২১. মুখরোগবিজ্ঞানীযাধ্যাযঃ

সর্বাঙ্গসুন্দরী ব্যাখ্যা ( কৃত)

স০-মাত্স্যমাহিষবারাহপিশিতাদি ভজতো দন্তধাবনং দ্বিষতঃ-অসেবমানস্য, ধূমাদিকং চোচিতং দ্বিষতঃ, সিরাব্যধং চ দ্বিষতঃ, শ্লেষ্মোল্বণা দোষাঃ কৃদ্ধা মুখস্যান্তরে গদান্ কুর্বন্তি|

সর্বাঙ্গসুন্দরী ব্যাখ্যা ( কৃত)

স০-তেষু মুখরোগেষু মধ্যে পবনাদোষ্ঠো দ্বিধা কৃতঃ খণ্ডৌষ্ঠ ইতি গদিতঃ|

সর্বাঙ্গসুন্দরী ব্যাখ্যা ( কৃত)

স০-পবনাদোষ্ঠকোপে ত্বোষ্ঠৌ স্তব্ধৌ মহারুজৌ দাল্যেতে তথা পরিপাট্যেতে ইব| তথা পরুষৌ কৃষ্ণৌ রূক্ষৌ দৃশ্যেতে|

সর্বাঙ্গসুন্দরী ব্যাখ্যা ( কৃত)

স০-পিত্তেনৌষ্ঠৌ তীক্ষ্ণং ন সহেতে| পীতৌ চ স্যাতাম্| তথা চ সর্ষপাকৃতিভিঃ পিটিকাভিশ্চিতৌ বহুক্লেদৌ শীঘ্রপাকৌ চ|

সর্বাঙ্গসুন্দরী ব্যাখ্যা ( কৃত)

স০-কফেন শীতাসহৌ গুরু শূনৌ সবর্ণৈঃ পিটকৈরাচিতৌ স্যাতাম্|

সর্বাঙ্গসুন্দরী ব্যাখ্যা ( কৃত)

স০-সন্নিপাতাদোষ্ঠৌ নানাবর্ণপিটকৈরাচিতৌ দুর্গন্ধস্রাবপিচ্ছিলৌ সহসৈব ম্লানৌ কদাচিত্সংশূনৌ বিষমপাকিনৌ বা|

সর্বাঙ্গসুন্দরী ব্যাখ্যা ( কৃত)

সং-রক্তেন যুক্তৌ রুধিরং স্রবন্তৌ রক্তপ্রভৌ চ| ক্ষীণে রক্তে খর্জূরাকারমর্বুদমোষ্ঠৌ স্যাত্|

সর্বাঙ্গসুন্দরী ব্যাখ্যা ( কৃত)

স০-মাংসেন মাংসপিণ্ডোপমাবোষ্ঠৌ| ক্রমেণ চ মূর্চ্ছত্কৃমী স্যাতাম্| মূর্চ্ছন্তি কৃমযো যযোরিতি মূর্চ্ছত্কৃমী| তযোঃ কৃমযো জাযন্ত ইত্যর্থঃ|

সর্বাঙ্গসুন্দরী ব্যাখ্যা ( কৃত)

স০-মেদসা তৈলাভঃ শোফঃ ক্লেদশ্চ যযোস্তাবেবম্| তথা কণ্ডূযুতৌ মৃদূ চৌষ্ঠৌ স্যাতাম্| স০-ক্ষতজাবসকৃদবদীর্যেতে পরিপাট্যেতে-ভেদ্যেতে ইব, গ্রথিতৌ চ পুনরোষ্ঠৌ স্যাতাং সকণ্ডূকৌ চ|

সর্বাঙ্গসুন্দরী ব্যাখ্যা ( কৃত)

স০-বাতকফাত্ জলবুদ্বুদাকারং জলার্বুদমোষ্ঠে স্যাত্| ইত্যেকাদশ ওষ্ঠে|

সর্বাঙ্গসুন্দরী ব্যাখ্যা ( কৃত)

স০-স্থিরঃ শোফো গণ্ডপ্রদেশে দাহজ্বরযুতো গণ্ডালজীত্যুচ্যতে| ইত্যেকো গণ্ডে|

সর্বাঙ্গসুন্দরী ব্যাখ্যা ( কৃত)

