Adhikarana ১ (১-২) · Śloka ২
অথাতো ধূমনস্যকবলগ্রহচিকিত্সিতং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो धूमनस्यकवलग्रहचिकित्सितं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথেত্যাদি| কবলশব্দেনাত্র চিকিত্সিতসাদৃশ্যাদ্গণ্ডূষপ্রতিসারণে উপলক্ষ্যেতে||১-২||
Adhikarana ২ (৩) · Śloka ৩
ধূমঃ পঞ্চবিধো ভবতি; তদ্যথা- প্রাযোগিকঃ, স্নৈহিকো, বৈরেচনিকঃ, কাসঘ্নো, বামনীযশ্চেতি ||৩||
धूमः पञ्चविधो भवति; तद्यथा- प्रायोगिकः, स्नैहिको, वैरेचनिकः, कासघ्नो, वामनीयश्चेति ||३||
🔊 Audio coming soon
তেষ্বাদ্যস্য ধূমস্য বিষযভেদপ্রতিপাদনায পাঞ্চবিধ্যামাহ- ধূম ইত্যাদি| কাসঘ্নবামনীযযোরত্রৈবান্তর্ভাবাত্ত্রিবিধ ইত্যন্যে| তত্র প্রযোগঃ স্বস্থস্য সততোপযোগস্তত্র সাধুঃ প্রাযোগিকঃ; স চ শ্লেষ্মাণমুত্ক্লেশযতি, উত্ক্লিষ্টং চাপকর্ষতি, শমযতি বাতং, স্নেহনবিরেচনাভ্যাং তুল্যত্বাত্| কাসহরত্বাত্ কাসঘ্নঃ; স পুনরুরঃকণ্ঠরোগহরোঽপ্যাবস্থিক এব| অভিষ্যণ্ণশিরসি শিরো বিরেচযতীতি বিরেচনঃ, বিরেচন এব বৈরেচনঃ; বৈরেচনঃ শ্লেষ্মাণমুত্ক্লেশ্যাপকর্ষযতি, রৌক্ষ্যাত্তৈক্ষ্ণ্যাদৌষ্ণ্যাদ্বৈশদ্যাচ্চ| রূক্ষস্য স্নেহায প্রভবতীতি স্নৈহিকঃ; স চ বাতং শমযতি, স্নেহনাদুপলেপনাচ্চ| বামযতীতি বামনীযঃ, স পুনরুত্কৃষ্টকফাভিপন্নকণ্ঠোরসঃ||৩||
Adhikarana ৩ (৪) · Śloka ৪
তত্রৈলাদিনা কুষ্ঠতগরবর্জ্যেন শ্লক্ষ্ণপিষ্টেন দ্বাদশাঙ্গুলং শরকাণ্ডমঙ্গুলিপরিণাহং ক্ষৌমেণাষ্টাঙ্গুলং বেষ্টযিত্বা লেপযেদেষা বর্তিঃ প্রাযোগিকে , স্নেহফলসারমধূচ্ছিষ্টসর্জরসগুগ্গুলুপ্রভৃতিভিঃ স্নেহমিশ্রৈঃ স্নৈহিকে, শিরোবিরেচনদ্রব্যৈর্বৈরেচনে, বৃহতীকণ্টকারিকাত্রিকটুকাসমর্দহিঙ্গ্বিঙ্গুদীত্বঙ্মনঃশিলাচ্ছিন্নরুহাকর্কটশৃঙ্গীপ্রভৃতিভিঃ কাসহরৈশ্চ কাসঘ্নে, স্নাযুচর্মখুরশৃঙ্গকর্কটকাস্থিশুষ্কমত্স্যবল্লূরকৃমিপ্রভৃতিভির্বামনীযৈশ্চ বামনীযে ||৪||
तत्रैलादिना कुष्ठतगरवर्ज्येन श्लक्ष्णपिष्टेन द्वादशाङ्गुलं शरकाण्डमङ्गुलिपरिणाहं क्षौमेणाष्टाङ्गुलं वेष्टयित्वा लेपयेदेषा वर्तिः प्रायोगिके , स्नेहफलसारमधूच्छिष्टसर्जरसगुग्गुलुप्रभृतिभिः स्नेहमिश्रैः स्नैहिके, शिरोविरेचनद्रव्यैर्वैरेचने, बृहतीकण्टकारिकात्रिकटुकासमर्दहिङ्ग्विङ्गुदीत्वङ्मनःशिलाच्छिन्नरुहाकर्कटशृङ्गीप्रभृतिभिः कासहरैश्च कासघ्ने, स्नायुचर्मखुरशृङ्गकर्कटकास्थिशुष्कमत्स्यवल्लूरकृमिप्रभृतिभिर्वामनीयैश्च वामनीये ||४||
🔊 Audio coming soon
তস্য পঞ্চবিধস্যাপি দহনবাহ্যাশ্রযধূমবর্তিসাধনদ্রব্যাণি নির্দিশন্নাহ- তত্রৈলাদিনেত্যাদি| এলাদিবর্গে কুষ্ঠতগরৌ বর্জ্যৌ| তথা চ নিমিঃ- “ধূমো হি বক্রকুষ্ঠাভ্যাং বিলালযতি শক্তিতঃ| মস্তিষ্কং তদ্ধি বিষ্যণ্ণং নাশায প্রতিপদ্যতে”- ইতি| তস্মাত্ কুষ্ঠতগরবর্জিতেনৈলাদিনা লেপযেত্| শরকাণ্ডঃ শরেষিকা| অঙ্গুলিপরিণাহং কনিষ্ঠিকাঙ্গুলিসমস্থৌল্যং; অন্তযোদ্র্ব্যঙ্গুলং বিহায বর্তিঃ| শরকাণ্ডস্য সুখাপকর্ষণার্থং ক্ষৌমেণাষ্টাঙ্গুলবেষ্টনম্| যদেতদষ্টাঙ্গুলং বর্তিপ্রমাণমুক্তং প্রাযোগিকে তদষ্টচত্বারিংশদঙ্গুলে নেত্রে জ্ঞাতব্যং, সর্বধূমনেত্রেভ্যঃ ষড্ভাগপ্রমাণা বর্তিঃ কার্যেতি তন্ত্রান্তরপ্রতিপাদনাত্| তথা চ বিদেহঃ- “অঙ্গুষ্ঠপরিণাহেন মধ্যে স্থূলাঽন্তযোস্তনুঃ| ধূমনেত্রস্য ষড্ভাগং বর্তিমানং প্রচক্ষতে”- ইতি (শরকাণ্ডস্য মানং বোধ্যম্)| স্নেহফলসারমধূচ্ছিষ্টেত্যাদি| স্নেহফলানাং তিলাদিশিগ্রুবিভীতকাদিফলানাং, সারঃ তদন্তর্গতো মজ্জা| তথা নেত্রচতুর্ভাগেন শরেষিকা গ্রাহ্যা, এবং স্নৈহিকাদিষু চতুর্ষ্বপি ধূমেষু যথাস্বং নেত্রমানাত্ ষষ্ঠভাগেন বর্তিপ্রমাণমুক্তং ভবতি| প্রভৃতিগ্রহণেন দ্রাক্ষাসল্লকীখপুরাদিকম্| শিরোবিরেচনদ্রব্যাণি বিডঙ্গখরমঞ্জরীমধুশিগ্রুসূর্যবল্লীপীলুপিপ্পলীসিদ্ধার্থকসুরসার্জকপ্রভৃতীনি| কাসহরৈশ্চেতি কাসহরাণি গুণোপবর্ণনে শাস্ত্রে তত্প্রতিষেধে চ প্রোক্তানি| স্নাযুচর্মেত্যাদি| বামনীযদ্রব্যাণি মদনফলাদীনি সংশোধনসংশমনীযোক্তানি||৪||
Adhikarana ৪ (৫) · Śloka ৫
তত্র বস্তিনেত্রদ্রব্যৈর্ধূমনেত্রদ্রব্যাণি ব্যাখ্যাতানি ভবন্তি | ধূমনেত্রং তু কনিষ্ঠিকাপরিণাহমগ্রে কলাযমাত্রস্রোতো মূলেঽঙ্গুষ্ঠপরিণাহং ধূমবর্তিপ্রবেশস্রোতোঽঙ্গুলান্যষ্টচত্বারিংশত্ প্রাযোগিকে, দ্বাত্রিংশত্ স্নেহনে, চতুর্বিংশতির্বৈরেচনে, ষোডশাঙ্গুলং কাসঘ্নে বামনীযে চ | এতেঽপি কোলাস্থিমাত্রচ্ছিদ্রে ভবতঃ | ব্রণনেত্রমষ্টাঙ্গুলং ব্রণধূপনার্থং কলাযপরিমণ্ডলং কুলত্থবাহিস্রোত ইতি ||৫||
तत्र बस्तिनेत्रद्रव्यैर्धूमनेत्रद्रव्याणि व्याख्यातानि भवन्ति | धूमनेत्रं तु कनिष्ठिकापरिणाहमग्रे कलायमात्रस्रोतो मूलेऽङ्गुष्ठपरिणाहं धूमवर्तिप्रवेशस्रोतोऽङ्गुलान्यष्टचत्वारिंशत् प्रायोगिके, द्वात्रिंशत् स्नेहने, चतुर्विंशतिर्वैरेचने, षोडशाङ्गुलं कासघ्ने वामनीये च | एतेऽपि कोलास्थिमात्रच्छिद्रे भवतः | व्रणनेत्रमष्टाङ्गुलं व्रणधूपनार्थं कलायपरिमण्डलं कुलत्थवाहिस्रोत इति ||५||
🔊 Audio coming soon
অত্রৈব ধূমনেত্রদ্রব্যাণি সঙ্ক্ষেপার্থমতিদেশেনাতিদিশন্নাহ- তত্র বস্তিনেত্রদ্রব্যৈরিত্যাদি| বস্তিনেত্রদ্রব্যৈঃ সুবর্ণরূপ্যত্রপুসীসতাম্রকাংস্যাদিভিঃ| অত ঊর্ধ্বং নেত্রস্য দীর্ঘত্বচ্ছিদ্রাণাং প্রমাণমাহ- ধূমনেত্রমিত্যাদি| কনিষ্ঠিকাপরিণাহমিতি কনিষ্ঠিকাসমস্থূলম্| অগ্রে মুখনাসিকাপ্রণযনস্থানে, মূলে বর্তিসংবরণস্থানে, অঙ্গুষ্ঠপরিণাহম্ অঙ্গুষ্ঠসমস্থূলম্| ধূমবর্তিপ্রবেশস্রোত ইতি যাবতা স্রোতসা ধূমবর্তিপ্রবেশো ভবতি তাবন্মাত্রস্রোতস্কম্| মূলচ্ছিদ্রমানং চতুর্ষ্বপি প্রতিপাদ্য পৃথগ্দৈর্ধ্যমানমাহ- অঙ্গুলান্যষ্টচত্বারিংশদিত্যাদি| দশাঙ্গুলং বা বামনীযমিতি কেচিত্ পঠন্তি, তচ্চ গযদাসেন বিদেহমতানুসারিণাঽসম্যগিতি প্রতিপাদিতম্| ঋজুত্রিকোষাফলিতপর্বত্রযবিরচিতত্বং নেত্রস্য তন্ত্রান্তরাদবগন্তব্যম্| ব্রণনেত্রমষ্টাঙ্গুলমিত্যাদি| কলাযপরিমণ্ডলং গুটিকামুখম্||৫||
Adhikarana ৫ (৬-৯) · Śloka ৯
