Adhikarana অথ জ্বরচিকিত্সিতন্নাম প্রথমোঽধ্যাযঃ, অবতরণিকা · Śloka
🔊 Audio coming soon
শশিলেক ব্যাখ্যা (ইন্দু কৃত)
নিদানস্থানে জ্বরাদিক্রমেণ প্রধানরোগাণাম্ হেত্বাদিকমুক্ত্বা তেষামেব তেনৈব ক্রমেণ সাধ্যানাং সতামবসরপ্রাপ্তং প্রতীকারং প্রদর্শযিতুং চতুর্থস্থানমারভ্যতে|
Adhikarana অধ্যাযপ্রতিজ্ঞা (১) · Śloka ১
অথাতো জ্বরচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो ज्वरचिकित्सितं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
শশিলেক ব্যাখ্যা (ইন্দু কৃত)
অথেত্যাদি পূর্ববদ্ব্যাখ্যেযম্| ইতীত্যদি চ| চিকিত্সিতং প্রতীকারঃ|১|
Adhikarana লঙ্ঘনম্ (২) · Śloka ২
আমাশযস্থো হত্বাঽগ্নিং সামো মার্গান্পিধায যত্| বিদধাতি জ্বরং দোষস্তস্মাত্ কুর্বীত লঙ্ঘনম্| প্রাগ্রূপেষু জ্বরাদৌ বা বলম্ যত্নেন পালযন্| বলাধিষ্ঠানমারোগ্যমারোগ্যার্থঃ ক্রিযাক্রমঃ||২||
आमाशयस्थो हत्वाऽग्निं सामो मार्गान्पिधाय यत्| विदधाति ज्वरं दोषस्तस्मात् कुर्वीत लङ्घनम्| प्राग्रूपेषु ज्वरादौ वा बलम् यत्नेन पालयन्| बलाधिष्ठानमारोग्यमारोग्यार्थः क्रियाक्रमः||२||
🔊 Audio coming soon
শশিলেক ব্যাখ্যা (ইন্দু কৃত)
আমাশযস্থ ইত্যাদিনা প্রকৃতার্থপ্রস্তাবনা| যদ্যস্মাদামাশযস্থত্বাদিরূপো দোষোঃ দুষ্টো বাতাদির্জ্বরং বিদধাতি তস্মাজ্জ্বরে প্রথমং লঙ্ঘনং কুর্বীতেতি সম্বন্ধঃ| যদ্যপি লঙ্ঘনং দ্বাদশসু পরিভাষিতং লঙ্ঘনবৃংহণীযেঽত্র পুনরুপবাসে বর্ততে| কুতঃ? তেষামবস্থাবশাত্ প্রযোগঃ ইতি জেজ্জটঃ| হেতুনির্দেশেনৈতত্ প্রদর্শ্যতে যেষু জ্বরেষ্বেবংরুপতসম্প্রাপ্তেস্তত্রৈব লঙ্ঘনং বিধেযং নাঽন্যত্র| তথা চ বক্ষ্যতি - `শুদ্ধবাতক্ষযাগন্তুজীর্ণজ্বরিষু লঙ্ঘনং| নেষ্যত' ইতি| অত্র চ লঙ্ঘন শব্দেন ন বমনাদিকম্ সর্বং লঙ্ঘনমুচ্যতে; কিন্তু উপবাস এব| ননু তল্লঙ্ঘনং কস্যামবস্থাযাং কুর্বীতেত্যাহ-প্রাগ্রূপেষ্বিত্যাদি| জ্বরস্য পূর্বরূপদর্শন এব লঙ্ঘনং কুর্বীত| যদা তু প্রাগ্রূপদর্শনকালে নিদানস্য সাধারণত্বাদপরিজ্ঞানাদ্বা লঙ্ঘনবিষযতা আশঙ্ক্যতে তদা জ্বরাদাবপি যোজ্যম্| জ্বরস্যাদির্জ্বরাদিঃ, জ্বরো প্রারম্ভ ইত্যুক্তং প্রাগ্রূপেষু জ্বরাদৌ বেতি| অন্যে পুনরেবং বর্ণযন্তি জ্বরস্য প্রাগ্রূপেষু লঙ্ঘনমবশ্যং কুর্বীত জ্বরাদৌ জ্বরব্যক্ততা প্রাদুর্ভাবে বা লঙ্ঘনং কুর্বীত ;তেন শুদ্ধবাতাদিবিষযে ব্যক্তে জ্বরে লঙ্ঘনং ন বিধেযম্| বলং যত্নেন পালযন্নিত্যনেনৈতদুচ্যতে- তাবল্লঙ্ঘনং কুর্বীত যাবতা বলহানির্ন ভবতি| তেন লঙ্ঘিতলিঙপ্রাদুর্ভাবেঽপি বলপালনানুরোধেন লঙ্ঘনাদ্বিরমেত্| বলাধিষ্ঠাদিনমিত্যাদিনা বলপালনে হেতুরুচ্যতে||২||
Adhikarana লঙ্ঘনফলম্ (৩) · Śloka ৩
লঙ্ঘনৈঃ ক্ষপিতে দোষে দীপ্তেঽপ্নৌ লাঘবে সতি| স্বাস্থ্যং ক্ষুতৃডৃচিঃ পক্তির্বলমোজশ্চ জাযতে||৩||
लङ्घनैः क्षपिते दोषे दीप्तेऽप्नौ लाघवे सति| स्वास्थ्यं क्षुतृडृचिः पक्तिर्बलमोजश्च जायते||३||
🔊 Audio coming soon
শশিলেক ব্যাখ্যা (ইন্দু কৃত)
লঙ্ঘনৈরিত্যাদিনা সর্বলঙ্ঘনানাং জ্বরবিষযাণাং সুপ্রযুক্তানাং ফলনিরূপণম্| লঙ্ঘনৈর্বমনাদিভির্দোষে তত্সাধ্যে জ্বরারম্ভকে ক্ষপিতে তত্ক্ষপণাচ্চ ভস্মাপনযনেনেবাগ্নৌ দীপ্তে লাঘবে চোত্পন্নে স্বাস্থ্যাদিকং জাযতে| দোষক্ষপণাদূর্ধ্বং লঙ্ঘনেনানিন্ধনত্বাদগ্নের্নাশ এবং স্বাস্থ্যাদ্যভাবশ্চ| তথা চোক্তম্- সংশোধনাস্রবিস্রাবস্নেহযোজনলঙ্ঘনৈঃ| যাত্যগ্নির্মন্দতা|| ইতি| তত্র চ ভণ্যতে-স্বাস্থং রোগাভাবঃ| পক্তিরন্নাদীনাং পাকঃ||৩||
Adhikarana বমনম্ (৪) · Śloka ৪
তত্রোত্কৃষ্টে সমুত্ক্লিষ্টে কফপ্রাযে চলেমলে| সহৃল্লাসপ্রসেকান্নদ্বেষকাসবিষূচিকে| সদ্যোভুক্তস্য সঞ্জাতে জ্বর সামে বিশেষতঃ| বমনং বমনার্হস্য শস্তং কুর্যাত্তদন্যথা| শ্বাসাতীসারসম্মোহহৃদ্রোগবিষমজ্বরান্|৪|
तत्रोत्कृष्टे समुत्क्लिष्टे कफप्राये चलेमले| सहृल्लासप्रसेकान्नद्वेषकासविषूचिके| सद्योभुक्तस्य सञ्जाते ज्वर सामे विशेषतः| वमनं वमनार्हस्य शस्तं कुर्यात्तदन्यथा| श्वासातीसारसम्मोहहृद्रोगविषमज्वरान्|४|
🔊 Audio coming soon
শশিলেক ব্যাখ্যা (ইন্দু কৃত)
ননু কিং সর্বত্র নিযমেন সর্বমেব লঙ্ঘনং বিধেযমাহোস্বিত্ কেনচিদ্বিশেষেণেত্যাহ -তত্রেত্যাদি| উত্কৃষ্টঃ প্রভূতঃ| সমুত্ক্লিষ্টঃ স্থানাত্সমন্তাচ্চলিতঃ| কফপ্রাযঃ শ্লেষ্মপ্রধানঃ| চলো নৈকত্র স্থিতিশীলঃ| সহ হৃল্লাসাদিভির্বর্ততে যো মলঃ তথাবিধে মলে দোষে বমনার্হস্য সতো জ্বরিতস্য বমনমেব শস্তং নাত্যলঙ্ঘনমিতি সম্বন্ধঃ|সদ্যোভুক্তস্য ত্বষ্টবিধেঽপি জ্বরে সঞ্জাতে বমনমেব শস্যতে|আগন্তাবপি ভোজনস্যাজারণাদিনা দোষানুবন্ধরক্ষণার্থঃ| সামে তু জ্বরে সদ্যোভুক্তস্য সঞ্জাতে বিশেষতো বমনম্| বমনার্হগ্রহণেন প্রতিষিদ্ধবমনানাং গর্ভিণ্যাদীনাং বমনবিষযেঽপি জ্বরে বমনং প্রতিষিদ্ধ্যতে| তচ্চ বমনমন্যথা উত্ক্লিষ্টত্বাদিলক্ষণবিপরীতে মলে প্রযুক্তং শ্বাসাদীন্ জ্বরিতস্য কুর্যাত্| অনুত্ক্লিষ্টস্যোত্ক্লেশেন বাযোর্মার্গরোধাচ্ছ্বাসঃ| ঈষদুত্ক্লিষ্ট্স্য স্যন্দনেনাগ্নিনাশাদতীসারঃ| উপশুষ্কে দোষে ঔষধস্য তৈক্ষ্ণ্যাত্সম্মোহঃ| তথাবিধ এবোর্ধ্বনযনাদ্ হৃদ্রোগঃ| দোষস্য স্বল্পত্বাত্ বহিরনির্হরণাদ্দূরদূরতরস্রোতঃ পূরণেন বা যথাহেতুঃ সততকাদিকো বিষমজ্বরঃ||৪||
Adhikarana বমনম্ (৪) · Śloka ৪
তত্রোত্কৃষ্টে সমুত্ক্লিষ্টে কফপ্রাযে চলেমলে| সহৃল্লাসপ্রসেকান্নদ্বেষকাসবিষূচিকে| সদ্যোভুক্তস্য সঞ্জাতে জ্বর সামে বিশেষতঃ| বমনং বমনার্হস্য শস্তং কুর্যাত্তদন্যথা| শ্বাসাতীসারসম্মোহহৃদ্রোগবিষমজ্বরান্||৪||
तत्रोत्कृष्टे समुत्क्लिष्टे कफप्राये चलेमले| सहृल्लासप्रसेकान्नद्वेषकासविषूचिके| सद्योभुक्तस्य सञ्जाते ज्वर सामे विशेषतः| वमनं वमनार्हस्य शस्तं कुर्यात्तदन्यथा| श्वासातीसारसम्मोहहृद्रोगविषमज्वरान्||४||
🔊 Audio coming soon
শশিলেক ব্যাখ্যা (ইন্দু কৃত)
