১৯. দোষাদিবিজ্ঞানীযঃ

শশিলেক ব্যাখ্যা (ইন্দু কৃত)

দ্রব্যং দেহে দোষাদিবৃদ্ধিক্ষযদ্বারণৈবোপযুজ্যতে| তে চ দোষাদযঃ প্রাকৃতেন বৈকৃতেন চ স্বরূপেণ ন জ্ঞাতাঃ| অতস্তদ্বিজ্ঞানার্থমধ্যাযারম্ভঃ||১||

শশিলেক ব্যাখ্যা (ইন্দু কৃত)

দোষেত্যাদি| দোষাদযো মূলং কারণং যস্য স তথা| দোষাদীন্ বর্জযিত্বা নান্যচ্ছরীরসম্বদ্ধং শরীরে দৃশ্যতে| ত এব সংযুক্তা দেহ ইতি যাবত্| তত্র দোষা বাতাদযঃ| ধাতবো রসাদযঃ| মলামূত্রশকৃত্স্বেদাদযঃ| এষাং প্রাকৃতানাং যথাস্বং নানাবিধৈঃ কর্মভিঃ ক্রমেণ তমুচ্ছ্বাসেত্যাদিনা দেহোপকারিত্বমুচ্যতে, ন হ্যনুপকারকঃ কারণতাং যাতি| তং দেহমুচ্ছ্বাসাদিভির্বাযুরনুগৃহ্ণাতি| উচ্ছ্বাসঃ শ্বাসস্যোদ্গমনম্| নিঃ শ্বাসোঽন্তঃপ্রবেশনম্| উত্সাহঃ কার্যোত্থানশক্তিঃ| প্রস্পন্দোঽঙ্গচেষ্টা| ইন্দ্রিযপাটবং চক্ষুরাদীনাং স্ববিষযগ্রহণেষু স্ফুটত্বম্| বেগানাং পূর্বোক্তানাং মূত্রপুরীষাদীনাং প্রবর্তনম্| আদিগ্রহণেনান্যত্ সর্বং দেহস্থিতিং ক্রিযাস্বরূপং ভাবং গৃহ্যতে| তথা তং দেহং পক্ত্যূষ্মাদিভিঃ পিত্তমনুগৃহ্ণাতি| পক্তিঃ পাকঃ পচনক্রিযা| তত্ফলং চোষ্মা তেজঃ| অভিলাষঃ প্রিযোপভোগেচ্ছা| প্রভাপ্রসাদঃ কান্তিবৈশদ্যম্| দর্শনং স্বরূপগ্রহণশক্তিঃ| মেধা প্রজ্ঞা| আদিগ্রহণাদন্যানি তেজস্করাণি দেহে গৃহ্যন্তে| তং দেহং স্থৈর্যাদিভিঃ শ্লেষ্মানুগৃহ্ণাতি| সন্ধিবন্ধঃ পর্বশ্লেষঃ| বৃষতা স্ত্রীগমনশক্ততা| আদিগ্রহণাত্ সৌম্যভাবপরিগ্রহঃ||২||

শশিলেক ব্যাখ্যা (ইন্দু কৃত)

দেহং তুষ্ট্যাদিভিঃ রসোনুগৃহ্ণাতি| তুষ্টিঃ মনঃপ্রীতি| প্রীণনং হৃদযাশ্বাসনম্| রক্তস্য পুষ্টির্দ্ধাত্বাহারশ্চেতি স্মরণীযং সর্বধাতুষু| অসৃক্জীবনত্বাদিভিঃ| জীবনত্বং প্রাণসন্ধারকত্বম্| লেপাদিভিঃ মাংসং দেহমনুগৃহ্ণাতি| নেত্রাস্নিগ্ধতাদিভির্মেদঃ| দেহোর্ধ্বতাধারণেনাস্থি| দেহস্যোর্ধ্বতযা ধারণং দেহোর্ধ্বতাধারণম্| উত্থিতাসনমিতি যাবত্| অন্যথা অস্থ্যভাবাদ্দেহে মাংসং পিণ্ডীভূতংস্যাত্| স্নেহাদিভির্মজ্জা| হর্ষাদিভিঃ শুক্রম্||৩||

শশিলেক ব্যাখ্যা (ইন্দু কৃত)

অবষ্টম্ভাদিভিঃ শকৃত্| অবষ্টম্ভঃ শরীরধারণশক্তিঃ| অন্নক্লেদবাহনেন মূত্রম্| ক্লেদাদিধারণেন স্বেদঃ| অন্যথা শেষ এব স্যাত্| ইতি দোষাদীনাং প্রাকৃতং স্বরূপম্||৪||

শশিলেক ব্যাখ্যা (ইন্দু কৃত)

বৈকৃতমুচ্যতে| বিকৃতির্দ্বিবিধা বৃদ্ধ্যাহীনতযা চ| তত্র প্রথমং বৃদ্ধিরুচ্যতে| তং দেহং বৃদ্ধো বাযুঃ কার্শ্যাদিভিঃ পীডযতি| গাত্রাণাং কম্পঃ সর্বাঙ্গচলনম্| স্ফুরণং গাত্রৌকদেশে স্বল্পং চলনম্| অত্রাপ্যাদিগ্রহণাত্ দোষস্বরূপরোগগ্রহণার্ত্য্হানি ব্যাখ্যেযানি| পিত্তম্ বৃদ্ধং পীতত্বক্ত্বাদিভির্দেহং পীডযতি| শ্লেষ্মা বৃদ্ধং শ্বৈত্যাদিভিঃ| শ্বৈত্যং গাত্রশ্বেততা||৫||

শশিলেক ব্যাখ্যা (ইন্দু কৃত)

