Adhikarana ব্রণস্য দ্বৈবিধ্যং, বাতজ-পিত্তজ-কফজ-রক্তজ-দ্বন্দ্বজ-সন্নিপাতজব্রণলক্ষণং চ (১-৪) · Śloka ৫
অথ শারীরব্রণনিদানম্ | দ্বিধা ব্রণঃ স বিজ্ঞেযঃ শারীরাগন্তুভেদতঃ | দোষৈরাদ্যস্তযোরন্যঃ শস্ত্রাদিক্ষতসম্ভবঃ ||১|| স্তব্ধঃ কঠিনসংস্পর্শো মন্দস্রাবো মহারুজঃ | তুদ্যতে স্ফুরতি শ্যাবো ব্রণো মারুতসম্ভবঃ ||২|| তৃষ্ণামোহজ্বরক্লেদদাহদুষ্ট্যবদারণৈঃ | ব্রণং পিত্তকৃতং বিদ্যাদ্গন্ধৈঃ স্রাবৈশ্চ পূতিকৈঃ ||৩|| বহুপিচ্ছো গুরুঃ স্নিগ্ধঃ স্তিমিতো মন্দবেদনঃ | পাণ্ডুবর্ণোঽল্পসঙ্ক্লেদশ্চিরপাকী কফব্রণঃ ||৪|| (চ. চি. অ. ২৫) | রক্তো রক্তস্রুতী রক্তাদ্দ্বিত্রিজঃ স্যাত্তদন্বযৈঃ |৫|
View original
अथ शारीरव्रणनिदानम् | द्विधा व्रणः स विज्ञेयः शारीरागन्तुभेदतः | दोषैराद्यस्तयोरन्यः शस्त्रादिक्षतसम्भवः ||१|| स्तब्धः कठिनसंस्पर्शो मन्दस्रावो महारुजः | तुद्यते स्फुरति श्यावो व्रणो मारुतसम्भवः ||२|| तृष्णामोहज्वरक्लेददाहदुष्ट्यवदारणैः | व्रणं पित्तकृतं विद्याद्गन्धैः स्रावैश्च पूतिकैः ||३|| बहुपिच्छो गुरुः स्निग्धः स्तिमितो मन्दवेदनः | पाण्डुवर्णोऽल्पसङ्क्लेदश्चिरपाकी कफव्रणः ||४|| (च. चि. अ. २५) | रक्तो रक्तस्रुती रक्ताद्द्वित्रिजः स्यात्तदन्वयैः |५|
🔊 Audio coming soon
Show commentary
মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)
শোথানামনুপক্রান্তানাং ব্রণভাবাপত্তের্ব্রণনিদানমাহ– দ্বিধেত্যাদি| ‘ব্রণ গাত্রবিচূর্ণনে’ ইত্যস্মাদ্ধাতোর্ব্রণস্য সাধুত্বমুক্তম্| ব্রণনিরুক্তিশ্চ সুশ্রুতেন কৃতা| যথা– “বৃণোতি যস্মাদ্রূঢেঽপি ব্রণবাস্তু ন নশ্যতি| আদেহধারণাজ্জন্তোর্ব্রণস্তস্মান্নিরুচ্যতে||” (সু. সূ. অ. ২১) ইতি| অন্য ইত্যাগন্তুঃ| আগন্তুব্রণে যদ্যপি দোষস্তত্কালং তদাত্বেন সঞ্চযকোপপ্রসরণশালী বিকারকরণসমর্থঃ কল্পযিতুং শক্যতে, তথাঽপি সপ্তরাত্রং ক্ষতোষ্মনির্বাপণায মধুসর্পিরুপযোগাত্ শীতক্রিযাবিধানাচ্চ নিজব্রণবিলক্ষণচিকিত্সার্থং ব্যপদিশ্যতে| রক্তস্যৈকৈকস্মিন্ দোষে দ্বন্দ্বে চ প্রসরমাহ– দ্বিত্রিজঃ স্যাত্তদন্বযৈরিত্যাদি| রক্তান্বযৈঃ একৈকদোষৈর্দ্বন্দ্বৈশ্চ; রক্তান্বিতৈরেকৈকদোষৈর্দ্বিজো ব্রণঃ, রক্তান্বিতৈর্দ্বন্দ্বত্রযৈস্ত্রিজঃ; এবং দোষত্রযেঽপি রক্তসম্বন্ধ ঊহনীযঃ; এবং পঞ্চদশধা প্রসরো দোষাণামুপগৃহীতো ভবতি| অথবাঽযমর্থঃ– তদন্বযৈর্দোষদ্বন্দ্বত্রযান্বযৈঃ, তেন দোষদ্বযান্বযেন দ্বিজো দ্বন্দ্বজো ব্রণঃ, দোষত্রযান্বযেন ত্রিজঃ সন্নিপাতজঃ||১-৪||–
আতঙ্কদর্পণ ব্যাখ্যা (বাচস্পতি বৈদ্য কৃত)
ব্রণশোফানামনুপক্রান্তানাং ব্রণভাবাপত্তের্ব্রণনিদানম্| তেষাং ভেদমাহ– দ্বিধেত্যাদি| ‘ব্রণ গাত্রবিচূর্ণনে’ ইত্যস্মাদ্ধাতোঃ ব্রণস্য নিরুক্তিঃ| ব্রণনিরুক্তিশ্চ সুশ্রুতে কৃতা| যথা– “বৃণোতি যস্মাদ্রূঢেঽপি ব্রণবাস্তু ন নশ্যতি| আদেহধারণাজ্জন্তোর্ব্রণস্তস্মান্নিরুচ্যতে||” ইতি| শারীরাগন্তুভেদতো ব্রণো দ্বিধা জ্ঞেযঃ, তযোর্দ্বযোর্মধ্যে আদ্যঃ শারীরঃ, স চ দোষৈঃ পবনকফপিত্তশোণিতসন্নিপাতৈঃ স্যাত্, অন্য ইত্যাগন্তুঃ শস্ত্রাদিক্ষতসম্ভবো ভবতি| বাতিকমাহ– স্তব্ধ ইত্যাদি| স্তব্ধঃ অচলঃ, তুদ্যতে শূলেনেব, শ্যাবঃ শাববর্ণঃ| পৈত্তিকমাহ– তৃষ্ণেত্যাদি| এতৈর্লিঙ্গৈঃ পিত্তকৃতং জানীযাত্| ক্লেদ আর্দ্রতা, দাহদুষ্টিঃ দাহবান্, অবদারণং ত্বক্স্ফোটনং, পূতিকৈর্দুর্গন্ধৈঃ| কফজমাহ– বহ্বিত্যাদি| বহুপিচ্ছঃ ভূযঃ পিচ্ছিলঃ, স্তিমিতো নিশ্চলঃ, অল্পসঙ্ক্লেদঃ ঈষদার্দ্রঃ| রক্তস্যৈকস্মিন্ দোষে দ্বন্দ্বে চ প্রসরমাহ– রক্ত ইত্যাদি| রক্তবর্ণো ভবতি, রক্তস্রাবো বা| দ্বিত্রিজঃ স্যাত্তদন্বযৈরিতি রক্তানুগৈঃ পৃথগ্দোষৈঃ দ্বন্দ্বৈশ্চ, তেন পৃথগ্দোষৈঃ সরক্তৈঃ দ্বিজঃ, দ্বন্দ্বজৈঃ সরক্তৈস্ত্রিজঃ, এবং ত্রিদোষজেঽপি রক্তঃ সম্বন্ধনীযঃ| তদ্যথা– বাতজঃ, পিত্তজঃ, শ্লেষ্মজঃ, সঙ্ঘাতজঃ, রক্তজঃ, বাতপিত্তজঃ, বাতশ্লেষ্মজঃ, পিত্তশ্লেষ্মজঃ, এবমষ্টৌ; শোণিতসম্বন্ধাত্ সপ্ত, বাতশোণিতসম্বন্ধাত্তজ্জঃ, শ্লেষ্মঃ পিত্তশোণিতজঃ, শ্লেষ্মশোণিতজঃ, বাতপিত্তশোণিতজঃ, বাতশ্লেষ্মশোণিতজঃ, পিত্তশ্লেষ্মশোণিতজঃ, সন্নিপাতক্ষতজঃ ইতি; এবং দোষাণাং ভেদেন পঞ্চদশধা প্রসর উক্তঃ| অথবা তদন্বযৈঃ দোষত্রযান্বযৈঃ, তেন দোষদ্বযান্বযেন দ্বিজঃ দ্বন্দ্বজো ব্রণঃ, দোষত্রযান্বযেন ত্রিজঃ সান্নিপাতিকো ব্রণ ইত্যর্থঃ||১-৪||–