ননু কিং সর্বত্র নিযমেন সর্বমেব লঙ্ঘনং বিধেযমাহোস্বিত্ কেনচিদ্বিশেষেণেত্যাহ -তত্রেত্যাদি| উত্কৃষ্টঃ প্রভূতঃ| সমুত্ক্লিষ্টঃ স্থানাত্সমন্তাচ্চলিতঃ| কফপ্রাযঃ শ্লেষ্মপ্রধানঃ| চলো নৈকত্র স্থিতিশীলঃ| সহ হৃল্লাসাদিভির্বর্ততে যো মলঃ তথাবিধে মলে দোষে বমনার্হস্য সতো জ্বরিতস্য বমনমেব শস্তং নাত্যলঙ্ঘনমিতি সম্বন্ধঃ|সদ্যোভুক্তস্য ত্বষ্টবিধেঽপি জ্বরে সঞ্জাতে বমনমেব শস্যতে|আগন্তাবপি ভোজনস্যাজারণাদিনা দোষানুবন্ধরক্ষণার্থঃ| সামে তু জ্বরে সদ্যোভুক্তস্য সঞ্জাতে বিশেষতো বমনম্| বমনার্হগ্রহণেন প্রতিষিদ্ধবমনানাং গর্ভিণ্যাদীনাং বমনবিষযেঽপি জ্বরে বমনং প্রতিষিদ্ধ্যতে| তচ্চ বমনমন্যথা উত্ক্লিষ্টত্বাদিলক্ষণবিপরীতে মলে প্রযুক্তং শ্বাসাদীন্ জ্বরিতস্য কুর্যাত্| অনুত্ক্লিষ্টস্যোত্ক্লেশেন বাযোর্মার্গরোধাচ্ছ্বাসঃ| ঈষদুত্ক্লিষ্ট্স্য স্যন্দনেনাগ্নিনাশাদতীসারঃ| উপশুষ্কে দোষে ঔষধস্য তৈক্ষ্ণ্যাত্সম্মোহঃ| তথাবিধ এবোর্ধ্বনযনাদ্ হৃদ্রোগঃ| দোষস্য স্বল্পত্বাত্ বহিরনির্হরণাদ্দূরদূরতরস্রোতঃ পূরণেন বা যথাহেতুঃ সততকাদিকো বিষমজ্বরঃ||৪||
Adhikarana পিপ্পল্যাদিবমনযোগঃ (৫) · Śloka ৫
পিপ্পলীভির্যুতাং গালাং কলিঙ্গৈর্মধুকেন বা| পীত্বোষ্ণতোযেন বমেন্মধ্বম্বুলবণাম্বু বা||৫||
पिप्पलीभिर्युतां गालां कलिङ्गैर्मधुकेन वा| पीत्वोष्णतोयेन वमेन्मध्वम्बुलवणाम्बु वा||५||
🔊 Audio coming soon
শশিলেক ব্যাখ্যা (ইন্দু কৃত)
পিপ্পলীত্যাদিনা বমনযোগমাহ - দোষদেশাদ্যপেক্ষযা যথাযোগ্যং যোগবিকল্পঃ| গালা মদনফলম্| তাং গালাং কদাচিত্ পিপ্পলীভির্যুক্ততামুষ্ণামাম্বুনা পীত্বা বমেত্| কদাচিদিন্দ্রযবৈঃ কদাচিন্মধুযষ্ট্যা অথবা মধুনা সংযুক্তমুষ্ণামাম্বু পীত্বা বমেত্| লবণেন বা সংযুক্তমত্র মধুনোঽপ্রযোগঃ| গালানাং সংযোগিনাং সমানাং কোষ্টাপেক্ষা মাত্রা| মধুলবণযোরৌষধং যাতি যোগ্যতা মাত্রা||৫||
Adhikarana পটোলাদযো বমনযোগাঃ (৬) · Śloka ৬
পটোলনিম্বকর্কোটবেত্রপত্রজলানি বা| পেযাং মন্ডং রসং চেক্ষোর্মধ্যং কল্পোদিতানি চ| বমনানি প্রযুঞ্জীত বলকালবিভাগবিত্||৬||
पटोलनिम्बकर्कोटवेत्रपत्रजलानि वा| पेयां मन्डं रसं चेक्षोर्मध्यं कल्पोदितानि च| वमनानि प्रयुञ्जीत बलकालविभागवित्||६||
🔊 Audio coming soon
শশিলেক ব্যাখ্যা (ইন্দু কৃত)
অথবা পটোলাদীনাং পত্রজলং পীত্বা বমেদিতি সম্বন্ধঃ| পত্রাণাং জলস্য চ জলসংস্কারাপাদনী মাত্রা| পানে তু জলস্য কোষ্ঠাদ্যপেক্ষযা তৃপ্ত্যবসানং বা মাত্রা| পেযামণ্ডাদীনামিবাত্রাপি পীত্বা বমেদিতি সম্বধ্যতে| বমেদিত্যন্গুল্যাদিনোপাযেনোদ্গিরেত্| মদ্যং পূর্বভুকাহারাপেক্ষযা যথাযোগ্যমিতি| বমনানি বলকালবিভাগবিত্ প্রযুঞ্জীত| বমনানীতি বহুবচনং কিং উচ্যতে| ন সকৃদ্যাবন্নির্হতদোষ ইতি জেজ্জটঃ| তেনৈতদুক্তং ব্যাধ্যৌষধবলানুরোধেন চান্যতমস্য বমনস্য প্রযোগ ইতি||৬||
Adhikarana উপবাসমহত্বম্ (৭) · Śloka ৭
কৃতেঽকৃতে বা বমনে জ্বরী কুর্যাদ্বিশোষণম্| দোষাণাম্ সমুদীর্ণানাং পাচনায শমায চ||৭||
कृतेऽकृते वा वमने ज्वरी कुर्याद्विशोषणम्| दोषाणाम् समुदीर्णानां पाचनाय शमाय च||७||
🔊 Audio coming soon
শশিলেক ব্যাখ্যা (ইন্দু কৃত)
অনন্তরোক্তপ্রকারেণ কৃতে বমনে বিশোষণমুপাসাদিনা কুর্যান্নতু সম্য্গ্যোগেঽপ্যবশ্যং তদহরেব বমনবিধিপ্রদর্শিতপ্রকারেণ পেযাং সেবেত| তথা যত্রাপি বমনস্যাবিষযত্বাদ্বিষযেঽপি বা নিমিত্তান্তরাদ্বমনং ন কৃতং তত্রাপি বিশোষণং কুর্যাত্| দোষাণামিত্যাদিনা যথোক্তোপশোষণপ্রযোজনপ্রদর্শনম্||৭||
Adhikarana উপবাসস্যাবধিঃ (৮) · Śloka ৮
আমেন ভস্মনেবাগ্নৌ ছন্নেঽন্নং ন বিপচ্যতে| তস্মাদাদোষপচনজ্জ্বরিতানুপবাসযেত্||৮||
आमेन भस्मनेवाग्नौ छन्नेऽन्नं न विपच्यते| तस्मादादोषपचनज्ज्वरितानुपवासयेत्||८||
🔊 Audio coming soon
শশিলেক ব্যাখ্যা (ইন্দু কৃত)
আমেনেত্যাদিনোপবাসাবধিপ্রদর্শনম্| যথা বাহ্যেঽগ্নৌ ভস্মনা ছন্নেঽন্নং ন বিপচ্যতে এবমান্তরেঽপ্যামেন চ্ছন্নে| তস্মাদ্দোষস্য নিরামতোত্পত্তিরুপবাসানামবধিঃ| উপপূর্বো বসির্ভোজননিবৃত্তৌ বর্ততে||৮||
Adhikarana উষ্ণাম্বুপানং তদ্গুণাশ্চ (৯) · Śloka ৯
তৃষ্ণগল্পাল্পমুষ্ণাম্বু পিবেদ্বাতকফজ্বরে| তত্কফং বিলযং নীত্বা তৃষ্ণামাশু নিবর্তযেত্| উদীর্য চাগ্নিং স্রোতাংসি মৃদূকৃত্য বিশোধযেত্| লীনপিত্তানিলস্বেদশকৃন্মূত্রানুলোমনম্| নিদ্রাজাড্যারুচিহরং প্রাণানামবলম্বনম্||৯||
तृष्णगल्पाल्पमुष्णाम्बु पिबेद्वातकफज्वरे| तत्कफं विलयं नीत्वा तृष्णामाशु निवर्तयेत्| उदीर्य चाग्निं स्रोतांसि मृदूकृत्य विशोधयेत्| लीनपित्तानिलस्वेदशकृन्मूत्रानुलोमनम्| निद्राजाड्यारुचिहरं प्राणानामवलम्बनम्||९||
🔊 Audio coming soon
শশিলেক ব্যাখ্যা (ইন্দু কৃত)
তস্মিংশ্চ লঙ্ঘনে ক্রিযমাণে তৃষ্ণাগতিমাত্রাং তৃষ্ণামনুভবন্নেব বাতকফজ্বরে দ্বন্দ্বসমুত্থ এব নেত্যাহ| বাতে শ্লেষ্মণি বা কবোষ্ণং জলং হিতম্| তযোঃ সমুদিতযোরপ্যুষ্ণমবিরোধীতি চ| তচ্চোষ্ণাম্বু পীতং মার্গাবরকং কফং বিলযং নীত্বা তৃষ্ণাং নিবর্তযেত্| তথা লীনানামনুত্ক্লিষ্টরূপাণামপি পিত্তাদীনামনুলোমনং মার্গপ্রেরকং নিদ্রাদিহরং চ| নিদ্রা হ্যস্বাস্থ্যহেতুকা গৃহীতা| প্রাণানামবলম্বনমম্বুসন্তর্পণস্বভাবত্বাত্| এবং যথোক্তবিষযে উষ্ণাম্বুনা এব প্রযোগঃ||৯||
Adhikarana শীতজলপানপরিহারঃ (১০) · Śloka ১০
বিপরীতমতঃ শীতং দোষসঙ্ঘাতবর্ধনম্||১০||
विपरीतमतः शीतं दोषसङ्घातवर्धनम्||१०||
🔊 Audio coming soon
শশিলেক ব্যাখ্যা (ইন্দু কৃত)
বিপরীতমিত্যাদিনা তত্রৈব শীতাম্বুপরিহারে হেতুরুচ্যতে-উষ্ণাম্বুনো গুণৈর্বিপরীতং শীতাম্বু দোষসঙ্ঘাতবর্দ্ধনঞ্চ||১০||
Adhikarana উষ্ণজলানর্হাঃ (১১) · Śloka ১১
উষ্ণমেবঙ্গুণত্বেঽপি যুঞ্জ্যান্নৈকান্তপিত্তলে| উদ্রিক্তপিত্তে দবথুদাহমোহাতিসারিণি| বিষমদ্যোত্থিতে গ্রীষ্মে ক্ষতক্ষীণেঽস্রপিত্তিনি||১১||
उष्णमेवङ्गुणत्वेऽपि युञ्ज्यान्नैकान्तपित्तले| उद्रिक्तपित्ते दवथुदाहमोहातिसारिणि| विषमद्योत्थिते ग्रीष्मे क्षतक्षीणेऽस्रपित्तिनि||११||
🔊 Audio coming soon
শশিলেক ব্যাখ্যা (ইন্দু কৃত)
উষ্ণমিত্যাদিনা কেবলপিত্তাদীনামুষ্ণাম্বুপ্রতিষেধং দর্শযতি- উষ্ণমনন্তরপ্রদর্শিতাগ্ন্যুদীরণস্রোতশ্শোধনত্বাদিগুণসংযুক্তত্বেঽপ্যেকান্তপিত্তলাদৌ ব্যাধাবাতুরে বা ন যুঞ্জ্যাত্| উদ্রিক্তমন্যদোষাভিভাবি পিত্তং যত্র| দবথুশ্চক্ষুরাদীন্দ্রিযাশ্রযেষু দাহঃ| দাহঃ সর্বাঙ্গীণস্তীব্র এব| গ্রীষ্মে দেশাদিবিশেষবশাদ্বাতকফস্যোত্কৃষ্টতা; তদা স্তোকং হিতমেব||১১||
Adhikarana তত্র শীতং ষডঙ্গং জলম্ (১২) · Śloka ১২
ঘনচন্দনশুণ্ঠ্যম্বুপর্পটোশীরসাধিতম্| শীতং তেভ্যো হিতং তোযং পাচনং ত্রুড্জ্বরাপহম্||১২||
घनचन्दनशुण्ठ्यम्बुपर्पटोशीरसाधितम्| शीतं तेभ्यो हितं तोयं पाचनं त्रुड्ज्वरापहम्||१२||
🔊 Audio coming soon
শশিলেক ব্যাখ্যা (ইন্দু কৃত)
