Adhikarana নাসারোগপ্রতিষেধাধ্যাযঃ||২০|| সর্বেষু প্রতিশ্যাযেষু স্নেহস্বেদাদিসেবনম্ (২-৫) · Śloka ৫
অধুনা নাসাচিকিত্সাভণনাবসর ইত্যাহ অথাতো নাসারোগপ্রতিষেধং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ|
(গদ্যসূত্রে||২||
) সর্বেষু পীনসেষ্বাদৌ নিবাতাগারগো ভজেত্|
স্নেহনস্বেদবমনধূমগণ্ডূষধারণম্||১||
বাসো গুরূষ্ণং শিরসঃ সুঘনং পরিবেষ্টনম্|
লঘ্বম্ললবণং স্নিগ্ধমুষ্ণং ভোজনমদ্রবম্||২||
ধন্বমাংসগুডক্ষীরচণকত্রিকটূত্কটম্|
যবগোধূমভূযিষ্ঠং দধিদাডিমসারিকম্||৩||
বালমূলকজো যূষঃ কুলত্থোত্থশ্চ পূজিতঃ|
কবোষ্ণং দশমূলাম্বু জীর্ণাং বা বারুণীং পিবেত্||৪||
জিঘ্রেচ্চোরকতর্কারীবচাজাজ্যুপকুঞ্চিকাঃ|
|৫|
View original
अधुना नासाचिकित्साभणनावसर इत्याह अथातो नासारोगप्रतिषेधं व्याख्यास्यामः|
इति ह स्माहुरात्रेयादयो महर्षयः|
(गद्यसूत्रे||२||
) सर्वेषु पीनसेष्वादौ निवातागारगो भजेत्|
स्नेहनस्वेदवमनधूमगण्डूषधारणम्||१||
वासो गुरूष्णं शिरसः सुघनं परिवेष्टनम्|
लघ्वम्ललवणं स्निग्धमुष्णं भोजनमद्रवम्||२||
धन्वमांसगुडक्षीरचणकत्रिकटूत्कटम्|
यवगोधूमभूयिष्ठं दधिदाडिमसारिकम्||३||
बालमूलकजो यूषः कुलत्थोत्थश्च पूजितः|
कवोष्णं दशमूलाम्बु जीर्णां वा वारुणीं पिबेत्||४||
जिघ्रेच्चोरकतर्कारीवचाजाज्युपकुञ्चिकाः|
|५|
Show commentary
সর্বাঙ্গসুন্দরী ব্যাখ্যা ( কৃত)
স০-পীনসেষ্বখিলেষ্বপি নিবাতবেশ্মস্থিতঃ সন্ স্নেহনস্বেদনবমনধূমান্ গণ্ডূষধারণং চ সেবেত্| তথা বস্ত্রং গুরূষ্ণস্বভাবং কৌশেযাবিকাদিভির্মূর্ধ্নঃ পরিবেষ্টনং সুঘনং ভজেত্| তথা ভোজনং লঘ্বাদিগুণং ভজেত্| দাডিমং শ্রেষ্ঠং-দাডিমসারম্| দধিদাডিমসাধিতমিতি কেচিত্ পঠন্তি| বালমূলকোত্থো যূষঃ কুলত্থজশ্চ যূষঃ পূজিতঃ| দশমূলাম্বু কোষ্ণং প্রসন্নাং বা জীর্ণাং-পুরাণাং, পিবেত্| স০-চোরকাদীন্ জিঘ্রেত্|
Adhikarana সর্বেষু প্রতিশ্যাযেষু ব্যোষাদিবটকঃ (৫-৭) · Śloka ৭
|
ব্যোষতালীসচবিকাতিন্তিডীকাম্লবেতসম্||৫||
সাগ্ন্যজাজি দ্বিপলিকং ত্বগেলাপত্রপাদিকম্|
জীর্ণাদ্গুডাত্তুলার্ধেন পক্বেন বটকীকৃতম্||৬||
পীনসশ্বাসকাসঘ্নং রুচিস্বরকরং পরম্|
|৭|
View original
|
व्योषतालीसचविकातिन्तिडीकाम्लवेतसम्||५||
साग्न्यजाजि द्विपलिकं त्वगेलापत्रपादिकम्|
जीर्णाद्गुडात्तुलार्धेन पक्वेन वटकीकृतम्||६||
