Adhikarana స్తనరోగసంప్రాప్తిః (౧) · Śloka ౧
అథ స్తనరోగనిదానం | సక్షీరౌ వాऽప్యదుగ్ధౌ వా ప్రాప్య దోషః స్తనౌ స్త్రియాః | ప్రదూష్య మాంసరుధిరం స్తనరోగాయ కల్పతే ||1||
View original
अथ स्तनरोगनिदानम् | सक्षीरौ वाऽप्यदुग्धौ वा प्राप्य दोषः स्तनौ स्त्रियाः | प्रदूष्य मांसरुधिरं स्तनरोगाय कल्पते ||१||
🔊 Audio coming soon
Hide commentary
మధుకోశ వ్యాఖ్యా (విజయరక్షిత, శ్రీకంఠదత్త కృత)
సూతికారోగాధికారాత్ స్తనరోగా ఉచ్యంతే| పారిభాషికస్తనరోగసంప్రాప్తిమాహ– సక్షీరౌ వాऽపీత్యాది| సక్షీరౌ గర్భవత్యాః, అదుగ్ధౌ వేతి దోహదాయోగేన ప్రసూతాయాః, స్తనౌ ప్రాప్యేతి వివృతధమనీముఖేనావిశ్య, స్తనరోగశబ్దేన ‘స్తనకోప’ ఇతి ప్రసిద్ధో రోగ ఉచ్యతే||1||
ఆతంకదర్పణ వ్యాఖ్యా (వాచస్పతి వైద్య కృత)
సూతికారోగాధికారాత్స్తనరోగా ఉచ్యంతే| పారిభాషికస్తనరోగసంప్రాప్తిమాహ– సక్షీరావిత్యాది| గర్భవత్యాః సక్షీరౌ | అదుగ్ధౌ వేతి దోహదాయోగేన ప్రసూతాయాః| స్తనౌ ప్రాప్యేతి వివృతధమనీముఖేన ప్రవిశ్య| స్తనరోగశబ్దేనాత్ర ‘స్తనకోప’ ఇతి ప్రసిద్ధో రోగ ఉచ్యతే||1||