৪. রোগানুত্পাদনীযাধ্যাযঃ

সর্বাঙ্গসুন্দরী ব্যাখ্যা ( কৃত)

স্বস্থবৃত্তেঽপ্রবৃত্তস্য বেগধারণশীলস্য চ স্বাস্থ্যাসম্ভবঃ| অতো বেগধারণপ্রতিষেধেন যা রোগানুত্পত্তিস্তামধিকৃত্যাধ্যায আরভ্যতে--

সর্বাঙ্গসুন্দরী ব্যাখ্যা ( কৃত)

স০-ব্যাখ্যাঽত্র প্রথমাধ্যাযবদ্বোদ্ধব্যা| রোগাণামনুত্পাদঃ- অনুত্পাদনম্, তস্মৈ হিতো রোগানুত্পাদনীযঃ| উপদর্শনং চেদম্| নিদর্শনাখ্যযা তন্ত্রযুক্ত্যা চোত্পন্নরোগোপশমনেএযোঽপি, বাতাদিরোধোত্থানাং রোগাণামুপশমস্যাভ্যুপদেশাত্| তথা চ বক্ষ্যতি (অস্মিন্নেবাধ্যাযে শ্লো.৩৪)- "অনুত্পত্ত্যৈ সমাসেন বিধিরেষঃ প্রদর্শিতঃ| নিজাগন্তুবিকারাণামুত্পন্নানাং চ শান্তযে||" ইতি|

আযুর্বেদরসাযনম্ ব্যাখ্যা ( কৃত)

আ০ র০-রোগানুত্পাদনীযমধ্যাযং ব্যাখ্যাতুং প্রতিজ্ঞানীতে-অথেতি| যতঃ পূর্বযোরধ্যাযযোর্নিযতকালো বিহারো ব্যাখ্যাতঃ| ইহানিযতকালঃ| স চ পঞ্চধা,-বেগধারণং, বেগোদীরনং, শোধনং, বৃংহণং, ভূতাদ্যস্পর্শনং চেতি| তেষাং চ [২]হানোপাদানাভ্যাং রোগাণামনুত্পাদনম্, প্রাগভাবপ্রধ্বংসহেতুত্বাত্| তত্র ধারণোদীরণযোর্হানাত্ প্রাগভাবঃ, শোধনাদ্যুপাদানাদুভযম্| অত এবাযং রোগানুত্পাদনহেতুত্বাদ্রোগানুত্পাদনীযঃ| ননু, রোগানুত্পাদনীযো [৩]যদ্যযমধ্যায[৪]স্তর্হ্যৌষধস্কন্ধে প্রণিধীযতাম্| সত্যম্| য এব হি হেতবঃ, তান্যেবৌষধানি| অসম্যগ্যোগসম্যগ্যোগাবেবাত্র ভেদকৌ| কিন্ত্বনুত্পন্নেষু ব্যাধিষু যে বিহারাহারা রাগতো বিধিতো বা প্রাপ্তাঃ প্রাযঃ সেব্যন্তে, তে হেতুস্কন্ধে বিধীযন্তে| তেষামেব হি প্রমাদাত্প্রতিকূলদৈবাদ্বা সত্যসম্যগ্যোগে হেতুত্বম্| য উত্পন্নেষু, তে ভেষজস্কন্ধে| তেষামেব হ্যপ্রমাদাদনুকূলদৈবাদ্বা সতি সম্যগ্যোগে ভেষজত্বম্| [৫]পূর্বযোরুত্তরেষাং চ ষণ্ণামধ্যাযানামনেনৈবাভিপ্রাযেণ হেতুস্কন্ধে প্রণিধানমিতি সকলমনাকুলম্| রোগানুত্পাদনীযত্বং চ যদ্যপি সর্বেষামেবাধ্যাযানাম্, তথাপ্যস্যৈব সংজ্ঞাকরণমতিশযদ্যোতনার্থম্|

সর্বাঙ্গসুন্দরী ব্যাখ্যা ( কৃত)

বাতাদেএনাং বেগান্ন ধারযেত্| সর্বত্র দ্বন্দ্বসমাসঃ| ক্ষবঃ- ছিক্ক| ৬ শ্রমো- ব্যাযামাযাসঃ, তেন শ্বাসঃ শ্রমশ্বাসঃ|

আযুর্বেদরসাযনম্ ব্যাখ্যা ( কৃত)

আ০ র০-তত্র বেগধারণং নিষেধতি-বেগান্নেতি| প্রবৃত্যুন্মুখত্বং বেগঃ| বাতশব্দেনাধোবাত ঊর্ধ্ববাতশ্চ| ক্ষবঃ-ক্ষবথুঃ| শ্রমেণ শ্বাসঃ শ্রমশ্বাসঃ| অশ্রু-আনন্দজং শোকজং বা নেত্রোদকম্|

সর্বাঙ্গসুন্দরী ব্যাখ্যা ( কৃত)

স০-অধোবাতস্য রোধেন গুল্মাদযো জাযন্তে| ঊর্ধ্ববাতস্য- উদ্গাররূপস্য রোধাত্ সুখসাধ্যা অরুচ্যাদযঃ| অত এবাধোবাতরোধাদ্যে রোগা অতিপ্রত্যপাযরূপা গুল্মাদযঃ, তেঽত্র পূর্বং নির্দিষ্টাঃ| উদাবর্তঃ- অর্শোনিদানে বক্ষ্যতে| রুক্- পীডা| ক্লমো- গ্লানিঃ| বাতমূত্রশকৃত্সঙ্গো- বাতাদীনামপ্রবৃত্তিঃ| দৃষ্টেরগ্নেশ্চ বধো- নাশঃ| হৃদ্গদো- হৃদ্রোগঃ|

আযুর্বেদরসাযনম্ ব্যাখ্যা ( কৃত)

আ০ র০-তত্র নিষেধাতিক্রমে দোষং দর্শযন্ বেগধারণজান্ রোগানাহ| তত্রাধোবাতরোঘজান্ রোগানাহ-অধোবাতস্যেতি| রুক্-কোষ্ঠশূলম্| বাতাদীনাং সঙ্গঃ-স্বাভাবিক প্রবৃত্তিরোধঃ| দৃষ্টিবধঃ-তিমিরম্| অগ্নিবধঃ-অগ্নিমান্দ্যম্| হৃদ্গদো-হৃদ্রোগঃ|

সর্বাঙ্গসুন্দরী ব্যাখ্যা ( কৃত)

স০-শকৃতো রোধেন পিণ্ডিকোদ্বেষ্টাদযো জাযন্তে| উদ্বেষ্টনমিবোদ্বেষ্টঃ| পিণ্ডিকোদ্বেষ্টঃ| পিণ্ডিকা-জঙ্ঘাকাণ্ডস্য পশ্চিমে ভাগে পিণ্ডাকৃতি কঠিনং মাংসম্| তত্রোদ্বেষ্টনেনেব রুগ্ভবতীত্যর্থঃ| প্রতিশ্যাযঃ-পীনসঃ| চঃ সমুচ্চযে| ন কেবলমেত এব, যাবত্পূর্বোক্তাঃ-গুল্মাদযশ্চ, স্মৃতাঃ|

আযুর্বেদরসাযনম্ ব্যাখ্যা ( কৃত)

আ০ র০-অধোবাতরোধজানন্তরমূর্ধ্ববাতরোধজেষু বাচ্যেষু শকৃন্মূত্ররোধজানাং বচনমধোবাতরোধজ ১ তুল্যরোগযোগত্বাত্| তত্র বিড্রোধজানাহ-শকৃত ইতি| জঙ্ঘাযাঃ পশ্চিমে ভাগে পিণ্ডিকাকূতিমাংসং পিণ্ডিকা, তস্যা উদ্বেষ্টনং-উদ্বেষ্ট ২ মানাযামিব দুঃখম্| পূর্বোক্তাঃ-অধোবাতরোধজাঃ|

সর্বাঙ্গসুন্দরী ব্যাখ্যা ( কৃত)

স০-মূত্রস্য রোধাদঙ্গভঙ্গাদযো জাযন্তে| অঙ্গানাং ভঙ্গঃ স্ফোটনমিবাঙ্গভঙ্গঃ| বস্ত্যাদীনাং বেদনযা সম্বন্ধঃ| মেঢ্রংশিশ্র্নম্| পূর্বে চ প্রাযো রোগাঃ-অধোবাতশকৃদ্রোধজাঃ, তেঽপি মূত্রস্য রোধাজ্জাযন্তে| প্রাযোগ্রহণাত্ বাতাদিরোধজাঃ কেচিদেবোত্পদ্যন্তে কেচিন্নেতি বোধযতি|

আযুর্বেদরসাযনম্ ব্যাখ্যা ( কৃত)

