Adhikarana అథ వికృతేహావిజ్ఞానీయో నామ దశమోఽధ్యాయః ప్రతిజ్ఞా (౧) · Śloka ౧
అథాతో వికృతేహావిజ్ఞానీయమధ్యాయం వ్యాఖ్యాస్యామః| ఇతి హ స్మాహురాత్రేయాదయో మహర్షయః||1||
अथातो विकृतेहाविज्ञानीयमध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
శశిలేక వ్యాఖ్యా (ఇందు కృత)
ఛాయాదీనాం వికృతిముక్త్వా చేష్టాదీనాం వికృతిపరిజ్ఞానార్థమధ్యాయారంభః| అథేత్యాది పూర్వవద్ వ్యాఖ్యేయం| ఈహాయాః ప్రాధాన్యేనాత్ర నిర్దేశః|| 1||
Adhikarana అరుంధత్యాద్యనవలోకనే రిష్టం (౨) · Śloka ౨
సంతర్షీణాం సమీపస్థాం యో న పశ్యత్యరుంధతీం| ధ్రువమాకాశగంగాం వా న స పశ్యతి తాం సమాం|2|
सन्तर्षीणां समीपस्थां यो न पश्यत्यरुन्धतीम्| ध्रुवमाकाशगङ्गां वा न स पश्यति तां समाम्|२|
🔊 Audio coming soon
Adhikarana మేఘాద్యభావేఽపి తచ్ఛబ్దశ్రవణాదౌ రిష్టం (౨) · Śloka ౨
మేఘతోయౌఘనిర్ఘోషవీణాప్రణవవేణుజాన్| శృణోత్యన్యాంశ్చ యః శబ్దానసతో న సతోఽపి వా||2||
मेघतोयौघनिर्घोषवीणाप्रणववेणुजान्| शृणोत्यन्यांश्च यः शब्दानसतो न सतोऽपि वा||२||
🔊 Audio coming soon
Adhikarana కర్ణనిష్పీడనస్వరాశ్రయం రిష్టం (౧) · Śloka ౧
నిష్పీడ్య కర్ణౌ శృణుయాన్న యో ధుకధుకాస్వనం|1|
निष्पीड्य कर्णौ शृणुयान्न यो धुकधुकास्वनम्|१|
🔊 Audio coming soon
Adhikarana గంధరసస్పర్శవిపర్య్యయాశ్రయం రిష్టం (౧) · Śloka ౧
తద్వద్గంధరసస్పర్శాన్ మన్యతే యో విపర్య్యయాత్|1|
तद्वद्गन्धरसस्पर्शान् मन्यते यो विपर्य्ययात्|१|
🔊 Audio coming soon
Adhikarana దీపగంధాద్యాఘ్రాణాశ్రయం రిష్టం (౧) · Śloka ౧
సర్వశో వా న యో యశ్చ దీపగంధం న జిఘ్రతి|1|
सर्वशो वा न यो यश्च दीपगन्धं न जिघ्रति|१|
🔊 Audio coming soon
Adhikarana రసాశ్రయం రిష్టం (౧) · Śloka ౧
విధినా యస్య దోషాయ స్వాస్థ్యాయావిధినా రసాః|1|
विधिना यस्य दोषाय स्वास्थ्यायाविधिना रसाः|१|
🔊 Audio coming soon
Adhikarana అంగాశ్రయం రిష్టం (౧) · Śloka ౧
యః పాంసునేవ కీర్ణాంగో యోఽంగే ఘాతం న వేత్తి వా||1||
यः पांसुनेव कीर्णाङ्गो योऽङ्गे घातं न वेत्ति वा||१||
🔊 Audio coming soon
Adhikarana అకస్మాదతీంద్రియదర్శనాద్రిష్టం (౨) · Śloka ౨
అంతరేణ తపస్తీవ్రం యోగం వా విధిపూర్వకం| జానాత్యతీంద్రియం యశ్చ తేషాం మరణమాదిశేత్|2|
अन्तरेण तपस्तीव्रं योगं वा विधिपूर्वकम्| जानात्यतीन्द्रियं यश्च तेषां मरणमादिशेत्|२|
🔊 Audio coming soon
Adhikarana జిహ్వాముఖనేత్రమూర్ధాశ్రయం రిష్టం (౨) · Śloka ౨