पीनसश्वासकासघ्नं रुचिस्वरकरं परम्|
|७|
Show commentary
সর্বাঙ্গসুন্দরী ব্যাখ্যা ( কৃত)
স০-ব্যোষাদিকং পৃথক্ দ্বিপলদধ্নং, ত্বগাদিকং দ্বিকার্ষিকং, পুরাণগুডেন পঞ্চাশত্পলপ্রমাণেন পক্বেন বটকীকৃতমেতত্ পীনসাদিহৃত্ পরং রুচ্যাদিকৃত্|
Adhikarana সর্বেষু প্রতিশ্যাযেষু শতাহ্বাদিধূমঃ সর্বেষু প্রতিশ্যাযেষু সঘৃতসক্তুধূমঃ (৭-৮) · Śloka ৮
|
শতাহ্বাত্বগ্ঽঽবলা মূলং স্যোনাকৈরণ্ডবিল্বজম্||৭||
সারগ্বধং পিবেদ্ধূমং বসাজ্যমদনান্বিতম্|
অথবা সঘৃতান্ সক্তূন্ কৃত্বা মল্লকসম্পুটে||৮||
View original
|
शताह्वात्वग्ऽऽबला मूलं स्योनाकैरण्डबिल्वजम्||७||
सारग्वधं पिबेद्धूमं वसाज्यमदनान्वितम्|
अथवा सघृतान् सक्तून् कृत्वा मल्लकसम्पुटे||८||
Show commentary
সর্বাঙ্গসুন্দরী ব্যাখ্যা ( কৃত)
স০-শতাহ্বাদিকং বসাদিযুতং ধূমং পিবেত্| মল্লকসম্পুটে বা সক্তূন্ সসর্পিষ্কান্ কৃত্বা ধূমং পিবেত্|
Adhikarana সর্বেষু প্রতিশ্যাযেষু স্নানাদিবর্জনম্ (৯) · Śloka ৯
ত্যজেত্স্নানং শুচং ক্রোধং ভৃশং শয্যাং হিমং জলম্|
|৯|
View original
त्यजेत्स्नानं शुचं क्रोधं भृशं शय्यां हिमं जलम्|
|९|
Show commentary
সর্বাঙ্গসুন্দরী ব্যাখ্যা ( কৃত)
স০-স্নানাদীনি ত্যজেত্|
Adhikarana বাতজে প্রতিশ্যাযে বাতঘ্নাদিসাধিতঘৃতানি বাতজে প্রতিশ্যাযে অর্দিতোক্তং স্বেদনস্যাদিকম্ (৯-১০) · Śloka ১০
ইতি সামান্যেন চিকিত্সামভিধায বিশেষেণাহ |
পিবেদ্বাতপ্রতিশ্যাযে সর্পির্বাতঘ্নসাধিতম্||৯||
পটুপঞ্চকসিদ্ধং বা বিদার্যাদিগণেন বা|
স্বেদনস্যাদিকাং কুর্যাত্ চিকিত্সামর্দিতোদিতাম্||১০||
View original
इति सामान्येन चिकित्सामभिधाय विशेषेणाह |
पिबेद्वातप्रतिश्याये सर्पिर्वातघ्नसाधितम्||९||
पटुपञ्चकसिद्धं वा विदार्यादिगणेन वा|
स्वेदनस्यादिकां कुर्यात् चिकित्सामर्दितोदिताम्||१०||
Show commentary
সর্বাঙ্গসুন্দরী ব্যাখ্যা ( কৃত)
স০-বাতপ্রতিশ্যাযে বাতঘ্নৈঃ-রাস্নাদিভিঃ, সাধিতং ঘৃতং পিবেত্| সৈন্ধবাদিভিঃ পঞ্চভির্লবণৈর্বা সিদ্ধং, 'বিদারিপঞ্চাঙ্গুল' (হৃ. সূ. অ. ১৫|৯) ইত্যাদিনা বা সিদ্ধং ঘৃতং পিবেত্| তথা, অর্দিতোক্তাং চিকিত্সাং স্বেদাদিকাং কুর্যাত্|
Adhikarana পিত্তজে রক্তজে চ স্বেদনস্যাদিকম্ মধুরসাধিতং ঘৃতং শীতপরিষেকাদি চ পিত্তজে রক্তজে চ ধবত্বাদিতৈলেন নাবনম্ (১১-১২) · Śloka ১২
