Adhikarana কর্ণরোগবিজ্ঞানীযাধ্যাযঃ||১৭|| ১ বাতজস্য কর্ণশূলস্য লক্ষণম্ (২-৩) · Śloka ৩
অথাতঃ কর্ণরোগবিজ্ঞানীযং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ|
(গদ্যসূত্রে||২||
) প্রতিশ্যাযজলক্রীডাকর্ণকণ্ডূযনৈর্মরুত্|
মিথ্যাযোগেন শব্দস্য কুপিতোঽন্যৈশ্চ কোপনৈঃ||১||
প্রাপ্য শ্রোত্রসিরাঃ কুর্যাচ্ছূলং স্রোতসি বেগবত্|
অর্ধাবভেদকং স্তম্ভং শিশিরানভিনন্দনম্||২||
চিরাচ্চ পাকং পক্বং তু লসীকামল্পশঃ স্রবেত্|
শ্রোত্রং শূন্যমকস্মাচ্চ স্যাত্সঞ্চারবিচারবত্||৩||
View original
अथातः कर्णरोगविज्ञानीयं व्याख्यास्यामः|
इति ह स्माहुरात्रेयादयो महर्षयः|
(गद्यसूत्रे||२||
) प्रतिश्यायजलक्रीडाकर्णकण्डूयनैर्मरुत्|
मिथ्यायोगेन शब्दस्य कुपितोऽन्यैश्च कोपनैः||१||
प्राप्य श्रोत्रसिराः कुर्याच्छूलं स्रोतसि वेगवत्|
अर्धावभेदकं स्तम्भं शिशिरानभिनन्दनम्||२||
चिराच्च पाकं पक्वं तु लसीकामल्पशः स्रवेत्|
श्रोत्रं शून्यमकस्माच्च स्यात्सञ्चारविचारवत्||३||
Hide commentary
সর্বাঙ্গসুন্দরী ব্যাখ্যা ( কৃত)
নযনামযাদনন্তরং দূরগ্রহণসাধর্ম্যেণ কর্ণরোগানাহ| যথা হি চক্ষুর্দূরদেশস্থমপি পশ্যতি তথা শ্রোত্রং দূরস্থমপি শৃণোতীত্যাহ- স০-প্রতিশ্যাযেত্যাদিভিঃ শব্দস্য চ মিথ্যাভিযোগেন পবনঃ কুপিতোঽপরৈরপি সর্বনিদানৈঃ কুপিতঃ শ্রোত্রসিরাঃ প্রাপ্য স্রোতসি-কর্ণবিবরে, শূলং বেগবত্ কুর্যাত্| তথাঽর্ধাবভেদকং শিরোরোগং স্তম্ভং কর্ণস্যৈব, তথা শীতস্যানভিনন্দনং চিরেণ চ পাকং কুর্যাত্| পক্বং তু শ্রোত্রমল্পশো লসীকাং স্রবেত্| অকস্মাচ্চ শূন্যং স্যাত্| সঞ্চারবিচারবচ্চ-স্থগিতাস্থগিতং চ যথা, স্যাত্|
Adhikarana ২পিত্তজস্য কর্ণশূলস্য লক্ষণম্ (৪-৫) · Śloka ৫
শূলং পিত্তাত্ সদাহোষাশীতেচ্ছাশ্বযথুজ্বরম্|
আশুপাকং প্রপক্বং চ সপীতলসিকাস্রুতি||৪||
সা লসীকা স্পৃশেদ্যদ্যত্তত্তত্পাকমুপৈতি চ|
|৫|
View original
शूलं पित्तात् सदाहोषाशीतेच्छाश्वयथुज्वरम्|
आशुपाकं प्रपक्वं च सपीतलसिकास्रुति||४||
सा लसीका स्पृशेद्यद्यत्तत्तत्पाकमुपैति च|
|५|
