૧૬. વિવિધદ્રવ્યગણસઙ્ગ્રહઃ

Adhikarana અથ વિવિધદ્રવ્યગણસંગ્રહો નામ ષોડશોઽધ્યાયઃ પ્રતિજ્ઞા (૧) · Śloka ૧

અથાતો વિવિધદ્રવ્યગણસંગ્રહમધ્યાયં વ્યાખ્યાસ્યામઃ| ઇતિ હ સ્માહુરાત્રેયાદયો મહર્ષયઃ||૧||

Adhikarana વિદાર્યાદિગણઃ તદ્ગુણાશ્ચ (૨) · Śloka ૨

વિદારિપઞ્ચાઙ્ગુલવૃશ્ચિકાલીવૃશ્ચલીવદેવાહ્વયશૂર્પપર્ણ્યઃ| કણ્ડૂકરી જીવનહ્રસ્વસંજ્ઞે દ્વે પઞ્ચકે ગોપસુતા ત્રિપાદી| વિદાર્યાદિરયં હૃદ્યો બૃંહણો વાતપિત્તહા| શોષગુલ્માઙ્ગમર્દોર્ધ્વશ્વાસકાસહરો ગણઃ||૨||

Adhikarana સારિવાદિગણઃ તદ્ગુણાશ્ચ (૩) · Śloka ૩

સારિવોશીરકાશ્મર્યમધૂકશિશિરદ્વયમ્| યષ્ટીપરૂષકં હન્તિ દાહપિત્તાસ્રતૃડ્જ્વરાન્||૩||

Adhikarana પદ્મકાદિગણઃ તદ્ગુણાશ્ચ (૪) · Śloka ૪

પદ્મકપુણ્ડ્રૌ વૃદ્ધિતુગર્ઘ્યઃ શૃઙ્ગ્યમૃતા દશ જીવનસંજ્ઞાઃ| સ્તન્યકરા ઘ્નન્તીરણપિત્તં પ્રીણનબૃંહણજીવનવૃષ્યાઃ||૪||

Adhikarana પરૂષકાદિગણઃ તદ્ગુણાશ્ચ (૫) · Śloka ૫

પરૂષકં વરા દ્રાક્ષા કટ્ફલં કતકાત્ ફલમ્| રાજાહ્વં દાડિમં શાકં તૃણ્મૂત્રામયવાતજિત્||૫||

Adhikarana અઞ્જનાદિગણઃ તદ્ગુણાશ્ચ (૬) · Śloka ૬

અઞ્જનં ફલિની માંસી પદ્મોત્પલરસાઞ્જનમ્| સૈલામધુકનાગાહ્વં વિષાન્તર્દાહપિત્તનુત્||૬||

Adhikarana પટોલાદિગણઃ તદ્ગુણાશ્ચ (૭) · Śloka ૨

પટોલકટુરોહિણીચન્દનં મધુસ્રવગુડૂચિપાઠાન્વિતમ્| નિહન્તિ કફપિત્તકુષ્ઠજ્વરાનિવષં વમિમરોચકઙ્કામલામ્||૨||

Adhikarana ગુડૂચ્યાદિગણઃ તદ્ગુણાશ્ચ (૮) · Śloka ૮

ગુડૂચીપદ્મકારિષ્ટધાનકારક્તચન્દનમ્| પિત્તશ્લેષ્મજ્વરચ્છર્દિદાહતૃષ્ણાઘ્નમગ્નિકૃત્||૮||

Adhikarana આરગ્વધાદિગણઃ તદ્ગુણાશ્ચ (૯) · Śloka ૯

આરગ્વધેન્દ્રયવપાટલિકાકતિક્તા નિમ્બામૃતામધુરસાસ્રુવવૃક્ષપાઠાઃ| ભૂનિમ્બસૈર્યકપટોલકરઞ્જયુગ્મ- સપ્તચ્છદાગ્નિસુષવીફલબાણઘોણ્ટાઃ| આરગ્વધાદિર્જયતિ છર્દિકુષ્ઠવિષજ્વરાન્| કફં કણ્ડૂં પ્રમેહં ચ દુષ્ટવ્રણવિશોધનઃ||૯||

