Adhikarana অধ্যাযোপক্রমঃ · Śloka
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
AYANAACADEMYby Dr Vijaya Dwarampudi
Open Academy navigation
৩৩. গুহ্যরোগবিজ্ঞানীযাধ্যাযঃ
Adhikarana গুহ্যরোগবিজ্ঞানীযাধ্যাযঃ - গুহ্যরোগাণাং নিদানং সম্প্রাত্পিস্ত্রযোবিংশতিবিধত্বং চ (২-৫) · Śloka ৫
অথাতো গুহ্যরোগবিজ্ঞানীযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)||২|| স্ত্রীব্যবাযনিবৃত্তস্য সহসা ভজতোঽথবা| দোষাধ্যুষিতসঙ্কীর্ণমলিনাণুরজঃ পথাম্||১|| অন্যযোনিমনিচ্ছন্তীমগম্যাং নবসূতিকাম্| দূষিতং স্পৃশতস্তোযং রতান্তেষ্বপি নৈব বা||২|| বিবর্ধযিষযা তীক্ষ্ণান্ প্রলেপাদীন্ প্রযচ্ছতঃ| মুষ্টিদন্তনখোত্পীডাবিষবচ্ছূকপাতনৈঃ||৩|| বেগনিগ্রহদীর্ঘাতিখরস্পর্শবিঘট্টনৈঃ| দোষা দুষ্টা গতা গুহ্যং ত্রযোবিংশতিমামযান্||৪|| জনযন্ত্যুপদংশাদীন্| |৫|
View original
अथातो गुह्यरोगविज्ञानीयं व्याख्यास्यामः| इति ह स्माहुरात्रेयादयो महर्षयः| (गद्यसूत्रे)||२|| स्त्रीव्यवायनिवृत्तस्य सहसा भजतोऽथवा| दोषाध्युषितसङ्कीर्णमलिनाणुरजः पथाम्||१|| अन्ययोनिमनिच्छन्तीमगम्यां नवसूतिकाम्| दूषितं स्पृशतस्तोयं रतान्तेष्वपि नैव वा||२|| विवर्धयिषया तीक्ष्णान् प्रलेपादीन् प्रयच्छतः| मुष्टिदन्तनखोत्पीडाविषवच्छूकपातनैः||३|| वेगनिग्रहदीर्घातिखरस्पर्शविघट्टनैः| दोषा दुष्टा गता गुह्यं त्रयोविंशतिमामयान्||४|| जनयन्त्युपदंशादीन्| |५|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- বনিতাসম্ভোগান্নিবৃত্তস্য সহসা-অকস্মাদেব, স্ত্রীব্যবাযং ভজতঃ| কেচিত্ করাদিনৈব ব্যবাযাভাসং কুর্বন্তি তন্নিবৃত্ত্যৈ স্ত্রীগ্রহণম্| অথবেতি বক্ষ্যমাণগুণাং স্ত্রিযং সেবমানস্য| কিম্ভূতাম্ ? বাতাদ্যধিষ্ঠিতস্তথা সঙ্কীর্ণঃ-সঙ্কটো, মলিনোঽণুঃ-সূক্ষ্মো, রজোমার্গো যস্যাস্তাং তথাবিধাং স্ত্রিযম্| তথাঽন্যযোনি-মহিষ্যাদিম্| তথাঽনভিলষন্তীম্| তথাঽগম্যাং-ভগিন্যাদিম্| তথা নবপ্রসূতাম্| তথা দূষিতং সবিষজন্ত্বাদিভির্জলং স্পৃশতো, রতান্তেষ্বপি নৈব বা জলং স্পৃশতঃ| বিবর্ধযিতুমিচ্ছযা তীক্ষ্ণান্ প্রলেপসেকাদীন্ বা প্রকৃতত্বাত্ গুহ্যে প্রযচ্ছতঃ| তথা মুষ্ট্যাদিপাতনৈস্তথা বেগরোধনেন তথা দীর্ঘাতিখরস্পর্শনেন চ যানি বিঘট্টনানি, তৈরেব দোষা দুষ্টা গুহ্যং প্রাপ্তাস্ত্রযোবিংশতি বক্ষ্যমাণান্ উপদংশাদীন্ কুর্বন্তি|
Adhikarana ১ উপদংশস্য পঞ্চবিধত্বম্ (৫) · Śloka ৫
উপদংশোঽত্র পঞ্চধা| পৃথগ্দোষৈঃ সরুধিরৈঃ সমস্তৈশ্চ|৫|
View original
उपदंशोऽत्र पञ्चधा| पृथग्दोषैः सरुधिरैः समस्तैश्च|५|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- অত্র-এষু মধ্যে, উপদংশঃ পঞ্চপ্রকারঃ| কথম্? ইত্যাহ-দোষৈঃ পৃথক্ ত্রযঃ, রক্তেন চতুর্থঃ, সন্নিপাতেন পঞ্চমঃ|
Adhikarana ১ বাতজস্য উপদংশস্য লক্ষণম্ (৫-৬) · Śloka ৬
| অত্র মারুতাত্||৫|| মেঢ্রে শোফো রুজশ্চিত্রাঃ স্তম্ভস্ত্বক্পরিপোটনম্| |৬|
View original
| अत्र मारुतात्||५|| मेढ्रे शोफो रुजश्चित्राः स्तम्भस्त्वक्परिपोटनम्| |६|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-এষাং মধ্যে বাতেনোপদংশে মেঢ্রে শোফো ভবতি| দারুণাঃ পীডাঃ স্তম্ভস্তথা ত্বচঃ পরিপোটনম্|
Adhikarana ২ পিত্তজস্য উপদংশস্য লক্ষণম্ (৬) · Śloka ৬
| পক্বোদুম্বরসঙ্কাশঃ পিত্তেন শ্বযথুর্জ্বরঃ||৬||
View original
| पक्वोदुम्बरसङ्काशः पित्तेन श्वयथुर्ज्वरः||६||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-পিত্তেন শ্বযথুঃ পক্বোদুম্বরফলনিভো জ্বরশ্চ স্যাত্|