আ০ র০-মূত্ররোধজানাহ-অঙ্গভঙ্গেতি| অঙ্গভঙ্গো-ভজ্যমানেষ্বিবাঙ্গেষু দুঃখম্| বস্ত্যাদীনাং চ বেদনাঃ| পূর্বে রোগাঃ-অধোবাতবিড্রোধজাঃ| তে চ প্রা ৩ যোগ্রহণান্ন সর্বে|

সর্বাঙ্গসুন্দরী ব্যাখ্যা ( কৃত)

স০-তদৌষধং-তেষাং বাতাদিরোধজানাং রোগাণামৌষধং চিকিত্সিতং ভবতি| কিং তত্ ? ইত্যাহ-বর্তীত্যাদি| বর্তিঃ-মদনফলাদিকৃতা ফলবর্তিসংজ্ঞা| অভ্যঙ্গঃ-অভ্যঞ্জনম্| অবগাহো বাতহরদ্রব্যসাধিতে দ্রবে দ্রোণ্যাং নিহিতে পাযুদেশস্যাবস্থাপনম্| স্বেদনং-স্বেদঃ| বস্তিকর্ম-মলপ্রবৃত্তযে বস্তিবিধৌ বক্ষ্যমাণম্|

আযুর্বেদরসাযনম্ ব্যাখ্যা ( কৃত)

আ০ র০-উক্তানাং বাতাদিরোধজানাং রোগাণামৌষধমাহ-তদৌষধমিতি| কর্ম চেত্যন্তেন| তেষাং-অধোবাতবিণ্মূত্ররোধজানামৌষধম্| বর্তিঃ-গুদে প্রণিধেযা ফলবর্তিসংজ্ঞা| বত্রিঃ-গুদে প্রণিধেযা ফলবর্তিসংজ্ঞা| অবগাহঃ-তৈলাদিপূর্ণদ্রোণ্যাং নিমজ্জনম্|

সর্বাঙ্গসুন্দরী ব্যাখ্যা ( কৃত)

স০-পুরীষবেগধারণজেষু যক্ষ্মসু-রোগেষু, বিশঃ-পুরীষস্য, ভেদি-ভেদকমন্নপানং যাবকমস্তুবাস্তুকাদিকমৌষধম্| চশব্দাত্পূর্বোক্তং বর্ত্যাদি চ|

আযুর্বেদরসাযনম্ ব্যাখ্যা ( কৃত)

আ০ র০-বিড্রোধজানাং বিশেষমাহ-অন্নপানং চেতি| বিড্ভেদি-যবমস্ত্বাদিকম্| যক্ষ্মসু-রোগেষু| চকারঃ সামা ৪ ন্যানুপ্রবেশার্থঃ| অন্যথা 'ব্রাহ্মণেভ্যো দধি দীযতাং তক্রং কৌণ্ডিন্যায' ইতিবত্ সামান্যবাধঃ স্যাত্|

সর্বাঙ্গসুন্দরী ব্যাখ্যা ( কৃত)

স০-মূত্ররোধজেষু পুনঃ প্রাগ্ভক্তং-ভোজনাত্পূর্বং, ঘৃতং পানে শস্যতে| জীর্ণান্তিকং ঘৃতং চ শস্যতে| কথম্ ? উত্তমযা মাত্রযা-অহোরাত্রজরণলক্ষণযা| যোজনাদ্বযমেতচ্চাবপীডকসংজ্ঞিতং-অবপীডকমুচ্যতে| যোজনযোর্দ্বযং যোজনাদ্বযং,-প্রাগ্ভক্তস্নেহযোজনা জীর্ণান্তিকস্নেহযোজনা চ| তত্র, প্রাগ্ভক্তং-যত্র ঘৃতপানসমনন্তরং ভক্তং ভুজ্যতে, জীর্ণান্তিকং-যত্ হ্যস্তনেঽন্নে জীর্ণে ঘৃতং প্রযুজ্যতে| প্রদেশান্তরেষ্ববপীডকশব্দেন যোজনাদ্বযমেতদস্মিংস্তন্ত্রে বেদ্যম্| তথা চ বক্ষ্যতি (হৃ. চি. অ. ৮/১২৪)- "রসৈঃ কোষ্ণৈশ্চ সর্পির্ভিরবপীডকযোজিতৈঃ" ইতি| তথাঽষ্টাঙ্গাবতারে মূত্রোদাবর্তচিকিত্সাযাম্-"অবপীডকসর্পিশ্চ বিশেষান্মূত্রজে গদে" ইতি| ননু, বেগধারণেন বাহুল্যেন মরুত এব কোপঃ| তথা চ বক্ষ্যতি (অস্মিন্নেবাধ্যাযে শ্লো.২৩)- "ততশ্চানেকধা প্রাযঃ পবনো যত্প্রকুপ্যতি" ইতি| পবনবিজযে চ তৈলং যথা বরং ন তথা ঘৃতম্| অতস্তৈলস্যৈবাবপীডকযোজন মত্রোচিতম্, ন সর্পিষঃ| অত্রোচ্যতে| তৈলস্য বাতজিতোঽপি বদ্ধবিট্কাল্পমূত্রস্বভাবত্বাদত্রাযোগ্যং পানম্| তথা চ বক্ষ্যতি (হৃ.সূ.অ. ৫/৫৫)- "তৈলং স্বযোনিবত্" ইত্যারভ্য যাবত্ "বদ্ধবিট্কম্" ইতি| স্বযোনিবদিত্যুক্তেশ্চাল্পমূত্রত্বম্| তথা চ বক্ষ্যতি (হৃ. সূ. অ. ৬/২১)- "উষ্ণস্ত্বচ্যো হিমঃ স্পর্শে কেশ্যো বল্যস্তিলো গুরুঃ| অল্পমূত্রঃ" ইতি| তদেবং তৈলস্য বদ্ধবিট্কাল্পমূত্রস্বভাবতযা তদীযোঽবপীডকো মূত্ররোধোত্থেষু রোগেষ্বৌষধত্বেন ন যুক্তঃ, অপি তু সর্পিষ এব যুক্তঃ|

আযুর্বেদরসাযনম্ ব্যাখ্যা ( কৃত)

আ০ র০-মূত্ররোধজানাং বিশেষমাহ-মূত্রজেষ্বিতি| অবপীডকো দ্বিবিধঃ,- হৃস্বযা মাত্রযা প্রাগ্ভক্তপ্রযোগঃ, উত্তমযা অনন্নপ্রযোগশ্চ| উক্তং হি সঙ্গ্রহে (সূ. অ. ৫)- "মূত্রজেষু তু পানে চ প্রাগ্ভক্তং শস্যতে ঘৃতম্| জীর্ণান্তিকং চোত্তমযা মাত্রযা যোজনাদ্বযম্| অবপীডকমেতচ্চ সংজ্ঞিতং" ইতি| চকারঃ সামান্যানুপ্রবেশার্থঃ|

সর্বাঙ্গসুন্দরী ব্যাখ্যা ( কৃত)

স০-পুনরিতি ব্যতিরেকে| উদ্গারস্য ধারণাদরুচ্যাদযো ভবন্তি| উরো-বক্ষঃ, তস্যাধো হৃদযম্, তযোর্বিবন্ধঃ-অন্তস্তম্ভ ইব| তত্র-তেষু রোগেষু, হিধ্মাবদ্ভেষজম্-শ্বাসহিধ্মাচিকিত্সিতে হিধ্মাযাশ্চিকিত্সিতং বক্ষ্যতি|

আযুর্বেদরসাযনম্ ব্যাখ্যা ( কৃত)

আ০ র০-ঊর্ধ্ববাতরোধজানাহ-উদ্গারস্যেতি| রোধেনেতি প্রকৃতত্বাল্লভ্যতে| কম্পঃ সর্বাঙ্গানাম্| হৃদযোরসোর্বিবন্ধঃ-রজ্জ্বাদিভির্বধ্যমানযোরিব দুঃখম্| আধ্মানং-উদরাপূরণম্| উদ্গাররোধজানামৌষধমাহ-হিধ্মাবদিতি| হিধ্মাযামিব হিধ্মাবত্|

সর্বাঙ্গসুন্দরী ব্যাখ্যা ( কৃত)

