Adhikarana তিমিরপ্রতিষেধাধ্যাযঃ||১৩|| (২-৩) · Śloka ৩
অস্মাদনন্তরং তিমিরিপ্রতিষেধ উচ্যতে অথাতস্তিমিরপ্রতিষেধং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ|
(গদ্যসূত্রে||২||
)||৩||
View original
अस्मादनन्तरं तिमिरिप्रतिषेध उच्यते अथातस्तिमिरप्रतिषेधं व्याख्यास्यामः|
इति ह स्माहुरात्रेयादयो महर्षयः|
(गद्यसूत्रे||२||
)||३||
Hide commentary
সর্বাঙ্গসুন্দরী ব্যাখ্যা ( কৃত)
স০-ননু, দৃষ্টিরোগবিজ্ঞানাদনন্তরং দৃষ্টিরোগপ্রতিষেধো জ্ঞাপ্যঃ| উপপন্নমাহ ভবান্| কিং তু দৃষ্টিতোগচিকিত্সিতস্য বহুবক্তব্যত্বাত্ পৃথগধ্যাযো বক্তুং যুক্তঃ| তত্রাপি ক্রমপ্রাপ্তস্তিমিরপ্রতিষেধ ইতি তিমিরপ্রতিষেধারম্ভ এব যুক্তঃ| কাচাদীনাং ত্বল্পবক্তব্যত্বাদত্রৈবাভিধানম্| ততো বহুবক্তব্যত্বাত্ পৃথগধ্যাযো লিঙ্গনাশস্য| ইতি সর্বং যুক্তম্|
Adhikarana তিমিরস্য শীঘ্রং সাধনম্ (১) · Śloka ১
তিমিরং কাচতাং যাতি কাচোঽপ্যান্ধ্যমুপেক্ষযা|
নেত্ররোগেষ্বতো ঘোরং তিমিরং সাধযেদ্ দ্রুতম্||১||
View original
तिमिरं काचतां याति काचोऽप्यान्ध्यमुपेक्षया|
नेत्ररोगेष्वतो घोरं तिमिरं साधयेद् द्रुतम्||१||
Hide commentary
সর্বাঙ্গসুন্দরী ব্যাখ্যা ( কৃত)
স০-তিমিরমুপেক্ষযা কাচত্বং যাতি| কাচোঽপ্যুপেক্ষিত আন্ধ্যং গচ্ছতি| অতঃ কারণান্নেত্ররোগেষু মধ্যে তিমিরং দারুণং শীঘ্রং সাধযেত্|
Adhikarana তিমিরহরং জীবন্ত্যাদিঘৃতম্ (২-৪) · Śloka ৪
তুলাং পচেত্ জীবন্ত্যা দ্রোণেঽপাং পাদশেষিতে|
তত্ক্বাথে দ্বিগুণক্ষীরং ঘৃতপ্রস্থং বিপাচযেত্||২||
প্রপৌণ্ডরীককাকোলীপিপ্পলীরোধ্রসৈন্ধবৈঃ|
শতহ্বামধুকদ্রাক্ষাসিরাদারুফলত্রযৈঃ||৩||
কর্ষিকৈর্নিশি তত্পীতং তিমিরাপহরং পরম্|
|৪|
View original
तुलां पचेत् जीवन्त्या द्रोणेऽपां पादशेषिते|
तत्क्वाथे द्विगुणक्षीरं घृतप्रस्थं विपाचयेत्||२||
प्रपौण्डरीककाकोलीपिप्पलीरोध्रसैन्धवैः|
शतह्वामधुकद्राक्षासिरादारुफलत्रयैः||३||
कर्षिकैर्निशि तत्पीतं तिमिरापहरं परम्|
|४|
Hide commentary
সর্বাঙ্গসুন্দরী ব্যাখ্যা ( কৃত)
স০-জীবন্ত্যাঃ পলশতমপাং দ্রোণে পাদাবশেষিতং পচেত্| তত্ক্বাথে ঘৃতপ্রস্থং দ্বিগুণক্ষীরং প্রপৌণ্ডরীকাদিভিঃ কর্ষপরিমাণৈঃ কল্কিতৈর্বিপাচযেত্| নিশি পীতং তত্পরং তিমিরাপহম্|
Adhikarana কাচতিমিরাদিহরং দ্রাক্ষাদিঘৃতম্ (৪-৬) · Śloka ৬
|
দ্রাক্ষাচন্দনমঞ্জিষ্ঠাকাকোলীদ্বযজীবকৈঃ||৪||
সিতাশতাবরীমেদাপুণ্ড্রাহ্বমধুকোত্পলৈঃ|
পচেজ্জীর্ণঘৃতপ্রস্থং সমক্ষীরং পিচূন্মিতৈঃ||৫||
হন্তি তত্কাচতিমিররক্তরাজীশিরোরুজঃ|
|৬|
View original
|
द्राक्षाचन्दनमञ्जिष्ठाकाकोलीद्वयजीवकैः||४||
सिताशतावरीमेदापुण्ड्राह्वमधुकोत्पलैः|
पचेज्जीर्णघृतप्रस्थं समक्षीरं पिचून्मितैः||५||
हन्ति तत्काचतिमिररक्तराजीशिरोरुजः|
|६|
Hide commentary
সর্বাঙ্গসুন্দরী ব্যাখ্যা ( কৃত)
স০-তথা দ্রাক্ষাদিভিঃ পিচূন্মিতৈঃ-কর্ষাংশৈঃ, জীর্ণস্য-পুরাণঘৃতস্য প্রস্থং সমক্ষীরং পচেত্| তচ্চ কাচাদীন্ হন্তি|
Adhikarana শুক্রতিমিরাদিহরং পটোলাদিঘৃতম্ (৬-১০) · Śloka ১০
|
পটোলনিম্বকটুকাদার্বীসেব্যবরাবৃষম্||৬||
সধন্বযাসত্রাযন্তীপর্পটং পালিকং পৃথক্|
প্রস্থমামলকানং চ ক্বাথযেন্নল্বণেঽম্ভসি||৭||
তদাঢকেঽর্ধপলিকৈঃ পিষ্টৈঃ প্রস্থং ঘৃতাত্পচেত্|
মুস্তভূনিম্বযষ্ট্যাহ্বকুটজোদীচ্যচন্দনৈঃ||৮||
সপিপ্পলীকৈস্তত্সর্পিঘ্রাণকর্ণাস্যরোগজিত্|
বিদ্রধিজ্বরদুষ্টারুর্বিসর্পাপচিকুষ্ঠনুত্||৯||
বিশেষাচ্ছুক্রতিমিরনক্তান্ধ্যোষ্ণাম্লদাহহৃত্|
|১০|
View original
|
पटोलनिम्बकटुकादार्वीसेव्यवरावृषम्||६||
सधन्वयासत्रायन्तीपर्पटं पालिकं पृथक्|
प्रस्थमामलकानं च क्वाथयेन्नल्वणेऽम्भसि||७||
तदाढकेऽर्धपलिकैः पिष्टैः प्रस्थं घृतात्पचेत्|
मुस्तभूनिम्बयष्ट्याह्वकुटजोदीच्यचन्दनैः||८||
सपिप्पलीकैस्तत्सर्पिघ्राणकर्णास्यरोगजित्|
विद्रधिज्वरदुष्टारुर्विसर्पापचिकुष्ठनुत्||९||
विशेषाच्छुक्रतिमिरनक्तान्ध्योष्णाम्लदाहहृत्|
|१०|
Hide commentary
সর্বাঙ্গসুন্দরী ব্যাখ্যা ( কৃত)
স০-পটোলাদিকং পর্পটান্তং পৃথক্ পলোন্মিতমামলকানাং প্রস্থং নল্বণে-দ্রোণেঽম্ভসি, ক্বাথযেত্| তদাঢকে মুস্তাদিভিঃ সপিপ্পলীকৈঃ পিষ্টৈঃ-কল্কিতৈঃ, অর্ধপলিকৈর্ঘৃতপ্রস্থং বিপাচযেত্| তচ্চ ঘৃতং ঘ্রাণাদিরোগজিত্, বিদ্রধ্যাদিরোগজিত্, বিশেষেণ শুক্রাদিঘ্নম্| এতত্পটোলাদ্যং ঘৃতম্|
Adhikarana তিমিরঘ্নং ত্রিফলাঘৃতম্ (১০-১২) · Śloka ১২
|
ত্রিফলাষ্টপলং ক্বাথ্যং পাদশেষং জলাঢকে||১০||
তেন তুল্যপযস্কেন ত্রিফলাপলকল্কবান্|
অর্ধপ্রস্থো ঘ্রুতাত্সিদ্ধঃ সিতযা মাক্ষিকেণ বা||১১||
যুক্তং পিবেত্তত্তিমিরী তদ্যুক্তং বা বরারসম্|
|১২|
View original
|
त्रिफलाष्टपलं क्वाथ्यं पादशेषं जलाढके||१०||
तेन तुल्यपयस्केन त्रिफलापलकल्कवान्|
अर्धप्रस्थो घ्रुतात्सिद्धः सितया माक्षिकेण वा||११||
युक्तं पिबेत्तत्तिमिरी तद्युक्तं वा वरारसम्|
|१२|
Hide commentary
সর্বাঙ্গসুন্দরী ব্যাখ্যা ( কৃত)
স০-ত্রিফলাযাঃ পলাষ্টকং জলাঢকে পাদশেষং ক্বাথ্যম্| তেন ক্বাথেন তুল্যক্ষীরেণ ত্রিফলাপলকল্কযুক্তো ঘৃতার্ধপ্রস্থঃ পক্বঃ শর্করযা মাক্ষিকেণ বা যুতং তত্তিমিরী পিবেত্| ঘৃতেন বা তেন যুক্তং ত্রিফলাক্বাথং দোষদূষ্যাদিবশাত্ পিবেত্| এতচ্চ ত্রিফলাঘ্রুতমুচ্যতে|
Adhikarana তিমিরঘ্নং মহাত্রৈফলঘ্ড়ৃতম্ (১২-১৪) · Śloka ১৪
|
যষ্টীমধুদ্বিকাকোলীব্যাঘ্রীকৃষ্ণামৃতোত্পলৈঃ||১২||
পালিকৈঃ সসিরাদ্রাক্ষৈর্ঘৃতপ্রস্থং পচেত্সমৈঃ|
অজাক্ষীরবরাবাসামার্কবস্বরসৈঃ পৃথক্||১৩||
মহাত্রৈফলমিত্যেতত্পরং দৃষ্টিবিকারজিত্|
|১৪|
View original
|
यष्टीमधुद्विकाकोलीव्याघ्रीकृष्णामृतोत्पलैः||१२||
पालिकैः ससिराद्राक्षैर्घृतप्रस्थं पचेत्समैः|
अजाक्षीरवरावासामार्कवस्वरसैः पृथक्||१३||
महात्रैफलमित्येतत्परं दृष्टिविकारजित्|
|१४|
Hide commentary
সর্বাঙ্গসুন্দরী ব্যাখ্যা ( কৃত)
স০-যষ্ট্যাদিভিঃ পালিকৈঃ সহসিতাদ্রাক্ষৈরজাক্ষীরাদিভিঃ পৃথক্স্বরসৈঃ সমৈঃ প্রস্থপ্রমাণৈঃ সর্পিঃপ্রস্থং বিপাচযেত্| এতন্মহাত্রৈফলং সুষ্ট্রু দৃষ্টিবিকারজিত্|
Adhikarana তিমিরঘ্নং ত্রৈফলঘৃতলেহো গারুত্মতদৃষ্টিকরঃ (১৪-১৬) · Śloka ১৬
|
ত্রৈফলেনাথ হবিষা লিহানস্ত্রিফলাং নিশি||১৪||
যষ্টীমধুকসংযুক্তাং মধুনা চ পরিপ্লুতাম্|
মাসমেকং হিতাহারঃ পিবন্নামলকোদকম্||১৫||
