Adhikarana অধ্যাযোপক্রমঃ · Śloka
🔊 Audio coming soon
সর্বাঙ্গসুন্দরী ব্যাখ্যা ( কৃত)
মদাত্যযনিদানাদনন্তরমর্শোনিদানারম্ভো যুক্তঃ| যতঃ "অরিভির্নিজৈঃ পরিষ্বঙ্গ" (হৃ. নি. অ. ৬|৪০) ইত্যুক্তম্, অর্শাংসি চ রিপুসদৃশানীতি বক্ষ্যতি, তস্মাদর্শোনিদানং প্রক্রম্যতে|
আযুর্বেদরসাযনম্ ব্যাখ্যা ( কৃত)
০০
Adhikarana অর্শসাং নির্বচনম্ (২) · Śloka ২
অথাতোঽর্শসাং নিদানং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| গদ্যসূত্রে|২|
अथातोऽर्शसां निदानं व्याख्यास्यामः| इति ह स्माहुरात्रेयादयो महर्षयः| गद्यसूत्रे|२|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ব্যাখ্যা পূর্ববত্|
আযুর্বেদরসাযনম্ ব্যাখ্যা ( কৃত)
০০০০০
Adhikarana অর্শসাং সংপ্রাপ্তিঃ (১-২) · Śloka ২
অরিবত্প্রাণিনো মাংসকীলকা বিশসন্তি যত্| অর্শাংসি তস্মাদুচ্যন্তে গুদমার্গনিরোধতঃ||১|| দোষাস্ত্বঙ্মাংসমেদাংসি সন্দূষ্য বিবিধাকৃতীন্| মাংসাঙ্কুরানপানাদৌ কুর্বন্ত্যর্শাংসি তান্ জগুঃ||২||
अरिवत्प्राणिनो मांसकीलका विशसन्ति यत्| अर्शांसि तस्मादुच्यन्ते गुदमार्गनिरोधतः||१|| दोषास्त्वङ्मांसमेदांसि सन्दूष्य विविधाकृतीन्| मांसाङ्कुरानपानादौ कुर्वन्त्यर्शांसि तान् जगुः||२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অনেন সর্বেষামপ্যর্শসাং গুদমেঢ্রাদিজানাং সামান্যেন সম্প্রাপ্ত্যাকৃতী নিরূপযতি| দোষাঃ-বাতাদযঃ, ত্বঙ্মাংসমেদাংসি দূষযিত্বাঽপানাদৌ যন্মাংসাঙ্কুরান্ কুর্বন্তি তানর্শাংসি জগুঃ, তন্ত্রকৃত ইতি শেষঃ| আদিশব্দেন কর্ণনাসাদীনাং গ্রহণম্| কিম্ভূতান্ মাংসাঙ্কুরান্ ? বিবিধাকৃতীন্-নানাসংস্থানান্|
আযুর্বেদরসাযনম্ ব্যাখ্যা ( কৃত)
০০০০০
Adhikarana অর্শসাং দ্বৈবিধ্যম্ (৩) · Śloka ৩
সহজন্মোত্তরোত্থানভেদাদ্দ্বেধা সমাসতঃ| শুষ্কস্রাবিবিভেদাচ্চ|৩|
सहजन्मोत्तरोत्थानभेदाद्द्वेधा समासतः| शुष्कस्राविविभेदाच्च|३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তানি চ সমাসতঃ-সঙ্ক্ষেপতো, দ্বেধা-দ্বিপ্রকারাণি| কথম্ ? ইত্যাহ-সহেত্যাদি| সহ জন্মনা, সহজন্ম চোত্তরং চ সহজন্মোত্তরে, তযোরুত্থানং সহজন্মোত্তরোত্থানং, তেন ভেদো-বিশেষঃ, তস্মাত্| কানিচিচ্ছরীরেণ সহ জাতানি কানিচিজ্জন্মোত্তরভাবীনি| তথা, শুষ্কস্রাবিবিভেদাচ্চ দ্বেধা,-কানিচিচ্ছুষ্কাণি কানিচিত্স্রাবীণি|
আযুর্বেদরসাযনম্ ব্যাখ্যা ( কৃত)
০০০০০
Adhikarana গুদস্য স্বরূপম্, গুদে তিস্রো বল্যঃ তাসামর্থানুগতানি নামানি গুদৌষ্ঠস্য স্বরূপম্, (৩-৫) · Śloka ৫
"অপানাদৌ" ইত্যুক্তম্| অথ তদেব গুদাপরপর্যাযং লক্ষযতি - - - - | গুদঃ স্থূলান্ত্রসংশ্রযঃ||৩|| অর্ধপঞ্চাঙ্গুলস্তস্মিংস্তিস্রোঽধ্যর্ধাঙ্গুলাঃ স্থিতাঃ| বল্যঃ, প্রবাহিণী তাসামন্তর্মধ্যে বিসর্জনী||৪|| বাহ্যা সংবরণী তস্যা গুদৌষ্ঠো বহিরঙ্গুলে| যবাধ্যর্ধঃ প্রমাণেন রোমাণ্যত্র ততঃ পরম্||৫||
"अपानादौ" इत्युक्तम्| अथ तदेव गुदापरपर्यायं लक्षयति - - - - | गुदः स्थूलान्त्रसंश्रयः||३|| अर्धपञ्चाङ्गुलस्तस्मिंस्तिस्रोऽध्यर्धाङ्गुलाः स्थिताः| वल्यः, प्रवाहिणी तासामन्तर्मध्ये विसर्जनी||४|| बाह्या संवरणी तस्या गुदौष्ठो बहिरङ्गुले| यवाध्यर्धः प्रमाणेन रोमाण्यत्र ततः परम्||५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-স্থূলান্ত্রং সংশ্রযঃ-আশ্রযো, যস্য স এবংবিধো গুদঃ| স্থূলং যদন্ত্রং তত্র প্রতিবদ্ধ ইত্যর্থঃ| কিংপ্রমাণোঽসৌ ? অর্ধপঞ্চাঙ্গুলঃ| অর্ধেনোনানি পঞ্চ-অর্ধপঞ্চ| শাকপার্থিবাদিত্বাত্সমাসঃ| অর্ধপঞ্চ অঙ্গুলানি যস্য সোঽর্ধপঞ্চাঙ্গুলঃ,-সার্ধচতুরঙ্গুলপরিমাণঃ| তস্মিন্-গুদে, তিস্রো বল্যঃ-ত্রিসঙ্খ্যাঃ স্থিতাঃ| কিংপরিমাণাঃ ? অধ্যর্ধাঙ্গুলাঃ, অধিকমর্ধমঙ্গুলং প্রত্যেকং পরিমাণং যাসাং তা এবম্| অথ তাংসাং-তিসৃণাম্, অর্থানুগতানি নামান্যাহ-তত্র-মলপ্রবাহণাদন্তঃ-অন্তরে স্থিতা বলী, প্রবাহিণীতি কথ্যতে| মধ্যে-মধ্যস্থিতা বলী, মলস্য প্রবহতো বহির্বিসর্জনাত্ বিসর্জনীতি ভণ্যতে| গুদস্য বাহ্যে স্থিতা মলস্য সংবরণাত্ সংবরণীত্যুচ্যতে| তস্যাঃ-সংবরণীসংজ্ঞাযা বলেঃ, অঙ্গুলে-তত্পরিমাণে, বহিঃ-বাহ্যে, গুদৌষ্ঠঃ স্থিতঃ| প্রমাণেন-পরিমাণতো, গুদৌষ্ঠৌ যবাধ্যর্ধঃ-সার্ধযবপ্রমাণঃ| ততো-গুদৌষ্ঠাত্, পরং-পরতো বহিঃ, রোমাণ্যত্র গুদে, জাযন্তে|