প্রসেকাদিভী রসঃ| অত্রাপ্যাদিগ্রহণানি পূর্ববত্| প্রসেকো মুখস্রাবঃ হৃল্লাসঃ সপ্রসেকো হৃদযোত্ক্লেশঃ| রক্তং কুষ্ঠাদিভিঃ| দাহশব্দস্যাক্ষ্যাদিভিঃ সম্বন্ধঃ| তমঃপ্রবেশোঽতমসি তমসীব প্রবেশঃ| গলগণ্ডাদিভির্মাংসম্| প্রমেহপূর্বরূপাদিভির্মেদো বৃদ্ধং পীডযতি| প্রমেহপূর্বরূপাণি `স্বেদোঽঙ্গগন্ধ' ইত্যাদিনা প্রমেহনিদানে বক্ষ্যন্তে| স্থৌল্যোপদ্রবাণ্যতিস্থৌল্যাদতি- ক্ষুত্তৃডিত্যাদিনা দ্বিবিধোপক্রমণীযে বক্ষ্যমাণানি| অধ্যস্থ্যাদিভিরস্থি| অস্থ্নি যদধিকমস্থি তদ্ধ্যস্থি| নেত্রগৌরবাদিভির্মজ্জা| অরূংষি পিটকাবিশেষাঃ||৬||

শশিলেক ব্যাখ্যা (ইন্দু কৃত)

সুবোধম্||৭||

শশিলেক ব্যাখ্যা (ইন্দু কৃত)

ক্ষীণো বাযুঃ প্রসেকাদিভির্দেহং পীডযতি| ক্ষীণং পিত্তং স্তম্ভনাদিভির্দেহং পীডযতি| অঙ্গে তোদ ইব তোদঃ| অনিযতে দেশে বা কালে বা তোদোঽনিযততোদঃ| শ্লেষ্মা ক্ষীণো ভ্রমাদিভিঃ পীডযতি| রজ্বাদিনাঙ্গ উদ্বেষ্টনমিবোদ্বেষ্টনম্| পরিপ্লোষঃ সন্তাপাত্ স্বল্পস্ত্বগ্দাহঃ| অন্যে রোগা বক্ষ্যমাণলক্ষণাঃ| ধূমাযনং কণ্ঠে ধূম ইব| শ্লেষ্মাশযা উরঃ কণ্ঠাদযঃ||৮||

শশিলেক ব্যাখ্যা (ইন্দু কৃত)

রসঃ ক্ষীণঃ শব্দাসহত্বাদিভিঃ পীডযতি| স্বল্পেনাপি কর্মণা শ্রমস্তর্ষশ্চ ভবতি| অসৃক্ ক্ষীণং ত্বগ্রৌক্ষ্যাদিভিঃ পীডযতি| মাংসং ক্ষীণং স্ফিক্শুষ্কতাদিভিঃ পীডযতি| ধমন্যোঽঙ্গবিভাগে বক্ষ্যন্তে| তাসাং শৈথিল্যং নিবিডত্বনাশঃ| প্লীহাবৃদ্ধ্যাদিভিঃ স্ফিক্শুষ্কতাদিভির্মাংসক্ষযোক্তৈর্মেদঃ ক্ষীণং পীডযতি| মেদুরস্য মাংসে ভোজনাভিলাষঃ| দন্তশাতনাদিভিরস্থিক্ষীণং পীডযতি| অস্থিবদ্ধে মাংসে মৃগপরশুকাদৌ রুচিস্তদভিলাষঃ| মজ্জাস্থিসৌষির্যাদিভিঃ পীডযতি| নিস্তোদো বৃদ্ধস্তোদঃ| তমোদর্শনমতমস এব তমসোঽনুভবঃ| শুক্রং ক্ষীণং শ্রমাদিভিঃ পীডযতি| সদনমগ্নিসাদঃ| ক্লৈব্যং রত্যনভিমুখতা| মেঢ্রস্য শেফসো ধূমাযনমন্তঃ সধূমতেব||৯||

শশিলেক ব্যাখ্যা (ইন্দু কৃত)

শকৃত্ ক্ষীণং কুক্ষৌ তির্যগূর্ধ্বং সশব্দস্যাপানবাযোর্ভ্র মণেনান্ত্রবেষ্টনেন হৃত্পার্শ্বপীডনাদিনা চ পীডযতি| বেষ্টনমিব রজ্বাদিনা বেষ্টনম্| মূত্রং ক্ষীণং বস্তিনিস্তোদাদিনা পীডযতি| বস্তের্মূত্রাধারস্য শলাকাদিভির্নিস্তোদ ইব নিস্তোদঃ| অথবা কেবলযৈব সরুধিরমূত্রতযা মূত্রং ক্ষীণং পীডযতি| মূত্রক্ষযা ত্সরুধিরমূত্রতা ভবতীতি যাবত্| স্বেদঃ ক্ষীণো রোমকূপস্তম্ভনাদিনা দেহং পীডযতি| ত্বচঃ স্বাপ উপঘাতাদচৈতন্যম্| অন্যেঽপি চ মলা দূষিকাদযো যথাযথং যথাস্বং মলাধারং শোষাদিনা ক্ষীণাঃ পীডযন্তি| শোষাদীনাং ত্রযাণাং মলাযনশব্দেন সম্বন্ধঃ||১০||

শশিলেক ব্যাখ্যা (ইন্দু কৃত)

