Adhikarana ১ (১-২) · Śloka ২
অথাতো বিদ্রধীনাং নিদানং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो विद्रधीनां निदानं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথাত ইত্যাদি||১-২||
Adhikarana ২ (৩) · Śloka ৩
সর্বামরগুরুঃ শ্রীমান্নিমিত্তান্তরভূমিপঃ | শিষ্যাযোবাচ নিখিলমিদং বিদ্রধিলক্ষণম্ ||৩||
सर्वामरगुरुः श्रीमान्निमित्तान्तरभूमिपः | शिष्यायोवाच निखिलमिदं विद्रधिलक्षणम् ||३||
🔊 Audio coming soon
সর্বামরগুরুরিদং নিখিলং বিদ্রধীলক্ষণং শিষ্যার্থমুবাচেতি সম্বন্ধঃ| অমৃতদানেন সর্বে দেবা অমরাঃ কৃতাঃ, তেনাসৌ ধন্বন্তরিঃ সর্বেষাং দেবানাং গুরুরিত্যর্থঃ| শ্রীমান্ জ্ঞানাতিশযেনৈশ্বর্যেণ চ যুক্ত ইত্যর্থঃ| নিমিত্তান্তরভূমিপ ইতি নিমিতান্তরেণ কারণান্তরেণ নরেষ্বপি ভৈষজ্যামৃতপ্রদানলক্ষণেন ভূপালতাং গত ইত্যর্থঃ| অন্যে তু ‘অপুত্রস্য কাশিরাজস্য পরমারাধনযা নির্বাণে চিত্তমধিষ্ঠায পুত্রত্বমাপন্ন’ ইতি কারণান্তরং ব্যাখ্যানযন্তি| শিষ্যাযোবাচ শিষ্যার্থং কথিতবানিত্যর্থঃ| নিখিলং সমস্তম্| ইদং বক্ষ্যমাণম্| অনেন ধন্বন্তরিস্বরূপোপবর্ণনেন বিদ্রধের্গরীযস্ত্বং খ্যাপিতং ভবতি||৩||
Adhikarana ৩ (৪-৬) · Śloka ৬
ত্বগ্রক্তমাংসমেদাংসি প্রদূষ্যাস্থিসমাশ্রিতাঃ | দোষাঃ শোফং শনৈর্ঘোরং জনযন্ত্যুচ্ছ্রিতা ভৃশম্ ||৪|| মহামূলং রুজাবন্তং বৃত্তং চা(বাঽ)প্যথবাঽঽযতম্ | তমাহুর্বিদ্রধিং ধীরা, বিজ্ঞেযঃ স চ ষড্বিধঃ ||৫|| পৃথগ্দোষৈঃ সমস্তৈশ্চ ক্ষতেনাপ্যসৃজা তথা | ষণ্ণামপি হি তেষাং তু লক্ষণং সম্প্রবক্ষ্যতে ||৬||
त्वग्रक्तमांसमेदांसि प्रदूष्यास्थिसमाश्रिताः | दोषाः शोफं शनैर्घोरं जनयन्त्युच्छ्रिता भृशम् ||४|| महामूलं रुजावन्तं वृत्तं चा(वाऽ)प्यथवाऽऽयतम् | तमाहुर्विद्रधिं धीरा, विज्ञेयः स च षड्विधः ||५|| पृथग्दोषैः समस्तैश्च क्षतेनाप्यसृजा तथा | षण्णामपि हि तेषां तु लक्षणं सम्प्रवक्ष्यते ||६||
🔊 Audio coming soon