Adhikarana ৩ কফজস্য উপদংশস্য লক্ষণম্ (৭) · Śloka ৭
শ্লেষ্মণা কঠিনঃ স্নিগ্ধঃ কণ্ডূমান্ শীতলো গুরুঃ| |৭|
View original
श्लेष्मणा कठिनः स्निग्धः कण्डूमान् शीतलो गुरुः| |७|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-শ্লেষ্মণা শ্বযথুঃ কঠিনাদিগুণঃ স্যাত্|
Adhikarana ৪ রক্তজস্য উপদংশস্য লক্ষণম্ (৭) · Śloka ৭
| শোণিতেনাসিতস্ফোটসম্ভবোঽস্রস্রুতির্জ্বরঃ||৭||
View original
| शोणितेनासितस्फोटसम्भवोऽस्रस्रुतिर्ज्वरः||७||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-লোহিতেন কৃষ্ণস্ফোটসম্ভবাদযঃ স্যুঃ|
Adhikarana ৫ সর্বজস্য উপদংশস্য লক্ষণম্ (৮) · Śloka ৮
সর্বজে সর্বলিঙ্গত্বং শ্বযথুর্মুষ্কযোরপি| তীব্রা রুগাশুপচনং দরণং কৃমিসম্ভবঃ||৮||
View original
सर्वजे सर्वलिङ्गत्वं श्वयथुर्मुष्कयोरपि| तीव्रा रुगाशुपचनं दरणं कृमिसम्भवः||८||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- সর্বদোষজে সর্বলিঙ্গত্বং শ্বযথুশ্চ মুষ্কযোঃ স্যাত্| তীব্রা রুক্ শীঘ্রপাকাদিশ্চ|
Adhikarana এতেষাং সাধ্যাসাধ্যত্বম্ (৯) · Śloka ৯
যাপ্যো রক্তোদ্ভবস্তেষাং মৃত্যবে সন্নিপাতজঃ| |৯|
View original
याप्यो रक्तोद्भवस्तेषां मृत्यवे सन्निपातजः| |९|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-এতেষাং মধ্যে রক্তজো যাপ্যঃ| সন্নিপাতোত্থো মৃত্যুহেতুঃ|
Adhikarana ২ অর্শসাং লক্ষণম্ (৯-১১) · Śloka ১১
| জাযন্তে কুপিতৈর্দোষৈর্গুহ্যাসৃক্পিশিতাশ্রযৈঃ||৯|| অন্তর্বহির্বা মেঢ্রস্য কণ্ডূলা মাংসকীলকাঃ| পিচ্ছিলাস্রস্রবা যোনৌ তদ্বচ্চ চ্ছত্রসন্নিভাঃ||১০|| তেঽর্শাংস্যুপেক্ষযা ঘ্নন্তি মেঢ্রপুংস্ত্বং ভগার্তবম্| |১১|
View original
| जायन्ते कुपितैर्दोषैर्गुह्यासृक्पिशिताश्रयैः||९|| अन्तर्बहिर्वा मेढ्रस्य कण्डूला मांसकीलकाः| पिच्छिलास्रस्रवा योनौ तद्वच्च च्छत्रसन्निभाः||१०|| तेऽर्शांस्युपेक्षया घ्नन्ति मेढ्रपुंस्त्वं भगार्तवम्| |११|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
সং-দোষৈর্গুহ্যরক্তমাংসাশ্রযৈঃ ক্রুদ্ধৈর্মেঢ্রস্যান্তর্বহির্বা কণ্ডূলা মাংসকীলকাঃ-শঙ্কবো, জাযন্তে| তথা পিচ্ছিলরক্তস্রাবিণঃ| তথৈব যোনৌ ছত্রসদৃশাঃ স্যুঃ| তে মাংসকীলা অর্শাংসি গদ্যন্তে| উপেক্ষিতাশ্চ মেঢ্রে জাতাঃ পুংস্ত্বং ঘ্নন্তি| ভগে জাতা আর্তবং ঘ্নন্তি|
Adhikarana ৩ সর্ষপিকানাং লক্ষণম্ (১১-১২) · Śloka ১২
| গুহ্যস্য বহিরন্তর্বা পিটিকাঃ কফরক্তজাঃ||১১|| সর্ষপামানসংস্থানা ঘনাঃ সর্ষপিকাঃ স্মৃতাঃ| |১২|
View original
| गुह्यस्य बहिरन्तर्वा पिटिकाः कफरक्तजाः||११|| सर्षपामानसंस्थाना घनाः सर्षपिकाः स्मृताः| |१२|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-গুহ্যস্য বাহ্যতোঽন্তরে বা কফরক্তজাঃ পিটিকাঃ সর্ষপপ্রমণাঃ সর্ষপাকারা ঘনাঃ সর্ষপিকাঃ স্মৃতাঃ|
Adhikarana ৪ অবমন্থস্য লক্ষণম্ (১২-১৩) · Śloka ১৩
| পিটিকা বহবো দীর্ঘা দীর্যন্তে মধ্যতশ্চ যাঃ||১২|| সোঽবমন্থঃ কফাসৃগ্ভ্যাং বেদনারোমহর্ষবান্| |১৩|
View original
| पिटिका बहवो दीर्घा दीर्यन्ते मध्यतश्च याः||१२|| सोऽवमन्थः कफासृग्भ्यां वेदनारोमहर्षवान्| |१३|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-পিটিকা বহবো দীর্ঘা মধ্যে চ যা দীর্যন্তে, সোঽবমন্থো বেদনারোমাঞ্চবান্ কফরক্তাভ্যাং স্যাত্|
Adhikarana ৫ কুম্ভীকাযাঃ লক্ষণম্ (১৩) · Śloka ১৩
| কুম্ভীকা রক্তপিত্তোত্থা জাম্ববাস্থিনিভাঽঽশুজা||১৩||
