Adhikarana অথ গুহ্যরোগবিজ্ঞানীযো নামাষ্টত্রিংশোঽধ্যাযঃ, প্রতিজ্ঞা (১) · Śloka ১
অথাতো গুহ্যরোগবিজ্ঞানীযং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो गुह्यरोगविज्ञानीयं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
শশিলেক ব্যাখ্যা (ইন্দু কৃত)
ব্রণশস্ত্রপ্রসঙ্গেন ক্ষতপ্রাযত্বাত্ গুহ্যরোগাণাং হেত্বাদিকং প্রদর্শযিতুমধ্যায আরভ্যতে| গুহ্যশব্দেনোপস্থো ভণ্যতে|| ১||
Adhikarana গুহ্যরোগহেতুঃ (২) · Śloka ২
স্ত্রীব্যবাযনিবৃত্তস্য সহসা ভজতোঽথবা| দোষাধ্যুষিতসঙ্কীর্ণমলিনাণুরজঃ পথাম্| অন্যযোনিমনিচ্ছন্তীমগম্যাং নবসূতিকাম্| দূষিতং স্পৃশতস্তোযং রতান্তেষ্বপি নৈব বা| বিবর্ধযিষযা তীক্ষ্ণান্ প্রলেপাদীন্ প্রযচ্ছতঃ| মুষ্টিদন্তনখোত্পীডাবিষবচ্ছূকপাতনৈঃ| বেগনিগ্রহদীর্ঘাতিখরশষ্পবিঘট্টনৈঃ| দোষা দুষ্টা গতা গুহ্যং ত্রযোবিংশতিমামযান্| জনযন্ত্যুপদংশাদীন্||২||
स्त्रीव्यवायनिवृत्तस्य सहसा भजतोऽथवा| दोषाध्युषितसङ्कीर्णमलिनाणुरजः पथाम्| अन्ययोनिमनिच्छन्तीमगम्यां नवसूतिकाम्| दूषितं स्पृशतस्तोयं रतान्तेष्वपि नैव वा| विवर्धयिषया तीक्ष्णान् प्रलेपादीन् प्रयच्छतः| मुष्टिदन्तनखोत्पीडाविषवच्छूकपातनैः| वेगनिग्रहदीर्घातिखरशष्पविघट्टनैः| दोषा दुष्टा गता गुह्यं त्रयोविंशतिमामयान्| जनयन्त्युपदंशादीन्||२||
🔊 Audio coming soon
শশিলেক ব্যাখ্যা (ইন্দু কৃত)
স্ত্রীব্যবাযনিবৃত্তত্বাদিযুক্তস্য পুরুষস্য তত এব হেতোর্গুহ্যং গতা বাতাদযো দুষ্টাস্ত্রযোবিংশতিমুপদংশাদীনামযান্ ব্যাধীন্ জনযন্তি| স্ত্রীব্যবাযো মৈথুনম্ অতঃ সহসা যো নিবৃত্তিঃ সহসা সেবনঞ্চ দোষকোপহেতুঃ| অথবা দোষাধ্যুতত্বাদিগুণরজঃ পথামন্যযোনাদিকাং বা স্ত্রিযং ভজতঃ| দোষৈর্বাতাদিভিরধ্যুষিতমধিষ্ঠিতং সঙ্কীর্ণঞ্চ মলিনং চাণু চ রজঃ পথং যোনিদ্বারং যস্যাস্তাম্| সঙ্কীর্ণং কেনচিত্ বীভাত্সেন মিশ্রিতম্| মলিনং শৌচাদ্যভাবেন মলযুক্তম্| অণু সংব্ ঋতম্| অন্যযোনির্বিজাতীযবডবাগবাদিস্তাম্| অনিচ্ছন্তী যা মৈথুনদ্বেষেণাঙ্গসঙ্কোচনপরা| অগম্যা ভগিন্যাদিঃ| তথা রতান্তেষু দূষিতং পঙ্কাদ্যাবিলং তোযং স্পৃশতস্তেন শৌচং কুর্বতঃ অপি বা নৈব স্পৃশতঃ শৌচাদিকং নৈব কুর্বতঃ| তথা বিবর্ধযিষযা শোফং বর্ধযিতুমিচ্ছযা তত্রৈব তীক্ষ্ণান্ প্রলেপসেকাদীন্ প্রযচ্ছতো দদতঃ| মুষ্ট্যাদীনামুত্পীডনযা| বিষবতাং শূকানাং পাতনৈঃ| বেগনিগ্রহঃ শুক্রাদিবেগধারণম্| দীর্ঘণাতিখরেণ চ শষ্পেণ তৃণেন বিঘট্টনং ক্ষোদনম্| 'গুহ্যরোম শষ্পমি'তি জেজ্জটঃ| (স্ত্রীং ব্যবাযনিবৃত্তস্যেতি পাঠঃ| বেগনিগ্রহদীর্ঘাতিখরস্পর্শবিঘট্টনৈরিতি চ| ব্যাবাযনিবৃত্তস্য চিরকালোপেক্ষিতমৈথুনস্য নরস্য পুনঃ সহসা অতর্কিতমেব স্ত্রীং নারীং ভজতঃ সেবমানস্য| অথবেতি বিকল্পে| সঙ্কীর্ণঃ প্রসববৈষম্যাদিনা গুদবস্তিভ্যামেকীভূতঃ| অথবা রজঃ-শব্দোঽপি দোষাধ্যুষিতাদিবদ্ গুণবচনঃ, তথা সতি তজঃপথাং রজোযুক্তযোনিমার্গাং রজস্বলাসূতিকাদিমিত্যর্থঃ| অস্মিন্ পক্ষে দোষাধ্যুষিতাদিভিঃ পথশব্দোঽভিসম্বধ্যঃ| অগম্যাং ভগিন্যাদিকান্তথা সত্যন্যজনজ্ঞানশঙ্কাজুগুপ্সাদিজনিতবৈক্লব্যদূনে হৃদি ক্রুদ্ধা দোষাস্তদ্গতেন মনসা সহ গুহ্যং প্রাপ্তাস্তত্র রোগান্ জনযন্তীত্যর্থঃ| শ্রুতিস্মৃতিবিরুদ্ধাচারতশ্চ| মুষ্ট্যুত্পীডনাদযঃ কামসূত্রবিহিতকরণ ভেদজনিতাঃ| ঊষরজলেষু বাহুল্যেন দৃশ্যমানো জন্তুতুল্যাকৃতিঃ কশ্চিদোষধিবিশেষঃ শূকঃ| তে চ শূকাঃ সবিষনির্বিষভেদাত্ দ্বিধা তত্র বিষবন্তো রোগকারিণঃ| তদুক্তম্- কৃষ্ণানি চিত্রাণ্যথবা শূকানি সবিষাণি তু| পাতিতানি পচন্ত্যাশু মেঢ্রং নিরবশেষতঃ|| ইতি| অথবা বিষদ্রব্যকল্পিতানাং বচ্ছূকানাং বশ্যৌষধানাং পাতনাত্| বেগনিগ্রহদীর্ঘাতিখরস্পর্শবিঘাট্টনাত্ বেগনিগ্রহাচ্ছুক্রাদিবেগধারণাত্| তথা দীর্ঘাণামতিখরণাঞ্চ স্পর্শানাং বিঘট্টনাদাস্ফালনাত্| স্পর্শমিতি কামাতপত্রসংজ্ঞিতস্ত্বগ্বিশেষঃ| তস্য চ বহুরূপতা বিদ্যতে তত্কামশাস্ত্রাদবগন্তব্যম্)|| ২||
Adhikarana অপদংশানাং সঙ্খ্যাসম্প্রাপ্তিঃ (৩) · Śloka ৩
অপদংশোঽত্র পঞ্চধা| পৃথগ্দোষৈঃ সরুধিরৈঃ সমস্তৈশ্চ||৩||
अपदंशोऽत्र पञ्चधा| पृथग्दोषैः सरुधिरैः समस्तैश्च||३||
🔊 Audio coming soon
শশিলেক ব্যাখ্যা (ইন্দু কৃত)
অত্রৈষাং ত্রযোবিংশতের্মধ্যে বাতেন পিত্তেন শ্লেষ্মণা রক্তেন সন্নিপাতেনেতি পঞ্চধা অপদংশাঃ|| ৩||
Adhikarana বাতজাপদংশঃ (৪) · Śloka ৪
অত্র মারুতাত্| মেঢশোফো রুজশ্চিত্রাঃ স্তম্ভস্ত্বক্পরিপোটনম্||৪||
अत्र मारुतात्| मेढशोफो रुजश्चित्राः स्तम्भस्त्वक्परिपोटनम्||४||
🔊 Audio coming soon
শশিলেক ব্যাখ্যা (ইন্দু কৃত)
ত্বক্পরিপোটনান্তং বাতেনোপদংশে লক্ষণম্| (অত্র পঞ্চানাং মধ্যে বাতেনাপদংশে লিঙ্গে শোফো নানাপ্রকাররুজঃ স্তব্ধতা ত্বচোভেদনং চ স্যাত্)|| ৪||
Adhikarana পিত্তজাপদংশঃ (৫) · Śloka ৫
পক্বোদুম্বরসঙ্কাশং পিত্তেন শ্বযথুর্জ্বরঃ||৫||
पक्वोदुम्बरसङ्काशं पित्तेन श्वयथुर्ज्वरः||५||
🔊 Audio coming soon
শশিলেক ব্যাখ্যা (ইন্দু কৃত)
জ্বরান্তং পিত্তেন| পিত্তজে অপদংশে পক্বোদুম্বরসঙ্কাশঃ শোফো জ্বরশ্চ স্যাত্|| ৫||
Adhikarana শ্লেষ্মজাপদংশঃ (৬) · Śloka ৭
শ্লেষ্মণা কঠিনঃ স্নিগ্ধঃ কণ্ডূমাঞ্ছীতলো গুরুঃ||৬|| `|৭|
श्लेष्मणा कठिनः स्निग्धः कण्डूमाञ्छीतलो गुरुः||६|| `|७|
🔊 Audio coming soon
শশিলেক ব্যাখ্যা (ইন্দু কৃত)
গুর্বন্তং শ্লেষ্মণা| কঠিন ইত্যাদ্যনন্তরপ্রকৃতস্য শ্বযথোর্বিশেষণম্| (বিশেষণসামর্থ্যাচ্ছ্বযথুরেবাত্র বিশেষ্যঃ| শ্লেষ্ম কৃতে অপদংশে কাঠিন্যযুক্তঃ স্নেহলেপপ্রতীতিকরঃ কণ্ডূসহিতঃ শীতস্পর্শশ্চ শোফো জাযতে)|| ৬||
