Adhikarana প্রতিজ্ঞা (১) · Śloka ১
অথাতঃ পাণ্ডুরোগকামলাশোফবিসর্পনিদানং নামা- ধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातः पाण्डुरोगकामलाशोफविसर्पनिदानं नामा- ध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
শশিলেক ব্যাখ্যা (ইন্দু কৃত)
মাংসাদ্যুপঘাতদোষকোপসাদৃশ্যাদুদরানন্তরং পাণ্ড্বাদিনির্ণযাধ্যাযারম্ভঃ || ১ ||
Adhikarana পাণ্ডুরোগনিদানং সম্প্রাপ্তিনিরুক্তীনি (২) · Śloka ২
পিত্তপ্রধানাঃ কুপিতাঃ যথোক্তৈঃ কোপনৈর্মলাঃ| তত্রানিলেন বলিনা ক্ষিপ্তং পিত্তং হৃদি স্থিতম্| ধমনীর্দশ সম্প্রাপ্য ব্যাপ্নুবত্সকলাং তনুম্| শ্লেষ্মত্বগ্রক্তমাংসানি প্রদূষ্যান্তরমাশ্রিতম্| ত্বঙ্মাংসযোস্তত্কুরুতে ত্বচি বর্ণান্ পৃথগ্বিধান্| পাণ্ডুহারিদ্রহরিতান্ পাণ্ডুত্বং তেষু চাধিকম্| যতোঽতঃ পাণ্ডুরিত্যুক্তঃ স রোগঃ||২||
पित्तप्रधानाः कुपिताः यथोक्तैः कोपनैर्मलाः| तत्रानिलेन बलिना क्षिप्तं पित्तं हृदि स्थितम्| धमनीर्दश सम्प्राप्य व्याप्नुवत्सकलां तनुम्| श्लेष्मत्वग्रक्तमांसानि प्रदूष्यान्तरमाश्रितम्| त्वङ्मांसयोस्तत्कुरुते त्वचि वर्णान् पृथग्विधान्| पाण्डुहारिद्रहरितान् पाण्डुत्वं तेषु चाधिकम्| यतोऽतः पाण्डुरित्युक्तः स रोगः||२||
🔊 Audio coming soon
শশিলেক ব্যাখ্যা (ইন্দু কৃত)
মলা দুষ্টা বাতাদযঃ সর্বে যথোক্তৈস্তিক্তকটুকাদিভিঃ সর্বরোগনিদানোক্তৈঃ (অ. সং. নি. সূ. - ২৬-৩০) কোপনৈঃ কুপিতাঃ | পিত্তাধিকা যত্র ভবন্তীতি | যত্তদোর্নিত্যসম্বন্ধাদ্বিজ্ঞেযম্ | তত্রেত্যাদিনা পাণ্ডুরোগস্য সম্প্রাপ্তিনিরুক্তিঃ | তদিতি পিত্তপরামর্শঃ | ত্বঙ্মাংসযোরন্তরং প্রাপ্য ত্বচি পৃথগ্বিধান্ বর্ণান্ কুরুতে | তত্র চ পাণ্ডুত্বমধিকমতঃ স রোগঃ পাণ্ডুরিত্যুক্তঃ || ২ ||
Adhikarana পাণ্ডুরোগসামান্যলক্ষণম্ (৩) · Śloka ৩
তেন গৌরবম্| ধাতূনাং স্যাচ্চ শৈথিল্যমোজসশ্ছ গুণক্ষযঃ| ততোঽল্পরক্তমেদস্কো নিঃসারঃ স্যাচ্ছ্লথেন্দ্রিযঃ| মৃদ্যমানৈরিবাঙ্গৈর্না দ্রবতা হৃদযেন চ| শূনাক্ষিকূটবদনঃ কোপনঃ ষ্ঠীবনোঽল্পবাক্| অন্নদ্বিট্শিশিরদ্বেষী শীর্ণরোমা হতানলঃ| সন্নসক্থী জ্বরী শ্বাসী কর্ণক্ষ্বেডী শ্রমী ভ্রমী||৩||
तेन गौरवम्| धातूनां स्याच्च शैथिल्यमोजसश्छ गुणक्षयः| ततोऽल्परक्तमेदस्को निःसारः स्याच्छ्लथेन्द्रियः| मृद्यमानैरिवाङ्गैर्ना द्रवता हृदयेन च| शूनाक्षिकूटवदनः कोपनः ष्ठीवनोऽल्पवाक्| अन्नद्विट्शिशिरद्वेषी शीर्णरोमा हतानलः| सन्नसक्थी ज्वरी श्वासी कर्णक्ष्वेडी श्रमी भ्रमी||३||
🔊 Audio coming soon
শশিলেক ব্যাখ্যা (ইন্দু কৃত)
তেন চ পাণ্ডুরোগেণ শরীরগৌরবং স্যাত্ | ধাতূনাং শৈথিল্যং স্বরূপাদ্ধানিঃ | ওজঃ নাম প্রধানো ধাতুঃ | পূর্বোক্তং (অ. সং. শা. - ৩৪২-৩৪৩) | প্রসৃতমানং তস্য | যে গুণা মন্দস্নিগ্ধাদযঃ (অ. সং. নি. - ২০৮-২১০) | তেষাং হানিঃ | ততো ধাতুষু শিথিলেষু ওজসি চ ক্ষীণগুণে অল্পরক্তাদিযুক্তো না পুরুষঃ স্যাত্ || ৩ ||
Adhikarana পাণ্ডুরোগপ্রভেদাঃ (৪) · Śloka ৪
স পঞ্চধা পৃথগ্দোষৈঃ সমস্তৈর্মৃত্তিকাদনাত্||৪||
स पञ्चधा पृथग्दोषैः समस्तैर्मृत्तिकादनात्||४||
🔊 Audio coming soon
শশিলেক ব্যাখ্যা (ইন্দু কৃত)
সুবোধমন্যত্ || ৪ ||
Adhikarana পাণ্ডুরোগপূর্বরূপাণি (৫) · Śloka ৫
প্রাগ্রূপমস্য হৃদযস্পন্দনং রূক্ষতা ত্বচি| অরুচিঃ পীতমূত্রত্বং স্বেদাভাবোঽল্পবহ্নিতা| সাদঃ শ্রমঃ ||৫||
प्राग्रूपमस्य हृदयस्पन्दनं रूक्षता त्वचि| अरुचिः पीतमूत्रत्वं स्वेदाभावोऽल्पवह्निता| सादः श्रमः ||५||
🔊 Audio coming soon
শশিলেক ব্যাখ্যা (ইন্দু কৃত)