তত্র শীতাম্বুপ্রযোগং দর্শযতি- তেভ্যশ্চৈকান্তপিত্তলাদিভ্যো ঘনাদিসাদিতং শীতং তোযং হিতং , তদ্ধি পাচনং তৃড্জ্বরাপহং চ| ননু নাগরস্য কটুকত্বাত্ কথং প্রযোগঃ; উচ্যতে - আমাশযসমুত্থত্বাজ্জ্বরস্যেষ্যত এবান্যদ্রব্যসংযুক্তস্য জলসংস্কারর্থমাবাপ এতি জেজ্জটঃ| তথ চান্যে পঠন্তি- যচ্চাস্য শ্রুতশীতাম্বু ষডঙ্গাদি প্রযুজ্জ্যতে| কর্ষমাত্রম্ ততো দত্বা ক্বথযেত্প্রাস্থিকেঽম্ভসি|| ইতি||১২||
Adhikarana প্রসঙ্গাজ্জ্বরে পিত্তবিরুদ্ধপ্রতিষেধস্তত্র হেতুশ্চ (১৩) · Śloka ১৩
উষ্মা পিত্তাদৃতে নাস্তি জ্বরো নাত্যূষ্মণা বিনা| তস্মাত্পিত্তবিরুদ্ধানি ত্যজেত্পিত্তাধিকেঽধিকম্| স্নানাভ্যঙ্গপ্রদেহাংশ্চ পরিশেষং চ লঙ্ঘনম্||১৩||
उष्मा पित्तादृते नास्ति ज्वरो नात्यूष्मणा विना| तस्मात्पित्तविरुद्धानि त्यजेत्पित्ताधिकेऽधिकम्| स्नानाभ्यङ्गप्रदेहांश्च परिशेषं च लङ्घनम्||१३||
🔊 Audio coming soon
শশিলেক ব্যাখ্যা (ইন্দু কৃত)
উষ্ণাম্বুপ্রতিষেধপ্রসঙ্গে সর্বেষাং পিত্তবিরুদ্ধানাং জ্বরে প্রতিষেধ উচ্যতে- উষ্মেত্যাদি| পিত্তাধিকে তু জ্বরে পিত্তবিরুদ্ধান্যাধিকং ত্যজেত্| পিত্তবিরুদ্ধং যত্ পিত্তকারি তচ্চ কফজ্বরাদৌ কিঞ্চিত্ ত্যজেদিত্যধিকশব্দাল্ল্ভ্যতে| স্ননাদীংশ্চ সর্বস্মিন্ জ্বরে ত্যজেত্| তথা পরিশেষং লঙ্ঘনং অবস্থাবিশেষবশেনোক্তাল্লঙ্ঘনাদন্যলঙ্ঘনং পরিশেষম্||১৩||
Adhikarana সামজ্বরে ঔষধপ্রতিষেধস্তত্র হেতুশ্চ (১৪) · Śloka ১৪
অজীর্ণ ইব শূলঘ্নং সামে তীব্ররুজি জ্বরে| ন পিবেদৌষধং তদ্ধি ভূয এবামমাবহেত্| আমাভিভূতকোষ্ঠস্য ক্ষীরং বিষমহেরিব||১৪||
अजीर्ण इव शूलघ्नं सामे तीव्ररुजि ज्वरे| न पिबेदौषधं तद्धि भूय एवाममावहेत्| आमाभिभूतकोष्ठस्य क्षीरं विषमहेरिव||१४||
🔊 Audio coming soon
শশিলেক ব্যাখ্যা (ইন্দু কৃত)
অজীর্ণ ইত্যাদিনা সামে জ্বরে ঔষধপ্রতিষেধপ্রদর্শনম্| ইবেত্যাদিনা- তীব্রার্তিরপি নাজীর্ণী পিবেচ্ছূলঘ্নমৌষধম্| আমসন্নোঽনলো নালং পক্তুং দোষৌষধাশনম্| নিহন্যাদপি চৈতেষাং বিভ্রমঃ সহসাতুরম্| ইতি স্মারযতি| তীব্ররুজাগ্রহণং প্রভূতোপলক্ষণার্থম্| অল্পেত্Vবামেঽগ্নেঃ কিঞ্চিচ্ছক্তত্বাত্ ক্বাথাদিকং প্রযুজ্যত| এবং ন কেবলং সাম ঔষধং ত্যজেত্ যাবত্ ক্ষীরমপি ত্যজেদিতি প্রদর্শনার্থমাহ-আমাভিভূতকোষ্ঠ্স্যেত্যাদি| যস্য হ্যামেনাভিভূতঃ কোষ্ঠস্তস্য দীপনত্বাদিযুক্তমপ্যৌষধং ন যুজ্যতে কিমুত ক্ষীরম্| অহিদৃষ্টান্তেন বিষস্য দুষ্টতা প্রদর্শিতা||১৪||
Adhikarana সোদর্দাদৌ স্বেদনং তত্ফলঞ্চ (১৫) · Śloka ১৫
সোদর্দপীনসশ্বাসে জঙ্ঘাপর্Vবাস্থিশূলিনি| বাতশ্লেষ্মাত্মকে স্বেদঃ প্রশস্তঃ স প্রবর্তযেত্| স্বেদমূত্রশকৃদ্বাতান্ কুর্যাদগ্নেশ্চ পাটবম্| স্নেহোক্তমাচারবিধিং সর্বতশ্চানুপালযেত্||১৫||
सोदर्दपीनसश्वासे जङ्घापर्Vवास्थिशूलिनि| वातश्लेष्मात्मके स्वेदः प्रशस्तः स प्रवर्तयेत्| स्वेदमूत्रशकृद्वातान् कुर्यादग्नेश्च पाटवम्| स्नेहोक्तमाचारविधिं सर्वतश्चानुपालयेत्||१५||
🔊 Audio coming soon
শশিলেক ব্যাখ্যা (ইন্দু কৃত)
ইতি প্রসঙ্গেন জ্বরে পরিহার্যদর্শনং কৃত্বা সোদর্দেত্যাদিনাঽবস্থাবিশেষেণ বিধেযবিশেষং নিযমযতি| বাতশ্লেষ্মাত্মকে জ্বরে উদর্দাদিনা যথাসংভবং সংযুক্তে স্বেদাখ্য উপক্রমঃ শস্তঃ| স স্বেদঃ স্বেদাদীনি প্রবর্তযেত্| উদ্র্দোনাম কফরোগঃ প্রদর্শিতঃ| স্নেহাক্ত আচারবিধিরুষ্ণোদকোপচারী স্যাদিত্যাদিকঃ||১৫||
Adhikarana পাচনসংগ্রহঃ (১৬) · Śloka ১৬
লঙ্ঘনং স্বেদনং কালো যবাগ্বস্তিক্তকো রসঃ| মলানাং পাচনানি স্যুর্যথাবস্থং ক্রমেণ বা||১৬||
लङ्घनं स्वेदनं कालो यवाग्वस्तिक्तको रसः| मलानां पाचनानि स्युर्यथावस्थं क्रमेण वा||१६||
🔊 Audio coming soon
শশিলেক ব্যাখ্যা (ইন্দু কৃত)
লঙ্ঘনমিত্যাদিনা পূর্বোক্তস্যানিযমেন ক্রমনিযমেন চ প্রদর্শনম্| `লঙ্ঘনাদি তিক্তরসান্তং পঞ্চবিধং পাচনমিতি' জেজ্জটঃ| লঙ্ঘনমুপবাসঃ| স্বেদনং স্বেদঃ| কালঃ পরিবাসক্রমঃ| যবাগ্বঃ পেযাঃ| তিক্তো রসস্তিক্তরসযুক্তদ্রব্যোপযোগঃ|বমনং শোধনং ন তু পাচনম্| যথাস্বমিত্যুক্তবিষযানতিক্রমেণ মলানাং পাচনানি স্যুঃ| অথবা ক্রমেণ লঙ্ঘনে ক্রিযমাণে দোষস্য নিবিডত্ববিনাশায প্রথমমেব স্বেদনং, ততঃ উপবাসেন স্বেদেন কালক্রমেণ চ দোষে মার্দবং যাতে বুভুক্ষাযাং জাতাযাং যবাগ্বস্ততস্তিক্তো রসো মুস্তাপর্পটাদিঃ||১৬||
Adhikarana লঙ্ঘনানর্হাস্তত্র কার্যঞ্চ (১৭) · Śloka ১৭
শুদ্ধবাতক্ষযাগন্তুজীর্ণজ্বরিষু লঙ্ঘনম্| নেষ্যতে তেষু হি হিতং শমনং যন্ন কর্শনম্||১৭||
शुद्धवातक्षयागन्तुजीर्णज्वरिषु लङ्घनम्| नेष्यते तेषु हि हितं शमनं यन्न कर्शनम्||१७||
🔊 Audio coming soon
শশিলেক ব্যাখ্যা (ইন্দু কৃত)
সামান্যেন নবজ্বরে লঙ্ঘনোপক্রমাচ্ছুদ্ধবাতাদিজ্বরাণাং লঙ্ঘনস্য প্রতিষেধঃ জীর্ণজ্বরে চ লঙ্ঘনবিষযেঽপি| তেষু চ শুদ্ধবাতাদিষু যস্মাচ্ছমনং তচ্চ শমনং যন্ন কর্শনং নাপ্যতিবৃংহণং রোগস্বভাবাদিত্যর্থাল্লভ্যতে||১৭||
Adhikarana লঙ্ঘনস্যাযোগসম্যগ্যোগলক্ষণম্ (১৮) · Śloka ১৮
তত্র সামজ্বরাকৃত্যা জানীযাদবিশোষিতম্| দ্বিবিধোপক্রমজ্ঞানমবেক্ষেত চ লঙ্ঘনে||১৮||
तत्र सामज्वराकृत्या जानीयादविशोषितम्| द्विविधोपक्रमज्ञानमवेक्षेत च लङ्घने||१८||
🔊 Audio coming soon
শশিলেক ব্যাখ্যা (ইন্দু কৃত)
তত্রেত্যাদিনা লঙ্ঘনস্যাযোগসম্যগ্যোগপ্রদর্শনম্| জ্বরোপদ্রবতীক্ষ্ণত্বাদিকং সামজ্বরাকৃতিঃ| আকৃতির্ল্লক্ষণমিতি পর্যাযৌ||১৮||
Adhikarana পেযা তদ্গুণশ্চ (১৯) · Śloka ১৯
যুক্তং লঙ্ঘিতলিঙ্গৈস্তু তং পেযাভিরুপাচরেত্| যথাস্বৌষধসিদ্ধাভির্মণ্ডপূর্বাভিরাদিতঃ| ষডহং বা মৃদুত্বং বা জ্বরো যাবদবাপ্নুযাত্| তস্যাগ্নির্দীপ্যতে তাভিঃ সমিদ্ভিরিব পাবকঃ| তাশ্চ ভেষজসংযোগাল্লঘুত্বাচ্চাগ্নিদীপনাঃ| বাতমূত্রপুরীষাণাং দোষাণাং চানুলোমিকাঃ| স্বেদনায দ্রবোষ্ণত্বান্মৃদুত্বাত্তৃট্প্রশান্তযে| আহারভবাত্প্রাণায সরত্বাল্লাঘবায চ| জ্বরঘ্ন্যো জ্বরসাত্ম্যত্বাত্তস্মাত্পেযাভিরাদিতঃ| উপক্রমেজ্জ্বরান্ সর্বানৃতে মদ্যসমুত্থিতান্||১৯||
युक्तं लङ्घितलिङ्गैस्तु तं पेयाभिरुपाचरेत्| यथास्वौषधसिद्धाभिर्मण्डपूर्वाभिरादितः| षडहं वा मृदुत्वं वा ज्वरो यावदवाप्नुयात्| तस्याग्निर्दीप्यते ताभिः समिद्भिरिव पावकः| ताश्च भेषजसंयोगाल्लघुत्वाच्चाग्निदीपनाः| वातमूत्रपुरीषाणां दोषाणां चानुलोमिकाः| स्वेदनाय द्रवोष्णत्वान्मृदुत्वात्तृट्प्रशान्तये| आहारभवात्प्राणाय सरत्वाल्लाघवाय च| ज्वरघ्न्यो ज्वरसात्म्यत्वात्तस्मात्पेयाभिरादितः| उपक्रमेज्ज्वरान् सर्वानृते मद्यसमुत्थितान्||१९||
