Adhikarana অথ দ্বিবিধৌষধবিজ্ঞানীযো নাম দ্বাদশোঽধ্যাযঃ উপোদ্ঘাতঃ · Śloka
🔊 Audio coming soon
শশিলেক ব্যাখ্যা (ইন্দু কৃত)
আহারমুক্ত্বা তত্সংস্কারোপযোগিত্বান্মিথ্যাহারোদ্ভবরোগসাধনোপযোগিত্বাচ্চ প্রাযোপযোগিনাং দ্রব্যাণাং স্বরূপপরিজ্ঞানার্থমুচ্যতে| তদর্থমধ্যাযারম্ভঃ|
Adhikarana প্রতিজ্ঞা (১) · Śloka ১
অথাতো দ্বিবিধৌষধবিজ্ঞানীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो द्विविधौषधविज्ञानीयमध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana ঔষধস্য দ্বিবিধৌষধক্রমেণ নির্দেশঃ (২) · Śloka ২
দ্বিবিধমৌষধম্- ঊর্জস্করং রোগঘ্নঞ্চ| উভযমপি চোভযাত্মকম্| বাহুল্যেন তু নির্দেশঃ| তত্রোর্জরস্করং দ্বিবিধং রসাযনং বাজীকরণঞ্চ| রোগঘ্নমপি দ্বিবিধম্- রোগস্য প্রশমনমপুনর্ভবকরঞ্চ||২||
द्विविधमौषधम्- ऊर्जस्करं रोगघ्नञ्च| उभयमपि चोभयात्मकम्| बाहुल्येन तु निर्देशः| तत्रोर्जरस्करं द्विविधं रसायनं वाजीकरणञ्च| रोगघ्नमपि द्विविधम्- रोगस्य प्रशमनमपुनर्भवकरञ्च||२||
🔊 Audio coming soon
শশিলেক ব্যাখ্যা (ইন্দু কৃত)
সর্বং শরীরবিষযং বস্তু দ্বিবিধমৌষধমনৌষধং চ| তত্র ঔষধং পথ্যমনৌষধং চ শরীরস্যাপথ্যম্| তত্রৌষধং প্রাধান্যাদাদাবুচ্যতে| অনৌষধং বক্ষ্যামঃ সর্বমৌষধং শরীরহিতং দ্বিবিধম্| ঊর্জস্করং রোগঘ্নঞ্চ| ঊর্জস্করং যত্স্বস্থস্যাপি বলবর্ণাদ্যুপচযং করোতি| রোগঘ্নং ব্যাধিনাশনম্| উভযমপি দ্বযমপি পুনর্দ্রব্যাত্মকমূর্জ্জস্করেঽপি ধাতুসাম্যকরণশক্তত্বাত্ ব্যাধ্যুপশমঃ সম্ভবতি| ব্যাধ্যুপশমে তু বর্ণবলাদ্যুপচযঃ স্পষ্ট এব| তস্মাদ্ দ্বযমপি দ্রব্যাত্মকং তত্রাপি যদ্যত্র প্রধানং তেন ব্যপদেশে ঊর্জস্করং রোগঘ্নং চেতি| তত্রোর্জস্করং দ্বিবিধং- রসাযনবাজীকরণভেদেন| রোগঘ্নমপি দ্বিবিধম্- ব্যাধেঃ স্থিতস্য নাশনং নষ্টস্য চ পুনরুত্পত্তিরক্ষণম্| অনেনাঽপি প্রকারেণ দ্বিবিধং রোগঘ্নম্||২||
Adhikarana দ্রব্যাদ্রব্যভেদেনৌষধভেদাঃ (৩) · Śloka ৩
পুনশ্চ দ্বিবিধং দ্রব্যমদ্রব্যঞ্চ| তত্র দ্রব্যং ত্রিবিধং- ভৌমমৌদ্ভিদং জঙ্গমমিতি| তেষু বক্ষ্যমাণং হেমাদিলবণান্তং প্রাযেণ ভৌমম্| ঔদ্ভিদং পুনর্বনস্পতিবানস্পত্যবীরুদৌষধিভেদেন চতুর্বিধং ভবতি| তত্র ফলিনো বনস্পতিঃ, পুষ্পফলবান্ বানস্পত্যঃ, বল্লীগুল্মং বীরুত্, ফলপাকান্তাশ্চৌষধ্য ইতি| জঙ্গমোদ্ভবং মধুঘৃতাদি জঙ্গমদ্রব্যমাহুঃ| অদ্রব্যং পুনরুপবাসানিলাতপচ্ছাযামন্ত্রসান্ত্বদান-ভযোত্ত্রাসসংক্ষোভণহর্ষণ- ভর্ত্সনহসনস্ব্বপ্নজাগরণসংবাহনাদীনি||৩||
पुनश्च द्विविधं द्रव्यमद्रव्यञ्च| तत्र द्रव्यं त्रिविधं- भौममौद्भिदं जङ्गममिति| तेषु वक्ष्यमाणं हेमादिलवणान्तं प्रायेण भौमम्| औद्भिदं पुनर्वनस्पतिवानस्पत्यवीरुदौषधिभेदेन चतुर्विधं भवति| तत्र फलिनो वनस्पतिः, पुष्पफलवान् वानस्पत्यः, वल्लीगुल्मं वीरुत्, फलपाकान्ताश्चौषध्य इति| जङ्गमोद्भवं मधुघृतादि जङ्गमद्रव्यमाहुः| अद्रव्यं पुनरुपवासानिलातपच्छायामन्त्रसान्त्वदान-भयोत्त्राससंक्षोभणहर्षण- भर्त्सनहसनस्व्वप्नजागरणसंवाहनादीनि||३||
🔊 Audio coming soon
শশিলেক ব্যাখ্যা (ইন্দু কৃত)
দ্রব্যমদ্রব্যং চ| দ্রব্যং মূর্ত্তং সকলেন্দ্রিযবিষযং চ| অতোঽন্যদদ্রব্যম্| এতচ্চ দ্বযমপি রোগস্য প্রশমনে পুনর্ভবরক্ষণে ব সমর্থং ভবতি| তত্র ভৌমাদিভেদেন ত্রিবিধং দ্রব্যমিহাধ্যাযে বক্ষ্যমাণম্| সুবর্ণাদিলবণান্তং বাহুল্যেন ভৌমম্| ঔদ্ভিদং বনস্পত্যাদিভেদেন চতুর্বিধম্| তত্র ফলিনো বনস্পতিঃ| ফলিনশব্দঃ ফলবতি বর্ততে| ফলবর্হাভ্যামিনজিতীনচ্প্রত্যাযন্তঃ| পুষ্পপ্রাধান্যেন ফলবান্ বানস্পত্যঃ| বল্লী সন্তানবতী লতাগুল্মং চ| হ্রস্বং ভূমিলগ্নং বহুসূক্ষ্মশাখং চ বীরুচ্ছব্দেনোচ্যতে| ফলপাকেঽন্তঃ পর্ণাদিবিনাশলক্ষণো যাসাং তা ঔষধ্যঃ| জঙ্গমপ্রাণিযোনিত্বান্মধুঘৃতমূত্রাদি জঙ্গমমুচ্যতে| অদ্রব্যং পুনরুপবাসাদি| অনিলস্যাসকলেন্দ্রিযগ্রাহ্যত্বাদমূর্ত্তত্বাচ্চাদ্রব্যত্বমত্রৈব ব্যবহারার্থম্| বাহ্যস্য সংবাহনমঙ্গমর্দনম্| এতে চোপবাসাদযোঽস্মিন্ তন্ত্রে যথাপ্রদেশং রোগঘ্নত্বেনোক্তাঃ||৩||
Adhikarana দ্রৈবব্যপাশ্রযাদিভেদেনৌষধস্য ত্রৈবিধ্যম্ (৪) · Śloka ৪
পুনরপি চ ত্রিবিধং দৈবব্যপাশ্রযং যুক্তিব্যপাশ্রযং সত্ত্বাবজযশ্চেতি| তত্র দৈবব্যপাশ্রযং মন্ত্রৌষধিমণিমঙ্গলবল্যুপহারহোমনিযমপ্রাযশ্চিত্তোপ-বাসস্বস্ত্যনপ্রণিধানগমনাদি| যুক্তিব্যপাশ্রযমাহারৌষধযোজনাদি| সত্ত্বাবজযঃ পুনরহিতান্ মনোনিগ্রহঃ||৪||
पुनरपि च त्रिविधं दैवव्यपाश्रयं युक्तिव्यपाश्रयं सत्त्वावजयश्चेति| तत्र दैवव्यपाश्रयं मन्त्रौषधिमणिमङ्गलबल्युपहारहोमनियमप्रायश्चित्तोप-वासस्वस्त्यनप्रणिधानगमनादि| युक्तिव्यपाश्रयमाहारौषधयोजनादि| सत्त्वावजयः पुनरहितान् मनोनिग्रहः||४||
🔊 Audio coming soon
শশিলেক ব্যাখ্যা (ইন্দু কৃত)
ইত্যৌষধস্যোর্জস্করত্বরোগঘ্নত্বাভ্যাং দ্বৈবিধ্যমুক্ত্বা তস্যৈব দৈবব্যপাশ্রযত্বাদিনা তৈবিধ্যমুচ্যতে| তত্র দৈবব্যপাশ্রযং যত্ পাপস্যোপঘাতকত্বেনৈব জঠরাগ্নিসংযোগেন বিনা ধাতুসাম্যকরং মন্ত্রৌষধ্যাদি| অত্রৌষধীনাং ধারণমেবাভিপ্রেতম্| বলেরুপহারো দেবাদিষু| নিযমো বর্জ্যবর্জনম্| প্রাযশ্চিত্তং ব্রতাদি| উপবাসঃ প্রসিদ্ধঃ পাপহর্তৃত্বে| স্বস্ত্যযনং বেদোক্তং কর্ম| যুক্তিব্যপাশ্রযং তু জাঠরাগ্নিসংযোগমাত্রাদিবিশেষেণ ধাতুসাম্যকরং তচ্চাহারস্যৌষধস্য চ যোজনম্| সত্ত্বাবজযঃ সত্ত্বস্য মনসোঽবজযঃ| অহিতাদ্বিষযান্নিগ্রহো নিবারণম্||৪||
Adhikarana অপকর্ষণাদিভেদেনৌষধস্য ত্রৈবিধ্যম্ (৫) · Śloka ৫