সর্বস্য পাণ্ডুরোগস্য হৃদযস্পন্দনাদিপূর্বরূপম্ || ৫ ||
Adhikarana বাতজপাণ্ডুরোগলক্ষণম্ (৬) · Śloka ৬
অনিলাত্তত্র গাত্ররুক্তোদকম্পনম্| কৃষ্ণরূক্ষারুণসিরানখবিণ্মূত্রনেত্রতা| শোফানাহাস্যবৈরস্যবিট্শোষাঃ পার্শ্বমূর্ধরুক্||৬||
अनिलात्तत्र गात्ररुक्तोदकम्पनम्| कृष्णरूक्षारुणसिरानखविण्मूत्रनेत्रता| शोफानाहास्यवैरस्यविट्शोषाः पार्श्वमूर्धरुक्||६||
🔊 Audio coming soon
শশিলেক ব্যাখ্যা (ইন্দু কৃত)
গাত্ররুগাদি বাতপাণ্ডুরোগলক্ষণম্ || ৬ ||
Adhikarana পিত্তজপাণ্ডুরোগলক্ষণম্ (৭) · Śloka ৭
পিত্তাদ্ধরিতপীতাভসিরাদিত্বং জ্বরস্তমঃ| তৃট্স্বেদমূর্চ্ছা শীতেচ্ছা দৌর্গন্ধ্যং কটুবক্ত্রতা| বর্চোভেদোঽম্লকো দাহঃ||৭||
पित्ताद्धरितपीताभसिरादित्वं ज्वरस्तमः| तृट्स्वेदमूर्च्छा शीतेच्छा दौर्गन्ध्यं कटुवक्त्रता| वर्चोभेदोऽम्लको दाहः||७||
🔊 Audio coming soon
শশিলেক ব্যাখ্যা (ইন্দু কৃত)
হরিতসিরাদিত্বাদি পিত্তাত্ পাণ্ডুরোগে ভবতি || ৭ ||
Adhikarana কফজপাণ্ডুরোগলক্ষণম্ (৮) · Śloka ৮
কফাচ্ছুক্লসিরাদিতা| তন্দ্রালবণবক্ত্রত্বং রোমহর্ষঃ স্বরক্ষযঃ| কাসশ্ছর্দিশ্চ ||৮||
कफाच्छुक्लसिरादिता| तन्द्रालवणवक्त्रत्वं रोमहर्षः स्वरक्षयः| कासश्छर्दिश्च ||८||
🔊 Audio coming soon
শশিলেক ব্যাখ্যা (ইন্দু কৃত)
শুক্লসিরাদিত্বাদিছর্দ্যন্তং কফাত্ পাণ্ডুরোগে ভবতি | আদিগ্রহণেন নখবিণ্মূত্রনেত্রাণাং গ্রহণম্ || ৮ ||
Adhikarana সন্নিপাতজপাণ্ডুরোগলক্ষণম্ (৯) · Śloka ৯
নিচযান্মিশ্রলিঙ্গঃ সোঽতিদুঃসহঃ||৯||
निचयान्मिश्रलिङ्गः सोऽतिदुःसहः||९||
🔊 Audio coming soon
শশিলেক ব্যাখ্যা (ইন্দু কৃত)
০০
Adhikarana মৃদ্ভক্ষণজন্যপাণ্ডুরোগনিদানাদি (১০) · Śloka ১০
মৃত্কষাযাঽনিলং পিত্তমূষরা মধুরা কফম্| দূষযিত্বা রসাদীংশ্ছ রৌক্ষ্যাদ্ভুক্তং বিরূক্ষ্য চ| স্রোতাংস্যপক্বৈবাপূর্য্য কুর্যাদ্রূধ্বা চ পূর্ববত্| পাণ্ডুরোগং ততঃ শূননাভিপাদাস্যমেহনঃ| পুরীষং কৃমিবন্মুঞ্চেদ্ভিন্নং সাঽসৃক্কফং নরঃ||১০||
मृत्कषायाऽनिलं पित्तमूषरा मधुरा कफम्| दूषयित्वा रसादींश्छ रौक्ष्याद्भुक्तं विरूक्ष्य च| स्रोतांस्यपक्वैवापूर्य्य कुर्याद्रूध्वा च पूर्ववत्| पाण्डुरोगं ततः शूननाभिपादास्यमेहनः| पुरीषं कृमिवन्मुञ्चेद्भिन्नं साऽसृक्कफं नरः||१०||
🔊 Audio coming soon
শশিলেক ব্যাখ্যা (ইন্দু কৃত)
কষাযা মৃদনিলং দূষযিত্বা, ঊষরা মৃত্কফং দূষযিত্বা; পাণ্ডুরোগং কুর্যাদিতি সম্বন্ধঃ | মৃদো রসবিশেষেণ দোষবিশেষকোপনত্বং রসাদিদূষণং সাধারণম্ | স্রোতাংস্যাপূর্য রূধ্বা চ | পূর্ববদিতি পাণ্ডুরোগসমানসম্প্রাপ্ত্যা তৈরেব চ লক্ষণৈরিতি | ততোনরঃ শূননাভ্যাদিযুতঃ | অত্র তু নাভিশ্বযথ্বাদির্বিশেষ ইত্যর্থঃ | উক্তঃ পাণ্ডুরোগঃ || ১০ ||
Adhikarana কামিলানিদানম্ (১১) · Śloka ১১
যঃ পাণ্ডুরোগী সেবেত পিত্তলং তস্য কামিলাম্| কোষ্ঠশাখাশ্রযং পিত্তং দগ্ধ্বাঽসৃঙ্মাংসমাবহেত্||১১||
यः पाण्डुरोगी सेवेत पित्तलं तस्य कामिलाम्| कोष्ठशाखाश्रयं पित्तं दग्ध्वाऽसृङ्मांसमावहेत्||११||
🔊 Audio coming soon
শশিলেক ব্যাখ্যা (ইন্দু কৃত)
অথ তদঙ্গভূতা কামিলোচ্যতে | পাণ্ডুরোগী যো নরঃ পিত্তলমাহারাদিকং সেবতে তস্য কামিলাং পিত্তমাবহেত্ | কিং কৃত্বেত্যাহ-অসৃঙ্মাংসং দগ্ধ্বা | তস্যাশ্ছোভযো মার্গঃ কোষ্ঠঃ শাখা চ || ১১ ||
Adhikarana কামিলাযা লক্ষণম্ (১২) · Śloka ১২
হারিদ্রনেত্রমূত্রত্বঙ্নখবক্ত্রশকৃত্তথা| দাহাবিপাকতৃষ্ণাবান্ভেকাভো দুর্বলেন্দ্রিযঃ|১২|
हारिद्रनेत्रमूत्रत्वङ्नखवक्त्रशकृत्तथा| दाहाविपाकतृष्णावान्भेकाभो दुर्बलेन्द्रियः|१२|
🔊 Audio coming soon
শশিলেক ব্যাখ্যা (ইন্দু কৃত)
