Adhikarana অথ কুষ্ঠশ্বিত্রকৃমিনিদানং নাম চতুর্দশোঽধ্যাযঃ | প্রতিজ্ঞা (১) · Śloka ১
অথাতঃ কুষ্ঠশ্বিত্রকৃমিনিদান নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातः कुष्ठश्वित्रकृमिनिदान नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
শশিলেক ব্যাখ্যা (ইন্দু কৃত)
ধাতূপধাতুত্বগেকদোষসামান্যাদ্বিসর্পাঽনন্তরং কুষ্ঠাদিনির্ণযাযাধ্যাযারম্ভঃ|| ১||
Adhikarana কুষ্ঠনিদানং সম্প্রাপ্তিশ্চ (২) · Śloka ২
মিথ্যাহারবিহারেণ বিশেষেণ বিরোধিনা| সাধুনিন্দাবধান্যস্বহরণাদ্যৈশ্চ সেবিতৈঃ| পাপ্মভিঃ কর্মভিঃ সদ্যঃ প্রাক্তনৈর্বেরিতা মলাঃ| সিরাঃ প্রপদ্য তির্য্যগ্গাস্ত্বগ্লসীকাসৃগামিষম্| দূষযন্তঃ শ্লথীকৃত্য নিশ্চরন্তস্ততো বহিঃ| ত্বচঃ কুর্বন্তি বৈবর্ণ্যং দুষ্টাঃ কুষ্ঠমুশন্তি তত্||২||
मिथ्याहारविहारेण विशेषेण विरोधिना| साधुनिन्दावधान्यस्वहरणाद्यैश्च सेवितैः| पाप्मभिः कर्मभिः सद्यः प्राक्तनैर्वेरिता मलाः| सिराः प्रपद्य तिर्य्यग्गास्त्वग्लसीकासृगामिषम्| दूषयन्तः श्लथीकृत्य निश्चरन्तस्ततो बहिः| त्वचः कुर्वन्ति वैवर्ण्यं दुष्टाः कुष्ठमुशन्ति तत्||२||
🔊 Audio coming soon
শশিলেক ব্যাখ্যা (ইন্দু কৃত)
সর্বকুষ্ঠানাং সামান্যেন হেতুমাহ-মিথ্যাহারেত্যাদিনা| মিথ্যাহারাদিনা তথা সাধুনিন্দাবধাদিভির্নানাবিধৈঃ পাপ্মভিঃ কর্মভিঃ সদ্যঃ কৃতৈঃ প্রাক্তনৈর্জন্মান্তরকৃতৈর্বা| মলা দুষ্টাস্ত্বচো বৈবর্ণ্যং যত্কুর্বন্তি তত্ কুষ্ঠমুশন্তি মুনয ইতি শেষঃ| সিরাঃ প্রপদ্যেত্যাদিনা সম্প্রাপ্তিঃ|| ২||
Adhikarana কুষ্ঠশব্দনির্বচনম্ (৩) · Śloka ৩
কালেনোপেক্ষিতং যস্মাত্সর্বং কুষ্ণাতি তদ্বপুঃ||৩||
कालेनोपेक्षितं यस्मात्सर्वं कुष्णाति तद्वपुः||३||
🔊 Audio coming soon
শশিলেক ব্যাখ্যা (ইন্দু কৃত)
কালেনেত্যাদিনা কুষ্ঠশব্দস্যার্থঃ|| ৩||
Adhikarana বাহ্যকুষ্ঠস্য সম্প্রাপ্তিঃ (৪) · Śloka ৪
প্রপদ্য ধাতূন্ ব্যাপ্যান্তঃ সর্বন্ সংক্লেদ্য চাবহেত্| সস্বেদক্লেদসঙ্কোথান্ কৃমীন্ সূক্ষ্মান্ সুদারুণান্| লোমত্বক্স্নাযুধমনীস্তরুণাঽস্থীনি যৈঃ ক্রমাত্| ভক্ষযেচ্ছ্বিত্রমস্মাচ্চ কুষ্ঠং বাহ্যমুদাহৃতম্||৪||
प्रपद्य धातून् व्याप्यान्तः सर्वन् संक्लेद्य चावहेत्| सस्वेदक्लेदसङ्कोथान् कृमीन् सूक्ष्मान् सुदारुणान्| लोमत्वक्स्नायुधमनीस्तरुणाऽस्थीनि यैः क्रमात्| भक्षयेच्छ्वित्रमस्माच्च कुष्ठं बाह्यमुदाहृतम्||४||
🔊 Audio coming soon
শশিলেক ব্যাখ্যা (ইন্দু কৃত)
প্রপদ্যেত্যাদি কালেনোপেক্ষিতমিত্যনুবর্ততে| তত্ কুষ্ঠং ধাতূন্ প্রপদ্যতাংশ্চ সংক্লেদ্য কৃমীনাবহেচ্ছরীরে| যৈঃ কৃমিভিঃ করণভূতৈর্লোমাদীনি ক্রমাত্ কুষ্ঠং ভক্ষযেত্| তরুণাস্থীনি কর্ণনাসাদিগতানীহ যান্যুক্তানি| অস্মাত্ কারণাত্ শ্বিত্রং বাহ্যকুষ্ঠশব্দেনোচ্যতে| ক্লেদকৃম্যাদ্যভাবাত্| সত্যাপি ত্বগ্রোগত্ব ইত্যর্থঃ| সুবোধম্|| ৪||
Adhikarana কুষ্ঠপ্রভেদাঃ (৫) · Śloka ৫
কুষ্ঠানি সপ্তধা দোষৈঃ পৃথঙ্মিশ্রৈঃ সমাগতৈঃ||৫||
कुष्ठानि सप्तधा दोषैः पृथङ्मिश्रैः समागतैः||५||
🔊 Audio coming soon
শশিলেক ব্যাখ্যা (ইন্দু কৃত)
পৃথগ্দোষৈঃ ত্রীণি| সংসর্গেণ চ ত্রীণি| সন্নিপাতেনৈকমিতি সপ্তবিধানি কুষ্ঠানি|| ৫||
Adhikarana ত্রিদোষজত্বেঽপি কুষ্ঠানাং দোষাধিক্যানুরোধেন ব্যপদেশঃ (৬) · Śloka ৬
সর্বেষ্বপি ত্রিদোষেষু ব্যপদেশোঽধিকত্বতঃ||৬||
सर्वेष्वपि त्रिदोषेषु व्यपदेशोऽधिकत्वतः||६||
🔊 Audio coming soon
শশিলেক ব্যাখ্যা (ইন্দু কৃত)
