Adhikarana adhyāyōpakramaḥ · Śloka
🔊 Audio coming soon
Show commentary
sarvāṅgasundarī vyākhyā ( kr̥ta)
atha vamanavirēcanakalpābhyāmanantaraṁ tadvyāpatsiddhiṁ brūtē-
AYANAACADEMYby Dr Vijaya Dwarampudi
Open Academy navigation
3. vamanavirēcanavyāpatsiddhiradhyāyaḥ
Adhikarana vamanavirēcanavyāpatsiddhiradhyāyaḥ (2) · Śloka 2
athātō vamanavirēcanavyāpatsiddhiṁ vyākhyāsyāmaḥ| iti ha smāhurātrēdayō maharṣayaḥ| (gadyasūtrē)|2|
View original
अथातो वमनविरेचनव्यापत्सिद्धिं व्याख्यास्यामः| इति ह स्माहुरात्रेदयो महर्षयः| (गद्यसूत्रे)|२|
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-vamanavirēcanayōrvyāpat-ayathāśāstramanuṣṭhīyamānayōrgadōtpattiḥ, tasyā vamanavirēcanavyāpadaḥ siddhiḥ-sādhanaṁ cikitsitaṁ, tāṁ varṇayiṣyāmaḥ|
āyurvēdarasāyanam vyākhyā ( kr̥ta)
ā0 ra0 -vamanavirēcanavyāpatsiddhimadhyāyaṁ vyākhyātuṁ pratijānītē-athēti| vyāpadaścōktāḥ saṅgrahē (ka. a. 3)- "pratikūlā gatiḥ pākō grathitatvaṁ sagauravam| dōṣōtklēśō bhr̥śādhmānaṁ parikartaḥ parisravaḥ|| pravāhikā hr̥dgrahaṇaṁ sarvagātraparigrahaḥ| saha dhātusravēṇaitā dvādaśōktāḥ sasādhanāḥ|| vyāpadō yōgavibhraṁśādvividhē'pi virēcanē|" iti|
Adhikarana vamanasya pratikūlā gatiḥ (1-2) · Śloka 2
vamanaṁ mr̥dukōṣṭhēna kṣudvatā'lpakaphēna vā| atitīkṣṇahimastōkamajīrṇē durbalēna vā||1|| pītaṁ prayātyadhastasminniṣṭahānirmalōdayaḥ| vāmayēttaṁ punaḥ snigdhaṁ smaran pūrvamatikramam||2||
View original
वमनं मृदुकोष्ठेन क्षुद्वताऽल्पकफेन वा| अतितीक्ष्णहिमस्तोकमजीर्णे दुर्बलेन वा||१|| पीतं प्रयात्यधस्तस्मिन्निष्टहानिर्मलोदयः| वामयेत्तं पुनः स्निग्धं स्मरन् पूर्वमतिक्रमम्||२||
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-ēvaṁvidhēna puruṣēṇaivaṁvidhaṁ vamanaṁ pītamadhaḥ prayāti| tasmin-vamanē'dhastātprayātē sati, iṣṭahāniḥ-abhiprētasya vamanakāryasyāniṣpattiḥ| tathā malasya-vamanasādhyasya ślēṣmaṇaḥ kēvalasyānyadōṣayuktasya vā, udayaḥ-svasthānasthasyaivāmayakaraṇaṁ praticalapravalakē ca| taṁ-puruṣaṁ pītavamanamapyavāntaṁ, punaḥ snigdhaṁ vāmayēt| pūrvaṁ snigdhamapīti punaḥ śabdasyārthaḥ| kathaṁ vāmayēt ? smaran pūrvamatikramam, yatō'tikramāt pītavamanō'pyasau puruṣō vamanakarmaṇaḥ phalaṁ nāptavān| tamatikramaṁ-aparādhaṁ, smaran cētasi kurvāṇō, na tvēvamēva, vāmayēt|
āyurvēdarasāyanam vyākhyā ( kr̥ta)
ā0 ra0-vamanasya pratikūlāṁ gatimāha-vamanamiti| atiśabdastīkṣṇādibhistribhiḥ sambadhyatē| tasmin-vamanē| iṣṭahāniḥ-yadarthaṁ vamanaṁ tasyāniṣpatiḥ| malōdayō-dōṣōtklēśaḥ| taṁ-tathābhūtam, snigdhaṁ kr̥tvā punarvāmayēt, yēna sā vyāpajjātā tatpariharan|
Adhikarana virēcanasya pratikūlā gatiḥ (3-5) · Śloka 5
ajīrṇinaḥ ślēṣmavatō vrajatyūrdhvaṁ virēcanam| atitīkṣṇōṣṇalavaṇamahr̥dyamatibhūri vā||3|| tatra pūrvōditā vyāpatsiddhiśca, na tathā'pi cēt| āśayē tiṣṭhati tatastr̥tīyaṁ nāvacārayēt||4|| anyatra sātmyāddhr̥dyādvā bhēṣajānnirapāyataḥ| |5|
View original
अजीर्णिनः श्लेष्मवतो व्रजत्यूर्ध्वं विरेचनम्| अतितीक्ष्णोष्णलवणमहृद्यमतिभूरि वा||३|| तत्र पूर्वोदिता व्यापत्सिद्धिश्च, न तथाऽपि चेत्| आशये तिष्ठति ततस्तृतीयं नावचारयेत्||४|| अन्यत्र सात्म्याद्धृद्याद्वा भेषजान्निरपायतः| |५|
