Adhikarana অথ বিষোপযোগীযো নামাষ্টচত্বারিংশোধ্যাযঃ অধ্যাযপ্রতিজ্ঞা (১) · Śloka ১
অথাতো বিষোপযোগীযং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो विषोपयोगीयं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
শশিলেক ব্যাখ্যা (ইন্দু কৃত)
সর্বক্রিযাভিরসিধ্যতো জঙ্গমবিষস্য প্রসঙ্গেনান্যেষামপি রোগবিশেষাণামসিধ্যতাং স্থাবরবিষৈকসাধ্যত্বাত্ স্থাবরবিষস্য জঙ্গমবিষৈকসাধ্যত্বাচ্চ তদুপযোগমধিকৃত্যাধ্যায আরভ্যতে||১||
Adhikarana বিষে প্রতিবিষযোজনা (২) · Śloka ২
বিষে প্রতিবিষং যোজ্যং মন্ত্রতন্ত্রৈরসিধ্যতি| অতীতে পঞ্চমে বেগে সপ্তমস্যানতিক্রমে| প্রভোর্নিবেদ্য প্রযতো নৈব বাখ্যায কস্যচিত্||২||
विषे प्रतिविषं योज्यं मन्त्रतन्त्रैरसिध्यति| अतीते पञ्चमे वेगे सप्तमस्यानतिक्रमे| प्रभोर्निवेद्य प्रयतो नैव वाख्याय कस्यचित्||२||
🔊 Audio coming soon
শশিলেক ব্যাখ্যা (ইন্দু কৃত)
মন্ত্রৈর্বিষহরৈস্তন্ত্রৈশ্চৌষধাদিভিরসিধ্যতি বিষে প্রতিবিষং বিজাতীযং যোজ্যম্| স্থাবরস্য জঙ্গমং জঙ্গমস্য স্থাবরমিত্যর্থঃ| কদেত্যাহ-পঞ্চমং বেগেঽতীতে অতিক্রান্তে সপ্তমে অনতিক্রান্তে চ সতি| প্রভো রাজ্ঞো নিবেদ্য উক্ত্বা| যথা-অহমস্য বিষেণ মুমূর্ষোস্তৃণীকৃতভূরিমন্ত্রতন্ত্রস্য জীবিতনিরাশবন্ধুবর্গস্য অতিস্তোকমপ্যনাশঙ্ক্যমানপ্রাণপ্রত্যাগমনস্য বিষেণ জীবিতং প্রার্থযিষ্য ইতি| এবমযমস্যাযুঃক্ষযেঽপি বরাকোঽযশসা ন যুজ্যতে| সিদ্ধে তু সুমহদ্যশ আসাদযতি| অথবা নৈব কস্যচিদেবমাখ্যায যদ্যযমস্মৈ বিষং যোক্ষ্যতি তর্হ্যৌষধমাত্রব্যাজেনাপি সিদ্ধৌ যশ এব অসিদ্ধৌ ত্বযশসঃ পূর্বস্মাদিব বিষাত্প্রসঙ্গো নেতি|| ২||
Adhikarana সিদ্ধমন্ত্রত্বমাবশ্যকম্ (৩) · Śloka ৩
সিদ্ধমন্ত্রধরঃ কৃত্বা ধরণীবন্ধমাদিতঃ| নহি মন্ত্রসহাযস্য বিষং যাত্যবিধেযতাম্||৩||
सिद्धमन्त्रधरः कृत्वा धरणीबन्धमादितः| नहि मन्त्रसहायस्य विषं यात्यविधेयताम्||३||
🔊 Audio coming soon
শশিলেক ব্যাখ্যা (ইন্দু কৃত)
সিদ্ধমন্ত্রধরঃ সন্নাদিতো ধরণীবন্ধং প্রদেশরক্ষাং কৃত্বা বিষং যোজযেত্| ধরণীবন্ধহেতুর্ন হি মন্ত্রসহাযস্য ভিষজো বিষমবিধেযতাং যাতীতি|| ৩||
Adhikarana স্থাবরজঙ্গমবিষগুণবিপর্যস্ততা (৪) · Śloka ৪
শ্লেষ্মতুল্যগুণং প্রাযঃ স্থিরমূর্ধ্বগমং বিষম্| প্রাযঃ পিত্তগুণৈর্যুক্তমধোগামি চ জঙ্গমম্| গুণৈরিতি বিপর্যস্তৈর্নিহতস্তে পরস্পরম্| যুঞ্জ্যান্মূলবিষং তস্মাদ্দষ্টানাং পানলেপযোঃ||৪||
श्लेष्मतुल्यगुणं प्रायः स्थिरमूर्ध्वगमं विषम्| प्रायः पित्तगुणैर्युक्तमधोगामि च जङ्गमम्| गुणैरिति विपर्यस्तैर्निहतस्ते परस्परम्| युञ्ज्यान्मूलविषं तस्माद्दष्टानां पानलेपयोः||४||
🔊 Audio coming soon
শশিলেক ব্যাখ্যা (ইন্দু কৃত)
স্থিরং স্থাবরং বিষং গুণৈঃ শ্লেষ্মণস্তুল্যমূর্ধ্বগমঞ্চ| জঙ্গমং বিষং পিত্তেন গুণৈস্তুল্যমধোগামি চ| প্রাযোগ্রহণং বিষযব্যভিচারসূচনার্থম্ ইত্যনেন প্রকারেণ স্থাবরজঙ্গমে বিষে যতো গুণৈর্বিপর্যস্তৈঃ পরস্পরং বিপরীতে অতস্তে বিষং পরস্পরং নিহতঃ স্থাবরেণ জঙ্গমং হন্যতে জঙ্গমেন চ স্থাবরমিতি| তস্মাদ্ধেতোর্দষ্টানাং পানে লেপে চ মূলবিষং যুঞ্জ্যাত্|| ৪||
Adhikarana বিষপীতে সর্পৈঃ দংশনম্ (৫) · Śloka ৫
বিষপীতং চ কুশলো দংশযেত্ পবনাশিভিঃ| ন বিষপ্রতিমং কিঞ্চিন্নির্বিষীকরণং বিষে||৫||
विषपीतं च कुशलो दंशयेत् पवनाशिभिः| न विषप्रतिमं किञ्चिन्निर्विषीकरणं विषे||५||
🔊 Audio coming soon
শশিলেক ব্যাখ্যা (ইন্দু কৃত)
কুশলশ্চ বৈদ্যঃ পবনাশিভিঃ সর্পৈর্বিষপীতং দংশযেত্| বিষেঽন্যতরে দেহস্থিতে তদ্বিপরীতং বিষপ্রতিমং ন কিঞ্চিদন্যন্নির্বিষীকরণং বিদ্যতে|| ৫||
Adhikarana জঙ্গমে মৌলবিষমাত্রা (সর্পবিষে) (৬) · Śloka ৬
চতুর্ভিঃ ষড্ভিরষ্টাভির্হীনমধ্যোত্তমাং যবৈঃ| মাত্রাং বিষস্য মৌলস্য প্রযুঞ্জীত যথাযথম্||৬||
चतुर्भिः षड्भिरष्टाभिर्हीनमध्योत्तमां यवैः| मात्रां विषस्य मौलस्य प्रयुञ्जीत यथायथम्||६||
🔊 Audio coming soon
