೩೪. ಗುಹ್ಯರೋಗಪ್ರತಿಷೇಧಾಧ್ಯಯಃ

Adhikarana ಗುಹ್ಯರೋಗಪ್ರತಿಷೇಧಾಧ್ಯಾಯಃ --------- ಉಪದಂಶೇ ನವೇ ಮೇಢ್ರಮಧ್ಯೇ ಸಿರಾವ್ಯಧಾದಿ (೨) · Śloka ೨

ಅಥೈತಚ್ಚಿಕಿತ್ಸಾಂ ಬ್ರೂತೇ ಅಥಾತೋ ಗುಹ್ಯರೋಗಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ)|೨| ಮೇಢ್ರಮಧ್ಯೇ ಸಿರಾಂ ವಿಧ್ಯೇದುಪಂದಶೇ ನವೋತ್ಥಿತೇ| ಶೀತಾಂ ಕುರ್ಯಾತ್ ಕ್ರಿಯಾಂ ಶುದ್ಧಿಂ ವಿರೇಕೇಣ ವಿಶೇಷತಃ||೧|| ತಿಲಕಲ್ಕಘೃತಕ್ಷೌದ್ರೈರ್ಲೇಪಃ ಪಕ್ವೇ ತು ಪಾಟಿತೇ| |೨|

Adhikarana ಉಪದಂಶೇ ಜಮ್ಬ್ವಾದಿಕ್ವಾಥೇನ ಕ್ಷಾಲನಮ್, ಉಪದಂಶೇ ಜಮ್ಬ್ವಾದಿತೈಲೇನ ರೋಪಣಮ್ (೨-೪) · Śloka ೪

| ಜಮ್ಬ್ವಾಮ್ರಸುಮನೋನೀಪಶ್ವೇತಕಾಮ್ಬೋಜಿಕಾಙ್ಕುರಾನ್||೨|| ಶಲ್ಲಕೀಬದರೀಬಿಲ್ವಪಲಾಶತಿನಿಶೋದ್ಭವಾಃ| ತ್ವಚಃ ಕ್ಷೀರಿದ್ರುಮಾಣಾಂ ಚ ತ್ರಿಫಲಾಂ ಚ ಪಚೇಜ್ಜಲೇ||೩|| ಸ ಕ್ವಾಥಃ ಕ್ಷಾಲನಂ, ತೇನ ಪಕ್ವಂ ತೈಲಂ ಚ ರೋಪಣಮ್| |೪|

Adhikarana ಉಪದಂಶೇ ತುತ್ಥಾದಿಲೇಪೋ ವ್ರಣಹರಃ (೪-೫) · Śloka ೫

| ತುತ್ಥಗೈರಿಕಲೋಧ್ರೈಲಾಮನೋಹ್ವಾಲರಸಾಞ್ಜನೈಃ||೪|| ಹರೇಣುಪುಷ್ಪಕಾಸೀಸಸೌರಾಷ್ಟ್ರೀಲವಣೋತ್ತಮೈಃ| ಲೇಪಃ ಕ್ಷೌದ್ರಯುತೈಃ ಸಕ್ಷ್ಮೈರುಪದಂಶವ್ರಣಾಪಹಃ||೫||

Adhikarana ಉಪದಂಶೇ ತ್ರಿಫಲಾಮಷೀಲೇಪೋರೋಪಣಮ್ (೬) · Śloka ೬

ಕಪಾಲೇ ತ್ರಿಫಲಾ ದಗ್ಧಾ ಸಘೃತಾ ರೋಪಣಂ ಪರಮ್| |೬|

Adhikarana ಉಪದಂಶೇ ಪ್ರತಿದೋಷಂ ಶೋಫವತ್ ಚಿಕಿತ್ಸಿತಮ್ (೬) · Śloka ೬

| ಸಾಮಾನ್ಯಂ ಸಾಧನಮಿದಂ ಪ್ರತಿದೋಷಂ ತು ಶೋಫವತ್||೬||

Adhikarana ಉಪದಂಶೇ ಪಾಕಂ ಯಥಾನ ಯಾತಿ ತಥಾಽತಿಯತ್ನಃ ಕಾರ್ಯಃ (೭) · Śloka ೭

ನ ಚ ಯಾತಿ ಯಥಾ ಪಾಕಂ ಪ್ರಯತೇತ ತಥಾ ಭೃಶಮ್| ಪಕ್ವೈಃ ಸ್ನಾಯುಸಿರಾಮಾಂಸೈಃ ಪ್ರಾಯೋ ನಶ್ಯತಿ ಹಿ ಧ್ವಜಃ||೭||

Adhikarana ಅರ್ಶಃಸು ಛಿನ್ನದಗ್ಧೇಷು ಉಪದಂಶವತ್ ಕ್ರಿಯಾ (೮) · Śloka ೮

ಅರ್ಶಸಾಂ ಛಿನ್ನದಗ್ಧಾನಾಂ ಕ್ರಿಯಾ ಕಾರ್ಯೋಪದಂಶವತ್| |೮|

Adhikarana ಸರ್ಷಪಿಕಾಸು ಲೇಖನಂ ಕಷಾಯೈರವಚೂರ್ಣನಾದಿ (೮-೯) · Śloka ೯

| ಸರ್ಷಪಾ ಲಿಖಿತಾಃ ಸೂಕ್ಷ್ಮೈಃ ಕಷಾಯೈರವಚೂರ್ಣಯೇತ್||೮|| ತೈರೇವಾಭ್ಯಞ್ಜನಂ ತೈಲಂ ಸಾಧಯೇತ್ ವ್ರಣರೋಪಣಮ್| |೯|