🔊 Audio coming soon
শশিলেক ব্যাখ্যা (ইন্দু কৃত)
তঞ্চ জ্বরিতঞ্চ শব্দাভিহিতেন সামজ্বরলিঙ্গবিপর্যাসেন দ্বিবিধোপক্রমণীযোক্তৈশ্চ লঙ্ঘিতলিঙ্গৈর্যুক্তং জ্ঞাত্বা পেযাভিরুপাচরেত্| কিম্ভূতাভিরাহ- যথাস্বৌষধসিদ্ধাভির্যস্মিন্ জ্বরে যদেব কাষাযকল্পনৌষধযুক্তং তেনৌষধেন সাধিতাভিঃ| মণ্ডঃ পূর্বো যাসাং তাভিঃ| লঙ্ঘনে কৃতে মণ্ডঃ ততঃ পেযা| কিযত্কালমিত্যাহ- আদিতো জ্বরারম্ভদিনাত্ প্রভৃতি ষডহং যাবত্| যত্র তু ষডহাত্ পূর্বং লঙ্ঘিতলিঙ্গাভাবাত্ পেযা ন প্রযুক্তা তত্র যদা প্রযুজ্যতে তদা তাসাং জ্বরমার্দবোত্পত্তির্যাবত্ প্রযোগঃ| সুবোধম্| (অথবা যবাগূনাং প্রতি স্বং সংস্কারকপিপ্পলীনাগরাদিকমিতি জেজ্জটঃ )|
Adhikarana পেযাযোগাঃ (২০) · Śloka ২০
প্রাগ্জলাজপেযাং সুজরাং সশুণ্ঠীধান্যপিপ্পলীম্| সসৈন্ধবাং তথাম্লার্থী তাং পিবেত্সহ দাডিমাম্| সৃষ্টবিড্ বহুপিত্তো বা সশুণ্ঠীমাক্ষিকাং হিমাম্| বস্তিপার্শ্বশিরঃশূলী ব্যাঘ্রীগোক্ষুরসাধিতাম্| পৃশ্নিপর্ণী বলাবিল্বনাগরোত্পলধান্যকৈঃ| সিদ্ধাং জ্বরাসার্যম্লাং পেযাং দীপনপাচনীম্| হ্রস্বেন পঞ্চমূলেন হিক্কারুক্শ্বাসকাসবান্| পঞ্চমূলেন মহতা কফার্তো যবসাধিতাম্| বিবদ্ধবর্চাং সযবাং পিপ্পল্যামলকৈঃ কৃতাম্| যবাগূং সর্পিষা ভৃষ্টাং মলদোষানুলোমনীম্| চবিকাপিপ্পলীমূলদ্রাক্ষাঽঽমলকনাগরৈঃ| কোষ্টে বিবদ্ধে সরুজি পিবেত্তু পরিকর্তিনি| কোলবৃক্ষাম্লকলশীধাবনীশ্রীফলৈঃ কৃতাম্| অস্বেদনিদ্রস্তৃষ্ণার্তঃ সিতামলকনাগরৈঃ| সিতাবদরমৃদ্বীকাসারিবামুস্তচন্দনম্| তৃষ্ণাচ্ছর্দিপরীদাহজ্বরঘ্নীং ক্ষৌদ্রসংযুতাম্| কুর্যাত্ পেযৌষদৈরেব রসযূষাদিকানপি||২০||
प्राग्जलाजपेयां सुजरां सशुण्ठीधान्यपिप्पलीम्| ससैन्धवां तथाम्लार्थी तां पिबेत्सह दाडिमाम्| सृष्टविड् बहुपित्तो वा सशुण्ठीमाक्षिकां हिमाम्| बस्तिपार्श्वशिरःशूली व्याघ्रीगोक्षुरसाधिताम्| पृश्निपर्णी बलाविल्वनागरोत्पलधान्यकैः| सिद्धां ज्वरासार्यम्लां पेयां दीपनपाचनीम्| ह्रस्वेन पञ्चमूलेन हिक्कारुक्श्वासकासवान्| पञ्चमूलेन महता कफार्तो यवसाधिताम्| विबद्धवर्चां सयवां पिप्पल्यामलकैः कृताम्| यवागूं सर्पिषा भृष्टां मलदोषानुलोमनीम्| चविकापिप्पलीमूलद्राक्षाऽऽमलकनागरैः| कोष्टे विबद्धे सरुजि पिबेत्तु परिकर्तिनि| कोलवृक्षाम्लकलशीधावनीश्रीफलैः कृताम्| अस्वेदनिद्रस्तृष्णार्तः सितामलकनागरैः| सिताबदरमृद्वीकासारिवामुस्तचन्दनम्| तृष्णाच्छर्दिपरीदाहज्वरघ्नीं क्षौद्रसंयुताम्| कुर्यात् पेयौषदैरेव रसयूषादिकानपि||२०||
🔊 Audio coming soon
শশিলেক ব্যাখ্যা (ইন্দু কৃত)
যদা পেযানামবসরস্তদা মণ্ডাদনু সুজরত্বাল্লাজপেযাং পিবেত্| প্রাগ্লাজপেযাং সুজরামিতি শ্লেষ্মণ্যেষা প্রথমা| অম্লাভিলাষী তামেব দাডিমাম্লাং ইত্যৈষা বাতে দ্বিতীযা| সৃষ্টবিড্ বহুপিত্তো বেত্যেষা তৃতীযা পিত্তে| অত্র নাগরং মধুরপাকিত্বাত্ পিত্তেন বিরুদ্ধ্যতে| আমপাচনার্থমিষ্যত এব| শেষাণাং বিষযনির্দেশস্তু শাস্ত্রস্য কর্ত্রা কৃত এব ইতি জেজ্জটঃ| ততস্তণ্ডুলপেযাং সৈন্ধবলাজপেযাং বা| অম্লার্থী গ্রহণেন `কুর্বতে হি রুচির্দোষা' ইতি স্মার্যতে| নত্বর্থিতমাত্রে প্রযোগঃ| সর্বাসাং চ পেযানাং সাধনজলসংস্কারকারী দোষাদ্যপেক্ষযা চৌষধমাত্রা| অন্যে পঠন্তি- যবাগূরসযূষেষু রসালাপানকাদিষু| দ্রব্যমাত্রাং প্রযুঞ্জীত লোকসিদ্ধং যথার্হতঃ| অথবা যাবতা ব্যাপ্তির্নাতি স্যাদ্ভেষজেন তু|| সুবোধম্| যবসাধিতা যস্যাং তণ্ডুলা ন প্রবিশন্তি| সযবা যত্র স্তোকং যবানাম্| পরিকর্তিনি কোষ্ঠে কোলাদিভিঃ শ্রীফলং বিল্বম্||২০||
Adhikarana পেযানর্হাঃ (২১) · Śloka ২১
মদ্যোদ্ভবে মদ্যনিত্যে পিত্তস্থানগতে কফে| গ্রীষ্মে তযোর্বাধিকযোস্তহৃচ্ছর্দিদাহপীডিতে| ঊর্ধ্বং প্রবৃত্তে রক্তে চ পেযাং নেচ্ছন্তি ||২১||
मद्योद्भवे मद्यनित्ये पित्तस्थानगते कफे| ग्रीष्मे तयोर्वाधिकयोस्तहृच्छर्दिदाहपीडिते| ऊर्ध्वं प्रवृत्ते रक्ते च पेयां नेच्छन्ति ||२१||
🔊 Audio coming soon
শশিলেক ব্যাখ্যা (ইন্দু কৃত)
মদ্যোদ্ভবাদিকে বিষযে পেযমাচার্যা নেচ্ছন্তি মদ্যনিত্যে পুরুষে| তযোরিত্যনন্তরশ্রুতযোঃ পিত্তশ্লেষ্মণোঃ| গ্রীষ্মকালে বৃদ্ধযোর্বেতি সমুচ্চযে| নেচ্ছতীত্যনেনানুপযুজ্যমানে যুক্তিবিশেষতৈবাগমস্য প্রদর্শিতা||২১||
Adhikarana তত্র লাজতর্পণং দেযম্ (২২) · Śloka ২২
তেষু তু| দ্রাক্ষাদাডিমকাশ্মর্যপথ্যাপীলুপরূষকৈঃ| সমধূকৈঃ সবদরৈঃ সক্ষৌদ্রান্ সসিতোপলান্| জ্বরঘ্নৈস্তোযমৃদিতৈরদ্ভির্বা লাজতর্পণান্| পিবেত্ সুসূক্ষ্মরজসস্ততো জীর্ণে তু তর্পণে| যবাগ্বাং বৌদনং ক্ষুদ্বানশ্নীযাদ্ভৃশতাণ্ডুলম্| দকলাবণিকৈর্যূষৈ রসৈর্বা মুদ্গলাবজৈঃ| ইত্যযং ষডহো নেযো বলং দোষং চ রক্ষতা||২২||
तेषु तु| द्राक्षादाडिमकाश्मर्यपथ्यापीलुपरूषकैः| समधूकैः सबदरैः सक्षौद्रान् ससितोपलान्| ज्वरघ्नैस्तोयमृदितैरद्भिर्वा लाजतर्पणान्| पिबेत् सुसूक्ष्मरजसस्ततो जीर्णे तु तर्पणे| यवाग्वां वौदनं क्षुद्वानश्नीयाद्भृशताण्डुलम्| दकलावणिकैर्यूषै रसैर्वा मुद्गलावजैः| इत्ययं षडहो नेयो बलं दोषं च रक्षता||२२||
🔊 Audio coming soon
শশিলেক ব্যাখ্যা (ইন্দু কৃত)
তেষু তু মদ্যোদ্ভবাদিষু পেযাপ্রসঙ্গে লাজতর্পণান্ পিবেত্| তর্পণাঃ সক্তবঃ কেন পিবেদাহ- জ্বরাপহৈর্দাডিমাদিভিস্তোযমৃদিতৈর্যথাযোগ্যমথবা কেবলাভিরেবাদ্ভিঃ| কিম্ভূতানাহ- সশর্করাক্ষৌদ্রান্| তথা সুসূক্ষ্মরজসঃ বস্ত্রতিতঊচ্চারিতবান্| ততঃ পীত্বা তদহরেব জীর্ণে যবাগ্বাং বা স্ববিষযপ্রযুক্তাযাং তদহরেব তর্পণে জীর্ণে যবাগ্বাং বা স্ববিষযপ্রযুক্তাযাং জীর্ণাযাং যদা ক্ষুদ্বান্ ভবতি তদা ভৃষ্টতণ্ডুলকৃতমোদনমদ্যাত্ কেনেত্যাহ- দকলাবণিকৈর্যূষৈর্বা মুদ্গলাবাভ্যাং বা রসৈঃ| ইত্যনেন পেযাদিক্রমেণাযং লঙ্ঘিতোত্তরঃ ষডহ আতুরেণ বলং দেহস্য দোষং চ ক্ষযবৃদ্ধিতো রক্ষতা নেযঃ|
Adhikarana কষাযপ্রযোগঃ (২৩) · Śloka ২৩
ততঃ পক্বেষু দোষেষু লঙ্ঘনাদ্যৈঃ প্রশস্যতে| কষাযো দোষশেষস্য পাচনঃ শমনোঽথবা||২৩||
ततः पक्वेषु दोषेषु लङ्घनाद्यैः प्रशस्यते| कषायो दोषशेषस्य पाचनः शमनोऽथवा||२३||
🔊 Audio coming soon
শশিলেক ব্যাখ্যা (ইন্দু কৃত)