Adhikarana અસનાદિગણઃ તદ્ગુણાશ્ચ (૧૦) · Śloka ૧૦

અસનતિનિશભૂર્જશ્વેતવાહપ્રકીર્યાઃ ખદિરકદરભણ્ડીશિંશપામેષશૃઙ્ગ્યઃ| ત્રિહિમનતપલાશાજોઙ્ગકઃ શાકસાલૌ ધવકબુકકલિઙ્ગચ્છાગકર્ણાશ્વકર્ણાઃ| અસનાદિર્વિજયતે શ્વિત્રકુષ્ઠકફક્રિમીન્| પાણ્ડુરોગં પ્રમેહં ચ મેદોદોષનિબર્હણઃ||૧૦||

Adhikarana વરણાદિગણઃ તદ્ગુણાશ્ચ (૧૧) · Śloka ૧૧

વરણસૈર્યકયુગ્મશતાવરીદહનમોરટબિલ્વવિષાણિકાઃ| દ્વિબૃહતીદ્વિકરઞ્જજયાદ્વયમ્બહલપલ્લવદર્ભરુજાકરાઃ| વરણાદિઃ કફં મેદો મન્દાગ્નિત્વં નિયચ્છતિ| આઢ્યવાતં શિરશ્શૂલં ગુલ્મઞ્ચાન્તઃ સવિદ્રધિમ્||૧૧||

Adhikarana ઊષકાદિગણઃ તદ્ગુણાશ્ચ (૧૨) · Śloka ૧૨

ઊષકસ્તુત્થકં હિઙ્ગુકાસીસદ્વયસૈન્ધવમ્| સશિલાજતુકૃચ્છ્રાશ્મગુલ્મમેદઃકફાપહમ્||૧૨||

Adhikarana વીરતરાદિગણઃ તદ્ગુણાશ્ચ (૧૩) · Śloka ૧૩

ભવન્તિ ચાત્ર- વીરતરારણિકૌ નલગુચ્છૌ મોરટટુણ્ટુકસૈર્યકયુગ્મમ્| મુસ્તકમઞ્જરિકર્કશપાર્થા મૂત્રવિરેકકરો દશકશ્ચ| વર્ગો વીરતરાદ્યોઽયં હન્તિ વાતકૃતાન્ ગદાન્| અશ્મરીશર્કરામૂત્રકૃચ્છ્રાઘાતરુજાપહઃ||૧૩||

Adhikarana લોધ્રાદિગણઃ તદ્ગુણાશ્ચ (૧૪) · Śloka ૧૪

લોધ્રશાબરકલોધ્રપલાશાજિઙ્ગિણીસરલકટ્ફલયુક્તાઃ| કુત્સિતામ્બકદલીગતશોકાઃ સેલવાલુપરિપેલવમોચાઃ| એષ લોધ્રાદિકો નામ મેદઃ કફહરો ગણઃ| યોનિદોષહરઃ સ્તમ્ભી વર્ણ્યો વિષવિનાશનઃ||૧૪||

Adhikarana અર્કાદિગણઃ તદ્ગુણાશ્ચ (૧૫) · Śloka ૧૫

અર્કાલર્કૌ નાગદન્તી વિશલ્યા ભાઙ્ગી રાસ્ના વૃશ્ચિકાલી પ્રકીર્યા| પ્રત્યક્પુષ્પી પીતતૈલોદકીર્યાઃ શ્વેતાયુગ્મં તાપસાનાં ચ વૃક્ષઃ| અયમર્કાદિકો વર્ગઃ કફમેદોવિષાપહઃ| કૃમિકુષ્ઠપ્રશમનો વિશેષાદ્ વ્રણશોધનઃ||૧૫||