ননু কিমেতাবদেব দোষাদীনাং বৃদ্ধিক্ষযলক্ষণমুতান্যদপীত্যাহ-বিপরীতেত্যাদি| দোষাদীনাং সর্বেষাং যে বিপরীতা গুণাস্তেষাং দেহে যদা ক্ষযো দৃশ্যতে তদা তেষাং দোষাদীনাং বৃদ্ধিমুপলক্ষযেত্| যদা তু দোষাদিবিপরীতানাং গুণানাং বৃদ্ধির্দৃশ্যতে দেহে তদা দোষাদীনাং ক্ষযমুপলক্ষযেত্| উদাহরণং যথা বাতস্য গুণা রূক্ষলঘুশীতাদযস্তেষাং বিপরীতা স্নিগ্ধগুরূষ্ণাদযঃ তেষাং স্নিগ্ধত্বাদীনাং দেহে ক্ষযো যদা দৃশ্যতে তদা বাযোর্বৃদ্ধিমুপলক্ষযেত্| যদা তু তেষামেব স্নিগ্ধাদীনাং দেহে বৃদ্ধির্দৃশ্যতে তদা বাতস্য ক্ষযমুপলক্ষযেত্| ইত্যেবং স্ববুদ্ধ্যা বিকল্প্য ধাতূনাং মলানাং চ বাচ্যম্| মলানান্তু বিশেষতঃ অতিসঙ্গোত্সর্গৌ যথাসঙ্খ্যেন বৃদ্ধিক্ষযোপলক্ষণৌ| মলানাং শকৃদাদীনাং সঙ্গেন বহিরপ্রবৃত্ত্যা তেষামেব বৃদ্ধিমুপলক্ষযেত্||১১||

শশিলেক ব্যাখ্যা (ইন্দু কৃত)

তথোত্সর্গেণ বহিঃ প্রবৃত্ত্যা তেষাং ক্ষযমুপলক্ষযেত্| মলানাং চ বৃদ্ধির্ন তথা পীডাকরী যথা ক্ষযঃ | কুতঃ? অনৌচিত্যাত্| দেহিনো হি প্রাযেণ মলক্ষযোঽনুচিতোঽ নভ্যস্তঃ| বৃদ্ধিস্তূচিতৈব|

শশিলেক ব্যাখ্যা (ইন্দু কৃত)

তত্র দোষাদিষ্বাশ্রযাশ্রযিভাবেন বৃদ্ধিক্ষযকারণং দর্শযিতুকাম আহ-তত্রেত্যাদি| তত্র তেষু বাতাদিষু মধ্যে বাযুরস্থ্নি স্থিতঃ স্বেদে রক্তে চ পিত্তং স্থিতম্| অস্থি স্বেদং রক্তং চ বর্জযিত্বা শেষেষু রসাদিষু শ্লেষ্মা স্থিতঃ| এতে রসাদযো দোষাণামবিকৃতানামাশ্রযাঃ| তস্মাদেষামাশ্রযাণামাশ্রযিণাং চৈকমেব বৃদ্ধিক্শযকারণম্| একসং সাধারণমিত্যর্থঃ| যদেবাশ্রযস্য বৃদ্ধিক্ষযকারণং তদেবাশ্রযিণস্তথা যদেবাশ্রযিণস্তদেবাশ্রযস্যাপীতি| এবং ক্ষযেঽপ্যুচ্যতে| তত্রোদাহরণং যথা যদেবোষ্ণং সুরাদিকং পিত্তস্য বৃদ্ধিকারণং তদেব স্বেদরক্তযোস্তথা শীতস্থিরাদিকং পিত্তস্য ক্ষযকারণং তদেব রক্তস্বেদযোশ্চ| এবং শ্লেষ্মণোঽপি বাচ্যম্| বাযোস্তু স্বযং তন্ত্রকৃন্নিবারণং করোতি| নত্বেবমস্থিবায্বোরিতি| তত্রানন্তরোক্তযোর্বৃদ্ধিক্ষযযোঃ সর্বেত্যাদিনা চিকিত্সার্থমাহ| হি শব্দো যস্মাদর্থে| যেযং শারীরণাং ভাবানাং বৃদ্ধিঃ সা প্রাযেণ শ্লেষ্মণানুগতা অতিসন্তর্প ণনিমিত্তত্বাত্| সন্তর্পণেন হ্যত্যুপযুজ্যমানেন সর্বে শারীরা ভাবা বৃদ্ধিং যান্তি| অতোঽস্যা বৃদ্ধেরেককারণত্বাত্ শ্লেষ্মানুগতিং করোতি| য্শ্চ শারীরাণাং ভাবানাং ক্ষযঃ স বাযুনানুগতঃ| কুতঃ? বিপর্যযাত্| পোওর্বোক্তহেতুতঃ অত্যপতর্পণনিমিত্ত ত্বাচ্ছারীরভাবক্ষযস্যেত্যর্থঃ| তস্মাত্ সর্বান্ দোষাদি বৃদ্ধিজান্ রোগান্ বক্ষ্যমাণেন লঙ্ঘনেনোপচরেত্| সর্বাংশ্চ শারীরভাবক্ষযজান্ রোগান্ বৃংহণেনোপচরেত্| ইত্যত্র হেতুর্বৃদ্ধিক্ষযযোর্যথাসঙ্খ্যেন শ্লেষ্মবায্বনুগতত্বম্| বাতে তু বৈপরীত্যম্| বাতস্য বৃদ্ধিং বৃংহণোপচরেত্| ক্ষযং লঙ্ঘনেতি| তথা সর্বত্র দোষাদিবর্গে বৃদ্ধিক্ষযৌ যথাসংখ্যেন দ্রব্যাদীনামবিরুদ্ধেন বিপর্যযভাবেন তুল্যভাবেন চোপচরেত্| তেনৈতদুক্তং ভবতি সর্বস্য দোষাদের্বৃদ্ধিদ্রব্যাদিবিপর্যযভাবেনোপচরেতী দ্রব্য বিপর্যযভাবো যদ্গুণবিশেষানপেক্ষযৈব দ্রব্যস্য শারীরস্য বাহ্যদ্রব্যাদ্বৈপরীত্যম্| যথা মাংসস্য গবেদুকান্নাত্| গুণবিপর্যযভাবো বিপরীত গুণত্বম্| যথা মাংসস্য মধুনঃ| শ্লেষ্মণঃ শীধ্বারনালাভ্যাম্| কর্মণো বাক্যস্য শারীরাত্ দ্রব্যতঃ ফলে বৈপরীত্যম্| যথা মাংসস্য শোকাদ্বাযোশ্চ স্বপ্নাদিত্যেবং সর্বত্র বাচ্যম্| তুল্য ভাবঃ শারীরাণাং ভাবানাং বাহ্যৈর্দ্রব্যাদিভিঃ সাদৃশ্যং যথা মাংসস্য মাংসেন রক্তস্য রক্তেনেতি| গুণানাং তুল্যভাবো যদ্ দ্রব্যজাত্যসাদৃশ্যেঽপি গুণসাদৃশ্যং যথা শুক্রস্য ক্ষীরসর্পির্ভ্যাম্| কর্ম ক্রিযা তস্যাশ্চ শরীরেণদ্রব্যেণ তুল্যভাবঃ ক্রিযাফলদ্বারেণ| যথা বাতস্য ধাবনপ্লবনাদিনা কর্মণা| শ্লেশ্মণশ্চ হর্শস্বনাভ্যাম্| অবিরুদ্ধেনেতি বিপর্যযেণ তুল্যভাবেন চ সম্বধ্যতে| তেন যত্র বৃদ্ধিবিপর্যযভাবেনোপচর্যা তত্র তথা বিধ বিপর্যযো গ্রাহ্যঃ| যস্তদ্বিজাতীযবৃদ্ধিসংপাদনযা ন বিরুদ্ধ্যতে| তথা ক্ষযে তুল্যভাবো যোগ্যেন বৃদ্ধেন সমেন বা ন বিরুদ্ধ্যতে||১৩||