স০-বাতেন দন্তা উষ্ণসহাঃ শীতস্পর্শেঽধিকব্যথাঃ, শূলেন দাল্যন্ত ইব চ| অসৌ শীতদন্তসংজ্ঞো দালনশ্চোক্তঃ|

সর্বাঙ্গসুন্দরী ব্যাখ্যা ( কৃত)

স০-দন্তহর্ষে প্রচণ্ডবাতস্যাম্লশীতভক্ষস্যা (স্য চা)- সহাঃ, দ্বিজাঃ তথাঽম্লাশনেনেব সরুজাশ্চিলিতা ইব চ স্যুঃ| স০-দন্তভেদে দন্তাস্তোদাদিযুতাঃ স্যুঃ|

সর্বাঙ্গসুন্দরী ব্যাখ্যা ( কৃত)

স০-চালাখ্যো রোগো দন্তৈশ্চ চলদ্ভির্ভক্ষণাদধিকব্যথৈশ্চ স্যাত্| স০-করালানাং দন্তানাং সমুদ্গমঃ করালাখ্যো রোগঃ|

সর্বাঙ্গসুন্দরী ব্যাখ্যা ( কৃত)

স০-অধিকো দন্তোঽধিদন্তসংজ্ঞো রোগঃ| বর্ধনশ্চ স এবোক্তঃ| জাযমানে তস্মিন্ দন্তেঽতিপীডা জাযতে| জাতে তু তস্মিন্ পীডা শাম্যতি|

সর্বাঙ্গসুন্দরী ব্যাখ্যা ( কৃত)

স০-অধাবনাদ্দন্তে মলঃ কফো বা পবনেন শোষিতঃ পূতিগন্ধিঃ স্থিরীভূতঃ| স এবোপেক্ষিতঃ শর্করা স্যাত্|

সর্বাঙ্গসুন্দরী ব্যাখ্যা ( কৃত)

স০-কপালিকাখ্যো দন্তাত্ কপালান্যণুশঃ-স্তোকং স্তোকং, শাতযতি|

সর্বাঙ্গসুন্দরী ব্যাখ্যা ( কৃত)

স০-দ্বিজঃ শ্যাবত্বমাযাতো রক্তপিত্তানিলৈঃ শ্যাবাখ্যঃ|

সর্বাঙ্গসুন্দরী ব্যাখ্যা ( কৃত)

স০-সমূলং দন্তমাশ্রিত্য দোষৈরধিকমারুতৈঃ শোষিতে মজ্জ্ঞি সুষিরে দন্তেঽন্নমলপূরিতে পূতিত্বাত্ কৃমযঃ সূক্ষ্মা জাযন্তে| ততোঽহেতু-নিমিত্তমন্তরেণ, তীব্রার্তিশান্তির্জাযতে| তথা সংরম্ভান্বিতঃ কৃষ্ণশ্চলঃ প্রলূনাখ্যঃ পূযরক্তস্রাবী| স চ কৃমিদন্তক উক্তঃ| ইতি দন্তে দশৈতে|

সর্বাঙ্গসুন্দরী ব্যাখ্যা ( কৃত)

স০-শ্লেষ্মরক্তেন দন্তমাংসানি পূতীনি রক্তং নির্নিমিত্তং বহন্তি শীর্যন্তে| কিম্ভূতানি ? মৃদুক্লিন্নানি অসিতানি চ| অসৌ শীতাদঃ কথ্যতে|

সর্বাঙ্গসুন্দরী ব্যাখ্যা ( কৃত)

স০-পিত্তরক্তোত্থো যো দন্তমাংসে পাকঃ স উপকুশসংজ্ঞঃ| তেন দন্তমাংসানি দহ্যন্তে রক্তবর্ণানি সোত্সেধানি চ| ততঃ কণ্ডূযুতানি রক্তং স্রবন্তি| রক্তে স্থিতে সত্যাধ্মাযন্তে| চলা দন্তা মন্দরুজঃ স্যুঃ| পূতি বক্ত্রং চ জাযতে|