Adhikarana સુરસાદિગણઃ તદ્ગુણાશ્ચ (૧૬) · Śloka ૧૬

સુરસયુગફણિજ્જં કાલમાલાવિડઙ્ગં ખરબુકવૃષકર્ણીકટ્ફલં કાસમર્દઃ| ક્ષવકસરસિભાર્ઙ્ગીકાર્મુકાઃ કાકમાચી કુલહલવિષમુષ્ટી ભૂસ્તૃણી ભૂતકેશી| સુરસાદિર્ગણઃ શ્લેષ્મમેદઃક્રિમિનિષૂદનઃ| પ્રતિશ્યાયારુચિશ્વાસકાસઘ્નો વ્રણશોધનઃ||૧૬||

Adhikarana મુષ્કકાદિગણઃ તદ્ગુણાશ્ચ (૧૭) · Śloka ૧૭

મુસ્કકસ્નુગ્વરાદ્વીપીપલાશધવશિંશિપાઃ| ગુલ્મમેહાશ્મરીપાણ્ડુમેદોઽર્શઃ કફશુક્રજિત્||૧૭||

Adhikarana વત્સકાદિગણઃ તદ્ગુણાશ્ચ (૧૮) · Śloka ૧૮

વત્સકો મધુરસા ત્રુટિર્વચા દીર્ઘવૃન્તફલવેલ્લસર્ષપાઃ| રોહિણીસ્થપનિહિઙ્ગુભાર્ઙ્ગયઃ શૂલઘાતિ દશકં ઘુણપ્રિયા વત્સકાદ્યોઽનિલશ્લેષ્મમેદોઽરોચકપીનસાન્| શૂલાર્શોજ્વરગુલ્માંશ્ચ હન્તિ દીપનપાચનઃ||૧૮||

Adhikarana વચાહરિદ્રાદિગણૌ તદ્ગુણાશ્ચ (૧૯) · Śloka ૧૯

વચાજલદદેવાહ્વનાગરાતિવિષાભયાઃ| હરિદ્રાદ્વયયષ્ટ્યાહ્વકલશીકુટજોદ્ભવાઃ| વચાહરિદ્રાદિગણાવામાતીસારનાશનૌ| મેદઃ કફાઢ્યપવનસ્તન્યદોષનિબર્હણૌ||૧૯||

Adhikarana પ્રિયઙ્ગ્વમ્બષ્ઠાદિગણૌ તદ્ગુણાશ્ચ (૨૦) · Śloka ૨૦

પ્રિયઙ્ગુપુષ્પાઞ્જનયુગ્મપદ્માઃ પદ્માદ્રજો યોજનવલ્યનન્તા| સાલદ્રુમો મોચરસઃ સમઙ્ગા પુન્નાગશીતં મદનીયહેતુઃ| અમ્બષ્ઠામધુકં નમસ્કરીનન્દીવૃક્ષપલાશકચ્છુરાઃ| લોધ્રં ધાતકિબિલ્વપેશિકા કટ્વઙ્ગઃ કમલોદ્ભવં રજઃ| ગણૌ પ્રિયઙ્ગ્વમ્બષ્ઠાદી પક્વાતીસારનાશનૌ| સન્ધનીયૌ હિતૌ પિત્તે વ્રણાનામપિ રોપણૌ||૨૦||

Adhikarana મુસ્તાદિગણઃ તદ્ગુણાશ્ચ (૨૧) · Śloka ૨૧

મુસ્તાવચાગ્નિદ્વિનિશા દ્વિતિક્તા ભલ્લાતપાઠાત્રિફલાવિષાખ્યાઃ| કુષ્ઠં ત્રુટી હૈમવતી ચ યોનિ- સ્તન્યામયઘ્ના મલપાચનાશ્ચ||૨૧||

Adhikarana ન્યગ્રોધાદિગણઃ તદ્ગુણાશ્ચ (૨૨) · Śloka ૨૨

ન્યગ્રોધપિપ્પલસદાફલલોધ્રયુગ્મ- જમ્બૂદ્વયાર્જુનકપીતનસોમવલ્કાઃ| પ્લક્ષામ્રવઞ્જુલપ્રિયાલપલાશનન્દી- કોલીકદમ્બવિરલામધુકં મધૂકમ્| ન્યગ્રોધાદિર્ગણો વ્રણ્યઃ સંગ્રાહી ભગ્નસાધનઃ| મેદઃપિત્તાસ્રતૃડ્દાહયોનિરોગનિબર્હણઃ||૨૨||