নন্বেবং সত্যেকদোষজং দ্বিদোষজং চ কুষ্ঠং ন সর্বং ত্রিদোষজং স্যাদিত্যত আহ-সর্বেষ্বপীত্যাদি| সর্বেষ্বপি কুষ্ঠেষু সন্নিপাতজেষ্বধিকত্বেন ব্যপদেশঃ| সন্নিপাতস্য সমবিষমাত্মকত্বাত্||৬||
Adhikarana কুষ্ঠপ্রভেদেষু দোষাধিক্যান্মহাকুষ্ঠানি (৭) · Śloka ৭
বাতেন কুষ্ঠং কাপালং পিত্তাদৌদুম্বরং কফাত্| মণ্ডলাখ্যং বিচর্চী চ ঋশ্যাখ্যং বাতপিত্তজম্| চর্মৈককুষ্ঠকিটিভসিধ্মালসবিপাদিকাঃ| বাতশ্লেষ্মোদ্ভবাঃ শ্লেষ্মপিত্তাদ্রুদ্দশতারুষী| পুণ্ডরীকং সবিস্ফোটং পামা চর্মদলং তথা| সর্বৈঃ স্যাত্কাকণং পর্বং ত্রিকং দদ্রু সকাকণম্| পুণ্ডরীকর্শ্যজিহ্বে চ মহাকুষ্ঠানি সপ্ত তু||৭||
वातेन कुष्ठं कापालं पित्तादौदुम्बरं कफात्| मण्डलाख्यं विचर्ची च ऋश्याख्यं वातपित्तजम्| चर्मैककुष्ठकिटिभसिध्मालसविपादिकाः| वातश्लेष्मोद्भवाः श्लेष्मपित्ताद्रुद्दशतारुषी| पुण्डरीकं सविस्फोटं पामा चर्मदलं तथा| सर्वैः स्यात्काकणं पर्वं त्रिकं दद्रु सकाकणम्| पुण्डरीकर्श्यजिह्वे च महाकुष्ठानि सप्त तु||७||
🔊 Audio coming soon
শশিলেক ব্যাখ্যা (ইন্দু কৃত)
বাতেনেত্যাদিনা সপ্তবিধস্য কুষ্ঠস্য নামান্যুচ্যন্তে| যান্যাশ্রিত্য লক্ষণং বিধীযতে| বাতাদেকং পিত্তাদেকং দ্বে কফাত্| একং বাতপিত্তাত্| ষড্ বাতকফাত্| ষট্ কফপিত্তাত্| একং সন্নিপাতাদেবমেতান্যষ্টদশ কুষ্ঠানি| এষাং মধ্যে কপালৌদুম্বরমণ্ডলদদ্রুকাকণপুণ্ডরীকর্শ্যজিহ্বানি সপ্ত মহাকুষ্ঠান্যুচ্যন্তে|| ৭||
Adhikarana কুষ্ঠপূর্বরূপম্ (৮) · Śloka ৮
অতিশ্লক্ষ্ণখরস্পর্শস্বেদাস্বেদবিবর্ণতাঃ| দাহঃ কণ্ডূস্ত্বচি স্বাপস্তোদঃ কোঠোন্নতিঃ শ্রমঃ| ব্রণানামধিকং শূলং শীঘ্রোত্পত্তিশ্চিরস্থিতিঃ| রূঢানামপি রূক্ষত্বং নিমিত্তেঽল্পেঽপি কোথনম্| রোমহর্ষোঽসৃজঃ কার্ষ্ণ্যং কুষ্ঠলক্ষণমগ্রজম্||৮||
अतिश्लक्ष्णखरस्पर्शस्वेदास्वेदविवर्णताः| दाहः कण्डूस्त्वचि स्वापस्तोदः कोठोन्नतिः श्रमः| व्रणानामधिकं शूलं शीघ्रोत्पत्तिश्चिरस्थितिः| रूढानामपि रूक्षत्वं निमित्तेऽल्पेऽपि कोथनम्| रोमहर्षोऽसृजः कार्ष्ण्यं कुष्ठलक्षणमग्रजम्||८||
🔊 Audio coming soon
শশিলেক ব্যাখ্যা (ইন্দু কৃত)
অতিশ্লক্ষ্ণেত্যাদিনা সর্বকুষ্ঠপূর্বরূপম্| অস্বেদোঽযন্তং স্বেদাভাবঃ| কোঠা উত্সন্নানি মণ্ডলানি| ব্রণানাং ভিন্নস্ফোটভবানাং কোথনম্| রূঢানামপি ব্রণানাং পুনঃ|| ৮||
Adhikarana কাপালকুষ্ঠলক্ষণম্ (৯) · Śloka ৯
কৃষ্ণারুণকপালাভং রূক্ষং সুপ্তং খরং তনু| বিস্তৃতাসমপর্য্যন্তং হৃষিতৈর্লোমভিশ্চিতম্| তোদাঢ্যমল্পকণ্ডূকং কাপালং শীঘ্রসর্পি চ||৯||
कृष्णारुणकपालाभं रूक्षं सुप्तं खरं तनु| विस्तृतासमपर्य्यन्तं हृषितैर्लोमभिश्चितम्| तोदाढ्यमल्पकण्डूकं कापालं शीघ्रसर्पि च||९||
🔊 Audio coming soon
শশিলেক ব্যাখ্যা (ইন্দু কৃত)
অথ ক্রমেণাষ্টাদশানাং কুষ্ঠানাং লক্ষণমুচ্যতে-কৃষ্ণারুণেত্যাদিনা| কপালো ঘটাকর্পরঃ| সুপ্তমচেতনম্| বিস্তৃতানি বিস্তীর্ণানি| অসমানি হ্রস্বদীর্ঘাণি পর্য্যন্তানি যস্য তত্তথোক্রম্| শীঘ্রসর্পি চ ক্ষিপ্রব্যাপীতি কাপালম্|| ৯||
Adhikarana ঔদুম্বরকুষ্ঠলক্ষণম্ (১০) · Śloka ১০
পক্বোদুম্বরতাম্রত্বগ্রোমগৌরসিরাচিতম্| বহলং বহুলক্লেদং রক্তং দাহরুজাকরম্| আশূত্থানাবদরণকৃমিবিদ্যাদুদুম্বরম্||১০||
पक्वोदुम्बरताम्रत्वग्रोमगौरसिराचितम्| बहलं बहुलक्लेदं रक्तं दाहरुजाकरम्| आशूत्थानावदरणकृमिविद्यादुदुम्बरम्||१०||
🔊 Audio coming soon
শশিলেক ব্যাখ্যা (ইন্দু কৃত)
পক্বোদুম্বরফলবত্ তাম্রাণি ত্বগ্লোমানি চ যস্য তত্তথোক্তম্| বহলং ঘনম্| আশূত্থানাদীনি যস্য তদেবম্| অবদরণং কোথনম্|| ১০||