সৌপর্ণং লভতে চক্ষুরিত্যাহ ভগবান্নিমিঃ|
|১৬|
View original
|
त्रैफलेनाथ हविषा लिहानस्त्रिफलां निशि||१४||
यष्टीमधुकसंयुक्तां मधुना च परिप्लुताम्|
मासमेकं हिताहारः पिबन्नामलकोदकम्||१५||
सौपर्णं लभते चक्षुरित्याह भगवान्निमिः|
|१६|
Hide commentary
সর্বাঙ্গসুন্দরী ব্যাখ্যা ( কৃত)
স০-ত্রৈফলেন চ সর্পিষা ত্রিফলাং যষ্টীযুক্তাং মাক্ষিকেণ চ পরিপ্লুতাং রাত্রৌ লিহানো মাসমেকং হিতাশী সন্নামলকোদকং পিবন্ গারুত্মতং চক্ষুর্লভত ইতি ভগবান্নিমিরাহ|
Adhikarana তিমিরঘ্নং ত্রিফলাক্বাথঃ (১৬-১৭) · Śloka ১৭
|
তাপ্যাযোহেমযষ্ট্যাহ্বসিতাজীর্ণাজ্যমাক্ষিকৈঃ||১৬||
সংযোজিতা যথাকামং তিমিরঘ্নী বরা বরা|
|১৭|
View original
|
ताप्यायोहेमयष्ट्याह्वसिताजीर्णाज्यमाक्षिकैः||१६||
संयोजिता यथाकामं तिमिरघ्नी वरा वरा|
|१७|
Hide commentary
সর্বাঙ্গসুন্দরী ব্যাখ্যা ( কৃত)
স০-তাপ্যাদিভিঃ সংযোজিতা ত্রিফলা যথাকামং বরা তিমিরঘ্নী স্যাত্|
Adhikarana তিমিরঘ্নং অপূপসূপসক্তবঃ (১৭-১৮) · Śloka ১৮
|
সঘৃতং বা বরাক্বাথং শীলযেত্তিমিরামযী||১৭||
অপূপসূপসক্তূন্ বা ত্রিফলাচূর্ণসংযুতান্|
|১৮|
View original
|
सघृतं वा वराक्वाथं शीलयेत्तिमिरामयी||१७||
अपूपसूपसक्तून् वा त्रिफलाचूर्णसंयुतान्|
|१८|
Hide commentary
সর্বাঙ্গসুন্দরী ব্যাখ্যা ( কৃত)
স০-অথবা ত্রিফলাক্বাথং সসর্পিষ্কং তিমিররোগহরমভ্যসেত্| অপূপাদীন্ বা ত্রিফলাচূর্ণসংযুতান্ শীলযেত্|
Adhikarana তিমিরঘ্নং পাযসাদিভক্ষণম্ (১৮-১৯) · Śloka ১৯
|
পাযসং বা বরাযুক্তং শীতং সমধুশর্করম্||১৮||
প্রাতর্ভক্তস্য বা পূর্বমদ্যাত্পথ্যাং পৃথক্ পৃথক্|
মৃদ্বীকাশর্করাক্ষৌদ্রৈঃ সততং তিমিরাতুরঃ||১৯||
View original
|
पायसं वा वरायुक्तं शीतं समधुशर्करम्||१८||
प्रातर्भक्तस्य वा पूर्वमद्यात्पथ्यां पृथक् पृथक्|
मृद्वीकाशर्कराक्षौद्रैः सततं तिमिरातुरः||१९||
Hide commentary
সর্বাঙ্গসুন্দরী ব্যাখ্যা ( কৃত)
স০-পাযসং ত্রিফলাযুতং ব শীতং সমধুশর্করং প্রাতরদ্যাত্| ভক্তস্য পূর্বং বা| হরীতকীং বা মৃদ্বীকাশর্করাক্ষৌদ্রৈঃ পৃথক্ পৃথক্ যুতামনারতং তিমিরাতুরোঽদ্যাত্|
Adhikarana তিমিরঘ্নং চূর্ণাঞ্জনম্ (২০-২২) · Śloka ২২
স্রোতোজাংশাংশ্চতুঃষষ্টিং তাম্রাযোরূপ্যকাঞ্চনৈঃ|
যুক্তান্ প্রত্যেকমেকাংশৈরন্ধমূষোদরস্থিতান্||২০||
ধ্মাপযিত্বা সমাবৃত্তং ততস্তচ্চ নিষেচযেত্|
রসস্কন্ধকষাযেষু সপ্তকৃত্বঃ পৃথক্ পৃথক্||২১||
বৈডূর্যমুক্তাশঙ্খানাং ত্রিভির্ভাগৈর্যুতং ততঃ|
চূর্ণাঞ্জনং প্রযুঞ্জীত তত্সর্বতিমিরাপহম্||২২||
View original
स्रोतोजांशांश्चतुःषष्टिं ताम्रायोरूप्यकाञ्चनैः|
युक्तान् प्रत्येकमेकांशैरन्धमूषोदरस्थितान्||२०||
ध्मापयित्वा समावृत्तं ततस्तच्च निषेचयेत्|
रसस्कन्धकषायेषु सप्तकृत्वः पृथक् पृथक्||२१||
वैडूर्यमुक्ताशङ्खानां त्रिभिर्भागैर्युतं ततः|
चूर्णाञ्जनं प्रयुञ्जीत तत्सर्वतिमिरापहम्||२२||
Hide commentary
সর্বাঙ্গসুন্দরী ব্যাখ্যা ( কৃত)
স০-স্রোতোজাত্ চতুঃষষ্টিমংশাংস্তাম্রাদিভিঃ প্রত্যেকমেকাং-শৈর্যুতানন্ধমূষোদরস্থিতান্ ধ্মাপযিত্বা সম্যগাবৃত্তং-আবর্তিতং শিলাযাং, ততঃ-অনন্তরং, মধুরাদিগণক্বাথেষু তন্নিষেচযেত্ পৃথক্ পৃথক্ সপ্তবারান্| ততো বৈডূর্যমুক্তাশঙ্কানাং ত্রিভির্ভাগৈর্যুতমেতচ্চূর্ণাঞ্জনং সর্বতিমিরঘ্নং প্রযুঞ্জীত|
Adhikarana তিমিরঘ্নং মাংস্যাদ্যঞ্জনম্ (২৩-২৪) · Śloka ২৪
মাংসীত্রিজাতকাযঃকুঙ্কুমনীলোত্পলাভযাতুত্থৈঃ|
সিতকাচশঙ্খফেনকমরিচাঞ্জনপিপ্পলীমধুকৈঃ||২৩||
চন্দ্রেঽশ্বনীসনাথে সুচূর্ণিতৈরঞ্জযেদ্যুগুলমক্ষ্ণোঃ|
তিমিরার্মরক্তরাজীকণ্ডূকাচাদিশমমিচ্ছন্||২৪||
View original
मांसीत्रिजातकायःकुङ्कुमनीलोत्पलाभयातुत्थैः|
सितकाचशङ्ख़फेनकमरिचाञ्जनपिप्पलीमधुकैः||२३||
चन्द्रेऽश्वनीसनाथे सुचूर्णितैरञ्जयेद्युगुलमक्ष्णोः|
तिमिरार्मरक्तराजीकण्डूकाचादिशममिच्छन्||२४||
Hide commentary
সর্বাঙ্গসুন্দরী ব্যাখ্যা ( কৃত)
সং-মাংস্যাদিভিঃ সূক্ষ্মরজীকৃতৈশ্চন্দ্রেঽশ্বিনীযুক্তে সত্যক্ষিযুগ্মমঞ্জযেত্ তিমিরাদিশান্তিমিচ্ছন্| আর্যে মুখচপলে|
Adhikarana তিমিরঘ্নং মরিচাদিচূর্ণম্ তিমিরঘ্নং মনোহ্বাদ্যঞ্জনম্ (২৫-২) · Śloka ২
মরিচবরলবণভাগৌ ভাগৌ দ্বৌ কণসমুদ্রফেনাভ্যাম্|
সৌবীরভাগনবকং চিত্রাযাং চূর্ণিতং কফমযজিত্||২৫||
|
মনোহ্বাতুত্থকস্তূরীমাংসীমলযরোচনাঃ|
দশকর্পূরসংযুক্তমশীতিগুণমঞ্জনম্||১||
পিষ্টং চিত্রাশ্বিনীপুষ্যে ষড্বিধে তিমিরে হিতম্|
প্রসাদনং চ দৃষ্টেঃ স্যাচ্চক্ষুষেণাবভাষিতম্]||২||
View original
मरिचवरलवणभागौ भागौ द्वौ कणसमुद्रफेनाभ्याम्|
सौवीरभागनवकं चित्रायां चूर्णितं कफमयजित्||२५||
|
मनोह्वातुत्थकस्तूरीमांसीमलयरोचनाः|
दशकर्पूरसंयुक्तमशीतिगुणमञ्जनम्||१||
पिष्टं चित्राश्विनीपुष्ये षड्विधे तिमिरे हितम्|
प्रसादनं च दृष्टेः स्याच्चक्षुषेणावभाषितम्]||२||
Hide commentary
সর্বাঙ্গসুন্দরী ব্যাখ্যা ( কৃত)
স০-মরিচসৈন্ধবযোর্দ্বৌ ভাগৌ, পিপ্পলীসমুদ্রফেনযোর্দ্বৌ ভাগৌ, সৌবীরাঞ্জনস্য ভাগা নব, এতচ্চিত্রাযাং চূর্ণিতং কফামযজিত্| গীতিরার্যা|
Adhikarana তিমিরঘ্নং বিদেহপতিকৃতমঞ্জনম্ (২৬-২৭) · Śloka ২৭
দ্রাক্ষামৃণালীস্বরসে ক্ষীরমদ্যবসাসু চ|
পৃথক্ দিব্যাপ্সু স্রোতোজং সপ্তকৃত্বো নিষেচযেত্||২৬||
তচ্চূর্ণিতং স্থিতং শঙ্খে দৃক্প্রসাদনমঞ্জনম্|
শস্তং সর্বাক্ষিরোগেষু বিদেহপতিনির্মিতম্||২৭||
View original
द्राक्षामृणालीस्वरसे क्षीरमद्यवसासु च|
पृथक् दिव्याप्सु स्रोतोजं सप्तकृत्वो निषेचयेत्||२६||
तच्चूर्णितं स्थितं शङ्खे दृक्प्रसादनमञ्जनम्|
शस्तं सर्वाक्षिरोगेषु विदेहपतिनिर्मितम्||२७||
Hide commentary
সর্বাঙ্গসুন্দরী ব্যাখ্যা ( কৃত)
স০-দ্রাক্ষাদিস্বরসেষু পৃথক্ পৃথক্ দিব্যজলে চ স্রোতোঞ্জনং সপ্তকৃত্বো নিষেচযেত্| তচ্চূর্ণিকৃতং শঙ্কে স্থিতং দৃষ্টিপ্রসাদকৃদঞ্জনং সর্বাক্ষিরোগেষু শ্রেষ্ঠং বিদেহপতিনির্মিতম্|
Adhikarana তিমিরঘ্নং ভাস্করচূর্ণম্ (২৮-৩১) · Śloka ৩১
নির্দগ্ধং বাদরাঙ্গারৈস্তুত্থং চেত্থং নিষেচিতম্|
ক্রমাদজাপযঃ সর্পিঃক্ষৌদ্রে তস্মাত্ পলদ্বযম্||২৮||
কার্ষিকৈস্তাপ্যমরিচস্রোতোজকটুকানতৈঃ|
পটুরোধ্নশিলাপথ্যাকণৈলাঞ্জনফেনকৈঃ||২৯||
যুক্তং পলেন যষ্ট্যাশ্চ মূষান্তর্ধ্মাতচূর্ণিতম্|
হন্তি কাচার্মনক্তান্ধ্যরক্তরাজীঃ সুশীলতঃ||৩০||