অথ সুখোপবিষ্টঃ সুমনা ঋজ্বধোদৃষ্টিরতন্দ্রিতঃ স্নেহাক্তদীপ্তাগ্রাং বর্তিং নেত্রস্রোতসি প্রণিধায ধূমং পিবেত্ ||৬|| মুখেন তং পিবেত্ পূর্বং নাসিকাভ্যাং ততঃ পিবেত্ | মুখপীতং মুখেনৈব বমেত্ পীতং চ নাসযা ||৭|| মুখেন ধূমমাদায নাসিকাভ্যাং ন নির্হরেত্ | তেন হি প্রতিলোমেন দৃষ্টিস্তত্র নিহন্যতে ||৮|| বিশেষতস্তু প্রাযোগিকং ঘ্রাণেনাদদীত, স্নৈহিকং মুখনাসাভ্যাং, নাসিকযা বৈরেচনিকং, মুখেনৈবেতরৌ ||৯||
अथ सुखोपविष्टः सुमना ऋज्वधोदृष्टिरतन्द्रितः स्नेहाक्तदीप्ताग्रां वर्तिं नेत्रस्रोतसि प्रणिधाय धूमं पिबेत् ||६|| मुखेन तं पिबेत् पूर्वं नासिकाभ्यां ततः पिबेत् | मुखपीतं मुखेनैव वमेत् पीतं च नासया ||७|| मुखेन धूममादाय नासिकाभ्यां न निर्हरेत् | तेन हि प्रतिलोमेन दृष्टिस्तत्र निहन्यते ||८|| विशेषतस्तु प्रायोगिकं घ्राणेनाददीत, स्नैहिकं मुखनासाभ्यां, नासिकया वैरेचनिकं, मुखेनैवेतरौ ||९||
🔊 Audio coming soon
অথানন্তরং ধূমপানবিধানমাহ- অথ সুখোপবিষ্ট ইত্যাদি| সুখোপবিষ্ট ঋজ্বধোদৃষ্টিরিতি কাযনিযমঃ| সুমনা ইতি ক্রোধাদ্যপগমান্মনোনিযমঃ| অতন্দ্রিতঃ অনলসঃ| স্নেহাক্তদীপ্তাগ্রামিতি পূর্বং স্নেহাক্তাং পশ্চাদ্দীপ্তাগ্রাম্| মুখেনেত্যাদি উভযমার্গপানার্হো মুখেন পূর্বং পিবেত্ পশ্চান্নাসিকযেতি| তদুভযপীতং পঞ্চপ্রকারমপ্যুরঃপ্রাপ্তং মুখেন বমনীযং ন কথমপি নাসিকযেতি দর্শযন্নাহ- মুখপীতমিত্যাদি| মুখেন পীতং মুখেনৈব বমেত্, নাসিকযাঽপি পীতং মুখেনৈব বমেত্| প্রতিলোমেন ব্যাপদমাহ- প্রতিলোমেনেত্যাদি| তথা চ চক্ষুষ্যেণঃ- “নির্বমেত্তু মুখেনৈব নাসযা ন কথঞ্চন| বিলোমতো গতো ধূমঃ কুর্যাদ্দর্শনবিভ্রমম্”- ইতি| বিশেষতস্তু প্রাযোগিকমিত্যাদি| শিরোগতধমনীনাং লক্ষণবিশেষমাশ্রিত্য প্রাযোগিকং ঘ্রাণেনাদদীত, সামান্যতঃ পুনরুরঃশিরোরোগসম্ভবানামুভযমার্গেণাপি, তন্ত্রান্তরদর্শনাত্; তথাচ বিদেহঃ- “প্রযোগপানে পূর্বং বা নাসযা ধূমমাচরেত্”- ইতি| পূর্বং বা নাসযা ধূমমাচরেদিত্যনেন ক্বচিন্মুখেনাপি প্রাক্ পেয ইত্যবগম্যতে| উভযমার্গপানহেতুশ্চক্ষুষ্যেণদর্শিতো যথা- “উরঃকণ্ঠাদিরোগেষু মুখেনৈব পিবেন্নরঃ| শিরঃকর্ণাক্ষিনাসাস্থে নাসাতো ধূমমাচরেত্”- ইতি| স্নৈহিকং মুখনাসাভ্যামিতি কণ্ঠোরঃসমাশ্রিতে বাতে মুখেন, শিরঃসমাশ্রিতে বাতে নাসযা, উভযমার্গেণ পানার্হো মুখেন পূর্বং পিবেত্পশ্চান্নাসিকযেতি| বৈরেচনিকমিতি উত্ক্লিষ্টকফাভিব্যাপ্তকণ্ঠোরসো নাসযা, অনুত্ক্লিষ্টকফঃ পুনর্বৈরেচনিকমপি প্রাগ্বক্ত্রেণ; তথা চ বাগ্ভটঃ- “প্রাক্ পিবেন্নাসযোত্ক্লিষ্টে দোষে ঘ্রাণশিরোগতে| উত্ক্লেশনার্থং বক্ত্রেণ বিপরীতং তু কণ্ঠগে”-| মুখেনৈবেতি ইতরৌ কাসঘ্নবামনীযৌ মুখেনৈব পেযৌ, কাসস্য বামনীযস্য চ রোগস্যোরঃকণ্ঠগত্বাত্||৬-৯||
Adhikarana ৬ (১০) · Śloka ১০
তত্র প্রাযোগিকে বর্তিং ব্যপগতশরকাণ্ডাং নিবাতাতপশুষ্কামঙ্গারেষ্ববদীপ্য নেত্রমূলস্রোতসি প্রযুজ্য ধূমমাহরেতি ব্রূযাত্; এবং স্নেহনং বৈরেচনিকং চ কুর্যাদিতি | ইতরযোর্ব্যপেতধূমাঙ্গারে স্থিরে সমাহিতে শরাবে প্রক্ষিপ্য বর্তিং মূলচ্ছিদ্রেণান্যেন শরাবেণ পিধায তস্মিন্ ছিদ্রে নেত্রমূলং সংযোজ্য ধূমমাসেবেত, প্রশান্তে ধূমে বর্তিমবশিষ্টাং প্রক্ষিপ্য পুনরপি ধূমং পাযযেদাদোষবিশুদ্ধেঃ; এষ ধূমপানোপাযবিধিঃ ||১০||
तत्र प्रायोगिके वर्तिं व्यपगतशरकाण्डां निवातातपशुष्कामङ्गारेष्ववदीप्य नेत्रमूलस्रोतसि प्रयुज्य धूममाहरेति ब्रूयात्; एवं स्नेहनं वैरेचनिकं च कुर्यादिति | इतरयोर्व्यपेतधूमाङ्गारे स्थिरे समाहिते शरावे प्रक्षिप्य वर्तिं मूलच्छिद्रेणान्येन शरावेण पिधाय तस्मिन् छिद्रे नेत्रमूलं संयोज्य धूममासेवेत, प्रशान्ते धूमे वर्तिमवशिष्टां प्रक्षिप्य पुनरपि धूमं पाययेदादोषविशुद्धेः; एष धूमपानोपायविधिः ||१०||
🔊 Audio coming soon
তত্র প্রাযোগিকে বর্তিমিত্যাদি| স্থিরে অচলে| সমাহিতে শোভনকারিতযা স্থাপিতে| মূলচ্ছিদ্রেণোতি মূলে ছিদ্রং যস্য তেন মূলচ্ছিদ্রেণান্যেন শরাবেণ| বর্তিং ধূমবর্তিং চূর্ণং বা||১০||
Adhikarana ৭ (১১) · Śloka ১১
তত্র শোকশ্রমভযামর্ষৌষ্ণ্যবিষরক্তপিত্তমদমূর্চ্ছাদাহপিপাসাপাণ্ডুরোগতালুশোষচ্ছর্দিশিরোঽভিঘাতোদ্গারাপতর্পিত- তিমিরপ্রমেহোদরাধ্মানোর্ধ্ববাতার্তা বালবৃদ্ধদুর্বলবিরিক্তাস্থাপিতজাগরিতগর্ভিণীরূক্ষক্ষীণক্ষতোরস্ক- মধুঘৃতদধিদুগ্ধমত্স্যমদ্যযবাগূপীতাল্পকফাশ্চ ন ধূমমাসেবেরন্ ||১১||
तत्र शोकश्रमभयामर्षौष्ण्यविषरक्तपित्तमदमूर्च्छादाहपिपासापाण्डुरोगतालुशोषच्छर्दिशिरोऽभिघातोद्गारापतर्पित- तिमिरप्रमेहोदराध्मानोर्ध्ववातार्ता बालवृद्धदुर्बलविरिक्तास्थापितजागरितगर्भिणीरूक्षक्षीणक्षतोरस्क- मधुघृतदधिदुग्धमत्स्यमद्ययवागूपीताल्पकफाश्च न धूममासेवेरन् ||११||
🔊 Audio coming soon
ইদানীং ধূমানর্হোপদেশঃ- তত্র শোকশ্রমভযেত্যাদি| তত্র শোকাদিভিরূর্ধ্ববাতান্তৈঃ সহার্তশব্দঃ প্রত্যেকমভিসম্বধ্যতে||১১||
Adhikarana ৮ (১২) · Śloka ১২
অকালপীতঃ কুরুতে ভ্রমং মূর্চ্ছাং শিরোরুজম্ | ঘ্রাণশ্রোত্রাক্ষিজিহ্বানামুপঘাতং চ দারুণম্ ||১২||
अकालपीतः कुरुते भ्रमं मूर्च्छां शिरोरुजम् | घ्राणश्रोत्राक्षिजिह्वानामुपघातं च दारुणम् ||१२||
🔊 Audio coming soon
অকালপীতস্য ব্যাপদুদ্ভবং দর্শযন্নাহ- অকালপীত ইত্যাদি||১২||
Adhikarana ৯ (১৩) · Śloka ১৩
আদ্যাস্তু ত্রযো ধূমা দ্বাদশসু কালেষূপাদেযাঃ | তদ্যথা- ক্ষুতদন্তপ্রক্ষালননস্যস্নানভোজনদিবাস্বপ্নমৈথুনচ্ছর্দিমূত্রোচ্চারহসিতরুষিতশস্ত্রকর্মান্তেষ্বিতি | তত্র বিভাগো- মূত্রোচ্চারক্ষবথুহসিতরুষিতমৈথুনান্তেষু স্নৈহিকঃ, স্নানচ্ছর্দনদিবাস্বপ্নান্তেষু বৈরেচনিকঃ, দন্তপ্রক্ষালনস্য স্নানভোজনশস্ত্রকর্মান্তেষু প্রাযোগিক ইতি ||১৩||
आद्यास्तु त्रयो धूमा द्वादशसु कालेषूपादेयाः | तद्यथा- क्षुतदन्तप्रक्षालननस्यस्नानभोजनदिवास्वप्नमैथुनच्छर्दिमूत्रोच्चारहसितरुषितशस्त्रकर्मान्तेष्विति | तत्र विभागो- मूत्रोच्चारक्षवथुहसितरुषितमैथुनान्तेषु स्नैहिकः, स्नानच्छर्दनदिवास्वप्नान्तेषु वैरेचनिकः, दन्तप्रक्षालनस्य स्नानभोजनशस्त्रकर्मान्तेषु प्रायोगिक इति ||१३||