স০-ক্ষুতেঃ-ক্ষবথোঃ, ধারণাচ্ছিরোর্ত্যাদযঃ স্যুঃ| দুর্বলস্য ভাবো দৌর্বল্যম্, গুণবচনেত্যাদিনা ষ্যঞ্| ইন্দ্রিযাণাং-দর্শনাদীনাং, দৌর্বল্যং-বিষযগ্রহণাশক্তিত্বম্, ইন্দ্রিযদৌর্বল্যম্| ননু চ, পূরণগুণেত্যাদিনা সমাসপ্রতিষেধেন ভবিতব্যম্| অত্রোচ্যতে| য এব গুণশব্দা গুণিনাবচ্ছিন্না গুণমাত্রে বর্তন্তে কদাচিদ্ গুণিন্যপি, ত এব প্রতিষেধস্য বিষযাঃ| যথা-পটস্য শুক্লো, গুডস্য মধুরঃ, ইত্যাদযঃ| যে তু গুণমাত্র এব বর্তন্তে ন গুণিনি, তে সমাসস্য যথা-পটহশব্দঃ, পুত্রস্পর্শঃ, কন্যারূপম্, দ্রাক্ষারসঃ, চন্দনগন্ধ ইত্যাদযঃ| তথেন্দ্রিযদৌর্বল্যমিত্যাদাবপি ভাবপ্রত্যযান্তস্য সদা ব্যতিরেককারণত্বাদ্গুণাভিধাযিত্বমেব| তস্মাদেবমাদৌ "তত্স্থৈশ্চ গুণৈঃ ষষ্ঠী সমস্যতে" ইতি সমাসঃ| তস্যাযমর্থঃ-তেষু গুণেষ্বেব তিষ্ঠন্তীতি তত্স্থাঃ| এতদুক্তং ভবতি-গুণ এব যে গুণা বর্তন্তে ন দ্রব্যাত্মনি, তৈঃ সহ ষষ্ঠী সমস্যত ইতি| শুক্লাদিশব্দানাং তু কদাচিদ্দ্রব্যবৃতিত্বাত্ সামানাধিকরণ্যেনাপি বৃত্তির্দ্দষ্টা| যথা-শুক্লঃ পট ইতি| গুণবৃত্তিত্বাচ্চ বৈযধিকরণ্যেনাপি| যথা-পটস্য শুক্ল ইতি| তদেষাং প্রতিষেধবিষযত্বম্| পটহশব্দাদীনাং তু তত্স্থত্বাত্সমাসবিষযত্বমিতি স্থিতম্| নন্বেবং সতি বলাকাযাঃ শৌক্ল্যমিত্যত্রাপি পূর্বোক্তান্ন্যাযাত্সমাসঃ প্রাপ্নুযাত্| অত্রোচ্যতে| ভাষ্যকারবচনান্ন ভবিষ্যতি| স হি "গুণবচনগ্রহণমেব কস্মান্ন ক্রিযতে" ইত্যুক্ত্বাঽভ্যধাত্-"বলাকাযাঃ শৌক্ল্যমিত্যত্রাপি যথা স্যাত্" ইতি সমাসস্যাত্রাভাবঃ| অর্দিতং-বাতব্যাধিনিদানে বক্ষ্যতে|

আযুর্বেদরসাযনম্ ব্যাখ্যা ( কৃত)

আ০ র০-ক্ষবথুরোধজানাহ-শিরোর্তীতি| শিরোর্তিঃ-শিরোব্যথা| ইন্দ্রিযাণাং দৌর্বল্যং-বিষযগ্রহণাশক্তিঃ| অর্দিতং-একাযামঃ| ক্ষুতেঃ-ক্ষবথোঃ|

সর্বাঙ্গসুন্দরী ব্যাখ্যা ( কৃত)

স০-ক্ষুতিং সক্তাং-অপ্রবর্তমানাং, তীক্ষ্ণধূমাদিভিঃ প্রবর্তযেত্| তীক্ষ্ণধূমো-ধূমপানবিধৌ বক্ষ্যতে| তীক্ষ্ণং চাঞ্জনংঅক্ষিরোগেষু| তীক্ষ্ণাঘ্রাণাং-যন্নাসযা মরীচাদিগ্রহণম্| তীক্ষ্ণং নাবনং-নস্যবিধৌ বক্ষ্যতি| স্নেহশ্চ স্বেদশ্চ তৌ চ শীলযেত্-অভ্যসেত্| ক্ষুতিং ক্ষুতম্| সুশ্রুতে চোক্তম্ (শা. অ. ৪/৫০ টীকাযাম্)- "প্রাণোদানৌ সমৌ স্যাতাং মূর্ধ্নি স্রোতঃপথে স্থিতৌ| নস্তঃ প্রবর্ততে শব্দঃ ক্ষুতং তচ্চ বিনির্দিশেত্||" ইতি|

আযুর্বেদরসাযনম্ ব্যাখ্যা ( কৃত)

আ০ র০-ক্ষবথুতেধজানামৌষধমাহ-তীক্ষ্ণধূমেতি| ক্ষুত্যবরোধজেষ্ববরুদ্ধাং ক্ষুতিং তীক্ষ্ণৈর্ধূমাদিভিঃ সূর্যবিলোকনেন চ প্রবর্তযেত্| তথা স্নেহস্বেদৌ চ শীলযেত্| সঙ্গ্রহে তু (সূ. অ. ৫) "যোজ্যং বাতঘ্নমন্নং চ ঘৃতং চোত্তরভক্তকম্|" ইতি|

সর্বাঙ্গসুন্দরী ব্যাখ্যা ( কৃত)

স০-তৃষ্ণাযা নিগ্রহাত্-নিরোধাত্, শোষাদযো ভবন্তি| তত্র-তৃষ্ণাযা রোধজেষু বিকারেষু, সর্বঃ শীতো বিধিঃ-স্নানান্নপানাদিকো হিতঃ|

আযুর্বেদরসাযনম্ ব্যাখ্যা ( কৃত)

আ০ র০-তৃড্রোধজানাহ-শোষাঙ্গসাদেতি| শোষো-মুখশোষঃ| অঙ্গসাদঃ-অঙ্গবৈক্লব্যম্| সম্মোহো-জ্ঞানাভাবঃ| ভ্রমঃ-চক্রারূঢস্যেব ভ্রমণম্|| হৃদ্রদো-হৃদ্রোগঃ| তৃড্রোধজানামৌষধমাহ তত্র শীত ইতি| তত্র-তৃড্রোধজেষু|

সর্বাঙ্গসুন্দরী ব্যাখ্যা ( কৃত)

স০-ক্ষুধ ইতি-নিগ্রহাদিত্যনুবৃত্তিঃ, নিগ্রহাপেক্ষযা ষষ্ঠী| এবং নিদ্রাযা ইত্যত্রাপি যোজ্যম্| ক্ষুধো-বুভুক্ষাযাঃ, নিগ্রহাদঙ্গভঙ্গাদযঃ ষট্ ভবন্তি| সামান্যেনাপি শূলশব্দনির্দেশে পক্বাশযগতঃ শূলো গৃহ্যতে| ক্ষুদ্বেগনিগ্রহেণ নিরাবরণঃ প্রভঞ্জনঃ কুপ্যতি| তস্য চ স্থান পক্বাশযঃ| বক্ষ্যতি হি (হৃ. সূ. অ. ১২/১)- "পক্বাশযকটী" ইত্যারভ্য যাবত্ "পক্বাধানং বিশেষতঃ" ইতি| তত্র-ক্ষুন্নিগ্রহে, ভোজনং লঘু স্নিগ্ধমুষ্ণমল্পং চ যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-ক্ষুদ্রোধজানাহ-অঙ্গভঙ্গারুচীতি| গ্লানিঃক্লমঃ| শূলং-কোষ্ঠশূলম্| ক্ষুদ্রোধজানামাষধমাহ-তত্রেতি| তত্র-ক্ষুদ্রোধজেষু|

সর্বাঙ্গসুন্দরী ব্যাখ্যা ( কৃত)

স০-নিদ্রাযা নিগ্রহান্মোহাদযো ভবন্তি| তত্র-নিদ্রাবেগরোধোত্থে বিকারে, স্বপ্ন ইষ্টঃ| সংবাহনানি-স্বল্পানি মর্দনানি চ|

আযুর্বেদরসাযনম্ ব্যাখ্যা ( কৃত)

আ০ র০-নিদ্রারোধজানাহ-নিদ্রাযা ইতি| মূর্ধ্নোঽক্ষ্ণোশ্চ গৌরবম্| আলস্যং-অনুত্সাহঃ| অঙ্গমর্দঃ-অঙ্গভঙ্গঃ| নিদ্রারোধজানামৌষধমাহ-তত্রেষ্ট ইতি| স্বপ্নঃ-শযনম্| সংবাহনং-সুখস্পর্শমর্দনম্|

সর্বাঙ্গসুন্দরী ব্যাখ্যা ( কৃত)

স০-কাসস্য-কাসবেগস্য, রোধাত্তদ্বৃদ্ধিঃ তস্য-কাসস্য বৃদ্ধিঃ-আধিকয স্যাত্| তথা, শ্বাসাদযঃ| তত্র কাসহাকাসচিকিত্সিতোক্তঃ, সুতরাং-অতিশযেন, বিধিঃ কার্যঃ|