Adhikarana মণ্ডলকুষ্ঠলক্ষণম্ (১১) · Śloka ১১
স্থিরং স্ত্যানং গুরু স্নিগ্ধং শ্বেতরক্তমনাশুগম্| অন্যোন্যাসক্তমুত্সন্নং বহুকণ্ডূস্রুতিক্রিমী| শ্লক্ষ্ণপীতাভপর্য্যন্তং মণ্ডলং পরিমণ্ডলম্||১১||
स्थिरं स्त्यानं गुरु स्निग्धं श्वेतरक्तमनाशुगम्| अन्योन्यासक्तमुत्सन्नं बहुकण्डूस्रुतिक्रिमी| श्लक्ष्णपीताभपर्य्यन्तं मण्डलं परिमण्डलम्||११||
🔊 Audio coming soon
শশিলেক ব্যাখ্যা (ইন্দু কৃত)
স্থিরত্বাদিযুতং মণ্ডলং বিদ্যাদিতি সম্বন্ধঃ| বহুকণ্ড্বাদিকং যত্র তত্তথোক্তম্| পরিমণ্ডলং বর্তুলম্|| ১১||
Adhikarana বিচর্চিকাকুষ্ঠলক্ষণম্ (১২) · Śloka ১২
সকণ্ডূপিটকাশ্যাবালসীকাঢ্যা বিচর্চিকা||১২||
सकण्डूपिटकाश्यावालसीकाढ्या विचर्चिका||१२||
🔊 Audio coming soon
শশিলেক ব্যাখ্যা (ইন্দু কৃত)
সকণ্ডিবত্যাদিনা বিচর্চিকা| লসীকা জলপ্রাযঃ|| ১২||
Adhikarana ঋষ্যজিহ্বকুষ্ঠলক্ষণম্ (১৩) · Śloka ১৩
পরুষং তনুরক্তান্তমন্তঃ শ্যাবং সমুন্নতম্| সতোদদাহসৃক্ক্লেদং কর্কশৈঃ পিটকৈশ্চিতম্| ঋষ্যজিহ্বাকৃতিপ্রোক্তমৃষ্যজিহ্বং বহিকৃমি||১৩||
परुषं तनुरक्तान्तमन्तः श्यावं समुन्नतम्| सतोददाहसृक्क्लेदं कर्कशैः पिटकैश्चितम्| ऋष्यजिह्वाकृतिप्रोक्तमृष्यजिह्वं बहिकृमि||१३||
🔊 Audio coming soon
শশিলেক ব্যাখ্যা (ইন্দু কৃত)
পরুষমিত্যাদিনা ঋষ্যজিহ্বম্| ঋষ্যজিহ্বা রোহিজিহ্বা|
Adhikarana চর্মৈককুষ্ঠলক্ষণম্ (১৪) · Śloka ১৪
হস্তিচর্মখরস্পর্শং চর্ম ||১৪||
हस्तिचर्मखरस्पर्शं चर्म ||१४||
🔊 Audio coming soon
শশিলেক ব্যাখ্যা (ইন্দু কৃত)
হস্তিচর্মেত্যাদিনা চর্ম|| ১৪||
Adhikarana একাখ্যকুষ্ঠলক্ষণম্ (১৫) · Śloka ১৫
একাখ্যং মহাশ্রযম্| অস্বেদং মত্স্যশকলসন্নিভং ||১৫||
एकाख्यं महाश्रयम्| अस्वेदं मत्स्यशकलसन्निभं ||१५||
🔊 Audio coming soon
শশিলেক ব্যাখ্যা (ইন্দু কৃত)
একাখ্যমিত্যাদিনা একাখ্যম্| মহাশ্রযং গম্ভীরমূলম্| মত্স্যশকলসন্নিভান্তং চ|| ১৫||
Adhikarana কিটিভকুষ্ঠলক্ষণম্ (১৬) · Śloka ১৬
কিটিভং পুনঃ| রূক্ষং কিণখরস্পর্শং কণ্ডূমত্পরুষাসিতম্||১৬||
किटिभं पुनः| रूक्षं किणखरस्पर्शं कण्डूमत्परुषासितम्||१६||
🔊 Audio coming soon
শশিলেক ব্যাখ্যা (ইন্দু কৃত)
কিটিভমিত্যাদিনা কিটিভম্| কিণমঙ্গে ঘর্ষণাত্ গ্রন্থিস্তদ্বত্ খরস্পর্শম্|| ১৬||
Adhikarana সিধ্মকুষ্ঠলক্ষণম্ (১৭) · Śloka ১৭
সিধ্মং রূক্ষং বহিঃ স্নিগ্ধমন্তর্ঘৃষ্টং রজঃ কিরেত্| শ্লক্ষ্ণস্পর্শং তনুশ্বেততাম্রং দৌগ্ধিকপুষ্পবত্| প্রাযেণ চোর্ধ্বকাযে স্যাত্ ||১৭||
सिध्मं रूक्षं बहिः स्निग्धमन्तर्घृष्टं रजः किरेत्| श्लक्ष्णस्पर्शं तनुश्वेतताम्रं दौग्धिकपुष्पवत्| प्रायेण चोर्ध्वकाये स्यात् ||१७||
🔊 Audio coming soon
শশিলেক ব্যাখ্যা (ইন্দু কৃত)
রূক্ষমিত্যাদিনা সিধ্মম্|| ১৭||
Adhikarana অলসকুষ্ঠলক্ষণম্ (১৮) · Śloka ১৮
গণ্ডৈঃ কণ্ডূযুতৈশ্চিতম্| রক্তৈরলসকং ||১৮||
गण्डैः कण्डूयुतैश्चितम्| रक्तैरलसकं ||१८||
🔊 Audio coming soon
শশিলেক ব্যাখ্যা (ইন্দু কৃত)
গণ্ডৈঃ কণ্ডূযুতৈশ্চিতমিত্যেবমন্তর্লক্ষণম্| অলসকং রক্তৈর্গণ্ডৈর্ভবতি|| ১৮||
Adhikarana বিপাদিকাকুষ্ঠলক্ষণম্ (১৯) · Śloka ১৯
পাণিপাদদার্যো বিপাদিকাঃ| তীব্রাত্যো মন্দকণ্ড্বশ্চ সরাগপিটকাচিতাঃ||১৯||
पाणिपाददार्यो विपादिकाः| तीव्रात्यो मन्दकण्ड्वश्च सरागपिटकाचिताः||१९||
🔊 Audio coming soon
শশিলেক ব্যাখ্যা (ইন্দু কৃত)
পাণিপাদদরণাদি বিপাদিকালক্ষণম্|| ১৯||
Adhikarana দদ্রুকুষ্ঠলক্ষণম্ (২০) · Śloka ২০