Adhikarana ಅವಮನ್ಥೇಽಪೀಯಂ ಕ್ರಿಯಾ (೯) · Śloka ೯

| ಕ್ರಿಯೇಯಮವಮನ್ಥೇಽಪಿ ರಕ್ತಂ ಸ್ರಾವ್ಯಂ ತಥೋಭಯೋಃ||೯||

Adhikarana ಕುಮ್ಭೀಕಾಯಾಂ ರಕ್ತಮೋಕ್ಷಣಂ ತಿನುಕಾದಿಭಿರ್ಲೇಪಸ್ತೈಲಂ ಚ (೧೦) · Śloka ೧೦

ಕುಮ್ಭೀಕಾಯಾಂ ಹರೇದ್ರಕ್ತಂ ಪಕ್ವಾಯಾಂ ಶೋಧಿತೇ ವ್ರಣೇ| ತಿನ್ದುಕತ್ರಿಫಲಾರೋಧ್ರೈಲೇಪಸ್ತೈಲಂ ಚ ರೋಪಣಮ್||೧೦||

Adhikarana ಅಲಜ್ಯಾಮಯಮೇವ ಕ್ರಿಯಾಕ್ರಮಃ (೧೧) · Śloka ೧೧

ಅಲಜ್ಯಾಂ ಸ್ರುತರಕ್ತಾಯಾಮಯಮೇವ ಕ್ರಿಯಾಕ್ರಮಃ| |೧೧|

Adhikarana ಉತ್ತಮಾಯಾಂ ಛೇದನಂ ಕಷಾಯಕಲ್ಕಚೂರ್ಣೈರೂಪಕ್ರಮಶ್ಚ (೧೧-೧೨) · Śloka ೧೨

| ಉತ್ತಮಾಖ್ಯಾಂ ತು ಪಿಟಿಕಾಂ ಸಞ್ಚ್ಛಿದ್ಯ ಬಡಿಶೋದ್ಧೃತಾಮ್||೧೧|| ಕಲ್ಕೈಶ್ಚೂರ್ಣೈಃ ಕಷಾಯಾಣಾಂ ಕ್ಷೌದ್ರಯುಕ್ತೈರುಪಾಚರೇತ್| |೧೨|

Adhikarana ಪುಷ್ಕರಿಕಾಸಂವ್ಯೂಢಯೋಸ್ತ್ವಕ್ಪಾಕೇ ಸ್ಪರ್ಶಹಾನ್ಯಾಂ ಚ ಪಿತ್ತವಿಸರ್ಪೋಕ್ತಃ ಕ್ರಮಃ (೧೨-೧೩) · Śloka ೧೩

| ಕ್ರಮಃ ಪಿತ್ತವಿಸರ್ಪೋಕ್ತಃ ಪುಷ್ಕರವ್ಯೂಢಯೋರ್ಹಿತಃ||೧೨|| ತ್ವಕ್ಪಾಕೇ ಸ್ಪರ್ಶಹಾನ್ಯಾಂ ಚ ಸೇಚಯೇದ್| |೧೩|

Adhikarana ಮೃದಿತೇ ಬಲಾತೈಲೇನ ಸೇಚನಂ ಮಧುರೈರುಪನಾಹನಂ ಚ (೧೩) · Śloka ೧೩

ಮೃದಿತಂ ಪುನಃ| ಬಲಾತೈಲೇನ ಕೋಷ್ಣೇನ ಮಧುರಶ್ಚೋಪನಾಹಯೇತ್||೧೩||

Adhikarana ಅಷ್ಠೀಲಿಕಾಯಾಂ ರಕ್ತೇ ಹೃತೇ ಶ್ಲೇಷ್ಮಗ್ರನ್ಥಿವದುಪಕ್ರಮಃ (೧೪) · Śloka ೧೪

ಅಷ್ಠೀಲಿಕಾಂ ಹೃತೇ ರಕ್ತೇ ಶ್ಲೇಷ್ಮಗ್ರನ್ಥಿವದಾಚರೇತ್| |೧೪|

Adhikarana ನಿವೃತ್ತೇ ಧೃತಾಭ್ಯಞ್ಜನಾದಿ (೧೪-೧೬) · Śloka ೧೬

| ನಿವೃತ್ತಂ ಸರ್ಪಿಷಾಽಭ್ಯಜ್ಯ ಸ್ವೇದಯಿತ್ವೋಪನಾಹಯೇತ್||೧೪|| ತ್ರಿರಾತ್ರಂ ಪಞ್ಚರಾತ್ರಂ ವಾ ಸುಸ್ನಿಗ್ಧೈಃ ಶಾಲ್ವಲಾದಿಭಿಃ| ಸ್ವೇದಯಿತ್ವಾ ತತೋ ಭೂಯಃ ಸ್ನಿಗ್ಧಂ ಚರ್ಮ ಸಮಾನಯೇತ್||೧೫|| ಮಣಿಂ ಪ್ರಪೀಡ್ಯ ಶನಕೈಃ ಪ್ರವಿಷ್ಟೇ ಚೋಪನಾಹನಮ್| ಮಣೌ ಪುನಃಪುನಃ ಸ್ನಿಗ್ಧಂ ಭೋಜನಂ ಚಾತ್ರ ಶಸ್ಯತೇ||೧೬||