আযুর্বেদরসাযনম্ ব্যাখ্যা ( কৃত)

আ০ র০-কাসরোধজানাহ-কাসস্যেতি| তদ্বৃদ্দিঃ-কাসবৃদ্ধিঃ| শোষো-রাজযক্ষ্মা| কাসরোধজানামৌষধমাহ- কার্যোঽত্রেতি| অত্র কাসরোধজেষু|

সর্বাঙ্গসুন্দরী ব্যাখ্যা ( কৃত)

স০-শ্রমেণ-অধ্বব্যাযামাদিনা সাহসেন, সদ্যো জাতঃ শ্বাসঃ শ্রমশ্বাসঃ| তস্মাদ্বিধারিতাত্-তদ্বেগরোধাত্, গুল্মাদযঃ স্যুঃ| তত্র বিশ্রমণং হিতম্| বাতঘ্নশ্চ ক্রিযাক্রমো হিতঃ|

আযুর্বেদরসাযনম্ ব্যাখ্যা ( কৃত)

আ০ র০-শ্রমশ্বাসরোধজানাহ-গুল্মহৃদ্রোগেতি| শ্রমশ্বাসরোধজানামৌষধমাহ-হিতং বিশ্রমণমিতি|

সর্বাঙ্গসুন্দরী ব্যাখ্যা ( কৃত)

স০-জৃম্ভাযা রোধাত্ ক্ষুতিবদ্রোগাঃ| তত্র সর্বা চ বাতঘ্নী ক্রিযা, হিতেতি শেষঃ| জৃম্ভা-মুখবিকাসো গাত্রবিনামঃ|

আযুর্বেদরসাযনম্ ব্যাখ্যা ( কৃত)

আ০ র০-জৃম্ভারোধজানাহ-জৃম্ভাযা ইতি| ক্ষববত্ক্ষবথোরিব শিরোর্ত্যাদযঃ| জৃম্ভারোধজানামৌষধমাহ-সর্বশ্চেতি| প্রকৃতত্বাজ্জৃম্ভা রোধজানাম্|

সর্বাঙ্গসুন্দরী ব্যাখ্যা ( কৃত)

স০-বাষ্পতঃ-অশ্রুণো বিধারিতাত্, পীনসাদযো ভবন্তি| পীনসো-নাসাস্রাবঃ| অক্ষিশিরোহৃদাং রুজা সম্বন্ধঃ| সগুল্মা ইতি সশব্দশ্চার্থে, গুল্মাশ্চেত্যর্থঃ| তত্র স্বপ্নাদিকা চিকিত্সা|

আযুর্বেদরসাযনম্ ব্যাখ্যা ( কৃত)

আ০ র০-বাষ্পরোধজানাহ-পীনসাক্ষীতি| অক্ষিরোগঃ শিরোরোগো হৃদ্রোগশ্চ| বাষ্পঃ-অশ্রু| বাষ্পরোধজানামৌষধমাহ-তত্র স্বপ্ন ইতি| তত্র-বাষ্পরোধজেষু| প্রিযাঃ-মনোহরাঃ|

সর্বাঙ্গসুন্দরী ব্যাখ্যা ( কৃত)

স০-বমেঃ-ছর্দিশো বিধারিতাযাঃ, বিসর্পাদযঃ স্যুঃ| কোঠো-লোহিতং কঠিনং চ মণ্ডলম্| আক্ষিকণ্ডূপাণ্ডূনামামযেন সম্বন্ধঃ| ব্যঙ্গানি-মুখে শ্যামানি মণ্ডলানি|

আযুর্বেদরসাযনম্ ব্যাখ্যা ( কৃত)

আ০ র০-বমিরোধজানাহ-বিসর্পেতি| কোঠঃ-ক্ষুদ্ররোগবিশেষঃ| অক্ষ্যামযঃ কণ্ড্বামযঃ পাণ্ড্বামযশ্চ| হৃল্লাসঃহৃদযাদীষযথাসহিতাল্লবণপানীযোদ্গিরণম্| ব্যঙ্গং-ক্ষুদ্ররোগবিশেষঃ|

সর্বাঙ্গসুন্দরী ব্যাখ্যা ( কৃত)

স০-তত্র গণ্ডূষাদযঃ শস্তাঃ| অনাহারঃ-অভোজনম্| এতেষাং দ্বন্দ্বঃ| তথা রূক্ষং ভুক্ত্বা, তস্য-রূক্ষস্য, উদ্বমঃ-ছর্দনম্| এবং প্রাণো বাযুঃ স্বমার্গং প্রত্যেতি| ততো ব্যাযামাদ্যত্র শস্তম্| তথা, ক্ষারলবণাভ্যাং যুক্তং তৈলমভ্যঙ্গার্থং শস্যতে-হিতং ভবতি|

আযুর্বেদরসাযনম্ ব্যাখ্যা ( কৃত)

আ০ র০-ছর্দিরোধজানামৌষধমাহ-গণ্ডূষেতি| অনাহারঃ-উপবাসঃ| রূক্ষমন্নং ভুক্ত্বা, তস্যৈবান্নস্য উদ্বমঃ-বমনম্| অস্রস্য স্রুতিঃ-রক্তস্রাবঃ|

সর্বাঙ্গসুন্দরী ব্যাখ্যা ( কৃত)

স০-শুক্রাদ্বিধারিতাত্ তস্য-শুক্রস্য স্রবণম্| তথা, গুহ্যবেদনা-পাযুবৃষণমেহনানাং শূলম্| তথা, শ্বযথুঃ প্রকৃতত্বাদ্গুহ্য এবেতি যোজ্যম্| বৃদ্ধিঃ-বর্ধ্ম| অশ্মশব্দেনাশ্মরী কথ্যতে| ষণ্ঢতা_স্ত্রীগমনাশক্তিত্বম্|

আযুর্বেদরসাযনম্ ব্যাখ্যা ( কৃত)

আ০ র০-শুক্ররোধজানাহ-শুক্রাদিতি| তত্স্রবণং-শুক্রস্রাবঃ| গুহ্যস্য-মেঢ্রস্য বেদনা শ্বযথুশ্চ| বৃদ্ধিঃ-মুষ্কবৃদ্ধিঃ| অশ্ম-অশ্মরী| ষণ্ঢতা-অপত্যজননাসামর্থ্যম্|

সর্বাঙ্গসুন্দরী ব্যাখ্যা ( কৃত)

স০-তত্র তাম্রচূডাদিকং ভজেত্| তথা, বস্তিশুদ্ধিকরৈঃ কূষ্মাণ্ডাদিভিঃ, সিদ্ধং ক্ষীরং ভজেত্| প্রিযাশ্চ কান্তাঃ| প্রিযত্বেন হি তদ্বিশেষং নিরনুবন্ধং রভসেন প্রবর্ততে শুক্রম্|

আযুর্বেদরসাযনম্ ব্যাখ্যা ( কৃত)

আ০ র০-শুক্ররোধজানামৌষধমাহ-তাম্রচূডেতি| তাম্রচূডঃ-কুক্কুটঃ| বস্তিঃ-বস্তিকর্ম| বস্তিশুদ্ধিকরৈঃ-মূত্রাশযশোধনৈর্যবক্ষারাদিভিঃ, সিদ্ধং(?) ক্ষীরং ভজেত্| এবং বেগরোধজা রোগা উক্তাঃ|

সর্বাঙ্গসুন্দরী ব্যাখ্যা ( কৃত)

স০-তৃট্ চ শূলং চ তাভ্যামার্তং-পীডিতম্, তথা, ক্ষীণংক্ষীণদেহম্, বেগরোধিনং ত্যজেত্-ন চিকিত্সেত্| তথা, বিশং যো বমতি, তং চ বেগরোধিনং ত্যজেত্|

আযুর্বেদরসাযনম্ ব্যাখ্যা ( কৃত)

আ০ র০-তৃডাদ্যুপদ্রুতস্য বেগরোধিন উপক্রমং নিষেধতিতৃট্শূলার্তমিতি| ক্ষীণং-ক্ষীণধাতুম্| বিড্বমং-পুরীষং বমন্তম্|

সর্বাঙ্গসুন্দরী ব্যাখ্যা ( কৃত)

