Adhikarana অথ মর্মবিভাগো নাম সপ্তমোঽধ্যাযঃ প্রতিজ্ঞা (১) · Śloka ১
অথাতো মর্মবিভাগং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो मर्मविभागं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
শশিলেক ব্যাখ্যা (ইন্দু কৃত)
পূর্বমেবাধ্যাযারম্ভপ্রযোজনমুক্তম্|| ১||
Adhikarana মর্মণাং সঙ্খ্যা (২) · Śloka ২
সপ্তোত্তরং মর্মশতম্||২||
सप्तोत्तरं मर्मशतम्||२||
🔊 Audio coming soon
শশিলেক ব্যাখ্যা (ইন্দু কৃত)
সর্বস্মিঞ্ছরীরে সপ্তোত্তরং মর্মণাং শতম্|| ২||
Adhikarana মর্মণাং স্থানানি (৩) · Śloka ৩
তত্র চতুশ্চত্বারিংশচ্ছাখাসু| ষড্বিংশতিরন্তরাধৌ| সপ্তত্রিংশদূর্ধ্বম্||৩||
तत्र चतुश्चत्वारिंशच्छाखासु| षड्विंशतिरन्तराधौ| सप्तत्रिंशदूर्ध्वम्||३||
🔊 Audio coming soon
শশিলেক ব্যাখ্যা (ইন্দু কৃত)
তত্র শাখাচতুষ্টযে প্রত্যেকং শাখাযামেকাদশ মর্মাণি আগুদাদাঽচাক্ষকসন্ধেঃ ষড্বিংশতিঃ| গ্রীবাদৌ সপ্তত্রিংশত্| একস্মিন্ সক্থ্নি একাদশানাং মর্মণাং বিভাগাঃ প্রদর্শ্যন্তে| এতেন শাখাত্রযে তথৈবানুমন্তব্যম্|| ৩||
Adhikarana তলহৃদযং নামমর্ম তত্র বিদ্ধে ব্যাঘাতঃ (৪) · Śloka ৪
অথৈকৈকস্মিন্ সক্থ্নি মধ্যমাঙ্গুলিমভিতো মধ্যে পাদ- তলস্য তলহৃদযং নাম মর্ম| তত্র বিদ্ধস্য রুজযা মর ণম্||৪||
अथैकैकस्मिन् सक्थ्नि मध्यमाङ्गुलिमभितो मध्ये पाद- तलस्य तलहृदयं नाम मर्म| तत्र विद्धस्य रुजया मर णम्||४||
🔊 Audio coming soon
শশিলেক ব্যাখ্যা (ইন্দু কৃত)
পাদতলমধ্যে মধ্যমাঙ্গুল্যভিমুখেন তলহৃদযং নাম মর্ম| তত্র বিদ্ধস্য রুজযা মরণম্|| ৪||
Adhikarana ক্ষিপ্রমর্ম, তত্র বিদ্ধে মরণম্ (৫) · Śloka ৫
অঙ্গুষ্ঠাঙুল্যোর্মধ্যে ক্ষিপ্রং তত্রাঽঽক্ষেপকেন মরণম্||৫||
अङ्गुष्ठाङुल्योर्मध्ये क्षिप्रं तत्राऽऽक्षेपकेन मरणम्||५||
🔊 Audio coming soon
শশিলেক ব্যাখ্যা (ইন্দু কৃত)
ক্ষিপ্রে বিদ্ধস্যাক্ষেপেণ মরণম্| আক্ষেপো বাতব্যাধিষু বক্ষ্যমাণলক্ষণঃ|| ৫||
Adhikarana কূর্চমর্ম, তত্র বিদ্ধে ব্যাপচ্চ (৬) · Śloka ৬
ক্ষিপ্রস্যোপরি দ্ব্যঙ্গুল উভযতঃ কূর্চঃ| তত্র পাদস্য ভ্রমণবেপনে ভবতঃ||৬||
क्षिप्रस्योपरि द्व्यङ्गुल उभयतः कूर्चः| तत्र पादस्य भ्रमणवेपने भवतः||६||
🔊 Audio coming soon
শশিলেক ব্যাখ্যা (ইন্দু কৃত)
কূর্চঃ ক্ষিপ্রস্যোপরি দ্ব্যঙ্গুলে| উভযত ইতি পাদপৃষ্ঠাত্ পাদতলং যাবত্| তত্র কূর্চে বিদ্ধস্য পাদভ্রমণবেপনে ভবতঃ| বেপনং কম্পনাম্|| ৬||
Adhikarana কূর্চশিরোমর্ম, তত্র বিদ্ধে ব্যাপচ্চ (৭) · Śloka ৭
গুল্ফসন্ধেরধঃ কূর্চশিরঃ| তত্র রুজাশোপৌ||৭||
गुल्फसन्धेरधः कूर्चशिरः| तत्र रुजाशोपौ||७||
🔊 Audio coming soon
শশিলেক ব্যাখ্যা (ইন্দু কৃত)
গুল্ফসন্ধেরধঃ কূর্চশিরো নাম মর্ম| তত্র রুজাশোফৌ ভবতঃ তত্রেত্যত্র বিদ্ধস্যেত্যনুবর্ত্ততে|| ৭||
Adhikarana গুল্ফমর্ম, তত্র বিদ্ধে ব্যাপচ্চ (৮) · Śloka ৮
পাদজঙ্ঘযোঃ সন্ধানে গুল্ফঃ| তত্র রুক্ স্তব্ধসক্থিতা ষণ্ঢতা বা||৮||
पादजङ्घयोः सन्धाने गुल्फः| तत्र रुक् स्तब्धसक्थिता षण्ढता वा||८||
🔊 Audio coming soon
শশিলেক ব্যাখ্যা (ইন্দু কৃত)
পাদস্য জঙ্ঘাযাশ্চ সন্ধানে স্থিতো গুল্ফঃ রুগাদিকরঃ ষণ্ঢগা অযোষিদ্যোগ্যত্বম্|| ৮||
Adhikarana ইন্দ্রবস্তিমর্ম, তত্র বিদ্ধে ব্যাপচ্চ (৯) · Śloka ৯
পার্ষ্ণিপ্রভৃতি দ্বাদশভিরঙ্গুলৈর্জঙ্ঘামধ্যে ইন্দ্রবস্তিঃ| তত্র শোণিতক্ষযান্মরণম্||৯||
पार्ष्णिप्रभृति द्वादशभिरङ्गुलैर्जङ्घामध्ये इन्द्रबस्तिः| तत्र शोणितक्षयान्मरणम्||९||
🔊 Audio coming soon
শশিলেক ব্যাখ্যা (ইন্দু কৃত)
জঙ্ঘামধ্যে তু ইন্দ্রবস্তিঃ| তত্র রক্তক্ষযান্মরণং ভবতি|| ৯||
Adhikarana জানুমর্ম, তত্র বিদ্ধে ব্যাপচ্চ (১০) · Śloka ১০
জঙ্গোর্বোঃ সন্ধানে জানুঃ| তত্র খঞ্জত||১০||
जङ्गोर्वोः सन्धाने जानुः| तत्र खञ्जत||१०||
🔊 Audio coming soon
শশিলেক ব্যাখ্যা (ইন্দু কৃত)
জঙ্ঘোর্বোঃ সঙ্গমে স্থিতং জানুঃ| তত্র খঞ্জতা ভবতি| খঞ্জো বিকৃতপাদঃ|| ১০||
Adhikarana আণিমর্ম, তত্র বিদ্ধে ব্যাপচ্চ (১১) · Śloka ১১
জানুনস্ত্র্যঙ্গুলাদূর্ধ্বমুভযত আণিঃ| তত্র শোফাভিবৃদ্ধিঃ স্তব্ধসক্থিতা চ||১১||
जानुनस्त्र्यङ्गुलादूर्ध्वमुभयत आणिः| तत्र शोफाभिवृद्धिः स्तब्धसक्थिता च||११||
🔊 Audio coming soon
শশিলেক ব্যাখ্যা (ইন্দু কৃত)
আণিঃ অপ্যুভযতঃ ঊরৌ জানুনস্ত্র্যঙ্গুলাদূর্ধ্বং দ্বৌ দিশৌ ব্যাপ্যবর্ত্তত ইত্যর্থঃ| রুগাদিকরঃ|| ১১||
Adhikarana ঊর্বী মর্ম, তত্র বিদ্ধে ব্যাপচ্চ (১২) · Śloka ১২
ঊরুমধ্যে ঊর্বী| তত্র রক্তক্ষযাত্সক্থিশোষঃ||১২||
ऊरुमध्ये ऊर्वी| तत्र रक्तक्षयात्सक्थिशोषः||१२||
🔊 Audio coming soon
শশিলেক ব্যাখ্যা (ইন্দু কৃত)
ঊরুমধ্যে স্থিতা ঊর্বী| তদ্বেধাদ্রক্তক্ষযাত্ সক্থিশোষঃ|| ১২||
Adhikarana লোহিতাক্ষমর্ম তত্র বিদ্ধে ব্যাপচ্চ (১৩) · Śloka ১৩
ঊর্ব্যাস্তূর্ধ্বমধো বংক্ষণসন্ধেরূরুমূলে লোহিতাক্ষম্| তত্র রক্তক্ষযাত্ পক্ষাঘাতঃ||১৩||
ऊर्व्यास्तूर्ध्वमधो वंक्षणसन्धेरूरुमूले लोहिताक्षम्| तत्र रक्तक्षयात् पक्षाघातः||१३||
🔊 Audio coming soon
শশিলেক ব্যাখ্যা (ইন্দু কৃত)
ঊরোর্মূলে বংক্ষণসন্ধেরধস্তাত্ লোহিতাক্ষম্| তত্র রক্তক্ষযাত্ পক্ষাঘাতো ভবতি|| ১৩||