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-ajīrṇinastathā bahuślēṣmiṇō virēcanamatitīkṣṇōṣṇalavaṇahr̥dyamatiprabhūtaṁ ca pītamūrdhvaṁ yāti| tatra-tasminnūrdhvaṁ vrajati, pūrvōktā(ditā) vyāpat-iṣṭahānirmalōdaya iti| tatra tathaiva siddhiḥ-cikitsitam| tathā, anantaraṁ virēcanasyōrdhvagamanādaviriktaṁ punaḥ snigdhaṁ virēcayēt| tathaiva pūrvaṁ virēcanātikramaṁ smarannitō'parādhātpūrvaṁ virēcanē na viriktastamatikramaṁ pariharan virēcayēdityarthaḥ| tathā'pi-ēvamanuṣṭhīyamānē tadvirēcanauṣadhaṁ pītaṁ, yadyāśayē-kōṣṭhalakṣaṇē, na tiṣṭhati-tatra sthitiṁ na badhnāti ūrdhvamēva punarēti, tatastr̥tīyaṁ virēcanauṣadhaṁ-āragvadhādi, nāvacārayēt| yadi tu sātmyaṁ hr̥dyaṁ nirapāyaṁ vā bhēṣajaṁ tadā tr̥tīyamapyavacārayēt|
āyurvēdarasāyanam vyākhyā ( kr̥ta)
ā0 ra0-virēcanasya pratikūlāṁ gatimāha-ajīrṇina iti| tatra-virēcanē| pūrvōditā-vamanōktā, vyāpat-iṣṭahānirmalōdaya ityēṣā, siddhiśca-taṁ snigdhaṁ punarvirēcayēdityēṣā| tathā'pi-tēnāpi prakārēṇa, yadyāśayē virēcanaṁ na tiṣṭhati-ūrdhvaṁ yāti, tataḥ-anantaraṁ, tr̥tīyaṁ prayōgaṁ nāvacārayēt, yadi tu sātmyaṁ hr̥dyaṁ nirapāyaṁ vā bhēṣajaṁ tadā tr̥tīyamapyavacārēyēt|
Adhikarana grathitatvapākagauravāṇi (5-8) · Śloka 8
| asnigdhasvinnadēhasya purāṇaṁ rūkṣamauṣadham||5|| dōṣānutklēśya nirhartumaśaktaṁ janayēdgadān| vibhraṁśaṁ śvayathuṁ hidhmāṁ tamasō darśanaṁ tr̥ṣam||6|| piṇḍīkōdvēṣṭanaṁ kaṇḍūmūrvōḥ sādaṁ vivarṇatām| snigdhasvinnasya vā'tyalpaṁ dīptāgnērjīrṇamauṣadham||7|| śītairvā stabdhamāmē vā samutklēśyāharanmalān| tānēva janayēdrōgānayōgaḥ sarva ēva saḥ||8||
View original
| अस्निग्धस्विन्नदेहस्य पुराणं रूक्षमौषधम्||५|| दोषानुत्क्लेश्य निर्हर्तुमशक्तं जनयेद्गदान्| विभ्रंशं श्वयथुं हिध्मां तमसो दर्शनं तृषम्||६|| पिण्डीकोद्वेष्टनं कण्डूमूर्वोः सादं विवर्णताम्| स्निग्धस्विन्नस्य वाऽत्यल्पं दीप्ताग्नेर्जीर्णमौषधम्||७|| शीतैर्वा स्तब्धमामे वा समुत्क्लेश्याहरन्मलान्| तानेव जनयेद्रोगानयोगः सर्व एव सः||८||
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-asnigdhasvinnaśarīrasya purāṇaṁ rūkṣaṁ virēcanauṣadhamupayuktaṁ dōṣānutklēśya-pracyāvya, nirhartumaśaktaṁ vibhraṁśādikān gadān janayēt| athavā, snigdhasvinnasya cauṣadhamatyalpaṁ-mātrāhīnaṁ, dīptāgnērjīrṇaṁ-pariṇataṁ, syāt| śītairvā stabdhabhēṣajamāmē vā stabdhaṁ sat [malān-] dōṣān, utklēśyānirharat pūrvōktānēva rōgān janayēt| saḥ-ēvaṁbhūtaḥ, sarva ēvāyōgaḥ|
āyurvēdarasāyanam vyākhyā ( kr̥ta)
ā0 ra0-grathitatvapākagauravāṇyāha-asnigdhēti| tatra "vivarṇatām" ityantēna grathitatvam| "auṣadham" ityantēna pākam| śēṣēṇa gauravam| vibhraṁśaṁ-iṣṭahānim| jīrṇaṁ-pakvam| śītaiḥ-auṣadhapānānantaramantarbahirvā sēvitaiḥ, auṣadhaṁ stabdhaṁ bhavati| tadvadāmē-apakvadōṣē| tānēva-vibhraṁśādīn| saṅgrahē tu (ka. a. 3)- "snigdhasvinnasya ca vamanamakr̥tvā virēcanaṁ pītavataḥ sāmasya vā mr̥du vā viriktasyādhōbhāgē'tyarthagurustabdhōdaratā śūlō vātapurīṣasaṅgaśca bhavati|" ityuktam|
Adhikarana tēṣāṁ pratīkāraḥ (9-10) · Śloka 10
taṁ tailalavaṇābhyaktaṁ svinnaṁ prastarasaṅkaraiḥ| nirūḍhaṁ jāṅgalarasairbhōjayitvā'nuvāsayēt||9|| phalamāgadhikādārusiddhatailēna mātrayā| snigdhaṁ vātaharaiḥ snēhaiḥ punastīkṣṇēna śōdhayēt||10||
View original
