্টাবিংশতিসঙ্খ্যঃ, এবং সর্বমীলনে ষষ্টিরুপক্রমা ভবন্তি||৯||
Adhikarana ৯ (১০) · Śloka ১০
ষড্বিধঃ প্রাগুপদিষ্টঃ শোফঃ, তস্যৈকাদশোপক্রমা ভবন্ত্যপতর্পণাদযো বিরেচনান্তাঃ; তে চ বিশেষেণ শোথপ্রতীকারে বর্তন্তে, ব্রণভাবমাপন্নস্য চ ন বিরুধ্যন্তে; শেষাস্তু প্রাযেণ ব্রণপ্রতীকারহেতব এব ||১০||
षड्विधः प्रागुपदिष्टः शोफः, तस्यैकादशोपक्रमा भवन्त्यपतर्पणादयो विरेचनान्ताः; ते च विशेषेण शोथप्रतीकारे वर्तन्ते, व्रणभावमापन्नस्य च न विरुध्यन्ते; शेषास्तु प्रायेण व्रणप्रतीकारहेतव एव ||१०||
🔊 Audio coming soon
ইদানীমপতর্পণাদীন্যেকাদশ ব্রণকারণশোফবিষযত্বেন বিষযভেদেনাপি নির্দিশন্নাহ- ষড্বিধ ইত্যাদি| অপতর্পণাদয ইত্যত্র বহুব্রীহেরতদ্গুণসংবিজ্ঞানত্বাচ্ছেষা একাদশ গ্রাহ্যাঃ| অপতর্পণমুপক্রমমধ্যে প্রাধান্যাদ্গৃহ্যতে| ননু, অপতর্পণাদীনাং শোফবিষযত্বাচ্ছোফস্য চ ব্রণাদ্ভিন্নত্বেন কথং ষষ্টিরুপক্রমা ভবন্তীত্যাহ- ব্রণভাবমিত্যাদি| আপন্নস্য প্রাপ্তস্য, ‘শোফস্য’ ইতি শেষঃ| শেষা ইত্যাদি একাদশভ্য উপক্রমেভ্যোঽন্যে শেষাঃ, তে ব্রণপ্রতীকারভূতা এব||১০||
Adhikarana ১০ (১১) · Śloka ১১
অপতর্পণমাদ্য উপক্রমঃ; এষ সর্বশোফানাং সামান্যঃ প্রধানতমশ্চ ||১১||
अपतर्पणमाद्य उपक्रमः; एष सर्वशोफानां सामान्यः प्रधानतमश्च ||११||
🔊 Audio coming soon
প্রথমমপতর্পণং নির্দিশন্নাহ- অপতর্পণমিত্যাদি| অপতর্পণম্ অভোজনং; নতু যত্কিঞ্চিদেবাপতর্পণং বমনাদি, বমনাদীনাং পৃথগেবোপাদানাত্| সর্বশোফানামিতি পঞ্চদশানাং, নাগন্তোঃ; দোষোচ্ছ্রাযোপশান্ত্যর্থমিতি বচনাত্| অত্র বাতজেঽপি শোফেঽপতর্পণং বিকারপ্রত্যনীকত্বাত্, অথবা বাতেঽপি প্রাগামতাভাবাত্| তদুক্তং- “বাতে সামেঽপি লঙ্ঘনম্”- ইতি| সামান্যঃ সর্বশোফহিতঃ| প্রধানতম আশুরোগহরত্বাত্||১১||
Adhikarana ১১ (১২) · Śloka ১২
ভবন্তি চাত্র - দোষোচ্ছ্রাযোপশান্ত্যর্থং দোষানদ্ধস্য দেহিনঃ | অবেক্ষ্য দোষং প্রাণং চ কার্যং স্যাদপতর্পণম্ ||১২||
भवन्ति चात्र - दोषोच्छ्रायोपशान्त्यर्थं दोषानद्धस्य देहिनः | अवेक्ष्य दोषं प्राणं च कार्यं स्यादपतर्पणम् ||१२||
🔊 Audio coming soon
অপতর্পণস্যৈব ফলং বিষযং কালাবধিং চ দর্শযন্নাহ- দোষেত্যাদি| দোষোচ্ছ্রাযোপশান্তিঃ ফলং, দোষানদ্ধত্বং বিষযঃ, অবেক্ষ্য দোষং প্রাণং চেতি কালাবধিঃ| দোষোচ্ছ্রাযো দোষৌত্কট্যম্| দোষানদ্ধস্য দোষৈরামৈরানদ্ধাশেষস্রোতসঃ| দোষাঃ কফাদযঃ, তদ্দুষ্টা ধাতবো মলাশ্চ | দেহিন উপচিতশরীরস্যেত্যর্থঃ| দোষং প্রাণং চেতি যুগপদেব লঙ্ঘনাবধিঃ; প্রাণং চেত্যত্র চকারাদ্বযঃপ্রকৃত্যাদীনি চাষ্টৌ, অবেক্ষ্য বিবিচ্য||১২||
Adhikarana ১২ (১৩) · Śloka ১৩
ঊর্ধ্বমারুততৃষ্ণাক্ষুন্মুখশোষশ্রমান্বিতৈঃ | ন কার্যং গর্ভিণীবৃদ্ধবালদুর্বলভীরুভিঃ ||১৩||
ऊर्ध्वमारुततृष्णाक्षुन्मुखशोषश्रमान्वितैः | न कार्यं गर्भिणीवृद्धबालदुर्बलभीरुभिः ||१३||
🔊 Audio coming soon
অপতর্পণস্য নিষেধবিষযং নির্দিশন্নাহ- ঊর্ধ্বমারুতেত্যাদি| ঊর্ধ্বমারুতাঃ শ্বাসকাসাদিরোগিণঃ, অন্যে তূর্ধ্বমারুতং রোগান্তরমাহুঃ| তদ্যথা- “ভুক্তেঽভুক্তে তথা সুপ্তে যস্যোদ্গারো ভৃশং ভবেত্| ঊর্ধ্ববাতং তু তং বিদ্যাদুদানব্যানসম্ভবম্”- ইতি| অপরে তু ‘তদ্ধি মারুত’ ইত্যাদি পঠন্তি| মারুতোঽত্র মারুতকৃতাক্ষেপকাদিরামযঃ| ক্ষুদ্ বুভুক্ষা| মুখশোষো নিরামবাতপিত্তকৃতঃ| ‘শ্রমান্বিতৈঃ’ ইত্যত্র কেচিত্ ‘ভ্রমান্বিতৈঃ’ ইতি পঠন্তি; ভ্রমো নিরামবাতপিত্তকৃতঃ; সামবাতপিত্তকৃতমার্গাবরণজৌ তু তাবপি লঙ্ঘ্যাবেব| গর্ভিণ্যাদিষ্বনাত্যযিকে ব্যাধৌ লঙ্ঘনপ্রতিষেধঃ||১৩||
Adhikarana ১৩ (১৪) · Śloka ১৪
শোফেষূত্থিতমাত্রেষু ব্রণেষূগ্ররুজেষু চ | যথাস্বৈরৌষধৈর্লেপং প্রত্যেকশ্যেন কারযেত্ ||১৪||
शोफेषूत्थितमात्रेषु व्रणेषूग्ररुजेषु च | यथास्वैरौषधैर्लेपं प्रत्येकश्येन कारयेत् ||१४||
🔊 Audio coming soon
আলেপনবিষযং দর্শযন্নাহ- শোফেষ্বিত্যাদি| উত্থিতমাত্রেষু জাতমাত্রেষু| যথাস্বৈরিতি বাতাদিশোফে মাতুলুঙ্গাদিদূর্বাদ্যজগন্ধাদিভিরাত্মীযৈরিত্যর্থঃ| যথোক্তৈরিতি কেচিত্ পঠন্তি; তত্রাপি স এবার্থঃ| প্রত্যেকশ্যেন একৈকেন||১৪||
Adhikarana ১৪ (১৫-১৬) · Śloka ১৬
যথা প্রবজ্বলিতে বেশ্মন্যম্ভসা পরিষেচনম্ | ক্ষিপ্রং প্রশমযত্যগ্নিমেবমালেপনং রুজঃ ||১৫|| প্রহ্লাদনে শোধনে চ শোফস্য হরণে তথা | উত্সাদনে রোপণে চ লেপঃ স্যাত্তু তদর্থকৃত্ ||১৬||
यथा प्रवज्वलिते वेश्मन्यम्भसा परिषेचनम् | क्षिप्रं प्रशमयत्यग्निमेवमालेपनं रुजः ||१५|| प्रह्लादने शोधने च शोफस्य हरणे तथा | उत्सादने रोपणे च लेपः स्यात्तु तदर्थकृत् ||१६||
🔊 Audio coming soon
দৃষ্টান্তদর্শনেনালেপস্য ফলমাহ- যথেত্যাদি| এবমালেপনং রুজ ইতি আলেপনং শোফস্য রুজো বেদনাঃ শমযতীত্যর্থঃ| ন কেবলমালেপঃ শোফস্য রুজাপহঃ; কিন্তু প্রহ্লাদনাদীন্যপি করোতীত্যাহ- প্রহ্লাদন ইত্যাদি| প্রহ্লাদনে সুখকরণে, রুজাপনযনাত্| শোধনে ব্রণস্য দোষপ্রকোপস্ফোটনায| উত্সাদনে নিম্নব্রণস্যোন্নতিকরণে| রোপণে চেতি চকারাদবসাদনসবর্ণকরণাদীনি সমুচ্চীযন্তে| তদর্থকৃত্ প্রহ্লাদনাদিপ্রযোজনকারী| অস্য প্রযোগঃ পুনরালেপাধ্যাযে (সূ. ১৮); দ্রব্যাণি তু মিশ্রকাদিষু||১৫-১৬||
Adhikarana ১৫ (১৭-১৮) · Śloka ১৮
বাতশোফে তু বেদনোপশমার্থং সর্পিস্তৈলধান্যাম্লমাংসরসবাতহরৌষধনিষ্ক্বাথৈরশীতৈঃ পরিষেকান্ কুর্বীত, পিত্তরক্তাভিঘাতবিষনিমিত্তেষু ক্ষীরঘৃতমধুশর্করোদকেক্ষুরসমধুরৌষধক্ষীরবৃক্ষনিষ্ক্বাথৈরনুষ্ণৈঃ পরিষেকান্ কুর্বীত, শ্লেষ্মশোফে তু তৈলমূত্রক্ষারোদকসুরাশুক্তকফঘ্নৌষধনিষ্ক্বাথৈরশীতৈঃ পরিষেকান্ কুর্বীত ||১৭|| যথাঽম্বুভিঃ সিচ্যমানঃ শান্তিমগ্নির্নিযচ্ছতি | দোষাগ্নিরেবং সহসা পরিষেকেণ শাম্যতি ||১৮||
वातशोफे तु वेदनोपशमार्थं सर्पिस्तैलधान्याम्लमांसरसवातहरौषधनिष्क्वाथैरशीतैः परिषेकान् कुर्वीत, पित्तरक्ताभिघातविषनिमित्तेषु क्षीरघृतमधुशर्करोदकेक्षुरसमधुरौषधक्षीरवृक्षनिष्क्वाथैरनुष्णैः परिषेकान् कुर्वीत, श्लेष्मशोफे तु तैलमूत्रक्षारोदकसुराशुक्तकफघ्नौषधनिष्क्वाथैरशीतैः परिषेकान् कुर्वीत ||१७|| यथाऽम्बुभिः सिच्यमानः शान्तिमग्निर्नियच्छति | दोषाग्निरेवं सहसा परिषेकेण शाम्यति ||१८||
🔊 Audio coming soon
পরিষেকস্য ফলং প্রযোগং চ দর্শযন্নাহ- বাতেত্যাদি| বাতশোফাদির্বিষযঃ, বেদনোপশমঃ ফলং, সর্পিরিত্যাদিঃ প্রযোগঃ| ধান্যাম্লং কাঞ্জিকম্| বাতহরৌষধানি ভদ্রদার্বাদীনি| শর্করামিশ্রমুদকং শর্করোদকম্| মধুরৌষধানি কাকোল্যাদীনি| ক্ষীরবৃক্ষা বটাদযঃ| ক্ষারোদকমিতি ক্ষারং গালযিত্বা যদুদকং গৃহ্যতে তত্ ক্ষারোদকম্| কফঘ্নানি কালেযকাগুরুপ্রভৃতীনি||১৭-১৮||
Adhikarana ১৬ (১৯-২০) · Śloka ২০
অভ্যঙ্গস্তু দোষমালোক্যোপযুক্তো দোষোপশমং মৃদুতাং চ করোতি ||১৯|| স্বেদবিম্লাপনাদীনাং ক্রিযাণাং প্রাক্ স উচ্যতে | পশ্চাত্ কর্মসু চাদিষ্টঃ স চ বিস্রাবণাদিষু ||২০||
अभ्यङ्गस्तु दोषमालोक्योपयुक्तो दोषोपशमं मृदुतां च करोति ||१९|| स्वेदविम्लापनादीनां क्रियाणां प्राक् स उच्यते | पश्चात् कर्मसु चादिष्टः स च विस्रावणादिषु ||२०||
🔊 Audio coming soon
অভ্যঙ্গস্য ফলং প্রযোগং চ দর্শযন্নাহ- অভ্যঙ্গ ইত্যাদি| বাতে কফে চ তৈলেন, পিত্তে রক্তে বিষাদিষু চ শতধৌতাদিঘৃতেন| তস্য কালাবধারণং নির্দিশন্নাহ- স্বেদেত্যাদি| স্বেদবিম্লাপনাদীনাং বিরেচনান্তানাং স্নেহবর্জিতানাং সপ্তানামুপক্রমাণাং প্রাগ্ভবতি; বিস্রাবণাদিষু সেচনান্তেষু স্নেহবমনবিরেচনব্যতিরিক্তেষু কর্মসু সোঽভ্যঙ্গঃ পশ্চাদাদিষ্টঃ||১৯-২০||
Adhikarana ১৭ (২১) · Śloka ২১
রুজাবতাং দারুণানাং কঠিনানাং তথৈব চ | শোফানাং স্বেদনং কার্যং যে চাপ্যেবংবিধা ব্রণাঃ ||২১||
रुजावतां दारुणानां कठिनानां तथैव च | शोफानां स्वेदनं कार्यं ये चाप्येवंविधा व्रणाः ||२१||
🔊 Audio coming soon
স্বেদবিষযং দর্শযন্নাহ- রুজাবতামিত্যাদি| রুজাবতাং বাতকফবেদনাযুক্তানাং, দারুণাদিবিশেষণস্য তদ্বিষযত্বাত্| দারুণানামিতি দারুণত্বং বাযুনা রূক্ষজরঠীভাবঃ, অচলত্বমিত্যপরে | প্রযোগঃ পঞ্চকর্মনির্দেশে বক্ষ্যমাণঃ||২১||
Adhikarana ১৮ (২২) · Śloka ২৩
স্থিরাণাং রুজতাং মন্দং কার্যং বিম্লাপনং ভবেত্ | অভ্যজ্য স্বেদযিত্বা তু বেণুনাড্যা ততঃ শনৈঃ ||২২|| বিমর্দযেদ্ভিষক্ প্রাজ্ঞস্তলেনাঙ্গুষ্ঠকেন বা |২৩|
स्थिराणां रुजतां मन्दं कार्यं विम्लापनं भवेत् | अभ्यज्य स्वेदयित्वा तु वेणुनाड्या ततः शनैः ||२२|| विमर्दयेद्भिषक् प्राज्ञस्तलेनाङ्गुष्ठकेन वा |२३|
🔊 Audio coming soon
বিম্লাপনবিষযং প্রযোগং চ দর্শযন্নাহ- স্থিরাণামিত্যাদি| স্থিরাণাং কঠিনানাম্| মন্দং রুজতাং কফাধিকানামিত্যর্থঃ; বাতকফাধিকানামিত্যন্যে| তলেন পাণিপাদতলেন| বিম্লাপনম্ অঙ্গুল্যাদিমর্দনেন শোফবিলযনম্||২২||-