সর্বাঙ্গসুন্দরী ব্যাখ্যা ( কৃত)

স০-দ্বযোর্দন্তযোস্ত্রিষু ব দন্তেষু শোফো বদরাস্থিসদৃশো ঘনঃ কফরক্তাত্ তীব্ররুক্ শীঘ্রং পচ্যতে| স দন্তপুপ্পুটসংজ্ঞঃ|

সর্বাঙ্গসুন্দরী ব্যাখ্যা ( কৃত)

স০-দন্তমাংসে বাহ্যেঽভ্যন্তরে চ দোষৈঃ সরক্তৈর্গুরুঃ শ্বযথুঃ সরুগ্দাহঃ| স চ ভিন্নঃ সন্ পূযাস্রং স্রবেত্| স দন্তাবিদ্রধিঃ|

সর্বাঙ্গসুন্দরী ব্যাখ্যা ( কৃত)

সং-দন্তমূলেষু শ্বযথুঃ পীডাবান্ পিত্তরক্তোত্থো লালাস্রাবী| সুষিরসংজ্ঞো দন্তমাংসপ্রশাতনঃ

সর্বাঙ্গসুন্দরী ব্যাখ্যা ( কৃত)

স০-সন্নিপাতজ্বরযুতঃ পূযরুধিরস্রাবেনান্বিতঃ মহাসুষিরাখ্য উক্তঃ| স চ বিশীর্ণদ্বিজবন্ধনঃ স্যাত্|

সর্বাঙ্গসুন্দরী ব্যাখ্যা ( কৃত)

স০-দন্তান্তে কীলসদৃশঃ শোফো হনৌ কর্ণে চ রুজাং করোতি| অভ্যবহৃতিং প্রতিহন্তি| সোঽধিমাংসকঃ শ্লেষ্মণা স্যাত্|

সর্বাঙ্গসুন্দরী ব্যাখ্যা ( কৃত)

স০-দন্তমাংসেষু দন্তকাষ্ঠাদিনা ঘৃষ্টেষু মহান্ সংরম্ভো জাযতে| যস্মিন্সতি দন্তাশ্চ চলন্তি| সোঽভিঘাতজো বিদর্ভাখ্যঃ|

সর্বাঙ্গসুন্দরী ব্যাখ্যা ( কৃত)

স০-দন্তমাংসাশ্রিতান্ রোগান্ সাধ্যানপি য উপেক্ষতে, তস্যান্তরেষু দোষোঽস্রবন্ সূক্ষ্মাং গতিং সঞ্জনযেত্| সা চ গতিঃ পুনঃ পুনঃ পূযং স্রবতি| ত্বঙ্মাংসাস্থীনি প্রভিনত্তি| তাশ্চ গতযঃ পঞ্চ বিজ্ঞেযাঃ স্বৈঃ স্বৈর্বাতাদিজৈর্লক্ষণৈঃ| ইতি দন্তমূলে ত্রযোদশ|

সর্বাঙ্গসুন্দরী ব্যাখ্যা ( কৃত)

স০-বাতদূষিতা জিহ্বা শাকপত্রবত্ খরা সুপ্তা স্ফুটিতা চ স্যাত্| স০-পিত্তাত্ সদাহোষা তথা রক্তৈর্মাংসাঙ্কুরৈশ্চ চিতা জিহ্বা স্যাত্|

সর্বাঙ্গসুন্দরী ব্যাখ্যা ( কৃত)

স০-কফেন শাল্মলীকণ্টকাভৈঃ কণ্টকৈশ্চিতা বহলা গুরুশ্চ জিহ্বা স্যাত্|

সর্বাঙ্গসুন্দরী ব্যাখ্যা ( কৃত)

স০-কফপিত্তাত্ জিহ্বাযা অধঃ শোফো জিহ্বাস্তম্ভকর উন্নতঃ পক্বো মত্স্যগন্ধির্ভবেত্| সোঽলসাখ্যোমাংসশাতনঃ|

সর্বাঙ্গসুন্দরী ব্যাখ্যা ( কৃত)