Adhikarana রক্তজাপংদশঃ (৭) · Śloka ৭
শোণিতেনাসিতস্ফোটসম্ভবোঽস্রশ্রুতির্জ্বরঃ||৭||
शोणितेनासितस्फोटसम्भवोऽस्रश्रुतिर्ज्वरः||७||
🔊 Audio coming soon
শশিলেক ব্যাখ্যা (ইন্দু কৃত)
জ্বরান্তং রক্তেন| রক্তকৃতে অপদংশে কৃষ্ণবর্ণানাং স্ফোটানামুত্পত্তিরস্রস্রাবো জ্বরশ্চ স্যাত্|| ৭||
Adhikarana সন্নিপাতজাপদংশঃ (৮) · Śloka ৮
সর্বজে সর্বলিঙ্গত্বং শ্বযথুর্মুষ্কযোরপি| তীব্রা রুগাশু পচনং দরণং কৃমিসম্ভবঃ||৮||
सर्वजे सर्वलिङ्गत्वं श्वयथुर्मुष्कयोरपि| तीव्रा रुगाशु पचनं दरणं कृमिसम्भवः||८||
🔊 Audio coming soon
শশিলেক ব্যাখ্যা (ইন্দু কৃত)
কৃমিসম্ভবান্তং সন্নিপাতেন| সরক্তসন্নিপাতজে অপদংশে সর্বলিঙ্গত্বং বাতাদ্যপদংশানাং প্রত্যেকোক্তলক্ষণনিচযসম্ভবঃ| তথা বৃষণযোরপি শোফঃ| অপিশব্দেনান্যত্রাপি| মেঢ্রমাত্রে শোফোদ্ভবং সূচিতম্| রক্তাপদংশেঽপি শোফ উক্তঃ| তীব্রা অত্যর্থমসহনীযা রুক্পীডাবিশেষঃ| আশুপচনং দ্বিত্রিদিনৈরেব পাকঃ| আশুশব্দোক্ত্যা পূর্বেষাং ক্রমেণ পাকঃ সূচিতঃ| দরণং ভেদনম্| কৃমিসম্ভবঃ অন্তঃ স্বযমেব জন্তূনামুদ্ভবঃ)|| ৮||
Adhikarana অপদংশানাং সাধ্যাসাধ্যতা (৯) · Śloka ৯
যাপ্যো রক্তোদ্ভবস্তেষাং মৃত্যবে সন্নিপাতজঃ||৯||
याप्यो रक्तोद्भवस्तेषां मृत्यवे सन्निपातजः||९||
🔊 Audio coming soon
শশিলেক ব্যাখ্যা (ইন্দু কৃত)
তেষাং পঞ্চানামপদংশানাং মধ্যে রক্তাপদংশো যাপ্যঃ| সন্নিপাতজস্তু মৃত্যবে ভবতি|| ৯||
Adhikarana অর্শাংসি (১০) · Śloka ১০
জাযন্তে কুপিতৈর্দোষৈর্গুহ্যাসৃক্পিশিতাশ্রযৈঃ| অন্তর্বহির্বা মেঢ্রস্য কণ্ডূলা মাংসকীলকাঃ| পিচ্ছিলাস্রস্রবা যোনৌ তদ্বচ্চ ছত্রসন্নিভাঃ| তেঽর্শাংস্যুপেক্ষ্যা ঘ্নন্তি মেঢ্রপুংস্ত্বভগার্তবম্||১০||
जायन्ते कुपितैर्दोषैर्गुह्यासृक्पिशिताश्रयैः| अन्तर्बहिर्वा मेढ्रस्य कण्डूला मांसकीलकाः| पिच्छिलास्रस्रवा योनौ तद्वच्च छत्रसन्निभाः| तेऽर्शांस्युपेक्ष्या घ्नन्ति मेढ्रपुंस्त्वभगार्तवम्||१०||
🔊 Audio coming soon
শশিলেক ব্যাখ্যা (ইন্দু কৃত)
গুহ্যে যদসৃগ্রক্তং পিশিতং মাংসঞ্চ তত্রোক্তাত্কারণাত্ কুপিতৈর্দোষৈর্মেঢ্রস্যান্তর্বা বহির্বা কণ্ডূলাঃ পিচ্ছিলাস্রস্রবাশ্চ মাংসকীলকা জাযন্তে| তে অনেনৈব প্রকারেণ স্ত্রিযা অপি যোনৌ ছত্তাকৃতযো মাংসকীলকা জাযন্তে নাম্না অর্শাংসি| তে চ পুরুষে জাতা উপেক্ষিতাঃ সন্তো মেঢ্রং পুংস্ত্বং চ নাশযন্তি| স্ত্রিযাস্তদ্বদ্ভগমার্তবং চ| লাঘবার্থমত্র যোনিরোগ উক্তঃ| (কুপিতৈর্যযোক্তেন কারণজাতেন ক্রুদ্ধৈর্গুহ্যাসৃক্পিশিতাশ্রযৈঃ গুহ্যগতমসৃক্পিশিতঞ্চাশ্রযো যেষাং তৈঃ মেঢ্রস্যান্তর্ভাগে বহির্ভাগে বা কণ্ডূলাঃ কণ্ডূযুক্তাঃ পিচ্ছিলাস্রস্রবাঃ পৈচ্ছিল্যযুক্তং রক্তং স্রবন্তঃ মাংসকীলকা কীলকাকারা মাংসাঙ্কুরাঃ জাযন্তে| যোনৌ চ স্ত্রীণাং গুহ্যেঽপি তদ্বত্ যোনিব্যাপদুক্তকারণদুষ্টৈর্দোষৈরন্তর্বহির্বা কণ্ড্বাদিযুক্তা মাংসকীলকা জাযন্তে| তত্র ত্বযং বিশেষঃ তে ছত্রসন্নিভাঃ ছত্রতুল্যাকারাঃ কৃশ মূলাঃ স্থূলাগ্রাশ্চ ভবন্তি| মেঢ্রজা মাংসকীলকাঃ যোনিজাশ্চর্শাংসীতি কথ্যন্তে| উপেক্ষযা তু পুনঃ মেঢ্রপুংস্ত্বভগার্তবং, মেঢ্রে চেন্মেঢ্রম্| পুংস্ত্বং স্ত্রীগমনসামর্থ্যং শুক্রং বা| তথা ভগে চেত্ ভগমৃতুত্বযোগ্যং আর্তবং রক্তং চ ঘ্নন্তি| পুংরোগাণাং মধ্যে স্ত্রীরোগকথনং কারণাদিসাম্যেন লাঘবাত্)|| ১০||
Adhikarana সর্ষপিকাঃ (১১) · Śloka ১১
গুহ্যস্য বহিরন্তর্বা পিটকাঃ কফরক্তজাঃ| সর্ষপামানসংস্থানা ঘনাঃ সর্ষপিকাঃ স্মৃতাঃ||১১||
गुह्यस्य बहिरन्तर्वा पिटकाः कफरक्तजाः| सर्षपामानसंस्थाना घनाः सर्षपिकाः स्मृताः||११||
🔊 Audio coming soon
শশিলেক ব্যাখ্যা (ইন্দু কৃত)
কফরক্তাভ্যাং গুহ্যস্য বহিরন্তর্বা সর্বত্র বা সর্ষপতুল্যপ্রমাণসংস্থানা ঘনাঃ সংহতাঃ পিটকা ভবন্তি তা নাম্না সর্ষপিকা স্মৃতাঃ| (গুহ্যস্য মেঢ্রস্য গুহ্যশব্দোক্ত্যা যোনেরপি বহিরন্তঃ বহির্ভাগেঽন্তর্ভাগে বা কফরক্তজাঃ শ্লেষ্মরক্তসংসর্গনিমিত্তাঃ সর্ষপামানসংস্থানাঃ মানসস্থানাভ্যাং সর্ষপতুল্যাঃ ঘনা নিরন্তরনিচিতাঃ পিটকাঃ সর্ষপিকাসংজ্ঞো গুহ্যতোগঃ)|| ১১||
Adhikarana অবমন্থঃ (১২) · Śloka ১২
পিটকা বহবো দীর্ঘা দীর্যন্তে মধ্যতশ্চ যাঃ| সোঽবমন্থঃ কফাসৃগ্ভ্যাং বেদনারোমহর্ষবান্||১২||
पिटका बहवो दीर्घा दीर्यन्ते मध्यतश्च याः| सोऽवमन्थः कफासृग्भ्यां वेदनारोमहर्षवान्||१२||
🔊 Audio coming soon
শশিলেক ব্যাখ্যা (ইন্দু কৃত)
গুহ্যে যাঃ পিটকা বহবো দীর্ঘা মধ্যতশ্চ দীর্যন্তে স রোগো নাম্নাঽবমন্থঃ| স চ কফবাতাভ্যাং ভবতি| বেদনারোমহর্ষবাংশ্চ ভবতি| (কফাসৃগ্ভ্যাং কফেনাসৃজা চ সংসৃষ্টাভ্যাং জাতাঃ বহবো বহুসঙ্খ্যাঃ দীর্ঘা আযামযুক্তাঃ যা পিটকা মধ্যতো মধ্যপ্রদেশে দীর্যন্তে বিদীর্ণা ভবন্তি| বেদনারোমহর্ষবান্ বেদনযা রোমহর্ষেণ চ যুক্তঃ স রোগোঽবমন্থাখ্যঃ)|| ১২||
Adhikarana কুম্ভীকা (১৩) · Śloka ১৩
কুম্ভীকা রক্তপিত্তোত্থা জাম্ববাস্থিনিভাঽশুজাঃ||১৩||
कुम्भीका रक्तपित्तोत्था जाम्बवास्थिनिभाऽशुजाः||१३||
🔊 Audio coming soon
শশিলেক ব্যাখ্যা (ইন্দু কৃত)
রক্তপিত্তহেতুর্জাম্ববাস্থিমসদৃশা ক্ষিপ্রজা যা পিটকা সা নাম্না কুম্ভীকা| (রক্তপিত্তাভ্যাং জাতা জাম্বববীজাস্থিসদৃশা আশুজা অতিবেগেনোত্থিতা পিটকা কুম্ভীকা তত্সংজ্ঞো গুহ্যরোগঃ)|| ১৩||
Adhikarana অলজী (১৪) · Śloka ১৪
অলজীং মেহবদ্বিদ্যাত্||১৪||
अलजीं मेहवद्विद्यात्||१४||