Adhikarana ১৯ (২৩) · Śloka ২৪
শোফযোরুপনাহং তু কুর্যাদামবিদগ্ধযোঃ ||২৩|| অবিদগ্ধঃ শমং যাতি বিদগ্ধঃ পাকমেতি চ |২৪|
शोफयोरुपनाहं तु कुर्यादामविदग्धयोः ||२३|| अविदग्धः शमं याति विदग्धः पाकमेति च |२४|
🔊 Audio coming soon
উপনাহমাহ- শোফযোরিত্যাদি| উপনাহো বাতকফশোফবিষয এব| অবিদগ্ধ আমঃ| বিদগ্ধঃ কিঞ্চিত্পক্বঃ||২৩||-
Adhikarana ২০ (২৪-২৬) · Śloka ২৭
নিবর্ততে ন যঃ শোফো বিরেকান্তৈরুপক্রমৈঃ ||২৪|| তস্য সম্পাচনং কুর্যাত্ সমাহৃত্যৌষধানি তু | দধিতক্রসুরাশুক্তধান্যাম্লৈর্যোজিতানি তু ||২৫|| স্নিগ্ধানি লবণীকৃত্য পচেদুত্কারিকাং শুভাম্ | সৈরণ্ডপত্রযা শোফং নাহযেদুষ্ণযা তযা ||২৬|| হিতং সম্ভোজনং চাপি পাকাযাভিমুখো যদি |২৭|
निवर्तते न यः शोफो विरेकान्तैरुपक्रमैः ||२४|| तस्य सम्पाचनं कुर्यात् समाहृत्यौषधानि तु | दधितक्रसुराशुक्तधान्याम्लैर्योजितानि तु ||२५|| स्निग्धानि लवणीकृत्य पचेदुत्कारिकां शुभाम् | सैरण्डपत्रया शोफं नाहयेदुष्णया तया ||२६|| हितं सम्भोजनं चापि पाकायाभिमुखो यदि |२७|
🔊 Audio coming soon
পাচনবিষযমাহ- নির্বতত ইত্যাদি| বিরেকান্তৈরিতি অপতর্পণাদ্যৈর্বিরেকান্তৈরিত্যর্থঃ| সমাহৃত্যৌষধানীতি ঔষধানি মিশ্রকোক্তানি শণমূলকবীজাদীনি সমভাগপ্রমাণানি, তথা চতুর্গুণদধ্যাদিদ্রবাণি চ সমাহৃত্য একীকৃত্য, লবণীকৃত্য স্পষ্টলবণীকৃত্য, নাতিদ্রবাং নাতিশুষ্কামুপনাহযোগ্যামুত্কারিকাং পাচযেত্; উত্কারিকা লপ্সিকাকৃতিঃ, অন্যে পূপলিকাকৃতিমাহুঃ| নাহযেদ্ বধ্নীযাত্| তযা উত্কারিকযা| হিতং সম্ভোজনমিতি সম্ভোজনং যথেষ্টভোজনম্| তচ্চ কীদৃশং? হিতং হিতকারি; কোঽর্থঃ? নাত্যর্থকফকারি ন চোপদ্রবকারীত্যর্থঃ| এতেনাহারবিধানোক্তৈরুষ্ণস্নিগ্ধাদিভিরেব সম্ভোজনং কার্যমিত্যুক্তম্| সুধীরস্তু ‘পথ্যাপথ্যমিহৈকত্র ভুক্তং সম্ভোজনং মতম্’- ইত্যাহ; তচ্চ শ্রীজেজ্জটগযদাসৌ নেচ্ছতঃ| উপনাহনিষ্পাদ্যং কর্ম পাচনমিতি মত্বা পাচনং পৃথগুপক্রমং গযদাসো ন পঠতি||২৪-২৬||-
Adhikarana ২১ (২৭-২৯) · Śloka ৩০
বেদনোপশমার্থায তথা পাকশমায চ ||২৭|| অচিরোত্পতিতে শোফে কুর্যাচ্ছোণিতমোক্ষণম্ | সশোফে কঠিনে ধ্যামে সরক্তে বেদনাবতি ||২৮|| সংরব্ধে বিষমে চাপি ব্রণে বিস্রাবণং হিতম্ | সবিষে চ বিশেষেণ জলৌকোভিঃ পদৈস্তথা ||২৯|| বেদনাযাঃ প্রশান্ত্যর্থং পাকস্যাপ্রাপ্তযে তথা |৩০|
वेदनोपशमार्थाय तथा पाकशमाय च ||२७|| अचिरोत्पतिते शोफे कुर्याच्छोणितमोक्षणम् | सशोफे कठिने ध्यामे सरक्ते वेदनावति ||२८|| संरब्धे विषमे चापि व्रणे विस्रावणं हितम् | सविषे च विशेषेण जलौकोभिः पदैस्तथा ||२९|| वेदनायाः प्रशान्त्यर्थं पाकस्याप्राप्तये तथा |३०|
🔊 Audio coming soon
বিস্রাবণবিষযমাহ- বেদনেত্যাদি| অচিরোত্পতিতে তত্কালোত্পন্নে| জলৌকোভিঃ প্রচ্ছানৈর্বা শোণিতমোক্ষণং কুর্যাত্| ব্রণেঽপি যাদৃশে শোণিতং স্রাবণীযং তাদৃশমাহ- সশোফ ইত্যাদি| ধ্যামে কৃষ্ণারুণে| সরক্তে রক্তবর্ণে| বেদনাবতি বেদনাযুক্তে| সংরব্ধে বিশালমূলে| বিষমে নিম্নোন্নতে| বিশেষেণ অতিশযেন, সবিষে চ বিশেষেণ রক্তমোক্ষণম্||২৭-২৯||-
Adhikarana ২২ (৩০) · Śloka ৩১
সোপদ্রবাণাং রূক্ষাণাং কৃশানাং ব্রণশোষিণাম্ ||৩০|| যথাস্বমৌষধৈঃ সিদ্ধং স্নেহপানং বিধীযতে |৩১|
सोपद्रवाणां रूक्षाणां कृशानां व्रणशोषिणाम् ||३०|| यथास्वमौषधैः सिद्धं स्नेहपानं विधीयते |३१|
🔊 Audio coming soon
স্নেহপানবিষযং দর্শযন্নাহ- সোপদ্রবাণামিত্যাদি| সোপদ্রবাণামিতি নাত্র ব্রণোপদ্রবা গন্ধবর্ণস্রাববেদনাকৃতযঃ পঞ্চ; কিং তর্হি ব্রণিতস্যোপদ্রবা বেপথুপক্ষবধাদযঃ| ব্রণশোষিণাং ব্রণনিমিত্তক্ষযিণাম্| যথাস্বমৌষধৈরিতি যস্য যদাত্মীযমৌষধং বাতাদেস্তেন সিদ্ধস্য স্নেহস্য পানং; বিচারণাভিন্নাচ্ছপানমিত্যাচার্যাঃ||৩০||-
Adhikarana ২৩ (৩১) · Śloka ৩২
উত্সন্নমাংসশোফে তু কফজুষ্টে বিশেষতঃ ||৩১|| সঙ্ক্লিষ্টশ্যা(ধ্যা)মরুধিরে ব্রণে প্রচ্ছর্দনং হিতম্ |৩২|
उत्सन्नमांसशोफे तु कफजुष्टे विशेषतः ||३१|| सङ्क्लिष्टश्या(ध्या)मरुधिरे व्रणे प्रच्छर्दनं हितम् |३२|
🔊 Audio coming soon
বমনবিষযং দর্শযন্নাহ- উত্সন্নেত্যাদি| উত্সন্নমাংসশোফে ইতি উচ্ছ্রিতমাংসশোফে| কফজুষ্টে কফাক্রান্তে| সঙ্ক্লিষ্টং দুষ্টং, শ্যা(ধ্যা)মমীষত্কৃষ্ণং, রুধিরং যস্মিন্নেবম্ভূতে ব্রণে প্রচ্ছর্দনং বমনং হিতম্||৩১||-
Adhikarana ২৪ (৩২) · Śloka ৩৩
বাতপিত্তপ্রদুষ্টেষু দীর্ঘকালানুবন্ধিষু ||৩২|| বিরেচনং প্রশংসন্তি ব্রণেষু ব্রণকোবিদাঃ |৩৩|
वातपित्तप्रदुष्टेषु दीर्घकालानुबन्धिषु ||३२|| विरेचनं प्रशंसन्ति व्रणेषु व्रणकोविदाः |३३|
🔊 Audio coming soon
বিরেচনবিষযমাহ- বাতেত্যাদি| বাতেন সহিতং পিত্তং বাতপিত্তং পিত্তপ্রধানসংসর্গঃ; ন তু বাতশ্চ পিত্তং চেতি, কেবলবাতজে বস্তিবিধানাত্| অনেনৈব ন্যাযেন বাতোপসর্জনে কফসংসর্গে বমনমূহ্যম্| এষু স্নেহাদিষু ত্রিষু শোফস্যানুক্তাবপি শোফাধিকারত্বাদেব স্নেহাদযস্ত্রযো বিশিষ্টাবস্থাযাং শোফস্যাপ্যুপক্রমা বোদ্ধব্যাঃ| ব্রণকোবিদা ব্রণপণ্ডিতাঃ||৩২||-
Adhikarana ২৫ (৩৩) · Śloka ৩৪
অপাকেষু তু রোগেষু কঠিনেষু স্থিরেষু চ ||৩৩|| স্নাযুকোথাদিষু তথা চ্ছেদনং প্রাপ্তমুচ্যতে |৩৪|
अपाकेषु तु रोगेषु कठिनेषु स्थिरेषु च ||३३|| स्नायुकोथादिषु तथा च्छेदनं प्राप्तमुच्यते |३४|
🔊 Audio coming soon
ছেদনমাহ- অপাকেষ্বিত্যাদি| অপাকেষু অবিদ্যমানপাকেষু মেদঃকফগ্রন্থিমাংসকন্দ্যাদিষু; অথবা অপাকেষু ঈষত্পাকেষু বল্মীকাদিষ্বিত্যর্থঃ; নঞ্শব্দস্যোভযার্থত্বাত্| গযী তু ‘অপাকবত্সু’ ইতি পঠতি, তত্রাপি স এবার্থঃ; পরং তং পাঠং ন সাধুং মন্যতে জেজ্জটঃ| কঠিনেষু দৃঢেষু| স্থিরেষু অচলেষু| স্নাযুকোথাদিষ্বিত্যত্রাদিশব্দাত্ সিরাধমন্যাদিপরিগ্রহঃ| প্রাপ্তং যুক্তমিত্যর্থঃ||৩৩||-
Adhikarana ২৬ (৩৪) · Śloka ৩৫
অন্তঃপূযেষ্ববক্ত্রেষু তথৈবোত্সঙ্গবত্স্বপি ||৩৪|| গতিমত্সু চ রোগেষু ভেদনং প্রাপ্তমুচ্যতে |৩৫|
अन्तःपूयेष्ववक्त्रेषु तथैवोत्सङ्गवत्स्वपि ||३४|| गतिमत्सु च रोगेषु भेदनं प्राप्तमुच्यते |३५|
🔊 Audio coming soon
ভেদনমাহ- অন্তঃপূযেষ্বিত্যাদি| অবক্ত্রেষু অবিদ্যমানমুখেষু| উত্সঙ্গবত্সু চিরস্থিতপূযাবদারণগম্ভীরশুষিরব্রণবস্তুপ্রদেশ উত্সঙ্গতুল্যত্বাদুত্সঙ্গ ইত্যুচ্যতে, তদ্বত্সু| রোগেষু ব্রণেষু| গতিমত্সু গতিযুক্তেষু| প্রাপ্তং যুক্তম্||৩৪||-
Adhikarana ২৭ (৩৫-৩৭) · Śloka ৩৭
বালবৃদ্ধাসহক্ষীণভীরূণাং যোষিতামপি ||৩৫|| মর্মোপরি চ জাতেষু রোগেষূক্তেষু দারণম্ | সুপক্বে পিণ্ডিতে শোফে পীডনৈরুপপীডিতে ||৩৬|| পাকোদ্বৃত্তেষু দোষেষু তত্তু কার্যং বিজানতা | সুপিষ্টৈর্দারণদ্রব্যৈর্যুক্তৈঃ ক্ষারেণ বা পুনঃ ||৩৭||
बालवृद्धासहक्षीणभीरूणां योषितामपि ||३५|| मर्मोपरि च जातेषु रोगेषूक्तेषु दारणम् | सुपक्वे पिण्डिते शोफे पीडनैरुपपीडिते ||३६|| पाकोद्वृत्तेषु दोषेषु तत्तु कार्यं विजानता | सुपिष्टैर्दारणद्रव्यैर्युक्तैः क्षारेण वा पुनः ||३७||
🔊 Audio coming soon
দারণমাহ- বালেত্যাদি| পীডনৈরিতি পীডনদ্রব্যৈরিত্যর্থঃ| পাকোদ্বৃত্তেষু উত্তানেষু ত্বগ্গতেষ্বিত্যর্থঃ| দারণদ্রব্যৈর্মিশ্রকোক্তৈশ্চিরবিল্বাদিভিঃ| ক্ষারেণ প্রতিসারণীযেন, যবক্ষারেণেত্যন্যে||৩৫-৩৭||
Adhikarana ২৮ (৩৮-৩৯) · Śloka ৩৯
কঠিনান্ স্থূলবৃত্তৌষ্ঠান্ দীর্যমাণান্ পুনঃ পুনঃ | কঠিনোত্সন্নমাংসাংশ্চ লেখনেনাচরেদ্ভিষক্ ||৩৮|| সমং লিখেত্ সুলিখিতং লিখেন্নিরবশেষতঃ | বর্ত্মনাং তু প্রমাণেন সমং শস্ত্রেণ নির্লিখেত্ ||৩৯||
कठिनान् स्थूलवृत्तौष्ठान् दीर्यमाणान् पुनः पुनः | कठिनोत्सन्नमांसांश्च लेखनेनाचरेद्भिषक् ||३८|| समं लिखेत् सुलिखितं लिखेन्निरवशेषतः | वर्त्मनां तु प्रमाणेन समं शस्त्रेण निर्लिखेत् ||३९||
🔊 Audio coming soon
লেখনমাহ- কঠিনানিত্যাদি| কঠিনান্ মাংসহীনান্, সমম্ অহীনাধিকং লিখেত্; স্থূলবৃত্তৌষ্ঠান্ সুলিখিতম্ অতিশযলিখিতং লিখেত্; পুনঃ পুনর্দীর্যমাণান্ নিরবশেষতো লিখেত্; কঠিনোত্সন্নমাংসান্ বর্ত্মনাং প্রমাণেন সমং লিখেত্| অন্যেঽত্র পুনরন্যথা ব্যাখ্যানযন্তি- সমলেখনম্ অবগাঢলেখনং, সুলেখনং মৃদুলেখনং, নিরবশেষলেখনং নির্লেখনং নিশ্শেষলেখনমিতি| শ্রীসুবীরজেজ্জটব্রহ্মদেবাশ্চতুরো বিষযানাহুঃ, তথাহি- কঠিনানিত্যেকো বিষযঃ, স্থূলবৃত্তৌষ্ঠানিতি দ্বিতীযঃ, দীর্যমাণান্ পুনঃ পুনরিতি তৃতীযঃ, কঠিনোত্সন্নমাংসাংশ্চেতি চতুর্থঃ| অপরে তু সমং লিখেদিত্যাদ্যন্যথা ব্যাখ্যানযন্তি- কঠিনান্ স্থূলবৃত্তৌষ্ঠান্ যথা সুলিখিতং ভবত্যেবং লিখেদিতি সম্বন্ধঃ, কথং সুলিখিতং ভবতীত্যাহ- সমং লিখেত্, নিরবশেষং লিখেত্, বর্ত্মনাং তু প্রমাণেন সমং নির্লিখেদিতি| সমং সুলিখিতলক্ষণম্| নির্লিখেত্ পুনঃ পুনর্লিখেদিতি ভণনং বহুশো লেখনে শস্ত্রাবচারণং সূচযতি| অত্র ব্রণবর্ত্মশব্দেন ব্রণগতাশ্চত্বারঃ পার্শ্বা বাচ্যাঃ| শস্ত্রেণ নির্লিখেত্, ন তু গোজীশেফালিকাদিপত্রেণ||৩৮-৩৯||