পুনরপি চ ত্রিবিধম্| অপকর্ষণং প্রকৃতিবিঘাতো নিদানত্যাগশ্চ| তে পুনরপকর্ষণাদযো দ্বিবিধাঃ বাহ্যাভ্যন্তরভেদেন| তত্র বাহ্যমপকর্ষণং গ্রন্থ্যর্বুদোপপক্ষ্মক্রিমিশল্যাদিষু শস্ত্রহস্তযন্ত্রাদিভিঃ| আভ্যন্তরং পুনর্বমনবিরেচনাদিভিঃ| প্রকৃতিবিঘাতঃ সংশমনম্| তদ্বাহ্যমভ্যঙ্গস্বেদপ্রদেহপরিষেকোপমর্দনাদি| আভ্যন্তরং যদন্তরমনুপ্রবিশ্যাবিক্ষোভযদ্দোষান্ শমযতি| নিদানত্যাগো যথাদোষং শীতোষ্ণাশনব্যাযামাদীনাং বর্জনং স্নিগ্ধরূক্ষাদ্যনভ্যবহারশ্চ| তত্র শস্ত্রাদিসাধ্যে ভেষজমনুক্রমতে ন তু ভেষজসাধ্যে শস্ত্রাদি||৫||
पुनरपि च त्रिविधम्| अपकर्षणं प्रकृतिविघातो निदानत्यागश्च| ते पुनरपकर्षणादयो द्विविधाः बाह्याभ्यन्तरभेदेन| तत्र बाह्यमपकर्षणं ग्रन्थ्यर्बुदोपपक्ष्मक्रिमिशल्यादिषु शस्त्रहस्तयन्त्रादिभिः| आभ्यन्तरं पुनर्वमनविरेचनादिभिः| प्रकृतिविघातः संशमनम्| तद्बाह्यमभ्यङ्गस्वेदप्रदेहपरिषेकोपमर्दनादि| आभ्यन्तरं यदन्तरमनुप्रविश्याविक्षोभयद्दोषान् शमयति| निदानत्यागो यथादोषं शीतोष्णाशनव्यायामादीनां वर्जनं स्निग्धरूक्षाद्यनभ्यवहारश्च| तत्र शस्त्रादिसाध्ये भेषजमनुक्रमते न तु भेषजसाध्ये शस्त्रादि||५||
🔊 Audio coming soon
শশিলেক ব্যাখ্যা (ইন্দু কৃত)
ইত্যৌষধস্য দৈবব্যপাশ্রযত্বাদিনা ত্রৈবিধ্যমুক্ত্বা অপকর্ষণাদিভেদেন তস্যৈব ত্রৈবিধ্যমুচ্যতে| তানি চাপকর্ষণাদীনি প্রত্যেকং বাহ্যাভ্যন্তরভেদেন দ্বিবিধানি| তত্র গ্রন্থ্য্দীনাং শস্ত্রাদিভিরপকর্ষণং বাহ্যমপকর্ষণম্| বমনবিরেচনাদিনান্তঃস্থিতস্য দোষস্যাপকর্ষণমাভ্যন্তরম্| প্রকৃতিবিঘাতো দুষ্টস্য দোষাদের্দেহস্থস্য শমনং সাম্যকরম্| বহিঃপ্রযোগেণ দোষশমনমভ্যঙ্গাদি বাহ্যঃ প্রকৃতিবিঘাতঃ| যদ্ দ্রব্যমন্তর্মহাস্রোতঃ প্রবিশ্য দোষানক্ষোভযচ্ছমযতি তদাভ্যন্তরঃ প্রকৃতিবিঘাতঃ| এতচ্চ পাচনদীপনাদিনা সপ্তবিধং বক্ষ্যামঃ| নিদানত্যাগো যথাদোষং শীতাদিগুণানামাহারাদীনাং বর্জনম্| ব্যাযামাদিবর্জনং যথাদোষমেব| যথা শ্লেষ্মণি তত্সদৃশগুণানামাহারবিহারাদীনাং ত্যাগঃ| এবং বাতপিত্তযোরপি| প্রসঙ্গাদাহ-বাহ্যাপকর্ষণেন শস্ত্রাদিনা সাধ্যে গ্রন্থ্যাদৌ ব্যাধৌ ভেষজমৌষধমান্তরাপকর্ষণম্| প্রকৃতিবিঘাতো নিদানত্যাগশ্চোপযুজ্যতে| ন তু যথোক্তভেষজসাধ্যে গ্রহণীরোগাদৌ শস্ত্রাদি বাহ্যমপকর্ষণমনুক্রমতে| সোপযোগং ন ভবতীতি সম্বন্ধঃ||৫||
Adhikarana হেতুবিপরীতাদিভেদেনৌষধস্য ত্রৈবিধ্যম্ (৬) · Śloka ৬
পুনরপি ত্রিবিধং হেতুবিপরীতং ব্যাধিবিপরীতমুভযার্থকারি চ| তত্র হেতুবিপরীতং গুরুস্নিগ্ধশীতাদিজে ব্যাধৌ লঘুরূক্ষোষ্ণাদি তথেতরস্মিন্নিতরত্| ব্যাধিবিপরীতং দ্বৌ মূলোপক্রমৌ লঙ্ঘনবৃংহণে| পঞ্চকর্মাণি বমনাদীনি সধূমধূপাঞ্জনাদীনি চ| তথা বিম্লাপনোপনাহনপাটনাদীনি| যচ্চ দোষশমনত্বে সত্যপি জ্বরে বিশেষতো হিতং মুস্তাপর্পটকং যবাগ্বশ্চ প্রমেহে রজনী যবান্নং চেত্যাদি| রক্তপিত্তে চোর্ধ্বগে বিরেচনমধোগে বমনম্||৬||
पुनरपि त्रिविधं हेतुविपरीतं व्याधिविपरीतमुभयार्थकारि च| तत्र हेतुविपरीतं गुरुस्निग्धशीतादिजे व्याधौ लघुरूक्षोष्णादि तथेतरस्मिन्नितरत्| व्याधिविपरीतं द्वौ मूलोपक्रमौ लङ्घनबृंहणे| पञ्चकर्माणि वमनादीनि सधूमधूपाञ्जनादीनि च| तथा विम्लापनोपनाहनपाटनादीनि| यच्च दोषशमनत्वे सत्यपि ज्वरे विशेषतो हितं मुस्तापर्पटकं यवाग्वश्च प्रमेहे रजनी यवान्नं चेत्यादि| रक्तपित्ते चोर्ध्वगे विरेचनमधोगे वमनम्||६||
🔊 Audio coming soon
শশিলেক ব্যাখ্যা (ইন্দু কৃত)
ইত্যপকর্ষণাদিভেদেনৌষধস্য ত্রৈবিধ্যমুক্ত্বা তস্যৈব হেতুবিপরীতত্বাদিনা ত্রৈবিধ্যমুচ্যতে| তত্র হেতুবিপরীতং যত্ ব্যাধিবিশেষাবিবক্ষাযাং ব্যাধিজনকদোষকারণবিপরীতগুণম্| যথা গুর্বাদিগুণযুক্তদ্রব্যজে ব্যাধৌ লঘ্বাদিগুণমৌষধম্| তথেতরস্মিন্ লঘ্বাদিজে ইতরত্ গুর্বাদি| ব্যাধিবিপরীতং তু যত্র হেতুবিশেষবিবক্ষা নাশ্রীযতে কেবলং যথোপদেশং স্ববিষযব্যাধিবিশেষেণোপযুজ্যতে| যথা দ্বৌ মূলোপক্রমৌ| লঙ্ঘনং বৃংহণং চ| পঞ্চকর্মাণি বমনাদীনি ক্রমেণ ধূমাদীনি চ| শস্ত্রাদি সাধ্যানাং চ গুল্মাদীনাং ব্যাধিবিপরীতং বিম্লাপনাদি| বিম্লাপনং বিলযনমুপনাহঃ পিণ্ডবন্ধঃ| ন কেবলমেতাবদেব ব্যাধিবিপরীতলক্ষণং যাবদিদমপি| যচ্চেতি সমুচ্চযে| যদ্ দ্রব্যং সত্যপি ব্যাধ্যারম্ভকদোষশমনত্বে ন তজ্জেষু সর্বব্যাধিষু তথা পথ্যম্| যথৈকস্মিন্নেব ব্যাধৌ দৃষ্টান্তো মুস্তাপর্পটকং যদ্যপি পিত্তশ্লেষ্মঘ্নং ন তথা গুল্মাদিষু পিত্তশ্লেষ্মজেষু হিতং যথা জ্বর ইতি| এবং যবাগ্বাদ্যপি যথাযথং বুদ্ধ্যা বিকল্প্য বাচ্যম্||৬||
Adhikarana হেতুব্যাধিবিপরীতার্থকার্যৌষধম্ (৭) · Śloka ৭
উভযার্থকারি পুনর্দৈবব্যপাশ্রযমৌষধম্| তথা ছর্দ্যাং ছর্দনমতিসারে বিরেচনং, মদাত্যযে মদ্যপানং, তুত্থদগ্ধেঽগ্নিপ্রতপনং, পিত্তেঽন্তর্ন্নিগূঢে বিমার্গগে বা স্বেদঃ কট্বম্ললবণতীক্ষ্ণোষ্ণাভ্যবহারশ্চ বহিঃ প্রবর্ত্তনায স্বমার্গাপাদনায চ| শ্লেষ্মণি চান্তর্নিগূঢে স্তব্ধে বহিঃ শীতোপচারস্তত্পীডিতস্যোষ্মণোঽন্তঃপ্রবেশেন কফো বিলযতামুপযাতি| এবংবিধং হ্যবিপরীতমেব সদ্ভেষজং হেতুব্যাধিবিপরীতমর্থং করোতি||৭||
उभयार्थकारि पुनर्दैवव्यपाश्रयमौषधम्| तथा छर्द्यां छर्दनमतिसारे विरेचनं, मदात्यये मद्यपानं, तुत्थदग्धेऽग्निप्रतपनं, पित्तेऽन्तर्न्निगूढे विमार्गगे वा स्वेदः कट्वम्ललवणतीक्ष्णोष्णाभ्यवहारश्च बहिः प्रवर्त्तनाय स्वमार्गापादनाय च| श्लेष्मणि चान्तर्निगूढे स्तब्धे बहिः शीतोपचारस्तत्पीडितस्योष्मणोऽन्तःप्रवेशेन कफो विलयतामुपयाति| एवंविधं ह्यविपरीतमेव सद्भेषजं हेतुव्याधिविपरीतमर्थं करोति||७||
🔊 Audio coming soon
শশিলেক ব্যাখ্যা (ইন্দু কৃত)
