৩৬. সর্পবিষপ্রতিষেধাধ্যাযঃ

Adhikarana অধ্যাযোপক্রমঃ (১) · Śloka ১

|১|

Adhikarana সর্পবিষপ্রতিষেধাধ্যাযঃ ---------- ভৌমপন্নগানাং ত্রিবিধত্বম্ (২) · Śloka ২

অথাতঃ সর্পবিষপ্রতিষেধং ব্যাখ্যাস্যামঃ| ইতি হ স্মাহুরাত্রযাদযো মহর্ষযঃ| (গদ্যসূত্রে|২| ) দর্বীকরা মণ্ডলিনো রাজীমন্তশ্চ পন্নগাঃ| ত্রিধা সমাসতো ভৌমাঃ, ভিদ্যন্তে তে ত্বনেকধা||১|| ব্যাসতো যোনিভেদেন নোচ্যন্তেঽনুপযোগিনঃ| |২|

Adhikarana দর্বীকরাদীনাং বিষং ক্রমেণ রূক্ষকটুকাদিকং বাতাদি কোপনং চ (২-৩) · Śloka ৩

| বিশেষাদ্রূক্ষকটুকমম্লোষ্ণং স্বাদুশীতলম্||২|| বিষং দর্বীকরাদীনাং ক্রমাদ্বাতাদিকোপনম্| |৩|

Adhikarana দর্বীকরাদীনাং তারুণ্যাদিষু বিষোল্বণত্বম্ (৩-৪) · Śloka ৪

| তরুণ্যমধ্যবৃদ্ধত্বে বৃষ্টিশীতাতপেষু চ||৩|| বিষোল্বণা ভবন্ত্যেতে ব্যন্তরা ঋতুসন্ধিষু| |৪|

Adhikarana দর্বীকরাণাং লক্ষণম্ (৪-৫) · Śloka ৫

| রথাঙ্গলাঙ্গলচ্ছত্রস্বস্তিকাঙ্কুশধারিণঃ||৪|| ফণিনঃ শীঘ্রগতযঃ সর্পা দর্বীকরাঃ স্মৃতাঃ| |৫|

Adhikarana মণ্ডলিনাং লক্ষণম্ (৫-৬) · Śloka ৬

| জ্ঞেযা মণ্ডলিনোঽভোগা মণ্ডলৈর্বিবিধৈশ্চিতাঃ||৫|| প্রাংশবো মন্দগমনাঃ| |৬|

Adhikarana রাজীমতাং লক্ষণম্ (৬) · Śloka ৬

রাজীমন্তস্তু রাজিভিঃ| স্নিগ্ধা বিচিত্রবর্ণাভিস্তির্যগূর্ধ্বং চ চিত্রিতাঃ||৬||

Adhikarana গৌধেরস্য লক্ষণম্ (৭) · Śloka ৭

বিজাতযোঽধুনোচ্যন্তে - গোধাসুতস্তু গৌধেরো বিষে দর্বীকরৈঃ সমঃ| চতুষ্পাদ্|৭|

Adhikarana এতেষামেব সঙ্করাত্ ব্যন্তরাজ্ঞেযাঃ (৭-৮) · Śloka ৮

| ব্যন্তরান্ বিদ্যাদেতেষামেব সঙ্করাত্||৭|| ব্যামিশ্রলক্ষণাস্তে হি সন্নিপাতপ্রকোপনাঃ| |৮|

Adhikarana সর্পদশনে আহারাদিকারণানি (৮-৯) · Śloka ৯

| আহারার্থং ভযাত্ পাদস্পর্শাদতিবিষাত্ ক্রুধঃ||৮|| পাপবৃত্তিতযা বৈরাদ্দেবর্ষিযমচোদনাত্| দশন্তি সর্পাস্তেষূক্তং বিষাধিক্যং যথোত্তরম্||৯||

Adhikarana কারণং জ্ঞাত্বা যথাস্বং প্রতিক্রিযা (১০) · Śloka ১০

আদিষ্টাত্ কারণং জ্ঞাত্বা প্রতিকুর্যাদ্যথাযথম্| |১০|

Adhikarana ব্যন্তরস্য মার্গাশ্রযত্বম্ (১০) · Śloka ১০

| ব্যন্তরঃ পাপশীলত্বান্মার্গমাশ্রিত্য তিষ্ঠতি||১০||

Adhikarana তুণ্ডাহতস্য লক্ষণম্, ব্যালীঢস্য লক্ষণম্, ব্যালুত্পস্য লক্ষণম্ দশ্টকস্য লক্ষণম্ দশ্টনিপীডিতস্য লক্ষণম্, এষাং সাধ্যাসাধ্যত্বম্ (১১-১৪) · Śloka ১৪

