Adhikarana অথ মদাত্যযনিদানং নাম ষষ্ঠোঽধ্যাযঃ | প্রতিজ্ঞা (১) · Śloka ১
অথাতো মদাত্যযনিদানংনামাধ্যাযং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ||১||
View original
अथातो मदात्ययनिदानंनामाध्यायं व्याख्यास्यामः|
इति ह स्माहुरात्रेयादयो महर्षयः||१||
Show commentary
শশিলেক ব্যাখ্যা (ইন্দু কৃত)
বাতকফোহেতুসামান্যাদ্ধাতুশোষণসামান্যাচ্চ রাজযক্ষ্মানন্তরং মদাত্যযাদিনির্ণযাধ্যাযারম্ভঃ| মদেনাত্যযো মদাত্যযঃ| মদহেতুকো ব্যাধিরিত্যর্থঃ| মদো নাম চিত্তধাতুবিকারঃ| স চ মদকার্য্যম্| মদ্যং চ যথাকারণতাং তত্র প্রতিপদ্যতে তথা তীক্ষ্ণ ইত্যাদিনা দর্শযতি|| ১||
Adhikarana মদ্যৌজসোর্গুণাঃ (২) · Śloka ২
তীক্ষ্ণোষ্ণরূক্ষাসূক্ষ্মমাম্লং ব্যবায্যাশুকরং লঘু|
বিকাশি বিশদং মদ্যমোজসোঽস্মাদ্বিপর্যযঃ||২||
View original
तीक्ष्णोष्णरूक्षासूक्ष्ममाम्लं व्यवाय्याशुकरं लघु|
विकाशि विशदं मद्यमोजसोऽस्माद्विपर्ययः||२||
Show commentary
শশিলেক ব্যাখ্যা (ইন্দু কৃত)
তীক্ষ্ণাদিগুণদশকসংযুক্তং মদ্যম্| তেনাস্মান্ মদ্যাত্তীক্ষ্ণাদিগুণবিপরীতমন্দাদিগুণদশকসংযুক্তস্যৌজসৌ বিপর্য্যয এব||২||
Adhikarana মদ্যতুল্যত্বেঽপি বিষস্য মারকত্বে হেতুঃ (৩) · Śloka ৩
তীক্ষ্ণাদযো বিষেঽপ্যুক্তাশ্চিত্তোপপ্লাবিনো গুণাঃ|
জীবিতান্তায জাযন্তে বিষে তূত্কর্ষবৃত্তিতঃ||৩||
View original
तीक्ष्णादयो विषेऽप्युक्ताश्चित्तोपप्लाविनो गुणाः|
जीवितान्ताय जायन्ते विषे तूत्कर्षवृत्तितः||३||
Show commentary
শশিলেক ব্যাখ্যা (ইন্দু কৃত)
তীক্ষ্ণাদযো গুণা বিষেঽপ্যুক্তাঃ| তত্রস্থাশ্চ তে জীবিতান্তায জাযন্তে| তত্র তেষামুত্কর্ষবৃত্তিহেতুঃ| অনেনৈতত্কথযতি-বিষং মদ্যং সমমেবৌজসো বিপরীতমিতি|| ৩||
Adhikarana প্রথমমদঃ (৪) · Śloka ৪
তীক্ষ্ণাদিভির্গুণৈর্মদ্যং মন্দাদীনোজসো গুণান্|
দশভির্দশসংক্ষোভ্য চেতো নযতি বিক্রিযাম্|
আদ্যে মদ্যে||৪||
View original
तीक्ष्णादिभिर्गुणैर्मद्यं मन्दादीनोजसो गुणान्|
दशभिर्दशसंक्षोभ्य चेतो नयति विक्रियाम्|
आद्ये मद्ये||४||
Show commentary
শশিলেক ব্যাখ্যা (ইন্দু কৃত)
অত এব মদ্যং তীক্ষ্ণাদিগুণমোজসোঃ মন্দাদিগুণম্; অতো বিপর্য্যযান্মদ্যং সেবিতং তীক্ষ্ণাদিভীঃ সর্বৈর্দশভির্গুণৈরোজসো মন্দাদীন্ দশাপি গুণান্ বিক্ষোভ্য চেতোবিক্রিযাং নযতি| অযমাদ্যো মদঃ|| ৪||
Adhikarana দ্বিতীযমদঃ (৫) · Śloka ৫
দ্বিতীযে তু প্রমাদাযতনে স্থিতঃ|
দুর্বিকল্পহতো মূঢঃ সুখমিত্যববুধ্যতে||৫||
View original
द्वितीये तु प्रमादायतने स्थितः|
दुर्विकल्पहतो मूढः सुखमित्यवबुध्यते||५||
Show commentary
শশিলেক ব্যাখ্যা (ইন্দু কৃত)