Adhikarana বিটপমর্ম, তত্র বিদ্ধে ব্যাপচ্চ (১৪) · Śloka ১৪
বংক্ষণবৃষণযোর্মধ্যে বিটপম্| তত্র ষাণ্ঢ্যমল্পশুক্রতা বা||১৪||
वंक्षणवृषणयोर्मध्ये विटपम्| तत्र षाण्ढ्यमल्पशुक्रता वा||१४||
🔊 Audio coming soon
শশিলেক ব্যাখ্যা (ইন্দু কৃত)
বংক্ষণবৃষাণাযোর্মধ্যে বিটপং নাম| তত্র ষণ্ঢতা অথবা অল্পশুক্রতা ভবতি|| ১৪||
Adhikarana বাহুমর্মাণি, তত্র বিদ্ধে ব্যাপচ্চ (১৫) · Śloka ১৫
সক্থিবদ্ বাহ্বোঃ||১৫||
सक्थिवद् बाह्वोः||१५||
🔊 Audio coming soon
শশিলেক ব্যাখ্যা (ইন্দু কৃত)
ইতি তলহৃদযক্ষিপ্রকুর্চকূর্চশিরোগুল্ফেন্দ্রবস্তিজান্বাণ্যুর্বীলোহিতাক্ষবিটপান্যেকাদশৈকস্যাং শাখাযাং মর্মাণি তদ্বদেব শাখাত্রযেঽপি বিজ্ঞেযম্|| ১৫||
Adhikarana বাহুমর্মণি বিশেষঃ (১৬) · Śloka ১৬
বিশেষস্তু-গুল্ফো মণিবন্ধস্তথা জানুকূর্পরম্| তযোর্ব্যধে কুণিতা||১৬||
विशेषस्तु-गुल्फो मणिबन्धस्तथा जानुकूर्परम्| तयोर्व्यधे कुणिता||१६||
🔊 Audio coming soon
শশিলেক ব্যাখ্যা (ইন্দু কৃত)
কেবলং বাহ্বোঃ কেষাঞ্চিন্নাম্নি বিশেষঃ, তদেবোচ্যতে| যথা জঙ্ঘাচরণযোঃ সন্ধৌ গুল্ফঃ| তথা করপ্রপাণ্যোর্মণিবন্ধঃ| যথা জঙ্ঘোর্বোঃ সঙ্গমে জানু তথা প্রপাণিপ্রবাহুমধ্যে কূর্পরঃ| জানুনি বিদ্ধে যথা খঞ্জতা| কূর্পরে বিদ্ধে তথা কুণিতা| কুণির্বিকৃতকরঃ|| ১৬||
Adhikarana কক্ষারধরমর্ম, তত্র বিদ্ধে ব্যাপচ্চ (১৭) · Śloka ১৭
বিটপবচ্চ কক্ষাক্ষমধ্যে কক্ষাধরঃ| তত্র কুণিত্বম্||১৭||
विटपवच्च कक्षाक्षमध्ये कक्षाधरः| तत्र कुणित्वम्||१७||
🔊 Audio coming soon
শশিলেক ব্যাখ্যা (ইন্দু কৃত)
যথা বংক্ষণবৃষণযোর্মধ্যে বিটপং তথা কক্ষাক্ষমধ্যে কক্ষাধরঃ| তস্মিন্ বিদ্ধে কুণিত্বম্|| ১৭||
Adhikarana অন্তরাধিমর্মাণি গুদমর্ম, তত্র বিদ্ধে সদ্যোমরণম্ (১৮) · Śloka ১৮
বাতবর্চোনিরসনঃ স্থূলান্ত্রবিবদ্ধো গুদঃ| তত্র সদ্যো মরণম্||১৮||
वातवर्चोनिरसनः स्थूलान्त्रविबद्धो गुदः| तत्र सद्यो मरणम्||१८||
🔊 Audio coming soon
শশিলেক ব্যাখ্যা (ইন্দু কৃত)
গুদঃ স্থূলান্ত্রে প্রতিবদ্ধো বাতাদিনিরসনকর্মা| তস্মিন্ বিদ্ধে সদ্যো মরণম্|| ১৮||
Adhikarana বস্তিমর্ম, তত্র বিদ্ধে ব্যাপচ্চ (১৯) · Śloka ১৯
অল্পমাংসশোণিতোঽভ্যন্তরতঃ কট্যা ধনুর্বক্র একদ্বারোঽধোমুখী বস্তিঃ| তত্রাপি সদ্যো মরণমশ্মরীব্রণা- দৃতে| তত্রাপ্যুভযতো বিদ্ধে ন জীবতি| একতো ভিন্নে মূত্রস্রাবীব্রণো ভবতি| স তু যত্নেনোপক্রান্তো রোহতি||১৯||
अल्पमांसशोणितोऽभ्यन्तरतः कट्या धनुर्वक्र एकद्वारोऽधोमुखी बस्तिः| तत्रापि सद्यो मरणमश्मरीव्रणा- दृते| तत्राप्युभयतो विद्धे न जीवति| एकतो भिन्ने मूत्रस्रावीव्रणो भवति| स तु यत्नेनोपक्रान्तो रोहति||१९||
🔊 Audio coming soon
শশিলেক ব্যাখ্যা (ইন্দু কৃত)
বস্তিরল্পমাংসশোণিতঃ কট্যা মধ্যে পৃষ্ঠতো বক্রো ধনুর্বত্| একতো দ্বারো মুখং স চাস্যৈকঃ অধোমুখশ্চ| তত্রাপি বস্তৌ বিদ্ধে মরণং ভবত্যশ্মরী ব্রণাদৃতে| তত্রাপ্যমশ্মরীব্রণে দ্বাভ্যাং মার্গাভ্যাং বিদ্ধে বস্তী মরণমেব| অশ্মরীব্রণেঽপ্যেকতো বিদ্ধে বস্তৌ মূত্রস্রাবী ব্রণো ভবতি| সুবোধম্|| ১৯||
Adhikarana নাভিমর্ম, তত্র বিদ্ধে ব্যাপচ্চ (২০) · Śloka ২০
পক্বামাশযমধ্যে নাভিঃ তত্রাপি সদ্যোমরণম্||২০||
पक्वामाशयमध्ये नाभिः तत्रापि सद्योमरणम्||२०||
🔊 Audio coming soon
শশিলেক ব্যাখ্যা (ইন্দু কৃত)
ন কেবলং বস্তিরেব বিদ্ধঃ সদ্যোঘ্নো যাবন্নাভিরপীত্যপিশব্দস্যার্থঃ|| ২০||
Adhikarana হৃদযমর্ম, তত্র বিদ্ধে ব্যাপচ্চ (২১) · Śloka ২১
কোষ্ঠবক্ষসোঃ স্তনযোশ্চ মধ্যে সত্ত্বরজস্তমোঽধিষ্ঠা নমামাশযদ্বারং হৃদযম্| তত্রাপি সদ্যো মরণম্||২১||
कोष्ठवक्षसोः स्तनयोश्च मध्ये सत्त्वरजस्तमोऽधिष्ठा नमामाशयद्वारं हृदयम्| तत्रापि सद्यो मरणम्||२१||
🔊 Audio coming soon
শশিলেক ব্যাখ্যা (ইন্দু কৃত)
কোষ্ঠবক্ষসোঃ স্তনযোশ্চ মধ্যে স্থিতং সত্ত্বরজস্তমসামধিষ্ঠানমামাশযদ্বারং তু হৃদযম্| তত্রাপি বিদ্ধস্য সদ্যো মরণম্||২১||
Adhikarana স্তনমূলমর্ম, তত্র বিদ্ধে ব্যাপচ্চ (২২) · Śloka ২২
স্তনযোরধস্তাদ্ দ্ব্যঙ্গুলমুভযতঃ স্তনমূলে তযোঃ কফপূর্ণকোষ্ঠস্য মরণম্||২২||
स्तनयोरधस्ताद् द्व्यङ्गुलमुभयतः स्तनमूले तयोः कफपूर्णकोष्ठस्य मरणम्||२२||
🔊 Audio coming soon
শশিলেক ব্যাখ্যা (ইন্দু কৃত)
তযোরিতি| স্তনমূলযোর্বিদ্ধযোঃ|| ২২||
Adhikarana স্তনরোহিতমর্ম, তত্র বিদ্ধে ব্যাপচ্চ (২৩) · Śloka ২৩
স্তনচূচুকযোরূর্ধ্বং দ্ব্যঙ্গুলমুভযতঃ স্তনরোহিতে| তযোঃ শোণিতপুর্ণকোষ্ঠস্য মরণম্||২৩||
स्तनचूचुकयोरूर्ध्वं द्व्यङ्गुलमुभयतः स्तनरोहिते| तयोः शोणितपुर्णकोष्ठस्य मरणम्||२३||
🔊 Audio coming soon
শশিলেক ব্যাখ্যা (ইন্দু কৃত)
চূচুকৌ স্তনমুখৌ শ্যামৌ|| ২৩||
Adhikarana অপস্তম্ভৌ মর্মণী তত্র বিদ্ধে ব্যাপচ্চ (২৪) · Śloka ২৪
উভযত্রোরসো নাড্যৌ বাতবহে অপস্তম্ভৌ| তযোঃ শোণিতপূর্ণকোষ্ঠতযা কাসশ্বাসাভ্যাং চ মরণম্||২৪||
उभयत्रोरसो नाड्यौ वातवहे अपस्तम्भौ| तयोः शोणितपूर्णकोष्ठतया कासश्वासाभ्यां च मरणम्||२४||
🔊 Audio coming soon
শশিলেক ব্যাখ্যা (ইন্দু কৃত)
উরসি উভযতো দ্বে বাতবহে নাড্যৌ অপস্তম্ভৌ নাম্না মর্মণী||২৪||