View original
| कुम्भीका रक्तपित्तोत्था जाम्बवास्थिनिभाऽऽशुजा||१३||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-জাম্ববাস্থিরূপা কুম্ভীকা রক্তপিত্তোদ্ভবা শীঘ্রোত্পত্তিশ্চ|
Adhikarana ৬ অলজ্যাঃ লক্ষণম্ (১৪) · Śloka ১৪
অলজীং মেহবদ্বিদ্যাদ্| |১৪|
View original
अलजीं मेहवद्विद्याद्| |१४|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-অলজীং প্রমেহে যথা, তথাঽস্মিন্নপি বিদ্যাত্|
Adhikarana ৭ উত্তমাযাঃ লক্ষণম্ (১৪) · Śloka ১৪
উত্তমাং পিত্তরক্তজাম্| পিটিকাং মাষমুদ্গাভাং|১৪|
View original
उत्तमां पित्तरक्तजाम्| पिटिकां माषमुद्गाभां|१४|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-উত্তমাখ্যাং পিত্তরক্তজাং মেঢ্রপিটিকাং মাষসমাং মুদ্গাভাং বিদ্যাত্|
Adhikarana ৮ পুষ্করিকাযাঃ লক্ষণম্ (১৪-১৫) · Śloka ১৫
| পিটিকা পিটিকাচিতা||১৪|| কর্ণিকা পুষ্করস্যেব জ্ঞেযা পুষ্করিকেতি সা| |১৫|
View original
| पिटिका पिटिकाचिता||१४|| कर्णिका पुष्करस्येव ज्ञेया पुष्करिकेति सा| |१५|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- পিটিকাচিতা যা পিটিকা স্যাত্, তথা পদ্মকর্ণিকাকারা পুষ্করকর্কটাভা, তাং পুষ্করিকেতি বিদ্যাত্|
Adhikarana ৯ সংব্যূঢপিটিকাযাঃ লক্ষণম্ (১৫) · Śloka ১৫
| পাণিভ্যাং ভৃশসংব্যূঢে সংব্যূঢপিটিকা ভবেত্||১৫||
View original
| पाणिभ्यां भृशसंव्यूढे संव्यूढपिटिका भवेत्||१५||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- হস্তাভ্যামতিশযেন সংব্যূঢে-ঘৃষ্টে সতি, সংব্যূঢপিটিকাখ্যা স্যাত্|
Adhikarana ১০ মৃদিতস্য লক্ষণম্ (১৬) · Śloka ১৬
মৃদিতং মৃদিতং বস্ত্রসংরব্ধং বাতকোপতঃ| |১৬|
View original
मृदितं मृदितं वस्त्रसंरब्धं वातकोपतः| |१६|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-মৃদিতং-মলিতং, বস্ত্রসংরব্ধং-বাসসা ক্ষোভিতং, বাতকোপান্মৃদিতং স্যাত্|
Adhikarana ১১ অষ্ঠীলিকাযাঃ লক্ষণম্ (১৬) · Śloka ১৬
| বিষমা কঠিনা ভুগ্না বাযুনাঽষ্ঠীলিকা স্মৃতা||১৬||
View original
| विषमा कठिना भुग्ना वायुनाऽष्ठीलिका स्मृता||१६||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-যা পিটিকা বিষমা সমুন্নতা তথা কঠিনা কুটিলা চ পবনেনাষ্ঠীলিকা গদিতা|
Adhikarana ১২ নিবৃত্তস্য লক্ষণম্ (১৭-১৮) · Śloka ১৮
বিমর্দনাদিদুষ্টেন বাযুনা চর্ম মেঢ্রজম্| নিবর্ততে সরুগ্দাহং ক্বচিত্পাকং চ গচ্ছতি||১৭|| পিণ্ডিতং গ্রন্থিতং চর্ম তত্প্রলম্বমধো মণেঃ| নিবৃত্তসংজ্ঞং সকফং কণ্ডূকাঠিন্যবত্তু তত্||১৮||
View original
विमर्दनादिदुष्टेन वायुना चर्म मेढ्रजम्| निवर्तते सरुग्दाहं क्वचित्पाकं च गच्छति||१७|| पिण्डितं ग्रन्थितं चर्म तत्प्रलम्बमधो मणेः| निवृत्तसंज्ञं सकफं कण्डूकाठिन्यवत्तु तत्||१८||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-বাযুনা বিমর্দনাদিদুষ্টেন মেঢ্রজং চর্ম সরুগ্দাহং নিবর্ততে| ক্বচিত্-কদাচিত্, পাকমপি যাতি| তত্-চর্ম, মণেরধঃ পিণ্ডিতং গ্রন্থিতং প্রলম্বং চ স্যাত্| তত্সকফং-কফেন তু সহ, কণ্ডূকাঠিন্যযুতং নিবৃত্তসংজ্ঞং স্যাত্|
Adhikarana ১৩ অবপাটিকাযাঃ লক্ষণম্ (১৯) · Śloka ১৯
দুরুঢং স্ফুটিতং চর্ম নির্দিষ্টমবপাটিকা| |১৯|
View original
दुरुढं स्फुटितं चर्म निर्दिष्टमवपाटिका| |१९|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-কৃচ্ছ্রেণ রোহতি যচ্চ দুঃস্ফুটিতং চর্ম, তত্ কথিতমবপাটিকা|