జిహ్వా శ్యావా ముఖం పూతిసవ్యమక్షి నిమజ్జతి| ఖగా వా మూర్ధ్ని లీయంతే యస్య తం పరివర్జయేత్||2||
जिह्वा श्यावा मुखं पूतिसव्यमक्षि निमज्जति| खगा वा मूर्ध्नि लीयन्ते यस्य तं परिवर्जयेत्||२||
🔊 Audio coming soon
శశిలేక వ్యాఖ్యా (ఇందు కృత)
ఘనీభూతం కఠినీభూతమాకాశం శూన్యమేవమాది సర్వం యో విపర్య్యస్తం పశ్యతి స నశ్యతీతి సంబంధః| లాంఛనమిందోశ్చిహ్నం శేశః| సమాః సంవత్సరః| అసతః శబ్దాంఛృణోతి| సతోఽపి వా న శృణోత్యేవమాదయస్తేషాం మరణమాదిశేదిత్యనేన సంబంధః| గంధాదీని యః స్వభావవిపర్య్యయాణి మన్యతే| నైవ వా సర్వేణ సర్వం యో మన్యతే| తేన విధినా శస్త్రోక్తేన ప్రకారేణ| తద్విపర్య్యయేణాఽవిధినా| విధిపూర్వకో యోగః పాతంజలాదిశాస్త్రదృష్టేన విధినా సంపాదితః| అతీంద్రియమవిషయమింద్రియాణాం స్వర్ణాది| సుబోధం||2||
Adhikarana పాదఘర్షణచ్యుతాంసత్వాశ్రయం రిష్టం (౧) · Śloka ౧
నికషన్నివ యః పాదౌ చ్యుతాంసః పరిసర్పతి|1|
निकषन्निव यः पादौ च्युतांसः परिसर्पति|१|
🔊 Audio coming soon
Adhikarana హితాన్నసేవాయామపి బలక్షయే రిష్టం (౧) · Śloka ౧
హీయతే బలతః శరవద్ యోఽన్నమశ్నన్ హితం బహు|1|
हीयते बलतः शरवद् योऽन्नमश्नन् हितं बहु|१|
🔊 Audio coming soon
Adhikarana విణ్మూత్రాల్పత్వబాహుల్యాశ్రయం రిష్టం (౧) · Śloka ౧
యోఽల్పాశీ బహువిణ్మూత్రో బహ్వాశీ చాల్పముత్రవిట్|1|
योऽल्पाशी बहुविण्मूत्रो बह्वाशी चाल्पमुत्रविट्|१|
🔊 Audio coming soon
Adhikarana అల్పన్నాఽశిత్వేఽపి కఫప్రవృద్ధౌ దీర్ఘశ్వాసే చ రిష్స్టం (౧) · Śloka ౧
యో వాఽల్పశీ కఫేనార్త్థో దీర్ఘం శ్వాసితి చేష్టతే||1||
यो वाऽल्पशी कफेनार्त्थो दीर्घं श्वासिति चेष्टते||१||
🔊 Audio coming soon
Adhikarana శ్వాసనిఃశ్వాసస్పందాశ్రయం రిష్టం (౨) · Śloka ౨
దీర్ఘముచ్ఛ్వస్య యో హ్రస్వం నిఃశ్వస్య పరితామ్యతి| హ్రస్వంచ యః ప్రశ్వసితి వ్యావిద్ధం స్పందతే భృశం|2|
दीर्घमुच्छ्वस्य यो ह्रस्वं निःश्वस्य परिताम्यति| ह्रस्वञ्च यः प्रश्वसिति व्याविद्धं स्पन्दते भृशम्|२|
🔊 Audio coming soon
Adhikarana ప్రపాణికాకుంచనపూర్వకం శిరోవిక్షేపే రిష్టం (౨) · Śloka ౨
శిరో విక్షిపతే కృచ్ఛ్రాద్యోఽంచయిత్వా ప్రపాణికౌ| యో లలాటాత్స్రుతస్వేదః శ్లథసంధానబంధనః||2||
शिरो विक्षिपते कृच्छ्राद्योऽञ्चयित्वा प्रपाणिकौ| यो ललाटात्स्रुतस्वेदः श्लथसन्धानबन्धनः||२||
🔊 Audio coming soon
Adhikarana ఉత్తాప్యమానస్య మూర్చ్ఛాయాం రిష్స్టం (౧) · Śloka ౧