আযুর্বেদরসাযনম্ ব্যাখ্যা ( কৃত)
০০০০০
Adhikarana সহোত্থানামর্শসাং হেতুরসাধ্যত্বং চ কুলোদ্ভবানাং সর্বেষাং রোগাণামসাধ্যত্বম্ (৬-৭) · Śloka ৭
তত্র হেতুঃ সহোত্থানাং বলীবীজোপতপ্ততা| অর্শসাং, বীজতপ্তিস্তু মাতাপিত্রপচারতঃ||৬|| দৈবাচ্চ, তাভ্যাং কোপো হি সন্নিপাতস্য তান্যতঃ| অসাধ্যান্বেবমাখ্যাতাঃ সর্বে রোগাঃ কুলোদ্ভবাঃ||৭||
तत्र हेतुः सहोत्थानां वलीबीजोपतप्तता| अर्शसां, बीजतप्तिस्तु मातापित्रपचारतः||६|| दैवाच्च, ताभ्यां कोपो हि सन्निपातस्य तान्यतः| असाध्यान्वेवमाख्याताः सर्वे रोगाः कुलोद्भवाः||७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তত্রেতি নির্ধারণে, সহজোত্তরকালভাবিষ্বর্শঃসু মধ্যে, সহোত্থানামর্শসাং হেতুঃ বলীবীজোপতপ্ততা| বল্যাঃ-সম্বন্ধি বীজং-শুক্রার্তবাংশো, যস্মাত্সা বলী উত্পদ্যতে| উপতপ্তস্য ভাব উপতপ্ততা,-অর্শোবিকারকরণসমর্থৈর্বাতপিত্তকফৈঃ পীডনং, বলীবীজস্যোপতপ্ততোচ্যতে| সা চ বীজোপতপ্তিঃ-বীজোপতাপো, মাতাপিত্রপচারতঃ| মাতা চ পিতা চ মাতাপিতরৌ, তযোরপচারঃ-অপরাধ আহারবিহারাদিকৃতঃ, তস্মাত্| তথা দৈবাত্-তথাবিধাত্ প্রাক্কৃতাদশুভকর্মণো, বীজোপতপ্তিঃ| তাভ্যাং-মাতাপিত্রপচারদৈবাভ্যাং, যস্মাত্সন্নিপাতস্য কোপঃ, তস্মাত্তানি-অর্শাংসি, অসাধ্যানি| এবং-অনেন প্রকারেণ, প্রাণিনাং সর্বে রোগাঃ কুলোদ্ভবা আখ্যাতাঃ| বীজোপতপ্তত্বাদসাধ্যা ইত্যর্থঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana সহজানাং লক্ষণম্ (৮) · Śloka ৮
সহজানি বিশেষেণ রূক্ষদুর্দর্শনানি চ| অন্তর্মুখানি পাণ্ডূনি দারুণোপদ্রবাণি চ||৮||
सहजानि विशेषेण रूक्षदुर्दर्शनानि च| अन्तर्मुखानि पाण्डूनि दारुणोपद्रवाणि च||८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সহজান্যর্শাংসি বিশেষেণ রূক্ষাদিগুণযুতানি ভবন্তি| বিশেষেণেত্যনেনৈতদ্ দ্যোতযতি,-উত্তরজাতান্যপ্যেবংভূতানি ভবন্তীতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana জন্মোত্তরজানামর্শসাং ষড্বিধত্বম্ (৯) · Śloka ৯
ষোঢাঽন্যানি পৃথগ্দোষসংসর্গনিচযাস্রতঃ| |৯|
षोढाऽन्यानि पृथग्दोषसंसर्गनिचयास्रतः| |९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অন্যানি-উত্তরজাতান্যর্শাংসি, ষট্প্রকারাণি| পৃথগ্দোষৈর্বাতপিত্তকফৈস্ত্রীণি, তথা সংসর্গেণৈকং, তথা নিচযেন [ একং ] তথা রক্তেন [একং], ইতি ষট্ত্বম্| ষোঢাশব্দঃ পৃষোদরাদিঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana শুষ্কার্দ্রার্শসাং দোষানুবন্ধঃ (৯) · Śloka ৯
| শুষ্কাণি বাতশ্লেষ্মভ্যামার্দ্রাণি ত্বস্রপিত্ততঃ||৯||
| शुष्काणि वातश्लेष्मभ्यामार्द्राणि त्वस्रपित्ततः||९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-"শুষ্কস্রাবিবিভেদাচ্চ দ্বিধা" (শ্লো. ৩) ইত্যুক্তম্| তত্র শুষ্কাণি প্রাযেণ বাতকফাভ্যাং ব্যস্তসমস্তাভ্যাম্| যানি ত্বার্দ্রাণি তান্যস্রপিত্ততঃ, তথৈব ব্যস্তসমস্তাভ্যাং ভবন্তি|
আযুর্বেদরসাযনম্ ব্যাখ্যা ( কৃত)
০০০০০
Adhikarana অর্শসাং নিদানম্ (১০-১৫) · Śloka ১৫
দোষপ্রকোপহেতুস্তু প্রাগুক্তস্তেন সাদিতে| অগ্নৌ, মলেঽতিনিচিতে, পুনশ্চাতিব্যবাযতঃ||১০|| যানসঙ্ক্ষোভবিষমকঠিনোত্কটকাসনাত্| বস্তিনেত্রাশ্মলোষ্ঠোর্বীতলচৈলাদিঘট্টনাত্||১১|| ভৃশং শীতাম্বুসংস্পর্শাত্প্রততাতিপ্রবাহণাত্| বাতমূত্রশকৃদ্বেগধারণাত্তদুদীরণাত্||১২|| জ্বরগুল্মাতিসারামগ্রহণীশোফপাণ্ডুভিঃ| কর্শনাদ্বিষমাভ্যশ্চ চেষ্টাভ্যো, যোষিতাং পুনঃ||১৩|| আমগর্ভপ্রপতনাদ্গর্ভবৃদ্ধিপ্রপীডনাত্| ঈদৃশৈশ্চাপরৈর্বাযুরপানঃ কুপিতো মলম্||১৪|| পাযোর্বলীষু তং ধত্তে তাস্বভিষ্যণ্ণমূর্তিষু| জাযন্তেঽর্শাংসি|১৫|