Hide commentary
সর্বাঙ্গসুন্দরী ব্যাখ্যা ( কৃত)
স০-পিত্তেন শূলং দাহাদ্যন্বিতং স্যাত্| তত্র ঊষা-প্রাদেশিকঃ সন্তাপঃ| দাহঃ-সর্বাঙ্গীণস্তীব্রোষ্মা সদাঽরতিমান্| তথাঽঽশু পাকো যস্মিংস্তদেবম্| তথা প্রপক্বং চ সপীতলসিকাস্রুতি স্যাত্| সা চ লসীকা যদ্যদঙ্গং স্পৃশেত্ তত্ তত্ পাকং গচ্ছতি|
Adhikarana ৩ কফজস্য কর্ণশূলস্য লক্ষণম্ (৫-৬) · Śloka ৬
|
কফাচ্ছিরোহনুগ্রীবাগৌরবং মন্দতা রুজঃ||৫||
কণ্ডূঃ শ্বযথুরুষ্ণেচ্ছা পাকাচ্ছ্বেতঘনস্রুতিঃ|
|৬|
View original
|
कफाच्छिरोहनुग्रीवागौरवं मन्दता रुजः||५||
कण्डूः श्वयथुरुष्णेच्छा पाकाच्छ्वेतघनस्रुतिः|
|६|
Hide commentary
সর্বাঙ্গসুন্দরী ব্যাখ্যা ( কৃত)
স০-কফাচ্ছিরাদিগৌরবং জাযতে| রুজো মন্দত্বং কণ্ড্বাদি চ স্যাত্| পাকাচ্ছ্বেতা ঘনা চ স্রুতিঃ স্যাত্|
Adhikarana ৪ রক্তজস্য কর্ণশূলস্য লক্ষণম্ (৬-৭) · Śloka ৭
|
করোতি শ্রবণে শূলমভিঘাতাদিদূষিতম্||৬||
রক্তং পিত্তসমানার্তি কিঞ্চিদ্বাঽধিকলক্ষণম্|
|৭|
View original
|
करोति श्रवणे शूलमभिघातादिदूषितम्||६||
रक्तं पित्तसमानार्ति किञ्चिद्वाऽधिकलक्षणम्|
|७|
Hide commentary
সর্বাঙ্গসুন্দরী ব্যাখ্যা ( কৃত)
স০-রক্তমভিঘাতাদিদূষিতং কর্ণে শূলং করোতি| কিম্ভূতং রক্তম্ ? পিত্তেন সমা পীডা যস্মিংস্তদেবম্| কিঞ্চিচ্চাধিকলক্ষণম্|
Adhikarana ৫ সন্নিপাতজস্য কর্ণশূলস্য লক্ষণম্ (৭-৮) · Śloka ৮
|
শূলং সমুদিতৈর্দোষৈঃ সশোফজ্বরতীব্ররুক্||৭||
পর্যাযাদুষ্ণশীতেচ্ছং জাযতে শ্রুতিজাড্যবত্|
পক্বং সিতাসিতারক্তঘনপূযপ্রবাহি চ||৮||
View original
|
शूलं समुदितैर्दोषैः सशोफज्वरतीव्ररुक्||७||
पर्यायादुष्णशीतेच्छं जायते श्रुतिजाड्यवत्|
पक्वं सितासितारक्तघनपूयप्रवाहि च||८||
Hide commentary
সর্বাঙ্গসুন্দরী ব্যাখ্যা ( কৃত)
স০-সমুদিতৈঃ-সন্নিপতিতৈর্দোষৈঃ, শূলং শোফাদিযুতং জাযতে| তথা পর্যাযেণোষ্ণশীতেচ্ছং শ্রুতিজাড্যযুক্তং চ| পক্বং সিতাসিতারক্তঘনং পূযং প্রবহতি|
Adhikarana ৬ কর্ণনাদস্য লক্ষণম্ (৯) · Śloka ৯
শব্দবাহিসিরাসংস্থে শৃণোতি পবনে মুহুঃ|