ততঃ পযোক্রমাদনন্তরং লঙ্ঘনস্বেদনকালে যবাগূভির্দোষেষু জ্বরারম্ভকেষু পক্বেষু দোষশেষস্য পাচনো বা শমনো বা কষাযঃ পঞ্চবিধকল্পনঃ প্রশস্যতে| কষায ইতি পাকেনোপলব্ধত্বাদৌষধস্য সংজ্ঞা- লঙ্ঘনাম্বুযবাগূভির্যদা দোষো ন পচ্যতে| তদা তং মুখবৈরস্যতৃষ্ণারোচকনাশনৈঃ| কষাযৈঃ পাচনৈর্হৃদ্যৈর্জ্বরঘ্নং সমুপাচরেত্| পাচনীযবিষযোঽযম্| সংশমনীযবিষযশ্চ| মৃদৌ জ্বরে লঘৌ দেহে প্রচলেষু মলেষু চ| পক্বং দোষং বিজানীযাদ্যদা দেযং তদৌষধম্|| তস্মাত্ সংশমনীযকালোঽযমিতি জেজ্জটঃ||২৩||
Adhikarana কষাযস্য বিষযাবিষযৌ (২৪) · Śloka ২৪
তিক্তঃ পিত্তে বিশেষেণ প্রযোজ্যঃ কটুকঃ কফে| পিত্তশ্লেষ্মহরত্বেঽপি কষাযঃ স ন শস্যতে| নবজ্বরে মলস্তম্ভাত্ কষাযো বিষমজ্বরান্| কুরুতেঽরুচিহৃল্লাসহিধ্মাঽঽধ্মানাদিকানপি| ন চ্যবন্তে ন পচ্যন্তে কষাযস্তম্ভিতা মলাঃ| তির্যগ্গতা বিমার্গা বা বর্ধযন্ত্যপি চ জ্বরম্||২৪||
तिक्तः पित्ते विशेषेण प्रयोज्यः कटुकः कफे| पित्तश्लेष्महरत्वेऽपि कषायः स न शस्यते| नवज्वरे मलस्तम्भात् कषायो विषमज्वरान्| कुरुतेऽरुचिहृल्लासहिध्माऽऽध्मानादिकानपि| न च्यवन्ते न पच्यन्ते कषायस्तम्भिता मलाः| तिर्यग्गता विमार्गा वा वर्धयन्त्यपि च ज्वरम्||२४||
🔊 Audio coming soon
শশিলেক ব্যাখ্যা (ইন্দু কৃত)
স চ কষাযস্তিক্তরসঃ পিত্তে বিশেষেণ যোজ্যঃ| বিশেষগ্রহণাত্ কফেঽপি যোজ্যা ইতি লভ্যতে| কটুকশ্চ কফ এব যোজ্যঃ| স চ কষাযঃ কষাযো রসেন পিত্তশ্লেষ্মহরোঽপি নবজ্বরে ন শস্যতে|তত্রা হি নবজ্বরে কষাযো মলানাং স্তম্ভাত্ বহির্গমনপাচনাভাবেন তির্যগ্গমনবিমার্গগমনাভ্যাং যথাসংপ্রাপ্তিবিষযজ্বরানরুচ্যাদীনপি করোতি| কষাযরসস্তম্ভিতা মলাঃ ন চ্যবন্তে নাপ্যন্তঃ পচ্যন্তে; প্রত্যুত তির্যক্স্রোতস্সু বিপরীতং বা মার্গেষু গমনাত্ জ্বরং বর্ধযন্তি| বদ্ধামাদিত্বাচ্চ কষাযো যথাসম্প্রাপ্তিশূলাদিকার্যপি ভবতীতি তির্যগ্গমনেন বিমার্গগমনেন চ বিষমজ্বরস্য স্বরূপং প্রদর্শিতং ভবতি| নবতাযাং ত্বতীতাযাং হরীতক্যাদেঃ প্রযোগো দৃষ্টঃ;,এবং ষডহাদৌষধযোজনম্||২৪||
Adhikarana ঔষধকালবিষযে মতান্তরাণি (২৫) · Śloka ২৫
সপ্তাহাদৌষধং কেচিদাহুরন্যে দশাহতঃ| কেচিল্লঘ্বন্নভুক্তস্য যোজ্যমামোল্বণেন তু||২৫||
सप्ताहादौषधं केचिदाहुरन्ये दशाहतः| केचिल्लघ्वन्नभुक्तस्य योज्यमामोल्बणेन तु||२५||
🔊 Audio coming soon
শশিলেক ব্যাখ্যা (ইন্দু কৃত)
কেচিদাচার্যাঃ সপ্তাহাদৌষধমাহুঃ| অন্যে তু দশাহাত্| কেচিত্বেবমাহুঃ-যথা লঙ্ঘনাদনন্তরং যদৌষধমুপযুজ্যতে তদা যে লঘ্বন্নং ভুক্তং তস্যৈব যোজ্যম্| পক্ষত্রযেঽপি সমানযোজ্যমালোল্বণে ত্বৌষধং নেতি| কেবলং কেষাঞ্চিত্ ষডহমামোল্বণত্বং কেষাঞ্চিত্সপ্তাহং কেষাঞ্চিদ্দশাহমিতি||২৫||
Adhikarana আমোল্বণে ঔষধনিষেধে হেতুঃ (২৬) · Śloka ২৬
তীব্রজ্বরপরীতস্য দোষবেগোদযে যতঃ| দোষেঽথবাতিনিচিতে তন্দ্রাস্তৈমিত্যকারিণী||২৬||
तीव्रज्वरपरीतस्य दोषवेगोदये यतः| दोषेऽथवातिनिचिते तन्द्रास्तैमित्यकारिणी||२६||
🔊 Audio coming soon
শশিলেক ব্যাখ্যা (ইন্দু কৃত)
আমোল্বণে ন যোজ্যমিত্যত্র হেতুরুচ্যতে যতো যস্মাত্তীব্রজ্বরপরীতস্য দোষবেগোদযে সতি প্রযুক্তমৌষধমত এবাপচ্যমানং ভূযোজ্বরং জ্বলযতি| অথবা নবজ্বরেঽতিনিচিতে দোষে তন্দ্রাস্তৈমিত্যকারিণী ঔষধং প্রযুক্তং ভূযো জ্বরং জ্বলযতি||২৬||
Adhikarana অচিরজ্বরিতেঽপ্যৌষধপ্রযোগার্হাবস্থা (২৭) · Śloka ২৭
যদা জ্বরো মৃদুর্দেহো লঘুঃ প্রচলিতা মলাঃ| অচিরজ্বরিতস্যাঽপি যোজযেদ্ভেষজং তদা||২৭||
यदा ज्वरो मृदुर्देहो लघुः प्रचलिता मलाः| अचिरज्वरितस्याऽपि योजयेद्भेषजं तदा||२७||
🔊 Audio coming soon
শশিলেক ব্যাখ্যা (ইন্দু কৃত)
যদা মৃদুজ্বরো দেহশ্চ লঘুর্মলশ্চালিতা ন তু স্তিমিতাস্তদা অচিরজ্বরিতস্যাপি ভেষজং যোজযেত্| কৈস্তৈঃ তদুক্তম্| যদ্যপি পক্ষত্রযং প্রদর্শিতং তত্রাপ্যেবমেবাবগন্তব্যম্| যস্য জ্বরস্য তীব্রত্বং প্রাপ্তস্য চ লঙ্ঘনস্যাযোজনাদ্দোষস্যাতিবৃদ্ধত্বং সামত্বঞ্চ তত্রাবশ্যমৌষধং ন যোজ্যম্| এতদ্বিপর্যযে তু যোজ্যমেব ন তু ষডহাদিকমপেক্ষণীযমিতি||২৭||
Adhikarana কষাযযোগাঃ পাচনাঃ কষাযাঃ (২৮) · Śloka ২৮
মুস্তযা পর্পটং যুক্তং শুণ্ঠ্যা দুঃস্পর্শযাপি বা| পাক্যং শীতকষাযং বা পাঠোশীরং সবালকম্| পিবেত্তদ্বচ্চ ভূনিম্বগুডূচীমুস্তনাগরম্| যথাযোগ্যমিমে যোজ্যাঃ কষাযা দোষপাচনাঃ| জ্বরারোচকতৃষ্ণাঽঽস্যবৈরস্যাপক্তিনাশনাঃ| পাঠেন্দ্রযবভূনিম্বমুস্তপর্পটকা মৃতা| জযন্ত্যামমতীসারং জ্বরং চ সমহৌষধাঃ||২৮||
मुस्तया पर्पटं युक्तं शुण्ठ्या दुःस्पर्शयापि वा| पाक्यं शीतकषायं वा पाठोशीरं सवालकम्| पिबेत्तद्वच्च भूनिम्बगुडूचीमुस्तनागरम्| यथायोग्यमिमे योज्याः कषाया दोषपाचनाः| ज्वरारोचकतृष्णाऽऽस्यवैरस्यापक्तिनाशनाः| पाठेन्द्रयवभूनिम्बमुस्तपर्पटका मृता| जयन्त्याममतीसारं ज्वरं च समहौषधाः||२८||
🔊 Audio coming soon
শশিলেক ব্যাখ্যা (ইন্দু কৃত)
মুস্তযেত্যাদিনা তদেবৌষধমুচ্যতে| এবং দোষাদিবিশেষাপেক্ষযা পর্পটং কদাচিদ্দুরালভযা| পাঠাদিত্রযং শৃতং বা শীতং বা| ভূনিম্বাদিচতুষ্টযং তদ্বচ্ছৃতং বা শীতং বা| ইমে চ মুস্তাপর্পটকাদযঃ কষাযাঃ নিযতানিযতকল্পনা যথাযোগং দোষাদ্যপেক্ষযা যোগানতিক্রমেণ যোজ্যাঃ| এতে চ জ্বরাদিনাশনাঃ পাঠাদযঃ সনাগরা আমাদিকং জ্বরিণো যজন্তি যথেচ্ছকল্পনাপ্রযুক্তাবাতপিত্তশ্লেষ্মণি| যথাযোগ্যমিত্যত্র জেজ্জটঃ পাক্যং শীতকষাযঞ্চ মুস্তাপর্পটকং পিবেত্| পাক্যং ক্বাথ্যং শীতকষাযমনুত্ক্বথিতমেবোষ্ণোদকে সংক্ষুদ্য দ্রব্যং যদ্রাত্রিপর্যুষিতং পীযতে তত্কেবলপিত্তে| পৈত্তিকে চ স নাগরং পর্পটকং মন্দাগ্নিঃ| পিত্তকফপ্রাযে সদুরালভং পর্পটকং দুরালভপিত্তশ্লেষ্মোপশমনানামিত্যাভ্নানাত্| দাহবহুলং পাঠোশীরং বালকম্| শীতপ্রাযে ভূনিম্বগুডূচীমুস্তনাগরমিতি| অন্যে ব্যাখ্যানযন্তি - পঞ্চাপ্যমী সর্বযৌগিকাঃ কুতঃ ব্যাধিপ্রত্যানীকত্বাদ্যথা কুষ্ঠে খদিরং গ্রহণ্যাং তক্রং প্রমেহে হরিদ্রেতি|২৮||
Adhikarana দোষানুসারং পাচনানি (২৯) · Śloka ২৯
দুরালভাঽমৃতামুস্তানাগরং বাতজে জ্বরে| অথবা পিপ্পলীমূলগুডূচীবিশ্বভেষজম্| কনীযঃ পঞ্চমূলং চ পিত্তে ক্ষৌদ্রসমন্বিতাঃ| কলিঙ্গমুস্তকটুকা মুস্তাপর্পটকং তথা| সধন্বযাসভূনিম্বং বত্সকাদ্যো গণঃ কফে| অথবা বৃষগাঙ্গেযীশৃঙ্গবেরদুরালভাঃ| রুগ্বিবন্ধানিলশ্লেষ্মযুক্তে দীপনপাচনম্| অভযাপিপ্পলীমূলশম্যাককটুকাঘনম্||২৯||
दुरालभाऽमृतामुस्तानागरं वातजे ज्वरे| अथवा पिप्पलीमूलगुडूचीविश्वभेषजम्| कनीयः पञ्चमूलं च पित्ते क्षौद्रसमन्विताः| कलिङ्गमुस्तकटुका मुस्तापर्पटकं तथा| सधन्वयासभूनिम्बं वत्सकाद्यो गणः कफे| अथवा वृषगाङ्गेयीशृङ्गवेरदुरालभाः| रुग्विबन्धानिलश्लेष्मयुक्ते दीपनपाचनम्| अभयापिप्पलीमूलशम्याककटुकाघनम्||२९||