Adhikarana ১৪ নিরুদ্ধমণেঃ লক্ষণম্ (১৯-২০) · Śloka ২০
| বাতেন দূষিতং চর্ম মণৌ সক্তং রুণদ্ধি চেত্||১৯|| স্রোতো মূত্রং ততোঽভ্যেতি মন্দধারমবেদনম্| মণের্বিকাশরোধশ্চ স নিরুদ্ধমণির্গদঃ||২০||
View original
| वातेन दूषितं चर्म मणौ सक्तं रुणद्धि चेत्||१९|| स्रोतो मूत्रं ततोऽभ्येति मन्दधारमवेदनम्| मणेर्विकाशरोधश्च स निरुद्धमणिर्गदः||२०||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- বাতেন চর্ম দূষিতং মণৌ সক্তং চেত্ স্রোতো রুণদ্ধি| ততো মন্দধারমরুজং মূত্রমেতি| মণেশ্চ বিকাশরোধঃ| স এবং বিধো রোগো নিরুদ্ধমণিসংজ্ঞঃ|
Adhikarana ১৫ গ্রথিতস্য লক্ষণম্ (২১) · Śloka ২১
লিঙ্গং শূকৈরিবাপূর্ণং গ্রথিতাখ্যং কফোদ্ভবম্| |২১|
View original
लिङ्गं शूकैरिवापूर्णं ग्रथिताख्यं कफोद्भवम्| |२१|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-লিঙ্গং শূকৈরাকীর্ণমিব স্যাত্, তদ্ গ্রথিতসংজ্ঞং কফজম্|
Adhikarana ১৬ স্পর্শহানেঃ লক্ষণম্ (২১) · Śloka ২১
| শূকদূষিতরক্তোত্থা স্পর্শহানিস্তদাহ্বযা||২১||
View original
| शूकदूषितरक्तोत्था स्पर्शहानिस्तदाह्वया||२१||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-শূকদূষিতরক্তোদ্ভবা স্পর্শহানিঃ, সা স্পর্শহানিসংজ্ঞা|
Adhikarana ১৭ শতপোনকস্য লক্ষণম্ (২২) · Śloka ২২
ছিদ্রৈরণুমুখৈর্যত্তু মেহনং সর্বতশ্চিতম্| বাতশোণিতকোপেন তং বিদ্যাচ্ছতপোনকম্||২২||
View original
छिद्रैरणुमुखैर्यत्तु मेहनं सर्वतश्चितम्| वातशोणितकोपेन तं विद्याच्छतपोनकम्||२२||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-যত্পুনর্মেঢ্রং ছিদ্রৈঃ সূক্ষ্মমুখৈঃ সর্বতঃ-পরিতঃ, চিতং বাতশোণিতকোপাত্, তং শতপোনকং বিদ্যাত্|
Adhikarana ১৮ ত্বক্পাকস্য লক্ষণম্ (২৩) · Śloka ২৩
পিত্তাসৃগ্ভ্যাং ত্বচঃ পাকস্ত্বক্পাকো জ্বরদাহবান্| |২৩|
View original
पित्तासृग्भ्यां त्वचः पाकस्त्वक्पाको ज्वरदाहवान्| |२३|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-পিত্তরক্তাভ্যাং ত্বচঃ পাকো জ্বরদাহান্বিতস্ত্বক্পাকাখ্যঃ|
Adhikarana ১৯ মাংসপাকস্য লক্ষণম্ (২৩) · Śloka ২৩
| মাংস্পাকঃ সর্বজঃ সর্ববেদনো মাংসশাতনঃ||২৩||
View original
| मांस्पाकः सर्वजः सर्ववेदनो मांसशातनः||२३||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-সর্বদোষোত্থো মাংস্পাকাখ্যঃ সর্ববেদনো মাংসশাতনঃ|
Adhikarana ২০ রক্তার্বুদস্য লক্ষণম্ (২৪) · Śloka ২৪
সরাগৈরসিতৈঃ স্ফোটৈঃ পিটিকাভিশ্চ পীডিতম্| মেহনং বেদনা চোগ্রা তং বিদ্যাদসৃগর্বুদম্||২৪||
View original
सरागैरसितैः स्फोटैः पिटिकाभिश्च पीडितम्| मेहनं वेदना चोग्रा तं विद्यादसृगर्बुदम्||२४||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ঈষল্লোহিতৈঃ কৃষ্ণৈঃ স্ফোটৈঃ পিটিকাভিশ্চ পীডিতং লিঙ্গং বেদনাশ্চ দারুণাঃ, তং-এবংবিধং, রক্তার্বুদং জানীযাত্|
Adhikarana ২১ মাংসার্বুদস্য লক্ষণম্ (২৫) · Śloka ২৫
মাংসার্বুদং প্রাগুদিতং| |২৫|
View original
मांसार्बुदं प्रागुदितं| |२५|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-মাংসার্বুদং পূর্বমুক্তং গ্রন্থ্যাদিরোগবিজ্ঞানীযে(উ. অ.২৯)| তচ্চ ত্রিদোষজম্|
Adhikarana ২২ বিদ্রধেঃ লক্ষণম্ (২৫) · Śloka ২৫
বিদ্রধিশ্চ ত্রিদোষজঃ| |২৫|
View original
विद्रधिश्च त्रिदोषजः| |२५|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-বিদ্রধিশ্চ ত্রিদোষজঃ| স উক্তো বিদ্রধ্যাদিনিদানে (নি. অ. ১১/৯)|