যত্র লালাপরিক্লেদমাত্রং গাত্রে প্রদৃশ্যতে| ন তু দংষ্ট্রাকৃতং দংশং তত্তুণ্ডাহতমাদিশেত্||১১|| একং দংষ্ট্রাপদং দ্বে বা ব্যালীঢাখ্যমশোণিতম্| দংষ্ট্রাপদে সরক্তে দ্বে ব্যালুপ্তং, ত্রীণি তানি তু||১২|| মাংসচ্ছেদাদবিচ্ছিন্নরক্তবাহীনি দষ্টকম্| দংষ্ট্রাপদানি চত্বারি তদ্বদ্দষ্টনিপীডিতম্||১৩|| নির্বিষং দ্বযমত্রাদ্যমসাধ্যং পশ্চিমং বদেত্| |১৪|

Adhikarana সর্পবিষস্য রক্তপ্রাপ্ত্যৈব বর্ধনম্ (১৪-১৫) · Śloka ১৫

| বিষং নাহেযমপ্রাপ্য রক্তং দূষযতে বপুঃ||১৪|| রক্তমণ্বপি তু প্রাপ্তং বর্ধতে তৈলমম্বুবত্| |১৫|

Adhikarana সর্পাঙ্গাভিহতস্য লক্ষণম্ (১৫-১৬) · Śloka ১৬

| ভীরোস্তু সর্পসংস্পর্শাদ্ভযেন কুপিতোঽনিলঃ||১৫|| কদাচিত্কুরুতে শোফং সর্পাঙ্গাভিহতং তু তত্| |১৬|

Adhikarana শঙ্কবিষস্য লক্ষণম্ (১৬-১৭) · Śloka ১৭

| দুর্গান্ধকারে বিদ্ধস্য কেনচিদ্দষ্টশঙ্কযা||১৬|| বিষোদ্বেগো জ্বরশ্চর্দির্মূর্চ্ছা দাহোঽপি বা ভবেত্| গ্লানির্মোহোঽতিসারো বা তচ্ছঙ্কাবিষমুচ্যতে||১৭||

Adhikarana সবিষদংশস্য লক্ষণম্ , নির্বিষদংশস্য লক্ষণম্ (১৮) · Śloka ১৮

তুদ্যতে সবিষো দংশঃ কণ্ডূশোফরুজন্বিতঃ| দহ্যতে গ্রথিতঃ কিঞ্চিদ্বিপরীতস্তু নির্বিষঃ||১৮||

Adhikarana দর্বীকরাণাং প্রথমবেগস্য লক্ষণম্, দ্বিতীযবেগস্য লক্ষণম্, তৃতীযবেগস্য লক্ষণম্, চতুর্থবেগস্য লক্ষণম্, পঞ্চমবেগস্য লক্ষণম্, ষষ্ঠবেগস্য লক্ষণম্, সপ্তমবেগস্য লক্ষণম্ (১৯-২২) · Śloka ২২

পূর্বে দর্বীকৃতাং বেগে দুষ্টং শ্যাবীভবত্যসৃক্| শ্যাবতা তেন বক্ত্রাদৌ সর্পন্তীব চ কীটকাঃ||১৯|| দ্বিতীযে গ্রন্থযো বেগে, তৃতীযে মূর্ধ্নি গৌরবম্| দৃগ্রোধো দংশবিক্লেদশ্চতুর্থে ষ্ঠীবনং বমিঃ||২০|| সন্ধিবিশ্লেষণং তন্দ্রা পঞ্চমে পর্বভেদনম্| দাহো হিধ্মা চ, ষষ্ঠে তু হৃত্পীডা গাত্রগৌরবম্||২১|| মূর্চ্ছা বিপাকোঽতীসারঃ, প্রাপ্য শুক্রং তু সপ্তমে| স্কন্ধপৃষ্ঠকটীভঙ্গঃ সর্বচেষ্টানিবর্তনম্||২২||

Adhikarana মণ্ডলিদষ্টস্য প্রথমবেগস্য লক্ষণম্, দ্বিতীযবেগস্য লক্ষণম্, ত্রুতীযঈবেগস্য লক্ষণম্, চতুর্থবেগস্য লক্ষণম্, পঞ্চমবেগস্য লক্ষণম্, ষষ্ঠবেগস্য লক্ষণম্, সপ্তমবেগস্য লক্ষণম্ (২৩-২৪) · Śloka ২৪