Adhikarana ২৯ (৪০) · Śloka ৪০
ক্ষৌমং প্লোতং পিচুং ফেনং যাবশূকং সসৈন্ধবম্ | কর্কশানি চ পত্রাণি লেখনার্থে প্রদাপযেত্ ||৪০||
क्षौमं प्लोतं पिचुं फेनं यावशूकं ससैन्धवम् | कर्कशानि च पत्राणि लेखनार्थे प्रदापयेत् ||४०||
🔊 Audio coming soon
শস্ত্রাভাবে তু ক্ষৌমাদিভির্লিখেদিত্যাহ- ক্ষৌমমিত্যাদি| ক্ষৌমম্ অতসীবস্ত্রম্| প্লোতং কর্পটম্| পিচুং কার্পাসতূলাম্ | ফেনং সমুদ্রফেনম্| যাবশূকো যবক্ষারঃ||৪০||
Adhikarana ৩০ (৪১-৪২) · Śloka ৪২
নাডীব্রণাঞ্ শল্যগর্ভানুন্মার্গ্যুত্সঙ্গিনঃ শনৈঃ | করীরবালাঙ্গুলিভিরেষণ্যা বৈষযেদ্ভিষক্ ||৪১|| নেত্রবর্ত্মগুদাভ্যাসনাড্যোঽবক্ত্রাঃ সশোণিতাঃ | চুচ্চূপোদকজৈঃ শ্লক্ষ্ণৈঃ করীরৈরেষযেত্তু তাঃ ||৪২||
नाडीव्रणाञ् शल्यगर्भानुन्मार्ग्युत्सङ्गिनः शनैः | करीरबालाङ्गुलिभिरेषण्या वैषयेद्भिषक् ||४१|| नेत्रवर्त्मगुदाभ्यासनाड्योऽवक्त्राः सशोणिताः | चुच्चूपोदकजैः श्लक्ष्णैः करीरैरेषयेत्तु ताः ||४२||
🔊 Audio coming soon
এষণমাহ- নাডীত্যাদি| নাড্যশ্চ ব্রণাশ্চেতি নাডীব্রণাস্তান্| শল্যগর্ভান্ অভ্যন্তরশল্যানিত্যর্থঃ| উন্মার্গী ভগন্দরঃ, উত্সঙ্গী শম্বূকাবর্তাভিধ ইত্যেকে; তন্ন, তযোরসাধ্যত্বেনৈষণানর্হত্বাত্| তত্র, উত্সৃষ্টো মার্গো বিদ্যতে যেষাং তে উন্মার্গিণো ব্রণাঃ ঋজুং মার্গং পরিত্যজ্য কুটিলযা গত্যা যে যান্তীত্যর্থঃ; উত্সঙ্গিন ঊর্ধ্বসঙ্গিনঃ| করীরাঃ চুচ্চূপোদকাদীনাং কোমলা নালাঃ| বালাঃ করিশূকরাদীনাম্| বিবৃতাস্যান্ কোষ্ঠাশ্রিতানঙ্গুল্যা বা এষযেদিত্যর্থঃ| এষণী শলাকাশস্ত্র(যন্ত্র)ম্| এষযেত্ করীরাদিনিক্ষেপণেন ব্রণমার্গনিশ্চযং কুর্যাদিত্যর্থঃ| করীরাণাং বিষযং নির্দিশন্নাহ- নেত্রবর্ত্মেত্যাদি| গুদাভ্যাসো গুদসমীপম্| অবক্ত্রা অল্পবক্ত্রাঃ| চুচ্চূঃ চীচুরিতি লোকে| উপোদকঃ ‘পোই’ ইতি লোকে||৪১-৪২||
Adhikarana ৩১ (৪৩) · Śloka ৪৩
সংবৃতাসংবৃতাস্যেষু ব্রণেষু মতিমান্ ভিষক্ | যথোক্তমাহরেচ্ছল্যং প্রাপ্তোদ্ধরণলক্ষণম্ ||৪৩||
संवृतासंवृतास्येषु व्रणेषु मतिमान् भिषक् | यथोक्तमाहरेच्छल्यं प्राप्तोद्धरणलक्षणम् ||४३||
🔊 Audio coming soon
আহরণবিষযমাহ- সংবৃতেত্যাদি| প্রাপ্তোদ্ধরণলক্ষণমিতি সদ্যঃপ্রাণহরবিশল্যঘ্নাদিরহিতমন্যদিত্যর্থঃ||৪৩||
Adhikarana ৩২ (৪৪) · Śloka ৪৪
রোগে ব্যধনসাধ্যে তু যথোদ্দেশং প্রমাণতঃ | শস্ত্রং নিদধ্যাদ্দোষং চ স্রাবযেত্ কীর্তিতং যথা ||৪৪||
रोगे व्यधनसाध्ये तु यथोद्देशं प्रमाणतः | शस्त्रं निदध्याद्दोषं च स्रावयेत् कीर्तितं यथा ||४४||
🔊 Audio coming soon
ব্যধনবিস্রাবণবিষযমাহ- রোগ ইত্যাদি| ব্যধনসাধ্যো রোগো দকোদরমূত্রবৃদ্ধ্যাদিঃ| যথোদ্দেশং প্রমাণত ইতি উদ্দেশানতিক্রান্তপ্রমাণমিত্যর্থঃ| তত্র দকোদরোদ্দিষ্টং প্রমাণমঙ্গুষ্ঠোদরপ্রমাণমবগাঢমিতি জ্ঞেযং; বিদ্রধ্যাদিষু পুনঃ “মহত্স্বপি চ পাকেষু দ্ব্যঙ্গুলান্তরং ত্র্যঙ্গুলান্তরং বা শস্ত্রনিপাতনম্” (সূ. ৫) ইতি| শস্ত্রং নিদধ্যাদিত্যন্তেন ব্যধনমুক্তং, দোষং চ স্রাবযেত্ কীর্তিতং যথেতি স্রাবণমুক্তম্, এবমনেন শ্লোকেনোপক্রমদ্বযমুক্তম্||৪৪||
Adhikarana ৩৩ (৪৫) · Śloka ৪৫
অপাকোপদ্রুতা যে চ মাংসস্থা বিবৃতাশ্চ যে | যথোক্তং সীবনং তেষু কার্যং সন্ধানমেব চ ||৪৫||
अपाकोपद्रुता ये च मांसस्था विवृताश्च ये | यथोक्तं सीवनं तेषु कार्यं सन्धानमेव च ||४५||
🔊 Audio coming soon
সীবনসন্ধানবিষযমাহ- অপাকেত্যাদি| অপাকোপদ্রুতাঃ পাকোপদ্রবরহিতাঃ| বিবৃতা ব্যাত্তমুখাঃ| যথোক্তমষ্টবিধশস্ত্রকর্মীযে (সূ. ২৫)| সন্ধানমেব চেতি ন কেবলং সীবনং সন্ধানমপি ; সন্ধানং ব্রণৌষ্ঠাদিসংযোজনম্| অনেন শ্লোকেনোপক্রমদ্বযমুক্তম্||৪৫||
Adhikarana ৩৪ (৪৬-৪৭) · Śloka ৪৭
পূযগর্ভানণুদ্বারান্ ব্রণান্মর্মগতানপি | যথোক্তৈঃ পীডনদ্রব্যৈঃ সমন্তাত্ পরিপীডযেত্ ||৪৬|| শুষ্যমাণমুপেক্ষেত প্রদেহং পীডনং প্রতি | ন চাভিমুখমালিম্পেত্তথা দোষঃ প্রসিচ্যতে ||৪৭||
पूयगर्भानणुद्वारान् व्रणान्मर्मगतानपि | यथोक्तैः पीडनद्रव्यैः समन्तात् परिपीडयेत् ||४६|| शुष्यमाणमुपेक्षेत प्रदेहं पीडनं प्रति | न चाभिमुखमालिम्पेत्तथा दोषः प्रसिच्यते ||४७||
🔊 Audio coming soon
পীডনমাহ- পূযেত্যাদি| যথোক্তৈর্মিশ্রকপরিপঠিতৈঃ পিচ্ছিলদ্রব্যত্বঙ্মূলাদিভিঃ| সমন্তাত্ সর্বতঃ| প্রদেহং প্রলেপনমিত্যর্থঃ| দোষঃ পূযঃ| প্রসিচ্যতে স্বযং প্রক্ষরতি| পীডনম্ ঔষধৈশ্চম্পনম্||৪৬-৪৭||
Adhikarana ৩৫ (৪৮) · Śloka ৪৮
তৈস্তৈর্নিমিত্তৈর্বহুধা শোণিতে প্রস্রুতে ভৃশম্ | কার্যং যথোক্তং বৈদ্যেন শোণিতাস্থাপনং ভবেত্ ||৪৮||
तैस्तैर्निमित्तैर्बहुधा शोणिते प्रस्रुते भृशम् | कार्यं यथोक्तं वैद्येन शोणितास्थापनं भवेत् ||४८||
🔊 Audio coming soon
শোণিতাস্থাপনমাহ- তৈস্তৈরিত্যাদি| তৈস্তৈঃ সিরাব্যধাদিভিঃ| যথোক্তং শোণিতাস্থাপনং শোণিতাতিপ্রবৃত্তিস্তম্ভনম্| তচ্চতুর্বিধম্- “সন্ধানং স্কন্দনং চৈব পাচনং দহনং তথা” (সূ. ১৪) ইতি||৪৮||
Adhikarana ৩৬ (৪৯-৫০) · Śloka ৫০
দাহপাকজ্বরবতাং ব্রণানাং পিত্তকোপতঃ | রক্তেন চাভিভূতানাং কার্যং নির্বাপণং ভবেত্ ||৪৯|| যথোক্তৈঃ শীতলদ্রব্যৈঃ ক্ষীরপিষ্টৈর্ঘৃতাপ্লুতৈঃ | দিহ্যাদবহলান্ সেকান্ সুশীতাংশ্চাবচারযেত্ ||৫০||
दाहपाकज्वरवतां व्रणानां पित्तकोपतः | रक्तेन चाभिभूतानां कार्यं निर्वापणं भवेत् ||४९|| यथोक्तैः शीतलद्रव्यैः क्षीरपिष्टैर्घृताप्लुतैः | दिह्यादबहलान् सेकान् सुशीतांश्चावचारयेत् ||५०||
🔊 Audio coming soon
নির্বাপণমাহ- দাহেত্যাদি| নির্বাপণং নাম পিত্তরক্তব্রণস্য পচ্যমানস্য জ্বলত ইব ঔষধাদিভির্বেদনোপশমঃ| যথোক্তৈর্মিশ্রকোক্তৈর্দূর্বাদিভিঃ| ক্ষীরপিষ্টৈরিতি ক্ষীরেণ আপিষ্টৈঃ, শ্লক্ষ্ণস্য দাহপাককারিত্বাত্| দিহ্যাত্ লিম্পেত্| অবহলান্ যতঃ শ্লক্ষ্ণঘনো লেপশ্চন্দনস্যাপি দাহকৃদ্ভবতি| সেকান্ পরিষেকান্| অনেন শ্লোকেন সেকলেপৌ দ্বৌ নির্বাপণাবুক্তৌ||৪৯-৫০||
Adhikarana ৩৭ (৫১-৫২) · Śloka ৫৩
ব্রণেষু ক্ষীণমাংসেষু তনুস্রাবিষ্বপাকিষু | তোদকাঠিন্যপারুষ্যশূলবেপথুমত্সু চ ||৫১|| বাতঘ্নবর্গেঽম্লগণে কাকোল্যাদিগণে তথা | স্নৈহিকেষু চ বীজেষু পচেদুত্কারিকাং শুভাম্ ||৫২|| তেষাং চ স্বেদনং কার্যং স্থিরাণাং বেদনাবতাম্ |৫৩|
व्रणेषु क्षीणमांसेषु तनुस्राविष्वपाकिषु | तोदकाठिन्यपारुष्यशूलवेपथुमत्सु च ||५१|| वातघ्नवर्गेऽम्लगणे काकोल्यादिगणे तथा | स्नैहिकेषु च बीजेषु पचेदुत्कारिकां शुभाम् ||५२|| तेषां च स्वेदनं कार्यं स्थिराणां वेदनावताम् |५३|
🔊 Audio coming soon
উত্কারিকাবিষযমাহ- ব্রণেষ্বিত্যাদি| ক্ষীণমাংসত্বাদিকং বাতকার্যম্| বাতঘ্নবর্গে ভদ্রদার্বাদৌ, অম্লগণে সৌবীরকতুষোদকাদৌ, স্নৈহিকেষু চ বীজেষু তিলাতসীসর্ষপৈরণ্ডাদিবীজেষু| বাতঘ্নবর্গকাকোল্যাদিগণস্নৈহিকবীজানি সমভাগানি তচ্চতুর্গুণমম্লানাং গৃহীত্বা নাতিঘনাং নাতিসান্দ্রাং পেযানুকারিণীমুত্কারিকাং পচেত্||৫১-৫২||-
Adhikarana ৩৮ (৫৩) · Śloka ৫৪
দুর্গন্ধানাং ক্লেদবতাং পিচ্ছিলানাং বিশেষতঃ ||৫৩|| কষাযৈঃ শোধনং কার্যং শোধনৈঃ প্রাগুদীরিতৈঃ |৫৪|
दुर्गन्धानां क्लेदवतां पिच्छिलानां विशेषतः ||५३|| कषायैः शोधनं कार्यं शोधनैः प्रागुदीरितैः |५४|
🔊 Audio coming soon
ইদানীং কষাযাদীংশ্চূর্ণান্তান্ সপ্ত শোধনরোপণান্ বিষযভেদেন দর্শযন্নাহ- দুর্গন্ধানামিত্যাদি| শোধনৈঃ কষাযৈঃ প্রাগুদীরিতৈর্মিশ্রকোক্তৈঃ শঙ্খিন্যঙ্কোটসুমনাদিভিঃ কৃতৈঃ ক্বাথৈঃ শোধনং কার্যম্||৫৩||-
Adhikarana ৩৯ (৫৪-৫৫) · Śloka ৫৬
অন্তঃশল্যানণুমুখান্ গম্ভীরান্ মাংসসংশ্রিতান্ শোধনদ্রব্যযুক্তাভির্বর্তিভিস্তান্ যথাক্রমম্ ||৫৪|| পূতিমাংসপ্রতিচ্ছন্নান্ মহাদোষাংশ্চ শোধযেত্ ||৫৫|| কল্কীকৃতৈর্যথালাভং বর্তিদ্রব্যৈঃ পুরোদিতৈঃ |৫৬|
अन्तःशल्यानणुमुखान् गम्भीरान् मांससंश्रितान् शोधनद्रव्ययुक्ताभिर्वर्तिभिस्तान् यथाक्रमम् ||५४|| पूतिमांसप्रतिच्छन्नान् महादोषांश्च शोधयेत् ||५५|| कल्कीकृतैर्यथालाभं वर्तिद्रव्यैः पुरोदितैः |५६|
🔊 Audio coming soon
শোধনদ্রব্যযুক্তাভিরিতি শোধনদ্রব্যাণি অজগন্ধাজশৃঙ্গ্যাদীনি মিশ্রকোক্তানি| তান্ ব্রণান্; ‘শোধযেত্’ ইতি শেষঃ| যথাক্রমমিতি প্রথমং সূক্ষ্মাভিস্ততঃ স্থূলস্থূলতরাভিরিত্যর্থঃ| পূতিমাংসপ্রতিচ্ছন্নানিতি অবগাঢান্, ন পুনরভ্যন্তরান্| মহাদোষাংশ্চেতি অতিদুষ্টানিত্যর্থঃ| দোষৌ চাত্র বাতকফৌ গৃহ্যেতে ন পুনঃ পিত্তং, পিত্তদুষ্টস্তু সর্পির্বিষযঃ||৫৪-৫৫||-
Adhikarana ৪০ (৫৬) · Śloka ৫৭
