১১. বর্ত্মরোগবিজ্ঞানীযঃ

শশিলেক ব্যাখ্যা (ইন্দু কৃত)

নিজহেতুত্বাদুক্তশিষ্টত্বাত্ কাযচিকিত্সাঙবূতত্বাচ্চোর্ধ্বাঙ্গচিকিত্সাযা অবসরস্তত্রাপি চক্ষুষঃ প্রাধান্যাত্তস্যৈব বর্ত্মসন্ধিসিতাসিতদৃষ্টিক্রমেণ নির্ণযঃ ক্রিযতে| তত্র তাবদ্বর্ত্মরোগাণাং হেত্বাদিপ্রদর্শনাধ্যায আরভ্যতে| বর্ত্ম নেত্রপুটম্||১||

শশিলেক ব্যাখ্যা (ইন্দু কৃত)

সর্বরোগেত্যাদিনাসামান্যেনাক্ষিরোগাণাং নিদানং সম্প্রপ্তিশ্ছোচ্যতে| সর্বরোগনিদানে যান্যহিতান্যুক্তানি তৈর্বিশেষেণ চাচক্ষুষ্যৈর্মলা বাতাদযঃ কুপিতাঃ সিরাভিশ্ছ যথাস্বং কোষ্ঠাদূর্ধ্বং শিরঃপ্রসৃতা বর্ত্মাদিকং চ নেত্রস্যাবযবং সর্বমেব বা নেত্রমাশ্রিতা রোগান্ নানাবিধান্ কুর্যুঃ| কিম্ভূতা আহ| প্রাযো বাহুল্যেন দোষাঃ পিত্তানুসারিণঃ পিত্তপ্রধানাঃ| প্রাযো নেত্রযো রোগকরা ইত্যর্থঃ||২||

শশিলেক ব্যাখ্যা (ইন্দু কৃত)

তত্রৈবংস্থিতে চলো বাযুঃ প্রধানো বর্ত্মাশ্রযাঃ সিরাঃ প্রাপ্য সুপ্তোত্থিতস্য তত্কালত্যক্তনিদ্রস্য পুংসো বর্ত্মস্তম্ভাদিকং কুরুতে| তস্য চ রোগস্য বিমর্দনাচ্ছমঃ স্যাত্| তং রোগবিশেষমাচার্যা নাম্না কৃচ্ছ্রোন্মীলমিতি বদন্তি||৩||

শশিলেক ব্যাখ্যা (ইন্দু কৃত)

বাযুঃ ক্রুদ্ধো বর্ত্মনী চালযন্ মুহুর্নিমিষোন্মেষণং করোতি| অরুগিতি বিনা রুজম্| অসৌ রোগো নিমেষাখ্যঃ||৪||

শশিলেক ব্যাখ্যা (ইন্দু কৃত)

যত্তু বর্ত্ম বাযুনা নিমীল্যতে ন কদাচিদুন্মীল্যতে তদ্বর্ত্ম নাম্না বাতহতমুচ্যতে| কিম্ভূতং বর্ত্মাহ| বিমুক্তসন্ধি বিস্রস্তবন্ধনম্| নিশ্ছেষ্টং হীনং চ||৫||

শশিলেক ব্যাখ্যা (ইন্দু কৃত)

অন্তর্বত্ম বর্ত্মনোঽন্তর্ভাগে পিত্তেন কৃষ্ণাঃ পিটিকা ভবন্তি| যা ভিন্নাঃ কুম্ভীকবীজবত্ কুমুদতণ্ডুলবত্ পুনরাধ্মাযন্তে পরিপূর্বন্তে| তাঃ পিটকাঃ কুম্ভিনাম্ন্যঃ||৬||

শশিলেক ব্যাখ্যা (ইন্দু কৃত)

পিত্তেন সদাহাদিগুণং বর্ত্ম জাযতে ভবতি| তদ্বর্ত্ম নাম্না পিত্তোত্ক্লিষ্টমুশন্তি||৭||

শশিলেক ব্যাখ্যা (ইন্দু কৃত)

পক্ষ্মান্তমাশ্রিতং পিত্তং কণ্ডূবাদিকং করোতি তং রোগমাচার্যা নাম্না পক্ষ্মশাতমিতি বদন্তি||৮||

শশিলেক ব্যাখ্যা (ইন্দু কৃত)

শ্বেতা আকৃত্যা চ সর্ষপসদৃশা ঘনাঃ সংহতাঃ শোফাদিসমন্বিতাশ্ছ পিটকাঃ কফাদ্ভেতোর্ভবন্তি| তাশ্ছ পিটাকাঃ কফাদ্ভেতোর্ভবন্তি| তা নাম্না পোথক্য ইত্যুচ্যন্তে||৯||