শশিলেক ব্যাখ্যা (ইন্দু কৃত)

ননু দোষাদীনাং বৃদ্ধিক্ষযযোর্লক্ষণং চিকিত্সা চোক্তা কারণং নোক্তমতস্তত্প্রতিপাদনার্থমাহ- ধাতব ইত্যাদি| ধাতুশব্দেন দেহধারণসামান্যাত্ সর্বে দোষাদয উচ্যন্তে| তেন ধাতবঃ শারীরাঃ শরীরস্থাঃ সমানৈর্জাত্যা সদৃশৈরাহারৈর্বিহারৈশ্চ বৃদ্ধিমাপ্নুবন্তি| অথবা সমানগুণভূযিষ্টৈর্বিহারৈশ্চ বৃদ্ধিমাপ্নুবন্তি| অথবা সমানগুণভূযিষ্টৈর্জাতিবিসদৃশৈরপি বাহুল্যেন সদৃশগুণৈরিত্যর্থঃ| এবং ধাতবো জাতিবিপরীতৈর্বিপরীতগুণভূযিষ্ঠৈর্বা হ্রাসং প্রাপ্নুবন্তি| তথা হীত্যাদিনা তন্ত্রকার এবোদাহরণপূর্বকং দর্শযতি| দেহে শরীরে যে মাংসকফাদ্যা গুরবো ধাতবঃ তে তথাবিধৈর্গুরুভিরেব| বাহ্যৈরুপচীযন্তে| বিপরীতৈস্তু লঘুভিঃ পৃথক্ত্বকারিভির্বিজাতীযৈরপচীযন্তে| পৃথক্ত্বং তজ্জাত্যপরিপোষঃ| এবং লঘুধাতূনামপি বাতাদীনাং বাচ্যম্| তস্মাদ্যত এবমত এব ন তথান্যে ভাবা মাংসস্য বৃদ্ধিকারণং যথা মাংসং যথঃ সর্বেণ প্রকারেণ তযোরেব সাদৃশ্যম্| এবং সর্বধাতূনাং বাচ্যম্| যত্র ত্বনন্তরোক্তং সমানং ধাতোর্ন সন্নিহিতম্, সন্নিহিতমপি কেনচিদ্ধেতুনা বাভ্যবহর্তুং ন পার্যতে, তত্রান্যপ্রকৃতীনাং জাত্যা সমানানাং সমানগুণভূযিষ্ঠানামাহারবিহারাণাং নানাবিধানামভ্যবহারো বিধেযঃ| ননু কথং সন্নিহিতানামভ্যবহরণমশক্যত আহ-বিরুদ্ধত্বাত্, ঘৃণিত্বাদরুচেশ্চ| বিরুদ্ধত্বং বিবিক্ষিধাতুবিজাতীযধাতুবৃদ্ধিদ্বারেণ দেহেঽপথ্যত্বং ধাতুসামান্যেঽপি| ঘৃণিত্বমাহারবিষেষজুগুপ্সাবত্বম্| অরুচির্যত্র ন কিঞ্চিদ্রোচতে| ন চ জুগুপ্সা বিদ্যতে| এবং তত্র ধাতুবিজাতীযস্য সদৃশগুণস্য ত্বভ্যবহারঃ শ্রেযান্| তদ্যথেত্যুদাহরণেনৈতদেব স্ফুটযতি|

শশিলেক ব্যাখ্যা (ইন্দু কৃত)