तं तैललवणाभ्यक्तं स्विन्नं प्रस्तरसङ्करैः| निरूढं जाङ्गलरसैर्भोजयित्वाऽनुवासयेत्||९|| फलमागधिकादारुसिद्धतैलेन मात्रया| स्निग्धं वातहरैः स्नेहैः पुनस्तीक्ष्णेन शोधयेत्||१०||
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-taṁ-utkliṣṭadōṣaṁ, tailalavaṇābhyaktaṁ prastarasaṅkarākhyaiḥ svēdaiḥ svinnaṁ tathā nirūḍhaṁ jāṅgalarasairbhōjayitvā phalādisiddhatailēna mātrayā'nuvāsayēt| vātaharaiḥ snēhaiḥ snigdhaṁ punastīkṣṇēna virēcanēna viśōdhayēt|
āyurvēdarasāyanam vyākhyā ( kr̥ta)
ā0 ra0-taṁ-trividhāyōginaṁ, nirūḍhaṁ-samūtraistīkṣṇairnirūhaiḥ, saṅgrahē (ka. a. 3) tathōktatvāt, madanaphalāditailēnānuvāsayēt|
Adhikarana dōṣōlkēśabhr̥śādhmānē, tayōḥ pratīkāraḥ (11-14) · Śloka 14
bahudōṣasya rūkṣasya mandāgnēralpamauṣadham| sōdāvartasya cōtklēśya dōṣān mārgān nirudhya taiḥ||11|| bhr̥śamādhmāpayēnnābhiṁ pr̥ṣṭhapārśvaśirōrujam| śvāsaṁ viṇmūtravātanāṁ saṅgaṁ kuryācca dāruṇam||12|| abhyaṅgasvēdavartyādi sanirūhānuvāsanam| udāvartaharaṁ sarvaṁ karmādhmātasya śasyatē||13|| pañcamūlayavakṣāravacābhūtikasaindhavaiḥ| yavāgūḥ sukr̥tā śūlavibandhānāhanāśanī||14||
View original
बहुदोषस्य रूक्षस्य मन्दाग्नेरल्पमौषधम्| सोदावर्तस्य चोत्क्लेश्य दोषान् मार्गान् निरुध्य तैः||११|| भृशमाध्मापयेन्नाभिं पृष्ठपार्श्वशिरोरुजम्| श्वासं विण्मूत्रवातनां सङ्गं कुर्याच्च दारुणम्||१२|| अभ्यङ्गस्वेदवर्त्यादि सनिरूहानुवासनम्| उदावर्तहरं सर्वं कर्माध्मातस्य शस्यते||१३|| पञ्चमूलयवक्षारवचाभूतिकसैन्धवैः| यवागूः सुकृता शूलविबन्धानाहनाशनी||१४||
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-bahudōṣasya rūkṣasya tathā mandāgnēralpamauṣadhaṁ yōjitaṁ tathōdāvartavatō dōṣānutklēśya mārgān nirudhya taiśca dōṣairbhr̥śaṁ nābhimādhmāpayēt| tathā pr̥ṣṭhādirujādīn kuryāt| ādhmātasya narasyābhyaṅgādikaṁ karma udāvartaharaṁ sarvaṁ śasyatē| pañcamūlādibhiḥ sukr̥tā yavāgūḥ śūlādināśanī|
āyurvēdarasāyanam vyākhyā ( kr̥ta)
ā0 ra0-dōṣōtklēśabhr̥śādhmānē āha-bahudōṣasyēti| tatra "utklēśya dōṣān" ityantēna dōṣōtklēśam| śēṣēṇa bhr̥śādhmānam| uktaṁ hi saṅgrahē (ka. a. 3)- "kaphōlbaṇasyātisnigdhasya gurukōṣṭhasya mandāgnērvā mr̥dupraṇītamauṣadhaṁ bhr̥śamutklēśya dōṣān jāḍyatandrādaurbalyāṅgasādān janayati| tacchīghramullikhēt| laṅghitaṁ ca sandhukṣitāgniṁ punaḥ snigdhaṁ tīkṣṇōṣṇairviśōdhayēt| saśēṣānnāya vātaślēṣmavatē rūkṣāya sōdāvartāya mandāgnayē vā śītaṁ rūkṣaṁ vā dattamauṣadhaṁ bhr̥śamādhmānaṁ karōti| tatra malasaṅgātsamunnahyatyudaramantaḥśūlaṁ dr̥tivatpārśvayōrāpūrṇatā śiraḥpr̥ṣṭharujā śvāsaḥ pāyuvastinistōdaśca bhavati| tamudāvartānāhaharābhyaṅgasvēdavartidīpanacūrṇabastikriyābhirupācarēt|" iti| taiḥ-utkliṣṭadōṣaiḥ| nābhiṁ-nābhisamīpamudaram| pañcamūlādiyavāgūḥ sukr̥tā-trikaṭulavaṇasnēhayutā| pañcamūlaṁ-mahat| uktaṁ hi vr̥ndēna (jvarātisārādhikāra ślō.16)- "pañcamūlīti sāmānyādbhāhyā pittē kanīyasī| mahatī pañcamūlī tu vātaślēṣamōttarē hitā||" iti| bhūtikaṁ-rōhiṣam| saindhavasYa kvāthyadravyēṣūktāvapi siddhāyāṁ yavāgvāṁ lavaṇasthānē prayōgaḥ| ata ēva sukr̥tāśabdēna kr̥tākhyō bhēda ucyatē|
Adhikarana pravāhikāditrayē bhēṣajam (15-16) · Śloka 16
pipalīdāḍimakṣārahiṅguśuṇṭhyamlavētasān| sasaindhavān pibēnmadyaiḥ sarpiṣōṣṇōdakēna vā||15|| pravāhikāparisrāvavēdanāparikartanē| |16|