Adhikarana ২৩ তিলকালকানাং লক্ষণম্ (২৫-২৬) · Śloka ২৬
| কৃষ্ণানি ভূত্বা মাংসানি বিশীর্যন্তে সমন্ততঃ||২৫|| পক্বানি সন্নিপাতেন তান্ বিদ্যাত্তিলকালকান্| |২৬|
View original
| कृष्णानि भूत्वा मांसानि विशीर्यन्ते समन्ततः||२५|| पक्वानि सन्निपातेन तान् विद्यात्तिलकालकान्| |२६|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-লিঙ্গে কৃষ্ণানি মাংসানি ভূত্বা পরিতো বিশীর্যন্তে পক্বানি সন্নিপাতেন| তান্-এবংপ্রকারান্, তিলকালকান্ বিদ্যাত্|
Adhikarana এতেষাং সাধ্যাসাধ্যত্বম্ (২৬-২৭) · Śloka ২৭
| মাংসোত্থমর্বুদং পাকং বিদ্রধিং তিলকালকান্||২৬|| চতুরো বর্জযেদেষাং শেষাংশ্ছীঘ্রমুপাচরেত্| |২৭|
View original
| मांसोत्थमर्बुदं पाकं विद्रधिं तिलकालकान्||२६|| चतुरो वर्जयेदेषां शेषांश्छीघ्रमुपाचरेत्| |२७|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- এষাং মধ্যে মাংসার্বুদাদীংশ্চতুরস্ত্যজেত্-নোপক্রমেত্| শেষান্-ষোডশ রোগান্, শীঘ্রমুপক্রমেত্|
Adhikarana যোনিব্যাপদো বিংশতিবিধত্বম্ (২৭) · Śloka ২৭
| বিংশতির্ব্যাপদো যোনের্জাযন্তে দুষ্টভোজনাত্||২৭||
View original
| विंशतिर्व्यापदो योनेर्जायन्ते दुष्टभोजनात्||२७||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- যোনের্ব্যাপদো বিংশতির্দুষ্টাহারাদ্ভবন্তি|
Adhikarana ১ বাতিক্যাঃ লক্ষণম্ (২৮-৩১) · Śloka ৩১
বিষমস্থাঙ্গশযনভৃশমৈথুনসেবনৈঃ| দুষ্টার্তবাদপদ্রব্যৈর্বীজদোষেণ দৈবতঃ||২৮|| যোনৌ ক্রুদ্ধোঽনিলঃ কুর্যাদ্ রুক্তোদাযামসুপ্ততাঃ| পিপীলিকাসৃপ্তিমিব স্তম্ভং কর্কশতাং স্বনম্||২৯|| ফেনিলারুণকৃষ্ণাল্পতনুরূক্ষার্তবস্ত্রুতিম্| স্রসং বঙ্ক্ষণপার্শ্বাদৌ ব্যথাং গুল্মং ক্রমেণ চ||৩০|| তাংস্তাংশ্চ স্বান্ গদান্ ব্যাপদ্বাতিকী নাম সা স্মৃতা| |৩১|
View original
विषमस्थाङ्गशयनभृशमैथुनसेवनैः| दुष्टार्तवादपद्रव्यैर्बीजदोषेण दैवतः||२८|| योनौ क्रुद्धोऽनिलः कुर्याद् रुक्तोदायामसुप्तताः| पिपीलिकासृप्तिमिव स्तम्भं कर्कशतां स्वनम्||२९|| फेनिलारुणकृष्णाल्पतनुरूक्षार्तवस्त्रुतिम्| स्रसं वङ्क्षणपार्श्वादौ व्यथां गुल्मं क्रमेण च||३०|| तांस्तांश्च स्वान् गदान् व्यापद्वातिकी नाम सा स्मृता| |३१|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- বিষমস্থাঙ্গশযনাদিভির্যোনৌ পবনঃ কুপিতো রুজাদীন্ কুর্যাত্| তথা পিপীলিকোপসর্পণমিব স্তম্ভং কর্কশতাং স্বনং, তথা ফেনিলাদিগুণার্তবস্রুতিং, তথা বঙ্ক্ষণাদৌ ভ্রংশং রুজাং, ক্রমেণ চ গুল্মং কুর্যাত্| তংস্তাংশ্চ-অনেকবিধান্, রোগন্ কুর্যাত্| সা-এবংবিধা, ব্যাপত্ বাতিকী স্মৃতা|
Adhikarana ২ অতিচরণাযাঃ লক্ষণম্ (৩১) · Śloka ৩১
| সৈবাতিচরণা শোফসংযুক্তাঽতিব্যবাযতঃ||৩১||
View original
| सैवातिचरणा शोफसंयुक्ताऽतिव्यवायतः||३१||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-সৈবাতিচরণা শ্বযথুযুতাঽতিব্যবাযাত্ স্যাত্|
Adhikarana ৩ প্রাক্চরণাযাঃ লক্ষণম্ (৩২) · Śloka ৩২
মৈথুনাদতিবালাযাঃ পৃষ্ঠজঙ্গোরুবঙ্ক্ষণম্| রুজন্ সন্দূষযেদ্যোনিং বাযুঃ প্রাক্চরণেতি সা||৩২||
View original
मैथुनादतिबालायाः पृष्ठजङ्गोरुवङ्क्षणम्| रुजन् सन्दूषयेद्योनिं वायुः प्राक्चरणेति सा||३२||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- মৈথুনাদতিবালাযাঃ পবনঃ পৃষ্ঠজঙ্ঘোরুবঙ্ক্ষণং পীডযন্ যোনিং সন্দূষযেত্| প্রাক্চরণেতি সা স্যাত্|
Adhikarana ৪ উদাবৃত্তাযাঃ লক্ষণম্ (৩৩-৩৪) · Śloka ৩৪