কর্মাপীত্যাদ্যুক্তার্থপ্রাযমিতি| সামান্যেন ধাতুবৃদ্ধিহান্যোঃ কারণ্মুক্ত্বা তজ্জাতানাং রোগানামপি চেত্যাদিনা চিকিত্সাসমুচ্চযং করোতি| বিশেষগ্রহণং যদ্যপি বৃদ্ধধাতুজানাং ক্ষীণধাতুজানাং চ রোগাণাং ধাতোর্বিসদৃশৈঃ সদৃশৈশ্চ দ্রব্যাদিভিরুপশমো ভবতি| তথাঽপ্যসারণ্যেন তেষাং রক্তাদিজানাং রোগাণাং বিশেষেণেদং কার্যমিতি প্রদর্শনার্থম্| অত এব বিশেষগ্রহণাদনুক্তশেষধাতুবৃদ্ধিক্ষযরোগচিকিত্সাঽনারম্ভো ন দোষায তন্ত্রকৃতঃ| রক্তস্য নির্হরণং সিরাব্যধাদিনা| প্রসাদনং সামর্থ্যাদ্রক্তস্যৈব স্বল্পদুষ্টৌ| মেদোজানাং দ্বৈবিধ্যং বৃদ্ধিক্ষযকৃতম্| তত্র মেদোবৃদ্ধিজান্ স্থৌল্যক্রিযাক্রমেণ স্থৌল্যচিকিত্সযোপচরেত্| মেদঃক্ষযজান্ কার্শ্যচিকিত্সযা| এষা চ দ্বিবিধাপি চিকিত্সা দ্বিবিধোপক্রমণীযে বক্ষ্যতে| অস্থিক্ষযজান্ রোগান্ বস্থিভিস্তথা তিক্তোপহিতৈর্যথাযোগ্যতিক্তদ্রব্যসহিতৈঃ কল্পে বক্ষ্যমাণৈঃ ক্ষীরবস্তিভিশ্চেতি প্রাধান্যখ্যাপনম্| কুল্মাষঃ সস্যান্নম্| অজমেষযোর্মধ্যমন্তর্জঠরমাংসম্| আদিগ্রহণাদন্যানি পুরীষজননানি গৃহ্যন্তে| মূত্রবৃদ্ধিজান্ প্রমেহচিকিত্সযা মূত্রক্ষযজান্ মূত্রকৃচ্ছ্রচিকিত্সযেতি| স্বেদক্ষযজানভ্যঙ্গাদিভিঃ স্বেদান্তৈশ্চিকিত্সেত্||১৫||

শশিলেক ব্যাখ্যা (ইন্দু কৃত)

ভবতি চাত্রেত্যনেকশ উক্তম্| পাচকনাম্নোঽগ্নিস্বরূপস্য পিত্তস্য যেংঽশা ভাগাঃ সপ্তসু ধাতুষু স্থিতাস্তেষাংধাতুস্থানামনলানাং মান্দ্যতো ধাতুবৃদ্ধিঃ| পাকেনোত্তরধাত্বাপাদনাযাস্য পূর্বধাতোঃ ক্ষপণকারণস্যাগ্নেরল্পত্বাত্তথা তেষামেব তৈক্ষ্ণ্যাত্ ধাতূনাং ক্ষযো জাযতে| তেনৈতদুক্তং ভবতি যদ্যপ্যন্নপাচকাগ্নিপরাযত্তবৃদ্ধিক্ষযা ধাত্বগ্নযঃ, তথাপ্যাহারদ্রব্যশক্তিবশাদ্য এবান্যতমো ধাত্বগ্নির্মন্দী ভবতি স এব স্বস্য ধাতোঃ ক্ষপণাশক্তত্বাত্ বৃদ্ধিমেব জনযতি| এবং তীক্ষ্ণোঽগ্নিঃ স্বস্য ধাতোঃ ক্ষযম্| শৃণু চাপরমিত্যনেন দৃষ্টান্তং বক্তুমস্যার্থস্যোপক্রমতে| কিং শৃণোমীতি শিষ্যেণ পৃষ্ট আহ - পারংপর্যেত্যাদি| দাবাগ্নেঃ সম্বন্ধিনী শিখা পারংপর্যেঽপ্যব্যুচ্ছিন্নবনদাহপ্রবৃত্তেঽপি যথা তত্তদ্বিশিষ্টমিন্ধনং প্রাপ্য বৃদ্ধিং ক্ষযং চ যাতি| তথৈব ধাতুপরম্পরা ধাতুসমূহঃ| কোঽস্য ভাষিতস্যার্থঃ? উচ্যতে| দাবাগ্নির্যদ্যপি সকলং বনং দহতি তথাপি তত্সম্বন্ধিনী শিখা জ্বালা যদা মহদ্ বৃক্ষাদীন্ধনমাশ্লিষ্যতি| তদা সা জ্বালা বৃদ্ধিং যাতি| যদা তু স্বল্পমিন্ধনং প্রাপ্নোতি তদা সা জ্বালা ক্ষযং যাতি| এবং ধাতু পরম্পরাপি| তস্য ইন্ধনমাহারসারঃ| যত্র তু ধাত্বগ্নিমান্দ্যাদক্ষপনাত্স আহারসারঃ সন্ততং স্রোতঃপ্রবাহাননুপ্রবেশেন বৃদ্ধো ভবতি তত্র স ধাতুর্বৃদ্ধিং যাতি এবং ক্ষযেঽপি বিকল্প্য বাচ্যম্ ধাতুবৃদ্ধিক্ষযকারণেনেদমুচ্যতে - দ্রব্যমিত্যাদি সর্বং দ্রব্যং বাহ্যমাভ্যন্তরেণ তুল্যং সত্ ভৃশমাশু চ বৃদ্ধ্যৈ জাযতে ভ্রুশমত্যর্থমাশু শীঘ্রমেব বিশিষ্টং বিসদৃশং ক্ষযায জাযতে কুত আহ-প্রত্যাত্মবীজনিযতত্বাত্ প্রতিস্বরূপং নিযতকারণত্বাদিত্যর্থঃ তথা হি মাংসমেব যথা মাংসকারণং ন তথান্যত্ ইদমপি ধাতুবৃদ্ধিক্ষযকারণমুচ্যতে||১৬||