উভযার্থকারি যদুভযস্য হেতুবিপরীতস্য ব্যাধিবিপরীতস্য চ সম্বন্ধিনমর্থং রোগোপশমলক্ষণমেতদ্গুণমপি করোতি| তচ্চ দৈবব্যপাশ্রযং মণিমন্ত্রাদিকৃতম্| তথা রোগস্বভাবাদিবিপরীতস্বরূপমপি যদ্রোগোপশমনং করোতি তদুভযার্থকারি| যথা ছর্দ্যাং তত্স্বরূপমেব বমনমেবমপি স্ববুদ্ধ্যা বিকল্প্যম্| পিত্তে বান্তর্নিগূঢে স্বেদঃ শস্যতে| অবিপরীতোঽপি পিত্তাত্ কট্বাদিরসাভ্যবহারশ্চেতি যথাসঙ্খ্যেন প্রযোজনমন্তর্নিগূঢে বহিঃ প্রবর্ত্তনায বিমার্গগে স্বমার্গাপাদনাযাত্র তু স্বেদস্য পিত্তস্যাতিশযপ্রাপ্তেরৌষধত্বং ন তু শ্লেষ্মাদিপ্রতিবন্ধকনাশনেন স্বেদস্যেতি কামলাদৌ দৃশ্যতে| শ্লেষ্মণি চান্তর্নিগূঢ ইতি হেমন্তেঽগ্নিবলবত্ত্বযুক্ত্যা জ্ঞাযতে| এবমনেন প্রকারেণ রোগাদবিপরীতমপি বিপরীতার্থং রোগস্য নাশনং করোতীতি||৭||
Adhikarana অনৌষধস্য দ্বৈবিধ্যম্ (৮) · Śloka ৮
অনৌষধং পুনর্দ্বিবিধং বাধনমনুবাধনঞ্চ| তত্র সদ্যঃ প্রাণহরং বাধনম্| কালান্তরেণানুবাধনম্ ইতি||৮||
अनौषधं पुनर्द्विविधं बाधनमनुबाधनञ्च| तत्र सद्यः प्राणहरं बाधनम्| कालान्तरेणानुबाधनम् इति||८||
🔊 Audio coming soon
শশিলেক ব্যাখ্যা (ইন্দু কৃত)
বহুভির্ভেদৈরৌষধমুক্ত্বাঽনৌষধমুচ্যতে| তচ্চ দ্বিবিধম্ ইত্যাদি সুবোধম্||৮||
Adhikarana প্রধানদ্রব্যাণাং স্বরূপকথনপ্রতিজ্ঞা (৯) · Śloka ৯
পরং চাতো রসবীর্যাদিভেদেন যথাস্থূলমৌষধৈকদেশ উপদিশ্যতে||৯||
परं चातो रसवीर्यादिभेदेन यथास्थूलमौषधैकदेश उपदिश्यते||९||
🔊 Audio coming soon
শশিলেক ব্যাখ্যা (ইন্দু কৃত)
অতঃ পরং প্রধানদ্রব্যাণাং রসাদিভেদৈঃ স্বরূপমুচ্যতে| অন্যেষাং রসাদ্যনুমাণাদ্রসভেদীযাদৌ বক্ষ্যামঃ||৯||
Adhikarana সুবর্ণগুণাঃ (১০) · Śloka ১০
সুবর্ণং বৃংহণং স্নিগ্ধং মধুরং রসপাকযোঃ| বিষদোষহরং শীতং সকষাযং রসাযনম্||১০||
सुवर्णं बृंहणं स्निग्धं मधुरं रसपाकयोः| विषदोषहरं शीतं सकषायं रसायनम्||१०||
🔊 Audio coming soon
শশিলেক ব্যাখ্যা (ইন্দু কৃত)
সুবর্ণমিত্যাদি সুবোধম্||১০||
Adhikarana রূপ্যগুণাঃ (১১) · Śloka ১১
রূপ্যং স্নিগ্ধং কষাযাম্লং বিপাকে মধুরং রসম্| বযসঃ স্থাপনং শীতং লেখনং বাতপিত্তজিত্|১১|
रूप्यं स्निग्धं कषायाम्लं विपाके मधुरं रसम्| वयसः स्थापनं शीतं लेखनं वातपित्तजित्|११|
🔊 Audio coming soon
Adhikarana তাম্রগুণাঃ (১১) · Śloka ১১
তাম্রং সতিক্তমধুরং কষাযং লেখনং লঘু| কটুপাকরসং শীতং রোপণং কফপিত্তজিত্|১১|
ताम्रं सतिक्तमधुरं कषायं लेखनं लघु| कटुपाकरसं शीतं रोपणं कफपित्तजित्|११|
🔊 Audio coming soon
Adhikarana কাংস্যগুণাঃ (১১) · Śloka ১১
কাংস্যং কষাযানুরসং বিশদং লেখনং লঘু| দৃষ্টিপ্রসাদনং রূক্ষং তিক্তং পিত্তকফাহম্|১১|
कांस्यं कषायानुरसं विशदं लेखनं लघु| दृष्टिप्रसादनं रूक्षं तिक्तं पित्तकफाहम्|११|
🔊 Audio coming soon
Adhikarana ত্রপু-সীসযোর্গুণাঃ (১১) · Śloka ১১
সতিক্তলবণং ভেদি পাণ্ডুত্বকৃমিবাতনুত্| লেখনং পিত্তলং কিঞ্চিত্ত্রপুসীসঞ্চ তদ্গুণম্||১১||
सतिक्तलवणं भेदि पाण्डुत्वकृमिवातनुत्| लेख़नं पित्तलं किञ्चित्त्रपुसीसञ्च तद्गुणम्||११||
🔊 Audio coming soon
শশিলেক ব্যাখ্যা (ইন্দু কৃত)
ত্রপু তিক্তলবণাদিগুণং লেখনং কিঞ্চিত্ পিত্তলং চ| সীসং তদ্গুণং ত্রপুগুণম্||১১||
Adhikarana কৃষ্ণলোহস্য গুণাঃ (১২) · Śloka ১২
চক্ষুষ্যং কৃষ্ণলোহং তু কষাযং স্বাদু তিক্তকম্| লেখনং বাতলং শীতং কৃমিকুষ্ঠকফপ্রণুত্| গাত্রশৈথিল্যপালিত্যপাণ্ডুঘ্নং শোষশোফজিত্| তদ্বত্তীক্ষ্ণং বিশেষেণ তদ্বিকাষি সুদুর্জরম্|১২|
चक्षुष्यं कृष्णलोहं तु कषायं स्वादु तिक्तकम्| लेखनं वातलं शीतं कृमिकुष्ठकफप्रणुत्| गात्रशैथिल्यपालित्यपाण्डुघ्नं शोषशोफजित्| तद्वत्तीक्ष्णं विशेषेण तद्विकाषि सुदुर्जरम्|१२|
🔊 Audio coming soon
Adhikarana পদ্মরাগাদিগুণাঃ (১২) · Śloka ১২
পদ্মরাগমহানীলপুষ্পরাগাবিদূরকাঃ| মুক্তাবিদ্রুমবজ্রেন্দ্রবৈডূর্যস্ফটিকাদিকম্| মণিরত্নং সরং শীতং কষাযং স্বাদুলেখনম্| চক্ষুষ্যং ধারণাত্তত্তু পাপ্মালক্ষ্মীবিষাপহম্| ধন্যমাযুষ্যমোজস্যং হর্ষোত্সাহকরং শিবম্||১২||
पद्मरागमहानीलपुष्परागाविदूरकाः| मुक्ताविद्रुमवज्रेन्द्रवैडूर्यस्फटिकादिकम्| मणिरत्नं सरं शीतं कषायं स्वादुलेखनम्| चक्षुष्यं धारणात्तत्तु पाप्मालक्ष्मीविषापहम्| धन्यमायुष्यमोजस्यं हर्षोत्साहकरं शिवम्||१२||
🔊 Audio coming soon
শশিলেক ব্যাখ্যা (ইন্দু কৃত)
মুক্তাদযঃ সর্বে মণযো বৈডূর্যানি চ রত্নানি শৈত্যাদিগুণযুক্তানি শিরঃপ্রভৃতিষু ধারণাত্ পাপ্মাদিনাশনানি||১২||
Adhikarana কাচগুণাঃ (১৩) · Śloka ১৩
সক্ষার উষ্ণবীর্যশ্চ কাচো দৃষ্টিকৃদঞ্জনাত্|১৩|
सक्षार उष्णवीर्यश्च काचो दृष्टिकृदञ्जनात्|१३|
🔊 Audio coming soon
শশিলেক ব্যাখ্যা (ইন্দু কৃত)
অন্যত্ সুবোধম্||১৩||
Adhikarana শঙ্খ-উদধিমলযোর্গুণাঃ (১৩) · Śloka ১৩
শঙ্খোদধিমলৌ শীতৌ কষাযাবতিলেখনৌ|১৩|
शङ्खोदधिमलौ शीतौ कषायावतिलेखनौ|१३|
🔊 Audio coming soon
Adhikarana তুত্থকগুণাঃ (১৩) · Śloka ১৩
তুত্থকং কটু সক্ষারং কষাযং বিশদং লঘু| লেখনং ভেদি চক্ষুষ্যং কণ্ডূকৃমিবিষাপহম্|১৩|
तुत्थकं कटु सक्षारं कषायं विशदं लघु| लेखनं भेदि चक्षुष्यं कण्डूकृमिविषापहम्|१३|
🔊 Audio coming soon
Adhikarana গৈরিকগুণাঃ (১৩) · Śloka ১৩
বিশদো গৈরিকঃ স্নিগ্ধঃ কষাযমধুরো হিমঃ|১৩|
विशदो गैरिकः स्निग्धः कषायमधुरो हिमः|१३|
🔊 Audio coming soon
Adhikarana মনোহ্বাগুণাঃ (১৩) · Śloka ১৩
কফঘ্নী তিক্তকটুকা মনোহ্বা লেখনী সরা||১৩||
कफघ्नी तिक्तकटुका मनोह्वा लेखनी सरा||१३||
🔊 Audio coming soon
Adhikarana হরিতালগুণাঃ (১৪) · Śloka ১৪
স্নিগ্ধং কষাযকটুকং হরিতালং বিষপ্রণুত্| স্রোতোঽঞ্জনাত্সৌবীরাঞ্জনস্য শ্রেষ্ঠত্বম্ কষাযং মধুরং শীতং লেখনং স্নিগ্ধমঞ্জনম্| রক্তপিত্তবিষচ্ছর্দিহিধ্মাঘ্নং দৃক্প্রসাদনম্| স্রোতোঽঞ্জনং বরং তত্র ততঃ সৌবীরকাঞ্জনম্||১৪||
स्निग्धं कषायकटुकं हरितालं विषप्रणुत्| स्रोतोऽञ्जनात्सौवीराञ्जनस्य श्रेष्ठत्वम् कषायं मधुरं शीतं लेखनं स्निग्धमञ्जनम्| रक्तपित्तविषच्छर्दिहिध्माघ्नं दृक्प्रसादनम्| स्रोतोऽञ्जनं वरं तत्र ततः सौवीरकाञ्जनम्||१४||