সম্প্রাপ্তিং সামান্যলক্ষণং চ দর্শযন্নাহ- ত্বগ্রক্তেত্যাদি| ভৃশমিত্যতিশযেনোচ্ছ্রিতা ইতি সম্বন্ধঃ| ধীরা ধীমন্তঃ| এতেন সম্প্রাপ্তিরুক্তা| মহামূলমিত্যাদি সামান্যলক্ষণমুক্তং, বিশিষ্টং কৃষ্ণোঽরুণ ইত্যাদি, কারণং তু সামান্যং শোফকারণাভিধানেনৈবোক্তম্| সঙ্খ্যামাহ- বিজ্ঞেযঃ স চ ষড্বিধ ইতি| স বিদ্রধিঃ| তদেব ষড্বিধত্বমাহ- পৃথগিত্যাদি| সমস্তৈশ্চেত্যেকঃ, ক্ষতেনাপ্যেকঃ, অসৃজাঽপ্যেক ইতি ষট্||৪-৬||
Adhikarana ৪ (৭) · Śloka ৭
কৃষ্ণোঽরুণো বা পরুষো ভৃশমত্যর্থবেদনঃ | চিত্রোত্থানপ্রপাকশ্চ বিদ্রধির্বাতসম্ভবঃ ||৭||
कृष्णोऽरुणो वा परुषो भृशमत्यर्थवेदनः | चित्रोत्थानप्रपाकश्च विद्रधिर्वातसम्भवः ||७||
🔊 Audio coming soon
বাতবিদ্রধিলক্ষণমাহ- কৃষ্ণ ইত্যাদি| চিত্রোত্থানপ্রপাক ইতি নানাপ্রকারোত্থানো নানাপ্রকারপাকশ্চেত্যর্থঃ||৭||
Adhikarana ৫ (৮) · Śloka ৮
পক্বোদুম্বরসঙ্কাশঃ শ্যাবো বা জ্বরদাহবান্ | ক্ষিপ্রোত্থানপ্রপাকশ্চ বিদ্রধিঃ পিত্তসম্ভবঃ ||৮||
पक्वोदुम्बरसङ्काशः श्यावो वा ज्वरदाहवान् | क्षिप्रोत्थानप्रपाकश्च विद्रधिः पित्तसम्भवः ||८||
🔊 Audio coming soon
পিত্তবিদ্রধিমাহ- পক্বেত্যাদি||৮||
Adhikarana ৬ (৯) · Śloka ৯
শরাবসদৃশঃ পাণ্ডুঃ শীতঃ স্তব্ধোঽল্পবেদনঃ | চিরোত্থানপ্রপাকশ্চ সকণ্ডুশ্চ কফোত্থিতঃ ||৯||
शरावसदृशः पाण्डुः शीतः स्तब्धोऽल्पवेदनः | चिरोत्थानप्रपाकश्च सकण्डुश्च कफोत्थितः ||९||
🔊 Audio coming soon
কফজমাহ- শরাবসদৃশ ইত্যাদি| শরাবসাদৃশ্যেন মহত্ত্বমুক্তম্||৯||
Adhikarana ৭ (১০) · Śloka ১০
তনুপীতসিতাশ্চৈষামাস্রাবাঃ ক্রমশঃ স্মৃতাঃ |১০|
तनुपीतसिताश्चैषामास्रावाः क्रमशः स्मृताः |१०|
🔊 Audio coming soon
তেষাং বিদ্রধীনাং যথাক্রমমাস্রাবানাহ- তন্বিত্যাদি| এষাং বাতাপিত্তকফোত্থানাং বিদ্রধীনাম্|১০|-
Adhikarana ৮ (১০) · Śloka ১১
নানাবর্ণরুজাস্রাবো ঘাটালো বিষমো মহান্ ||১০|| বিষমং পচ্যতে চাপি বিদ্রধিঃ সান্নিপাতিকঃ |১১|
नानावर्णरुजास्रावो घाटालो विषमो महान् ||१०|| विषमं पच्यते चापि विद्रधिः सान्निपातिकः |११|
🔊 Audio coming soon
সান্নিপাতিকমাহ- নানেত্যাদি| নানাবর্ণাঃ কৃষ্ণপীতশুক্লাঃ, নানারুজাস্তোদদাহকণ্ড্বাদ্যাঃ, নানাস্রাবাস্তনুপীতশুক্লাঃ, তে যস্য সন্তি স যথোক্তঃ| ঘাটাল ইতি ঘাটা ঊর্ধ্বভাগো মহান্ যস্যাস্তীতি স ঘাটালঃ| বিষমোঽসাধ্যত্বাত্| বিষমং পচ্যতে চাপীতি চিরাচিরগম্ভীরোত্তানানুন্নতোন্নতভেদেন ||১০||-