Adhikarana অপালাপমর্মণী তত্র বিদ্ধে ব্যাপচ্চ (২৫) · Śloka ২৫
অংসকূটযোরধঃ পার্শ্বযোরুপরি ভাগযোরপালাপৌ| তযোঃ পূযত্বমাপন্নেন রক্তেন মরণম্||২৫||
अंसकूटयोरधः पार्श्वयोरुपरि भागयोरपालापौ| तयोः पूयत्वमापन्नेन रक्तेन मरणम्||२५||
🔊 Audio coming soon
শশিলেক ব্যাখ্যা (ইন্দু কৃত)
অংসপার্শ্বান্তরযোর্মধ্যে কিঞ্চিত্ পার্শ্বভাগে অপালাপৌ| তযোর্মধ্যে বিদ্ধযোর্ন সদ্যো মরণম্| অপিতু পূযত্বমাপন্নে রক্তে|| ২৫||
Adhikarana কটীকতরুণে মর্মণী তত্র বিদ্ধে ব্যাপচ্চ (২৬) · Śloka ২৬
পৃষ্ঠবংশমুভযতঃ প্রতিশ্রোণীকর্ণাবস্থিনী কটীকতরুণে| তযোঃ শোণিতক্ষযাত্ পাণ্ডুর্বিবর্ণো হীনরুপো ম্রিযতে||২৬||
पृष्ठवंशमुभयतः प्रतिश्रोणीकर्णावस्थिनी कटीकतरुणे| तयोः शोणितक्षयात् पाण्डुर्विवर्णो हीनरुपो म्रियते||२६||
🔊 Audio coming soon
শশিলেক ব্যাখ্যা (ইন্দু কৃত)
পৃষ্ঠবংশমুভযতঃ পৃষ্ঠবংশস্য দ্বযোঃ পার্শ্বযোর্যে প্রতিশ্রোণী কর্ণাবস্থিনী স্থিতাঃ তে কটীকতরুণে মর্মণী শ্রোণ্যাঃ কর্ণাকৃতিত্বাত্ শ্রোণীকর্ণৌ|| ২৬||
Adhikarana কুকুন্দরমর্ম, তত্র বিদ্ধে ব্যাপচ্চ (২৭) · Śloka ২৭
পার্শ্বযোর্জঘনবহির্ভাগে পৃষ্ঠবংশমুভযতঃ কুকুন্দরৌ| তযোঃ স্পর্শাজ্ঞানমধঃ কাযে চেষ্টানাশশ্চ||২৭||
पार्श्वयोर्जघनबहिर्भागे पृष्ठवंशमुभयतः कुकुन्दरौ| तयोः स्पर्शाज्ञानमधः काये चेष्टानाशश्च||२७||
🔊 Audio coming soon
শশিলেক ব্যাখ্যা (ইন্দু কৃত)
পৃষ্ঠবংশস্য পাড়্শ্বযোর্মর্মণী কুকুন্দরৌ তৌ চ জঘনাদ্বহিঃ| কট্যাঃ পশ্চিমো ভাগো জঘনম্|| ২৭||
Adhikarana নিতম্বমর্মণী, তত্র বিদ্ধে ব্যাপচ্চ (২৮) · Śloka ২৮
শোণীকর্ণযোরুপর্য্যাশযাচ্ছাদনৌ পার্শ্বান্তরপ্রতিবদ্ধৌ নিতম্বৌ| তযোরধঃ কাযে শোফো দৌর্বল্যং মরণঞ্চ||২৮||
शोणीकर्णयोरुपर्य्याशयाच्छादनौ पार्श्वान्तरप्रतिबद्धौ नितम्बौ| तयोरधः काये शोफो दौर्बल्यं मरणञ्च||२८||
🔊 Audio coming soon
শশিলেক ব্যাখ্যা (ইন্দু কৃত)
পৃষ্ঠবংশস্য দ্বযোঃ পার্শ্বযোঃ শ্রোণীকর্ণযোরুপরি পার্শ্বান্তরমধ্যে প্রতিবদ্ধৌ পক্বাশযস্য ছাদনে নিতম্বমর্মণী|| ২৮||
Adhikarana পার্শ্বসন্ধিমর্মণী তত্র বিদ্ধে ব্যাপচ্চ (২৯) · Śloka ২৯
অধঃ পার্শ্বান্তরপ্রতিবদ্ধৌ জঘনপার্শ্বমধ্যে তির্য্যগূর্ধ্বং চ পার্শ্বসন্ধী| তযোঃ শোণিতপূর্ণকোষ্ঠতযা মরণম্||২৯||
अधः पार्श्वान्तरप्रतिबद्धौ जघनपार्श्वमध्ये तिर्य्यगूर्ध्वं च पार्श्वसन्धी| तयोः शोणितपूर्णकोष्ठतया मरणम्||२९||
🔊 Audio coming soon
শশিলেক ব্যাখ্যা (ইন্দু কৃত)
পার্শ্বান্তরপ্রতিবদ্ধৌ| সব্যপার্শ্বস্থঃ সব্যে প্রতিবদ্ধঃ| অপসব্যশ্চাপসব্যে| তত্র চাধ তির্য্যক্চ প্রতিবদ্ধৌ পাড়্শ্বসন্ধী| তে চ জঘনপার্শ্বযোর্মধ্যে ভবতঃ|| ২৯||
Adhikarana বৃহত্যাখ্যৌ মর্মণী, তত্র বিদ্ধে ব্যাপচ্চ (৩০) · Śloka ৩০
অধঃ পাড়্শ্বান্তরপ্রতিবদ্ধৌ জঘনপার্শ্বমধ্যে তির্য্যগূর্ধ্বং চ পার্শ্বসন্ধী| তযোঃ শোণিতপূর্ণকোষ্ঠতযা মরণম্||৩০||
अधः पाऱ्श्वान्तरप्रतिबद्धौ जघनपार्श्वमध्ये तिर्य्यगूर्ध्वं च पार्श्वसन्धी| तयोः शोणितपूर्णकोष्ठतया मरणम्||३०||
🔊 Audio coming soon
শশিলেক ব্যাখ্যা (ইন্দু কৃত)
পৃষ্ঠবংশস্য দ্বযোঃ পূর্বোক্তযোঃ স্তনমূলযোরার্জবেন তির্য্যক্ স্পষ্টদিগ্গ্রহণেন বৃহত্যৌ মর্মণী|| ৩০||
Adhikarana অংসফলমর্মণী, তত্র ব্যাপচ্চ (৩১) · Śloka ৩১
পৃষ্ঠবংশমুভযতো বাহুমূলসম্বদ্ধে অংসফলকে| তযোর্বাহুস্বাপশোষৌ||৩১||
पृष्ठवंशमुभयतो बाहुमूलसम्बद्धे अंसफलके| तयोर्बाहुस्वापशोषौ||३१||
🔊 Audio coming soon
শশিলেক ব্যাখ্যা (ইন্দু কৃত)
অংসফলকে পৃষ্ঠবংশস্য দ্বযোঃ পার্শ্বযোর্বাহুমূলে চ প্রতিবদ্ধে| তযোর্ব্যধ ইতি সর্বত্র সম্বন্ধঃ|| ৩১||
Adhikarana অংসাখ্যে মর্মণী, তত্র বিদ্ধে ব্যাপচ্চ (৩২) · Śloka ৩২
গ্রীবাবাহুশিরোমধ্যেংঽসপীঠস্কন্ধবন্ধনাবংসৌ| তযোঃ স্তম্ব্ধবাহুতা||৩২||
ग्रीवाबाहुशिरोमध्येंऽसपीठस्कन्धबन्धनावंसौ| तयोः स्तम्ब्धबाहुता||३२||
🔊 Audio coming soon
শশিলেক ব্যাখ্যা (ইন্দু কৃত)
অংসৌ গ্রীবাদিমধ্যগৌ স্কন্ধযোঃ অংসপী ঠযোশ্চ বন্ধার্থৌ| এবং গুদো বস্তির্নাভির্হৃদযং দ্বে স্তনমূলে দ্বে স্তনরোহিতে দ্বাবপস্তম্ভৌ দ্বাবপালাপৌ দ্বে কটীকতরুণে দ্বে কুকুন্দরে দ্বৌ নিতম্বে দ্বৌ পার্শ্বসন্ধী দ্বে বৃহত্যৌ দ্বে অংসফলকে দ্বাবংসাবিতি ষড্বিংশতির্মর্মাণ্যন্তরাধৌ|| ৩২||
Adhikarana ঊর্ধ্বমর্মাণি দ্বে নীলে দ্বে মন্যে তত্র বিদ্ধে ব্যাপচ্চ (৩৩) · Śloka ৩৩
কণ্ঠনাডীমুভযতশ্চতস্রো ধমন্যঃ| তাসাং দ্বে নীলে, দ্বে মন্যে| তাসু মূকতা, স্বরবৈকৃত্যং, রসাগ্রাহিতা বা ভবতি||৩৩||
कण्ठनाडीमुभयतश्चतस्रो धमन्यः| तासां द्वे नीले, द्वे मन्ये| तासु मूकता, स्वरवैकृत्यं, रसाग्राहिता वा भवति||३३||
🔊 Audio coming soon
শশিলেক ব্যাখ্যা (ইন্দু কৃত)
ঊর্ধ্বমুচ্যতে| কণ্ঠনাড্যামেকস্মিন্| পার্শ্বে একা নীলা নাম সিরা| একা মন্যা| তথৈব দ্বিতীযে| তাসাং ব্যধে মূকত্বাদিকং ভবতি|| ৩৩||
Adhikarana মাতৃকামর্মাণি তত্র বিদ্ধে ব্যাপচ্চ (৩৪) · Śloka ৩৪
গ্রীবাযামুভযতঃ পৃথক্ চতস্রঃ সিরা মাতৃকাস্তাসু সদ্যো মরণম্||৩৪||
ग्रीवायामुभयतः पृथक् चतस्रः सिरा मातृकास्तासु सद्यो मरणम्||३४||
🔊 Audio coming soon