দীর্ঘপ্রতানা দূর্বাবদতসীকুসুমচ্ছবিঃ| উত্সন্নমণ্ডলা দদ্রুঃ কণ্ডূমত্যনুষঙ্গিণী||২০||
दीर्घप्रताना दूर्वावदतसीकुसुमच्छविः| उत्सन्नमण्डला दद्रुः कण्डूमत्यनुषङ्गिणी||२०||
🔊 Audio coming soon
শশিলেক ব্যাখ্যা (ইন্দু কৃত)
দদ্রুলিঙ্গমাহ| দীর্ঘপ্রতানা দূর্বাবত্ শাদ্বলকাণ্ডবত্| উত্সন্নং মণ্ডলং যস্যাঃ| অনুষঙ্গিণী বহুকালস্থা|| ২০||
Adhikarana শতারুকুষ্ঠম্ (২১) · Śloka ২১
স্থূলমূলং সদাহার্তিরক্তশ্যাবং বহুব্রণম্| শতারুঃ ক্লেদজন্ত্বাঢ্যং প্রাযশঃ পূর্বজন্ম চ||২১||
स्थूलमूलं सदाहार्तिरक्तश्यावं बहुव्रणम्| शतारुः क्लेदजन्त्वाढ्यं प्रायशः पूर्वजन्म च||२१||
🔊 Audio coming soon
শশিলেক ব্যাখ্যা (ইন্দু কৃত)
শরুঃ স্থূলমূলত্বাদিলিঙ্গম্| জন্তবঃ কৃমযঃ| পর্বাণ্যস্থিসন্ধীনি|| ২১||
Adhikarana পুণ্ডরীককুষ্ঠম্ (২২) · Śloka ২২
রক্তান্তমন্তরাপাণ্ডুকণ্ডূদাহরুজান্বিতম্| সোত্সেধমাচিতং রক্তৈঃ পদ্মপত্রমিবাংশুভিঃ| ঘনভূরিলসীকাসৃক্প্রাযমাশু বিভেদি চ| পুণ্ডরীকম্ ||২২||
रक्तान्तमन्तरापाण्डुकण्डूदाहरुजान्वितम्| सोत्सेधमाचितं रक्तैः पद्मपत्रमिवांशुभिः| घनभूरिलसीकासृक्प्रायमाशु बिभेदि च| पुण्डरीकम् ||२२||
🔊 Audio coming soon
শশিলেক ব্যাখ্যা (ইন্দু কৃত)
রক্তান্তাদি পুণ্ডরীকলক্ষণম্| অন্তর্মধ্যে আপাণ্ডুঃ| অংশবো রজাংসি তৈরাচিতম্|| ২২||
Adhikarana বিস্ফোটকুষ্ঠম্ (২৩) · Śloka ২৩
তনুত্বগ্ভিশ্চিতং স্ফোটৈঃ সিরারুণৈঃ| বিস্ফোটঃ ||২৩||
तनुत्वग्भिश्चितं स्फोटैः सिरारुणैः| विस्फोटः ||२३||
🔊 Audio coming soon
শশিলেক ব্যাখ্যা (ইন্দু কৃত)
তনুত্বগ্ভিরিত্যাদিবিস্ফোটলক্ষণম্| বিস্ফোটাস্তনুত্বচঃ|
Adhikarana পামাকুষ্ঠলক্ষণম্ (২৪) · Śloka ২৪
পিটকাঃ পামাকণ্ডূক্লেদরুজাধিকাঃ| সূক্ষ্মাঃ শ্যাবারুণাঃ বহ্বযঃ প্রাযঃ স্ফিক্পাণিকূর্পরে||২৪||
पिटकाः पामाकण्डूक्लेदरुजाधिकाः| सूक्ष्माः श्यावारुणाः बह्वयः प्रायः स्फिक्पाणिकूर्परे||२४||
🔊 Audio coming soon
শশিলেক ব্যাখ্যা (ইন্দু কৃত)
পিটকা ইত্যাদিপামালক্ষণম্| কণ্ড্বাদ্যন্বিতাঃ পিটকাঃ পামা ইত্যুচ্যন্তে| তচ্চ পামাখ্যং স্ফিগাদৌ প্রাযো ভবতি|| ২৪||
Adhikarana চর্মদলকুষ্ঠলক্ষণম্ (২৫) · Śloka ২৫
সস্ফোটমস্পর্শসহং কণ্ড্বাতোদদাহবত্| রক্তং দলচ্চর্মদলঃ ||২৫||
सस्फोटमस्पर्शसहं कण्ड्वातोददाहवत्| रक्तं दलच्चर्मदलः ||२५||
🔊 Audio coming soon
শশিলেক ব্যাখ্যা (ইন্দু কৃত)
সস্ফোটমিত্যাদিনা চর্মদলম্|| ২৫||
Adhikarana কাকণকুষ্ঠলক্ষণম্ (২৬) · Śloka ২৬
কাকণং তীব্রদাহরুক্| পূর্বং রক্তঞ্চ কৄষ্ণঞ্চ কাকনন্দীফলোপমম্| কুষ্ঠলিঙ্গৈর্যুতং সর্বৈর্নৈকবর্ণং ততো ভবেত্||২৬||
काकणं तीव्रदाहरुक्| पूर्वं रक्तञ्च कॄष्णञ्च काकनन्दीफलोपमम्| कुष्ठलिङ्गैर्युतं सर्वैर्नैकवर्णं ततो भवेत्||२६||
🔊 Audio coming soon
শশিলেক ব্যাখ্যা (ইন্দু কৃত)
তীব্রদাহযুতত্বাদি কাকণলক্ষণম্| কাকনন্দী গুঞ্জা| তত্ফলমর্ধে কৃষ্ণমর্ধে রক্তং ভবতি| তচ্চ সর্বদোষজত্বাত্ সর্বলিঙ্গমনেকবর্ণং চ ভবেদিতি|| ২৬||
Adhikarana কুষ্ঠেষু দোষোল্বণতাং তত্তল্লিঙ্গকর্মভির্বিদ্যাত্ (২৭) · Śloka ২৭
দোষভেদীযবিহিতৈরাদিশেল্লিঙ্গকর্মভিঃ| কুষ্ঠেষু দোষোল্বণতাং ||২৭||
दोषभेदीयविहितैरादिशेल्लिङ्गकर्मभिः| कुष्ठेषु दोषोल्बणतां ||२७||
🔊 Audio coming soon
শশিলেক ব্যাখ্যা (ইন্দু কৃত)