🔊 Audio coming soon
কঃ পুনর্ধূমস্য পানকাল ইত্যাহ- আদ্যস্তু ত্রযো ধূমা ইত্যাদি| রুষিতং ক্রোধঃ||১৩||
Adhikarana ১০ (১৪) · Śloka ১৪
তত্র স্নৈহিকো বাতং শমযতি, স্নেহাদুপলেপাচ্চ; বৈরেচনঃ শ্লেষ্মাণমুত্ক্লেশ্যাপকর্ষতি, রৌক্ষ্যাত্তৈক্ষ্ণ্যাদৌষ্ণ্যাদ্বৈশদ্যাচ্চ; প্রাযোগিকঃ শ্লেষ্মাণমুত্ক্লেশযত্যুত্ক্লিষ্টং চাপকর্ষতি শমযতি বাতং সাধারণত্বাত্ পূর্বাভ্যামিতি ||১৪||
तत्र स्नैहिको वातं शमयति, स्नेहादुपलेपाच्च; वैरेचनः श्लेष्माणमुत्क्लेश्यापकर्षति, रौक्ष्यात्तैक्ष्ण्यादौष्ण्याद्वैशद्याच्च; प्रायोगिकः श्लेष्माणमुत्क्लेशयत्युत्क्लिष्टं चापकर्षति शमयति वातं साधारणत्वात् पूर्वाभ्यामिति ||१४||
🔊 Audio coming soon
তেষাং প্রত্যেকং কার্যমাহ- তত্র স্নৈহিকো বাতমিত্যাদি| কুতঃ পুনরযং কফোত্ক্লেশাপকর্ষণবাতশমনানি করোতীত্যাহ- সাধারণত্বাদিতি; সাধারণত্বাত্ পূর্বাভ্যাং স্নেহনবিরেচনাভ্যাং তুল্যত্বাদিত্যর্থঃ||১৪||
Adhikarana ১১ (১৫-১৬) · Śloka ১৬
ভবতি চাত্র- নরো ধূমোপযোগাচ্চ প্রসন্নেন্দ্রিযবাঙ্মনাঃ | দৃঢকেশদ্বিজশ্মশ্রুঃ সুগন্ধিবিশদাননঃ ||১৫|| তথা কাসশ্বাসারোচকাস্যোপলেপস্বরভেদমুখাস্রাবক্ষবথুবমথুক্রথতন্দ্রানিদ্রাহনুমন্যাস্তম্ভাঃ পীনসশিরোরোগকর্ণাক্ষিশূলা বাতকফনিমিত্তাশ্চাস্য মুখরোগা ন ভবন্তি ||১৬||
भवति चात्र- नरो धूमोपयोगाच्च प्रसन्नेन्द्रियवाङ्मनाः | दृढकेशद्विजश्मश्रुः सुगन्धिविशदाननः ||१५|| तथा कासश्वासारोचकास्योपलेपस्वरभेदमुखास्रावक्षवथुवमथुक्रथतन्द्रानिद्राहनुमन्यास्तम्भाः पीनसशिरोरोगकर्णाक्षिशूला वातकफनिमित्ताश्चास्य मुखरोगा न भवन्ति ||१६||
🔊 Audio coming soon
ধূমোপযোগফলমাহ- ভবতি চাত্রেত্যাদি| ক্রথঃ অকস্মাদুচ্ছ্বাসাবরোধঃ||১৫-১৬||
Adhikarana ১২ (১৭) · Śloka ১৭
তস্য যোগাযোগাতিযোগা বিজ্ঞাতব্যাঃ | তত্র যোগো রোগপ্রশমনঃ, অযোগো রোগাপ্রশমনঃ, তালুগলশোষপরিদাহপিপাসামূর্চ্ছাভ্রমমদকর্ণক্ষ্বেডদৃষ্টিনাসারোগদৌর্বল্যান্যতিযোগো জনযতি ||১৭||
तस्य योगायोगातियोगा विज्ञातव्याः | तत्र योगो रोगप्रशमनः, अयोगो रोगाप्रशमनः, तालुगलशोषपरिदाहपिपासामूर्च्छाभ्रममदकर्णक्ष्वेडदृष्टिनासारोगदौर्बल्यान्यतियोगो जनयति ||१७||
🔊 Audio coming soon
তত্রেত্যাদি| দৃষ্টিনাসযো রোগদৌর্বল্যাভ্যাং সম্বন্ধঃ| অতিযোগো জনযতীত্যস্যাগ্রে ‘তত্র সর্পিঃপাননাবনাঞ্জনতর্পণানি বিদধ্যাত্’ ইতি কেচিত্ পঠন্তি||১৭||
Adhikarana ১৩ (১৮) · Śloka ১৮
প্রাযোগিকং ত্রীংস্ত্রীনুচ্ছ্বাসানাদদীত মুখনাসিকাভ্যাং চ পর্যাযাংস্ত্রীংশ্চতুরো বেতি, স্নৈহিকং যাবদশ্রুপবৃত্তিঃ, বৈরেচনিকমাদোষদর্শনাত্, তিলতণ্ডুলযবাগূপীতেন পাতব্যো বামনীযঃ, গ্রাসান্তরেষু কাসঘ্ন ইতি ||১৮||
प्रायोगिकं त्रींस्त्रीनुच्छ्वासानाददीत मुखनासिकाभ्यां च पर्यायांस्त्रींश्चतुरो वेति, स्नैहिकं यावदश्रुपवृत्तिः, वैरेचनिकमादोषदर्शनात्, तिलतण्डुलयवागूपीतेन पातव्यो वामनीयः, ग्रासान्तरेषु कासघ्न इति ||१८||
🔊 Audio coming soon
প্রাযোগিকাদীনাং পানমর্যাদামাহ- প্রাযোগিকমিত্যাদি| মুখনাসিকাভ্যামিতি দোষস্থানমবেক্ষ্যোচিতমার্গেণাদদীত| ত্রীংস্ত্রীনুচ্ছ্বাসান্ কতিসঙ্খ্যাকানাদদীতেত্যাহ- পর্যাযাংস্ত্রীংশ্চতুরো বেতি|- পর্যাযঃ পরিপাটী, উচ্ছ্বাসত্রযেণৈকঃ পর্যাযঃ, তান্ পর্যাযান্ ত্রীংশ্চতুরো বা দোষপুরুষবলমবেক্ষ্য; এতদুক্তং ভবতি- ত্রিভিঃআদানবিসর্গৈস্ত্রীন্ বারাংশ্চতুরো বা ধূমঃ পাতব্যঃ| বাশব্দোঽত্র ব্যবস্থাযাম্| তেন তন্ত্রান্তরব্যবস্থিতোঽর্থোঽত্রজ্ঞাতব্যঃ| তথাচ ধূমপানমাত্রাবিধানে নিমিঃ- “ধূমপানে তু বিজ্ঞেয উচ্ছ্বাসস্ত্রিগুণঃ কলাঃ| তিস্রঃ কলাশ্চাত্র মাত্রা প্রমাণং স্যাত্ত্রিমাত্রিকম্||পিবেত্ স্বস্থবিধৌ মাত্রাং দুর্বলস্তু কলাং পিবেত্| অভিষ্যণ্ণে প্রমাণং স্যাত্ প্রমাণং চ পিবেদ্রুজি”- ইতি| স্নৈহিকমিত্যাদি| যাবদশ্রুপ্রবৃত্তিরিতি বলবতি পুরুষে, দুর্বলে চ প্রাযোগিকবত্| তথাচ ভোজঃ- “প্রমাণং স্নেহিকে ধূমে কৃশো মাত্রাং পিবেন্নরঃ| বলবাংস্তু পিবেত্তাবদ্যাবদশ্রুর্ন গচ্ছতি”- ইতি| বৈরেচনিকমাদোষদর্শনাদিতি দোষস্য কফাখ্যস্য বিকৃতস্য দর্শনং যাবত্| অত এব তন্ত্রান্তরে শোধনস্যৈকস্মিন্ দিনে ত্রিশ্চতুর্বা পানং প্রতিপাদিতম্| তথা চ তন্ত্রান্তরং- “সকৃত্ পিবেত্ স্নেহনীযং প্রযোগে সকৃদেব চ| দ্বির্বা বিরেচনীযং তু ত্রিশ্চতুর্বা পিবেন্নরঃ”- ইতি| বিশিষ্টধূমপানে পূর্বং করণীযমাহ- তিলতণ্ডুলেত্যাদি| বমনকাল এবাকণ্ঠং তিলাদিযবাগূপীতেন বামনীযো ধূমঃ পাতব্যো যাবত্ ‘পিত্তে কফস্যানু সুখং প্রবৃত্তে’ ইত্যাদিবাক্যোক্তং সম্যগ্বান্তলক্ষণমিতি| গ্রাসান্তরেষ্বিতি কবলযোঃ কবলানাং বাঽন্তরে, অন্তরং মধ্যমিত্যর্থঃ| ‘গ্রাসান্তে’ ইত্যন্যে পঠন্তি, তথা ‘ভোজনস্যোত্তরে’ ইত্যপরে পঠন্তি| কাসঘ্নশ্চ বৈরেচনিকবত্ ত্রিশ্চতুর্বা যাবদ্বিকৃতকফহরণম্| তথা চ চরকঃ- “মুখেন বৈরেচনবত্ কাসবান্ ধূমমাপিবেত্”||১৮||
Adhikarana ১৪ (১৯-২০) · Śloka ২০
ব্রণধূমং শরাবসম্পুটোপনীতেন নেত্রেণ ব্রণমানযেত্, ধূমপানাদ্বেদনোপশমো ব্রণবৈশদ্যমাস্রাবোপশমশ্চ ভবতি ||১৯|| বিধিরেষ সমাসেন ধূমস্যাভিহিতো মযা | নস্যস্যাতঃ প্রবক্ষ্যামি বিধিং নিরবশেষতঃ ||২০||
व्रणधूमं शरावसम्पुटोपनीतेन नेत्रेण व्रणमानयेत्, धूमपानाद्वेदनोपशमो व्रणवैशद्यमास्रावोपशमश्च भवति ||१९|| विधिरेष समासेन धूमस्याभिहितो मया | नस्यस्यातः प्रवक्ष्यामि विधिं निरवशेषतः ||२०||
🔊 Audio coming soon
অতো ব্রণধূপনবিধানং- ব্রণধূমমিত্যাদি| সমাসেন সঙ্ক্ষেপেণেত্যর্থঃ||১৯-২০||
Adhikarana ১৫ (২১) · Śloka ২১
ঔষধমৌষধসিদ্ধো বা স্নেহো নাসিকাভ্যাং দীযত ইতি নস্যম্ | তদ্দ্বিবিধং শিরোবিরেচনং, স্নেহনং চ | তদ্দ্বিবিধমপি পঞ্চধা | তদ্যথা- নস্যং, শিরোবিরেচনং, প্রতিমর্শো, অবপীডঃ, প্রধমনং চ | তেষু নস্যং প্রধানং শিরোবিরেচনং চ; নস্যবিকল্পঃ প্রতিমর্শঃ, শিরোবিরেচনবিকল্পোঽবপীডঃ প্রধমনং চ; ততো নস্যশব্দঃ পঞ্চধা নিযমিতঃ ||২১||