শশিলেক ব্যাখ্যা (ইন্দু কৃত)
গ্রীবাযাং দ্বযোঃ পার্শ্বযোরষ্টৌ সিরা মাতৃকাহ্বযাঃ|| ৩৪||
Adhikarana কৃকাটিকাখ্যে মর্মাণি তত্র বিদ্ধে ব্যাপচ্চ (৩৫) · Śloka ৩৫
শিরোগ্রীবযোঃ সন্ধানে কৃকাটিকে| তযোশ্চলমূর্ধতা||৩৫||
शिरोग्रीवयोः सन्धाने कृकाटिके| तयोश्चलमूर्धता||३५||
🔊 Audio coming soon
শশিলেক ব্যাখ্যা (ইন্দু কৃত)
উভযপার্শ্বে শিরসো গ্রীবাযাশ্চ সন্ধানে কৃকাটিকে মর্মণী| তত্র বিদ্ধস্য চলশীর্ষতা|| ৩৫||
Adhikarana বিধুরাখ্যে মর্মণি তত্র বিদ্ধে ব্যাপচ্চ (৩৬) · Śloka ৩৬
কর্ণপৃষ্ঠযোরধঃসংশ্রিতে বিধুরে| তযোর্বাধির্যম্||৩৬||
कर्णपृष्ठयोरधःसंश्रिते विधुरे| तयोर्बाधिर्यम्||३६||
🔊 Audio coming soon
শশিলেক ব্যাখ্যা (ইন্দু কৃত)
কর্ণযোরধো বিধুরে|| ৩৬||
Adhikarana ফণাখ্যে মর্মণী, তত্র বিদ্ধে ব্যাপচ্চ (৩৭) · Śloka ৩৭
ঘ্রাণমার্গমুভযতঃ শ্রোত্রমার্গপ্রতিবদ্ধাবভ্যন্তরতঃ ফণৌ| তযোর্গন্ধাজ্ঞানম্||৩৭||
घ्राणमार्गमुभयतः श्रोत्रमार्गप्रतिबद्धावभ्यन्तरतः फणौ| तयोर्गन्धाज्ञानम्||३७||
🔊 Audio coming soon
শশিলেক ব্যাখ্যা (ইন্দু কৃত)
ঘ্রাণস্রোতসোর্দ্বযোঃ পার্শ্বযোরন্তঃ শিরসি গলপ্রদেশে ফণৌ নাম্না মর্মণী| তৌ চ শ্রোত্রস্রোতঃ প্রতিবদ্ধৌ তযোর্ব্যধে গন্ধাজ্ঞানম্|| ৩৭||
Adhikarana অপাঙ্গাখ্যে মর্মণী তত্র বিদ্ধে ব্যাপচ্চ (৩৮) · Śloka ৩৮
ভ্রুবোঃ পুচ্ছান্তযোরধোঽক্ষ্ণোর্বাহ্যতোঽপাঙ্গৌ| তযোরান্ধ্যম্||৩৮||
भ्रुवोः पुच्छान्तयोरधोऽक्ष्णोर्बाह्यतोऽपाङ्गौ| तयोरान्ध्यम्||३८||
🔊 Audio coming soon
শশিলেক ব্যাখ্যা (ইন্দু কৃত)
ভ্রুবোঃ সম্বন্ধিনোঃ পুচ্ছান্তযোর্বাহ্যান্তরযোরধ অক্ষ্ণোশ্চ বহিরপাঙ্গৌ মর্মণী|| ৩৮||
Adhikarana শঙ্খাখ্যে মর্মণী, তত্র বিদ্ধে ব্যাপচ্চ (৩৯) · Śloka ৩৯
ভ্রুবোঃ পুচ্ছান্তযোরুপর্যনুকর্ণং ললাটে শঙ্খৌ| তযোঃ সদ্যো মরণম্||৩৯||
भ्रुवोः पुच्छान्तयोरुपर्यनुकर्णं ललाटे शङ्खौ| तयोः सद्यो मरणम्||३९||
🔊 Audio coming soon
শশিলেক ব্যাখ্যা (ইন্দু কৃত)
ললাটে ভ্রুবোঃ পুচ্ছান্তযোরুপরি কর্ণমনু কর্ণং প্রতি শঙ্খৌ নাম মর্মণী| তযোর্ব্যধে সদ্যো মরণম্|| ৩৯||
Adhikarana আবর্ত্তাখ্যে মর্মণী তত্র বিদ্ধে ব্যাপচ্চ (৪০) · Śloka ৪০
ভ্রুবোরুপরি নিম্নযোরাবর্ত্তৌ তযোরান্ধ্যং দৃষ্ট্যুপঘাতো বা||৪০||
भ्रुवोरुपरि निम्नयोरावर्त्तौ तयोरान्ध्यं दृष्ट्युपघातो वा||४०||
🔊 Audio coming soon
শশিলেক ব্যাখ্যা (ইন্দু কৃত)
ভ্রুবোরুপরি নিম্নযোঃ প্রদেশযোরাবর্ত্তৌ নাম্না দ্বে মর্মণী| তযোর্ব্যধে আন্ধ্যম্| অদর্শনম্ অথবোপঘাতমাত্রং দৃষ্টের্বা|| ৪০||
Adhikarana উত্ক্ষেপাখ্যে মর্মণী তত্র বিদ্ধস্য ব্যাপচ্চ (৪১) · Śloka ৪১
শঙ্খযোরুপরি কেশান্তে উত্ক্ষেপৌ| তযোঃ সশল্যঃ পাকাত্ পতিতশল্যো বা জীবেন্নোদ্ধৃতশল্যঃ||৪১||
शङ्खयोरुपरि केशान्ते उत्क्षेपौ| तयोः सशल्यः पाकात् पतितशल्यो वा जीवेन्नोद्धृतशल्यः||४१||
🔊 Audio coming soon
শশিলেক ব্যাখ্যা (ইন্দু কৃত)
শঙ্খযোরুপরি কেশাবসানমর্য্যাদে উত্ক্ষেপো মর্মণী| তযোর্বিদ্ধঃ সন্ সশল্যো জীবতি| পাকাদ্বা স্বযংপতিতে জীবতি| উদ্ধৃতশল্যো ন জীবেত্|| ৪১||
Adhikarana স্থপন্যখ্যে মর্মণী তত্র বিদ্ধস্যাবস্থা চ (৪২) · Śloka ৪২
ভ্রুবোর্মধ্যে স্থপনী| তত্রোত্ক্ষেপবত্||৪২||
भ्रुवोर्मध्ये स्थपनी| तत्रोत्क्षेपवत्||४२||
🔊 Audio coming soon
শশিলেক ব্যাখ্যা (ইন্দু কৃত)
ভ্রুবোর্মধ্যে নাম স্থপনী মর্ম| তত্রোত্ক্ষেপবত্ সশল্যী জীবেত্| পাকাত্ পতিতশল্যো বা| তত্র চ উদ্ধৃতশল্যো ন জীবেত্|| ৪২||
Adhikarana সীমন্তাখ্যানি মর্মাণি তত্র বিদ্ধস্য ব্যাপচ্চ (৪৩) · Śloka ৪৩
পঞ্চ সন্ধযঃ শিরসি| তির্য্যগূর্ধ্বং চ সীমন্তানাম্| তেষূন্মাদভ্রমচিত্তনাশৈর্মরণম্||৪৩||
पञ्च सन्धयः शिरसि| तिर्य्यगूर्ध्वं च सीमन्तानाम्| तेषून्मादभ्रमचित्तनाशैर्मरणम्||४३||
🔊 Audio coming soon
শশিলেক ব্যাখ্যা (ইন্দু কৃত)
পঞ্চ শিরসি কপালানাং সন্ধযঃ পঞ্চ মর্মাণি| তত্র দাউ ললাটপর্শ্বযোঃ কেশান্তাবস্থিতৌ দ্বৌ কৃকাটিকাপার্শ্বযোরূর্ধ্বগৌ সন্ধী| তযোরুপরি তির্য্যগৃজুসন্ধিঃ সীমন্তাস্তেষু বিদ্ধেষূন্মাদাদিভির্মরণম্|| ৪৩||
Adhikarana শৃঙ্গাটকাখ্যানি মর্মাণি তত্র বিদ্ধে ব্যাপচ্চ (৪৪) · Śloka ৪৪
জিহ্বাঘ্রাণাক্ষিশ্রোত্রতর্পণীনাং সিরাণাং তালুনি সন্নিপাতঃ| তাসাং মুখানি চত্বারি শৃঙ্গাটকসংজ্ঞানি| তেষু সদ্যোমরণম্||৪৪||
जिह्वाघ्राणाक्षिश्रोत्रतर्पणीनां सिराणां तालुनि सन्निपातः| तासां मुखानि चत्वारि शृङ्गाटकसंज्ञानि| तेषु सद्योमरणम्||४४||
🔊 Audio coming soon
শশিলেক ব্যাখ্যা (ইন্দু কৃত)
জিহ্বাদিসন্তর্পণীনাং সিরাণাং তালুনি সন্নিপাতো ভবতি| তাসাং যানি বহ্বীনামপি চত্বারি মুখানি তানি শৃঙ্গাটকাখ্যানি মর্মাণি| তেষাং ব্যধে সদ্যোমরণম্|| ৪৪||
Adhikarana অধিপ্রতিসংজ্ঞং মর্ম তত্র বিদ্ধে ব্যাপচ্চ (৪৫) · Śloka ৪৫
মস্তকাভ্যন্তর উপরিষ্টাত্সিরাসন্ধিসন্নিপাতো রোমাবর্ত্তঃ সোঽধিপতির্নাম| তত্রাপি সদ্যোমরণং ভবতীতি||৪৫||
मस्तकाभ्यन्तर उपरिष्टात्सिरासन्धिसन्निपातो रोमावर्त्तः सोऽधिपतिर्नाम| तत्रापि सद्योमरणं भवतीति||४५||
🔊 Audio coming soon
শশিলেক ব্যাখ্যা (ইন্দু কৃত)