শশিলেক ব্যাখ্যা (ইন্দু কৃত)
যদা চ জঙ্গমে বিষে মৌলং বিষং প্রযুজ্যতে তদা যথাযথং জঙ্গমাপেক্ষযা হীনমধ্যাধিকাং ত্রিবিধাং মাত্রাং প্রযুঞ্জীত| চতুর্ভির্যবৈর্হীনমাত্রা, ষড্ভির্মধ্যমা, অষ্টাভিরুত্তমা ইতি সর্পদষ্টে|| ৬||
Adhikarana কীটবৃশ্চিকবিষযোর্মৌলমাত্রান্তরম্ (৭) · Śloka ৭
দষ্টস্য দ্বৌ যবৌ কীটৈস্তিলমাত্রং তু বৃশ্চিকৈঃ| নৈব ত্বক্সৃক্স্থে||৭||
दष्टस्य द्वौ यवौ कीटैस्तिलमात्रं तु वृश्चिकैः| नैव त्वक्सृक्स्थे||७||
🔊 Audio coming soon
শশিলেক ব্যাখ্যা (ইন্দু কৃত)
কীটৈর্দষ্টে তু দ্বৌ যবৌ মূলবিষস্য যুঞ্জ্যাত্| বৃশ্চিকৈর্দষ্টে তিলমাত্রম্| অসৃক্স্থিতে বিষে নৈব বিষান্তরং যুঞ্জ্যাত্|| ৭||
Adhikarana লূতাবিষে মৌলবিষং ন পেযম্ (৮) · Śloka ৮
পানে তু লূতাদষ্টস্য নেষ্যতে| প্রচ্ছায লেপযেদ্দংশং তস্য জ্ঞাত্বা সুনিশ্চিতম্| সবিষে যুক্তমমৃতং বিষমেবাঽবিষে বিষম্| অবলে চাতিবলবদ্ব্যাপন্নং চ প্রযোগতঃ||৮||
पाने तु लूतादष्टस्य नेष्यते| प्रच्छाय लेपयेद्दंशं तस्य ज्ञात्वा सुनिश्चितम्| सविषे युक्तममृतं विषमेवाऽविषे विषम्| अबले चातिबलवद्व्यापन्नं च प्रयोगतः||८||
🔊 Audio coming soon
শশিলেক ব্যাখ্যা (ইন্দু কৃত)
লূতাদষ্টস্য পান এব বিষং নেষ্যতে অপিতু সুনিশ্চিতং লূতাদংশং জ্ঞাত্বা প্রচ্ছায লেপযেত্| সুনিশ্চিতত্বজ্ঞানায হেতুঃ সবিষে যুক্তং বিষমমৃতং ভবতি নির্বিষে তু বিষং বিষমেবেতি| তস্মাদ্যদি লূতাদংশঃ সাবিষস্ততো বিষলেপঃ| অন্যহেতুকাশ্চেত্ স্ফোটাদযো ন বিষলেপঃ কার্যঃ| যথাযথং মাত্রামিতি যদুক্তং তদেবোপবৃহ্যতে| অবলে চ বিষে অতিবলং বিষং বিষমেব ন ত্বৌষধম্| প্রযোগবশাত্তু ব্যাপন্নং বিষং বিষমেব ন ত্বমৃতম্|| ৮||
Adhikarana অগদাধিকারঃ (৯) · Śloka ৯
সবিষাবিষশঙ্কাযামগদানুপযোজযেত্| অবিরুদ্ধান্ প্রযুক্তো হি নির্বিষস্যাগদোঽগদঃ| তদ্বচ্চ সবিষস্যাপি ক্রিযাকালাতিপাততঃ| জানীযাদ্বিষসদ্ভাবং ভিষক্তস্মাত্প্রযত্নতঃ||৯||
सविषाविषशङ्कायामगदानुपयोजयेत्| अविरुद्धान् प्रयुक्तो हि निर्विषस्यागदोऽगदः| तद्वच्च सविषस्यापि क्रियाकालातिपाततः| जानीयाद्विषसद्भावं भिषक्तस्मात्प्रयत्नतः||९||
🔊 Audio coming soon
শশিলেক ব্যাখ্যা (ইন্দু কৃত)
যত্র তু সবিষো বা স্যাদবিষো বেত্যাশঙ্কা তত্রাবিরুদ্ধানগদানুপযোজযেত্ ন তু বিষম্| যতো নিশ্চিতং নির্বিষস্যাঽগদো গদো ব্যাধিঃ| তদ্বত্ সবিষস্যাপি ক্রিযাকালাতিপাতে প্রযুক্ত অগদো ব্যাধিঃ| তস্মাত্ ভাবাভাবাভ্যাং মাত্রাদিভিশ্চ যত্নতো বিষসদ্ভাবং জানীযাত্|| ৯||
Adhikarana প্রযোজ্যাপ্রযোজ্যমৌলবিষনির্দেশঃ (১০) · Śloka ১০
সাক্তুকং মুস্তকং শৃঙ্গী বালকং সর্ষপাহ্বযম্| বত্সনাভং চ কর্মণ্যং বিষং স্নিগ্ধং ঘনং গুরু| ন জাত্বন্যত্প্রযোক্তব্যং কালকূটং বিশেষতঃ||১০||
साक्तुकं मुस्तकं शृङ्गी वालकं सर्षपाह्वयम्| वत्सनाभं च कर्मण्यं विषं स्निग्धं घनं गुरु| न जात्वन्यत्प्रयोक्तव्यं कालकूटं विशेषतः||१०||
🔊 Audio coming soon
শশিলেক ব্যাখ্যা (ইন্দু কৃত)
সাক্তুকাদিকং বিষং কর্মণ্যং কর্মণি সাধু স্নিগ্ধাদিগুণঞ্চ এভ্যোন্যন্ন জাতু প্রযোক্তব্যম্| কালকূটং বিশেষতো ন প্রযোক্তব্যম্|| ১০||
Adhikarana বিষেঽবচারিতে কৃত্যম্ (১১) · Śloka ১১
বিষেঽবচারিতে তীক্ষ্ণে পেযং ঘৃতমনন্তরম্| সভার্ঙ্গীদধিধূমোত্থশারিবাতণ্ডুলীযকম্| অগারধূমমঞ্জিষ্ঠাযষ্ট্যাহ্বৈর্বা সমন্বিতম্| লিহ্যাদ্বা মধুসর্পির্ভ্যাং চূর্ণিতামর্জুনত্বচম্||১১||
विषेऽवचारिते तीक्ष्णे पेयं घृतमनन्तरम्| सभार्ङ्गीदधिधूमोत्थशारिवातण्डुलीयकम्| अगारधूममञ्जिष्ठायष्ट्याह्वैर्वा समन्वितम्| लिह्याद्वा मधुसर्पिर्भ्यां चूर्णितामर्जुनत्वचम्||११||
🔊 Audio coming soon
শশিলেক ব্যাখ্যা (ইন্দু কৃত)
তীক্ষ্ণে বিষেঽবচারিতে অনন্তরমব্যবধানেন ঘৃতং পেযম্| কিম্ভূতং ঘৃতমিত্যাহ-সভাঙ্গর্যাদিকমথবাঽগারধূমাদিভিঃ সমন্বিতমথ বা অর্জুনত্বচং চূর্ণিতাং মধুসর্পির্ভ্যাং লিহ্যাত্|| ১১||
Adhikarana বিষপ্রযোগাঃ (১২) · Śloka ১২