ততো মদ্যস্যাঽতিপানেন দ্বিতীযো মদো ভবতি| যস্মিন্ প্রমাদাযতনে প্রমাদকরণভূতে স্থিতঃ পুরুষো দুর্বিকল্পহতঃ সন্ মূঢস্তদেব সুখমিত্যববুধ্যতে|| ৫||
Adhikarana তৃতীযমদঃ (৬) · Śloka ৬
মধ্যমোত্তমযোঃ সন্ধিং প্রাপ্য রাজসতামসঃ|
নিরঙ্কুশ ইব ব্যালো ন কিঞ্চিন্নাচরেজ্জডঃ||৬||
View original
मध्यमोत्तमयोः सन्धिं प्राप्य राजसतामसः|
निरङ्कुश इव व्यालो न किञ्चिन्नाचरेज्जडः||६||
Show commentary
শশিলেক ব্যাখ্যা (ইন্দু কৃত)
ততোঽপি তৃতীযো মদো ভবতি| যস্য দ্বিতীযেন তথাবিধঃ সন্ধির্ভবতি| যং সন্ধিং রজস্তমোভ্যাং যুক্তঃ সন্ পুরুষো নিরঙ্কুশ ইব ব্যালো ন কিঞ্চিন্নাচরেজ্জডঃ| নিরঙ্কুশঃ স্বতন্ত্রবৃত্তিঃ ব্যালো দুষ্টগজঃ|| ৬||
Adhikarana তৃতীযমদনিন্দা (৭) · Śloka ৭
ইযং ভূমিরবদ্যানাং দৌশ্শীল্যস্যেদমাস্পদম্|
একোঽযং বহুমার্গাযা দুর্গতের্দেশিকঃ পরম্||৭||
View original
इयं भूमिरवद्यानां दौश्शील्यस्येदमास्पदम्|
एकोऽयं बहुमार्गाया दुर्गतेर्देशिकः परम्||७||
Show commentary
শশিলেক ব্যাখ্যা (ইন্দু কৃত)
অবদ্যানাং দোষাণামিযং ভূমিঃ| যো মধ্যমোত্তমযোঃ সন্দিগ্ধঃ| দেশিকঃ উপদেষ্টা|| ৭||
Adhikarana সম্পূর্ণস্য তৃতীযমদস্য লক্ষণম্ (৮) · Śloka ৮
নিশ্চেষ্টঃ শববচ্ছেতে তৃতীযে তু মদে স্থিতঃ|
মরণাদপি পাপাত্মা গতঃ পাপতরাং দশাম্||৮||
View original
निश्चेष्टः शववच्छेते तृतीये तु मदे स्थितः|
मरणादपि पापात्मा गतः पापतरां दशाम्||८||
Show commentary
শশিলেক ব্যাখ্যা (ইন্দু কৃত)
যদা তু তৃতীযং মদং সম্পূর্ণং প্রাপ্নোতি তদা সঃ পাপান্মরণাদপি পাপতরাং দশামবস্থাং গতো নিশ্চেষ্টঃ সন্ শববচ্ছেতে| এতদেবাঽন্তরোক্তং মদত্রযলক্ষণম্|| ৮||
Adhikarana মদ্যাসক্তাবস্থা (৯) · Śloka ৯
ধর্মাধর্মং সুখং দুঃখমর্থানর্থং হিতাহিতম্|
যদাঽস্ক্তো ন জানাতি কথং তচ্ছীলযেদ্বুধঃ||৯||
View original
धर्माधर्मं सुखं दुःखमर्थानर्थं हिताहितम्|
यदाऽस्क्तो न जानाति कथं तच्छीलयेद्बुधः||९||
Show commentary
শশিলেক ব্যাখ্যা (ইন্দু কৃত)
তচ্চ মদ্যং বুধঃ শীলযিতুং নার্হতি| যস্মিন্নাঽসক্তে ধর্মাধর্মাদিকং দৃষ্টফলং ন জানাতি| তন্মদ্যং কথং বুধঃ শীলযেত্||৯||
Adhikarana মদ্যপানে দোষাঃ (১০) · Śloka ১০
মদ্যে মোহো ভযং শোকঃ ক্রোধো মৃত্যুশ্চ সংশ্রিতাঃ|
সোন্মাদমদমূর্চ্ছাযাঃ সাঽপস্মারাপতানকাঃ||১০||
View original
मद्ये मोहो भयं शोकः क्रोधो मृत्युश्च संश्रिताः|
सोन्मादमदमूर्च्छायाः साऽपस्मारापतानकाः||१०||
Show commentary
শশিলেক ব্যাখ্যা (ইন্দু কৃত)
মদ্যে নিত্যং মোহাদযঃ সংশ্রিতাঃ তত্কারণত্বাত্ অপতানকো বাতব্যাধৌ বক্ষ্যতে|| ১০||
Adhikarana মদ্যস্যাঽসাধুত্বম্ (১১) · Śloka ১১