औषधमौषधसिद्धो वा स्नेहो नासिकाभ्यां दीयत इति नस्यम् | तद्द्विविधं शिरोविरेचनं, स्नेहनं च | तद्द्विविधमपि पञ्चधा | तद्यथा- नस्यं, शिरोविरेचनं, प्रतिमर्शो, अवपीडः, प्रधमनं च | तेषु नस्यं प्रधानं शिरोविरेचनं च; नस्यविकल्पः प्रतिमर्शः, शिरोविरेचनविकल्पोऽवपीडः प्रधमनं च; ततो नस्यशब्दः पञ्चधा नियमितः ||२१||
🔊 Audio coming soon
নাসিকাভ্যামিতি দ্বিবচনং পুটযুগ্মাপেক্ষযা| তদ্দ্বিবিধমিত্যাদি| নস্যমত্র ‘তত্র যঃ স্নেহনার্থং শূন্যশির সাং’ ইত্যাদিবক্ষ্যমাণবাক্যপ্রতিপাদিতং জ্ঞেযম্| শিরোবিরেচনদ্রব্যৈর্যো দীযতে স শিরোবিরেচনঃ| প্রতিমর্শস্ত্বিহৈবাগ্রে বক্ষ্যতে| শৃতশীতস্বরসাদীনাং পিচুনাঽবপীডনাত্ অবপীডঃ| চূর্ণস্য মুখেন নাড্যা বা প্রধ্মাপনাত্ প্রধমনম্| চকারঃ পুনরত্র শিরোবিরেচনস্যাপি বিকল্পঃ প্রতিমর্শ ইত্যনুক্তং সমুচ্চিনোতি; তথা চ দৃঢবলঃ- “প্রতিমর্শো ভবেত্ স্নেহো নির্দোষ উভযার্থকৃত্”- ইতি| ততো নস্যেত্যাদি| ততস্তেভ্যো বিরেচনভেদেভ্যঃ, নস্যশব্দঃ নস্যমিত্যভিধানং, পঞ্চধা পঞ্চপ্রকারং, নিযমিতো নিযমেন প্রতিপাদিতঃ প্রাপ্ত ইত্যর্থঃ||২১||
Adhikarana ১৬ (২২) · Śloka ২২
তত্র যঃ স্নেহনার্থং শূন্যশিরসাং গ্রীবাস্কন্ধোরসাং চ বলজননার্থং দৃষ্টিপ্রসাদজননার্থং বা স্নেহো বিধীযতে তস্মিন্ বৈশেষিকো নস্যশব্দঃ | তত্তু দেযং বাতাভিভূতে শিরসি দন্তকেশশ্মশ্রুপ্রপাতদারুণকর্ণশূলকর্ণক্ষ্বেডতিমিরস্বরোপঘাত- নাসারোগাস্যশোষাববাহুকাকালজবলীপলিতপ্রাদুর্ভাবদারুণপ্রবোধেষু বাতপৈত্তিকেষু মুখরোগেষ্বন্যেষু চ বাতপিত্তহরদ্রব্যসিদ্ধেন স্নেহেনেতি ||২২||
तत्र यः स्नेहनार्थं शून्यशिरसां ग्रीवास्कन्धोरसां च बलजननार्थं दृष्टिप्रसादजननार्थं वा स्नेहो विधीयते तस्मिन् वैशेषिको नस्यशब्दः | तत्तु देयं वाताभिभूते शिरसि दन्तकेशश्मश्रुप्रपातदारुणकर्णशूलकर्णक्ष्वेडतिमिरस्वरोपघात- नासारोगास्यशोषावबाहुकाकालजवलीपलितप्रादुर्भावदारुणप्रबोधेषु वातपैत्तिकेषु मुखरोगेष्वन्येषु च वातपित्तहरद्रव्यसिद्धेन स्नेहेनेति ||२२||
🔊 Audio coming soon
তত্র নস্যবিধৌ| স্নেহঃ সর্পিস্তৈলবসামজ্জাখ্যঃ, স চ যথাস্বগুণৈর্বাতপিত্তকফহরদ্রব্যৈঃ সিদ্ধঃ; তত্র তৈলং নস্যে বাতকফহরং, পিত্তরক্তহরং তু ক্ষীরসর্পিরিতি জ্ঞেযম্| তত্তু দেযমিত্যাদি| তত্ স্নৈহিকং নস্যং বাতপিত্তহরৈর্দ্রব্যৈঃ সিদ্ধেন স্নেহেন দেযম্| তস্য কালাবধিস্তন্ত্রান্তরাজ্জ্ঞেযঃ| তথাচ ভোজঃ- “একান্তরং দ্ব্যন্তরং বা নস্যং দদ্যাদ্বিচক্ষণঃ| সপ্তাহং তু পরং দেযং বিশ্রান্তস্য পুনঃ পুনঃ||পক্ষং বিংশতিরাত্রং বা যাবদ্বা সাধু মন্যতে”- ইতি| অপরস্ত্বাহ- “ত্র্যহং পঞ্চাহমথবা সপ্তাহং বা সুযন্ত্রিতঃ| পরং নবাহমূর্ধ্বং তু নবাহাত্ সাত্ম্যতাং ব্রজেত্||ন তন্নস্যগুণং কুর্যাত্ সাত্ম্যত্বাদ্দোষকৃন্ন চ| তস্মান্নস্যপ্রযোগস্তু স্নৈহিকো ন হিতঃ সদা”- ইতি||২২||
Adhikarana ১৭ (২৩) · Śloka ২৩
শিরোবিরেচনং শ্লেষ্মণাঽভিব্যাপ্ততালুকণ্ঠশিরসামরোচকশিরোগৌরবশূলপীনসার্ধাবভেদক- কৃমিপ্রতিশ্যাযাপস্মারগন্ধাজ্ঞানেষ্বন্যেষুচোর্ধ্বজত্রুগতেষু কফজেষু বিকারেষু শিরোবিরেচনদ্রব্যৈস্তত্সিদ্ধেন বা স্নেহেনেতি ||২৩||
शिरोविरेचनं श्लेष्मणाऽभिव्याप्ततालुकण्ठशिरसामरोचकशिरोगौरवशूलपीनसार्धावभेदक- कृमिप्रतिश्यायापस्मारगन्धाज्ञानेष्वन्येषुचोर्ध्वजत्रुगतेषु कफजेषु विकारेषु शिरोविरेचनद्रव्यैस्तत्सिद्धेन वा स्नेहेनेति ||२३||
🔊 Audio coming soon
অয শিরোবিরেচনবিষযাবসরঃ- শিরোবিরেচনমিত্যাদি| শিরোবিরেচনানি পিপ্পলীবিডঙ্গশিগ্রুসিদ্ধার্থকাপামার্গক্ষবকফণিজ্জকপ্রভৃতীনি| তত্র শিরোবিরেচনদ্রব্যৈঃ কৃতং চ নস্যমবপীডাভিধানং, তত্সিদ্ধস্নেহেন কৃতং শিরোবিরেকং; গযী তু শিরোবিরেচনদ্রব্যসিদ্ধেন স্নেহেনৈব পঠতি||২৩||
Adhikarana ১৮ (২৪) · Śloka ২৪
তত্রৈতদ্দ্বিবিধমপ্যভুক্তবতোঽন্নকালে পূর্বাহ্ণে শ্লেষ্মরোগিণাং, মধ্যাহ্নে পিত্তরোগিণাং, অপরাহ্ণে বাতরোগিণাম্ ||২৪||
तत्रैतद्द्विविधमप्यभुक्तवतोऽन्नकाले पूर्वाह्णे श्लेष्मरोगिणां, मध्याह्ने पित्तरोगिणां, अपराह्णे वातरोगिणाम् ||२४||
🔊 Audio coming soon
তযোর্দ্বযোঃ স্নৈহিকবৈরেচনিকযোঃ কালাবধারণমুদ্দিশন্নাহ- তত্রৈতদ্দ্বিবিধমিত্যাদি| তদ্দ্বিবিধমপি নস্যং পূর্বাহ্ণমধ্যাহ্নাপরাহ্ণেষু কফপিত্তবাতরোগিণাং দেযমিতি| স্বাস্থ্যবৃত্তিকনস্যকালাবধারণং তন্ত্রান্তরাজ্জ্ঞেযম্| তথা চ বৃদ্ধবাগ্ভটঃ,- “স্বস্থবৃত্তে তু শীতে মধ্যাহ্নে, শরদ্বসন্তযোঃ পূর্বাহ্ণে, গ্রীষ্মেঽপরাহ্ণে, বর্ষাস্বাদিত্যদর্শনে, পঞ্চকর্মাণ্যাচরতো বস্তিকর্মোত্তরকালমেব”- ইতি||২৪||
Adhikarana ১৯ (২৫-২৭) · Śloka ২৭
অথ পুরুষায শিরোবিরেচনীযায ত্যক্তমূত্রপুরীষায ভুক্তবতে ব্যভ্রে কালে দন্তকাষ্ঠধূমপানাভ্যাং বিশুদ্ধবক্ত্রস্রোতসে পাণিতাপপরিস্বিন্নমৃদিতগলকপোলললাটপ্রদেশায বাতাতপরজোহীনে বেশ্মন্যুত্তানশাযিনে প্রসারিতকরচরণায কিঞ্চিত্ প্রবিলম্বিতশিরসে বস্ত্রাচ্ছাদিতনেত্রায বামহস্তপ্রদেশিন্যগ্রোন্নামিতনাসাগ্রায বিশুদ্ধস্রোতসি দক্ষিণহস্তেন স্নেহমুষ্ণাম্বুনা প্রতপ্তং রজতসুবর্ণতাম্রমণিমৃত্পাত্রশুক্তীনামন্যতমস্থং শুক্ত্যা পিচুনা বা সুখোষ্ণং স্নেহমদ্রুতমাসিঞ্চেদব্যবচ্ছিন্নধারং যথা নেত্রে ন প্রাপ্নোতি ||২৫|| স্নেহেঽবসিচ্যমানে তু শিরো নৈব প্রকম্পযেত্ | ন কুপ্যেন্ন প্রভাষেচ্চ ন ক্ষুযান্ন হসেত্তথা ||২৬|| এতৈর্হি বিহতঃ স্নেহো ন সম্যক্ প্রতিপদ্যতে | ততঃ কাসপ্রতিশ্যাযশিরোঽক্ষিগদসম্ভবঃ ||২৭||