Adhikarana ৯ (১১-১২) · Śloka ১৩
তৈস্তৈর্ভাবৈরভিহতে ক্ষতে বাঽপথ্যসেবিনঃ ||১১|| ক্ষতোষ্মা বাযুবিসৃতঃ সরক্তং পিত্তমীরযেত্ | জ্বরস্তৃষ্ণা চ দাহশ্চ জাযতে তস্য দেহিনঃ ||১২|| এষ বিদ্রধিরাগন্তুঃ পিত্তবিদ্রধিলক্ষণঃ |১৩|
तैस्तैर्भावैरभिहते क्षते वाऽपथ्यसेविनः ||११|| क्षतोष्मा वायुविसृतः सरक्तं पित्तमीरयेत् | ज्वरस्तृष्णा च दाहश्च जायते तस्य देहिनः ||१२|| एष विद्रधिरागन्तुः पित्तविद्रधिलक्षणः |१३|
🔊 Audio coming soon
আগন্তোঃ সম্প্রাপ্তিং দর্শযন্নাহ- তৈস্তৈরিত্যাদি| তৈস্তৈরিতি অশ্বপতনগূ(মূ)ঢপ্রহারাদিভিরিত্যর্থঃ; তেনাস্রুতশোণিতপিচ্চিতাদীনাং গ্রহণম্| ক্ষতে বেত্যত্র তৈস্তৈর্ভাবৈরিতি তীক্ষ্ণপ্রহারাদিভিরিত্যর্থঃ; অনেন চ স্রুতশোণিতানাং ছিন্নাদীনাং গ্রহণম্| ক্ষতোষ্মা বাযুবিসৃতো বাতেন বিস্তারিতঃ| পিত্তবিদ্রধিলক্ষণো ‘ভবতি’ ইত্যধ্যাহারঃ||১১-১২||-
Adhikarana ১০ (১৩) · Śloka ১৪
কৃষ্ণস্ফোটাবৃতঃ শ্যাবস্তীব্রদাহরুজাজ্বরঃ ||১৩|| পিত্তবিদ্রধিলিঙ্গস্তু রক্তবিদ্রধিরুচ্যতে |১৪|
कृष्णस्फोटावृतः श्यावस्तीव्रदाहरुजाज्वरः ||१३|| पित्तविद्रधिलिङ्गस्तु रक्तविद्रधिरुच्यते |१४|
🔊 Audio coming soon
রক্তবিদ্রধিলক্ষণমাহ- কৃষ্ণস্ফোটাবৃত ইত্যাদি||১৩||-
Adhikarana ১১ (১৪) · Śloka ১৪
উক্তা বিদ্রধযো হ্যেতে তেষ্বসাধ্যস্তু সর্বজঃ ||১৪||
उक्ता विद्रधयो ह्येते तेष्वसाध्यस्तु सर्वजः ||१४||
🔊 Audio coming soon
বাহ্যেষ্বসাধ্যমাহ- উক্তা ইত্যাদি| সর্বজঃ সান্নিপাতিকঃ||১৪||
Adhikarana ১২ (১৫-১৮) · Śloka ১৯
আভ্যন্তরানতস্তূর্ধ্বং বিদ্রধীন্ পরিচক্ষতে | গুর্বসাত্ম্যবিরুদ্ধান্নশুষ্কসংসৃষ্টভোজনাত্ ||১৫|| অতিব্যবাযব্যাযামবেগাঘাতবিদাহিভিঃ | পৃথক্ সম্ভূয বা দোষাঃ কুপিতা গুল্মরূপিণম্ ||১৬|| বল্মীকবত্সমুন্নদ্ধমন্তঃ কুর্বন্তি বিদ্রধিম্ | গুদে বস্তিমুখে নাভ্যাং কুক্ষৌ বঙ্ক্ষণযোস্তথা ||১৭|| বৃক্কযোর্যকৃতি প্লীহ্নি হৃদযে ক্লোম্নি বা তথা | তেষাং লিঙ্গানি জানীযাদ্বাহ্যবিদ্রধিলক্ষণৈঃ ||১৮|| আমপক্বৈষণীযাচ্চ পক্বাপক্বং বিনির্দিশেত্ |১৯|