বেগোদাবর্তনাদ্যোনিং প্রপীডযতি মারুতঃ| সা ফেনিলং রজঃ কৃচ্ছ্রাদুদাবৃত্তং বিমুঞ্চতি||৩৩|| ইযং ব্যাপদুদাবৃত্তা| |৩৪|
View original
वेगोदावर्तनाद्योनिं प्रपीडयति मारुतः| सा फेनिलं रजः कृच्छ्रादुदावृत्तं विमुञ्चति||३३|| इयं व्यापदुदावृत्ता| |३४|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-বেগোদাবর্তনেন মারুতো যোনিং প্রকর্ষেণ পীডযতি| ততঃ সা-যোনিঃ, ফেনিলং রজঃ কৃচ্ছ্রাদুদাবৃত্তং বিসৃজতি| এষা ব্যাপদুদাবৃত্তাখ্যা|
Adhikarana ৫ জাতঘ্ন্যাঃ লক্ষণম্ (৩৪) · Śloka ৩৪
জাতঘ্নী তু যদাঽনিলঃ| জাতং জাতং সুতং হন্তি রৌক্ষ্যাদ্দুষ্টার্তবোদ্ভবম্||৩৪||
View original
जातघ्नी तु यदाऽनिलः| जातं जातं सुतं हन्ति रौक्ष्याद्दुष्टार्तवोद्भवम्||३४||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- যদা তু বাযুঃ সুতমুত্পন্নমুত্পন্নং রৌক্ষ্যাদ্দুষ্টার্তবজং হন্তি, তদা জাতঘ্নী স্যাত্|
Adhikarana ৬ অন্তর্মুখ্যাঃ লক্ষণম্ (৩৫-৩৬) · Śloka ৩৬
অত্যাশিতাযা বিষমং স্থিতাযাঃ সুরতে মরুত্| অন্নেনোত্পীডিতো যোনেঃ স্থিতঃ স্রোতসি বক্রযেত্||৩৫|| সাস্থিমাংসং মুখং তীব্ররুজমন্তর্মুখীতি সা| |৩৬|
View original
अत्याशिताया विषमं स्थितायाः सुरते मरुत्| अन्नेनोत्पीडितो योनेः स्थितः स्रोतसि वक्रयेत्||३५|| सास्थिमांसं मुखं तीव्ररुजमन्तर्मुखीति सा| |३६|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-অতিসুহিতাযা বিষমং স্থিতাযা নিধুবনে পবনোঽন্নেনোত্পীডিতো যোনেঃ সম্বন্ধিনি স্রোতসি স্থিতো মুখং যোনেরেব বক্রীকুর্যাত্, অস্থিমাংসেন সহ দারুণপীডং, সাঽন্তর্মুখীত্যুচ্যতে|
Adhikarana ৭ সূচীমুখ্যাঃ লক্ষণম্ (৩৬-৩৭) · Śloka ৩৭
| বাতলাহারসেবিন্যাং জনন্যাং কুপিতোঽনিলঃ||৩৬|| স্ত্রিযো যোনিমণুদ্বারাং কুর্যাত্সূচীমুখীতি সা| |৩৭|
View original
| वातलाहारसेविन्यां जनन्यां कुपितोऽनिलः||३६|| स्त्रियो योनिमणुद्वारां कुर्यात्सूचीमुखीति सा| |३७|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- বাতলাহারসেবিন্যাং মাতরি বাযুঃ কুপিতঃ স্ত্রিযো গর্ভস্থাযাঃ সূক্ষ্মদ্বারাং যোনি কুর্যাত্| সূচীমুখী সা স্যাত্|
Adhikarana ৮ শুষ্কাখ্যাযাঃ লক্ষণম্ (৩৭-৩৮) · Śloka ৩৮
| বেগরোধাদৃতৌ বাযুর্দুষ্টো বিণ্মূত্রসঙ্গ্রহম্||৩৭|| করোতি যোনেঃ শোষং চ শুষ্কাখ্যা সাঽতিবেদনা| |৩৮|
View original
| वेगरोधादृतौ वायुर्दुष्टो विण्मूत्रसङ्ग्रहम्||३७|| करोति योनेः शोषं च शुष्काख्या साऽतिवेदना| |३८|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ঋতৌ বেগধারণাদ্বাযুর্দুষ্টো বিণ্মূত্রসঙ্গ্রহং করোতি| যোনেঃ শোষং চ করোতি| সা শুষ্কসংজ্ঞাঽতিরুজা স্যাত্|
Adhikarana ৯ বামিন্যাঃ লক্ষণম্ (৩৮-৩৯) · Śloka ৩৯
| ষডহাত্ সপ্তরাত্রাদ্বা শুক্রং গর্ভাশযান্মরুত্||৩৮|| বমেত্সরুঙ্ নীরুজো বা যস্যাঃ সা বামিনী মতা| |৩৯|
View original
| षडहात् सप्तरात्राद्वा शुक्रं गर्भाशयान्मरुत्||३८|| वमेत्सरुङ् नीरुजो वा यस्याः सा वामिनी मता| |३९|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ষডহেনাথবা সপ্তাহেন গর্ভাশযাদ্বাযুঃ সরুজো নীরুজো বা যস্যাঃ শুক্রং বমেত্, সা বামিনী গদিতা|
Adhikarana ১০ ষণ্ঢাযাঃ লক্ষণম্ (৩৯-৪০) · Śloka ৪০
| যোনৌ বাতোপতপ্তাযাং স্ত্রীগর্ভে বীজদোষতঃ||৩৯|| মৃদ্বেষিণ্যস্তনী চ স্যাত্ ষণ্ঢসংজ্ঞাঽনুপক্রমা| |৪০|
View original