🔊 Audio coming soon
শশিলেক ব্যাখ্যা (ইন্দু কৃত)
উদধিমলং সমুদ্রফেনম্| সৌবীরমঞ্জনং কষাযত্বাদিগুণযুক্তং তস্য জাতিবিশেষাত্স্রোতোঞ্জনাদিনামবিশেষঃ| তত্র অঞ্জনজাতিষু মধ্যে স্রোতোঞ্জনং শ্রেষ্ঠং ততোঽপি সৌবীরম্||১৪||
Adhikarana রসাঞ্জনগুণাঃ (১৫) · Śloka ১৫
কফঘ্নং তিক্তকটুকং ছেদি সোষ্ণং রসাঞ্জনম্||১৫||
कफघ्नं तिक्तकटुकं छेदि सोष्णं रसाञ्जनम्||१५||
🔊 Audio coming soon
শশিলেক ব্যাখ্যা (ইন্দু কৃত)
রসাঞ্জনং তার্ক্ষ্যশৈলম্| দারুহরিদ্রাবিকারঃ কফঘ্নত্বাদিযুক্তঃ||১৫||
Adhikarana শিলাজতুগুণাঃ (১৬) · Śloka ১৬
স্বাদু হিধ্মাপ্রশমনং কাসমেহক্ষযাপহম্| কফঘ্নমুষ্ণং কটুকং শিলাজতু রসাযনম্| তিক্তঞ্চ ছেদনং যোগবাহিত্বাত্সর্বরোগজিত্| বিশেষাত্ কৃচ্ছ্রমেহার্শঃপাণ্ডুশোফকফাপহম্|১৬|
स्वादु हिध्माप्रशमनं कासमेहक्षयापहम्| कफघ्नमुष्णं कटुकं शिलाजतु रसायनम्| तिक्तञ्च छेदनं योगवाहित्वात्सर्वरोगजित्| विशेषात् कृच्छ्रमेहार्शःपाण्डुशोफकफापहम्|१६|
🔊 Audio coming soon
Adhikarana বংশরোচনাগুণাঃ (১৬) · Śloka ১৬
কষাযা মধুরা রূক্ষা কাসঘ্নী বংশরোচনা|১৬|
कषाया मधुरा रूक्षा कासघ्नी वंशरोचना|१६|
🔊 Audio coming soon
Adhikarana তুগাক্ষীরীগুণাঃ (১৬) · Śloka ১৬
তুগাক্ষীরী ক্ষযশ্বাসকাসঘ্নী মধুরা হিমা|১৬|
तुगाक्षीरी क्षयश्वासकासघ्नी मधुरा हिमा|१६|
🔊 Audio coming soon
Adhikarana লবণসামান্যগুণাঃ (১৬) · Śloka ১৬
বিষ্যন্দি লবণং সর্বং সূক্ষ্মং সৃষ্টমলং বিদুঃ| বাতঘ্নং পাকি তীক্ষ্ণোষ্ণং রোচনং কফপিত্তকৃত্||১৬||
विष्यन्दि लवणं सर्वं सूक्ष्मं सृष्टमलं विदुः| वातघ्नं पाकि तीक्ष्णोष्णं रोचनं कफपित्तकृत्||१६||
🔊 Audio coming soon
শশিলেক ব্যাখ্যা (ইন্দু কৃত)
বিষ্যন্দীত্যাদিনা পাংসূত্থান্তানাং সর্বেষাং লবণানাং সামান্যগুণাঃ| পাকী পাচকস্য স্বভাবঃ||১৬||
Adhikarana সৈন্ধবগুণাঃ (১৭) · Śloka ১৭
সৈন্ধবং তত্র সস্বাদু বৃষ্যং হৃদ্যং ত্রিদোষনুত্| লঘ্বনুষ্ণং দৃশঃ পথ্যমবিদাহ্যগ্নিদীপনম্||১৭||
सैन्धवं तत्र सस्वादु वृष्यं हृद्यं त्रिदोषनुत्| लघ्वनुष्णं दृशः पथ्यमविदाह्यग्निदीपनम्||१७||
🔊 Audio coming soon
শশিলেক ব্যাখ্যা (ইন্দু কৃত)
সৈন্ধবমিত্যাদি লবণবিশেষগুণাঃ| অত্র চোত্সর্গাপবাদোপবৃংহকবচনাদি সর্বং স্ববুদ্ধ্যা কল্পনীযম্||১৭||
Adhikarana সৌবর্চলগুণাঃ (১৮) · Śloka ১৮
লঘু সৌবর্চলং হৃদ্যং সুগন্ধ্যুদ্গারশোধনম্| কটুপাকং বিবন্ধঘ্নং দীপনীযং রুচিপ্রদম্|১৮|
लघु सौवर्चलं हृद्यं सुगन्ध्युद्गारशोधनम्| कटुपाकं विबन्धघ्नं दीपनीयं रुचिप्रदम्|१८|
🔊 Audio coming soon
Adhikarana বিড্গুণাঃ (১৮) · Śloka ১৮
ঊর্ধ্বাধঃ কফবাতানুলোমনং দীপনং বিডম্| বিবন্ধানাহবিষ্টম্ভশূলগৌরবনাশনম্|১৮|
ऊर्ध्वाधः कफवातानुलोमनं दीपनं विडम्| विबन्धानाहविष्टम्भशूलगौरवनाशनम्|१८|
🔊 Audio coming soon
Adhikarana সামুদ্রলবণগুণাঃ (১৮) · Śloka ১৮
বিপাকে স্বাদু সামুদ্রং গুরু শ্লেষ্মবিবর্ধনম্|১৮|
विपाके स्वादु सामुद्रं गुरु श्लेष्मविवर्धनम्|१८|
🔊 Audio coming soon
Adhikarana ঔদ্ভিদলবণগুণাঃ (১৮) · Śloka ১৮
সতিক্তকটুকক্ষারং তীক্ষ্ণমুত্ক্লেদি চৌদ্ভিদম্||১৮||
सतिक्तकटुकक्षारं तीक्ष्णमुत्क्लेदि चौद्भिदम्||१८||
🔊 Audio coming soon
শশিলেক ব্যাখ্যা (ইন্দু কৃত)
উত্ক্লেদি রক্তং মাংসং চ ক্লেদযতি||১৮||
Adhikarana কৃষ্ণলবণগুণাঃ (১৯) · Śloka ১৯
কৃষ্ণে সৌবর্চলগুণা লবণে গন্ধবর্জিতাঃ|১৯|
कृष्णे सौवर्चलगुणा लवणे गन्धवर्जिताः|१९|
🔊 Audio coming soon
Adhikarana রোমকলবণগুণাঃ (১৯) · Śloka ১৯
রোমকং লঘু পাংসূত্থং সক্ষারং শ্লেষ্মলং গুরু|১৯|
रोमकं लघु पांसूत्थं सक्षारं श्लेष्मलं गुरु|१९|
🔊 Audio coming soon
Adhikarana লবণপ্রযোগে ক্রমনির্দেশঃ (১৯) · Śloka ১৯
লবণানাং প্রযোগে তু সৈন্ধবাদীন্ প্রযোজযেত্||১৯||
लवणानां प्रयोगे तु सैन्धवादीन् प्रयोजयेत्||१९||
🔊 Audio coming soon
শশিলেক ব্যাখ্যা (ইন্দু কৃত)
যত্র ত্বেকং লবণং দ্বে লবণে ত্রীণি লবণানীত্যাদি সংখ্যযা প্রযোগঃ তত্র সৈন্ধবাদির্যথাস্থিতক্রমো যোজ্যঃ| সৈন্ধবম্, সৈন্ধবসৌবর্চলে, সৈন্ধবসৌবর্চলবিডান্যেবমন্যেঽপি||১৯||
Adhikarana যবক্ষারগুণাঃ (২০) · Śloka ২০
গুল্মহৃদ্ গ্রহণীপাণ্ডুপ্লীহানাহগলামযান্| শ্বাসার্শঃ কফবাতাংশ্চ শমযেদ্যবশূকজঃ||২০||
गुल्महृद् ग्रहणीपाण्डुप्लीहानाहगलामयान्| श्वासार्शः कफवातांश्च शमयेद्यवशूकजः||२०||
🔊 Audio coming soon
শশিলেক ব্যাখ্যা (ইন্দু কৃত)
যবক্ষারো গুল্মাদিনাশনঃ||২০||
Adhikarana স্বর্জিকাক্ষারগুণাঃসর্বক্ষারগুণাঃ (২১) · Śloka ২১
স্বর্জিকা তদ্গুণান্ন্যূনা ক্ষারেণ তু ততোঽধিকা| ক্ষারঃ সর্বশ্চ পরমং তীক্ষ্ণোষ্ণঃ কৃমিজিল্লঘুঃ| পিত্তাসৃগ্দূষণঃ পাকী ছেদ্যহৃদ্যো বিদারণঃ| অপথ্যঃ কটুলাবণ্যাচ্ছুক্রৌজঃ কেশচক্ষুষাম্||২১||
स्वर्जिका तद्गुणान्न्यूना क्षारेण तु ततोऽधिका| क्षारः सर्वश्च परमं तीक्ष्णोष्णः कृमिजिल्लघुः| पित्तासृग्दूषणः पाकी छेद्यहृद्यो विदारणः| अपथ्यः कटुलावण्याच्छुक्रौजः केशचक्षुषाम्||२१||
🔊 Audio coming soon
শশিলেক ব্যাখ্যা (ইন্দু কৃত)
সর্বশ্চ স্বর্জিকাদিঃ ক্ষারোঽত্যর্থতীক্ষ্ণত্বাদিযুক্তঃ||২১||
Adhikarana হরীতকীগুণাঃ (২২) · Śloka ২২
কষাযা মধুরা পাকে রূক্ষা বিলবণা লঘুঃ| দীপনী পাচনী মেধ্যা বযসঃ স্থাপনী পরম্| উষ্ণবীর্যা সরাযুষ্যা বুদ্ধীন্দ্রিযবলপ্রদা| কুষ্ঠবৈবর্ণ্যবৈস্বর্যপুরাণবিষমজ্বরান্| শিরোঽক্ষিপাণ্ডুহৃদ্রোগকামলাগ্রহণীগদান্| সশোষশোফাতীসারমেহমোহবমিক্রিমীন্| শ্বাসকাসপ্রসেকার্শঃপ্লীহানাহগরোদরম্| বিবন্ধং স্রোতসাং গুল্মমূরুস্তম্ভমরোচকম্| হরীতকরী জযেদ্ব্যাধীংস্তাংস্তাংশ্চ কফবাতজান্||২২||