অথ মণ্ডলিদষ্টস্য দুষ্টং পীতীভবত্যসৃক্| তেন পীতাঙ্গতা দাহো, দ্বিতীযে শ্বযথূদ্ভবঃ||২৩|| তৃতীযে দংশবিক্লেদঃ স্বেদস্তৃষ্ণা চ জাযতে| চতুর্থে জ্বর্যতে, দাহঃ পঞ্চমে সর্বগাত্রগঃ||২৪||

Adhikarana রাজীমদ্দষ্টস্য প্রথমবেগস্য লক্ষণম্, দ্বিতীযবেগস্য লক্ষণম্, তৄতীযবেগস্য লক্ষণম্, চতুর্থবেগস্য লক্ষণম্, পঞ্চমবেগস্য লক্ষণম্, ষষ্ঠসপ্তমবেগযোঃ লক্ষণম্ (২৫-২৭) · Śloka ২৭

দষ্টস্য রাজিলৈর্দুষ্টং পাণ্ডুতাং যাতি শোণিতম্| পাণ্ডুতা তেন গাত্রাণাং, দ্বিতীযে গুরুতাঽতি চ||২৫|| তৃতীযে দংশবিক্লেদো নাসিকাক্ষিমুখস্রবাঃ| চতুর্থে গরিমা মূর্ধ্নো মন্যাস্তম্ভশ্চ, পঞ্চমে||২৬|| গাত্রভঙ্গো জ্বরঃ শীতঃ শেষযোঃ পূর্ববদ্বদেত্| |২৭|

Adhikarana পঞ্চসু বেগেষু চিকিত্সা কার্যা ষষ্ঠসপ্তমযোর্ন কার্যা (২৭) · Śloka ২৭

| কুর্যাত্পঞ্চসু বেগেষু চিকিত্সাং, ন ততঃ পরম্||২৭||

Adhikarana অল্পবিষসর্পাণাং লক্ষণম্ (২৮-৩০) · Śloka ৩০

জলাপ্লুতা রতিক্ষীণা ভীতা নকুলনির্জিতাঃ| শীতবাতাতপব্যাধিক্ষুত্তৃষ্ণাশ্রমপীডিতাঃ||২৮|| তূর্ণং দেশান্তরাযাতা বিমুক্তবিষকঞ্চুকাঃ| কুষৌষধীকণ্টকবদ্যে চরন্তি চ কাননম্||২৯|| দেশং চ দিব্যাধ্যুষিতং সর্পাস্তেঽল্পবিষা মতাঃ| |৩০|

Adhikarana শ্মশানাদিষু মর্মসু চ দষ্টস্যাসাধ্যত্বম্ (৩০-৩২) · Śloka ৩২

| শ্মশানচিতিচৈত্যাদৌ পঞ্চমীপক্ষসন্ধিষু||৩০|| অষ্টমীনবমীসন্ধ্যামধ্যরাত্রিদিনেষু চ| যাম্যাগ্নেযমঘাশ্লেষাবিশাখাপূর্বনৈঃঋতে||৩১|| নৈঃ-ঋতাখ্যে মুহূর্তে চ দষ্টং মর্মসু চ ত্যজেত্| |৩২|

Adhikarana সর্পদষ্টো সিতাস্যাক্ষাদিযুতো ন জীবতি (৩২-৩৩) · Śloka ৩৩

| দষ্টমাত্রঃ সিতাস্যাক্ষঃ শীর্যমাণশিরোরুহঃ||৩২|| স্তব্ধজিহ্বো মুহুর্মূর্চ্ছন্ শীতোচ্ছ্বাসো ন জীবতি| |৩৩|

Adhikarana সর্পদষ্টো যুগপত্ হিধ্মাদিযুতো ন জীবতি (৩৩-৩৪) · Śloka ৩৪

| হিধ্মা শ্বাসো বমিঃ কাসো দষ্টমাত্রস্য দেহিনঃ||৩৩|| জাযন্তে যুগপদ্যস্য স হৃচ্ছূলী ন জীবতি| |৩৪|