অন্তর্মস্তকং সর্বোর্ধ্বসিরাসন্ধীনাং সঙ্গমো নামাবর্ত্তো নাম মর্ম| স এবাধিপাখ্যঃ| এবং দ্বে নীলে দ্বে মন্যে অষ্টৌ মাতৃকাঃ দ্বে কৃকাটিকে দ্বে বিধুরে দ্বৌ ফণৌ দ্বাবপাঙ্গৌ দ্বৌ শঙ্খৌ দ্বাবাবর্ত্তৌ দ্বাবুত্ক্ষেপৌ একা স্থপনী পঞ্চ সীমন্তাশ্চত্বারি শৃঙ্গাটকান্যেকোঽধিপতিপর্য্যায আবর্ত্ত ইত্যেতানি সপ্তত্রিংশচ্ছিরসি মর্মাণি||৪৫||
Adhikarana মর্মণাং সামান্যলক্ষণম্ (৪৬) · Śloka ৪৬
সামান্যলক্ষণং পুনর্মর্মণাং পীডিতে রুজোত্পত্তির্বিষমং চ স্পন্দনম্||৪৬||
सामान्यलक्षणं पुनर्मर्मणां पीडिते रुजोत्पत्तिर्विषमं च स्पन्दनम्||४६||
🔊 Audio coming soon
শশিলেক ব্যাখ্যা (ইন্দু কৃত)
মর্মণাং নাম স্থানঞ্চ জ্ঞাতম্| লক্ষণং তু ন জ্ঞাতম্| অতস্তদ্বিজ্ঞানার্থমুচ্যতেসামান্যেনেত্যাদি| সর্বমর্মণামিদং লক্ষণমিত্যর্থঃ| বিষমমনেকরূপম্|| ৪৬||
Adhikarana মর্মবিদ্ধলক্ষণম্ (৪৭) · Śloka ৪৭
সামান্যেনৈব চ - দেহপ্রসুপ্তির্গুরুতা সম্মোহঃ শীতকামিতা| স্বেদো মূর্চ্ছা বমিঃ শ্বাসো মর্মবিদ্ধস্য লক্ষণম্||৪৭||
सामान्येनैव च - देहप्रसुप्तिर्गुरुता सम्मोहः शीतकामिता| स्वेदो मूर्च्छा वमिः श्वासो मर्मविद्धस्य लक्षणम्||४७||
🔊 Audio coming soon
শশিলেক ব্যাখ্যা (ইন্দু কৃত)
সামান্যেননৈব চেতস্য দেহপ্রসুপ্তিরিত্যাদিনা সম্বন্ধঃ| প্র্সুপ্তিছেদাদ্যনবোধঃ| সম্মোহো মূর্চা||৪৭||
Adhikarana মর্মশব্দনির্বচনম্ (৪৮) · Śloka ৪৮
অপি চ-মরণকারিত্বান্মর্ম||৪৮||
अपि च-मरणकारित्वान्मर्म||४८||
🔊 Audio coming soon
শশিলেক ব্যাখ্যা (ইন্দু কৃত)
অপি চেতি সমুচ্চযে| মরণকারিত্বান্মর্মেতি নির্বচনম্|| ৪৮||
Adhikarana মাংসাদিভেদেন মর্মণাং পঞ্চধাত্বম্ (৪৯) · Śloka ৪৯
তত্পুনর্মাংসসিরাস্নায্বস্থিসন্ধিসন্নিপাতঃ| তেন তস্মিন্ পীড্যমানে বিশেষতঃ প্রাণবাধঃ| বাহুল্যেন তু নির্দেশঃ| তস্মান্মাংসাদ্যাশ্রযতো মর্মাণি পঞ্চধা ভিদ্যন্তে||৪৯||
तत्पुनर्मांससिरास्नाय्वस्थिसन्धिसन्निपातः| तेन तस्मिन् पीड्यमाने विशेषतः प्राणबाधः| बाहुल्येन तु निर्देशः| तस्मान्मांसाद्याश्रयतो मर्माणि पञ्चधा भिद्यन्ते||४९||
🔊 Audio coming soon
শশিলেক ব্যাখ্যা (ইন্দু কৃত)
তত্ পুনর্মর্ম মাংসাদিসন্নিপাতস্তেষাং মিশ্রীভাবে নৈকত্রাবস্থানং তেন হেতুনা তস্মিন্ পীডিতেঽধিকং প্রাণানামাবাধো ভবতি| মাংসাদীনাং পঞ্চানাং যদ্যপি মিশ্রীভাবেন সর্ব মর্ম ভবতি| তথাপি যোঽযং মাংসমর্ম সিরামর্ম ইত্যাদি ব্যপদেশঃ স বাহুল্যকৃত এব| যত্র মাংসস্য বাহুল্যং তত্র মাংসেন ব্যপদেশঃ| যত্র সিরাণাং তত্র সিরাভিঃ| এবমন্যত্রাপি বাচ্যম্| এবং মাংসাদিভেদেন পঞ্চধা মর্মাণি|| ৪৯||
Adhikarana মাংসমর্মাণি (৫০) · Śloka ৫০
তদ্যথা তলহৃদযেন্দ্রবস্তিগুদস্তনরোহিতান্যেকাদশ মাংসমর্মাণি||৫০||
तद्यथा तलहृदयेन्द्रबस्तिगुदस्तनरोहितान्येकादश मांसमर्माणि||५०||
🔊 Audio coming soon
শশিলেক ব্যাখ্যা (ইন্দু কৃত)
তত্রৈকাদশ মাংসমর্মাণি; তদ্যথা-চতুর্ষু করচরণেষু চত্বারি তলহৃদযানি| চত্বারীন্দ্রবস্তযঃ| একো গুদো দ্বে স্তনরোহিত ইতি|| ৫০||
Adhikarana সিরামর্মাণি (৫১) · Śloka ৫১
উর্বীলোহিতাখ্যনাভিহৃদযস্তনমূলাপস্তম্ভাপালাপপার্শ্বসন্ধিবৃহতীনীলামন্যামাতৃকাফণাপাঙ্গস্থপনীশৃঙ্গাটকান্যেকচত্বারিংশত্সিরামর্মাণি||৫১||
उर्वीलोहिताख्यनाभिहृदयस्तनमूलापस्तम्भापालापपार्श्वसन्धिबृहतीनीलामन्यामातृकाफणापाङ्गस्थपनीशृङ्गाटकान्येकचत्वारिंशत्सिरामर्माणि||५१||
🔊 Audio coming soon
শশিলেক ব্যাখ্যা (ইন্দু কৃত)
একচত্বারিংশত্ সিরামর্মাণি| তদ্যথা-চতস্র উর্ব্যশ্চত্বারি লোহিতাক্ষাণি| একা নাভিরেকং হৃদযম্| দ্বে স্তনমূলে| দ্বাবপস্তম্ভৌ| দ্বাবপালাপী| দ্বৌ পার্শ্বসন্ধী| দ্বে বৃহত্যৌ| দ্বে নীলে| দ্বে মন্যে| অষ্টৌ মাতৃকাঃ| দ্বৌ ফণৌ| দ্বৌ অপাঙ্গৌ| একা স্থপনী| চত্বারি শৃঙ্গাটকানি ইতি|| ৫১||
Adhikarana স্নাবমর্মণি (৫২) · Śloka ৫২
ক্ষিপ্রকূর্চকূর্চশিরোবিটপকক্ষাধরাণি বস্ত্যংসবিধুরোত্ক্ষেপাঃ সপ্তবিংশতিঃ স্নাবমর্মাণি||৫২||
क्षिप्रकूर्चकूर्चशिरोविटपकक्षाधराणि बस्त्यंसविधुरोत्क्षेपाः सप्तविंशतिः स्नावमर्माणि||५२||
🔊 Audio coming soon
শশিলেক ব্যাখ্যা (ইন্দু কৃত)
সপ্তবিংশতিঃ স্নাবমর্মাণি| তদ্যথা-করচরণেষু চত্বারি ক্ষিপ্রাণি| চত্বারঃ কূর্চা| চত্বারি কূর্চশিরাংসি| দ্বে বিটপে| দ্বৌ কক্ষ্যাধরৌ| চত্বার্য্যাণযঃ| একো বস্তিঃ| দ্বাবংসৌ| দ্বে বিধুরে| দ্বাবুত্ক্ষেপাবিতি|| ৫২||
Adhikarana অস্থিমর্মাণি (৫৩) · Śloka ৫৩
কটীকতরুণনিতম্বাংসফলকশঙ্খাস্ত্বষ্টাবস্থিমর্মাণি||৫৩||
कटीकतरुणनितम्बांसफलकशङ्खास्त्वष्टावस्थिमर्माणि||५३||
🔊 Audio coming soon
শশিলেক ব্যাখ্যা (ইন্দু কৃত)
অষ্টাবস্থি মর্মাণি| তদ্যথা-দ্বে কটীকতরুণে| দ্বৌ নিতম্বৌ| দ্বাবংসফলকৌ| দ্বৌ শঙ্খাবিতি|| ৫৩||
Adhikarana সন্ধিমর্মাণি (৫৪) · Śloka ৫৪
গুল্ফমণিবন্ধজানুকূর্পরকুকুন্দরকৃকাটিকাবর্তসীমন্তাধিপতযো বিংশতিঃ সন্ধিমর্মাণি||৫৪||
गुल्फमणिबन्धजानुकूर्परकुकुन्दरकृकाटिकावर्तसीमन्ताधिपतयो विंशतिः सन्धिमर्माणि||५४||
🔊 Audio coming soon
শশিলেক ব্যাখ্যা (ইন্দু কৃত)