এতেষু চ কাপালাদ্যেষু কুষ্ঠেষু প্রত্যেকং বাতাদ্যন্যতমদোষোল্বণতাং (অ. সং. সূ. অ. - ২০) দোষভেদীযবিহিতৈর্বাতাদীনাং লিঙ্গৈঃ কর্মভিশ্চাদিশেত্| অস্মিন্ কুষ্ঠবিশেষে ইযান্ দোষকোপ ইতি| দোষাণাং লিঙ্গকর্মভিঃ স্রংসব্যাসাদিভিঃ (অ. সং. সূ. অ. - ২০) পরিপূর্ণাপরিপূর্ণৈরধ্যবস্যেত্|| ২৭||
Adhikarana কুষ্ঠে অসাধ্যং কুষ্ঠম্ (২৮) · Śloka ২৮
সর্বদোষোল্বণং ত্যজেত্| রিষ্টোক্তং যচ্চ যচ্চাস্থিমজ্জশুক্রসমাশ্রযম্||২৮||
सर्वदोषोल्बणं त्यजेत्| रिष्टोक्तं यच्च यच्चास्थिमज्जशुक्रसमाश्रयम्||२८||
🔊 Audio coming soon
শশিলেক ব্যাখ্যা (ইন্দু কৃত)
তত্র যস্মিন্ সর্ব উবোল্বণাস্তং ত্যজেত্| রিষ্টোক্তং (অ. সং. শা. - ৭১৫) 'কুষ্ঠং বিশীর্য্যমাণাঙ্গং' ইত্যাদিনা অস্থ্যাদ্যাশ্রযং যত্তচ্চ ত্যজেত্| অস্থ্যাদ্যাশ্রযস্যাত্রৈব লক্ষণং বক্ষ্যতে (অ. সং. বি. - ৫৫৯) ইত্যেতত্সর্বমসাধ্যম্|| ২৮||
Adhikarana যাপ্যকুষ্ঠম্ (২৯) · Śloka ২৯
যাপ্যং মেদোগতং ||২৯||
याप्यं मेदोगतं ||२९||
🔊 Audio coming soon
শশিলেক ব্যাখ্যা (ইন্দু কৃত)
মেদোগতং যাপ্যম্|| ২৯||
Adhikarana কৃচ্ছ্রকুষ্ঠম্ (৩০) · Śloka ৩০
কৃচ্ছ্রং পিত্তাদ্বন্দ্বাস্রমাংসগম্||৩০||
कृच्छ्रं पित्ताद्वन्द्वास्रमांसगम्||३०||
🔊 Audio coming soon
শশিলেক ব্যাখ্যা (ইন্দু কৃত)
পিত্তাদিবিশিষ্টং কৃচ্ছ্রম্|| ৩০||
Adhikarana সুখসাধ্যং কুষ্ঠম্ (৩১) · Śloka ৩১
অকৃচ্ছ্রং কফবাতঢ্যং ত্বক্স্থমেকমলঞ্চ যত্||৩১||
अकृच्छ्रं कफवातढ्यं त्वक्स्थमेकमलञ्च यत्||३१||
🔊 Audio coming soon
শশিলেক ব্যাখ্যা (ইন্দু কৃত)
কফবাতজমকৃচ্ছ্রং সুখমিত্যর্থঃ| তথা ত্বগাশ্রযমেকদোষং চ|| ৩১||
Adhikarana ত্বগ্গতকুষ্ঠলক্ষণম্ (৩২) · Śloka ৩২
তত্র ত্বচি স্থিতে কুষ্ঠে তোদবৈবর্ণ্যরূক্ষতাঃ||৩২||
तत्र त्वचि स्थिते कुष्ठे तोदवैवर्ण्यरूक्षताः||३२||
🔊 Audio coming soon
শশিলেক ব্যাখ্যা (ইন্দু কৃত)
তত্রেত্যাদিনা ত্বগাদ্যাশ্রযবিশেষবশেন কুষ্ঠলক্ষণমুচ্যতে| তেষু মধ্যে ত্বচি স্থিতে কুষ্ঠে তোদাদযঃ|| ৩২||
Adhikarana ত্বগ্গতকুষ্ঠলক্ষণম্ (৩৩) · Śloka ৩৩
স্বেদস্বাপশ্বযথবঃ শোণিতে||৩৩||
स्वेदस्वापश्वयथवः शोणिते||३३||
🔊 Audio coming soon
শশিলেক ব্যাখ্যা (ইন্দু কৃত)
শোণিতস্থিতে স্বেদাদযঃ|| ৩৩||
Adhikarana মাংসগতকুষ্ঠলক্ষণম্ (৩৪) · Śloka ১
পাণিপাদাশ্রিতাঃ স্ফোটাঃ ক্লেদঃ সন্ধিষু চাধিকম্||১||
पाणिपादाश्रिताः स्फोटाः क्लेदः सन्धिषु चाधिकम्||१||
🔊 Audio coming soon
শশিলেক ব্যাখ্যা (ইন্দু কৃত)
পাণিপাদস্ফোটাদযো মাংসগে|| ৩৪||
Adhikarana মেদোগতকুষ্ঠলক্ষণম্ (৩৫) · Śloka ৩৫
কৌণ্যং গতিক্ষযোঽঙ্গানাং দূলনং স্যাচ্চ মেদসি||৩৫||
कौण्यं गतिक्षयोऽङ्गानां दूलनं स्याच्च मेदसि||३५||
🔊 Audio coming soon
শশিলেক ব্যাখ্যা (ইন্দু কৃত)
কৌণ্যাদযো মিদঃস্থিতে| কৌণ্যং বিকলপাণিত্বম্|| ৩৫||
Adhikarana অস্থিমজ্জগতকুষ্ঠ লক্ষণম্ (৩৬) · Śloka ৩৬
নাসাভঙ্গোঽস্থিমজ্জস্থে নেত্ররাগঃ স্বরক্ষযঃ| ক্ষতে চ কৃমযঃ ||৩৬||
नासाभङ्गोऽस्थिमज्जस्थे नेत्ररागः स्वरक्षयः| क्षते च कृमयः ||३६||
🔊 Audio coming soon
শশিলেক ব্যাখ্যা (ইন্দু কৃত)
নাসাভঙ্গো নেত্ররাগঃ স্বরক্ষযঃ ক্ষতে চ কৃমযশ্চেত্যেতদস্থিস্থে মজ্জস্থে চ|| ৩৬||
Adhikarana শুক্রগতকুষ্ঠলক্ষণম্ (৩৭) · Śloka ৩৭
শুক্রে স্বদারাপত্যবাধনম্||৩৭||
शुक्रे स्वदारापत्यबाधनम्||३७||
🔊 Audio coming soon
শশিলেক ব্যাখ্যা (ইন্দু কৃত)
স্বদারাণামপত্যানাং চ বাধনং কুষ্ঠসম্ভবঃ শুক্রাশ্রিতে কুষ্ঠে ভবতি|| ৩৭||
Adhikarana রক্তাদ্যাশ্রিতকুষ্ঠেষু যথাপূর্বং লিঙ্গানাঞ্চ সম্ভবঃ (৩৮) · Śloka ৩৮
যথাপূর্বঞ্চ সর্বাণি স্যুর্লিঙ্গান্যসৃগাদিষু||৩৮||
