Adhikarana অথ গ্রন্থ্যর্বুদশ্লীপদাপচীনাডীবিজ্ঞানীযো নাম চতুস্ত্রিংশোঽধ্যাযঃ - প্রতিজ্ঞা (১) · Śloka ১
অথাতো গ্রন্থ্যর্বুদশ্লীপদাপচীনাডীবিজ্ঞানীযং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो ग्रन्थ्यर्बुदश्लीपदापचीनाडीविज्ञानीयं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
শশিলেক ব্যাখ্যা (ইন্দু কৃত)
ব্রণবিচারপ্রসঙ্গে গ্রন্থ্যাদীনাং হেত্বাদিকং প্রদর্শযিতুমধ্যায আরভ্যতে||১||
Adhikarana গ্রন্থিনিদানং নিরুক্তিশ্চ (২) · Śloka ২
কফপ্রধানাঃ কুর্বন্তি মেদোমাংসাস্রগামলাঃ| বৃত্তোন্নতং তং শ্বযথুং স গ্রন্থির্গ্রথনাত্ স্মৃতঃ||২||
कफप्रधानाः कुर्वन्ति मेदोमांसास्रगामलाः| वृत्तोन्नतं तं श्वयथुं स ग्रन्थिर्ग्रथनात् स्मृतः||२||
🔊 Audio coming soon
শশিলেক ব্যাখ্যা (ইন্দু কৃত)
গ্রন্থিরিতি কিমুচ্যত ইত্যাহ-কফপ্রধানা ইত্যাদি| শ্লেষ্ম প্রধানা মলাস্ত্রযো দোষা মেদঃপ্রভৃতীর্গত্বা পরিবতুলমুন্নতঞ্চ যং শ্বযথুং কুর্বন্তি স শ্বযথুর্গ্রথনাত্মকত্বাত্ গ্রন্থিরিতি স্মৃতঃ||২||
Adhikarana গ্রন্থেঃ সঙ্খ্যাসম্প্রাপ্তিঃ (৩) · Śloka ৩
দোষাসৃঙ্হ্মাংসমেদোঽস্থিসিরাব্রণভবা নব| তে||৩||
दोषासृङ्ह्मांसमेदोऽस्थिसिराव्रणभवा नव| ते||३||
🔊 Audio coming soon
শশিলেক ব্যাখ্যা (ইন্দু কৃত)
ত্রিভির্দোষৈরস্রাদিভিশ্চ ষড্ভিস্তে গ্রন্থযো নব ভবন্তি||৩||
Adhikarana বাতগ্রন্থিলক্ষণম্ (৪) · Śloka ৪
অত্র বাতাদাযামতোদভেদান্বিতোঽসিতঃ| স্থানাত্স্থানান্তরগতিরকস্মাদ্ধানিবৃদ্ধিমান্| মৃদুর্বস্তিরিবানদ্ধো বিভিন্নোচ্ছং স্রবত্যসৃক্||৪||
अत्र वातादायामतोदभेदान्वितोऽसितः| स्थानात्स्थानान्तरगतिरकस्माद्धानिवृद्धिमान्| मृदुर्बस्तिरिवानद्धो विभिन्नोच्छं स्रवत्यसृक्||४||
🔊 Audio coming soon
শশিলেক ব্যাখ্যা (ইন্দু কৃত)
স্থিতেঽপি সম্প্রাপ্তৌ কফপ্রাধান্যে আযামাদিকং বিভেদে চাঽচ্ছাসৃক্ স্রাবান্তং বাতগ্রন্থিলিঙ্গম্| অকস্মাদকরণাদ্ধানিমান্ বৃদ্ধিমাংশ্চ||৪||
Adhikarana পিত্তগ্রন্থিলক্ষণম্ (৫) · Śloka ৫
পিত্তাত্ সদাহপীতাভো রক্তো বা পচ্যতে দ্রুতম্| ভিন্নোঽস্রমুষ্ণং স্রবতি||৫||
पित्तात् सदाहपीताभो रक्तो वा पच्यते द्रुतम्| भिन्नोऽस्रमुष्णं स्रवति||५||
🔊 Audio coming soon
শশিলেক ব্যাখ্যা (ইন্দু কৃত)
সদাহাদিভেদ উষ্ণাস্রস্রাবান্তং পিত্তগ্রন্থৌ| বাশব্দঃ পীতরক্তযোর্বিকল্পার্থঃ||৫||
Adhikarana শ্লেষ্মগ্রন্থিলক্ষণম্ (৬) · Śloka ৬
শ্লেষ্মণা নীরুজো ঘনঃ| শীতঃ সবর্ণঃ কণ্ডূমান্ পক্বঃ পূযং স্রবেদ্ ঘনম্||৬||
श्लेष्मणा नीरुजो घनः| शीतः सवर्णः कण्डूमान् पक्वः पूयं स्रवेद् घनम्||६||
🔊 Audio coming soon
শশিলেক ব্যাখ্যা (ইন্দু কৃত)
নীরুজত্বাদিকং ঘনপূযস্রাবান্তং কফগ্রন্থৌ| সবর্ণো দেহসমানবর্ণঃ||৬||
Adhikarana রক্তজগ্রন্থিলক্ষণম্ (৭) · Śloka ৭
দোষৈর্দুষ্টেঽসৃজি গ্রন্থির্ভবেন্মূর্চ্ছত্সু জন্তুষু| সিরামাংসঞ্চ সংশ্রিত্য সস্বাপঃ পৈত্তলক্ষণঃ||৭||
दोषैर्दुष्टेऽसृजि ग्रन्थिर्भवेन्मूर्च्छत्सु जन्तुषु| सिरामांसञ्च संश्रित्य सस्वापः पैत्तलक्षणः||७||
🔊 Audio coming soon
শশিলেক ব্যাখ্যা (ইন্দু কৃত)
দোষৈর্বাতাদিভিরসৃজি রক্তে দুষ্টে জন্তুষু কৃমিষু মূর্চ্ছত্সূচ্ছ্রাযমাপ্নুবত্সু সিরা মাংসং চ তযোরন্যতরমুভযং বা সংশ্রিত্য স্বাপযুক্তো গ্রন্থির্ভবেত্| তস্য পিত্তগ্রন্থিবল্লিঙ্গম্| দোষৈর্দুষ্ট ইতি বিশেষণং রক্তস্য দোষতাশঙ্কনিরাসায||৭||