০০
Adhikarana পাণ্ডুরোগাদ্বিনাপি কামলাযাঃ সম্ভবঃ (১২) · Śloka ১২
ভবেত্পিত্তোল্বণস্যাসৌ পাণ্ডুরোগাদৃতেπ চ||১২||
भवेत्पित्तोल्बणस्यासौ पाण्डुरोगादृतेπ च||१२||
🔊 Audio coming soon
শশিলেক ব্যাখ্যা (ইন্দু কৃত)
অসৌ চ কামিলাখ্যো রোগঃ পাণ্ডুরোগাদ্বিনা পিত্তোল্বণস্য পুংসো ভবতি | অপি চেতি যুক্তিসমুচ্চযে || ১২ ||
Adhikarana কুম্ভকামিলালক্ষণম্ (১৩) · Śloka ১৩
উপেক্ষযা চ শোফাঢ্যা সা কৃচ্ছ্রা কুম্ভকামিলা||১৩||
उपेक्षया च शोफाढ्या सा कृच्छ्रा कुम्भकामिला||१३||
🔊 Audio coming soon
শশিলেক ব্যাখ্যা (ইন্দু কৃত)
উপেক্ষযা অচিকিত্সযা | শোফাঢ্যা সতী কুম্ভকামিলেত্যুচ্যতে | সা চ কৃচ্ছ্রসাধ্যা || ১৩ ||
Adhikarana হলীমকলক্ষং তত্পর্যাযৌ চ (১৪) · Śloka ১৪
হরিতশ্যাবপীতত্বং পাণ্ডুরোগে যদা ভবেত্| বাতপিত্তাদ্ ভ্রমস্তৃষ্ণাস্ত্রীষ্বহর্ষো মৃদুর্জ্বরঃ| তন্দ্রাবলানলভ্রংশো লোঢরং তং হলীমকম্| অলসঞ্চেতি শংসন্তি||১৪||
हरितश्यावपीतत्वं पाण्डुरोगे यदा भवेत्| वातपित्ताद् भ्रमस्तृष्णास्त्रीष्वहर्षो मृदुर्ज्वरः| तन्द्राबलानलभ्रंशो लोढरं तं हलीमकम्| अलसञ्चेति शंसन्ति||१४||
🔊 Audio coming soon
শশিলেক ব্যাখ্যা (ইন্দু কৃত)
পাণ্ডুরোগে যদা হরিতাদিরূপত্বং বাতপিত্তাধিক্যাদ্ভবেদ্ ভ্রমাদিকং চ তদাঽসৌ রোগো হলীমক উচ্যতে | তমেব লোঢরমলসঞ্চ শংসন্তি || ১৪ ||
Adhikarana নিরূপণপ্রতিজ্ঞা (১৫) · Śloka ১৫
তেষাং পূর্বমুপদ্রবাঃ| শোফপ্রধানাঃ কথিতাঃ স এবাতো নিগদ্যতে||১৫||
तेषां पूर्वमुपद्रवाः| शोफप्रधानाः कथिताः स एवातो निगद्यते||१५||
🔊 Audio coming soon
শশিলেক ব্যাখ্যা (ইন্দু কৃত)
তেষামিতি প্রধানানাং পাণ্ডুরোগাণাং গ্রহণম্ | পূর্বমিতি বিকৃতব্যাধিবিজ্ঞানীযে শোথপ্রধানা উপদ্রবাঃ কথিতাঃ 'পাণ্ডুরোগঃ শ্বযথুমান্' (অ. সং. শা.) ইত্যাদিনা | অতঃ কারণাদত্র শোফ এব নিগদ্যত ইতি শোফং প্রতি গ্রন্থা নিগদ্যত ইত্যর্থঃ || ১৫ ||
Adhikarana শোফস্য সম্প্রাপ্তিঃ, সান্নিপাতিকত্বঞ্চ (১৬) · Śloka ১৬
পিত্তরক্তকফান্বাযুর্দুষ্টো দুষ্টান্ বহিঃসিরাঃ| নীত্বা রূদ্ধগতিস্তৈর্হি কুর্যাত্ত্বঙ্মাংসসংশ্রযম্| উত্সেধং সংহতং শোফং তমাহুর্নিচযাদতঃ| সর্বম্ ||১৬||
पित्तरक्तकफान्वायुर्दुष्टो दुष्टान् बहिःसिराः| नीत्वा रूद्धगतिस्तैर्हि कुर्यात्त्वङ्मांससंश्रयम्| उत्सेधं संहतं शोफं तमाहुर्निचयादतः| सर्वम् ||१६||
🔊 Audio coming soon
শশিলেক ব্যাখ্যা (ইন্দু কৃত)
বাযুঃ স্বকারণেন দুষ্টঃ পিত্তাদীন্ দুষ্টান্ বহিঃসিরা নীত্বা তৈঃ পিত্তাদিভী রূদ্ধগতিঃ সন্ ত্বচং মাংসং চাশ্রযন্ উত্সেধং সংহতং শোফং নাম্না রোগং কুর্য্যাত্ | অতঃ কারণাত্ সর্বশোফো নিচযাত্মকঃ || ১৬ ||
Adhikarana শোফস্য প্রভেদাঃ (১৭) · Śloka ১৭
হেতুবিশেষৈস্তু রূপভেদান্নবাত্মকম্| দোষৈঃ পৃথগ্দ্বযং সর্বৈরভিঘাতাদ্বিষাদপি||১৭||
हेतुविशेषैस्तु रूपभेदान्नवात्मकम्| दोषैः पृथग्द्वयं सर्वैरभिघाताद्विषादपि||१७||
🔊 Audio coming soon
শশিলেক ব্যাখ্যা (ইন্দু কৃত)
এবমুক্তোঽপি স্বলিঙ্গবিশেষবশান্নবাত্মাদোষাদিভেদেন| দোষৈঃ পৃথক্সংসৃষ্টৈঃ সন্নিপতিতৈশ্চেতি সপ্ত| অভিঘাতাদ্বিষাদিতি দ্বৌ||১৭||
Adhikarana শোফস্য দ্বিবিধং, দ্বৈবিধ্যং ত্রৈবিধ্যঞ্চ (১৮) · Śloka ১৮
দ্বিধা বা নিজমাগন্তুং সর্বাঙ্গৈকাঙ্গজঞ্চ তম্| পৃথূন্নতগ্রথিততাবিশেষৈশ্চ ত্রিধা বিদুঃ||১৮||
द्विधा वा निजमागन्तुं सर्वाङ्गैकाङ्गजञ्च तम्| पृथून्नतग्रथितताविशेषैश्च त्रिधा विदुः||१८||
🔊 Audio coming soon
শশিলেক ব্যাখ্যা (ইন্দু কৃত)