Adhikarana ಅವಪಾಟ್ಯಾಮಪ್ಯಯಮೇವ ಕ್ರಮಃ (೧೭) · Śloka ೧೭

ಅಯಮೇವ ಪ್ರಯೋಜ್ಯಃ ಸ್ಯಾದವಪಾಟ್ಯಾಮಪಿ ಕ್ರಮಃ| |೧೭|

Adhikarana ನಿರುದ್ಧಮಣೌ ನಾಡ್ಯಾ ಸ್ನೇಹಸಿಞ್ಚನಾದಿ,ನಿರುದ್ಧಮಣೌ ಏವಮಸಿದ್ಧೌ ಶಸ್ತ್ರೇಣ ಪಾಟನಾದಿ (೧೭-೧೯) · Śloka ೧೯

| ನಾಡೀಮುಭಯತೋದ್ವಾರಾಂ ನಿರುದ್ಧೇ ಜತುನಾ ಸೃತಾಮ್||೧೭|| ಸ್ನೇಹಾಕ್ತಾಂ ಸ್ರೋತಸಿ ನ್ಯಸ್ಯ ಸಿಞ್ಚೇತ್ಸ್ನೇಹೈಶ್ಚಲಾಪಹೈಃ| ತ್ರ್ಯಹಾತ್ತ್ರ್ಯಹಾತ್ಸ್ಥೂಲತರಾಂ ನ್ಯಸ್ಯ ನಾಡೀಂ ವಿವರ್ಧಯೇತ್||೧೮|| ಸ್ರೋತೋದ್ವಾರಮಸಿದ್ಧೌ ತು ವಿದ್ವಾನ್ ಶಸ್ತ್ರೇಣ ಪಾಟಯೇತ್| ಸೇವನೀಂ ವರ್ಜಯನ್ ಯುಞ್ಜ್ಯಾತ್ ಸದ್ಯಃಕ್ಷತವಿಧಿಂ ತತಃ||೧೯||

Adhikarana ಗ್ರಥಿತೇ ಸ್ವೇದನಮುಪನಾಹಶ್ಚ (೨೦) · Śloka ೨೦

ಗ್ರನ್ಥಿತಂ ಸ್ವೇದಿತಂ ನಾಡ್ಯಾ ಸ್ನಿಗ್ಧೋಷ್ಣೈರುಪನಾಹಯೇತ್| |೨೦|

Adhikarana ಶತಪೋನಕೇ ಲೇಖನಂ ಕಷಾಯೈರ್ಲೇಪಶ್ಚ (೨೦) · Śloka ೨೦

| ಲಿಮ್ಪೇತ್ಕಷಾಯೈಃ ಸಕ್ಷೌದ್ರೈರ್ಲಿಖಿತ್ವಾ ಶತಪೋನಕಮ್||೨೦||

Adhikarana ರಕ್ತಾರ್ಬುದೇ ರಕ್ತವಿದ್ರಧಿವತ್ (೨೧) · Śloka ೨೧

ರಕ್ತವಿದ್ರಧಿವತ್ಕಾರ್ಯಾ ಚಿಕಿತ್ಸಾ ಶೋಣಿತಾರ್ಬುದೇ| |೨೧|

Adhikarana ಸರ್ವೇಷು ಯಥಾವಸ್ಥಂ ವ್ರಣೋಪಚಾರಃ (೨೧) · Śloka ೨೧

| ವ್ರಣೋಪಚಾರಂ ಸರ್ವೇಷು ಯಥಾವಸ್ಥಂ ಪ್ರಯೋಜಯೇತ್||೨೧||

Adhikarana ಯೋನಿವ್ಯಾಪಚ್ಚಿಕಿತ್ಸಾ ------- ಯೋನಿವ್ಯಾಪತ್ಸು ಭೂಯಿಷ್ಠಂ ವಾತಜಿತ್ ಕರ್ಮ, ತತ್ರ ಹೇತುಶ್ಚ,ವಾತಜಾಸು ವಿಶೇಷತಃ ಸ್ನೇಹನಾದಿ (೨೨-೨೩) · Śloka ೨೩