🔊 Audio coming soon
শশিলেক ব্যাখ্যা (ইন্দু কৃত)
অলজ্যাখ্যাং গুহ্যপিটকাং মেহবচ্ছারাবিকাদিপঠিতালজীবল্লক্ষণৈর্বিদ্যাত্|| ১৪||
Adhikarana উত্তমা (১৫) · Śloka ১৫
উত্তমাং রক্তপিত্তজাম্| পিটকাং মাষমুদ্গাভাম্||১৫||
उत्तमां रक्तपित्तजाम्| पिटकां माषमुद्गाभाम्||१५||
🔊 Audio coming soon
শশিলেক ব্যাখ্যা (ইন্দু কৃত)
পিত্তরক্তজাং মাষমুদ্গসদৃশাং পিটকাং নাম্নোত্তমাং বিদ্যাত্| (উত্তপামিতি পাঠঃ| পিত্তরক্তকারণজনিতাং সংস্থানমানাভ্যাং মাষেণ মুদ্গেন বা তুল্যাং পিটকামুত্তমাখ্যং ক্ষুদ্ররোগং বিদ্যাত্)|| ১৫||
Adhikarana পুষ্করিকা (১৬) · Śloka ১৬
পিটকা পিটকাচিতা| কর্ণিকা পুষ্করস্যেব জ্ঞেযা পুষ্করিকেতি সা||১৬||
पिटका पिटकाचिता| कर्णिका पुष्करस्येव ज्ञेया पुष्करिकेति सा||१६||
🔊 Audio coming soon
শশিলেক ব্যাখ্যা (ইন্দু কৃত)
পুষ্করস্য পদ্মস্য কর্ণিকেব যা পিটকা অন্যাভির্বহ্নীভিঃ পিটকাভিরাচিতা সা নাম্না পুষ্করিকেতি জ্ঞেযা| (পিত্তরক্তাভ্যামেব পদ্মকর্ণিকা তুল্যা তথা পিটকৈরাচিতা স্বযমপ্যণুভিঃ পিটকাভির্ব্যাপ্তেত্যর্থঃ)|| ১৬||
Adhikarana সংব্যূঢপিটকা (১৭) · Śloka ১৭
পাণিভ্যাং ভৃশসংব্যূঢে সংব্যূঢপিটকা ভবেত্||১৭||
पाणिभ्यां भृशसंव्यूढे संव्यूढपिटका भवेत्||१७||
🔊 Audio coming soon
শশিলেক ব্যাখ্যা (ইন্দু কৃত)
সংব্যূঢখ্যে রাগে মেঢ্রে ভৃশসংব্যূঢে বিমর্দিতে পিটকা ভবেত্| (হস্তাভ্যামতিশযেন সংব্যূঢে সংবাহিতে মর্দিত ইতি যাবত্ মেঢ্র ইত্যর্থাত্| সংব্যূঢপিটকা তত্সংজ্ঞো গুহ্যরোগো ভবেত্| অত্রাপি পিত্তরক্তাভ্যামিত্যূহ্যম্)|| ১৭||
Adhikarana মৃদিতম্ (১৮) · Śloka ১৮
মৃদিতং মৃদিতং বস্তু সংরব্ধং বাতকোপতঃ||১৮||
मृदितं मृदितं वस्तु संरब्धं वातकोपतः||१८||
🔊 Audio coming soon
শশিলেক ব্যাখ্যা (ইন্দু কৃত)
বস্তু মেঢ্রাখ্যং মৃদিতং সদ্বাতকোপাত্ সংরব্ধং ভবতি স নাম্না মৃদিতম্| (হর্ষণার্থং হস্তাভ্যাং মর্দিতং যদ্বস্তু মেঢ্রাখ্যং তদ্বাতকোপতঃ মর্দনস্যৈবাতিযোগাত্ কারণান্তরাদ্বা কুপিতাদ্বাতাত্সংরব্ধং হৃষ্টমেব সদা বর্ততে চেন্মৃদিতং মৃদিতাখ্যো গুহ্যরোগঃ|| ১৮||
Adhikarana অষ্ঠীলিকা (১৯) · Śloka ১৯
বিষমা কঠিনা ভুগ্না বাযুনাষ্ঠীলিকা স্মৃতা||১৯||
विषमा कठिना भुग्ना वायुनाष्ठीलिका स्मृता||१९||
🔊 Audio coming soon
শশিলেক ব্যাখ্যা (ইন্দু কৃত)
যা বিষমত্বাদিগুণা পিটকা বাযুনা ভবতি সা নাম্নাঽষ্ঠীলিকা স্মৃতা| (কুপিতেন বাযুনা বিষমা ক্বচিন্নিম্না ক্বচিদুন্নতা কঠিনা প্রাযেণ কাঠিন্যুক্তা ভুগ্না কুটিলাকারা স্ত্রীলিঙ্গ সামর্থ্যাত্ পিট-কেত্যূহ্যং ইযমষ্ঠীলিকাখ্যো গুহ্যরোগঃ|| ১৯||
Adhikarana নিবৃত্তম্ (২০) · Śloka ২০
বিমর্দনাদিদুষ্টেন বাযুনা চর্ম মেঢ্রজম্| নিবর্ত্ততে সরুগ্দাহং ক্বচিত্পাকঞ্চ গচ্ছতি| পিণ্ডিতং কুথিতং চর্ম তত্প্রলম্বমধোমণেঃ| নিবৃত্তসংজ্ঞং সকফং কণ্ডূকাঠিন্যবত্তু তত্||২০||
विमर्दनादिदुष्टेन वायुना चर्म मेढ्रजम्| निवर्त्तते सरुग्दाहं क्वचित्पाकञ्च गच्छति| पिण्डितं कुथितं चर्म तत्प्रलम्बमधोमणेः| निवृत्तसंज्ञं सकफं कण्डूकाठिन्यवत्तु तत्||२०||
🔊 Audio coming soon
শশিলেক ব্যাখ্যা (ইন্দু কৃত)
বিমর্দনাদিনা দুষ্টেন বাযুনা মেঢ্রজং চর্ম সরুগ্দাহং সন্নিবর্ততে পরাবৃত্য তিষ্ঠতি| ক্বচিত্তু পাকমপি গচ্ছতি| ততশ্চর্মপিণ্ডিতং সঙ্কুচিতং কুথিতং ক্লিন্নং মণের্মেঢ্রাগ্রভাগস্যাধঃ প্রলম্বং ভবতি তস্য নিবৃত্তমিতি সংজ্ঞা| তচ্চ নিবৃত্তং কফসংযোগাত্ কণ্ডূকাঠিন্যবচ্চ ভবতি ন তু সর্বত্র| (বিমর্দনাদ্ধি দুষ্টেনেতি পাঠঃ| পিণ্ডিতং গ্রথিতমিতি চ| বিমর্দনাদ্বিবিধান্মর্দনাত্ দুষ্টেন বাযুনা মেঢ্রজং চর্ম মেঢ্রস্য ত্বক্ নিবর্ততে পরাবৃত্য তিষ্ঠতি| হি প্রসিদ্ধৌ| ক্বচিত্ কেষুচিত্ পুরুষেষু দোষভেদবশাত্ সরুগ্দাহং রুজযা ঊষ্মাতিশযেন চ যুক্তং সত্পাকং গচ্ছতি চ| তত্তথাভূতং চর্মপিণ্ডিতং গ্রথিতং পিণ্ডাকারতযা গ্রন্থিভাবমাপন্নং মণের্মেঢ্রাগ্রভাগস্যাধঃপ্রলম্বং লম্বমানং নিবৃত্তসংজ্ঞং নিবৃত্তাখ্যো রোগঃ| সকফং কফসম্বদ্ধং তত্তু নিবৃত্তং কণ্ড্বা কাঠিন্যেন চ যুক্তং ভবতি)|| ২০||
Adhikarana অবপাটিকা (২১) · Śloka ২১
দারূঢং স্ফুটিতং চর্ম নির্দিষ্টমবপাটিকা||২১||
दारूढं स्फुटितं चर्म निर्दिष्टमवपाटिका||२१||
🔊 Audio coming soon
শশিলেক ব্যাখ্যা (ইন্দু কৃত)
মেঢ্রভবং চর্ম দুষ্টং কৃত্বোঢং মর্দিতং স্ফুটিতং সদবপাটিকেতি নাম্না নির্দিষ্টম্| (দুরুঢং দুষ্টং কৃত্বোঢং অযথাবত্ গৃহীতমর্দিতমিত্যর্থঃ| অত এব স্ফুটিতং ভিন্নং যচ্চর্মত্বক্ তদবপাটিকা তত্সংজ্ঞো গুহ্যরোগঃ)|| ২১||
Adhikarana নিরুদ্ধমণিঃ (২২) · Śloka ২২
বাতেন দূষিতং চর্ম মণৌ সক্তং রুণদ্ধি চেত্| স্রোতো মূত্রং ততোঽভ্যেতি মন্দধারমবেদনম্| মণের্বিকাসরোধশ্চ স নিরুদ্ধমণির্গদঃ||২২||
वातेन दूषितं चर्म मणौ सक्तं रुणद्धि चेत्| स्रोतो मूत्रं ततोऽभ्येति मन्दधारमवेदनम्| मणेर्विकासरोधश्च स निरुद्धमणिर्गदः||२२||
🔊 Audio coming soon
শশিলেক ব্যাখ্যা (ইন্দু কৃত)
বাতেন দূষিতং চর্ম মেঢ্রমণৌ সক্তং শ্লিষ্টং যদি মেঢ্রস্রোতোরুণাদ্ধি ততো মূত্রং মন্দধারমবেদনং চাভ্যেতি মণেশ্চ হর্ষণে বিকাসরোধো ভবতি স গদো নাম্না নিরুদ্ধমণিঃ| (বাতেন কৃতদূষণং চর্ম মণৌ লিঙ্গাগ্রে সক্তং সংশ্লিষ্টং স্রোতো মূত্রমার্গং রুণদ্ধি যদি ততস্তস্মাদ্ধেতোঃ মূত্রঃ মন্দধারং স্রোতোরোধাদন্তরান্তরা বিচ্ছিন্নং অবেদনং বেদনারহিতম্| অর্শ্মর্যাদৌ হি নিরোধস্যাভ্যন্তরত্বাদ্বেদনাসম্ভবঃ ইহ তু বাহ্যত্বাত্তদভাবঃ| অভ্যেতি নির্গচ্ছতি| মণেঃ কর্ণিকাযাস্ত্বক্পরিবর্তনাশক্যতযা বিকাসযিতুমশক্যত্বঞ্চ স্যাত্| য এবং বিধঃ স গদো নিরুদ্ধমণিসংজ্ঞো গুহ্যরোগঃ)|| ২২||