যত্রৈকঃ স্মৃতিবিভ্রংশস্তত্র সর্বমসাধু যত্|
অযুক্তিযুক্তমন্নং হি ব্যাধযে মরণায বা|
মদ্যং ত্রিবর্গধীধৈর্যলজ্জাদেরপি নাশনম্||১১||
View original
यत्रैकः स्मृतिविभ्रंशस्तत्र सर्वमसाधु यत्|
अयुक्तियुक्तमन्नं हि व्याधये मरणाय वा|
मद्यं त्रिवर्गधीधैर्यलज्जादेरपि नाशनम्||११||
Show commentary
শশিলেক ব্যাখ্যা (ইন্দু কৃত)
অথবা কিং মোহাদিভিরুক্তৈর্যত্রৈকঃ স্মৃতিবিভ্রংশস্তত্র যদসাধু তত্সর্বং স্থিতমেব| তচ্চ মদ্যমযুক্ত্যাযুক্তং সুতরামসাধু| তথা চান্নমযুক্তিযুক্তং ব্যাধযে ভবতি| অথবা মরণায ভবতি| এতন্ন কদাচিদদৃষ্টক্ষত্যৈ| মদ্যং পুনরযুক্তিযুক্তং ত্রিবর্গাদিনাশনেঽপি পর্য্যাপ্তং ভবতি| ধীর্বস্তুগ্রহণশক্তিঃ| ধৈর্য্যং মনসঃ স্থিরত্বম্| আদিগ্রহণেনান্যেষাং শ্লাঘ্যানাং গুণানাং গ্রহণম্|| ১১||
Adhikarana বল্যাদযো মদ্যেন নাতিমাদ্যন্তি (১২) · Śloka ১২
নাঽতিমাদ্যন্তি বলিনঃ কৃতাহারা মহাশনাঃ|
স্নিগ্ধাঃ সত্ববযোযুক্তা মদ্যনিত্যাস্তদন্বযাঃ|
মেদঃ কফাধিকা মন্দবাতপিত্তাঃ দৃঢাগ্নযঃ||১২||
View original
नाऽतिमाद्यन्ति बलिनः कृताहारा महाशनाः|
स्निग्धाः सत्ववयोयुक्ता मद्यनित्यास्तदन्वयाः|
मेदः कफ़ाधिका मन्दवातपित्ताः दृढाग्नयः||१२||
Show commentary
শশিলেক ব্যাখ্যা (ইন্দু কৃত)
তচ্চ মদ্যং ন সর্বত্র দোষাবহত্বেন সম্ভবতি| যতো বল্যাদযো বহুনাপি মদ্যেন নাঽতিমাদ্যন্তি| তদন্বযাঃ মদ্যকুলোত্পন্নাঃ||১২||
Adhikarana দুর্বলাঃ অম্লমদ্যাদিনা চাদিমাদ্যন্তি (১৩) · Śloka ১৩
বিপর্যযেঽতিমাদ্যন্তি বিস্ত্রব্ধাঃ কুপিতাশ্চ যে|
মদ্যেন চাম্লরূক্ষেণ সাঽজীর্ণে বহুনাতি চ||১৩||
View original
विपर्ययेऽतिमाद्यन्ति विस्त्रब्धाः कुपिताश्च ये|
मद्येन चाम्लरूक्षेण साऽजीर्णे बहुनाति च||१३||
Show commentary
শশিলেক ব্যাখ্যা (ইন্দু কৃত)
তত্স্বরূপবিপর্য্যযে চাঽতিমাদ্যন্তি| তথা বিস্ত্রব্ধাঃ সুবিশ্বস্তাঃ তথা কুপিতাশ্চ যে অম্লরূক্ষেণ চ মদ্যেন সর্ব এবাতিমাদ্যন্তি| ইতি সম্বন্ধঃ| তথা সাঽজীর্ণে পীতেনাপি| বহুনা চ পীতেন||১৩||
Adhikarana মদাত্যযপ্রভেদাঃ (১৪) · Śloka ১৪
বাতাত্পিত্তাত্কফাত্সর্বৈশ্চত্বারঃ স্যুর্মদাত্যযাঃ|
সর্বেঽপি সর্বৈর্জাযন্তে ব্যপদেশস্তু ভূযসা||১৪||
View original
वातात्पित्तात्कफात्सर्वैश्चत्वारः स्युर्मदात्ययाः|
सर्वेऽपि सर्वैर्जायन्ते व्यपदेशस्तु भूयसा||१४||
Show commentary
শশিলেক ব্যাখ্যা (ইন্দু কৃত)
বাতাদিভিঃ সন্নিপাতেন চ চত্বারো মদাত্যযাঃ স্যুঃ| সর্বেষামপি ত্রিদোষজত্বে ভূযসা ব্যপদেশঃ|| ১৪||
Adhikarana মদাত্যযসামান্যলক্ষণম্ (১৫) · Śloka ১৫
সামান্যং লক্ষণং তেষাং প্রমেহা হৃদযব্যথা|
বিড্ভেদঃ সততং তৃষ্ণা সৌম্যাগ্নেযা জ্বরোঽরুচিঃ|