চূর্ণো বিশেষাত্তিমিরং ভাস্করো ভাস্করো যথা|
|৩১|
View original
निर्दग्धं बादराङ्गारैस्तुत्थं चेत्थं निषेचितम्|
क्रमादजापयः सर्पिःक्षौद्रे तस्मात् पलद्वयम्||२८||
कार्षिकैस्ताप्यमरिचस्रोतोजकटुकानतैः|
पटुरोध्नशिलापथ्याकणैलाञ्जनफेनकैः||२९||
युक्तं पलेन यष्ट्याश्च मूषान्तर्ध्मातचूर्णितम्|
हन्ति काचार्मनक्तान्ध्यरक्तराजीः सुशीलतः||३०||
चूर्णो विशेषात्तिमिरं भास्करो भास्करो यथा|
|३१|
Hide commentary
সর্বাঙ্গসুন্দরী ব্যাখ্যা ( কৃত)
স০-বাদরঙ্গারৈস্তুত্থং নির্দগ্ধং পূর্ববত্ ক্রমেণ ছাগক্ষীরঘৃতমাক্ষিকে নিষেচিতং, তস্মাত্-নির্দগ্ধাচ্চ তুত্থাত্ পলদ্বযং, তাপ্যাদিভিঃ কার্ষিকৈর্যষ্টীপলেন চ যুক্তং, মূষান্তর্ধ্মাপিতং চূর্ণিতং, কাচাদীন্ হন্তি| সুসেবিতোঽযং ভাস্করশ্চূর্ণো বিশেষেণ তিমিরংহন্তি| যথা রবিরন্ধকারমিত্যুপমাশ্লেষোঽলঙ্কারঃ|
Adhikarana ভাস্করাঞ্জনম্ (৩১-৩৩) · Śloka ৩৩
|
ত্রিংশদ্ভাগা ভুজঙ্গস্য গন্ধপাষাণপঞ্চকম্||৩১||
শুল্বতালকযোর্দ্বৌ দ্বৌ বঙ্গস্যৈকোঽঞ্জনাত্ত্রযম্|
অন্ধমূষীকৃতং ধ্মাতং পক্বং বিমলমঞ্জনম্||৩২||
তিমিরান্তকরং লোকে দ্বিতীয ইব ভাস্করঃ|
|৩৩|
View original
|
त्रिंशद्भागा भुजङ्गस्य गन्धपाषाणपञ्चकम्||३१||
शुल्बतालकयोर्द्वौ द्वौ वङ्गस्यैकोऽञ्जनात्त्रयम्|
अन्धमूषीकृतं ध्मातं पक्वं विमलमञ्जनम्||३२||
तिमिरान्तकरं लोके द्वितीय इव भास्करः|
|३३|
Hide commentary
সর্বাঙ্গসুন্দরী ব্যাখ্যা ( কৃত)
স০-বুজঙ্গস্য-সীসকস্য ত্রিংশদ্ভাগাঃ, গন্ধপাষাণস্য ভাগ পঞ্চকং, শুল্বতালকযোর্দ্বৌ দ্বৌ ভাগৌ, বঙ্গস্য-ত্রপুণ একো ভাগঃ, অঞ্জনাদ্ভাগত্রযমন্ধমূষাধ্মাতং বিপক্বমঞ্জনং দ্বিতীযো ভাস্কর ইবলোকে তিমিরান্তকরম্| ভুজঙ্গাদীনাং শোধিতনামত্র প্রযোগঃ, ন তু মারিতানাম্|
Adhikarana তিমিরঘ্নং তুত্থং গরুডসমচক্ষুঃকরম্ (৩৩) · Śloka ৩৩
গোমূত্রে ছগণরসেঽম্লকাঞ্জিকে চ স্ত্রীস্তন্যে হবিষি বিষে চ মাক্ষিকে চ|
যত্তুত্থং জ্বলিতমনেকশো নিষিক্তং তত্কুর্যাদ্গরুডসমং নরস্য চক্ষুঃ||৩৩||
View original
गोमूत्रे छगणरसेऽम्लकाञ्जिके च स्त्रीस्तन्ये हविषि विषे च माक्षिके च|
यत्तुत्थं ज्वलितमनेकशो निषिक्तं तत्कुर्याद्गरुडसमं नरस्य चक्षुः||३३||
Hide commentary
সর্বাঙ্গসুন্দরী ব্যাখ্যা ( কৃত)
স০-তত্তুত্থং নরস্য গরুডনযনতুল্যং নযনং কুর্যাত্| কতমম্ ? যদ্দীপ্তং সত্ গোমূত্রাদিষ্বনেকশঃ-সপ্তকৃত্বো, নিষিক্তম্| প্রহর্ষিণীবৃত্তম্|
Adhikarana তিমিরঘ্নং সীসশলাকা (৩৪-৩৫) · Śloka ৩৫
শ্রেষ্ঠাজলং ভৃঙ্গরসং সবিষাজ্যমজাপযঃ|
যষ্টীরসং চ যত্সীসং সপ্তকৃত্বঃ পৃথক্ পৃথক্||৩৪||
তপ্তং তপ্তং পাযিতং তচ্ছলাকা নেত্রে যুক্তা সাঞ্জনাঽনঞ্জনা বা|
তৈমির্যার্মস্রাপপৈচ্ছিল্যপৈল্লং কণ্ডূং জাড্যং রক্তরাজীং চ হন্তি||৩৫||
View original
श्रेष्ठाजलं भृङ्गरसं सविषाज्यमजापयः|
यष्टीरसं च यत्सीसं सप्तकृत्वः पृथक् पृथक्||३४||
तप्तं तप्तं पायितं तच्छलाका नेत्रे युक्ता साञ्जनाऽनञ्जना वा|
तैमिर्यार्मस्रापपैच्छिल्यपैल्लं कण्डूं जाड्यं रक्तराजीं च हन्ति||३५||
Hide commentary
সর্বাঙ্গসুন্দরী ব্যাখ্যা ( কৃত)
স০-যত্সীসং তপ্তং তপ্তং ত্রিফলাক্বাথাদিকং পৃথক্ পৃথক্ স্পতকৃত্বঃ পাযিতং তস্য সীসস্য শলাকা নযনে যুক্তা সহাঞ্জনাঽঞ্জনেন রহিতা বা তৈমির্যাদীন্ হন্তি| শালিনীবৃত্তম্| দ্রব্যশলাকেযমিতি প্রথিতা|
Adhikarana তিমিরঘ্নং রসেন্দ্রাদ্যঞ্জনম্ (৩৬) · Śloka ৩৬
রসেন্দ্রভুজগৌ তুল্যৌ তযোস্তুল্যমথাঞ্জনম্|
ঈষাত্কর্পূরসংযুক্তমঞ্জনং তিমিরাপহম্||৩৬||
View original
रसेन्द्रभुजगौ तुल्यौ तयोस्तुल्यमथाञ्जनम्|
ईषात्कर्पूरसंयुक्तमञ्जनं तिमिरापहम्||३६||
Hide commentary
সর্বাঙ্গসুন্দরী ব্যাখ্যা ( কৃত)
স০-পারদসীসকৌ সমাংশৌ, তযোঃ সমমঞ্জনং, ষোডশাংশকর্পূরযুতমিদমঞ্জনং তিমিরাপহং ভবতি|
Adhikarana তিমিরঘ্নং গৃধ্রাঞ্জনম্ (৩৭) · Śloka ৩৭
যো গৃধ্রস্তরুণরবিপ্রকাশগল্ল- স্তস্যাস্যং সমযমৃতস্য গোশকৃদ্ভিঃ|
নির্দগ্ধং সমধৃতমঞ্জনং চ পেষ্যং যোগোঽযং নযনবলং করোতি গার্ধ্রম্||৩৭||
View original
यो गृध्रस्तरुणरविप्रकाशगल्ल- स्तस्यास्यं समयमृतस्य गोशकृद्भिः|
निर्दग्धं समधृतमञ्जनं च पेष्यं योगोऽयं नयनबलं करोति गार्ध्रम्||३७||
Hide commentary
সর্বাঙ্গসুন্দরী ব্যাখ্যা ( কৃত)
স০-যো গৃধ্রস্তরুণরবিপ্রকাশগল্লস্তস্য সমযমৃতস্যাস্যং মুখং, গোশকৃদ্ভিঃ-গোমযকরীষৈঃ, নির্দগ্ধং-ভস্মাসাত্কৃতং, তস্য সমমঞ্জনং-স্রোতোজং, সমধৃতং-সমভাগং, পেষ্যং-চূর্ণযিতব্যম্| অযং যোগো নযনযোঃ-নেত্রযোঃ, বলং গার্ধ্রং-গৃধ্রতুল্যং, করোতি|
Adhikarana তিমিরঘ্নং কৃষ্ণসর্পাস্যাদ্যঞ্জনম্ (৩৮) · Śloka ৩৮
কৃষ্ণসর্পবদনে সহবিষ্কং দগ্ধমঞ্জননিঃসৃতধূমম্|
চূর্ণিতং নলদপত্রবিমিশ্রং ভিন্নতারমপি রক্ষতি চক্ষুঃ||৩৮||
View original
कृष्णसर्पवदने सहविष्कं दग्धमञ्जननिःसृतधूमम्|
चूर्णितं नलदपत्रविमिश्रं भिन्नतारमपि रक्षति चक्षुः||३८||
Hide commentary
সর্বাঙ্গসুন্দরী ব্যাখ্যা ( কৃত)
স০-কৃষ্ণসর্পস্য বদনে সহবিষ্কমঞ্জনমনিঃসৃতধূমং দগ্ধং মাংসীপত্রকমিশ্রিতং চূর্ণীতমুপযুক্তং সত্ চক্ষুর্ভিন্নতারমপি রক্ষতি| ভিন্নতারমপীত্যনেন শক্ত্যতিশযমস্যাহ| ন তু ভিন্নতারস্য কথঞ্চিদ্রক্ষণং স্যাত্| অন্যত্রাপ্যেবংবিধো ন্যাযোঽযমনুসরণীযঃ| স্বাগতাবৃত্তম্|
Adhikarana তিমিরঘ্নং অন্ধদৃষ্টিপ্রদং কুক্কুটপুরীষম্ (৩৯-৪০) · Śloka ৪০
কৃষ্ণসর্পং মৃতং ন্যস্য চতুরশ্চাপি বৃশ্চিকান্|
ক্ষীরকুম্ভে ত্রিসপ্তাহং ক্লেদযিত্বা প্রমন্থযেত্||৩৯||
তত্র যন্নবনীতং স্যাত্পুষ্ণীযাত্তেন কুক্কুটম্|
অন্ধস্তস্য পুরীষেণ প্রেক্ষতে ধ্রুবমঞ্জনাত্||৪০||
View original
कृष्णसर्पं मृतं न्यस्य चतुरश्चापि वृश्चिकान्|
क्षीरकुम्भे त्रिसप्ताहं क्लेदयित्वा प्रमन्थयेत्||३९||
तत्र यन्नवनीतं स्यात्पुष्णीयात्तेन कुक्कुटम्|
अन्धस्तस्य पुरीषेण प्रेक्षते ध्रुवमञ्जनात्||४०||
Hide commentary
সর্বাঙ্গসুন্দরী ব্যাখ্যা ( কৃত)
স০-ক্ষীরকুম্ভে মৃতং কৃষ্ণসর্পং ন্যস্য বৃশ্চিকাংশ্চ চতুরস্ত্রিসপ্তাহং ক্লেদযিত্বা বিলোডযেত্| তস্মিন্ যন্নবনীতং ভবেত্, তেন নবনীতেন কুক্কুটং পুষ্ণীযাত্| তস্য কুক্কুটস্য পুরীষেণান্ধোঽপ্যঞ্জনান্নিশ্চিতমীক্ষতে|
Adhikarana তিমিরঘ্নং অন্ধদৃষ্টিপ্রদং রসক্রিযা (৪১) · Śloka ৪১