ఉత్తాప్యమానః సమ్ముహ్యేద్యో బలీ దుర్బలోఽపి వా|1|
उत्ताप्यमानः सम्मुह्येद्यो बली दुर्बलोऽपि वा|१|
🔊 Audio coming soon
Adhikarana ముహుః పాదప్రసారణాకుంచనపూర్వక ముత్తానస్వాపే రిష్టం (౧) · Śloka ౧
ఉత్తాన ఏవ స్విపితి యః పాదౌ వికరోతి చ|1|
उत्तान एव स्विपिति यः पादौ विकरोति च|१|
🔊 Audio coming soon
Adhikarana శ్యానాసనాద్యసద్బస్తుజి ఘృక్షాయాం రిష్టం (౧) · Śloka ౧
శయనాసనకుడ్యాదేర్యోఽసదేవ జిఘృక్షతి|1|
शयनासनकुड्यादेर्योऽसदेव जिघृक्षति|१|
🔊 Audio coming soon
Adhikarana అహాస్యహనౌష్ఠలేహనాశ్రయం రిష్టం (౧) · Śloka ౧
అహాస్యహాసీ సమ్ముహ్యన్యో లేఢి దశనచ్ఛదౌ|1|
अहास्यहासी सम्मुह्यन्यो लेढि दशनच्छदौ|१|
🔊 Audio coming soon
Adhikarana ఉత్తరౌష్ఠలేహనపూర్వకం ఫూత్కారాశ్రయం రిష్టం (౧) · Śloka ౧
ఉత్తరోష్ఠం పరిలిహన్ ఫూత్కారాశ్చ కరోతి యః|1|
उत्तरोष्ठं परिलिहन् फूत्काराश्च करोति यः|१|
🔊 Audio coming soon
Adhikarana కృష్ణపీతాదిచ్ఛాయాభిరభిద్రవణే రిష్టం (౧) · Śloka ౧
యమభిద్రవతి ఛాయా కృష్ణా పీతాఽరుణాపి వా||1||
यमभिद्रवति छाया कृष्णा पीताऽरुणापि वा||१||
🔊 Audio coming soon
Adhikarana భిషగ్భేషజాదిద్వేషే రిష్టం (౩) · Śloka ౩
భిషగ్భేషజపానాన్నగురుమిత్రద్విషశ్చ యే| వశగాః సర్వ ఏవైతే విజ్ఞేయాః సమవర్తినః||3||
भिषग्भेषजपानान्नगुरुमित्रद्विषश्च ये| वशगाः सर्व एवैते विज्ञेयाः समवर्तिनः||३||
🔊 Audio coming soon
శశిలేక వ్యాఖ్యా (ఇందు కృత)
నికషన్నివేత్యాదేర్వశగాః సర్వ ఏవైత ఇత్యాదినా సంబంధః సుబోధం| పరితామ్యతివైకల్యం యాతి| అంచయిత్వా ఆకుంచ్య| ప్రపాణికః కూర్పరమణిబంధాంతరం| శయనాదేః పాదౌ వికరోతి| యస్తు అసద్వస్తు గ్రహీతుమిచ్ఛతి| అహాస్యే వస్తుని హసతీతి అథోక్తః| కృష్ణాదికా ఛాయా యమభిద్రవతి యమభ్యాగచ్ఛతి| సః సమవర్తినో వశగః| సమవర్తీ వైవస్వతః|| 3||
Adhikarana గ్రీవాలలాటహృదయేషు ప్రస్వేదే శైత్యే చ రిష్టం (౪) · Śloka ౪
గ్రీవాలలాటహృదయం యస్య స్విద్యతి శీతలం| ఊష్ణోఽపరః ప్రదేశశ్చ శరణం తస్య దేవతాః||4||
ग्रीवाललाटहृदयं यस्य स्विद्यति शीतलम्| ऊष्णोऽपरः प्रदेशश्च शरणं तस्य देवताः||४||
🔊 Audio coming soon
శశిలేక వ్యాఖ్యా (ఇందు కృత)
తస్య దేవతాః శరణం లోకాంతరస్థాస్తం త్రాయంతే నాన్యచ్ఛరణం తస్యేత్యర్థః|| 4||
Adhikarana స్వల్పప్రకాశాదౌ రిష్టం (౧) · Śloka ౧
యోఽణుజ్యోతిరనేకాగ్రో దుశ్ఛాయో దుర్మనాః సదా|1|