View original
पिपलीदाडिमक्षारहिङ्गुशुण्ठ्यम्लवेतसान्| ससैन्धवान् पिबेन्मद्यैः सर्पिषोष्णोदकेन वा||१५|| प्रवाहिकापरिस्राववेदनापरिकर्तने| |१६|
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-pippalyādīn madyēna sarpiṣōṣṇāmbunā vā pibēt pravāhikādiṣu|
āyurvēdarasāyanam vyākhyā ( kr̥ta)
ā0 ra0-pravāhikāditrayē bhēṣajamāha-pippalīti| pippalyādicūrṇaṁ madyādyanyatamēna pravāhikādiṣu tisr̥ṣu vyāpatsu pibēt| vēdanayā parikartanaṁ-chēdanamiva| saṅgrahē tu (ka. a. 3)-"kṣāmēṇālpabalēna mr̥dukōṣṭhāgninā rūkṣēṇa snigdhēna vā svinnēna sāmēna vā balavadauṣadhamupayuktaṁ sapittamanilaṁ paridūṣya parikartikāmāpādayati| tatra nābhibastigudamēḍhrē sadāhaṁ parikartanamanilasaṅgō viṣṭambhaśca| taṁ kr̥ṣṇatilamadhukamadhuyuktaiḥ picchābastibhirāsthāpayēt| kṣīrivr̥kṣaśr̥takṣīrēṇa vā, śītāmbupariṣiktaṁ cainaṁ payasā bhuktavantaṁ ghr̥tamaṇḍēna yaṣṭīmadhukatailēna vā'nuvāsayēt| kṣāmasya ca madhurō br̥ṁhaṇaśca sarvō vidhiriṣṭaḥ| sāmē dīpanō laṅghanaśca, laghurūkṣōṣṇaṁ cānnapānam| nirāmībhūtē cānubandhē laghukṣārāmlam| vātē'dhikē dadhi sāmlaṁ dāḍimatvacā yuktaṁ bhōjanē pānē ca yuñjīta| sadāḍimarasaṁ sarpiḥ pibēt| uṣṇāmbunā vā tiladēvadārukalkam| krūrakōṣṭhasya bahudōṣasyālpamalpaguṇaṁ mr̥dusnigdhaṁ vā śōdhanamavacāritamutklēśya dōṣānna nirharati, alpālpaṁ ca pittakaphasaṁsr̥ṣṭaṁ parisravati, viṣṭambhagauravaśōphakōṭhakaṇḍūpāṇḍutāṅgasādagudaśūlāni cāpādayati| taṁ tiniśadhavāśvakarṇapalāśabalāniryūhairmadhuyuktairāsthāpayēt| upaśāntaparisravaṁ ca punarupasnigdhaṁ tīkṣṇaiḥ śōdhayēt| śuddhē ca dīpanāṁścūrṇāsavāriṣṭādīn yōjayēt| pītauṣadhō yadā vēgamudīrayati nigr̥hṇāti vā, tadā pravāhikā'sya jāyatē| tasyāṁ sadāhaśūlaṁ sapicchaṁ śvētaṁ kr̥ṣṇaṁ saraktaṁ vā bhr̥śaṁ pravāhamānaḥ kaphamupaviśati| taṁ paristravavidhinōpacarēt|" iti|
Adhikarana hr̥dgrahaḥ (16-21) · Śloka 21
| pītauṣadhasya vēgānāṁ nigrahānmārutādayaḥ||16|| kupitā hr̥dayaṁ gatvā ghōraṁ kurvanti hr̥dgraham| hidhmāpārśvarujākāsadainyalālākṣivibhramaiḥ||17|| jihvāṁ khādati niḥsaṁjñō dantān kaṭakaṭāyayan| na gacchēdvibhramaṁ tatra vāmayēdāśu taṁ bhiṣak||18|| madhuraiḥ pittamūrcchārtaṁ kaṭubhiḥ kaphamūrcchitam| pācanīyaistataśvāsya dōṣaśēṣaṁ vipācayēt||19|| kāyāgniṁ ca balaṁ cāsya kramēṇābhipravardhayēt| |20| gh|21|
View original
| पीतौषधस्य वेगानां निग्रहान्मारुतादयः||१६|| कुपिता हृदयं गत्वा घोरं कुर्वन्ति हृद्ग्रहम्| हिध्मापार्श्वरुजाकासदैन्यलालाक्षिविभ्रमैः||१७|| जिह्वां खादति निःसंज्ञो दन्तान् कटकटाययन्| न गच्छेद्विभ्रमं तत्र वामयेदाशु तं भिषक्||१८|| मधुरैः पित्तमूर्च्छार्तं कटुभिः कफमूर्च्छितम्| पाचनीयैस्ततश्वास्य दोषशेषं विपाचयेत्||१९|| कायाग्निं च बलं चास्य क्रमेणाभिप्रवर्धयेत्| |२०| घ्|२१|
🔊 Audio coming soon
Show commentary
sarvāṅgasundarī vyākhyā ( kr̥ta)
sa0- pītauṣadhasya vēgānāṁ nigrahādvātādayaḥ kupitā hr̥dayaṁ gatvā ghōraṁ hr̥dgrahaṁ kurvanti| hidhmādiyuktaḥ sa ca hr̥dgrahādimān jihvāṁ khādati niḥsaṁjñaḥ san| tathā dantān kaṭakaṭāyatē| tatra tasminnavasthāviśēṣē, bhiṣagāśvēva taṁ-rōgiṇaṁ, saṁśayaṁ hitvā vāmayēt| madhuraiḥ pittamūrcchārtaṁ vāmayēt| kaphamūrcchitaṁ kaṭubhirvāmayēt| vāmayitvā cāsya dōṣaśēṣaṁ pācanīyairdravyairvipācayēt| kāyāgniṁ balaṁ ca kramēṇāsyābhipravardhayēt|
