Adhikarana অধ্যাযোপক্রমঃ · Śloka
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
ব্রণপ্রক্রমাত্ সদ্যোব্রণপ্রতিষেধং ব্যাচিখ্যাসুরাহ-
AYANAACADEMYby Dr Vijaya Dwarampudi
Open Academy navigation
২৬. সদ্যোব্রনপ্রতিষেধাধ্যাযঃ
Adhikarana সদ্যোব্রণপ্রতিষেধাধ্যাযঃ,সদ্যোব্রণানাং কারণম্ (২-১) · Śloka ১
অথাতঃ সদ্যোব্রণপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) সদ্যোব্রণা যে সহসা সম্ভবন্ত্যভিঘাততঃ| অনন্তৈরপি তৈরঙ্গমুচ্যতে জুষ্টমষ্টধা||১||
View original
अथातः सद्योव्रणप्रतिषेधं व्याख्यास्यामः| इति ह स्माहुरात्रेयादयो महर्षयः| (गद्यसूत्रे|२| ) सद्योव्रणा ये सहसा सम्भवन्त्यभिघाततः| अनन्तैरपि तैरङ्गमुच्यते जुष्टमष्टधा||१||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-অভিঘাতাত্সহসৈব যে সদ্যোব্রণা জাযন্তে, অসঙ্খ্যৈরপি তৈর্ব্রণৈঃ শরীরং জুষ্টমষ্টধা কথ্যতে|
Adhikarana সদ্যো অষ্টৌ ভেদা ধৃষ্টাদযঃ (২) · Śloka ২
তানেবাষ্টৌ প্রকারানাহ ঘৃষ্টাবকৃত্তবিচ্ছিন্নপ্রবিলম্বিতপাতিতম্| বিদ্ধং ভিন্নং বিদলিতং|২|
View original
तानेवाष्टौ प्रकारानाह घृष्टावकृत्तविच्छिन्नप्रविलम्बितपातितम्| विद्धं भिन्नं विदलितं|२|
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-ঘৃষ্টেত্যাদি|
Adhikarana ১ ধৃষ্টস্য লক্ষণম্ ২ অবকৃত্তস্য লক্ষণম্ ৩ বিচ্ছিন্নস্য লক্ষণম্ ৪ প্রবিলম্বিতস্য লক্ষণম্ ৫ পাতিতস্য লক্ষণম্ ৬ বিদ্ধস্য লক্ষণম্ ৭ ভিন্নস্য লক্ষণম্ ৮ বিদলিতস্য লক্ষণম্ (২-৫) · Śloka ৫
অথৈষামেব লক্ষণান্যাহ | তত্র ঘৃষ্টং লসীকযা||২|| রক্তলেশেন বা যুক্তং সপ্লোষং ছেদনাত্ স্রবেত্| অবগাঢং ততঃ কৃত্তং, বিচ্ছিন্নং স্যাত্ততোঽপি চ||৩|| প্রবিলম্বি সশেষেঽস্থ্নি, পতিতং পাতিতং তনোঃ| সূক্ষ্মাস্যশল্যবিদ্ধং তু বিদ্ধং কোষ্ঠবিবর্জিতম্||৪|| ভিন্নমন্যদ্বিদলিতং মজ্জরক্তপরিপ্লুতম্| প্রহারপীডনোত্পেষাত্ সহাস্থ্না পৃথুতাং গতম্||৫||
View original
अथैषामेव लक्षणान्याह | तत्र घृष्टं लसीकया||२|| रक्तलेशेन वा युक्तं सप्लोषं छेदनात् स्रवेत्| अवगाढं ततः कृत्तं, विच्छिन्नं स्यात्ततोऽपि च||३|| प्रविलम्बि सशेषेऽस्थ्नि, पतितं पातितं तनोः| सूक्ष्मास्यशल्यविद्धं तु विद्धं कोष्ठविवर्जितम्||४|| भिन्नमन्यद्विदलितं मज्जरक्तपरिप्लुतम्| प्रहारपीडनोत्पेषात् सहास्थ्ना पृथुतां गतम्||५||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-তেষু মধ্যে ঘৃষ্টং লসীকযা রক্তলেশেন বা যুক্তং স্রবেত্, ছেদনাত্ সপ্লোষম্| তস্মাদবগাঢমবকৃত্তং স্যাত্| ততোঽপ্যবগাঢতরং বিচ্ছিন্নং স্যাত্| প্রবিলম্বি সশেষাস্থি যত্| পতিতং যচ্ছরীরাত্ তত্ পাতিতং স্যাত্| সূক্ষ্মমুখশল্যবিদ্ধং যত্তত্ বিদ্ধং ক্থ্যতে কোষ্ঠবিবর্জিতম্| অন্যত্ কোষ্ঠে যদ্বিদ্ধং তদ্ভিন্নমুচ্যতে| বিদলিতং তদ্ গদ্যতে যন্মজ্জরক্তপরিপ্লুতং প্রহারাদিভিঃ সহাস্থ্না পৃথুতাং গতম্|
Adhikarana সদ্যোব্রণচিকিত্সা সদ্যোব্রণে তীব্রম্যহে যষ্টীষ্ট তেন সেচনম্ সদ্যো বলাতৈলেন বা পুনঃ পুনঃ সেচনম্ (৬) · Śloka ৬
সদ্যঃ সদ্যোব্রণং সিঞ্চেদথ যষ্ট্যাহ্বসর্পিষা| তীব্রব্যথং কবোষ্ণেন বলাতৈলেন বা পুনঃ||৬||
View original
सद्यः सद्योव्रणं सिञ्चेदथ यष्ट्याह्वसर्पिषा| तीव्रव्यथं कवोष्णेन बलातैलेन वा पुनः||६||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-অথ এবং ব্রণস্বরূপতাং জ্ঞাত্বা, সদ্য এবেতি সদ্যোব্রণং তীব্রব্যথং মধুযষ্টীঘৃতেন কোষ্ণেন সিঞ্চেত্| বলাতৈলেন (হৃ.শা.অ. ২/৪৭) বা কোষ্ণেন পুনঃ পুনঃ সিঞ্চেত্|
Adhikarana সদ্যো ক্ষতোষ্মণঃ শান্তযে কষাযাদযোলেপাদযঃ (৭) · Śloka ৭