Adhikarana মাংসগ্রন্থিলক্ষণম্ (৮) · Śloka ৮
মাংসলৈর্দূষিতং মাংসমাহারৈর্গ্রন্থিমাবহেত্| স্নিগ্ধং মহান্তং কঠিনং সিরানদ্ধং কফাকৃতিম্||৮||
मांसलैर्दूषितं मांसमाहारैर्ग्रन्थिमावहेत्| स्निग्धं महान्तं कठिनं सिरानद्धं कफाकृतिम्||८||
🔊 Audio coming soon
শশিলেক ব্যাখ্যা (ইন্দু কৃত)
মাংসলৈরাহারৈর্মাসং দূষিতং স্নিগ্ধত্বাদিগুণং কফগ্রন্থিলিঙ্গং গ্রন্থিমাবহেত্| (মাংসলৈর্মাংসবর্ধনৈরাহারৈঃ ক্রব্যাদপ্রসহমাংসাদ্যুপেতৈরত্রৈর্দূষিতং কৃতদূষণং মাংসং স্নিগ্ধং স্নেহদিগ্ধপ্রতিমং মহান্তং পীবরং কঠিনং কঠিনস্পর্শং সিরানদ্ধং সিরাভিরাচিতং কফাকৃতিং কফগ্রন্থিলিঙ্গং গ্রন্থিং কুর্যাত্| মাংসকফযোরাধারাধেযত্বেনাকৃতিসাম্যেসিদ্ধে পুনরপি তত্সাম্যকথনমত্রানুক্তানাং নীরুজত্বাদীনাং গ্রহণার্থম্| উভযত্রোক্তানাং নিবিডত্বাদীনামতিশযগ্রহণার্থং চ)||৮||
Adhikarana মেদোগ্রন্থিলক্ষণম্ (৯) · Śloka ৯
প্রবৃদ্ধং মেদুরৈর্মেদো নীতং মাংসেঽথ বা ত্বচি| বাযুনা কুরুতে গ্রন্থিং ভৃশং স্নিগ্ধং মৃদুং চলম্| শ্লেষ্মতুল্যাকৃতিং দেহক্ষযবৃদ্ধিক্ষযোদযম্| স বিভিন্নো ঘনং মেদস্তাম্রাসিতসিতং স্রবেত্||৯||
प्रवृद्धं मेदुरैर्मेदो नीतं मांसेऽथ वा त्वचि| वायुना कुरुते ग्रन्थिं भृशं स्निग्धं मृदुं चलम्| श्लेष्मतुल्याकृतिं देहक्षयवृद्धिक्षयोदयम्| स विभिन्नो घनं मेदस्ताम्रासितसितं स्रवेत्||९||
🔊 Audio coming soon
শশিলেক ব্যাখ্যা (ইন্দু কৃত)
মেদুরৈরাহারবিহারৈঃ প্রবৃদ্ধং মেদো বাযুনা মাংসে ত্বচি বা নীতং ভৃশং স্নিগ্ধত্বাদিগুণং শ্লেষ্মগ্রন্থিতুল্যলিঙ্গং গ্রন্থিং কুরুতে| পুনঃ কিম্ভূতং গ্রন্থিমাহ-দেহক্ষযবৃদ্ধিক্ষযোদযং যদা দেহস্য কেনচিত্ কারণেনাপচযো ভবতি তদা তস্যাঽপ্যপচযঃ যদা তু দেহস্য বৃদ্ধিস্তদা তস্যাঽপ্যুপচযঃ| স চ মেদোগ্রন্থিবিভিন্নঃ সন্ ঘনত্বাদিগুণং মেদঃ স্রবেত্| (মেদুরৈর্মেদোবৃদ্ধিকরৈরাহারবিহারৈঃ প্রবৃদ্ধমতিশযেন বৃদ্ধিঙ্গতং তেন রুদ্ধাবকাশতযাকুপিতেন ন বাযুনা মাংসত্বচোরন্যতরং নীতং মেদঃ ভৃশমতিশযেন স্নিগ্ধমরূক্ষং মৃদুং মার্দবযুক্তং চলমস্থিরং, ভৃশশব্দশ্চলান্তৈঃ সংযুজ্যতে| স বিভিন্নঃ পক্বভিন্নঃ ঘনং নিবিডং তাম্রাদ্যন্যতমবর্ণং মেদঃ স্রবেত্| মেদঃ শব্দেন পূযস্যান্যাদৃশত্বং সূচিতম্| উক্তঞ্চ ধন্বন্তরিণা-'মেদঃ কৃতে প্রস্রবতি প্রভিন্নে পিণ্যাককল্কপ্রতিমন্তু পূযমি'তি)||৯||
Adhikarana অস্থিগ্রন্থিলক্ষণম্ (১০) · Śloka ১০
অস্থিভঙ্গাভিঘাতাভ্যামুন্নতাবনতং তু যত্| সোঽস্থিগ্রন্থিঃ||১০||
अस्थिभङ्गाभिघाताभ्यामुन्नतावनतं तु यत्| सोऽस्थिग्रन्थिः||१०||
🔊 Audio coming soon
শশিলেক ব্যাখ্যা (ইন্দু কৃত)
ভঙ্গেন বাঽভিঘাতেন বা যদস্থ্যুন্ন্তং বাঽবনতং বা সোঽস্থি গ্রন্থির্নাম্না ভবতি| (যদস্থি তু ভঙ্গাদভিঘাতাদ্বা হেতোরুন্নতমবনতং বা ভবতি| তুশব্দেন ভঙ্গাভিঘাতাভ্যাং বিনা সহজযোরপ্যুন্নতাবনতযোরস্থ্নোর্গ্রন্থিকরত্বং সূচিতম্| ভঙ্গাদুন্নতমভিঘাতাদবনতিমিতি যথাক্রমং বেতি কেচিত্| স এবংবিধঃ সোঽস্থিগ্রন্থির্নাম্না ভবতি| অবনতস্যাপি গ্রন্থিসংজ্ঞাকথনাদুন্নতাবনতযোরস্থ্নোঃ পুনর্গ্রন্থিরূপেণ বৃদ্ধির্ভবতীতি সূচিতম্) ||১০||
