Adhikarana ১ (১-২) · Śloka ২
অথাতঃ শীতপূতনাপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः शीतपूतनाप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অন্ধপূতনাপ্রতিষেধানন্তরং পূতনাসামান্যাচ্ছীতপূতনাপ্রতিষেধারম্ভো যুজ্যত ইত্যাহ- অথাত ইত্যাদি||১-২||
Adhikarana ২ (৩-৬) · Śloka ৭
কপিত্থং সুবহাং বিম্বীং তথা বিল্বং প্রচীবলম্ | নন্দীং ভল্লাতকং চাপি পরিষেকে প্রযোজযেত্ ||৩|| বস্তমূত্রং গবাং মূত্রং মুস্তং চ সুরদারু চ | কুষ্ঠং চ সর্বগন্ধাংশ্চ তৈলার্থমবচারযেত্ ||৪|| রোহিণীসর্জখদিরপলাশককুভত্বচঃ | নিষ্ক্বাথ্য তস্মিন্নিষ্ক্বাথে সক্ষীরং বিপচেদ্ঘৃতম্ ||৫|| গৃধ্রোলূকপুরীষাণি বস্তগন্ধামহেস্ত্বচঃ | নিম্বপত্রাণি মধুকং ধূপনার্থং প্রযোজযেত্ ||৬|| ধারযেদপি লম্বাং চ গুঞ্জাং কাকাদনীং তথা |৭|
कपित्थं सुवहां बिम्बीं तथा बिल्वं प्रचीबलम् | नन्दीं भल्लातकं चापि परिषेके प्रयोजयेत् ||३|| बस्तमूत्रं गवां मूत्रं मुस्तं च सुरदारु च | कुष्ठं च सर्वगन्धांश्च तैलार्थमवचारयेत् ||४|| रोहिणीसर्जखदिरपलाशककुभत्वचः | निष्क्वाथ्य तस्मिन्निष्क्वाथे सक्षीरं विपचेद्घृतम् ||५|| गृध्रोलूकपुरीषाणि बस्तगन्धामहेस्त्वचः | निम्बपत्राणि मधुकं धूपनार्थं प्रयोजयेत् ||६|| धारयेदपि लम्बां च गुञ्जां काकादनीं तथा |७|
🔊 Audio coming soon
কপিত্থমিত্যাদি| সুবহা গোধাপদী| প্রচীবলো মত্স্যাক্ষকঃ, কাকজঙ্ঘেত্যন্যে| নদীভল্লাতকং নদীপিপ্পলিকা গণ্ডোপলীতি পর্যাযা| সর্বগন্ধা এলাদিকাঃ| অত্র তৈলে কুষ্ঠদ্বযস্য পাঠো ভাগদ্বযার্থঃ| রোহিণী কট্ফলঃ| রোহিণ্যাদিক্বাথে ত্রিগুণে ক্ষীরৈকভাগে ঘৃতং পচেত্| বস্তগন্ধা বোথযিকা| অহেস্ত্বচঃ সর্পস্য কঞ্চুকাঃ| লম্বা তিক্তালাবূঃ| কাকাদনী কাকতিন্দুকা||৩-৬||-
Adhikarana ৩ (৭-৮) · Śloka ৮
নদ্যাং মুদ্গকৃতৈশ্চান্নৈস্তর্পযেচ্ছীতপূতনাম্ ||৭|| দেব্যৈ দেযশ্চোপহারো বারুণী রুধিরং তথা | জলাশযান্তে বালস্য স্নপনং চোপদিশ্যতে ||৮||
नद्यां मुद्गकृतैश्चान्नैस्तर्पयेच्छीतपूतनाम् ||७|| देव्यै देयश्चोपहारो वारुणी रुधिरं तथा | जलाशयान्ते बालस्य स्नपनं चोपदिश्यते ||८||
🔊 Audio coming soon
নদ্যামিত্যাদি| মুদ্গকৃতৈরন্নৈঃ মুদ্গকৃতৈর্ভক্ষ্যৈঃ, মুদ্গোদনেনেতি গযী| উপহারো বলিঃ| জলাশযান্তে নদ্যাঃ সমীপে||৭-৮||
Adhikarana ৪ (৯) · Śloka ৯
মুদ্গৌদনাশনা দেবী সুরাশোণিতপাযিনী | জলাশযালযা দেবী পাতু ত্বাং শীতপূতনা ||৯||
मुद्गौदनाशना देवी सुराशोणितपायिनी | जलाशयालया देवी पातु त्वां शीतपूतना ||९||
🔊 Audio coming soon
রক্ষামাহ- মুদ্গেত্যাদি||৯||
Adhikarana পুষ্পিকা · Śloka ৩৪
ইতি সুশ্রুতসংহিতাযামুত্তরতন্ত্রান্তর্গতে কুমারতন্ত্রে শীতপূতনাপ্রতিষেধো নাম(অষ্টমোঽধ্যাযঃ, আদিতঃ) চতুস্ত্রিংশোঽধ্যাযঃ ||৩৪||
इति सुश्रुतसंहितायामुत्तरतन्त्रान्तर्गते कुमारतन्त्रे शीतपूतनाप्रतिषेधो नाम(अष्टमोऽध्यायः, आदितः) चतुस्त्रिंशोऽध्यायः ||३४||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে কৌমারভৃত্যতন্ত্রে শীতপূতনাপ্রতিষেধাধ্যাযশ্চতুস্ত্রিংশত্তমঃ||৩৪||