৬৬. স্তনরোগনিদানম্

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

সূতিকারোগাধিকারাত্ স্তনরোগা উচ্যন্তে| পারিভাষিকস্তনরোগসম্প্রাপ্তিমাহ– সক্ষীরৌ বাঽপীত্যাদি| সক্ষীরৌ গর্ভবত্যাঃ, অদুগ্ধৌ বেতি দোহদাযোগেন প্রসূতাযাঃ, স্তনৌ প্রাপ্যেতি বিবৃতধমনীমুখেনাবিশ্য, স্তনরোগশব্দেন ‘স্তনকোপ’ ইতি প্রসিদ্ধো রোগ উচ্যতে||১||

আতঙ্কদর্পণ ব্যাখ্যা (বাচস্পতি বৈদ্য কৃত)

সূতিকারোগাধিকারাত্স্তনরোগা উচ্যন্তে| পারিভাষিকস্তনরোগসম্প্রাপ্তিমাহ– সক্ষীরাবিত্যাদি| গর্ভবত্যাঃ সক্ষীরৌ | অদুগ্ধৌ বেতি দোহদাযোগেন প্রসূতাযাঃ| স্তনৌ প্রাপ্যেতি বিবৃতধমনীমুখেন প্রবিশ্য| স্তনরোগশব্দেনাত্র ‘স্তনকোপ’ ইতি প্রসিদ্ধো রোগ উচ্যতে||১||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

তেষাং বাতপিত্তকফসন্নিপাতাগন্তুজানামতিদেশেন লক্ষণমাহ– পঞ্চানামপীত্যাদি| এতত্ সুবোধ্যম্| আগন্তুস্তনরোগোঽভিঘাতেন শল্যেন চ| রক্তজস্যাসম্ভবো ব্যাধিস্বভাবাত্||২||

আতঙ্কদর্পণ ব্যাখ্যা (বাচস্পতি বৈদ্য কৃত)

তেষাং বাতকফপিত্তসন্নিপাতাগন্তুজানামতিদেশেন লক্ষণমাহ– পঞ্চানামিত্যাদি| সুগমম্||২||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

ইতি শ্রীকণ্ঠদত্তকৃতাযাং মধুকোশব্যাখ্যাযাং স্তনরোগনিদানং সমাপ্তম্||৬৬||

আতঙ্কদর্পণ ব্যাখ্যা (বাচস্পতি বৈদ্য কৃত)

ইতি শ্রীবাচস্পতিবৈদ্যবিরচিতাযাং মাধবনিদানব্যাখ্যাযামাতঙ্কদর্পণাখ্যাযাং স্তনরোগনিদানম্||৬৬||