শিরঃ পার্শ্বাস্থিক্কম্পো মর্মভেদস্ত্রিকগ্রহঃ|
জ্বরো বিবন্ধস্তিমিরং কাসশ্বাসপ্রজাগরাঃ|
স্বেদোঽতিমাত্রং বিষ্টম্ভঃ শ্বযথুশ্চিত্তবিভ্রমঃ|
প্রলাপশ্ছর্দিরুত্ক্লেশো ভ্রমো দুঃস্বপ্নদর্শনম্||১৫||
View original
सामान्यं लक्षणं तेषां प्रमेहा हृदयव्यथा|
विड्भेदः सततं तृष्णा सौम्याग्नेया ज्वरोऽरुचिः|
शिरः पार्श्वास्थिक्कम्पो मर्मभेदस्त्रिकग्रहः|
ज्वरो विबन्धस्तिमिरं कासश्वासप्रजागराः|
स्वेदोऽतिमात्रं विष्टम्भः श्वयथुश्चित्तविभ्रमः|
प्रलापश्छर्दिरुत्क्लेशो भ्रमो दुःस्वप्नदर्शनम्||१५||
Show commentary
শশিলেক ব্যাখ্যা (ইন্দু কৃত)
সর্বেষাং মদাত্যযানাং প্রমেহাদিসাধারণং লিঙ্গম্| সৌম্যাগ্নেযা জ্বরো যো মিশ্রলক্ষণ ইত্যুক্তঃ|| ১৫||
Adhikarana বাতিকমদাত্যযলক্ষণানি (১৬) · Śloka ১৬
বিশেষাজ্জাগরশ্বাসকম্পমূর্ধরুজোঽনিলাত্|
স্বপ্নে ভ্রমত্যুত্পততি প্রেতৈশ্চ সহ ভাষতে||১৬||
View original
विशेषाज्जागरश्वासकम्पमूर्धरुजोऽनिलात्|
स्वप्ने भ्रमत्युत्पतति प्रेतैश्च सह भाषते||१६||
Show commentary
শশিলেক ব্যাখ্যা (ইন্দু কৃত)
এষু লিঙ্গেষু সত্স্বপি বাতিকে জাগরাদিকং সাতিশযং ভবতি||১৬||
Adhikarana পৈত্তিকমদাত্যযলক্ষণানি (১৭) · Śloka ১৭
পিত্তাদ্দাহজ্বরস্বেদমোহাতীসারতৃড্ভ্রমাঃ|
দেহো হরিতহারিদ্রো রক্তনেত্রকপালতা||১৭||
View original
पित्ताद्दाहज्वरस्वेदमोहातीसारतृड्भ्रमाः|
देहो हरितहारिद्रो रक्तनेत्रकपालता||१७||
Show commentary
শশিলেক ব্যাখ্যা (ইন্দু কৃত)
পিত্তাদ্দাদিকম্|| ১৭||
Adhikarana শ্লৈষ্মিকমদাত্যযলক্ষণানি (১৮) · Śloka ১৮
শ্লেষ্মণা ছর্দিহৃল্লাসনিদ্রোদর্দাঙ্গগৌরম্||১৮||
View original
श्लेष्मणा छर्दिहृल्लासनिद्रोदर्दाङ्गगौरम्||१८||
Show commentary
শশিলেক ব্যাখ্যা (ইন্দু কৃত)
শ্লেষ্মণা ছর্দ্যাদিকম্|| ১৮||
Adhikarana সান্নিপাতিকমদাত্যযলক্ষণানি (১৯) · Śloka ১৯
সর্বজে সর্বলিঙ্গত্বং||১৯||
View original
सर्वजे सर्वलिङ्गत्वं||१९||
Show commentary
শশিলেক ব্যাখ্যা (ইন্দু কৃত)
সন্নিপাতিকে মদাত্যযে সর্বং লিঙ্গত্বম্| ইতি মদাত্যযঃ||১৯||
Adhikarana ধ্বংসকবিক্ষযৌ ধ্বংসকবিক্ষযসম্ভবহেতুঃ (২০) · Śloka ২০
ংউক্ত্বা মদ্যং পিবেষু যঃ|
সহসাঽনুচিতং চান্যত্তস্য ধ্বংসকবিক্ষযৌ|
ভবেতাং মারুতাত্কষ্টৌ দুর্বলস্য বিশেষতঃ||২০||
View original
ंउक्त्वा मद्यं पिबेषु यः|
सहसाऽनुचितं चान्यत्तस्य ध्वंसकविक्षयौ|
भवेतां मारुतात्कष्टौ दुर्बलस्य विशेषतः||२०||
Show commentary
শশিলেক ব্যাখ্যা (ইন্দু কৃত)
অনন্তরং মদ্যকারণৌ ধ্বংসকবিক্ষযৌ নির্ণীযেতে| যো নরো মদ্যপঃ সন্ মদ্যং বহুকালং ত্যক্ত্বা সহসাঽন্যদনুচিতং মদ্যং পিবেত্ তস্য বাতাদ্ধেতোর্ধ্বংসকবিক্ষযৌ নাম্না কষ্টৌ ব্যাধী ভবেতাম্||২০||