आभ्यन्तरानतस्तूर्ध्वं विद्रधीन् परिचक्षते | गुर्वसात्म्यविरुद्धान्नशुष्कसंसृष्टभोजनात् ||१५|| अतिव्यवायव्यायामवेगाघातविदाहिभिः | पृथक् सम्भूय वा दोषाः कुपिता गुल्मरूपिणम् ||१६|| वल्मीकवत्समुन्नद्धमन्तः कुर्वन्ति विद्रधिम् | गुदे बस्तिमुखे नाभ्यां कुक्षौ वङ्क्षणयोस्तथा ||१७|| वृक्कयोर्यकृति प्लीह्नि हृदये क्लोम्नि वा तथा | तेषां लिङ्गानि जानीयाद्बाह्यविद्रधिलक्षणैः ||१८|| आमपक्वैषणीयाच्च पक्वापक्वं विनिर्दिशेत् |१९|
🔊 Audio coming soon
অন্তর্বিদ্রধের্হেতুসম্প্রাপ্তিলক্ষণান্যাহ- আভ্যন্তরানিত্যাদি| সংসৃষ্টভোজনাত্ কদশনভোজনাত্| সম্ভূয মিলিত্বা| গুল্মরূপিণং বল্মীকবত্সমুন্নদ্ধং বিদ্রধিং কুর্বন্তীতি সম্বন্ধঃ; গুল্মরূপিণং কাঠিন্যেন, বল্মীকবত্সমুন্নদ্ধং সর্বত উন্নতম্| গুর্বসাত্ম্যেত্যাদি বিদাহিভিরিতি যাবদ্ধেতুঃ, পৃথক্ সম্ভূয বেতি সম্প্রাপ্তিঃ, গুল্মরূপিণং বল্মীকবত্সমুন্নদ্ধমিতি চ সামান্যলক্ষণম্| তত্রাপি বল্মীকবত্সমুন্নদ্ধত্বং পচ্যমানাবস্থাযাম্| তেষাং বাতাদিভেদভিন্নানাং বিশেষবর্ণলিঙ্গসঙ্খ্যাদিকং বাহ্যবিদ্রধিবজ্জ্ঞেযম্| জেজ্জটস্তু আভ্যন্তরস্যাগন্তোরভাবমেব মন্যতে| তেষাং বাহ্যানামাভ্যন্তরাণাং চ স্থানমাহ- গুদে ইত্যাদি| গুদাদিষু স্থানেষু দোষা বিদ্রধিং কুর্বন্তীতি সম্বন্ধঃ| বস্তিমুখে ন তু বস্তৌ, তত্র মাংসমেদসোরভাবাত্| বঙ্ক্ষণ ঊরুমূলাশ্রযঃ ‘গণ্ডক’ ইতি লোকে| বৃক্কৌ মাংসপিণ্ডদ্বযম্ (একো বামপার্শ্বস্থিতঃ, দ্বিতীযো দক্ষিণপার্শ্বস্থিতঃ )| যকৃত্ কালখণ্ডং দক্ষিণপার্শ্বস্থম্| প্লীহা উদরবামপার্শ্বে স্থিতঃ| হৃদযং কমলমুকুলাকারমধোমুখম্| ক্লোম কালখণ্ডাদধস্তাত্ স্থিতং দক্ষিণপার্শ্বস্থং তিলকং প্রসিদ্ধম্| তেষামাভ্যন্তরাণামিত্যর্থঃ||১৫-১৮||-
Adhikarana ১৩ (১৯-২২) · Śloka ২২
অধিষ্ঠানবিশেষেণ লিঙ্গং শৃণু বিশেষতঃ ||১৯|| গুদে বাতনিরোধস্তু বস্তৌ কৃচ্ছ্রাল্পমূত্রতা | নাভ্যাং হিক্কা তথাঽঽটোপঃ কুক্ষৌ মারুতকোপনম্ ||২০|| কটীপৃষ্ঠগ্রহস্তীব্রো বঙ্ক্ষণোত্থে তু বিদ্রধৌ | বৃক্কযোঃ পার্শ্বসঙ্কোচঃ প্লীহ্ন্যুচ্ছ্বাসাবরোধনম্ ||২১|| সর্বাঙ্গপ্রগ্রহস্তীব্রো হৃদি শূলশ্চ দারুণঃ | শ্বাসো যকৃতি তৃষ্ণা চ পিপাসাক্লোমজেঽধিকা ||২২||
