Adhikarana ১ (১-২) · Śloka ২
অথাতঃ প্রাসৃতযোগীযাং সিদ্ধিং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
अथातः प्रासृतयोगीयां सिद्धिं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
সম্প্রতি বস্তিব্যাপত্প্রশমকবস্ত্যভিধাযকতযৈব প্রাসৃতযোগীযা সিদ্ধিরুচ্যতে| প্রসৃতোপলক্ষিতা যে যোগাঃ তানধিকৃত্য কৃতা সিদ্ধিঃ; তেন প্রসৃতালক্ষিতা অপ্যত্র যোগা বক্তব্যা এব||১-২||
Adhikarana ২ (৩) · Śloka ৩
অথেমান্ সুকুমারাণাং নিরূহান্ স্নেহনান্ মৃদূন্| কর্মণা বিপ্লুতানাং চ বক্ষ্যামি প্রসৃতৈঃ পৃথক্||৩||
अथेमान् सुकुमाराणां निरूहान् स्नेहनान् मृदून्| कर्मणा विप्लुतानां च वक्ष्यामि प्रसृतैः पृथक्||३||
🔊 Audio coming soon
ইমানিতি অগ্রে বক্ষ্যমাণান্| তেনাধ্যাযশেষবক্তব্যানাং নাবশ্যং প্রসৃতোপলক্ষিতবিধানম্| সুকুমারাণামিতি তন্বাদিগুণসম্বদ্ধং ভবতি||৩||
Adhikarana ৩ (৪-৬) · Śloka ৬
ক্ষীরাদ্দ্বৌ প্রসৃতৌ কার্যৌ মধুতৈলঘৃতাত্ত্রযঃ| খজেন মথিতো বস্তির্বাতঘ্নো বলবর্ণকৃত্||৪|| একৈকঃ প্রসৃতস্তৈলপ্রসন্নাক্ষৌদ্রসর্পিষাম্| বিল্বাদিমূলক্বাথাদ্দ্বৌ কৌলত্থাদ্দ্বৌ স বাতনুত্||৫|| পঞ্চমূলরসাত্ পঞ্চ দ্বৌ তৈলাত্ ক্ষৌদ্রসর্পিষোঃ| একৈকঃ প্রসৃতো বস্তিঃ স্নেহনীযোঽনিলাপহঃ||৬||
क्षीराद्द्वौ प्रसृतौ कार्यौ मधुतैलघृतात्त्रयः| खजेन मथितो बस्तिर्वातघ्नो बलवर्णकृत्||४|| एकैकः प्रसृतस्तैलप्रसन्नाक्षौद्रसर्पिषाम्| बिल्वादिमूलक्वाथाद्द्वौ कौलत्थाद्द्वौ स वातनुत्||५|| पञ्चमूलरसात् पञ्च द्वौ तैलात् क्षौद्रसर्पिषोः| एकैकः प्रसृतो बस्तिः स्नेहनीयोऽनिलापहः||६||
🔊 Audio coming soon
প্রসৃতং পলদ্বযম্| মধুতৈলঘৃতাত্ত্রয ইতি মিলিতাত্| অত্র চ যথোক্তৈরেব দ্রব্যৈর্বস্তির্দেযঃ; তেন নেতরবস্তিন্যাযেনানুক্তকল্কাদিকল্পনা; যত্র নিযতমানদ্রব্যবিভাগেন বস্ত্যভিধানং, তত্র সামান্যবস্তিদ্রব্যমানানবকাশঃ; যত্র ত্বেকদেশকথনং, তত্র নিরূহযোগিতযোক্তদ্রব্যমানাধিকারঃ; সৈন্ধবপ্রবেশস্ত্বত্যাজ্য এব| বিল্বাদিমূলং দশমূলম্| স বাতনুদিতি স বস্তির্বাতং হন্তীতি||৪-৬||
Adhikarana ৪ (৭) · Śloka ৭
সৈন্ধবার্ধাক্ষ একৈকঃ ক্ষৌদ্রতৈলপযোঘৃতাত্| প্রসৃতো হপুষাকর্ষো নিরূহঃ শুক্রকৃত্ পরম্||৭||
सैन्धवार्धाक्ष एकैकः क्षौद्रतैलपयोघृतात्| प्रसृतो हपुषाकर्षो निरूहः शुक्रकृत् परम्||७||
🔊 Audio coming soon
হপুষাকর্ষঃ||৭||
Adhikarana ৫ (৮) · Śloka ৯