বিংশতিঃ সন্ধিমর্মাণি| তদ্যথা-দ্বৌ গুল্ফৌ| দ্বৌ মণিবন্ধৌ| দ্বে জানুনী| দ্বে কূর্পরে| দ্বৌ কুকুন্দরৌ| দ্বে কৃকাটিকে| দ্বৌ আবর্তৌ| পঞ্চ সীমন্তাঃ| এক অধিপতিঃ|| ৫৪||
Adhikarana পুনঃ প্রকারন্তরেণ মর্মাণাং পঞ্চবিধত্বম্ (৫৫) · Śloka ৫৫
পুনশ্চ পঞ্চধা||৫৫||
पुनश्च पञ्चधा||५५||
🔊 Audio coming soon
শশিলেক ব্যাখ্যা (ইন্দু কৃত)
তানি চ মাংসাদিভেদেন পঞ্চধোক্তানি| পুনরন্যেন প্রকারেণ সদ্যঃ প্রাণহরত্বাদিনা পঞ্চধোচ্যন্তে ১. কানিচিত্ সদ্যঃ প্রাণহরাণি| ২. কানিচিত্ কালান্তরপ্রাণহরাণি| ৩. অন্যানি বিশল্যঘ্নানি| ৪. অন্যানি বৈকল্যকরাণি| ৫. অন্যানি রুজাকরাণি| ইতি পঞ্চপ্রকারাঃ|| ৫৫||
Adhikarana সদ্যঃ প্রাণহরাণি মর্মাণি (৫৬) · Śloka ৫৬
গুদবস্তিনাভিহৃদযমাতৃকাশঙ্খশৃঙ্গাটকাধিপতয একোনবিংশতিঃ সদ্যঃ প্রাণহরাণ্যাগ্নেযত্বাত্| তেষাং সপ্তরাত্রাভ্যন্তরং কলঃ||৫৬||
गुदबस्तिनाभिहृदयमातृकाशङ्खशृङ्गाटकाधिपतय एकोनविंशतिः सद्यः प्राणहराण्याग्नेयत्वात्| तेषां सप्तरात्राभ्यन्तरं कलः||५६||
🔊 Audio coming soon
শশিলেক ব্যাখ্যা (ইন্দু কৃত)
তত্র সদ্যঃ প্রাণহরাণি গুদবস্তিনাভিহৃদযানি চত্বারি| অষ্টৌ মাতৃকাঃ| দ্বৌ শঙ্খৌ| চত্বারি শৃঙ্গাটকানি| একোঽধিপতিঃ| ইত্যেকোনবিংশতিঃ| আঘ্নেযত্বমাশু মরণহেতুঃ| সপ্তরাত্রাভ্যন্তরং প্রথমদিবসাদিতি|| ৫৬||
Adhikarana কালান্তরপ্রাণহরাণি মর্মাণি (৫৭) · Śloka ৫৭
তলহৃদযক্ষিপ্রেন্দ্রবস্তিবক্ষোমর্মকটীকতরুণনিতম্বপার্শ্বসন্ধিবৃহতীসীমন্তাস্ত্রযস্ত্রিশত্কালান্তরপ্রাণহরাণি| সৌম্যাগ্নেযত্বাত্তেষাং পক্ষাভ্যন্তরং কালঃ| তেষ্বপি তু ক্ষিপ্রাণি কদাচিদাশু||৫৭||
तलहृदयक्षिप्रेन्द्रबस्तिवक्षोमर्मकटीकतरुणनितम्बपार्श्वसन्धिबृहतीसीमन्तास्त्रयस्त्रिशत्कालान्तरप्राणहराणि| सौम्याग्नेयत्वात्तेषां पक्षाभ्यन्तरं कालः| तेष्वपि तु क्षिप्राणि कदाचिदाशु||५७||
🔊 Audio coming soon
শশিলেক ব্যাখ্যা (ইন্দু কৃত)
ত্রযস্ত্রিংশন্মর্মাণি সৌম্যাগ্নেযত্বাত্ কালান্তরেণ বিলম্বিতং প্রাণহরাণি| পক্ষাভ্যন্তরে বা প্রহরাদিবশাদনিযমঃ| তদ্যথা-চত্বারি তলহৃদযানি| চত্বারি ক্ষিপ্রাণি| চত্বারঃইন্দ্রবস্তযঃ| অষ্টৌ বক্ষোমর্মাণি স্তনমূলস্তনরোহিতাপস্তম্ভাপালাপাখ্যানি| দ্বে কটীকতরুণে| দ্বৌ নিতম্বৌ| দ্বৌ পার্শ্বসন্ধী| দ্বে বৃহত্যৌ| পঞ্চ সীমন্তাঃ| ইতি ত্রযস্ত্রিংশত্| তেষ্বপি মধ্যে ক্ষিপ্রাণি সদ্যঃ প্রাণহরাণ্যপি ভবন্তি|| ৫৭||
Adhikarana বিশল্যঘ্নানি মর্মাণি (৫৮) · Śloka ৫৮
উত্ক্ষেপৌ স্থপনী চ ত্রীণি বিশল্যঘ্নানি বাযব্যত্বাত্| শল্যমুখাবরুদ্ধো হি যাবদত্র বাযুস্থিষ্ঠতি তাবজ্জীবতি||৫৮||
उत्क्षेपौ स्थपनी च त्रीणि विशल्यघ्नानि वायव्यत्वात्| शल्यमुखावरुद्धो हि यावदत्र वायुस्थिष्ठति तावज्जीवति||५८||
🔊 Audio coming soon
শশিলেক ব্যাখ্যা (ইন্দু কৃত)
ত্রীণি বিশল্যঘ্নানি| তানি বাযব্যানি শল্যং আকৃষ্টে বাযোর্ব্রণেন নির্গমনান্ন জীবত্যত এব বিশল্যং ঘ্নন্তি, ন তু সশল্যম্| তত্র দ্বাবুত্ক্ষেপাবেকাস্থপনীতি ত্রীণি|| ৫৮||
Adhikarana বৈকল্যকরাণি মর্মাণি (৫৯) · Śloka ৫৯
কূর্চজানুকূর্পরাণ্যুর্বীলোহিতাখ্যবিটপকক্ষাধরকুকুন্দরাংসফলকনীলামন্যাকৃকাটিকাবিধুরফণাপাঙ্গাবর্ত্তাশ্চতুশ্চত্বারিংশদ্বৈকল্যকরাণি সৌম্যত্বাত্| সোমো হি স্থৈর্যশৈত্যাভ্যাং প্রাণান্ ধারযতি| তান্যপি চ কদাচিদভিহতানি মারযন্তি||৫৯||
कूर्चजानुकूर्पराण्युर्वीलोहिताख्यविटपकक्षाधरकुकुन्दरांसफलकनीलामन्याकृकाटिकाविधुरफणापाङ्गावर्त्ताश्चतुश्चत्वारिंशद्वैकल्यकराणि सौम्यत्वात्| सोमो हि स्थैर्यशैत्याभ्यां प्राणान् धारयति| तान्यपि च कदाचिदभिहतानि मारयन्ति||५९||
🔊 Audio coming soon
শশিলেক ব্যাখ্যা (ইন্দু কৃত)
চতুশ্চত্বারিংশদ্বিকলত্বং কুর্বন্তি| সৌম্যত্বান্ন মারযন্তি| তত্র চত্বারি কূর্চানি| দ্বে জানুনী| দ্বৌ কূর্পরৌ| চতস্রঃ আণযঃ| চতস্র উর্ব্যঃ| চত্বারি লোহিতাক্ষাণি| দ্বৌ বিটপৌ| দ্বৌ কক্ষাধরৌ| দ্বৌ কুকুন্দরৌ| দ্বাবংসৌ| দ্বাবংসফলকৌ| দ্বে নীলে| দ্বে মন্যে| দ্বে কৃকাটিকে| দ্বে বিধুরে| দ্বৌ ফণৌ| দ্বাবপাঙ্গৌ| দ্বাবাবর্ত্তাবিতি| এতানি চতুশ্চত্বারিংশত্ কদাচিন্মারযন্ত্যপ্যতিঘাতাত্|| ৫৯||
Adhikarana রুজাকরাণি মর্মাণি (৬০) · Śloka ৬০
কূর্চশিরোগুল্ফমণিবন্ধাস্ত্বষ্টৌ রুজাকরাণ্যগ্নিবাযুসোমগুণবাহুল্যাত্| অগ্নিবাযূ হি বিশেষেণ রুজাকরৌ| সোমস্তু প্রাণানবলম্বত ইত্যুক্তম্||৬০||
कूर्चशिरोगुल्फमणिबन्धास्त्वष्टौ रुजाकराण्यग्निवायुसोमगुणबाहुल्यात्| अग्निवायू हि विशेषेण रुजाकरौ| सोमस्तु प्राणानवलम्बत इत्युक्तम्||६०||
🔊 Audio coming soon
শশিলেক ব্যাখ্যা (ইন্দু কৃত)
অষ্টৌ মর্মাণি রুজাকরাণি সোমাগ্নিবায্বাত্মকত্বাত্| চত্বারি কূর্চশিরাংসি দ্বৌ গুল্ফৌ দ্বৌ মণিবন্ধাবিত্যষ্টৌ|| ৬০||
Adhikarana অন্যমতেন সদ্যঃপ্রাণহরাদিমর্মবিবরণম্ (৬১) · Śloka ৬১
অন্যে ত্বাহুঃ-মাংসাদীনাং পঞ্চানামপি বিবৃদ্ধানাং সমবাযাত্ সদ্যঃপ্রাণহরাণি| একৈকহীনানামল্পানাং চ ক্রমাদিতরাণি স্বভাবত এব চ||৬১||
अन्ये त्वाहुः-मांसादीनां पञ्चानामपि विवृद्धानां समवायात् सद्यःप्राणहराणि| एकैकहीनानामल्पानां च क्रमादितराणि स्वभावत एव च||६१||
🔊 Audio coming soon
শশিলেক ব্যাখ্যা (ইন্দু কৃত)