Adhikarana সর্পদষ্টো বিষপীতাদিশ্চ ফেনবমনাদিলক্ষণযুতো ন জীবতি (৩৪-৩৬) · Śloka ৩৬

| ফেনং বমতি নিঃসংজ্ঞঃ শ্যাবপাদকরাননঃ||৩৪|| নাসাবসাদো ভঙ্গোঽঙ্গে বিড্ভেদঃ শ্লথসন্ধিতা| বিষপীতস্য দষ্টস্য দিগ্ধেনাভিহতস্য চ||৩৫|| ভবন্ত্যেতানি রূপাণি সম্প্রাপ্তে জীবিতক্ষযে| |৩৬|

Adhikarana সর্পদষ্টো তীক্ষ্ণনস্যৈশ্চেতনাভাবাদির্ন জীবতি (৩৬-৩৭) · Śloka ৩৭

| ন নস্যৈশ্চেতনা তীক্ষ্ণৈর্ন ক্ষতাত্ ক্ষতজাগমঃ||৩৬|| দণ্ডাহতস্য নো রাজিঃ প্রযাতস্য যমান্তিকম্| |৩৭|

Adhikarana অতোঽন্যথা বিষমাশু শমং নযেত্ (৩৭-৩৮) · Śloka ৩৮

| অতোঽন্যথা তু ত্বরযা প্রদীপ্তাগারবদ্ভিষক্||৩৭|| রক্ষন্ কণ্ঠগতান্ প্রাণান্ বিষমাশু শমং নযেত্| |৩৮|

Adhikarana দষ্টস্য বিষং মাত্রাশতাদ্দেহং প্রক্রমতে (৩৮-৩৯) · Śloka ৩৯

| মাত্রাশতং বিষং স্থিত্বা দংশে দষ্টস্য দেহিনঃ||৩৮|| দেহং প্রক্রমতে ধাতূন্ রুধিরাদীন্ প্রদূষযত্| |৩৯|

Adhikarana এতস্মিন্নন্তরে দংশস্যোত্কর্তনাদিকং কার্যম্ (৩৯-৪০) · Śloka ৪০

| এতস্মিন্নন্তরে কর্ম দংশস্যোত্কর্তনাদিকম্||৩৯|| কুর্যাচ্ছীঘ্রং যথা দেহে বিষবল্লী ন রোহতি| |৪০|

Adhikarana দষ্টমাত্রস্তমেব সর্পমাশু দশেদিত্যাদি (৪০-৪১) · Śloka ৪১

| দষ্টমাত্রো দশেদাশু তমেব পবনাশিনম্||৪০|| লোষ্টং মহীং বা দশনৈস্ছিত্ত্বা চানু সসম্ভ্রমম্| নিষ্ঠীবেন সমালিম্পেদ্দংশং কর্ণমলেন বা||৪১||

Adhikarana বন্ধনেন বিষস্তম্ভনপ্রকারঃ (৪২-৪৩) · Śloka ৪৩

দংশস্যোপরি বধ্নীযাদরিষ্টাং চতুরঙ্গুলে| ক্ষৌমাদিভির্বেণিকযা সিদ্ধৈর্মন্ত্রৈশ্চ মন্ত্রবিত্||৪২|| অম্বুবত্ সেতুবন্ধেন বন্ধেন স্তভ্যতে বিষম্| ন বহন্তি সিরাশ্চাস্য বিষং বন্ধাভিপীডিতাঃ||৪৩||

Adhikarana অনু নিষ্পীড্য দংশমুদ্ধরেত্ (৪৪) · Śloka ৪৪

নিষ্পীড্যানূদ্ধেরদ্দংশং মর্মসন্ধ্যগতং তথা| ন জাযতে বিষাদ্বেগো বীজনাশাদিবাঙ্কুরঃ||৪৪||

Adhikarana মণ্ডলীতরদংশস্য প্রতপ্তহেমাদিনা দহনম্ (৪৫-৪৬) · Śloka ৪৬

দংশং মণ্ডলিনাং মুক্ত্বা পিত্তলত্বাদথাপরম্| প্রতপ্তৈর্হেমলোহাদ্যৈর্দহেদাশূল্মুকেন বা||৪৫|| করোতি ভস্মসাত্সদ্যো বহ্নিঃ কিং নাম তু ক্ষতম্| |৪৬|