পটোলনিম্বভূনিম্বরাস্নাসপ্তচ্ছদাম্ভসঃ| চত্বারঃ প্রসৃতা একো ঘৃতাত্ সর্ষপকল্কিতঃ||৮|| নিরূহঃ পঞ্চতিক্তোঽযং মেহাভিষ্যন্দকুষ্ঠনুত্ |৯|
पटोलनिम्बभूनिम्बरास्नासप्तच्छदाम्भसः| चत्वारः प्रसृता एको घृतात् सर्षपकल्कितः||८|| निरूहः पञ्चतिक्तोऽयं मेहाभिष्यन्दकुष्ठनुत् |९|
🔊 Audio coming soon
পটোলেত্যাদৌ অম্ভসঃ ইতি ক্বাথাত্| সর্ষপকল্কিত ইতি অত্র যদ্যপি কল্কমানং নোক্তং, তথাঽপি দ্বাদশপ্রসৃতে নিরূহে দ্বিপলকল্কস্য বিহিতত্বাদিহ পঞ্চপ্রসৃতে তদনুসারাত্ ষড্ভাগোনং পলং ভবতি; এবমন্যত্রাপ্যনুক্তমানকল্কব্যবস্থা||৮||-
Adhikarana ৬ (১০) · Śloka ১০
বিডঙ্গত্রিফলাশিগ্রুফলমুস্তাখুপর্ণিজাত্||৯|| কষাযাত্ প্রসৃতাঃ পঞ্চ তৈলাদেকো বিমথ্য তান্| বিডঙ্গপিপ্পলীকল্কো নিরূহঃ ক্রিমিনাশনঃ||১০||
विडङ्गत्रिफलाशिग्रुफलमुस्ताखुपर्णिजात्||९|| कषायात् प्रसृताः पञ्च तैलादेको विमथ्य तान्| विडङ्गपिप्पलीकल्को निरूहः क्रिमिनाशनः||१०||
🔊 Audio coming soon
বিডঙ্গেত্যাদৌ ফলং মদনফলম্| আখুপর্ণী দন্তী||১০||
Adhikarana ৭ (১১-১২) · Śloka ১২
পযস্যেক্ষুস্থিরারাস্নাবিদারীক্ষৌদ্রসর্পিষাম্| একৈকঃ প্রসৃতো বস্তিঃ কৃষ্ণাকল্কো বৃষত্বকৃত্||১১|| চত্বারস্তৈলগোমূত্রদধিমণ্ডাম্লকাঞ্জিকাত্| প্রসৃতাঃ সর্ষপৈঃ কল্কৈর্বিট্সঙ্গানাহভেদনঃ ||১২||
पयस्येक्षुस्थिरारास्नाविदारीक्षौद्रसर्पिषाम्| एकैकः प्रसृतो बस्तिः कृष्णाकल्को वृषत्वकृत्||११|| चत्वारस्तैलगोमूत्रदधिमण्डाम्लकाञ्जिकात्| प्रसृताः सर्षपैः कल्कैर्विट्सङ्गानाहभेदनः ||१२||
🔊 Audio coming soon
পযস্যেত্যাদৌ যদ্যপি পযস্যাদীনাং ক্বাথো ন শ্রূযতে, তথাঽপি দ্রবান্তরৈঃ সমমেকৈকপ্রসৃতবিধানাত্ প্রত্যেকং পযস্যাদিক্বাথস্য প্রসৃতমানত্বম্| বৃষত্বকৃদিতি শুক্রবৃদ্ধিকৃত্||১১-১২||
Adhikarana ৮ (১৩-১৪) · Śloka ১৪
শ্বদংষ্ট্রাশ্মভিদেরণ্ডরসাত্তৈলাত্ সুরাসবাত্| প্রসৃতাঃ পঞ্চ যষ্ট্যাহ্বকৌন্তীমাগধিকাসিতাঃ||১৩|| কল্কঃ স্যান্মূত্রকৃচ্ছ্রে তু সানাহে বস্তিরুত্তমঃ| এতে সলবণাঃ কোষ্ণা নিরূহাঃ প্রসৃতৈর্নব||১৪||
श्वदंष्ट्राश्मभिदेरण्डरसात्तैलात् सुरासवात्| प्रसृताः पञ्च यष्ट्याह्वकौन्तीमागधिकासिताः||१३|| कल्कः स्यान्मूत्रकृच्छ्रे तु सानाहे बस्तिरुत्तमः| एते सलवणाः कोष्णा निरूहाः प्रसृतैर्नव||१४||
🔊 Audio coming soon
শ্বদংষ্ট্রেত্যাদৌ শ্বদংষ্ট্রাদিদ্রব্যত্রযক্বাথস্য প্রত্যেকং প্রসৃতমানত্বম্, এবং তৈলসুরাসবপ্রসৃতাভ্যাং সহ পঞ্চপ্রসৃতাঃ পূরণীযাঃ; সুরাকৃত আসবঃ সুরাসবঃ||১৩-১৪||