অথবা কিং নবাত্মকত্বেন দ্বিধৈবোচ্যতাম্| বাতাদ্যুত্থা নিজাঃ শেষ আগন্তুরিতি| সর্বাঙ্গৈকাঙ্গভেদেনাপরং দ্বৈবিধ্যম্| পৃথ্বাদিবিশেষেণ তস্যৈব ত্রিবিধত্বম্|| ১৮||
Adhikarana শোফস্য নিদানসম্প্রাপ্তিশ্চ (২০) · Śloka ১৯
সামান্যহেতুঃ শোফানাং দোষজানাং বিশেষতঃ| ব্যাধিকর্মোপবাসাদিক্ষীণস্য ভজতো দ্রুতম্| অতিমাত্রমথান্যস্য গুর্বম্লস্নিগ্ধশীতলম্| লবণক্ষারতীক্ষ্ণোষ্ণশাকাম্বুস্বপ্নজাগরম্| মৃদ্গ্রাম্যমাংসবল্লূরমজীর্ণশ্রমমৈথুনম্| পদাতের্মার্গগমনং যানেন ক্ষোভিণাপি বা| শ্বাসকাসাতিসারর্শো জঠরপ্রদরজ্বরাঃ| বিষূচ্যলসকচ্ছর্দিগর্ভবীসর্পপাণ্ডবঃ| অন্যে চ মিথ্যোপক্রান্তাস্তৈর্দোষা বক্ষসি স্থিতাঃ| ঊর্ধ্বং শোফমধো বস্তৌ মধ্যে কুর্বন্তি মধ্যগাঃ| সর্বাঙ্গাঃ সর্বগতং প্রত্যঙ্গেষু তদাশ্রযাঃ||১৯||
सामान्यहेतुः शोफानां दोषजानां विशेषतः| व्याधिकर्मोपवासादिक्षीणस्य भजतो द्रुतम्| अतिमात्रमथान्यस्य गुर्वम्लस्निग्धशीतलम्| लवणक्षारतीक्ष्णोष्णशाकाम्बुस्वप्नजागरम्| मृद्ग्राम्यमांसवल्लूरमजीर्णश्रममैथुनम्| पदातेर्मार्गगमनं यानेन क्षोभिणापि वा| श्वासकासातिसारर्शो जठरप्रदरज्वराः| विषूच्यलसकच्छर्दिगर्भवीसर्पपाण्डवः| अन्ये च मिथ्योपक्रान्तास्तैर्दोषा वक्षसि स्थिताः| ऊर्ध्वं शोफमधो बस्तौ मध्ये कुर्वन्ति मध्यगाः| सर्वाङ्गाः सर्वगतं प्रत्यङ्गेषु तदाश्रयाः||१९||
🔊 Audio coming soon
শশিলেক ব্যাখ্যা (ইন্দু কৃত)
তত্র দোষজানধিকৃত্যাহ-সামান্যহেতুরিত্যাদি| বাতাদিজানাং শোফানাং হেতুঃ| সামান্যঃ সাধারণঃ সর্বরোগনিদানাদ্যুক্তঃ (অ. সং. নি. - ২৬-৩০)| ব্যাধীত্যাদি| তেষাং বিশেষতোঽতিশযেন হেতুঃ| ব্যাধিভিঃ ক্ষীণস্য দ্রুতং ঝটিতি গুর্বাদি ভজতঃ| ব্যাধিক্ষীণাদিমত্ত্বং বিনৈবান্যস্যাঽতিমাত্রং মাত্রাধিক্যেন গুর্বাদিকং ভজতঃ| স্বপ্নজাগরণকাল ইত্যর্থাত্| বল্লূরং শুষ্কমাংসম্| অজীর্ণে অধ্বাদিনা শ্রমঃ| অজীর্ণ এব চ মৈথুনম্| প্রদরোঽতিরজঃ| শ্বাসাদযোঽন্যে চ রোগা মিথ্যোপক্রা ন্তাস্তৈর্হেতুভিঃ দুষ্টাঃ| বক্ষসি স্থিতাঃ শরীরস্য পূর্বভাগে শোফং কুর্বন্তি ইতি সম্বন্ধঃ| বস্তৌ স্থিতা অধঃ শোফং কুর্বন্তি| সুবোধম্| তদিত্যঙ্গপরামর্শঃ||২০||
Adhikarana শোফপূর্বরূপম্ (২০) · Śloka ২০
তত্পূর্বরূপং দবথুঃ সিরাযামোঽঙ্গগৌরবম্||২০||
तत्पूर्वरूपं दवथुः सिरायामोऽङ्गगौरवम्||२०||
🔊 Audio coming soon
শশিলেক ব্যাখ্যা (ইন্দু কৃত)
দবথ্যাদি সর্বশোফেষু পূর্বরূপম্| চক্ষুরাদীন্দ্রিযেষু দাহো দবথুঃ||২০||
Adhikarana বাতজশোফলক্ষণম্ (২১) · Śloka ২১
বাতচ্ছোফশ্চলো রূক্ষঃ খররোমারুণাসিতঃ| সঙ্কোচস্পন্দহর্ষার্ত্তিতোদ ভেদপ্রসুপ্তিমান্| ক্ষিপ্রোত্থানশমঃ শীঘ্রমুন্নমেত্পীডিতস্তনুঃ| স্নিগ্ধোষ্ণমর্দনৈঃ শাম্যেদ্রাত্রাবল্পো দিবা মহান্| ত্বক্চ সর্ষপলিপ্তেব তস্মিংশ্চিমিচিমাযতে||২১||
वातच्छोफश्चलो रूक्षः खररोमारुणासितः| सङ्कोचस्पन्दहर्षार्त्तितोद भेदप्रसुप्तिमान्| क्षिप्रोत्थानशमः शीघ्रमुन्नमेत्पीडितस्तनुः| स्निग्धोष्णमर्दनैः शाम्येद्रात्रावल्पो दिवा महान्| त्वक्च सर्षपलिप्तेव तस्मिंश्चिमिचिमायते||२१||
🔊 Audio coming soon
শশিলেক ব্যাখ্যা (ইন্দু কৃত)
বাতাদিত্যাদিনাক্রমেণ নবানাং শোফানাং লক্ষণমুচ্যতে| চলত্বাদিরূপো বাতাত্|| ২১||
Adhikarana পিত্তজশোফলক্ষণম্ (২২) · Śloka ২২
পীতরক্তাসিতাভাসঃ পিত্তাদাতাম্ররোকৃত্| শীঘ্রানুসারপ্রশমো মধ্যে প্রাগ্গ্জাযতে তনোঃ| সতৃড্দাহজ্বরস্বেদদবক্লেদমদভ্রমঃ| শীতাভিলাষী বিড্ভেদী গন্ধী স্পর্শাসহো মৃদুঃ||২২||
पीतरक्तासिताभासः पित्तादाताम्ररोकृत्| शीघ्रानुसारप्रशमो मध्ये प्राग्ग्जायते तनोः| सतृड्दाहज्वरस्वेददवक्लेदमदभ्रमः| शीताभिलाषी विड्भेदी गन्धी स्पर्शासहो मृदुः||२२||