Adhikarana মণ্ডলীতরদংশস্য মৃদাদিপূর্ণবত্ক্রেণ বাঽঽচূষণম্, অগদৈর্মুহুরঙ্গলেপঃ, চন্দনাদিসলিলেন সেচনম্ (৪৬-৪৮) · Śloka ৪৮

| আচূষেত্ পূর্ণবক্ত্রো বা মৃদ্ভস্মাগদগোমযৈঃ||৪৬|| প্রচ্ছাযান্তররিষ্টাযাং মাংসলং তু বিশেষতঃ| অঙ্গং সহৈব দংশেন লেপযেদগদৈর্মুহুঃ||৪৭|| চন্দনোশীরযুক্তেন সলিলেন চ সেচযেত্| |৪৮|

Adhikarana মণ্ডলীতরদংশস্য বিষে প্রবিসৃতে সিরাব্যধঃ (৪৮-৪৯) · Śloka ৪৯

| বিষে প্রবিসৃতে বিধ্যেত্সিরাং সা পরমা ক্রিযা||৪৮|| রক্তে নির্হ্রিযমাণে হি কৃত্স্নং নির্হ্রীযতে বিষম্| |৪৯|

Adhikarana সবিষপরক্তস্য লক্ষণম্ (৪৯-৫০) · Śloka ৫০

| দুর্গন্ধং সবিষং রক্তমগ্নৌ চটচটাযতে||৪৯|| যথাদোষং বিশুদ্ধং চ পূর্ববল্লক্ষযেদসৃক্| |৫০|

Adhikarana সিরাস্বদৃশ্যমানাসু শৃঙ্গাদিনা রক্তমোক্ষণম্ (৫০) · Śloka ৫০

| সিরাস্বদৃষ্যমানাসু যোজ্যাঃ শৃঙ্গজলৌকসঃ||৫০||

Adhikarana স্রুতশেষরক্তস্য শীতলেপাদিনা স্তম্ভনম্ (৫১) · Śloka ৫১

শোণিতং স্রুতশেষং চ প্রবিলীনং বিষোষ্মণা| লেপসেকৈঃ সুবহুশঃ স্তম্ভযেদ্ভৃশশীতলৈঃ||৫১||

Adhikarana অস্কন্নে রক্তে মূর্চ্ছাদযঃ, তেষু শীতোপচারাদিশ্চ (৫২) · Śloka ৫২

অস্কন্নে বিষবেগাদ্ধি মূর্চ্ছাযমদহৃদ্দ্রবাঃ| ভবন্তি তান্ জযেচ্ছীতৈর্বীজেচ্চারোমহর্ষতঃ||৫২||

Adhikarana স্কন্নে রক্তে বিষবেগশান্তিঃ (৫৩) · Śloka ৫৩

স্কন্নে তু রুধিরে সদ্যো বিষবেগঃ প্রশাম্যতি| |৫৩|

Adhikarana বিষং তীক্ষ্ণত্বাত্ হৃদযকর্ষণম্, হৃদযরক্ষণায ঘৃতাদি পানম্, হৃদযাবরণে হৃদিশ্লেষ্মোপচযঃ (৫৩-৫৪) · Śloka ৫৪

| বিষং কর্ষতি তীক্ষ্ণত্বাদ্ হৃদযং তস্য গুপ্তযে||৫৩|| পিবেদ্ধৃতং ঘৃতক্ষৌদ্রমগদং বা ঘৃতাপ্লুতম্| হৃদযাবরণে চাস্য শ্লেষ্মা হৃদ্যুপচীযতে||৫৪||

Adhikarana ততঃ প্রবৃত্তগৌরবাদের্বমনম্ (৫৫-৫৬) · Śloka ৫৬

প্রবৃত্তগৌরবোত্ক্লেশহৃল্লাসং বামযেত্ততঃ| দ্রবৈঃ কাঞ্জিককৌলত্থতৈলমদ্যাদিবর্জিতৈঃ||৫৫|| বমনৈর্বিষহৃদ্ভিশ্চ নৈবং ব্যাপ্নোতি তদ্বপুঃ| |৫৬|

Adhikarana ভুজঙ্গদোষাদ্যবলোকনপূর্বং বিশিষ্টা ক্রিযা (৫৬-৫৭) · Śloka ৫৭

| ভুজঙ্গদোষপ্রকৃতিস্থানবেগবিশেষতঃ||৫৬|| সুসূক্ষ্মং সম্যগালোচ্য বিশিষ্টাং চাচরেত্ক্রিযাম্| |৫৭|

Adhikarana দর্বীকরৈর্দষ্টে সিন্দুবারিতমূলাদিকং পানং নস্যং চ (৫৭-৫৮) · Śloka ৫৮

| সিন্দুবারিতমূলানি শ্বেতা চ গিরিকর্ণিকা||৫৭|| পানং দর্বীকরৈর্দষ্টে নস্যং মধু সপাকলম্| |৫৮|