পিত্তপ্রদুষ্টান্ গম্ভীরান্ দাহপাকপ্রপীডিতান্ ||৫৬|| কার্পাসীফলমিশ্রেণ জযেচ্ছোধনসর্পিষা |৫৭|
पित्तप्रदुष्टान् गम्भीरान् दाहपाकप्रपीडितान् ||५६|| कार्पासीफलमिश्रेण जयेच्छोधनसर्पिषा |५७|
🔊 Audio coming soon
শোধনদ্রব্যাণি কাসীসাজগন্ধাদীনি, তৈঃ সিদ্ধেন সর্পিষা ঘৃতেন| কল্পনা চেযং- যাবন্তি কাসীসাজগন্ধাদীনি শোধনদ্রব্যাণি তাবন্মাত্রং কার্পাসফলম্, এতান্যেকীকৃত্য কল্কচতুর্গুণং ঘৃতং, ঘৃতচতুর্গুণং জলং চ গৃহীত্বা ঘৃতং সাধনীযম্||৫৬||-
Adhikarana ৪১ (৫৭) · Śloka ৫৮
উত্সন্নমাংসানস্নিগ্ধানল্পস্রাবান্ ব্রণাংস্তথা ||৫৭|| সর্ষপস্নেহযুক্তেন ধীমাংস্তৈলেন শোধযেত্ |৫৮|
उत्सन्नमांसानस्निग्धानल्पस्रावान् व्रणांस्तथा ||५७|| सर्षपस्नेहयुक्तेन धीमांस्तैलेन शोधयेत् |५८|
🔊 Audio coming soon
ব্রণানিতি কফবাতাধিকানিত্যর্থঃ, উত্সেধস্য কফকৃতত্বাত্, অস্নেহাল্পস্রাবযোর্বাতকৃতত্বাচ্চ| সর্ষপস্নেহযুক্তেনেতি সর্ষপস্নেহাধিকেন তিলতৈলেন; ‘মিশ্রকোক্তেন মযূরাদিশোধনদ্রব্যসিদ্ধেন’ ইতি শেষঃ||৫৭||-
Adhikarana ৪২ (৫৮-৬১) · Śloka ৬১
তৈলেনাশুধ্যমানানাং শোধনীযাং রসক্রিযাম্ ||৫৮|| ব্রণানাং স্থিরমাংসানাং কুর্যাদ্দ্রব্যৈরুদীরিতৈঃ | কষাযে বিধিবত্তেষাং কৃতে চাধিশ্রযেত্ পুনঃ ||৫৯|| সুরাষ্ট্রজাং সকাসীসাং দদ্যাচ্চাপি মনঃশিলাম্ | হরিতালং চ মতিমাংস্ততস্তামবচারযেত্ ||৬০|| মাতুলুঙ্গরসোপেতাং সক্ষৌদ্রামতিমর্দিতাম্ | ব্রণেষু দত্ত্বা তাং তিষ্ঠেত্ত্রীংস্ত্রীংশ্চ দিবসান্ পরম্ ||৬১||
तैलेनाशुध्यमानानां शोधनीयां रसक्रियाम् ||५८|| व्रणानां स्थिरमांसानां कुर्याद्द्रव्यैरुदीरितैः | कषाये विधिवत्तेषां कृते चाधिश्रयेत् पुनः ||५९|| सुराष्ट्रजां सकासीसां दद्याच्चापि मनःशिलाम् | हरितालं च मतिमांस्ततस्तामवचारयेत् ||६०|| मातुलुङ्गरसोपेतां सक्षौद्रामतिमर्दिताम् | व्रणेषु दत्त्वा तां तिष्ठेत्त्रींस्त्रींश्च दिवसान् परम् ||६१||
🔊 Audio coming soon
দ্রব্যৈরুদীরিতৈরিতি মিশ্রকোক্তৈঃ শালসারাদিভির্দ্রব্যৈঃ| কল্পনামাহ- কষাযে বিধিবত্তেষামিতি|- তেষাং শালসারাদীনাং বিধিবত্কৃতে কষাযে দ্রব্যাপেক্ষযা ষোডশগুণোদকেঽষ্টভাগাবশিষ্টে, অষ্টগুণোদকে চতুর্ভাগাবশিষ্টে বা| অধিশ্রযেত্ পুনরিতি পূতং কষাযং পুনরধিশ্রযেত্ পচেদিত্যর্থঃ| সুরাষ্ট্রজাদীনি চূর্ণিতানি মাত্রযা শেষকষাযপাদে কষাযস্য পুনঃপাকাত্ ফাণিতীভাবে সত্যাবপেত্| সুরাষ্ট্রজাং তুবরমৃত্তিকাম্| ততস্তামবচারযেদিতি ততোঽনন্তরং রসক্রিযাং সমবচারযেত্ প্রযোজযেত্| অতিমর্দিতামৌষধানামেকীভাবার্থম্| মাতুলুঙ্গমধুমাত্রা তু সংস্কারমাত্রৈব| ত্রীংস্ত্রীংশ্চ দিবসান্ পরমিতি পরমিত্যবধারণে, ত্রীংস্ত্রীনেব দিবসান্ তিষ্ঠেন্নাধিকং, ব্রণবস্ত্ববদারণভযাত্||৫৮-৬১||-
Adhikarana ৪৩ (৬২) · Śloka ৬২
মেদোজুষ্টানগম্ভীরান্ দুর্গন্ধাংশ্চূর্ণশোধনৈঃ | উপাচরেত্ ভিষক্ প্রাজ্ঞঃ শ্লক্ষ্ণৈঃ শোধনবর্তিজৈঃ ||৬২||
मेदोजुष्टानगम्भीरान् दुर्गन्धांश्चूर्णशोधनैः | उपाचरेत् भिषक् प्राज्ञः श्लक्ष्णैः शोधनवर्तिजैः ||६२||
🔊 Audio coming soon
অগম্ভীরান্ উত্তানান্; ‘গম্ভীরান্ মেদসা জুষ্টান্’ ইত্যেকে পঠন্তি, তন্নেচ্ছতি গযী| চূর্ণশোধনৈঃ কাসীসাদিভিঃ| শোধনবর্তিজৈঃ অজগন্ধাদিভিঃ||৬২||
Adhikarana ৪৪ (৬৩) · Śloka ৬৩
শুদ্ধলক্ষণযুক্তানাং কষাযং রোপণং হিতম্ | তত্র কার্যং যথোদ্দিষ্টৈর্দ্রব্যৈর্বৈদ্যেন জানতা ||৬৩||
शुद्धलक्षणयुक्तानां कषायं रोपणं हितम् | तत्र कार्यं यथोद्दिष्टैर्द्रव्यैर्वैद्येन जानता ||६३||
🔊 Audio coming soon
অশুদ্ধব্রণস্য শোধনানি সপ্তকষাযাদীনি সবিষযপ্রযোগাণি নির্দিশ্য শুদ্ধস্য তান্যেব রোপণানি নির্দিশন্নাহ- শুদ্ধলক্ষণযুক্তানামিত্যাদি| শুদ্ধব্রণলক্ষণানি “ত্রিভির্দোষৈরনাক্রান্ত” (সূ. ২৩) ইত্যাদীনি, “জিহ্বাতলাভ” ইত্যাদীনি বা চোক্তানি| যথোদ্দিষ্টৈর্বটাদিভিঃ||৬৩||
Adhikarana ৪৫ (৬৪) · Śloka ৬৪
অবেদনানাং শুদ্ধানাং গম্ভীরাণাং তথৈব চ | হিতা রোপণবর্ত্যঙ্গকৃতা রোপণবর্তযঃ ||৬৪||
अवेदनानां शुद्धानां गम्भीराणां तथैव च | हिता रोपणवर्त्यङ्गकृता रोपणवर्तयः ||६४||
🔊 Audio coming soon
অবেদনানাং সর্বথা বেদনাহীনানামিত্যর্থঃ; অন্যে অবেদনানামল্পবেদনানামিত্যাহুঃ| রোপণবর্ত্যঙ্গকৃতা ইতি রোপণবর্ত্যঙ্গানি সোমামৃতাশ্বগন্ধাকাকোল্যাদীনি; তৈঃ কৃতা রোপণবর্তযো হিতাঃ||৬৪||
Adhikarana ৪৬ (৬৫-৬৯) · Śloka ৭০
অপেতপূতিমাংসানাং মাংসস্থানামরোহতাম্ | কল্কঃ সংরোহণঃ কার্যস্তিলজো মধুসংযুতঃ ||৬৫|| স মাধুর্যাত্তথৌষ্ণ্যাচ্চ স্নেহাচ্চানিলনাশনঃ | কষাযভাবান্মাধুর্যাত্তিক্তত্বাচ্চাপি পিত্তহৃত্ ||৬৬|| ঔষ্ণ্যাত্ কষাযভাবাচ্চ তিক্তত্বাচ্চ কফে হিতঃ | শোধযেদ্রোপযেচ্চাপি যুক্তঃ শোধনরোপণৈঃ ||৬৭|| নিম্বপত্রমধুভ্যাং তু যুক্তঃ সংশোধনঃ স্মৃতঃ | পূর্বাভ্যাং সর্পিষা চাপি যুক্তশ্চাপ্যুপরোপণঃ ||৬৮|| তিলবদ্যবকল্কং তু কেচিদাহুর্মনীষিণঃ | শমযেদবিদগ্ধং চ বিদগ্ধমপি পাচযেত্ ||৬৯|| পক্বং ভিনত্তি ভিন্নং চ শোধযেদ্রোপযেত্তথা |৭০|
अपेतपूतिमांसानां मांसस्थानामरोहताम् | कल्कः संरोहणः कार्यस्तिलजो मधुसंयुतः ||६५|| स माधुर्यात्तथौष्ण्याच्च स्नेहाच्चानिलनाशनः | कषायभावान्माधुर्यात्तिक्तत्वाच्चापि पित्तहृत् ||६६|| औष्ण्यात् कषायभावाच्च तिक्तत्वाच्च कफे हितः | शोधयेद्रोपयेच्चापि युक्तः शोधनरोपणैः ||६७|| निम्बपत्रमधुभ्यां तु युक्तः संशोधनः स्मृतः | पूर्वाभ्यां सर्पिषा चापि युक्तश्चाप्युपरोपणः ||६८|| तिलवद्यवकल्कं तु केचिदाहुर्मनीषिणः | शमयेदविदग्धं च विदग्धमपि पाचयेत् ||६९|| पक्वं भिनत्ति भिन्नं च शोधयेद्रोपयेत्तथा |७०|
🔊 Audio coming soon
অপেতপূতিমাংসানামিতি নির্গতশটিতমাংসানাম্| মাংসস্থানাং মাংসমাত্রস্থিতানামিত্যর্থঃ| কল্কো মিশ্রকাধ্যাযে কথিতঃ, স তু “সমঙ্গা সোমসরলা” (সূ. ৩৭) ইত্যাদিঃ| বিশেষার্থমত্রাপি কল্কং নির্দিশন্নাহ- তিলজো মধুসংযুত ইতি| তিলকল্কস্য ত্রিদোষহরত্বমাহ- স ইত্যাদি|- স ইতি তিলকল্কঃ| তিলকল্কস্য তিক্তকষাযত্বে উষ্ণত্বে স্নিগ্ধত্বে মধুরত্বে চ সত্যপি কথং ন বাতাদিপ্রকোপকত্বম্? উচ্যতে- স্ব(প্র)ভাবাদামলকবত্| অস্যৈব তিলকল্কস্য যোগবাহিত্বং সবিশেষং দর্শযন্নাহ- শোধযেদিত্যাদি| অশুদ্ধান্ শোধযেত্, রোপযেচ্চেত্যযমর্থশ্চকারেণ জ্ঞেযঃ| কেন শোধনেন যুক্তঃ শোধযেদিত্যাহ- নিম্বপত্রমধুভ্যামিত্যাদি| মধুসংযুত ইত্যনেনৈব লব্ধে পুনরিহ মধুগ্রহণং কেবলস্যৈব তিলকল্কস্য প্রাগুক্তা মাধুর্যাদযোঽবগন্তব্যাঃ, ন মধুযুক্তস্যেতি জ্ঞাপযতি| কেন রোপণেন শোধনেন যুক্তো ব্রণাঞ্ শোধযেদ্রোপযেচ্চেত্যাহ- পূর্বাভ্যামিত্যাদি|- পূর্বাভ্যাং নিম্বপত্রমধুভ্যামিত্যর্থঃ| যুক্তশ্চাপ্যুপরোপণ ইত্যপিশব্দো ভিন্নক্রমে; তেন নিম্বপত্রমধুঘৃতযুক্তঃ শুদ্ধ্যতো ব্রণস্য শোধনো রোপণোঽপি, তিলকল্কস্য যোগবাহিত্বাদিত্যর্থঃ| অন্যে তু ‘যুক্তঃ সংরোপণো ভবেত্’ ইতি পঠন্তি; তে তু পূর্বোক্তং চকারার্থং ন মন্যন্তে, কিঞ্চ নিম্বপত্রমধুঘৃতযুক্তস্য তিলকল্কস্য রোপণত্বমেবাঙ্গীকুর্বন্তি ন শোধনত্বম্| ইদানীমন্যমপি কল্কং সর্বাবস্থাসু সর্বব্রণযোগিত্বেন সবিশেষমেকীযমতেন নির্দিশন্নাহ- তিলবদিত্যাদি|- তিলবত্তিলসদৃশো যবকল্কোঽপি ত্রিদোষঘ্ন ইত্যনেন প্রকারেণ কেচিদেকীযবচনং ব্যাখ্যানযন্তি; জেজ্জটগযদাসৌ ত্বন্যথা, যথা- তিলা বিদ্যন্তেঽস্মিন্নিতি তিলবান্, তিলবাংশ্চাসৌ যবকল্কশ্চ তিলবদ্যবকল্কঃ, তং তিলবদ্যবকল্কং কেচিদাহুরিতি| সর্বাবস্থাসু সর্বশারীরব্রণযোগ্যত্বমাহ- শমযেদবিদগ্ধং চেত্যাদি| এতেন তিলযুক্তঃ কল্কঃ পঞ্চানামুপক্রমাণাং বিম্লাপনপাচনপাটনশোধনরোপণানামর্থং করোতীত্যুক্তং; তিলকল্কস্তু রোপণশোধনকরণেনোপক্রমদ্বযার্থকরঃ, তদুভযকরণেনোপক্রমত্রযার্থকরো বা, অত এবানযোঃ কল্কযোর্ভেদঃ| রোপযেচ্চেতি চকারেণ তিলকল্কতিলবদ্যবকল্কযোরপি ব্রণবৈকৃত্যাপহত্বং ভবতীতি সমুচ্চীযতে||৬৫-৬৯||-
Adhikarana ৪৭ (৭০) · Śloka ৭১
পিত্তরক্তবিষাগন্তূন্ গম্ভীরানপি চ ব্রণান্ ||৭০|| রোপযেদ্রোপণীযেন ক্ষীরসিদ্ধেন সর্পিষা |৭১|
पित्तरक्तविषागन्तून् गम्भीरानपि च व्रणान् ||७०|| रोपयेद्रोपणीयेन क्षीरसिद्धेन सर्पिषा |७१|
🔊 Audio coming soon
শস্ত্রাদ্যভিঘাতনিমিত্তা ব্রণাঃ সপ্তাহাদর্বাগেব অদোষোপপ্লুতা আগন্তবঃ| রোপণীযেনেতি মিশ্রকোদিতেন “পৃথক্পর্ণ্যাত্মগুপ্তা চ” (সূ. ৩৭) ইত্যাদিনা||৭০||-
Adhikarana ৪৮ (৭১) · Śloka ৭২
কফবাতাভিভূতানাং ব্রণানাং মতিমান্ ভিষক্ ||৭১|| কারযেদ্রোপণং তৈলং ভেষজৈস্তদ্যথোদিতৈঃ |৭২|
कफवाताभिभूतानां व्रणानां मतिमान् भिषक् ||७१|| कारयेद्रोपणं तैलं भेषजैस्तद्यथोदितैः |७२|
🔊 Audio coming soon
যথোদিতৈরিতি মিশ্রকোক্তৈঃ কালানুসার্যাগুরুপ্রভৃতিভিঃ||৭১||-