Adhikarana ৯ (১৫) · Śloka ১৫
মৃদুবস্তিজডীভূতে তীক্ষ্ণোঽন্যো বস্তিরিষ্যতে| তীক্ষ্ণৈর্বিকর্ষিতে স্বাদু প্রত্যাস্থাপনমিষ্যতে ||১৫||
मृदुबस्तिजडीभूते तीक्ष्णोऽन्यो बस्तिरिष्यते| तीक्ष्णैर्विकर्षिते स्वादु प्रत्यास्थापनमिष्यते ||१५||
🔊 Audio coming soon
এতদুক্তমৃদুবস্তিপ্রযোগানামন্তে কর্তব্যমাহ- মৃদ্বিত্যাদি| স্বাদু প্রত্যাস্থাপনমিষ্যত ইত্যত্র স্বাদু দ্রাক্ষাদিদ্রব্যকৃতম্| কেচিত্তদহরেব প্রত্যাস্থাপনমিচ্ছন্তি| আস্থাপনং লক্ষ্যীকৃত্য দীযত ইতি প্রত্যাস্থাপনম্||১৫||
Adhikarana ১০ (১৬-১৭) · Śloka ১৭
বাতোপসৃষ্টস্যোষ্ণৈঃ স্যুর্গুদদাহাদযো যদি| দ্রাক্ষাম্বুনা ত্রিবৃত্কল্কং দদ্যাদ্দোষানুলোমনম্||১৬|| তদ্ধি পিত্তশকৃদ্বাতান্ হৃত্বা দাহাদিকাঞ্জযেত্| শুদ্ধশ্চাপি পিবেচ্ছীতাং যবাগূং শর্করাযুতাম্||১৭||
वातोपसृष्टस्योष्णैः स्युर्गुददाहादयो यदि| द्राक्षाम्बुना त्रिवृत्कल्कं दद्याद्दोषानुलोमनम्||१६|| तद्धि पित्तशकृद्वातान् हृत्वा दाहादिकाञ्जयेत्| शुद्धश्चापि पिबेच्छीतां यवागूं शर्करायुताम्||१७||
🔊 Audio coming soon
বাতোপসৃষ্টস্যেত্যাদৌ উষ্ণৈরিতি বস্তিবিশেষণম্| দাহাদযো দাহমোহতৃডাদযো বাতপিত্তজন্যাঃ| দ্রাক্ষাম্বুনা ত্রিবৃত্পানস্য দাহাদিকারকে পিত্তে বাতে চ হিতত্বং দর্শযন্নাহ- তদ্ধীত্যাদি||১৬-১৭||
Adhikarana ১১ (১৮) · Śloka ১৮
অথবাঽতিবিরিক্তঃ স্যাত্ ক্ষীণবিট্কঃ স ভক্ষযেত্| মাষযূষেণ কুল্মাষান্ পিবেন্মধ্বথবা সুরাম্||১৮||
अथवाऽतिविरिक्तः स्यात् क्षीणविट्कः स भक्षयेत्| माषयूषेण कुल्माषान् पिबेन्मध्वथवा सुराम्||१८||
🔊 Audio coming soon
কুল্মাষা ইতি অর্ধস্বিন্নযবাদিমযা ভক্ষ্যাঃ||১৮||
Adhikarana ১২ (১৯) · Śloka ১৯
সামং চেত্ কুণপং শূলৈরুপবিশেদরোচকী| স ঘনাতিবিষাকুষ্ঠনতদারুবচাঃ পিবেত্||১৯||
सामं चेत् कुणपं शूलैरुपविशेदरोचकी| स घनातिविषाकुष्ठनतदारुवचाः पिबेत्||१९||
🔊 Audio coming soon
বস্তিমিথ্যাপ্রযোগোদীরিতানামতীসারভেদানাং চিকিত্সিতমাহ- সামং চেদিত্যাদি| সামং যথা স্যাত্ তথোপবিশেদিতি; তেন মলাদিব্যতিরিক্তামমাত্রোপবেশরূপোঽযমতীসারঃ কেবলামশকৃদ্বাতরক্তপিত্তকফজন্যানামিহ ষণ্ণামতীসারাণাং বক্তব্যানাং প্রথম উক্তো ভবতি| কুণপমিতি শবগন্ধম্| শূলৈঃ ‘যুক্ত’ ইতি শেষঃ| ঘনং মুস্তকম্||১৯||
Adhikarana ১৩ (২০) · Śloka ২০
শকৃদ্বাতমসৃক্ পিত্তং কফং বা যোঽতিসার্যতে| পক্বং , তত্র স্ববর্গীযৈর্বস্তিঃ শ্রেষ্ঠং ভিষগ্জিতম্||২০||
