Adhikarana ಸೂತಿಕಾರೋಗಲಕ್ಷಣಮ್ (೧) · Śloka ೧
ಅಥ ಸೂತಿಕಾರೋಗನಿದಾನಮ್ | ಅಙ್ಗಮರ್ದೋ ಜ್ವರಃ ಕಮ್ಪಃ ಪಿಪಾಸಾ ಗುರುಗಾತ್ರತಾ | ಶೋಥಃ ಶೂಲಾತಿಸಾರೌ ಚ ಸೂತಿಕಾರೋಗಲಕ್ಷಣಮ್ ||೧||
View original
अथ सूतिकारोगनिदानम् | अङ्गमर्दो ज्वरः कम्पः पिपासा गुरुगात्रता | शोथः शूलातिसारौ च सूतिकारोगलक्षणम् ||१||
🔊 Audio coming soon
Hide commentary
ಮಧುಕೋಶ ವ್ಯಾಖ್ಯಾ (ವಿಜಯರಕ್ಷಿತ, ಶ್ರೀಕಣ್ಠದತ್ತ ಕೃತ)
ಕ್ರಮಪ್ರಾಪ್ತತ್ವಾತ್ ಸೂತಿಕಾರೋಗನಿದಾನಾರಮ್ಭಃ– ಅಙ್ಗಮರ್ದ ಇತ್ಯಾದಿ| ಸೂತಿಕಾರೋಗಲಕ್ಷಣಮಿತಿ ಸೂತಿಕಾರೋಗ ಏವ ಲಕ್ಷಣಮ್, ಅಙ್ಗಮರ್ದಾದಿವ್ಯತಿರಿಕ್ತಸ್ಯ ರೋಗಸ್ಯಾನಭಿಧಾನಾತ್| ಏತೇಽಙ್ಗಮರ್ದಾದಯಃ ಪ್ರಾಯೇಣ ಸೂತಿಕಾಯಾ ಭವನ್ತಃ ಸೂತಿಕಾರೋಗತ್ವೇನ ಲಕ್ಷ್ಯನ್ತೇ ಇತ್ಯರ್ಥಃ||೧||
ಆತಙ್ಕದರ್ಪಣ ವ್ಯಾಖ್ಯಾ (ವಾಚಸ್ಪತಿ ವೈದ್ಯ ಕೃತ)
ಸೂತಿಕಾರೋಗಲಕ್ಷಣಮಾಹ– ಅಙ್ಗಮರ್ದ ಇತ್ಯಾದಿ| ಸೂತಿಕಾರೋಗ ಏವ ಲಕ್ಷಣಮ್, ಅಙ್ಗಮರ್ದಾದಿವ್ಯತಿರಿಕ್ತಸ್ಯ ರೋಗಸ್ಯಾನಭಿಧಾನಾತ್| ಏತೇನಾಙ್ಗಮರ್ದಾದಯಃ ಪ್ರಾಯೇಣ ಸೂತಿಕಾಯಾ ಭವನ್ತಃ ಸೂತಿಕಾರೋಗತ್ವೇನ ಲಕ್ಷ್ಯನ್ತ ಇತ್ಯರ್ಥಃ||೧||