স০-জিহ্বাযাঃ প্রবন্ধনেঽধস্তাজ্জিহ্বাগ্রতুল্যঃ শোফঃ সহাঙ্কুরঃ কফপিত্তরক্তৈর্লালোষাস্তম্ভযুতঃ খরস্পর্শযুতোঽধিজিহ্বোরুক্কণ্ডূভ্যাং যুতো বাক্যাহারবিঘাতং করোতি| স০-তাদৃগেব-অধিজিহ্বাসদৃশ উপজিহ্বঃ, জিহ্বাযা উপরি স্থিতঃ| ইতি জিহ্বাযাঃ ষডেতে|

সর্বাঙ্গসুন্দরী ব্যাখ্যা ( কৃত)

স০-বাতাত্তালুমাংসে দুষ্টে পিটিকাঃ সরুজঃ খরা বহ্যো ঘনাঃ স্রাবান্বিতাশ্চ| তাস্তালুপিটিকাঃ স্মৃতাঃ|

সর্বাঙ্গসুন্দরী ব্যাখ্যা ( কৃত)

সং-তালুমূলে কফাদ্রক্তান্বিতাত্ মত্স্যবস্তিসদৃশো মৃদুঃ প্রলম্বঃ পিচ্ছিলঃ শোফো নাসযাঽঽহারং প্রেরযন্ কণ্ঠোপরোধাদিকৃত্| গুলশুণ্ডিকাখ্যঃ|

সর্বাঙ্গসুন্দরী ব্যাখ্যা ( কৃত)

স০-তালুমধ্যে নিরুঙ্মাংসং সংহতং সা তালুসংহতিরিত্যুচ্যতে| স০- তালুমধ্যে পদ্মাকারো রক্তাদ্দুষ্টাচ্ছ্বযথুরর্বুদম্|

সর্বাঙ্গসুন্দরী ব্যাখ্যা ( কৃত)

পদার্থচন্দ্রিকা-কফাদ্দুষ্টাত্ তালুদেশে যঃ শ্বযথুঃ কচ্ছপাকারশ্চিরবৃদ্ধিররুক্ চ, স কচ্ছপ ইত্যুচ্যতে| প০ চ০-শ্লেষ্মমেদোভ্যাং দুষ্টাভ্যাং কোলাভঃ-কোলসদৃশো, নীরুজঃ স্থিরশ্চ যঃ শোফঃ স্যাত্, স পুপ্পুট ইত্যুচ্যতে|

সর্বাঙ্গসুন্দরী ব্যাখ্যা ( কৃত)

প০ চ০-পিত্তেন দুষ্টেন যস্তালুনঃ পাকঃ পূযাস্রাবী মহারুজঃ, স পাকাখ্যঃ-পাকসংজ্ঞঃ|

সর্বাঙ্গসুন্দরী ব্যাখ্যা ( কৃত)

প০ চ০-বাতপিত্তজ্বরাযাসৈঃ প্রতিবদ্ধো যঃ শোষস্তালুশোষঃ, স তদাহ্বযঃ-তালুশোষ ইত্যুচ্যতে| ইত্যষ্টৌ তালুরোগাঃ|

সর্বাঙ্গসুন্দরী ব্যাখ্যা ( কৃত)

প০ চ০-কণ্ঠে-কণ্ঠপ্রদেশে, যে মাংসাঙ্কুরা জিহ্বাপ্রবন্ধজাঃ-জিহ্বামূলোত্থাঃ, দারুণাঃ-দুঃসহাঃ, কণ্ঠমার্গানুরোধিনঃ শীঘ্রচযাঃ-সত্বরোদ্ভূতাঃ, ভবন্তি| সা শীঘ্রকারিণী-আশুব্যাপাদনশীলা, রোহিণীত্যুচ্যতে|

সর্বাঙ্গসুন্দরী ব্যাখ্যা ( কৃত)

প০ চ০-সা-রোহিণী, বাতাত্সমুত্পন্না কণ্ঠাস্যশোষং করোতি| হন্বোঃ শ্রোত্রযোশ্চ রুজং করোতি|

সর্বাঙ্গসুন্দরী ব্যাখ্যা ( কৃত)