अथ पुरुषाय शिरोविरेचनीयाय त्यक्तमूत्रपुरीषाय भुक्तवते व्यभ्रे काले दन्तकाष्ठधूमपानाभ्यां विशुद्धवक्त्रस्रोतसे पाणितापपरिस्विन्नमृदितगलकपोलललाटप्रदेशाय वातातपरजोहीने वेश्मन्युत्तानशायिने प्रसारितकरचरणाय किञ्चित् प्रविलम्बितशिरसे वस्त्राच्छादितनेत्राय वामहस्तप्रदेशिन्यग्रोन्नामितनासाग्राय विशुद्धस्रोतसि दक्षिणहस्तेन स्नेहमुष्णाम्बुना प्रतप्तं रजतसुवर्णताम्रमणिमृत्पात्रशुक्तीनामन्यतमस्थं शुक्त्या पिचुना वा सुखोष्णं स्नेहमद्रुतमासिञ्चेदव्यवच्छिन्नधारं यथा नेत्रे न प्राप्नोति ||२५|| स्नेहेऽवसिच्यमाने तु शिरो नैव प्रकम्पयेत् | न कुप्येन्न प्रभाषेच्च न क्षुयान्न हसेत्तथा ||२६|| एतैर्हि विहतः स्नेहो न सम्यक् प्रतिपद्यते | ततः कासप्रतिश्यायशिरोऽक्षिगदसम्भवः ||२७||
🔊 Audio coming soon
অথানন্তরং তদ্দানবিধানং- অথ পুরুষাযেত্যাদি| স্নেহমিতি স্নেহস্যোপলক্ষণত্বাত্ কল্কক্বাথাদিকমপ্যনেনৈব প্রকারেণ দেযম্| দত্তমাত্রে চ যত্ কর্তব্যং তত্তন্ত্রান্তরাজ্জ্ঞেযং; তথা চ বৃদ্ধবাগ্ভটঃ- “দত্তমাত্রে নস্যে কর্ণললাটকেশভূমিগণ্ডমন্যাস্কন্ধপাণিপাদতলান্যনুসুখং মর্দযেত্, শনৈঃ শনৈশ্চোচ্ছিঙ্ঘ্যাত্”- ইতি||২৫-২৭||
Adhikarana ২০ (২৮) · Śloka ২৮
তস্য প্রমাণমষ্টৌ বিন্দবঃ প্রদেশিনীপর্বদ্বযনিঃসৃতাঃ প্রথমা মাত্রা, দ্বিতীযা শুক্তিঃ, তৃতীযা পাণিশুক্তিঃ, ইত্যেতাস্তিস্রো মাত্রা যথাবলং প্রযোজ্যাঃ ||২৮||
तस्य प्रमाणमष्टौ बिन्दवः प्रदेशिनीपर्वद्वयनिःसृताः प्रथमा मात्रा, द्वितीया शुक्तिः, तृतीया पाणिशुक्तिः, इत्येतास्तिस्रो मात्रा यथाबलं प्रयोज्याः ||२८||
🔊 Audio coming soon
স্নেহস্য চাল্পমধ্যমোত্তমপ্রমাণান্যাহ- তস্যেত্যাদি| তস্যেতি স্নেহস্য| অষ্টাবিতি প্রত্যেকং নাসাপুটযোঃ, এবং ষোডশ বিন্দবঃ| অঙ্গুষ্ঠসমীপবর্তিন্যঙ্গুলিঃ প্রদেশিনী, তত্পর্বদ্বযচ্যুতা বিন্দবঃ| প্রথমা মাত্রা হীনেত্যর্থঃ| মধ্যমা মাত্রা শুক্তির্দ্বাত্রিংশদ্বিন্দবঃ| উত্তমা পাণিশুক্তিশ্চতুঃষষ্টিবিন্দবঃ| গযী তু ভোজদর্শনাত্ স্বস্থস্যৈব প্রাযোগিকে নস্যে প্রত্যেকং নাসাপুটযোরষ্টৌ বিন্দবঃ, স্নেহনার্থে তদ্দ্বিগুণাঃ শুক্তিপ্রমাণা ইতি প্রতিপাদযতি| তথা চ ভোজঃ- “প্রাযোগিকং স্নৈহিকং চ দ্বিবিধং নস্যমুচ্যতে| প্রাযোগিকে বিন্দবোঽষ্টৌ স্নৈহিকে শুক্তিরিষ্যতে||দোষোচ্ছ্রাযং সমাসাদ্য দদ্যাদ্দ্বিত্রিচতুর্গুণম্”- ইতি||২৮||
Adhikarana ২১ (২৯-৩০) · Śloka ৩০
স্নেহনস্যং নোপগিলেত্কথঞ্চিদপি বুদ্ধিমান্ ||২৯|| শৃঙ্গাটকমভিপ্লাব্য নিরেতি বদনাদ্যথা | কফোত্ক্লেশভযাচ্চৈনং নিষ্ঠীবেদবিধারযন্ ||৩০||
स्नेहनस्यं नोपगिलेत्कथञ्चिदपि बुद्धिमान् ||२९|| शृङ्गाटकमभिप्लाव्य निरेति वदनाद्यथा | कफोत्क्लेशभयाच्चैनं निष्ठीवेदविधारयन् ||३०||
🔊 Audio coming soon
নোপগিলেন্ন পিবেত্| তথা হি বিদেহঃ,- নিষ্ঠীবেন্ন পিবেন্নস্যং ব্যাপদঃ পিবতস্ত্বিমাঃ| ভবন্তি কাসশ্ছর্দিশ্চ কুত্সাঽন্নে বমথুস্তথা”- ইতি| ক্বচিন্নস্যপানমপ্যুক্তং বিদেহনৈব,- “ক্ষীণং মাংসং বলং যস্য বাতার্তিশ্চোর্ধ্বজত্রুজা| সুদীপ্তাগ্নিঃ স্নেহসাত্ম্যঃ স নস্যং নাসযা পিবেত্||ধাতূংশ্চ তর্পযেদ্দেহে পীতং নস্যং তু নস্ততঃ”- ইতি| শৃঙ্গাটকমিত্যাদি|- নাসাকর্ণস্রোতোক্ষিজিহ্বাতর্পণীনাং সিরাণাং সন্নিপাতঃ শৃঙ্গাটকঃ| নিষ্ঠীবেদিতি বদনপ্রাপ্তং মুঞ্চেত্, বামদক্ষিণযোরিতি বাক্যশেষঃ| তথাচ বৃদ্ধবাগ্ভটঃ- “অনভ্যবহরংশ্চ বামদক্ষিণপার্শ্বযোর্নিষ্ঠীবেত্, একপার্শ্বষ্ঠীবনে ন সর্বাঃ সিরা ভেষজেন সম্যগ্ব্যাপ্যন্তে”- ইতি||২৯-৩০||
Adhikarana ২২ (৩১) · Śloka ৩১
দত্তে চ পুনরপি সংস্বেদ্য গলকপোলাদীন্ ধূমমাসেবেত, ভোজযেচ্চৈনমভিষ্যন্দি, ততোঽস্যাচারিকমাদিশেত্; রজোধূমস্নেহাতপমদ্যদ্রবপানশিরঃস্নানাতিযানক্রোধাদীনি চ পরিহরেত্ ||৩১||
दत्ते च पुनरपि संस्वेद्य गलकपोलादीन् धूममासेवेत, भोजयेच्चैनमभिष्यन्दि, ततोऽस्याचारिकमादिशेत्; रजोधूमस्नेहातपमद्यद्रवपानशिरःस्नानातियानक्रोधादीनि च परिहरेत् ||३१||
🔊 Audio coming soon
পশ্চাত্কর্মাহ- দত্তে চ পুনরপি সংস্বেদ্যেত্যাদি| ধূমমাসেবেতেতি বাক্শতানন্তরং; তথাচ ভোজঃ- “বাক্শতাদূর্ধ্বমুত্থায ধূমং প্রাযোগিকং পিবেত্”- ইতি| অভিষ্যন্দি উপলেপকারি| আচারিকমিতি আচারপ্রাপ্তং যুক্তমিত্যর্থঃ| দিবাস্বপ্নাদিকমযুক্তাংশ্চ রজোধূমাদীন্ পরিহরেত্||৩১||
Adhikarana ২৩ (৩২-৩৫) · Śloka ৩৫
তস্য যোগাতিযোগাযোগানামিদং বিজ্ঞানং ভবতি ||৩২|| লাঘবং শিরসো যোগে সুখস্বপ্নপ্রবোধনম্ | বিকারোপশমঃ শুদ্ধিরিন্দ্রিযাণাং মনঃসুখম্ ||৩৩|| কফপ্রসেকঃ শিরসো গুরুতেন্দ্রিযবিভ্রমঃ | লক্ষণং মূর্ধ্ন্যতিস্নিগ্ধে রূক্ষং তত্রাবচারযেত্ ||৩৪|| অযোগে বাতবৈগুণ্যমিন্দ্রিযাণাং চ রূক্ষতা | রোগাশান্তিশ্চ তত্রেষ্টং ভূযো নস্যং প্রযোজযেত্ ||৩৫||
तस्य योगातियोगायोगानामिदं विज्ञानं भवति ||३२|| लाघवं शिरसो योगे सुखस्वप्नप्रबोधनम् | विकारोपशमः शुद्धिरिन्द्रियाणां मनःसुखम् ||३३|| कफप्रसेकः शिरसो गुरुतेन्द्रियविभ्रमः | लक्षणं मूर्ध्न्यतिस्निग्धे रूक्षं तत्रावचारयेत् ||३४|| अयोगे वातवैगुण्यमिन्द्रियाणां च रूक्षता | रोगाशान्तिश्च तत्रेष्टं भूयो नस्यं प्रयोजयेत् ||३५||
🔊 Audio coming soon
গযী ত্বযোগলক্ষণং ন পঠতি, প্রতিপাদিতস্য প্রাযোগিকনস্যস্য স্বস্থবিষযস্যাযোগে বাতবৈগুণ্যং ন সম্ভবতি; যচ্চাযোগে বাতবৈগুণ্যং তদবস্থাবিষযে||৩২-৩৫||
Adhikarana ২৪ (৩৬) · Śloka ৩৬
চত্বারো বিন্দবঃ ষড্ বা তথাঽষ্টৌ বা যথাবলম্ | শিরোবিরেকস্নেহস্য প্রমাণমভিনির্দিশেত্ ||৩৬||
चत्वारो बिन्दवः षड् वा तथाऽष्टौ वा यथाबलम् | शिरोविरेकस्नेहस्य प्रमाणमभिनिर्दिशेत् ||३६||
🔊 Audio coming soon
স্নেহননস্যবিশেষমুদ্দিশঞ্ছিরোবিরেচননস্যস্য মাত্রামুপদিশন্নাহ- চত্বারো বিন্দব ইত্যাদি| প্রত্যেকমেব নাসাপুটযোর্হীনমধ্যোত্তমেষ্বেষু দোষপুরুষবলেষু চতুঃষডষ্টবিন্দবঃ স্নৈহিকস্য শিরোবিরেচনস্য| তথা চ বিদেহঃ, “চতুরশ্চতুরো বিন্দূনেকৈকস্মিন্ সমাচরেত্| এষা লঘ্বী মতা মাত্রা তথা শীঘ্রং বিরেচযেত্||অথ্যর্ধাং দ্বিগুণাং বাঽপি ত্রিগুণাং বা চতুর্গুণাম্| যথাব্যাধি বিদিত্বা তু মাত্রাং সমবচারযেত্”- ইতি||৩৬||
Adhikarana ২৫ (৩৭-৪৩) · Śloka ৪৩