Adhikarana কৃষ্ণসর্পেণ দষ্টে চারট্যাদি লেপঃ ক্ষৌদ্রাদিযুতঘৃতপানং চ (৫৮-৫৯) · Śloka ৫৯

| কৃষ্ণসর্পেণ দষ্টস্য লিম্পেদ্দংশং হৃতেঽসৃজি||৫৮|| চারটীনাকুলীভ্যাং বা তীক্ষ্ণমূলবিষেণ বা| পানং চ ক্ষৌদ্রমঞ্জিষ্ঠাগৃহধূমযুতং ঘৃতম্||৫৯||

Adhikarana ফণিনাং রাজীমতাং চ বিষে তন্দুলীযকাদ্যগদঃ (৬০-৬১) · Śloka ৬১

তন্দুলীযককাশ্মর্যকিণিহীগিরিকর্ণিকাঃ| মাতুলুঙ্গী সিতা শেলুঃ পাননস্যাঞ্জনৈর্হিতঃ||৬০|| অগদঃ ফণিনাং ঘোরে বিষে রাজীমতামপি| |৬১|

Adhikarana মণ্ডলিবিষে সুগন্ধাদ্যগদঃ (৬১-৬২) · Śloka ৬২

| সমাঃ সুগন্ধামৃদ্বীকাশ্বেতাখ্যাগজদন্তিকাঃ||৬১|| অর্ধাংশং সৌরসং পত্রং কপিত্থং বিল্বদাডিমম্| সক্ষৌদ্রো মণ্ডলিবিষে বিশেষাদগদো হিতঃ||৬২||

Adhikarana মণ্ডলিবিষে হিমবান্নামাগদঃ (৬৩-৬৪) · Śloka ৬৪

পঞ্চবল্কবরাযষ্টীনাগপুষ্পৈলবালুকম্| জীবকর্ষভকৌ শীতং সিতা পদ্মকমুত্পলম্||৬৩|| সক্ষৌদ্রো হিমবান্নাম হন্তি মণ্ডলিনাং বিষম্| লেপাচ্ছ্বযথুবীসর্পবিস্ফোটজ্বরদাহহা||৬৪||

Adhikarana মণ্ডলিবিষে কাশ্মর্যাদিপানম্ (৬৫) · Śloka ৬৫

কাশ্মর্যং বটশুঙ্গানি জীবকর্ষভকৌ সিতা| মঞ্জিষ্ঠা মধুকং চেতি দষ্টো মণ্ডলিনা পিবেত্||৬৫||

Adhikarana গোনসবিষে বংশত্বগাদিকোঽষ্টাঙ্গোঽগদঃ (৬৬-৬৭) · Śloka ৬৭

বংশত্বগ্বীজকটুকাপাটলীবীজনাগরম্| শিরীপবীজাতিবিষে মূলং গাবেধুকং বচা||৬৬|| পিষ্টো গোবারিণাঽষ্টাঙ্গো হন্তি গোনসজং বিষম্| |৬৭|

Adhikarana রাজীমতাং বিষে কটুকাদযঃ (৬৭-৬৮) · Śloka ৬৮

| কটুকাতিবিষাকুষ্ঠগৃহধূমহরেণুকাঃ||৬৭|| সক্ষৌদ্রব্যোষতগরা ঘ্নন্তি রাজীমতাং বিষম্| |৬৮|

Adhikarana কাণ্ডচিত্রাযা বিষে দংশং ভুবি নিখনেত্ ততঃ প্রচ্ছিতং সর্পিঃ - প্রলেপাদি (৬৮-৭০) · Śloka ৭০

| নিখনেত্কাণ্ডচিত্রাযা দংশং যামদ্বযং ভুবি||৬৮|| উদ্ধৃত্য প্রচ্ছিতং সর্পির্ধান্যমৃদ্ভ্যাং প্রলেপযেত্| পিবেত্পুরাণং চ ঘৃতং বরাচূর্ণাবচূর্ণিতম্||৬৯|| জীর্ণে বিরিক্তো ভুঞ্জীত যবান্নং সূপসংস্কৃতম্| |৭০|