🔊 Audio coming soon
শশিলেক ব্যাখ্যা (ইন্দু কৃত)
দুরালভাদিকং বাতজ্বরে| পিপ্পলীমূলাদিত্রযং বাতজ্বর এব| কেবলমেব হ্রুস্বপ্ঞ্চমূলকং বাতে| কলিঙ্গাদিত্রযং সক্ষৌদ্রং পিত্তে|মুস্তাপর্পটকং দুরালভাকিরাততিক্তসংযুক্তং পিত্তে|কফে বত্সকাদ্যো গণঃ| অথবা বৃষাদযঃ| গাঙ্গেযী মুস্তা|রুগাদিযুক্তে বাতশ্লেষ্মজ্বরে অভযাদিকং তচ্চ দীপনং পাচনং চ||২৯||
Adhikarana সন্ততাদিজ্বরেষু কষাযযোগাঃ (৩০) · Śloka ৩০
কলিঙ্গকাঃ পটোলস্য পত্রং কটুকরোহিণী| পটোলং সারিবা মুস্তা পাঠা কটুকরোহিণী| পটোলনিম্বত্রিফলামৃদ্দীকামুস্তবত্সকাঃ| কিরাততিক্তমমৃতাঃ চন্দনং বিশ্বভেষজম্| ধাত্রীমুস্তামৃতাক্ষৌদ্রমর্ধশ্লোকসমাপনাঃ| পঞ্চৈতে সন্ততাদীনাং পঞ্চানাং শমনা মতাঃ| পটোলেন্দ্রিযবারিষ্টভদ্রমুস্তামৃতাঽভযাঃ| সারিবাদ্বিতযং পাঠা ত্রযন্তী কটুরোহিণী| পটোলারিষ্টমৃদ্বীকাশম্যাকাত্রিফলাবৃষম্| চন্দনোশীরধান্যাব্দগুডূচীবিশ্বভেষজম্| দেবদারূস্থিরাশুণ্ঠীবাসাধাত্রীহরীতকীঃ| পঞ্চ পঞ্চজ্বরান্ ঘ্নন্তি যোগা মধুসিতোত্কটাঃ||৩০||
कलिङ्गकाः पटोलस्य पत्रं कटुकरोहिणी| पटोलं सारिवा मुस्ता पाठा कटुकरोहिणी| पटोलनिम्बत्रिफलामृद्दीकामुस्तवत्सकाः| किराततिक्तममृताः चन्दनं विश्वभेषजम्| धात्रीमुस्तामृताक्षौद्रमर्धश्लोकसमापनाः| पञ्चैते सन्ततादीनां पञ्चानां शमना मताः| पटोलेन्द्रियवारिष्टभद्रमुस्तामृताऽभयाः| सारिवाद्वितयं पाठा त्रयन्ती कटुरोहिणी| पटोलारिष्टमृद्वीकाशम्याकात्रिफलावृषम्| चन्दनोशीरधान्याब्दगुडूचीविश्वभेषजम्| देवदारूस्थिराशुण्ठीवासाधात्रीहरीतकीः| पञ्च पञ्चज्वरान् घ्नन्ति योगा मधुसितोत्कटाः||३०||
🔊 Audio coming soon
শশিলেক ব্যাখ্যা (ইন্দু কৃত)
কলিঙ্গদিভিঃ পঞ্চভিরর্দ্ধশ্লোকৈঃ পঞ্চ যথাযোগ্যকল্পনাঃ কষাযাঃ যথাসংখ্যেন পঞ্চানাং সন্ততাদীনাং শমনা মতা আচার্যাণাম্| এবমেব পটোলাদিভির্যোগযোগ্যকল্পনা মধুসিতোত্কটাঃ প্রভূতমধুসিতাঃ||৩০||
Adhikarana বাতজ্বরে কতিপযাঃ যোগাঃ (৩১) · Śloka ৩১
সগুডাঃ সারিবা দ্রাক্ষাশতাহ্বাকণরেণুকাঃ| কাশ্মর্যসারিবাদ্রাক্ষাত্রযাণাঽমৃতাগুডঃ| শতপুষ্পাবচাকুষ্ঠদেবদারূহরেণুকাঃ| শর্করামধুসংযুক্তাঃ সমাংসীমুস্তধান্যকাঃ| কৃষ্ণাপুনর্নবাদ্রাক্ষাশতাহ্বাগুডসারিবাঃ| শালিপর্ণীবলাদ্রাক্ষাসারিবাচ্ছিন্নসম্ভবাঃ| আরগ্বধো বলা রাস্না কাশ্মর্যং মধুকং গুডাঃ| শতাবরীচ্ছিন্নরূহাস্বরসো বা গুডান্বিতঃ| সকৃষ্ণাজীরকসিতানাগরশ্চামৃতারসঃ| বাতজ্বরং জযন্ত্যাশু কেবলো বাঽমৃতারসঃ| ভার্ঙ্গীসরলগাঙ্গেযীদারূকুষ্ঠৈলবালুকম্| কোষ্ণং ঘৃতগুডোপেতং পিবেদ্বা বাতজে জ্বরে||৩১||
सगुडाः सारिवा द्राक्षाशताह्वाकणरेणुकाः| काश्मर्यसारिवाद्राक्षात्रयाणाऽमृतागुडः| शतपुष्पावचाकुष्ठदेवदारूहरेणुकाः| शर्करामधुसंयुक्ताः समांसीमुस्तधान्यकाः| कृष्णापुनर्नवाद्राक्षाशताह्वागुडसारिवाः| शालिपर्णीबलाद्राक्षासारिवाच्छिन्नसम्भवाः| आरग्वधो बला रास्ना काश्मर्यं मधुकं गुडाः| शतावरीच्छिन्नरूहास्वरसो वा गुडान्वितः| सकृष्णाजीरकसितानागरश्चामृतारसः| वातज्वरं जयन्त्याशु केवलो वाऽमृतारसः| भार्ङ्गीसरलगाङ्गेयीदारूकुष्ठैलवालुकम्| कोष्णं घृतगुडोपेतं पिबेद्वा वातजे ज्वरे||३१||
🔊 Audio coming soon
শশিলেক ব্যাখ্যা (ইন্দু কৃত)
সগুডা ইত্যাদিনা নবযোগা বাতজ্বরে নিযতাঃ নিযমকল্পনাঃ| তত্র সারিবাদযো রেণুকান্তাঃ সগুডাঃ| শতপুষ্পাদযঃ সমাংসীমুস্তধান্যকাঃ শর্করামধুসংযুক্তাঃ| কৃষ্ণাদযঃ সারিবান্তাঃ শালপর্ণ্যাদযশ্ছিন্নসম্ভবান্তাঃ| আরগ্বধাদিকঃ সগুডঃ| শতাবরীগুডূচ্যোঃ স্বরসঃ সগুডঃ| গুডূচীরসঃ সকৃষ্ণাজীরকাদিঃ| কেবলশ্চ গুডূচীরসঃ| সর্বত্র চ মধুগুডশর্করাণাং ব্যপ্তিজনিকা মাত্রা| ভার্ঙ্গ্যাদিঘৃতগুডসংযুক্তো বাতজ্বরে|গাঙ্গেযী মুস্তা| এলবালুকমৈলেযং সুগন্ধি হরিবালুকমিতি পর্যাযাঃ||৩১||
Adhikarana পিত্তজ্বরে যোগাঃ (৩২) · Śloka ৩২
পটোলাদিগুডূচ্যাদি সূত্রোক্তৌ পিত্তজে জ্বরে| অঞ্জনাদিঃ সকাশ্মর্যঃ সারিবাদিঃ সশর্করঃ| সিতামধুককাশ্মর্যশীতোশীরপরূষকম্| গুডূচীসারিবোরোধ্রকমলোত্পলশর্করঃ| দ্রাক্ষ্০আঽভযাতিক্তঘনশম্যাকফলপর্পটম্| শ্যামাপর্পটদুঃস্পর্শাতিক্তাতিক্তসিতাবৃষাঃ| শর্করাতিক্তকটুকাত্রাযমাণাবিভীতকম্| গুডূচ্যামলকৈর্যুক্তঃ কেবলো বাঽপি পর্পটঃ| কষাযো বা হিমস্তিক্তাদ্রাক্ষামধুকনিম্বজঃ| পিত্তজ্বরঘ্নী কটুকা শ্লক্ষ্ণপিষ্টা সশর্করা||৩২||
पटोलादिगुडूच्यादि सूत्रोक्तौ पित्तजे ज्वरे| अञ्जनादिः सकाश्मर्यः सारिवादिः सशर्करः| सितामधुककाश्मर्यशीतोशीरपरूषकम्| गुडूचीसारिवोरोध्रकमलोत्पलशर्करः| द्राक्ष्०आऽभयातिक्तघनशम्याकफलपर्पटम्| श्यामापर्पटदुःस्पर्शातिक्तातिक्तसितावृषाः| शर्करातिक्तकटुकात्रायमाणाबिभीतकम्| गुडूच्यामलकैर्युक्तः केवलो वाऽपि पर्पटः| कषायो वा हिमस्तिक्ताद्राक्षामधुकनिम्बजः| पित्तज्वरघ्नी कटुका श्लक्ष्णपिष्टा सशर्करा||३२||
🔊 Audio coming soon
শশিলেক ব্যাখ্যা (ইন্দু কৃত)
পিত্তজ্বরে পটোলাদিগণো গুডূচ্যাদির্বা|সকাশ্মর্যোঽঞ্জনাদিঃ| সশর্করঃ সারিবাদিঃ| পঞ্চভিরর্দ্ধশ্লোকৈঃ সিতেত্যাদিনা যথাযোগ্যকল্পনম্|সুবোধম্| শীতঞ্চন্দনম্| তিক্তঃ কিরাততিক্তঃ| ঘনো মুস্তঃ| শম্যাক আরগ্বধঃ| তস্য ফলম্| গুডূচ্যামলকযুক্তঃ পর্পটঃ কেবলো বা| তিক্তাদিজো বা শীতঃ কষায ইতি পিত্তজে জ্বরে| কটুকা শর্করাচূর্ণঞ্চ পিত্তজ্বরে||৩২||
Adhikarana কফজ্বরঘ্নাঃ যোগাঃ (৩৩) · Śloka ৩৩
কফজেতিবিষোশীরপটোলমরিচক্ষপাঃ| সমূর্বেন্দ্রযবদ্বীপিকুষ্ঠনিম্ববচাগুডাঃ| সপ্তচ্ছদামৃতানিম্বস্ফূর্জাতং মাক্ষিকান্বিতম্| নিশাত্রিকটুকং তিক্তানাগপুষ্পকলিঙ্গকাঃ| সারিবাতিবিষাকুষ্ঠদুঃস্পর্শামুস্তগুগ্গুলুঃ| পরূষং ত্রিফলা তিক্তা বীজং বৃষকজং ঘনম্| নাগরত্রিফলামুস্তামূর্বাপাঠাঃ সমাক্ষিকাঃ||৩৩||
कफजेतिविषोशीरपटोलमरिचक्षपाः| समूर्वेन्द्रयवद्वीपिकुष्ठनिम्बवचागुडाः| सप्तच्छदामृतानिम्बस्फूर्जातं माक्षिकान्वितम्| निशात्रिकटुकं तिक्तानागपुष्पकलिङ्गकाः| सारिवातिविषाकुष्ठदुःस्पर्शामुस्तगुग्गुलुः| परूषं त्रिफला तिक्ता बीजं वृषकजं घनम्| नागरत्रिफलामुस्तामूर्वापाठाः समाक्षिकाः||३३||
🔊 Audio coming soon
শশিলেক ব্যাখ্যা (ইন্দু কৃত)
অতিবিষাদযো বচান্তাঃ সগুডাঃ কফে| ক্ষপা হরিদ্রা| দ্বীপিঃ চিত্রকঃ| সপ্তচ্ছদাদিকং সমাক্ষিকম্| সপ্তচ্ছদঃ সপ্তপর্ণঃ| স্ফূর্জাতং কাকতিক্তঃ| নিশা সারিবাপরূষনাগরাদ্যাশ্চত্বারঃ কষযাঃ সমাক্ষিকাঃ| নিশা হরিদ্রা| কলিঙ্গকঃ ইন্দ্রযবঃ| বৃষকজং বীজং শাকবীজমিতি কফজ্বরে||৩৩||