दोषप्रकोपहेतुस्तु प्रागुक्तस्तेन सादिते| अग्नौ, मलेऽतिनिचिते, पुनश्चातिव्यवायतः||१०|| यानसङ्क्षोभविषमकठिनोत्कटकासनात्| बस्तिनेत्राश्मलोष्ठोर्वीतलचैलादिघट्टनात्||११|| भृशं शीताम्बुसंस्पर्शात्प्रततातिप्रवाहणात्| वातमूत्रशकृद्वेगधारणात्तदुदीरणात्||१२|| ज्वरगुल्मातिसारामग्रहणीशोफपाण्डुभिः| कर्शनाद्विषमाभ्यश्च चेष्टाभ्यो, योषितां पुनः||१३|| आमगर्भप्रपतनाद्गर्भवृद्धिप्रपीडनात्| ईदृशैश्चापरैर्वायुरपानः कुपितो मलम्||१४|| पायोर्वलीषु तं धत्ते तास्वभिष्यण्णमूर्तिषु| जायन्तेऽर्शांसि|१५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-প্রাক্-পূর্বং সর্বরোগবিদানে, দোষপ্রকোপহেতুঃ [ উক্তো-] দর্শিতঃ| তেন-দোষপ্রকোপকারণেন, বহ্নৌ সাদিতে-মন্দত্বং গমিতে| অগ্নিমান্দ্যাদাহারঃ সম্যক্পাকমগচ্ছন্ ভূযসা মলত্বেনৈব সম্পদ্যতে| তত ইদমাহ-মলেঽতিনিচিতে| মলে-পুরীষাখ্যে, অতিনিচিতে-প্রবৃদ্ধে মাংসাঙ্কুরজননযোগ্যে, বাযুরপানাখ্যঃ পাযোঃ সম্বন্ধিনীষু বলীষু, তং মলং নিচিতং ধত্তে| তদ্দেশমলব্যতিসম্পর্কাত্তা বলযোঽভিষ্যণ্ণমূর্তযঃ প্রক্লিন্নদেহাঃ সম্পদ্যন্তে| তাসু চাভিষ্যণ্ণমূর্তিশ্বর্শাংসি জাযন্তে| ইত্যুত্তরকালজানামর্শসাং সম্প্রাপ্তিঃ| তথা চ কেন বাযুঃ কুপিতো মলং ধত্তে ? ইত্যাহ-পুনশ্চাতিব্যবাযত ইত্যাদি| পুনরিতি নির্দেশাত্ পূর্বোক্তেন হেতুনা বাযুঃ কুপিতঃ, তথাঽতিব্যবাযাদিভিঃ কুপিত ইতি গমযতি| বস্ত্যাদীনাং ঘট্টনেন সম্বন্ধঃ| প্রততাতিপ্রবাহণেন দোষাদিবেগানাং প্রবর্তনম্| বাতমূত্রশকৃদ্বেগানাং তূদীরণমিহোক্তমিতি প্রবাহণোদীরণযোর্দ্বযোরুপাদানম্| জ্বরাদিভিঃ কর্ষণাদিতি যোজ্যম্| বিষমাভ্যশ্চ চেষ্টাভ্য ইতি সাহসাদিবিষমাচরণাদিকাভ্যঃ| যোষিতাং পুনরীতি পুনঃশব্দেন পূর্বোক্তেভ্যঃ প্রকারেভ্যঃ প্রকারান্তরমামগর্ভপ্রপতনাদিকং গৃহ্যতে| ঈদৃশৈরপরৈরপ্যনির্দিষ্টৈরিহ তত্প্রকোপহেতুভির্বাযুঃ কুপিত ইতি যোজ্যম্|
আযুর্বেদরসাযনম্ ব্যাখ্যা ( কৃত)
০০০০০
Adhikarana অর্শসাং পূর্বলক্ষণম্ (১৫-২০) · Śloka ২০
| তত্পূর্বলক্ষণং মন্দবহ্নিতা||১৫|| বিষ্টম্ভঃ সক্থিসদনং পিণ্ডিকোদ্বেষ্টনং ভ্রমঃ| সাদোঽঙ্গে নেত্রযোঃ শোফঃ শকৃদ্ভেদোঽথবা গ্রহঃ||১৬|| মারুতঃ প্রচুরো মূঢঃ প্রাযো নাভেরধশ্চরন্| সরুক্ সপরিকর্তশ্চ কৃচ্ছ্রান্নির্গচ্ছতি স্বনন্||১৭|| অন্ত্রকূজনমাটোপঃ ক্ষামতোদ্গারভূরিতা| প্রভূতং মূত্রমল্পা বিডশ্রদ্ধা ধূমকোঽম্লকঃ||১৮|| শিরঃপৃষ্ঠোরসাং শূলমালস্যং ভিন্নবর্ণতা| তন্দ্রেন্দ্রিযাণাং দৌর্বল্যং ক্রোধো দুঃখোপচারতা||১৯|| আশঙ্কা গ্রহণীদোষপাণ্ডুগুল্মোদরেষু চ| |২০|
| तत्पूर्वलक्षणं मन्दवह्निता||१५|| विष्टम्भः सक्थिसदनं पिण्डिकोद्वेष्टनं भ्रमः| सादोऽङ्गे नेत्रयोः शोफः शकृद्भेदोऽथवा ग्रहः||१६|| मारुतः प्रचुरो मूढः प्रायो नाभेरधश्चरन्| सरुक् सपरिकर्तश्च कृच्छ्रान्निर्गच्छति स्वनन्||१७|| अन्त्रकूजनमाटोपः क्षामतोद्गारभूरिता| प्रभूतं मूत्रमल्पा विडश्रद्धा धूमकोऽम्लकः||१८|| शिरःपृष्ठोरसां शूलमालस्यं भिन्नवर्णता| तन्द्रेन्द्रियाणां दौर्बल्यं क्रोधो दुःखोपचारता||१९|| आशङ्का ग्रहणीदोषपाण्डुगुल्मोदरेषु च| |२०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তেষামর্শসাং পূর্বলক্ষণং তত্পূর্বলক্ষণং মন্দবহ্নিতেত্যাদিকং শকৃদ্গ্রহপর্যন্তম্| অত্র চ পূর্বলক্ষণমধ্যে "শকৃদ্ভেদোঽথবা গ্রহঃ" ইতি নির্দিষ্টম্, কস্যচিত্পুরুষস্যোত্পিত্সুষ্বর্শঃসু ভিন্নবর্চস্ত্বং কস্যচিদ্বদ্ধবর্চস্ত্বমিত্যথবাশব্দস্যার্থঃ| মারুত ইতি সামর্থ্যাদপানাখ্যঃ, প্রাযো-ভূযিষ্ঠং কৃত্বা, নাভেরধশ্চরন্-গচ্ছন্, প্রচুরো ভবতি| তথা, মূঢো-মূঢ ইব মূঢঃ| ক্রিযামাত্মীযাং হিত্বেব বর্তমানঃ| তথা, সরুক্-সশূলঃ| তথা, সহ পারিকর্তেন বর্ততে সপরিকর্তঃ| ছিন্দন্নিব কৃচ্ছ্রান্নির্গচ্ছতি, স্বনন্-শব্দাযমানঃ| তথা, অন্ত্রকূজনাদিকং ভবতি| তথা চ গ্রহণীদোষাদিষ্বাশঙ্কা ভবতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana অর্শসাং সামান্যলক্ষণম্ (২০-২৮) · Śloka ২৮