āyurvēdarasāyanam vyākhyā ( kr̥ta)
ā0 ra0-hr̥dgrahamāha-pītauṣadhasyēti| akṣivibhramaḥ-utdhr̥tākṣatvam| kaṭakaṭāyayan-kaṭatkaṭaditi kārayan, "lōhitādiḍājūbhyaḥ kyaṣ" iti kyaṣantāṇṇica| saṅgrahē tu (ka. a. 3)-"tasmai bhiṣak śīghramamuhyannabhyaṅgapūrvaṁ dhānyasvēdēna parisvēdya tīkṣṇamavapīḍaṁ dadyāt| yathādōṣōcchrāyaṁ ca bastīn vitarēt|" iti|
Adhikarana hr̥dgrahē bhēṣajam, hr̥dgrahaviśēṣēbhēṣajam (20-21) · Śloka 21
| pavanēnātivamatō hr̥dayaṁ yasya pīḍyatē||20|| tasmai snigdhāmlalavaṇān dadyātpittakaphē'nyathā| |21|
View original
| पवनेनातिवमतो हृदयं यस्य पीड्यते||२०|| तस्मै स्निग्धाम्ललवणान् दद्यात्पित्तकफेऽन्यथा| |२१|
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-yasyātivamataḥ pavanēna hr̥dayaṁ pīḍyatē, tasmai rōgiṇē snigdhāmlalavaṇaṁ dadyāt| pittakaphē kupitē, anyathā-madhuraśītādikaṁ, dadyādityarthaḥ|
āyurvēdarasāyanam vyākhyā ( kr̥ta)
ā0 ra0-hr̥dgrahaviśēṣē bhēṣajamāha-pavanēnēti| anyathēti rūkṣamadhurakaṭutiktakaṣāyān yōgān dadyāt|
Adhikarana sarvagātraparigrahastadbhēṣajaṁ ca (21-23) · Śloka 23
| pītauṣadhasya vēgānāṁ nigrahēṇa kaphēna vā||21|| ruddhō'ti vā viśuddhasya gr̥hṇātyaṅgāni mārutaḥ| stambhavēpathunistōdasādōdvēṣṭārtibhēdanaiḥ||22|| tatra vātaharaṁ sarvaṁ snēhasvēdādi śasyatē| |23|
View original
| पीतौषधस्य वेगानां निग्रहेण कफेन वा||२१|| रुद्धोऽति वा विशुद्धस्य गृह्णात्यङ्गानि मारुतः| स्तम्भवेपथुनिस्तोदसादोद्वेष्टार्तिभेदनैः||२२|| तत्र वातहरं सर्वं स्नेहस्वेदादि शस्यते| |२३|
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-pītabhēṣajasya vēgānāṁ nigrahēṇa kaphēna vā ruddhō'ti viśuddhasya vā vāyuraṅgāni gr̥hṇāti stambhādibhiḥ| tatra sarvaṁ vātaharaṁ snēhasvēdādi śasyatē|
āyurvēdarasāyanam vyākhyā ( kr̥ta)
ā0 ra0-sarvagātraparigrahamāha-pītauṣadhasyēti| saṅgrahē tu (ka. a. 3)- "asnigdhasvinnēnābrahmacāriṇā vēgadhāriṇā mr̥dukōṣṭhēna sukumārēṇa vā rūkṣamauṣadhamatimātraprayuktamativirēkādvāyuṁ prakōpayati| tēna sarvāṅgapragrahē viśēṣātpārśvapr̥ṣṭha śrōṇimanyāmarmasu śūlaṁ mūrcchā bhramaḥ kampaḥ stambhō nistōdō bhēda udvēṣṭanaṁ saṁjñānāśaśca syāt| tamabhyajya dhānyaiḥ svēdayitvā yaṣṭīmadhuvipakvēna tailēnānuvāsayēt, vātaharaṁ cānnapānam|" iti|
Adhikarana dhātusravastadbhēṣajaṁ ca (23-26) · Śloka 26
| bahutīkṣṇaṁ kṣudhārtasya mr̥dukōṣṭhasya bhēṣajam||23|| hr̥tvā''śu viṭpittakaphān dhātūnāsrāvayēddravān| tatrātiyōgē madhuraiḥ śēṣamauṣadhamullikhēt||24|| yōjyō'ti vamanē rēkō virēkē vamanaṁ mr̥du| pariṣēkāvagāhādyaiḥ suśītaiḥ stambhayēcca tam||25|| añjanaṁ candanōśīramajāsr̥kśarkarōdakam| lājacūrṇaiḥ pibēnmanthamatiyōgaharaṁ param||26||
View original
| बहुतीक्ष्णं क्षुधार्तस्य मृदुकोष्ठस्य भेषजम्||२३|| हृत्वाऽऽशु विट्पित्तकफान् धातूनास्रावयेद्द्रवान्| तत्रातियोगे मधुरैः शेषमौषधमुल्लिखेत्||२४|| योज्योऽति वमने रेको विरेके वमनं मृदु| परिषेकावगाहाद्यैः सुशीतैः स्तम्भयेच्च तम्||२५|| अञ्जनं चन्दनोशीरमजासृक्शर्करोदकम्| लाजचूर्णैः पिबेन्मन्थमतियोगहरं परम्||२६||