প০ চ০-পিত্তাদ্ রোহিণী জ্বরাদিভিরন্বিতা স্যাত্| ক্ষিপ্রজা-শীঘ্রোত্থানা| শীঘ্রপাকা অতিরাগিণী-ভৃশলোহিতা| স্পর্শনাসহা-স্পর্শং ন সহতে| পং চং-কফেন দুষ্টেন রোহিণী পিচ্ছিলা পাণ্ডুরা চ ভবেত্|

সর্বাঙ্গসুন্দরী ব্যাখ্যা ( কৃত)

প০ চ০-অসৃজা-রক্তেন দুষ্টেন, রোহিণী স্ফোটকৈরাচিতা সমন্তাত্ ব্যাপ্তা স্যাত্| তপ্তাঙ্গারনিভা-বর্ণতঃ স্পর্শতো বা, কর্ণযো রুজাং করোতি| পিত্তজাকৃতিঃ-পিত্তোত্থরোহিণীলক্ষণসমন্বিতা ভবেত্|

সর্বাঙ্গসুন্দরী ব্যাখ্যা ( কৃত)

প০ চ০-নিচযাত্-সন্নিপাতাত্, রোহিণী গম্ভীরপাকাগূঢপাকা, স্যাত্| সর্বলিঙ্গৈঃ-বাতাদীনাং সম্বন্ধিভিঃ, সমন্বিতা-যুক্তা, স্যাত্| প০ চ০-দোষৈঃ-বাতাদিভিঃ, কফোল্বণৈঃ-কফপ্রধানৈঃ, কণ্ঠে কোলবদ্ গ্রথিতোন্নতঃ শূককণ্টকবত্ মার্গরোধনো যঃ শোফঃ স্যাত্, স কণ্ঠশালূক ইত্যুচ্যতে|

সর্বাঙ্গসুন্দরী ব্যাখ্যা ( কৃত)

প০ চ০-কণ্ঠে বৃত্তোন্নতো গলপার্শ্বগো যঃ শোফো ভবতি, দাহজ্বরং করোতি, স নাম্না বৃন্দ ইত্যুচ্যতে| প০ চ০-কণ্ঠপ্রদেশে শোফঃ কার্পাস্যাঃ ফলসন্নিভঃ-তদাকারঃ, পিচ্ছিলো মন্দরুক্ শোফঃ কঠিনশ্চ| স নাম্না তুণ্ডিকেরিকেত্যুচ্যতে|

সর্বাঙ্গসুন্দরী ব্যাখ্যা ( কৃত)

প০ চ০-কণ্ঠে শ্বযথুর্বাহ্যান্তর্ঘোরো-দুস্তরো, গলমার্গার্গলোপমঃ-স ইব, জাযতে| মূর্দ্ধগুরুতাদীংশ্চ প্রদদাতি| স গলৌঘ ইত্যুচ্যতে| প০ চ০-গলে যঃ শোফো নাতিরুক্ আযতোন্নতঃ স্যাত্, স ব্যাধির্বলযমিত্যুচ্যতে| তদ্বদেব-বলযাকৃতিত্বাত্|

সর্বাঙ্গসুন্দরী ব্যাখ্যা ( কৃত)

প০ চ০-দোষৈঃ বাতাদিভির্দুষ্টৈঃ, গলে মাংসকীল একোঽনেকো বাঽল্পরুগ্ জাতো মূলে পৃথুঃ-বিস্তীর্ণঃ, কৃচ্ছ্রাত্-দুঃখেন, উচ্ছ্বাসাভ্যবহৃতির্য(তী য)স্য সঃ| তথাবিধো ব্যাধির্গিলাযুক ইত্যুচ্যতে| প০ চ০-ভূরিভিঃ-প্রভূতৈঃ, মাংসাঙ্কুরৈরাবৃতা-পরিবৃতা, তীব্রতৃড্জ্বরমূর্দ্ধরুগ্যুতা বৃত্তা যা বর্তিঃ সা শতঘ্নী| নিচযাত্সঞ্চযং প্রাপ্তা শতঘ্নীবচ্চাতিরুক্করী| স ব্যাধির্নাম্না শতঘ্নীত্যুচ্যতে| শতঘ্নী-শস্ত্রবিশেষঃ|

সর্বাঙ্গসুন্দরী ব্যাখ্যা ( কৃত)