कषाया मधुरा पाके रूक्षा विलवणा लघुः| दीपनी पाचनी मेध्या वयसः स्थापनी परम्| उष्णवीर्या सरायुष्या बुद्धीन्द्रियबलप्रदा| कुष्ठवैवर्ण्यवैस्वर्यपुराणविषमज्वरान्| शिरोऽक्षिपाण्डुहृद्रोगकामलाग्रहणीगदान्| सशोषशोफातीसारमेहमोहवमिक्रिमीन्| श्वासकासप्रसेकार्शःप्लीहानाहगरोदरम्| विबन्धं स्रोतसां गुल्ममूरुस्तम्भमरोचकम्| हरीतकरी जयेद्व्याधींस्तांस्तांश्च कफवातजान्||२२||
🔊 Audio coming soon
শশিলেক ব্যাখ্যা (ইন্দু কৃত)
হরীতকী কষাযত্বাদিগুণযুক্তা| বিলবণা ইতি লবণরসবর্জিতা| বলাদুক্তং ভবতি পঞ্চরসা ইতি| তত্রাপি কষাযোঽধিকঃ| সা হরীতকী কুষ্ঠাদীনন্যাংশ্চ রোগান্ বাতশ্লেষ্মোদ্ভবান্ নাশযতি||২২||
Adhikarana আমলকগুণাঃ (২৩) · Śloka ২৩
তদ্বদামলকং শীতং মাধুর্যাত্ পিত্তজিত্পরম্| কফং কটুবিপাকিত্বাদম্লত্বান্মারুতঞ্জযেত্| পরং চ কণ্ঠ্যং চক্ষুষ্যং হৃদ্যং দাহজ্বরাপহম্||২৩||
तद्वदामलकं शीतं माधुर्यात् पित्तजित्परम्| कफं कटुविपाकित्वादम्लत्वान्मारुतञ्जयेत्| परं च कण्ठ्यं चक्षुष्यं हृद्यं दाहज्वरापहम्||२३||
🔊 Audio coming soon
শশিলেক ব্যাখ্যা (ইন্দু কৃত)
আমলকং তদ্বত্, গুণৈর্হরীতকীসদৃশমিত্যর্থঃ||২৩||
Adhikarana বিভীতকগুণাঃ (২৪) · Śloka ২৪
অক্ষন্তু তদ্গুণান্ন্যূনং কষাযমধুরং হিমম্| কাসশ্বাসগলশ্লেষ্মপিত্তশুক্রহরং লঘু| পরং কেশ্যস্তু তন্মজ্জা শুক্রঘ্নঞ্চ ততোঽঞ্জনম্||২৪||
अक्षन्तु तद्गुणान्न्यूनं कषायमधुरं हिमम्| कासश्वासगलश्लेष्मपित्तशुक्रहरं लघु| परं केश्यस्तु तन्मज्जा शुक्रघ्नञ्च ततोऽञ्जनम्||२४||
🔊 Audio coming soon
শশিলেক ব্যাখ্যা (ইন্দু কৃত)
অক্ষং বিভীতকং কটুবিপাকিত্বাদিগুণযুক্তং ইর্ষচ্চ তদ্গুণং হরীতকীগুণযুক্তমিত্যর্থঃ||২৪||
Adhikarana ত্রিফলাগুণাঃ (২৫) · Śloka ২৫
ইযং রসাযনবরা ত্রিফলাক্ষ্যামযাপহা| রোপণী ত্বগ্গদক্লেদমেদোমেহকফাস্রজিত্||২৫||
इयं रसायनवरा त्रिफलाक्ष्यामयापहा| रोपणी त्वग्गदक्लेदमेदोमेहकफास्रजित्||२५||
🔊 Audio coming soon
শশিলেক ব্যাখ্যা (ইন্দু কৃত)
ইযং ত্রিফলা হরীতক্যামলকবিভীতকসমাহারঃ||২৫||
Adhikarana ত্রিজাতকচতুর্জাতকযোর্গুণাঃ (২৬) · Śloka ২৬
সকেসরং চতুর্জাতং ত্বক্পত্রৈলং ত্রিজাতকম্| পিত্তপ্রকোপি তীক্ষ্ণোষ্ণং রূক্ষং রোচনদীপনম্| (পত্রকং কফবাতঘ্নং ত্রিসুগন্ধি ত্রিজাতকম্| কেসরং রক্তগুদজবিষপিত্তকফাপহম্| তদ্যুক্তং তচ্চতুর্জাতং নাতিশীতোষ্ণমুচ্যতে)||২৬||
सकेसरं चतुर्जातं त्वक्पत्रैलं त्रिजातकम्| पित्तप्रकोपि तीक्ष्णोष्णं रूक्षं रोचनदीपनम्| (पत्रकं कफवातघ्नं त्रिसुगन्धि त्रिजातकम्| केसरं रक्तगुदजविषपित्तकफापहम्| तद्युक्तं तच्चतुर्जातं नातिशीतोष्णमुच्यते)||२६||
🔊 Audio coming soon
শশিলেক ব্যাখ্যা (ইন্দু কৃত)
ত্বগাদিত্রযং ত্রিজাতকসংজ্ঞমেতদেব নাগকেসরযুক্তং চতুর্জাতকম্| সুবোধম্||২৬||
Adhikarana মরিচগুণাঃ (২৭) · Śloka ২৭
রসে পাকে চ কটুকং কফঘ্নং মরিচং লঘু||২৭||
रसे पाके च कटुकं कफघ्नं मरिचं लघु||२७||
🔊 Audio coming soon
শশিলেক ব্যাখ্যা (ইন্দু কৃত)
মরিচং রসপাকযোঃ কটুকং কফঘ্নত্বাদিযুক্তং চ||২৭||
Adhikarana আর্দ্রপিপ্পলীগুণাঃ (২৮) · Śloka ২৮
শ্লেষ্মলা স্বাদুশীতার্দ্রা গুর্বী স্নিগ্ধা চ পিপ্পলী||২৮||
श्लेष्मला स्वादुशीतार्द्रा गुर्वी स्निग्धा च पिप्पली||२८||
🔊 Audio coming soon
শশিলেক ব্যাখ্যা (ইন্দু কৃত)
আর্দ্রা পিপ্পলী শ্লেষ্মলাদিগুণা||২৮||
Adhikarana শুষ্কপিপ্পলীগুণাঃ (২৯) · Śloka ২৯
সা শুষ্কা বিপরীতাতঃ স্নিগ্ধা বৃষ্যা রসে কটুঃ| স্বাদুপাকানিলশ্লেষ্মশ্বাসকাসাপহা সরা|২৯|
सा शुष्का विपरीतातः स्निग्धा वृष्या रसे कटुः| स्वादुपाकानिलश्लेष्मश्वासकासापहा सरा|२९|
🔊 Audio coming soon
Adhikarana পিপ্পল্যা অত্যুপযোগনিষেধোঽপবাদশ্চ (২৯) · Śloka ২৯
ন তামত্যুপযুঞ্জীত রসাযনবিধিং বিনা||২৯||
न तामत्युपयुञ्जीत रसायनविधिं विना||२९||
🔊 Audio coming soon
শশিলেক ব্যাখ্যা (ইন্দু কৃত)
সা পিপ্প্পলী শুষ্কা অতঃ আর্দ্রীযাঃ সকাশাত্ বিপরীতাস্নিগ্ধত্বাদিগুণযুক্তা চ| এবংবিধামপি তাং চ পিপ্পলীমতিযোগেন নোপযুঞ্জীত বিনা রসাযনবিধিনা||২৯||
Adhikarana নাগরগুণাঃ আর্দ্রকগুণাশ্চ (৩০) · Śloka ৩০
নাগরং দীপনং বৃষ্যং গ্রাহি হৃদ্যং বিবন্ধনুত্| রুচ্যং লঘু স্বাদুপাকং স্নিগ্ধোষ্ণং কফবাতজিত্| তদ্বদার্দ্রকমেতচ্চ ত্রযং ত্রিকটুকং জযেত্| স্থৌল্যাগ্নিসদনশ্বাসকাসশ্লীপদপীনসান্||৩০||
नागरं दीपनं वृष्यं ग्राहि हृद्यं विबन्धनुत्| रुच्यं लघु स्वादुपाकं स्निग्धोष्णं कफवातजित्| तद्वदार्द्रकमेतच्च त्रयं त्रिकटुकं जयेत्| स्थौल्याग्निसदनश्वासकासश्लीपदपीनसान्||३०||
🔊 Audio coming soon
শশিলেক ব্যাখ্যা (ইন্দু কৃত)
এতচ্চ ত্রযং মরিচপিপ্পলীনাগরসংজ্ঞকং ত্রিকটুকসংজ্ঞম্||৩০||
Adhikarana চবিকাপিপ্পলীমূলগুণাঃ (৩১) · Śloka ৩১
চবিকা পিপ্পলীমূলং মরিচাল্পান্তরং গুণৈঃ||৩১||
चविका पिप्पलीमूलं मरिचाल्पान्तरं गुणैः||३१||
🔊 Audio coming soon
শশিলেক ব্যাখ্যা (ইন্দু কৃত)
চবিকা পিপ্পলীমূলং চ মরিচাত্ ক্রমেণাল্পগুণম্||৩১||
Adhikarana চিত্রকগুণাঃ (৩২) · Śloka ৩২
চিত্রকোঽগ্নিসমঃ পাকে শোফার্শঃ কৃমিকুষ্ঠহা||৩২||
चित्रकोऽग्निसमः पाके शोफार्शः कृमिकुष्ठहा||३२||
🔊 Audio coming soon
শশিলেক ব্যাখ্যা (ইন্দু কৃত)
চিত্রকঃ পাকে পাককর্তৃত্বেঽগ্নিসমঃ||৩২||
Adhikarana পঞ্চকোলগুণাঃ (৩৩) · Śloka ৩৩
পঞ্চকোলকমেতচ্চ মরিচেন বিনা স্মৃতম্| গুল্মপ্লীহোদরানাহশূলঘ্নং দীপনং পরম্||৩৩||
पञ्चकोलकमेतच्च मरिचेन विना स्मृतम्| गुल्मप्लीहोदरानाहशूलघ्नं दीपनं परम्||३३||
🔊 Audio coming soon
শশিলেক ব্যাখ্যা (ইন্দু কৃত)
এতত্ পিপ্পল্যাদিচিত্রকান্তং পঞ্চকোলসংজ্ঞিতম্||৩৩||