নাদানকস্মাদ্বিবিধান্ কর্ণনাদং বদন্তি তম্||৯||
View original
शब्दवाहिसिरासंस्थे शृणोति पवने मुहुः|
नादानकस्माद्विविधान् कर्णनादं वदन्ति तम्||९||
Hide commentary
সর্বাঙ্গসুন্দরী ব্যাখ্যা ( কৃত)
স০-শব্দবাহিনীষু সিরাসু গতে বাতে মুহুঃ শব্দান্ বিবিধানকস্মাচ্ছৃণোতি| তং কর্ণনাদং বদন্তি|
Adhikarana ৭ বধিরত্বস্য লক্ষণম্ (১০) · Śloka ১০
শ্লেষ্মণাঽনুগতো বাযুর্নাদো বা সমুপেক্ষিতঃ|
উচ্চৈঃ কৃচ্ছ্রাচ্ছ্রুতিং কুর্যাদ্বধিরত্বং ক্রমেণ চ||১০||
View original
श्लेष्मणाऽनुगतो वायुर्नादो वा समुपेक्षितः|
उच्चैः कृच्छ्राच्छ्रुतिं कुर्याद्बधिरत्वं क्रमेण च||१०||
Hide commentary
সর্বাঙ্গসুন্দরী ব্যাখ্যা ( কৃত)
স০-বাযুঃ শ্লেষ্মণাঽনুগতঃ কর্ণনাদো বা সমুপেক্ষিতঃ-অচিকিত্সিতঃ, কর্ণে-শ্রোত্রে, উচ্চৈঃ কৃচ্ছ্রাচ্ছ্রুতিং-শ্রবণং, কুর্যাত্| ক্রমেণ বধিরত্বং-বাধির্যং চ, কুর্যাত্|
Adhikarana ৮প্রতীনাহস্য লক্ষণম্ (১১) · Śloka ১১
বাতেন শোষিতঃ শ্লেষ্মা শ্রোতো লিম্পেত্ততো ভবেত্|
রুগ্গৌরবং পিধানং চ স প্রতীনাহসংজ্ঞিতঃ||১১||
View original
वातेन शोषितः श्लेष्मा श्रोतो लिम्पेत्ततो भवेत्|
रुग्गौरवं पिधानं च स प्रतीनाहसंज्ञितः||११||
Hide commentary
সর্বাঙ্গসুন্দরী ব্যাখ্যা ( কৃত)
স০-বাতেন শ্লেষ্মা শোষিতঃ শ্রোতো লিম্পেত্| ততো রুগ্গৌরবং তস্য স্রোতসো গুরুত্বং স্যাত্, স্থগনং চ| স প্রতীনাহসংজ্ঞকো গদঃ|
Adhikarana ৯ কণ্ডূকর্ণস্য লক্ষণম্ ১০শোফকর্ণস্য লক্ষণম্ (১২) · Śloka ১২
কণ্ডূশোফৌ কফাচ্ছ্রোত্রে স্থিরৌ তত্সংজ্ঞযা স্মৃতৌ|
|১২|
View original
कण्डूशोफौ कफाच्छ्रोत्रे स्थिरौ तत्संज्ञया स्मृतौ|
|१२|
Hide commentary
সর্বাঙ্গসুন্দরী ব্যাখ্যা ( কৃত)
স০-কফাত্ কণ্ডূশোফৌ কর্ণে স্থিরৌ তত্সংজ্ঞৌ কণ্ডূশোফাখ্যৌ ভবতঃ|
Adhikarana ১১পূতিকর্ণকস্য লক্ষণম্ (১২-১৩) · Śloka ১৩
|
কফো বিদগ্ধঃ পিত্তেন সরুজং নীরুজং ত্বপি||১২||
ঘনপূতিবহুক্লেদং কুরুতে পূতিকর্ণকম্|
|১৩|
View original
|
कफो विदग्धः पित्तेन सरुजं नीरुजं त्वपि||१२||