यथापूर्वञ्च सर्वाणि स्युर्लिङ्गान्यसृगादिषु||३८||
🔊 Audio coming soon
শশিলেক ব্যাখ্যা (ইন্দু কৃত)
অসৃগাদিস্থিতে কুষ্ঠে যথাপূর্বং লিঙ্গানি স্যুঃ| যস্মিন্ ধাতৌ স্থিতং তস্য যঃ পূর্বো ধাতুঃ তল্লিঙ্গান্যপি তত্র ভবন্তীত্যর্থঃ| তেন রক্তাশ্রযে ত্বগ্লিঙ্গান্যপি তত্র ভবন্তি| মাংসাশ্রযে কুষ্ঠে ত্বগ্রক্তাশ্রযাণি| মেদোগে ত্বগ্রক্তমাংসাশ্রযাণি| অস্থিগে ত্বগাদিমেদোঽন্তাশ্রযাণি লক্ষণানি| এবং যাবচ্ছুক্রম্| শুক্রগে সর্বাণ্যেব লিঙ্গানি ভবন্তীত্যুক্তং কুষ্ঠম্|| ৩৮||
Adhikarana শ্বিত্রস্য নিদানাদি (৩৯) · Śloka ৩৯
কুষ্ঠৈকসম্ভবং শ্বিত্রং কিলাসং চারুণঞ্চ তত্| নির্দিষ্টমপরিস্রাবিত্রিধাতূদ্ভবসংশ্রযম্||৩৯||
कुष्ठैकसम्भवं श्वित्रं किलासं चारुणञ्च तत्| निर्दिष्टमपरिस्रावित्रिधातूद्भवसंश्रयम्||३९||
🔊 Audio coming soon
শশিলেক ব্যাখ্যা (ইন্দু কৃত)
কুষ্ঠৈকসম্ভবমিত্যাদিনা শ্বিত্রমুচ্যতে| কুষ্ঠেনৈকঃ সদৃশো নিদানদোষদূষ্যসম্প্রাপ্ত্যাদিকং সম্ভবো যস্য তত্ তথোক্তম্| তচ্চ শ্বিত্রং নাম্না কিলাসং চারুণমপরিস্রাবি চ নির্দিষ্টমাচার্য্যৈঃ| তথা ত্রিধাতূদ্ভবসংশ্রযং ত্রযো ধাতবো বাতপিত্তশ্লেষ্মাণ উদ্ভবঃ ত্রযস্য| ধাতবো রক্তমাংসমেদোলক্ষণা আশ্রযো যস্য তত্তথোক্তম্| ধাতুশব্দেনোভযমুদ্ভবশ্চ সংশ্রযশ্চ গৃহ্যতে|| ৩৯||
Adhikarana শ্বিত্রে দোষভেদেন বর্ণভেদঃ (৪০) · Śloka ৪০
বাতাদ্রূক্ষারুণং পিত্তাত্তাম্রং কমলপত্রবত্| সদাহং রোমবিধ্বংসিকফাচ্ছ্বেতং ঘনং গুরুঃ| সকণ্ডূ চ ক্রমাদ্রক্তমাংসমেদস্সু চাদিশেত্||৪০||
वाताद्रूक्षारुणं पित्तात्ताम्रं कमलपत्रवत्| सदाहं रोमविध्वंसिकफाच्छ्वेतं घनं गुरुः| सकण्डू च क्रमाद्रक्तमांसमेदस्सु चादिशेत्||४०||
🔊 Audio coming soon
শশিলেক ব্যাখ্যা (ইন্দু কৃত)
বাতাদিত্যাদিনোদ্ভবধাতুত্রযক্রমেণ লক্ষণমুচ্যতে| সংশ্রযধাতুষু বর্ণেনৈবেদৃক্ক্রমেণৈবাদিশেত্| তেন রূক্ষারুণং বর্ণেন রক্তাশ্রিতং শ্বিত্রম্| তাম্রং মাংসগতম্| শ্বেতং মেদোগতমিতি|| ৪০||
Adhikarana শ্বিত্রে যথোত্তরং কৃচ্ছ্রত্বম্ (৪১) · Śloka ৪১
বর্ণেনৈবেদৃগুভযং কৃচ্ছ্রং তচ্চোত্তরোত্তরম্||৪১||
वर्णेनैवेदृगुभयं कृच्छ्रं तच्चोत्तरोत्तरम्||४१||
🔊 Audio coming soon
শশিলেক ব্যাখ্যা (ইন্দু কৃত)
উভযং ক্রমেণ কৃচ্ছ্রম্| তচ্চোত্তরোত্তরম্| উভযং বাতাদ্যুদ্ভবং রক্তাদিসংশ্রযং চোত্তরোত্তরং কৃচ্ছ্রসাধ্যম্| তেন বাতজং রক্তাশ্রিতং কৃচ্ছ্রম্| ততোঽপি পিত্তজং মাংসাশ্রিতম্| ততোঽপি কফজং মেদোগতম্|| ৪১||
Adhikarana সাধ্যশ্বিত্রলক্ষণম্ (৪২) · Śloka ৪২
অশুক্লরোমা বহুলমসংসৃষ্টং মিথোনবম্| অনগ্নিদগ্ধজং সাধ্যং শ্বিত্রং ||৪২||
अशुक्लरोमा बहुलमसंसृष्टं मिथोनवम्| अनग्निदग्धजं साध्यं श्वित्रं ||४२||
🔊 Audio coming soon
শশিলেক ব্যাখ্যা (ইন্দু কৃত)
অশুক্লরোমত্বাদিযুক্তং শ্বিত্রং সাধ্যম্|| ৪২||
Adhikarana অসাধ্যশ্বিত্রলক্ষণম্ (৪৩) · Śloka ৪৩
বর্জ্যমতোঽন্যথা| গুহ্যপাণিতলোষ্ঠেশু জাতমপ্যচিরন্তনম্| বর্জনীযং বিশেষেণ কিলাসং সিদ্ধিমিচ্ছতা||৪৩||
वर्ज्यमतोऽन्यथा| गुह्यपाणितलोष्ठेशु जातमप्यचिरन्तनम्| वर्जनीयं विशेषेण किलासं सिद्धिमिच्छता||४३||
🔊 Audio coming soon
শশিলেক ব্যাখ্যা (ইন্দু কৃত)
তদ্বিপর্যযে বর্জ্যম্| গুহ্যাদিষু জাতমচিরন্তমপি বর্জ্যম্|
Adhikarana সর্বরোগাণাং সঙ্ক্রামকত্বম্ (৪৪) · Śloka ৪৪
স্পর্শৈকাহারশ্য্যাদিসেবনাত্ প্রাযশো গদাঃ| সর্বে সঞ্চারিণো নেত্রত্বগ্বিকারাবিশেষতঃ||৪৪||