ಯೋನಿವ್ಯಾಪತ್ಸು ಭೂಯಿಷ್ಠಂ ಶಸ್ಯತೇ ಕರ್ಮ ವಾತಜಿತ್| ಸ್ನೇಹನಸ್ವೇದಬಸ್ತ್ಯಾದಿ ವಾತಜಾಸು ವಿಶೇಷತಃ||೨೨|| ನ ಹಿ ವಾತಾದೃತೇ ಯೋನಿರ್ವನಿತಾನಾಂ ಪ್ರದುಷ್ಯತಿ| ಅತೋ ಜಿತ್ವಾ ತಮನ್ಯಸ್ಯ ಕುರ್ಯಾದ್ದೋಷಸ್ಯ ಭೇಷಜಮ್||೨೩||

Adhikarana ವಾತಜಾಸು ಬಲಾತೈಲಾದಿಪಾನಮ್, ದುಃಸ್ಥಿತಾದಿಯೋನೇಃ ಸಮತ್ವಾದಿಕರಣಮ್, ತತ್ರ ಹೇತುಶ್ಚ (೨೪-೨೬) · Śloka ೨೬

ಪಾಯಯೇತ(ತ್ತಾಂ) ಬಲಾತೈಲಂ ಮಿಶ್ರಕಂ ಸುಕುಮಾರಕಮ್| ಸ್ನಿಗ್ಧಸ್ವಿನ್ನಾಂ ತಥಾ ಯೋನಿಂ ದುಃಸ್ಥಿತಾಂ ಸ್ಥಾಪಯೇತ್ಸಮಾಮ್||೨೪|| ಪಾಣಿನಾ ನಮಯೇಜ್ಜಿಹ್ಯಾಂ ಸಂವೃತಾಂ ವ್ಯಧಯೇತ್ ಪುನಃ| ಪ್ರವೇಶಯೇನ್ನಿಃಸೃತಾಂ ಚ ವಿವೃತಾಂ ಪರಿವರ್ತಯೇತ್||೨೫|| ಸ್ಥಾನಾಪವೃತ್ತಾ ಯೋನಿರ್ಹಿ ಶಲ್ಯಭೂತಾ ಸ್ತ್ರಿಯೋ ಮತಾ| |೨೬|

Adhikarana ವಾತಜಾಸು ಸ್ತ್ರೀಷು ಮೃದೂನಿ ವಮನಾದಿಕರ್ಮಾಣಿ, ಸ್ತ್ರೀಷು ಶುದ್ಧಾಸು ಬಸ್ತ್ಯಾದಿ ಕರ್ಮ (೨೬-೨೭) · Śloka ೨೭

| ಕರ್ಮಭಿರ್ವಮನಾದ್ಯೈಶ್ಚ ಮೃದುಭಿರ್ಯೋಜಯೇತ್ಸ್ತ್ರಿಯಮ್||೨೬|| ಸರ್ವತಃ ಸುವಿಶುದ್ಧಾಯಾಃ ಶೇಷಂ ಕರ್ಮ ವಿಧೀಯತೇ| ಬಸ್ತ್ಯಭ್ಯಙ್ಗಪರೀಷೇಕಪ್ರಲೇಪಪಿಚುಧಾರಣಮ್||೨೭||

Adhikarana ವಾತಜಾಸು ಕಾಶ್ಮರ್ಯಾದಿಘೃತಂ ಪರಂ ಗರ್ಭದಮ್ (೨೮-೨೯) · Śloka ೨೯

ಕಾಶ್ಮರ್ಯತ್ರಿಫಲಾದ್ರಾಕ್ಷಾಕಾಸಮರ್ದನಿಶಾದ್ವಯೈಃ| ಗುಡೂಚೀಸೈರ್ಯಕಾಭೀರುಶುಕನಾಸಾಪುನರ್ನವೈಃ||೨೮|| ಪರೂಷಕೈಶ್ಚ ವಿಪಚೇತ್ಪ್ರಸ್ಥಮಕ್ಷಸಮೈರ್ಘೃತಾತ್| ಯೋನಿವಾತವಿಕಾರಘ್ನಂ ತತ್ಪೀತಂ ಗರ್ಭದಂ ಪರಮ್||೨೯||

Adhikarana ವಾತಜಾಸು ವಚಾದಿಚೂರ್ಣಂ ಯೋನಿಪಾರ್ಶ್ವಾರ್ತ್ಯಾದಿನಾಶಕಮ್ (೩೦-೩೧) · Śloka ೩೧

ವಚೋಪಕುಞ್ಚಿಕಾಜಾಜೀಕೃಷ್ಣಾವೃಷಕಸೈನ್ಧವಮ್| ಅಜಮೋದಾಯವಕ್ಷಾರಶರ್ಕರಾಚಿತ್ರಕಾನ್ವಿತಮ್||೩೦|| ಪಿಷ್ಟ್ವಾ ಪ್ರಸನ್ನಯಾಽಽಲೋಡ್ಯ ಖಾದೇತ್ತದ್ಘೃತಭರ್ಜಿತಮ್| ಯೋನಿಪಾರ್ಶ್ವಾರ್ತಿಹೃದ್ರೋಗಗುಲ್ಮಾರ್ಶೋವಿನಿವೃತ್ತಯೇ||೩೧||