Adhikarana বৃহত্পঞ্চমূলগুণাঃ (৩৪) · Śloka ৩৪
বিল্বকাশ্মর্যতর্কারীপাটলাটুণ্টুকৈর্মহত্| জযেত্কষাযং তিক্তোষ্ণং পঞ্চমূলং কফানিলৌ||৩৪||
बिल्वकाश्मर्यतर्कारीपाटलाटुण्टुकैर्महत्| जयेत्कषायं तिक्तोष्णं पञ्चमूलं कफानिलौ||३४||
🔊 Audio coming soon
Adhikarana হ্রস্বপঞ্চমূলগুণাঃ (২) · Śloka ২
হ্রস্বং বৃহত্যংশুমতীদ্বযগোক্ষুরকৈঃ স্মৃতম্| স্বাদুপাকরসং নাতিশীতোষ্ণং সর্বদোষজিত্||২||
ह्रस्वं बृहत्यंशुमतीद्वयगोक्षुरकैः स्मृतम्| स्वादुपाकरसं नातिशीतोष्णं सर्वदोषजित्||२||
🔊 Audio coming soon
Adhikarana মধ্যমপঞ্চমূলগুণাঃ (৩৪) · Śloka ৩৪
বলাপুনর্নবৈরণ্ডশূর্পপর্ণীদ্বযেন চ| মধ্যমং কফবাতঘ্নং নাতিপিত্তকরং লঘু|৩৪|
बलापुनर्नवैरण्डशूर्पपर्णीद्वयेन च| मध्यमं कफवातघ्नं नातिपित्तकरं लघु|३४|
🔊 Audio coming soon
Adhikarana জীবনপঞ্চমূলগুণাঃ (৩৪) · Śloka ৩৪
অভীরুবীরাজীবন্তীজীবকর্ষভকৈঃ স্মৃতম্| জীবনাখ্যং তু চক্ষুষ্যং বৃষ্যং পিত্তানিলাপহম্|৩৪|
अभीरुवीराजीवन्तीजीवकर्षभकैः स्मृतम्| जीवनाख्यं तु चक्षुष्यं वृष्यं पित्तानिलापहम्|३४|
🔊 Audio coming soon
Adhikarana তৃণপঞ্চমূলগুণাঃ (৩৪) · Śloka ৩৪
তৃণাখ্যং শরদর্ভেক্ষুশালিকাশৈস্তু পিত্তজিত্| অজশৃঙ্গী হরিদ্রা চ বিদারী সারিবাঽমৃতাঃ|৩৪|
तृणाख्यं शरदर्भेक्षुशालिकाशैस्तु पित्तजित्| अजशृङ्गी हरिद्रा च विदारी सारिवाऽमृताः|३४|
🔊 Audio coming soon
Adhikarana বল্লীকণ্টকপঞ্চমূলযোর্গুণাঃ (৩৪) · Śloka ৩৪
বল্ল্যাখ্যং কণ্টকাখ্যং তু শ্বদংষ্ট্রাঽভীরুসৈর্যকৈঃ| সহিংস্রাকরমর্দীকৈঃ সর্বদোষহরে চ তে||৩৪||
बल्ल्याख्यं कण्टकाख्यं तु श्वदंष्ट्राऽभीरुसैर्यकैः| सहिंस्राकरमर्दीकैः सर्वदोषहरे च ते||३४||
🔊 Audio coming soon
শশিলেক ব্যাখ্যা (ইন্দু কৃত)
মিশ্রীভাবাত্ বিল্বাদিকং মহত্ পঞ্চমূলং বাতশ্লেষ্মাণৌ জযেত্ কষাযত্বাদিগুণযুক্তঞ্চ| বৃহত্যাদিপঞ্চমূলঞ্চ হ্রস্বং মধুররসত্বাদিগুণযুক্তং চ| বলাদি মধ্যমং কফবাতঘ্নত্বাদিযুক্তম্| অভীর্বাদি জীবনং নাম পঞ্চমূলং চক্ষুষ্যত্বাদিযুক্তম্| দর্ভাদিতৃণপঞ্চমূলসংজ্ঞিতং পিত্তজিত্| অজশৃঙ্গ্যাদিপঞ্চমূলং বল্লীনাম সর্বদোষহরম্| শ্বদংষ্ট্রাদি কণ্টকনাম| এতচ্চ সর্বদোষহরম্|
Adhikarana কারব্যাদিগুণাঃ (৩৫) · Śloka ৩৫
কারবী কুঞ্চিবাজাজীকবরীধান্যতুম্বুরু| অন্নগন্ধহরং রুচ্যং দীপনং কফবাতজিত্||৩৫||
कारवी कुञ्चिवाजाजीकबरीधान्यतुम्बुरु| अन्नगन्धहरं रुच्यं दीपनं कफवातजित्||३५||
🔊 Audio coming soon
শশিলেক ব্যাখ্যা (ইন্দু কৃত)
কারব্যাদি প্রত্যেকমন্নানামাহার্যাণাং দুর্গন্ধং নাশযতি||৩৫||
Adhikarana বাষ্পিকারাজিকযোর্গুণাঃ (৩৬) · Śloka ৩৬
বাষ্পিকা কটুতিক্তোষ্ণা কৃমিশ্লেষ্মহরা পরম্| তদ্বচ্চ রাজিকা বিঘ্নসাদনী দীপনী পরা| শূলাটোপহরা রুচ্যা||৩৬||
बाष्पिका कटुतिक्तोष्णा कृमिश्लेष्महरा परम्| तद्वच्च राजिका विघ्नसादनी दीपनी परा| शूलाटोपहरा रुच्या||३६||
🔊 Audio coming soon
শশিলেক ব্যাখ্যা (ইন্দু কৃত)
বাষ্পিকা কটুকত্বাদিযুক্তা| রাজিকা বাষ্পিকাসদৃশগুণা||
Adhikarana দীপ্যকগুণাঃ (৩৭) · Śloka ৩৭
দীপ্যকঃ কোষ্ঠশূলজিত্|৩৭|
दीप्यकः कोष्ठशूलजित्|३७|
🔊 Audio coming soon
Adhikarana সর্ষপগুণাঃ (৩৭) · Śloka ৩৭
অহৃদ্যাঃ সর্ষপাঃ স্নিগ্ধা বাষ্পিকাবচ্চ কীর্ত্তিতাঃ|৩৭|
अहृद्याः सर्षपाः स्निग्धा बाष्पिकावच्च कीर्त्तिताः|३७|
🔊 Audio coming soon
Adhikarana হিঙ্গুগুণাঃ (৩৭) · Śloka ৩৭
হিঙ্গু বাতকফানাহশূলঘ্নং পিত্তকোপনম্| কটুপাকরসং রুচ্যং দীপনং পাচনং লঘু| পিত্তাস্রকোপি তচ্চৈব শ্রেষ্ঠং বোষ্কাণদেশজম্| ততো ন্যূনগুণং ত্বন্যদ্দ্রব্যব্যঞ্জনধূপনম্|৩৭|
हिङ्गु वातकफानाहशूलघ्नं पित्तकोपनम्| कटुपाकरसं रुच्यं दीपनं पाचनं लघु| पित्तास्रकोपि तच्चैव श्रेष्ठं बोष्काणदेशजम्| ततो न्यूनगुणं त्वन्यद्द्रव्यव्यञ्जनधूपनम्|३७|
🔊 Audio coming soon
Adhikarana শতাহ্বাদীনাং গুণাঃ (৩৭) · Śloka ৩৭
শতাহ্বাকুষ্ঠতগরসুরদারুহরেণবঃ| এলৈলবালুসরলত্বগ্ব্যাঘ্রনখচোরকাঃ| লঘূষ্ণাঃ কটুকাঃ পাকে কফবাতনিবর্হণাঃ|৩৭|
शताह्वाकुष्ठतगरसुरदारुहरेणवः| एलैलवालुसरलत्वग्व्याघ्रनखचोरकाः| लघूष्णाः कटुकाः पाके कफवातनिबर्हणाः|३७|
🔊 Audio coming soon
Adhikarana সৈর্যকগুণাঃ (৩৭) · Śloka ৩৭
সৈর্যকস্তিক্তমধুরঃ স্নিগ্ধোষ্ণঃ কফবাতজিত্|৩৭|
सैर्यकस्तिक्तमधुरः स्निग्धोष्णः कफवातजित्|३७|
🔊 Audio coming soon
Adhikarana গোক্ষুরকগুণাঃ (৩৭) · Śloka ৩৭
বস্তিমূত্রবিবন্ধঘ্নো বৃষ্যো গোক্ষুরকো হিমঃ|৩৭|
बस्तिमूत्रविबन्धघ्नो वृष्यो गोक्षुरको हिमः|३७|
🔊 Audio coming soon
Adhikarana বিষাদ্বযগুণাঃ (৩৭) · Śloka ৩৭
পাচনং কফপিত্তঘ্নং তিক্তং শীতং বিষাদ্বযম্||৩৭||
पाचनं कफपित्तघ्नं तिक्तं शीतं विषाद्वयम्||३७||
🔊 Audio coming soon
শশিলেক ব্যাখ্যা (ইন্দু কৃত)
বিষাদ্বযমতিবিষা প্রতিবিষা চ||৩৭||
Adhikarana মুস্তগুণাঃ (৩৮) · Śloka ৩৮
কফঘ্নং তিক্তকটুকং মুস্তং সংগ্রাহি পাচনম্|৩৮|
कफघ्नं तिक्तकटुकं मुस्तं संग्राहि पाचनम्|३८|
🔊 Audio coming soon
Adhikarana অমৃতাগুণাঃ (৩৮) · Śloka ৩৮
তিক্তাঽমৃতা ত্রিদোষঘ্নী গ্রাহিণ্যুষ্ণা রসাযনী| দীপনী জ্বরতৃড্দাহকামলাবাতরক্তনুত্|৩৮|
तिक्ताऽमृता त्रिदोषघ्नी ग्राहिण्युष्णा रसायनी| दीपनी ज्वरतृड्दाहकामलावातरक्तनुत्|३८|
🔊 Audio coming soon
Adhikarana ভূনিম্বপর্পটযোর্গুণাঃ (৩৮) · Śloka ৩৮
তিক্তশীতৌ জ্বরহরৌ লঘূ ভূনিম্বপর্পটৌ|৩৮|
तिक्तशीतौ ज्वरहरौ लघू भूनिम्बपर्पटौ|३८|
🔊 Audio coming soon
Adhikarana নিম্বগুণাঃ (৩৮) · Śloka ৩৮
নিম্বস্তিক্তো হিমঃ কুষ্ঠকৃমিপিত্তকফাপহঃ|৩৮|
निम्बस्तिक्तो हिमः कुष्ठकृमिपित्तकफापहः|३८|
🔊 Audio coming soon