Adhikarana দোষসংসর্গে যোগাঃ (৩৪) · Śloka ৩৪
সংসর্গসন্নিপাতেষু মিশ্রানেতান্ বিকল্পযেত্||৩৪||
संसर्गसन्निपातेषु मिश्रानेतान् विकल्पयेत्||३४||
🔊 Audio coming soon
শশিলেক ব্যাখ্যা (ইন্দু কৃত)
এতে চ যোগাঃ দোষবিশেষ উক্তাস্তে সদৃশে দোষে যুজ্যন্তে| অপি ত্বান্তরে বিশেষবচ্ছিন্নে প্রযোগাবযবসমুদাযশক্ত্যানুগুণ্যেন| তচ্চ যোগমিতি করণবিধিঃ কর্মাভ্যাসাদয ভিদ্যন্তে| এতাংশ্চ কষাযান্ যযোরেব সংসর্গঃ তযোরেব উক্তান্ মিশ্রীভাবেন কল্পযেত্||৩৪||
Adhikarana বাতপিত্তঘ্নাঃ যোগাঃ (৩৫) · Śloka ৩৫
গোকণ্টকবলাদর্ভাঃ সসিতা বাতপিত্তজে| দ্রাক্ষামলকভূনিম্বাঃ সগুডূচীশঠীগুডাঃ| ত্রাযন্তী সারিবাদ্রাক্ষা কাশ্মর্যচ্ছিন্নজাগুডাঃ| দ্রাক্ষামসূরত্রাযন্তী গুডূচীসারিবাবলাঃ| দ্রাক্ষামধূকমধুকলোধ্রকাশ্মর্যসারিবাঃ| মুস্তামলকহ্রীবেরপদ্মকেসরপদ্মকম্| মৃণালচন্দনোশীরনীলোত্পলপরূষকম্| ফাণ্টো হিমো বা দ্রাক্ষাদির্জাতীকুসুমবাসিতঃ| যুক্তো মধুসিতালাজৈর্জযত্যনিলপিত্তজম্| জ্বরং মদাত্যযং ছর্দ্দিং মূর্ছাং দাহং শ্রমং ভ্রমম্| ঊর্ধ্বগং রক্তপিত্তঞ্চ পিপাসাং কামলামপি||৩৫||
गोकण्टकबलादर्भाः ससिता वातपित्तजे| द्राक्षामलकभूनिम्बाः सगुडूचीशठीगुडाः| त्रायन्ती सारिवाद्राक्षा काश्मर्यच्छिन्नजागुडाः| द्राक्षामसूरत्रायन्ती गुडूचीसारिवाबलाः| द्राक्षामधूकमधुकलोध्रकाश्मर्यसारिवाः| मुस्तामलकह्रीबेरपद्मकेसरपद्मकम्| मृणालचन्दनोशीरनीलोत्पलपरूषकम्| फाण्टो हिमो वा द्राक्षादिर्जातीकुसुमवासितः| युक्तो मधुसितालाजैर्जयत्यनिलपित्तजम्| ज्वरं मदात्ययं छर्द्दिं मूर्छां दाहं श्रमं भ्रमम्| ऊर्ध्वगं रक्तपित्तञ्च पिपासां कामलामपि||३५||
🔊 Audio coming soon
শশিলেক ব্যাখ্যা (ইন্দু কৃত)
গোকণ্টকাদি সশর্করং বাতপিত্তজে|দ্রাক্ষাদ্যর্ধশ্লোকৈর্বাতপিত্তজে কষাযযোগ্যে ত্রযঃ কষাযাঃ| দ্রাক্ষামধূকাদিনা সার্ধেনশ্লোকেন ফাণ্টঃ শীতকষযো বা মধ্বাদিভির্যুক্তো জাতীপুষ্পাধিবাসিতশ্চানিলপিত্তজ্বরমূর্ছাদিকং জযতি| হ্রীবেরং বালকম্||৩৫||
Adhikarana কফবাতঘ্নাঃ যোগাঃ (৩৬) · Śloka ৩৬
কফবাতে বচাতিক্তাপাঠারগ্বধবত্সকাঃ| পিপ্পলীচূর্ণযুক্তো বা ক্বাথশ্ছিন্নোদ্ভবোদ্ভবঃ| ব্যাঘ্রীশুণ্ঠ্যমৃতক্বাথঃ পিপ্পলীচূর্ণসংযুতঃ| বাতশ্লেষ্মজ্বরশ্বাসকাসপীনসশূলজিত্| পথ্যাকুস্তুম্বরীমুস্তাশুণ্ঠীকত্তৃণপর্পটম্| সকট্ফলবচাভার্ঙ্গী দেবাহ্বং মধুহিঙ্গুমত্| কফবাতজ্বরষ্ঠীবকুক্ষিহৃত্পার্শ্ববেদনাঃ| কণ্ঠামযাস্যশ্বযথুকাসশ্বাসন্নিযচ্ছতি||৩৬||
कफवाते वचातिक्तापाठारग्वधवत्सकाः| पिप्पलीचूर्णयुक्तो वा क्वाथश्छिन्नोद्भवोद्भवः| व्याघ्रीशुण्ठ्यमृतक्वाथः पिप्पलीचूर्णसंयुतः| वातश्लेष्मज्वरश्वासकासपीनसशूलजित्| पथ्याकुस्तुम्बरीमुस्ताशुण्ठीकत्तृणपर्पटम्| सकट्फलवचाभार्ङ्गी देवाह्वं मधुहिङ्गुमत्| कफवातज्वरष्ठीवकुक्षिहृत्पार्श्ववेदनाः| कण्ठामयास्यश्वयथुकासश्वासन्नियच्छति||३६||
🔊 Audio coming soon
শশিলেক ব্যাখ্যা (ইন্দু কৃত)
বচাদযঃ সমস্তাঃ কফবাতজ্বরে| তত্রৈব গুডূচীক্বাথঃ পিপ্পলীচূর্ণেন দোষাদ্যপেক্ষমাত্রেণ যুক্তাঃ ব্যাঘ্র্যাদিক্বাথস্তদ্বাতশ্লেষ্মজ্বরাদিজিত্| শূলং শিরসি| পথ্যাদিকো মাক্ষিকহিঙ্গুযুক্তঃ কফবাতজ্বরাদিকং নিযচ্ছতি||৩৬||
Adhikarana কফপিত্তঘ্নাঃ যোগাঃ (৩৭) · Śloka ৩৭
আরগ্বধাদিঃ সক্ষৌদ্রং কফপিত্তজ্বরং জযেত্| তথা তিক্তাবৃষোশীরত্রাযন্তীত্রিফলামৃতাঃ| পটোলাতিবিষানিম্বমূর্বাধন্বযবাসকাঃ| বৃষপুষ্পচ্ছদরসঃ শর্করামাক্ষিকান্বিতঃ| পিত্তশ্লেষ্মজ্বরং হন্তি সাসৃক্পিত্তং সকামলম্| অনন্তাবিশ্বভৈষজ্যকটুকাতোযতোযদাঃ| জ্বরতৃড্ভ্রমসম্মোহধূমকাম্লকনাশনাঃ||৩৭||
आरग्वधादिः सक्षौद्रं कफपित्तज्वरं जयेत्| तथा तिक्तावृषोशीरत्रायन्तीत्रिफलामृताः| पटोलातिविषानिम्बमूर्वाधन्वयवासकाः| वृषपुष्पच्छदरसः शर्करामाक्षिकान्वितः| पित्तश्लेष्मज्वरं हन्ति सासृक्पित्तं सकामलम्| अनन्ताविश्वभैषज्यकटुकातोयतोयदाः| ज्वरतृड्भ्रमसम्मोहधूमकाम्लकनाशनाः||३७||
🔊 Audio coming soon
শশিলেক ব্যাখ্যা (ইন্দু কৃত)
আরগ্বধাদিগণো মাক্ষিকাযুক্তঃ কফপিত্তজ্বরে| তিক্তাদিধন্বযবাসান্তং তথা সক্ষৌদ্রমেবেত্যর্থঃ| বৃষস্য পুষ্পপত্রাভ্যাং রসো যথোক্তগুণঃ| অনন্তাদযো জ্বরাদিনাশনাঃ| অনন্তা মূর্বা| তোযং বালকম্| তোযদো মুস্তঃ ধূমকাঽম্লকৌ দোষভেদীযে প্রদর্শিতৌ||৩৭||
Adhikarana সন্নিপাতঘ্না যোগাঃ (৩৯) · Śloka ৩৮
সন্নিপাতজ্বরে ব্যাঘ্রী দেবদারূনিশাদ্বযম্| পটোলপত্রনিম্বত্বক্ ত্রিফলাকটুকাযুতম্| মুস্তাপর্পটকং পথ্যা মৃদ্দীকা কটুরোহিণী| ত্রাযন্তীকণতন্মূলদ্রাক্ষাপথ্যামধূলিকাঃ| ত্রিফলোশীরষড্গ্রন্থাযষ্টীমধুবলাঘনাঃ| নাগরং পৌষ্করং মূলং গুডূচী কণ্টকারিকা| সকাসশ্বাসপার্শ্বার্ত্তৌ বাতশ্লেষ্মোত্তরে জ্বরে| মধূকপুষ্পমৃদ্দীকা ত্রাযমাণা পরূষকম্| সোশীরতিক্তাত্রিফলকাশ্মর্যাকল্পযেদ্ধিমম্| কষাযং তং পিবন্ কালে জ্বরান্ সর্বানপোহতি| জাত্যামলকমুস্তানি তদ্বদ্ধন্বযবাসকম্| বদ্ধবিট্কটুকাদ্রাক্ষাত্রাযন্তীত্রিফলাগুডান্||৩৮||
सन्निपातज्वरे व्याघ्री देवदारूनिशाद्वयम्| पटोलपत्रनिम्बत्वक् त्रिफलाकटुकायुतम्| मुस्तापर्पटकं पथ्या मृद्दीका कटुरोहिणी| त्रायन्तीकणतन्मूलद्राक्षापथ्यामधूलिकाः| त्रिफलोशीरषड्ग्रन्थायष्टीमधुबलाघनाः| नागरं पौष्करं मूलं गुडूची कण्टकारिका| सकासश्वासपार्श्वार्त्तौ वातश्लेष्मोत्तरे ज्वरे| मधूकपुष्पमृद्दीका त्रायमाणा परूषकम्| सोशीरतिक्तात्रिफलकाश्मर्याकल्पयेद्धिमम्| कषायं तं पिबन् काले ज्वरान् सर्वानपोहति| जात्यामलकमुस्तानि तद्वद्धन्वयवासकम्| बद्धविट्कटुकाद्राक्षात्रायन्तीत्रिफलागुडान्||३८||
🔊 Audio coming soon
শশিলেক ব্যাখ্যা (ইন্দু কৃত)
সন্নিপাতজ্বরে ব্যাঘ্র্যাদিঃ কটুকান্তাঃ| মুস্তাদ্যর্ধশ্লোকৈস্ত্রযো যোগা যথাযোগ্যং সন্নিপাতে| নাগরাদিবাতশ্লেষ্মোত্তরে হীনপিত্তে সন্নিপাতে মধূকপুষ্পদি শীতকষাযং বিকল্প্য কস্মিংশ্চিত্ কালে জ্বরে প্রযুক্তং সর্বজ্বরহরম্| তদ্বদেব জাত্যাদি| তদ্বদুরালভা| যস্তু জ্বরং বদ্ধবিট্ তদ্বিষযে কটুকাদীন্ পিবেত্| ইতি কষাযাঃ||৩৯||
Adhikarana জ্বরে অন্নপ্রযোগঃ (৩৯) · Śloka ৩৯
জীর্ণৌষধেঽন্নং পেযাদ্যমাচরেচ্ছ্লেষ্ম্বান্ন তু| পেযা কফ বর্দ্ধযতি পঙ্কং পাংসুষু বৃষ্টিবত্||৩৯||