Adhikarana ವಾತಜಾಸು ವೃಷಕಾದಿಚೂರ್ಣಂ ತಥೈವ (೩೨) · Śloka ೩೨

ವೃಷಕಂ ಮಾತುಲುಙ್ಗಸ್ಯ ಮೂಲಾನಿ ಮದಯನ್ತಿಕಾಮ್| ಪಿಬೇನ್ಮದ್ಯೈಃ ಸಲವಣೈಸ್ತಥಾ ಕೃಷ್ಣೋಪಕುಞ್ಚಿಕೇ||೩೨||

Adhikarana ವಾತಜಾಸು ರಾಸ್ನಾದಿಶೃತಂ ಪಯಃ ಶೂಲಹರಮ್ (೩೩) · Śloka ೩೩

ರಾಸ್ನಾಶ್ವದಂಷ್ಟ್ರಾವೃಷಕೈಃ ಶೃತಂ ಶೂಲಹರಂ ಪಯಃ| |೩೩|

Adhikarana ವಾತಜಾಸು ಗುಡೂಚ್ಯಾದಿಕ್ವಾಥೈಃ ಸೇಚನಮ್ (೩೩) · Śloka ೩೩

| ಗುಡೂಚೀತ್ರಿಫಲಾದನ್ತೀಕ್ವಾಥೈಶ್ಚ ಪರಿಷೇಚನಮ್||೩೩||

Adhikarana ವಾತಜಾಸು ನತಾದಿಸಾಧಿತತೈಲಪಿಚುಃ ಶೂಲಘ್ನಃ (೩೪) · Śloka ೩೪

ನತವಾರ್ತಾಕಿನೀಕುಷ್ಠಸೈನ್ಧವಾಮರದಾರುಭಿಃ| ತೈಲಾತ್ಪ್ರಸಾಧಿತಾದ್ಧಾರ್ಯಃ ಪಿಚುರ್ಯೋನೌ ರುಜಾಪಹಃ||೩೪||

Adhikarana ಪಿತ್ತಲಾಸು ಶೀತಾಃ ಯೋನಿಸೇಕಾದಯಃ (೩೫) · Śloka ೩೫

ಪಿತ್ತಲಾನಾಂ ತು ಯೋನೀನಾಂ ಸೇಕಾಭ್ಯಙ್ಗಪಿಚುಕ್ರಿಯಾಃ| ಶೀತಾಃ ಪಿತ್ತಜಿತಃ ಕಾರ್ಯಾಃ ಸ್ನೇಹನಾರ್ಥಂ ಘೃತಾನಿ ಚ||೩೫||

Adhikarana ಪಿತ್ತಲಾಸು ಶತಾವರ್ಯಾದಿಲೇಹಃ (೩೬-೪೦) · Śloka ೪೦

ಶತಾವರೀಮೂಲತುಲಾಚತುಷ್ಕಾತ್ ಕ್ಷುಣ್ಣಪೀಡಿತಾತ್| ರಸೇನ ಕ್ಷೀರತುಲ್ಯೇನ ಪಾಚಯೇತ ಘೃತಾಢಕಮ್||೩೬|| ಜೀವನೀಯೈಃ ಶತಾವರ್ಯಾ ಮೃದ್ವೀಕಾಭಿಃ ಪರೂಷಕೈಃ| ಪಿಷ್ಟೈಃ ಪ್ರಿಯಾಲೈಶ್ಚಾಕ್ಷಾಂಶೌರ್ದ್ವಿಬಲಾಮಧುಕಾನ್ವಿತೈಃ||೩೭|| ಸಿದ್ಧಶೀತೇ ತು ಮಧುನಃ ಪಿಪ್ಪಲ್ಯಾಶ್ಚ ಪಲಾಷ್ಟಕಮ್| ಶರ್ಕರಾಯಾ ದಶಪಲಂ ಕ್ಷಿಪೇಲ್ಲಿಹ್ಯಾತ್ಪಿಚುಂ ತತಃ||೩೮|| ಯೋನ್ಯಸೃಕ್ಶುಕ್ರದೋಷಘ್ನಂ ವೃಷ್ಯಂ ಪುಂಸವನಂ ಪರಮ್| ಕ್ಷತಂ ಕ್ಷಯಮಸೃಕ್ಪಿತ್ತಂ ಕಾಸಂ ಶ್ವಾಸಂ ಹಲೀಮಕಮ್||೩೯|| ಕಾಮಲಾಂ ವಾತರುಧಿರಂ ವಿಸರ್ಪಂ ಹೃಚ್ಛಿರೋಗ್ರಹಮ್| ಅಪಸ್ಮಾರಾರ್ದಿತಾಯಾಮಮದೋನ್ಮಾದಾಂಶ್ಚ ನಾಶಯೇತ್||೪೦||