अधिष्ठानविशेषेण लिङ्गं शृणु विशेषतः ||१९|| गुदे वातनिरोधस्तु बस्तौ कृच्छ्राल्पमूत्रता | नाभ्यां हिक्का तथाऽऽटोपः कुक्षौ मारुतकोपनम् ||२०|| कटीपृष्ठग्रहस्तीव्रो वङ्क्षणोत्थे तु विद्रधौ | वृक्कयोः पार्श्वसङ्कोचः प्लीह्न्युच्छ्वासावरोधनम् ||२१|| सर्वाङ्गप्रग्रहस्तीव्रो हृदि शूलश्च दारुणः | श्वासो यकृति तृष्णा च पिपासाक्लोमजेऽधिका ||२२||
🔊 Audio coming soon
বাহ্যানামাভ্যন্তরাণাং চাধিষ্ঠানবিশেষেণ লক্ষণং দর্শযন্নাহ- অধিষ্ঠানেত্যাদি| আটোপঃ সঙ্ক্ষোভঃ| পার্শ্বসঙ্কোচঃ পার্শ্বোত্পাটনমিব| হৃদীতি হৃদযোত্থে বিদ্রধৌ, সর্বাঙ্গপ্রগ্রহাদয উপদ্রবা ভবন্তীত্যর্থঃ| ‘ক্লোম্নি পিপাসা’ ইত্যাদি পাঠান্তরং কেচিত্ পঠন্তি, তচ্চাভাবান্ন লিখিতম্||১৯-২২||
Adhikarana ১৪ (২৩) · Śloka ২৩
আমো বা যদি বা পক্বো মহান্ বা যদি বেতরঃ | সর্বো মর্মোত্থিতশ্চাপি বিদ্রধিঃ কষ্ট উচ্যতে ||২৩||
आमो वा यदि वा पक्वो महान् वा यदि वेतरः | सर्वो मर्मोत्थितश्चापि विद्रधिः कष्ट उच्यते ||२३||
🔊 Audio coming soon
তত্র মর্মোত্থিতানাং সর্বাবস্থাসু কষ্টত্বং দর্শযন্নাহ- আম ইত্যাদি| যদি বেতর ইতি ইতরোঽল্পঃ||২৩||
Adhikarana ১৫ (২৪-২৫) · Śloka ২৫
নাভেরুপরিজাঃ পক্বা যান্ত্যূর্ধ্বমিতরে ত্বধঃ | জীবত্যধো নিঃস্রুতেষু স্রুতেষূর্ধ্বং ন জীবতি ||২৪|| হৃন্নাভিবস্তিবর্জ্যা যে তেষু ভিন্নেষু বাহ্যতঃ | জীবেত্ কদাচিত্ পুরুষো নেতরেষু কদাচন ||২৫||
नाभेरुपरिजाः पक्वा यान्त्यूर्ध्वमितरे त्वधः | जीवत्यधो निःस्रुतेषु स्रुतेषूर्ध्वं न जीवति ||२४|| हृन्नाभिबस्तिवर्ज्या ये तेषु भिन्नेषु बाह्यतः | जीवेत् कदाचित् पुरुषो नेतरेषु कदाचन ||२५||
🔊 Audio coming soon
অবস্থাবিশেষাদসাধ্যত্বমাহ- নাভেরিত্যাদি| নাভেরুপরিজাঃ প্লীহযকৃত্ক্লোমকুক্ষিহৃদযজাঃ, পক্বা ঊর্ধ্বং যান্তি স্রবন্তি| ইতরে গুদবস্তিবৃক্কবঙ্ক্ষণজা অধো যান্তি| এষু চাধোনিঃস্রুতেষু জীবতি, নোর্ধ্বনিঃস্রুতেষু| হৃন্নাভিবস্তিজান্ বর্জযিত্বা যেঽন্যে গুদকুক্ষিবঙ্ক্ষণবৃক্কপ্লীহযকৃত্ক্লোমজাস্তেষ্বন্তর্বিদ্রধিষু বাহ্যাতো ভিন্নেষু কদাচিদ্দৈববশাজ্জীবেত্, ন পুনরিতরেষ্বভ্যন্তরতো ভিন্নেষ্বিত্যর্থঃ| হৃন্নাভিবস্তিজানাং চাসাধ্যত্বমগ্রেবাচ্যম্||২৪-২৫||