Adhikarana গ্রথিতম্ (২৩) · Śloka ২৩
লিঙ্গং শূকৈরিবাকীর্ণং গ্রথিতাখ্যং কফোদ্ভবম্||২৩||
लिङ्गं शूकैरिवाकीर्णं ग्रथिताख्यं कफोद्भवम्||२३||
🔊 Audio coming soon
শশিলেক ব্যাখ্যা (ইন্দু কৃত)
কফেন হেতুনা লিঙ্গং মেঢ্রমন্তঃ শূকৈঃ কিংশারুভিরিবাবৃতং ভবতি তস্য গ্রথিত ইত্যাখ্যা| (শূকাচিতপ্রতীতিযুক্তং মেঢ্রং গ্রথিতাখ্যং তচ্চ কফোদ্ভবং কফেন জাযত ইত্যর্থঃ| (কিংশারুর্ধান্যশূকম্)|| ২৩||
Adhikarana স্পর্শহানিঃ (২৪) · Śloka ২৪
শূকদূষিতরক্তোত্থা স্পর্শহানিস্তদাহ্বযা||২৪||
शूकदूषितरक्तोत्था स्पर्शहानिस्तदाह्वया||२४||
🔊 Audio coming soon
শশিলেক ব্যাখ্যা (ইন্দু কৃত)
শূকেন দূষিতং যন্মেঢ্রে রক্তং তদুত্থা মেঢ্রে স্পর্শস্য হানিরচেতনত্বং ভবতি| তত্তদাহ্বযং নাম্না স্পর্শহানিঃ| (লিঙ্গবৃদ্ধ্যর্থং প্রলিপ্ত শূকদূষিতাদ্রক্তাদুত্পন্না স্পর্শহানিঃ স্বাপপ্রযুক্তং স্পর্শাজ্ঞানং তদাহ্বযো স্পর্শহান্যাখ্যো রোগঃ|| ২৪||
Adhikarana শতপোনকম্ (২৫) · Śloka ২৫
ছিদ্রৈরণুমুখৈর্যত্তু মেহনং সর্বতশ্চিতম্| বাতশোণিতকোপেন তে বিদ্যাচ্ছতপোনকম্||২৫||
छिद्रैरणुमुखैर्यत्तु मेहनं सर्वतश्चितम्| वातशोणितकोपेन ते विद्याच्छतपोनकम्||२५||
🔊 Audio coming soon
শশিলেক ব্যাখ্যা (ইন্দু কৃত)
যত্তু মেহনং মেঢ্রং সর্বত্র অণুমুখৈঃ সূক্ষ্মাস্যৈশ্ছিদ্রৈশ্চিতং বাতশোণিতকোপেন হেতুনা ভবতি তং নাম্না শতপোনকং বিদ্যাত্| (যত্তু লিঙ্গং বাতরক্তযোঃ কোপাদণুমুখৈঃ সূক্ষ্মাস্যৈর্মুখস্যাণুত্বোক্ত্যা মূলস্য স্থূলত্বমপি ব্যক্তিতম্| অত্র এব হি তেভ্যো মূত্রাদিপরিস্রুতিঃ| ছিদ্রৈঃ সূষিরৈঃ সর্বতশ্চিতং ব্যাপ্তং তং শতপোনকাখ্যং বিদ্যাত্| ভগন্দরোক্তশতপোনকবত্ বহুচ্ছিদ্রত্বাত্)|| ২৫||
Adhikarana ত্বক্পাকঃ (২৬) · Śloka ২৬
পিত্তাসৃগ্ভ্যাং ত্বচঃ পাকস্ত্বক্পাকো জ্বরদাহবান্||২৬||
पित्तासृग्भ्यां त्वचः पाकस्त्वक्पाको ज्वरदाहवान्||२६||
🔊 Audio coming soon
শশিলেক ব্যাখ্যা (ইন্দু কৃত)
পিত্তাসৃগ্ভ্যাং হেতুভ্যাং জ্বরদাহবান্ যস্ত্বচঃ পাকঃ স নাম্না ত্বক্পাকঃ| (পিত্তেনাসৃজা চ হেতুনা জ্বরদাহবান্ জ্বরেণ দাহেন চ যুক্তো মেঢ্রা ত্বচঃ পাকো ত্বক্পাকাখ্যো গুহ্যরোগঃ)|| ২৬||
Adhikarana মাংসপাকঃ (২৭) · Śloka ২৭
মাংসপাকঃ সর্বজঃ সর্ববেদনো মাংসশাতনঃ||২৭||
मांसपाकः सर्वजः सर्ववेदनो मांसशातनः||२७||
🔊 Audio coming soon
শশিলেক ব্যাখ্যা (ইন্দু কৃত)
সর্বজঃ সন্নিপাতজো মাংসপাকঃ সর্বাভির্বেদনাভির্যুক্তো মাংসশাতনো ভবতি| (সর্বজঃ সন্নিপাতজঃ সর্ববেদনঃ ছেদভেদতোদস্ফুরণব্যাসব্যধস্রংসস্বাপাদ্যখিলবেদনান্বিতঃ মাংসশাতনঃ মাংসং পক্ত্বা মেঢ্রাদণুশঃ পাতযন্ মাংসপাকঃ মাংসপাকাখ্যো রোগঃ)||২৭||
Adhikarana অসৃগর্বুদম্ (২৮) · Śloka ২৮
সরাগৈরসিতৈঃ স্ফোটৈর্বেদনাভিশ্চ পীডিতম্| মেহনং বেদনা চোগ্রা তং বিদ্যাদসৃগর্বুদম্||২৮||
सरागैरसितैः स्फोटैर्वेदनाभिश्च पीडितम्| मेहनं वेदना चोग्रा तं विद्यादसृगर्बुदम्||२८||
🔊 Audio coming soon
শশিলেক ব্যাখ্যা (ইন্দু কৃত)
সরাগত্বাদিযুক্তৈঃ স্ফোটৈস্তদ্বিধাভিশ্চ সূক্ষ্মাভিঃ পিটকাভির্যত্র মেহনং পীডিতং ভবত্যুগ্রা চ বেদনা তস্য রোগস্যাসৃগর্বুদমিতি নাম বিদ্যাত্| (মেঢ্রং সরাগৈরীষদ্রক্তবর্ণৈরসিতৈঃ কৃষ্ণবর্ণৈর্বা স্ফোটৈরথাত্তাদৃশীভিরেব পিটকাভিশ্চ পীডিতং ব্যাপ্তং তথা উগ্রা অত্যর্থমসহনীযা বেদনা চ স্যাদ্য এবংবিধো রোগস্তমসৃগর্বুদং বিদ্যাত্)||২৮||
Adhikarana মাংসার্বুদং বিদ্রধিশ্চ (২৯) · Śloka ২৯
মাংসার্বুদং প্রাগুদিতং বিদ্রধিশ্চ ত্রিদোষজঃ||২৯||
मांसार्बुदं प्रागुदितं विद्रधिश्च त्रिदोषजः||२९||
🔊 Audio coming soon
শশিলেক ব্যাখ্যা (ইন্দু কৃত)
গুহ্যে তু যন্মাংসার্বুদং তত্ লক্ষণৈঃ প্রাক্ গ্রন্থ্যাদ্যধ্যায উদিতম্| গুহ্যে চ ত্রিভির্দোষৈর্বিদ্রধির্ভবতি| (অর্বুদানাং মধ্যে মাংসার্বুদং বিদ্রধীনাং মধ্যে সন্নিপাতজো বিদ্রধিশ্চাত্রাপি ভবতঃ| তৌ চ স্বস্ব নিদানেন বোদ্ধব্যাবিত্যর্থঃ)|| ২৯||
Adhikarana তিলকালকাঃ (৩০) · Śloka ৩০
কৃষ্ণানি ভূত্বা মাংসানি বিশীর্যন্তে সমন্ততঃ| পক্বানি সন্নিপাতেন তান্ বিদ্যাত্তিলকালকান্||৩০||
कृष्णानि भूत्वा मांसानि विशीर्यन्ते समन्ततः| पक्वानि सन्निपातेन तान् विद्यात्तिलकालकान्||३०||
🔊 Audio coming soon
শশিলেক ব্যাখ্যা (ইন্দু কৃত)
সন্নিপাতেন হেতুনা গুহ্যে পক্বানি মাংসানি কৃষ্ণানি ভুত্বা সমন্তাদ্বিশীর্যন্তে তাংস্তিলকালকান্ বিদ্যাত্| (সন্নিপাতকোপেন পক্বানি মেঢ্রমাংসানি কৃষ্ণানি কৃষ্ণবর্ণানি ভূত্বা সমন্ততঃ আবস্তিপর্যন্তং বিশীর্যন্তে শকলীভূয নিপতন্তি বহুবচনং শকলাপেক্ষযা| য এবংবিধাস্তান্ তিলকালকসংজ্ঞান্ জানীযাত্)| ইত্যপদংশার্শঃসর্ষপিকাঽবমন্থকুম্ভীকালজ্যুত্তমাপুষ্করিকাসংব্যূঢামৃদিতাঽষ্ঠীলিকা- নিবৃত্তাঽবপাটিকানিরুদ্ধমণিগ্রথিতস্পর্শহানিশতপোনকত্বক্পাকমাংসপাকাঽসৃগর্বুদ- মাংসার্বুদবিদ্রধিতিলকালকাখ্যাস্রযোবিংশতিঃ পুংগুহ্যরোগাঃ উক্তাঃ|| ৩০||
Adhikarana সাধ্যাসাধ্যতা (৩১) · Śloka ৩১
মাংসোত্থমর্বুদং পাকং বিদ্রধিং তিলকালকান্| চতুরো বর্জযেদেষাং শেষান্ শীঘ্রমুপাচরেত্||৩১||
मांसोत्थमर्बुदं पाकं विद्रधिं तिलकालकान्| चतुरो वर्जयेदेषां शेषान् शीघ्रमुपाचरेत्||३१||
🔊 Audio coming soon
শশিলেক ব্যাখ্যা (ইন্দু কৃত)