Adhikarana એલાદિગણઃ તદ્ગુણાશ્ચ (૨૩) · Śloka ૨૩

એલાયુગ્મતુરુષ્કકુષ્ઠફલિનીમાંસીજલધ્યામક- સ્પૃક્કાચોરકચોચપત્રતગરસ્થૌણેયજાતીરસાઃ| શુક્તિવ્યાઘ્રનખૌસુરાહ્વમગુરુઃ શ્રીવાસકઃ કુઙ્કુમં ચણ્ડાગુગ્ગુલુદેવધૂપખપુરાઃ પુન્નાગનાગાહ્વયમ્| એલાદિકો વાતકફૌ વિષઞ્ચ વિનિયચ્છતિ| વર્ણપ્રસાદનઃ કણ્ડૂપિટકાકોઠનાશનઃ||૨૩||

Adhikarana શ્યામાદિગણઃ તદ્ગુણાશ્ચ (૨૪) · Śloka ૨૪

શ્યામાદન્તીદ્રવન્તીક્રમુકકુઠરણાશઙ્ખિનીચર્મસાહ્વાસ્વર્ણ- ક્ષીરીગવાક્ષીશિખરિરજનિકાછિન્નરોહાકરઞ્જઃ| બસ્તાન્ત્રી વ્યાધિઘાતો બહલબહુરસસ્તીક્ષ્ણવૃક્ષાત્ફલાનિ શ્યામાદ્યો હન્તિ ગુલ્મં વિષમરુચિકફૌ હૃદ્રુજં મૂત્રકૃચ્છ્રમ્||૨૪||

Adhikarana પિપ્પલ્યાદિગણઃ તદ્ગુણાશ્ચ (૨૫) · Śloka ૨૫

પિપ્પલીપિપ્પલીમૂલચવ્યચિત્રકશૃઙ્ગવેરમરિચહસ્તિપિપ્પલી- હરેણુકૈલાજમોજેન્દ્રયવપાઠાજીરકસર્ષપમહાનિમ્બફલ્ગુ- હિઙ્ગુભાર્ઙ્ગીવચામુસ્તામધુરસાતિવિષાવિડઙ્ગાનિ કટુરોહિણી ચેતિ| પિપ્પલ્યાદિઃ કફહરઃ પ્રતિશ્યાયાનિલારુચીઃ| નિહન્યાદ્ દીપનો ગુલ્મશૂલઘ્નશ્ચામપાચનઃ||૨૫||

Adhikarana યોગિકારયૌગિકદ્રવ્યયોર્યોગસ્ત્યાગશ્ચ વિધેયઃ (૨૬) · Śloka ૨૬

પઞ્ચવિંશતિરિત્યુક્તા વર્ગાસ્તેષુ ત્વલાભતઃ| યુઞ્જ્યાત્તદ્વિધમન્યચ્ચ દ્રવ્યં જહ્યાદયૌગિકમ્||૨૬||

Adhikarana ઉક્તવર્ગાણામુપયોગવિધિનિર્દેશઃ (૨૭-૨૮) · Śloka ૨૮

એતે વર્ગા દોષદૂષ્યાદપેક્ષ્ય કલ્કક્વાથસ્નેહલેહાદિયુક્તાઃ| પાને નસ્યેઽન્વાસનેઽન્તર્બહિર્વા લેપાભ્યઙ્ગૈર્ઘ્નન્તિ રોગાન્ સુકૃચ્છ્રાન્||૨૭|| ઇતિ શ્રીવૈદ્યપતિસિંહગુપ્તસ્ય સૂનોર્વાગ્ભટસ્ય કૃતૌ અષ્ટાઙ્ગસંગ્રહસંહિતાયાં સૂત્રસ્થાને વિવિધદ્રવ્યગણસઙ્ગ્રહો નામ ષોડશોઽધ્યાયઃ||૨૮||