Adhikarana মহানিম্বগুণাঃ (৩৮) · Śloka ৩৮
মহানিম্বঃ পরং গ্রাহী কষাযো রূক্ষশীতলঃ|৩৮|
महानिम्बः परं ग्राही कषायो रूक्षशीतलः|३८|
🔊 Audio coming soon
Adhikarana গুগ্গুলুগুণাঃ (৩৮) · Śloka ৩৮
গুগ্গুলুঃ পিচ্ছিলস্পর্শে বিশদোঽভ্যবহারতঃ| সস্বাদুঃ সকটুস্তিক্তঃ সকষাযো রসাযনম্| বর্ণ্যঃ স্বর্যঃ কটুঃ পাকে রূক্ষঃ সূক্ষ্মোঽগ্নিদীপনঃ| ক্লেদমেদোনিলশ্লেষ্মগণ্ডমেহাপচীক্রিমীন্| পিটকাগ্রন্থিশোফাংশ্চ হন্ত্যুষ্ণঃ স্রংসনো লঘুঃ||৩৮||
गुग्गुलुः पिच्छिलस्पर्शे विशदोऽभ्यवहारतः| सस्वादुः सकटुस्तिक्तः सकषायो रसायनम्| वर्ण्यः स्वर्यः कटुः पाके रूक्षः सूक्ष्मोऽग्निदीपनः| क्लेदमेदोनिलश्लेष्मगण्डमेहापचीक्रिमीन्| पिटकाग्रन्थिशोफांश्च हन्त्युष्णः स्रंसनो लघुः||३८||
🔊 Audio coming soon
শশিলেক ব্যাখ্যা (ইন্দু কৃত)
গুগ্গুলুঃ স্পর্শে পিচ্ছিলঃ অভ্যবহারাত্তু স্রোতোবৈশদ্যকৃত্| তথা স্বাদুরসত্বাদিযুক্তঃ স্রংসনোঽনুলোমনঃ||৩৮||
Adhikarana শঙ্খপুষ্পীগুণাঃ (৩৯) · Śloka ৩৯
শঙ্খপুষ্পী সরা তিক্তা মেধ্যা কৃমিবিষাপহা|৩৯|
शङ्खपुष्पी सरा तिक्ता मेध्या कृमिविषापहा|३९|
🔊 Audio coming soon
Adhikarana অগুরুগুণাঃ (৩৯) · Śloka ৩৯
কটুতিক্তোষ্ণমগুরু স্নিগ্ধং বাতকফাপহম্| পিত্তাস্রবিষতৃড্দাহক্লমঘ্নং গুরু রূক্ষণম্|৩৯|
कटुतिक्तोष्णमगुरु स्निग्धं वातकफापहम्| पित्तास्रविषतृड्दाहक्लमघ्नं गुरु रूक्षणम्|३९|
🔊 Audio coming soon
Adhikarana চংদনসামান্যগুণাঃ (৩৯) · Śloka ৩৯
সর্বং সতিক্তমধুরং চন্দনং শিশিরং পরম্| লঘু রক্তম্||৩৯||
सर्वं सतिक्तमधुरं चन्दनं शिशिरं परम्| लघु रक्तम्||३९||
🔊 Audio coming soon
শশিলেক ব্যাখ্যা (ইন্দু কৃত)
সর্বং চন্দনং শ্বেতং রক্তং পীতং চ তিক্তরসত্বাদিযুক্তম্| তেভ্যো রক্তচন্দনং লঘু| বলাদুক্তং ভবতি শেষে গুরুণী ইতি||৩৯||
Adhikarana উশীরবালকযোর্গুণাঃ (৪০) · Śloka ৪০
তথোশীরং বালকং পাচনং চ তত্| জ্বরাতিসারবমথুরক্তপিত্তক্ষতাপহম্||৪০||
तथोशीरं वालकं पाचनं च तत्| ज्वरातिसारवमथुरक्तपित्तक्षतापहम्||४०||
🔊 Audio coming soon
শশিলেক ব্যাখ্যা (ইন্দু কৃত)
উশীরং বালকং চ তথৈব রক্তচন্দনবদ্ গুণৈর্বিজ্ঞেযং জ্বরাদিনাশনঞ্চ||৪০||
Adhikarana মধুকগুণাঃ (৪১) · Śloka ৪১
মধুকং রক্তপিত্তঘ্নং ব্রণশোধনরোপণম্| গুরু স্বাদু হিমং বৃষ্যং চক্ষুষ্যং স্বরবর্ণকৃত্||৪১||
मधुकं रक्तपित्तघ्नं व्रणशोधनरोपणम्| गुरु स्वादु हिमं वृष्यं चक्षुष्यं स्वरवर्णकृत्||४१||
🔊 Audio coming soon
শশিলেক ব্যাখ্যা (ইন্দু কৃত)
সুবোধম্||৪১||
Adhikarana নিশাদ্বযগুণাঃ (৪২) · Śloka ৪২
কটুতিক্তে নিশে কুষ্ঠমেহপিত্তকফাপহে| প্রলেপাজ্জযতঃ কণ্ডূং শোফং দুষ্টব্রণং বিষম্|৪২|
कटुतिक्ते निशे कुष्ठमेहपित्तकफापहे| प्रलेपाज्जयतः कण्डूं शोफं दुष्टव्रणं विषम्|४२|
🔊 Audio coming soon
শশিলেক ব্যাখ্যা (ইন্দু কৃত)
নিশে দ্বে পিণ্ডহরিদ্রা দারুহরিদ্রা চ||৪২||
Adhikarana প্রপৌণ্ডরীকগুণাঃ (৪২) · Śloka ৪২
প্রপৌণ্ডরীকং চক্ষুষ্যং শিশিরং ব্রণরোপণম্| কষাযতিক্তমধুরং রক্তপিত্তপ্রসাদনম্|৪২|
प्रपौण्डरीकं चक्षुष्यं शिशिरं व्रणरोपणम्| कषायतिक्तमधुरं रक्तपित्तप्रसादनम्|४२|
🔊 Audio coming soon
Adhikarana বলাত্রযগুণাঃ (৪২) · Śloka ৪২
বলাত্রযং স্বাদু বৃষ্যং স্নিগ্ধং শীতং বলপ্রদম্|৪২|
बलात्रयं स्वादु वृष्यं स्निग्धं शीतं बलप्रदम्|४२|
🔊 Audio coming soon
Adhikarana নাগবলাগুণাঃ (৪২) · Śloka ৪২
তত্র নাগবলা বল্যা ক্ষতক্ষীণহিতা গুরুঃ||৪২||
तत्र नागबला बल्या क्षतक्षीणहिता गुरुः||४२||
🔊 Audio coming soon
Adhikarana তাম্বূলগুণাঃ (৪৩) · Śloka ৪৩
তাম্বূলং কটু সক্ষারং রুচ্যমুষ্ণং কফপ্রণুত্||৪৩||
ताम्बूलं कटु सक्षारं रुच्यमुष्णं कफप्रणुत्||४३||
🔊 Audio coming soon
শশিলেক ব্যাখ্যা (ইন্দু কৃত)
তাম্বূলং তাম্বূলীলতাপত্রং সক্ষারমীষত্ ক্ষারগুণযুক্তম্|
Adhikarana পূগগুণাঃ (৪৪) · Śloka ৪৪
ভেদি সম্মোহকৃত্ পূগং কষাযং স্বাদু রোচনম্|৪৪|
भेदि सम्मोहकृत् पूगं कषायं स्वादु रोचनम्|४४|
🔊 Audio coming soon
শশিলেক ব্যাখ্যা (ইন্দু কৃত)
সুবোধম্||৪৪||
Adhikarana জাতিপত্র্যাদীনাং গুণাঃ (৪৪) · Śloka ৪৪
জাতিপত্রী কটুফলং কঙ্কোলকলবঙ্গকম্| লঘু তৃষ্ণাপহং হৃদ্যং বক্ত্রদৌর্গন্ধ্যনাশনম্||৪৪||
जातिपत्री कटुफलं कङ्कोलकलवङ्गकम्| लघु तृष्णापहं हृद्यं वक्त्रदौर्गन्ध्यनाशनम्||४४||
🔊 Audio coming soon
Adhikarana কর্পূরগুণাঃ (১) · Śloka ১
সস্বাদুতিক্তস্তৃষ্ণাঘ্নঃ কর্পূরশ্ছেদনো হিমঃ||১||
सस्वादुतिक्तस्तृष्णाघ्नः कर्पूरश्छेदनो हिमः||१||
🔊 Audio coming soon
Adhikarana লতাকস্তূরিকাগুণাঃ (৪৪) · Śloka ৪৪
লতাকস্তূরিকা তদ্বন্মুখশোষহরা পরম্|৪৪|
लताकस्तूरिका तद्वन्मुखशोषहरा परम्|४४|
🔊 Audio coming soon
Adhikarana পদ্মাদীনাং গুণাঃ (৪৪) · Śloka ৪৪
কষাযমধুরং শীতং পদ্মং পিত্তকফাস্রজিত্| তদ্বদ্বকুলপুন্নাগকুমুদোত্পলপাটলম্||৪৪||
कषायमधुरं शीतं पद्मं पित्तकफास्रजित्| तद्वद्वकुलपुन्नागकुमुदोत्पलपाटलम्||४४||
🔊 Audio coming soon
Adhikarana চম্পকাদীনাং গুণাঃ (৪৫) · Śloka ৪৫
সচম্পকং ততো ন্যূনং গুণৈঃ কোরণ্ডকিংশুকম্| মালতীমল্লিকাপুষ্পং তিক্তং জযতি মারুতম্||৪৫||
सचम्पकं ततो न्यूनं गुणैः कोरण्डकिंशुकम्| मालतीमल्लिकापुष्पं तिक्तं जयति मारुतम्||४५||
🔊 Audio coming soon
শশিলেক ব্যাখ্যা (ইন্দু কৃত)
কোরণ্ডং কিংশুকং চ পদ্মাদূনগুণম্||৪৫||
Adhikarana নাগকেসরসিন্ধুবারযোর্গুণাঃ (৪৬) · Śloka ৪৬
বিষপিত্তকফান্নাগং সিন্দুবারং চ তদ্গুণম্||৪৬||
विषपित्तकफान्नागं सिन्दुवारं च तद्गुणम्||४६||
🔊 Audio coming soon
শশিলেক ব্যাখ্যা (ইন্দু কৃত)
নাগং নাগপুষ্পম্||৪৬||