ক্ষতোষ্মণো নিগ্রহার্থং তত্কালং বিসৃতস্য চ| কষাযশীতমধুরস্নিগ্ধা লেপাদযো হেতাঃ||৭||
View original
क्षतोष्मणो निग्रहार्थं तत्कालं विसृतस्य च| कषायशीतमधुरस्निग्धा लेपादयो हेताः||७||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-ক্ষতোষ্মণশ্চ শান্তযে তত্কালনির্গতস্য চ কষাযাদযো লেপাদ্যাঃ শস্যন্তে|
Adhikarana সদ্যো আযতে সন্ধানার্থং মধুসর্পিঃ,সদ্যো আযতে পিত্তন্ধীশ্ছ শীতাঃ ক্রিযাঃ (৮) · Śloka ৮
সদ্যোব্রণেষ্বাযতেষু সন্ধানার্থং বিশেষতঃ| মধুসর্পিশ্চ যুঞ্জীত পিত্তঘ্নীশ্চ হিমাঃ ক্রিযাঃ||৮||
View original
सद्योव्रणेष्वायतेषु सन्धानार्थं विशेषतः| मधुसर्पिश्च युञ्जीत पित्तघ्नीश्च हिमाः क्रियाः||८||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-সদ্যোব্রণেষ্বাযতেষু সন্ধানাড়্থং বিশেষেণ মাক্ষিকং সঘৃতং যুঞ্জীত| তথা পিত্তঘ্নীশ্চ শীতাঃ ক্রিযা হিতাঃ|
Adhikarana সদ্যো সসংরম্মে শোধনাদি ধৃষ্টে (৯) · Śloka ৯
সসংরম্ভেষু কর্তব্যমূর্ধ্বং চাধশ্চ শোধনম্| উপবাসো হিতং ভুক্তং প্রততং রক্তমোক্ষণম্||৯||
View original
ससंरम्भेषु कर्तव्यमूर्ध्वं चाधश्च शोधनम्| उपवासो हितं भुक्तं प्रततं रक्तमोक्षणम्||९||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-সসংরম্ভেষু ব্রণেষূর্ধ্বমধশ্চ শোধনং কার্যম্| তথোপবাসো বিধাতব্যঃ| অবস্থাবশাত্ পূর্বোক্তং ভোজনং হিতম্| তথা প্রততং রক্তস্রাবণং হিতম্|
Adhikarana এষ বিধিঃ (১০) · Śloka ১০
ঘৃষ্টে বিদলিতে চৈষ সুতরামিষ্যতে বিধিঃ| তযোর্হ্যল্পং স্রবত্যস্রং পাকস্তেনাশু জাযতে||১০||
View original
घृष्टे विदलिते चैष सुतरामिष्यते विधिः| तयोर्ह्यल्पं स्रवत्यस्रं पाकस्तेनाशु जायते||१०||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-ঘৃষ্টে বিদলিতে চ এষা পূর্বোক্তা চিকিত্সা ইষ্যতে| যস্মাত্তযোঃ-ঘৃষ্টবিদলিতযোঃ, অস্রমল্পং স্রবতি| তেন চ কারেণেন তযোরাশু শীঘ্রং পাকো জাযতে|
Adhikarana অন্যত্র বিক্ষতে স্নেহপানাদি (১১-১২) · Śloka ১২
অত্যর্থমস্রং স্রবতি প্রাযশোঽন্যত্র বিক্ষতে| ততো রক্তক্ষযাদ্বাযৌ কুপিতেঽতিরুজাকরে||১১|| স্নেহপানপরীষেকস্বেদলেপোপনাহনম্| স্নেহবস্তিং চ কুর্বীত বাতঘ্নৌষধসাধিতম্||১২||
View original
अत्यर्थमस्रं स्रवति प्रायशोऽन्यत्र विक्षते| ततो रक्तक्षयाद्वायौ कुपितेऽतिरुजाकरे||११|| स्नेहपानपरीषेकस्वेदलेपोपनाहनम्| स्नेहबस्तिं च कुर्वीत वातघ्नौषधसाधितम्||१२||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-অন্যত্র বিক্ষতে বাহুল্যেন বহু রক্তং স্রবতি| ন চ পাকং যাতি| অনন্তরমত্যন্তরক্তস্রাবাত্ পবনে কুপিতেঽতিরুজাকরে সতি স্নেহপানাদিকং স্নেহবস্তিং চ বাতহরৌষধসাধিতং কুর্বীত|
Adhikarana সদ্যোব্রণে ইতি সাপ্তাহিকোবিধিঃ ,সদ্যো অনন্তরং পূর্বোক্তোবিধিঃ (১৩) · Śloka ১৩
ইতি সাপ্তাহিকঃ প্রোক্তঃ সদ্যোব্রণহিতো বিধিঃ| সপ্তাহাদ্গতবেগে তু পূর্বোক্তং বিধিমাচরেত্||১৩||
View original
इति साप्ताहिकः प्रोक्तः सद्योव्रणहितो विधिः| सप्ताहाद्गतवेगे तु पूर्वोक्तं विधिमाचरेत्||१३||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-ইতি-এবং, সাপ্তাহিকঃ সদ্যোব্রণহিতো বিধিরুক্তঃ| সপ্তাহেন নিবৃত্ত ইতি "প্রাগ্বহতেষ্ঠক্" ইতি ঠক্| সপ্তাহাদূর্ধ্বং গতক্ষোভে সতি পূর্বোক্তং বিধিং-ব্রণপ্রতিষেধোক্তং, কুর্যাত্|
Adhikarana সদ্যো ইদং সামান্যকর্মং (১৪) · Śloka ১৪
প্রাযঃ সামান্যকর্মেদং বক্ষ্যতে তু পৃথক্পৃথক্| |১৪|
View original
प्रायः सामान्यकर्मेदं वक्ष्यते तु पृथक्पृथक्| |१४|
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-প্রাযো বাহুল্যেন সদ্যোব্রণ এতত্সামান্যং কর্ম| স০-পৃথক্পৃথগ্ বিশেষেণ কর্ম ভণিষ্যতে|