শশিলেক ব্যাখ্যা (ইন্দু কৃত)

পূর্বমিত্যাদি যো ধাতুর্যস্মাত্ পূর্বঃ স বৃদ্ধঃ সন্ পরমনন্তরং তথাবিধমাত্মসদৃশং বৃদ্ধমেব কুর্যাদিত্যর্থঃ এবং পূর্বং কারণান্তরেণ ক্ষীযং উত্তরং তথাবিধং ক্ষীণমেব করোতি যতো ধাত্বাহারা হি ধাতব ইত্যুক্তম্ ইতি দোষাদীনাং বৃদ্ধিক্ষযকারণমুক্তম্|

শশিলেক ব্যাখ্যা (ইন্দু কৃত)

তে চ দোশাদযো দুষ্টারোগকরণতমেব যান্তীত্যুচ্যতে- দোষা দুষ্টা ইত্যাদি| দোষা বাতাদযো দুষ্টা ধাতূন্ রসাদীন্ দূষযন্তি| তে তু দোষাঃ কথং দুষ্যন্তীত্যাহ-রসৈর্মধুরাদিভির্যুক্তৈরিত্যর্থঃ|উভযে দোষাশ্চ ধাতবশ্চ দুষ্টা মলান্ দূষযন্তি| তে চ মলা দুষ্টা মলাযনানি মলমার্গান্ দূষযন্তি| কানি তানীত্যাহ-অধো দ্বে ইত্যাদি| অধো দ্বে গুদমেঢ্রে| শিরসি সপ্ত| দ্বৌ কর্ণৌঈ দ্বৌ নাসাপুটৌ| দ্বে অক্ষিণী| আস্যং চেতি| যথা স্বেদবহানি সকলরোমকূপানি ইতি মলানাং শকৃদাদীনামযনানি মর্গাঃ| অতঃ কারণাদ্যাতো দুষ্টদোষদূষিতমলানামাশ্রযভূতানি মলাযনান্যতস্তেষু যথাস্বং গদাঃ স্যুঃ| য এব মলো দুষ্টস্তদযনস্যৈব রোগোত্পত্তিরিত্যর্থঃ||১৮||

শশিলেক ব্যাখ্যা (ইন্দু কৃত)

এতে দোষাদযো দুষ্টা যতো রোগান্ কুর্বন্তি অতস্তেশাং দোষাণাং বিশিষ্তস্থানাশ্রযেণ রোগা উচ্যন্তে তত্র বাতজা রোগা বাতব্যাধিনিদানে বক্ষ্যন্তে|| ১৯||

শশিলেক ব্যাখ্যা (ইন্দু কৃত)

পিত্তমিত্যাদি সুভোধং মসূরিকা মসূরবর্ণপ্রমাণাঃ পিটকাঃ কোথনং ক্লেদঃ স্বেদস্যাত্যুদ্বমনং বহির্নির্গমনমী অস্থিস্থিতং পিত্তং ভৃশং দেহে দাহং করোতি ব্যাপিনোঽপি যক্ষ্মাণঃ সর্বশরীরচরা ব্যাধযো রক্তপিত্তাদযঃ||২০||

শশিলেক ব্যাখ্যা (ইন্দু কৃত)

অনন্তরং শ্লেষ্মণো রোগকর্তৃত্বমাশ্রযবিশেষেণাহ- শ্লেষ্মা ত্বচিত্যাদি| শ্বেতাবভাসতা শ্বেতবর্ণ দর্শিত্বম্| মেদসি স্থিতঃ স্থৌল্যং প্রমেহং চ করোতি| অস্থিগতঃ স্বাশ্রযাণামস্থ্নাং স্তব্ধত্বং করোতি| শুক্রস্থিতঃ শুক্রস্য সঞ্চযং ধারণেন বহুত্বং করোতি| বিবন্ধো বহিষ্প্রবৃত্তিঃ| নিরোধঃ শুক্রস্য| তস্যৈবাতিগুরুত্বং চ করোতি| কোষ্ঠগো জঠরোন্নত্যাদীন্ করোতিঈ তাংস্তান্ কফজান্ শ্লেশ্মজ্বরশ্লেষ্মগুল্ম কামলাদীন্ সর্বান্ শ্লেষ্মোদ্ভবান্ গদান্ করোতি||২১||

শশিলেক ব্যাখ্যা (ইন্দু কৃত)

বিশি পুরীষে মূত্রে চ তযোশ্চাশ্রযে স্থিতা দোষা যত্ কুর্বন্তি তত্তস্য তত্র মূত্রাঘাতাতিসারাদাবুপদেক্ষ্যতে এতে চ মলা বাতদযো যদা ইন্দ্রিযং প্রাপ্নুবন্তি তদা তস্য মলোপতপ্তস্যেন্দ্রিযস্য চক্ষুরাদের্য আশ্রযঃ অক্ষ্যাদিস্তত্র স্বাশ্রযে উপতাপং বোপঘাতং বা কুর্বন্তি স্বল্পত্বাদুপতাপমাধিক্যাদুপঘাতমিতি মলানামাশ্রযভেদেনে রোগ-কর্তৃত্বম্||২২||

শশিলেক ব্যাখ্যা (ইন্দু কৃত)