| এতান্যেব বিবর্দ্ধন্তে জাতেষু হতনামসু||২০|| নিবর্তমানোঽপানো হি তৈরধোমার্গরোধতঃ| ক্ষোভযন্ননিলানন্যান্ সর্বেন্দ্রিযশরীরগান্||২১|| তথা মূত্রশকৃত্পিত্তকফান্ ধাতূংশ্চ সাশযান্| মৃদ্গাত্যগ্নিং ততঃ সর্বো ভবতি প্রাযশোঽর্শসঃ||২২|| কৃশো ভৃশং হতোত্সাহো দীনঃ ক্ষামোঽতিনিষ্প্রভঃ| অসারো বিগতচ্ছাযো জন্তুজুষ্ট ইব দ্রুমঃ||২৩|| কৃত্স্নৈরুপদ্রবৈর্গস্তো যথোক্তৈর্মর্মপীডনৈঃ| তথা কাসপিপাসাস্যবৈরস্যশ্বাসপীনসৈঃ||২৪|| ক্লমাঙ্গভঙ্গবমথুক্ষবথুশ্বযথুজ্বরৈঃ| ক্লৈব্যবাধির্যতৈমির্যশর্করাশ্মরিপীডিতঃ||২৫|| ক্ষামভিন্নস্বরো ধ্যাযন্মুহুঃ ষ্ঠীবন্নরোচকী| সর্বপর্বাস্থিহৃন্নাভিপাযুবঙ্ক্ষণশূলবান্||২৬|| গুদেন স্রবতা পিচ্ছাং পুলাকোদকসন্নিভাম্| বিবদ্ধমুক্তং শুষ্কার্দ্রং পক্কামং চান্তরাঽন্তরা||২৭|| পাণ্ডু পীতং হরিদ্রক্তং পিচ্ছিলং চোপবেশ্যতে| |২৮|
| एतान्येव विवर्द्धन्ते जातेषु हतनामसु||२०|| निवर्तमानोऽपानो हि तैरधोमार्गरोधतः| क्षोभयन्ननिलानन्यान् सर्वेन्द्रियशरीरगान्||२१|| तथा मूत्रशकृत्पित्तकफान् धातूंश्च साशयान्| मृद्गात्यग्निं ततः सर्वो भवति प्रायशोऽर्शसः||२२|| कृशो भृशं हतोत्साहो दीनः क्षामोऽतिनिष्प्रभः| असारो विगतच्छायो जन्तुजुष्ट इव द्रुमः||२३|| कृत्स्नैरुपद्रवैर्गस्तो यथोक्तैर्मर्मपीडनैः| तथा कासपिपासास्यवैरस्यश्वासपीनसैः||२४|| क्लमाङ्गभङ्गवमथुक्षवथुश्वयथुज्वरैः| क्लैब्यबाधिर्यतैमिर्यशर्कराश्मरिपीडितः||२५|| क्षामभिन्नस्वरो ध्यायन्मुहुः ष्ठीवन्नरोचकी| सर्वपर्वास्थिहृन्नाभिपायुवङ्क्षणशूलवान्||२६|| गुदेन स्रवता पिच्छां पुलाकोदकसन्निभाम्| विबद्धमुक्तं शुष्कार्द्रं पक्कामं चान्तराऽन्तरा||२७|| पाण्डु पीतं हरिद्रक्तं पिच्छिलं चोपवेश्यते| |२८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-এতান্যেব-গ্রহণীদোষাদীনি, হতনামসু-অর্শঃসু, জাতেষু বিবর্দ্ধন্তে-বৃদ্ধিমাপ্নুবন্তি| স০-তৈঃ-অর্শোভিঃ, অধোমার্গরোধাদপানো নিবর্তমান ঊর্ধ্বং প্রবৃত্তঃ সর্বা(অন্যা)ননিলান্-সমানোদানব্যানপ্রাণান্, সর্বেন্দ্রিযশরীরগান্ প্রত্যাহরণরূপতযা ক্ষোভযন্-সংরম্ভান্ কুর্বন্, তথা মূত্রাদীন্, তথা ধাতূন্-রসাদীংশ্চ, সাশযান্-সহাধারেণ বর্তমানান্, ক্ষোভযন্নগ্নিং মৃদ্গাতি-মন্দীকরোতি| ততঃ-অগ্নিমার্দবাদিকাত্ কারণাত্, প্রাযেণার্শসো-দুর্নামবান্, কৃশাদিকঃ স্যাত্| অর্শস ইত্যত্র "অর্শাদিত্বাত্" অচ্| বিগতচ্ছাযো দ্রুমো জন্তুজুষ্টঃ পত্রৌঘবিরহাদ্যথা ছাযারহিতঃ, তথৈবার্শসঃ শোভারহিত ইতি শ্লেষোপমালঙ্কারঃ| তথেতি ন কেবলং পূর্বোক্তৈরুপদ্রবৈর্গ্রস্তঃ, অপি তু কাসাদিভিরপীত্যর্থঃ| ক্লেষ্যেত্যাদি| অশ্মরিপীডিত ইত্যত্র "ঙ্যাপোঃ" ইত্যাদিনা বহুলবচনাদ্ধ্রস্বঃ| অথবা, 'অশ্মনি পীডিতঃ' ইতি পাঠঃ| ক্ষামো ভিন্নশ্চ স্বরো যস্য স এবম্| তথা, ধ্যাযন্-চিন্তাব্যাপ্তঃ| তথা, নিষ্ঠীবনাদিভির্যুতঃ| তথা, গুদেন পিচ্ছাং পুলাকোদকসন্নিভাং স্রবতা বিবদ্ধাদিকমুপবেশ্যতে| অপ্রাপ্তপাকং ধান্যং পুলাকশব্দবাচ্যম্| আগমঃ-"ধান্যং পুলাকোঽনিষ্পন্নম্" ইতি| অথবা, পুলাকঃ-কুত্সিতং ধান্যম্, তস্যোদকেন তুল্যাম্| অন্যে তু যবগোধূমাদিস্বেদঃ পুলাকোদকমিত্যাহুঃ, তেন তুল্যাম্| বিবদ্ধমুক্তমিতি কদাচিদুদাবৃত্তং কদাচিদনুদ্বৃত্তং ভবতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana বাতার্শসাং লক্ষণম্ (২৮-৩৪) · Śloka ৩৪