Adhikarana ধৃষ্টে ব্রণে চূর্ণানি (১৪) · Śloka ১৪
| ঘৃষ্টে রুজং নিগৃহ্যাশু ব্রণে চূর্ণানি যোজযেত্||১৪||
View original
| घृष्टे रुजं निगृह्याशु व्रणे चूर्णानि योजयेत्||१४||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-ঘৃষ্টে ব্রণে পীডাং প্রাগুপশময্য চূর্ণানি যোজযেত্|
Adhikarana অবকৃত্তে ব্রণে কল্কাদীনি (১৫) · Śloka ১৫
কল্কাদিন্যবকৃত্তে তু| |১৫|
View original
कल्कादिन्यवकृत्ते तु| |१५|
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-অবকৃত্তে পুনর্ব্রণে কল্কাদীনি যোজযেত্|
Adhikarana বিচ্ছিন্নে প্রবিলম্বিনি চসীবনংবন্ধনংপীডনং চ (১৫) · Śloka ১৫
বিচ্ছিন্নপ্রবিলম্বিনোঃ| সীবনং বিধিনোক্তেন বন্ধনং চানু পীডনম্||১৫||
View original
विच्छिन्नप्रविलम्बिनोः| सीवनं विधिनोक्तेन बन्धनं चानु पीडनम्||१५||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-বিচ্ছিন্নে প্রবিলম্বনি চ ব্রণে সীবনং পূর্বোক্তেন বিধানেন, তথা বন্ধনং পীডনং চ পশ্চাদ্ যোজযেত্|
Adhikarana স্ফুটিতনেত্রস্যাসাধ্যত্বম্,অস্ফুটিতলম্বিনি নেত্রে যথা স্থানানিবেশনাদি অস্ফুতিসর্বনেত্রাভিধাতজিত্ যষ্টচাদিব্কমাজং ধৃতম্ (১৬-১৮) · Śloka ১৮
অসাধ্যং স্ফুটিতং নেত্রমদীর্ণং লম্বতে তু যত্| সন্নিবেশ্য যথাস্থানমব্যাবিদ্ধসিরং ভিষক্||১৬|| পীডযেত্ পাণিনা পদ্মপলাশান্তরিতেন তত্| ততোঽস্য সেচনে নস্যে তর্পণে চ হিতং হবিঃ||১৭|| বিপক্বমাজং যষ্ট্যাহ্বজীবকর্ষভকোত্পলৈঃ| সপযস্কৈঃ পরং তদ্বি সর্বনেত্রাভিঘাতজিত্||১৮||
View original
असाध्यं स्फुटितं नेत्रमदीर्णं लम्बते तु यत्| सन्निवेश्य यथास्थानमव्याविद्धसिरं भिषक्||१६|| पीडयेत् पाणिना पद्मपलाशान्तरितेन तत्| ततोऽस्य सेचने नस्ये तर्पणे च हितं हविः||१७|| विपक्वमाजं यष्ट्याह्वजीवकर्षभकोत्पलैः| सपयस्कैः परं तद्वि सर्वनेत्राभिघातजित्||१८||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-স্ফুটিতং লোচনমসাধ্যম্| অস্ফুটিতং তু যন্নেত্রমবদীর্ণংলম্বতে, তত্ স্বে স্থানে সন্নিবেশ্যাব্যাবিধসিরং পদ্মপত্রান্তরিতেন হস্তেন পীডযেত্| অনন্তরমস্যাতুরস্য ঘৃতং ছাগং সক্ষীরৈর্যষ্ট্যাদিভিঃ কল্কৈঃ পক্বং সেচনাদৌ হিতম্| যতস্তদ্ ঘৃতং পরং সর্বনেত্রাভিঘাতজিত্|
Adhikarana অবসন্নে নেত্রে গলপীডাদি,অবসন্নে ক্ষতনেত্রবঞ্জ ক্রিযা (১৯) · Śloka ১৯
গলপীডাঽবসন্নেঽক্ষ্ণি বমনোত্কাসনক্ষবাঃ| প্রাণাযমোঽথবা কার্যঃ ক্রিযা চ ক্ষতনেত্রবত্||১৯||
View original
गलपीडाऽवसन्नेऽक्ष्णि वमनोत्कासनक्षवाः| प्राणायमोऽथवा कार्यः क्रिया च क्षतनेत्रवत्||१९||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-গলপীডনমবসন্নে নেত্রে বমনাদযঃ কার্যাঃ, প্রাণাযামো বা| তথা ক্ষনেত্রক্রিযা চাত্র হিতা|
Adhikarana কর্ণে স্থানাচ্চ্যুতে তৈলেন পূরণম্ (২০) · Śloka ২০
কর্ণে স্থানাচ্চ্যুতে স্যূতে শ্রোতস্তৈলেন পূরযেত্| |২০|
View original
कर्णे स्थानाच्च्युते स्यूते श्रोतस्तैलेन पूरयेत्| |२०|
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-কর্ণে স্থানাদ্ ভ্রষ্টে স্যূতে সতি তৈলেন শ্রোতঃ পূরযেত্|
Adhikarana কৃকাটিযাং ছিন্নাযাং সীবনাদি,কৃকা আজেন সর্পিষা পরিষেকঃকৃকা উষ্ণানোঽন্নানি ভুঞ্জীতকৃকা তুযন্ত্রিতঃ স্বপ্যাত্ (২০-২২) · Śloka ২২
| কৃকাটিকাযাং ছিন্নাযাং নির্গচ্ছত্যপি মারুতে||২০|| সমং নিবেশ্য বধ্নীযাত্ স্যূত্বা শীঘ্রং নিরন্তরম্| আজেন সর্পিষা চাত্র পরিষেকঃ প্রশস্যতে||২১|| উত্তানোঽন্নানি ভুঞ্জীত, শযীত চ সুযন্ত্রিতঃ| |২২|
View original