Adhikarana ৪৯ (৭২) · Śloka ৭৩
অবন্ধ্যানাং চলস্থানাং শুদ্ধানাং চ প্রদুষ্যতাম্ ||৭২|| দ্বিহরিদ্রাযুতাং কুর্যাদ্রোপণার্থাং রসক্রিযাম্ |৭৩|
अबन्ध्यानां चलस्थानां शुद्धानां च प्रदुष्यताम् ||७२|| द्विहरिद्रायुतां कुर्याद्रोपणार्थां रसक्रियाम् |७३|
🔊 Audio coming soon
অবন্ধ্যাঃ পিত্তরক্তবিষাভিঘাতজাদযঃ| চলস্থানামিতি চলাশ্চেষ্টাবন্তঃ সন্ধযঃ, তত্রস্থাশ্চলস্থাঃ, শুদ্ধানাং চ প্রদুষ্যতাং পুনরিত্যর্থঃ| ‘শুদ্ধানাং চাঽপ্ররোহতাম্’ ইতি সুধীরাভিপ্রাযেণ কেচিত্ পঠন্তি| তত্র চলস্থানত্বাদিনা হেতুনাঽপ্ররোহতামিতি দ্রষ্টব্যম্| অস্যাঃ কল্পনা- ন্যগ্রোধাদিবর্গস্য ত্রিফলাযাশ্চ দ্রব্যাপেক্ষযাঽষ্টগুণে চতুর্গুণে বাঽম্ভস্যষ্টভাগাবশিষ্টে চতুর্ভাগাবশিষ্টে বা কষাযং পুনরধিসৃত্য ফাণিতীভাবেঽবশিষ্টকষাযপাদমাত্রযা হরিদ্রাদ্বযচূর্ণং প্রক্ষিপ্য সুমর্দিতাং মধুযুতাং রসক্রিযামবচারযেত্| অত্র শোধনরসক্রিযাবত্ কালাবধির্নাস্ত্যেব, যাবদ্ব্রণরোপণমেব কার্যেতি||৭২||-
Adhikarana ৫০ (৭৩) · Śloka ৭৪
সমানাং স্থিরমাংসানাং ত্বক্স্থানাং রোপণং ভিষক্ ||৭৩|| চূর্ণং বিদধ্যান্মতিমান্ প্রাক্স্থানোক্তো বিধির্যথা |৭৪|
समानां स्थिरमांसानां त्वक्स्थानां रोपणं भिषक् ||७३|| चूर्णं विदध्यान्मतिमान् प्राक्स्थानोक्तो विधिर्यथा |७४|
🔊 Audio coming soon
সমানামিত্যাদি| স্থিরমাংসানাম্ অমৃদুমাংসানাম্| প্রাক্স্থানোক্তো বিধির্যথেতি প্রাক্স্থানে সূত্রস্থানে উক্তো বিধির্যেন প্রকারেণ, স চ প্রকারঃ “কিংশুকস্ত্রিফলা রোধ্রং” (সূ. ৩৭) ইত্যাদিনা নির্দিষ্ট ইত্যর্থঃ||৭৩||-
Adhikarana ৫১ (৭৪) · Śloka ৭৫
শোধনো রোপণশ্চৈব বিধির্যোঽযং প্রকীর্তিতঃ ||৭৪|| সর্বব্রণানাং সামান্যেনোক্তো দোষাবিশেষতঃ |৭৫|
शोधनो रोपणश्चैव विधिर्योऽयं प्रकीर्तितः ||७४|| सर्वव्रणानां सामान्येनोक्तो दोषाविशेषतः |७५|
🔊 Audio coming soon
ইদানীং কষাযাদিভেদেন প্রত্যেকং সপ্তবিধস্য শোধনস্য রোপণস্য চ সর্বব্রণবিষযত্বং দর্শযন্নাহ- শোধন ইত্যাদি| অত্র সুধীরঃ- এষ সর্বব্রণানাং শারীরাগন্তূনাং সামান্যেনোক্তো বিধিঃ| কস্মাত্? দোষাবিশেষতঃ; অবিশিষ্টা হি বাতপিত্তশ্লেষ্মাণো দূষকাঃ শারীরাণামাগন্তূনাং চ ব্রণানাম্; উক্তং চ- “কালান্তরেণ দোষোপপ্লববিশেষাচ্ছারীরবত্ প্রতিকার” ইতি; ‘দোষবিশেষত’ ইতি পাঠে দোষবিশেষতো দোষভেদাত্; শেষং সমম্| কেচিত্তু- সামান্যেনোক্তো বিধিস্তিলনিম্বকল্কাদিঃ, তথা দোষবিশেষতশ্চোক্ত আদ্যে দ্বে পঞ্চমূল্যাবিত্যাদি, ইতি লুপ্তনির্দিষ্টং চকারং বর্ণযন্তি| গযী তু- সর্বব্রণানাং বিদ্রধ্যাদ্যশেষব্রণানামযমেব বিধিরুক্তঃ; কুতঃ? যতো ব্রণসামান্যোক্তঃ, স চ বিধির্দোষবিশেষত ইতি দোষবিশেষমপেক্ষ্য কার্য ইতি ব্যাখ্যানযতি||৭৪||-
Adhikarana ৫২ (৭৫) · Śloka ৭৬
এষ আগমসিদ্ধত্বাত্তথৈব ফলদর্শনাত্ ||৭৫|| মন্ত্রবত্ সম্প্রযোক্তব্যো ন মীমাংস্যঃ কথঞ্চন |৭৬|
एष आगमसिद्धत्वात्तथैव फलदर्शनात् ||७५|| मन्त्रवत् सम्प्रयोक्तव्यो न मीमांस्यः कथञ्चन |७६|
🔊 Audio coming soon
এষঃ শোধনরোপণবিধিঃ| আগমসিদ্ধত্বাদিতি আগমঃ শাস্ত্রং, তেন সিদ্ধত্বাত্ প্রসিদ্ধত্বাদিত্যর্থঃ| ফলদর্শনাত্ আরোগ্যদর্শনাত্| ন মীমাংস্যো ন বিচার্য ইত্যর্থঃ||৭৫||-
Adhikarana ৫৩ (৭৬) · Śloka ৭৭
স্ববুদ্ধ্যা চাপি বিভজেত্ কষাযাদিষু সপ্তসু ||৭৬|| ভেষজানি যথাযোগং যান্যুক্তানি পুরা মযা |৭৭|
स्वबुद्ध्या चापि विभजेत् कषायादिषु सप्तसु ||७६|| भेषजानि यथायोगं यान्युक्तानि पुरा मया |७७|
🔊 Audio coming soon
আগমোক্তযোগবিষযিণীমমীমাংসাং নির্দিশ্য, অনির্দিষ্টযোগবিষযিণীং মীমাংসামেব কথযন্নাহ- স্ববুদ্ধ্যেত্যাদি| কষাযাদিষু সপ্তসু কষাযবর্তিকল্কসর্পিস্তৈলরসক্রিযাচূর্ণেষু||৭৬||-
Adhikarana ৫৪ (৭৭-৭৯) · Śloka ৮০
আদ্যে দ্বে পঞ্চমূল্যৌ তু গণো যশ্চানিলাপহঃ ||৭৭|| স বাতদুষ্টে দাতব্যঃ কষাযাদিষু সপ্তসু | ন্যগ্রোধাদির্গণো যস্তু কাকোল্যাদিশ্চ যঃ স্মৃতঃ ||৭৮|| তৌ পিত্তদুষ্টে দাতব্যৌ কষাযাদিষু সপ্তসু | আরগ্বধাদিস্তু গণো যশ্চোষ্ণঃ পরিকীর্তিতঃ ||৭৯|| তৌ দেযৌ কফদুষ্টে তু, সংসৃষ্টে সংযুতা গণাঃ |৮০|
आद्ये द्वे पञ्चमूल्यौ तु गणो यश्चानिलापहः ||७७|| स वातदुष्टे दातव्यः कषायादिषु सप्तसु | न्यग्रोधादिर्गणो यस्तु काकोल्यादिश्च यः स्मृतः ||७८|| तौ पित्तदुष्टे दातव्यौ कषायादिषु सप्तसु | आरग्वधादिस्तु गणो यश्चोष्णः परिकीर्तितः ||७९|| तौ देयौ कफदुष्टे तु, संसृष्टे संयुता गणाः |८०|
🔊 Audio coming soon
উষ্ণ উষ্ণবীর্যো মুষ্ককাদিঃ সুরসাদির্বা শ্লেষ্মঘ্নঃ| সংসৃষ্টে সংযুতা গণাঃ| অযং গ্রন্থঃ সর্বোঽপি শোধনরোপণবিষযঃ||৭৭-৭৯||-
Adhikarana ৫৫ (৮০) · Śloka ৮১
বাতাত্মকানুগ্ররুজান্ সাস্রাবানপি চ ব্রণান্ ||৮০|| সক্ষৌমযবসর্পির্ভির্ধূপনাঙ্গৈশ্চ ধূপযেত্ |৮১|
वातात्मकानुग्ररुजान् सास्रावानपि च व्रणान् ||८०|| सक्षौमयवसर्पिर्भिर्धूपनाङ्गैश्च धूपयेत् |८१|
🔊 Audio coming soon
ধূপনবিষযমাহ- বাতাত্মকানিত্যাদি| উগ্ররুজান্ সাস্রাবানিতি পদদ্বযেন বাতকফাত্মকত্বমুক্তম্| সক্ষৌমেত্যাদি ক্ষৌমমতসীবস্ত্রম্| ধূপনাঙ্গানি “শ্রীবেষ্টকে সর্জরসে” (সূ. ৩৭) ইত্যাদীনি||৮০||-
Adhikarana ৫৬ (৮১-৮২) · Śloka ৮৩
পরিশুষ্কাল্পমাংসানাং গম্ভীরাণাং তথৈব চ ||৮১|| কুর্যাদুত্সাদনীযানি সর্পীংষ্যালেপনানি চ | মাংসাশিনাং চ মাংসানি ভক্ষযেদ্বিধিবন্নরঃ ||৮২|| বিশুদ্ধমনসস্তস্য মাংসং মাংসেন বর্ধতে |৮৩|
परिशुष्काल्पमांसानां गम्भीराणां तथैव च ||८१|| कुर्यादुत्सादनीयानि सर्पींष्यालेपनानि च | मांसाशिनां च मांसानि भक्षयेद्विधिवन्नरः ||८२|| विशुद्धमनसस्तस्य मांसं मांसेन वर्धते |८३|
🔊 Audio coming soon
উত্সাদনবিষযমাহ- পরিশুষ্কেত্যাদি| পরিশুষ্কাল্পমাংসানাং বাতাত্মকানাম্| গম্ভীরাণাং রক্তপিত্তাত্মকানাম্| প্রযোগে উত্সাদনীযানীতি অপামার্গাশ্বগন্ধাদীনি উত্সাদনদ্রব্যাণীত্যর্থঃ| এতৈঃ সর্পিঃসংস্কার আলেপনং চ কর্তব্যম্| উত্সাদনং নিম্নব্রণস্যোন্নতিকরণম্| আভ্যন্তরমুত্সাদনমাহ- মাংসাশিনামিত্যাদি|- ব্যাঘ্রাদীনামিত্যর্থঃ| বিশুদ্ধমনসঃ শোকক্রোধাদ্যনভিভূতমনস ইত্যর্থঃ; জেজ্জটস্তু ব্যাঘ্রাদীনাং মাংসানি ছদ্মোপহিতানি , এবং বিশুদ্ধমনস ইতি ব্যাখ্যানযতি||৮১-৮২||-
Adhikarana ৫৭ (৮৩) · Śloka ৮৪
উত্সন্নমৃদুমাংসানাং ব্রণানামবসাদনম্ ||৮৩|| কুর্যাদ্দ্রব্যৈর্যথোদ্দিষ্টৈশ্চূর্ণিতৈর্মধুনা সহ |৮৪|
उत्सन्नमृदुमांसानां व्रणानामवसादनम् ||८३|| कुर्याद्द्रव्यैर्यथोद्दिष्टैश्चूर्णितैर्मधुना सह |८४|
🔊 Audio coming soon
অবসাদনবিষযমাহ- উত্সন্নেত্যাদি| উত্সন্নমৃদুমাংসানামিতি উত্সন্নমুদ্ধৃতং মৃদু মাংসং যেষাং তে তথা| অবসাদনম্ উন্নতব্রণস্য নিম্নত্বকরণম্| যথোদ্দিষ্টৈর্দ্রব্যৈঃ কাসীসাদিভিঃ||৮৩||-
Adhikarana ৫৮ (৮৪-৮৫) · Śloka ৮৬
কঠিনানামমাংসানাং দুষ্টানাং মাতরিশ্বনা ||৮৪|| মৃদ্বী ক্রিযা বিধাতব্যা শোণিতং চাপি মোক্ষযেত্ | বাতঘ্নৌষধসংযুক্তান্ স্নেহান্ সেকাংশ্চ কারযেত্ ||৮৫|| মৃদুত্বমাশুরোহং চ গাঢো বন্ধঃ করোতি হি |৮৬|
कठिनानाममांसानां दुष्टानां मातरिश्वना ||८४|| मृद्वी क्रिया विधातव्या शोणितं चापि मोक्षयेत् | वातघ्नौषधसंयुक्तान् स्नेहान् सेकांश्च कारयेत् ||८५|| मृदुत्वमाशुरोहं च गाढो बन्धः करोति हि |८६|
🔊 Audio coming soon
মৃদুকর্মবিষযমাহ- কঠিনানামিত্যাদি| অমাংসানাম্ অল্পমাংসানাম্| মাতরিশ্বনা বাযুনা| মৃদ্বী ক্রিযা মধুরস্নিগ্ধকোষ্ণলবণৈরন্তর্বহিশ্চ ক্রিযমাণৈর্লেপাদিভিঃ | শোণিতমিত্যাদি তত্র রক্তানুগতে মাতরিশ্বনি রক্তমোক্ষণং, কফানুগতে স্নেহান্ সেকাংশ্চেতি | মৃদুত্বমিত্যাদি| গাঢো বন্ধঃ কিং করোতীত্যাহ- মৃদুত্বমাশুরোহং চ||৮৪-৮৫||-
Adhikarana ৫৯ (৮৬-৮৭) · Śloka ৮৭
ব্রণেষু মৃদুমাংসেষু দারুণীকরণং হিতম্ | ধবপ্রিযঙ্গ্বশোকানাং রোহিণ্যাশ্চ ত্বচস্তথা ||৮৬|| ত্রিফলাধাতকীপুষ্পরোধ্রসর্জরসান্ সমান্ | কৃত্বা সূক্ষ্মাণি চূর্ণানি ব্রণং তৈরবচূর্ণযেত্ ||৮৭||
व्रणेषु मृदुमांसेषु दारुणीकरणं हितम् | धवप्रियङ्ग्वशोकानां रोहिण्याश्च त्वचस्तथा ||८६|| त्रिफलाधातकीपुष्परोध्रसर्जरसान् समान् | कृत्वा सूक्ष्माणि चूर्णानि व्रणं तैरवचूर्णयेत् ||८७||
🔊 Audio coming soon
দারুণকর্মবিষযমাহ- ব্রণেষ্বিত্যাদি| দারুণীকরণং কঠিনীকরণম্| রোহিণ্যাঃ কট্ফলস্য ||৮৬-৮৭||
Adhikarana ৬০ (৮৮) · Śloka ৮৮
উত্সন্নমাংসান্ কঠিনান্ কণ্ডূযুক্তাংশ্চিরোত্থিতান্ | তথৈব খলু দুঃশোধ্যাঞ্ শোধযেত্ ক্ষারকর্মণা ||৮৮||
उत्सन्नमांसान् कठिनान् कण्डूयुक्तांश्चिरोत्थितान् | तथैव खलु दुःशोध्याञ् शोधयेत् क्षारकर्मणा ||८८||
🔊 Audio coming soon