🔊 Audio coming soon
শশিলেক ব্যাখ্যা (ইন্দু কৃত)
পীতেত্যাদিপিত্তাত্|| ২২||
Adhikarana কফজশোফলক্ষণম্ (২৩) · Śloka ২৩
কণ্ডূমান্ পাণ্ডুরোমত্বক্ কঠিনঃ শীতলো গুরুঃ| স্নিগ্ধঃ শ্লক্ষ্ণঃ স্থিরঃ স্ত্যানো নিদ্রাচ্ছর্দ্যগ্নিসাদকৃত্| আক্রান্তো নোন্নমেকৃচ্ছ্রশমজন্মা নিশাবলঃ| স্রবেন্নাসৃক্ক্চরাত্পিচ্ছাং কুশশস্ত্রাদিবিক্ষতঃ| স্পর্শোষ্ণকাংক্ষী চ কফাত্ ||২৩||
कण्डूमान् पाण्डुरोमत्वक् कठिनः शीतलो गुरुः| स्निग्धः श्लक्ष्णः स्थिरः स्त्यानो निद्राच्छर्द्यग्निसादकृत्| आक्रान्तो नोन्नमेकृच्छ्रशमजन्मा निशाबलः| स्रवेन्नासृक्क्चरात्पिच्छां कुशशस्त्रादिविक्षतः| स्पर्शोष्णकांक्षी च कफात् ||२३||
🔊 Audio coming soon
শশিলেক ব্যাখ্যা (ইন্দু কৃত)
কণ্ডূমানিত্যাদিকফাত্| স্ত্যানো ঘনীভূতঃ| আক্রান্তঃ করপীডিতঃ| কুশাদিক্ষতঃ সংশ্চিরাত্ পিচ্ছাং স্রবেত্|| ২৩||
Adhikarana সংসর্গসন্নিপাতশোফাঃ (২৪) · Śloka ২৪
যথাস্বং দ্বন্দ্বজাস্ত্রযঃ| সঙ্করাদ্ধেতুলিঙ্গানাং নিচযান্নিচযাত্মকঃ||২৪||
यथास्वं द्वन्द्वजास्त्रयः| सङ्कराद्धेतुलिङ्गानां निचयान्निचयात्मकः||२४||
🔊 Audio coming soon
শশিলেক ব্যাখ্যা (ইন্দু কৃত)
ত্রযঃ সংসর্গাত্| যথাস্বং হেতুনা সঙ্করাদ্যথাস্বং লিঙ্গসঙ্করাচ্চ| সন্নিপাতজঃ শোফো হেতুলিঙ্গানাং নিচযাদ্ভবতি|| ২৪||
Adhikarana অভিঘাতজশোফলক্ষণম্ (২৫) · Śloka ২৫
অভিঘাতেন শস্ত্রাদিচ্ছেদভেদক্ষতাদিভিঃ| হিমানিলোদধ্যনিলৈর্ভল্লাতকপিকচ্ছুজৈঃ| রসৈশ্শূকৈশ্চ সংস্পর্শাচ্ছবথুঃ স্যাদ্বিসর্পবান্| ভৃশোষ্মা লোহিতাভাসঃ প্রাযশঃ পিত্তলক্ষণঃ||২৫||
अभिघातेन शस्त्रादिच्छेदभेदक्षतादिभिः| हिमानिलोदध्यनिलैर्भल्लातकपिकच्छुजैः| रसैश्शूकैश्च संस्पर्शाच्छवथुः स्याद्विसर्पवान्| भृशोष्मा लोहिताभासः प्रायशः पित्तलक्षणः||२५||
🔊 Audio coming soon
শশিলেক ব্যাখ্যা (ইন্দু কৃত)
শস্ত্রাদিক্ষতাদ্ধিমাদিভিশ্চ যঃ শোফঃ সোঽভিঘাতেন বিদ্যাত্|
Adhikarana বিষজশোফলক্ষণম্ (২৬) · Śloka ২৬
বিষজঃ সবিষপ্রাণিপরিসর্পণমূত্রণাত্| দংষ্ট্রাদন্তনখাপাতাদিবিষপ্রাণিনামপি| বিণ্মূত্রশুক্রোপহতমলবদ্বস্ত্রসঙ্করাত্| বিষবৃক্ষানিলস্পর্শাদ্গরযোগাবচূর্ণনাত্| বিষজ ইত্যাদিনা নবমশোফলক্ষণম্| বিষপ্রাণিনঃ সর্পাদযঃ| পরিসর্পণং গমনম্| অবিষপ্রাণিনামপি দংষ্ট্রাদিপাতাত্| দংষ্ট্রা সূকরাদীনাম্| দন্তনখপুরুষাদীনামপি সুবোধম্| গরো বক্ষ্য মৃদুশ্চলোঽবলম্বী চ শীগ্রদাহরুজাকরঃ||২৬||
विषजः सविषप्राणिपरिसर्पणमूत्रणात्| दंष्ट्रादन्तनखापातादिविषप्राणिनामपि| विण्मूत्रशुक्रोपहतमलवद्वस्त्रसङ्करात्| विषवृक्षानिलस्पर्शाद्गरयोगावचूर्णनात्| विषज इत्यादिना नवमशोफलक्षणम्| विषप्राणिनः सर्पादयः| परिसर्पणं गमनम्| अविषप्राणिनामपि दंष्ट्रादिपातात्| दंष्ट्रा सूकरादीनाम्| दन्तनखपुरुषादीनामपि सुबोधम्| गरो वक्ष्य मृदुश्चलोऽवलम्बी च शीग्रदाहरुजाकरः||२६||
🔊 Audio coming soon
শশিলেক ব্যাখ্যা (ইন্দু কৃত)
বিষজ ইত্যাদিনা নবমশোফলক্ষণম্| বিষপ্রাণিনঃ সর্পাদযঃ| পরিসর্পণং গমনম্| অবিষপ্রাণিনামপি সুবোধম্| গরো বক্ষ্যমাণলক্ষণঃ(উ. অ. - ৪০)| মৃদুরিত্যাদি নবমশোফলক্ষণম্||২৬||
Adhikarana শোফানাং সাধ্যাঽসাধ্যত্বম্ (২৭) · Śloka ২৭
নবোঽনুপদ্রবঃ শোফঃ সাধ্যোঽসাধ্যঃ পুরেরিতঃ||২৭||
नवोऽनुपद्रवः शोफः साध्योऽसाध्यः पुरेरितः||२७||
🔊 Audio coming soon
শশিলেক ব্যাখ্যা (ইন্দু কৃত)
নবৈত্যাদিনা সাধ্যশোফলক্ষণম্| অসাধ্যস্তু পুরা বিকৃতব্যাধিবিজ্ঞানীযে (অ. সং. শা. - ৭১১-৭১২) ঈরিতঃ উক্তঃ| 'অনেকোপদ্রবযুত' ইত্যাদিনা| ইত্যুক্তঃ শোফঃ|| ২৭||