Adhikarana ১৬ (২৬) · Śloka ২৬
স্ত্রীণামপপ্রজাতানাং প্রজাতানাং তথাঽহিতৈঃ | দাহজ্বরকরো ঘোরো জাযতে রক্তবিদ্রধিঃ ||২৬||
स्त्रीणामपप्रजातानां प्रजातानां तथाऽहितैः | दाहज्वरकरो घोरो जायते रक्तविद्रधिः ||२६||
🔊 Audio coming soon
আভ্যন্তরং রক্তজং নারীণামেব দর্শযন্নাহ- স্ত্রীণামিত্যাদি| স্ত্রীণাং রক্তাবিদ্রধির্জাযত ইতি সম্বন্ধঃ| কিম্ভূতানাং স্ত্রীণাম্? অপপ্রজাতানাং, পতিতগর্ভণাং; পুনরপি কিম্ভূতানাং? প্রজাতানাং সম্যক্কালপ্রসূতানাম্| অহিতৈঃ শীতরূক্ষাহারবিহারৈঃ||২৬||
Adhikarana ১৭ (২৭) · Śloka ২৮
অপি সম্যক্প্রজাতানামসৃক্ কাযাদনিঃসৃতম্ | রক্তজং বিদ্রধিং কুর্যাত্ কুক্ষৌ মক্কল্লসঞ্জ্ঞিতম্ ||২৭|| সপ্তাহান্নোপশান্তশ্চেত্ততোঽসৌ সম্প্রপচ্যতে |২৮|
अपि सम्यक्प्रजातानामसृक् कायादनिःसृतम् | रक्तजं विद्रधिं कुर्यात् कुक्षौ मक्कल्लसञ्ज्ञितम् ||२७|| सप्ताहान्नोपशान्तश्चेत्ततोऽसौ सम्प्रपच्यते |२८|
🔊 Audio coming soon
তস্যৈব রক্তবিদ্রধের্বিশেষমাহ- অপি সম্যগিত্যাদি| মক্কল্লসঞ্জ্ঞিতং মক্কল্লজনিতং, কারণে কার্যোপচারাত্; ঘৃতমাযুরিতি যথা| সপ্তরাত্রমপ্রশান্তঃ পিত্তোষ্মণাঽন্তঃ পচ্যতে, পক্বশ্চাসাধ্যঃ||২৭||-
Adhikarana ১৮ (২৮-৩৩) · Śloka ৩৩
বিশেষমথ বক্ষ্যামি স্পষ্টং বিদ্রধিগুল্মযোঃ ||২৮|| গুল্মদোষসমুত্থানাদ্বিদ্রধের্গুল্মকস্য চ | কস্মান্ন পচ্যতে গুল্মো বিদ্রধিঃ পাকমেতি চ ||২৯|| ন নিবন্ধোঽস্তি গুল্মানাং বিদ্রধিঃ সনিবন্ধনঃ | গুল্মাকারাঃ স্বযং দোষা বিদ্রধির্মাংসশোণিতে ||৩০|| বিবরানুচরো গ্রন্থিরপ্সু বুদ্বুদকো যথা | এবম্প্রকারো গুল্মস্তু তস্মাত্ পাকং ন গচ্ছতি ||৩১|| মাংসশোণিতবাহুল্যাত্ পাকং গচ্ছতি বিদ্রধিঃ | মাংসশোণিতহীনত্বাদ্গুল্মঃ পাকং ন গচ্ছতি ||৩২|| গুল্মস্তিষ্ঠতি দোষে স্বে বিদ্রধির্মাংসশোণিতে | বিদ্রধিঃ পচ্যতে তস্মাদ্গুল্মশ্চাপি ন পচ্যতে ||৩৩||