शकृद्वातमसृक् पित्तं कफं वा योऽतिसार्यते| पक्वं , तत्र स्ववर्गीयैर्बस्तिः श्रेष्ठं भिषग्जितम्||२०||
🔊 Audio coming soon
কেবলশকৃদাদিজন্যাংশ্চাতিসারানাহ- শকৃদ্বাতমিত্যাদি| পক্বমিতি নিরামম্| আমশব্দেনেহাগ্নিদৌর্বল্যাদবিপক্বাহাররস এব কোষ্ঠোপলেপক আমো গৃহ্যতে; যদুক্তমন্যত্র- “আমাশযস্থঃ কাযাগ্নের্দৌর্বল্যাদবিপাচিতঃ| আদ্য আহারধাতুর্যঃ স আম ইতি সঞ্জ্ঞিতঃ” ইতি| স্ববর্গীযৈরিতি পুরীষসঙ্গ্রহণবাতঘ্নশোণিতাস্থাপনপিত্তকফহরভেষজবর্গৈঃ; কিংবা উত্তরত্র প্রত্যেকং শকৃদাদিবক্ষ্যমাণভেষজৈঃ||২০||
Adhikarana ১৪ (২১) · Śloka ২১
ষণ্ণামেষাং দ্বিসংসর্গাত্ ত্রিংশদ্ভেদা ভবন্তি তু| কেবলৈঃ সহ ষট্ত্রিংশদ্বিদ্যাত্ সোপদ্রবানপি||২১||
षण्णामेषां द्विसंसर्गात् त्रिंशद्भेदा भवन्ति तु| केवलैः सह षट्त्रिंशद्विद्यात् सोपद्रवानपि||२१||
🔊 Audio coming soon
অতীসারভেদানাহ- ষণ্ণামিত্যাদি| এষামিতি এতদভিহিতানাম্| অন্যে তু বস্তিবিভ্রংশজাঃ ষট্সঙ্খ্যা ভবন্তীতি বদন্তি; পূর্বব্যাখ্যানমেব সাধু||২১||
Adhikarana ১৫ (২২) · Śloka ২২
শূলপ্রবাহিকাধ্মানপরিকর্ত্যরুচিজ্বরান্| তৃষ্ণোষ্ণদাহমূর্চ্ছাদীংশ্চৈষাং বিদ্যাদুপদ্রবান্||২২||
शूलप्रवाहिकाध्मानपरिकर्त्यरुचिज्वरान्| तृष्णोष्णदाहमूर्च्छादींश्चैषां विद्यादुपद्रवान्||२२||
🔊 Audio coming soon
উপদ্রবানেষামাহ- শূলেত্যাদি||২২||
Adhikarana ১৬ (২৩) · Śloka ২৩
তত্রামেঽন্তরপানং স্যাত্ ব্যোষাম্ললবণৈর্যুতম্| পাচনং শস্যতে বস্তিরামে হি প্রতিষিধ্যতে||২৩||
तत्रामेऽन्तरपानं स्यात् व्योषाम्ललवणैर्युतम्| पाचनं शस्यते बस्तिरामे हि प्रतिषिध्यते||२३||
🔊 Audio coming soon
যথোক্তাতীসারেষু চিকিত্সামাহ- তত্রামে ইত্যাদি| অন্তরপানং পাচনমাহুঃ| পাচনমিত্যনেন চেহ পূর্বং ‘স ঘনাতিবিষা’ ইত্যাদ্যুক্তং পাচনং গৃহ্যতে| ব্যোষাম্ললবণৈর্যুতমিতি ব্যোষাম্ললবণযোগেন কৃতম্||২৩||
Adhikarana ১৭ (২৪) · Śloka ২৪
বাতঘ্নৈর্গ্রাহিবর্গীযৈর্বস্তিঃ শকৃতি শস্যতে|২৪|
वातघ्नैर्ग्राहिवर्गीयैर्बस्तिः शकृति शस्यते|२४|
🔊 Audio coming soon
বাতঘ্নৈরিত্যাদৌ বাতঘ্নং দশমূলং; গ্রাহিবর্গশ্চ ষড্বিরেচনশতাশ্রিতীযোক্ত এব| অত্র জতূকর্ণঃ- “শকৃতি শোফঘ্নগ্রাহিভির্বস্তিঃ” ইত্যাহ; শোফঘ্নং চ দশমূলমেব|২৪|
Adhikarana ১৮ (২৪) · Śloka ২৪
স্বাদ্বম্ললবণৈঃ শস্তঃ স্নেহবস্তিঃ সমীরণে||২৪||
स्वाद्वम्ललवणैः शस्तः स्नेहबस्तिः समीरणे||२४||