Adhikarana ಪಿತ್ತಲಾಸು ಏವಮೇವ ಪಯಃ ಸರ್ಪಿಃ (೪೧) · Śloka ೪೧

ಏವಮೇವ ಪಯಃ ಸರ್ಪಿರ್ಜೀವನೀಯೋಪಸಾಧಿತಮ್| ಗರ್ಭದಂ ಪಿತ್ತಜಾನಾಂ ಚ ರೋಗಾಣಾಂ ಪರಮಂ ಹಿತಮ್||೪೧||

Adhikarana ಪಿತ್ತ ಬಲಾದಿಘೃತತೈಲಂ ಗರ್ಭದಮ್ (೪೨-೪೪) · Śloka ೪೪

ಬಲಾದ್ರೋಣದ್ವಯಕ್ವಾಥೇ ಘೃತತೈಲಾಢಕಂ ಪಚೇತ್| ಕ್ಷೀರೇ ಚತುರ್ಗುಣೇ ಕೃಷ್ಣಾಕಾಕನಾಸಾಸಿತಾನ್ವಿತೈಃ||೪೨|| ಜೀವನ್ತೀಕ್ಷೀರಕಾಕೋಲೀಸ್ಥಿರಾವೀರರ್ಧಿಜೀವಕೈಃ| ಪಯಸ್ಯಾಶ್ರಾವಣೀಮುದ್ಗಪೀಲುಮಾಷಾಖ್ಯಪರ್ಣಿಭಿಃ||೪೩|| ವಾತಪಿತ್ತಾಮಯಾನ್ ಹತ್ವಾ ಪಾನಾದ್ ಗರ್ಭಂ ದಧಾತಿ ತತ್| |೪೪|

Adhikarana ರಕ್ತಯೋನ್ಯಾಂ ಯಥಾದೋಷಂ ರಕ್ತಸ್ಥಾಪನಮೌಷಧಮ್ (೪೪-೪೫) · Śloka ೪೫

| ರಕ್ತಯೋನ್ಯಾಮಸೃಗ್ವರ್ಣೈರನುಬನ್ಧಮವೇಕ್ಷ್ಯ ಚ||೪೪|| ಯಥಾದೋಷೋದಯಂ ಯುಞ್ಜ್ಯಾದ್ ರಕ್ತಸ್ಥಾಪನಮೌಷಧಮ್| |೪೫|

Adhikarana ರಕ್ತಯೋನ್ಯಾಂ ಪುಷ್ಯಾನುಗಂ ಚೂರ್ಣಮ್, ಶ್ಲೈಷ್ಮಿಕ್ಯಾಂ ಸರ್ವಂ ರುಕ್ಷೋಷ್ಣಮೌಷಧಮ್ (೪೫-೫೦) · Śloka ೫೦

| ಪಾಠಾಂ ಜಮ್ಬ್ವಾಮ್ರಯೋರಸ್ಥಿ ಶಿಲೋದ್ಭೇದಂ ರಸಾಞ್ಜನಮ್||೪೫|| ಅಮ್ಬಷ್ಠಾಂ ಶಾಲ್ಮಲೀಪಿಚ್ಛಾಂ ಸಮಙ್ಗಾಂ ವತ್ಸಕತ್ವಚಮ್| ಬಾಹ್ಲೀಕಬಿಲ್ವಾತಿವಿಷಾರೋಧ್ರತೋಯದಗೈರಿಕಮ್||೪೬|| ಶುಣ್ಠೀಮಧೂಕಮಾಚೀಕರಕ್ತಚನ್ದನಕಟೂಫಲಮ್| ಕಟ್ವಙ್ಗವತ್ಸಕಾನನ್ತಾಧಾತಕೀಮಧುಕಾರ್ಜುನಮ್||೪೭|| ಪುಷ್ಯೇ ಗೃಹೀತ್ವಾ ಸಞ್ಚೂರ್ಣ್ಯ ಸಕ್ಷೌದ್ರಂ ತನ್ದುಲಾಮ್ಭಸಾ| ಪಿಬೇದರ್ಶಃಸ್ವತೀಸಾರೇ ರಕ್ತಂ ಯಶ್ಚೋಪವೇಶ್ಯತೇ||೪೮|| ದೋಷಾ ಜನ್ತುಕೃತಾ ಯೇ ಚ ಬಾಲಾನಾಂ ತಾಂಶ್ಚ ನಾಶಯೇತ್| ಯೋನಿದೋಷಂ ರಜೋದೋಷಂ ಶ್ಯಾವಶ್ವೇತಾರುಣಾಸಿತಮ್||೪೯|| ಚೂರ್ಣಂ ಪುಷ್ಯಾನುಗಂ ನಾಮ ಹಿತಮಾತ್ರೇಯಪೂಜಿತಮ್| ಯೋನ್ಯಾಂ ಬಲಾಸದುಷ್ಟಾಯಾಂ ಸರ್ವಂ ರೂಕ್ಷೋಷ್ಣಮೌಷಧಮ್||೫೦||

Adhikarana ಶೂನೋನ್ನತಾಸ್ತಬ್ಧಾಪಿಚ್ಛಿಲಾಸ್ರಾವಿಣೀವಿಪ್ಲುತೋಪಪ್ಲುತಾದ್ಯಾಸು ಯೋನಿಷು ಧಾತಕ್ಯಾದಿತೈಲೇನಾಭ್ಯಙ್ಗಾದಿಕಮ್ (೫೧-೫೪) · Śloka ೫೪