Adhikarana সিরাগ্রন্থিলক্ষণম্ (১১) · Śloka ১১
পদাতেস্তু সহসাঽম্ভোঽবগাহনাত্| ব্যাযামাদ্বা প্রতান্তস্য সিরাজালং সশোণিতম্| বাযুঃ সম্পীড্য সঙ্কোচ্য বক্রীকৃত্য বিশোষ্য চ| নিস্ফুরং নীরুজং গ্রন্থিং কুরুতে স সিরাহ্বযঃ||১১||
पदातेस्तु सहसाऽम्भोऽवगाहनात्| व्यायामाद्वा प्रतान्तस्य सिराजालं सशोणितम्| वायुः सम्पीड्य सङ्कोच्य वक्रीकृत्य विशोष्य च| निस्फुरं नीरुजं ग्रन्थिं कुरुते स सिराह्वयः||११||
🔊 Audio coming soon
শশিলেক ব্যাখ্যা (ইন্দু কৃত)
পদাতেস্ত্বিত্যাদিনা সিরাগ্রন্থিঃ| সুবোধম্| (পদাতের্বাহনেন বিনা মাড়্গগমনং কুর্বতো, ব্যাযামাত্ কাযক্লেশজননকর্মণা প্রতান্তস্য প্রকর্ষেণ তান্তস্যাবসন্নস্য বাশব্দস্তযোর্বিকল্পার্থঃ| সহসা আশ্বেবাম্ভোবগাহনাজ্জলে নিমজ্জনাত্তুর্বিশেষে স্নানান্নতাপহানিরপি তু সমীরেণ কোপ ইতি বিশেষঃ| কুপিত ইত্যর্থাদ্গম্যতে| কুপিতো বাযুঃ সশোণিতং শোণিতোপেতং সিরাজালং সিরাসমূহং জালাকারাঃ সিরা বা রক্তবাহিন্য ইত্যর্থঃ| নিষ্পীড্য সঙ্কোচ্য সঙ্কুঞ্চনাত্ সুষিরসংবৃতিমাপাদ্য বক্রীকৃত্যানৃজুত্বমুত্পাদ্য বিশোষ্য সংবৃতমার্গতযা রক্তস্য বহনাভাবাচ্ছোষযিত্বা নিস্ফুরং স্ফুরণরহিতং রুজারহিতঞ্চ গ্রন্থিং কুর্যাত্, স সিরাহ্বযঃ সিরাগ্রন্থিসংজ্ঞঃ| শাস্ত্রান্তরোক্তযোঃ সস্ফুরসরুজযোর্গ্রহণার্থশ্চশব্দঃ| ধন্বন্তরিণাপ্যুক্তম্ - গ্রন্থিঃ সিরাজঃ স তু কৃচ্ছ্রসাধ্যো ভবেদ্যদি স্যাত্সরুজশ্চলশ্চ| তত্রারুজশ্চাপ্যচলো মহাংশ্চ মর্মোত্থিতশ্চাপি বিবর্জনীযঃ|| ইতি)||১১||
Adhikarana ব্রণগ্রন্থিলক্ষণম্ (১২) · Śloka ১২
অরূঢে রূঢমাত্রে বা ব্রণে সর্বরসাশিনঃ| সার্দ্রে বা বন্ধরহিতে গাত্রেঽশ্মাভিহতেঽথ বা| বাতোঽস্রমস্রুতং দুষ্টং সংশোষ্য গ্রথিতং ব্রণম্| কুর্যাত্ সদাহঃ কণ্ডূমান্ ব্রণগ্রন্থিরযং স্মৃতঃ||১২||
अरूढे रूढमात्रे वा व्रणे सर्वरसाशिनः| सार्द्रे वा बन्धरहिते गात्रेऽश्माभिहतेऽथ वा| वातोऽस्रमस्रुतं दुष्टं संशोष्य ग्रथितं व्रणम्| कुर्यात् सदाहः कण्डूमान् व्रणग्रन्थिरयं स्मृतः||१२||
🔊 Audio coming soon
শশিলেক ব্যাখ্যা (ইন্দু কৃত)
অরূঢে ব্রণে মধুরাদিসর্বরসাশিনঃ পুংসো রূঢমাত্রে বা অচিরপ্ররূঢ এবংবিধস্যাথবা সার্দ্রে নবে ব্রণে বন্ধরহিতে অশ্মনা বাভিহতে গাত্রে বাযুরস্রুতং দুষ্টমস্রং সংশোষ্য গ্রথিতং ব্রণং কুর্যাত্| দাহাদিযুক্তোঽযং ব্রণগ্রন্থিরিতি স্মৃতঃ| (ব্রণে অরূঢে ঈষদ্রূঢে রোহণসময ইত্যর্থঃ| রূঢমাত্রে রূঢপ্রাযে রূঢানন্তরমেবেত্যর্থঃ| বাশব্দো বিকল্পার্থঃ| সর্বরসাশিনঃ ব্রণবিরুদ্ধাম্লাদিরসনিষেবিণঃ অপথ্যসেবিনঃ ইত্যর্থঃ| সার্দ্রে নবে ব্রণে বন্ধরহিতে অবদ্ধে বা অথবা গাত্রে শরীরে অশ্মাদিহতে আদিশব্দেন কাষ্ঠলোহাদিপরিগ্রহঃ| বাতঃ বিকারকরণাদেবাস্য বিকৃতিরুহ্যা| কুপিতো বাযুরিত্যর্থঃ| অস্রুতমনির্গতং অত এব দুষ্টং স্বস্থানাচ্চলিতস্যাস্রুতিরেব দুষ্টিহেতুঃ| অস্রং রক্তং সংশোষ্য শোষযিত্বা গ্রথিতং কঠিনং ব্রণং কুর্যাত্)||১২||
Adhikarana সাধ্যাসাধ্যবিভাগঃ (১৩) · Śloka ১৩
সাধ্যা দোষাস্রমেদোজা ন তু স্থূলখরাশ্চলাঃ| মর্মকণ্ঠোদরস্থাশ্চ||১৩||
साध्या दोषास्रमेदोजा न तु स्थूलखराश्चलाः| मर्मकण्ठोदरस्थाश्च||१३||
🔊 Audio coming soon
শশিলেক ব্যাখ্যা (ইন্দু কৃত)