🔊 Audio coming soon
স্বাদ্বম্ললবণৈঃ শস্তঃ স্নেহবস্তিরিতি স্বাদ্বম্ললবণদ্রব্যসাধিতস্নেহকৃতমনুবাসনমিত্যর্থঃ| সমীরণে ইতি কেবলবাতাতীসারে||২৪||
Adhikarana ১৯ (২৫) · Śloka ২৫
রক্তে রক্তেন, পিত্তে তু কষাযস্বাদুতিক্তকৈঃ| সার্যমাণে কফে বস্তিঃ কষাযকটুতিক্তকৈঃ||২৫||
रक्ते रक्तेन, पित्ते तु कषायस्वादुतिक्तकैः| सार्यमाणे कफे बस्तिः कषायकटुतिक्तकैः||२५||
🔊 Audio coming soon
রক্তে রক্তেনেতি সরক্তেঽতীসার্যমাণে রক্তেন বস্তির্দেযঃ| পিত্তে ত্বিতি পিত্তেঽতীসার্যমাণে কষাযাদিকৃতো বস্তিরেব||২৫||
Adhikarana ২০ (২৬-৩৩) · Śloka ৩৩
শকৃতা বাযুনা বাঽঽমে তেন বর্চস্যথানিলে| সংসৃষ্টেঽন্তরপানং স্যাদ্ ব্যোষাম্ললবণৈর্যুতম্||২৬|| পিত্তেনামেঽসৃজা বাঽপি তযোরামেন বা পুনঃ| সংসৃষ্টযোর্ভবেত্ পানং সব্যোষস্বাদুতিক্তকম্||২৭|| তথাঽঽমে কফসংসৃষ্টে কষাযব্যোষতিক্তকম্| আমেন তু কফে ব্যোষকষাযলবণৈর্যুতম্||২৮|| বাতেন বিশি পিত্তে বা বিট্পিত্তাভ্যাং তথাঽনিলে| মধুরাম্লকষাযঃ স্যাত্ সংসৃষ্টে বস্তিরুত্তমঃ||২৯|| শকৃচ্ছোণিতযোঃ পিত্তশকৃতো রক্তপিত্তযোঃ| বস্তিরন্যোন্যসংসর্গে কষাযস্বাদুতিক্তকঃ||৩০|| কফেন বিশি পিত্তে বা কফে বিট্পিত্তশোণিতৈঃ| ব্যোষতিক্তকষাযঃ স্যাত্ সংসৃষ্টে বস্তিরুত্তমঃ||৩১|| স্যাদ্বস্তির্ব্যোষতিক্তাম্লঃ সংসৃষ্টে বাযুনা কফে| মধুরব্যোষতিক্তস্তু রক্তে কফবিমূর্চ্ছিতে||৩২|| মারুতে কফসংসৃষ্টে ব্যোষাম্ললবণো ভবেত্| বস্তির্বাতেন পিত্তে তু কার্যঃ স্বাদ্বম্লতিক্তকঃ||৩৩||
शकृता वायुना वाऽऽमे तेन वर्चस्यथानिले| संसृष्टेऽन्तरपानं स्याद् व्योषाम्ललवणैर्युतम्||२६|| पित्तेनामेऽसृजा वाऽपि तयोरामेन वा पुनः| संसृष्टयोर्भवेत् पानं सव्योषस्वादुतिक्तकम्||२७|| तथाऽऽमे कफसंसृष्टे कषायव्योषतिक्तकम्| आमेन तु कफे व्योषकषायलवणैर्युतम्||२८|| वातेन विशि पित्ते वा विट्पित्ताभ्यां तथाऽनिले| मधुराम्लकषायः स्यात् संसृष्टे बस्तिरुत्तमः||२९|| शकृच्छोणितयोः पित्तशकृतो रक्तपित्तयोः| बस्तिरन्योन्यसंसर्गे कषायस्वादुतिक्तकः||३०|| कफेन विशि पित्ते वा कफे विट्पित्तशोणितैः| व्योषतिक्तकषायः स्यात् संसृष्टे बस्तिरुत्तमः||३१|| स्याद्बस्तिर्व्योषतिक्ताम्लः संसृष्टे वायुना कफे| मधुरव्योषतिक्तस्तु रक्ते कफविमूर्च्छिते||३२|| मारुते कफसंसृष्टे व्योषाम्ललवणो भवेत्| बस्तिर्वातेन पित्ते तु कार्यः स्वाद्वम्लतिक्तकः||३३||
🔊 Audio coming soon