কৃষ্ণসর্পবসা শঙ্খঃ কতকাত্ ফলমঞ্জনম্|
রসক্রিযেযমচিরাদন্ধানং দর্শনপ্রদা||৪১||
View original
कृष्णसर्पवसा शङ्खः कतकात् फलमञ्जनम्|
रसक्रियेयमचिरादन्धानं दर्शनप्रदा||४१||
Hide commentary
সর্বাঙ্গসুন্দরী ব্যাখ্যা ( কৃত)
স০-কৃষ্ণসর্পস্য বসা শঙ্খঃ কতকফলং সৌবীরাঞ্জনম্| ইযং রসক্রিযা দ্রাগেবান্ধানাং দৃষ্টিপ্রদা|
Adhikarana তিমিরঘ্নং প্রতীসারাখ্যমঞ্জনম্ (৪২) · Śloka ৪২
মরিচানি দশার্ধপিচু- স্তাপ্যাত্তুত্থাত্পলং পিচুর্যষ্ট্যাঃ|
ক্ষীরার্দ্রদগ্ধমঞ্জন- মপ্রতিসারাখ্যমুত্তমং তিমিরে||৪২||
View original
मरिचानि दशार्धपिचु- स्ताप्यात्तुत्थात्पलं पिचुर्यष्ट्याः|
क्षीरार्द्रदग्धमञ्जन- मप्रतिसाराख्यमुत्तमं तिमिरे||४२||
Hide commentary
সর্বাঙ্গসুন্দরী ব্যাখ্যা ( কৃত)
স০-দশ মরিচানি, বট্টমাক্ষিকাদর্ধকর্ষং, তুত্থাত্পলং, মধুযষ্টিকাযাঃ কর্ষঃ, এতত্সর্বং ক্ষীরার্দ্রং পশ্চাদ্দগ্ধমপ্রতিসারসংজ্ঞমঞ্জনমতিশ্রেষ্ঠং তিমিরে| গীতিরার্যা|
Adhikarana তিমিরঘ্নং অক্ষবীজাদিগুটিকা (৪৩) · Śloka ৪৩
অক্ষবীজমরিচামলকত্বক্- তুত্থযষ্টিমধুকৈর্জলপিষ্টৈঃ|
ছাযযৈব গুটিকাঃ পরিশুষ্কা নাশন্যন্তি তিমিরাণ্যচিরেণ||৪৩||
View original
अक्षबीजमरिचामलकत्वक्- तुत्थयष्टिमधुकैर्जलपिष्टैः|
छाययैव गुटिकाः परिशुष्का नाशन्यन्ति तिमिराण्यचिरेण||४३||
Hide commentary
সর্বাঙ্গসুন্দরী ব্যাখ্যা ( কৃত)
স০-অক্ষবীজাদিভির্জলপিষ্টৈর্গুটিকাঃ ছাযযৈব পরিশুষ্কাঃ-ন ত্বাতপেন, তিমিরাণি লঘু নাশযন্তি| স্বাগতাবৃত্তম্|
Adhikarana তিমিরঘ্নং ষণ্মাক্ষিকো যোগঃ (৪৪) · Śloka ৪৪
মরিচামলকজলোদ্ভব- তুত্থাঞ্জনতাপ্যধাতুভিঃ ক্রমবৃদ্ধৈঃ|
ষণ্মাক্ষিক ইতি যোগ- স্তিমিরার্মক্লেদকাচকণ্ডূহন্তা||৪৪||
View original
मरिचामलकजलोद्भव- तुत्थाञ्जनताप्यधातुभिः क्रमवृद्धैः|
षण्माक्षिक इति योग- स्तिमिरार्मक्लेदकाचकण्डूहन्ता||४४||
Hide commentary
সর্বাঙ্গসুন্দরী ব্যাখ্যা ( কৃত)
স০-মরিচাদিভিঃ ক্রমবৃদ্ধৈঃ ষণ্মাক্ষিক ইতি যোগস্তিমিরাদিঘ্নঃ| ষণ্মাক্ষিক ইতি কোঽর্থঃ ? কীদৃশঃ সমাসঃ ? ব্রূমঃ| মাক্ষিকশব্দেনাদিলোপাখ্যযা তন্ত্রযুক্ত্যা বট্টমাক্ষিক ইত্যুচ্যতে| ষট্পূরণো বট্টমাক্ষিকো যস্মিন্নিতি সমাসঃ| তেনাস্মিন্ যোগে ষষ্ঠো বট্টমাক্ষিক ইত্যবতিষ্ঠতে| গীতিরার্যা|
Adhikarana তিমিরঘ্নং চূর্ণাঞ্জনম্ (৪৫) · Śloka ৪৫
রত্নানি রূপ্যং স্ফটিকং সুবর্ণং স্রোতোঞ্জনং তাম্রমযঃ সশঙ্খম্|
কুচন্দনং লোহিতগৈরিকং চ চূর্ণাঞ্জনং সর্বদৃগামযঘ্নম্||৪৫||
View original
रत्नानि रूप्यं स्फटिकं सुवर्णं स्रोतोञ्जनं ताम्रमयः सशङ्खम्|
कुचन्दनं लोहितगैरिकं च चूर्णाञ्जनं सर्वदृगामयघ्नम्||४५||
Hide commentary
সর্বাঙ্গসুন্দরী ব্যাখ্যা ( কৃত)
স০-রত্নাদিভিশ্চূর্ণাঞ্জনম্| রত্নান্যত্র বজ্রমরকতাদীনি যথালাভং গ্রাহ্যাণি| লোহিতগৈরিকং-লোহিতং গৈরিকম্, কেচিত্তু লোহিতং-কুঙ্কুমমাহুঃ| এতচ্চূর্ণাঞ্জনমশেষদৃষ্টিরোগহরম্| উপজাতিবৃত্তম্|
Adhikarana তিমিরঘ্নং তিলতৈলাদিনস্যম্ (৪৬) · Śloka ৪৬
তিলতৈলমক্ষতৈলং ভৃঙ্গস্বরসোঽসনাচ্চ নির্যূহঃ|
আযসপাত্রবিপক্বং করোতি দৃষ্টের্বলং নস্যম্||৪৬||
View original
तिलतैलमक्षतैलं भृङ्गस्वरसोऽसनाच्च निर्यूहः|
आयसपात्रविपक्वं करोति दृष्टेर्बलं नस्यम्||४६||
Hide commentary
সর্বাঙ্গসুন্দরী ব্যাখ্যা ( কৃত)
স০-তিলতৈলমক্ষতৈলং চ সমাংশং মার্কবস্বরসোঽসনাচ্চ ক্বাথশ্চেত্যযসঃ পাত্রে বিপক্বং দৃষ্টের্বলমেতন্নস্যং করোতি| আর্যা|
Adhikarana দোষানুরোধেন স্নেহাদ্যুপচারঃ (৪৭) · Śloka ৪৭
দোষানুরোধেন চ নৈকশস্তং স্নেহাস্রবিস্রবণরেকনস্যৈঃ|
উপাচরেদঞ্জনমূর্ধবস্তি- বস্তিক্রিযাতর্পণলেপসেকৈঃ||৪৭||
View original
दोषानुरोधेन च नैकशस्तं स्नेहास्रविस्रवणरेकनस्यैः|
उपाचरेदञ्जनमूर्धबस्ति- बस्तिक्रियातर्पणलेपसेकैः||४७||
Hide commentary
সর্বাঙ্গসুন্দরী ব্যাখ্যা ( কৃত)
স০-দোষবশাচ্চ স্নেহাদিভির্মুহুর্মুহুরেনং-নেত্ররোগিণমুপক্রমেত্| মূর্ধবস্তিঃ-গণ্ডূষাদিবিধ্যুক্তঃ (হৃ.সূ.অ. ২২)| বস্তিঃবস্তিবিধ্যুক্তঃ (হৃ.সূ.অ. ১৯)| উপজাতিবৃত্তম্|
Adhikarana অতঃপরং প্রতিদোষং সাধনম্ (৪৮) · Śloka ৪৮
|
সামান্যং সাধনমিদম্ প্রতিদোষমতঃ শৃণু||৪৮||
View original
|
सामान्यं साधनमिदम् प्रतिदोषमतः शृणु||४८||
Hide commentary
সর্বাঙ্গসুন্দরী ব্যাখ্যা ( কৃত)
স০-ইদং-অনন্তরাভিহিতং, সামান্যং চিকিত্সিতম্ সং-অতঃ-অনন্তরং, প্রতিদোষং সাধনং শৃণু|
Adhikarana বাতজে তিমিরে দশমূলাদিঘৃতম্ (৪৯-৫০) · Śloka ৫০
কিং তত্ ? ইত্যাহ বাতজে তিমিরে তত্র দশমূলাম্ভসা ঘৃতম্|
ক্ষীরে চতুর্গুণে শ্রেষ্ঠাকল্কপক্বং পিবেত্ততঃ||৪৯||
ত্রিফলাপঞ্চমূলানাং কষাযং ক্ষীরসংযুতম্|
এরণ্ডতৈলসংযুক্তং যোজযেচ্চ বিরেচনম্||৫০||
View original
किं तत् ? इत्याह वातजे तिमिरे तत्र दशमूलाम्भसा घृतम्|
क्षीरे चतुर्गुणे श्रेष्ठाकल्कपक्वं पिबेत्ततः||४९||
त्रिफलापञ्चमूलानां कषायं क्षीरसंयुतम्|
एरण्डतैलसंयुक्तं योजयेच्च विरेचनम्||५०||
Hide commentary
সর্বাঙ্গসুন্দরী ব্যাখ্যা ( কৃত)
স০-[তত্র-] তেষু তিমিরাদিষু মধ্যে, বাতোত্থে তিমিরে দশমূলক্বাথেন ঘৃতং ক্ষীরে চতুর্গুণে ত্রিফলাকল্কপক্বং পিবেত্| অনন্তরং ত্রিফলাপঞ্চমূলানাং ক্বাথং ক্ষীরেণ সংযুতমেরণ্ডতৈলান্বিতং বিরেচনং যোজযেত্|
Adhikarana বাতজে তিমিরে ত্রিফলাদিবিরেচনম্ (৫১-৫৪) · Śloka ৫৪
সমূলজালজীবন্তীতুলাং দ্রোণেঽম্ভসঃ পচেত্|
অষ্টভাগস্থৈতে তস্মিংস্তৈলপ্রস্থং পযঃসমে||৫১||
বলাত্রিতযজীবন্তীবরীমূলৈঃ পলোন্মিতৈঃ|
যষ্টীপলৈশ্চতুর্ভিশ্চ লোহপাত্রে বিপাচযেত্||৫২||
লোহ এব স্থিতং মাসং নাবনাদূর্ধ্বজত্রুজান্|
বাতপিত্তাযমযান্ হন্তি তদ্বিশেষাদ্দৃগাশ্রযান্||৫৩||
কেশাস্যকন্ধরাস্কন্ধপুষ্টিলাবণ্যকান্তিদম্|
|৫৪|
View original
समूलजालजीवन्तीतुलां द्रोणेऽम्भसः पचेत्|
अष्टभागस्थैते तस्मिंस्तैलप्रस्थं पयःसमे||५१||
बलात्रितयजीवन्तीवरीमूलैः पलोन्मितैः|
यष्टीपलैश्चतुर्भिश्च लोहपात्रे विपाचयेत्||५२||
लोह एव स्थितं मासं नावनादूर्ध्वजत्रुजान्|
वातपित्तायमयान् हन्ति तद्विशेषाद्दृगाश्रयान्||५३||
केशास्यकन्धरास्कन्धपुष्टिलावण्यकान्तिदम्|
|५४|
Hide commentary
সর্বাঙ্গসুন্দরী ব্যাখ্যা ( কৃত)