योऽणुज्योतिरनेकाग्रो दुश्छायो दुर्मनाः सदा|१|
🔊 Audio coming soon
Adhikarana బలిభుగ్భిర్బలీనామభక్షణే రిష్టం (౧) · Śloka ౧
బలిం బలిభుజో యస్య ప్రణీతం నోపభుంజతే||1||
बलिं बलिभुजो यस्य प्रणीतं नोपभुञ्जते||१||
🔊 Audio coming soon
Adhikarana నిర్నిమిత్తం మేధాశోభాదిలాభే రిష్టం (౨) · Śloka ౨
నిర్నిమిత్తం చ యో మేధాం శోభముపచయం శ్రియం| ప్రాప్నోత్యతో వా విభ్రంశం స ప్రాప్నోతి యమక్షయం|2|
निर्निमित्तं च यो मेधां शोभमुपचयं श्रियम्| प्राप्नोत्यतो वा विभ्रंशं स प्राप्नोति यमक्षयम्|२|
🔊 Audio coming soon
Adhikarana ప్రకృతేరన్యథాత్వే రిష్టం (౨) · Śloka ౨
గుణదోషమయీ యస్య స్వస్థస్య వ్యాధితస్య వా| యాత్యన్యథాత్వం ప్రకృతిః షణ్మాసాన్న స జీవతి|2|
गुणदोषमयी यस्य स्वस्थस्य व्याधितस्य वा| यात्यन्यथात्वं प्रकृतिः षण्मासान्न स जीवति|२|
🔊 Audio coming soon
Adhikarana భక్తిశీలాదీనామహేతుకం నివృత్తౌ రిష్టం (౨) · Śloka ౨
భక్తిః శీలం స్మృతిస్త్యాగో బుద్ధిర్బలమహేతుకం| షడేతాని నివర్త్తంతే షడ్భిర్మాసైర్మరిష్యతః||2||
भक्तिः शीलं स्मृतिस्त्यागो बुद्धिर्बलमहेतुकम्| षडेतानि निवर्त्तन्ते षड्भिर्मासैर्मरिष्यतः||२||
🔊 Audio coming soon
Adhikarana మత్తవద్గతికంపమోహే రిష్టం (౧) · Śloka ౧
మత్తవద్గతివాక్కంపమోహా మాసాన్మరిష్యతః|1|
मत्तवद्गतिवाक्कम्पमोहा मासान्मरिष्यतः|१|
🔊 Audio coming soon
Adhikarana కేశలుంచనాదౌ రిష్టం (౧) · Śloka ౧
నశ్యత్యజానన్ షడహాత్ కేశలుంచనవేదనాం|1|
नश्यत्यजानन् षडहात् केशलुञ्चनवेदनाम्|१|
🔊 Audio coming soon
Adhikarana కంఠామయాదృతే ఆహారస్య కంఠాప్రాపణే రిష్టం (౧) · Śloka ౧
న యాతి యస్య చాహారః కంఠం కంఠామయాదృతే|1|
न याति यस्य चाहारः कण्ठं कण्ठामयादृते|१|
🔊 Audio coming soon
Adhikarana భృత్యానాం ప్రాతికూల్యే రిష్టం (౧) · Śloka ౧
ప్రేష్యాః ప్రతీపతాం యాంతి ప్రేతాకృతిరుదీర్య్యతే|1|
प्रेष्याः प्रतीपतां यान्ति प्रेताकृतिरुदीर्य्यते|१|
🔊 Audio coming soon
Adhikarana సతతం నిద్రాయామనిద్రాయాం వా రిష్టం (౧) · Śloka ౧
యస్య నిద్రా భవేన్నిత్యా నైవ వా న స జీవతి||1||
यस्य निद्रा भवेन्नित्या नैव वा न स जीवति||१||
🔊 Audio coming soon
Adhikarana అశ్రుభిర్వక్త్రపూరణాదౌ రిష్టం (౨) · Śloka ౨
వక్త్రమాపూఽర్యతేఽశ్రూణాం స్విద్యతశ్చరణౌ భృశం| చక్షుశ్చాకులతాం యాతి యమరాజ్యం గమిష్యతః||2||
वक्त्रमापूऽर्यतेऽश्रूणां स्विद्यतश्चरणौ भृशम्| चक्षुश्चाकुलतां याति यमराज्यं गमिष्यतः||२||