সংসর্গে চিকিত্সামাহ- শকৃতেত্যাদি| শকৃতাঽঽমে প্রধানে সংসৃষ্টে, তথা বাযুনা বাঽঽমে সংসৃষ্টে; তেনেত্যামেনাপ্রধানেন বর্চসি অনিলে চ পৃথক্ সংসৃষ্টে, অত্র তেনেতি পূর্ববদ্ব্যাখ্যেযম্| অত্র সংসৃষ্টেষু তৃতীযানির্দিষ্টমল্পমানতযাঽপ্রধানং, সপ্তমীনির্দিষ্টং বহুমানত্বাত্ প্রধানং জ্ঞেযম্| তযোরিতি পিত্তাসৃজোঃ| সংসৃষ্টযোরিতি একমানেন যুক্তযোঃ| কফে ব্যোষকষাযলবণৈর্যুতমিত্যন্তং যাবত্ ‘অন্তরপানং’ ইত্যনুবর্ততে| বাতেন বিশীত্যাদৌ মধুরাম্লকষাযো বস্তিরিতি মধুরাদিদ্রব্যক্বাথাদিকৃতো বস্তির্দেয ইত্যর্থঃ| শকৃচ্ছোণিতযোরিত্যাদৌ অন্যোন্যসংসর্গে সতি শকৃতা শোণিতে শোণিতেন বা শকৃতি সংসৃষ্টে; এবং পিত্তশকৃতোঃ রক্তপিত্তযোশ্চ দ্বিবিধঃ সংসর্গো ব্যাখ্যেযঃ| বিট্পিত্তশোণিতৈরিতি প্রত্যেকং বিডাদিভিঃ কফে সংসৃষ্টে| কফবিমূর্চ্ছিতে ইতি কফেনাপ্রধানেন সংসৃষ্টে ইত্যর্থঃ||২৬-৩৩||
Adhikarana ২১ (৩৪) · Śloka ৩৪
ত্রিচতুঃপঞ্চসংসর্গানেবমেব বিকল্পযেত্| যুক্তিশ্চৈষাতিসারোক্তা সর্বরোগেষ্বপি স্মৃতা||৩৪||
त्रिचतुःपञ्चसंसर्गानेवमेव विकल्पयेत्| युक्तिश्चैषातिसारोक्ता सर्वरोगेष्वपि स्मृता||३४||
🔊 Audio coming soon
অনুক্তসংসর্গচিকিত্সাং সূত্রযন্নাহ- ত্রিচতুরিত্যাদি| ত্রিচতুঃপঞ্চসংসর্গানিতি আমাদীনাং ত্রিক-চতুষ্ক-পঞ্চকরূপান্ সংসর্গান্| এবমেব বিকল্পযেদিতি প্রধানাদিমেলকেন বিকল্পযেত্, তথা ভেষজমপি তেষাং যথোক্তভেষজানুসারেণ কল্পযেদিত্যর্থঃ| এতে চ ভেদা লিখ্যমানা অতিবহুপ্রভেদতযা গ্রন্থগৌরবমাপাদযন্তি, স্বযং চ বুদ্ধিমতা সুকরবিভাগা এবেতি ন লিখ্যন্তে| এবমাদিসংসর্গকৃতং রোগভেদমন্যত্রাপি বুদ্ধ্যা কর্তব্যতযাঽতিদিশন্নাহ- সর্বরোগেষ্বপি স্মৃতেতি| ইযং ব্যবস্থা সর্বরোগেষ্বেবযথাসম্ভবমাচার্যানুমতেত্যর্থঃ| তত্র গ্রহণীগদে যত্র তু ষডপ্যামাদযঃ সম্ভবন্তি, তত্রৈবং সংসর্গাঃ প্রকল্প্যন্তে; যত্র চ ত্রযোদোষাঃ সম্ভবন্তি, শোণিতেন বা সমং চত্বারঃ, তত্র তেষামেব পরস্পরসংসর্গো ভেষজবিভাগার্থং কল্পনীযঃ||৩৪||
Adhikarana ২২ (৩৫) · Śloka ৩৫
যুগপত্ ষড্রসং ষণ্ণাং সংসর্গে পাচনং ভবেত্ | নিরামাণাং তু পঞ্চানাং বস্তিঃ ষাড্রসিকো মতঃ||৩৫||
युगपत् षड्रसं षण्णां संसर्गे पाचनं भवेत् | निरामाणां तु पञ्चानां बस्तिः षाड्रसिको मतः||३५||
🔊 Audio coming soon
আমাদিষট্কসমুদযরূপসংসর্গে কার্যমাহ- যুগপদিত্যাদি| যুগপদিতি একদৈব মিলিতানাং ষণ্ণামিতি যাবত্| ষড্রসমিতি মিলিতষড্রসকৃতম্| নিরামাণামিতি আমবর্জিতানাং শকৃদাদীনাং পঞ্চানাম্| ষাড্রসিক ইতি ষড্রসমেলকেন কৃতঃ||৩৫||