বাতার্শসাং লক্ষণমাহ - - - - গুদাঙ্কুরা বহ্বনিলাঃ শুষ্কাশ্চিমিচিমান্বিতাঃ||২৮|| ম্লানাঃ শ্যাবারুণাঃ স্তব্ধা বিষমাঃ পরুষাঃ খরাঃ| মিথো বিসদৃশা বক্রাস্তীক্ষ্ণা বিশ্ফুটিতাননাঃ||২৯|| বিম্বীকর্কন্ধুখর্জূরকার্পাসীফলসন্নিভাঃ| কেচিত্কদম্বপুষ্পাভাঃ কেচিত্সিদ্ধার্থকোপমাঃ||৩০|| শিরঃপার্শ্বাংসকট্যূরুবঙ্ক্ষণাভ্যধিকব্যথাঃ| ক্ষবথূদ্গারবিষ্টম্ভহৃদ্গ্রহারোচকপ্রদাঃ||৩১|| কাসশ্বাসাগ্নিবৈষম্যকর্ণনাদভ্রমাবহাঃ| তৈরার্তো গ্রথিতং স্তোকং সশব্দং সপ্রবাহিকম্||৩২|| রুক্ফেনপিচ্ছানুগতং বিবদ্ধমুপবেশ্যতে| কৃষ্ণত্বঙ্নখবিণ্মূত্রনেত্রবক্ক্রশ্চ জাযতে||৩৩|| গুল্মপ্লীহোদরাষ্ঠীলাসম্ভবস্তত এব চ|৩৪|
वातार्शसां लक्षणमाह - - - - गुदाङ्कुरा बह्वनिलाः शुष्काश्चिमिचिमान्विताः||२८|| म्लानाः श्यावारुणाः स्तब्धा विषमाः परुषाः खराः| मिथो विसदृशा वक्रास्तीक्ष्णा विश्फुटिताननाः||२९|| बिम्बीकर्कन्धुखर्जूरकार्पासीफलसन्निभाः| केचित्कदम्बपुष्पाभाः केचित्सिद्धार्थकोपमाः||३०|| शिरःपार्श्वांसकट्यूरुवङ्क्षणाभ्यधिकव्यथाः| क्षवथूद्गारविष्टम्भहृद्ग्रहारोचकप्रदाः||३१|| कासश्वासाग्निवैषम्यकर्णनादभ्रमावहाः| तैरार्तो ग्रथितं स्तोकं सशब्दं सप्रवाहिकम्||३२|| रुक्फेनपिच्छानुगतं विबद्धमुपवेश्यते| कृष्णत्वङ्नखविण्मूत्रनेत्रवक्क्रश्च जायते||३३|| गुल्मप्लीहोदराष्ठीलासम्भवस्तत एव च|३४|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাতাধিকা গুদজাঃ শুষ্কাদিগুণযুক্তাঃ| বিষমাঃ-বিষমসংস্থানা ঊর্ধ্বাধস্তির্যগাদিদুঃসংস্থিতাঃ| পরুষাঃ-শাকপত্রাদিতুল্যস্পর্শাঃ| মিথো বিসদৃশাঃ-পরস্পরমতুল্যসন্নিবেশাঃ| বক্রাঃ-ধনুষ্কোট্যাদিবত্| তথা, তীক্ষ্ণাঃ-দর্ভাঙ্কুরবত্| বিস্ফুটিতং-কেসরাদিবত্, আননং যেষাং ত এবম্| বিম্ব্যাদ্যনেকোপমানোপাদানং তেষাং বিচিত্ররূপদর্শনার্থম্| শির আদিষ্বধিকব্যথাঃ| তথা, ক্ষবথ্বাদিপ্রদাঃ| তথা, কাসাদিকৃতঃ| তৈরার্তঃ-পীডিতো, গ্রথিতাদিকমুপবেশ্যতে| কৃষ্ণত্বগাদিশ্চ স্যাত্| তত এব চ গুদাঙ্কুরেভ্যো গুল্মাদিসম্ভবঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana পিত্তার্শসাং লক্ষণম্ (৩৪-৩৭) · Śloka ৩৭
| পিত্তোত্তরা নীলমুখা রক্তপ্তাসিতপ্রভাঃ||৩৪|| তন্বস্রস্রাবিণো বিস্রাস্তনবো মৃদবঃ শ্লথাহ্| শুকজিহ্বাযকৃত্ঽঽখণ্ডজলৌকোবক্ক্রসন্নিভাঃ||৩৫|| দাহপাকজ্বরস্বেদতৃণ্মূর্চ্ছারুচিতমোহদাঃ| সোষ্মাণো দ্রবনীলোষ্ণপীতরক্তামবর্চসঃ||৩৬|| যবমধ্যা হরীত্পীতহারিদ্রত্বঙূনখাদযঃ| |৩৭|
| पित्तोत्तरा नीलमुखा रक्तप्तासितप्रभाः||३४|| तन्वस्रस्राविणो विस्रास्तनवो मृदवः श्लथाह्| शुकजिह्वायकृत्ऽऽखण्डजलौकोवक्क्रसन्निभाः||३५|| दाहपाकज्वरस्वेदतृण्मूर्च्छारुचितमोहदाः| सोष्माणो द्रवनीलोष्णपीतरक्तामवर्चसः||३६|| यवमध्या हरीत्पीतहारिद्रत्वङूनखादयः| |३७|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পিত্তার্শসাং নীলমুখা ইত্যাদি লক্ষণং হারিদ্রত্বঙ্নখাদয ইতিপর্যন্তম্| তনু-অচ্ছং, অস্রং-রক্তং, নিত্যং স্রবন্তি, ইতি "আভীক্ষ্ণ্যে" ণিনিঃ| তথা, তনবো-ন ঘনাঃ, শ্লেষ্ম-গুদাঙ্কুরবত্| মৃদবঃ-শিরীষপুষ্পাদিবত্| শ্লথাঃ-স্বিন্নমাংসাদিবত্| শুকজিহ্বেত্যাদি বহূপমাত্বং পূর্ববত্ সংস্থানবর্ণবৈচিত্র্যার্থম্| দ্রবাদীনাং বর্চসা সম্বন্ধঃ| যবমধ্যাঃ-যবমধ্যসংস্থানাঃ| হরিতো-দূর্বাবর্ণাঃ, পীতা হারিদ্রাশ্চ ত্বগাদযো যেষাং ত এবম্| আদিশব্দেন নযনবিণ্মূত্রাদযো গৃহ্যন্তে|
আযুর্বেদরসাযনম্ ব্যাখ্যা ( কৃত)
০০০০০
Adhikarana কফার্শসাং লক্ষণম্ (৩৭-৪২) · Śloka ৪২
| শ্লেষ্মোল্বণা মহামূলা ঘনা মন্দরুজঃ সিতাঃ||৩৭|| উচ্ছূনোপচিতাঃ স্নিগ্ধাঃ স্তব্ধবৃত্তগুরুস্থিরাঃ| পিচ্ছিলাঃ স্তিমিতাঃ শ্লক্ষ্ণাঃ কণ্ড্বাঢ্যাঃ স্পর্শনপ্রিযাঃ||৩৮|| করীরপনসাস্থ্যাভাস্তথা গোস্তনসন্নিভাঃ| বঙ্ক্ষণানাহিনঃ পাযুবস্তিনাভিবিকর্তিনঃ||৩৯|| সকাসশ্বাসহৃল্লাসপ্রসেকারুচিপীনসাঃ| মেহকৃচ্ছ্রশিরোজাড্যশিশিরজ্বরকারিণঃ||৪০|| ক্লৈব্যাগ্নিমার্দবচ্ছর্দিরামপ্রাযবিকারদাঃ| বসাভসকফপ্রাজ্যপুরীষাঃ সপ্রবাহিকাঃ||৪১|| ন স্রবন্তি ন ভিদ্যন্তে পাণ্ডুস্নিগ্ধত্বগাদযঃ| |৪২|