স০-সর্বেঽপি রোগা জাযন্তে ন কেবলং পূর্বোক্তা এব| বেগানাং-পুরীষাদিসম্বন্ধিনাং, যান্যুদীরণানি-অনাগতানাং প্রবর্তনানি, তৈঃ| তথা, তেষামেবাগতানাং যানি বিধারণানিঅনুত্সর্গলক্ষণানি, তৈঃ| অত্রেযং যুক্তিঃ-বেগোদীরণধারণং নাম বাযোঃ কর্ম, তস্য ক্রিযাবত্ত্বাত্| তেন চ বেগোদীরণধারণলক্ষণেন স্বকর্মণা স এব বাযুঃ কোপ্যতে| স কুপিতঃ সর্বানেব বিকারান্ জনযতি| তথা চোক্তম্ (হৃ. সূ. অ. ১৯/৮৫)- "শাখাগতাঃ কোষ্ঠগতাশ্চ রোগা মর্মোর্ধ্বসর্বাবযবাঙ্গজাশ্চ| যে সন্তি তেষাং ন তু কশ্চিদন্যো বাযোঃ পরং জন্মনি হেতুরস্তি|| বিট্শ্লেষ্মপিত্তাদিমলোচ্চযানাং বিক্ষেপসংহারকরঃ স যস্মাত্" ইতি|

আযুর্বেদরসাযনম্ ব্যাখ্যা ( কৃত)

আ০ র০-বেগধারণবত্সর্বরোগহেতুত্বকথনদ্বারা বেগোদীরণং নিষেধতি-রোগা ইতি| উক্তানাং বেগানামুদীরণৈর্ধারণৈশ্চ সর্বেঽপি রোগা জাযন্তে, ন পুনঃ পূর্বোক্তা এব| প্রবৃত্তাবনুন্মুখস্য (বেগস্য) বলাদুন্মুখীকরণং-উদীরণম্| বেগধারণবত্সর্বরোগহেতুত্বাদ্বেগোদীরনমপি ত্যজেদিত্যর্থসিদ্ধম্|

সর্বাঙ্গসুন্দরী ব্যাখ্যা ( কৃত)

স০-তত্র-তেষু বেগোদীরণধারণোত্থেষু সর্বেষু মধ্যে, যে তু ভূযিষ্ঠং-বাহুল্যেন ভবন্তি গুল্মোদাবর্তাদযঃ, তান্ প্রতি "বর্ত্যভ্যঙ্গ" ইত্যাদিনা, সাধনং নির্দিষ্টং-চিকিত্সোক্তা| ততশ্চ-বেগোদীরণধারণাত্, অনেকধাবাযুর্যস্মাত্কুপ্যতি| অতঃ-অস্মাদ্ধেতোঃ, তস্যানুলোমনং-মার্গযোজকং, অন্নপানৌষধং যুঞ্জীত| যদ্যপি বেগোদীরণধারণাত্ "সর্বে রোগা জাযন্তে" ইত্যুক্তম্| তথাপি, যথা বেগধারণাচ্চিরকালভাবিনঃ সপ্রত্যপাযা রোগা ভবন্তি, ন তথোদীরণাত্| অত এব তন্ত্রকারোঽধোবাতস্য রোধেনামীরোম্গা ভবন্তি, শকৃতো রোধাদমী ভবন্তীত্যুবাচ| ন তু তদুদীরণাদমী রোগা ভবন্তীতি| প্রাযোগ্রহণং ক্বচিত্ কফাদেরপি প্রকোপ ইতি সমাপাদযতি| তথা চ বমিনিগ্রহে উক্তম্ "বিসর্পকোঠকুষ্ঠাক্ষি" ইত্যাদি| তত্র "গণ্ডূষধূমানাহারাঃ" ইত্যাদিচিকিত্সা| ন চৈবংরূপো বিধির্বাযাবুপদিশ্যতে| তস্মাত্প্রাযোগ্রহণম্|

আযুর্বেদরসাযনম্ ব্যাখ্যা ( কৃত)

আ০ র০-সর্বেষাং সাধনানুক্তৌ হেতুমাহ-নির্দিষ্টমিতি| সর্বেষাং সাধনে বক্তব্যে, যত্কেষাংচিদ্গুল্মোদাবর্তাদীনাং সাধনমুক্তম্, তত্রাযং হেতুঃ-যদ্গুল্মাদযো বহুলমুত্পদ্যন্তে| ইতরে তু বিরলম্| অনুক্তসাধনানাং সামান্যেন সাধনমাহ-ততশ্চানেকধেতি| যত্-যস্মাত্, ততঃ-তাভ্যাং বেগোদীরণধারণাভ্যাং, পবনঃ প্রকুপ্যতি| অনেকধা-অনেকব্যাধিরূপেণ| প্রাযোগ্রহণাত্ পিত্তকফাবপি| অতঃ-অস্মাত্কারণাত্, তস্য-বাযোঃ, অনুলোমনমন্নপানৌষধং প্রযুঞ্জীত|

সর্বাঙ্গসুন্দরী ব্যাখ্যা ( কৃত)

স০-তুশব্দোঽবধারণে| সদা-সর্বকালম্, লোভের্ষ্যাদীনাং বেগান্ ধারযেদেব| হিতৈষী-যঃ পুরুষঃ স্বহিতমিচ্ছন্| ক্ব ? প্রেত্য চেহ চ,-পরলোকে তথেহলোকে চ| কিম্ভূতঃ সন্ ? জিতানি-দান্তানি, ইন্দ্রিযাণি-মনঃষষ্ঠানি চক্ষুরাদীনি, বিষযাণামনভিলাষুকতযা যেন, স জিতেন্দ্রিযঃ| জিতেন্দ্রিযশব্দেন লোভাদিবেগবিধারণে উপাযং দর্শযতি| জিতেন্দ্রিয এবৈতান্ ধারযিতুং শক্তো নান্য ইত্যর্থঃ| লোভঃ-গৃহতৃষ্ণেত্যাদিঃ| ঈর্ষ্যা-অসূযা| দ্বেষো-বৈরম্| মাত্সর্যং-পরগুণাসহিষ্ণুত্বম্| রাগঃ-প্রীতিঃ| আদিশব্দেনাভিধ্যাদিপরিগ্রহঃ| প্রেত্যেহ চেতি কর্তব্যে দ্বিশ্চকারকরণং লোভাদীনাং বেগবিধারণেন প্রেত্য তথাঽস্মিন্ লোকে তুল্যকক্ষত্বজ্ঞাপনার্থম্| অন্যথা প্রেত্যেত্যস্য পূর্বনির্দেশাদ্ভূযসৈষাং লোভাদীনাং বিধারণং প্রেত্য হিতম্, ন তথেহ লোকে| পশ্চান্নির্দিষ্টত্বাত্|

আযুর্বেদরসাযনম্ ব্যাখ্যা ( কৃত)

আ০ র০-লোভাদিবেগধারণং বিধত্তে-ধারযেত্বিতি| প্রেত্য-পরলোকে| ইহ-ইহলোকে| লোভো-লোলুপত্বম্| ঈর্ষ্যাপরোত্কর্ষাসহনম্| দ্বেষঃ-পরাপকারেচ্ছা| মাত্সর্যং-ক্রোধঃ| রাগো-বিষযাসক্তিঃ| আদিশব্দাচ্ছোকাদযঃ| জিতেন্দ্রিযঃ সন্-ইন্দ্রিযজযবান্ ধারযেত্, ন তু ভযাদিনা| ভযাদিধৃতানাং রোগহেতুত্বাত্| ইতি বেগোদীরণধারণপ্রকরণম্|

সর্বাঙ্গসুন্দরী ব্যাখ্যা ( কৃত)

স০-মলানাং-বাতপিত্তশ্লেষ্মপুরীষাদীনাম্, যথাকালং শোধনং প্রতি যতেত-যত্নং কুর্যাত্| যো যস্য মলস্য শোধনকালঃ, স তস্মিন্কালে শোধনীয ইত্যর্থঃ| কিমর্থং মলানাং শোধনং কার্যম্ ? ইত্যাহ-অত্যর্থেত্যাদি| হি-যস্মাত্, তে-মলাঃ, অত্যর্থসঞ্চিতাঃ-অতিশযেন স্বস্থানেবৃদ্ধিং গতাঃ, কুতোঽপ্যাহার বিহাররূপাত্ কোপহেতোঃ কুদ্ধাঃ-কুপিতাঃ সন্তঃ, কদাচিজ্জীবিতচ্ছিদঃ স্যুঃ-ভবেযুঃ| তস্মাত্তে শোধনীযাঃ| অত্যর্থসঞ্চিতগ্রহণেনৈতদ্দ্যোতযতি| যদ্যেতে মলা অত্যর্থসঞ্চিতাঃ স্যুঃ, তদৈব তেষামন্যোপক্রমেভ্যঃ শোধনাখ্য উপক্রমো জ্যাযান্| লঙ্ঘনপাচনে তূপক্রমমাত্রে|

আযুর্বেদরসাযনম্ ব্যাখ্যা ( কৃত)