ননু দোষাণাং সকলশরীরব্যাপিত্বেঽপি কোষ্ঠাখ্যঃ প্রধান আশ্রযো যতস্তত্র বাহুল্যেন তিষ্ঠন্তি এবং চ সতি কথং তেষাং রক্তাদ্যাশ্রযেণেন রোগকর্তৃত্বমিত্যাহ-ব্যাযামেত্যাদি ব্যাযামাদিভিঃ কারণৈর্দোষাঃ কোষ্ঠং মুক্ত্বা শাখাদীনি যান্তি শাখা ভিষক্শাস্ত্রপ্রসিদ্ধা রক্তাদযো ধাতবস্ত্বক্চ অস্থ্নাং মর্মাণ্যস্থিমর্মাংণি তত্র ব্যাযামেন শিথিলীভূতেষুস্রোতস্সু বাযৌ প্রেরক উদীর্ণে তত্প্রেরিতা দোষাঃ কোষ্ঠং মুক্ত্বা শাখাদীনি যান্তিঈ তথা ঊষ্মণোঽগ্নেস্তৈক্ষ্ণ্যাত্ পরিত্যক্তনিবিডভাবা বিলিনা ইব সর্বতোঽভিসরন্তি এবমহিতস্যাহারাদেরাচরণাদপি শাখাদীনি যান্তি দোষস্য কোষ্ঠাখ্যস্থানভ্রংশকরণস্বরূপাপথ্যসেবনাদিতিঈ মারুতস্য বাযোশ্চ কারণান্তরেণ স্বভাবেনৈব বা দ্রুতত্বাতী বাযোশ্চ বায্বন্তরপ্রেরণং দৃষ্টত্বান্নাসম্বদ্ধমী ননু তত্র শাখাদৌ স্থিতানাং যদা কোষ্ঠানযনপ্রযোজনং তদা কথমাগচ্ছন্তীত্যাহ-তথা তেভ্যঃ ইত্যাদি তেভ্যঃ শাখাদিভ্যঃ কোষ্ঠং দোষা যান্তী সম্বন্ধঃ স্রোতোমুখানাং শুদ্ধ্যা দোষা কোষ্ঠং যান্তি তথা বৃদ্ধ্যা বর্দ্ধনেন যোঽভিষ্যন্দঃ স্রাবঃ শাখাদিভ্যঃ কোষ্ঠো শাখাদিস্থা দোষাঃ পাকাত্পরিত্যক্তসন্ধানাঃ কোষ্ঠং যান্তি প্রেরকস্য বাযোর্নিগ্রাহাদাধিক্যনাশাত্|| ২৩||

শশিলেক ব্যাখ্যা (ইন্দু কৃত)

তে চ দোষাস্তত্রস্থাঃ কোষ্ঠস্থা হেতুপ্রতীক্ষিণঃ স্বযং বিলম্বেরন্ রোগান্ন কুর্বন্তীত্যর্থঃঈ তেনৈতদুক্তং ভবতি-যে বহবঃ স্বরূপেণৈব তে ন সদৃশং দেশকালাদিহেতুমপেক্ষন্তেঈ অপি তু স্বযমেব রোগং কুর্বন্ত্যেব|| ২৪||

শশিলেক ব্যাখ্যা (ইন্দু কৃত)

যে চ হেতুপ্রতীক্ষিণঃ সন্তো বিলম্বিতাস্তে ভূযঃ সমানাত্কালাদিতো বলং লব্ধ্বা কুপ্যন্ত্যাশ্রযেশ্বপীত্যপিশব্দাত্ স্বাশ্রযেঽপি| তত্র বাযুহ্ কদাচিত্ স্বে যথোক্তে স্থানে কুপ্যতি| কদাচিচ্ছ্লেষ্মণঃ পিত্তস্য স্থানে বা এবং পিত্তশ্লেষনোরপি বাচ্যম্||২৫||

শশিলেক ব্যাখ্যা (ইন্দু কৃত)

তত্র তু যা চিকিত্সা তামাহ- তত্রান্যস্থানসংস্থেষ্বিত্যাদি| স্বস্থানস্থানাঞ্চিকিত্সা স্পষ্টৈব| পরস্থান গতানাং দ্বৈবিধ্যং| স্থানিনমপেক্ষ্যাঽঽগন্তোর্বলবত্বমবলবত্বঞ্চ| তত্রাগন্তুষ্ববলেষু তদীযা চিকিত্সা| তদীযেত্যনেনান্যশব্দোপলক্ষিতঃ স্থান্| পরামৃষতে| যদা ত্বাগন্তবো বলেনান্যং স্থানিনমভিভবন্তি,তদা তেষ্বাগন্তুষু স্বামেব চিকিত্সাং কুর্যাত্| যদা তু দ্বযোঃ স্থানিন আগন্তোশ্চ সমত্বং তদা প্রথমং স্থানিনিং প্রতিকৃত্য পঞ্চাদাগন্তুং শমযেত্| বলাবলানপেক্ষযা বা ইতি|| ২৬||

শশিলেক ব্যাখ্যা (ইন্দু কৃত)