| श्लेष्मोल्बणा महामूला घना मन्दरुजः सिताः||३७|| उच्छूनोपचिताः स्निग्धाः स्तब्धवृत्तगुरुस्थिराः| पिच्छिलाः स्तिमिताः श्लक्ष्णाः कण्ड्वाढ्याः स्पर्शनप्रियाः||३८|| करीरपनसास्थ्याभास्तथा गोस्तनसन्निभाः| वङ्क्षणानाहिनः पायुबस्तिनाभिविकर्तिनः||३९|| सकासश्वासहृल्लासप्रसेकारुचिपीनसाः| मेहकृच्छ्रशिरोजाड्यशिशिरज्वरकारिणः||४०|| क्लैब्याग्निमार्दवच्छर्दिरामप्रायविकारदाः| वसाभसकफप्राज्यपुरीषाः सप्रवाहिकाः||४१|| न स्रवन्ति न भिद्यन्ते पाण्डुस्निग्धत्वगादयः| |४२|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শ্লেষ্মার্শসাং মহামূলাদিকং লক্ষণং পাণ্ডুস্নিগ্ধত্বগাদ্যন্তম্| বহ্বনিলা ইত্যনেন পিত্তো[ত্তরা ইত্যনেন শ্লেষ্মো]ল্বণা ইত্যনেন চ নির্দেশেন সর্বেষামেবার্শসাং ত্রিদোষজত্বং দ্যোতযতি| তেন সর্বাণ্যর্শাংসি ত্রিদোষজানি, ভূযসা তু ব্যপদেশ ইতি বেদ্যম্|
আযুর্বেদরসাযনম্ ব্যাখ্যা ( কৃত)
০০০০০
Adhikarana দ্বিদোষার্শসাং লক্ষণম্ (৪২) · Śloka ৪২
| সংসৃষ্টলিঙ্গাঃ সংসর্গাত্|৪২|
| संसृष्टलिङ्गाः संसर्गात्|४२|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সংসর্গাদ্গুদাঙ্কুরাঃ সংসৃষ্টলিঙ্গাঃ-সংসৃষ্টরূপাঃ, স্যুঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana ত্রিদোষার্শসাং লক্ষণম্ (৪২) · Śloka ৪২
| নিচযাত্সর্বলক্ষণাঃ||৪২||
| निचयात्सर्वलक्षणाः||४२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-নিচযাত্-সন্নিপাতাত্, সর্বলক্ষণাঃ-দোষত্রযলক্ষণযুতাঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana রক্তার্শসাং লক্ষণম্ (৪৩-৪৫) · Śloka ৪৫
রক্তোল্বণা গুদেকীলাঃ পিত্তাকৃতিসমন্বিতাঃ| বটপ্ররোহসদৃশা গুঞ্জাবিদ্রুমসন্নিভাঃ||৪৩|| তেঽত্যর্থং দুষ্টমুষ্ণং চ গাঢবিট্প্রতিপীডিতাঃ| স্রবন্তি সহসা রক্তং তস্য চাতিপ্রবৃত্তিতঃ||৪৪|| ভেকাভঃ পীড্যতে দুঃখৈঃ শোণিতক্ষযসম্ভবৈঃ| হীনবর্ণবলোত্সাহো হতৌজাঃ কলুষেন্দ্রিযঃ||৪৫||
रक्तोल्बणा गुदेकीलाः पित्ताकृतिसमन्विताः| वटप्ररोहसदृशा गुञ्जाविद्रुमसन्निभाः||४३|| तेऽत्यर्थं दुष्टमुष्णं च गाढविट्प्रतिपीडिताः| स्रवन्ति सहसा रक्तं तस्य चातिप्रवृत्तितः||४४|| भेकाभः पीड्यते दुःखैः शोणितक्षयसम्भवैः| हीनवर्णबलोत्साहो हतौजाः कलुषेन्द्रियः||४५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রক্তোল্বণাঃ-রক্তাধিকাঃ, গুদেকীলাঃ পিত্তস্যাকৃত্যা-লক্ষণেন, সমন্বিতা ইত্যাদিকং কলুষেন্দ্রিয ইতি যাবদেষাং লক্ষণং বোধ্যম্| গুদাঙ্কুরা ইতি প্রকৃতেঽপি গুদেকিলা ইত্যুক্তং বৈচিত্র্যার্থম্| তে চ গুদেকীলা অতিদুষ্টমুষ্ণং চ সহসা-অচিন্তিতমেব শূলাদিলিঙ্গৈঃ, রক্তং স্রবন্তি, গাঢবিট্প্রতিপীডিতাঃ সন্তঃ| তস্য-রক্তস্য, অতিপ্রবৃত্তিতো ভেকাভো ভবতি| চোঽবধারণে, তস্যৈব রক্তস্যাতিপ্রবর্তনান্মণ্ডূকাভঃ স্যাত্, ন কারণান্তরেণেত্যর্থঃ| শোণিতক্ষযসম্ভবৈর্দুঃখৈঃ-রোগৈঃ, পীড্যতে| "রক্তেঽম্লশিশিরপ্রীতিসিরাশৈথিল্যরূক্ষতাঃ|" (হৃ. সূ. অ. ১১|১৭) ইতি রক্তক্ষযজাঃ উক্তাঃ| তথা, হীনবর্ণবলোত্সাহাদিঃ স্যাত্|
আযুর্বেদরসাযনম্ ব্যাখ্যা ( কৃত)
০০০০০
Adhikarana অর্শসামুদাবর্ত উপদ্রবঃ (৪৬-৫২) · Śloka ৫২
মুদ্গকোদ্রবজূর্ণাহ্বকরীরচণকাদিভিঃ| রূক্ষৈঃ সঙ্গ্রাহিভির্বাযুঃ স্বে স্থানে কুপিতো বলী||৪৬|| অধোবহানি স্রোতাংসি সংরুধ্যাধঃ প্রশোষযন্| পুরীষং বাতবিণ্মূত্রসঙ্গং কুর্বীত দারুণম্||৪৭|| তেন তীব্রা রুজা কোষ্ঠপৃষ্ঠহৃত্পার্শ্বগা ভবেত্| আধ্মানমুদরাবেষ্ঠো হৃল্লাসঃ পরিকর্তনম্||৪৮|| বস্তৌ চ সুতরাং শূলং গণ্ডশ্বযথুসম্ভবঃ| পবনস্যোর্ধ্বগামিত্বং ততশ্চ্ছর্দ্যরুচিজ্বরাঃ||৪৯|| হৃদ্রোগগ্রহণীদোষমূত্রসঙ্গপ্রবাহিকাঃ| বাধির্যতিমিরশ্বাসশিরোরুক্কাসপীনসাঃ||৫০|| মনোবিকারস্তৃষ্ণাস্রপিত্তগুল্মোদরাদযঃ| তে তে চ বাতজা রোগা জাযন্তে ভৃশদারুণাঃ||৫১|| দুর্নাম্নামিত্যুদাবর্তঃ পরমোঽযমুপদ্রবঃ| বাতাভিভূতকোষ্ঠানাং তৈর্বিনাঽপি স জাযতে||৫২||