ಧಾತಕ್ಯಾಮಲಕೀಪತ್ರಸ್ರೋತೋಜಮಧುಕೋತ್ಪಲೈಃ| ಜಮ್ಬ್ವಾಮ್ರಸಾರಕಾಸೀಸರೋಧ್ರಕಟ್ಫಲತಿನ್ದುಕೈಃ||೫೧|| ಸೌರಾಷ್ಟ್ರಿಕಾದಾಡಿಮತ್ವಗುದುಮ್ಬರಶಲಾಟುಭಿಃ| ಅಕ್ಷಮಾತ್ರೈರಜಾಮೂತ್ರೇ ಕ್ಷೀರೇ ಚ ದ್ವಿಗುಣೇ ಪಚೇತ್||೫೨|| ತೈಲಪ್ರಸ್ಥಂ ತದಭ್ಯಙ್ಗಪಿಚುಬಸ್ತಿಷು ಯೋಜಯೇತ್| ತೇನ ಶೂನೋನ್ನತಾ ಸ್ತಬ್ಧಾ ಪಿಚ್ಛಿಲಾ ಸ್ರಾವಿಣೀ ತಥಾ||೫೩|| ವಿಪ್ಲುತೋಪಪ್ಲುತಾ ಯೋನಿಃ ಸಿದ್ಧ್ಯೇತತ್ಸ್ಫೋಟಶೂಲಿನೀ| |೫೪|

Adhikarana ಶೂನೋನ್ನತಾಸ್ತಬ್ಧಾಪಿಚ್ಛಿಲಾಸ್ರಾವಿಣೀವಿಪ್ಲುತೋಪಪ್ಲುತಾದ್ಯಾಸು ಯೋನಿಷು ಯವಾನ್ನಾದಿಶೀಲನಮ್ (೫೪-೫೫) · Śloka ೫೫

| ಯವಾನ್ನಮಭಯಾರಿಷ್ಟಂ ಸೀಧು ತೈಲಂ ಚ ಶೀಲಯೇತ್||೫೪|| ಪಿಪ್ಪಲ್ಯಯೋರಜಃ ಪಥ್ಯಾಪ್ರಯೋಗಾಂಶ್ಚ ಸಮಾಕ್ಷಿಕಾನ್| |೫೫|

Adhikarana ಪೈಚ್ಛಿಲ್ಯೇ ಕಾಸೀಸಾದಿಚೂರ್ಣೋ ವೈಶದ್ಯಕಾರಕಃ (೫೫-೫೬) · Śloka ೫೬

| ಕಾಸೀಸಂ ತ್ರಿಫಲಾ ಕಾಙ್ಕ್ಷೀ ಸಾಮ್ರಜಮ್ಬ್ವಸ್ಥಿ ಧಾತುಕೀ||೫೫|| ಪೈಚ್ಛಿಲ್ಯೇ ಕ್ಷೌದ್ರಸಂಯುಕ್ತಶ್ಚೂರ್ಣೋ ವೈಶದ್ಯಕಾರಕಃ| |೫೬|

Adhikarana ಪೈಚ್ಛಿಲ್ಯೇ ದುರ್ಗನ್ಧೇ ಪಲಾಶಾದಿಚೂರ್ಣಃ, ಆರಗ್ವಧಾದಿಕ್ವಾಥೇನ ಸೇಚನಮ್ (೫೬-೫೭) · Śloka ೫೭

| ಪಲಾಶಧಾತಕೀಜಮ್ಬೂಸಮಙ್ಗಾಮೋಚಸರ್ಜಜಃ||೫೬|| ದುರ್ಗನ್ಧೇ ಪಿಚ್ಛಿಲೇ ಕ್ಲೇದೇ ಸ್ತಮ್ಭನಶ್ಚೂರ್ಣ ಇಷ್ಯತೇ| ಆರಗ್ವಧಾದಿವರ್ಗಸ್ಯ ಕಷಾಯಃ ಪರಿಷೇಚನಮ್||೫೭||

Adhikarana ಸ್ತಬ್ಧಾಸು ಕರ್ಕಶಾಸು ಮಾರ್ದವಕರಂ ವೇಸವಾರಾದಿ ಧಾರಣಮ್ (೫೮) · Śloka ೫೮

ಸ್ತಮ್ಬ್ಧಾನಾಂ ಕರ್ಕಶಾನಾಂ ಚ ಕಾರ್ಯಂ ಮಾರ್ದವಕಾರಕಮ್| ಧಾರಣಂ ವೇಸವಾರಸ್ಯ ಕೃಸರಾಪಾಯಸಸ್ಯ ಚ||೫೮||

Adhikarana ದುರ್ಗನ್ಧಾಸು ಯೋನಿಷು ಸರ್ವಗನ್ಧಾನಾಂ ಕಷಾಯಾದಿ (೫೯) · Śloka ೫೯

ದುರ್ಗನ್ಧಾನಾಂ ಕಷಾಯಃ ಸ್ಯಾತ್ತೈಲಂ ವಾ ಕಲ್ಕ ಏವ ವಾ| ಚೂರ್ಣೇ ವಾ ಸರ್ವಗನ್ಧಾನಾಂ ಪೂತಿಗನ್ಧಾ(ನ್ಧ್ಯ)ಪಕರ್ಷಣಃ||೫೯||