Adhikarana ব্যন্তরদষ্টবিষে করবীরাদ্যগদঃ (৭০-৭১) · Śloka ৭১

| করবীরার্ককুসুমমূললাঙ্গলিকাকণাঃ||৭০|| কল্কযেদারনালেন পাঠামরিচসংযুতাঃ| এষ ব্যন্তরদষ্টানামগদঃ সার্বকার্মিকঃ||৭১||

Adhikarana সর্পদষ্টবিষে ভাবিতসিতমরিচস্য পাননস্যাঞ্জনম্ (৭২) · Śloka ৭২

শিরীষপুষ্পস্বরসে সপ্তাহং মরিচং সিতম্| ভাবিতং সর্পদষ্টানাং পাননস্যাঞ্জনে হিতম্||৭২||

Adhikarana তক্ষকদষ্টবিষে নতাদিপানম্ (৭৩) · Śloka ৭৩

দ্বিপলং নতকুষ্ঠাভ্যাং ঘৃতক্ষৌদ্রং চতুষ্পলম্| অপি তক্ষকদষ্টানাং পানমেতত্সুখপ্রদম্||৭৩||

Adhikarana দর্বীকৃতাং প্রথমে বেগে রক্তস্রাবাদি (৭৪) · Śloka ৭৪

অথ দর্বীকৃতাং বেগে পূর্বে বিস্ত্রাব্য শোণিতম্| অগদং মধুসর্পির্ভ্যাং সংযুক্তং ত্বরিতং পিবেত্||৭৪||

Adhikarana দর্বীকৃতাং দ্বিতীযে বেগে বমনাদি (৭৫) · Śloka ৭৫

দ্বিতীযে বমনং কৃত্বা তদ্বদেবাগদং পিবেত্| |৭৫|

Adhikarana দর্বীকৃতাং তৃতীযে বেগে বিষঘ্নমঞ্জনাদি (৭৫) · Śloka ৭৫

| বিষাপহে প্রযুঞ্জীত তৃতীযেঽঞ্জননাবনে||৭৫||

Adhikarana দর্বীকৃতাং চতুর্থে বেগে বমনং যবাগূশ্চ (৭৬) · Śloka ৭৬

পিবেচ্চতুর্থে পূর্বোক্তাং যবাগূং বমনে কৃতে| |৭৬|

Adhikarana দর্বীকৃতাং পঞ্চমে ষষ্ঠে চ বেগে বমনং, যবাগূ, শীতলেপাদি¶É (৭৬-৭৭) · Śloka ৭৭

| ষষ্ঠপঞ্চমযোঃ শীতৈর্দিগ্ধং সিক্তমভীক্ষ্ণশঃ||৭৬|| পাযযেদ্বমনং তীক্ষ্ণং যবাগূং চ বিষাপহৈঃ| |৭৭|

Adhikarana দর্বীকৃতাম্ সপ্তমে বেগে তীক্ষ্ণাঞ্জনাদি (৭৭-৭৮) · Śloka ৭৮

| অগদং সপ্তমে তীক্ষ্ণং যুঞ্জ্যাদঞ্জননস্যযোঃ||৭৭|| কৃত্বাঽবগাঢং শস্ত্রেণ মূর্ধ্নি কাকপদং ততঃ| মাংসং সরুধিরং তস্য চর্ম বা তত্র নিক্ষিপেত্||৭৮||

Adhikarana মণ্ডলিনাং তৃতীযে বেগে বমনং পেযা চ (৭৯) · Śloka ৭৯

তৃতীযে বমিতঃ পেযাং বেগে মণ্ডলিনাং পিবেত্| |৭৯|

Adhikarana মণ্ডলিনাং ষষ্ঠে বেগে তীক্ষণাগদাদি (৭৯) · Śloka ৭৯

| অতীক্ষ্ণমগদং ষষ্ঠে গণং বা পদ্মকাদিকম্||৭৯||

Adhikarana রাজীমতাং প্রথমে বেগে রক্তস্রাবাদি (৮০) · Śloka ৮০

অদ্যেঽবগাঢং প্রচ্ছায বেগে দষ্টস্য রাজিলৈঃ| অলাবুনা হরেদ্রক্তং পূর্ববচ্চাগদং পিবেত্||৮০||