| योनौ वातोपतप्तायां स्त्रीगर्भे बीजदोषतः||३९|| मृद्वेषिण्यस्तनी च स्यात् षण्ढसंज्ञाऽनुपक्रमा| |४०|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-বাতোপতপ্তাযাং যোনৌ স্ত্রীগর্ভে বীজদোষান্নরদ্বেষিণী স্তনরহিতা চ স্ত্রী স্যাত্| স ষণ্ঢসংজ্ঞাঽনুপক্রমা|
Adhikarana ১১ মহাযোন্যাঃ লক্ষণম্ (৪০-৪১) · Śloka ৪১
| দুষ্টো বিষ্টভ্য যোন্যাস্যং গর্ভকোষ্ঠং চ মারুতঃ||৪০|| কুরুতে বিবৃতাং স্রস্তাং বাতিকীমিব দুঃখিতাম্| উত্সন্নমাংসাং তামাহুর্মহাযোনিং মহারুজাম্||৪১||
View original
| दुष्टो विष्टभ्य योन्यास्यं गर्भकोष्ठं च मारुतः||४०|| कुरुते विवृतां स्रस्तां वातिकीमिव दुःखिताम्| उत्सन्नमांसां तामाहुर्महायोनिं महारुजाम्||४१||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-পবনো দুষ্টো যোন্যাস্যং বিষ্টভ্য গর্ভকোষ্ঠং চ বিবৃতমুখীং ভ্রষ্টাং বাতিকীমিব সুদুঃখামুত্সৃষ্টপিশিতাং প্রকৃতত্বাদ্যোনিং কুরুতে| তাং মহারুজাং মহাযোনিং বদন্তি|
Adhikarana ১২ পৈত্তিক্যাঃ লক্ষণম্ (৪২-৪৩) · Śloka ৪৩
যথাস্বৈর্দূষণৈর্দুষ্টং পিত্তং যোনিমুপাশ্রিতম্| করোতি দাহপাকোষাপূতিগন্ধিজ্বরান্বিতাম্||৪২|| ভৃশোষ্ণভূরিকুণপনীলপীতাসিতার্তবাম্| সা ব্যাপত্ পৈত্তিকী|৪৩|
View original
यथास्वैर्दूषणैर्दुष्टं पित्तं योनिमुपाश्रितम्| करोति दाहपाकोषापूतिगन्धिज्वरान्विताम्||४२|| भृशोष्णभूरिकुणपनीलपीतासितार्तवाम्| सा व्यापत् पैत्तिकी|४३|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-যথাযোগং দূষণৈঃ-সর্বরোগনিদানাদ্যুক্তৈঃ, দুষ্টং পিত্তং যোনৌ স্থিতং যোনিং দাহাদ্যন্বিতাং করোতি, তথা ভৃশোষ্ণাদিগুণযুতার্তবাম্| সা পৈত্তিকী ব্যাপত্|
Adhikarana ১৩ রক্তযোন্যাঃ লক্ষণম্ (৪৩) · Śloka ৪৩
| রক্তযোন্যাখ্যাঽসৃগতিস্রুতেঃ||৪৩||
View original
| रक्तयोन्याख्याऽसृगतिस्रुतेः||४३||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-রক্তযোন্যাখ্যা রক্তস্যাতিস্রুতেঃ স্যাত্|
Adhikarana ১৪ শ্লৈষ্মিক্যাযাঃ লক্ষণম্ (৪৪-৪৫) · Śloka ৪৫
কফোঽভিষ্যন্দিভিঃ ক্রুদ্ধঃ কুর্যাদ্যোনিমবেদনাম্| শীতলাং কণ্ডুলাং পাণ্ডুপিচ্ছিলাং তদ্বিধস্রুতিম্||৪৪|| সা ব্যাপচ্ছ্লৈষ্মিকী| |৪৫|
View original
कफोऽभिष्यन्दिभिः क्रुद्धः कुर्याद्योनिमवेदनाम्| शीतलां कण्डुलां पाण्डुपिच्छिलां तद्विधस्रुतिम्||४४|| सा व्यापच्छ्लैष्मिकी| |४५|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- শ্লেষ্মাঽভিষ্যন্দকরণহেতুভিঃ কুপিতো যোনিং পীডারহিতাং শীতলাদিগুণাং তথা তদ্বিধা-পাণ্ডুপিচ্ছিলা, স্রুতির্যস্যাস্তাং তথাবিধাং কুর্যাত্| সা-এবংবিধা, ব্যাপত্ শ্লৈষ্মিকী স্যাত্|
Adhikarana ১৫ লোহিতক্ষযাযাঃ লক্ষণম্ (৪৫) · Śloka ৪৫
বাতপিত্তাভ্যাং ক্ষীযতে রজঃ| সদাহকার্শ্যবৈবর্ণ্যং যস্যাঃ সা লোহিতক্ষযা||৪৫||
View original
वातपित्ताभ्यां क्षीयते रजः| सदाहकार्श्यवैवर्ण्यं यस्याः सा लोहितक्षया||४५||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-যস্যাঃ বাতপিত্তাভ্যাং রজঃ ক্ষীযতে দাহকার্শ্যবৈবর্ণ্যযুতং, সা লোহিতক্ষযাখ্যা|
Adhikarana ১৬ পরিপ্লুতাযাঃ লক্ষণম্ (৪৬-৪৮) · Śloka ৪৮
পিত্তলাযা নৃসংবাসে ক্ষবথূদ্গারধারণাত্| পিত্তযুক্তেন মরুতা যোনির্ভবতি দূষিতা||৪৬|| শূনা স্পর্শাসহা সার্তির্নীলপীতাস্রবাহিনী| বস্তিকুক্ষিগুরুত্বাতিসারারোচককারিণী||৪৭|| শ্রোণিবঙ্ক্ষণরুক্তোদজ্বরকৃত্ সা পরিপ্লুতা| |৪৮|
View original