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-kṣudhārtasya mr̥dukōṣṭhasya narasya bahutīkṣṇaṁ ca bhēṣajaṁ viṭpittakaphān śīghramēva hr̥tvā dravān dhātūnāsrāvayēt| tasmin virēcanātiyōgē madhurairdravyaiḥ śēṣaṁ virēcanadravyamuddharēt| ativamanē sati virēkō yōjyaḥ| ativirēkē ca mr̥du vamanaṁ yōjyam| pariṣēkādibhiśca śītaistaṁ-virēkaṁ, stambhayēt| ādiśabdō jalārdraśītamārutādigrahaṇāya| añjanādikaṁ lājacūrṇaiḥ saha manthaṁ paraṁ virēkātiyōgaharaṁ pibēt|
āyurvēdarasāyanam vyākhyā ( kr̥ta)
ā0 ra0-dhātusravamāha-bahutīkṣṇamiti| ajāsr̥gchāgarudhiram| añjanādiṣaṭkaṁ lājacūrṇaiḥ saha pibēt "saktavaḥ sarpiṣābhyaktāḥ śītavāripariplutāḥ| nātisāndrā na cātyacchā mantha ityabhidhīyatē||' ityuktaviśēṣaprāptyarthaṁ manthamityuktam|
Adhikarana vamanātiyōgē viśēṣaḥ (27-28) · Śloka 28
vamanasyātiyōgē tu śītāmbupariṣēcitaḥ| pibētphalarasairmanthaṁ saghr̥takṣaudraśarkaram||27|| sōdgārāyāṁ bhr̥śaṁ chardyāṁ mūrvāyā dhānyamustayōḥ| samadhūkāñjanaṁ cūrṇaṁ lēhayēnmadhusaṁyutam||28||
View original
वमनस्यातियोगे तु शीताम्बुपरिषेचितः| पिबेत्फलरसैर्मन्थं सघृतक्षौद्रशर्करम्||२७|| सोद्गारायां भृशं छर्द्यां मूर्वाया धान्यमुस्तयोः| समधूकाञ्जनं चूर्णं लेहयेन्मधुसंयुतम्||२८||
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-vamanasya tvatiyōgē śītāmbupariṣēcitaḥ san phalarasairmanthaṁ ghr̥tādiyuktaṁ pibēt| atiśayēna sōdgārē vamanē sati mūrvādicūrṇaṁ lēhayēt|
āyurvēdarasāyanam vyākhyā ( kr̥ta)
ā0 ra0-vamanātiyōgē viśēṣamāha-vamanasyēti| mūrvādipañcakacūrṇaṁ madhunā lēhayēt|
Adhikarana vamanabhaiṣajyātiyōgē vyāpat tadbhēṣajaṁ ca (29-38) · Śloka 38
vamatō'ntaḥ praviṣṭāyāṁ jihvāyāṁ kavalagrahāḥ| snigdhāmlalavaṇā hr̥dyā yūṣamāṁsarasā hitāḥ||29|| phalānyamlāni khādēyustasya cānyē'gratō narāḥ| niḥsr̥tāṁ tu tiladrākṣākalkaliptāṁ pravēśayēt||30|| vāggrahānilarōgēṣu ghr̥tamāṁsōpasādhitām| yavāgūṁ tanukāṁ dadyātsnēhasvēdau ca kālavit||31|| atiyōgācca bhaiṣajyaṁ jīvaṁ harati śōṇitam| tajjīvādānamityuktamādattē jīvitaṁ yataḥ||32|| śunē kākāya vā dadyāttēnānnamasr̥jā saha| bhuktē'bhuktē vadējjīvaṁ pittaṁ vā bhēṣajēritam||33|| śuklaṁ vā bhāvitaṁ vastramāvānaṁ kōṣṇavāriṇā| prakṣālitaṁ vivarṇaṁ syātpittē śuddhaṁ tu śōṇitē||34|| tr̥ṣṇāmūrcchāmadārtasya kuryādāmaraṇātkriyām| raktapittātisāraghnīṁ tasyāśu prāṇarakṣaṇīm||35|| mr̥gagōmahiṣājānāṁ sadyaskaṁ jīvatāmasr̥k| pibējjīvābhisandhānaṁ jīvaṁ taddhyāśu gacchati||36|| tadēva darbhamr̥ditaṁ raktaṁ bastau niṣēcayēt| śyāmākāśmaryamadhukadūrvōśīraiḥ śr̥taṁ payaḥ||37|| ghr̥tamaṇḍāñjanayutaṁ bastiṁ vā yōjayēddhimam| picchābastiṁ suśītaṁ vā ghr̥tamaṇḍānuvāsanam||38||
View original
वमतोऽन्तः प्रविष्टायां जिह्वायां कवलग्रहाः| स्निग्धाम्ललवणा हृद्या यूषमांसरसा हिताः||२९|| फलान्यम्लानि खादेयुस्तस्य चान्येऽग्रतो नराः| निःसृतां तु तिलद्राक्षाकल्कलिप्तां प्रवेशयेत्||३०|| वाग्ग्रहानिलरोगेषु घृतमांसोपसाधिताम्| यवागूं तनुकां दद्यात्स्नेहस्वेदौ च कालवित्||३१|| अतियोगाच्च भैषज्यं जीवं हरति शोणितम्| तज्जीवादानमित्युक्तमादत्ते जीवितं यतः||३२|| शुने काकाय वा दद्यात्तेनान्नमसृजा सह| भुक्तेऽभुक्ते वदेज्जीवं पित्तं वा भेषजेरितम्||३३|| शुक्लं वा भावितं वस्त्रमावानं कोष्णवारिणा| प्रक्षालितं विवर्णं स्यात्पित्ते शुद्धं तु शोणिते||३४|| तृष्णामूर्च्छामदार्तस्य कुर्यादामरणात्क्रियाम्| रक्तपित्तातिसारघ्नीं तस्याशु प्राणरक्षणीम्||३५|| मृगगोमहिषाजानां सद्यस्कं जीवतामसृक्| पिबेज्जीवाभिसन्धानं जीवं तद्ध्याशु गच्छति||३६|| तदेव दर्भमृदितं रक्तं बस्तौ निषेचयेत्| श्यामाकाश्मर्यमधुकदूर्वोशीरैः शृतं पयः||३७|| घृतमण्डाञ्जनयुतं बस्तिं वा योजयेद्धिमम्| पिच्छाबस्तिं सुशीतं वा घृतमण्डानुवासनम्||३८||