ক্ষারবিষযমাহ- উত্সন্নমাংসানিত্যাদি||৮৮||
Adhikarana ৬১ (৮৯) · Śloka ৮৯
স্রবতোঽশ্মভবান্মূত্রং যে চান্যে রক্তবাহিনঃ | নিঃশেষচ্ছিন্নসন্ধীংশ্চ সাধযেদগ্নিকর্মণা ||৮৯||
स्रवतोऽश्मभवान्मूत्रं ये चान्ये रक्तवाहिनः | निःशेषच्छिन्नसन्धींश्च साधयेदग्निकर्मणा ||८९||
🔊 Audio coming soon
অগ্নিকর্মবিষযমাহ- স্রবত ইত্যাদি| অশ্মভবান্ অশ্মরীনির্হরণচ্ছেদসম্ভবান্ ব্রণানগ্নিকর্মণা সাধযেদিতি সম্বন্ধঃ| কিংবিশিষ্টান্ ব্রণান্? মূত্রং স্রবতঃ; যদ্যপি তে ব্রণা মূত্রস্রাবিণস্তথাঽপি সদ্যোব্রণে মূত্রং যাবত্তাবত্তেঽদহনীযাঃ, সপ্তাহাদূর্ধ্বং পুনর্যদা ব্রণানামসন্ধানেন মূত্রং স্বমার্গং ন প্রতিপদ্যতে তদৈবাগ্নিনা দহেত্||৮৯||
Adhikarana ৬২ (৮৯-৯৩) · Śloka ৯৪
দুরূঢত্বাত্তু শুক্লানাং কৃষ্ণকর্ম হিতং ভবেত্ | ভল্লাতকান্ বাসযেত্তু ক্ষীরে প্রাঙ্মূত্রভাবিতান্ | ততো দ্বিধাচ্ছেদযিত্বা লৌহে কুম্ভে নিধাপযেত্ ||৯০|| কুম্ভেঽন্যস্মিন্ নিখাতে তু তং কুম্ভমথ যোজযেত্ | মুখং মুখেন সন্ধায গোমযৈর্দাহযেত্ততঃ ||৯১|| যঃ স্নেহশ্চ্যবতে তস্মাদ্গ্রাহযেত্তং শনৈর্ভিষক্ | গ্রাম্যানূপশফান্ দগ্ধ্বা সূক্ষ্মচূর্ণানি কারযেত্ ||৯২|| তৈলেনানেন সংসৃষ্টং শুক্লমালেপযেদ্ব্রণম্ | ভল্লাতকবিধানেন সারস্নেহাংস্তু কারযেত্ ||৯৩|| যে চ কেচিত্ ফলস্নেহা বিধানং তেষু পূর্ববত্ |৯৪|
दुरूढत्वात्तु शुक्लानां कृष्णकर्म हितं भवेत् | भल्लातकान् वासयेत्तु क्षीरे प्राङ्मूत्रभावितान् | ततो द्विधाच्छेदयित्वा लौहे कुम्भे निधापयेत् ||९०|| कुम्भेऽन्यस्मिन् निखाते तु तं कुम्भमथ योजयेत् | मुखं मुखेन सन्धाय गोमयैर्दाहयेत्ततः ||९१|| यः स्नेहश्च्यवते तस्माद्ग्राहयेत्तं शनैर्भिषक् | ग्राम्यानूपशफान् दग्ध्वा सूक्ष्मचूर्णानि कारयेत् ||९२|| तैलेनानेन संसृष्टं शुक्लमालेपयेद्व्रणम् | भल्लातकविधानेन सारस्नेहांस्तु कारयेत् ||९३|| ये च केचित् फलस्नेहा विधानं तेषु पूर्ववत् |९४|
🔊 Audio coming soon
ইদানীং রূঢস্যৈব ব্রণস্য বিকৃতস্য প্রকৃতিভাবার্থং পশ্চাত্কর্মারম্ভঃ , তত্র পূর্বং শুক্লস্যৈব কৃষ্ণীকরণমাহ- দুরূঢত্বাদিত্যাদি| প্রাক্ পূর্বং সপ্তাহং গব্যমূত্রভাবিতান্ ভল্লাতকান্ গব্যক্ষীরে বাসযেত্ স্থাপযেত্, অত্র কালস্যানুক্তত্বাদ্বক্ষ্যমাণরোহিণীফলক্ষীরবাসনবত্ সপ্তরাত্রমেব বাসনং কার্যম্| কুম্ভেঽন্যস্মিন্নিত্যাদি| অন্যস্মিন্ কুম্ভে নিখাতে তং কুম্ভং যোজযেদ্ যত্র কুম্ভে ভল্লাতকানি নিক্ষিপ্যন্তে; কথং যোজযেদিত্যাহ- মুখং মুখেনেত্যাদি| তমপি কুম্ভং নিরন্তরচ্ছিদ্রিতাপিধানং কৃত্বা যোজযেত্; অন্যথাঽনাবৃতমুখাদুপরিগতকুম্ভাদ্ভল্লাতকানি ভ্রশ্যন্তে| গ্রাম্যানূপশফানিতি গ্রাম্যা অশ্বাদযঃ, আনূপা মহিষাদযঃ, শফান্ খুরান্| কৃষ্ণীকরণে স্নেহানপরানপি নির্দিশন্নাহ- ভল্লাতকেত্যাদি| যে চ কেচিত্ পিণ্ডিতকবিভীতকাদিস্নেহাস্তেষামপ্যেতদেব ভল্লাতকস্নেহনিষ্পাদনবদ্বিধানং, তেষু মধ্যে যে কৃষ্ণীকরণার্থাস্তেষাং গ্রাম্যাদিশফদাহভস্মচূর্ণমিশ্রাণামবচারণমিতি ভাবঃ||৮৯-৯৩||
Adhikarana ৬৩ (৯৪-৯৮) · Śloka ৯৯
দুরূঢত্বাত্তু কৃষ্ণানাং পাণ্ডুকর্ম হিতং ভবেত্ ||৯৪|| সপ্তরাত্রং স্থিতং ক্ষীরে ছাগলে রোহিণীফলম্ | তেনৈব পিষ্টং সুশ্লক্ষ্ণং সবর্ণকরণং হিতম্ ||৯৫|| নবং কপালিকাচূর্ণং বৈদুলং সর্জনাম চ | কাসীসং মধুকং চৈব ক্ষৌদ্রযুক্তং প্রলেপযেত্ ||৯৬|| কপিত্থমুদ্ধৃতে মাংসে মূত্রেণাজেন পূরযেত্ | কাসীসং রোচনাং তুত্থং হরিতালং মনঃশিলাম্ ||৯৭|| বেণুনির্লেখনং চাপি প্রপুন্নাডরসাঞ্জনম্ | অধস্তাদর্জুনস্যৈতন্মাসং ভূমৌ নিধাপযেত্ ||৯৮|| মাসাদূর্ধ্বং ততস্তেন কৃষ্ণমালেপযেদ্ব্রণম্ |৯৯|
दुरूढत्वात्तु कृष्णानां पाण्डुकर्म हितं भवेत् ||९४|| सप्तरात्रं स्थितं क्षीरे छागले रोहिणीफलम् | तेनैव पिष्टं सुश्लक्ष्णं सवर्णकरणं हितम् ||९५|| नवं कपालिकाचूर्णं वैदुलं सर्जनाम च | कासीसं मधुकं चैव क्षौद्रयुक्तं प्रलेपयेत् ||९६|| कपित्थमुद्धृते मांसे मूत्रेणाजेन पूरयेत् | कासीसं रोचनां तुत्थं हरितालं मनःशिलाम् ||९७|| वेणुनिर्लेखनं चापि प्रपुन्नाडरसाञ्जनम् | अधस्तादर्जुनस्यैतन्मासं भूमौ निधापयेत् ||९८|| मासादूर्ध्वं ततस्तेन कृष्णमालेपयेद्व्रणम् |९९|
🔊 Audio coming soon
ইদানীং কৃষ্ণানাং পাণ্ডুকর্মণা সবর্ণীকরণমাহ- দুরূঢত্বাদিত্যাদি| গযী তু ‘ছাগলে’ ইত্যত্র ‘বার্করে’ ইতি পঠতি, তত্র বর্করী তরুণচ্ছাগী, তস্যা ইদং বার্করম্; অন্যে তু বৃদ্ধবত্সাযাঃ ক্ষীরং বষ্কযণীক্ষীরং বা বার্করমাহুঃ; তত্র ন শাস্ত্রলোকপ্রসিদ্ধিরিতি গযী| রোহিণীফলমিতি রোহিণী হরীতকীভেদস্তত্ফলম্; অন্যে তু কটুতুম্বীফলমাহুঃ; কটুকাফলমিতি পাঠান্তরম্ | তেনৈব ক্ষীরেণেত্যর্থঃ| যোগান্তরমাহ- নবমিত্যাদি| কপালিকা শরাবকর্পরিকা তচ্চূর্ণং নবং, সা পুনরাপাকোদ্ধৃতৈব নবা কপালিকা ভবতি; অন্যে তু নবং প্রলেপনমাহুঃ, তত্র নবমপর্যুষিতমিত্যর্থঃ| বিদুলো বেতসস্তদ্ভবং বৈদুলং, ‘মূলং’ ইতি শেষঃ| সর্জনাম চ সর্জবৃক্ষমূলম্| যোগান্তরমাহ- কপিত্থমুদ্ধৃতে মাংস ইত্যাদি| মাংসমত্র আভ্যন্তরো গিরঃ, তমুদ্ধৃত্য আজমূত্রেণ কাসীসাদিভিশ্চ কপিত্থং পূরযেত্| বেণুনির্লেখনং বংশতক্ষণং বংশত্বগিত্যর্থঃ| অর্জুনঃ ককুভঃ, তস্যাধস্তলে নিধাপযেত্ স্থাপযেত্ ||৯৪-৯৮||-
Adhikarana ৬৪ (৯৯-১০০) · Śloka ১০০
কুক্কুটাণ্ডকপালানি কতকং মধুকং সমম্ ||৯৯|| তথা সমুদ্রমণ্ডূকী মণিচূর্ণং চ দাপযেত্ | গুটিকা মূত্রপিষ্টাস্তা ব্রণানাং প্রতিসারণম্ ||১০০||
कुक्कुटाण्डकपालानि कतकं मधुकं समम् ||९९|| तथा समुद्रमण्डूकी मणिचूर्णं च दापयेत् | गुटिका मूत्रपिष्टास्ता व्रणानां प्रतिसारणम् ||१००||
🔊 Audio coming soon
তযোরেব শুক্লকৃষ্ণব্রণযোঃ স্বপ্রযোগৈরবশিষ্টশুক্লত্বকার্ষ্ণ্যযোঃ সবর্ণকরণং নির্দিশন্নাহ- কুক্কুটাণ্ডেত্যাদি| সমুদ্রমণ্ডূকী জলশুক্তিঃ, মণিচূর্ণানি স্ফটিকাদিচূর্ণানি; শ্রীব্রহ্মদেবস্তু সমুদ্রমণ্ডূকীং মুক্তাশুক্তিমাহ, জেজ্জটাচার্যেণ ছেদ্যরোগপ্রতিষেধে ব্যাখ্যাতত্বান্মণিচূর্ণং মৌক্তিকচূর্ণমিতি| প্রতিসারণং ঘর্ষণম্| অস্য তু সাবর্ণ্যমেব কর্মেতি কৃষ্ণপাণ্ডুকর্মভ্যামস্য ভেদঃ; নেদমুপক্রমান্তরং, শুক্লকৃষ্ণকর্মণোরেব শেষত্বাত্, অতো ন সঙ্খ্যাতিরেকঃ||৯৯-১০০||
Adhikarana ৬৫ (১০১-১০৩) · Śloka ১০৩
হস্তিদন্তমসীং কৃত্বা মুখ্যং চৈব রসাঞ্জনম্ | রোমাণ্যেতেন জাযন্তে লেপাত্পাণিতলেষ্বপি ||১০১|| চতুষ্পদানাং ত্বগ্রোমখুরশৃঙ্গাস্থিভস্মনা | তৈলাক্তা চূর্ণিতা ভূমির্ভবেদ্রোমবতী পুনঃ ||১০২|| কাসীসং নক্তমালস্য পল্লবাংশ্চৈব সংহরেত্ | কপিত্থরসপিষ্টানি রোমসঞ্জননং পরম্ ||১০৩||
हस्तिदन्तमसीं कृत्वा मुख्यं चैव रसाञ्जनम् | रोमाण्येतेन जायन्ते लेपात्पाणितलेष्वपि ||१०१|| चतुष्पदानां त्वग्रोमखुरशृङ्गास्थिभस्मना | तैलाक्ता चूर्णिता भूमिर्भवेद्रोमवती पुनः ||१०२|| कासीसं नक्तमालस्य पल्लवांश्चैव संहरेत् | कपित्थरसपिष्टानि रोमसञ्जननं परम् ||१०३||
🔊 Audio coming soon
রোমসঞ্জননমাহ- হস্তিদন্তেত্যাদি| মুখ্যং শ্রেষ্ঠমিত্যর্থঃ| এতেন হস্তিদন্তমসীরসাঞ্জনেন, ‘অজাক্ষীরসহিতেন’ ইতি বাক্যশেষঃ| পাণিতলং হস্ততলম্| অযং যোগঃ কেশশাতে সতি বহুশো দৃষ্টপ্রত্যযঃ| চতুষ্পদানামিত্যাদি চতুষ্পদা অশ্বগোমহিষাদযঃ| তৈলাক্তা চূর্ণিতা পূর্বং তৈলাভ্যক্তা পশ্চাচ্চূর্ণিতা ত্বগ্রোমাদিভস্মচূর্ণসংযুক্তা রোমবতী ভবেদিত্যর্থঃ| কাসীসমিত্যাদি| নক্তমালস্য পল্লবাঃ করঞ্জস্য কোমলপত্রাণীত্যর্থঃ ||১০১-১০৩||
Adhikarana ৬৬ (১০৪-১০৮) · Śloka ১০৮
রোমাকীর্ণো ব্রণো যস্তু ন সম্যগুপরোহতি | ক্ষুরকর্তরিসন্দংশৈস্তস্য রোমাণি নির্হরেত্ ||১০৪|| (শঙ্খচূর্ণস্য ভাগৌ দ্বৌ হরিতালং চ ভাগিকম্ | শুক্তেন সহ পিষ্টানি লোমশাতনমুত্তমম্) ||১০৫|| তৈলং ভল্লাতকস্যাথ স্নুহীক্ষীরং তথৈব চ | প্রগৃহ্যৈকত্র মতিমান্ রোমশাতনমুত্তমম্ ||১০৬|| কদলীদীর্ঘবৃন্তাভ্যাং ভস্মালং লবণং শমীবীজং শীতোদপিষ্টং বা রোমশাতনমাচরেত্ ||১০৭|| আগারগোধিকাপুচ্ছং রম্ভাঽঽলং বীজমৈঙ্গুদম্ | দগ্ধ্বা তদ্ভস্মতৈলাম্বু সূর্যপক্বং কচান্তকৃত্ ||১০৮||
रोमाकीर्णो व्रणो यस्तु न सम्यगुपरोहति | क्षुरकर्तरिसन्दंशैस्तस्य रोमाणि निर्हरेत् ||१०४|| (शङ्खचूर्णस्य भागौ द्वौ हरितालं च भागिकम् | शुक्तेन सह पिष्टानि लोमशातनमुत्तमम्) ||१०५|| तैलं भल्लातकस्याथ स्नुहीक्षीरं तथैव च | प्रगृह्यैकत्र मतिमान् रोमशातनमुत्तमम् ||१०६|| कदलीदीर्घवृन्ताभ्यां भस्मालं लवणं शमीबीजं शीतोदपिष्टं वा रोमशातनमाचरेत् ||१०७|| आगारगोधिकापुच्छं रम्भाऽऽलं बीजमैङ्गुदम् | दग्ध्वा तद्भस्मतैलाम्बु सूर्यपक्वं कचान्तकृत् ||१०८||
🔊 Audio coming soon