🔊 Audio coming soon
Adhikarana మనోరమాణాం ప్రద్వేషే రిష్టం (౫) · Śloka ౫
యైః పురా రమతే భావైరేరతిస్తైర్న జీవతి||5||
यैः पुरा रमते भावैरेरतिस्तैर्न जीवति||५||
🔊 Audio coming soon
శశిలేక వ్యాఖ్యా (ఇందు కృత)
అణుజ్యోతిః స్వల్పప్రకాశః| అనేకాగ్రో వ్యాక్షిప్తచిత్తః సదా కారణం వినైవంవిధః| బలిభుజో వాయసాదయః| అతో వా మేధాదితో విభ్రంశం| యమక్షయం యమసద్మ| గుణమయీ ప్రకృతిః సత్త్వాదిజా దోషమయీ వాతాదిజా| తాశ్చోక్తాః| పరమవహిః షణ్మాసాన్| షట్ పృథత్భూతాః| మత్తవద్గత్యాదయో మాసాన్మరిష్యతో భవంతి| లుంచనమపనయనం| ప్రేష్యాః భృతకాః| ప్రతీపతాం ప్రతికూలత్వం| ప్రేతాకృయిః ప్రేతజాతీయః| ఉదీర్య్యతే ఉచ్యతే| అకారణాదశ్రూణాం వక్త్రమాపూర్య్యతే పూరణయోగే షష్ఠీ| చరణౌ స్విద్యతః| తైర్భావైరరతిః సన్ న జీవతి| న విద్యతే రతిర్యస్యాఽసావఽరతిః|| 5||
Adhikarana పృష్టోఽపి భిషఙ్ముమూర్షోర్మరణం న కథయేన్న చికిత్సేచ్చ (౨) · Śloka ౨
కథయేన్న చ పృష్టోఽపి దుఃశ్రవం మరణం భిషక్| గతాసోర్బంధుమిత్రాణాం న చేచ్ఛేత్తం చికిత్సితుం||2||
कथयेन्न च पृष्टोऽपि दुःश्रवं मरणं भिषक्| गतासोर्बन्धुमित्राणां न चेच्छेत्तं चिकित्सितुम्||२||
🔊 Audio coming soon
Adhikarana పరాసోర్భూతానుబంధాత్క్రియావైఫల్యం (౬) · Śloka ౬
యమదూతపిశాచాద్యైర్యత్ పరాసురుపాస్యతే ఘ్నద్భిరౌషధవీర్యాణి తస్మాత్తం పరివర్జ్జయేత్||6|| గతాసోర్ముమూర్షోర్బంధుభ్యో మిత్రేభ్యశ్చ భిషఙ్మరణం న కథయేత్| న చ తం చికిత్సితుమిచ్ఛేత్| కుతశ్చికిత్సితుం నేచ్ఛేదిత్యాఽఽహ-యద్యస్మాత్పరాసుర్యమదూతాదిభిరౌషధవీర్య్యాణి ఘ్నద్భిరుపాస్యతే| అతః పరిత్యజేత్| అన్యథా వైద్యో యశసా పరిహీయతే| తదేవ ద్రఢయతి||6||
यमदूतपिशाचाद्यैर्यत् परासुरुपास्यते घ्नद्भिरौषधवीर्याणि तस्मात्तं परिवर्ज्जयेत्||६|| गतासोर्मुमूर्षोर्बन्धुभ्यो मित्रेभ्यश्च भिषङ्मरणं न कथयेत्| न च तं चिकित्सितुमिच्छेत्| कुतश्चिकित्सितुं नेच्छेदित्याऽऽह-यद्यस्मात्परासुर्यमदूतादिभिरौषधवीर्य्याणि घ्नद्भिरुपास्यते| अतः परित्यजेत्| अन्यथा वैद्यो यशसा परिहीयते| तदेव द्रढयति||६||
🔊 Audio coming soon
Adhikarana రిష్టారిష్టవిజ్ఞానీయం చరకమతం (౭) · Śloka ౭
అరిష్టం నాస్తి మరణం దృష్టరిష్టం చ జీవితం| అరిష్టం రిష్టవిజ్ఞానం న చ రిష్టేఽప్యనైపుణాత్||7||
अरिष्टं नास्ति मरणं दृष्टरिष्टं च जीवितम्| अरिष्टं रिष्टविज्ञानं न च रिष्टेऽप्यनैपुणात्||७||