শশিলেক ব্যাখ্যা (ইন্দু কৃত)

স্তম্ভাদিমদ্বর্ত্ম ভবেত্ কফাদিতি প্রকরণাত্| তদ্বর্ত্ম নাম্না কফোত্ক্লিষ্টমিত্যুচ্যতে||১০||

শশিলেক ব্যাখ্যা (ইন্দু কৃত)

কফোদ্ভেতোঃ কোলমাত্রো বদরমাত্রস্ততো বা কোলাত্ কিঞ্চিদল্পঃ পাণ্ড্বাদিগুণো গ্রন্থির্নাম্না লগণ ইত্যুচ্যতে||১১||

শশিলেক ব্যাখ্যা (ইন্দু কৃত)

রক্তেন বাতাদিদুষ্টেন রক্তা লোহিতবদ্রক্তবর্ণা পিটকা ভবতি| তত্তুল্যাভিঃ প্রধানসদৃশাভিরন্যাভিঃ পিটকাভিরাচিতা কৃতসঞ্চযা সা পিটকা নাম্নোত্সঙ্গেত্যুচ্যতে ||১২||

শশিলেক ব্যাখ্যা (ইন্দু কৃত)

তথেতি রক্তেনোত্ক্লিষ্টন্নাম বর্ত্ম তত্তদ্রাজিমত্ স্পর্শনাক্ষমঞ্চ||১৩||

শশিলেক ব্যাখ্যা (ইন্দু কৃত)

রক্তেনাসৃজা বর্ত্মান্তর্বর্ত্মনোঽন্তভাগে রক্তং লোহিতমধিমাংসং ভবতি স্তব্ধাদিগুণকমিত্যধিমাংসমর্ম ইতি নাম্নোচ্যতে||১৪||

শশিলেক ব্যাখ্যা (ইন্দু কৃত)

অসৃজা রক্তেন বর্ত্মনোঽন্তে বা মধ্যে বা কণ্ডূবাদিমতী স্থিরা মুদ্গপ্রমাণা তাম্রবর্ণ চ যা পিটকা ভবতি সা নাম্না অঞ্জননামিকেত্যুচ্যতে ||১৫||

শশিলেক ব্যাখ্যা (ইন্দু কৃত)

দোষৈস্ত্রিভির্যদ্বর্ত্ম বহিঃ শূনমন্তঃ সূক্ষ্মচ্ছিদ্রং সস্রাবমন্তরুদকং যস্মিন্ বিসে তত্সদৃশং ভবতি তদ্বর্ত্ম নাম্না বিসবর্ত্ম ইত্যুচ্যতে||১৬||

শশিলেক ব্যাখ্যা (ইন্দু কৃত)

রক্তস্য দোষত্রযস্য চ মিশ্রীভাবেন তেষামুত্ক্লেশাদ্ধেতোর্যদ্বর্ত্ম পুনরুত্ক্লিষ্টং স্বযমেব পুনর্ম্লানতামিযাত্ কিঞ্চিত্পারে শোষং গচ্ছতি তদ্বর্ত্ম নাম্নোত্ক্লিষ্টবর্ত্মেত্যুচ্যতে||১৭||

শশিলেক ব্যাখ্যা (ইন্দু কৃত)

সাস্রৈঃ সরক্তৈর্মলৈর্বাতাদিভিস্ত্রিভির্মিশ্রীভূতৈঃ শ্যাবং বর্ণেন রুগাদিযুক্তং চ যদ্বর্ত্ম ভবতি তন্নাম্না শ্যাববর্ত্মোচ্যতে||১৮||

শশিলেক ব্যাখ্যা (ইন্দু কৃত)

সাস্রৈরেব চ মলৈর্বর্ত্মনী দ্বে কণ্ডূবাদিত্রযযুক্তে পরস্পরশ্লিষ্টে চ ভবতঃ তদ্বর্ত্ম শ্লিষ্টাখ্যমুচ্যতে||১৯||

শশিলেক ব্যাখ্যা (ইন্দু কৃত)

বর্ত্মনোঽন্তর্ভাগে রূক্ষত্বাদিগুণাঃ পিটকা ভবন্তি তদ্বর্ত্ম নাম্না সিকতাবর্ত্মোচ্যতে||২০||

শশিলেক ব্যাখ্যা (ইন্দু কৃত)

কৃষ্ণং কর্দমসদৃশং মার্দবেন যদ্বর্ত্ম তন্নাম্না কর্দমমুচ্যতে||২১||

শশিলেক ব্যাখ্যা (ইন্দু কৃত)