এভ্যো দোষাস্রমেদোজাঃ পঞ্চ সাধ্যাঃ| এত এব স্থূলত্বাদিগুণা মর্মাদিস্থাশ্চ ন সাধ্যা ইতি সম্বন্ধঃ| ইত্যুক্তা নবগ্রন্থযঃ| (স্থূলাঃ খরাশ্চ স্থূলখরাঃ, স্থূলা মহান্তঃ খরাঃ খরস্পর্শাঃ, চলানি পীডনাত্ স্থানান্তরযাযিনঃ| তুর্বিশেষে অত্র সাধ্যেষ্বপ্যেবংবিধানামসাধ্যত্বং বিশেষঃ| মর্মাদিজাশ্চ ন সাধ্যাঃ, তেষামভেদ্যত্বাত্| চশব্দঃ সমুচ্চযে| অনুক্তানামন্যেষাং চিকিত্সাকথনাদ্যাপ্যত্বং সূচিতম্| অনুক্তসাধনত্বাদস্থিগ্রন্থেরসাধ্যত্বঞ্চ)||১৩||
Adhikarana অর্বুদস্য সামান্যস্বরূপম্ (১৪) · Śloka ১৪
ংঅহত্তু গ্রন্থিতোঽর্বুদম্||১৪||
ंअहत्तु ग्रन्थितोऽर्बुदम्||१४||
🔊 Audio coming soon
শশিলেক ব্যাখ্যা (ইন্দু কৃত)
(গ্রন্থেঃ স্বরূপমুক্ত্বাঽনন্তরং গ্রথনসাধর্ম্যাদর্বুদস্য স্বরূপং দর্শযতি)| যস্তু গ্রন্থির্মহান্ গ্রথিতশ্চ সোঽর্বুদং ভবেত্| (অর্বুদাখ্যো রোগঃ| তুশব্দেন কারণসাম্যেঽপি গ্রন্থ্যর্বুদযোরর্বুদস্য দোষাস্রমাংসমেদো গ্রন্থিতোঽপি রুগাদীনামত্যল্পত্বং সূচিতম্)||১৪||
Adhikarana অতিদেশেন লক্ষণনির্দেশঃ (১৫) · Śloka ১৫
তল্লক্ষণং চ মেদোঽন্তৈঃ ষোঢা দোষাদিভিস্তু তত্| প্রাযো মেদঃ কফাঢ্যত্বাত্ স্থিরত্বাচ্চ ন পচ্যতে||১৫||
तल्लक्षणं च मेदोऽन्तैः षोढा दोषादिभिस्तु तत्| प्रायो मेदः कफाढ्यत्वात् स्थिरत्वाच्च न पच्यते||१५||
🔊 Audio coming soon
শশিলেক ব্যাখ্যা (ইন্দু কৃত)
তস্যর্বুদস্য লক্ষণং গ্রন্থিপঠিতৈর্মেদোঽন্তৈর্দোষাদিভিঃ ষোঢা| অনেনাস্থিসিরাব্রণজানাং প্রতিষেধঃ| এতচ্চার্বুদং মেদঃকফাঢ্যত্বাত্ স্থিরত্বাচ্চ হেতোঃ প্রাযো ন পচ্যতে||১৫||
Adhikarana শোণিতার্বুদস্য বিশেষলক্ষণম্ (১৬) · Śloka ১৬
সিরাস্থং শোণিতং দোষঃ সঙ্কোচ্যানুপ্রপীড্য চ| পাচযেচ্চ তদানদ্ধং সাঽস্রাবং মাংসপিণ্ডিতম্| মাংসাঙ্কুরৈশ্চিতং যাতি বৃদ্ধিং চাশু স্রবেত্ততঃ| অজস্রং দুষ্টরুধিরং ভূরি তচ্ছোণিতার্বুদম্||১৬||
सिरास्थं शोणितं दोषः सङ्कोच्यानुप्रपीड्य च| पाचयेच्च तदानद्धं साऽस्रावं मांसपिण्डितम्| मांसाङ्कुरैश्चितं याति वृद्धिं चाशु स्रवेत्ततः| अजस्रं दुष्टरुधिरं भूरि तच्छोणितार्बुदम्||१६||
🔊 Audio coming soon
শশিলেক ব্যাখ্যা (ইন্দু কৃত)
শোণিতার্বুদস্য বিশেষলক্ষণত্বাত্তল্লক্ষণমাহসিরাস্থমিত্যাদি| দোষো বাতাদিঃ কুপিতঃ সিরাস্থং শোণিতং সঙ্কোচ্যানুপ্রপীড্য চ তচ্ছোণিতং পাচযেত্| তচ্চানদ্ধত্বাদিযুক্তমাশু বৃদ্ধিং যাতি| ততো বৃদ্ধং সদজস্রমাবিচ্ছেদেন ভূরি প্রভূতং দুষ্টরুধিরং স্রবেত্| এতচ্ছোণিতার্বুদমুচ্যতে| (দোষো বাতাদ্যন্যতমঃ সিরাস্থিতং রক্তং সঙ্কোচ্যৈকত্র পুঞ্জীকৃত্যান্বনন্তরং প্রপীড্য পীডযিত্বা| চশব্দঃ সমুচ্চযে| তত্স্থেনাগ্নিনা মাংসত্বাপাদনায পাচযেচ্চ| আনদ্ধমন্তঃ পূরিতশোণিতত্বাদানাহযুক্তং সাস্রাবমাস্রাবযুক্তং মাংসপিণ্ডিতং মাংসপিণ্ডাকারেণ সঞ্জাতং তচ্ছোণিতার্বুদং মংসাঙ্কুরাকারৈর্মাংসৈর্বহুশিখরৈরিত্যর্থঃ| চিতং ব্যাপ্তমাশু শীঘ্রং বৃদ্ধিং যাতি| ততোঽনন্তরং দুষ্টরুধিরং দুষ্টরক্তং অজস্রমনবরতং ভূরি প্রভূতং স্রবেত্| তচ্ছোণিতার্বুদসংজ্ঞা ভবতি)||১৬||
Adhikarana অর্বুদানাং সাধ্যাসাধ্যবিভাগঃ (১৭) · Śloka ১৭
তেষ্বসৃঙ্মাংসজে বর্জ্যে চত্বার্যন্যানি সাধযেত্||১৭||
तेष्वसृङ्मांसजे वर्ज्ये चत्वार्यन्यानि साधयेत्||१७||
🔊 Audio coming soon
শশিলেক ব্যাখ্যা (ইন্দু কৃত)