स्पर्शैकाहारश्य्यादिसेवनात् प्रायशो गदाः| सर्वे सञ्चारिणो नेत्रत्वग्विकाराविशेषतः||४४||
🔊 Audio coming soon
শশিলেক ব্যাখ্যা (ইন্দু কৃত)
প্রসঙ্গেনাহ-স্পর্শেত্যাদি| সুবোধম্| ইতি শ্বিত্রমুক্তম্|
Adhikarana কৃমীণাং দ্বৈবিধ্যম্ (৪৫) · Śloka ৪৫
কৃমযস্তু দ্বিধা প্রোক্তা বাহ্যাভ্যন্তরভেদতঃ||৪৫||
कृमयस्तु द्विधा प्रोक्ता बाह्याभ्यन्तरभेदतः||४५||
🔊 Audio coming soon
শশিলেক ব্যাখ্যা (ইন্দু কৃত)
কৃময উচ্যন্তে| দ্বিবিধাঃ কৃমযঃ| বাহ্যা অভ্যন্তরশ্চ|| ৪৫||
Adhikarana কৃমীণাং চাতুর্বিধ্যম্ (৪৬) · Śloka ৪৬
বহির্মলকফাসৃগ্বিড্জন্মভেদাচ্চতুর্বিধাঃ||৪৬||
बहिर्मलकफासृग्विड्जन्मभेदाच्चतुर्विधाः||४६||
🔊 Audio coming soon
শশিলেক ব্যাখ্যা (ইন্দু কৃত)
জন্মভেদেন চতুর্বিধাঃ কেচিদ্বহির্মলজাঃ| কেচিত্কফজাঃ কেচিদসৃগ্জাঃ| কেচিদ্বিড্জাঃ| ইতি বহির্মলাঃ শরীরবাহ্যঃ কেশবস্ত্রাদিমলঃ|| ৪৬||
Adhikarana কৃমীণাং সঙ্খ্যা (৪৭) · Śloka ৪৭
নামতো বিংশতিবিধাঃ ||৪৭||
नामतो विंशतिविधाः ||४७||
🔊 Audio coming soon
শশিলেক ব্যাখ্যা (ইন্দু কৃত)
পুনর্নামভেদেন সর্বে বিংশতিবিধাঃ|| ৪৭||
Adhikarana বাহ্যকৃমিনিদানপ্রমাণাদি (৪৮) · Śloka ৪৮
বাহ্যাস্তত্রামৃতোদ্ভবাঃ| তিলপ্রমাণসংস্থানবর্ণাঃ কেশাম্বরাশ্রযাঃ| বহুপাদাশ্চ সূক্ষ্মাশ্চ যূকা লিক্ষাশ্চ নামতঃ| দ্বিধা তে কোঠপিটকাকণ্ডূকণ্ডান্ প্রকুর্বতে||৪৮||
बाह्यास्तत्रामृतोद्भवाः| तिलप्रमाणसंस्थानवर्णाः केशाम्बराश्रयाः| बहुपादाश्च सूक्ष्माश्च यूका लिक्षाश्च नामतः| द्विधा ते कोठपिटकाकण्डूकण्डान् प्रकुर्वते||४८||
🔊 Audio coming soon
শশিলেক ব্যাখ্যা (ইন্দু কৃত)
তত্র বাহ্যা বহির্মলজাঃ| তে হ্যমৃজাহেতুকাঃ|| ৪৮||
Adhikarana আন্তরকৃমীণাং কারণাত্কুষ্ঠোত্পত্তিঃ (৪৯) · Śloka ৪৯
কুষ্ঠৈকসম্ভবোঽন্তর্জাঃ||৪৯||
कुष्ठैकसम्भवोऽन्तर्जाः||४९||
🔊 Audio coming soon
শশিলেক ব্যাখ্যা (ইন্দু কৃত)
কুষ্ঠেত্যাদি| অন্তর্জাঃ কফাদিজন্মানঃ| সর্বে কুষ্ঠৈকহেতবঃ|
Adhikarana শ্লেষ্মজকৃমীণাং বিশেষনিদানম্ (৫০) · Śloka ৫০
শ্লেষ্মজাস্তেষু চাধিকম্| মধুরান্নগুডক্ষীরদধিসক্তুনবোদনৈঃ||৫০||
श्लेष्मजास्तेषु चाधिकम्| मधुरान्नगुडक्षीरदधिसक्तुनवोदनैः||५०||
🔊 Audio coming soon
শশিলেক ব্যাখ্যা (ইন্দু কৃত)
তেষু চান্তরেষু মধ্যে শ্লেষ্মজা অধিকং মধুরাদিভির্ভবন্তি|
Adhikarana পুরীষজকৃমীণাং বিশেষনিদানম্ (৫১) · Śloka ৫১
শকৃজ্জা বহুবিড্ধান্যপর্ণশাকৌকুলাদিভিঃ||৫১||
शकृज्जा बहुविड्धान्यपर्णशाकौकुलादिभिः||५१||
🔊 Audio coming soon
শশিলেক ব্যাখ্যা (ইন্দু কৃত)
শকৃজ্জা বহুবিড্ধান্যাদিভির্জাযন্তে| ওকুলং কৃতান্ন উক্তম্| কাণ্ডস্থান্যপক্বানি ভৃষ্টানি স্যানীতি|| ৫১||
Adhikarana কফজকৃমীণাং সম্ভবস্থানানি (৫২) · Śloka ৫২
কফাদাঽঽমাশযে জাতা বদ্ধা সর্পন্তি সর্বতঃ| পৃথুব্রধ্ননিভাঃ কেচিত্কেচিত্ গণ্ডূপদোপমাঃ| রূঢধান্যাঙ্কুরাকারাস্তনুদীর্ঘাস্তথাণবঃ| শ্বেতা তাম্রাবভাসাশ্চ নামতঃ সপ্তধা তু তে| অন্ত্রাদা উদরবেষ্টাহৃদযাদা মহারূহাঃ| চুরবো দর্ভকুসুমাঃ সুগন্ধাঃ তে তু কুর্বতে| হৃল্লাসমাস্যস্রবণমবিপাকমরোচকম্| মূর্চ্ছাচ্ছর্দিজ্বরানাহকার্শ্যক্ষবথুপীনসান্||৫২||
कफादाऽऽमाशये जाता बद्धा सर्पन्ति सर्वतः| पृथुब्रध्ननिभाः केचित्केचित् गण्डूपदोपमाः| रूढधान्याङ्कुराकारास्तनुदीर्घास्तथाणवः| श्वेता ताम्रावभासाश्च नामतः सप्तधा तु ते| अन्त्रादा उदरवेष्टाहृदयादा महारूहाः| चुरवो दर्भकुसुमाः सुगन्धाः ते तु कुर्वते| हृल्लासमास्यस्रवणमविपाकमरोचकम्| मूर्च्छाच्छर्दिज्वरानाहकार्श्यक्षवथुपीनसान्||५२||