Adhikarana কেতকীশিরীষপুষ্পযোঃ গুণাঃ (৪৭) · Śloka ৪৭
কফঘ্নং কৈতকং তিক্তং শৈরীষং বিষহারি চ|৪৭|
कफघ्नं कैतकं तिक्तं शैरीषं विषहारि च|४७|
🔊 Audio coming soon
Adhikarana অগস্ত্যপুষ্পগুণাঃ (৪৭) · Śloka ৪৭
বাতলং পুষ্পমাগস্ত্যং কষাযং কফপিত্তজিত্| চতুর্থিকজ্বরহরং নাবনেনোপযোজিতম্|৪৭|
वातलं पुष्पमागस्त्यं कषायं कफपित्तजित्| चतुर्थिकज्वरहरं नावनेनोपयोजितम्|४७|
🔊 Audio coming soon
Adhikarana বন্ধূকযূথিকাপুষ্পযোর্গুণাঃ (৪৭) · Śloka ৪৭
বন্ধূকং শ্লেষ্মলং গ্রাহি তদ্বদেব চ যূথিকা|৪৭|
बन्धूकं श्लेष्मलं ग्राहि तद्वदेव च यूथिका|४७|
🔊 Audio coming soon
Adhikarana কুঙ্কুমগুণাঃ (৪৭) · Śloka ৪৭
কফঘ্নমুষ্ণবীর্যং চ কুঙ্কুমং ব্রণশোধনম্|৪৭|
कफघ्नमुष्णवीर्यं च कुङ्कुमं व्रणशोधनम्|४७|
🔊 Audio coming soon
Adhikarana অবল্গুজৈডগজবীজযোর্গুণাঃ (৪৭) · Śloka ৪৭
অবল্গ্বেডকজং বীজং কটিবাতকফপ্রণুত্|৪৭|
अवल्ग्वेडकजं बीजं कटिवातकफप्रणुत्|४७|
🔊 Audio coming soon
Adhikarana আস্যা-অধ্ব-চংক্রমণ-গুণাঃ (৪৭) · Śloka ৪৭
আস্যা বর্ণশ্লেষ্মমেদঃ সৌকুমার্যকৃদন্যথা| অতোঽধ্বাগ্নিবলাযূংষি কুর্যাচ্চঙ্ক্রমণং সুখম্| মারুতস্যানুলোম্যং চ খুডস্তম্ভশ্রমাপহম্||৪৭||
आस्या वर्णश्लेष्ममेदः सौकुमार्यकृदन्यथा| अतोऽध्वाग्निबलायूंषि कुर्याच्चङ्क्रमणं सुख़म्| मारुतस्यानुलोम्यं च ख़ुडस्तम्भश्रमापहम्||४७||
🔊 Audio coming soon
শশিলেক ব্যাখ্যা (ইন্দু কৃত)
আস্যা নিষ্ক্রিযস্যাসনে অভ্যাসঃ বর্ণকৃত্বাদিগুণযুক্তা| অধ্বা এতদ্বিপরীতগুণঃ| চঙ্ক্রমণমগ্নিবৃদ্ধ্যাদিকরং মারুতস্য বাযোরানুলোম্যং চ করোতি||৪৭||
Adhikarana পাদত্রগুণাঃ (৪৮) · Śloka ৪৮
অন্বর্থসংজ্ঞং পাদত্রং বলদৃক্শুক্রবর্দ্ধনম্||৪৮||
अन्वर्थसंज्ञं पादत्रं बलदृक्शुक्रवर्द्धनम्||४८||
🔊 Audio coming soon
শশিলেক ব্যাখ্যা (ইন্দু কৃত)
পাদত্রমন্বর্থসংজ্ঞং পাদরক্ষণমিত্যর্থঃ| তচ্চ খুডাদিনাশনম্||৪৮||
Adhikarana ছত্রগুণাঃ (৪৯) · Śloka ৪৯
বর্ণ্যং নেত্রহিতং ছত্রং বাতবর্ষাতপাপহম্||৪৯||
वर्ण्यं नेत्रहितं छत्रं वातवर्षातपापहम्||४९||
🔊 Audio coming soon
Adhikarana প্রবাত- অপ্রবাতযোর্গুণাঃ (৫০) · Śloka ৫০
প্রবাতো রৌক্ষ্যবৈবর্ণ্যস্তম্ভকৃদ্দাহতৃড্ভ্রমান্| শ্রমাগ্নিমূর্চ্ছাংশ্চ জযেদপ্রবাতস্ত্বতোঽন্যথা||৫০||
प्रवातो रौक्ष्यवैवर्ण्यस्तम्भकृद्दाहतृड्भ्रमान्| श्रमाग्निमूर्च्छांश्च जयेदप्रवातस्त्वतोऽन्यथा||५०||
🔊 Audio coming soon
শশিলেক ব্যাখ্যা (ইন্দু কৃত)
প্রবাতঃ প্রদেশো যত্র প্রকৃষ্টো বাতঃ স রৌক্ষ্যাদিগুণযুক্তঃ| দাহাদিকং চ জযেত্| এতদ্বিপরীতগুণোঽপ্রবাতঃ||৫০||
Adhikarana প্রাগ্বাতগুণাঃ (৫১) · Śloka ৫১
প্রাগ্বাযুরুষ্ণোঽভিষ্যন্দি ত্বগ্দোষার্শোবিষক্রিমীন্| সন্নিপাতজ্বরং শ্বাসমামং বাযুং চ কোপযেত্|৫১|
प्राग्वायुरुष्णोऽभिष्यन्दि त्वग्दोषार्शोविषक्रिमीन्| सन्निपातज्वरं श्वासमामं वायुं च कोपयेत्|५१|
🔊 Audio coming soon
Adhikarana পশ্চিমবাতগুণাঃ (৫১) · Śloka ৫১
পশ্চিমঃ শিশিরো হন্তি মূর্চ্ছাং দাহং তৃষং বিষম্|৫১|
पश्चिमः शिशिरो हन्ति मूर्च्छां दाहं तृषं विषम्|५१|
🔊 Audio coming soon
Adhikarana দক্ষিণমারুতগুণাঃ (৫১) · Śloka ৫১
দক্ষিণো মারুতঃ শ্রেষ্ঠো নেত্র্যোঽঙ্গবলবর্ধনঃ| রক্তপিত্তপ্রশমনো ন চ বাতপ্রকোপনঃ|৫১|
दक्षिणो मारुतः श्रेष्ठो नेत्र्योऽङ्गबलवर्धनः| रक्तपित्तप्रशमनो न च वातप्रकोपनः|५१|
🔊 Audio coming soon
Adhikarana উত্তরবাতগুণাঃ (৫১) · Śloka ৫১
উত্তরো মারুতঃ স্নিগ্ধো মৃদুর্মধুর এব চ| কষাযানুরসঃ শীতো দোষাণামপ্রকোপনঃ|৫১|
उत्तरो मारुतः स्निग्धो मृदुर्मधुर एव च| कषायानुरसः शीतो दोषाणामप्रकोपनः|५१|
🔊 Audio coming soon
Adhikarana আতপাদীনাং গুণাঃ (৫১) · Śloka ৫১
আতপো ভ্রমতৃট্স্বেদদাহমূর্চ্ছাবিবর্ণতাঃ| কুর্যাত্ পিত্ত্তাস্রবহ্নিংশ্চ ছাযা চৈতানপোহতি| তমঃ কষাযকটুকং জ্যোত্স্না মধুরশীলতা||৫১||
आतपो भ्रमतृट्स्वेददाहमूर्च्छाविवर्णताः| कुर्यात् पित्त्तास्रवह्निंश्च छाया चैतानपोहति| तमः कषायकटुकं ज्योत्स्ना मधुरशीलता||५१||
🔊 Audio coming soon
শশিলেক ব্যাখ্যা (ইন্দু কৃত)
ছাযা ত্বেতান্ ভ্রমাদীন্ ব্যপোহতি| অদ্রব্যাণাং গুণনির্দেশস্তদ্গুণশারীরদ্রব্যাভিবৃদ্ধিনাশহেতুত্বপ্রদর্শনায|| ৫১||
Adhikarana তমসঃ গুণাঃ (৫২) · Śloka ৫২
তমঃ কষাকটুকং জ্যোত্স্না মধুরশীলতা|৫২|
तमः कषाकटुकं ज्योत्स्ना मधुरशीलता|५२|
🔊 Audio coming soon
Adhikarana উপসংহারঃ (১২) · Śloka ১২
ভবতি চাত্র- রসাদিভেদৈরিতি ভেষজানাং দিঙ্মাত্রমুক্তন্ন যতোঽস্তি কিঞ্চিত্| অনৌষধং দ্রব্যমিহাববোধো রূপস্য তেষাং বনগোচরেভ্যঃ||৫২|| ইতি শ্রীবৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযাং সূত্রস্থানে বিবিধৌষধবিজ্ঞানীযো নাম দ্বাদশোঽধ্যাযঃ||১২||
भवति चात्र- रसादिभेदैरिति भेषजानां दिङ्मात्रमुक्तन्न यतोऽस्ति किञ्चित्| अनौषधं द्रव्यमिहावबोधो रूपस्य तेषां वनगोचरेभ्यः||५२|| इति श्रीवैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायां सूत्रस्थाने विविधौषधविज्ञानीयो नाम द्वादशोऽध्यायः||१२||
🔊 Audio coming soon
শশিলেক ব্যাখ্যা (ইন্দু কৃত)
রসাদীনাং রসবীর্যবিপাকপ্রভাবানাং ভেদৈঃ পরস্পরং সংযোগপ্রকারৈর্ভেষজানামৌষধানাং দিঙ্মাত্রমুক্তং মার্গো দর্শিতঃ যতো ন কিঞ্চিদনৌষধমস্তি| বিষং মারণাত্মকমপি কার্যেষূপযুজ্যতে| যত্ত্বনৌষধং পূর্বমুক্তং তন্মাত্রাবস্থাকালাদিবশাত্| তেষাং চ ভেষজানাং রূপাববোধো বনগোচরেভ্যো গোপতাপসাদিভ্যো বৈদ্যস্য নিষ্পদ্যতে||৫২|| ইতি শ্রীমন্মহামহোপাধ্যাযেন্দুবিরচিতাযা-মষ্টাঙ্গসংগ্রহব্যাখ্যাযাং শশিলেখাযাং সূত্রস্থানে দ্বাদশোঽধ্যাযঃ||১২||