প০ চ০-ব্যাপ্তঃ সর্বগলঃ-কণ্ঠো, যেনেতি| এবংবিধো যঃ শ্বযথুঃ শীঘ্রজন্মপাকো মহারুজঃ পূতি-দুর্গন্ধি, পূযসদৃশং স্রবতি মলং,স গলবিদ্রধিরিত্যুচ্যতে| প০ চ০-জিহ্বাবসানে-পর্যন্তে, কণ্ঠাদৌ শ্বযথুমপাকং স্থিরং রক্তং নীরুজং মলাঃ-দোষাঃ, জনযন্তি| তদ্গলার্বুদং স্মৃতম্|

সর্বাঙ্গসুন্দরী ব্যাখ্যা ( কৃত)

প০ চ০-দুষ্টৈঃ পবনশ্লেষ্মমেদোভির্গলস্য বহির্গলগণ্ডো নাম ব্যাধির্ভবেত্| স চ কালেন বিবর্ধমানো

সর্বাঙ্গসুন্দরী ব্যাখ্যা ( কৃত)

প০ চ০-কফাত্প্রকুপিতাত্ গলে গলগণ্ডো জাতঃ স্থিরঃ সমানবর্ণঃ কণ্ডুমান্ শীতস্পর্শো গুরুশ্চ ভবেত্| বৃদ্ধঃ সন্ তালুগলে লেপং কুর্যাত্| তথা মধুরাস্যতাং-মধুরবক্ত্রত্বং চ, কুর্যাত্|

সর্বাঙ্গসুন্দরী ব্যাখ্যা ( কৃত)

প০ চ০-মেদসঃ প্রবৃদ্ধাদুত্পন্নো গলগণ্ডঃ কফবল্লক্ষণৈর্ভবেত্| স চ দেহং-শরীরং, হানিবৃদ্ধ্যোরনুবিধীযতে-অনুকরোতি| তেন দেহস্য বৃদ্ধৌ সোঽপি বৃদ্ধো ভবেত্, দেহস্য ক্ষযাত্ ক্ষীণঃ স্যাত্| বৃদ্ধঃ স গলে শব্দং কুরুতে স্বরে চাল্পতাম্|

সর্বাঙ্গসুন্দরী ব্যাখ্যা ( কৃত)

প০ চ০-শ্লেষ্মণা দুষ্টেন যদাঽনিলস্য-বাযোঃ, গতিঃ রুদ্ধা ভবেত্| তথা স চ যেন ব্যাধিনা পুরুষঃ শুষ্ককণ্ঠো হতস্বরশ্চ স্যাত্| তে(যে)ন চ তাম্যন্-তমোগচ্ছন্ তমঃপ্রবিশন্, প্রকর্ষেণ সক্তং শ্বাসং মুঞ্চতি| স ব্যাধিরনিলাত্-বাতাত্, স্বরহাস্বরঘ্ননাম্না, ভবেত্| ইতি গলরোগা অষ্টাদশ|

সর্বাঙ্গসুন্দরী ব্যাখ্যা ( কৃত)

প০ চ০-অনিলো-বাযুঃ, সর্বসরঃ-সর্বতঃ প্রসরন্ সন্, সর্বতো বদনস্যান্তর্ব্রণান্ সঞ্চারিণোঽরুণান্ রূক্ষাংশ্চ করোতি| তথৌষ্ঠৌ তাম্রৌ-তাম্রবর্ণৌ, চলত্বচৌ| জিহ্বা চ শীতাসহা শীতস্পর্শাক্ষমা, গুর্বী স্ফুটিতা কণ্টকৈরাচিতা স্যাত্| স চ মুখং-বক্ত্রং, কৃচ্ছ্রেণ বিবৃণোতি| স মুখস্য পাক ইত্যুচ্যতে|

সর্বাঙ্গসুন্দরী ব্যাখ্যা ( কৃত)

প০ চ০-অর্শোগুল্মকফাদিভির্বাযুরধঃ প্রতিহতো বক্ত্রদৌর্গন্ধ্যং কুর্বন্নূর্ধ্বং যাতি| স ঊর্ধ্বগুদ ইতি সংজ্ঞিতঃ|