নস্যে ত্রীণ্যুপদিষ্টানি লক্ষণানি প্রযোগতঃ | শুদ্ধ(দ্ধি)হীনাতিসঞ্জ্ঞানি বিশেষাচ্ছাস্ত্রচিন্তকৈঃ ||৩৭|| লাঘবং শিরসঃ শুদ্ধিঃ স্রোতসাং ব্যাধিনির্জযঃ | চিত্তোন্দ্রিযপ্রসাদশ্চ শিরসঃ শুদ্ধিলক্ষণম্ ||৩৮|| কণ্ডূপদেহৌ গুরুতা স্রোতসাং কফসংস্রবঃ | মূর্ধ্নি হীনবিশুদ্ধে তু লক্ষণং পরিকীর্তিতম্ ||৩৯|| মস্তুলুঙ্গাগমো বাতবৃদ্ধিরিন্দ্রিযবিভ্রমঃ | শূন্যতা শিরসশ্চাপি মূর্ধ্নি গাঢবিরেচিতে ||৪০|| হীনাতিশুদ্ধে শিরসি কফবাতঘ্নমাচরেত্ | সম্যগ্বিশুদ্ধে শিরসি সর্পির্নস্যং নিষেচযেত্ ||৪১|| (একান্তরং দ্ব্যন্তরং বা সপ্তাহং বা পুনঃ পুনঃ | একবিংশতিরাত্রং বা যাবদ্বা সাধু মন্যতে ||৪২|| মারুতেনাভিভূতস্য বাঽত্যন্তং যস্য দেহিনঃ | দ্বিকালং চাপি দাতব্যং নস্যং তস্য বিজানতা ) ||৪৩||
नस्ये त्रीण्युपदिष्टानि लक्षणानि प्रयोगतः | शुद्ध(द्धि)हीनातिसञ्ज्ञानि विशेषाच्छास्त्रचिन्तकैः ||३७|| लाघवं शिरसः शुद्धिः स्रोतसां व्याधिनिर्जयः | चित्तोन्द्रियप्रसादश्च शिरसः शुद्धिलक्षणम् ||३८|| कण्डूपदेहौ गुरुता स्रोतसां कफसंस्रवः | मूर्ध्नि हीनविशुद्धे तु लक्षणं परिकीर्तितम् ||३९|| मस्तुलुङ्गागमो वातवृद्धिरिन्द्रियविभ्रमः | शून्यता शिरसश्चापि मूर्ध्नि गाढविरेचिते ||४०|| हीनातिशुद्धे शिरसि कफवातघ्नमाचरेत् | सम्यग्विशुद्धे शिरसि सर्पिर्नस्यं निषेचयेत् ||४१|| (एकान्तरं द्व्यन्तरं वा सप्ताहं वा पुनः पुनः | एकविंशतिरात्रं वा यावद्वा साधु मन्यते ||४२|| मारुतेनाभिभूतस्य वाऽत्यन्तं यस्य देहिनः | द्विकालं चापि दातव्यं नस्यं तस्य विजानता ) ||४३||
🔊 Audio coming soon
নস্যে ইত্যাদি| শাস্ত্রচিন্তকৈঃ বিদেহাদিভিঃ| মস্তুলুঙ্গঃ শিরোঽন্তর্ঘৃতাকারঃ| সর্পির্নস্যং নিষেচযেদিতি পিত্তপ্রকৃতৌ, বাতপ্রকৃতৌ তু পক্বতৈলমেব||৩৭-৪৩||
Adhikarana ২৬ (৪৪-৪৫) · Śloka ৪৫
অবপীডস্তু শিরোবিরেচনবদভিষ্যণ্ণসর্পদষ্টবিসঞ্জ্ঞেভ্যো দদ্যাচ্ছিরোবিরেচনদ্রব্যাণামন্যতমমবপিষ্যাবপীড্য চ, শর্করেক্ষুরসক্ষীরঘৃতমাংসরসানামন্যতমং ক্ষীণানাং শোণিতপিত্তে চ বিদধ্যাত্ ||৪৪|| কৃশদুর্বলভীরূণাং সুকুমারস্য যোষিতাম্ | শৃতাঃ স্নেহাঃ শিরঃশুদ্ধ্যৈ কল্কস্তেভ্যো যথা হিতঃ ||৪৫||
अवपीडस्तु शिरोविरेचनवदभिष्यण्णसर्पदष्टविसञ्ज्ञेभ्यो दद्याच्छिरोविरेचनद्रव्याणामन्यतममवपिष्यावपीड्य च, शर्करेक्षुरसक्षीरघृतमांसरसानामन्यतमं क्षीणानां शोणितपित्ते च विदध्यात् ||४४|| कृशदुर्बलभीरूणां सुकुमारस्य योषिताम् | शृताः स्नेहाः शिरःशुद्ध्यै कल्कस्तेभ्यो यथा हितः ||४५||
🔊 Audio coming soon
যদ্যপ্যবপীডাদৌ প্রতিমর্শঃ পূর্বমুদ্দেশসূত্রে প্রতিপাদিতঃ, তথাঽপি সর্বদোষোপযোজ্যতযা পরিহার্যরহিতত্বেন পশ্চান্নির্দেশং করিষ্যতীতি অসর্বদোষোপযোজ্যং সপরিহারং চাবপীডমাহ- অবপীড ইত্যাদি| অভিষ্যন্নো মেদঃকফাভিব্যাপ্তশিরঃ| পিপ্পলীবিডঙ্গাদিশিরোবিরেচনদ্রব্যাণামেকতমং প্রাপ্য, পিষ্ট্বা কল্কং, চকারাদেতেষাং ক্বাথেনাক্তং পিচুনক্তকমবপীড্য শিরোবিরেচনবদ্যথাক্রমং চতুঃষডষ্টবিন্দুপ্রমাণং হীনাদিমাত্রাস্ববপীডং দদ্যাত্| তস্য চ তন্ত্রান্তরে বিষার্তাদীনাং সঞ্জ্ঞাপ্রবোধনত্বেন রক্তপিত্তাদীনাং স্তম্ভনত্বেন দ্বৈবিধ্যম্| তথা চ বিদেহঃ- “বিষাভিঘাতসন্ন্যাসমূর্চ্ছামোহাপতন্ত্রকে| মদাপস্মারকামার্তিচিন্তাক্রোধভযাদিষু| মানসেষু চ রোগেষু মূঢব্যাকুলচেতসাম্| সঞ্জ্ঞাপ্রবোধহেত্বর্থমবপীডং প্রযোজযেত্||শিরোবিরেচনস্নেহমুষ্কাখ্যং(?) তদ্বিরেচনম্| ক্ষৌদ্রাদিকল্কপিষ্টং চ স্তম্ভনং ত্ববপীডনম্”- ইতি||৪৪-৪৫||
Adhikarana ২৭ (৪৬) · Śloka ৪৬
চেতোবিকারকৃমিবিষাভিপন্নানাং চূর্ণং প্রধমেত্ ||৪৬||
चेतोविकारकृमिविषाभिपन्नानां चूर्णं प्रधमेत् ||४६||
🔊 Audio coming soon
প্রধমনপ্রযোগবিষযাবধারণং- চেতোবিকারকৃমিবিষাভিপন্নানামিত্যাদি| অত্রাহ বিদেহঃ- “নাডী ষডঙ্গুলাযামা দ্বিমুখী চ তযা ধমেত্| ত্রিশ্চূর্ণং মুচ্চুটীমাত্রমেষ প্রধমনে বিধিঃ||শুক্তিপ্রমাণং জিঘ্রেদ্বা বদ্ধং সূক্ষ্মেণ বাসসা”- ইতি| তর্জন্যঙ্গুষ্ঠাগ্রমাত্রগ্রাহ্যং চূর্ণং মুচ্চুটীমাত্রম্| গযী তু প্রতিমর্শানন্তরমবপীডপ্রধমনে প্রাহ||৪৬||
Adhikarana ২৮ (৪৭) · Śloka ৪৭
নস্যেন পরিহর্তব্যো ভুক্তবানপতর্পিতোঽত্যর্থতরুণপ্রতিশ্যাযী গর্ভিণী পীতস্নেহোদকমদ্যদ্রবোঽজীর্ণী দত্তবস্তিঃ ক্রুদ্ধো গরার্তস্তৃষিতঃ শোকাভিভূতঃ শ্রান্তো বালো বৃদ্ধো বেগাবরোধিতঃ শিরঃস্নাতুকামশ্চেতি; অনার্তবে চাভ্রে নস্যধূমৌ পরিহরেত্ ||৪৭||
नस्येन परिहर्तव्यो भुक्तवानपतर्पितोऽत्यर्थतरुणप्रतिश्यायी गर्भिणी पीतस्नेहोदकमद्यद्रवोऽजीर्णी दत्तबस्तिः क्रुद्धो गरार्तस्तृषितः शोकाभिभूतः श्रान्तो बालो वृद्धो वेगावरोधितः शिरःस्नातुकामश्चेति; अनार्तवे चाभ्रे नस्यधूमौ परिहरेत् ||४७||
🔊 Audio coming soon
অতঃ পরং নস্যানর্হোপদেশঃ- নস্যেনেত্যাদি| অনার্তবে চেত্যাদি চকারাদার্তবেঽপ্যভ্রে||৪৭||
Adhikarana ২৯ (৪৮) · Śloka ৪৮
তত্র হীনাতিমাত্রাতিশীতোষ্ণসহসাপ্রদানাদতিপ্রবিলম্বিতশিরস উচ্ছিঙ্ঘতো বিচলতোঽভ্যবহরতো বা প্রতিষিদ্ধপ্রদানাচ্চ ব্যাপদো ভবন্তি তৃষ্ণোদ্গারাদযো দোষনিমিত্তাঃ ক্ষযজাশ্চ ||৪৮||
तत्र हीनातिमात्रातिशीतोष्णसहसाप्रदानादतिप्रविलम्बितशिरस उच्छिङ्घतो विचलतोऽभ्यवहरतो वा प्रतिषिद्धप्रदानाच्च व्यापदो भवन्ति तृष्णोद्गारादयो दोषनिमित्ताः क्षयजाश्च ||४८||
🔊 Audio coming soon
ইদানীং নস্যব্যাপদঃ কারণসহিতাঃ প্রতিপাদযতি- তত্র হীনাতিমাত্রাতিশীতোষ্ণেত্যাদি| দোষনিমিত্তা ইতি দোষোত্ক্লেশনিমিত্তাঃ, ক্ষযজাশ্চেতি দোষক্ষযজাঃ||৪৮||
Adhikarana ৩০ (৪৯) · Śloka ৪৯
ভবতশ্চাত্র- নস্যে শিরোবিরেকে চ ব্যাপদো দ্বিবিধাঃ স্মৃতাঃ | দোষোত্ক্লেশাত্ ক্ষযাচ্চৈব বিজ্ঞেযাস্তা যথাক্রমম্ ||৪৯||
भवतश्चात्र- नस्ये शिरोविरेके च व्यापदो द्विविधाः स्मृताः | दोषोत्क्लेशात् क्षयाच्चैव विज्ञेयास्ता यथाक्रमम् ||४९||
🔊 Audio coming soon
উক্তমেবার্থং পদ্যেন স্পষ্টীকুর্বন্নাহ- ভবতশ্চাত্রেত্যাদি| যথাক্রমমিতি স্নৈহিকনস্যে দোষোত্ক্লেশজাঃ, শিরোবিরেচনে ক্ষযজাব্যাপদো ভবন্তীতি||৪৯||