| कृकाटिकायां छिन्नायां निर्गच्छत्यपि मारुते||२०|| समं निवेश्य बध्नीयात् स्यूत्वा शीघ्रं निरन्तरम्| आजेन सर्पिषा चात्र परिषेकः प्रशस्यते||२१|| उत्तानोऽन्नानि भुञ्जीत, शयीत च सुयन्त्रितः| |२२|
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-কৃকাটিকাযাং ছিন্নাযাং বাতেঽপি নির্যাতে সতি সমং স্থাপযিত্বা স্যূত্বা চ নিরন্তরং শীঘ্রং বধ্নীযাত্| অত্রাজেন ঘৃতেন চ পরিষেকঃ শ্রেষ্ঠঃ| উত্তানাঃ সন্ ভোজনং ভুঞ্জীত| সুযন্ত্রিতশ্চ স্বপ্যাত্|
Adhikarana শাকাসু তির্যক্স্থে ধাতে সীবনাদি (২২-২৩) · Śloka ২৩
| ঘাতং শাখাসু তির্যক্স্থং গাত্রে সম্যঙ্নিবেশিতে||২২|| স্যূত্বা বেল্লিতবন্ধেন বধ্নীযাদ্ধনবাসসা| চর্মণা গোষ্ফণাবন্ধঃ কার্যশ্চাসঙ্গতে ব্রণে||২৩||
View original
| घातं शाखासु तिर्यक्स्थं गात्रे सम्यङ्निवेशिते||२२|| स्यूत्वा वेल्लितबन्धेन बध्नीयाद्धनवाससा| चर्मणा गोष्फणाबन्धः कार्यश्चासङ्गते व्रणे||२३||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-শাখাসু হতমাতুরং তির্যক্স্থিতং শরীরে সম্যক্স্থাপিতে স্যূত্বা বেল্লিতবন্ধেন ঘনেন বাসসা বধ্নীযাত্| অসঙ্গতে ব্রণে চর্মণা গোষ্ফণাবন্ধো বিধেযঃ|
Adhikarana বিলম্বিমুষ্কস্য সীবনাদি (২৪-২৫) · Śloka ২৫
পাদৌ বিলম্বিমুষ্কস্য প্রোক্ষ্য নেত্রে চ বারিণা| প্রবেশ্য বৃষণৌ সীব্যেত্ সেবন্যা তুন্নসংজ্ঞযা||২৪|| কার্যশ্চ গোষ্ফণাবন্ধঃ কট্যামাবেশ্য পট্টকম্| স্নেহসেকং ন কুর্বীত তত্র ক্লিদ্যতি হি ব্রণঃ||২৫||
View original
पादौ विलम्बिमुष्कस्य प्रोक्ष्य नेत्रे च वारिणा| प्रवेश्य वृषणौ सीव्येत् सेवन्या तुन्नसंज्ञया||२४|| कार्यश्च गोष्फणाबन्धः कट्यामावेश्य पट्टकम्| स्नेहसेकं न कुर्वीत तत्र क्लिद्यति हि व्रणः||२५||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-বিলম্বুমুষ্কস্য পাদৌ নেত্রে চ বারিণা প্রেক্ষ্য বৃষণৌ প্রবেশ্য সীব্যেত্| কথম্ ? তুন্নসংজ্ঞযা সেবন্যা| তথা কট্যাং পট্টকমাসজ্য গোষ্ফণাবন্ধং কুর্যাত্| স্নেহসেকং ন কুর্বীত| যতঃ স্নেহসেকে সত্যস্মিন্ ব্রণঃ ক্লিদ্যতি|
Adhikarana বিলম্বি কালানুসার্যাদিতৈলেনরোপণম্ (২৬) · Śloka ২৬
কালানুসার্যগুর্বেলাজাতীচন্দনপর্পটৈঃ| শিলাদার্ব্যমৃতাতুত্থৈঃ সিদ্ধং তৈলং চ রোপণম্||২৬||
View original
कालानुसार्यगुर्वेलाजातीचन्दनपर्पटैः| शिलादार्व्यमृतातुत्थैः सिद्धं तैलं च रोपणम्||२६||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-কালানুসার্যাদিভিঃ কল্কিতৈঃ পক্বং তৈলং বৃষণযো রোপণম্|
Adhikarana নিঃশেষতঃ চ্ছিন্নাযাং শাখাযাং তৈলান দ্গ্ধ্বা কোশবন্ধনাদি (২৭) · Śloka ২৭
ছিন্নাং নিঃশেষতঃ শাখাং দগ্ধ্বা তৈলেন যুক্তিতঃ| বধ্নীযাত্ কোশবন্ধেন ততো ব্রণবদাচরেত্||২৭||
View original
छिन्नां निःशेषतः शाखां दग्ध्वा तैलेन युक्तितः| बध्नीयात् कोशबन्धेन ततो व्रणवदाचरेत्||२७||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-নিঃশেষেণ ছিন্নাং শাখাং দগ্ধ্বা তৈলেন যুক্ত্যা কোশবন্ধেন বধ্নীযাত্| অনন্তরং ব্রণমিবাচরেত্|
Adhikarana বিদ্ধে শল্যাহ্রতে ব্রণবত্ ক্রিযা (২৮) · Śloka ২৮
কার্যা শল্যাহৃতে বিদ্ধে ভঙ্গাদ্বিদলিতে ক্রিযা| |২৮|
View original
कार्या शल्याहृते विद्धे भङ्गाद्विदलिते क्रिया| |२८|
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-বিদ্ধে শল্যাহৃতে সতি ভঙ্গাদ্বিদলিতে ক্রিযা কার্যা|
Adhikarana বিদলিতে শল্যেঽপহ্রতে ব্রণবত্ ক্রিযা,বিদলিতে ভঙ্গবত্ ক্রিযা শিরসঃ শল্যেঽপরতে বালবর্তিপ্রবেশনাদি (২৮-২৯) · Śloka ২৯
| শিরসোঽপহৃতে শল্যে বালবর্তিং প্রবেশযেত্||২৮|| মস্তুলুঙ্গস্রুতেঃ ক্রুদ্ধো হন্যাদেনং চলোঽন্যথা| ব্রণে রোহতি চৈকৈকং শনৈরপনযেত্কচম্||২৯||