Adhikarana ধ্বংসকলক্ষণম্ (২১) · Śloka ২১
ধ্বংসকে শ্লেষ্মনিষ্ঠীবঃ কণ্ঠশোষোঽতিনিদ্রতা|
শব্দাঽসহত্ত্বং তন্দ্রা চ ||২১||
View original
ध्वंसके श्लेष्मनिष्ठीवः कण्ठशोषोऽतिनिद्रता|
शब्दाऽसहत्त्वं तन्द्रा च ||२१||
Show commentary
শশিলেক ব্যাখ্যা (ইন্দু কৃত)
দুর্বলস্য তু বিশেষেণ তৌ স্যাতাম্| ধ্বংসকে শ্লেষ্মনিষ্ঠীবাদি লক্ষণম্||২১||
Adhikarana বিক্ষযলক্ষণম্ (২২) · Śloka ২২
বিক্ষযেঽঙ্গশিরোঽতিরুক্|
হৃত্কণ্ঠরোধঃ সম্মোহঃ কাসস্তৃষ্ণাবমিজ্বরঃ||২২||
View original
विक्षयेऽङ्गशिरोऽतिरुक्|
हृत्कण्ठरोधः सम्मोहः कासस्तृष्णावमिज्वरः||२२||
Show commentary
শশিলেক ব্যাখ্যা (ইন্দু কৃত)
বিক্ষযেঽঙ্গরুগাদি|| ২২||
Adhikarana ত্যক্তমদ্যস্য লাভাঃ (২৩) · Śloka ২৩
নিবৃত্তো যস্তু মদ্যেভ্যো জিতাত্মা বুদ্ধিপূর্বকৃত্|
বিকারৈঃ স্পৃশ্যতে জাতু ন স শারীরমানসৈঃ||২৩||
View original
निवृत्तो यस्तु मद्येभ्यो जितात्मा बुद्धिपूर्वकृत्|
विकारैः स्पृश्यते जातु न स शारीरमानसैः||२३||
Show commentary
শশিলেক ব্যাখ্যা (ইন্দু কৃত)
মদ্যমুপসংহরতি-নিবৃত্ত ইত্যাদিনা| সুবোধম্|| ২৩||
Adhikarana মদমূর্চ্ছাসংন্যাসানাং নিদানাদি (২৪) · Śloka ২৪
রজোমোহাহিতাহারপরস্য স্যুস্ত্রযো গদাঃ|
রসাসৃক্চেতনাবাহিস্ত্রোতোরোধসমুদ্ভবাঃ|
মদমূর্চ্ছাযসংন্যাসা যথোত্তরবলোত্তরাঃ||২৪||
View original
रजोमोहाहिताहारपरस्य स्युस्त्रयो गदाः|
रसासृक्चेतनावाहिस्त्रोतोरोधसमुद्भवाः|
मदमूर्च्छायसंन्यासा यथोत्तरबलोत्तराः||२४||
Show commentary
শশিলেক ব্যাখ্যা (ইন্দু কৃত)
অনন্তরং মদ্যবচ্চিত্তোপঘাতসামান্যাদত্রৈব মদাদযো নির্ণীযন্তে| রজোমোহাদ্যভ্যাসপরস্য পুরুষস্য দোষৈ রসাদিবাহিষু স্ত্রোতস্সু রুদ্ধেষু মোহাদযো ব্যাধিবিশেষা উত্পদ্যন্তে| তে চ যথোত্তরং বলাধিকাঃ| মদামূর্চ্ছাযস্ততঃ সংন্যাস ইতি|| ২৪||
Adhikarana মদনিদানম্, মদপ্রভেদাঃ (২৫) · Śloka ২৫
মদোঽত্র দোষৈঃ সর্বৈশ্চ রক্তমদ্যবিষৈরপি||২৫||
View original
मदोऽत्र दोषैः सर्वैश्च रक्तमद्यविषैरपि||२५||
Show commentary
শশিলেক ব্যাখ্যা (ইন্দু কৃত)
তেষু চ বাতাদিভিঃ সন্নিপাতেন রক্তমদ্যবিষৈশ্চেতি সপ্ত ভেদাঃ||২৫||
Adhikarana বাতমদলক্ষণম্ (২৬) · Śloka ২৬
সক্তাঽনল্পদ্রুতাভাষশ্চলস্খলিতচেষ্টিতঃ|
রূক্ষশ্যাবারুণতনুর্মদে বাতোদ্ভবে ভবেত্||২৬||
View original
सक्ताऽनल्पद्रुताभाषश्चलस्खलितचेष्टितः|
रूक्षश्यावारुणतनुर्मदे वातोद्भवे भवेत्||२६||
Show commentary
শশিলেক ব্যাখ্যা (ইন্দু কৃত)
সক্তাভাষত্বাদিযুক্তঃ পুরুষো বাতোদ্ববে মদে ভবেত্|| ২৬||