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-chardayatō'bhyantarē jihvāyāṁ praviṣṭāyāṁ satyāṁ kavalagrahaśchāgamāṁsarasāḥ snigdhādiyuktā manaḥpriyā hitāḥ| tathā tasya-antaḥpraviṣṭajihvasya, agrē'parē narā amlāni phalāni khādēyuḥ| niḥsr̥tāṁ ca rasanāṁ tiladrākṣākalkēna liptāmantaḥ pravēśayēt| sa0-vāggrahādiṣu vātarōgēṣu ghr̥tamāṁsōpasādhitāṁ svacchāṁ yavāgūṁ dadyāt| snēhasvēdau ca yōjayēt| sa0-atiyōgēna ca yadbhēṣajaṁ jīvākhyaṁ śōṇitaṁ harati tadbhaiṣajyaṁ jīvādānamiti gaditam, yatastajjīvitamādattē| pittaraktayōrgandhavarṇānuvr̥ttitvasāmānyāt kimidaṁ raktamuta pittam ? iti saṁśayaḥ| tatparīkṣārthamāha-śunē kākāya vētyādi| tēna virēcanātiyōgōdbhavēna raktēna, miśritamannaṁ śunē vāyasāya vā dadyāt| tasmin raktamiśritē'nnē bhuktē sati jīvaṁ vadēt| abhuktē ca sati tasmin virēcanātiyōgēritaṁ pittaṁ brūyāt| śuklaṁ vastraṁ tēna virēcanātiyōgōdbhavēna raktēna saṁśayarūpēṇa bhāvitaṁ-ārdrīkr̥taṁ, anantaramāvānaṁ-śuṣkaṁ, kōṣṇavāriṇā prakṣālitaṁ-prakarṣēṇa dhautaṁ, pittē sati vivarṇaṁ vastraṁ syāt, na śuddham| śōṇitē tu sati prakṣālitaṁ vastraṁ śuddhaṁ syāt| sa0-tr̥ṣṇādyārtasya śōṇitē sravatyēva takrapittātisāraghnīṁ prāṇarakṣaṇīṁ śīghraṁ kriyāṁ kuryāt, āmaraṇāt| anēna ca maraṇatulādhirūḍhatvaṁ dyōtayati| saṁśayē'pi cikitsā kāryēti prāgabhyadhāyi| tatra mr̥gādīnāṁ jīvatāṁ sadyaskaṁ-tatkṣaṇōtpannaṁ, raktaṁ pibēt| kimbhūtam ? jīvābhisandhānam| jīvamabhisandhīyatē'trēti jīvābhisandhānam| hi-yasmāt, tat-raktaṁ kartr̥bhūtaṁ, jīvaṁ karma āśu gacchati-prāpnōti| tadētadraktaṁ darbhamr̥ditaṁ-abhinavaprasūtadarbhamr̥ditaṁ, bastau niṣēcayēt-prakṣipēt| śyāmādibhirvā śr̥taṁ payō ghr̥tamaṇḍāñjanābhyāṁ yuktaṁ bastiṁ himaṁ-śītalaṁ, yōjayēt| athavā picchābastiṁ-svalpamanuvāsanaṁ, suśītaṁ ghr̥tamaṇḍēna-svacchēnōrdhvabhavēna ghr̥tasyōparibhāgasthitēna, dēyam|
āyurvēdarasāyanam vyākhyā ( kr̥ta)
ā0 ra0-kavalagrahāḥ-gaṇḍūṣāḥ| tē ca yūṣā māṁsarasā vā| ā0 ra0-tanukāṁ-acchām| ā0 ra0-vamanabhaiṣajyātiyōgē vyāpadamāha-atiyōgāditi| jīvaśōṇitaṁ-ōjaḥ, "ōjastu tējō dhātūnāṁ" (hr̥. sū. a. 11/37) ityādinōktam| tat-vyāpadrūpaṁ jīvādānasaṁjñam| tēnāsr̥jā-jīvaśōṇitēna| bhāvitaṁ-dvistrirvā stimitam| tataḥ āvānaṁ-īṣacchuṣkam| tataḥ kōṣṇavāriṇā prakṣālitam| tadyadi vivarṇaṁ syāttadā pittam| yadi śuddhaṁ tadā jīvaśōṇitam| ā0 ra0-tasya-jñātajīvaśōṇitanirgamasya| sadyaskaṁ gr̥hītamātraṁ śirāvyadhēna| jīvābhisandhānaṁ-jīvaśōṇitanyūnāṁśapūraṇam| hi-yasmāt, tat jīvaṁ-jīvaśōṇitaṁ, āśu gacchati| tadēva-mr̥gādīnām, darbhamr̥ditaṁ-darbhacūrṇēna saha bharditam, bastau niṣēcayēt-tēna nirūhaṁ dadyāt, śyāmādikvathitēna payasā vā| śyāmā-priyaṅguḥ| picchābastiṁ-atisāracikitsitōktam (hr̥.ci.a. 9/72)|
Adhikarana gudabhraṁśē stambhanam (39) · Śloka 39
asyāmapyatiyōgōdbhavāyāmavasthāyāṁ gudabhraṁśaḥ sambhāvyata ityāha- gudaṁ bhraṣṭaṁ kaṣāyaiśca stambhayitvā pravēśayēt| |39|