আ০ র০-শোধনং বিধত্তে-যতেত চেতি| মলানাং-বাতপিত্তকফানাং, শোধনার্থং প্রযত্নং কুর্যাত্| হি-যস্মাত্, তে শোধনং বিনা, অত্যর্থং সঞ্চিতাঃ স্যুঃ, ততঃ ক্রুদ্ধাঃ স্যুঃ, ততো জীবিতচ্ছিদঃ স্যুঃ| যথাকালং-যস্য যস্য দোষস্য যস্য যস্য শোধনস্য চ যো যঃ কালঃ, তদা তদা তস্য তস্য দোষস্য তত্তচ্ছোধনং কুর্যাত্, অত্যর্থসঞ্চযাদ্যথা জীবিতচ্ছিত্বং ন স্যাত্| যথোক্তং সঙ্গ্রহে (সূ. অ. ৫)- "চযকাষ্ঠামুপারুহ্য কুর্বতে তে হ্যুপেক্ষিতাঃ| প্রাযশঃ সুচিরেণাপি ভেষজদ্বেষিণো গদান্|| অতিস্থৌল্যাগ্নিসদনকুষ্ঠমেহহৃতৌজসঃ| স্রোতোরোধাক্ষবিভ্রংশশ্বাসশ্বথুপাণ্ডুতাঃ|| আমোরুস্তম্ভজঠরকৃচ্ছ্রালসকদণ্ডকান্| তৃপ্তিপ্রমীলকালস্যগ্রহণ্যর্শোভগন্দরান্|| প্লীহবিদ্রধিবীসর্পমদসংন্যাসপীনসান্| ছর্দিগণ্ডকৃমিগ্রন্থিতন্দ্রাদুঃস্বপ্নদর্শনম্|| কণ্ঠামযান্ মূর্ধরুজঃ প্রণাশং বুদ্ধিনিদ্রযোঃ| তেজোবর্ণবলানাং চ তৃপ্যতো বৃংহণৈরপি|| উচিতৈরপি চাহারৈর্যস্মাদস্য বহন্তি ন| দোষোপলিপ্তবদনা রসং রসবহাঃ শিরাঃ|| বমনাদীনতো যুঞ্জ্যাত্স্বস্থস্যৈব যথাবিধি||" ইতি| ননু, "ভিষজঃ শোধনং প্রাহুর্বর্জ্যং স্বস্থেন সর্বদা| পন্নগস্যেব ঘোরস্য দোষস্য সমুদীরণম্||" ইতি সুশ্রুতাদিভিঃ স্বস্থস্য শোধনং নিষিদ্ধম্, ইহ তু বিহিতমিতি বিরোধঃ| মৈবম্| বিষযভেদাত্| দ্বিবিধো হি স্বস্থঃ, সঞ্চিতদোষোঽসঞ্চিতদোষশ্চ| তত্রাদ্যো বিধের্বিষযোঽপরঃ প্রতিষেধস্যেতি| ননু, সঞ্চযো-বৈষম্যম্ চ-রোগঃ, নিরোগশ্চ-স্বস্থঃ, ইতি সঞ্চিতদোষস্য ন স্বাস্থ্যম্| মৈবম্| (হৃ.সূ.অ. ১২/২২)-"চযো বৃদ্ধিঃ স্বধাম্ন্যেব প্রদ্বেষো বৃদ্ধিহেতুষু| বিপরীতগুণেচ্ছা চ কোপস্তূন্মার্গগামিতা|| লিঙ্গানাং দর্শনং স্বেষামস্বাস্থ্যং রোগসম্ভবঃ|" ইতি কোপলক্ষণেষ্বস্বাস্থ্যং রোগসম্ভবশ্চ পঠতাঽঽচার্যেণ চযলক্ষণেষু স্বাস্থ্যং রোগাসম্ভবশ্চেতি জ্ঞাপিতম্, অতঃ সঞ্চিতদোষোঽপি স্বস্থ ইতি|

সর্বাঙ্গসুন্দরী ব্যাখ্যা ( কৃত)

স০-দোষাঃ-বাতাদযঃ, লঙ্ঘনপাচনৈর্জিতাঃ-প্রকৃতিং প্রাপিতাঃ সন্তঃ, কদাচিত্-কস্মিন্নপি কালে, কুপ্যন্তি| যে পুনঃ সংশোধনৈঃ শুদ্ধাস্তেষাং ন পুনরুদ্ভবঃ-উত্থানং ন ভবতি|

আযুর্বেদরসাযনম্ ব্যাখ্যা ( কৃত)

আ০ র০-শমনাচ্ছোধনস্য প্রাধান্যমাহ-দোষাঃ কদাচিদিতি| লঙ্ঘনমত্রোপবাসঃ, পাচনস্য পৃথগুপাদানাত্| সপ্তসু শমনেষু দ্বযোর্গ্রহণং প্রধানত্বাত্ প্রধানাদ্ধি প্রাধান্যমুক্তমপ্রধানাত্সুতরাং লভ্যতে| ইতি শোধনমুক্তম্|

সর্বাঙ্গসুন্দরী ব্যাখ্যা ( কৃত)

স০- কালবিত্-বৈদ্যঃ, অতঃ-সংশোধনাদূর্ধ্বং রসাযনানি প্রযোজযেত্| কালশব্দো দেশবলশরীরাহারসাত্ম্যসত্ত্বপ্রকৃতীনামুপলক্ষণার্থঃ| ন হি কালমাত্রবিত্ রসাযনপ্রযোগং সম্যগ্বিধা পযিতুং শক্তঃ| কিম্ভূতানি রসাযনানি ? সিদ্ধানি,-বহুশো দৃষ্টপ্রত্যযানি ব্রাহ্মবাসিষ্ঠাদীনি| কথং যোজযেত্ ? ইত্যাহ-যথা-ক্রমমিতি| যথাক্রমং যথাযোগমিত্যনেন রসাযনবাজীকরণোক্তং স্মারযতি| তত্রৈষ রসাযনক্রমঃ (হৃ. উ. অ. ৩৯/১১)- "হরীতকীমামলকং সৈন্ধবং নাগরং বচাম্|" ইত্যারভ্য যাবত্ "ইত্থং সংস্কৃতকোষ্ঠস্য রসাযনমুপাহরেত্|" ইতি| এতদুক্তং ভবতি| যদ্যপ্যেবং বমনবিরেচনাস্থাপনানুবাসননাবনৈঃ পঞ্চভিরপি কর্মভিঃ সংস্কৃতোর্ধ্বাধঃসকলকাযঃ, তথাপ্যেষ রসাযনিকো ভূযঃ শরীরসংস্কারঃ করণীযঃ| তস্য তত্পূর্বকত্বাত্| অত এব সংশুদ্ধদেহোঽযমিতি কৃত্বা ত্রিবৃদ্দন্ত্যাদীনতিবিরেচনাত্মকান্নোপদিশতি| তথা বাজীকরণেঽপ্যাহ (হৃ. উ. অ. ৪০/৭)- "অথ স্নিগ্ধ বিশুদ্ধানাং নিরুহান্ সানুবাসনান্| ঘৃততৈলরসক্ষীরশর্করাক্ষৌদ্রসংযুতান্|| যোগবিদ্যোজযেত্পূর্বং ক্ষীরমাংসরসাশিনাম্| ততো বাজীকরান্ যোগান্" ইতি| তথা, যথাযোগং-যো যস্য যুজ্যতে , দাতুমিত্যর্থঃ| যথা-ইদং রসাযনং বাতপ্রকৃতের্যোগ্যমিদং পিত্তপ্রকৃতেরিদং শ্লেষ্মপ্রকৃতেরিত্যাদি| তথাঽমুষ্মিন্ দেশেঽমুষ্মিন্ কালে বাঽমুষ্মিন্ বযস্যমুষ্মিন্ দেহে রসাযনং যোগ্যমিদমিতি যথা যোগার্থঃ| এবং বৃষ্যযোগেঽপি যোজ্যম্| অত্র চ রসাযনানি বাতাতপিকানি যোজযেত্, ন কুটীপ্রবেশিকানি| স্বস্থবৃত্তাধিকারত্বাত্ তদ্বিধানস্য|

আযুর্বেদরসাযনম্ ব্যাখ্যা ( কৃত)

আ০ র০-অথ বৃংহণম্| তত্ত্রিবিধম্,-রসাযনং বাজীকরণমাহারাদিপ্রযোগশ্চ| তত্র শুদ্ধস্য রসাযনবাজীকরণে বিধত্তে-যথাক্রমমিতি| যথাক্রমং-স্বস্ববিধ্যুক্তক্রমানতি ক্রমেণ| যথাযোগং-প্রকৃত্যাদিযোগ্যতানতিক্রমেণ| সিদ্ধানি বহুশো দৃষ্টফলানি| কালবিত্-অবস্থাবিজ্ঞাতা| রসাযনানন্তরং বৃষ্যযোগাংশ্চ-বাজীকরণোক্তান্ যোজযেত্|