Adhikarana ಶ್ಲೇಷ್ಮಲಾಸು ಕಟುಪ್ರಾಯಾ ಬಸ್ತಯಃ, ಪಿತ್ತೇ ಸಮಧುಕಕ್ಷೀರಾಃ ಬಸ್ತಯಃ, ವಾತೇ ತೈಲಾಮ್ಲಯುತಾಃ ಬಸ್ತಯಃ (೬೦) · Śloka ೬೦

ಶ್ಲೇಷ್ಮಲಾನಾಂ ಕಟುಪ್ರಾಯಾಃ ಸಮೂತ್ರಾ ಬಸ್ತಯೋ ಹಿತಾಃ| ಪಿತ್ತೇ ಸಮಧುಕಕ್ಷೀರಾ ವಾತೇ ತೈಲಾಮ್ಲಸಂಯುತಾಃ||೬೦||

Adhikarana ಸನ್ನಿಪಾತಜಾಯಾಂ ಸಾಧಾರಣಂ ಕರ್ಮ (೬೧) · Śloka ೬೧

ಸನ್ನಿಪಾತಸಮುತ್ಥಾಯಾಃ ಕರ್ಮ ಸಾಧಾರಣಂ ಹಿತಮ್| |೬೧|

Adhikarana ಏವಂ ಯೋನಿಷು ಶುದ್ಧಾಸು ಗರ್ಭಧಾರಣಮ್ (೬೧-೬೨) · Śloka ೬೨

| ಏವಂ ಯೋನಿಷು ಶುದ್ಧಾಸು ಗರ್ಭಂ ವಿನ್ದನ್ತಿ ಯೋಷಿತಃ||೬೧|| ಅದುಷ್ಟೇ ಪ್ರಾಕೃತೇ ಬೀಜೇ ಜೀವೋಪಕ್ರಮಣೇ ಸತಿ| |೬೨|

Adhikarana ಪುರುಷಸ್ಯಾಪಿ ದುಷ್ಟಂ ಶುಕ್ರಂ ಪರೀಕ್ಷ್ಯೋಪಕ್ರಮಃ (೬೨-೬೩) · Śloka ೬೩

| ಪಞ್ಚಕರ್ಮವಿಶುದ್ಧಸ್ಯ ಪುರುಷಸ್ಯಾಪಿ ಚೇನ್ದ್ರಿಯಮ್||೬೨|| ಪರೀಕ್ಷ್ಯ ವರ್ಣೈರ್ದೋಷಾಣಾಂ ದುಷ್ಟಂ ತದ್ಘ್ನೈರುಪಾಚರೇತ್| |೬೩|

Adhikarana ಫಲಸರ್ಪಿಃ ಯೋನಿಶುಕ್ರದೋಷೇಷು ಶಸ್ತಮಾಯುಷ್ಯಾದಿಕರಂ ಚ (೬೩-೩೪) · Śloka ೩೪

| ಮಞ್ಜಿಷ್ಠಾಕುಷ್ಠತಗರತ್ರಿಫಲಾಶರ್ಕರಾವಚಾಃ||೬೩|| ದ್ವೇ ನಿಶೇ ಮಧುಕಂ ಮೇದಾಂ ದೀಪ್ಯಕಂ ಕಟುರೋಹಿಣೀಮ್| ಪಯಸ್ಯಾಹಿಙ್ಗುಕಾಕೋಲೀವಾಜಿಗನ್ಧಾಶತಾವರೀಃ||೬೪|| ಪಿಷ್ಟ್ವಾಽಕ್ಷಾಂಶಾ ಘೃತಪ್ರಸ್ಥಂ ಪಚೇತ್ಕ್ಷೀರಚತುರ್ಗುಣಮ್| ಯೋನಿಶುಕ್ರಪ್ರದೋಷೇಷು ತತ್ಸರ್ವೇಷು ಪ್ರಶಸ್ಯತೇ||೬೫|| ಆಯುಷ್ಯಂ ಪೌಷ್ಟಿಕಂ ಮೇಧ್ಯಂ ಧನ್ಯಂ ಪುಂಸವನಂ ಪರಮ್| ಫಲಸರ್ಪಿರಿತಿ ಖ್ಯಾತಂ ಪುಷ್ಪೇ ಪೀತಂ ಫಲಾಯ ಯತ್||೬೬|| ಮ್ರಿಯಮಾಣಪ್ರಜಾನಾಂ ಚ ಗರ್ಭಿಣೀನಾಂ ಚ ಪೂಜಿತಮ್| ಏತತ್ಪರಂ ಚ ಬಾಲಾನಾಂ ಗ್ರಹಘ್ನಂ ದೇಹವರ್ಧನಮ್||೬೭|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾಯಾಮಷ್ಟಾಙ್ಗಹೃದಯಸಂಹಿತಾಯಾಂ ಷಷ್ಠೇ ಉತ್ತರಸ್ಥಾನೇ ಗುಹ್ಯರೋಗಪ್ರತಿಷೇಧೋ ನಾಮ ಚತುಸ್ತ್ರಿಂಶೋಽಧ್ಯಾಯಃ||೩೪||