রোমশাতনমাহ- রোমাকীর্ণ ইত্যাদি| কর্তরী শ্মশ্রুকর্তনাদ্যুপযুক্তং শস্ত্রম্| সন্দংশো নাসালোমাপহো যন্ত্রভেদঃ, নাসাবো(ছো)টিকেতি লোকে| ঔষধকৃতং লোমশাতনমাহ- তৈলমিত্যাদি| দীর্ঘবৃন্তঃ শ্যোনাকঃ| আলং হরিতালম্| শ্লোকার্ধগতমপি শমীবীজমিতি সমস্তপদম্| তত্র রক্তফলা শমী প্রলেপে ভক্ষণে চ কেশঘ্নীতি বৃদ্ধবৈদ্যা বদন্তি| শীতোদপিষ্টমিতি এতত্ সর্বং শীতজলপিষ্টমিত্যর্থঃ| আগারগোধিকা গৃহগোধিকা ‘ব্রাহ্মণী’ ইতি লোকে| রম্ভা কদলী| আলং হরিতালম্ | বীজমৈঙ্গুদং ইঙ্গুদীবৃক্ষবীজম্| কচান্তকৃত্ কেশবিনাশকারীত্যর্থঃ| অত্র গযী তু ‘তৈলং ভল্লাতকস্য’ ইত্যাদি সর্বং পাঠান্তরং কৃত্বা ‘কোশাতকীভিঃ’ ইত্যাদি পঠতি; তচ্চাভাবান্ন লিখিতম্||১০৪-১০৮||
Adhikarana ৬৭ (১০৯) · Śloka ১০৯
বাতদুষ্টো ব্রণো যস্তু রূক্ষশ্চাত্যর্থবেদনঃ | অধঃকাযে বিশেষেণ তত্র বস্তির্বিধীযতে ||১০৯||
वातदुष्टो व्रणो यस्तु रूक्षश्चात्यर्थवेदनः | अधःकाये विशेषेण तत्र बस्तिर्विधीयते ||१०९||
🔊 Audio coming soon
বস্তিবিষযমাহ- বাতদুষ্টেত্যাদি| বস্তিরত্র নিরূহঃ স্নৈহিকশ্চঃ||১০৯||
Adhikarana ৬৮ (১১০) · Śloka ১১০
মূত্রাঘাতে মূত্রদোষে শুক্রদোষেঽশ্মরীব্রণে | তথৈবার্তবদোষে চ বস্তিরপ্যুত্তরো হিতঃ ||১১০||
मूत्राघाते मूत्रदोषे शुक्रदोषेऽश्मरीव्रणे | तथैवार्तवदोषे च बस्तिरप्युत्तरो हितः ||११०||
🔊 Audio coming soon
উত্তরবস্তিবিষযমাহ- মূত্রাঘাতে ইত্যাদি| মূত্রাঘাতাদযো যদা ব্রণনিমিত্তা ভবন্তি তদোত্তরবস্তিবিধানম্||১১০||
Adhikarana ৬৯ (১১১) · Śloka ১১১
যস্মাচ্ছুধ্যতি বন্ধেন ব্রণো যাতি চ মার্দবম্ | রোহত্যপি চ নিঃশঙ্কস্তস্মাদ্বন্ধো বিধীযতে ||১১১||
यस्माच्छुध्यति बन्धेन व्रणो याति च मार्दवम् | रोहत्यपि च निःशङ्कस्तस्माद्बन्धो विधीयते ||१११||
🔊 Audio coming soon
ব্রণস্য বন্ধকরণে হেতুমাহ- যস্মাদিত্যাদি| নিঃশঙ্কঃ নির্গতা শঙ্কা নির্ঘাতমক্ষিকাদিপতনানাং যত্র সঃ; ‘নিঃসঙ্গঃ’ ইতি কেচিত্ পঠন্তি, তত্র নির্গতোঽভিঘাতহেতোঃ সঙ্গঃ সম্বন্ধো যস্যেত্যর্থঃ| আলেপবিধৌ বন্ধ্যাবন্ধ্যস্যোক্তত্বাদ্বিষযোঽস্য প্রযোগশ্চোক্তঃ| অত্র কেচিদ্ যস্মাচ্ছুধ্যতীত্যতঃ প্রাক্ “অদুষ্টিঃ সমবর্ত্মত্বং বেদনোপশমঃ সুখম্| আলেপনাদ্যৈঃ শোফস্য সাধুবন্ধাদ্বিধীযতে”- ইতি পঠন্তি; স তু পাঠো নিবন্ধকারৈর্ন ধৃতঃ, ইত্যস্মাভির্ন লিখিতো ন ব্যাখ্যাতশ্চ||১১১||
Adhikarana ৭০ (১১২-১১৮) · Śloka ১১৮
স্থিরাণামল্পমাংসানাং রৌক্ষ্যাদনুপরোহতাম্ | পত্রদানং ভবেত্ কার্যং যথাদোষং যথর্তু চ ||১১২|| এরণ্ডভূর্জপূতীকহরিদ্রাণাং তু বাতজে | পত্রমাশ্ববলং যচ্চ কাশ্মরীপত্রমেব চ ||১১৩|| পত্রাণি ক্ষীরবৃক্ষাণামৌদকানি তথৈব চ | দূষিতে রক্তপিত্তাভ্যাং ব্রণে দদ্যাদ্বিচক্ষণঃ ||১১৪|| পাঠামূর্বাগুডূচীনাং কাকমাচীহরিদ্রযোঃ | পত্রং চ শুকনাসাযা যোজযেত্ কফজে ব্রণে ||১১৫|| অকর্কশমবিচ্ছিন্নমজীর্ণং সুকুমারকম্ | অজন্তুজগ্ধং মৃদু চ পত্রং গুণবদুচ্যতে ||১১৬|| স্নেহমৌষধসারং চ পট্টঃ পত্রান্তরীকৃতঃ | নাদত্তে যত্ততঃ পত্রং লেপস্যোপরি দাপযেত্ ||১১৭|| শৈত্যৌষ্ণ্যজননার্থায স্নেহসঙ্গ্রহণায চ | দত্তৌষধেষু দাতব্যং পত্রং বৈদ্যেন জানতা ||১১৮||
स्थिराणामल्पमांसानां रौक्ष्यादनुपरोहताम् | पत्रदानं भवेत् कार्यं यथादोषं यथर्तु च ||११२|| एरण्डभूर्जपूतीकहरिद्राणां तु वातजे | पत्रमाश्वबलं यच्च काश्मरीपत्रमेव च ||११३|| पत्राणि क्षीरवृक्षाणामौदकानि तथैव च | दूषिते रक्तपित्ताभ्यां व्रणे दद्याद्विचक्षणः ||११४|| पाठामूर्वागुडूचीनां काकमाचीहरिद्रयोः | पत्रं च शुकनासाया योजयेत् कफजे व्रणे ||११५|| अकर्कशमविच्छिन्नमजीर्णं सुकुमारकम् | अजन्तुजग्धं मृदु च पत्रं गुणवदुच्यते ||११६|| स्नेहमौषधसारं च पट्टः पत्रान्तरीकृतः | नादत्ते यत्ततः पत्रं लेपस्योपरि दापयेत् ||११७|| शैत्यौष्ण्यजननार्थाय स्नेहसङ्ग्रहणाय च | दत्तौषधेषु दातव्यं पत्रं वैद्येन जानता ||११८||
🔊 Audio coming soon
পত্রদানবিষযমাহ- স্থিরাণামিত্যাদি| দোষবিশেষেণ পত্রবিশেষমাহ- এরণ্ডেত্যাদি| সুগমম্| পত্রমাশ্ববলমিতি অশ্ববলা উপোদকী তস্যা ইদমাশ্ববলং, ব্রহ্মদেবস্তু অশ্ববলা যবনভূমৌ মেথিকাকারবীজা ভবতীত্যাহ| ক্ষীরবৃক্ষাবটাদযঃ| ঔদকানি পদ্মকুমুদাদীনি| কফজে পত্রদানমাহ- পাঠা মূর্বেত্যাদি| মূর্বা ধনুর্গুণোপযুক্তো লতাভেদঃ| শুকনাসা চর্মকারবটঃ ‘কুপ্যক’ ইতি কান্যকুব্জে, ‘চর্মকারজম্বূপলাসিকা’ ইতি মালবীযা বদন্তি| অজীর্ণং নবম্| সুকুমারকং তনু| অজন্তুজগ্ধং ন কৃমিভক্ষিতম্| মৃদু কোমলম্| পত্রদানস্য প্রযোজনমাহ- স্নেহমিত্যাদি| ততস্তস্মাল্লেপস্যোপরি পত্রং দাপযেদিতি সম্বন্ধঃ| যত্ যস্মাত্ কারণাত্ পট্টো ব্রণবন্ধনদ্রব্যং; নাদত্তে নৈব গৃহ্ণাতি; কিংবিশিষ্টঃ পট্টঃ? পত্রান্তরীকৃতঃ পত্রেণান্তরীকৃতো ব্যবধাপিতঃ | কিং নাদত্তে? স্নেহং শতধৌতঘৃতাদিকম্| ন কেবলং স্নেহম্, ঔষধসারং চ; ঔষধস্য সারং বীর্যম্| অন্যে তু “স্নেহমৌষধসারং চ পট্টবস্ত্রান্তরীকৃতম্| ন দূষযতি যত্ পত্রং তল্লেপোপরি দাপযেত্”- ইতি পঠন্তি| অপরমপি পত্রদানপ্রযোজনমাহ- শৈত্যৌষ্ণ্যেত্যাদি| পিত্তরক্তব্রণে শৈত্যং করণীযং, বাতকফব্রণে ঔষ্ণ্যং, তদর্থং পত্রম্| দত্তৌষধেষু ‘ব্রণেষু’ ইতি শেষঃ||১১২-১১৮||
Adhikarana ৭১ (১১৯-১২২) · Śloka ১২২
মক্ষিকা ব্রণমাগত্য নিঃক্ষিপন্তি যদা কৃমীন্ | শ্বযথুর্ভক্ষিতে তৈস্তু জাযতে ভৃশদারুণঃ ||১১৯|| তীব্রা রুজো বিচিত্রাশ্চ রক্তাস্রাবশ্চ জাযতে | সুরসাদির্হিতস্তত্র ধাবনে পূরণে তথা ||১২০|| সপ্তপর্ণকরঞ্জার্কনিম্বরাজাদনত্বচঃ | হিতা গোমূত্রপিষ্টাশ্চ সেকঃ ক্ষারোদকেন বা ||১২১|| প্রচ্ছাদ্য মাংসপেশ্যা বা কৃমীনপহরেদ্ব্রণাত্ | বিংশতিং কৃমিজাতীস্তু বক্ষ্যাম্যুপরি ভাগশঃ ||১২২||
मक्षिका व्रणमागत्य निःक्षिपन्ति यदा कृमीन् | श्वयथुर्भक्षिते तैस्तु जायते भृशदारुणः ||११९|| तीव्रा रुजो विचित्राश्च रक्तास्रावश्च जायते | सुरसादिर्हितस्तत्र धावने पूरणे तथा ||१२०|| सप्तपर्णकरञ्जार्कनिम्बराजादनत्वचः | हिता गोमूत्रपिष्टाश्च सेकः क्षारोदकेन वा ||१२१|| प्रच्छाद्य मांसपेश्या वा कृमीनपहरेद्व्रणात् | विंशतिं कृमिजातीस्तु वक्ष्याम्युपरि भागशः ||१२२||
🔊 Audio coming soon
কৃমিঘ্নবিষযমাহ- মক্ষিকেত্যাদি| ভক্ষিতে ‘ব্রণে’ ইতি শেষঃ| তৈঃ কৃমিভিঃ| ভৃশদারুণঃ অত্যর্থং কষ্টকারী| বিচিত্রাঃ তোদদাহকণ্ড্বাদিনানারূপা রুজ ইত্যর্থঃ| ধাবনে প্রক্ষালনে| সপ্তপর্ণকরঞ্জেত্যাদযো ‘হিতা’ ইতি শেষঃ| সেকঃ পরিষেকঃ| প্রচ্ছাদ্য ‘ব্রণম্’ ইতি শেষঃ| মাংসপেশ্যা মাংসখণ্ডেন| বক্ষ্যাম্যুপরীতি উপর্যুত্তরতন্ত্রে কৃমিপ্রতিষেধীযে (উ. ৫৪) ইত্যর্থঃ||১১৯-১২২||
Adhikarana ৭২ (১২৩) · Śloka ১২৩
দীর্ঘকালাতুরাণাং তু কৃশানাং ব্রণশোষিণাম্ | বৃংহণীযো বিধিঃ সর্বঃ কাযাগ্নিং পরিরক্ষতা ||১২৩||
दीर्घकालातुराणां तु कृशानां व्रणशोषिणाम् | बृंहणीयो विधिः सर्वः कायाग्निं परिरक्षता ||१२३||
🔊 Audio coming soon
বৃংহণবিষযমাহ- দীর্ঘেত্যাদি| বৃংহণীযো দেহোপচযকরো বিধিঃ কার্যঃ| ‘কার্যোঽগ্নিং পরিরক্ষতা’ ইতি কর্তব্যে যত্ কাযগ্রহণং তদ্দেহগতকার্শ্যদোষসাত্ম্যাদ্যনুক্তগ্রহণার্থম্| ‘কার্যোঽগ্নিং পরিরক্ষতা’ ইতি কেচিত্ পঠন্তি||১২৩||
Adhikarana ৭৩ (১২৪) · Śloka ১২৪
বিষজুষ্টস্য বিজ্ঞানং বিষনিশ্চযমেব চ | চিকিত্সিতং চ বক্ষ্যামি কল্পেষু প্রতিভাগশঃ ||১২৪||
विषजुष्टस्य विज्ञानं विषनिश्चयमेव च | चिकित्सितं च वक्ष्यामि कल्पेषु प्रतिभागशः ||१२४||
🔊 Audio coming soon
বিষঘ্নং নির্দিশন্নাহ- বিষজুষ্টস্যেত্যাদি| বিষজুষ্টস্য ‘অন্নপানাদেঃ’ ইতি শেষঃ| বিজ্ঞানং লক্ষণমিত্যর্থঃ| বিষনিশ্চযং স্থাবরজঙ্গমাদিবিষস্য সম্যগ্জ্ঞানম্| প্রতিভাগশঃ প্রত্যেকমিত্যর্থঃ||১২৪||
Adhikarana ৭৪ (১২৫) · Śloka ১২৫
কণ্ডূমন্তঃ সশোফাশ্চ যে চ জত্রূপরি ব্রণাঃ | শিরোবিরেচনং তেষু বিদধ্যাত্কুশলো ভিষক্ ||১২৫||
कण्डूमन्तः सशोफाश्च ये च जत्रूपरि व्रणाः | शिरोविरेचनं तेषु विदध्यात्कुशलो भिषक् ||१२५||
🔊 Audio coming soon
শিরোবিরেচনবিষযমাহ- কণ্ডূমন্ত ইত্যাদি|- জত্রু বক্ষোংঽসযোঃ সন্ধিঃ| শিরোবিরেচনং নস্যভেদঃ||১২৫||
Adhikarana ৭৫ (১২৬) · Śloka ১২৬
রুজাবন্তোঽনিলাবিষ্টা রূক্ষা যে চোর্ধ্বজত্রুজাঃ | ব্রণেষু তেষু কর্তব্যং নস্যং বৈদ্যেন জানতা ||১২৬||
रुजावन्तोऽनिलाविष्टा रूक्षा ये चोर्ध्वजत्रुजाः | व्रणेषु तेषु कर्तव्यं नस्यं वैद्येन जानता ||१२६||
🔊 Audio coming soon
নস্যবিষযমাহ- রুজাবন্ত ইত্যাদি| নস্যং স্নৈহিকমেব||১২৬||
Adhikarana ৭৬ (১২৭-১২৮) · Śloka ১২৮
দোষপ্রচ্যাবনার্থায রুজাদাহক্ষযায চ | জিহ্বাদন্তসমুত্থস্য হরণার্থং মলস্য চ ||১২৭|| শোধনো রোপণশ্চৈব ব্রণস্য মুখজস্য বৈ | উষ্ণো বা যদি বা শীতঃ কবলগ্রহ ইষ্যতে ||১২৮||