স০-মূলজালযুতাযা জীবন্ত্যাঃ পলশতং জলদ্রোণে পচেত্| তস্মিন্ জলেঽষ্টভাগশেষে ক্ষীরতুল্যে তৈলপ্রস্থং বলাত্রিতযাদিভিঃ পলোন্মিতৈর্মধুযষ্টিকাপলৈশ্চতুর্ভির্লোহপাত্রে বিপাচযেত্| লোহভাণ্ড এবং মাসং স্থিতং তন্নস্যেনোর্ধ্বজত্রুজান্ রোগান্ হন্তি| বিশেষেণ দৃষ্ট্যাশ্রযান্ বাতপিত্তরোগান্ পরাকরোতি| কেশাদিষু পুষ্টিলাবণ্যকান্তিকরম্|
Adhikarana বাতজে তিমিরে জীবন্তীতৈলনস্যং কেশাস্যাদিকান্তিদং চ (৫৪-৫৫) · Śloka ৫৫
|
সিতৈরণ্ডজটাসিংহীফলদারুবচানতৈঃ||৫৪||
ঘোষযা বিল্বমূলৈশ্চ তৈলং পক্বং পযোন্বিতম্|
নস্যং সর্বোর্ধ্বজত্রূত্থবাতশ্লেষ্মামযার্তিজিত্||৫৫||
View original
|
सितैरण्डजटासिंहीफलदारुवचानतैः||५४||
घोषया बिल्वमूलैश्च तैलं पक्वं पयोन्वितम्|
नस्यं सर्वोर्ध्वजत्रूत्थवातश्लेष्मामयार्तिजित्||५५||
Hide commentary
সর্বাঙ্গসুন্দরী ব্যাখ্যা ( কৃত)
স০-শুক্লৈরণ্ডমূলাদিভিস্তৈলং সক্ষীরং পক্বং নস্যেন সর্বজত্রূর্ধ্বরোগাদিজিত্|
Adhikarana বাতজে তিমিরে সিতৈরণ্ডাদিতৈলনস্যম্ (৫৬) · Śloka ৫৬
বসাঽঞ্জনে চ বৈযাঘ্রী বারাহী বা প্রশস্যতে|
গৃধ্রাহিকুক্কুটোত্থা বা মধুকেনান্বিতা পৃথক্||৫৬||
View original
वसाऽञ्जने च वैयाघ्री वाराही वा प्रशस्यते|
गृध्राहिकुक्कुटोत्था वा मधुकेनान्विता पृथक्||५६||
Hide commentary
সর্বাঙ্গসুন্দরী ব্যাখ্যা ( কৃত)
স০-বৈযাঘ্রী বারাহী বা বসাঽঞ্জনে শস্যতে| গৃধ্রসর্পকুক্কুটোত্থা বা বসা পৃথঙ্ মধুযষ্টিকাযুতা শ্রেষ্ঠা|
Adhikarana বাতজে তিমিরে বৈযাঘ্র্যাদিবসাঞ্জনম্ বাতজে তিমিরে স্রোতোঞ্জনমং প্রত্যঞ্জনে (৫৭) · Śloka ৫৭
প্রত্যঞ্জনে চ স্রোতোজং রসক্ষীরঘৃতে ক্রমাত্|
নিষিক্তং পূর্ববদ্যোজ্যং তিমিরঘ্নমনুত্তমম্||৫৭||
View original
प्रत्यञ्जने च स्रोतोजं रसक्षीरघृते क्रमात्|
निषिक्तं पूर्ववद्योज्यं तिमिरघ्नमनुत्तमम्||५७||
Hide commentary
সর্বাঙ্গসুন্দরী ব্যাখ্যা ( কৃত)
স০-প্রত্যঞ্জনে চ স্রোতোঞ্জনং মাংসরসাদিষু ক্রমেণ তপ্তং তপ্তং সপ্তকৃত্বঃ নিষিক্তং পূর্ববদ্যোজ্যম্| এতচ্চ পরং তিমিরহৃত্|
Adhikarana বাতজে তিমিরে এবং তিমিরাশান্তৌ তর্পণম্ (৫৮) · Śloka ৫৮
ন চেদেবং শমং যাতি ততস্তর্পণমাচরেত্|
|৫৮|
View original
न चेदेवं शमं याति ततस्तर्पणमाचरेत्|
|५८|
Hide commentary
সর্বাঙ্গসুন্দরী ব্যাখ্যা ( কৃত)
স০-যদ্যেবং তিমিরং ন শাম্যেত্ ততস্তর্পণমাচরেত্-কুর্যাত্|
Adhikarana বাতজে তিমিরে শতাহ্বাদিঘৃতমং তর্পণম্ (৫৮-৫৯) · Śloka ৫৯
|
শতাহ্বাকুষ্ঠনলদকাকোলীদ্বযষ্টিভিঃ||৫৮||
প্রপৌণ্ডরীকসরলপিপ্পলীদেবদারুভিঃ|
সর্পিরষ্টগুণক্ষীরং পক্বং তর্পণমুত্তমম্||৫৯||
View original
|
शताह्वाकुष्ठनलदकाकोलीद्वयष्टिभिः||५८||
प्रपौण्डरीकसरलपिप्पलीदेवदारुभिः|
सर्पिरष्टगुणक्षीरं पक्वं तर्पणमुत्तमम्||५९||
Hide commentary
সর্বাঙ্গসুন্দরী ব্যাখ্যা ( কৃত)
স০-শতপুষ্পাদিভির্ঘৃতমষ্টগুণক্ষীরং পক্বং শ্রেষ্ঠং তর্পণম্|
Adhikarana বাতজে তিমিরেঐণেযমেদোতেজঃ তর্পণম্ (৬০) · Śloka ৬০
মেদসস্তদ্বদৈণেযাদ্দুগ্ধসিদ্ধাত্ খজাহতাত্|
উদ্ধৃতং সাধিতং তেজো মধুকোশীরচন্দনৈঃ||৬০||
View original
मेदसस्तद्वदैणेयाद्दुग्धसिद्धात् खजाहतात्|
उद्धृतं साधितं तेजो मधुकोशीरचन्दनैः||६०||
Hide commentary
সর্বাঙ্গসুন্দরী ব্যাখ্যা ( কৃত)
স০-তথৈব কৃষ্ণহরিণান্মেদসো দুগ্ধে সিদ্ধাত্ খজেনালোডিতাত্ তেজ উদ্ধৃত্য মধিকোশীরচন্দনৈঃ সহ পক্বং তর্পণমুত্তমম্|
Adhikarana বাতজে তিমিরে শ্বাবিদাদিবসা তর্পণম্ (৬১) · Śloka ৬১
শ্বাবিচ্ছল্যকগোধানাং দক্ষতিত্তিরিবর্হিণাম্|
পৃথক্পৃথগনেনৈব বিধিনা কল্পযেদ্বসাম্||৬১||
View original
श्वाविच्छल्यकगोधानां दक्षतित्तिरिबर्हिणाम्|
पृथक्पृथगनेनैव विधिना कल्पयेद्वसाम्||६१||
Hide commentary
সর্বাঙ্গসুন্দরী ব্যাখ্যা ( কৃত)
স০-শ্বাবিদাদীনাং পৃথগনেনৈব বিধিনা বসাং কল্পযেত্|
Adhikarana বাতজে তিমিরে পুটপাকঃ (৬২) · Śloka ৬২
প্রসাদনং স্নেহনং চ পুটপাকং প্রযোজযেত্|
|৬২|
View original
प्रसादनं स्नेहनं च पुटपाकं प्रयोजयेत्|
|६२|
Hide commentary
সর্বাঙ্গসুন্দরী ব্যাখ্যা ( কৃত)
স০-পুটপাকং তু প্রসাদনং স্নেহনং চ-তর্পণপুটাপাকবিধ্যুক্তং (হৃ.সূ.অ. ২৪/১৪-১৬), প্রযোজযেত্|
Adhikarana বাতজে তিমিরে বাতপীনসবন্নিরূহাদি (৬২) · Śloka ৬২
|
বাতপীনসবচ্চাত্র নিরূহং সানুবাসনম্||৬২||
View original
|
वातपीनसवच्चात्र निरूहं सानुवासनम्||६२||
Hide commentary
সর্বাঙ্গসুন্দরী ব্যাখ্যা ( কৃত)
স০-অত্র চ-বাতজে তিমিরে, বাতপীনস ইব নিরূহমনুবাসনং চ প্রযোজযেত্
Adhikarana পিত্তজে তিমিরে জীবনীযাদিঘৃতস্নিগ্ধস্য সিরাব্যধঃ (৬৩) · Śloka ৬৩
পিত্তজে তিমিরে সর্পির্জীবনীযফলত্রযৈঃ|
বিপাচিতং পাযযিত্বা স্নিগ্ধস্য ব্যধযেত্সিরাম্||৬৩||
View original
पित्तजे तिमिरे सर्पिर्जीवनीयफलत्रयैः|
विपाचितं पाययित्वा स्निग्धस्य व्यधयेत्सिराम्||६३||
Hide commentary
সর্বাঙ্গসুন্দরী ব্যাখ্যা ( কৃত)
স০-পিত্তজে তিমিরে জীবনীযৈঃ ফলত্রিকেন চ পক্বং সর্পিঃ পাযযিত্বা ততঃ স্নিগ্ধস্য সতঃ সিরাং ব্যধযেত্|
Adhikarana পিত্তজে তিমিরে শর্করাদিবিরেচনম্ (৬৪) · Śloka ৬৪
শর্করৈলাত্রিবৃচ্চূর্ণৈর্মধুযুক্তৈর্বিরেচযেত্|
|৬৪|
View original
शर्करैलात्रिवृच्चूर्णैर्मधुयुक्तैर्विरेचयेत्|
|६४|
Hide commentary
সর্বাঙ্গসুন্দরী ব্যাখ্যা ( কৃত)
স০-শর্করাদিভিঃ সমাক্ষিকৈর্বিরচযেত্|
Adhikarana পিত্তজে তিমিরে নেত্রাদিষু সিশীতাঃ সেকলেপাদযঃ (৬৪) · Śloka ৬৪
|
সুশীতান্ সেকলেপাদীন্ যুঞ্জ্যান্নেত্রাস্যমূর্ধসু||৬৪||
View original
|
सुशीतान् सेकलेपादीन् युञ्ज्यान्नेत्रास्यमूर्धसु||६४||
Hide commentary
সর্বাঙ্গসুন্দরী ব্যাখ্যা ( কৃত)
স০-নেত্রাস্যশিরঃসু চাতিশিশিরন্ সেকলেপাদীন্ যুঞ্জ্যাত্|
Adhikarana পিত্তজে তিমিরে সারিবাদিবর্তিঃ অঞ্জনে (৬৫-৬৬) · Śloka ৬৬
সারিবাপদ্মকোশীরমুক্তাশাবরচন্দনৈঃ|
বর্তিঃ শস্তাঽঞ্জনে, চূর্ণস্তথা পত্রোত্পলাঞ্জনৈঃ||৬৫||
সনাগপুষ্পকর্পূরযষ্ট্যাহ্বস্বর্ণগৈরিকৈঃ|
||৬৬||
View original
सारिवापद्मकोशीरमुक्ताशाबरचन्दनैः|
वर्तिः शस्ताऽञ्जने, चूर्णस्तथा पत्रोत्पलाञ्जनैः||६५||
सनागपुष्पकर्पूरयष्ट्याह्वस्वर्णगैरिकैः|
||६६||
Hide commentary
সর্বাঙ্গসুন্দরী ব্যাখ্যা ( কৃত)
স০-সারিবাদিভির্বর্তিরঞ্জনে শস্তা| তথা পত্রাদিভিশ্চূর্ণোঽঞ্জনং শস্তম্|