जीर्णौषधेऽन्नं पेयाद्यमाचरेच्छ्लेष्म्वान्न तु| पेया कफ वर्द्धयति पङ्कं पांसुषु वृष्टिवत्||३९||
🔊 Audio coming soon
শশিলেক ব্যাখ্যা (ইন্দু কৃত)
অস্মিন্শ্চৌষধে নিরন্নপ্রযুক্তে তদহরেব পেযাবিলেপ্যাদিকমন্নমাচরেত্| কিং সর্বমিত্যাহ- শ্লেষ্মবান্ন তু| অনেন পেযাদ্যন্নে প্রতিষেধঃ| অত্র হেতুঃ পেযা কফং বর্ধযতীত্যাদিঃ| এবং প্রতিষিদ্ধাযাং শ্লেষ্মবতঃ পেযাযাং কিং যোজ্যমিত্যাহ||৩৯||
Adhikarana শ্লেষ্মবতাং যূষকল্পনা (৪০) · Śloka ৪০
শ্লেষ্মাভিষ্যণ্ণদেহানামতঃ প্রাগপি যোজযেত্| যূষান্ কুলত্থচণককলাযাদিকৃতান্ লঘূন্| রূক্ষাংস্তিক্তরসোপেতান্ হৃদ্যান্রুচিকরান্ পটূন্||৪০||
श्लेष्माभिष्यण्णदेहानामतः प्रागपि योजयेत्| यूषान् कुलत्थचणककलायादिकृतान् लघून्| रूक्षांस्तिक्तरसोपेतान् हृद्यान्रुचिकरान् पटून्||४०||
🔊 Audio coming soon
শশিলেক ব্যাখ্যা (ইন্দু কৃত)
শ্লেষ্মেত্যাদি| অভিষ্যণ্ণশব্দেনোত্ক্লিষ্টপর্যাযেণ কফে পাচনত্বেন পেযানাং বিধানে বিরোধং নির্বর্তযতি| প্রাগপীতি ন কেবলমৌষধে জীর্ণে পেযাদিপ্রতিষেধো যাবত্ কফাধিকে লঙ্ঘিতলিঙ্গাদনন্তরমপি যূষানেবোদনেন ভৃষ্টতণ্ডুলেন সহ যোজযেত্| রূক্ষানিতি বিনা স্নেহেন সংস্কৃতান্| তিক্তো রসঃ জ্বরঘ্নানাং কষাযাণাং যথাযোগ্যান্যতমদ্রব্যাশ্রযঃ||৪০||
Adhikarana জীর্ণা রক্তশালযঃ (৪১) · Śloka ৪১
রক্তাদ্যাঃ শালযঃ জীর্ণাঃ ষষ্টিকাশ্চ জ্বরে হিতাঃ| শ্লেষ্মোত্তরে বীততুষাস্তথা বাট্যকৃতা যবাঃ| ওদনস্তৈঃ স্রুতো দ্বিস্ত্রিঃ প্রযোক্তব্যো যথাযথম্| দোষদূষ্যাদিবলতো জ্বরঘ্নক্বাথসাধিতঃ|৪১|
रक्ताद्याः शालयः जीर्णाः षष्टिकाश्च ज्वरे हिताः| श्लेष्मोत्तरे वीततुषास्तथा वाट्यकृता यवाः| ओदनस्तैः स्रुतो द्विस्त्रिः प्रयोक्तव्यो यथायथम्| दोषदूष्यादिबलतो ज्वरघ्नक्वाथसाधितः|४१|
🔊 Audio coming soon
শশিলেক ব্যাখ্যা (ইন্দু কৃত)
জ্বরে চাঽন্নং জীর্ণা রক্তাদ্যাঃ শালযঃ ষষ্টিকাশ্চ পাঠক্রমেণ হিতাঃ| শ্লেষ্মোত্তরে তু যবা অপি| তৈশ্চ শালিভির্দোষদূষ্যাদ্যপেক্ষযা জ্বরঘ্নানন্তরোক্তক্বাথসাধিতঃ সিদ্ধ ওদনঃ দ্বৌ বারৌ ত্রীন্ বারান্ বা প্রক্ষাল্য স্রুতো যথাযথং জ্বরে প্রযোক্তব্যঃ||৪১||
Adhikarana রুচিকরাণি ব্যঞ্জনানি (৪২) · Śloka ৪১
মুদ্গাদ্যৈর্লঘুভির্যূষাঃ কুলত্থৈশ্চ জ্বরাপহাঃ| কারবেল্লককর্কোটবালমূলকপর্পটৈঃ| বার্তাকনিম্বকুসুমপটোলফলপল্লবৈঃ| অত্যন্তলঘুভির্মাসৈর্জাঙ্গলৈশ্চ হিতা রসাঃ| ব্যাঘ্রী পরুষতর্কারী দ্রাক্ষামলকদাডিমৈঃ| সংস্কৃতাঃ পিপ্পলীশুণ্ঠীধান্যজীরকসৈন্ধবৈঃ| সিতামধুভ্যাং প্রাযেণ সংযুতা বা কৃতাকৃতাঃ| অনম্লতক্রসিদ্ধানি রুচ্যানি ব্যঞ্জনানি চ| অচ্ছান্যনলসম্পন্নান্যনুপানেঽপি যোজযেত্| তানি ক্বথিতশীতং চ বারি মদ্যং চ সাত্ম্যতঃ||৪১||
मुद्गाद्यैर्लघुभिर्यूषाः कुलत्थैश्च ज्वरापहाः| कारवेल्लककर्कोटवालमूलकपर्पटैः| वार्ताकनिम्बकुसुमपटोलफलपल्लवैः| अत्यन्तलघुभिर्मासैर्जाङ्गलैश्च हिता रसाः| व्याघ्री परुषतर्कारी द्राक्षामलकदाडिमैः| संस्कृताः पिप्पलीशुण्ठीधान्यजीरकसैन्धवैः| सितामधुभ्यां प्रायेण संयुता वा कृताकृताः| अनम्लतक्रसिद्धानि रुच्यानि व्यञ्जनानि च| अच्छान्यनलसम्पन्नान्यनुपानेऽपि योजयेत्| तानि क्वथितशीतं च वारि मद्यं च सात्म्यतः||४१||
🔊 Audio coming soon
শশিলেক ব্যাখ্যা (ইন্দু কৃত)
মুদ্গাদ্যৈরিত্যত্র লঘুগ্রহণেন রাজমাষাদীনাং গুরূণাং প্রতিষেধঃ| কারবেল্লাদিভিঃ পৃথগতিলঘুভিশ্চ জাঙ্গলানাং মাংসৈস্তদ্যোগ্যজ্বরে রসাঃ হিতাঃ| তে চ যূষরসা যথাবিষযং ব্যাঘ্র্যাদিভিঃ সিতামধুভ্যাং চ সংস্কৃতাঃ বা সংযুতা বা কৃতা বাঽপ্যকৃতা বা| নাঽত্যম্লেন চ তক্রেণ সিদ্ধানি ব্যঞ্জনান্যন্নেন সহ যোজযেত্| তান্যেব চ যূষরসাদীন্যনুপানেঽপি যোজযেত্| সাত্ম্যাপেক্ষযা চ ক্বথিতশীতাদিকমপ্যনুপানে যোজযেত্||৪২||
Adhikarana পক্বেষু দোষেষু সর্পিরমৃতোপমম্ (৪৩) · Śloka ৪৩
কষাযপানপথ্যান্নর্দশাহ ইতি লঙ্ঘিতে| সর্পির্দদ্যাত্কফে মন্দে বাতপিত্তোত্তরে জ্বরে| পক্বেষু দোষেষ্বমৃতং তদ্বিষোপমমন্যথা| দশাহে স্যাদতীতেঽপি জ্বরোপদ্রববৃদ্ধিকৃত্| লঙ্ঘনাদিক্রমং তত্র কুর্যাদাকফসংক্ষযাত্||৪৩||
कषायपानपथ्यान्नर्दशाह इति लङ्घिते| सर्पिर्दद्यात्कफे मन्दे वातपित्तोत्तरे ज्वरे| पक्वेषु दोषेष्वमृतं तद्विषोपममन्यथा| दशाहे स्यादतीतेऽपि ज्वरोपद्रववृद्धिकृत्| लङ्घनादिक्रमं तत्र कुर्यादाकफसंक्षयात्||४३||
🔊 Audio coming soon
শশিলেক ব্যাখ্যা (ইন্দু কৃত)
অস্মিংশ্চ কষাযান্তে লঙ্ঘনক্রমে কৃতেঽপি যদি জ্বরো ন শান্তস্তত আদিতো দশাহেঽতীতে লঙ্ঘনক্রমেণ চ কফে মন্দীভূতে বাতপিত্তে চ পূর্বং সম্প্রাপ্ত্যভিমুখীভূতে সম্প্রতি লঙ্ঘনে নৈবাধিক্যমুপগতবিতি সর্পির্দদ্যাত্|দশাহগ্রহণমস্যাং যথোক্তাযাং জ্বরাবস্থাযাংস্তদা প্রাযোভবত্বাদুপলক্ষণার্থম্| তত্পূর্বেষ্বহস্সু সর্পিঃপ্রতিষেধার্থং চ| তচ্চ সর্পিজ্বরে দোষেষু পক্বেষু সত্সূপযুক্তমমৃতং ভবতি| অন্যথাঽঽমেষ্বপ্ক্বেষ্বতীতেঽপি দশাহে প্রযুক্তং বিষোপমং সত্ জ্বরোপদ্রববৃদ্ধিকৃত্ স্যাত্| উপদ্রবাঃ শ্বাসাদয উক্তাঃ| ননু যদি সর্পিরত্র প্রতিষিদ্ধং কিমন্যদ্যোজ্যমিত্যাহ-লঙ্ঘনাদিক্রমমিতি| তস্য চ ক্রমস্য কফসঙ্ক্ষযঃ অবধিঃ||৪৩||
Adhikarana জ্বরে ভোজনকালঃ (৪৪-১) · Śloka ১
সজ্বরং জ্বরমুক্তং বা দিনান্তে ভোজযেল্লঘু| শ্লেষ্মক্ষযবিবৃদ্ধোষ্মা বলবাননলস্তদা| যথোচিতেঽথবা কালে দোষসাত্ম্যানুরোধতঃ| প্রাগল্পবহ্নির্ভুঞ্জানো ন হ্যজীর্ণেন পীড্যতে||৪৪|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযাং চিকিত্সিতস্থানে জ্বরচিকিত্সিতন্নাম প্রথমোঽধ্যাযঃ||১||
सज्वरं ज्वरमुक्तं वा दिनान्ते भोजयेल्लघु| श्लेष्मक्षयविवृद्धोष्मा बलवाननलस्तदा| यथोचितेऽथवा काले दोषसात्म्यानुरोधतः| प्रागल्पवह्निर्भुञ्जानो न ह्यजीर्णेन पीड्यते||४४|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायां चिकित्सितस्थाने ज्वरचिकित्सितन्नाम प्रथमोऽध्यायः||१||
🔊 Audio coming soon
শশিলেক ব্যাখ্যা (ইন্দু কৃত)
সজ্বরমিত্যাদিনা সর্বজ্বরাবস্থাসু ভোজনকালং নিযমযতি| সুবোধম্| যত্স্বল্পাগ্নিঃ স প্রাগেব ভুঞ্জানঃ অজীর্ণেন ন পীড্যতে| প্রথমদিনে এষ কষাযান্তে লঙ্ঘনে ক্রমঃ সামে তরুণ এব জ্বরে সাধুঃ| ইত্যধ্যযঃ সমাপ্যতে||৪৪|| ইতি শ্রীমন্মহামহোপাধ্যাযেন্দুবিরচিতাযম্ অষ্টাঙ্গসংগ্রহব্যাখ্যাযাং শশিলেখাযাং চিকিত্সিতস্থানে প্রথমোঽধ্যাযঃ