घनपूतिबहुक्लेदं कुरुते पूतिकर्णकम्|
|१३|
Hide commentary
সর্বাঙ্গসুন্দরী ব্যাখ্যা ( কৃত)
স০-কফঃ পিত্তেন বিদগ্ধঃ সরুজং নীরুজং বা ঘনপূতিবহুক্লেদং পূতিকর্ণকমনুগতার্থং কুরুতে|
Adhikarana ১২ কৃমিকর্ণকস্য লক্ষণম্ (১৩-১৪) · Śloka ১৪
|
বাতাদিদূষিতং শ্রোত্রং মাংসাসৃক্ক্লেদজা রুজম্||১৩||
খাদন্তো জন্তবঃ কুর্যুস্তীব্রাং স কৃমিকর্ণকঃ|
|১৪|
View original
|
वातादिदूषितं श्रोत्रं मांसासृक्क्लेदजा रुजम्||१३||
खादन्तो जन्तवः कुर्युस्तीव्रां स कृमिकर्णकः|
|१४|
Hide commentary
সর্বাঙ্গসুন্দরী ব্যাখ্যা ( কৃত)
স০-বাতাদিভিঃ দূষিতং শ্রোত্রং জন্তবো ভক্ষযন্তো মাংসাদিক্লেদজাং তীব্রাং রুজং কুর্যুঃ| স কৃমিকর্ণকাখ্যঃ|
Adhikarana ১৩ কর্ণবিদ্রধেঃ লক্ষণম্ (১৪-১৫) · Śloka ১৫
|
শ্রোত্রকণ্ডূযনাজ্জাতে ক্ষতে স্যাত্পূর্বলক্ষণঃ||১৪||
বিদ্রধিঃ, পূর্ববচ্চান্যঃ|
|১৫|
View original
|
श्रोत्रकण्डूयनाज्जाते क्षते स्यात्पूर्वलक्षणः||१४||
विद्रधिः, पूर्ववच्चान्यः|
|१५|
Hide commentary
সর্বাঙ্গসুন্দরী ব্যাখ্যা ( কৃত)
স০-শ্রোত্রকণ্ডূযনাজ্জাতে ক্ষতে পূর্বোক্তলক্ষণো বিদ্রধিঃ স্যাত্| নিদানে হ্যেবমুক্তম্ (হৃ. নি. অ. ১১| ২)- "যঃ শোফো বহিরন্তর্বা মহামূলো মহারুজঃ| বৃত্তঃ স্যাদাযতো যো বা স্মৃতঃ ষোঢা স বিদ্রধিঃ||" ইতি| তদ্বদিহ বিদ্রধিসামান্যাত্ কর্ণবিদ্রধিরেক এবোক্তঃ|
Adhikarana ১৪ কর্ণার্শসঃ লক্ষণম্ ১৫কর্ণার্বুদস্য লক্ষণম্ (১৫) · Śloka ১৫
শোফোঽর্শোঽর্বুদমীরিতম্|
তেষু রুক্ পূতিকর্ণত্বং বধিরত্বং চ বাধতে||১৫||
View original
शोफोऽर्शोऽर्बुदमीरितम्|
तेषु रुक् पूतिकर्णत्वं बधिरत्वं च बाधते||१५||
Hide commentary
সর্বাঙ্গসুন্দরী ব্যাখ্যা ( কৃত)
স০-অর্শোঽর্বুদং চ তদীরিতমিতি কর্ণার্শঃ কর্ণার্বুদমিতি| তত্র হ্যুক্তম্ (হৃ. উ. অ. ৮|১৩)- "অর্শোঽধিমাংসং বর্ত্মান্তঃ স্তব্ধং স্নিগ্ধং সদাহরুক্| রক্তং রক্তেন তত্স্রাবি ছিন্নং ছিন্নং বিবর্ধতে||" ইতি| অর্বুদস্য তু লক্ষণম্ (হৃ. উ. অ. ৮|২৪)- "বর্ত্মান্তর্মাংসপিণ্ডাভঃ শ্বযথুর্গ্রথিতোঽরুজঃ| সাস্রৈঃ স্যাদর্বুদো দোষৈর্বিষমো বাহ্যতশ্চলঃ||" ইতি| তেষু-অর্শোঽর্বুদেষু, রুগ্ বাধতে পূতিকর্ণত্বং বধিরত্বং চ|