এষাং চ মধ্যান্মাংসোত্থমর্বুদং মাংসোত্থমেব চ পাকং বিদ্রধিং তিলকালকাংশ্চেতি চতুরো বর্জযেত্ ন চিকিত্সেত্| শেষাংস্তু শীঘ্রমেবোপচরেত্| (অপদংশানাং সাধ্যাসাধ্যবিভাগস্যোক্তত্বাদেষামনন্তরোক্তানামর্শঃপ্রভৃতীনাং মধ্যে মাংসোত্থমর্বুদং মাংসার্বুদং পাকং মাংসপাকং বিদ্রধিং তিলকালকানিতি চতুরঃ বর্জযেত্| উদ্দেশত এবৈষাং চতুষ্ট্বে সিদ্ধেঽপি চতুরৈতি চতুর ইতি পুনরুক্তিঃ সুখনিশ্চযার্থা বহুবচনোক্তানাং তিলকালকানাং বহুত্বশঙ্কানিরাসার্থং চ| শেষানর্শঃ সর্ষপিকাদীন্ শীঘ্রমাশ্বেবোপাচরেত্ তেষামপি কালাতিপাতে মহান প্রত্যবাযঃ স্যাদিতি ভাবঃ)|| ৩১||
Adhikarana স্ত্রীগুহ্যরোগাণাং হেতুঃ (যোনিব্যাপদঃ) (৩২) · Śloka ৩২
বিংশতির্ব্যাপদো যোনের্জাযন্তে দুষ্টভোজনাত্| বিষমস্থাঙ্গশযনভৃশমৈথুনসেবনৈঃ| দুষ্টার্তবাদপদ্রব্যৈর্বীজদোষেণ দৈবতঃ||৩২||
विंशतिर्व्यापदो योनेर्जायन्ते दुष्टभोजनात्| विषमस्थाङ्गशयनभृशमैथुनसेवनैः| दुष्टार्तवादपद्रव्यैर्बीजदोषेण दैवतः||३२||
🔊 Audio coming soon
শশিলেক ব্যাখ্যা (ইন্দু কৃত)
এবং পুংগুহ্যরোগানুক্ত্বা স্ত্রীগুহ্যরোগানাহ-যোনেঃ স্ত্রীগুহ্যস্য দুষ্টভোজনাদিহেতোর্বিংশতির্ব্যাপদো জাযন্তে| বিষমস্থৈরঙ্গৈঃ শযনং তথোক্তম্| দুষ্টার্তবেন স্রবতা| অপদ্রব্যাণি লোহাদিমযানি দাক্ষিণাত্যাসু প্রসিদ্ধানি| বীজদোষঃ স্ত্রিযো জন্মকালে যোন্যারম্ভকস্য বীজস্যোপহতত্বম্| দৈবমন্যজন্মকৃতং কর্ম| ইতি যোনিব্যাপদা মবিশেষেণ হেতুরুক্তঃ| (দুষ্টভোজনাত্ পর্যুষিতাদ্যন্যভোজনাত্| উক্তং চ- ভবেত্ পর্যুষিতং পূতিক্লিন্নমুষ্ণীকৃতং পুনঃ| দুষ্টং কৃম্যাদিজুষ্টং চ শোষিতং চান্নমাতপে|| ইতি| বিষমস্থাঙ্গশযনভৃশমৈথুনসেবনৈঃ অযথাবদ্বিন্যস্তৈরঙ্গৈঃ শযনস্য ভৃশমৈথুনস্য চ শীলনৈঃ| দুষ্টার্তবাদ্বাতাদিদূষিতাদৃতুজরক্তাত্| উপদ্রব্যৈরিতি পাঠঃ| উপদ্রব্যৈর্লোহাদিকৃতৈরুপলিঙ্গৈঃ| উপলিঙ্গসুরতং দেশান্তরেষু প্রসিদ্ধম্| উক্তঞ্চ রতিরহস্যে- বিমৃদ্যমানাঃ কৃতকধ্বজেন দ্রবন্তি হৃষ্যন্তি দৃঢপ্রহারৈঃ| স্ত্রীরাজ্যজাঃ কোসলজাশ্চ নার্যঃ প্রচণ্ডকণ্ডূতিভগা ভবন্তি|| ইতি|| বীজদোষেণ যোন্যারম্ভকস্যাকাশাদিকস্য বীজস্যোপহতত্বেন দৈবতো জন্মান্তরকৃতপাপফলপরিণামাচ্চ হেতোঃ যোনের্বিংশতির্ব্যাপদো ভবন্তি| ইযতা গ্রন্থজালেন যোনিব্যাপদাং সামান্যকারণমুক্তম্)||৩২||
Adhikarana বাতিকী যোনিব্যাপদ্ (৩৩) · Śloka ৩৩
যোনৌ ক্রুদ্ধোঽনিলঃ কুর্যাদ্রুক্তোদাযামসুপ্ততাঃ| পিপীলিকাসৃপ্তিমিব স্তম্ভং কর্কশতাং স্বনম্| ফেনিলারুণকৃষ্ণাল্পতনুরূক্ষার্ত্তবস্রুতিম্| ভ্রংশং বঙ্ক্ষণপার্শ্বাদৌ ব্যথাং গুল্মং ক্রমেণ চ| তাংস্তাংশ্চ স্বান্ গদান্ ব্যাপদ্বাতিকী নাম সা স্মৃতা||৩৩||
योनौ क्रुद्धोऽनिलः कुर्याद्रुक्तोदायामसुप्तताः| पिपीलिकासृप्तिमिव स्तम्भं कर्कशतां स्वनम्| फेनिलारुणकृष्णाल्पतनुरूक्षार्त्तवस्रुतिम्| भ्रंशं वङ्क्षणपार्श्वादौ व्यथां गुल्मं क्रमेण च| तांस्तांश्च स्वान् गदान् व्यापद्वातिकी नाम सा स्मृता||३३||
🔊 Audio coming soon
শশিলেক ব্যাখ্যা (ইন্দু কৃত)
যোনাবিত্যাদিনা লিঙ্গান্যুচ্যন্তে| যোনৌ ক্রুদ্ধো বাযুঃ রুগাদীন্ কুর্যাত্| ফেনিলেত্যাদ্যার্ত্তববিশেষণং তস্য স্রুত্যা সম্বন্ধঃ| ভ্রংশো যোনিভ্রংশঃ| বঙ্ক্ষণাদৌ ব্যথাং ক্রমেণ গুল্মমপি কুর্যাত্| তাংস্তাংশ্চ স্বান্ বাতজান্ স্তম্ভাদীন্ গদান্| ইযং বাতিকী নাম যোনিব্যাপত্ স্মৃতা| (দুষ্টভোজনাদিনা কুপিতো বাযুর্যোনৌ রুগাদীন্ কুর্যাত্| পিপী-লিকাসৃপ্তিমিব তাসাং সঞ্চরণপ্রতীতিমিত্যর্থঃ| কর্কশতা কাঠিন্যম্| ফেনিলং ফেনযুক্তমরুণবর্ণং কৃষ্ণং কৃষ্ণবর্ণং বা অল্পমবহু তনু স্বচ্ছং রূক্ষমস্নিগ্ধং এবম্ভূতস্যার্ত্তবস্য স্রুতিঃ স্রবণম্| স্রংসমিতি পাঠঃ| স্রংসো বেদনাবিশেষঃ (কলত্তুনোক্ক)| বঙ্ক্ষণপার্শ্বাদৌ ব্যথাং বঙ্ক্ষণ্যোঃ পাড়্শ্বযোশ্চ কটীপৃষ্ঠপরিগ্রহঃ| ক্রমেণ উপেক্ষযা কালাতিপাতাত্ গুল্মং গুল্মাখ্যং রোগং তাংস্তানাযামাক্ষেপকস্তম্ভাদীন্ স্বান্ বাতব্যাধিসম্বন্ধিনো গদাংশ্চ করোতি| যৈবংবিধা সা বাতিকী নাম যোনিব্যাপত্ স্মৃতা)|| ৩৩||
Adhikarana অতিচরণা (৩৪) · Śloka ৩৪
সৈবাতিচরণা শোফসংযুক্তাতিব্যবাযতঃ||৩৪||
सैवातिचरणा शोफसंयुक्तातिव्यवायतः||३४||
🔊 Audio coming soon
শশিলেক ব্যাখ্যা (ইন্দু কৃত)
সৈব বাতিকী অতিব্যবাযাচ্ছোফসংযুক্তা সত্যতিচরণেত্যুচ্যতে| (সা বাতিক্যেব অতিব্যবাযতঃ ভৃষমৈথুনাদ্ধেতোঃ শোফ সংযুক্তা যোনিপ্রদেশে শ্বযথুমতী সঞ্জাতা চেদতিচরণা অতিচরণেতি সংজ্ঞান্তরং লভতে)|| ৩৪||
Adhikarana প্রাক্চরণা (৩৫) · Śloka ৩৫
মৈথুনাদতিবালাযাঃ পৃষ্ঠজঙ্ঘোরুবঙ্ক্ষণম্| রুজন্ সন্দূষযেদ্যোনিং বাযুঃ প্রাক্চরণেতি সা||৩৫||
मैथुनादतिबालायाः पृष्ठजङ्घोरुवङ्क्षणम्| रुजन् सन्दूषयेद्योनिं वायुः प्राक्चरणेति सा||३५||
🔊 Audio coming soon
শশিলেক ব্যাখ্যা (ইন্দু কৃত)
অতিবালাযা স্ত্রিযা মৈথুনাদ্বাযুঃ পৃষ্ঠাদিকং রুজন্ যোনিং সন্দূষযেত্| সা ব্যাপন্নাম্না প্রাক্চরণা| (বালাযা অসম্পূর্ণষোডশবযস্কাযা অতিমৈথুনাদনল্পব্যবাযাত্ পৃষ্ঠজঙ্ঘোরুবঙ্ক্ষণং পৃষ্ঠং জঙ্ঘে ঊরু বঙ্ক্ষণৌ চ রুজন্ যোনিং সন্দূষযেত্| রুক্তোদাদিযুক্তাং করোতি সা প্রাক্চরণেতি যোনিব্যাপত্)||৩৫||
Adhikarana উদাবৃত্তা (৩৬) · Śloka ৩৬
বেগোদার্বত্তনাদ্যোনিং প্রপীডযতি মারুতঃ| সা ফেনিলং রজঃকৃচ্ছ্রাদুদাবৃত্তং বিমুঞ্চতি| ইযং ব্যাপদুদাবৃত্তা||৩৬||
वेगोदार्वत्तनाद्योनिं प्रपीडयति मारुतः| सा फेनिलं रजःकृच्छ्रादुदावृत्तं विमुञ्चति| इयं व्यापदुदावृत्ता||३६||
