Adhikarana ಸ್ತನರೋಗಸಮ್ಪ್ರಾಪ್ತಿಃ (೧) · Śloka ೧
ಅಥ ಸ್ತನರೋಗನಿದಾನಮ್ | ಸಕ್ಷೀರೌ ವಾಽಪ್ಯದುಗ್ಧೌ ವಾ ಪ್ರಾಪ್ಯ ದೋಷಃ ಸ್ತನೌ ಸ್ತ್ರಿಯಾಃ | ಪ್ರದೂಷ್ಯ ಮಾಂಸರುಧಿರಂ ಸ್ತನರೋಗಾಯ ಕಲ್ಪತೇ ||೧||
View original
अथ स्तनरोगनिदानम् | सक्षीरौ वाऽप्यदुग्धौ वा प्राप्य दोषः स्तनौ स्त्रियाः | प्रदूष्य मांसरुधिरं स्तनरोगाय कल्पते ||१||
🔊 Audio coming soon
Hide commentary
ಮಧುಕೋಶ ವ್ಯಾಖ್ಯಾ (ವಿಜಯರಕ್ಷಿತ, ಶ್ರೀಕಣ್ಠದತ್ತ ಕೃತ)
ಸೂತಿಕಾರೋಗಾಧಿಕಾರಾತ್ ಸ್ತನರೋಗಾ ಉಚ್ಯನ್ತೇ| ಪಾರಿಭಾಷಿಕಸ್ತನರೋಗಸಮ್ಪ್ರಾಪ್ತಿಮಾಹ– ಸಕ್ಷೀರೌ ವಾಽಪೀತ್ಯಾದಿ| ಸಕ್ಷೀರೌ ಗರ್ಭವತ್ಯಾಃ, ಅದುಗ್ಧೌ ವೇತಿ ದೋಹದಾಯೋಗೇನ ಪ್ರಸೂತಾಯಾಃ, ಸ್ತನೌ ಪ್ರಾಪ್ಯೇತಿ ವಿವೃತಧಮನೀಮುಖೇನಾವಿಶ್ಯ, ಸ್ತನರೋಗಶಬ್ದೇನ ‘ಸ್ತನಕೋಪ’ ಇತಿ ಪ್ರಸಿದ್ಧೋ ರೋಗ ಉಚ್ಯತೇ||೧||
ಆತಙ್ಕದರ್ಪಣ ವ್ಯಾಖ್ಯಾ (ವಾಚಸ್ಪತಿ ವೈದ್ಯ ಕೃತ)
ಸೂತಿಕಾರೋಗಾಧಿಕಾರಾತ್ಸ್ತನರೋಗಾ ಉಚ್ಯನ್ತೇ| ಪಾರಿಭಾಷಿಕಸ್ತನರೋಗಸಮ್ಪ್ರಾಪ್ತಿಮಾಹ– ಸಕ್ಷೀರಾವಿತ್ಯಾದಿ| ಗರ್ಭವತ್ಯಾಃ ಸಕ್ಷೀರೌ | ಅದುಗ್ಧೌ ವೇತಿ ದೋಹದಾಯೋಗೇನ ಪ್ರಸೂತಾಯಾಃ| ಸ್ತನೌ ಪ್ರಾಪ್ಯೇತಿ ವಿವೃತಧಮನೀಮುಖೇನ ಪ್ರವಿಶ್ಯ| ಸ್ತನರೋಗಶಬ್ದೇನಾತ್ರ ‘ಸ್ತನಕೋಪ’ ಇತಿ ಪ್ರಸಿದ್ಧೋ ರೋಗ ಉಚ್ಯತೇ||೧||