Adhikarana ১৬ কুচিকর্ণকস্য লক্ষণম্ (১৬) · Śloka ১৬
গর্ভেঽনিলাত্সঙ্কুচিতা শষ্কুলী কুচিকর্ণকঃ|
|১৬|
View original
गर्भेऽनिलात्सङ्कुचिता शष्कुली कुचिकर्णकः|
|१६|
Hide commentary
সর্বাঙ্গসুন্দরী ব্যাখ্যা ( কৃত)
স০-বাতাদ্গর্ভে-অভ্যন্তরে, সঙ্কুচিতা শষ্কুলী কুচিকর্ণসংজ্ঞঃ|
Adhikarana ১৭ পিপ্পলীকর্ণস্য লক্ষণম্ (১৬-১৭) · Śloka ১৭
|
একো নীরুগনেকো বা গর্ভে মাংসাঙ্কুরঃ স্থিরঃ||১৬||
পিপ্পলী পিপ্পলীমানঃ|
|১৭|
View original
|
एको नीरुगनेको वा गर्भे मांसाङ्कुरः स्थिरः||१६||
पिप्पली पिप्पलीमानः|
|१७|
Hide commentary
সর্বাঙ্গসুন্দরী ব্যাখ্যা ( কৃত)
স০-মাংসাংঙ্কুরো গর্ভে স্থির একোঽনেকো বা নীরুজঃ পিপ্পলীত্যুচ্যতে, কর্ণপিপ্পলীত্যর্থঃ| স চ মাংসাংঙ্কুরঃ পিপ্পলীমানঃ|
Adhikarana ১৮ বিদারিকাযাঃ লক্ষণম্ (১৭-১৮) · Śloka ১৮
সন্নিপাতাদ্বিদারিকা|
সবর্ণঃ সরুজঃ স্তব্ধঃ শ্বযথুঃ, স উপেক্ষিতঃ||১৭||
কটুতৈলনিভং পক্বঃ স্রবেত্ কৃচ্ছ্রেণ রোহতি|
সঙ্কোচযতি রূঢা চ সা ধ্রুবং কর্ণশষ্কুলীম্||১৮||
View original
सन्निपाताद्विदारिका|
सवर्णः सरुजः स्तब्धः श्वयथुः, स उपेक्षितः||१७||
कटुतैलनिभं पक्वः स्रवेत् कृच्छ्रेण रोहति|
सङ्कोचयति रूढा च सा ध्रुवं कर्णशष्कुलीम्||१८||
Hide commentary
সর্বাঙ্গসুন্দরী ব্যাখ্যা ( কৃত)
স০-সন্নিপাতেন বিদারিকাখ্যঃ শ্বযথুঃ স্তব্ধস্তথা সবর্ণঃ সরুজঃ| স উপেক্ষিতঃ সন্ কটুতৈলনিভং স্রবেত্| কৃচ্ছ্রেণ রোহতি| সা চ বিদারিকা রূঢা সতী নিশ্চিতং কর্ণশষ্কুলীং সঙ্কোচযতি|
Adhikarana ১৯ পালীশোষস্য লক্ষণম্ (১৯) · Śloka ১৯
সিরাস্থঃ কুরুতে বাযুঃ পালীশোষং তদাহ্বযম্|
|১৯|
View original
सिरास्थः कुरुते वायुः पालीशोषं तदाह्वयम्|
|१९|
Hide commentary
সর্বাঙ্গসুন্দরী ব্যাখ্যা ( কৃত)
স০-সিরাস্থো বাযুঃ পালীশোষং তদাহ্বযং-পালীশোষসংজ্ঞং, কুরুতে|
Adhikarana ২০ তন্ত্রিকাযাঃ লক্ষণম্ ২১পরিপোটস্য লক্ষণম্ (১৯-২১) · Śloka ২১
