Adhikarana ૧ (૧-૨) · Śloka ૨
અથાતઃ શીતપૂતનાપ્રતિષેધં વ્યાખ્યાસ્યામઃ ||૧|| યથોવાચ ભગવાન્ ધન્વન્તરિઃ ||૨||
अथातः शीतपूतनाप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
અન્ધપૂતનાપ્રતિષેધાનન્તરં પૂતનાસામાન્યાચ્છીતપૂતનાપ્રતિષેધારમ્ભો યુજ્યત ઇત્યાહ- અથાત ઇત્યાદિ||૧-૨||
Adhikarana ૨ (૩-૬) · Śloka ૭
કપિત્થં સુવહાં બિમ્બીં તથા બિલ્વં પ્રચીબલમ્ | નન્દીં ભલ્લાતકં ચાપિ પરિષેકે પ્રયોજયેત્ ||૩|| બસ્તમૂત્રં ગવાં મૂત્રં મુસ્તં ચ સુરદારુ ચ | કુષ્ઠં ચ સર્વગન્ધાંશ્ચ તૈલાર્થમવચારયેત્ ||૪|| રોહિણીસર્જખદિરપલાશકકુભત્વચઃ | નિષ્ક્વાથ્ય તસ્મિન્નિષ્ક્વાથે સક્ષીરં વિપચેદ્ઘૃતમ્ ||૫|| ગૃધ્રોલૂકપુરીષાણિ બસ્તગન્ધામહેસ્ત્વચઃ | નિમ્બપત્રાણિ મધુકં ધૂપનાર્થં પ્રયોજયેત્ ||૬|| ધારયેદપિ લમ્બાં ચ ગુઞ્જાં કાકાદનીં તથા |૭|
कपित्थं सुवहां बिम्बीं तथा बिल्वं प्रचीबलम् | नन्दीं भल्लातकं चापि परिषेके प्रयोजयेत् ||३|| बस्तमूत्रं गवां मूत्रं मुस्तं च सुरदारु च | कुष्ठं च सर्वगन्धांश्च तैलार्थमवचारयेत् ||४|| रोहिणीसर्जखदिरपलाशककुभत्वचः | निष्क्वाथ्य तस्मिन्निष्क्वाथे सक्षीरं विपचेद्घृतम् ||५|| गृध्रोलूकपुरीषाणि बस्तगन्धामहेस्त्वचः | निम्बपत्राणि मधुकं धूपनार्थं प्रयोजयेत् ||६|| धारयेदपि लम्बां च गुञ्जां काकादनीं तथा |७|
🔊 Audio coming soon
કપિત્થમિત્યાદિ| સુવહા ગોધાપદી| પ્રચીબલો મત્સ્યાક્ષકઃ, કાકજઙ્ઘેત્યન્યે| નદીભલ્લાતકં નદીપિપ્પલિકા ગણ્ડોપલીતિ પર્યાયા| સર્વગન્ધા એલાદિકાઃ| અત્ર તૈલે કુષ્ઠદ્વયસ્ય પાઠો ભાગદ્વયાર્થઃ| રોહિણી કટ્ફલઃ| રોહિણ્યાદિક્વાથે ત્રિગુણે ક્ષીરૈકભાગે ઘૃતં પચેત્| બસ્તગન્ધા બોથયિકા| અહેસ્ત્વચઃ સર્પસ્ય કઞ્ચુકાઃ| લમ્બા તિક્તાલાબૂઃ| કાકાદની કાકતિન્દુકા||૩-૬||-
Adhikarana ૩ (૭-૮) · Śloka ૮
નદ્યાં મુદ્ગકૃતૈશ્ચાન્નૈસ્તર્પયેચ્છીતપૂતનામ્ ||૭|| દેવ્યૈ દેયશ્ચોપહારો વારુણી રુધિરં તથા | જલાશયાન્તે બાલસ્ય સ્નપનં ચોપદિશ્યતે ||૮||
नद्यां मुद्गकृतैश्चान्नैस्तर्पयेच्छीतपूतनाम् ||७|| देव्यै देयश्चोपहारो वारुणी रुधिरं तथा | जलाशयान्ते बालस्य स्नपनं चोपदिश्यते ||८||
🔊 Audio coming soon
નદ્યામિત્યાદિ| મુદ્ગકૃતૈરન્નૈઃ મુદ્ગકૃતૈર્ભક્ષ્યૈઃ, મુદ્ગોદનેનેતિ ગયી| ઉપહારો બલિઃ| જલાશયાન્તે નદ્યાઃ સમીપે||૭-૮||
Adhikarana ૪ (૯) · Śloka ૯
મુદ્ગૌદનાશના દેવી સુરાશોણિતપાયિની | જલાશયાલયા દેવી પાતુ ત્વાં શીતપૂતના ||૯||
मुद्गौदनाशना देवी सुराशोणितपायिनी | जलाशयालया देवी पातु त्वां शीतपूतना ||९||
🔊 Audio coming soon
રક્ષામાહ- મુદ્ગેત્યાદિ||૯||
Adhikarana પુષ્પિકા · Śloka ૩૪
ઇતિ સુશ્રુતસંહિતાયામુત્તરતન્ત્રાન્તર્ગતે કુમારતન્ત્રે શીતપૂતનાપ્રતિષેધો નામ(અષ્ટમોઽધ્યાયઃ, આદિતઃ) ચતુસ્ત્રિંશોઽધ્યાયઃ ||૩૪||
इति सुश्रुतसंहितायामुत्तरतन्त्रान्तर्गते कुमारतन्त्रे शीतपूतनाप्रतिषेधो नाम(अष्टमोऽध्यायः, आदितः) चतुस्त्रिंशोऽध्यायः ||३४||
🔊 Audio coming soon
ઇતિ શ્રીડલ્હ(હ્લ)ણવિરચિતાયાં નિબન્ધસઙ્ગ્રહાખ્યાયાં સુશ્રુતવ્યાખ્યાયામુત્તરતન્ત્રાન્તર્ગતે કૌમારભૃત્યતન્ત્રે શીતપૂતનાપ્રતિષેધાધ્યાયશ્ચતુસ્ત્રિંશત્તમઃ||૩૪||