যদ্বর্ত্ম সমৈর্বহলৈর্ঘনৈর্মাংসৈশ্ছীযতে তন্নাম্না বহলমিত্যুচ্যতে||২২||

শশিলেক ব্যাখ্যা (ইন্দু কৃত)

দন্তোদ্ভবতো যো বর্ত্মরোগঃ শিশোরেব ভবতি স নাম্না কুকূণকঃ তেনোচ্ছোওনাদিরূপাক্ষঃ শিশুঃ স্যাত্|| ২৩||

শশিলেক ব্যাখ্যা (ইন্দু কৃত)

পক্ষ্মোপরোধনাম্নি রোগে বর্ত্মনোঃ সঙ্কোচো জাযতে তথা রোম্ণামপি বর্ত্মভবানাং সঙ্কোচঃ খরতান্তর্মুখত্বঞ্চ জাযতে| অন্যানি বা রোমাণি জাযন্তে| তৈশ্ছ রোমভিস্তীক্ষ্ণাগ্রৈঃ কণ্টকসদৃষৈর্ঘৃষ্টং সদক্ষি শূযতে| ঊষ্যতে সদাহং ভবতি অনিলাদিস্পর্শং চ দ্বেষ্টি| তৈশ্ছ রোমভিরুদ্ধৃতৈরপনীতৈরল্পাহং স্তোকানি দিনানি রুজশ্শান্তির্ভবতি পুনস্তথৈব ভবতি||২৪||

শশিলেক ব্যাখ্যা (ইন্দু কৃত)

কনীনকে নাসানিকটে নেত্রান্তে বহির্বর্ত্মনো বহির্ভাগে কঠিনত্বাদিগুণো গ্রন্থির্ভবতি মুহুরাধ্মাযতেঽর্থান্মুহুঃ স্রবতি স গ্রন্থির্নাম্না অলজীত্যুচ্যতে||২৫||

শশিলেক ব্যাখ্যা (ইন্দু কৃত)

সাস্রৈঃ রক্তমিশ্রৈর্বাতাদিভির্মাংসপিণ্ডসদৃশঃ শ্বযথুঃ স্যাত্| স চ যদান্তর্বর্ত্ম ভবতি তদা গ্রথিতঃ কঠিনোঽরুজশ্ছ ভবতি| যদা তু বহির্বর্ত্ম তদা চলো ভবতি| স উভযোরপি শ্বযথুরর্বুদ ইতি নাম্নোচ্যতে||২৬||

শশিলেক ব্যাখ্যা (ইন্দু কৃত)

এতে অনন্তরোক্তা বর্ত্মাশ্রযা ব্যাধযঃ কৃচ্ছ্রোন্মীল, নিমেষ, বাতহত, কুম্ভি, পিত্তোত্ক্লিষ্ট, পক্ষ্মশাত, পোথকী, কফোত্ক্লিষ্ট, লগণ, উত্সঙ্গ, রক্তোত্ক্লিষ্ট, অর্শ, অঞ্জননামিকা, বিসবর্ত্ম, উত্ক্লিষ্টবর্ত্ম, শ্যাববর্ত্ম, সিকতা, কর্দম, বহল, কুকূণক, পক্ষ্মোপরোধ, অলজী, অর্বুদাখ্যাশ্ছতুর্বিংশতিরীত্যুক্তাঃ||২৭||

শশিলেক ব্যাখ্যা (ইন্দু কৃত)

অত্র চতুর্বিংশতাবাদ্যঃ কৃচ্ছ্রোন্মীলাখ্যো ভেষজৈর্বক্ষ্যমাণৈঃ সাধ্যঃ তদনন্তরো নিমিষবাতহতাখ্যাবর্শআখ্যশ্ছ ত্রয ইতি বর্জযেত্| পক্ষ্মোপরোধো যাপ্যঃ| শেষাননুক্তান্ শস্ত্রৈরোষধৈশ্ছ যথাযোগ্যং জযেত্||২৮||

শশিলেক ব্যাখ্যা (ইন্দু কৃত)

অত্রৈবেষাং চিকিত্সা সূত্র্যতে সুখাববোধায-কুট্টযেদিত্যাদি| তেষ্পবি শেষেষু পক্ষ্মশতনং বক্ষ্যমাণাপ্রকারেণ কুট্টযেত্| অর্বুদং ছিন্দ্যাত্| অলজ্যন্তং ভিন্দ্যাত্| পোত্থক্যাদিকং বিলিখেদিতি| ইতি শ্রীমন্মহামহোপাধ্যযেন্দুবিরচিতাযা- মষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে একাদশোঽধ্যাযঃ