दोषप्रच्यावनार्थाय रुजादाहक्षयाय च | जिह्वादन्तसमुत्थस्य हरणार्थं मलस्य च ||१२७|| शोधनो रोपणश्चैव व्रणस्य मुखजस्य वै | उष्णो वा यदि वा शीतः कवलग्रह इष्यते ||१२८||
🔊 Audio coming soon
কবলগ্রহবিষযমাহ- দোষেত্যাদি| দোষপ্রচ্যাবনার্থাযেতি দোষপ্রচ্যাবনং ত্রিফলাদ্রাক্ষাদিকষাযাদিভিঃ| শোধনঃ শোধনদ্রব্যকৃতঃ| রোপণো রোপণদ্রব্যকৃতঃ| উষ্ণো বাতকফজে ব্রণে, রক্তপিত্তজে শীতঃ||১২৭-১২৮||
Adhikarana ৭৭ (১২৯) · Śloka ১২৯
ঊর্ধ্বজত্রুগতান্ রোগান্ ব্রণাংশ্চ কফবাতজান্ | শোফস্রাবরুজাযুক্তান্ ধূমপানৈরুপাচরেত্ ||১২৯||
ऊर्ध्वजत्रुगतान् रोगान् व्रणांश्च कफवातजान् | शोफस्रावरुजायुक्तान् धूमपानैरुपाचरेत् ||१२९||
🔊 Audio coming soon
ধূমবিষযমাহ- ঊর্ধ্বেত্যাদি| ধূমপানৈরিতি শোফস্রাবরুজাপহদ্রব্যাণামিত্যর্থঃ||১২৯||
Adhikarana ৭৮ (১৩০) · Śloka ১৩০
ক্ষতোষ্মণো নিগ্রহার্থং সন্ধানার্থং তথৈব চ | সদ্যোব্রণেষ্বাযতেষু ক্ষৌদ্রসর্পির্বিধীযতে ||১৩০||
क्षतोष्मणो निग्रहार्थं सन्धानार्थं तथैव च | सद्योव्रणेष्वायतेषु क्षौद्रसर्पिर्विधीयते ||१३०||
🔊 Audio coming soon
মধুসর্পির্বিষযমাহ- ক্ষতোষ্মণ ইত্যাদি| সন্ধানং ঘাতবিশেষাদ্দ্বিধাভূতস্যাবযবস্যৈকভাবঃ||১৩০||
Adhikarana ৭৯ (১৩১) · Śloka ১৩১
অবগাঢাস্ত্বণুমুখা যে ব্রণাঃ শল্যপীডিতাঃ | নিবৃত্তহস্তোদ্ধরণা যন্ত্রং তেষু বিধীযতে ||১৩১||
अवगाढास्त्वणुमुखा ये व्रणाः शल्यपीडिताः | निवृत्तहस्तोद्धरणा यन्त्रं तेषु विधीयते ||१३१||
🔊 Audio coming soon
যন্ত্রবিষযমাহ- অবগাঢা ইত্যাদি| অবগাঢা গম্ভীরাঃ| নিবৃত্তহস্তোদ্ধরণা হস্তেনাক্রষ্টুমশক্যাঃ||১৩১||
Adhikarana ৮০ (১৩২) · Śloka ১৩২
লঘুমাত্রো লঘুশ্চৈব স্নিগ্ধ উষ্ণোঽগ্নিদীপনঃ | সর্বব্রণিভ্যো দেযস্তু সদাঽঽহারো বিজানতা ||১৩২||
लघुमात्रो लघुश्चैव स्निग्ध उष्णोऽग्निदीपनः | सर्वव्रणिभ्यो देयस्तु सदाऽऽहारो विजानता ||१३२||
🔊 Audio coming soon
আহারবিষযমাহ- লঘুমাত্র ইত্যাদি| লঘুমাত্রো মাত্রযা লঘুরিত্যর্থঃ| লঘুরিতি রক্তশালিজাঙ্গলমাংসাদির্দ্রব্যলঘুঃ, অগ্নিদীপন ইতি যাবদ্ দেযঃ| গব্যঘৃতাদিরযমাহারো ব্রণিতোপাসনীযোক্তোঽপি পুনরুপক্রমপ্রসঙ্গেনেহোক্ত ইতি ন পৌনরুক্ত্যম্||১৩২||
Adhikarana ৮১ (১৩৩) · Śloka ১৩৩
নিশাচরেভ্যো রক্ষ্যস্তু নিত্যমেব ক্ষতাতুরঃ | রক্ষাবিধানৈরুদ্দিষ্টৈর্যমৈঃ সনিযমৈস্তথা ||১৩৩||
निशाचरेभ्यो रक्ष्यस्तु नित्यमेव क्षतातुरः | रक्षाविधानैरुद्दिष्टैर्यमैः सनियमैस्तथा ||१३३||
🔊 Audio coming soon
রক্ষাবিধানমাহ- নিশাচরেভ্য ইত্যাদি| নিত্যমেবেতি দিবারাত্রমপীত্যর্থঃ| রক্ষাবিধানৈরুদ্দিষ্টৈরিতি গুগ্গুল্বাদিধূপাদিভিঃ, মন্ত্রৈশ্চাযুর্বেদবিহিতৈঃ| যমৈঃ সনিযমৈরিতি পঞ্চ যমা নিযমাশ্চ পঞ্চ| উক্তং চ- “অহিংসা সত্যমস্তেযং ব্রহ্মচর্যং তথৈব চ| ব্যবহারনিবৃত্তিশ্চ যমাঃ পঞ্চ প্রকীর্তিতাঃ|| অক্রোধো গুরুশুশ্রূষা শৌচমাহারলাঘবম্| অপ্রমাদশ্চ পঞ্চৈতে নিযমাঃ পরিকীর্তিতাঃ”- ইতি| এবং যথাবিষযং যথাক্রমং ষষ্টিরুপক্রমা উক্তাঃ||১৩৩||
Adhikarana ৮২ (১৩৪) · Śloka ১৩৪
ষণ্মূলোঽষ্টপরিগ্রাহী পঞ্চলক্ষণলক্ষিতঃ | ষষ্ট্যা বিধানৈর্নির্দিষ্টৈশ্চতুর্ভিঃ সাধ্যতে ব্রণঃ ||১৩৪||
षण्मूलोऽष्टपरिग्राही पञ्चलक्षणलक्षितः | षष्ट्या विधानैर्निर्दिष्टैश्चतुर्भिः साध्यते व्रणः ||१३४||
🔊 Audio coming soon
অথ ব্রণঃ কতিমূলঃ, কত্যধিষ্ঠানঃ, কতিলক্ষণলক্ষিতঃ, কতিভিরৌষধৈঃ, কিযদ্ভিশ্চ পদার্থৈঃ সাধ্যত ইত্যাহ- ষণ্মূল ইত্যাদি| ষণ্মূল ইতি বাতপিত্তকফশোণিতসন্নিপাতাগন্তবঃ ষডেব মূলং কারণানি যস্য স ষণ্মূলঃ; সংসর্গঃ পৃথগর্থবশাদত্র সন্নিপাতেনাবরুদ্ধঃ, যস্মাত্ সমেত্য সম্ভূয দ্বযোর্বহূনাং বা নিপাতঃ সন্নিপাতঃ; সঙ্ঘাতঃ, সংযোগঃ, সংহিতীভাবঃ, সংশ্লেষঃ, সমবাযঃ, সম্বন্ধঃ, সন্নিপাত ইত্যনর্থান্তরম্| ত্বঙ্মাংসসিরাস্নাযুসন্ধ্যস্থিকোষ্ঠমর্মাণীত্যষ্টৌ ব্রণবস্তূনি পরিগৃহ্ণাতীত্যষ্টপরিগ্রাহী; পরিগ্রহোঽধিষ্ঠানম্, আশ্রয ইত্যর্থঃ| পঞ্চলক্ষণলক্ষিত ইতি পঞ্চানাং বাতপিত্তকফসন্নিপাতাগন্তূনাং লক্ষণানি তৈর্লক্ষিতঃ; রক্তজস্য ন পৃথগ্লক্ষণমস্তি ‘পিত্তবদ্রক্তজঃ’ (ইতি বচনাত্); এবং তর্হ্যাগন্তোরপি পৃথগ্লক্ষণং নাস্তি, যদাহ- ‘পিত্তরক্তলক্ষণ আগন্তুঃ’ ইতি; তর্হ্যন্যথৈব পঞ্চলক্ষণলক্ষিতত্বং ব্যাখ্যাযতে- গন্ধবর্ণাস্রাববেদনাকৃতিভির্লক্ষণৈর্লক্ষিত ইতি| ষষ্ট্যা বিধানৈর্নির্দিষ্টৈরিতি ষষ্টিসঙ্খ্যৈর্বিধানৈঃ পূর্বমুদ্দিষ্টৈঃ কৃত্বা| চতুর্ভিঃ সাধ্যতে চতুর্ভির্বৈদ্যাতুরপরিচারকৌষধৈরিত্যর্থঃ| ব্রহ্মদেবস্তু ‘ষষ্ট্যুপক্রমনির্দিষ্ট’ ইতি পঠতি; ষষ্টিরুপক্রমা নির্দিষ্টা যস্যেতি চ ব্যাখ্যানযতি||১৩৪||
Adhikarana ৮৩ (১৩৫) · Śloka ১৩৫
যোঽল্পৌষধকৃতো যোগো বহুগ্রন্থভযান্মযা | দ্রব্যাণাং তত্সমানানাং তত্রাবাপো ন দুষ্যতি ||১৩৫||
योऽल्पौषधकृतो योगो बहुग्रन्थभयान्मया | द्रव्याणां तत्समानानां तत्रावापो न दुष्यति ||१३५||
🔊 Audio coming soon
ইদানীমল্পৌষধেষু শোধনরোপণাদিযোগেষ্বাবাপবিষযমূহবীজং নির্দিশন্নাহ- য ইত্যাদি| তত্সমানানামিতি তেষাং শোধনরোপণদ্রব্যাণাং রসগুণবীর্যবিপাকৈঃ সমানানি তুল্যানি দ্রব্যাণি তত্সমানানি, তেষামাবাপো নিক্ষেপঃ| তত্র তস্মিন্নল্পৌষধে যোগে ন দুষ্যতি| ‘অল্পগ্রন্থং মৃগযতা যোগো যোঽল্পৌষধৈঃ কৃত’ ইতি কেচিত্ পঠন্তি; তত্র মৃগযতা অন্বেষযতা গ্রন্থকারেণেত্যর্থঃ||১৩৫||
Adhikarana ৮৪ (১৩৬) · Śloka ১৩৬
প্রসঙ্গাভিহিতো যো বা বহুদুর্লভভেষজঃ | যথোপপত্তি তত্রাপি কার্যমেব চিকিত্সিতম্ ||১৩৬||
प्रसङ्गाभिहितो यो वा बहुदुर्लभभेषजः | यथोपपत्ति तत्रापि कार्यमेव चिकित्सितम् ||१३६||
🔊 Audio coming soon
ইদানীং যথালাভমৌষধপ্রযোগমাহ- প্রসঙ্গেত্যাদি| প্রসঙ্গাভিহিতো যো বহুভেষজো দুর্লভভেষজো বা, তত্র যথোপপত্তি যথালাভং চিকিত্সিতং ভেষজং কার্যম্| প্রসঙ্গাভিহিতো যথা- “পিণ্ডীতকত্রযং রোধ্রং পূর্বং যে চ প্রকীর্তিতাঃ| বর্গাস্ত্রযঃ প্রলেপে তে শোফে সর্বকৃতে হিতাঃ”- ইতি; অত্র হি বাতপিত্তকফশোথোক্তৌষধগণত্রযং প্রকরণসমানত্বাত্ সন্নিপাতোক্তমৌষধং প্রসঙ্গাভিহিতং; তত্র যথালাভং ভেষজানাং চিকিত্সিতং কার্যম্| বহুভেষজো যথা- “আদ্যে দ্বে পঞ্চমূল্যৌ তু গণো যশ্চানিলাপহঃ- ” ইতি; অত্র ভদ্রদার্বাদিগণস্য বহুভেষজত্বাদ্যথালাভমেব চিকিত্সিতং কার্যম্| দুর্লভভেষজো যথা- কিঞ্চিদেব ভেষজং ক্বচিদ্দেশকালাদৌ দুর্লভং; তত্র যথালাভং চিকিত্সিতং কার্যমিতি||১৩৬||
Adhikarana ৮৫ (১৩৭) · Śloka ১৩৭
গণোক্তমপি যদ্দ্রব্যং ভবেদ্ব্যাধাবযৌগিকম্ | তদুদ্ধরেদ্যৌগিকং তু প্রক্ষিপেদপ্যকীর্তিতম্ ||১৩৭||
गणोक्तमपि यद्द्रव्यं भवेद्व्याधावयौगिकम् | तदुद्धरेद्यौगिकं तु प्रक्षिपेदप्यकीर्तितम् ||१३७||
🔊 Audio coming soon
একত্রৈব ব্যাধৌ যৌগিকস্যানুক্তস্যাপি গ্রহণমযৌগিকস্য পরিত্যাগং চোপদর্শযন্নাহ- গণোক্তমিত্যাদি||১৩৭||
Adhikarana ৮৬ (১৩৮-১৩৯) · Śloka ১৩৯
উপদ্রবাস্তু বিবিধা ব্রণস্য ব্রণিতস্য চ | তত্র গন্ধাদযঃ পঞ্চ ব্রণস্যোপদ্রবাঃ স্মৃতাঃ ||১৩৮|| জ্বরাতিসারৌ মূর্চ্ছা চ হিক্কা চ্ছর্দিররোচকঃ | শ্বাসকাসাবিপাকাশ্চ তৃষ্ণা চ ব্রণিতস্য তু ||১৩৯||
उपद्रवास्तु विविधा व्रणस्य व्रणितस्य च | तत्र गन्धादयः पञ्च व्रणस्योपद्रवाः स्मृताः ||१३८|| ज्वरातिसारौ मूर्च्छा च हिक्का च्छर्दिररोचकः | श्वासकासाविपाकाश्च तृष्णा च व्रणितस्य तु ||१३९||
🔊 Audio coming soon
ইদানীমুপদ্রবানাহ- উপদ্রবা ইত্যাদি| মূর্চ্ছা চেতি চকারেণানুক্তানামপি বিসর্পাদীনাং সমুচ্চযঃ||১৩৮-১৩৯||
Adhikarana ৮৭ (১৪০) · Śloka ১৪০
ব্রণক্রিযাস্বেবমাসু ব্যাসেনোক্তাস্বপি ক্রিযাম্ | ভূযোঽপ্যুপরি বক্ষ্যামি সদ্যোব্রণচিকিত্সিতে ||১৪০||
व्रणक्रियास्वेवमासु व्यासेनोक्तास्वपि क्रियाम् | भूयोऽप्युपरि वक्ष्यामि सद्योव्रणचिकित्सिते ||१४०||
🔊 Audio coming soon
ইদানীমনাগতাবেক্ষণং নির্দিশন্নাহ- ব্রণেত্যাদি| এবমনেন প্রকারেণ পূর্বোক্তেন, আসু ইমাসু ব্রণক্রিযাসু, ব্যাসেন বিস্তরেণোক্তাস্বপি, ভূযোঽপি পুনরপি, উপরি সদ্যোব্রণচিকিত্সিতে, ক্রিযাং বক্ষ্যামি| গযী তু “ব্রণক্রিযাস্বিমাস্বেব সঙ্ক্ষেপোক্তাস্বিহ ক্রিযাম্”- ইতি পঠতি; তত্র ব্রণক্রিযাস্বিমাসু ইহ সঙ্ক্ষেপেণোক্তাসু, উপরি বিস্তরতঃ ক্রিযাং বক্ষ্যামীত্যর্থঃ||১৪০||
Adhikarana পুষ্পিকা · Śloka ১
ইতি সুশ্রুতসংহিতাযাং চিকিত্সাস্থানে দ্বিব্রণীযচিকিত্সিতং নাম প্রথমোঽধ্যাযঃ ||১||
इति सुश्रुतसंहितायां चिकित्सास्थाने द्विव्रणीयचिकित्सितं नाम प्रथमोऽध्यायः ||१||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং চিকিত্সাস্থানে প্রথমোঽধ্যাযঃ||১||