ক্ষীরক্ষৌদ্রঘৃতৈর্যুক্তং পীতং হন্তি বিষং বিষম্| সসিন্দুবারতগরং মৃতসঞ্জীবনং বিষম্| শিরীষকুসুমং বক্রং বিষমাখুবিষাপহম্| দেবদারু নতং মাংসী দ্রামিলীবাকুচী বিষম্| কুষ্ঠং চ পানলেপাভ্যাং সমস্তবিষনাশনম্| মনশ্শিলাঞ্জনালৈলা সিন্দুবারামরাহ্বযম্| সরক্তা কুঙ্কুমবিষং ধ্মানং নিস্সংজ্ঞবোধনম্||১২||
क्षीरक्षौद्रघृतैर्युक्तं पीतं हन्ति विषं विषम्| ससिन्दुवारतगरं मृतसञ्जीवनं विषम्| शिरीषकुसुमं वक्रं विषमाखुविषापहम्| देवदारु नतं मांसी द्रामिलीबाकुची विषम्| कुष्ठं च पानलेपाभ्यां समस्तविषनाशनम्| मनश्शिलाञ्जनालैला सिन्दुवारामराह्वयम्| सरक्ता कुङ्कुमविषं ध्मानं निस्संज्ञबोधनम्||१२||
🔊 Audio coming soon
শশিলেক ব্যাখ্যা (ইন্দু কৃত)
ক্ষীরেত্যাদিনা বিষপ্রযোগঃ| বিষস্য মাত্রা তূক্তা| বিষং ক্ষীরাদিভির্যুক্তং পীতং বিষং হন্তি| সিন্দুবারতগরাভ্যাং যুক্তং পীতং বিষং মৃতসঞ্জীবনম্| শিরীষপুষ্পতগরাভ্যাং যুক্তং পীতং বিষমাখু বিষাপহং ভবতি| দেবদার্ব্যাদিভির্যুক্তং পীতং বিষং সমস্তবিষাণাং নাশনম্| মনশ্শিলাদিকং নাসাধ্মানং নিস্সংজ্ঞানাং বোধনম্| অলং হরিতালম্| অমরাহ্বযং দেবদারু| রক্তা মঞ্জিষ্ঠা|| ১২||
Adhikarana দাহে লেপযোগঃ (১৩) · Śloka ১৩
দাহে বিষোদ্ভবে লেপঃ সক্তুক্ষীরঘৃতৈর্হিতঃ||১৩||
दाहे विषोद्भवे लेपः सक्तुक्षीरघृतैर्हितः||१३||
🔊 Audio coming soon
শশিলেক ব্যাখ্যা (ইন্দু কৃত)
বিষোদ্ভবে দাহে সর্বাঙ্গসন্তাপে সক্ত্বাদিভির্লেপো হিতঃ| সক্তবো যবানাম্|| ১৩||
Adhikarana সর্পবিষপ্রযোগঃ (১৪) · Śloka ১৪
যস্তু সংরোষিতো ভোগী ধূমং বক্ত্রাদ্বিমুঞ্চতি| দণ্ডাগ্রে পিশিতং বদ্ধ্বা বহুশস্তেন দংশযেত্| অশক্যমগদৈরন্যৈর্বিষপীতং চিকিত্সকঃ| পাযযেন্মাংসচূর্ণং তং জ্ঞাত্বা বিষবলাবলম্||১৪||
यस्तु संरोषितो भोगी धूमं वक्त्राद्विमुञ्चति| दण्डाग्रे पिशितं बद्ध्वा बहुशस्तेन दंशयेत्| अशक्यमगदैरन्यैर्विषपीतं चिकित्सकः| पाययेन्मांसचूर्णं तं ज्ञात्वा विषबलाबलम्||१४||
🔊 Audio coming soon
শশিলেক ব্যাখ্যা (ইন্দু কৃত)
ক্রোধযিত্বা সর্পমুত্পন্নবক্ত্রধূপং চ কৃত্বা তেন দণ্ডবদ্ধং মাংসং দংশযেত্| তস্য মাংসস্য চুর্ণং পাযযেদ্যো বিষপীতস্তমন্যৈরগদৈরশক্যম্|| ১৪||
Adhikarana অন্যরোগেষু রসাযনেষ্বপি চ বিষপ্রযোগনির্দেশঃ (১৫) · Śloka ১৫
অন্যেষ্বপি চ রোগেষু শেষোপাযপরিক্ষযে| বিষং যুঞ্জীত নিত্যং চ রসাযনগবেষিণঃ||১৫||
अन्येष्वपि च रोगेषु शेषोपायपरिक्षये| विषं युञ्जीत नित्यं च रसायनगवेषिणः||१५||
🔊 Audio coming soon
শশিলেক ব্যাখ্যা (ইন্দু কৃত)
ন কেবলে বিষ এব বিষং যোজ্যং যাবদ্বিষাচ্ছেষাণামুপাযানাং পরিক্ষযে অসিদ্ধাবন্যেষ্বপি রোগেষু বিষং যোজ্যম্| যস্তু রসাযনগবেষী রসাযনমভিলষতি তস্য নিত্যং বিষং যোজ্যম্|| ১৫||
Adhikarana বিষপ্রযোগার্হঃ তদর্থমাব শ্যকমৃত্বাদি (১৬) · Śloka ১৬
ঘৃতোপস্কৃতদেহস্য বিশুদ্ধস্য হিতাশিনঃ| সাত্ত্বিকস্যোদিতে ভানৌ যোজ্যং শীতবসন্তযোঃ| গ্রীষ্মেঽপ্যাত্যযিকে ব্যাধৌ||১৬||
घृतोपस्कृतदेहस्य विशुद्धस्य हिताशिनः| सात्त्विकस्योदिते भानौ योज्यं शीतवसन्तयोः| ग्रीष्मेऽप्यात्ययिके व्याधौ||१६||
🔊 Audio coming soon
শশিলেক ব্যাখ্যা (ইন্দু কৃত)
ঘৃতোপস্কৃতাদিদেহস্য শীতবসন্তযোর্ভানাবুদিতে সূর্যোদযে প্রাতর্বিষং যোজ্যম্| আত্যযিকে তু ব্যাধৌ গ্রীষ্মেঽপি যোজ্যম্|| ১৬||
Adhikarana বিষানর্হাঃ ঋত্বাদি (১৭) · Śloka ১৭
ংঅ চ বর্ষাসু দুর্দিনে| ন ক্রোধনে ন পিত্তার্ত্তে ন ক্লীবে রাজনি দ্বিজে| ক্ষুত্তৃষ্ণাশ্রমঘর্মাধ্বব্যাধ্যন্তরনিপীডিতে| গর্ভিণীবালবৃদ্ধেষু ন রূক্ষেষু ন মর্মসু||১৭||
ंअ च वर्षासु दुर्दिने| न क्रोधने न पित्तार्त्ते न क्लीबे राजनि द्विजे| क्षुत्तृष्णाश्रमघर्माध्वव्याध्यन्तरनिपीडिते| गर्भिणीबालवृद्धेषु न रूक्षेषु न मर्मसु||१७||
🔊 Audio coming soon
শশিলেক ব্যাখ্যা (ইন্দু কৃত)
বর্ষাসু দুর্দিনে চ বিষং ন যোজ্যম্| ক্রোধনাদিকে চ পুরুষে ন যোজ্যম্| তথা ক্ষুধাদিভির্নিপীডতে| ব্যাধ্যন্তরং বিষবিষযাদন্যো ব্যাধিঃ| সুবোধম্|| ১৭||