View original
| शिरसोऽपहृते शल्ये वालवर्तिं प्रवेशयेत्||२८|| मस्तुलुङ्गस्रुतेः क्रुद्धो हन्यादेनं चलोऽन्यथा| व्रणे रोहति चैकैकं शनैरपनयेत्कचम्||२९||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-শিরসঃ শল্যে নিপতিতে সতি বালবর্তিং প্রবেশযেত্| অন্যথা-বালবর্তেরপ্রবেশাত্, মস্তুলুঙ্গস্রাবাদ্বাযুঃ ঋদ্ধঃ এনং- ব্রণিনং, হন্যাত্| ব্রণে রোহতি সত্যেকৈকং কচং শনৈর্নযেত্|
Adhikarana মস্তুলুঙ্গস্ত্রুতোউ মস্তিষ্কভক্ষণম্ (৩০) · Śloka ৩০
আচরমোচ্ছ্বাসাদাতুরং সমুপাচরেদিতি বচনান্মস্তুলুঙ্গস্রুতাবপ্যুপক্রমমাহ মস্তুলুঙ্গস্রুতৌ খাদেন্মস্তিষ্কানন্যজীবজান্| |৩০|
View original
आचरमोच्छ्वासादातुरं समुपाचरेदिति वचनान्मस्तुलुङ्गस्रुतावप्युपक्रममाह मस्तुलुङ्गस्रुतौ खादेन्मस्तिष्कानन्यजीवजान्| |३०|
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-মস্তুলুঙ্গস্য-মজ্জাখ্যস্য, স্রুতাবন্যজীবজান্ মস্তিষ্কান্ খাদেত্|
Adhikarana হ্রতশল্যেঽঙ্গে স্নেহবর্তিঃ (৩০) · Śloka ৩০
| শল্যে হৃতেঽঙ্গাদন্যস্মাত্স্নেহবর্তিং নিধাপযেত্||৩০||
View original
| शल्ये हृतेऽङ्गादन्यस्मात्स्नेहवर्तिं निधापयेत्||३०||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-অঙ্গাদন্যস্মাচ্ছল্যে হৃতে সতি তত্র ব্রণে স্নেহবর্তিং নিধাপযেত্|
Adhikarana ব্রণে দূরাবগাঢাদৌ চক্রতৈ লেন সেচনম্ (৩১) · Śloka ৩১
দূরাবগাঢাঃ সূক্ষ্মাস্যা যে ব্রণাঃ স্রুতশোণিতাঃ| সেচযেচ্চক্রতৈলেন সূক্ষ্মনেত্রার্পিতেন তান্||৩১||
View original
दूरावगाढाः सूक्ष्मास्या ये व्रणाः स्रुतशोणिताः| सेचयेच्चक्रतैलेन सूक्ष्मनेत्रार्पितेन तान्||३१||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-যে ব্রণা দূরাবগাঢাদিগুণাস্তাংশ্চক্রতৈলেন-কোহ্লকাদ্যুদ্ভবেন তৈলেন, সেচযেত্| কিম্ভূতেন ? সূক্ষ্মনেত্রেণার্পিতেন-ক্ষিপ্তেন|
Adhikarana ভিন্নকোষ্ঠস্য রক্তপূর্ণস্য লক্ষণম্ (৩২-৩৩) · Śloka ৩৩
ভিন্নে কোষ্ঠেঽসৃজা পূর্ণে মূর্চ্ছাহৃত্পার্শ্ববেদনাঃ| জ্বরো দাহস্তৃডাধ্মানং ভক্তস্যানভিনন্দনম্||৩২|| সঙ্গো বিণ্মূত্রমরুতাং শ্বাসঃ স্বেদোঽক্ষিরক্ততা| লোহগন্ধিত্বমাস্যস্য স্যাদ্ গাত্রে চ বিগন্ধতা||৩৩||
View original
भिन्ने कोष्ठेऽसृजा पूर्णे मूर्च्छाहृत्पार्श्ववेदनाः| ज्वरो दाहस्तृडाध्मानं भक्तस्यानभिनन्दनम्||३२|| सङ्गो विण्मूत्रमरुतां श्वासः स्वेदोऽक्षिरक्तता| लोहगन्धित्वमास्यस्य स्याद् गात्रे च विगन्धता||३३||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-ভিন্নে কোষ্ঠে রক্তেন পূর্ণে সতি মূর্চ্ছাদ্যাঃ স্যুঃ|
Adhikarana ভিন্নকোষ্ঠস্য আমাশযস্থরুধিরস্য (৩৪) · Śloka ৩৪
আমাশযস্থে রুধিরে রুধিরং ছর্দযত্যপি| আধ্মানেনাতিমাত্রেণ শূলেন চ বিশস্যতে||৩৪||
View original
आमाशयस्थे रुधिरे रुधिरं छर्दयत्यपि| आध्मानेनातिमात्रेण शूलेन च विशस्यते||३४||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-আমাশযস্থে রুধিরে রক্তমুদ্বমত্যপ্যাধ্মানেনাতিমাত্রেণ শূলেন চ বিশস্যতে-ব্যাপদ্যতে|
Adhikarana ভিন্নকোষ্ঠস্য পক্বাশযস্থ রুধিরস্য লক্ষণম্ (৩৫) · Śloka ৩৫
পক্বাশযস্থে রুধিরে সশূলং গৌরবং ভবেত্| নাভেরধস্তাচ্ছীতত্বং খেভ্যো রক্তস্য চাগমঃ||৩৫||
View original
पक्वाशयस्थे रुधिरे सशूलं गौरवं भवेत्| नाभेरधस्ताच्छीतत्वं खेभ्यो रक्तस्य चागमः||३५||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-পক্বাশযস্থে লোহিতে শূলসহিতং গৌরবং ভবেত্| নাভেরধোভাগে শৈত্যম্| ছিদ্রেভ্যো রুধিরস্যৈবাগমনম্|
Adhikarana অভিন্নাশযস্যাপি রক্তেন পূর্ণত্বম্ (৩৬) · Śloka ৩৬