অন্যে ত্বাচার্য্যা আগ্নেযত্বং হেতুং পরিত্যজ্য সদ্যঃপ্রাণহরত্বে পূর্বোক্তমাংসাদিপঞ্চকস্যানূনাধিকভাবেন বিবৃদ্ধস্য হেতুত্বং বদন্তি| যদা গুদাদীনামেকোনবিংশতের্মাংসাদীনাং সমানাধিকানাং সন্নিপাতস্তদা সদ্যঃ প্রাণহরত্বমিত্যর্থঃ| আদিশব্দেনাস্থিস্নাযুসিরাসন্ধীনাং গ্রহণম্| ইতরাণি কালান্তরপ্রাণহরাদীনি চত্বার্যেকৈকেন হীনানাং মাংসাদীনাং স্বল্পানাং চ সন্নিপাতাদ্ভবন্তীতি| তেন মাংসাদীনামন্যতমেনৈকেন হীনানাং কালান্তরপ্রাণহরাণি| দ্বিহীনানাং বিশল্যঘ্নানি| ত্রিহীনানাং বৈকল্যজননানি| একস্যৈব সদ্ভাবাদ্রুজাকরাণি| সুশ্রুতঃ পঠতি দ্বযোঃ সঙ্ঘাতাদীনি, তন্ন বুধ্যামহে|| ৬১||
Adhikarana অপরমতম্ (৬২) · Śloka ৬২
অন্যে বদন্তি-প্রতিনিযতকর্মাণি চন্দ্রসূর্যাযস্কান্তোপলানামিবাম্বুবহ্নিকাললোহসংশ্লেষাস্তথা চ ছিন্নেষু বহুমর্মস্বপি পাণিপাদেষু স্বভাবত এব ন মৃত্যুঃ||৬২||
अन्ये वदन्ति-प्रतिनियतकर्माणि चन्द्रसूर्यायस्कान्तोपलानामिवाम्बुवह्निकाललोहसंश्लेषास्तथा च छिन्नेषु बहुमर्मस्वपि पाणिपादेषु स्वभावत एव न मृत्युः||६२||
🔊 Audio coming soon
শশিলেক ব্যাখ্যা (ইন্দু কৃত)
অন্যে ত্বাচার্য্যা ন সৌম্যাগ্নেযত্বাদিকং হেতুং বদন্তি| নাপি বিশিষ্টস্য মাংসাদেঃ সন্নিপাতম্| অপি তু স্বভাবমেব হেতুত্বেনোদ্দিশন্তি| তথা চন্দ্রকান্তাদীনামম্বুজন্মাদৌ তথা বহুমর্মাশ্রযে পাণিপাদে ছিন্নেঽপি মৃত্যুর্ন ভবতীত্যত্রাপি স্বভাব এব হেতুঃ||৬২||
Adhikarana অপরমতেঽপি হেতুপ্রতিপাদনম্ (৬৩) · Śloka ৬৩
অপরে পুনরত্রাপি হেতুমাহুঃ-পাণিপাদচ্ছেদে হি সিরাঃ সঙ্কোচমাযান্তি| ততোঽল্পাসৃক্প্রবৃত্তের্জীবিতম্| মর্মব্যধে ত্বতিরক্তস্রুতিতো বাযুবৈকৃতেন চ মরণম্| তস্মাত্ মর্মাভিহতস্য তদঙ্গমাশু সন্ধিদেশাচ্ছেদনীযম্| অতিহতানাং তু মর্মণাং যথাস্বং পূর্বং পূর্বং চ কর্ম ঈ ষদন্তে বা হতানামুত্তরোত্তরমেব||৬৩||
अपरे पुनरत्रापि हेतुमाहुः-पाणिपादच्छेदे हि सिराः सङ्कोचमायान्ति| ततोऽल्पासृक्प्रवृत्तेर्जीवितम्| मर्मव्यधे त्वतिरक्तस्रुतितो वायुवैकृतेन च मरणम्| तस्मात् मर्माभिहतस्य तदङ्गमाशु सन्धिदेशाच्छेदनीयम्| अतिहतानां तु मर्मणां यथास्वं पूर्वं पूर्वं च कर्म ई षदन्ते वा हतानामुत्तरोत्तरमेव||६३||
🔊 Audio coming soon
শশিলেক ব্যাখ্যা (ইন্দু কৃত)
অপরে ইত্যাদি সুবোধম্| তস্মান্মর্মণ্যভিহতস্য তদঙ্গং তস্মিন্ মর্মাশ্রিতং তত্ সন্ধিদেশাচ্ছেদনীযম্| সন্ধৌ ছিন্নে সঙ্কুচিতাঃ সিরা রক্তং ন মুঞ্চন্ত্যো জীবিতং ন ত্যজেত্| তেষাং চ মর্মণাং সদ্যঃ প্রাণহরণাদিকং পঞ্চবিধং কর্মোক্তম্| তত্রাতিহতানাং মর্মণামাত্মীযং কর্ম পূর্বং-পূর্বং চ ভবতি| এতদুক্তং ভবতিগুদাদীনামভিহতানাং স্বকীযং সদ্যঃ প্রাণহরণমেব| তেষাং চ পূর্বাসম্ভবঃ| তলহৃদযাদীনামভিহতানাং স্বং কর্ম কালান্তরপ্রাণহরত্বম্| কদাচিত্তু পূর্বমপি সদ্যঃ প্রাণহরত্বং ভবতি| উত্ক্ষেপাদীনাং স্বং কর্ম বিশল্যঘ্নত্বম্| ন তু পূর্বং সম্ভবতি| অথবা কালান্তরপ্রাণহরণমপি| কূর্চাদীনামভিহতানাং স্বং কর্ম বৈকল্যকরণম্| কদাচিত্তু পূর্বমপি ভবতি কালান্তরপ্রাণহরত্বম্| বিশল্যহননং পূর্বমপি ন সম্ভবত্যসম্ভবাত্| কূর্চশিরঃপ্রভৃতীনাং চাভিহতানাং স্বং কর্ম রুজাকরণম্| কদাচিত্তু পূর্বমপি ভবতি| বৈকল্যকরণমিত্যুক্তমভিহতানাং যথাস্বং পূর্বং-পূর্বং চ কর্ম| যদা তু তানি মর্মাণি ঈষত্কোণে স্তোকেনাভিঘাতেনাভিহতানি ভবন্ত্যন্তে বা পর্য্যন্তে বাভিহতানি ভবন্তি তদা তেষামুত্তরমেব| তেন সদ্যঃ প্রাণহরাণামীষদন্তে বাভিহতানামুত্তরং কর্ম কালান্তরপ্রাণহরণম্| কালান্তরপ্রাণহরাণামীষদন্তে বাঽভিহতানামনন্তরমুত্তরং কর্ম বৈকল্যকরণম্| বিশল্যঘ্নত্বং ন সম্ভবত্যনন্তরমপি| বিশল্যঘ্নানামন্তে বেষদ্বাভিহতানামুত্তরং বৈকল্যকরণং কর্ম ভবতি| বৈকল্যকরাণামীষদন্তে চাভিহতানামুত্তরং কর্ম রুজাকরণমিত্যুক্তং যথোত্তরমেবেতি|| ৬৩||
Adhikarana মর্মণাং মানভেদেন পুনঃ পঞ্চবিধত্বম্ (৬৪) · Śloka ৬৪
পুনশ্চ পঞ্চধা ভিদ্যন্তে||৬৪||
पुनश्च पञ्चधा भिद्यन्ते||६४||
🔊 Audio coming soon
শশিলেক ব্যাখ্যা (ইন্দু কৃত)
তান্যেব মর্মাণ্যেবং মানভেদেন পঞ্চবিধানি|| ৬৪||
Adhikarana স্বাঙ্গুলমানানি মর্মাণি (৬৫) · Śloka ৬৫
তদ্যথা-উর্ব্যঃ কূর্চশিরাংসিবিটপে কক্ষাধরে চ দ্বাদশ স্বাঙ্গুলোন্মিতানি||৬৫||
तद्यथा-उर्व्यः कूर्चशिरांसिविटपे कक्षाधरे च द्वादश स्वाङ्गुलोन्मितानि||६५||
🔊 Audio coming soon
শশিলেক ব্যাখ্যা (ইন্দু কৃত)
উর্ব্যাদীনি দ্বাদশ মর্মবতঃ স্বাঙ্গুলমানানি| চত্বারি চত্বারি দ্বে দ্বে ইতি দ্বাদশ|| ৬৫||
Adhikarana দ্ব্যঙ্গুলমানানি মর্মাণি (৬৬) · Śloka ৬৬
গুল্ফৌ মণিবন্ধৌ স্তনমূলে চ ষট্ দ্ব্যঙ্গুলানি||৬৬||
गुल्फौ मणिबन्धौ स्तनमूले च षट् द्व्यङ्गुलानि||६६||
🔊 Audio coming soon
শশিলেক ব্যাখ্যা (ইন্দু কৃত)
গুল্ফাদীনি ষড্ দ্ব্যঙ্গুলানি| দ্বে দ্বে দ্বে ইতি ষট্|| ৬৬||
Adhikarana ত্র্যঙ্গুলানানি মর্মাণি (৬৭) · Śloka ৬৭
জানুনী কূর্পরে চ চত্বারি ত্র্যঙ্গুলানি||৬৭||
जानुनी कूर्परे च चत्वारि त्र्यङ्गुलानि||६७||
🔊 Audio coming soon
শশিলেক ব্যাখ্যা (ইন্দু কৃত)
জানদ্বযং কূর্পরদ্বযং চেতি চত্বারি ত্র্যঙ্গুলানি|| ৬৭||