Adhikarana ৩১ (৫০) · Śloka ৫০
দোষোক্লেশনিমিত্তাস্তু জযেচ্ছমনশোধনৈঃ | অথ ক্ষযনিমিত্তাসু যথাস্বং বৃংহণং হিতম্ ||৫০||
दोषोक्लेशनिमित्तास्तु जयेच्छमनशोधनैः | अथ क्षयनिमित्तासु यथास्वं बृंहणं हितम् ||५०||
🔊 Audio coming soon
দোষোত্ক্লেশনিমিত্তা ইত্যাদি| শমনশোধনৈরিতি তত্রাল্পে শমনং, প্রভূতে শোধনম্||৫০||
Adhikarana ৩২ (৫১-৫৩) · Śloka ৫৩
প্রতিমর্শশ্চতুর্দশসু কালেষূপাদেযঃ; তদ্যথা- তল্পোত্থিতেন, প্রক্ষালিতদন্তেন, গৃহান্নির্গচ্ছতা, ব্যাযামব্যবাযাধ্বপরিশ্রান্তেন, মূত্রোচ্চারকবলাঞ্জনান্তে, ভুক্তবতা, ছর্দিতবতা, দিবাস্বপ্নোত্থিতেন, সাযং চেতি ||৫১|| তত্র তল্পোত্থিতেনাসেবিতঃ প্রতিমর্শো রাত্রাবুপচিতং নাসাস্রোতোগতং মলমুপহন্তি মনঃপ্রসাদং চ করোতি, প্রক্ষালিতদন্তেনাসেবিতো দন্তানাং দৃঢতাং বদনসৌগন্ধ্যং চাপাদযতি, গৃহান্নির্গচ্ছতা সেবিতো নাসাস্রোতসঃ ক্লিন্নতযা রজোধূমো বা ন বাধতে, ব্যাযামমৈথুনাধ্বপরিশ্রান্তেনাসেবিতঃ শ্রমমুপহন্তি, মূত্রোচ্চারান্তে সেবিতো দৃষ্টের্গুরুত্বমপনযতি, কবলাঞ্জনান্তে সেবিতো দৃষ্টিং প্রসাদযতি, ভুক্তবতা সেবিতঃ স্রোতসাং বিশুদ্ধিং লঘুতাং চাপাদযতি, বান্তেনাসেবিতঃ স্রোতোবিলগ্নং শ্লেষ্মাণমপোহ্য ভক্তাকাঙ্ক্ষামাপাদযতি, দিবাস্বপ্নোত্থিতেনাসেবিতো নিদ্রাশেষং গুরুত্বং মলং চাপোহ্য চিত্তৈকাগ্র্যং জনযতি, সাযং চাসেবিতঃ সুখনিদ্রাপ্রবোধং চেতি ||৫২|| ঈষদুচ্ছিঙ্ঘতঃ স্নেহো যাবদ্বক্ত্রং প্রপদ্যতে | নস্যে নিষিক্তং তং বিদ্যাত্ প্রতিমর্শং প্রমাণতঃ ||৫৩||
प्रतिमर्शश्चतुर्दशसु कालेषूपादेयः; तद्यथा- तल्पोत्थितेन, प्रक्षालितदन्तेन, गृहान्निर्गच्छता, व्यायामव्यवायाध्वपरिश्रान्तेन, मूत्रोच्चारकवलाञ्जनान्ते, भुक्तवता, छर्दितवता, दिवास्वप्नोत्थितेन, सायं चेति ||५१|| तत्र तल्पोत्थितेनासेवितः प्रतिमर्शो रात्रावुपचितं नासास्रोतोगतं मलमुपहन्ति मनःप्रसादं च करोति, प्रक्षालितदन्तेनासेवितो दन्तानां दृढतां वदनसौगन्ध्यं चापादयति, गृहान्निर्गच्छता सेवितो नासास्रोतसः क्लिन्नतया रजोधूमो वा न बाधते, व्यायाममैथुनाध्वपरिश्रान्तेनासेवितः श्रममुपहन्ति, मूत्रोच्चारान्ते सेवितो दृष्टेर्गुरुत्वमपनयति, कवलाञ्जनान्ते सेवितो दृष्टिं प्रसादयति, भुक्तवता सेवितः स्रोतसां विशुद्धिं लघुतां चापादयति, वान्तेनासेवितः स्रोतोविलग्नं श्लेष्माणमपोह्य भक्ताकाङ्क्षामापादयति, दिवास्वप्नोत्थितेनासेवितो निद्राशेषं गुरुत्वं मलं चापोह्य चित्तैकाग्र्यं जनयति, सायं चासेवितः सुखनिद्राप्रबोधं चेति ||५२|| ईषदुच्छिङ्घतः स्नेहो यावद्वक्त्रं प्रपद्यते | नस्ये निषिक्तं तं विद्यात् प्रतिमर्शं प्रमाणतः ||५३||
🔊 Audio coming soon
প্রতিমর্শপ্রমাণমাহ- ঈষদিত্যাদি| বৃদ্ধবাগ্ভটে চান্যথা প্রতিমর্শপ্রমাণম্| তথা চ- “প্রমাণং প্রতিমর্শস্য বিন্দুদ্বিতযমিষ্যতে| বিন্দুর্বা যেন চোত্ক্লেশো নানুত্ক্লিষ্টস্য জাযতে||নিহিতো যত্র বা স্নেহো ন সাক্ষাদুপলভ্যতে”- ইতি| শিরোবিরেচনস্নেহবত্ প্রতিমর্শস্নেহোঽপি নাভ্যবহরণীযঃ| তথাহি বিদেহঃ- “উচ্ছিঙ্ঘেন্ন পিবেত্ স্নেহং নিষ্ঠীবেন্মুখমাগতম্”- ইতি| নস্যাদিষু নরাবস্থিককালস্তন্ত্রান্তরাদনুসর্তব্যঃ; তথা চ কৃষ্ণাত্রেযঃ- “সপ্তবর্ষমুপাদায নস্যকর্ম চতুর্বিধম্| প্রতিমর্শোঽথ বমনং জন্মপ্রভৃতি শস্যতে| ধূমোঽথ দ্বাদশে বর্ষে কবলঃ পঞ্চমে মতঃ| দোষব্যাধিবলাবস্থাং বীক্ষ্য চৈতান্ প্রযোজযেত্”- ইতি||৫১-৫৩||
Adhikarana ৩৩ (৫৪-৫৫) · Śloka ৫৫
নস্যেন রোগাঃ শাম্যন্তি নরাণামূর্ধ্বজত্রুজাঃ | ইন্দ্রিযাণাং চ বৈমল্যং কুর্যাদাস্যং সুগন্ধি চ ||৫৪|| হনুদন্তশিরোগ্রীবাত্রিকবাহূরসাং বলম্ | বলীপলিতখালিত্যব্যঙ্গানাং চাপ্যসম্ভবম্ ||৫৫||
नस्येन रोगाः शाम्यन्ति नराणामूर्ध्वजत्रुजाः | इन्द्रियाणां च वैमल्यं कुर्यादास्यं सुगन्धि च ||५४|| हनुदन्तशिरोग्रीवात्रिकबाहूरसां बलम् | वलीपलितखालित्यव्यङ्गानां चाप्यसम्भवम् ||५५||
🔊 Audio coming soon
ইদানীং সামান্যেন নস্যফলমাহ- নস্যেন রোগা ইত্যাদি||৫৪-৫৫||
Adhikarana ৩৪ (৫৬-৫৭) · Śloka ৫৭
তৈলং কফে সবাতে স্যাত্ কেবলে পবনে বসাম্ | দদ্যাত্সর্পিঃ সদা পিত্তে মজ্জানং চ সমারুতে ||৫৬|| চতুর্বিধস্য স্নেহস্য বিধিরেবং প্রকীর্তিতঃ | শ্লেষ্মস্থানাবিরোধিত্বাত্তেষু তৈলং বিধীযতে ||৫৭||
तैलं कफे सवाते स्यात् केवले पवने वसाम् | दद्यात्सर्पिः सदा पित्ते मज्जानं च समारुते ||५६|| चतुर्विधस्य स्नेहस्य विधिरेवं प्रकीर्तितः | श्लेष्मस्थानाविरोधित्वात्तेषु तैलं विधीयते ||५७||
🔊 Audio coming soon
অতঃ স্নেহান্ দোষপ্রত্যনীকত্বেন বিভজতি- তৈলমিত্যাদি||৫৬-৫৭||
Adhikarana ৩৫ (৫৮-৬০) · Śloka ৬০
অতঃ পরং প্রবক্ষ্যামি কবলগ্রহণে বিধিম্ | চতুর্ধা কবলঃ স্নেহী প্রসাদী শোধিরোপণৌ ||৫৮|| স্নিগ্ধোষ্ণৈঃ স্নৈহিকো বাতে, স্বাদুশীতৈঃ প্রসাদনঃ | পিত্তে, কট্বম্ললবণৈ রূক্ষোষ্ণৈঃ শোধনঃ কফে ||৫৯|| কষাযতিক্তমধুরৈঃ কটূষ্ণৈ রোপণো ব্রণে | চতুর্বিধস্য চৈবাস্য বিশেষোঽযং প্রকীর্তিতঃ ||৬০||
अतः परं प्रवक्ष्यामि कवलग्रहणे विधिम् | चतुर्धा कवलः स्नेही प्रसादी शोधिरोपणौ ||५८|| स्निग्धोष्णैः स्नैहिको वाते, स्वादुशीतैः प्रसादनः | पित्ते, कट्वम्ललवणै रूक्षोष्णैः शोधनः कफे ||५९|| कषायतिक्तमधुरैः कटूष्णै रोपणो व्रणे | चतुर्विधस्य चैवास्य विशेषोऽयं प्रकीर्तितः ||६०||
🔊 Audio coming soon
ততো নস্যমভিধায শিরোরোগমুখরোগাবজযকারণং কবলগ্রহমুদ্দিশন্নাহ- অত ঊর্ধ্বমিত্যাদি| দোষভেদেন ত্রিষু স্নৈহিকাদীনভিধায রোপণো ব্রণ ইত্যনেন শোণিতং চতুর্থমভিহিতম্||৫৮-৬০||
Adhikarana ৩৬ (৬১) · Śloka ৬১
তত্র ত্রিকটুকবচাসর্ষপহরীতকীকল্কমালোড্য তৈলশুক্তসুরামূত্রক্ষারমধূনামন্যতমেন সলবণমভিপ্রতপ্তমুপস্বিন্নমৃদিতগলকপোলললাটপ্রদেশো ধারযেত্ ||৬১||