পিত্তরক্তোত্থযোঃ পেযং সর্পির্মধুরকৈঃ শৃতম্|
পরিষেকান্ প্রদেহাংশ্চ শীতৈঃ কুর্বীত শীতলান্||১১||
ধবত্বক্ঽঽত্রিফলাশ্যামাশ্রীপর্ণীযষ্টিতিল্বকৈঃ|
ক্ষীরে দশগুণে তৈলং নাবনং সনিশৈঃ পচেত্||১২||
View original
पित्तरक्तोत्थयोः पेयं सर्पिर्मधुरकैः शृतम्|
परिषेकान् प्रदेहांश्च शीतैः कुर्वीत शीतलान्||११||
धवत्वक्ऽऽत्रिफलाश्यामाश्रीपर्णीयष्टितिल्वकैः|
क्षीरे दशगुणे तैलं नावनं सनिशैः पचेत्||१२||
Show commentary
সর্বাঙ্গসুন্দরী ব্যাখ্যা ( কৃত)
স০-পিত্তোত্থে রক্তজে চ প্রতিশ্যাযে মধুরদ্রব্যৈঃ শৃতং সর্পিঃ পাতব্যম্| পরিষেকাদীন্ শীতবীর্যৈঃ শীতলান্ কুর্যাত্| ধবত্বগাদিভিস্তৈলং ক্ষীরে দশগুণে হরিদ্রান্বিতৈর্নাবনং পচেত্|
Adhikarana কফজে ধবত্বাদিতৈলেন লঙ্ঘনলেপনাদি কফজে ধবত্বাদিতৈলেন পটুব্যোষাদিনা নাবনম্ সর্বজে ধবত্বাদিতৈলেন কটুতীক্ষ্ণৈর্ঘৃতৈর্নস্যাদীনি (১৩-১৪) · Śloka ১৪
কফজে লঙ্ঘনং লেপঃ শিরসো গৌরসর্ষপৈঃ|
সক্ষারং বা ঘৃতং পীত্বা বমেত্, পিষ্টৈস্তু নাবনম্||১৩||
বস্তাম্বুনা পটুব্যোষবেল্লবত্সকজীরকৈঃ|
কটুতীক্ষ্ণৈর্ঘৃতৈর্নস্যৈঃ কবলৈঃ সর্বজং জযেত্||১৪||
View original
कफजे लङ्घनं लेपः शिरसो गौरसर्षपैः|
सक्षारं वा घृतं पीत्वा वमेत्, पिष्टैस्तु नावनम्||१३||
बस्ताम्बुना पटुव्योषवेल्लवत्सकजीरकैः|
कटुतीक्ष्णैर्घृतैर्नस्यैः कवलैः सर्वजं जयेत्||१४||
Show commentary
সর্বাঙ্গসুন্দরী ব্যাখ্যা ( কৃত)
স০-কফজে লঙ্ঘনং হিতম্| তথা শিরসো গৌরসর্ষপৈর্লেপঃ| ঘৃতং সযবক্ষারং পীত্বা বমেত্| ছাগমূত্রেণ চ পিষ্টৈঃ সৈন্ধবাদিভির্নস্যং হিতম্| ঘৃতৈঃ কটুতীক্ষ্ণৈর্নস্যৈঃ কবলৈশ্চ সান্নিপাতিকং প্রতিশ্যাযং জযেত্|
Adhikarana দুষ্টপ্র্তিশ্যাযে যক্ষ্মকৃমিক্রমঃ দুষ্টপ্র্তিশ্যাযে ব্যোষাদিবর্তিধূমঃ (১৫-১৭) · Śloka ১৭
যক্ষ্মকৃমিক্রমং কুর্বন্ যাপযেদ্দুষ্টপীনসম্|
ব্যোষোরুবূককৃমিজিদ্দারুমাদ্রীগদেঙ্গুদম্||১৫||
বার্তাকবীজং ত্রিবৃতা সিদ্ধার্থঃ পূতিমত্স্যকঃ|
অগ্নিমন্থস্য পুষ্পাণি পীলুশিগ্রুফলানি চ||১৬||
অশ্ববিড্ঽঽরসমূত্রাভ্যাং হস্তিমূত্রেণ চৈকতঃ|
ক্ষৌমগর্ভাং কৃতাং বর্তিং ধূমং ঘ্রাণাস্যতঃ পিবেত্||১৭||
View original
यक्ष्मकृमिक्रमं कुर्वन् यापयेद्दुष्टपीनसम्|
व्योषोरुबूककृमिजिद्दारुमाद्रीगदेङ्गुदम्||१५||
वार्ताकबीजं त्रिवृता सिद्धार्थः पूतिमत्स्यकः|