তেষু ষতস্বর্বুদেষ্বসৃঙ্মাংসজে দ্বে বর্জ্যে| অন্যানি চত্বারি দোষ মেদোভবানি সাধযেত্| ইত্যুর্বুদানি||১৭||
Adhikarana শ্লীপদলক্ষণম্ (১৮) · Śloka ১৮
প্রস্থিতা বঙ্ক্ষণোর্বাদিমধঃ কাযং কফোল্বণাঃ| দোষা মাংসাস্রগাঃ পাদৌ কালেনাশ্রিত্য কুর্বতে| শনৈঃ শনৈর্ঘনং শোফং শ্লীপদং তং প্রচক্ষতে||১৮||
प्रस्थिता वङ्क्षणोर्वादिमधः कायं कफोल्बणाः| दोषा मांसास्रगाः पादौ कालेनाश्रित्य कुर्वते| शनैः शनैर्घनं शोफं श्लीपदं तं प्रचक्षते||१८||
🔊 Audio coming soon
শশিলেক ব্যাখ্যা (ইন্দু কৃত)
(অর্বুদলক্ষণমুক্ত্বাঽনন্তরং কফাধিক্যসাম্যাচ্ছ্লীপদলিঙ্গমাহ|) কফোল্বণা দোষা বাতাদযো বঙ্ক্ষণাদিকমধঃকাযং প্রস্থিতা মাংসমস্রং চাশ্রিতাঃ কালেন পাদাবাশ্রিত্য শনৈঃ শনৈর্ঘনং শোফং কুর্বতে| তং নাম্না শ্লীপদং প্রচক্ষতে| (দোষা বাতাদযঃ কফোল্বণা উদ্রিক্তকফঃ কফোল্বণত্বং শাস্ত্রান্তরেষ্বপ্যুক্তম্ ত্রীণ্যপ্যেতানি জানীযাচ্ছ্লীপদানি কফোচ্ছ্রযাত্| গুরুত্বং চ মহত্বং চ যস্মান্নাস্তি কফং বিনা|| ইতি| মাংসাস্রগা মাংসং রক্তঞ্চ প্রাপ্তাঃ বঙ্ক্ষণোর্বাদি অত্রাদিশব্দেন জঙ্ঘাগুল্ফাদিপরিগ্রহঃ| অধঃকাযং কাযাধোভাগং প্রস্থিতাঃ প্রাপ্তা ইত্যর্থঃ| প্রস্থিতা ইত্যুক্তত্বাদ্দোষাণাং কফোল্বণতযোর্ধ্বাঙ্গাদধঃ কাযং প্রতি পুনঃ পুনঃ প্রস্থানস্যাঽনিবৃত্তিঃ সূচিতা| কালেন কালান্তরেণ পাদৌ প্রপদে আশ্রিত্য প্রাপ্য শনৈঃ শনৈর্মন্দং মন্দং ঘনং নিবিডং শোফং কুর্বতে| তং শোফং শ্লীপদমিতি বদন্ত্যাচার্যা ইতি শেষঃ)||১৮||
Adhikarana বাতজশ্লীপদলক্ষণম্ (১৯) · Śloka ১৯
পরিপোটযুতং কৃষ্ণমনিমিত্তরুজং খরম্| রূক্ষং চ বাতাত্||১৯||
परिपोटयुतं कृष्णमनिमित्तरुजं खरम्| रूक्षं च वातात्||१९||
🔊 Audio coming soon
শশিলেক ব্যাখ্যা (ইন্দু কৃত)
(তস্য শ্লীপদস্য বাতাদিভেদেন বিশেষলক্ষণং দর্শযতি|) পরিপোটযুতত্বাদিকং বাতাচ্ছ্লীপদে লক্ষণম্| (বাতাজ্জাতং শ্লীপদং পরিপোটেন যুতং কৃষ্ণং কৃষ্ণবর্ণমনিমিত্তরুজং নিমিত্তমন্তরেণ জাতযা রুজযা যুক্তং, খরং খরস্পর্শং রূক্ষমস্নিগ্ধং, চঃ সমুচ্চযে) ||১৯||
Adhikarana পিত্তজশ্লীপদলক্ষণম্ (২০) · Śloka ২০
পিত্তাত্তু পীতং দাহজ্বরান্বিতম্||২০||
पित्तात्तु पीतं दाहज्वरान्वितम्||२०||
🔊 Audio coming soon
শশিলেক ব্যাখ্যা (ইন্দু কৃত)
পীতত্বাদিকং পিত্তাত্| (পিত্তাজ্জাতং শ্লীপদং, তুশব্দো বিশেষদ্যোতকঃ| পীতং পীতবর্ণং দাহজ্বরান্বিতং দাহজ্বরাভ্যাং যুক্তং দাহাদিজ্বরযুক্তং বা)||২০||
Adhikarana কফজশ্লীপদলক্ষণম্ (২১) · Śloka ২১
কফাদ্গুরুস্নিগ্ধমরুক্চিতং মাংসাঙ্কুরৈর্বৃহত্||২১||
कफाद्गुरुस्निग्धमरुक्चितं मांसाङ्कुरैर्बृहत्||२१||
🔊 Audio coming soon
শশিলেক ব্যাখ্যা (ইন্দু কৃত)
গুরুত্বাদিকং কফাত্| (কফাজ্জাতং শ্লীপদং গুরুত্বাদিযুক্তং মাংসাঙ্কুরৈরঙ্কুরাকারৈর্মাংসশকলৈশ্চিতং ব্যাপ্তং বৃহত্পীবরম্)||২১||
Adhikarana অসাধ্যশ্লীপদলক্ষণম্ (২২) · Śloka ২২
তত্ত্যজেদ্বত্সরাতীতং সুমহত্সপরিস্রুতিঃ||২২||
तत्त्यजेद्वत्सरातीतं सुमहत्सपरिस्रुतिः||२२||
🔊 Audio coming soon
শশিলেক ব্যাখ্যা (ইন্দু কৃত)
তচ্চ শ্লীপদং বত্সরাতীতত্বাদিগুণং ত্যজেত্| (বত্সরাতীতমতিক্রান্তসংবত্সরং সুমহদতিশযেন পীনং সপরিস্রুতিঃ পরিস্রুত্যুপেতং, পরিস্রুতিঃ পিচ্ছিলজলস্রবণং তচ্ছ্লীপদং ত্যজেদসাধ্যত্বন্নচিকিত্সেত্)||২২||