অভিন্নোঽপ্যাশযঃ সূক্ষ্মৈঃ স্রোতোভিরভিপূর্যতে| অসৃজা স্যন্দমানেন পার্শ্বে মূত্রেণ বস্তিবত্||৩৬||
View original
अभिन्नोऽप्याशयः सूक्ष्मैः स्रोतोभिरभिपूर्यते| असृजा स्यन्दमानेन पार्श्वे मूत्रेण बस्तिवत्||३६||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-আশযোঽভিন্নোঽপি সূক্ষ্মৈঃ স্রোতোভির্লোহিতেন স্যন্দমানেনাভিপূর্যতে| পার্শ্বে মূত্রেণ বস্তিরিব|
Adhikarana তত্রান্তর্লোহিতাদেরসাধ্যত্বম্ (৩৭) · Śloka ৩৭
তত্রান্তর্লোহিতং শীতপাদোচ্ছ্বাসকরাননম্| রক্তাক্ষং পাণ্ডুবদনমানদ্ধং চ বিবর্জযেত্||৩৭||
View original
तत्रान्तर्लोहितं शीतपादोच्छ्वासकराननम्| रक्ताक्षं पाण्डुवदनमानद्धं च विवर्जयेत्||३७||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-তেষু মধ্যেঽন্তর্লোহিতং ব্রণিনং শীতপাদং শীতোচ্ছ্বাসং শিশিরকরং শীতবক্রং লোহিতাক্ষং পাণ্ডুবদনমানদ্ধং চ বর্জযেত্|
Adhikarana আমাশযস্থে রক্তে বমনম্,পব্কাশযস্থে রক্তে বিরেকো নিরূহশ্ছ (৩৮) · Śloka ৩৮
অমাশযস্থে বমনং হিতং, পক্বাশযাশ্রিতে| বিরেচনং নিরূহং চ নিঃস্নেহোষ্ণৈর্বিশোধনৈঃ||৩৮||
View original
अमाशयस्थे वमनं हितं, पक्वाशयाश्रिते| विरेचनं निरूहं च निःस्नेहोष्णैर्विशोधनैः||३८||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-আমাশযস্থে রক্তে বমনং হিতম্| পক্বাশযগতে বিরেচনং নিরূহং চ বিগতস্নেহৈরুষ্ণৈশ্চ বিশোধনৈর্হিতম্|
Adhikarana পক্বাশয অন্নভক্ষণপ্রকারঃ (৩৯) · Śloka ৩৯
যবকোলকুলত্থানাং রসৈঃ স্নেহবিবর্জিতৈঃ| ভুঞ্জীতান্নং যবাগূং বা পিবেত্সৈন্ধবসংযুতাম্||৩৯||
View original
यवकोलकुलत्थानां रसैः स्नेहविवर्जितैः| भुञ्जीतान्नं यवागूं वा पिबेत्सैन्धवसंयुताम्||३९||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-যবাদীনাং রসৈঃ স্নেহরহিতৈরন্নং ভক্ষযেত্| পেযাং সৈন্ধবান্বিতাং বা পিবেত্|
Adhikarana অতিনিঃ স্ত্রুতরক্তে রুধিরপানম্ (৪০) · Śloka ৪০
অতিনিঃস্রুতরক্তস্তু ভিন্নকোষ্ঠঃ পিবেদসৃক্| |৪০|
View original
अतिनिःस्रुतरक्तस्तु भिन्नकोष्ठः पिबेदसृक्| |४०|
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-অতিনিঃস্রুতলোহিতো ভিন্নকোষ্ঠো রুধিরং পিবেত্|
Adhikarana কোষ্ঠভেদনস্য দ্বৈবিধ্যম্ ক্লিষ্টান্ত্রে মূর্চ্ছাদযোঽল্পাঃ ছিন্নান্ত্রে মূর্চ্ছাঅতিবাধকাঃ ক্লিষ্টচ্ছিন্নান্ত্রযোঃ সংশযাসাধ্যত্বম্ (৪০-৪১) · Śloka ৪১
| ক্লিষ্টচ্ছিন্নান্ত্রভেদেন কোষ্ঠভেদো দ্বিধা স্মৃতঃ||৪০|| মূর্চ্ছাদযোঽল্পাঃ প্রথমেদ্বিতীযে ত্বতি বাধকাঃ| ক্লিষ্টান্ত্রঃ সংশযী দেহী ছিন্নান্ত্রো নৈব জীবতি||৪১||
View original
| क्लिष्टच्छिन्नान्त्रभेदेन कोष्ठभेदो द्विधा स्मृतः||४०|| मूर्च्छादयोऽल्पाः प्रथमेद्वितीये त्वति बाधकाः| क्लिष्टान्त्रः संशयी देही छिन्नान्त्रो नैव जीवति||४१||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-ক্লিন্নান্ত্রভেদেন ভিন্নান্ত্রভেদেন চ কোষ্ঠভেদো দ্বিপ্রকার উক্তঃ| প্রথমে-ক্লিন্নান্ত্রাখ্যে, মূর্চ্ছদযোঽল্পাঃ-কিঞ্চিদেব, স্যুঃ| দ্বিতীযে-ভিন্নান্ত্রাখ্যে, অতিশযেন বাধকাঃ স্যুঃ| ক্লিন্নান্ত্রো দেহী সংশযী স্যাদ্ জীবনে| ভিন্নান্ত্রো ন জাতু জীবতি|
Adhikarana ভিন্নকোষ্টস্য সাধ্যলক্ষণম্ (৪২) · Śloka ৪২
যথাস্বং মার্গমাপন্না যস্য বিণ্মূত্রমারুতাঃ| ব্যুপদ্রবঃ স ভিন্নেঽপি কোষ্ঠে জীবত্যসংশযম্||৪২||
View original
यथास्वं मार्गमापन्ना यस्य विण्मूत्रमारुताः| व्युपद्रवः स भिन्नेऽपि कोष्ठे जीवत्यसंशयम्||४२||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-যস্য বিণ্মূত্রমারুতা যথাযথং মার্গং প্রাপ্তাঃ বিগতোপদ্রবশ্চ স নরো ভিন্নকোষ্ঠোঽপি সন্ জীবতি|