अग्निमन्थस्य पुष्पाणि पीलुशिग्रुफलानि च||१६||
अश्वविड्ऽऽरसमूत्राभ्यां हस्तिमूत्रेण चैकतः|
क्षौमगर्भां कृतां वर्तिं धूमं घ्राणास्यतः पिबेत्||१७||
Show commentary
সর্বাঙ্গসুন্দরী ব্যাখ্যা ( কৃত)
স০-দুষ্টপীনসং যাপযেত্, যক্ষ্মহরং কৃমিহরং চ চিকিত্সিতং কুর্বন্| ব্যোষাদিশিগ্রুফলান্তানি তুরগবিড্ঽঽরসমূত্রাভ্যাং হস্তিমূত্রেণ চৈকতঃ পিষ্টানি ক্ষৌমগর্ভাং কৃতাং বর্তিং নাসযা মুখেন চ পিবেত্|
Adhikarana ভৃশক্ষবথৌ পুটকে চ তীক্ষ্ণৈঃ প্রধমনম্ ভৃশক্ষবথৌ পুটকে চ শুণ্ঠ্যাদিসাধিততৈলেন নস্যম্ (১৮-১৯) · Śloka ১৯
ক্ষবথৌ পুটকাখ্যে চ তীক্ষ্ণৈঃ প্রধমনং হিতম্|
শুণ্ঠীকুষ্ঠকণাবেল্লদ্রাক্ষাকল্ককষাযবত্||১৮||
সাধিতং তৈলমাজ্যং বা নস্যং ক্ষবপুটপ্রণুত্|
|১৯|
View original
क्षवथौ पुटकाख्ये च तीक्ष्णैः प्रधमनं हितम्|
शुण्ठीकुष्ठकणावेल्लद्राक्षाकल्ककषायवत्||१८||
साधितं तैलमाज्यं वा नस्यं क्षवपुटप्रणुत्|
|१९|
Show commentary
সর্বাঙ্গসুন্দরী ব্যাখ্যা ( কৃত)
স০-ক্ষবথৌ পুটকাখ্যে চ রোগে তীক্ষ্ণৈঃ প্রধমনং হিতম্| শুণ্ঠ্যাদিকল্কক্বাথবত্ তৈলং ঘৃতং বা সাধিতং নস্যং ক্ষবং পুটং চ হন্তি|
Adhikarana নাসাশোষে বলাতৈলাদি নাসানাহেঽপ্যযং বিধিঃ ঘ্রাণপাকে দীপ্তৌ চ পিত্তঘ্নম্ নাসাস্রাবে তীক্ষ্ণং নস্যাদি (১৯-২০) · Śloka ২০
|
নাসাশোষে বলাতৈলং পানাদৌ ভোজনং রসৈঃ||১৯||
স্নিগ্ধো ধূমস্তথা স্বেদো নাসানাহেঽপ্যযং বিধিঃ|
পাকে দীপ্তৌ চ পিত্তঘ্নং তীক্ষ্ণং নস্যাদি সংস্রুতৌ||২০||
View original
|
नासाशोषे बलातैलं पानादौ भोजनं रसैः||१९||
स्निग्धो धूमस्तथा स्वेदो नासानाहेऽप्ययं विधिः|
पाके दीप्तौ च पित्तघ्नं तीक्ष्णं नस्यादि संस्रुतौ||२०||
Show commentary
সর্বাঙ্গসুন্দরী ব্যাখ্যা ( কৃত)
স০-নাসাশোষে বলাতৈলং পাননস্যাদৌ হিতম্| ভোজনং মাংসরসৈর্হিতম্| তথা স্নিগ্ধো ধূমঃ স্বেদশ্চ হিতঃ| স০-নাসানাহেঽপ্যেষ এব বিধিঃ-চিকিত্সেত্যর্থঃ| স০-নাসাপাকে দীপ্তৌ চ পিত্তঘ্নং চিকিত্সিতম্| সংস্রুতৌ-স্রাবে, তীক্ষ্ণং নস্যাদি হিতম্|
Adhikarana পূতিনাসেঽপীনসে চ কফপীনসবত্ পূতিনাসেঽপীনসে চ লাক্ষাদিভির্নস্যম্ পূতিনাসেঽপীনসে চ কৃতবমনে শিগ্র্বাদিতৈলেন নস্যম্ (২১-২৩) · Śloka ২৩
কফপীনসবত্পূতিনাসাপীনসযোঃ ক্রিযা|
লাক্ষাকরঞ্জমরিচবেল্লহিঙ্গুকণাগুডৈঃ||২১||