🔊 Audio coming soon
శశిలేక వ్యాఖ్యా (ఇందు కృత)
అరిష్టం రిష్టేన వినా నాస్తి మరణం| దృష్టే రిష్టే జీవితం నాస్తి| ఇతి చరకాచార్య్యానుమతే| తత్ర కేచిచ్చోదయంతి-దృష్టే రిష్టే అపి జీవితం దృష్టమదృష్టేఽపి మరణమితి| తన్ ప్రతి చరకః సమర్థయతి-అరిష్ట ఇత్యాది| యో నిపుణో భిషఙ్ న భవతి, తస్యైతద్ భ్రాంతిజ్ఞానమితి చరకస్య వచనం|| 7||
Adhikarana రిష్టారిష్టజ్ఞానే సుశ్రుతమతం (౮) · Śloka ౮
ధ్రువం హి రిష్టే మరణం బ్రాహ్మణైస్తత్ కిలామలైః| రసాయనతపోదానతత్పరైశ్చ నివార్య్యతే||8||
ध्रुवं हि रिष्टे मरणं ब्राह्मणैस्तत् किलामलैः| रसायनतपोदानतत्परैश्च निवार्य्यते||८||
🔊 Audio coming soon
శశిలేక వ్యాఖ్యా (ఇందు కృత)
సుశ్రుతః పునరాహ-యద్యపి రిష్టే ధ్రువం మరణం తథాపి అమలైః నిర్మలైర్బ్రాహ్మణై రసాయనాదిపరైశ్చ తన్మరణం నివార్య్యతే|| 8||
Adhikarana కృష్ణాత్రేయమతేన రిష్టానాం ద్వైవిఘ్యం (౯) · Śloka ౯
కృష్ణాత్రేయో ద్విధా రిష్టం స్థిరాస్థిరవిభేదతః| దోషణామపి బాహుల్యాద్రిష్టాభాసః సముద్భవేత్| తద్దోషాణం శమే శమ్యేత్స్థాయ్యవశ్యం తు మృత్యవే||9||
कृष्णात्रेयो द्विधा रिष्टं स्थिरास्थिरविभेदतः| दोषणामपि बाहुल्याद्रिष्टाभासः समुद्भवेत्| तद्दोषाणं शमे शम्येत्स्थाय्यवश्यं तु मृत्यवे||९||
🔊 Audio coming soon
శశిలేక వ్యాఖ్యా (ఇందు కృత)
కృష్ణాత్రేయోఽపి ద్వివిధం రిష్టమాహ-స్థిరమస్థిరంచ| దోషబాహుల్యాత్ జాతమస్థిరం| తచ్చామరణఫలం| దోషాణాం వాతాదీనాం||9||
Adhikarana రిష్టవిజ్ఞానప్రయోజనం (౧౦-౧౧) · Śloka ౧౧
ఆయుర్వేదఫలం కృత్స్నం యదాఽఽయుర్జ్ఞే ప్రతిష్ఠితం| రిష్టజ్ఞానాదృతస్తస్మాత్ సర్వదైవ భవేద్భిషక్||10|| ఇతి వైద్యపతిసింహగుప్తస్య సూనోర్వాగ్భటస్య కృతౌ అష్టాంగసంగ్రహసంహితాయాం శారీరస్థానే వికృతే విజ్ఞానీయోనామ దశమోఽధ్యాయః||11||
आयुर्वेदफलं कृत्स्नं यदाऽऽयुर्ज्ञे प्रतिष्ठितम्| रिष्टज्ञानादृतस्तस्मात् सर्वदैव भवेद्भिषक्||१०|| इति वैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां शारीरस्थाने विकृते विज्ञानीयोनाम दशमोऽध्यायः||११||
🔊 Audio coming soon
శశిలేక వ్యాఖ్యా (ఇందు కృత)
రిష్టవిజ్ఞానప్రయోజనముచ్యతే| యద్యస్మాయుర్వేదఫలమాయుషః పరిపాలనం కృత్స్నం నిరవశేషమాయుర్జ్ఞే జీవితపరిజ్ఞానవతి భిషజి ప్రతిష్ఠితం| సర్వదైవ పరిజ్ఞాన ఆదృతో భవేదితి|| 10|| ఇతి శ్రీమన్మహామహోపాధ్యయేందువిరచితాయాం అష్టంగసంగ్రవ్యాఖ్యాయాం శశిలేఖాయాం శారీరస్థానే దశమోఽధ్యాయః