Adhikarana রাজীমতাং ষষ্ঠে বেগে তীক্ষ্ণাঞ্জনাদি (৮১) · Śloka ৮১

ষষ্ঠেঽঞ্জনং তীক্ষ্ণতমমবপীডং চ যোজযেত্| |৮১|

Adhikarana অনুক্তবেগেষু দর্বীকরক্রিযা (৮১) · Śloka ৮১

| অনুক্তেষু চ বেগেষু ক্রিযাং দর্বীকরোদিতাম্||৮১||

Adhikarana গর্ভিণ্যাদিষু মৃদুক্রিযাদি (৮২) · Śloka ৮২

গর্ভিণীবালবৃদ্ধেষু মৃদুং, বিধ্যেত্সিরাং ন চ| |৮২|

Adhikarana সর্ববিষঘ্নং বজ্রম্ (৮২-৮৩) · Śloka ৮৩

| ত্বঙ্মনোহ্বা নিশে বক্রং রসঃ শার্দূলজো নখঃ||৮২|| তমালঃ কেসরং শীতং পীতং তন্দুলবারিণা| হন্তি সর্ববিষাণ্যেতদ্বজ্রং বজ্রমিবাসুরান্||৮৩||

Adhikarana সর্ববিষঘ্নং বিল্বমূলাদ্যঞ্জনাদি (৮৪-৮৫) · Śloka ৮৫

বিল্বস্য মূলং সুরসস্য পুষ্পং ফলং করঞ্জস্য নতং সুরাহ্বম্| ফলত্রিকং ব্যোষনিশাদ্বযং চ বস্তস্য মূত্রেণ সুসূক্ষ্মপিষ্টম্||৮৪|| ভুজঙ্গলূতোন্দুরবৃশ্চিকাদ্যৈর্বিসূচিকাজীর্ণগরজ্বরৈশ্চ| আর্তান্নরান্ ভূতবিধর্ষিতাংশ্চ স্বস্থীকরোত্যঞ্জনপাননস্যৈঃ||৮৫||

Adhikarana দংশাদপি নিঃশেষং বিষমুদ্ধরেত্, শেষং হি বিষং পুনর্বেগায জাযেত (৮৬) · Śloka ৮৬

প্রলেপাদ্যৈশ্চ নিঃশেষং দংশাদপ্যুদ্ধরেদ্বিষম্| ভূযো বেগায জাযেত্ শেষং দূষীবিষায বা||৮৬||

Adhikarana বিষাপাযে কুপিতবায্বাদীনাং স্নেহাদ্যুপক্রমঃ (৮৭-৮৮) · Śloka ৮৮

বিষাপাযেঽনিলং ক্রুদ্ধং স্নেহাদিভিরুপাচরেত্| তৈলমদ্যকুলত্থাম্লবর্জ্যৈঃ পবননাশনৈঃ||৮৭|| পিত্তং পিত্তজ্বরহরৈঃ কষাযস্নেহবস্তিভিঃ| সমাক্ষিকেণ বর্গেণ কফমারগ্বধাদিনা||৮৮||

Adhikarana সর্পাঙ্গাভিহতে শঙ্কাবিষার্দিতে চ সিতাদিপানং প্রোক্ষণাদি (৮৯-৯০) · Śloka ৯০

সিতা বৈগন্ধিকো দ্রাক্ষা পযস্যা মধুকং মধু| পানং সমন্ত্রপূতাম্বু প্রেক্ষণং সান্ত্বহর্ষণম্||৮৯|| সর্পাঙ্গাভিহতে যুঞ্জ্যাত্তথা শঙ্কাবিষার্দিতে| |৯০|

Adhikarana বিষশান্ত্যর্থং কর্কেতনাদিধারণম্ (৯০-৯২) · Śloka ৯২

| কর্কেতনং মরকতং বজ্রং বারণমৌক্তিকম্||৯০|| বৈঢূর্যং গর্দভমণিং পিচুকং বিষমূষিকাম্| হিমবদ্গিরিসম্ভূতাং সোমরাজীং পুনর্নবাম্||৯১|| তথা দ্রোণাং মহাদ্রোণাং মানসীং সর্পজং মণিম্| বিষাণি বিষশান্ত্যর্থং বীর্যবন্তি চ ধারযেত্||৯২||

Adhikarana রাত্রিসঞ্চারে ছত্রঝর্ঝরধারণম্ (৩৬) · Śloka ৩৬

ছত্রী ঝর্ঝরপাণিশ্চ চরেদ্রাত্রৌ বিশেষতঃ| তচ্ছাযাশব্দবিত্রস্তাঃ প্রণশ্যন্তি ভুজঙ্গমাঃ||৯৩|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে সর্পবিষপ্রতিষেধো নাম ষট্ত্রিংশোঽধ্যাযঃ||৩৬||