तत्र त्रिकटुकवचासर्षपहरीतकीकल्कमालोड्य तैलशुक्तसुरामूत्रक्षारमधूनामन्यतमेन सलवणमभिप्रतप्तमुपस्विन्नमृदितगलकपोलललाटप्रदेशो धारयेत् ||६१||
🔊 Audio coming soon
মুখস্যাত্র কফস্থানত্বাত্ কফহরং সংশোধনমেব কবলং ত্রিকটুকাদিদ্রব্যৈর্দর্শযন্নাহ- তত্রেত্যাদি||৬১||
Adhikarana ৩৭ (৬২) · Śloka ৬২
সুখং সঞ্চার্যতে যা তু মাত্রা স (সা) কবলঃ স্মৃতঃ | অসঞ্চার্যা তু যা মাত্রা গণ্ডূষঃ স প্রকীর্তিতঃ ||৬২||
सुखं सञ्चार्यते या तु मात्रा स (सा) कवलः स्मृतः | असञ्चार्या तु या मात्रा गण्डूषः स प्रकीर्तितः ||६२||
🔊 Audio coming soon
অথ কবলগণ্ডূষযোঃ প্রতিস্বং ভেদমাহ- সুখমিত্যাদি||৬২||
Adhikarana ৩৮ (৬৩) · Śloka ৬৩
তাবচ্চ ধারযিতব্যোঽনন্যমনসোন্নতদেহেন যাবদ্দোষপরিপূর্ণকপোলত্বং নাসাস্রোতোনযনপরিপ্লাবশ্চ ভবতি তদা বিমোক্তব্যঃ, পুনশ্চান্যো গ্রহীতব্য ইতি ||৬৩||
तावच्च धारयितव्योऽनन्यमनसोन्नतदेहेन यावद्दोषपरिपूर्णकपोलत्वं नासास्रोतोनयनपरिप्लावश्च भवति तदा विमोक्तव्यः, पुनश्चान्यो ग्रहीतव्य इति ||६३||
🔊 Audio coming soon
কিযন্তং কালং ব্যাপ্য ধারণীযস্তদাহ- তাবচ্চ ধারযিতব্য ইত্যাদি| দোষোঽত্র কফঃ| নাসাস্রোতঃ নাসারন্ধ্রম্||৬৩||
Adhikarana ৩৯ (৬৪) · Śloka ৬৪
এবং স্নেহপযঃক্ষৌদ্ররসমূত্রাম্লসম্ভৃতাঃ | কষাযোষ্ণোদকাভ্যাং চ কবলা দোষতো হিতাঃ ||৬৪||
एवं स्नेहपयःक्षौद्ररसमूत्राम्लसम्भृताः | कषायोष्णोदकाभ्यां च कवला दोषतो हिताः ||६४||
🔊 Audio coming soon
শোধনকবলস্য বিধানং স্নেহাদিষ্বপি নির্দিশন্নাহ- এবমিত্যাদি| সম্ভৃতাঃ সম্যক্কৃতাঃ| দোষত ইতি দোষব্যাধিপ্রত্যনীকভাবেন| দোষগ্রহণেন ব্যাধিঃ পরিগৃহ্যতে, কার্যে কারণোপচারাত্||৬৪||
Adhikarana ৪০ (৬৫-৬৬) · Śloka ৬৭
ব্যাধেরপচযস্তুষ্টির্বৈশদ্যং বক্ত্রলাঘবম্ | ইন্দ্রিযাণাং প্রসাদশ্চ কবলে শুদ্ধিলক্ষণম্ ||৬৫|| হীনে জাড্যকফোত্ক্লেশাবরসজ্ঞানমেব চ | অতিযোগান্মুখে পাকঃ শোষতৃষ্ণারুচিক্লমাঃ ||৬৬|| শোধনীযে বিশেষেণ ভবন্ত্যেব ন সংশযঃ |৬৭|
व्याधेरपचयस्तुष्टिर्वैशद्यं वक्त्रलाघवम् | इन्द्रियाणां प्रसादश्च कवले शुद्धिलक्षणम् ||६५|| हीने जाड्यकफोत्क्लेशावरसज्ञानमेव च | अतियोगान्मुखे पाकः शोषतृष्णारुचिक्लमाः ||६६|| शोधनीये विशेषेण भवन्त्येव न संशयः |६७|
🔊 Audio coming soon
ইদানীং যোগাদিলক্ষণমুদ্দিশন্নাহ- ব্যাধেরিত্যাদি| অত্র স্থানিত্বেন শোধনীয এব প্রধানঃ, তেন ব্যাধেরপচয ইত্যাদিকং শুদ্ধিলক্ষণং বিশেষেণ শোধনীযস্য, সামান্যেন পুনঃ স্নৈহিকাদীনামপি; মুখপাকাদি তু শোধনীযস্যৈব, শেষাণাং তু দ্রব্যগুণাদূহ্যম্||৬৫-৬৬||-
Adhikarana ৪১ (৬৭-৬৮) · Śloka ৬৮
তিলা নীলোত্পলং সর্পিঃ শর্করা ক্ষীরমেব চ ||৬৭|| সক্ষৌদ্রো দগ্ধবক্ত্রস্য গণ্ডূষো দাহনাশনঃ | কবলস্য বিধির্হ্যেষ সমাসেন প্রকীর্তিতঃ ||৬৮||
तिला नीलोत्पलं सर्पिः शर्करा क्षीरमेव च ||६७|| सक्षौद्रो दग्धवक्त्रस्य गण्डूषो दाहनाशनः | कवलस्य विधिर्ह्येष समासेन प्रकीर्तितः ||६८||
🔊 Audio coming soon
আগন্তুকস্য ক্ষারাদিদাহস্য কবলমুদ্দিশন্নাহ- তিলা নীলোত্পলমিত্যাদি| এতৈর্ব্যস্তৈঃ সমস্তৈশ্চ ক্ষারাদিদাহে কবলঃ||৬৭-৬৮||
Adhikarana ৪২ (৬৯) · Śloka ৭০
বিভজ্য ভেষজং বুদ্ধ্যা কুর্বীত প্রতিসারণম্ | কল্কো রসক্রিযা ক্ষৌদ্রং চূর্ণং চেতি চতুর্বিধম্ ||৬৯|| অঙ্গুল্যগ্রপ্রণীতং তু যথাস্বং মুখরোগিণাম্ |৭০|
विभज्य भेषजं बुद्ध्या कुर्वीत प्रतिसारणम् | कल्को रसक्रिया क्षौद्रं चूर्णं चेति चतुर्विधम् ||६९|| अङ्गुल्यग्रप्रणीतं तु यथास्वं मुखरोगिणाम् |७०|
🔊 Audio coming soon
লুপ্তাদিগ্রহণগৃহীতস্য প্রতিসারণস্য সমাসেন বিধানমুদ্দিশন্নাহ- বিভজ্যেত্যাদি| রসক্রিযা ফাণিতাকৃতিঃ| ভেষজং রসবীর্যগুণবিপাকৈর্বাতাদিদোষান্ তদারব্ধরোগাংশ্চ প্রবিভজ্য, যথাস্বং যদ্যত্র প্রতিসারণং হিতং তত্কৃত্বৈব মুখরোগিণাং কুর্বীত কল্কাদিভেদেন চতুর্বিধং প্রতিসারণম্| অঙ্গুল্যগ্রপ্রণীতত্বেন কোলাস্থিমাত্রত্বং প্রতিসারণস্য সূচযতি| তথা চ শালাক্যে- “কোলাস্থিমাত্রেণ পিণ্ডেন যথাদোষং যথাব্যাধি পঞ্চ সপ্ত বা বারান্ হীনমধ্যমোত্তমেষু ব্যাধিষু চ প্রতিসারণং কুর্বীত| ন চৈনমতিঘর্ষযেত্| অতিঘর্ষণাদোষচোষদাহক্লেদশ্বযথুতৃষ্ণাভক্তচ্ছন্দবাক্সঙ্গা ভবন্তি, অসম্যক্প্রতিসারণাত্ পৈচ্ছিল্যগুরুত্বানন্নাভিলাষপ্রমোহবিকারানুপশযাঃ, সম্যক্প্রতিসারণাদ্বৈশদ্যং লাঘবং ক্ষবথুরপ্রসেকোঽন্নাভিলাষশ্চ”- ইতি||৬৯||-
Adhikarana ৪৩ (৭০-৭১) · Śloka ৭১
তস্মিন্ যোগমযোগং চ কবলোক্তং বিভাবযেত্ ||৭০|| তানেব শমযেদ্ ব্যাধীন্ কবলো যানপোহতি | দোষঘ্নমনভিষ্যন্দি ভোজযেচ্চ তথা নরম্ ||৭১||
तस्मिन् योगमयोगं च कवलोक्तं विभावयेत् ||७०|| तानेव शमयेद् व्याधीन् कवलो यानपोहति | दोषघ्नमनभिष्यन्दि भोजयेच्च तथा नरम् ||७१||
🔊 Audio coming soon
তস্মিন্ যোগমিত্যাদি| যোগাদন্যঃ অযোগঃ, স পুনরিহ হীনযোগোঽতিযোগশ্চ| অযোগং চেতি চকারেণ যোগাযোগাতিযোগচিকিত্সিতং সমুচ্চীযতে| দোষঘ্নমিতি যেন দোষেণ বাতাদিনা মুখরোগ আরব্ধঃ| (অত্র চ কৃষ্ণাত্রেযঃ,- “সপ্তবর্ষমুপাদায নস্যকর্ম চতুর্বিধম্| প্রতিমর্শোঽথ বমনং জন্মপ্রভৃতি শস্যতে| ধূমো দ্বাদশবর্ষস্য কবলঃ পঞ্চমে ততঃ| দোষব্যাধিবলাবস্থাং বীক্ষ্য চৈতান্ প্রযোজযেত্”- ইতি)||৭০-৭১||
Adhikarana পুষ্পিকা · Śloka ৪০
ইতি সুশ্রুতসংহিতাযাং চিকিত্সাস্থানে ধূমনস্যকবলগ্রহচিকিত্সিতং নাম চত্বারিংশোঽধ্যাযঃ ||৪০|| ইতি ভগবতা শ্রীধন্বন্তরিণোপদিষ্টাযাং তচ্ছিষ্যেণ মহর্ষিণা সুশ্রুতেন বিরচিতাযাং সুশ্রুতসংহিতাযাং চতুর্থং চিকিত্সাস্থানং সমাপ্তম্|
इति सुश्रुतसंहितायां चिकित्सास्थाने धूमनस्यकवलग्रहचिकित्सितं नाम चत्वारिंशोऽध्यायः ||४०|| इति भगवता श्रीधन्वन्तरिणोपदिष्टायां तच्छिष्येण महर्षिणा सुश्रुतेन विरचितायां सुश्रुतसंहितायां चतुर्थं चिकित्सास्थानं समाप्तम्|
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সমস্তনিবন্ধার্থজ্ঞাপিকাযাং সুশ্রুতটীকাযাং চত্বারিংশোঽধ্যাযঃ||৪০||