Adhikarana বিসর্পনিদানম্, অতিদেশেন বিসর্পস্য নিদানং, সম্প্রাপ্তিশ্চ (২৮) · Śloka ২৮
স্যাদ্বিসর্পোঽভিঘাতান্তৈর্দোষৈর্দূষ্যৈশ্চ শোফবত্||২৮||
स्याद्विसर्पोऽभिघातान्तैर्दोषैर्दूष्यैश्च शोफवत्||२८||
🔊 Audio coming soon
শশিলেক ব্যাখ্যা (ইন্দু কৃত)
অনন্তরং বিসর্প উচ্যতে| বিষবর্জ্যং হেতুং দূষ্যং চ বিসর্পে শোফবত্|| ২৮||
Adhikarana বিসর্পাণাং ত্র্যাশ্রযত্বং যথোত্তরং দুঃসাধ্যত্বঞ্চ (২৯) · Śloka ২৯
ত্র্যধিষ্ঠানঞ্চ তং প্রাহুর্বাহ্যান্তরুভযাশ্রযাত্| যথোত্তরং চ দুঃসাধাঃ||২৯||
त्र्यधिष्ठानञ्च तं प्राहुर्बाह्यान्तरुभयाश्रयात्| यथोत्तरं च दुःसाधाः||२९||
🔊 Audio coming soon
শশিলেক ব্যাখ্যা (ইন্দু কৃত)
তঞ্চ বিসর্পং ত্র্যধিষ্ঠানঞ্চ প্রাহুর্মুনয ইতি শেষঃ| কশ্চিত্ বাহ্যাশ্রযঃ| কশ্চিচ্চান্তরাশ্রযঃ| বাহ্যান্দান্তরো দুস্সাধঃ| তত্ উভযাশ্রয ইতি যথোত্তরার্থঃ|| ২৯||
Adhikarana বিসর্পনিদানাদি (৩০) · Śloka ৩০
তত্র দোষা যথাযথম্| প্রকোপনৈঃ প্রকুপিতা বিশেষেণ বিদাহিভিঃ| দেহে শীঘ্রং বিসর্পন্তি তেঽন্তরন্তঃস্থিতা বহিঃ| বহিঃস্থা দ্বিতযে দ্বিস্থাঃ ||৩০||
तत्र दोषा यथायथम्| प्रकोपनैः प्रकुपिता विशेषेण विदाहिभिः| देहे शीघ्रं विसर्पन्ति तेऽन्तरन्तःस्थिता बहिः| बहिःस्था द्वितये द्विस्थाः ||३०||
🔊 Audio coming soon
শশিলেক ব্যাখ্যা (ইন্দু কৃত)
বিদাহিভিঃ বিদাহিসংযুক্তৈঃ| স্বহেতুভিঃ প্রকুপিতা দেহে বিসর্পন্তি|| ৩০||
Adhikarana অন্তর্বহিরাশ্রযবিসর্পলক্ষণম্ (৩১) · Śloka ৩১
বিদ্যাত্তত্রান্তরাশ্রযম্| মর্মোপতাপাত্সম্মোহাদযনানাং বিঘট্টনাত্| তৃষ্ণাতিযোগাদ্বেগানাং বিষমঞ্চ প্রবর্ত্তনাত্| আশু চাগ্নিলভ্রংশাদতো বাহ্যং বিপর্য্যযাত্||৩১||
विद्यात्तत्रान्तराश्रयम्| मर्मोपतापात्सम्मोहादयनानां विघट्टनात्| तृष्णातियोगाद्वेगानां विषमञ्च प्रवर्त्तनात्| आशु चाग्निलभ्रंशादतो बाह्यं विपर्य्ययात्||३१||
🔊 Audio coming soon
শশিলেক ব্যাখ্যা (ইন্দু কৃত)
বিদ্যাদিত্যাদিনান্তর্বহির্ভেদলিঙ্গমাহ| মর্মোপতাপাদ্যান্তরবিসর্পলক্ষণম্| মর্মণাং হৃদযাদীনামুপতাপস্তথোক্তঃ| মোহ এব সম্মোহঃ| অযনানি স্রোতাংসি তেষাং বিঘট্টনাত্ পীডনাদাঽঽন্তরং বিসর্পং বিদ্যাদিতি সম্বন্ধঃ| আন্তরলিঙ্গবিপর্যযাত্ বাহ্যং বিদ্যাত্||৩১||
Adhikarana বাতবিসর্পলক্ষণম্ (৩২) · Śloka ৩২
তত্র বাতাত্ পরীসর্পো বাতজ্বরসমব্যথঃ| শোফস্ফুরণনিস্তোদভেদাঽঽযামার্ত্তিহর্ষবান্||৩২||
तत्र वातात् परीसर्पो वातज्वरसमव्यथः| शोफस्फुरणनिस्तोदभेदाऽऽयामार्त्तिहर्षवान्||३२||
🔊 Audio coming soon
শশিলেক ব্যাখ্যা (ইন্দু কৃত)
তত্রেত্যাদিনা বাতাদিক্রমেণাষ্টানাং বিসর্পাণাং লক্ষণমুচ্যতে| সুবোধম্|| ৩২||
Adhikarana পিত্তবিসর্পলক্ষণম্ (৩৩) · Śloka ৩৩
পিত্তাদ্ দ্রুতগতিঃ পিত্তজ্বরলিঙ্গোঽতিলোহিতঃ|৩৩|
पित्ताद् द्रुतगतिः पित्तज्वरलिङ्गोऽतिलोहितः|३३|
🔊 Audio coming soon
শশিলেক ব্যাখ্যা (ইন্দু কৃত)
০০
Adhikarana কফজবিসর্পলক্ষণম্ (৩৩) · Śloka ৩৩
কফাত্কণ্ডূযুতঃ স্নিগ্ধঃ কফজ্বরসমানরুক্|৩৩|
कफात्कण्डूयुतः स्निग्धः कफज्वरसमानरुक्|३३|
🔊 Audio coming soon
শশিলেক ব্যাখ্যা (ইন্দু কৃত)
০০
Adhikarana বিসর্পস্যোপেক্ষাযাং স্ফোটসম্ভবঃ (৩৩) · Śloka ৩৩
স্বদোষলিঙ্গৈশ্চীযন্তে সর্বে স্ফোটৈরুপেক্ষিতাঃ| তে পক্বভিন্নাঃ স্বং-স্বঞ্চ বিভ্রতি ব্রণলক্ষণম্||৩৩||
स्वदोषलिङ्गैश्चीयन्ते सर्वे स्फोटैरुपेक्षिताः| ते पक्वभिन्नाः स्वं-स्वञ्च विभ्रति व्रणलक्षणम्||३३||
🔊 Audio coming soon
শশিলেক ব্যাখ্যা (ইন্দু কৃত)