Adhikarana বিষপ্রযোগে বর্জনীযানি অন্যথা ব্যাপদশ্চ (১৮) · Śloka ১৮
অভ্যস্তেঽপি বিষে যত্নাদ্বর্জনীযান্ বিবর্জযেত্| কট্বম্লতৈললবণদিবাস্বপ্নাতপানলান্| রূক্ষমন্নং বিশেষেণ ভযং বাঽজীর্ণতঃ সদাঃ| দৃগ্বিভ্রমং কর্ণরুজামন্যাংশ্চানিলজান্ গদান্| বিষং রূক্ষাশিনঃ কুর্যান্মৃত্যুমেব ত্বজীর্ণতঃ||১৮||
अभ्यस्तेऽपि विषे यत्नाद्वर्जनीयान् विवर्जयेत्| कट्वम्लतैललवणदिवास्वप्नातपानलान्| रूक्षमन्नं विशेषेण भयं वाऽजीर्णतः सदाः| दृग्विभ्रमं कर्णरुजामन्यांश्चानिलजान् गदान्| विषं रूक्षाशिनः कुर्यान्मृत्युमेव त्वजीर्णतः||१८||
🔊 Audio coming soon
শশিলেক ব্যাখ্যা (ইন্দু কৃত)
বিষে অভ্যস্তে অপি সাত্ম্যীভূতেঽপি বর্জনীযান্ যত্নাদ্বিবর্জযেত্| বিশেষেণ তু রূক্ষমন্নম্| কিং তদিত্যাহ-কট্বম্লেত্যাদি| অজীর্ণতো বিশেষেণ ভযং গৃহীতব্যম্| রূক্ষাশিনো নরস্য বিষং দৃগ্বিভ্রমাদীন্ কুর্যাত্| অজীর্ণাত্তু মৃত্যুমেব|| ১৮||
Adhikarana হরিতালপ্রযোগঃ (১৯) · Śloka ১৯
অলং গোমূত্রসংযুক্তমাতপে শোষযেত্ত্র্যহম্| বিষং বৃংহণমেতদ্ধি বিষস্যাদৌ প্রশস্যতে| তত্পিবেন্মস্তুনা বাতজ্বরে ক্ষীরেণ পৈত্তিকে| যুক্তং মূত্রেণ কফজে সর্বজে ত্রিফলাম্ভসা||১৯||
अलं गोमूत्रसंयुक्तमातपे शोषयेत्त्र्यहम्| विषं बृंहणमेतद्धि विषस्यादौ प्रशस्यते| तत्पिबेन्मस्तुना वातज्वरे क्षीरेण पैत्तिके| युक्तं मूत्रेण कफजे सर्वजे त्रिफलाम्भसा||१९||
🔊 Audio coming soon
শশিলেক ব্যাখ্যা (ইন্দু কৃত)
হরিতালস্য ভাবনাপ্রযোগশ্চ সুবোধঃ| তদিতি ভাবিতং হরিতালম্| সর্বজে সন্নিপাতজে|| ১৯||
Adhikarana বিষমজ্বরে সবিষযোগাঃ (২০) · Śloka ২০
লোধ্রচন্দনষড্গ্রন্থাশর্করাঘৃতমাক্ষিকৈঃ| ক্ষীরেণ চ বিষং যুক্তং জীর্ণজ্বরহরং পরম্| নিকুম্ভকুম্ভত্রিফলাসর্পির্মধুবিষৈঃ কৃতঃ| নিহন্তি মোদকো জীর্ণজ্বরমেহত্বগামযান্| শিখিকর্কিরসোপেতং বিষমজ্বরজিদ্বিষম্||২০||
लोध्रचन्दनषड्ग्रन्थाशर्कराघृतमाक्षिकैः| क्षीरेण च विषं युक्तं जीर्णज्वरहरं परम्| निकुम्भकुम्भत्रिफलासर्पिर्मधुविषैः कृतः| निहन्ति मोदको जीर्णज्वरमेहत्वगामयान्| शिखिकर्किरसोपेतं विषमज्वरजिद्विषम्||२०||
🔊 Audio coming soon
শশিলেক ব্যাখ্যা (ইন্দু কৃত)
লোধ্রাদিভির্যুক্তং বিষং পরং জীর্ণজ্বরহরম্| নিকুম্ভাদিভিঃ কৃতো মোদকো জীর্ণজ্বরাদিকং হন্তি| শিখিকর্কিরসযুক্তং বিষং বিষমজ্বরং জযতি| শিখী চিত্রকঃ| কর্কী কর্কটশৃঙ্গী|| ২০||
Adhikarana রক্তপিত্তে সবিষযোগঃ (২১) · Śloka ২১
বিষং যষ্ট্যাহ্বযং রাস্না সেব্যমুত্পলকন্দকম্| তণ্ডুলোদকপীতানি রক্তপিত্তস্য ভেষজম্||২১||
विषं यष्ट्याह्वयं रास्ना सेव्यमुत्पलकन्दकम्| तण्डुलोदकपीतानि रक्तपित्तस्य भेषजम्||२१||
🔊 Audio coming soon
শশিলেক ব্যাখ্যা (ইন্দু কৃত)
বিষাদিকং তণ্ডুলোদকেন পীতং রক্তপিত্তস্য ভেষজং ভবতি||২১||
Adhikarana দুষ্টব্রণে বিষযোগঃ (২২) · Śloka ২২
বিষং রসাঞ্জনং ভার্ঙ্গী বৃশ্চিকালী মহাসহা| সবেদনে সপাকে চ ব্রণে দুষ্টে প্রলেপনম্||২২||
विषं रसाञ्जनं भार्ङ्गी वृश्चिकाली महासहा| सवेदने सपाके च व्रणे दुष्टे प्रलेपनम्||२२||
🔊 Audio coming soon
শশিলেক ব্যাখ্যা (ইন্দু কৃত)
বিষাদিকং বেদনাদিযুক্তে দুষ্টব্রণে লেপনং যোজ্যম্|| ২২||
Adhikarana ছর্দ্যাং বিষযোগঃ (২৩) · Śloka ২৩
সিতাবিষক্ষীরতরুপ্রবালা মধুনা দ্রুতাঃ| শ্বাসহিধ্মাপহা লীঢাশ্ছর্দিঘ্ন্যস্তু বিষান্বিতাঃ| ক্ষৌদ্রোশীরমধুক্ষাররজনীকুটজত্বচঃ||২৩||
सिताविषक्षीरतरुप्रवाला मधुना द्रुताः| श्वासहिध्मापहा लीढाश्छर्दिघ्न्यस्तु विषान्विताः| क्षौद्रोशीरमधुक्षाररजनीकुटजत्वचः||२३||
🔊 Audio coming soon
শশিলেক ব্যাখ্যা (ইন্দু কৃত)
সিতাদিকং মধুনা লীঢং শ্বাসহিধ্মাহরম্| বিষান্বিতং ক্ষৌদ্রাদিকং লীঢং ছর্দিঘ্নম্| মধু যষ্টীমধু|| ২৩||
Adhikarana দুর্নামাদৌ বিষযোগঃ (২৪) · Śloka ২৪