|
কৃশা দৃঢা চ তন্ত্রীবত্ পালী বাতেন তন্ত্রিকা||১৯||
সুকুমারে চিরোত্সর্গাত্সহসৈব প্রবর্ধিতে|
কর্ণে শোফঃ সরুক্ পাল্যামরুণঃ পরিপোটবান্||২০||
পরিপোটঃ স পবনাত্|
|২১|
View original
|
कृशा दृढा च तन्त्रीवत् पाली वातेन तन्त्रिका||१९||
सुकुमारे चिरोत्सर्गात्सहसैव प्रवर्धिते|
कर्णे शोफः सरुक् पाल्यामरुणः परिपोटवान्||२०||
परिपोटः स पवनात्|
|२१|
Hide commentary
সর্বাঙ্গসুন্দরী ব্যাখ্যা ( কৃত)
স০-বাতেন পালী কৃশা দৃঢা চ তন্ত্রীব স্যাত্| সা তন্ত্রীকেত্যুচ্যতে| স০-সুকুমারে কর্ণে চিরোত্সর্গাত্ সহসৈব-ন তু শনৈঃ, প্রবর্ধিতে শ্বযথুঃ পাল্যাং সরুক্ তথা লোহিতঃ পরিপোটবাংশ্চ| পরিপোটঃ-স্ফুটনম্| স বাতাত্ পরিপোটসংজ্ঞঃ স্যাত্|
Adhikarana ২২ উত্পাতস্য লক্ষণম্ (২১-২২) · Śloka ২২
উত্পাতঃ পিত্তশোণিতাত্|
গুর্বাভরণভারাদ্যৈঃ শ্যাবো রুগ্দাহপাকবান্||২১||
শ্বযথুঃ স্ফোটপিটিকারাগোষাক্লেদসংযুতঃ|
|২২|
View original
उत्पातः पित्तशोणितात्|
गुर्वाभरणभाराद्यैः श्यावो रुग्दाहपाकवान्||२१||
श्वयथुः स्फोटपिटिकारागोषाक्लेदसंयुतः|
|२२|
Hide commentary
সর্বাঙ্গসুন্দরী ব্যাখ্যা ( কৃত)
স০-পিত্তশোণিতাত্ স এবোত্পাতসংজ্ঞঃ| গুর্বাভরণভারাদিভির্হেতুভূতৈঃ প্রকুপিতাত্ পিত্তশোণিতাত্ শোফো রুগাদিমান্ স্ফোটাদিসংযুতঃ| শ্যাবোঽনুগতার্থঃ|
Adhikarana ২৩ উন্মন্থস্য লক্ষণম্ (২২-২৩) · Śloka ২৩
|
পাল্যাং শোফোঽনিলকফাত্সর্বতো নির্ব্যথঃ স্থিরঃ||২২||
স্তব্ধঃ সবর্ণঃ কণ্ডূমানুন্মন্থো গল্লিরশ্চ সঃ|
|২৩|
View original
|
पाल्यां शोफोऽनिलकफात्सर्वतो निर्व्यथः स्थिरः||२२||
स्तब्धः सवर्णः कण्डूमानुन्मन्थो गल्लिरश्च सः|
|२३|
Hide commentary
সর্বাঙ্গসুন্দরী ব্যাখ্যা ( কৃত)
স০-বাতকফাত্ পাল্যাং শোফঃ সর্বতো নির্ব্যথঃ স্থিরঃ স্তব্ধঃ সমানবর্ণঃ কণ্ডূযুত উন্মন্থ উচ্যতে| স এব গল্লিরাখ্যঃ|
Adhikarana ২৪ দুঃখবর্ধনস্য লক্ষণম্ (২৩-২৪) · Śloka ২৪
|
দুর্বিদ্ধে বর্ধিতে কর্ণে সকণ্ডূদাহপাকরুক্||২৩||
শ্বযথ্ উঃ সন্নিপাতোত্থঃ স নাম্না দুঃখবর্ধনঃ|