मुद्गकोद्रवजूर्णाह्वकरीरचणकादिभिः| रूक्षैः सङ्ग्राहिभिर्वायुः स्वे स्थाने कुपितो बली||४६|| अधोवहानि स्रोतांसि संरुध्याधः प्रशोषयन्| पुरीषं वातविण्मूत्रसङ्गं कुर्वीत दारुणम्||४७|| तेन तीव्रा रुजा कोष्ठपृष्ठहृत्पार्श्वगा भवेत्| आध्मानमुदरावेष्ठो हृल्लासः परिकर्तनम्||४८|| बस्तौ च सुतरां शूलं गण्डश्वयथुसम्भवः| पवनस्योर्ध्वगामित्वं ततश्च्छर्द्यरुचिज्वराः||४९|| हृद्रोगग्रहणीदोषमूत्रसङ्गप्रवाहिकाः| बाधिर्यतिमिरश्वासशिरोरुक्कासपीनसाः||५०|| मनोविकारस्तृष्णास्रपित्तगुल्मोदरादयः| ते ते च वातजा रोगा जायन्ते भृशदारुणाः||५१|| दुर्नाम्नामित्युदावर्तः परमोऽयमुपद्रवः| वाताभिभूतकोष्ठानां तैर्विनाऽपि स जायते||५२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-আদিশব্দেন মসূরাদীনাং গ্রহণম্| মুদ্গাদিভী রূক্ষৈঃ সঙ্গ্রাহিভির্বাযুঃ-অপানাখ্যঃ, স্বে স্থানে-বস্ত্যাদিলক্ষণে, কুপিতোঽত এব বলবান্, স্বস্থানে কুপিতো বলী স্যাত্| বলী পবনো বাতাদিসঙ্গং [দারুণং] কুর্বীত| কিং কৃত্বা ? অধোবহানি স্রোতাংসি সংরুধ্য| কিং কুর্বন্ ? অধঃ পুরীষং প্রশোষযন্| তেন-বাতবিণ্মূত্রসঙ্গেন হেতুনা, তেন বা-তথাবিধেন বাযুকোপেন, তীব্রা-দারুণা, পীডা কোষ্ঠাদিগা ভবেত্| তথা, আধ্মানাদযঃ স্যুঃ পরিকর্তনং চ| বস্তৌ চেতি চশব্দো ভিন্নক্রমঃ, শূলং চেত্যর্থঃ| গণ্ডযোঃ শ্বযথুর্গণ্ডশ্বযথুঃ, তস্য সম্ভবঃ| পবনস্য-প্রকৃতত্বাদপানাখ্যস্য, ঊর্ধ্বগামিত্বং স্যাত্| ততঃ-ঊর্ধ্বগমনাত্, ছর্দ্যাদযঃ স্যুঃ| তে তে চ বাতজা রোগাঃ-অনেকে নখভেদাদযো, ভৃশদারুণাঃ-অতিশযেন দুঃখাবহাঃ, জাযন্তে| দুর্নাম্নামিতি-এবং পূর্বোক্তেন প্রকারেণ, অযং উদাবর্তঃ পরমো-মহান্, উপস্রবঃ স্মৃতো মুনীন্দ্রৈরিতি শেষঃ| বাতেত্যাদি| বাতেনাভূভিতো-ব্যাপ্তঃ, কোষ্ঠো যেষাং ত এবং তেষাং [তৈঃ-] দুর্নামভির্বিনাঽপি, সঃ-উদাবর্তো জাযতে, ন কেবলং তৈঃ, ইত্যপিশব্দার্থঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana অর্শসামসাধ্যত্বম্, অর্শসাং যাপ্যত্বম্ (৫৩) · Śloka ৫৩
অধুনা সাধ্যাসাধ্যবিভাগমেষামাহ - - - - সহজানি ত্রিদোষাণি যানি চাভ্যন্তরে বলৌ| স্থিতানি তান্যসাধ্যানি, যাপ্যন্তেঽগ্নিবলাদিভিঃ||৫৩||
अधुना साध्यासाध्यविभागमेषामाह - - - - सहजानि त्रिदोषाणि यानि चाभ्यन्तरे वलौ| स्थितानि तान्यसाध्यानि, याप्यन्तेऽग्निबलादिभिः||५३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সহজান্যর্শাংসি, তথা ত্রিদোষজানি যথোত্তরকালজান্যপি, আভ্যন্তরে বলৌ যানি স্থিতান্যেকদোষজানি তান্যপ্যসাধ্যানি| বলিশব্দঃ পুংস্ত্রীলিঙ্গঃ| অর্শসামসাধ্যানাং কিং কার্যম্ ? ইত্যাহ-যাপ্যন্ত ইত্যাদি| অগ্নিবলমাদি যেষাং ত এবম্, তৈর্যাপ্যন্তে| অগ্নিবলেঽক্ষীণ আযুষি চ পাদসম্পদি চেত্যর্থঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana অর্শসাং কৃছ্রসাধ্যত্বম্ (৫৪) · Śloka ৫৪
দ্বন্দ্বজানি দ্বিতীযাযাং বলৌ যান্যাশ্রিতানি চ| কৃচ্ছ্রসাধ্যানি তান্যাহুঃ পরিসংবত্সরাণি চ||৫৪||
द्वन्द्वजानि द्वितीयायां वलौ यान्याश्रितानि च| कृच्छ्रसाध्यानि तान्याहुः परिसंवत्सराणि च||५४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-দ্বন্দ্বজানি-সঙ্করোত্পন্নানি, যানি চ দ্বিতীযাযাং বলৌ সংশ্রিতানি, তানি কৃচ্ছ্রসাধ্যান্যাহুঃ, মুনয ইতি শেষঃ| তথা পরিসংবত্সরাণি চ কৃচ্ছ্রসাধ্যানি| পরিগতানি সংবত্সরং পরিসংবত্সরাণি, প্রাদিসমাসঃ, বর্ষাতিক্রান্তানীত্যর্থঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana অর্শসাং সুখসাধ্যত্বম্ (৫৫) · Śloka ৫৫