विशेषमथ वक्ष्यामि स्पष्टं विद्रधिगुल्मयोः ||२८|| गुल्मदोषसमुत्थानाद्विद्रधेर्गुल्मकस्य च | कस्मान्न पच्यते गुल्मो विद्रधिः पाकमेति च ||२९|| न निबन्धोऽस्ति गुल्मानां विद्रधिः सनिबन्धनः | गुल्माकाराः स्वयं दोषा विद्रधिर्मांसशोणिते ||३०|| विवरानुचरो ग्रन्थिरप्सु बुद्बुदको यथा | एवम्प्रकारो गुल्मस्तु तस्मात् पाकं न गच्छति ||३१|| मांसशोणितबाहुल्यात् पाकं गच्छति विद्रधिः | मांसशोणितहीनत्वाद्गुल्मः पाकं न गच्छति ||३२|| गुल्मस्तिष्ठति दोषे स्वे विद्रधिर्मांसशोणिते | विद्रधिः पच्यते तस्माद्गुल्मश्चापि न पच्यते ||३३||
🔊 Audio coming soon
পৃথক্ সম্ভূয বা দোষাঃ কুপিতা গুল্মরূপিণমিত্যত্রৈকরূপত্বাদন্তর্বিদ্রধিগুল্মযোঃ কুতো গুল্মাদস্য বিদ্রধেঃ পাককৃতো বিশেষ ইত্যাহ- বিশেষমিত্যাদি| বিশেষং ভেদম্| সমুত্থানং কারণং, দোষা এব সমুত্থানং, তচ্চ দ্বযোস্তুল্যম্| সিদ্ধান্তমাহ- ন নিবন্ধোঽস্তীতি; নিশ্চিত্য বন্ধাতীতি নিবন্ধো মূলং; তদ্গুল্মানাং মূলং নাস্তীতি, রসরক্তাদিদূষ্যাণামভাবত্বাত্| কুতঃ পুনরেষাং শোফরূপাণামপি মূলং নাস্তীত্যাহ- গুল্মাকারা গুল্মরূপাঃ, স্বযমাত্মনৈব, দোষা বাতাদযঃ, ন পুনর্দূষ্যসংশ্রযাঃ| বিদ্রধের্মূলসম্ভবে হেতুমাহ- বিদ্রধির্মাংসশোণিতে ইতি; ‘ভবতি’ ইতি শেষঃ| তত্র কথং পিত্তে কফে বা দ্রবে বাতজনিতস্য গুল্মস্য স্থিতিরিত্যাহ- বিবরানুচর ইত্যাদি| যথাঽপ্সু বুদ্বুদকঃ, এবম্প্রকারো বিবরানুচরঃ স্রোতোঽনুসা(চা)রী বাতগ্রন্থিরূপো গুল্মঃ, ‘কফপিত্তযোঃ’ ইতি শেষঃ; তস্মাত্ পূর্বোক্তাদ্ধেতোঃ পাকং ন যাতি| অমুমেবার্থং নিযমযন্নাহ- মাংসশোণিতবাহুল্যাদিত্যাদি| বিদ্রধিগুল্মযোর্মূলসম্ভবাসম্ভবাভ্যাং পাকাপাকৌ প্রতিপাদ্য স্থানবিশেষাদপি হেতোঃ পাকাপাকৌ প্রতিপাদযন্নাহ- গুল্মস্তিষ্ঠতীত্যাদি| গুল্মশ্চাপি ন পচ্যত ইতি অপিশব্দেন পচ্যতে গুল্ম ইতি কাযচিকিত্সাযামুক্তং গুল্মপাকিত্বং সমুচ্চীযতে||২৮-৩৩||
Adhikarana ১৯ (৩৪) · Śloka ৩৪
হৃন্নাভিবস্তিজঃ পক্বো বর্জ্যো যশ্চ ত্রিদোষজঃ |৩৪|
हृन्नाभिबस्तिजः पक्वो वर्ज्यो यश्च त्रिदोषजः |३४|
🔊 Audio coming soon