|২৪|
View original
|
दुर्विद्धे वर्धिते कर्णे सकण्डूदाहपाकरुक्||२३||
श्वयथ् उः सन्निपातोत्थः स नाम्ना दुःखवर्धनः|
|२४|
Hide commentary
সর্বাঙ্গসুন্দরী ব্যাখ্যা ( কৃত)
স০-কর্ণে দুর্বিদ্ধে সতি কণ্ড্বাদিসংযুতঃ শোফঃ সন্নি প্পাতাত্মকো দুঃখবর্ধনসংজ্ঞঃ|
Adhikarana ২৫ লেহ্যাখ্যাযাঃ লক্ষণম্ (২৪-২৫) · Śloka ২৫
|
কফাসৃক্ঽঽকৃমিজাঃ সূক্ষ্মাঃ সকণ্ডূক্লেদবেদনাঃ||২৪||
লেহ্যাখ্যাঃ পিটিকাস্তা হি লিহ্যুঃ পালীমুপেক্ষিতাঃ|
|২৫|
View original
|
कफासृक्ऽऽकृमिजाः सूक्ष्माः सकण्डूक्लेदवेदनाः||२४||
लेह्याख्याः पिटिकास्ता हि लिह्युः पालीमुपेक्षिताः|
|२५|
Hide commentary
সর্বাঙ্গসুন্দরী ব্যাখ্যা ( কৃত)
স০-কফরক্তজকৃমিজাঃ সূক্ষ্মাঃ কণ্ড্বাদিযুতা লেহ্যাখ্যাঃ পিটিকাঃ| যস্মাত্তা উপেক্ষিতাঃ পালীং লিহ্যুঃ|
Adhikarana এতেষাং পঞ্চবিংশতিরোগাণাং সাধ্যাসাধ্যত্বম্ (১৭) · Śloka ১৭
|
পিপ্পলী সর্বজং শূলং বিদারী কুচিকর্ণকঃ||২৫||
এষামসাধ্যাঃ, যাপ্যৈকা তন্ত্রিকাঽন্যাংস্তু সাধযেত্|
পঞ্চবিংশতিরিত্যুক্তাঃ কর্ণরোগা বিভাগতঃ||২৬||
ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে কর্ণরোগবিজ্ঞানীযো নাম সপ্তদশোঽধ্যাযঃ||১৭||
View original
|
पिप्पली सर्वजं शूलं विदारी कुचिकर्णकः||२५||
एषामसाध्याः, याप्यैका तन्त्रिकाऽन्यांस्तु साधयेत्|
पञ्चविंशतिरित्युक्ताः कर्णरोगा विभागतः||२६||
इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां षष्ठे उत्तरस्थाने कर्णरोगविज्ञानीयो नाम सप्तदशोऽध्यायः||१७||
Hide commentary
সর্বাঙ্গসুন্দরী ব্যাখ্যা ( কৃত)
স০-পিপ্পল্যাদযশ্চত্বারো রোগা এষাং মধ্যেঽসাধ্যাঃ| তন্ত্রিকা যাপ্যা| অন্যাংস্তু বিংশতিরোগান্ সাধযেত্| ইতি-এবং প্রাগুক্তেন প্রকারেণ, পঞ্চবিংশতিরামযা বিভাগেনোক্তাঃ| অনেনান্যতন্ত্রকৃতাং সঙ্কীর্ণকর্ণরোগকথনং সূচযতি| সঙ্খ্যানং চ সুখস্মরণার্থমত্র কৃতমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং ষষ্ঠে উত্তরস্থানে কর্ণরোগবিজ্ঞানীযো নাম সপ্তদশোঽধ্যাযঃ সমাপ্তঃ|| ১৭||