সর্বাঙ্গসুন্দরী ব্যাখ্যা ( কৃত)

স০-ভেষজেন ক্ষপিতে-নরে শোধনকার্ষতে সতি, আহারৈঃ-ভোজ্যৈর্বৃংহণং পথ্যং-হিতং, ক্রমাত্-ন সহসৈব| কৈরাহারৈঃ ? ইত্যাহ-শাল্যাদিভিঃ| কিম্ভূতৈঃ ? হৃদ্যানি চ তানি দীপনানি ভৈষজ্যানি-ঔষধানি চ শুণ্ঠীপিপ্পল্যার্দ্রকত্বগেলাদীনি, তৈঃ সংযোগো-মিশ্রতা, তস্মাত্ হৃদ্যদীপনভৈষজ্যসংযোগাত্, রুচিপক্তী দদতি-অভিলাষপাকাবুত্পাদযন্তি যে শাল্যাদযস্তৈ রুচিপক্তিদৈরাহারৈর্বৃংহণং ভেষজক্ষপিতে পথ্যম্| কিম্ভূতৈরাহারৈঃ ? সাভ্যঙ্গেত্যাদি| সহাভ্যঙ্গদিভির্বর্তন্ত ইতি সাভ্যঙ্গাদয আহারাস্তৈঃ, আহারৈরভ্যঙ্গাদিভিশ্চেত্যর্থঃ| স্নেহবস্তিঃ-অনুবাসনম্|

আযুর্বেদরসাযনম্ ব্যাখ্যা ( কৃত)

আ০ র০-শোধনক্ষীণস্য বৃংহণং বিধত্তে-ভেষজক্ষপিত ইতি| ভেষজেন-প্রকৃতত্বাচ্ছোধনেন, অতিসংচযনির্হরণাদতিযোগাদ্বা ক্ষপিতঃ-কর্শিতঃ, তস্মিন্, আহারৈঃ-ভোজ্যৈঃ, বৃংহণং পথ্যং-হিতম্| যস্তু শোধনেনাক্ষপিতঃ, তস্য রসাযনাদ্যৈর্বৃংহণং কর্তব্যমিত্যর্থঃ| ক্রমাত্-বলানলাদ্যনুসারেণ| হৃদ্যানাং ভৈষজ্যানাং সংযোগাদ্রুচিদৈঃ, দীপনানাং পক্তিদৈঃ| স্নেহবস্তিঃ-অনুবাসনম্| নিরুহানুবাসনাবত্র বৃংহণৌ গ্রাহ্যৌ| শোধনেঽতিবাচ্যে ভেষজগ্রহণং সর্বত্র লঙ্ঘনপাচনাদিভেষজক্ষপিতস্যাপ্যেতদ্বৃংহণপ্রাপ্ত্যর্থম্|

সর্বাঙ্গসুন্দরী ব্যাখ্যা ( কৃত)

স০-তথা-তেন প্রকারেণ পূর্বং শোধনং ততো বৃংহণং ততো রসাযনপ্রযোগ ইত্যেবংরূপেণ, সঃ-শোধনাদিসেবী পুরুষঃ, শর্ম-স্বাস্থ্যং, লভতে| তথা সর্বেত্যাদি| সর্বে চ তে পাবকাশ্চ সর্বপাবকাঃ, তেষাং পাটবং-শক্তিং লভতে| তত্র (হৃ. শা. অ. ৩/৫৯)-"ভৌমাপ্যাগ্নেযবাযব্যাঃ পঞ্চোষ্মাণঃ সনাভসাঃ" ইতি পঞ্চ মহাভূতাগ্নযঃ, সপ্ত ধাত্বগ্নযঃ, ত্রযোদশো জাঠরাগ্নিরিতি| ধীবর্ণেত্যাদি| ধীবর্ণযোশ্চক্ষুরাদীন্দ্রিযাণাং চ বৈমল্যং লভতে| তথা, বৃষতাং-স্ত্রীগমনসামর্থ্যং লভতে| তথা, দৈর্ধ্যমাযুষঃ-জীবিতস্যাধিক্যং লভতে|

আযুর্বেদরসাযনম্ ব্যাখ্যা ( কৃত)

আ০ র০-শোধনাদিপ্রযোগস্য ফলমাহ-তথা স ইতি| শর্ম-সুখম্| সর্বপাবকাঃ-জাঠরাগ্নিভূতাগ্নিধাত্বগ্নযঃ| বৃষতাং-সম্ভোগক্ষমত্বম্| ইতি বৃংহণপ্রকরণম্|

সর্বাঙ্গসুন্দরী ব্যাখ্যা ( কৃত)

স০-ভূতানি চ বিষং চ বাযুশ্চাগ্নিশ্চ ক্ষতং চ ভঙ্গশ্চেতি দ্বন্দ্বঃ| ত আদির্যেষামাগন্তুকরোগহেতূনাং ত এবম্, তেভ্যঃ সম্ভবো যেষামাগন্তুকগদানাং জ্বরাদীনাং তে ভূতাদিসম্ভবা আগন্তবো রোগাঃ স্যুঃ| আগন্তুহেতুপ্রভবত্বাদাগন্তবো গদা উচ্যন্ত ইত্যর্থঃ| ন কেবলমেত এব গদাঃ, কিন্তু রাগদ্বেষভযাদ্যাশ্চাগন্তবো গদাঃ স্যুঃ|

আযুর্বেদরসাযনম্ ব্যাখ্যা ( কৃত)

আ০ র০-অথ ভূতাদ্যস্পর্শনম্| তত্র ভূতাদীনাং রোগহেতুত্বমাহ-যে ভূতেতি| ভূতো-গ্রহঃ| বাযুঃ-জঞ্ঝামারুতাদিঃ| ক্ষতং-শস্ত্রক্ষতম্| ভঙ্গঃ-স্খলনাদিহেতুকো গাত্রভঙ্গঃ| আদিশব্দাত্ শ্রমাদযঃ| আদ্যশব্দাত্ শোকাদযঃ|

সর্বাঙ্গসুন্দরী ব্যাখ্যা ( কৃত)

স০-প্রজ্ঞাযা অপরাধাঃ-অসাধ্বাচরণানি, তেষাং ত্যাগঃ| তথা, ইন্দ্রিযাণাং-চক্ষুরাদীনামুপশমো-রূপদিবিষযেঽতিপ্রবৃত্তানাং সংযমনম্, অশুভরূপে বা বিষযে প্রবৃত্তানাং সংযমনম্, অলোলুপতেত্যর্থঃ| তথা, স্মৃতিঃ-অতীতার্থাদিস্মরণম্| দেশেত্যাদি| তথা, দেশাদীনাং বিজ্ঞানম্| দেশো-জাঙ্গলাদিঃ, কালঃ-শীতাদিঃ, আত্মা চ-বাতপ্রকৃত্যাদিঃ, এষাং বিজ্ঞানং-অববোধঃ| তথা চ, সতাং বৃত্তং-চরিতং সদ্বৃত্তম্, তস্যানুবর্তনং-অনুষ্ঠানম্| নিজানামাগন্তূনাং চ বিকারাণামনুত্পত্ত্যৈ-রোগাণামনুত্পাদনায, সমাসেন-সঙ্ক্ষেপেণ, বিধিরেষঃ-ত্যাগঃ প্রজ্ঞাপরাধানামিত্যাদি সদ্বৃত্তস্যানুবর্তনমিত্যেবমন্তঃ, প্রদর্শিতঃ-সম্যগুক্তঃ| উত্পন্নানামিত্যাদি| চ সমুচ্চযে| ন কেবলং নিজাগন্তূনাং রোগাণামনুত্পত্ত্যৈ বিধিরেষঃ প্রোক্তঃ, যাবদুত্পন্নানাং-জাতানাং চ, শান্তযে বিধিঃ প্রোক্তঃ|

আযুর্বেদরসাযনম্ ব্যাখ্যা ( কৃত)