হৃদিত্যাদি| এতেন সান্নিপাতিকঃ পক্বো যত্র কুত্রচিত্ স্থিতো বিদ্রধির্বর্জনীযঃ| কেচিদ্গুল্মবিদ্রধ্যোর্মানকথনায শ্লোকং পঠন্তি- “মুষ্টিপ্রমাণো গুল্মস্তু বিদ্রধিশ্চ ততঃ পরম্”- ইতি; ততঃ পরমিতি মুষ্টেরধিক ইত্যর্থঃ|৩৪|-
Adhikarana ২০ (৩৪-৩৮) · Śloka ৩৮
অথ মজ্জপরীপাকো ঘোরঃ সমুপজাযতে ||৩৪|| সোঽস্থিমাংসনিরোধেন দ্বারং ন লভতে যদা | ততঃ স ব্যাধিনা তেন জ্বলনেনেব দহ্যতে ||৩৫|| অস্থি(থ) মজ্জোষ্মণা তেন শীর্যতে দহ্যমানবত্ | বিকারঃ শল্যভূতোঽযং ক্লেশযেদাতুরং চিরম্ ||৩৬|| অথাস্য কর্মণা ব্যাধির্দ্বারং তু লভতে যদা | ততো মেদঃপ্রভং স্নিগ্ধং শুক্লং শীতমথো গুরু ||৩৭|| ভিন্নেঽস্থ্নি নিঃস্রবেত্ পূযমেতদস্থিগতং বিদুঃ | বিদ্রধিং শাস্ত্রকুশলাঃ সর্বদোষরুজাবহম্ ||৩৮||
अथ मज्जपरीपाको घोरः समुपजायते ||३४|| सोऽस्थिमांसनिरोधेन द्वारं न लभते यदा | ततः स व्याधिना तेन ज्वलनेनेव दह्यते ||३५|| अस्थि(थ) मज्जोष्मणा तेन शीर्यते दह्यमानवत् | विकारः शल्यभूतोऽयं क्लेशयेदातुरं चिरम् ||३६|| अथास्य कर्मणा व्याधिर्द्वारं तु लभते यदा | ततो मेदःप्रभं स्निग्धं शुक्लं शीतमथो गुरु ||३७|| भिन्नेऽस्थ्नि निःस्रवेत् पूयमेतदस्थिगतं विदुः | विद्रधिं शास्त्रकुशलाः सर्वदोषरुजावहम् ||३८||
🔊 Audio coming soon
প্রাক্তনকর্মবশাদুপেক্ষণাদ্বা যো বিদ্রধিষ্বস্থ্যন্তর্গতঃ পাকো ভবতি তস্য লক্ষণমাহ- অথেত্যাদি| সর্ববিদ্রধযো বাতাদিনা যদাঽস্থ্যাশ্রিত্য জাযন্তে, উপেক্ষণাদনন্তরং তদ্গতমজ্জা চ পরিপচ্যতে তদেতদ্রূপমুক্তম্| সোঽস্থিমাংসনিরোধেনেতি স মজ্জাপরিপাকঃ| ততঃ স ব্যাধিনা তেনেতি তদা স পুরুষঃ, তেন ব্যাধিনা মজ্জপরিপাকেন| অস্থি(থ)মজ্জোষ্মণা তেন শীর্যতে দহ্যমানবদিতি তেন মজ্জোষ্মণা, অথ উপেক্ষণাদনন্তরং, শীর্যতে বিনশ্যতি, কিংবত্? দহ্যমানবত্| অথাস্য কর্মণেতি কর্মণা শস্ত্রকর্মণা| ব্যাধিঃ পূযম্||৩৪-৩৮||
Adhikarana পুষ্পিকা · Śloka ৯
ইতি সুশ্রুতসংহিতাযাং নিদানস্থানে বিদ্রধিনিদানং নাম নবমোঽধ্যাযঃ ||৯||
इति सुश्रुतसंहितायां निदानस्थाने विद्रधिनिदानं नाम नवमोऽध्यायः ||९||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং নিদানস্থানে নবমোঽধ্যাযঃ||৯||