Adhikarana অন্ত্রকোষ্ঠস্য মতদ্বযম্ (৪৩-৪৪) · Śloka ৪৪
অভিন্নমন্ত্রং নিষ্ক্রান্তং প্রবেশ্যং ন ত্বতোঽন্যথা| উত্পঙ্গিলশিরোগ্রস্তং তদপ্যেকে বদন্তি তু||৪৩|| প্রক্ষাল্য পযসা দিগ্ধং তৃণশোণিতপাংসুভিঃ| প্রবেশযেত্ক্লৃপ্তনখো ঘৃতেনাক্তং শনৈঃ শনৈঃ||৪৪||
View original
अभिन्नमन्त्रं निष्क्रान्तं प्रवेश्यं न त्वतोऽन्यथा| उत्पङ्गिलशिरोग्रस्तं तदप्येके वदन्ति तु||४३|| प्रक्षाल्य पयसा दिग्धं तृणशोणितपांसुभिः| प्रवेशयेत्क्लृप्तनखो घृतेनाक्तं शनैः शनैः||४४||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-অন্ত্রমভিন্নং নিষ্ক্রান্তং প্রবেশনীযমন্তরে| ন ত্বতোঽন্যথা-ভিন্নমিত্যর্থঃ| অন্যে ত্বেবমাচক্ষতে,-উত্পঙ্গিলশিরসামর্কোটশীর্ষেণ, গ্রস্তং ভিন্নমপ্যন্ত্রং প্রবেশ্যম্| সং-অন্ত্রং নিষ্ক্রান্তং তৃণাদিভির্দিগ্ধং পযসা প্রক্ষাল্য সর্পিষাঽভ্যক্তং ক্লৃপ্তনখঃ শনৈঃ শনৈঃ প্রবেশযেত্|
Adhikarana অন্নপ্রবেশবিধিঃ (৪৫-৪৬) · Śloka ৪৬
ক্ষীরেণার্দ্রীকৃতং শুষ্কং ভূরিসর্পিঃপরিপ্লুতম্| অঙ্গুল্যা প্রমৃশেত্কণ্ঠং জলেনোদ্বেজযেদপি||৪৫|| তথাঽন্ত্রাণি বিশন্ত্যন্তস্তত্কালং পীডযন্তি চ| |৪৬|
View original
क्षीरेणार्द्रीकृतं शुष्कं भूरिसर्पिःपरिप्लुतम्| अङ्गुल्या प्रमृशेत्कण्ठं जलेनोद्वेजयेदपि||४५|| तथाऽन्त्राणि विशन्त्यन्तस्तत्कालं पीडयन्ति च| |४६|
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-শুষ্কমন্ত্রং ক্ষীরেণার্দ্রীকৃতং বহুঘৃতপরিপ্লুতমঙ্গুল্যা গলং প্রমৃশেত্ জলেনোদ্বেজযেত্| তথা-এবং, অন্ত্রাণ্যন্তঃ প্রবিশন্তি তত্কালং চ পীডযন্তি|
Adhikarana যথাস্থানং স্যিতেঽন্ত্রে ব্রণং সীব্যেত্ ,স্থানাচ্যুতেঽন্ত্রে মরণম্ কুপিতেঽন্ত্রে পট্টেন বেষ্টযেত্বা ধৃতেন পরিপেচযেত্ কুপিতে ততশ্ছিত্রাতৈলপযসা পানম্ কুপিতে ব্রণযন্ত্রণাং বর্ষমনুবর্তেত (৪৬-৫০) · Śloka ৫০
| ব্রণসৌক্ষ্ম্যাদ্বহুত্বাদ্বা কোষ্ঠমন্ত্রমনাবিশত্||৪৬|| তত্প্রমাণেন জঠরং পাটযিত্বা প্রবেশযেত্| যথাস্থানং স্থিতে সম্যগন্ত্রে সীব্যেদনু ব্রণম্||৪৭|| স্থানাদপেতমাদত্তে জীবিতং কুপিতং চ তত্| বেষ্টযিত্বাঽনু পট্টেন ঘৃতেন পরিষেচযেত্||৪৮|| পাযযেত ততঃ কোষ্ণং চিত্রাতৈলযুতং পযঃ| মৃদুক্রিযার্থং শকৃতো বাযোশ্চাধঃপ্রবৃত্তযে||৪৯|| অনুবর্তেত বর্ষং চ যথোক্তাং ব্রণযন্ত্রণাম্| |৫০|
View original
| व्रणसौक्ष्म्याद्बहुत्वाद्वा कोष्ठमन्त्रमनाविशत्||४६|| तत्प्रमाणेन जठरं पाटयित्वा प्रवेशयेत्| यथास्थानं स्थिते सम्यगन्त्रे सीव्येदनु व्रणम्||४७|| स्थानादपेतमादत्ते जीवितं कुपितं च तत्| वेष्टयित्वाऽनु पट्टेन घृतेन परिषेचयेत्||४८|| पाययेत ततः कोष्णं चित्रातैलयुतं पयः| मृदुक्रियार्थं शकृतो वायोश्चाधःप्रवृत्तये||४९|| अनुवर्तेत वर्षं च यथोक्तां व्रणयन्त्रणाम्| |५०|
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-ব্রণসূক্ষ্মাত্বাদন্ত্রস্য বহুত্বাত্ [বা] কোষ্ঠমনাবিশদন্ত্রং জঠরং তত্প্রমাণেন পাটযিত্বা প্রবেশযেত্| যথাস্থানং স্থিতে সম্যগন্ত্রে সতি পশ্চাদ্ ব্রণং সীব্যেত্| স্থানাচ্চ্যুতমন্ত্রং জীবিতং হরতি| কুপিতং চ তত্-অন্ত্রং, পট্টেন বেষ্টযিত্বা পশ্চাদ্ঘৃতেন পরিষেচযেত্| অনন্তরং চিত্রাতৈলান্বিতং কোষ্ণং ক্ষীরং পিবেত্| শকৃতো ম্ড়ৃদূকরণায পবমানস্য চ প্রবর্তনায| যথোক্তাং চ ব্রণযন্ত্রণাং সংবত্সরং যাবদনুবর্তেত|
Adhikarana উদরান্মেদোবর্তিনির্গমনে চিকিত্সা (৫০-৫৪) · Śloka ৫৪