দোষাণাং প্রাকৃতং বৈকৃতং চ স্বরূপমুক্তমী তে চ দোষাঃ সমা অপ্যোজসা বিহিনং দেহং সংবাহযিতুমশক্তাঃ;অত ওজসঃ স্বরূপং পালনং চোচ্যতে-তেজ ইত্যাদিঈ সর্বধাতূনাং যত্তেজস্তত্ প্রধানং পরমোজঃ শব্দেনোচ্যতেঈ অষ্টবিন্দুকমিত্যর্থঃঈ তচ্চ মৃদ্বতীক্ষ্ণগুণমী সোমাত্মকং সৌম্যস্বরূপমী শুদ্ধমনুপহতমীষদ্রক্তং স্তোকলোহিতং সপীতকং চঈ যদ্ গর্ভস্যাদৌ সারং সারমিব সারং ন হি তেন বিনা শুক্রশোণিতে জীবানুপ্রবেশঃঈ যচ্চ গর্ভরসাদ্রসঃ গর্ভস্য যোঽসৌ রসঃ প্রথমো ধাতুঃ তস্মাদপি সারঃ প্রসাদভূতমী সংবর্তমানং যচ্চ পুরা ধাতোর্দেহে প্রবর্তমানং প্রথমং হৃদযমাশ্রযতি, পশ্চাত্ ক্রমাদ্ দেহব্যাপ্তিং চ করোতিঈ যচ্চ শরীরসস্তস্য সস্নেহো যত্র প্রাণো ব্যাপকোঽপি প্রতিষ্ঠিতো বদ্ধঃঈ যস্য ত্বষ্টবিন্দ্বাখ্যস্যানাশাদ্দেহস্য নাশো নাস্তিঈ যেন চ হৃদযস্থেন দেহিনো বিবিধাঃ প্রাণিনঃ প্রীণিতাস্তর্পিতাঃ যচ্চ হৃদযস্থমপি ব্যাপি তদোজোঽন্যেভ্যো জীবিতাস্পদেভ্যঃ শিরঃপ্রভৃতিভ্যঃ পরং প্রধানং জীবিতাস্পদম্|| ২৭||

শশিলেক ব্যাখ্যা (ইন্দু কৃত)

তচ্চোজঃ কোপক্ষুদাদিভিরসৌম্যৈঃ ক্ষীযতে|| ২৮||

শশিলেক ব্যাখ্যা (ইন্দু কৃত)

তত্ক্ষযে চ দেহী বিভেতি| অকারণাদ্ দৌর্বল্যাদিযুক্তিশ্চ ভবেত্| অভীক্ষ্ণমত্যর্থং ধ্যাযাতি ধ্যানপরো ভবতীত্যর্থঃ| ব্যথিতেন্দ্রিযোঽশক্তেন্দ্রিযহ্| দুষ্চ্ছাযো দুষ্টকান্তিঃ| তত্রৌজঃক্ষযে ভৈষজ্যমৌষধং জীবনিযৌষধসিদ্ধক্ষীরমাংসরসাদ্যাঃ|আদিগৃহণেন নানাবিধাভ্যবহার্যপরিগ্রহঃ ||২৯|| এবংবিধেন চ ভেষজেন ওজোবৃদ্ধৌ সত্যাং চ দেহস্য শরীরস্য তুষ্ট্যাদ্যুদ্ভবঃ| তুষ্টির্মনঃপরিতোষঃ| পুষ্টিরঙ্গানাং পরিপোষ ইতি|

শশিলেক ব্যাখ্যা (ইন্দু কৃত)

ওজোসশ্চিকিত্সাপ্রসঙ্গেন সর্বেষাং দোষাদীনাং সামান্যরূপেণ বৈকারিকরূপবিনাশার্থমাহ-যদন্নমিত্যাদিঈ যদন্নমভ্যবহার্যং দ্বেষ্টি নাভিলষতি তদন্নং ত্যজন্ দোষাদের্বৃদ্ধিং জযেতী যচ্চ প্রার্থযেতাভিলষেত, তদশ্নন্ ভুঞ্জানঃ ক্ষযং দোষাদের্জযেতী কুতঃ যতো দোষা বাতাদযো দেহে বৃদ্ধাঃ সন্তঃ স্বগুণৈর্বিপরীত আহারজাতে ভূযিষ্ঠং প্রাযো রুচিমভিলাষং কুর্বতে, ত এব ক্ষীণঃ সমানগুণেঽভিলাষমাহারে কুর্বতেঈ ভূযিষ্ঠং প্রাযোগ এতচ্চ দোষস্বরূপমবুধাঃ স্বল্পপ্রজ্ঞা ভিষজো ন লক্ষযন্তিঈ যদযং দোষস্বরূপানুগতোঽভিলাষো যন্নেতি|| ৩১||

শশিলেক ব্যাখ্যা (ইন্দু কৃত)

ন কেবলমন্নরুচিরেব দোষাণাং বৃদ্ধিক্ষযপরিজ্ঞানকারণং যাবত্স্বরূপমপি এতত্প্রদর্শনার্থমাহ-যথাবলমিত্যাদি| বৃদ্ধা দোষা বলানতিক্রমেণ আত্মানতিক্রমেণ চ স্বরূপাণি বিতন্বতে বিস্তারযন্তি| য এব দোষো বৃদ্ধঃ স এব স্বরূপাণি স্বস্য সমানানি রূপাণি দর্শযতীতি যথাস্বশব্দস্যার্থঃ যথাবলমিতি বৃদ্ধেরবস্থাবিশেষাদ্রূপাণামপি বিশেষঃ ত এব দোষাঃ ক্ষীণাঃ সন্তস্তান্যেব যথোক্তানি রূপাণি জহতি ত্যজন্তি| অত্রাপি যথাবলং যথাস্বমিতি চানুবর্ততে সমাস্তু যথোক্তং স্বমেব কর্ম কুর্বতে|| ৩২||

শশিলেক ব্যাখ্যা (ইন্দু কৃত)

তে চ দোষাদযঃ ক্ষযাত্তথা রক্ষণীযাঃ, যথৈব বৃদ্ধে রক্ষ্যন্তেঈ যস্মাদ্য এব দোষা বাতাদযঃ সমাঃ সন্তো দেহস্য বৃদ্ধ্যৈ ভবন্তি, ত এব বিষমা বধায ভবন্তিঈ বৈষম্যং স্বরূপাদ্ বৃদ্ধিঃ ক্ষযো বাঈ অতো বৃদ্ধিহান্যোঃ সমানত্বাত্ ক্ষযাদ্ বৃদ্ধেরিব রক্ষণীযাঃ| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং সূত্রস্থান একোনবিংশোঽধ্যাযঃ