Adhikarana শ্লীপদবিষযে মতান্তরম্ (২৩) · Śloka ২৩
পাণিনা সৌষ্ঠকর্ণেষু বদন্ত্যন্যে তু পাদবত্| শ্লীপদং||২৩||
पाणिना सौष्ठकर्णेषु वदन्त्यन्ये तु पादवत्| श्लीपदं||२३||
🔊 Audio coming soon
শশিলেক ব্যাখ্যা (ইন্দু কৃত)
একে আচার্যাঃ পাদবত্ পাণ্যাদিষ্বপি শ্লীপদং জাযত ইতি বদন্তি| (অন্যে আচার্যাঃ, তুশব্দো বিশেষে, পাদবত্ পাদে যথা শ্লীপদং জাযতে তথা পাণিনা সৌষ্ঠকর্ণেষু পাণ্যোর্নাসাযামোষ্ঠযোঃ কর্ণযোশ্চ শ্লীপদং জাযত ইতি বদন্তি| উক্তঞ্চ তন্ত্রান্তরে পাদবদ্ধস্তযোশ্চাপি শ্লীপদং জাযতে নৃণাম্| কর্ণৌষ্ঠনাসাস্বপি চ কেচিদিচ্ছন্তি তদ্বিদঃ|| ইতি| অন্যে ইতি পাক্ষিকোত্তযা পাণ্যাদিজানাং বিরলত্বং সূচিতম্)||২৩||
Adhikarana শ্লীপদহেতুঃ (২৪) · Śloka ২৪
জাযতে তচ্চ দেশেঽনূপে ভৃশং ভ্রমাত্||২৪||
जायते तच्च देशेऽनूपे भृशं भ्रमात्||२४||
🔊 Audio coming soon
শশিলেক ব্যাখ্যা (ইন্দু কৃত)
তচ্চ শ্লীপদং ভৃশমানূপদেশে ভ্রমাত্ সঞ্চরণাত্ জাযতে| ইতি শ্লীপদম্| (তচ্ছ্লীপদং আনূপে জলপ্রাযে দেশে ভৃশং ভ্রমাদনবরতং চংক্রমণাত্ চশব্দাত্তত্তুল্যেষ্বন্যেষ্বপি| উক্তঞ্চ শাস্ত্রান্তরে পুরাণোদকভূযিষ্ঠাঃ সর্বর্তুষু চ শীতলাঃ| যে দেশাস্তেষু জাযন্তে শ্লীপদানি বিশেষতঃ|| ইতি)||২৪||
Adhikarana অপচীনিদানম্ (২৫) · Śloka ২৫
মেদস্থাঃ কণ্ঠমন্যাক্ষকক্ষবঙ্ক্ষণগা মলাঃ| সবর্ণান্ কঠিনান্স্নিগ্ধান্বার্তাকামলকাকৃতীন্| অবগাঢান্ বহন্ গণ্ডাংশ্চিরপাকাংশ্চ কুর্বতে| পচ্যন্তেঽল্পরুজস্তেঽন্যে স্রবন্ত্যন্যেঽতিকণ্ডুরাঃ| নশ্যন্ত্যন্যে ভবন্ত্যন্যে দীর্ঘকালানুবন্ধিনঃ| গণ্ডমালাপচী চেযং দূর্বেব ক্ষযবৃদ্ধিভাক্| তাং ত্যজেত্সজ্বরচ্ছর্দিপার্শ্বরুক্কাসপীনসাম্||২৫||
मेदस्थाः कण्ठमन्याक्षकक्षवङ्क्षणगा मलाः| सवर्णान् कठिनान्स्निग्धान्वार्ताकामलकाकृतीन्| अवगाढान् बहन् गण्डांश्चिरपाकांश्च कुर्वते| पच्यन्तेऽल्परुजस्तेऽन्ये स्रवन्त्यन्येऽतिकण्डुराः| नश्यन्त्यन्ये भवन्त्यन्ये दीर्घकालानुबन्धिनः| गण्डमालापची चेयं दूर्वेव क्षयवृद्धिभाक्| तां त्यजेत्सज्वरच्छर्दिपार्श्वरुक्कासपीनसाम्||२५||
🔊 Audio coming soon
শশিলেক ব্যাখ্যা (ইন্দু কৃত)
অপাকিশ্লীপদমুক্ত্বাঽনন্তরমনাশুপাকিত্বেন কিঞ্চিত্সাম্যাদপচীং ব্রূতে-মেদস্থা ইত্যাদি| মেদ আশ্রিত্য কণ্ঠাদিষু গতা মলা বাতাদযঃ সবর্ণত্বাদিগুণান্ বার্ত্তাকৈরামলকৈশ্চ সদৃশানবগাঢানন্তর্মূলাশ্চিরপাকাংশ্চ বহূন্ গণ্ডান্ কুর্বতে| ত ইতি গণ্ডাঃ অন্যে কেচিদল্পরুজঃ পচ্যন্তে| অন্যে অতিকণ্ডুরাঃ স্রবন্তি| অন্যে নশ্যন্তি অন্যে ভবন্তি দীর্ঘকালানুবন্ধিনঃ| অযং রোগো নাম্না গণ্ডমালেত্যপচীতি চোচ্যতে| ইযং চ গণ্ডমালা দূর্বাপ্রতানবত্ ক্বচিত্ ক্ষযভাগ্ভবতি ক্বচিদ্ বৃদ্ধিভাক্| তাঞ্চ সজ্বরাদিকাং ত্যজেত্| ইত্যুক্তাপচী| (মলা বাতাদযো মেদস্থা মেদসি স্থিতাঃ কণ্ঠমন্যাক্ষকক্ষবঙ্ক্ষণগাঃ কণ্ঠাদিকং প্রাপ্তাঃ সবর্ণান্ কায সমানবর্ণান্ কঠিনান্ কাঠিন্যযুক্তান্ কাঠিন্যযুক্থান্ স্নিগ্ধান্ বার্তাকামলকাকৃতীন্ বার্তাকামলকপ্রমাণান্ আবগাঢানন্তর্মূলান্ চিরপাকান্ চিরকালেন পাকো যেষাং তান্, চশব্দঃ সমুচ্চযে, বহূন্ বহুসংখ্যাকান্ গণ্ডান্ পিটকাবিশেষান্ কুর্বতে| তে গণ্ডাঃ অন্যে কেচিদল্পরুজ ঈষদ্রুজাযুক্তাঃ পচ্যন্তে পাকং যান্তি| কর্মকর্তরি