বিজযাপিপ্পলীমূলপিপ্পলীদ্বযচিত্রকৈঃ| পুষ্করাহ্বশঠীদ্রাক্ষাযবানীক্ষারদীপ্যকৈঃ| সিতাযষ্টীদ্বিবৃহতীসৈন্ধবৈঃ পালিকৈঃ পচেত্| সবিষার্দ্ধপলৈঃ প্রস্থং ঘৃতাত্তজ্জীর্ণভুক্পিবেত্| দুর্নামে হতুগুল্মার্মতিমিরক্রিমিপাণ্ডুতাঃ| গলগ্রহগ্রহোন্মাদকুষ্ঠানি চ নিযচ্ছতি||২৪||
विजयापिप्पलीमूलपिप्पलीद्वयचित्रकैः| पुष्कराह्वशठीद्राक्षायवानीक्षारदीप्यकैः| सितायष्टीद्विबृहतीसैन्धवैः पालिकैः पचेत्| सविषार्द्धपलैः प्रस्थं घृतात्तज्जीर्णभुक्पिबेत्| दुर्नामे हतुगुल्मार्मतिमिरक्रिमिपाण्डुताः| गलग्रहग्रहोन्मादकुष्ठानि च नियच्छति||२४||
🔊 Audio coming soon
শশিলেক ব্যাখ্যা (ইন্দু কৃত)
বিজযাদিভিঃ পালিকৈর্বিষার্দ্ধপলযুক্তৈর্ঘৃতপ্রস্থং পচেত্| তদ্ঘৃতং জীর্ণভুক্পিবেত্ (জীর্ণং শীর্ণশাল্যন্নম্)| তচ্চ দুর্নামাদীনি নিযচ্ছতি নাশযতি|| ২৪||
Adhikarana উদাবর্তাদৌ বিষযোগঃ (২৫) · Śloka ২৫
কৃচ্ছ্রঘ্নাবিষপথ্যাগ্নিদন্তীদ্রাক্ষানিশাবিষাঃ| শিলাজতু বিষং মূত্রমুদাবর্তাশ্মরীহরম্||২৫||
कृच्छ्रघ्नाविषपथ्याग्निदन्तीद्राक्षानिशाविषाः| शिलाजतु विषं मूत्रमुदावर्ताश्मरीहरम्||२५||
🔊 Audio coming soon
শশিলেক ব্যাখ্যা (ইন্দু কৃত)
বিষাদীন্যতিবিষান্তানি মূত্রকৃচ্ছ্রঘ্নানি| মূত্রশিলাজতুভ্যাং যুক্তং বিষমুদাবর্তাশ্মরীহরম্|| ২৫||
Adhikarana অশ্মর্যাং বিষযোগঃ (২৬) · Śloka ২৬
গোমূত্রক্ষারসিন্ধূত্থং বিষং পাষাণভেদকম্| বজ্রবদ্দারযত্যেতদেকতঃ পীতমশ্মরীম্||২৬||
गोमूत्रक्षारसिन्धूत्थं विषं पाषाणभेदकम्| वज्रवद्दारयत्येतदेकतः पीतमश्मरीम्||२६||
🔊 Audio coming soon
শশিলেক ব্যাখ্যা (ইন্দু কৃত)
গোমূত্রাদিকমেকতঃ পীতং বজ্রবদশ্মরীং দারযতি| 'গোমূত্রক্ষীরসিন্ধূত্থমি' তি চ পাঠঃ|| ২৬||
Adhikarana শূলে বিষযোগঃ (২৭) · Śloka ২৭
সমূলা পিপ্পলী মূত্রং বিষং শূলহরং তথা| বিষদ্রবন্তীমধুকদ্রাক্ষারাস্নাশঠীকণাঃ||২৭||
समूला पिप्पली मूत्रं विषं शूलहरं तथा| विषद्रवन्तीमधुकद्राक्षारास्नाशठीकणाः||२७||
🔊 Audio coming soon
শশিলেক ব্যাখ্যা (ইন্দু কৃত)
সমূলা মূলযুক্তা পিপ্পলী| পিপ্পলীমূলং মূত্রং বিষং চেতি শূলহরম্| তথৈব বিষদ্রবন্ত্যাদিকম্|| ২৭||
Adhikarana বৃদ্ধৌ বিষযোগঃ (২৮) · Śloka ২৮
এরণ্ডতৈলং ত্রিফলা গোমূত্রং চিত্রকো বিষম্| সর্পিষা সহিতং পীতং বাতাণ্ডত্বমপোহতি||২৮||
एरण्डतैलं त्रिफला गोमूत्रं चित्रको विषम्| सर्पिषा सहितं पीतं वाताण्डत्वमपोहति||२८||
🔊 Audio coming soon
শশিলেক ব্যাখ্যা (ইন্দু কৃত)
এরণ্ডতৈলাদিকং সর্পিষা সহিতং পীতং বাতাণ্ডত্বং বাতবৃদ্ধিমপোহতি নাশযতি|| ২৮||
Adhikarana গুল্মাদৌ বিষযোগঃ (২৯) · Śloka ২৯
ত্রিফলাস্বর্জিকাক্ষারো বিষং গুল্মপ্রভেদনম্| বিষবেল্লমিসিক্ষীরং গুল্মপ্লীহনিবর্হণম্||২৯||
त्रिफलास्वर्जिकाक्षारो विषं गुल्मप्रभेदनम्| विषवेल्लमिसिक्षीरं गुल्मप्लीहनिबर्हणम्||२९||
🔊 Audio coming soon
শশিলেক ব্যাখ্যা (ইন্দু কৃত)
ত্রিফলাদিকং গুল্মস্য প্রভেদনং বিদারণং ভবতি| বিষাদিকং গুল্মপ্লীহ্নোর্নিবর্হণং নাশনম্| প্লীহা প্লীহোদরম্|| ২৯||
Adhikarana প্লীহোদরে বিষযোগঃ (৩০) · Śloka ৩০
প্লীহোদরঘ্নং পযসা শতাহ্বা ক্রিমিজিদ্বিষম্||৩০||
प्लीहोदरघ्नं पयसा शताह्वा क्रिमिजिद्विषम्||३०||
🔊 Audio coming soon
শশিলেক ব্যাখ্যা (ইন্দু কৃত)
পযসা ক্ষীরেণ যুক্তং শতাহ্বাদিকং প্লীহোদরঘ্নং ভবতি| ক্রিমিজিদ্বিডঙ্গম্|| ৩০||
Adhikarana কুষ্ঠে বিষযোগঃ (৩১) · Śloka ৩১
বাযসীমূলনিষ্ক্বাথপীতং কুষ্ঠহরং বিষম্||৩১||
वायसीमूलनिष्क्वाथपीतं कुष्ठहरं विषम्||३१||
🔊 Audio coming soon
শশিলেক ব্যাখ্যা (ইন্দু কৃত)
বাযস্যাঃ কাকোদুম্বরিকাযাঃ মূলানাং ক্বাথেন পীতং বিষং কুষ্ঠহরম্|| ৩১||
Adhikarana কুষ্ঠে বিষযোগান্তরম্ (৩২) · Śloka ৩২
বাযস্যা রাজবৃক্ষত্বক্ত্রাযন্তী বাকুচীফলাত্| প্লীহঘ্নেভকণাভ্যাঞ্চ বিষং ক্বাথেন কুষ্ঠজিত্| অবল্গুজৈডগজযোর্বীজং ক্ষারদ্বযং বিষম্| লেপঃ সসৈন্ধবঃ পিষ্টো বারিণা কুষ্ঠনাশনঃ| চিত্রকার্কজটাহস্তিপিপ্পলীবাকুচীবিষৈঃ| গোমূত্রপিষ্টৈরন্যোঽন্যোমনোহ্বাস্নুক্পযোবিষৈঃ| সচন্দ্রলেখৈডগজকরঞ্জফলসৈন্ধবঃ| সব্যোষস্বর্জিকাক্ষারযবক্ষারনিশাদ্বযৈঃ| অগারধূমসহিতৈর্বস্তমূত্রেণ কল্কিতঃ||৩২||