Adhikarana পিত্তজে তিমিরে পত্রাদিচূর্ণঃ অঞ্জনে (৬৭) · Śloka ৬৭
|
সৌবীরাঞ্জনতুত্থকশৃঙ্গীধাত্রীফলস্ফটিককর্পূতম্|
পঞ্চাংশং পঞ্চাংশং ত্র্যংশমথৈকাংশমঞ্জনং তিমিরঘ্নম্|
|৬৭|
View original
|
सौवीराञ्जनतुत्थकशृङ्गीधात्रीफलस्फटिककर्पूतम्|
पञ्चांशं पञ्चांशं त्र्यंशमथैकांशमञ्जनं तिमिरघ्नम्|
|६७|
Hide commentary
সর্বাঙ্গসুন্দরী ব্যাখ্যা ( কৃত)
স০-সৌবীরাঞ্জনাদিকমঞ্জনং শস্তম্| কিযত্কিযত্প্রমাণম্ ? ইত্যাহ-পঞ্চাংশমিত্যাদি| তদেবং পঞ্চ ভাগাঃ সৌবীরাঞ্জনস্য, পঞ্চৈব তুত্থকস্য, শৃঙ্গ্যামলকানাং ভাগাস্ত্রযঃ, স্ফটিককর্পূরস্য ভাগ একঃ, ইতি স্থিতম্| এবমেতদঞ্জনং তিমিরহৃত্ কুর্যাত্| গীতিরার্যেযম্|
Adhikarana পিত্তজে তিমিরে সৌবীরাঞ্জনাদি অঞ্জনে (৬৭) · Śloka ৬৭
|
নস্যং চাজ্যং শৃতং ক্ষীরজীবনীযসিতোত্পলৈঃ||৬৭||
View original
|
नस्यं चाज्यं शृतं क्षीरजीवनीयसितोत्पलैः||६७||
Hide commentary
সর্বাঙ্গসুন্দরী ব্যাখ্যা ( কৃত)
স০-ক্ষীরেণ চতুর্গুণেন জীবনীযাদিভিরাজ্যং-ঘৃতং, পক্বং নস্যে শ্রেষ্ঠম্|
Adhikarana পিত্তজে তিমিরে জীবনীযাদিঘৃতনস্যম্ (৬৮-৬৯) · Śloka ৬৯
শ্লেষ্মোদ্ভবেঽমৃতাক্বাথবরাকণশৃতং ঘৃতম্|
বিধ্যেত্সিরাং পীতবতো দদ্যাচ্চানু বিরেচনম্||৬৮||
ক্বাথং পূগাভযাশুণ্ঠীকৃষ্ণাকুম্ভনিকুম্ভজম্|
|৬৯|
View original
श्लेष्मोद्भवेऽमृताक्वाथवराकणशृतं घृतम्|
विध्येत्सिरां पीतवतो दद्याच्चानु विरेचनम्||६८||
क्वाथं पूगाभयाशुण्ठीकृष्णाकुम्भनिकुम्भजम्|
|६९|
Hide commentary
সর্বাঙ্গসুন্দরী ব্যাখ্যা ( কৃত)
স০-শ্লেষ্মোত্থতিমিরেঽমৃতাদিভিঃ পক্বং ঘৃতং পীতবতঃ সিরাং বিধ্যেত্| বিরেচনং চ পূগাদিভিঃ ক্বাথং দদ্যাত্|
Adhikarana কফজে তিমিরে অমৃতাদিঘৃতম্ (৬৯-৭০) · Śloka ৭০
|
হ্নীবেরদারুদ্বিনিশাকৃষ্ণাকল্কৈঃ পযোন্বিতৈঃ||৬৯||
দ্বিপঞ্চমূলনির্যূহে তৈলং পক্বং চ নাবনম্|
|৭০|
View original
|
ह्नीबेरदारुद्विनिशाकृष्णाकल्कैः पयोन्वितैः||६९||
द्विपञ्चमूलनिर्यूहे तैलं पक्वं च नावनम्|
|७०|
Hide commentary
সর্বাঙ্গসুন্দরী ব্যাখ্যা ( কৃত)
স০-হ্নীবেরাদিভিঃ কল্কিতৈঃ পযোন্বিতর্দ্বির্পঞ্চমূলক্বাথে তৈলং পক্বং নাবনং হিতম্|
Adhikarana কফজে তিমিরে পূগাদিবিরেচনম্ (৭০-৭১) · Śloka ৭১
|
শঙ্খপ্রিযঙ্গুনেপালীকটুত্রিকফলত্রিকৈঃ||৭০||
দৃগ্বৈমল্যায বিমলা বর্তিঃ স্যাত্|
|৭১|
View original
|
शङ्खप्रियङ्गुनेपालीकटुत्रिकफलत्रिकैः||७०||
दृग्वैमल्याय विमला वर्तिः स्यात्|
|७१|
Hide commentary
সর্বাঙ্গসুন্দরী ব্যাখ্যা ( কৃত)
স০-শঙ্খাদিভির্দৃগ্বৈমল্যায বিমলাখ্যেযং বর্তির্হিতা স্যাত্|
Adhikarana কফজে তিমিরে হ্রীবেরাদিতৈলনস্যম্ (৭১) · Śloka ৭১
কোকিলা পুনঃ|
কৃষ্ণলোহরজোব্যোষসৈন্ধবত্রিফলাঞ্জনৈঃ||৭১||
View original
कोकिला पुनः|
कृष्णलोहरजोव्योषसैन्धवत्रिफलाञ्जनैः||७१||
Hide commentary
সর্বাঙ্গসুন্দরী ব্যাখ্যা ( কৃত)
স০-কৃষ্ণলোহাদিভিঃ কোকিলাখ্যা বর্তিঃ|
Adhikarana কফজে তিমিরে বিমলা বর্তিঃ (৭২-৭৩) · Śloka ৭৩
শশগোখরসিংহোষ্ট্রদ্বিজা লালাটমস্থি চ|
শ্বেতগোবালমরিচশঙ্খচন্দনফেনকম্||৭২||
পিষ্টং স্তন্যাজদুগ্ধাভ্যাং বর্তিস্তিমিশুক্রজিত্|
|৭৩|
View original
शशगोखरसिंहोष्ट्रद्विजा लालाटमस्थि च|
श्वेतगोवालमरिचशङ्खचन्दनफेनकम्||७२||
पिष्टं स्तन्याजदुग्धाभ्यां वर्तिस्तिमिशुक्रजित्|
|७३|
Hide commentary
সর্বাঙ্গসুন্দরী ব্যাখ্যা ( কৃত)
স০-শশাদিজা দ্বিজাঃ-দন্তাঃ, এষামেব লালাটং-ললাটে ভবমস্থি, তথা শ্বেতগোবালাদীনি, স্ত্রীক্ষীরচ্ছাগদুগ্ধাভ্যাং পিষ্টা বর্তিস্তিমিরশুক্রহরেত্যর্থঃ|
Adhikarana কফজে তিমিরে কোকিলা বর্তিঃ (৭৩) · Śloka ৭৩
|
রক্তজে পিত্তবত্সিদ্ধিঃ শীতৈশ্চাস্রং প্রসাদযেত্||৭৩||
View original
|
रक्तजे पित्तवत्सिद्धिः शीतैश्चास्रं प्रसादयेत्||७३||
Hide commentary
সর্বাঙ্গসুন্দরী ব্যাখ্যা ( কৃত)
স০-রক্তজে তিমিরে পিত্তবদুপক্রমঃ| [শীতৈঃ-] শীতবীর্যৈঃ শীতস্পর্শৈরন্নপানৌষধসেকলেপাদিভিশ্চ, রক্তং প্রসাদযেত্|
Adhikarana কফজে তিমিরে শশদ্বিজাদিবর্তিঃ (৭৪) · Śloka ৭৪
দ্রাক্ষযা নলদরোধ্রযষ্টিভিঃ শঙ্খতাম্রহিমপদ্মপদ্মকৈঃ|
সোত্পলৈশ্ছগলদুগ্ধবর্তিতৈ- রস্রজং তিমিরমাশু নশ্যতি||৭৪||
View original
द्राक्षया नलदरोध्रयष्टिभिः शङ्खताम्रहिमपद्मपद्मकैः|
सोत्पलैश्छगलदुग्धवर्तितै- रस्रजं तिमिरमाशु नश्यति||७४||
Hide commentary
সর্বাঙ্গসুন্দরী ব্যাখ্যা ( কৃত)
স০-দ্রাক্ষাদিভিশ্ছাগলীদুগ্ধপিষ্টৈঃ শীঘ্রং রক্তোত্থং তিমিরং নশ্যতি|
Adhikarana রক্তজে তিমিরে পিত্তবত্ (৭৫) · Śloka ৭৫
সংসর্গসন্নিপাতোত্থে যথাদোষোদযং ক্রিযা|
|৭৫|
View original
संसर्गसन्निपातोत्थे यथादोषोदयं क्रिया|
|७५|
Hide commentary
সর্বাঙ্গসুন্দরী ব্যাখ্যা ( কৃত)
স০-সংসর্গজে সন্নিপাতজে চ তিমিরে যথাদোষোদ্রেকং চিকিত্সিতম্|
Adhikarana রক্তজে তিমিরে শীতৈঃ রক্তপ্রসাদনম্ (৭৫-৭৬) · Śloka ৭৬
|
সিদ্ধং মধূককৃমিজিন্মরিচামরদারুভিঃ||৭৫||
সক্ষীরং নাবনং তৈলং পিষ্টৈর্লেপো মুখস্য চ|
|৭৬|
View original
|
सिद्धं मधूककृमिजिन्मरिचामरदारुभिः||७५||
सक्षीरं नावनं तैलं पिष्टैर्लेपो मुखस्य च|
|७६|
Hide commentary
সর্বাঙ্গসুন্দরী ব্যাখ্যা ( কৃত)
স০-মধূকাদিভিঃ সক্ষীরং তৈলং সিদ্ধং নাবনং হিতম্| মধূকাদিভিরেব জলেন পিষ্টৈর্মুখলেপো হিতঃ|
Adhikarana রক্তজে তিমিরে দ্রাক্ষাদিভেষজম্ (৭৬-৭৭) · Śloka ৭৭
|
নতনীলোত্পলানন্তাযষ্ট্যাহ্বসুনিষণ্ণকৈঃ||৭৬||
সাধিতং নাবনে তৈলং শিরোবস্তৌ চ শস্যতে|
|৭৭|
View original
|
नतनीलोत्पलानन्तायष्ट्याह्वसुनिषण्णकैः||७६||
साधितं नावने तैलं शिरोबस्तौ च शस्यते|
|७७|
Hide commentary
সর্বাঙ্গসুন্দরী ব্যাখ্যা ( কৃত)
স০-নতাদিভিঃ সাধিতং তৈলং নাবনে শিরোবস্তৌ চ শস্যতে|
Adhikarana সংসর্গসন্নিপাতজে যথাদোষম্ (৭৭-৭৮) · Śloka ৭৮
|
দদ্যাদুশীরনির্যূহে চূর্ণিতং কণসৈন্ধবম্||৭৭||
তত্স্রুতং সঘৃতং ভূযঃ পচেত্ক্ষৌদ্রং ঘনে ক্ষিপেত্|
শীতে চাস্মিন্ হিতমিদং সর্বজে তিমিরেঽঞ্জনম্||৭৮||
View original
|
दद्यादुशीरनिर्यूहे चूर्णितं कणसैन्धवम्||७७||
तत्स्रुतं सघृतं भूयः पचेत्क्षौद्रं घने क्षिपेत्|
शीते चास्मिन् हितमिदं सर्वजे तिमिरेऽञ्जनम्||७८||
Hide commentary
সর্বাঙ্গসুন্দরী ব্যাখ্যা ( কৃত)