সর্বে বাতাদিবিসর্পা উপেক্ষিতাঃ সন্তঃ স্বকারণদোষলক্ষণৈঃ স্ফোটৈশ্চীযন্তে| তে চ স্ফোটাঃ পূর্বং পক্বাঃ পশ্চাত্ ভিন্নাঃ স্বংস্বং বাতাদিব্রণলক্ষণং বিভ্রতি (অ. সং. উ. অ. - ২৯)| বাত স্ফোটা বাতব্রণলক্ষণম্| এবমন্যযোরপি বাচ্যম্|| ৩৩||
Adhikarana অগ্নিবিসর্পনিদানাদি (৩৪) · Śloka ৩৪
বাতপিত্তাজ্জ্বরচ্ছর্দিমূর্চ্ছাতীসারতৃড্ভ্রমৈঃ| অস্থিভেদাগ্নিসদনতমকাঽরোচকৈর্যুতঃ| করোতি সর্বমঙ্গঞ্চ দীপ্তাঙ্গারাবকীর্ণবত্| যং যং দেশং বিসর্পশ্চ বিসর্পতি ভবেত্স সঃ| শান্তাঙ্গারাসিতো নীলো রক্তো বাঽঽশু চ চীযতে| অগ্নিদগ্ধ ইব স্ফোটৈঃ শীঘ্রগত্বাদ্ দ্রুতঞ্চ সঃ| মর্মানুসারী বীসর্পঃ স্যাদ্বাতোঽতিবলস্ততঃ| ব্যথেতাঙ্গং হরেত্সংজ্ঞা নিদ্রাঞ্চ শ্বাসমীরযেত্| হিধ্মাঞ্চ স গতোঽবস্থামীদৃশীং লভতে ন না| ক্বচিচ্ছর্মারতিগ্রস্তো ভূমিশয্যাসনাদিষু| চেষ্টমানস্ততঃ ক্লিষ্টো মনোদেহশ্রমোদ্ভবাম্| দুষ্প্রবোধোঽশ্নুতে নিদ্রাং সোঽগ্নিবীসর্প উচ্যতে||৩৪||
वातपित्ताज्ज्वरच्छर्दिमूर्च्छातीसारतृड्भ्रमैः| अस्थिभेदाग्निसदनतमकाऽरोचकैर्युतः| करोति सर्वमङ्गञ्च दीप्ताङ्गारावकीर्णवत्| यं यं देशं विसर्पश्च विसर्पति भवेत्स सः| शान्ताङ्गारासितो नीलो रक्तो वाऽऽशु च चीयते| अग्निदग्ध इव स्फोटैः शीघ्रगत्वाद् द्रुतञ्च सः| मर्मानुसारी वीसर्पः स्याद्वातोऽतिबलस्ततः| व्यथेताङ्गं हरेत्संज्ञा निद्राञ्च श्वासमीरयेत्| हिध्माञ्च स गतोऽवस्थामीदृशीं लभते न ना| क्वचिच्छर्मारतिग्रस्तो भूमिशय्यासनादिषु| चेष्टमानस्ततः क्लिष्टो मनोदेहश्रमोद्भवाम्| दुष्प्रबोधोऽश्नुते निद्रां सोऽग्निवीसर्प उच्यते||३४||
🔊 Audio coming soon
শশিলেক ব্যাখ্যা (ইন্দু কৃত)
বাতপিত্তাদগ্নিবীসর্পো ভবতি| জ্বরাদিভির্যুতঃ সর্বঞ্চ শরীরং দীপ্তৈরঙ্গারৈরবকীর্ণমিব করোতি| স চ বিসর্পো যং যং দেহদেশং বিসর্পতি স স দেশঃ বান্তাঙ্গারবত্ কৃষ্ণো নীলো বা রক্তো বা ভবতি| স চ বিসর্পোঽগ্নিদগ্ধবত্স্ফোটৈশ্চীযতে| বাতপিত্তকারণাত্বেন শীঘ্রগত্বাত্ ঝটিতি মর্মাণি হৃদযাদীন্যনুসরতি| ততো মর্মানুসরণাদূর্ধ্বমতিবলো বাতোঽঙ্গব্যথাদিকং কুর্যাত্| স না পুরুষ ইদৃশীমবস্থাং গতোঽরতিগ্রস্ততযা ভূম্যাদিষু ন ক্বছিচ্ছর্ম সুখং লভতে| তথা চেষ্টমানঃ ক্লিষ্টঃ সন্ মনোদেহশ্রমোদ্ভবাং নিদ্রামশ্নুতে যদা তদা দুষ্প্রবোধো ভবতি| স নাম্নাঽগ্নিবীসর্পঃ||৩৪||
Adhikarana গ্রন্থিবিসর্পনিদানাদি (৩৫) · Śloka ৩৫
কফেন রুদ্ধঃ পবনো ভিত্বা তং বহুধা কফম্| রক্তং বা বৃদ্ধরক্তস্য ত্বক্সিরাস্নাবমাংসগম্| দূষযিত্বা চ দীর্ঘাণুবৃত্তস্থূলখরাত্মনাম্| গ্রন্থীনাং কুরুতে মালাং রক্তানাং তীব্ররুগ্জ্বরাম্| শ্বাসকাসাতিসারাস্যশোষহিধ্মাবমিভ্রমৈঃ| মোহবৈবর্ণ্যমূর্চ্ছাঙ্গভঙ্গাঽগ্নিসদনৈর্যুতাম্| ইত্যযং গ্রন্থিবীসর্পঃ কফমারুতকোপজঃ||৩৫||
कफेन रुद्धः पवनो भित्वा तं बहुधा कफम्| रक्तं वा वृद्धरक्तस्य त्वक्सिरास्नावमांसगम्| दूषयित्वा च दीर्घाणुवृत्तस्थूलखरात्मनाम्| ग्रन्थीनां कुरुते मालां रक्तानां तीव्ररुग्ज्वराम्| श्वासकासातिसारास्यशोषहिध्मावमिभ्रमैः| मोहवैवर्ण्यमूर्च्छाङ्गभङ्गाऽग्निसदनैर्युताम्| इत्ययं ग्रन्थिवीसर्पः कफमारुतकोपजः||३५||
🔊 Audio coming soon
শশিলেক ব্যাখ্যা (ইন্দু কৃত)
বাতকফাত্ গ্রন্থিবীসর্পো ভবতি| তস্যৈব কফেনেত্যাদিনা সম্প্রাপ্তির্লক্ষণং চোচ্যতে| তং কফং বহুধা ভিত্বা বা বৃদ্ধরক্তস্য পুরুষস্য পবনো রক্তং খণ্ডশঃ কৃত্বা বা গ্রন্থীনাং মালাং কুরুতে| উভযথাপি শ্বাসাদিযুতাম্| কিম্ভূতং রক্তমাঽঽহ| ত্বগাদিগং দূষযিত্ব চেত্যর্থাত্ ত্বগাদীনেব|| ৩৫||
Adhikarana কর্দমবিসর্পনিদানাদি (৩৬) · Śloka ৩৬