অবিমূত্রদ্রুতৈর্নস্যং কারযেদ্বমনে কৃতে|
শিগ্রুসিংহীনিকুম্ভানাং বীজৈঃ সব্যোষসৈন্ধবৈঃ||২২||
সবেল্লসুরসৈস্তৈলং নাবনং পরমং হিতম্|
|২৩|
View original
कफपीनसवत्पूतिनासापीनसयोः क्रिया|
लाक्षाकरञ्जमरिचवेल्लहिङ्गुकणागुडैः||२१||
अविमूत्रद्रुतैर्नस्यं कारयेद्वमने कृते|
शिग्रुसिंहीनिकुम्भानां बीजैः सव्योषसैन्धवैः||२२||
सवेल्लसुरसैस्तैलं नावनं परमं हितम्|
|२३|
Show commentary
সর্বাঙ্গসুন্দরী ব্যাখ্যা ( কৃত)
স০-পূতিনাসাপীনসযোঃ কফপীনসবদুপক্রমঃ| লাক্ষাদিভিরুরভ্রমূত্রদ্রুতৈঃ কৃতে বমনে নস্যং কারযেত্| শিগ্র্বাদীনাং বীজৈর্ব্যোষাদিযুতৈস্তৈলং পক্বং পূতিনাসাপীনসযোর্নস্যং হিতম্|
Adhikarana পূযরক্তে নবে রক্তপীনসবত্ পূযরক্তে অতিপ্রবৃদ্ধে নাডীবত্ (২৩-২৪) · Śloka ২৪
|
পূযরক্তে নবে কুর্যাদ্ রক্তপীনসবত্ ক্রমম্||২৩||
অতিপ্রবৃদ্ধে নাডীবত্|
|২৪|
View original
|
पूयरक्ते नवे कुर्याद् रक्तपीनसवत् क्रमम्||२३||
अतिप्रवृद्धे नाडीवत्|
|२४|
Show commentary
সর্বাঙ্গসুন্দরী ব্যাখ্যা ( কৃত)
স০-পূযরক্তে নবোত্থে রক্তপীনস ইব চিকিত্সিতং কুর্যাত্| অতিপ্রবৃদ্ধে চাস্মিন্নাডীব্রণবদুপক্রমঃ|
Adhikarana অর্শোর্বুদেষু দগ্ধেষু নিকুম্ভাদিবর্তিঃ অর্শোর্বুদেষু শিগ্র্বাদিনস্যম্ (২০) · Śloka ২০
দগ্ধেষ্বর্শোর্বুদেষু চ|
নিকুম্ভকুম্ভসিন্ধূত্থমনোহ্বালকণাগ্নিকৈঃ||২৪||
কল্কিতৈর্ঘৃতমধ্বক্তাং ঘ্রাণে বর্তিং প্রবেশযেত্|
শিগ্র্বাদি নাবনং চাত্র পূতিনাসোদিতং ভজেত্||২৫||
ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে নাসারোগপ্রতিষেধো নাম বিংশোঽধ্যাযঃ||২০||
View original
दग्धेष्वर्शोर्बुदेषु च|
निकुम्भकुम्भसिन्धूत्थमनोह्वालकणाग्निकैः||२४||
कल्कितैर्घृतमध्वक्तां घ्राणे वर्तिं प्रवेशयेत्|
शिग्र्वादि नावनं चात्र पूतिनासोदितं भजेत्||२५||
इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां षष्ठे उत्तरस्थाने नासारोगप्रतिषेधो नाम विंशोऽध्यायः||२०||
Show commentary
সর্বাঙ্গসুন্দরী ব্যাখ্যা ( কৃত)
স০-অর্শোর্বুদেষু চ দগ্ধেষু নিকুম্ভাদিভিঃ কল্কিতৈর্ঘৃতমধ্বক্তাং ঘ্রাণে বর্তিং প্রবেশযেত্| শিগ্র্বাদিকং চ নস্যং পূতিনাসোক্তং ভজেদিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে নাসারোগপ্রতিষেধো নাম বিংশোঽধ্যাযঃ সমাপ্তঃ|| ২০||