🔊 Audio coming soon
শশিলেক ব্যাখ্যা (ইন্দু কৃত)
বেগোদাবর্ত্তনাদধোবাতাদিবেগধারণনিমিত্তাদূর্ধ্বমুদ্গমাদ্বাযুর্যোনিং প্রপীডযতি সা পীডতা সত্যুদাবৃত্তং বদ্ধং ফেনিলং ফেনযুক্তং রজো রক্তং কৃচ্ছ্রাদ্বিমুঞ্চতি| ইযং ব্যাপন্নম্নাঽপ্যুদাবৃত্তা| (প্রপীডযত্যতিব্যথাং করোতি| সা অনিলপীডিতা যোনিঃ ঋতুকালে প্রাপ্তে রজো রক্তং ফেনিলং ফেনযুক্তং কৃচ্ছ্রাদল্পাল্পমুদাবৃত্তং মধ্যে মধ্যে ঊর্ধ্বমাবর্তমানং বিসৃজতি)|| ৩৬||
Adhikarana জাতঘ্নী (৩৭) · Śloka ৩৭
জাতঘ্নী তু যদানিলঃ| জাতং জাতং সুতং হন্তি রৌক্ষ্যাদ্দুষ্টার্ত্তবোদ্ভবম্||৩৭||
जातघ्नी तु यदानिलः| जातं जातं सुतं हन्ति रौक्ष्याद्दुष्टार्त्तवोद्भवम्||३७||
🔊 Audio coming soon
শশিলেক ব্যাখ্যা (ইন্দু কৃত)
যদা তু দুষ্টার্ত্তবোদ্ভবং সুতং জাতং তত্কাল এব বাযূ রৌক্ষ্যাদ্ধন্তি তদা জাতঘ্নী নাম ব্যাপদ্ভবতি| (যদা যস্মিন্ কালে বাযূ রৌক্ষ্যাত্ স্নেহক্ষযোদ্ভূতরূক্ষগুণাধিক্যাত্ ক্রুদ্ধো দুষ্টাবর্ত্তবোদ্ভবং দুষ্টশোণিতসম্ভূতং জাতং জাতং সঞ্জাতান্ সর্বানিত্যর্থঃ| জাতশব্দশক্ত্যা জন্মানন্তরত এবেতি চ দ্যোত্যতে| হন্তি মারযতি তদা তু জাতঘ্নী| জাতঘ্নী নাম যোনিব্যাপত্| দুষ্টশোণিতস্যাপি গর্ভাধানসামর্থ্যমস্তীত্যুক্তং শারীরে)|| ৩৭||
Adhikarana অন্তর্মুখী (৩৮) · Śloka ৩৮
অত্যাশিতাযা বিষমং স্থিতাযাঃ সুরতে মরুত্| অন্নেনোত্পীডিতো যোনেঃ স্থিতঃ স্রোতসি বক্রযেত্| সস্থিমাংসং মুখং তীব্ররুজমন্তর্মুখীতি সা||৩৮||
अत्याशिताया विषमं स्थितायाः सुरते मरुत्| अन्नेनोत्पीडितो योनेः स्थितः स्रोतसि वक्रयेत्| सस्थिमांसं मुखं तीव्ररुजमन्तर्मुखीति सा||३८||
🔊 Audio coming soon
শশিলেক ব্যাখ্যা (ইন্দু কৃত)
যা তু স্ত্রী অত্যাশিতা সতী সুরতে পুংযোগে বিষমং কৃত্বা তিষ্ঠতি তদা তস্যা মরুদ্বাযুরন্নেনোত্পীডিতো যোনেঃ স্রোতসি স্থিতঃ সন্ তস্যা মুখং তীব্ররুজং সাস্থিমাংসং বক্রযেত্ সা ব্যাপন্নাম্নাঽন্তর্মুখী| (অত্যাশিতাযা অতিভুক্তাযাঃ সুরতে করণবৈচিত্র্যাদঙ্গং বিষমং কৃত্বা স্থিতাযা নার্যাঃ বাযূরন্নেন নিরবকাশং নিষ্পীডিতো বিষমস্থিত্যা সাবকাশে যোনিস্রোতস্যেব স্থিতস্তস্যা মুখমস্থ্না মাংসেন চ সহ তীব্ররুজমত্যর্থং বেদনং বক্রেযেত্| সা অন্তর্মুখীতি নাম যোনিব্যাপত্)|| ৩৮||
Adhikarana সূচীমুখী (৩৯) · Śloka ৩৯
বাতলাহারসেবিন্যা জনন্যাং কুপিতোঽনিলঃ| স্ত্রিযা যোনিমণুদ্বারাং কুর্যাত্ সূচীমুখীতি সা||৩৯||
वातलाहारसेविन्या जनन्यां कुपितोऽनिलः| स्त्रिया योनिमणुद्वारां कुर्यात् सूचीमुखीति सा||३९||
🔊 Audio coming soon
শশিলেক ব্যাখ্যা (ইন্দু কৃত)
জনন্যাং মাতরি বাতলাহারসেবিন্যামনিলঃ কুপিতো যোষাযা যোনিং সংবৃতমুখীং কুর্যাত্ সা ব্যাপন্নাম্না সূচীমুখী|| ৩৯||
Adhikarana যোনিশোষঃ (৪০) · Śloka ৪০
বেগরোধাদৃতৌ বাযুর্দুষ্টো বিণ্মূত্রসংগ্রহম্| করোতি যোনিশোষঞ্চ শুষ্কাখ্যা সাতিবেদনা||৪০||
वेगरोधादृतौ वायुर्दुष्टो विण्मूत्रसंग्रहम्| करोति योनिशोषञ्च शुष्काख्या सातिवेदना||४०||
🔊 Audio coming soon
শশিলেক ব্যাখ্যা (ইন্দু কৃত)
ঋতুকালে বেগরোধাদ্দৃষ্টো বাযুর্বিণ্মূত্রসংগ্রহং যোনিশোষং চ করোতি| সা ব্যাপচ্ছুষ্কাখ্যা| সা চাতিবেদনা ভবতি| (ঋতুকালে বেগরোধাত্ অধোবাতাদিবেগধারণাত্ দুষ্টঃ ক্রুদ্ধো বাযুর্বিণ্মূত্রসংগ্রহং মলমূত্রযোর্নিরোধং যোনিশোষং যোনিদ্বারে দ্রবাভাবং চ করোতি| অতিবেদনা অধিকবেদনাযুক্তা যা এবংবিধা সা শুষ্কাখ্যা শুষ্কা সংজ্ঞা যোনিব্যাপত্)|| ৪০||
Adhikarana বামিনী (৪১) · Śloka ৪১
ষডহাত্ সপ্তরাত্রাদ্বা শুক্রং গর্ভাশযান্মরুত্| বমেত্সরুঙ্নীরুজো বা যস্যাং সা বামিনী মতা||৪১||
षडहात् सप्तरात्राद्वा शुक्रं गर्भाशयान्मरुत्| वमेत्सरुङ्नीरुजो वा यस्यां सा वामिनी मता||४१||
🔊 Audio coming soon
শশিলেক ব্যাখ্যা (ইন্দু কৃত)
যস্যাং ব্যাপদি নিষিক্তং শুক্রং গর্ভাশযান্মরুত্ সরুজো বা নীরুজো বা ষডহাত্ সপ্তরাত্রাদ্বা বহিঃ ক্ষিপেত্ সা ব্যাপদ্বামিনী মতা| (যস্যাং ব্যাপদি বাযুঃ ষডহাত্ ষণ্ণামহ্নাং সমাহারাত্ হেত্বর্থং পঞ্চাম্যাঃ করণার্থে পরিণামাত্ ষড্ভিরহোভিরিত্যর্থঃ| সপ্তাহাত্ সপ্তভিরহোভির্বা| অত্র সপ্তাহশব্দস্য মর্যাদাত্বেনাভিবিধিত্বেন চেষ্টত্বাদত্র ষদহাত্ সপ্তরাত্রাদ্বেতি পক্ষদ্বযং পরিগৃহীতম্| সরুক্ রুজা সহিতঃ নীরুজো রুজা রহিতঃ বাশব্দো বিকল্পে ক্বচিত্ সরুজঃ ক্বচিন্নীরুজশ্চেত্যর্থঃ| শুক্রং পুংসা নিষিক্তং গর্ভাশযাত্ গর্ভকোষ্ঠং প্রবিষ্টমপীতি ভাবঃ| বমেত বহির্নিরস্যেত্| নুদেদিতি বক্তব্যে বমেদিত্যুক্তির্বামিনীশব্দস্য নিরুক্তিদ্যোতনায| এবংবিধা সা ব্যাপদ্বামিনীসংজ্ঞা)|| ৪১||
Adhikarana ষণ্ডা (৪২) · Śloka ৪২
যোনৌ বাতোপতপ্তাযাং স্ত্রীগর্ভে বীজদোষতঃ| নৃদ্বেষিণ্যস্তনী চ স্যাত্ ষণ্ডসংজ্ঞানুপক্রমা||৪২||
योनौ वातोपतप्तायां स्त्रीगर्भे बीजदोषतः| नृद्वेषिण्यस्तनी च स्यात् षण्डसंज्ञानुपक्रमा||४२||
🔊 Audio coming soon
শশিলেক ব্যাখ্যা (ইন্দু কৃত)
স্ত্র্যাখ্যগর্ভে বীজদোষাদ্বাতোপতপ্তাযাং যোনৌ পুরুষদ্বেষিণী স্তনরহিতা চ স্ত্রী স্যাত্ সা ব্যাপত্ ষণ্ডসংজ্ঞানুপক্রমা ত্যাজ্যা| (যোনৌ কুতশ্চিত্ কারণাত্ ক্রুদ্ধেন বাযুনা পীডিতাযাং সত্যাং মাতুরিত্যর্থাত্| গর্ভে গর্ভাধানসমযে বীজদোষতঃ আর্ত্তবদুষ্ট্যা স্ত্রী জাযমানা পুত্রী নৃদ্বেষিণী পুংসম্ভোগবিরক্তা অস্তনী যৌবনেঽত্যল্পস্তনী চ স্যাত্ সা ব্যাপত্ষণ্ডাখ্যা অনুপক্রমা অসাধ্যত্বাচ্চিকিত্সারহিতা চ )|| ৪২||