🔊 Audio coming soon
শশিলেক ব্যাখ্যা (ইন্দু কৃত)
কফাদিত্যাদি| তত্র কফজা আমাশযে জাতাঃ| বৃদ্ধাঃ সন্তঃ পশ্চাত্সর্বজঠরে সর্পন্তি| সুবোধম্|
Adhikarana রক্তজকৃমীণাং স্থানমাকৃতিশ্চ (৫৩) · Śloka ৫৩
রক্তবাহিসিরাস্থানারক্তজা জন্তবোষ্ণবঃ| অপাদাবৃত্ততাম্রাশ্চ সৌক্ষ্ম্যাত্কেচিদদর্শনাঃ||৫৩||
रक्तवाहिसिरास्थानारक्तजा जन्तवोष्णवः| अपादावृत्तताम्राश्च सौक्ष्म्यात्केचिददर्शनाः||५३||
🔊 Audio coming soon
শশিলেক ব্যাখ্যা (ইন্দু কৃত)
রক্তবাহীত্যাদি| রক্তজা জন্তবঃ অণবঃ সূক্ষ্মাস্তেষাং রক্তবাহিন্যঃ সিরাঃ স্থানম্|| ৫৩||
Adhikarana রক্তজকৃমীণাং নামানি (৫৪) · Śloka ৫৪
কেশাদা লোমবিধ্বংসা লোমদ্বীপা উদুম্বরাঃ| ষট্ তে কুষ্ঠৈককর্মাণঃ সহসৌরসমাতরঃ||৫৪||
केशादा लोमविध्वंसा लोमद्वीपा उदुम्बराः| षट् ते कुष्ठैककर्माणः सहसौरसमातरः||५४||
🔊 Audio coming soon
শশিলেক ব্যাখ্যা (ইন্দু কৃত)
তে চ কেশাদাদযশ্চত্বারঃ| সহসৌরসমাতর ইতি দ্বৌ| এবং ষট্| একে সৌরসাঃ| অপরে মাতরঃ|| ৫৪||
Adhikarana পুরীষজকৃমীণাং স্থানম্ (৫৫) · Śloka ৫৫
পক্বাশযে পুরীষোত্থা জাযন্তেঽধোবিসর্পিণঃ||৫৫||
पक्वाशये पुरीषोत्था जायन्तेऽधोविसर्पिणः||५५||
🔊 Audio coming soon
শশিলেক ব্যাখ্যা (ইন্দু কৃত)
পক্বেত্যাদি| পুরীষোত্থাঃ কৃমযঃ পক্বাশযে জাযন্তে| অধোমুখাশ্চ ভবন্তি|| ৫৫||
Adhikarana পুরীষজকৃমীণাং বৃদ্ধৌ লক্ষণানি (৫৬) · Śloka ৫৬
বৃদ্ধাস্তে স্যুর্ভবেযুশ্চ তে যদামাশযোন্মুখাঃ| তদাঽস্যোদ্গারনিঃশ্বাসাবিড্গন্ধানুবিধাযিনঃ||৫৬||
वृद्धास्ते स्युर्भवेयुश्च ते यदामाशयोन्मुखाः| तदाऽस्योद्गारनिःश्वासाविड्गन्धानुविधायिनः||५६||
🔊 Audio coming soon
শশিলেক ব্যাখ্যা (ইন্দু কৃত)
তেষু চ বৃদ্ধত্বাদ্যদাঽঽমাশযোন্মুখতা ভবতি তদাঽস্য পুরুষস্যোদ্গারনিঃশ্বাসা বিড্গন্ধানুবিধাযিনো ভবন্তি|| ৫৬||
Adhikarana পুরীষজকৃমীণামাকৃতির্বর্ণশ্চ (৫৭) · Śloka ৫৭
পুথুবৃত্ততনুস্থূলাঃ শ্যাবপীতসিতাসিতাঃ||৫৭||
पुथुवृत्ततनुस्थूलाः श्यावपीतसितासिताः||५७||
🔊 Audio coming soon
শশিলেক ব্যাখ্যা (ইন্দু কৃত)
তে চ পৃথ্বাদিগুণাঃ|| ৫৭||
Adhikarana পুরীষজকৃমীণাং নামানি (৫৮) · Śloka ৫৮
তে পঞ্চ নাম্না কৃমযঃ ককেতুকমকেরুকাঃ| সৌসুরাদাঃ সলূনাখ্যা লেহিহাঃ||৫৮||
ते पञ्च नाम्ना कृमयः ककेतुकमकेरुकाः| सौसुरादाः सलूनाख्या लेहिहाः||५८||
🔊 Audio coming soon
শশিলেক ব্যাখ্যা (ইন্দু কৃত)
ককেরুকাদযঃ লেলিহান্তাশ্চেতি পঞ্চ নামানঃ|| ৫৮||
Adhikarana পুরীষজকৃমিবিকারাঃ (৫৯-১৪) · Śloka ১৪
জনযন্তি চ| বিড্ভেদশূলবিষ্টম্ভকার্শ্যপারুষ্যপাণ্ডুতঃ| রোমহর্ষাগ্নিসদনগুদকণ্ডূবিনির্গমান্||৫৯|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গ- সংগ্রহসংহিত্যাং নিদানস্থানে কুষ্ঠশ্বিত্রকৃমি- নিদানংনাম চতুর্দশোঽধ্যাযঃ||১৪||
जनयन्ति च| विड्भेदशूलविष्टम्भकार्श्यपारुष्यपाण्डुतः| रोमहर्षाग्निसदनगुदकण्डूविनिर्गमान्||५९|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्ग- संग्रहसंहित्यां निदानस्थाने कुष्ठश्वित्रकृमि- निदानंनाम चतुर्दशोऽध्यायः||१४||
🔊 Audio coming soon
শশিলেক ব্যাখ্যা (ইন্দু কৃত)
এতে বিড্ভেদাদীন্ জনযন্তি| এবং বিংশতিঃ কৃমযঃ| দ্বৌ বহির্মলজৌ| সপ্ত কফজাঃ| ষড্রক্তজাঃ| পঞ্চ পুরীষজাঃ ইতি|| ৫৯|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহ- ব্যাখ্যাযাং শশিলেখাযাং নিদানস্থানে চতুর্দশোঽধ্যাযঃ