Adhikarana পিত্তমদলক্ষণম্ (২৭) · Śloka ২৭
পিত্তেন ক্রোধনো রক্তপীতাভঃ কলহপ্রিযঃ||২৭||
View original
पित्तेन क्रोधनो रक्तपीताभः कलहप्रियः||२७||
Show commentary
শশিলেক ব্যাখ্যা (ইন্দু কৃত)
পিত্তেন ক্রোধনত্বাদিযুক্তঃ|| ২৭||
Adhikarana কফমদলক্ষণম্ (২৮) · Śloka ২৮
স্বল্পাসম্বদ্ধবাক্পাণ্ডুঃ কফাদ্ধযানপরোঽলসঃ||২৮||
View original
स्वल्पासम्बद्धवाक्पाण्डुः कफाद्धयानपरोऽलसः||२८||
Show commentary
শশিলেক ব্যাখ্যা (ইন্দু কৃত)
কফাদ্ধযানপরত্বাদিযুক্তঃ|| ২৮||
Adhikarana সান্নিপাতিকমদলক্ষণম্ (২৯) · Śloka ২৯
সর্বাত্মা সন্নিপাতেন||২৯||
View original
सर्वात्मा सन्निपातेन||२९||
Show commentary
শশিলেক ব্যাখ্যা (ইন্দু কৃত)
সন্নিপাতেনাঽনন্তরোক্তং সর্বলিঙ্গম্|| ২৯||
Adhikarana রক্তজমদলক্ষণম্ (৩০) · Śloka ৩০
রক্তাত্স্তব্ধাঙ্গদৃষ্টিতা|
পিত্তলিঙ্গঞ্চ ||৩০||
View original
रक्तात्स्तब्धाङ्गदृष्टिता|
पित्तलिङ्गञ्च ||३०||
Show commentary
শশিলেক ব্যাখ্যা (ইন্দু কৃত)
রক্তাত্ মদে স্তব্ধাঙ্গদৃষ্টিতা পিত্তলিঙ্গঞ্চ ভবতি|| ৩০||
Adhikarana মদ্যজমদলক্ষণম্ (৩১) · Śloka ৩১
মদ্যেন বিকৄতেহাস্বরাঙ্গতা||৩১||
View original
मद्येन विकॄतेहास्वराङ्गता||३१||
Show commentary
শশিলেক ব্যাখ্যা (ইন্দু কৃত)
মদ্যেন মদে বিকৃতেহত্বাদিলিঙ্গম্|| ৩১||
Adhikarana বিষজমদলক্ষণম্ (৩২) · Śloka ৩২
বিষাত্কম্পোঽতিনিদ্রা চ সর্বেভ্যোঽভ্যধিকশ্চ সঃ||৩২||
View original
विषात्कम्पोऽतिनिद्रा च सर्वेभ्योऽभ्यधिकश्च सः||३२||
Show commentary
শশিলেক ব্যাখ্যা (ইন্দু কৃত)
বিষান্মদে কম্পোঽতিনিদ্রা চ ভবতি| স এব সর্ব-মদেভ্যোঽধিকো দুস্সাধ্যতাবহঃ|| ৩২||
Adhikarana রক্তজাদিমদেষু লক্ষণৈঃ দোষসঙ্গতির্জ্ঞেযা (৩৩) · Śloka ৩৩
লক্ষযেল্লক্ষণোত্কর্ষাদ্বাতাদীন্ শোণিতাদিষু||৩৩||
View original
लक्षयेल्लक्षणोत्कर्षाद्वातादीन् शोणितादिषु||३३||
Show commentary
শশিলেক ব্যাখ্যা (ইন্দু কৃত)
তেষু চ শোণিতাদিমদেষু বাতাদীন্ লক্ষণোত্কর্ষাত্ লক্ষযেত্| অনেনৈতদুক্তম্-রক্তমদ্যবিষমদাঃ যদ্যপি ত্রিদোষজাস্তথাঽপ্যুত্কৃষ্টেন বাতাদীনামন্যতমস্যাঽধিক্যং ব্যবস্যেত্| ইত্যুক্তা মদাঃ||৩৩||
Adhikarana মূর্চ্ছাযনিদানম্, বাতমূর্চ্ছালক্ষণম্ (৩৪) · Śloka ৩৪
অরুণং নীলকৃষ্ণং বা খং পশ্যন্ প্রবিশেত্তমঃ|
শীঘ্রং চ প্রতিবুধ্যেত হৃত্পীডা বেপর্ভ্রমঃ|
কার্শ্যং চ শ্যাবারুণা ছাযা মূর্চ্ছাযে মারুতাত্মকে||৩৪||
View original
अरुणं नीलकृष्णं वा खं पश्यन् प्रविशेत्तमः|
शीघ्रं च प्रतिबुध्येत हृत्पीडा वेपर्भ्रमः|
कार्श्यं च श्यावारुणा छाया मूर्च्छाये मारुतात्मके||३४||
Show commentary