রূপম্| অন্যে পক্ত্বা অতিকণ্ডুরা অত্যর্থং কণ্ডুযুক্তাঃ স্রবন্তি পূযমুদ্গিরন্তি| অন্যে নশ্যন্তি রোহন্তি| অন্যে ভবন্ত্যুত্পদ্যন্তে| এবং সতি দীর্ঘকালানুবন্ধিনঃ দীর্ঘ কালমনুবধ্নন্তি ন শমং যান্তি| দূর্ববত্ ক্ষযবৃদ্ধিযুক্তাঃ দূর্বাপ্রতানবদত্যন্তাভাবো ন ভবতীত্যর্থঃ| ইযং গণ্ডমালেত্যুচ্যতে অপচীতি চ| অপচ্যা নির্বচনঞ্চ শাস্ত্রান্তরেভ্যঃ- তাং গ্রন্থিভিস্ত্বামলকাস্থিমাত্রৈর্মত্স্যাণ্ডজালপ্রতিমৈস্তথান্যৈঃ| অনন্যবর্ণৈরুপচীযমানাং চযপ্রকর্ষাদপচীং বদন্তি|| ইতি| মেদঃ কফাভ্যামেবাপচী জাযত ইতি ধন্বন্তরিঃ| তানিতি জ্বরাদ্যন্বিতাং তামপচীং ত্যজেত্)||২৫||
Adhikarana নাডীব্রণঃ (২৬) · Śloka ২৬
অভেদাত্ পক্বশোফস্য ব্রণে চাপথ্যসেবিনঃ| অনুপ্রবিশ্য মাংসাদীন্ দূরং পূযোঽভিধাবতি| গতিঃ সা দূরগমনান্নাডী নাডীব সংস্রুতেঃ| নাড্যেকানৃজুরন্যেষাং সৈবানেকগতির্গতিঃ||২৬||
अभेदात् पक्वशोफस्य व्रणे चापथ्यसेविनः| अनुप्रविश्य मांसादीन् दूरं पूयोऽभिधावति| गतिः सा दूरगमनान्नाडी नाडीव संस्रुतेः| नाड्येकानृजुरन्येषां सैवानेकगतिर्गतिः||२६||
🔊 Audio coming soon
শশিলেক ব্যাখ্যা (ইন্দু কৃত)
(নাডীব্রণস্য দীর্ঘকালানুবন্ধিতযা অপচীসাম্যাত্তদনন্তরং নাডীব্রণমাহ)| যত্র পক্বশোফো ন ভিদ্যতে ব্রণে বা অপথ্যসেবা ক্রিযতে তত্র পূযো মাংসাদীননুপ্রবিশ্য দূরমভিধাবতি সা গতিরিত্যুচ্যতে দূরগমনাদ্ধেতোঃ| নাডীত্যুচ্যতে নাডীব সংস্রুতেঃ| তত্র যা একা অনৃজুশ্চ সা নাডী অন্যেষামাচার্যাণাং মতে| সৈব নাড্যনেকগতিরিত্যুচ্যতে পক্বশোফস্য প্রাপ্তপাকতযা ভেদ্যস্য শোফস্যাভেদাদবিদারণাত্ ব্রণে ব্রণযুক্তে কাল ইত্যর্থাত্ গম্যতে| (অপথ্যসেবিনঃ ব্রণবিরুদ্ধান্নাশনাদিশীলস্য, চশব্দঃ সমুচ্চযে| পূযঃ মাংসাদীন্ আদিশব্দেন মেদোঽস্থ্যাদিপরিগ্রহঃ অনুপ্রবিশ্য বিদার্যেত্যর্থঃ, দূরং তত্ত্তদ্দেশপ্রমাণাবধি অভিধাবতি শীঘ্রং গচ্ছতি| সা পূযদীর্ণা নাডী দূরগমনাত্ দূরগত্যা গতিরিত্যুচ্যতে| নাডীব সংস্রুতেঃ যথা তোযগর্ভযা নাড্যা তোযং স্রবতি তথাঽবিচ্ছিন্নধারযা পূযবহনাত্ নাডীতি চোচ্যতে| অত্রৈব মতবিশেষং দর্শযতি-নাডীতি| অন্যেষামাচার্যাণাং মতে অনৃজুঃ কুটিলা একা অদ্বিতীযা গতির্নাডী ত্যুচ্যতে| সা অনৃজুরেব গতিরনেকমার্গগা চেদ্গতিরিতি চোচ্যতে)||২৬||
Adhikarana নাডীব্রণস্য সঙ্খ্যাসম্প্রাপ্তিঃ (২৭) · Śloka ২৭
সা দোষৈঃ পৃথগেকস্থৈঃ শল্যহেতুশ্চ পঞ্চমী||২৭||
सा दोषैः पृथगेकस्थैः शल्यहेतुश्च पञ्चमी||२७||
🔊 Audio coming soon
শশিলেক ব্যাখ্যা (ইন্দু কৃত)
এবং নাড্যাঃ স্বরূপমুক্ত্বাঽনন্তরং তস্যাঃ সঙ্খ্যাবিভাগং দর্শযতি-সা চ নাডী পৃথগ্দোষৈস্ত্রিধা| একস্থৈঃ সন্নিপতিতৈঃ চতুর্থী| শল্যহেতুশ্চ পঞ্চমীতি পঞ্চ নাড্যঃ||২৭||
Adhikarana বাতজনাডীলক্ষণম্ (২৮) · Śloka ২৮
বাতাত্ সরুক্সূক্ষ্মমুখী বিবর্ণা ফেনিলোদ্বমা| স্রবত্যভ্যধিকং রাত্রৌ||২৮||
वातात् सरुक्सूक्ष्ममुखी विवर्णा फेनिलोद्वमा| स्रवत्यभ्यधिकं रात्रौ||२८||
🔊 Audio coming soon
শশিলেক ব্যাখ্যা (ইন্দু কৃত)
সরুগাদিকা রাত্রাবভ্যধিকস্রাবান্তলক্ষণা বাতান্নাডী| (বাতাদ্ধেতোর্নাডী সরুগ্রুজাসহিতা সূক্ষ্মমুখী সূক্ষ্মাস্যা আস্যং ব্রণমুখম্| বিবর্ণা বিগতপূর্ববর্ণা| ফেনিলং পূযমুদ্বমতীতি ফেনিলোদ্বমা| রাত্রৌ নিশাযামভ্যধিকং বহু স্রবতি| ব্রণপ্রতিষেধে বাতোল্বণস্যাল্পসংস্রুতিমুক্ত্বাঽত্র নাডীব্রণস্যাভ্যধিকপূযস্রবণকথনমহর্নিশ্যোর্নিশ্যভ্যধিকসূচনার্থং ন স্রাববাহুল্যাত্)||২৮||