স০-উশীরক্বাথে পিপ্পলীসৈন্ধবং রজীকৃতং দদ্যাত্| তচ্চ স্রুতং সত্ ঘৃতান্বিতং পুনঃ পচেত্| ঘনে চাস্মিন্ শীতে চ ক্ষৌদ্রং ক্ষিপেত্| এতত্ সর্বোত্থে তিমিরে হিতমঞ্জনম্|
Adhikarana সংসর্গসন্নিপাতজে মধূকাদিতৈলং নস্যম্ (৭৯-৮১) · Śloka ৮১
অস্থীনি মজ্জপূর্ণানি সত্ত্বানাং রাত্রিচারিণাম্|
স্রোতোজাঞ্জনযুক্তানি বহত্যম্ভসি বাসযেত্||৭৯||
মাসং বিংশতিরাত্রং বা ততশ্চোদ্ধৃত্য শোষযেত্|
সমেষশৃঙ্গীপুষ্পাণি সযষ্ট্যাহ্বানি তান্যনু||৮০||
চূর্ণিতান্যঞ্জনং শ্রেষ্ঠং তিমিরে সান্নিপাতিকে|
|৮১|
View original
अस्थीनि मज्जपूर्णानि सत्त्वानां रात्रिचारिणाम्|
स्रोतोजाञ्जनयुक्तानि वहत्यम्भसि वासयेत्||७९||
मासं विंशतिरात्रं वा ततश्चोद्धृत्य शोषयेत्|
समेषशृङ्गीपुष्पाणि सयष्ट्याह्वानि तान्यनु||८०||
चूर्णितान्यञ्जनं श्रेष्ठं तिमिरे सान्निपातिके|
|८१|
Hide commentary
সর্বাঙ্গসুন্দরী ব্যাখ্যা ( কৃত)
স০-রাত্রিচারিণাং প্রাণিনামস্থীনি মজ্জপূর্ণানি স্রোতোঞ্জনযুক্তানি জলে বহতি মাসং বিংশতির্বা নিশা বাসযেত্| ততঃ-পশ্চাত্, উদ্ধৃত্য শোষযেত্| তনি চ মেষশৃঙ্গীপুষ্পৈর্যুতানি মধূকেন চ, চূর্ণিতানি সান্নিপাতিকে তিমিরেঽঞ্জনং শ্রেষ্ঠম্|
Adhikarana সংসর্গসন্নিপাতজে মধূকাদির্মুখলেপঃ (৮১-৮২) · Śloka ৮২
|
কাচেঽপ্যেষা ক্রিযা মুক্ত্বা সিরাং, যন্ত্রনিপীডিতাঃ||৮১||
আন্ধ্যায স্যুর্মলা দদ্যাত্স্রাব্যে ত্বস্রে জলৌকসঃ|
|৮২|
View original
|
काचेऽप्येषा क्रिया मुक्त्वा सिरां, यन्त्रनिपीडिताः||८१||
आन्ध्याय स्युर्मला दद्यात्स्राव्ये त्वस्रे जलौकसः|
|८२|
Hide commentary
সর্বাঙ্গসুন্দরী ব্যাখ্যা ( কৃত)
স০-কাচেঽপ্যযেষা-পূর্বোদিতা ক্রিযা, সিরাং হিত্বা| সিরাঽপি কস্মান্নানুমীযতে ? ইত্যাহ-যন্ত্রেত্যাদি| সিরোপযোগিযন্ত্রনিপীডিতা মলা আন্ধ্যায যতঃ স্যুঃ| স্রাব্যে তু রক্তে জলৌকসো দদ্যাত্|
Adhikarana সংসর্গসন্নিপাতজে নতাদিতৈলং নস্যে শিরো বস্তৌ চ (৮২-৮৩) · Śloka ৮৩
|
গুডঃ ফেনোঽঞ্জনং কৃষ্ণা মরিচং কুঙ্কুমাদ্রজঃ||৮২||
রসক্রিযেযং সক্ষৌদ্রা কাচযাপনমঞ্জনম্|
|৮৩|
View original
|
गुडः फेनोऽञ्जनं कृष्णा मरिचं कुङ्कुमाद्रजः||८२||
रसक्रियेयं सक्षौद्रा काचयापनमञ्जनम्|
|८३|
Hide commentary
সর্বাঙ্গসুন্দরী ব্যাখ্যা ( কৃত)
স০-গুডাদযো রসক্রিযা ক্ষৌদ্রান্বিতেযং কাচযাপনমঞ্জনম্|
Adhikarana নকুলান্ধে তিমিরবিধিঃ (৮৩) · Śloka ৮৩
|
নকুলন্ধে ত্রিদোষোত্থে তৈমির্যবিহিতো বিধিঃ||৮৩||
View original
|
नकुलन्धे त्रिदोषोत्थे तैमिर्यविहितो विधिः||८३||
Hide commentary
সর্বাঙ্গসুন্দরী ব্যাখ্যা ( কৃত)
স০-নকুলান্ধে ত্রিদোষজে তিমিরবিহিতো বিধিঃ কার্যঃ|
Adhikarana রাত্র্যন্ধে তার্ক্ষ্যাদিরসক্রিযা (৮৪) · Śloka ৮৪
রসক্রিযা ঘৃতক্ষৌদ্রগোমযস্বরসদ্রুতৈঃ|
তার্ক্ষ্যগৈরিকতালীসৈর্নিশান্ধে হিতমঞ্জনম্||৮৪||
View original
रसक्रिया घृतक्षौद्रगोमयस्वरसद्रुतैः|
तार्क्ष्यगैरिकतालीसैर्निशान्धे हितमञ्जनम्||८४||
Hide commentary
সর্বাঙ্গসুন্দরী ব্যাখ্যা ( কৃত)
স০-ঘৃতাদিদ্রুতৈ রসাঞ্জনাদিভির্নিশান্ধে রসক্রিযা হিতমঞ্জনম্|
Adhikarana রাত্র্যন্ধে মরিচাঞ্জনম্ (৮৫) · Śloka ৮৫
দঘ্না বিঘৃষ্টং মরিচং রাত্র্যন্ধেঽঞ্জনমুত্তমম্|
|৮৫|
View original
दघ्ना विघृष्टं मरिचं रात्र्यन्धेऽञ्जनमुत्तमम्|
|८५|
Hide commentary
সর্বাঙ্গসুন্দরী ব্যাখ্যা ( কৃত)
স০-দধ্না বিঘৃষ্টং মরিচং রাত্র্যন্ধে শ্রেষ্ঠমঞ্জনম্|
Adhikarana রাত্র্যন্ধে কৌন্ত্যাদিবর্তিঃ (৮৫-৮৬) · Śloka ৮৬
|
করঞ্জিকোত্পলস্বর্ণগৈরিকাম্ভোজকেসরৈঃ||৮৫||
পিষ্টৈর্গোমযতোযেন বর্তিদোষান্ধনাশিনী|
|৮৬|
View original
|
करञ्जिकोत्पलस्वर्णगैरिकाम्भोजकेसरैः||८५||
पिष्टैर्गोमयतोयेन वर्तिदोषान्धनाशिनी|
|८६|
Hide commentary
সর্বাঙ্গসুন্দরী ব্যাখ্যা ( কৃত)
স০-করঞ্জিকাদিভির্গোমযরসেন পিষ্টৈর্বর্তির্নক্তান্ধ্যহৃত্|
Adhikarana রাত্র্যন্ধে কালানুসার্যাদযো বর্তযঃ (৮৬-৮৭) · Śloka ৮৭
|
অজামূত্রেণ বা কৌন্তীকৃষ্ণাস্রোতোজসৈন্ধবৈঃ||৮৬||
কালানুসারীত্রিকাতুত্রিফলালমনঃশিলাঃ|
সফেনাশ্ছাগদুগ্ধেন রাত্র্যন্ধে বর্তযো হিতাঃ||৮৭||
View original
|
अजामूत्रेण वा कौन्तीकृष्णास्रोतोजसैन्धवैः||८६||
कालानुसारीत्रिकातुत्रिफलालमनःशिलाः|
सफेनाश्छागदुग्धेन रात्र्यन्धे वर्तयो हिताः||८७||
Hide commentary
সর্বাঙ্গসুন্দরী ব্যাখ্যা ( কৃত)
স০-অজামূত্রেণ পিষ্টৈঃ কৌন্ত্যাদিভির্বা বর্তির্নিশান্ধ্যঘ্নী| সং-কালানুসার্যাদযোঽজাক্ষীরেণ পিষ্টা বর্তযো নিশান্ধে হিতাঃ|
Adhikarana রাত্র্যন্ধে পিপ্পল্যঞ্জনম্ (৮৮) · Śloka ৮৮
সন্নিবেশ্য যকৃন্মধ্যে পিপ্পলীরদহন্পচেত্|
তাঃ শুষ্কা মধুনা ঘৃষ্টা নিশান্ধে শ্রেষ্ঠমঞ্জনম্||৮৮||
View original
सन्निवेश्य यकृन्मध्ये पिप्पलीरदहन्पचेत्|
ताः शुष्का मधुना घृष्टा निशान्धे श्रेष्ठमञ्जनम्||८८||
Hide commentary
সর্বাঙ্গসুন্দরী ব্যাখ্যা ( কৃত)
স০-পিপ্পলীর্যকৃন্মধ্যে সন্নিবেশ্যাদহন্ পচেত্| ততঃ পিপ্পল্যঃ শুষ্কা মধুঘৃষ্টা রাত্র্যন্ধে পরমঞ্জনম্|
Adhikarana রাত্র্যন্ধে মাহিষপ্লীহযকৃদ্ভক্ষণম্ (৮৯) · Śloka ৮৯
খাদেচ্চ প্লীহযকৃতী মাহিষে তৈলসর্পিষা|
|৮৯|
View original
खादेच्च प्लीहयकृती माहिषे तैलसर्पिषा|
|८९|
Hide commentary
সর্বাঙ্গসুন্দরী ব্যাখ্যা ( কৃত)
স০-মাহিষে চ প্লীহযকৃতী তৈলসর্পিষা সহ ভক্ষযেত্|
Adhikarana রাত্র্যন্ধে জীবন্ত্যাদিপল্লবভক্ষণম্ (৮৯-৯০) · Śloka ৯০
|
ঘৃতে সিদ্ধানি জীবন্ত্যাঃ পল্লবানি চ ভক্ষযেত্||৮৯||
তথাঽতিমুক্তকৈরণ্ডাশোফাল্যভীরুজানি চ|
ভৃষ্টং ঘৃতং কুম্ভযোনেঃ পত্রৈঃ পানে চ পূজিতম্||৯০||
View original
|
घृते सिद्धानि जीवन्त्याः पल्लवानि च भक्षयेत्||८९||
तथाऽतिमुक्तकैरण्डाशोफाल्यभीरुजानि च|
भृष्टं घृतं कुम्भयोनेः पत्रैः पाने च पूजितम्||९०||
Hide commentary
সর্বাঙ্গসুন্দরী ব্যাখ্যা ( কৃত)
স০-জীবন্ত্যাশ্চ পল্লবানি সর্পিষা পক্বানি ভুঞ্জীত| তথা অতিমুক্তকাদীনি পত্রাণি ঘৃতসিদ্ধানি খাদেত্| অগস্তিপত্রৈঃ সর্পিঃ সিদ্ধং পানে চ পূজিতম্|
Adhikarana ধূমরাম্লপিত্তোষ্ণবিদগ্ধাসু জীর্ণসর্পির্বিরেচনম্ শীতলেপশ্চ (৯১) · Śloka ৯১
ধূমরাখ্যাম্লপিত্তোষ্ণবিদাহে জীর্ণসর্পিষা|
স্নিগ্ধং বেরেচযেচ্ছীতৈঃ শীতোর্দিহ্যাচ্চ সর্বতঃ||৯১||
View original