বাহ্যাযাং তু বলৌ জাতান্যেকদোষোল্বণানি চ| অর্শাংসি সুখসাধ্যানি ন চিরোত্পতিতানি চ||৫৫||
बाह्यायां तु वलौ जातान्येकदोषोल्बणानि च| अर्शांसि सुखसाध्यानि न चिरोत्पतितानि च||५५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাহ্যাযাং বলৌ জাতানি যানি তথৈকদোষোল্বণানি চ তথা ন চিরোত্পতিতানি-সংবত্সরাদর্বাগ্জাতানি, তানি চ সুখসাধ্যানি|
আযুর্বেদরসাযনম্ ব্যাখ্যা ( কৃত)
০০০০০
Adhikarana মেঢ্রাদিষ্বপ্যর্শাংসি বক্ষ্যন্তে (৫৬) · Śloka ৫৬
মেঢ্রাদিষ্বপি বক্ষ্যন্তে যথাস্বম্| |৫৬|
मेढ्रादिष्वपि वक्ष्यन्ते यथास्वम्| |५६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মেঢ্রভযনাসাকর্ণাদিষু চার্শাংসি বক্ষ্যন্তে| যথাস্বং-স্বীযে স্বীযেঽধ্যাযে গুহ্যরোগবিজ্ঞানে নাসারোগবিজ্ঞানে কর্ণরোগবিজ্ঞানাদৌ চেতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana নাভিজার্শসাং লক্ষণম্ (৫৬) · Śloka ৫৬
নাভিজানি তু| গণ্ডূপদাস্যরূপাণি পিচ্ছিলানি মৃদূনি চ||৫৬||
नाभिजानि तु| गण्डूपदास्यरूपाणि पिच्छिलानि मृदूनि च||५६||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-নাভিজানি তু-নাভৌ জাতানি পুনর্গণ্ডূপদাস্যরূপাণি, গণ্ডূপদানাং-কিঞ্চুলুকানামাস্যং তদিব রূপং যেষাং তান্যেবম্| তথা পিচ্ছিলানি-পিচ্ছাবন্তি, তথা মৃদূনি চ ভবন্তি|
আযুর্বেদরসাযনম্ ব্যাখ্যা ( কৃত)
০০০০০
Adhikarana চর্মকীলানাং সংপ্রাপ্তিঃ (৫৭) · Śloka ৫৭
চর্মকীলান্যাহ - - - - ব্যানো গৃহীত্বা শ্লেষ্মাণং করোত্যর্শস্ত্বচো বহিঃ| কীলোপমং স্থিরখরং চর্মকীলং তু তং বিদুঃ||৫৭||
चर्मकीलान्याह - - - - व्यानो गृहीत्वा श्लेष्माणं करोत्यर्शस्त्वचो बहिः| कीलोपमं स्थिरखरं चर्मकीलं तु तं विदुः||५७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ব্যানাখ্যো বাযুঃ শ্লেষ্মাণং গৃহীত্বাঽর্শঃ করোতি| ক্ক ? ত্বচো বহিঃ-বাহ্যপ্রদেশে| কিম্ভূতম্ ? কীলোপমং তথা স্থিরং খরং চ| তং চ-গুদাঙ্কুরং, চর্মকীলং বিদুঃ, মুনয ইতি শেষঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana বাতজানাং লক্ষণম্, পিত্তজানাং লক্ষণম্, কফজানাং লক্ষণম্ (৫৮) · Śloka ৫৮
বাতেন তোদঃ পারুষ্যং, পিত্তাদসিতরক্ততা| শ্লেষ্মণা স্নিগ্ধতা তস্য গ্রথিতত্বং সবর্ণ্তা||৫৮||
वातेन तोदः पारुष्यं, पित्तादसितरक्तता| श्लेष्मणा स्निग्धता तस्य ग्रथितत्वं सवर्ण्ता||५८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তত্র বাতেনাধিকেন তোদপারুষ্যে ভবতঃ| পিত্তাদসিতরক্ততা ভবতি| শ্লেষ্মণা তস্য-চর্মকীলস্য, স্নিগ্ধতাদিকং স্যাত্| গ্রথিতত্বং-গ্রন্থিসদৃশত্বম্| সবর্ণতা-প্রাকৃতশরীরতুল্যবর্ণতা|
আযুর্বেদরসাযনম্ ব্যাখ্যা ( কৃত)
০০০০০
Adhikarana অর্শসাং প্রশমে শীঘ্রং যত্নঃ কার্যঃ (৭) · Śloka ৭
অর্শসাং প্রশমে যত্নমাশু কুর্বীত বুদ্ধিমান্| তান্যাশু হি গুদং বদ্ধা কুর্যুর্বদ্ধগুদোদরম্||৫৯|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং তৃতীযে নিদানস্থানেঽর্শসাং নিদানং নাম সপ্তমোঽধ্যাযঃ||৭||
अर्शसां प्रशमे यत्नमाशु कुर्वीत बुद्धिमान्| तान्याशु हि गुदं बद्धा कुर्युर्बद्धगुदोदरम्||५९|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां तृतीये निदानस्थानेऽर्शसां निदानं नाम सप्तमोऽध्यायः||७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অর্শসাং প্রশমে-শান্তৌ, মতিমান্ শীঘ্রং যত্নং কুর্বীত| কিমিতি চেত্ ? তদাহ-তানীত্যাদি| যস্মাত্তানি-অর্শাংসি, গুদং বদ্ধা-নিরূদ্ধ্য, বদ্ধগুদোদরং শীঘ্রং কুর্যুরিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং তৃতীযে নিদানস্থানেঽর্শসাং নাম সপ্তমোঽধ্যাযঃ সমাপ্তঃ|| ৭||
আযুর্বেদরসাযনম্ ব্যাখ্যা ( কৃত)
০০০০০