Adhikarana মহাযোনিঃ (৪৩) · Śloka ৪৩
দুষ্টো বিষ্টভ্য যোন্যাস্যং গর্ভকোষ্ঠং চ মারুতঃ| কুরুতে বিবৃতাং স্রস্তাং বাতিকীমিব দুঃখিতাম্| উত্সন্নমাংসাং তামাহুর্মহাযোনিং মহারুজম্||৪৩||
दुष्टो विष्टभ्य योन्यास्यं गर्भकोष्ठं च मारुतः| कुरुते विवृतां स्रस्तां वातिकीमिव दुःखिताम्| उत्सन्नमांसां तामाहुर्महायोनिं महारुजम्||४३||
🔊 Audio coming soon
শশিলেক ব্যাখ্যা (ইন্দু কৃত)
দুষ্টো বাযুর্যোন্যাস্যং গর্ভকোষ্ঠঞ্চা বিষ্টভ্য যোনিং বিবৃতাং স্থানাচ্চ স্রস্তাং বাতিক্যাখ্যব্যাপদমিব চ দুঃখিতাং ব্যথিতামুত্সন্নমাংসাং মহারুজঞ্চ কুরুতে তাং নাম্না মহাযোনিমাহুঃ| (যথাস্বৈঃ গুহ্যরোগকারণাভূতৈর্দূষণৈর্দুষ্টো বাযুর্যোনিমুখং গর্ভাশযঞ্চ বিষ্টভ্য স্তম্ভযিত্বা বিবৃতাং ন কদাচিদপি সংবরণযুক্তাং স্রস্তাং স্থানাচ্চলিতাং বহির্নিস্সৃতামিত্যর্থঃ| বাতিকীমিব বাতিক্যাখ্যাং ব্যাপদমিব দুঃখিতাং রুক্তোদাযামাদিবিবিধোপদ্রবযুক্তামিত্যর্থঃ| উত্সন্নমাংসাং উদ্বান্তমুখত্বাদুত্সন্নমাংসাং মহারুজাং অত্যর্থবেদনাযুক্তাং কুরুতে যোনিরিতি মহাযোনিশব্দসান্নিধ্যাহার্যং তাং ব্যাপদং মহযোনিং মহাযোন্যাখ্যামাহুঃ)|| ৪৩||
Adhikarana পৈত্তিকী যোনিব্যাপত্ (৪৪) · Śloka ৪৪
যথাস্বৈর্দূষণৈর্দুষ্টং পিত্তং যোনিসমাশ্রিতম্| করোতি দাহপাকোষা পূতিগন্ধজ্বরান্বিতাম্| ভৃশোষ্ণভূরিকুণপনীলপীতাসিতার্ত্তবাম্| সা ব্যাপত্ পৈত্তিকী||৪৪||
यथास्वैर्दूषणैर्दुष्टं पित्तं योनिसमाश्रितम्| करोति दाहपाकोषा पूतिगन्धज्वरान्विताम्| भृशोष्णभूरिकुणपनीलपीतासितार्त्तवाम्| सा व्यापत् पैत्तिकी||४४||
🔊 Audio coming soon
শশিলেক ব্যাখ্যা (ইন্দু কৃত)
যথাস্বৈর্দূষণৈর্নিদানকথিতৈর্দুষ্টং পিত্তং যোনিমাশ্রিত্য তামেব দাহাদ্যন্বিতাং ভৃশোষ্ণাদিগুণাং চ করোতি সা ব্যাপন্নাম্না পৈত্তিকী| (যথাস্বৈঃ সর্বরোগনিদানোক্তৈঃ কট্বম্লাদিভির্দুষ্টং প্রাপ্তদূষণং যোনিং প্রাপ্তং পিত্তং তাং যোনিং দাহাদ্যন্বিতাং ভৃশোষ্ণাদিগুণযুক্তার্ত্তবাং চ করোতি| দাহঃ সর্বাঙ্গীণঃ দাহঃ| ঊষা প্রাদেশিকা দাহঃ| পূতিগন্ধো দুর্গন্ধঃ| কুণপাড়্ত্তবং রক্তদোষজং প্রাক্ পুত্রকামীযাধ্যায উক্তম্| এবংবিধা ব্যাপত্সা পৈত্তিকী নাম ভবতি)|| ৪৪||
Adhikarana রক্তযোনিঃ (৪৫) · Śloka ৪৫
রক্তযোন্যাখ্যাসৃগতিস্রুতেঃ||৪৫||
रक्तयोन्याख्यासृगतिस्रुतेः||४५||
🔊 Audio coming soon
শশিলেক ব্যাখ্যা (ইন্দু কৃত)
এষৈবাতিরক্তস্রুতেঃ রক্তযোন্যাখ্যা ভবতি| (সা পৈত্তিকী ব্যাপদেবাত্যসৃক্স্রাবাদ্ধেতোঃ রক্তযোনিসংজ্ঞা স্যাত্)|| ৪৫||
Adhikarana শ্লৈষ্মিকী যোনিব্যাপত্ (৪৬) · Śloka ৪৬
কফোঽভিষ্যন্দিভিঃ ক্রুদ্ধঃ কুর্যাদ্যোনিমবেদনাম্| শীতলাং কণ্ডুলাং পাণ্ডুং পিচ্ছিলাং তদ্বিধস্রুতিম্| সা ব্যাপচ্ছ্লৈষ্মিকী||৪৬||
कफोऽभिष्यन्दिभिः क्रुद्धः कुर्याद्योनिमवेदनाम्| शीतलां कण्डुलां पाण्डुं पिच्छिलां तद्विधस्रुतिम्| सा व्यापच्छ्लैष्मिकी||४६||
🔊 Audio coming soon
শশিলেক ব্যাখ্যা (ইন্দু কৃত)
অভিষ্যন্দিভিঃ স্রোতোমালিন্যকরৈরাহারৈঃ কফঃ ক্রুদ্ধো বেদনারহিতাং শীতলাদিগুণাং চ যোনিং কুর্যাত্| তদ্বিধস্রুতিং শীতলাদি গুণস্রুতিং সা ব্যাপন্নাম্না শ্লৈষ্মিকী| (যোনিং অবেদনামীষদ্বেদনাযুক্তাং শীতলাং শীতস্পর্শাং কণ্ডূলাং কণ্ডুযুক্তাং পাণ্ডু পিচ্ছিলাং পাণ্ডুরবর্ণাং পৈচ্ছিল্যযুক্তাং চ তদ্বিধস্রুতিং পাণ্ডুপিচ্ছিলাম্বু স্রবণযুক্তাং চ করোতি)|| ৪৬||
Adhikarana লোহিতক্ষযাখ্যা (৪৭) · Śloka ৪৭
বাতপিত্তাভ্যাং ক্ষীযতে রজঃ| সদাহকাড়্শ্যবৈবর্ণ্য যস্যাং সা লোহিতক্ষযা||৪৭||
वातपित्ताभ्यां क्षीयते रजः| सदाहकाऱ्श्यवैवर्ण्य यस्यां सा लोहितक्षया||४७||
🔊 Audio coming soon
শশিলেক ব্যাখ্যা (ইন্দু কৃত)
যস্যাং ব্যাপদি বাতপিত্তাভ্যাং রজঃ ক্ষীযতে দাহাদিকৃচ্চ ভবতি সা ব্যাপন্নাম্না লোহিতক্ষযা| (যস্যাং যোনিব্যাপদ্যনিলপিত্তাভ্যাং কারণাভ্যাং রজো রক্তং দাহাদ্যন্বিতং ক্ষীযতে ক্ষযং যাতি সা লোহিতক্ষ্যাখ্যা ব্যাপত্)|| ৪৭||
Adhikarana পরিপ্লুতা (৪৮) · Śloka ৪৮
পিত্তলাযা নৃসংবাসে ক্ষবথূদ্গারধারণাত্| পিত্তযুক্তেন মরুতা যোনির্ভবতি দূষিতা| শূনা স্পর্শাসহা সার্ত্তির্নীলপীতাস্রবাহিনী| বস্তিকুক্ষিগুরুত্বাতিসারারোচককারিণী| শ্রোণিবঙ্ক্ষণরুক্তোদজ্বরকৃত্সা পরিপ্লুতা||৪৮||
पित्तलाया नृसंवासे क्षवथूद्गारधारणात्| पित्तयुक्तेन मरुता योनिर्भवति दूषिता| शूना स्पर्शासहा सार्त्तिर्नीलपीतास्रवाहिनी| बस्तिकुक्षिगुरुत्वातिसारारोचककारिणी| श्रोणिवङ्क्षणरुक्तोदज्वरकृत्सा परिप्लुता||४८||
🔊 Audio coming soon
শশিলেক ব্যাখ্যা (ইন্দু কৃত)
পিত্তলাযাঃ পিত্তপ্রকৃতেঃ স্ত্রিযা নৃসংবাসে ক্ষবথোরুদ্গারস্য চ ধারণাত্ পিত্তযুক্তেন বাযুনা দূষিতা যোনিঃ শূনাদিগুণা ভবতি সা ব্যাপন্নাম্না পরিপ্লুতা| (পিত্তলাযাঃ প্রভূতপিত্তাযাঃ পিত্তপ্রকৃতেরিত্যর্থঃ| নৃসংবাসে পুংসঙ্গতৌ ক্ষবথূদ্গারযোর্ধারণাত্ পিত্তযুক্তেন মরুতা দূষিতা যোনিঃ শূনা শোফযুক্তা স্পর্শাসহা স্পর্শং কিঞ্চিদপ্যসহমানা সার্ত্তিঃ রুজা যুক্তা নীলপীতাস্রবাহিনী নীলবর্ণং পীতবর্ণং বা অস্রং রক্তং বহমানা তথা বস্তৈঃ কুক্ষেশ্চ গুরুত্বমতিসারমরোচকং চ কুর্বাণা শ্রোণ্যাং বঙ্ক্ষণ্যোঃ রুক্তোদৌ চ জ্বরং চ কুর্বতী ভবতি সা ব্যাপত্ পরিপ্লুতাখ্যা)|| ৪৮||
Adhikarana উপপ্লুতা (৪৯) · Śloka ৪৯
বাতশ্লেষ্মামযব্যাপ্তা শ্বেতপিচ্ছিলবাহিনী| উপপ্লুতা স্মৃতা যোনিঃ||৪৯||
वातश्लेष्मामयव्याप्ता श्वेतपिच्छिलवाहिनी| उपप्लुता स्मृता योनिः||४९||