Adhikarana পিত্তজনাডীলক্ষণম্ (২৯) · Śloka ২৯
পিত্তাত্তৃড্জ্বরদাহকৃত্| পীতোষ্ণপূতিপূযস্রুদ্দিবা চাতি নিষিঞ্চতি||২৯||
पित्तात्तृड्ज्वरदाहकृत्| पीतोष्णपूतिपूयस्रुद्दिवा चाति निषिञ्चति||२९||
🔊 Audio coming soon
শশিলেক ব্যাখ্যা (ইন্দু কৃত)
পিত্তান্নাডী তৃডাদিকৃত্ পীতাদিগুণপূযস্রাবাদ্দিবা চাতি নিষিঞ্চত্যতিস্রবতি| (পিত্তান্নাডী তৃডাদীন্ করোতি পীতবর্ণত্বাদিগুণযুক্তং পূযং স্রবতি| দিবা অহন্যতি নিষিঞ্চতি অতীব পূযস্রুতিং করোতি| চশব্দঃ সমুচ্চযে||২৯||
Adhikarana কফজনাডীলক্ষণম্ (৩০) · Śloka ৩০
ধনপিচ্ছিলসংস্রাবা কণ্ডূলা কঠিনা কফাত্| নিশি চাভ্যধিকক্লেদা||৩০||
धनपिच्छिलसंस्रावा कण्डूला कठिना कफात्| निशि चाभ्यधिकक्लेदा||३०||
🔊 Audio coming soon
শশিলেক ব্যাখ্যা (ইন্দু কৃত)
কফান্নাডী ঘনং পিচ্ছিলঞ্চ স্রবতি কণ্ডূলা কঠিনা চ ভবতি তস্যাঞ্চ নিশ্যভ্যধিকং ক্লেদো ভবতি| (কফান্নাডী ঘনো নিবিডঃ পিচ্ছিলশ্চ স্রাবঃ পূযবহনং যস্যাঃ সা তথোক্তা কণ্ডূলা কণ্ডূবহুলা কঠিনা কঠিনস্পর্শা নিশি অব্যাধিকক্লেদা রাত্রাবধিকতরপূযবাহিনী চ ক্লেদশব্দেন ক্লেদজং পূযং গৃহ্যতে)||৩০||
Adhikarana সন্নিপাতনাডীলক্ষণম্ (৩১) · Śloka ৩১
সর্বৈঃ সর্বাকৃতিং ত্যজেত্||৩১||
सर्वैः सर्वाकृतिं त्यजेत्||३१||
🔊 Audio coming soon
শশিলেক ব্যাখ্যা (ইন্দু কৃত)
সর্বৈর্দোষৈঃ সর্বাকৃতির্বাতাদিলক্ষণযুক্তা ভবতি, তাং সন্নিপাতজাং নাডীং ত্যজেদিতি| (সর্বৈর্বাতপিত্তকফৈঃ সর্বাকৃতিং বাতপিত্তকফনাডীলক্ষণযুক্তাং সন্নিপাতজাং নাডীং ত্যজেন্ন চিকিত্সেত্)||৩১||
Adhikarana শল্যজনাডীলক্ষণম্ (৩২-৩৪) · Śloka ৩৪
ন্তঃস্থিতং শল্যমনাহৃতং তু করোতি নাডীং বহতে চ সাস্য| ফেনানুবিদ্ধং তনুমল্পমুষ্ণং সাস্রঞ্চ পূযং সরুজঞ্চ নিত্যম্||৩২|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গ সংগ্রহসংহিতাযামুত্তরতন্ত্রে গ্রন্থ্যর্বুদশ্লীপদাপচী নাডীবিজ্ঞানীযো নাম চতুস্ত্রিংশোঽধ্যাযঃ||৩৪||
न्तःस्थितं शल्यमनाहृतं तु करोति नाडीं बहते च सास्य| फेनानुविद्धं तनुमल्पमुष्णं सास्रञ्च पूयं सरुजञ्च नित्यम्||३२|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्ग संग्रहसंहितायामुत्तरतन्त्रे ग्रन्थ्यर्बुदश्लीपदापची नाडीविज्ञानीयो नाम चतुस्त्रिंशोऽध्यायः||३४||
🔊 Audio coming soon
শশিলেক ব্যাখ্যা (ইন্দু কৃত)
অন্তঃশরীরান্তঃ শল্যমনাহৃতং নাডী করোতি| সা চ শল্যজা নাডী অস্যাতুরস্য ফেনানুবিদ্ধাদিগুণং পূযং স্রবতি| (বহতে চ সাস্যাদিতি পাঠঃ| অন্তঃস্থিতং যেন কেনাপি হেতুনা নাহার্যতযা শরীরান্তর্ভাগস্থিতং শল্যং বিষাণবেণ্বাযসাদিকমাযুধং তুশব্দো বিশেষদ্যোতকঃ| অনাহৃতমনুদ্ধতং নাডীং নাডীব্রণং করোতি| সা নাডী আস্যাদ্ ব্রণমুখাত্ ফেনানুবিদ্ধং ফেনযুক্তং তনুমঘনং উষ্ণমুষ্ণস্পর্শং সাস্রং সরক্তং পূযং সরুজং রুজাসহিতং, চশব্দাত্ কদাচিন্নীরুজঞ্চ, নিত্যং সর্বদা অল্পমল্পমাত্রং বহতে স্রবতি| চশব্দৌ সমুচ্চযার্থৌ)||৩২|| ইতি শ্রীমন্মহামহোপাধ্যাযেন্দুবিরচিতাযা মষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে চতুস্ত্রিংশোঽধ্যাযঃ||