View original
अस्यामप्यतियोगोद्भवायामवस्थायां गुदभ्रंशः सम्भाव्यत इत्याह- गुदं भ्रष्टं कषायैश्च स्तम्भयित्वा प्रवेशयेत्| |३९|
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-gudaṁ bhraṣṭaṁ kaṣāyaiḥ-kaṣāyarasaniṣpāditaiḥ- kvāthaiḥ, stambhayitvā pravēśayēt|
āyurvēdarasāyanam vyākhyā ( kr̥ta)
ā0 ra0-gudaṁ bhraṣṭaṁ kaṣāyaiḥ-kaṣāyarasairdravyaiḥ, stambhayitvā-stabdhatāṁ nītvā, pravēśayēt|
Adhikarana visaṁjñasya sāmavēdādiśravaṇam (3) · Śloka 3
| visaṁjñaṁ śrāvayētsāmavēṇugītādinisvanam||39|| iti śrīvaidyapatisiṁhaguptasūnuśrīmadvāgbhaṭaviracitā- yāmaṣṭāṅgahr̥dayasaṁhitāyāṁ pañcamē kalpasiddhi- sthānē vamanavirēcanavyāpatsiddhirnāma tr̥tīyō'dhyāyaḥ||3||
View original
| विसंज्ञं श्रावयेत्सामवेणुगीतादिनिस्वनम्||३९|| इति श्रीवैद्यपतिसिंहगुप्तसूनुश्रीमद्वाग्भटविरचिता- यामष्टाङ्गहृदयसंहितायां पञ्चमे कल्पसिद्धि- स्थाने वमनविरेचनव्यापत्सिद्धिर्नाम तृतीयोऽध्यायः||३||
🔊 Audio coming soon
Show commentary
sarvāṅgasundarī vyākhyā ( kr̥ta)
sa0-visaṁjñaṁ sampannaṁ sāmavēṇugītādīnāṁ nisvanaṁ śrāvayēditi| iti śrīmr̥gāṅkadattaputraśrīmadaruṇadattaviracitāyāmaṣṭāṅga- hr̥dayaṭīkāyāṁ sarvāṅgasundarākhyāyāṁ pañcamē kalpa siddhisthānē vamanavirēcanavyāpatsiddhirnāma tr̥tīyō'dhyāyaḥ samāptaḥ|| 3||
āyurvēdarasāyanam vyākhyā ( kr̥ta)
ā0 ra0-visaṁjñaṁ sāmādidhvanīn śrāvayēt| saṅgrahē tu (ka. a. 3)-"atimātramakālē'lpaṁ tulyavīryairabhāvitam| asamyak saṁskr̥taṁ jīrṇaṁ vyāpadyētauṣadhaṁ dhruvam|| chardanaṁ na tu duśrcchardaṁ durvirēcaṁ na rēcanam| pāyayēdauṣadhaṁ bhūyastannihanti tathā hi tau|| yasyōrdhvaṁ kaphasaṁsr̥ṣṭaṁ pītaṁ yātyānulōmikam| vamitaṁ kavalaiḥ śuddhaṁ laṅghitaṁ pāyayēttu tam|| vibaddhē'lpaṁ cirāddōṣē stravatyuṣṇaṁ pibējjalam| tēnādhmānaṁ vamistr̥ṣṇā vibandhaścāśu śāmyati|| bhēṣajaṁ dōṣaruddhaṁ cēnnōrdhvaṁ nādhaḥ pravartatē| sōdgāraṁ sāṅgaśūlaṁ vā svēdaṁ tatrāvacārayēt|| samyagviriktasyōdgārē bhēṣajaṁ kṣipramullikhēt| ajīrṇamapravr̥ttau tu suśītaiḥ stambhayēdbhiṣak|| kadācicchlēṣmaṇā ruddhaṁ tiṣṭhatyurasi bhēṣajam| kṣīṇē ślēṣmaṇi sāyāhnē niśi vā tat pravarttatē|| kṣārānāhārayējjīrṇē tiṣṭhatyūrdhvaṁ gatē'pi vā| vāyunā bhēṣajē tvanyat sasnēhalavaṇaṁ pibēt|| tr̥ṇmōhabhramamūrcchādyāḥ syurjīryati ca bhēṣajē| pittaghnaṁ svādu śītaṁ ca bhēṣajaṁ tatra śasyatē|| lālāhr̥llāsaviṣṭambharōmaharṣāḥ kaphāvr̥tē| bhēṣajaṁ tatra tīkṣṇōṣṇaṁ kaṭvāpi kaphanuddhitam||" iti| tathā dhātusravē (saṁ,ka.a. 3)-"taṁ śatadhautaghr̥tēnābhyajya kaṣāyasvāduśītaiḥ pradēhapariṣēkāvagāhānnapānaiḥ śarkarāmadhumadbhiśca lēhaiḥ stambhayēt| viśēṣēṇa tu virēcanātiyōgē taṇḍulāmbhasā madhumiśrēṇa vāmayēt| priyaṅvādikaṁ ca taṇḍulōdakēna pibēt| rōdhrarasāñjanādāḍimatvacō vā| kaṭphalōtpalasamaṅgāpadmakēsarāṇi vā| kṣaudraśarkarāmadhukōdumbaratvacō vā| śēṣēṣvapi cāsamyakprayuktavamanavirēcanōpadravēṣu yathāmayaṁ dōṣādīnālakṣya pratikuryāt| bastivyāpatsiddhiṁ cēkṣēta| ēvamubhayatō bhāgē'pi śōdhanē yathāvasthamuttiṣṭhēta| yā tu virēcanē parikartikā tadvamanē kaṇṭhakṣaṇanam, yaḥ parisravaḥ sa kaphaprasēkaḥ, yat pravāhaṇaṁ sa śuṣkōdgāra iti|" iti| iti hēmādriṭīkāyāmāyaurvēdarasāyanē| śuddhivyāpatprakaraṇaṁ sāmastyēna nirūpitam|| 3||