| উদরান্মেদসো বর্তিং নির্গতাং ভস্মনা মৃদা||৫০|| অবকীর্য কষাযৈর্বা শ্লক্ষ্ণৈর্মূলৈস্ততঃ সমম্| দৃঢং বধ্বা চ সূত্রেণ বর্দ্ধযেত্কুশলো ভিষক্||৫১|| তীক্ষ্ণেনাগ্নিপ্রতপ্তেন শস্ত্রেণ সকৃদেব তু| স্যান্দন্যথা রুগাটোপো মৃত্যুর্বা ছিদ্যমানযা||৫২|| সক্ষৌদ্রে চ ব্রণে বদ্ধে সুজীর্ণেঽন্নে ঘৃতং পিবেত্| ক্ষীরং বা শর্করাচিত্রালাক্ষাগোক্ষুরকৈঃ শৃতম্||৫৩|| রুগ্দাহজিত্সযষ্ট্যাহ্বৈঃ পরং পূর্বোদিতো বিধিঃ| মেদোগ্রন্থ্যুদিতং তত্র তৈলমভ্যঞ্জনে হিতম্||৫৪||
View original
| उदरान्मेदसो वर्तिं निर्गतां भस्मना मृदा||५०|| अवकीर्य कषायैर्वा श्लक्ष्णैर्मूलैस्ततः समम्| दृढं बध्वा च सूत्रेण वर्द्धयेत्कुशलो भिषक्||५१|| तीक्ष्णेनाग्निप्रतप्तेन शस्त्रेण सकृदेव तु| स्यान्दन्यथा रुगाटोपो मृत्युर्वा छिद्यमानया||५२|| सक्षौद्रे च व्रणे बद्धे सुजीर्णेऽन्ने घृतं पिबेत्| क्षीरं वा शर्कराचित्रालाक्षागोक्षुरकैः शृतम्||५३|| रुग्दाहजित्सयष्ट्याह्वैः परं पूर्वोदितो विधिः| मेदोग्रन्थ्युदितं तत्र तैलमभ्यञ्जने हितम्||५४||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-জঠরান্মেদসো বর্তিং নির্গতাং ভস্মনা বা মৃদাঽবকীর্যাথবা শ্লক্ষ্ণচূর্ণৈঃ কষাযৈর্মূলৈরবকীর্য ততো মূলেন সমং দৃঢং চ কৃত্বা সূত্রেণ বধ্বা তীক্ষ্ণেন বহ্নিপ্রতপ্তেন শস্ত্রেণ কুশলো বৈদ্যঃ সকৃদেব বর্দ্ধযেত্| অন্যথা ছিন্নযা রুজাঽঽটোপো মৃত্যুর্বা স্যাত্| ততো ব্রণে সমাক্ষিকে বদ্ধেঽন্নে চ সুজীর্ণে সতি ঘৃতং পিবেত্| অথবা শর্করাদিভিঃ শৃতং দুগ্ধং পিবেত্| তচ্চ ঘৃতং ক্ষীরং বা রুজাদাহহৃত্| অনন্তরং পূর্বোক্তো বিধিঃ| তত্র মেদোগ্রন্থিষু কথিতং তৈলমভ্যঞ্জনে হিতম্|
Adhikarana সদ্যোব্রণেষু তালীসাদিতৈলং রোপণম্ (৫৫-৫৬) · Śloka ৫৬
তালীসং পদ্মকং মাংসীহরেণ্বগুরুচন্দনম্| হরিদ্রে পদ্মবীজানি সোশীরং মধুকং চ তৈঃ||৫৫|| পক্বং সদ্যোব্রণেষূক্তং তৈলং রোপণমুত্তমম্| |৫৬|
View original
तालीसं पद्मकं मांसीहरेण्वगुरुचन्दनम्| हरिद्रे पद्मबीजानि सोशीरं मधुकं च तैः||५५|| पक्वं सद्योव्रणेषूक्तं तैलं रोपणमुत्तमम्| |५६|
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-তালীসাদিভিঃ কল্কিতৈঃ পক্বং তৈলং সদ্যোব্রণেষু রোপণং পরমুক্তম্|
Adhikarana গূঢপ্রহারাভিহতাদৌ বাতাস্ত্রজিত্ কর্ম (৫৬-৫৭) · Śloka ৫৭
| গূঢপ্রহারাভিহতে পতিতে বিষমোচ্চকৈঃ||৫৬|| কার্যং বাতাস্রজিত্ তৃপ্তিমর্দনাভ্যঞ্জনাদিকম্| |৫৭|
View original
| गूढप्रहाराभिहते पतिते विषमोच्चकैः||५६|| कार्यं वातास्रजित् तृप्तिमर्दनाभ्यञ्जनादिकम्| |५७|
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-গূঢপ্রহারেণাভিহতে, তথা বিষমং পতিতে, তথোচ্চকৈঃ পতিতে চ, বাতরক্তহরাদিকং কার্যম্|
Adhikarana বিশ্লিষ্টদেহাদৌ তৈলদ্রোণ্যাং বাসযেত্ (২৬) · Śloka ২৬
| বিশ্লিষ্টদেহং মথিতং ক্ষীণং মর্মাহতং হতম্||৫৭|| বাসযেত্তৈলপূর্ণাযাং দ্রোণ্যাং মাংসরসাশিনম্| ৫৭ ১/২| ইতি শ্রীবৈদ্যপতিসিংহগুপ্তসূনূশ্রীমদ্বাগ্ভটবির- চিতাযামষ্টাঙ্গহৃদযসংহিতাযাং ষষ্ঠে উত্তর- স্থানে সদ্যোব্রণপ্রতিষেধো নাম ষ- ড্বিংশোঽধ্যাযঃ||২৬||
View original
| विश्लिष्टदेहं मथितं क्षीणं मर्माहतं हतम्||५७|| वासयेत्तैलपूर्णायां द्रोण्यां मांसरसाशिनम्| ५७ १/२| इति श्रीवैद्यपतिसिंहगुप्तसूनूश्रीमद्वाग्भटविर- चितायामष्टाङ्गहृदयसंहितायां षष्ठे उत्तर- स्थाने सद्योव्रणप्रतिषेधो नाम ष- ड्विंशोऽध्यायः||२६||
🔊 Audio coming soon
Show commentary
সর্বাঙ্গসুন্দরী ব্যাখ্যা ( কৃত)
স০-বিশ্লিষ্টদেহাদিকং নরং তৈলদ্রোণ্যাং মাংসরসাশিনং বাসযেদিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামাষ্টাঙ্গহৃদযটী- কাযাং সর্বাঙ্গসুন্দরাখ্যাযাং ষষ্ঠে উত্তরস্থানে সদ্যোব্রণপ্রতি- ষেধো নাম ষড্বিংশোঽধ্যাযঃ সমাপ্তঃ|| ২৬||