Adhikarana ২৩ (৩৬-৪২) · Śloka ৪২
উদুম্বরশলাটূনি জম্ব্বাম্রোদুম্বরত্বচঃ| শঙ্খং সর্জরসং লাক্ষাং কর্দমং চ পলাংশিকম্||৩৬|| পিষ্ট্বা তৈঃ সর্পিষঃ প্রস্থং ক্ষীরদ্বিগুণিতং পচেত্| অতীসারেষু সর্বেষু পেযমেতদ্যথাবলম্||৩৭|| কচ্ছুরাধাতকীবিল্বসমঙ্গারক্তশালিভিঃ| মসূরাশ্বত্থশুঙ্গৈশ্চ যবাগূঃ স্যাজ্জলে শৃতৈঃ||৩৮|| বালোদুম্বরকট্বঙ্গসমঙ্গাপ্লক্ষপল্লবৈঃ | মসূরধাতকীপুষ্পবলাভিশ্চ তথা ভবেত্||৩৯|| স্থিরাদীনাং বলাদীনামিক্ষ্বাদীনামথাপি বা| ক্বাথেষু সমসূরাণাং যবাগ্বঃ স্যুঃ পৃথক্ পৃথক্||৪০|| কচ্ছুরামূলশাল্যাদিতণ্ডুলৈরুপসাধিতাঃ| দধিতক্রারনালাম্লক্ষীরেষ্বিক্ষুরসেঽপি বা||৪১|| শীতাঃ সশর্করাক্ষৌদ্রাঃ সর্বাতিসারনাশনাঃ| সসর্পির্মরিচাজাজ্যো মধুরা লবণাঃ শিবাঃ||৪২||
उदुम्बरशलाटूनि जम्ब्वाम्रोदुम्बरत्वचः| शङ्खं सर्जरसं लाक्षां कर्दमं च पलांशिकम्||३६|| पिष्ट्वा तैः सर्पिषः प्रस्थं क्षीरद्विगुणितं पचेत्| अतीसारेषु सर्वेषु पेयमेतद्यथाबलम्||३७|| कच्छुराधातकीबिल्वसमङ्गारक्तशालिभिः| मसूराश्वत्थशुङ्गैश्च यवागूः स्याज्जले शृतैः||३८|| बालोदुम्बरकट्वङ्गसमङ्गाप्लक्षपल्लवैः | मसूरधातकीपुष्पबलाभिश्च तथा भवेत्||३९|| स्थिरादीनां बलादीनामिक्ष्वादीनामथापि वा| क्वाथेषु समसूराणां यवाग्वः स्युः पृथक् पृथक्||४०|| कच्छुरामूलशाल्यादितण्डुलैरुपसाधिताः| दधितक्रारनालाम्लक्षीरेष्विक्षुरसेऽपि वा||४१|| शीताः सशर्कराक्षौद्राः सर्वातिसारनाशनाः| ससर्पिर्मरिचाजाज्यो मधुरा लवणाः शिवाः||४२||
🔊 Audio coming soon
সর্বাতীসারসাধারণং ভেষজমাহ- উদুম্বরেত্যাদি| ‘রক্তশালিভিঃ’ ইত্যত্র ‘রক্তমূলিভিঃ’ ইতি পাঠে ‘রক্তমূলী রক্তৈরণ্ডম্’ ইত্যপরে| জলে শৃতৈরিতি ষডঙ্গবিধানেন জলে শৃতৈঃ| বালোদুম্বরম্ উদুম্বরশলাটু| ভবেদিতি যবাগূর্ভবেত্| ইক্ষ্বাদীনামিতি তৃণপঞ্চমূলপঠিতানাং শরবর্জিতানামিক্ষুকুশকাশশালিমূলানাম্| শাল্যাদিতণ্ডুলৈরিতি রক্তশালিকলমাদিতণ্ডুলৈঃ| দধ্যাদিভিরত্র জলস্থানীযৈর্যবাগূঃ সাধনীযা||৩৬-৪২||
Adhikarana ২৪ (৪৩-৪৫) · Śloka ৪৫
ভবন্তি চাত্র শ্লোকাঃ- স্নিগ্ধাম্ললবণমধুরং পানং বস্তিশ্চ মারুতে কোষ্ণঃ| শীতং তিক্তকষাযং মধুরং পিত্তে চ রক্তে চ||৪৩|| তিক্তোষ্ণকষাযকটুশ্লেষ্মণি সঙ্গ্রাহি বাতনুচ্ছকৃতি| পাচনমামে পানং পিচ্ছাসৃগ্বস্তযো রক্তে||৪৪|| অতিসারং প্রত্যুক্তং মিশ্রং দ্বন্দ্বাদিযোগজেষ্বপি চ| তত্রোদ্রেকবিশেষাদ্দোষেষূপক্রমঃ কার্যঃ||৪৫||