শশিলেক ব্যাখ্যা (ইন্দু কৃত)
মূর্চ্ছাযা উচ্যন্তে| মারুতাত্মকে মূর্চ্ছাযে পুরুষোঽরুণং নীলং কৃষ্ণং বা আকাশং পশ্যংস্তমঃ প্রবিশেত্| শীঘ্রং চ প্রতিবুধ্যেত্| হৃত্পীডাদিকং চাত্র ভবতি তমঃ প্রবেশঃ অচৈতন্যম্|| ৩৪||
Adhikarana পিত্তমূর্চ্ছালক্ষণম্ (৩৫) · Śloka ৩৫
পিত্তেন রক্তং পীতং বা নভঃ পশ্যন্ বিশেত্তমঃ|
বিবুধ্যেত চ সস্বেদো দাহতৃট্তাপপীডিতঃ|
ভিন্নবিণ্নীলপীতাভো রক্তপীতাকুলেক্ষণঃ||৩৫||
View original
पित्तेन रक्तं पीतं वा नभः पश्यन् विशेत्तमः|
विबुध्येत च सस्वेदो दाहतृट्तापपीडितः|
भिन्नविण्नीलपीताभो रक्तपीताकुलेक्षणः||३५||
Show commentary
শশিলেক ব্যাখ্যা (ইন্দু কৃত)
রক্তং পীতং বেত্যাদিপিকৃন্মূর্চ্ছাযাঃ লক্ষণম্|| ৩৫||
Adhikarana কফমূর্চ্ছালক্ষণম্ (৩৬) · Śloka ৩৬
কফেন মেঘসঙ্গাশং পশ্যন্নাকাশমাবিশেত্|
তমশ্চিরাচ্চ বুধ্যেত সহৃল্লাসপ্রসেকবান্|
গুরুভিস্তিমিতৈরঙ্গৈরাদ্রচর্মাবনদ্ধবত্||৩৬||
View original
कफेन मेघसङ्गाशं पश्यन्नाकाशमाविशेत्|
तमश्चिराच्च बुध्येत सहृल्लासप्रसेकवान्|
गुरुभिस्तिमितैरङ्गैराद्रचर्मावनद्धवत्||३६||
Show commentary
শশিলেক ব্যাখ্যা (ইন্দু কৃত)
মেঘেত্যাদিকং কফমূর্চ্ছালক্ষণম্||৩৬||
Adhikarana সান্নিপাতিকমূর্চ্ছাযলক্ষণম্ (৩৭) · Śloka ৩৭
সর্বাকৃতিস্ত্রিভির্দোষৈরপস্মার ইবাঽপরঃ|
পাতযত্যাশু নিশ্চেষ্টং বিনা বীভত্সচেষ্টিতৈঃ||৩৭||
View original
सर्वाकृतिस्त्रिभिर्दोषैरपस्मार इवाऽपरः|
पातयत्याशु निश्चेष्टं विना बीभत्सचेष्टितैः||३७||
Show commentary
শশিলেক ব্যাখ্যা (ইন্দু কৃত)
ত্রিভির্দোষৈর্মূর্চ্ছাযঃ সর্বাকৃতিঃ সর্বরূপো ভবতি| মহারম্ভত্বেঽপর ইবাঽপস্মারঃ| অযং তু মূর্চ্ছাযো বীভত্সচেষ্টিতৈর্মূত্রপুরীষোত্সর্গাদিভির্বিনা নিশ্চেষ্টং পৌরুষমাশু পাতযতি|| ৩৭||
Adhikarana মদমূর্চ্ছাযযোঃ সংন্যাসাত্ ভেদঃ (৩৮) · Śloka ৩৮
দোষেষু মদমূর্চ্ছাযাঃ কৃতবেগেষু দেহিনাম্|
স্বযমেবোপশাম্যন্তি সংন্যাসেনৌষধৈর্বিনা||৩৮||
View original
दोषेषु मदमूर्च्छायाः कृतवेगेषु देहिनाम्|
स्वयमेवोपशाम्यन्ति संन्यासेनौषधैर्विना||३८||
Show commentary
শশিলেক ব্যাখ্যা (ইন্দু কৃত)
অপস্মারাদ্ বিনা মদমূর্চ্ছাযযোঃ পুনরববোধে দোষেষ্বিত্যাদিনাহেতুরুচ্যতে| দেহিনাং কৃতবেগেষু সত্সু দোষেষু মদমূর্চ্ছাযাঃ স্বযমেবৌষধনিরপেক্ষমেবোপশাম্যন্ত্যাঽঽবেগকালম্| সংন্যাসঃ পুনরৌষধৈর্বিনা ন শাম্যতি|| ৩৮||
Adhikarana সংন্যাসনিদানাদি সংন্যাসস্তদসাধ্যত্বঞ্চ (৩৯) · Śloka ৩৯
বাগ্দেহমনসাং চেষ্টামাঽঽক্ষিপ্যাতিবলা মলাঃ|
সংন্যাসং সন্নিপতিতাঃ প্রাণাযতনসংশ্রযাঃ|
কুর্বন্তি তেন পুরুষঃ কাষ্ঠভূতো মৃতোপমঃ|