वायस्या राजवृक्षत्वक्त्रायन्ती बाकुचीफलात्| प्लीहघ्नेभकणाभ्याञ्च विषं क्वाथेन कुष्ठजित्| अवल्गुजैडगजयोर्बीजं क्षारद्वयं विषम्| लेपः ससैन्धवः पिष्टो वारिणा कुष्ठनाशनः| चित्रकार्कजटाहस्तिपिप्पलीबाकुचीविषैः| गोमूत्रपिष्टैरन्योऽन्योमनोह्वास्नुक्पयोविषैः| सचन्द्रलेखैडगजकरञ्जफलसैन्धवः| सव्योषस्वर्जिकाक्षारयवक्षारनिशाद्वयैः| अगारधूमसहितैर्बस्तमूत्रेण कल्कितः||३२||
🔊 Audio coming soon
শশিলেক ব্যাখ্যা (ইন্দু কৃত)
বাযস্যাদীনাং ক্বাথেন পীতং বিষং কুষ্ঠজিত্| প্লীহঘ্নো রোহিষঃ| ইভকণা হস্তিপিপ্পলী| অবল্গুজবীজাদীনি বারিণা পিষ্টানি তৈঃ সৈন্ধবযুক্তো লেপঃ কুষ্ঠনাশনঃ স্যাত্| অবল্গুজঃ সোমরাজী| এডগজঃ প্রপুন্নাটঃ| অন্যো লেপশ্চিত্রকাদিভির্গোমূত্রপিষ্টৈর্ভবতি| চিত্রকার্কযোর্মূলম্| অন্যো লেপো মনোহ্বাদিভিরগারধূমান্তৈর্বস্তস্যাবের্মূত্রেণ কল্কিতৈর্ভবতি| মনোহ্বা মনশ্শিলা| স্নুক্পযঃ সুধাক্ষীরম্| চন্দ্রলেখাসোমরাজী|| ৩২||
Adhikarana বিচর্চিকাদৌ বিষযোগঃ (৩৩) · Śloka ৩৩
ভল্লাতকাগ্নিশম্যাকবিষৈর্গোমূত্রপেষিতৈঃ| লেপো বিচর্চিকাদদ্রুশতারুঃকিটিভাপহঃ| শম্যাকপত্রত্বঙ্মূলং বিষং তক্রং চ তদ্গুণম্||৩৩||
भल्लातकाग्निशम्याकविषैर्गोमूत्रपेषितैः| लेपो विचर्चिकादद्रुशतारुःकिटिभापहः| शम्याकपत्रत्वङ्मूलं विषं तक्रं च तद्गुणम्||३३||
🔊 Audio coming soon
শশিলেক ব্যাখ্যা (ইন্দু কৃত)
ভল্লাতকাদিভির্গোমূত্রপেষিতৈর্লেপো বিচর্চিকাদ্যাপহঃ| ভল্লাতকোঽরুষ্করঃ| অগ্নিশ্চিত্রকঃ| শম্যাকস্যারগ্বধস্য পত্রাদিকং তক্রপেষিতং তদ্গুণং ভল্লাতকাদিগুণং বিচর্চিকাদিঘ্নমিত্যর্থঃ||৩৩||
Adhikarana শ্বিত্রাদৌ বিষযোগঃ (৩৪) · Śloka ৩৪
বিষভল্লাতকদ্বীপি গুঞ্জানিম্বফলৈর্জযেত্| লেপোঽম্লপিষ্টৈঃ শ্বিত্রাণি পুণ্ডরীকঞ্চ দারুণম্| বক্রকুষ্ঠরসদ্বীপিস্পৃক্কাপত্রৈলবালুকম্| পিষ্টং খদিরতোযেন ত্রিরাত্রমুষিতং পিবেত্| শ্বিত্রী বিষেণ সংসৃষ্টং ততঃ স্ফোটান্ কিলাসজান্| কণ্টকেন বিভিদ্যানুলেপৈর্লিম্পেত কৌষ্ঠিকৈঃ| অথবা করবীরার্কমূলবাকুচিকাবিষৈঃ| বস্তাম্বুপিষ্টৈঃ সদ্বীপিদ্বিপপিপ্পল্যরুষ্করৈঃ||৩৪||
विषभल्लातकद्वीपि गुञ्जानिम्बफलैर्जयेत्| लेपोऽम्लपिष्टैः श्वित्राणि पुण्डरीकञ्च दारुणम्| वक्रकुष्ठरसद्वीपिस्पृक्कापत्रैलवालुकम्| पिष्टं खदिरतोयेन त्रिरात्रमुषितं पिबेत्| श्वित्री विषेण संसृष्टं ततः स्फोटान् किलासजान्| कण्टकेन विभिद्यानुलेपैर्लिम्पेत कौष्ठिकैः| अथवा करवीरार्कमूलबाकुचिकाविषैः| बस्ताम्बुपिष्टैः सद्वीपिद्विपपिप्पल्यरुष्करैः||३४||
🔊 Audio coming soon
শশিলেক ব্যাখ্যা (ইন্দু কৃত)
বিষাদিভিরম্লৈঃ কাঞ্জিকাদিভিঃ পিষ্টৈর্লেপঃ শ্বিত্রাণি জযেত্| দারুণং পুণ্ডরীকাখ্যং কুষ্ঠঞ্চ| দ্বীপিশ্চিত্রকঃ| গুঞ্জানিম্বযোঃ ফলম্| বক্রাদিকং খদিরতোযেন পিষ্টং ত্রিরাত্রমুষিতং বিষেণ সংসৃষ্টং কৃত্বা শ্বিত্রী পিবেত্| রসঃ সর্জরসঃ বোলশ্চ| ততস্তেন কিলাসে যে স্ফোটা জাযন্তে তান্ কণ্টকেন বিভিদ্যানু পশ্চাত্ কুষ্ঠোক্তৈর্লেপৈর্লিম্পেত্| অথবা স্ফোটেষু ভিন্নেষু করবীরাদিভিররুষ্করান্তৈর্বস্তমূত্রেণ পিষ্টৈর্লিম্পেত্| দ্বিপপিপ্পলী হস্তিপিপ্পলী|| ৩৪||
Adhikarana সবর্ণীকরণম্ (৩৫) · Śloka ৩৫
লাক্ষাসুরাহ্বামঞ্জিষ্ঠাকুষ্ঠপদ্মকশারিবাঃ| গুঞ্জাফলং কুরবকো লাঙ্গলী বজ্রকন্দকঃ| বারাহীকন্দকাস্ফোতা সপ্তাহ্বগিরিকর্ণিকাঃ| অর্কাশ্বমারযোর্মূলং নাগপুষ্পং নতং নিশে| দন্তী বিষং সাতিবিষং পিপ্পলী মরিচানি চ| তৈস্তৈলং কটুতৈলং বা শ্বিত্রস্যাভ্যঞ্জনং পচেত্| সবর্ণীকরণং শ্রেষ্ঠমাস্তিকস্য বচো যথা||৩৫||
लाक्षासुराह्वामञ्जिष्ठाकुष्ठपद्मकशारिवाः| गुञ्जाफलं कुरवको लाङ्गली वज्रकन्दकः| वाराहीकन्दकास्फोता सप्ताह्वगिरिकर्णिकाः| अर्काश्वमारयोर्मूलं नागपुष्पं नतं निशे| दन्ती विषं सातिविषं पिप्पली मरिचानि च| तैस्तैलं कटुतैलं वा श्वित्रस्याभ्यञ्जनं पचेत्| सवर्णीकरणं श्रेष्ठमास्तिकस्य वचो यथा||३५||