সর্বাঙ্গসুন্দরী ব্যাখ্যা ( কৃত)

প০ চ০-পিত্তজে-পিত্তোদ্ভবে, মুখস্য পাকে দাহোষে ভবতঃ| তথা তিক্তবক্ত্রতা-তিক্তাস্যত্বং, ভবেত্| ব্রণাশ্চ ক্ষারেণোক্ষিতং যত্ ক্ষতং-ব্রণঃ, তেন সমানাঃ-তত্সমরুজাঃ, ভবন্তি| পং চং-রক্তজে পাকে মুখস্যান্তঃ পিত্তজপাকবল্লক্ষণানি ভবন্তি|

সর্বাঙ্গসুন্দরী ব্যাখ্যা ( কৃত)

প০ চ০-কফজে পাকে মধুরাস্যত্বং-মধুরমুখত্বং, স্যাত্| তথা কণ্ডূমত্পিচ্ছিলাশ্চ ব্রণা ভবন্তি| প০ চ০-কফো বৃদ্ধোঽন্তঃকপোলমাশ্রিত্যার্বুদং শ্যাবং পাণ্ডু চ কুর্যাত্| তচ্চার্বুদং ঘট্টিতং ছিন্নং মৃদিতং চ পুনর্বিবর্ধতে|

সর্বাঙ্গসুন্দরী ব্যাখ্যা ( কৃত)

প০ চ০-মলৈঃ-বাতাদিভিঃ, সর্বৈঃ-ত্রিভিঃ, সাস্রৈঃ-সরক্তৈঃ, মুখস্য পাকো ভবেত্| স চ সর্বাকৃতিঃ-সর্বলক্ষণঃ, স্যাত্| প০ চ০-দন্তকাষ্ঠবিদ্বিষঃ পুংসস্তৈরেব দোষৈঃ পূত্যাস্যতাপূতিবক্ত্রত্বং, স্যাত্| [ইতি সর্ববক্ত্রগা অষ্টৌ|]

সর্বাঙ্গসুন্দরী ব্যাখ্যা ( কৃত)

প০ চ০-ওষ্ঠামযা একাদশোক্তাঃ| গণ্ডে একঃ| দ্বিজেদন্তে, দশ| দন্তমূলে ত্রযোদশ| জিহ্বাযাং ষট্| তালুন্যষ্টৌ| গলেঽষ্টদশ| বক্ত্রেঽষ্টবামযাঃ| এবং সর্বত্র পঞ্চসপ্ততিরামযা আখ্যাতাঃ-উক্তাঃ|

সর্বাঙ্গসুন্দরী ব্যাখ্যা ( কৃত)

প০ চ০-ওষ্ঠাদ্যামযেষু মধ্যেঽনুপক্রমাঃ-অসাধ্যাঃ| করালো নাম দন্তরোগঃ| মহাসুষিরো দন্তরোগঃ| স্বরঘ্নো গলরোগঃ| ঊর্ধ্বগুদো বক্ত্ররোগঃ| শতঘ্নীবলযৌ কণ্ঠরোগৌ| অলসোঽধিজিহ্বারোগঃ| নিচযাত্-সন্নিপাতাত্, নাডী দন্তমূলজা| ওষ্ঠকোপঃ সন্নিপাতজোঽসাধ্যঃ| রক্তাত্সন্নিপাতাত্ [চ] জাতা রোহিণী| দন্তভেদো দশনে-দন্তে, স্ফুটিতেঽসাধ্যঃ| পক্বোপজিহ্বিকাঽসাধ্যা| গলগণ্ডঃ স্বরভ্রংশঃ(শী)কৃচ্ছ্রোচ্ছ্বাসোঽতিবত্সরোঽসাধ্যঃ| প০ চ০-দন্তহর্ষো দন্তভেদশ্চ দ্বাবেতৌ যাপ্যৌ| প০ চ০-শেষান্ রোগান্ শস্ত্রৌষধৈর্জযেত্| যথাযোগৈর্বক্ষ্যমাণৈরিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে মুখরোগ- বিজ্ঞানীযো নামৈকবিংশোঽধ্যাযঃ সমাপ্তঃ|| ২১||