धूमराख्याम्लपित्तोष्णविदाहे जीर्णसर्पिषा|
स्निग्धं वेरेचयेच्छीतैः शीतोर्दिह्याच्च सर्वतः||९१||
Hide commentary
সর্বাঙ্গসুন্দরী ব্যাখ্যা ( কৃত)
স০-অম্লপিত্তোষ্ণৈর্বিদাহো-বিদগ্ধত্বং, অম্লপিত্তোষ্ণবিদাহঃ| ধূমরাখ্যশ্চাম্লপিত্তোষ্ণবিদাহশ্চ তস্মিন্| তত্র ধূমরাখ্যঃ-"শোকজ্বরাদি" (অ. ১২/২৯) ইত্যাদি লক্ষণঃ| "ভৃশমম্লাশনাত্" (অ. ১২/২৮) ইত্যাদিনাঽম্লবিদগ্ধা| "ভবেত্পিত্তবিদগ্ধাখ্যা" (অ. ১২/১৬) ইতি পিত্তবিদগ্ধা| "উষ্ণতপ্তস্য" (অ. ১২/২৬) ইত্যাদিনা উষ্ণাবিদগ্ধেতি| তস্মিন্ ধূমরাখ্যাম্লপিত্তোষ্ণবিদাহেঽতিপুরাণসর্পিষাঽভ্যক্তং স্নিগ্ধং শীতৈর্বিশোধযেত্| শীতৈশ্চ সর্বতো লেপযেত্|
Adhikarana ধূমরাম্লপিত্তোষ্ণবিদগ্ধাসু গোশকৃদ্রসাঞ্জনম্ ধূমরাম্লপিত্তোষ্ণবিদগ্ধাসু স্বর্ণগৈরিকাদিরসক্রিযা (৯২) · Śloka ৯২
গোশকৃদ্রসদুগ্ধাজ্যৈর্বিপক্বং শস্যতেঽঞ্জনম্|
স্বর্ণগৈরিকতালীসচূর্ণাবাপা রসক্রিযা||৯২||
View original
गोशकृद्रसदुग्धाज्यैर्विपक्वं शस्यतेऽञ्जनम्|
स्वर्णगैरिकतालीसचूर्णावापा रसक्रिया||९२||
Hide commentary
সর্বাঙ্গসুন্দরী ব্যাখ্যা ( কৃত)
স০-গোশকৃদাদিভির্বপক্বমঞ্জনং শস্যতে| স্বর্ণগৈরিকাদীনাং চূর্ণৈরাবাপো যস্যাং সা, এবংবিধা রসক্রিযা ব শস্যতে|
Adhikarana ধূমরাম্লপিত্তোষ্ণবিদগ্ধাসু মেদাদিঘৃততৈলং নস্যম্ (৯৩) · Śloka ৯৩
মেদাশাবরকানন্তামঞ্জিষ্ঠাদার্বিযষ্টিভিঃ|
ক্ষীরাষ্টাংশং ঘৃতং পক্বং সতৈলং নাবনং হিতম্||৯৩||
View original
मेदाशाबरकानन्तामञ्जिष्ठादार्वियष्टिभिः|
क्षीराष्टांशं घृतं पक्वं सतैलं नावनं हितम्||९३||
Hide commentary
সর্বাঙ্গসুন্দরী ব্যাখ্যা ( কৃত)
স০-মেদাদিভিঃ ক্ষীরাষ্টাংশং ঘৃতং তৈলসহিতং পক্বং নাবনং হিতম্|
Adhikarana ধূমরাম্লপিত্তোষ্ণবিদগ্ধাসু ক্ষীরসর্পিস্তর্পণম্ (৯৪) · Śloka ৯৪
তর্পণং ক্ষীরসর্পিঃ স্যাদশাম্যতি সিরাব্যধঃ|
|৯৪|
View original
तर्पणं क्षीरसर्पिः स्यादशाम्यति सिराव्यधः|
|९४|
Hide commentary
সর্বাঙ্গসুন্দরী ব্যাখ্যা ( কৃত)
স০-ক্ষীরোদ্ভবম্ সর্পিস্তর্পণং হিতম্| এবমশাম্যতি সিরাব্যধঃ কার্যঃ|
Adhikarana ধূমরাম্লপিত্তোষ্ণবিদগ্ধাসু এবমশান্তৌ সিরাব্যধঃ তিমিররোগিবদবলোকনে কারণানি (৯৪-৯৬) · Śloka ৯৬
|
চিন্তাভিঘাতভীশোকরৌক্ষ্যাত্ সোত্কটকাসনাত্||৯৪||
বিরেকনস্যবমনপুটপাকাদিবিভ্রমাত্|
বিদগ্ধাহারবমনাত্ ক্ষুত্তৃষ্ণাদিবিধারণাত্||৯৫||
অক্ষিরোগাবসানাচ্চ পশ্যেত্তিমিররোগিবত্|
|৯৬|
View original
|
चिन्ताभिघातभीशोकरौक्ष्यात् सोत्कटकासनात्||९४||
विरेकनस्यवमनपुटपाकादिविभ्रमात्|
विदग्धाहारवमनात् क्षुत्तृष्णादिविधारणात्||९५||
अक्षिरोगावसानाच्च पश्येत्तिमिररोगिवत्|
|९६|
Hide commentary
সর্বাঙ্গসুন্দরী ব্যাখ্যা ( কৃত)
স০-চিন্তাদিভিরতিমিরবানপি তিমিররোগীব পশ্যেত্|
Adhikarana তিমিররোগিবদবলোকনে যথাদোষমৌষধম্ (৯৬) · Śloka ৯৬
|
যথাস্বং তত্র যুঞ্জীত দোষাদীন্ বীক্ষ্য ভেষজম্||৯৬||
View original
|
यथास्वं तत्र युञ्जीत दोषादीन् वीक्ष्य भेषजम्||९६||
Hide commentary
সর্বাঙ্গসুন্দরী ব্যাখ্যা ( কৃত)
স০-[ তত্র- ] তস্মিংশ্চ তিমিররোগিসদৃশদর্শনে, যথাযোগং দোষদূষ্যদেশাদীন্ বীক্ষ্যৌষধং প্রযুঞ্জীত|
Adhikarana সূর্যো পরাগাদ্যুপহতেক্ষণে সন্তর্পণম্ সূর্যো পরাগাদ্যুপহতেক্ষণে সুবর্ণাঞ্জনম্ (৯৭) · Śloka ৯৭
সূর্যোপরাগানলবিদ্যুদাদি- বিলোকনেনোপহতেক্ষণস্য|
সন্তর্পণং স্নিগ্ধহিমাদি কার্যং তথাঞ্জনং হেম ঘৃতেন ঘৃষ্টম্||৯৭||
View original
सूर्योपरागानलविद्युदादि- विलोकनेनोपहतेक्षणस्य|
सन्तर्पणं स्निग्धहिमादि कार्यं तथाञ्जनं हेम घृतेन घृष्टम्||९७||
Hide commentary
সর্বাঙ্গসুন্দরী ব্যাখ্যা ( কৃত)
স০-সূর্যোপরাগাদিবিলোকনেনোপহতদর্শনস্য স্নিগ্ধহিমাদি সন্তর্পণং কার্যম্| আদিশব্দেনাতিসূক্ষ্মাতিভাসুরাদিপরিগ্রহঃ| সুর্বণং চ ঘৃতেন ঘৃষ্টমঞ্জনং হিতম্| উপাজাতিবৃত্তম্|
Adhikarana নেত্ররক্ষণং সর্বদা কর্তব্যম্ (৯৮) · Śloka ৯৮
চক্ষূরক্ষাযাং সর্বকালং মনুষ্যৈ- র্যত্নঃ কর্তব্যো জীবিতে যাবদিচ্ছা|
ব্যর্থো লোকোঽযং তুল্যরাত্রিংদিবানাং পুংসামন্ধানাং বিদ্যমানেঽপি বিত্তে||৯৮||
View original
चक्षूरक्षायां सर्वकालं मनुष्यै- र्यत्नः कर्तव्यो जीविते यावदिच्छा|
व्यर्थो लोकोऽयं तुल्यरात्रिंदिवानां पुंसामन्धानां विद्यमानेऽपि वित्ते||९८||
Hide commentary
সর্বাঙ্গসুন্দরী ব্যাখ্যা ( কৃত)
স০-নেত্ররক্ষাযাং সদা যত্নো বিধেযো যাবজ্জীবিতাভিলাষিত্বম্| যস্মাদন্ধানাং তুল্যরাত্রিংদিবানাং পুংসাং বিদ্যমানেঽপি ধনে লোক এব নিরর্থকঃ স্যাত্| রাত্রিংদিবশব্দোঽত্রাচতুরাদিসূত্রে নিপাতিতঃ| বৈশ্বদেবীবৃত্তম্|
Adhikarana নেত্ররক্ষণকরং ত্রিফলাদি (৯৯) · Śloka ৯৯
ত্রিফলা রুধিরস্রুতির্বিশুদ্ধি- র্মনসো নির্বৃতিরঞ্জনং সনস্যম্|
শকুনাশনতা সপাদপূজা ঘৃতপানং চ সদৈব নেত্ররক্ষা||৯৯||
View original
त्रिफला रुधिरस्रुतिर्विशुद्धि- र्मनसो निर्वृतिरञ्जनं सनस्यम्|
शकुनाशनता सपादपूजा घृतपानं च सदैव नेत्ररक्षा||९९||
Hide commentary
সর্বাঙ্গসুন্দরী ব্যাখ্যা ( কৃত)
স০-ত্রিফলাদিকং সদৈব-সর্বকালং, নেত্ররক্ষা স্যাত্|
Adhikarana নেত্ররক্ষণকরং অহিতাশননিবৃত্ত্যাদি (১৩) · Śloka ১৩
অহিতাদশনাত্সদা নিবৃত্তি- র্ভৃশভাস্বচ্চলসূক্ষ্মবীক্ষণাচ্চ|
মুনিনা নিমিনোপদষ্টমেতত্ পরমং রক্ষণমীক্ষণস্য পুংসাম্||১০০||
ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচি- তাযামষ্টাঙ্গহৃদযসংহিতাযাং ষষ্ঠে উত্তর স্থানে তিমিরপ্রতিষেধো নাম ত্রযোদশোঽধ্যাযঃ||১৩||
View original
अहितादशनात्सदा निवृत्ति- र्भृशभास्वच्चलसूक्ष्मवीक्षणाच्च|
मुनिना निमिनोपदष्टमेतत् परमं रक्षणमीक्षणस्य पुंसाम्||१००||
इति श्रीवैद्यपतिसिंहगुप्तसूनुश्रीमद्वाग्भटविरचि- तायामष्टाङ्गहृदयसंहितायां षष्ठे उत्तर स्थाने तिमिरप्रतिषेधो नाम त्रयोदशोऽध्यायः||१३||
Hide commentary
সর্বাঙ্গসুন্দরী ব্যাখ্যা ( কৃত)
স০-অহিতাদাহারাত্ সততং নিবৃত্তিঃ, অতিভাসুরাদ্যালোকনাচ্চোপরতিঃ, ইত্যেতন্নিমিনাম্রা মুনিনা পরমং নৃণাং নযনস্য রক্ষণমুদিতম্| ঔপচ্ছন্দসিকং(কে) বৃত্তম্(ত্তে)| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাম্ সর্বাঙ্গসুন্দরাখ্যাযাং ষষ্ঠে উত্তরস্থানে তিমির- প্রতিষেধো নাম ত্রযোদশোঽধ্যাযঃ সমাপ্তঃ|| ১৩||