🔊 Audio coming soon
শশিলেক ব্যাখ্যা (ইন্দু কৃত)
লাক্ষাদিভির্মরিচান্তৈস্তৈলং কটুতৈলং বা শ্বিত্রস্যাভ্যঞ্জনং পচেত্| এতচ্ছ্রেষ্ঠং সবর্ণীকরণম্| সুবোধম্|| ৩৫||
Adhikarana গর্ভপাতনে প্রলেপঃ (৩৬) · Śloka ৩৬
বীরালাঙ্গলিকীদন্তীবিষপাষাণভেদকৈঃ| প্রযোজ্যো মূঢগর্ভাণাং প্রলেপো গর্ভমোচনঃ||৩৬||
वीरालाङ्गलिकीदन्तीविषपाषाणभेदकैः| प्रयोज्यो मूढगर्भाणां प्रलेपो गर्भमोचनः||३६||
🔊 Audio coming soon
শশিলেক ব্যাখ্যা (ইন্দু কৃত)
বীরাদিভিঃ প্রলেপো মূঢগর্ভাণাং গর্ভপাতনঃ প্রযোজ্যঃ|| ৩৬||
Adhikarana বন্ধ্যত্বহরণযোগঃ (৩৭) · Śloka ৩৭
স্বরসং বীজপূরস্য বচাং ব্রাহ্মীরসং ঘৃতম্| বন্ধ্যা পিবন্তী সবিষং সুপুত্রৈঃ পরিবার্যতে||৩৭||
स्वरसं बीजपूरस्य वचां ब्राह्मीरसं घृतम्| वन्ध्या पिबन्ती सविषं सुपुत्रैः परिवार्यते||३७||
🔊 Audio coming soon
শশিলেক ব্যাখ্যা (ইন্দু কৃত)
বীজপূরস্বরসাদিকং সবিষং বিষসহিতং পিবন্তী বন্ধ্যা স্ত্রী সুপুত্রৈঃ পরিবার্যতে|| ৩৭||
Adhikarana নষ্টশুক্রযোগঃ (৩৮) · Śloka ৩৮
নষ্টশুক্রঃ পযোদ্রাক্ষাকপিকচ্ছুবচাবিষম্||৩৮||
नष्टशुक्रः पयोद्राक्षाकपिकच्छुवचाविषम्||३८||
🔊 Audio coming soon
শশিলেক ব্যাখ্যা (ইন্দু কৃত)
যস্তু নষ্টশুক্রঃ স দ্রাক্ষাদিযুক্তং পয উপযুঞ্জীতেত্যর্থঃ|| ৩৮||
Adhikarana নেত্ররোগেষু বিষোপযোগঃ (৩৯) · Śloka ৩৯
বিষং সর্পিঃ সিতাক্ষৌদ্রং তিমিরাপহমঞ্জনম্| বিষং চৈকমজাক্ষীরকল্কিতং ঘৃতধূপিতম্| বিষং ধাত্রীফলরসৈরসকৃত্ পরিভাবিতম্| অঞ্জনং শঙ্খসহিতং প্রগাঢতিমিরপ্রণুত্| বিষমিন্দ্রাযুধং স্তন্যে ঘৃষ্টং কাচজিদঞ্জনম্| বীজপূররসে ঘৃষ্টং বিষং তদ্বত্সিতাযুতম্| বিষং মাগধিকা দ্বে চ নিশে কাচঘ্নমঞ্জনম্| শুক্লার্মজিদ্বিষং কৃষ্ণাযুক্তং গোমূত্রভাবিতম্| সমুদ্রফেনস্ফটিককুরুবিন্দসুধাঞ্জনম্| কূর্মপৃষ্ঠঞ্চ তুল্যানি তেভ্যোঽর্দ্ধাংশা মনশ্শিলা| অর্দ্ধহীনানি মরিচসৈন্ধবাযোরজাংসি চ| অতো যথোত্তরং দদ্যাদযসা চ সমং বিষম্| রসক্রিযেযং মধুনা শুক্লপিল্লার্মকাচহৃত্| অভীক্ষ্ণং শীততোযেন সিঞ্চেন্নেত্রে বিষাঞ্জিতে| রসোনকন্দমরিচবিষসর্ষপসৈন্ধবৈঃ| পিল্লেঽক্ষি লিখিতং পূর্বং সুরসারসপেষিতঃ| পূরযেত্ সর্পিষা চানু সর্পিরেব চ পাযযেত্| মধূকসারমধুকবিষক্ষীরজলৈর্ঘৃতম্| পক্বং সন্তর্পণং শ্রেষ্ঠং রাত্র্যন্ধত্বে চিরোত্থিতে||৩৯||
विषं सर्पिः सिताक्षौद्रं तिमिरापहमञ्जनम्| विषं चैकमजाक्षीरकल्कितं घृतधूपितम्| विषं धात्रीफलरसैरसकृत् परिभावितम्| अञ्जनं शङ्खसहितं प्रगाढतिमिरप्रणुत्| विषमिन्द्रायुधं स्तन्ये घृष्टं काचजिदञ्जनम्| बीजपूररसे घृष्टं विषं तद्वत्सितायुतम्| विषं मागधिका द्वे च निशे काचघ्नमञ्जनम्| शुक्लार्मजिद्विषं कृष्णायुक्तं गोमूत्रभावितम्| समुद्रफेनस्फटिककुरुविन्दसुधाञ्जनम्| कूर्मपृष्ठञ्च तुल्यानि तेभ्योऽर्द्धांशा मनश्शिला| अर्द्धहीनानि मरिचसैन्धवायोरजांसि च| अतो यथोत्तरं दद्यादयसा च समं विषम्| रसक्रियेयं मधुना शुक्लपिल्लार्मकाचहृत्| अभीक्ष्णं शीततोयेन सिञ्चेन्नेत्रे विषाञ्जिते| रसोनकन्दमरिचविषसर्षपसैन्धवैः| पिल्लेऽक्षि लिखितं पूर्वं सुरसारसपेषितः| पूरयेत् सर्पिषा चानु सर्पिरेव च पाययेत्| मधूकसारमधुकविषक्षीरजलैर्घृतम्| पक्वं सन्तर्पणं श्रेष्ठं रात्र्यन्धत्वे चिरोत्थिते||३९||
🔊 Audio coming soon
শশিলেক ব্যাখ্যা (ইন্দু কৃত)