🔊 Audio coming soon
শশিলেক ব্যাখ্যা (ইন্দু কৃত)
বাতশ্লেষ্মলৈরামযৈর্ব্যাপ্তা যোনিঃ শ্বেতং পিচ্ছিলং চ বহতি সা নাম্নোঽপপ্লুতা স্মৃতা| (বাতনিমিত্তৈঃ শ্লেষ্মনিমিত্তৈশ্চামযৈর্ব্যাপ্তা পরিবৃতা শ্বেতপিচ্ছিলবাহিনী শ্বেতবর্ণং পৈচ্ছিল্যযুক্তং চাস্রং বহমানা যোনিঃ যোনিব্যাপত্ উপপ্লুতাখ্যা স্মৃতা)|| ৪৯||
Adhikarana বিপ্লুতা (৫০) · Śloka ৫০
বিপ্লুতাখ্যা ত্বধাবনাত্| সঞ্জাতজন্তুঃ কণ্ডূলা কণ্ড্বা চাতিরতিপ্রিযা||৫০||
विप्लुताख्या त्वधावनात्| सञ्जातजन्तुः कण्डूला कण्ड्वा चातिरतिप्रिया||५०||
🔊 Audio coming soon
শশিলেক ব্যাখ্যা (ইন্দু কৃত)
যা তু যোনিরধাবনাদপ্রক্ষালনাদ্ধেতোঃ সঞ্জাতজন্তুঃ কণ্ডূলা চ ভবতি কণ্ড্বা চাতিরতিপ্রিযা অতিব্যবাযপ্রিযা চ ভবতি সা নাম্না বিপ্লুতা| (বিপ্লুতাখ্যা তু যোনিঃ তুশব্দঃ পরিপ্লুতাতো বিশেষদ্যোতকঃ| অধাবনাদন্তর্মলাপরিশোধনাত্ সঞ্জাতজন্তুঃ যোন্যন্তর্গতরক্তজক্রিমিযুতত্বাদাগন্তু ক্রিমিসম্ভবে ত্বতিরতি প্রিযেত্যস্যানুপপত্তেশ্চান্তঃপ্রবৃদ্ধনৈসর্গিকক্রিমিরিত্যর্থঃ| রতিরহস্যে চৈতত্স্পষ্টমুক্তম্- রক্তজাঃ ক্রিমযঃ সূক্ষ্মা মৃদুমধ্যোগ্রশক্তযঃ| স্মরসদ্মনি কণ্ডূতিং জনযন্তি যথাবলম্|| ধ্বজদণ্ডাভিঘাতেন কণ্ডূত্যপনযাদতঃ| রক্ষণাচ্চ সুখম্|| ইতি| কণ্ডূলা অমর্ষণীকণ্ডূযুক্তা| কণ্ড্বা কণ্ডূতিহেতোঃ| চশব্দঃ সঞ্জাতজন্তুত্বাত্ কণ্ডূঃ কণ্ডুত্যা রত্যভিনিবেশশ্চেতিহেতুপারম্পর্যদ্যোতনার্থঃ| অতিরতিপ্রিযা অতীব সুরতেচ্ছুঃ)|| ৫০||
Adhikarana কর্ণিনী (৫১) · Śloka ৫১
অকালবাহনাদ্বাযুঃ শ্লেষ্মরক্তবিমূর্চ্ছিতঃ| কর্ণিকাং জনযেদ্যোনৌ রজোমার্গনিরোধিনীম্| সা কর্ণিনী||৫১||
अकालवाहनाद्वायुः श्लेष्मरक्तविमूर्च्छितः| कर्णिकां जनयेद्योनौ रजोमार्गनिरोधिनीम्| सा कर्णिनी||५१||
🔊 Audio coming soon
শশিলেক ব্যাখ্যা (ইন্দু কৃত)
অকালবাহনাদপ্রাপ্তাম্ব্বীরণাদ্বাযুঃ শ্লেষ্মরক্তাভ্যাং মিশ্রিতো যোনৌ রজোমার্গনিরোধিনীং কর্ণিকাং জনযেত্| সা ব্যাপন্নাম্না কর্ণিনী| (বাযুরকালবাহনাদ্বেগোদীরণাত্| কাশ্চিদ্রতান্তে কামাম্বু ছলাদ্বঞ্চযিতুং প্রিযান্| মূত্রং সৃজন্ত্যকালে যা মদনাম্ববেব তত্ দ্বযম্| অকালবাহনস্যার্থ ইতি ব্যাচষ্টসারকৃত্| দ্বেধাঽপ্যনিচ্ছাসুরতে দ্রুতিভাবঃ প্রতীযতে| শ্লেষ্মরক্তবিমূর্চ্ছিতঃ শ্লেষ্ম রক্তাভ্যাং বিমূর্চ্ছিতো বর্দ্ধিতঃ শ্লেষ্মসম্বন্ধাত্ ঘনীভূয দুর্মাংস প্রাযতাং প্রাপ্তস্য রক্তস্য বাযুনোদীরণে কর্ণিন্যাঃ সম্প্রাপ্তিরিতি ভাবঃ| যোনৌ গর্ভাশযদ্বারমুখে রজোমার্গনিরোধিনীং গর্ভাশযদ্বার সংবৃতিকরীং| অত এব নিষিক্তস্য শুক্রস্যাপ্রতিগ্রহাদ্গর্ভো ন জাযত ইতি ভাবঃ| কর্ণিকাং পদ্মকর্ণিকাতুল্যং মাংসাঙ্কুরমিত্যর্থঃ| জনযেদাবিষ্কুর্যাত্| সা কর্ণিনীসংজ্ঞা ব্যাপত্)|| ৫১||
Adhikarana সান্নিপাতিকী যোনিব্যাপত্ (৫২) · Śloka ৫২
ত্রিভির্দোষৈর্যোনিগর্ভাশযাশ্রিতৈঃ| যথাস্বোপদ্রবকরৈর্ব্যাপত্ সা সান্নিপাতিকী||৫২||
त्रिभिर्दोषैर्योनिगर्भाशयाश्रितैः| यथास्वोपद्रवकरैर्व्यापत् सा सान्निपातिकी||५२||
🔊 Audio coming soon
শশিলেক ব্যাখ্যা (ইন্দু কৃত)
ত্রিভির্দোষৈর্যোনৌ গর্ভাশযে বাশ্রিতৈর্যথাস্বোপদ্রবকরৈঃ সূত্রোক্তবাতাদ্যুপদ্রব্যকরৈর্যা ব্যাপত্ সা নাম্না সান্নিপাতিকী| (যোনিং গর্ভাশযং চাশ্রিত্য রুক্তোদদাহপাকশৈত্যকণ্ড্বাদিস্বস্বোপদ্রবং কুর্বদ্ভির্বাতাদিভির্যা ব্যাপত্ সা সান্নিপাতিকী সংজ্ঞা)|| ৫২||
Adhikarana যোনিব্যাপদুপদ্রবাঃ (৫৩-৩৮) · Śloka ৩৮
ইতি যোনিগদা নারী যৈঃ শুক্রং ন প্রতীচ্ছতি| ততো গর্ভং ন গৃহ্ণাতি রোগাংশ্চাপ্নোতি দারুণান্| অসৃগ্দরার্শোগুল্মাদীনাবাধাংশ্চানিলাদিভিঃ||৫৩|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতা- বষ্টাঙ্গসংগ্রহসংহিতাযামুত্তরতন্ত্রে গুহ্যরোগ- বিজ্ঞানীযো নামাষ্টত্রিংশোঽধ্যাযঃ||৩৮||
इति योनिगदा नारी यैः शुक्रं न प्रतीच्छति| ततो गर्भं न गृह्णाति रोगांश्चाप्नोति दारुणान्| असृग्दरार्शोगुल्मादीनाबाधांश्चानिलादिभिः||५३|| इति वैद्यपतिसिंहगुप्तस्य सूनोर्वाग्भटस्य कृता- वष्टाङ्गसंग्रहसंहितायामुत्तरतन्त्रे गुह्यरोग- विज्ञानीयो नामाष्टत्रिंशोऽध्यायः||३८||
🔊 Audio coming soon
শশিলেক ব্যাখ্যা (ইন্দু কৃত)
ইতি বিংশতির্বাতিক্যতিচরণাপ্রাক্বরণোদাবৃতাজাতঘ্ন্যন্তর্মুখীসূচী -শুষ্কাখ্যা-বামিনী-ষণ্ডা-মহাযোনি-পিত্তযোনি-রক্তযোনি-শ্লৈষ্মিকী-লোহতক্ষযোঽপপ্লুতা-পরিপ্লুতা-বিপ্লুতা-কর্ণিনী-সান্নিপাতিক্যাখ্যাঃ যোনিগদা উক্তাঃ যৈর্গদৈর্নারী নিষিক্তং শুক্রং ন প্রতীচ্ছতি গর্ভাশযেন ন গৃহ্ণাতি শুক্রস্যাগ্রহণাদ্গর্ভং ন গৃহ্ণাতি অসৃগ্দরাদীংশ্চ রোগান্ দারুণানতি- কৃচ্ছ্রানাপ্নোতিযনিলদিভিশ্চ দোষৈর্দারুণানাবাধান্ ব্যাধীন্ স্তম্ভশূলাদীনাপ্নোতীতি| (যোনিগদা যোনিব্যাপদঃ ইত্যনেন প্রকারেণোক্তাঃ যৈর্যোনিগতৈর্নারী ব্যাপদ্যমানাস্ত্রী শুক্রং পুংসা নিষিক্তং ন প্রতীচ্ছতি ন প্রতিগৃহ্ণাতি| ততস্তসমাদ্ধেতোঃ গর্ভং ন গৃহ্ণাতি, গর্ভো ন জাযতে| অপত্যার্থমেব যস্যাঃ পরিগ্রহো বিধীযতে তদভাবে তযা কিং ফলমিতি ভাবঃ| কিঞ্চ দারুণানতিকৃচ্ছ্রানসৃগ্দরার্শোগুল্মাদীন্ আদিশব্দেন মূত্রকৃচ্ছ্রাস্থিস্রাবাদযো গৃহ্যন্তে রোগানাপ্নোতি| তথা অনিলাদিভির্বাতপিত্তকফৈঃ কৃতানাবাধান্ অসম্ভাবনীযান্ ব্যাপদন্তরংশ্চ প্রাপ্নোতি)|| ৫৩|| ইতি শ্রীমন্মহামহোপাধ্যাযেন্দুবিরচিতাযা মষ্টাঙ্গসংগ্রহব্যাখ্যাযাং শশিলেখাযা মুত্তরতন্ত্রে অষ্টত্রিংশোঽধ্যাযঃ