पित्तलाया नृसंवासे क्षवथूद्गारधारणात्| पित्तयुक्तेन मरुता योनिर्भवति दूषिता||४६|| शूना स्पर्शासहा सार्तिर्नीलपीतास्रवाहिनी| बस्तिकुक्षिगुरुत्वातिसारारोचककारिणी||४७|| श्रोणिवङ्क्षणरुक्तोदज्वरकृत् सा परिप्लुता| |४८|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- পিত্তলাযাঃ স্ত্রিযা নরসংযোগে ক্ষবথূদ্গারধারণাত্ পিত্তান্বিতেন বাযুনা যোনির্দূষিতা শূনাদিগুণা বস্ত্যাদিগুরুত্বাদিবিধাযিনী তথা শ্রোণ্যাদিতোদকরী স্যাত্| সা পরিপ্লুতাখ্যা|
Adhikarana ১৭ উপপ্লুতাযাঃ লক্ষণম্ (৪৮-৪৯) · Śloka ৪৯
| বাতশ্লেষ্মামযব্যাপ্তা শ্বেতপিচ্ছিলবাহিনী||৪৮|| উপপ্লুতা স্মৃতা যোনিঃ| |৪৯|
View original
| वातश्लेष्मामयव्याप्ता श्वेतपिच्छिलवाहिनी||४८|| उपप्लुता स्मृता योनिः| |४९|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- বাতশ্লেষ্মরোগেণ ব্যাপ্তা শুক্লপিচ্ছিলস্রাবিণী যোনিরুপপ্লুতা স্যাত্|
Adhikarana ১৮ বিপ্লুতাযাঃ লক্ষণম্ (৪৯) · Śloka ৪৯
বিপ্লুতাখ্যা ত্বধাবনাত্| সঞ্জাতজন্তুঃ কণ্ডূলা কণ্ড্বা চাতিরতিপ্রিযা||৪৯||
View original
विप्लुताख्या त्वधावनात्| सञ्जातजन्तुः कण्डूला कण्ड्वा चातिरतिप्रिया||४९||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- অক্ষালনাত্তু যোনিঃ সম্ভূতকৃমিঃ কণ্ডূযুতা, কণ্ড্বা চ হেতুনা সুতরাং সুরতাভিলাষিণী বিপ্লুতাখ্যা|
Adhikarana ১৯ কর্ণিন্যাঃ লক্ষণম্ (৫০-৫১) · Śloka ৫১
অকালবাহনাদ্বাযুঃ শ্লেষ্মরক্তবিমূর্চ্ছিতঃ| কর্ণিকাং জনযেদ্যোনৌ রজোমার্গনিরোধিনীম্||৫০|| সা কর্ণিনী| |৫১|
View original
अकालवाहनाद्वायुः श्लेष्मरक्तविमूर्च्छितः| कर्णिकां जनयेद्योनौ रजोमार्गनिरोधिनीम्||५०|| सा कर्णिनी| |५१|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-মরুদকালবাহনাত্ কফরক্তমিশ্রিতো যোনৌ কর্ণিকাং রজোমার্গনিরোধিনীং কুর্যাত্| সা কর্ণিনী গদ্যতে|
Adhikarana ২০ সান্নিপাতিক্যাঃ লক্ষণম্ (৫১) · Śloka ৫১
ত্রিভির্দোষৈর্যোনিগর্ভাশযাশ্রিতৈঃ| যথাস্বোপদ্রবকরৈর্ব্যাপত্সা সান্নিপাতিকী||৫১||
View original
त्रिभिर्दोषैर्योनिगर्भाशयाश्रितैः| यथास्वोपद्रवकरैर्व्यापत्सा सान्निपातिकी||५१||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ত্রিভির্দোষৈর্যোনিগর্ভাশযাশ্রিতৈর্যথাযোগমুপদ্রবকারিভির্যা ব্যাপত্ সা সান্নিপাতিকী স্যাত্|
Adhikarana ইতি যোনিরোগাঃ যৈঃ শুক্রং নেচ্ছতি, গর্ভং ন গৃহ্ণাতি অসৃগ্দরাদি রোগাংশ্চ প্রাপ্নোতি (৩৩) · Śloka ৩৩
ইতি যোনিগদা নারী যৈঃ শুক্রং ন প্রতীচ্ছতি| ততো গর্ভং ন গৃহ্ণাতি রোগাংশ্চাপ্নোতি দারুণান্||৫২|| অসৃগ্দরার্শোগুল্মাদীনাবাধাংশ্চানিলাদিভিঃ| ৫২ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে গুহ্যরোগবিজ্ঞানীযো নাম ত্রযস্ত্রিংশোঽধ্যাযঃ||৩৩||
View original
इति योनिगदा नारी यैः शुक्रं न प्रतीच्छति| ततो गर्भं न गृह्णाति रोगांश्चाप्नोति दारुणान्||५२|| असृग्दरार्शोगुल्मादीनाबाधांश्चानिलादिभिः| ५२ १/२| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां षष्ठे उत्तरस्थाने गुह्यरोगविज्ञानीयो नाम त्रयस्त्रिंशोऽध्यायः||३३||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০- ইতি- সমাপ্তৌ| এবং যোনিরোগাঃ 'কথিতাঃ' ইতি শেষঃ| যৈরামযৈর্যোনিঃ শুক্রং ন প্রতীচ্ছতি| ততো গর্ভং নাদত্তে| রোগাংশ্চ দারুণানসৃগ্দরাদীনশ্রুতে| বাতপিত্তকফৈশ্চাবাধান্-পীডাবিশেষান্, প্রাপ্নোতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয টীকাযাং সর্বাঙ্গসুন্দরাখ্যাযাং ষষ্ঠ উত্তরস্থানে গুহ্যরোগবিজ্ঞানীযো নাম ত্রযাস্ত্রিংশোঽধ্যাযঃ সমাপ্তঃ|| ৩৩||