ম্রিযেত শীঘ্রং-শীঘ্রং চেচ্চিকিত্সা ন প্রযুজ্যতে||৩৯||
View original
वाग्देहमनसां चेष्टामाऽऽक्षिप्यातिबला मलाः|
संन्यासं सन्निपतिताः प्राणायतनसंश्रयाः|
कुर्वन्ति तेन पुरुषः काष्ठभूतो मृतोपमः|
म्रियेत शीघ्रं-शीघ्रं चेच्चिकित्सा न प्रयुज्यते||३९||
Show commentary
শশিলেক ব্যাখ্যা (ইন্দু কৃত)
সংন্যাসঃ ক উচ্যত ইত্যাঽঽহ-বাগিত্যাদি| অতিবলা স্বকারণবিশেষবশাদ্বাতাদযো দুষ্টাঃ বাগ্দেহমনসাং চেষ্টামাঽঽক্ষিপ্ত গৃহীত্বা পরস্পরং সন্নিবর্তিতাঃ প্রাণাযতনসংশ্রিতাশ্চ সংন্যাসং কুর্বন্তি| প্রাণাযতনং হৃদযাদি| তেন চ সংন্যাসেন পুরুষঃ কাষ্ঠভূতো মৃতোপমশ্চ ভবতি| তত্র যদি শীঘ্রং চিকিত্সা ন প্রযুজ্যতে ততো ম্রিযেতৈব|| ৩৯||
Adhikarana সংন্যাসে আশু চিকিত্সা যোজ্যা (৪০) · Śloka ৪০
অগাধে গ্রাহবহুলে সলিলৌঘ ইবাতটে|
সংন্যাসে বিনিমজ্জন্তং নরমাশু নিবর্ত্তযেত্||৪০||
View original
अगाधे ग्राहबहुले सलिलौघ इवातटे|
संन्यासे विनिमज्जन्तं नरमाशु निवर्त्तयेत्||४०||
Show commentary
শশিলেক ব্যাখ্যা (ইন্দু কৃত)
তথা ভিষক সংন্যাসে বিনিমজ্জন্তং নরমাশু নিবর্তযেত্| অগাধে গম্ভীরে গ্রাহবহুলে অতটে চ সলিলৌঘে নিমজ্জন্তং নরং যথাবান্ধবা নিবর্তযন্তি|| ৪০||
Adhikarana যুক্তিবিযুক্তমদ্যদেষাঃ (৪১) · Śloka ৪১
মদমানরোষতোপ্রভৃতিভিরভির্নিজৈঃ পরিষ্বঙ্গঃ|
যুক্তাযুক্তং চ সমং যুক্তিবিযুক্তেন মদ্যেন||৪১||
View original
मदमानरोषतोप्रभृतिभिरभिर्निजैः परिष्वङ्गः|
युक्तायुक्तं च समं युक्तिवियुक्तेन मद्येन||४१||
Show commentary
শশিলেক ব্যাখ্যা (ইন্দু কৃত)
মদমানেত্যাদিনা মদাত্যযনিদানত্বান্মদ্যেনৈবোপসংহরন্নাহ| তোষো হর্ষঃ| প্রভৃতিশব্দেন কামক্রোধাদযঃ|যুক্তাযুক্তং চ সমমিতি কৃত্যাকৃত্যাবিবেকো ন ভবতি|| ৪১||
Adhikarana যুক্তিযুক্তমদ্যগুণাঃ (৪২-৬) · Śloka ৬
বলকালদেশসাত্ম্যপ্রকৃতিসহাযামবযবাংসি|
প্রবিভজ্য তদনুরূপ যদি পিবতি ততঃ পিবত্যমৃতম্||৪২||
ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং নিদানস্থানে মদাত্যযনিদানং নাম ষষ্ঠোঽধ্যাযঃ||৬||
View original
बलकालदेशसात्म्यप्रकृतिसहायामवयवांसि|
प्रविभज्य तदनुरूप यदि पिबति ततः पिबत्यमृतम्||४२||
इति वैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां निदानस्थाने मदात्ययनिदानं नाम षष्ठोऽध्यायः||६||
Show commentary
শশিলেক ব্যাখ্যা (ইন্দু কৃত)
এবং বিধিহীনস্য দোষমুক্ত্বা বলকালেত্যাদিনা বিধিযুক্তস্য পুনর্গুণমাহ| বলাদীনি পৃথঙ্নিরূপ্য বলাদ্যনুরূপমেব যদি মদ্যং পিবতি ততোঽমৃতমেব পিবতি|| ৪২|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রব্যাখ্যাযাং শশিলেখাযাং নিদানস্থানে ষষ্ঠোঽধ্যাযঃ