Adhikarana পাণিতলসম্মিতানি মর্মাণি (৬৮) · Śloka ৬৮
কূর্চা গুদো বস্তির্নাভির্হৃদযং নীলে মন্যে মাতৃকাঃ সীমন্তাঃ শৃঙ্গাটকানি চৈকোনত্রিংশত্ পাণিতলসম্মিতানি||৬৮||
कूर्चा गुदो बस्तिर्नाभिर्हृदयं नीले मन्ये मातृकाः सीमन्ताः शृङ्गाटकानि चैकोनत्रिंशत् पाणितलसम्मितानि||६८||
🔊 Audio coming soon
শশিলেক ব্যাখ্যা (ইন্দু কৃত)
কূর্চাদীন্যেকোনত্রিংশত্ স্বহস্তলপ্রমাণানি|| ৬৮||
Adhikarana অর্ধাঙ্গুলমানানি মর্মাণি (৬৯) · Śloka ৬৯
শেষাণি ষট্ পঞ্চাশদঙ্গুলদলপ্রমাণানি||৬৯||
शेषाणि षट् पञ्चाशदङ्गुलदलप्रमाणानि||६९||
🔊 Audio coming soon
শশিলেক ব্যাখ্যা (ইন্দু কৃত)
শেষাণি ষট্ পঞ্চাশদঙ্গুলদলপ্রমাণানি| অঙ্গুলদলমর্ধাঙ্গুলম্| তথা চ ধন্বন্তরিঃ পঠতি'শেষাণি চাঙ্গুলমিতার্ধসমানি দেহে' ইতি|| ৬৯||
Adhikarana মতান্তরেণ মর্মমানানি (৭০) · Śloka ৭০
অন্যে পুনরাহুঃ-ব্রীহিপ্রমাণানি ক্ষিপ্রাণি| কলাযপ্রমাণাঃ স্তনরোহিতোত্ক্ষেপাঃ তথাঽন্যে তিল- প্রমাণান্যপি মর্মাণীচ্ছন্তি||৭০||
अन्ये पुनराहुः-व्रीहिप्रमाणानि क्षिप्राणि| कलायप्रमाणाः स्तनरोहितोत्क्षेपाः तथाऽन्ये तिल- प्रमाणान्यपि मर्माणीच्छन्ति||७०||
🔊 Audio coming soon
শশিলেক ব্যাখ্যা (ইন্দু কৃত)
কেচিন্মতেন তিলপ্রমাণানি মর্মাণীতি কথনম্| স্বধীগম্যং শেষম্|| ৭০||
Adhikarana আযুর্মর্মাণি রক্ষতি (৭১) · Śloka ৭১
ভবন্তি চাত্র- মর্মব্যাপ্তেঽপি দেহেঽস্মিন্নাযুর্মর্মাণি রক্ষতি| আযুষ্যাণ্যেব সেবেত সদা তস্মাদ্বিচক্ষণঃ||৭১||
भवन्ति चात्र- मर्मव्याप्तेऽपि देहेऽस्मिन्नायुर्मर्माणि रक्षति| आयुष्याण्येव सेवेत सदा तस्माद्विचक्षणः||७१||
🔊 Audio coming soon
শশিলেক ব্যাখ্যা (ইন্দু কৃত)
ভবন্তি চাত্রেতি শ্লোকা উচ্যন্তে| অস্মিন্ দেহে মর্মভিঃ স্পর্শমাত্রপ্রাণহরৈর্ব্যাপ্তেঽপি তানি মর্মাণ্যভিঘাতাদিভ্য আযূ রক্ষত্যক্ষীণাযুষাং হি মর্মোপতাপো নোত্পদ্যতে| তস্মাদ্ধেতোরাযুষ্যাণ্যেব বস্তুনি সেবেত বিচক্ষণঃ| তদেব বিদ্ধমর্মাবাধেভ্যো রক্ষতি||৭১||
Adhikarana মর্মাণি যত্নতঃ পালনীযানি (৭২) · Śloka ৭২
মর্মাভিঘাতঃ স্বল্পোঽপি প্রাযশো বাধতেতরাম্| রোগা মর্মাশ্রযাস্তদ্বত্ প্রকান্তা যত্নতোঽপি চ||৭২||
मर्माभिघातः स्वल्पोऽपि प्रायशो बाधतेतराम्| रोगा मर्माश्रयास्तद्वत् प्रकान्ता यत्नतोऽपि च||७२||
🔊 Audio coming soon
শশিলেক ব্যাখ্যা (ইন্দু কৃত)
যথা মর্মণ্যভিঘাতঃ স্বল্যোঽপি বাধতেতরামতিশযেন বাধতে| তথা যে মর্মাশ্রিতা রোগাস্তে প্রযত্নেন প্রক্রান্তাশ্চিকিত্সিতুমারব্ধাস্তদ্বত্ স্বল্পা অপি বাধন্তেতরামিত্যর্থঃ| তস্মাদ্যত্নেন পালযেদিতি তাত্পর্য্যার্থঃ|| ৭২||
Adhikarana মর্মোপঘাতান্মুমূর্ষোর্লক্ষণানি (৭৩) · Śloka ৭৩
বিক্ষিপ্যতে ভৃশং সীদন্ শূন্যো ভ্রমতি বেপতে| ঊর্ধ্বং শ্বসিতি কৃচ্ছ্রেণ স্রস্তগাত্রো মুহুর্মুহুঃ| হৃদযং দহ্যতে চাস্য নৈকস্থানেঽবতিষ্ঠতে| মর্মোপঘাতান্মরণমেতৈর্লিঙ্গৈঃ সমশ্নুতে||৭৩||
विक्षिप्यते भृशं सीदन् शून्यो भ्रमति वेपते| ऊर्ध्वं श्वसिति कृच्छ्रेण स्रस्तगात्रो मुहुर्मुहुः| हृदयं दह्यते चास्य नैकस्थानेऽवतिष्ठते| मर्मोपघातान्मरणमेतैर्लिङ्गैः समश्नुते||७३||
🔊 Audio coming soon
শশিলেক ব্যাখ্যা (ইন্দু কৃত)
মর্মণি ভগ্নস্য মুমূর্ষোর্মরণলক্ষণানি বিক্ষিপ্যতে ভৃশং সীদন্নিত্যাদিনোচ্যন্তে| মরণমশ্নুতে প্রাপ্নোতীতি সম্বন্ধঃ|| ৭৩||
Adhikarana রক্তাতিস্রুতিরেব মরণহেতুঃ (৭৪) · Śloka ৭৪
অমর্মবিদ্ধোঽপি নরশ্ছেদভেদাদিপীডিতঃ| অতিনিস্সৃতরক্তশ্চ সদ্যস্ত্যজতি জীবিতম্| অতোঽন্যথা জীবতি তু বিদ্ধঃ শরশতৈরপি||৭৪||
अमर्मविद्धोऽपि नरश्छेदभेदादिपीडितः| अतिनिस्सृतरक्तश्च सद्यस्त्यजति जीवितम्| अतोऽन्यथा जीवति तु विद्धः शरशतैरपि||७४||
🔊 Audio coming soon
শশিলেক ব্যাখ্যা (ইন্দু কৃত)
ন কেবলং তু মর্মবিদ্ধ এব জীবিতং ত্যজতি যাবদমর্মবিদ্ধোঽপি রক্তস্যাতিস্রুতেঃ সদ্য এব জীবিতং জহাতি| অতোঽন্যথা যথোক্তবৈপরীত্যে মর্মব্যধে রত্কাস্রুতৌ চ শরশতৈরপি বিদ্ধো জীবতি|| ৭৪||
Adhikarana মর্মবিদ্ধং প্রত্যাখ্যায চিকিত্সেত্ (৭৫-৭) · Śloka ৭
পুণ্যবান্নিযতাযুশ্চ ন কথঞ্চিন্ন জীবতি| তস্মাদাচরমোচ্ছ্বাসাচ্চিকিত্সেদেব যত্নতঃ| তদ্বন্ধুমিত্রানুমতঃ প্রত্যাখ্যাযাতুরং ভিষক্||৭৫|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং শারীরস্থানে মর্মবিভাগোনাম সপ্তমোঽধ্যাযঃ||৭||
पुण्यवान्नियतायुश्च न कथञ्चिन्न जीवति| तस्मादाचरमोच्छ्वासाच्चिकित्सेदेव यत्नतः| तद्बन्धुमित्रानुमतः प्रत्याख्यायातुरं भिषक्||७५|| इति वैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां शारीरस्थाने मर्मविभागोनाम सप्तमोऽध्यायः||७||
🔊 Audio coming soon
শশিলেক ব্যাখ্যা (ইন্দু কৃত)
তথা যশ্চ পুণ্যবান্ সুকর্মা যশ্চ নিযতাযুঃ স ন কশ্চিন্ন জীবতি| সর্বথা জীবতীত্যর্থঃ| নিযতাযুর্যস্য বলবতা দৈবেন কর্মণা চ আযুর্নিযতকালং কৃতম্| তস্মাদ্যথা ক্ষীণাযুর্জীবত্যতো মর্মবিদ্ধমাতুরং প্রত্যাখ্যায আচরমোচ্ছ্বাসাচ্চিকিত্সেত্| তস্যাতুরস্য বন্ধ্বাদীনামনুমতঃ সন্| এতাবতা সিদ্ধ্যভাবেঽপ্যযশো ন লভত ইতি|| ৭৫|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং শারীরস্থানে সপ্তমোঽধ্যাযঃ