কফপিত্তাজ্জ্বরঃ স্তম্ভো তন্দ্রানিদ্রাশিরোরুজঃ| অঙ্গাবসাদবিক্ষেপপ্রলাপাঽরোচকভ্রমাঃ| মূর্চ্ছাগ্নিহানির্ভেদোঽস্থ্নাং পিপাসেন্দ্রিযগৌরবম্| আমোপবেশনং লেপঃ স্রোতসাং স চ সর্পতি| প্রাযেণামাশযে গৃহ্ণন্নেকদেশং ন চাতিরুক্| পিটকৈরবকীর্ণোঽতিপীতলোহিতপাণ্ডুরৈঃ| মেচকাভোঽসিতঃ স্নিগ্ধো মলিনঃ শোফবান্গুরুঃ| গম্ভীরপাকঃ প্রাজ্যোষ্মা স্পৃষ্টঃ ক্লিন্নোঽবদীর্য্যতে| পঙ্কবচ্ছীর্ণমাংসশ্চ স্পষ্টস্নাযুসিরাগণঃ| শবগন্ধী চ বীসর্পঃ কর্দমাখ্যমুশন্তি তম্||৩৬||
कफपित्ताज्ज्वरः स्तम्भो तन्द्रानिद्राशिरोरुजः| अङ्गावसादविक्षेपप्रलापाऽरोचकभ्रमाः| मूर्च्छाग्निहानिर्भेदोऽस्थ्नां पिपासेन्द्रियगौरवम्| आमोपवेशनं लेपः स्रोतसां स च सर्पति| प्रायेणामाशये गृह्णन्नेकदेशं न चातिरुक्| पिटकैरवकीर्णोऽतिपीतलोहितपाण्डुरैः| मेचकाभोऽसितः स्निग्धो मलिनः शोफवान्गुरुः| गम्भीरपाकः प्राज्योष्मा स्पृष्टः क्लिन्नोऽवदीर्य्यते| पङ्कवच्छीर्णमांसश्च स्पष्टस्नायुसिरागणः| शवगन्धी च वीसर्पः कर्दमाख्यमुशन्ति तम्||३६||
🔊 Audio coming soon
শশিলেক ব্যাখ্যা (ইন্দু কৃত)
কফপিত্তাত্ জ্বরাদিযুক্তো বিসর্পো ভবতি| তমাচার্যাঃ কর্দমাখ্যমুশন্তি| বিক্ষেপোঽঙ্গানাম্| ইন্দ্রিযাধিষ্ঠানগৌরবমুপচারাদিন্দ্রিযগৌরবম্| স চ বিসর্পঃ প্রাযেণামাশযৈকদেশং গৃহ্ণন্ বিসর্পতি| মেচকঃ কৃষ্ণকপিলঃ| মাংসে শীর্ণে স্পষ্টাঃ স্নায্বাদযো যত্র স তথোক্তঃ|| ৩৬||
Adhikarana সান্নিপাতিকবিসর্পলক্ষণম্ (৩৭) · Śloka ৩৭
সর্বজো লক্ষণৈঃ সর্বৈঃ সর্বধাত্বভিসর্পণঃ||৩৭||
सर्वजो लक्षणैः सर्वैः सर्वधात्वभिसर्पणः||३७||
🔊 Audio coming soon
শশিলেক ব্যাখ্যা (ইন্দু কৃত)
সন্নিপাতজো বিসর্পঃ সর্বধাত্বভিসর্পণো ভবতি|| ৩৭||
Adhikarana অভিঘাতজবিসর্পস্য হেতুসম্প্রাপ্তিলক্ষণানি (৩৮) · Śloka ৩৮
বাহ্যহেতোঃ ক্ষতাত্ক্রুদ্ধঃ সরক্তং পিত্তমীরযন্| বিসর্পং মারুতঃ কুর্যাত্কুলত্থসদৃশৈশ্চিতম্| স্ফোটৈঃ শোফজ্বররুজাদাহাঢ্যং শ্যাবলোহিতম্||৩৮||
बाह्यहेतोः क्षतात्क्रुद्धः सरक्तं पित्तमीरयन्| विसर्पं मारुतः कुर्यात्कुलत्थसदृशैश्चितम्| स्फोटैः शोफज्वररुजादाहाढ्यं श्यावलोहितम्||३८||
🔊 Audio coming soon
শশিলেক ব্যাখ্যা (ইন্দু কৃত)
বাহ্যহেতোরিত্যাদিনা অভিঘাতজবিসর্প উচ্যতে| সুবোধম্|
Adhikarana বিসর্পাণাং সাধ্যাসাধ্যত্বম্ (৩৯-১৩) · Śloka ১৩
পৃথগ্দোষৈস্ত্রযঃ সাধ্যা দ্বন্দ্বজাশ্চানুপদ্রবাঃ| অসাধ্যৌ ক্ষতসর্বোত্থৌ সর্বে চাক্রান্তমর্মকাঃ| শীর্ণস্নাযুসিরামাংসা প্রক্লিন্নাঃ শবগন্ধযঃ||৩৯|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতা- বষ্টাঙ্গসংগ্রহসংহিতাযাং নিদানস্থানে পাণ্ডু- কামলা-শোফ-বিসর্পনিদানং নাম ত্রযোদশোঽধ্যাযঃ||১৩||
पृथग्दोषैस्त्रयः साध्या द्वन्द्वजाश्चानुपद्रवाः| असाध्यौ क्षतसर्वोत्थौ सर्वे चाक्रान्तमर्मकाः| शीर्णस्नायुसिरामांसा प्रक्लिन्नाः शवगन्धयः||३९|| इति वैद्यपतिसिंहगुप्तस्य सूनोर्वाग्भटस्य कृता- वष्टाङ्गसंग्रहसंहितायां निदानस्थाने पाण्डु- कामला-शोफ-विसर्पनिदानं नाम त्रयोदशोऽध्यायः||१३||
🔊 Audio coming soon
শশিলেক ব্যাখ্যা (ইন্দু কৃত)
পৃথগিত্যাদি সাধ্যাসাধ্যবিসর্পলক্ষণম্| পৃথগ্দোষৈর্বাতাদিভিস্ত্রযো বিসর্পাঃ সাধ্যাঃ| দ্বন্দ্বজাঃ সংসর্গজাঃ অনুপদ্রবাঃ সন্তঃ সাধ্যাঃ| উপদ্রবাঃ শারীরোক্তাঃ কার্শ্য(কাস)বৈবর্ণ্যাদযঃ (অ. সং. শা.-৭১৪)| ক্ষতজঃ সন্নিপাতজশ্চাসাধ্যঃ| সর্বে চ বিসর্পা আক্রান্তমর্মত্বাদিযুতা অসাধ্যা ইতি|| ৪০|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং নিদানস্থানে ত্রযোদশোঽধ্যাযঃ