আ০ র০-ভূতাদ্যস্পর্শনোপাযমাহ-ত্যাগ ইতি, দেশেতি, অথর্ববিহিতেতি| "কাযবাঙ্মানোভেদেন ত্রিবিধমপ্যহিতং কর্মপ্রজ্ঞাপরাধঃ" ইত্যুক্তং সঙ্গ্রহে (সূ.অ.২২)| তেষাং ত্যাগো ত্রজনম্| স্মৃতিঃ-নক্তংদিনানি মে যান্তীত্যুক্তা| গ্রহাঃ-সূর্যাদযঃ| প্রজ্ঞাপরাধত্যাগাদির্ভূতাদীনাং-আগন্তূনাং হেতূ নাম্, অস্পর্শনে অসম্বন্ধে, উপাযঃ| তথা, পৃথক্ পৃথক্ ভূতপ্রাতষেধাদৌ যো নির্দিষ্টঃ সোঽপ্যুপাযঃ| "অথর্ববিহিতা শান্তিঃ" ইত্যাদ্যমমুং শ্লোকং কেচিদত্র ন পঠন্তি| তদসত্, পূর্বশ্লোকস্যানন্বিতত্ত্বাপত্তেঃ| অধ্যাযার্থমুপসংহরতি-অনুত্পত্ত্যা ইতি| এষঃ-বেগধারণনিষেধাদিঃ| সমাসেনেতি রোগাণামনুত্পত্তিহেতুত্বেন উত্পন্নশান্তিত্বেন চ কার্ত্স্ন্যেন বক্তুমশক্যত্বাত্ ইত্যেবংপরম্| ন ত্বত্র সমাস উত্তরত্র তন্ত্রান্তরে বা ব্যাস ইত্যেবংপরম্, বিস্তরপ্রস্তাবাত্| নন্বেবং চেত্ পূর্বযোরধ্যাযযোরনারম্ভঃ, ন হি নিজাগন্তুভ্যোঽন্যে রোগাঃ সন্তি, যদর্থং তদারম্ভঃ| মৈবম্| বিষযভেদাত্| কালার্থকর্মণাং হি রোগহেতুত্বম্| তত্র কর্মহেতবো রোগানুত্পাদনীযস্য বিষযঃ, কালহেতব ঋতুচর্যাযাঃ, অর্থহেতবো দিনচর্যাযাঃ|

সর্বাঙ্গসুন্দরী ব্যাখ্যা ( কৃত)

স০-শীতশব্দেন হেমন্তশিশিরাখ্যাবৃতূ দ্বাবপি গৃহ্যেতে| তত্রোদ্ভবো-জন্ম যস্য দোষচযস্যাসৌ শীতোদ্ভবো দোষচযঃ| তং বসন্তে বিশোধযন্-নির্হরন্, গ্রীষ্মজমভ্রকালে-বর্ষাকালে দোষচযং বিশোধযন্, তথা বার্ষিকং ঘনাত্যযে-শরদি দোষচযং বিশোধযন্, আশু-যথোক্তং কালমনুল্লঙ্ঘযন্, সম্যক্-যথাবত্, ত্রিবিধমপি দোষচযং বিশোধযন্নৃতুজান্ রোগান্ ন জাতু-কদাচিত্, প্রাপ্নোতি-আসাদযতি| বসন্তে বিশোধযন্নিত্যত্র বসন্তপ্রারম্ভ এব চৈত্রে মাসি বিশোধযন্নিতি বোধ্যম্, প্রত্যবাযভযাত্| তথা হি ঋতুদ্বযসঞ্চিতস্য দোষচযস্য চৈত্রে বিশোধনমক্রিযমাণং রোগানীকং কুর্যাত্| ঘনাত্যযে বার্ষিকমিত্যত্রাত্যন্তঘনবিনাশে শরত্পশ্চিমে ভাগে বিশোধযেদিতি বোধ্যম্| বার্ষিকো হি দোষচয একর্তুজ এব| তস্মাদ্বিশ্রব্ধং কৃত্বা সাধারণে কার্তিকে মাসি স বিশোধযিতুং যুক্তঃ| অপি চাগ্রে হেমন্তশিশিরকালজো দোষচযো বসন্তে শোধযিতব্যঃ| তস্মাদাশ্বযুজে মাসি বার্ষিকো দোষচযো যদি বিশোধ্যেত তদানীমতিতরাং বহুরগ্রে দোষচযঃ স্যাত্, কালস্য বহুত্বাত্| গ্রীষ্মজমভ্রকাল ইত্যত্র কালগ্রহণেন বর্ষাপ্রারম্ভমাত্র এবেতি বোধ্যম্| তথা চ শাস্ত্রকারো বক্ষ্যতি (হৃ. সূ. অ. ১৩/৩৩)- "শ্রাবণে কার্তিকে চৈত্রে মাসি সাধারণে ক্রমাত্| গ্রীষ্মবর্ষাহিমচিতান্বায্বাদীনাশু নির্হরেত্||" ইতি|

আযুর্বেদরসাযনম্ ব্যাখ্যা ( কৃত)

আ০ র০-তত্র ঋতুচর্যাযাঃ কালহেতুবিষযত্বং দর্শযতিশীতোদ্ভবমিতি| বসন্তাভ্রকালঘনাত্যযশব্দৈস্তদবযবাশ্চৈত্রশ্রাবণকার্তিকা লক্ষ্যন্তে| বক্ষ্যতি হি (হৃ.সূ.অ.১৩/৩৩)-"শ্রাবণে কার্তিকে চৈত্রে মাসি সাধারণে ক্রমাত্| গ্রীষ্মবর্ষাহিমচিতান্ বায্বাদীনাশু নির্হরেত্||" ইতি|

সর্বাঙ্গসুন্দরী ব্যাখ্যা ( কৃত)

স০-নিত্যং-সদৈব, হিতাহারবিহারৌ সেবতে তচ্ছীলো যঃ স এবম্ভূতো নরঃ| তথা, সমীক্ষ্যকারী-বিমৃশ্যবিধাযী, ইদং কৃত্বেদং সম্পদ্যতে, এবং চ কৃত্বৈতত্সম্পদ্যতে, এবং বুদ্ধ্বা শুভং করোত্যশুভং বর্জযতি| তথা, বিষযেষু-শব্দাদিষু, অসক্তঃ-অলোলুপঃ| তথা, দাতা-ত্যাগবান্| তথা, সমঃ-সর্বেষু ভূতেষু সমচিত্তঃ| তথা, সত্যপরঃ-অবিতথবাক্| তথা, ক্ষমাবান্-যঃ শক্তোঽপি কৃতাপরাধং দণ্ডেনানুরূপেণ ন যোজযতি| তথা, আপ্তানুপসেবতে তচ্ছীলো যঃ স আপ্তোপসেবী চারোগো ভবতি| ন কেবলং প্রাক্তনবিধ্যনুষ্ঠানেনারোগঃ সম্পদ্যতে, যাবদাপ্তোপসেবী চেতি চশব্দার্থঃ| "যেষাং ত্রিকালমমলং জ্ঞানমব্যাহতং সদা| আপ্তাঃ শিষ্টা বিবুদ্ধাস্তে তেষাং বাক্যমসংশযম্||" ইতি (চরকে সূ. অ. ১১/৯৮) আপ্তলক্ষণমিতি| উপজাতিবৃত্তে| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গ- হৃদযটীকাযাং সর্বাঙ্গসুন্দরাখ্যাযাং সূত্রস্থানে চতুর্থোঽধ্যাযঃ সমাপ্তঃ|| ৪||

আযুর্বেদরসাযনম্ ব্যাখ্যা ( কৃত)

আ০ র০-দিনচর্যাযা অর্থহেতুবিষযত্বং দর্শযতি-নিত্যমিতি| বিষযেষ্বসক্তঃ পুমানরোগো ভবতি-অসাত্ম্যেন্দ্রিযার্থসংযোগজান্ রোগান্ন প্রাপ্নোতি, যো হি নিত্যং হিতাবেবাহারবিহারৌ সেবতে, সমীক্ষ্য কার্যং করোতি, পাত্রেভ্যো দদাতি, সর্বেষু সাম্যেন বর্ততে, সত্যং ভাষতে, ক্রোধহেতাবপি ন ক্রুধ্যতি, আপ্তাংশ্চ গুর্বাদীনুপসেবত ইতি| উক্তং চ দিনচর্যাযাম্ (হৃ. সূ. অ. ২/২৯)- "ন পীডযেদিন্দ্রিযাণী ন চৈতান্যতিলালযেত্" ইত্যাদি| সঙ্গ্রহে তু (সূ.অ. ৫)-"অর্থেষ্বলভ্যেষ্বকৃতপ্রযত্নং কৃতাদরং নিত্যমুপাযবত্সু| জিতেন্দ্রিযং নানুপতন্তি রোগাস্তত্কালযুক্তং যদি নাস্তি দবম্|| কালোঽনুকূলো বিষযা মনোজ্ঞা ধর্ম্যাঃ ক্রিযাঃ কর্ম সুখানুবন্ধি| সত্ত্বং বিধেযং বিশদা চ বুদ্ধির্ভবন্তি ধীরস্য সদা সুখায||" ইতি| ইতি হেমাদ্রিটীকাযামাযুর্বেদরসাযনে| রোগানুত্পাদনাধ্যাযঃ সামস্ত্যেন নিরূপিতঃ|| ৪||