भवन्ति चात्र श्लोकाः- स्निग्धाम्ललवणमधुरं पानं बस्तिश्च मारुते कोष्णः| शीतं तिक्तकषायं मधुरं पित्ते च रक्ते च||४३|| तिक्तोष्णकषायकटुश्लेष्मणि सङ्ग्राहि वातनुच्छकृति| पाचनमामे पानं पिच्छासृग्बस्तयो रक्ते||४४|| अतिसारं प्रत्युक्तं मिश्रं द्वन्द्वादियोगजेष्वपि च| तत्रोद्रेकविशेषाद्दोषेषूपक्रमः कार्यः||४५||
🔊 Audio coming soon
প্রপঞ্চোক্তং ভেষজং সঙ্গ্রহেণাভিদধাতি- ভবন্তি চাত্রেত্যাদি| পানমিতি পাচনপানম্| বস্তিশ্চেতি স্নিগ্ধাম্ললবণমধুর এব বস্তিঃ| মারুতে ইতি মারুতাতিসারে; এবমন্যত্রাপি পিত্তে ইত্যাদৌ পিত্তাদিজাতিসারে ইতি জ্ঞেযম্| সঙ্গ্রাহি বাতনুদিত্যত্র ‘ভেষজং’ ইতি শেষঃ; তচ্চ ভেষজং যথোক্তবস্ত্যাদিরূপমেব| পাচনমামে পানমিতি পাচনঘনাতিবিষাদিদ্রব্যকৃতং পানমিত্যর্থঃ| পিচ্ছাবস্তযোঽসৃগ্বস্তযশ্চেতি পিচ্ছাসৃগ্বস্তযঃ| উক্তমিতি সাক্ষাদতিদেশেন চ ত্রিকাদিসংসর্গে প্রোক্তম্| মিশ্রমিতি এতদেব প্রত্যেকং মিশ্রীকৃতম্| দ্বন্দ্বাদিযোগজেষ্বিতি ত্রিচতুষ্কাদিসংসর্গজেঽতিসারে| তত্রোদ্রেকাদিবিশেষাদিতি সংসর্গ এব বলাবলবিশেষাদুপক্রমস্যাপি বিশেষো ভবতি| এতদেব বলাপেক্ষং বহুদুর্বলাঽপ্রত্যনীকং বস্ত্যেকভেষজমিতি শেষঃ(?)||৪৩-৪৫||
Adhikarana ২৫ (৪৬) · Śloka ৪৬
তত্র শ্লোকঃ- প্রাসৃতিকাঃ সব্যাপত্ক্রিযা নিরূহাস্তথাঽতিসারহিতাঃ| রসকল্পঘৃতযবাগ্বশ্চোক্তা গুরুণা প্রসৃতসিদ্ধৌ||৪৬||
तत्र श्लोकः- प्रासृतिकाः सव्यापत्क्रिया निरूहास्तथाऽतिसारहिताः| रसकल्पघृतयवाग्वश्चोक्ता गुरुणा प्रसृतसिद्धौ||४६||
🔊 Audio coming soon
প্রাসৃতিকা ইত্যাদ্যধ্যাযার্থসঙ্গ্রহঃ| সব্যাপত্ক্রিযা ইতি ব্যাপদশ্চ মৃদুবস্তিকৃতজাড্যাদিকা উক্তাঃ, তথা ক্রিযাশ্চ তাসামেব ব্যাপদামুক্তাঃ| নিরূহাশ্চাতিসারচিকিত্সিতে প্রোক্তাঃ| রসকল্পশ্চাতীসারেষু রসোদ্দেশচিকিত্সযা কৃতঃ| ঘৃতং চোদুম্বরেত্যাদিনোক্তম্||৪৬||
Adhikarana পুষ্পিকা · Śloka ৮
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে সিদ্ধিস্থানে প্রাসৃতযোগীযসিদ্ধির্নামাষ্টমোঽধ্যাযঃ ||৮||
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते सिद्धिस्थाने प्रासृतयोगीयसिद्धिर्नामाष्टमोऽध्यायः ||८||
🔊 Audio coming soon
ইতি শ্রীচক্রপাণিদত্তপ্রণীতাযামাযুর্বেদদীপিকাযাং চরকতাত্পর্যটীকাযাং সিদ্ধিস্থানে প্রাসৃতযোগীযসিদ্ধির্নামাষ্টমোঽধ্যাযঃ||৮||