বিষাদিকং তিমিরাপহমঞ্জনম্| একং কেবলং বিষমজাক্ষীরকল্কিতং ঘৃতধূপিতং চ শব্দাদঞ্জনম্| আমলকরসেনাসকৃদনেকবারং ভাবিতং বিষং শঙ্খেন যুক্তমঞ্জনং প্রগাঢং ঘনং তিমিরং প্রণুদতি| ইন্দ্রাযুধনামকং বিষং স্তন্যে ঘৃষ্টমঞ্জনং কাচজিদ্ ভবতি| বীজপূররসে ঘৃষ্টং বিষং সশর্করং তদ্বদিতি কাচজিদঞ্জনম্| তথৈব মাগধিকাদিভির্যুক্তং বিষমঞ্জনম্| পিপ্পলীযুক্তং বিষং গোমূত্রভাবিতং শুক্লজিদর্মজিচ্চাঞ্জনম্| সমুদ্রফেনাদীনি কূর্মপৃষ্ঠান্তানি পরস্পরতুল্যানি| তেভ্য একীকৃতেভ্যোঽর্দ্ধাংশা মনশ্শিলা| মরিচাদীনি যথোত্তরমর্দ্ধহীনানি| তেন মনশ্শিলাযা অর্দ্ধেন হীনং মরিচম্| তস্যার্দ্ধেন হীনং সৈন্ধবম্| তস্যার্দ্ধেনাঽযোরজঃ| অযোরজসা সমং বিষম্| মধুনা মাক্ষিকেণ কৃতেযং রসক্রিযা শুক্রাদিহৃত্| কুরুবিন্দো মুস্তঃ| বিষপ্রযোগাদঞ্জিতে শীততোযেনাভীক্ষ্ণং সিঞ্চেত্| পিল্লেঽক্ষি লিখিত্বা লশুনকন্দাদিভিঃ সুরসারসপেষিতৈঃ পূর্বং পূরযেত্| পশ্চাচ্চ সর্পিষা পূরযেত্| সর্পিরেব পাযযেচ্চ| সুরসা মূর্বা| মধূকসারাদিভির্ঘৃতং পক্বং চিরোত্থিতে রাত্র্যন্ধত্বে শ্রেষ্ঠং সন্তর্পণম্|| ৩৯||
Adhikarana শিরোরুজি সবিষযোগঃ (৪০) · Śloka ৪০
নস্যং শিরোরুক্শমনং প্রত্যক্পুষ্পী সিতা বিষম্| অথবা ঘৃতযষ্ট্যাহ্বশর্করাবিষসংযুতাঃ||৪০||
नस्यं शिरोरुक्शमनं प्रत्यक्पुष्पी सिता विषम्| अथवा घृतयष्ट्याह्वशर्कराविषसंयुताः||४०||
🔊 Audio coming soon
শশিলেক ব্যাখ্যা (ইন্দু কৃত)
প্রত্যক্পুষ্প্যাদিকং নস্যং শিরুরুজাং শমনং নাশনম্| অথবা ঘৃতাদিকং বিষসংযুতং নস্যং শিরোরুক্শমনম্| প্রত্যক্পুষ্প্যপামার্গঃ||৪০||
Adhikarana পূতিনাসাযাং যোগঃ (৪১) · Śloka ৪১
শুণ্ঠী পথ্যা বিষং পাঠা দ্রবন্তী পূতিনাসজিত্||৪১||
शुण्ठी पथ्या विषं पाठा द्रवन्ती पूतिनासजित्||४१||
🔊 Audio coming soon
শশিলেক ব্যাখ্যা (ইন্দু কৃত)
শুণ্ঠ্যাদিকং নস্যং পূতিনাসজিত্|| ৪১||
Adhikarana পলিতাদৌ বিষযোগঃ (৪২) · Śloka ৪২
কটুতৈলং বিষং নস্যং পলিতারূংষিকাপহম্||৪২||
कटुतैलं विषं नस्यं पलितारूंषिकापहम्||४२||
🔊 Audio coming soon
শশিলেক ব্যাখ্যা (ইন্দু কৃত)
কটুতৈলাদি সুবোধম্|| ৪২||
Adhikarana কর্ণশূলে বিষযোগঃ (৪৩) · Śloka ৪৩
স্বর্জিকাক্ষারসিন্ধূত্থশুক্তযুক্তং বিষং পরম্| কর্ণযোঃ পূরণং তীব্রকর্ণশূলনিবর্হণম্||৪৩||
स्वर्जिकाक्षारसिन्धूत्थशुक्तयुक्तं विषं परम्| कर्णयोः पूरणं तीव्रकर्णशूलनिबर्हणम्||४३||
🔊 Audio coming soon
শশিলেক ব্যাখ্যা (ইন্দু কৃত)
স্বর্জিকাক্ষারাদিকং কর্ণপূরণং পরং তীব্রকর্ণশূলনিবর্হণম্||৪৩||
Adhikarana মুখামযেষু বিষযোগঃ (৪৪) · Śloka ৪৪
প্রপৌণ্ডরীকমঞ্জিষ্ঠাবিষসিন্ধুসমুদ্ভবৈঃ| নিহন্তি সাধিতং তৈলং গণ্ডূষেণ মুখামযান্||৪৪||
प्रपौण्डरीकमञ्जिष्ठाविषसिन्धुसमुद्भवैः| निहन्ति साधितं तैलं गण्डूषेण मुखामयान्||४४||
🔊 Audio coming soon
শশিলেক ব্যাখ্যা (ইন্দু কৃত)
প্রপ্রৌণ্ডরীকাদিভিঃ সাধিতং তৈলং গণ্ডূষেণ মুখামযান্ নিহন্তি| সিন্ধুসমুদ্ভবং সৈন্ধবম্||৪৪||
Adhikarana স্খলদ্বাচি বিষযোগঃ (৪৫) · Śloka ৪৫
দেবদারুবিষং সর্পির্গোমূত্রং কণ্টকারিকা| বাচঃ স্খলনতাং হন্তি পীতমিত্যাহ কাশ্যপঃ||৪৫||
देवदारुविषं सर्पिर्गोमूत्रं कण्टकारिका| वाचः स्खलनतां हन्ति पीतमित्याह काश्यपः||४५||
🔊 Audio coming soon
শশিলেক ব্যাখ্যা (ইন্দু কৃত)
দেবদার্বাদিকং পীতং বাচঃ স্খলনতাং স্খলনং হন্তীতি কাশ্যপ আহ|| ৪৫||
Adhikarana বিষপ্রযোগলাভাঃ (৪৬-৪৮) · Śloka ৪৮
শত্রুপ্রযুক্তা দ্বিষতো গরাদ্বা লূতাভুজঙ্গাখুগণাজরাযাঃ| অকালমৃত্যোর্গ্রহপাপ্মতো বা বিষাশিনো নাস্তি ভযং নরস্য||৪৬|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতা বষ্টাঙ্গসংগ্রহসংহিতাযামুত্তরতন্ত্রে বিষোপ যোগীযো নামাষ্টচত্বারিংশোঽধ্যাযঃ||৪৮||
शत्रुप्रयुक्ता द्विषतो गराद्वा लूताभुजङ्गाखुगणाजरायाः| अकालमृत्योर्ग्रहपाप्मतो वा विषाशिनो नास्ति भयं नरस्य||४६|| इति वैद्यपतिसिंहगुप्तस्य सूनोर्वाग्भटस्य कृता वष्टाङ्गसंग्रहसंहितायामुत्तरतन्त्रे विषोप योगीयो नामाष्टचत्वारिंशोऽध्यायः||४८||
🔊 Audio coming soon
শশিলেক ব্যাখ্যা (ইন্দু কৃত)
বিষপ্রযোগগস্য প্রযোজনমুচ্যতে-বিষাশিনো নরস্য শত্রুণা প্রযুক্তাদ্বিষাত্ গরাচ্চ লূতাদিতশ্চ ভযং নাস্তীতি|| ৪৬|| ইতি শ্রীমন্মহামহোপাধ্যাযেন্দুবিরচিতাযামষ্টাঙ্গসংগ্রহ ব্যাখ্যাযাং শশিলেখাযামুত্তরতন্ত্রে অষ্টচত্বারিংশোঽধ্যাযঃ