৩০. ক্ষারাগ্নিকর্মবিধিরধ্যাযঃ

সর্বাঙ্গসুন্দরী ব্যাখ্যা ( কৃত)

অতোঽনন্তরং ক্ষারাগ্নিকর্মবিধিরারভ্যতে| যথৈব হি শস্ত্রেণ পাটনাদীনি কৃত্বা তত্সাধ্য আময উপক্রম্যতে, তথৈব ক্ষারাগ্নিভ্যামিত্যাহ-

সর্বাঙ্গসুন্দরী ব্যাখ্যা ( কৃত)

সং-ক্ষারশ্চাগ্নিশ্চ ক্ষারাগ্নী, তযোঃ কর্ম ক্ষারাগ্নিকর্ম, তস্য বিধিঃ| শেষং পূর্ববত্| ক্ষারস্য বাহ্যাভ্যন্তরোপযোগিত্বেন পূর্বমুপন্যাসঃ|

আযুর্বেদরসাযনম্ ব্যাখ্যা ( কৃত)

আ রং-ক্ষারগ্নিকর্মবিধিমধ্যাযং ব্যাখ্যাতুং প্রতিজানীতে-অথেতি|

সর্বাঙ্গসুন্দরী ব্যাখ্যা ( কৃত)

স ০ -সর্বাণি চ তানি শস্ত্রাণ্যনুশস্ত্রাণি চ তান্যেবম্, তেষাং সর্বশস্ত্রানুশস্ত্রাণাং মধ্যে ক্ষারঃ শ্রেষ্ঠো জ্যাযান্| কুতোঽস্য শ্রেষ্ঠতা ? ইত্যাহ-যত্-যস্মাত্, বহূনি ছেদ্যভেদ্যাদীনি কর্মাণ্যসৌ করোতি| আদিশব্দেন লেখনপাটনাদিপরিগ্রহঃ| বিষমেষ্বপি-দেহদেশেষু| দুঃখাবচার্যশস্ত্রেষু-নাসার্শোর্বুদাদিষু, দুঃখেনাবচারযিতুং শক্যং শস্ত্রং যেষু তেষু| অপিশব্দাত্ সমেষ্বপি দেহদেশেষু যুজ্যতে| তেন চ-শস্ত্রেণ চ, সিদ্ধিমযাত্সু-অসিধ্যত্সু দুষ্টব্রণেষু বহুশঃ প্রকোপিষু| কিম্ভূতেষু ? অতিকৃচ্ছ্রেষু-অতিদুঃখসাধ্যেষু দুষ্টব্রণাদিষু| চশব্দাদন্যেষ্বপি রোগোষ্বসৌ ক্ষারৌ যুজ্যতে-যোগ্যঃ সম্পদ্যতে, ততোঽপি হেতোঃ ক্ষারঃ শ্রেষ্ঠঃ| যচ্চেতি| যস্মাচ্চ ক্ষারঃ পানবিষযেঽপি যুজ্যতে শরীরান্তঃস্থিতরোগশান্ত্যৈ| অপিশব্দাদ্বাহ্যেঽপি বাহ্যস্থিতরোগশান্ত্যৈ লেপে স যুজ্যতে|

আযুর্বেদরসাযনম্ ব্যাখ্যা ( কৃত)

আ রং-তত্রাদী ক্ষারকর্মবিধিঃ| তত্র ক্ষারপ্রশংসামাহ-সর্বশস্ত্রানুশস্ত্রাণামিতি| সঙ্গ্রহে তু (সূ. অ. ৩৯)-"ক্ষারো হি নানৌষধিসমবাযনির্বৃতেঃ সর্বরসাধিষ্ঠানং, কটুকলবণরসভূযিষ্ঠস্তীক্ষ্ণো দহনঃ পাচনোঽবদারণো বিলযনঃ শোধনো রোপণঃ কৃম্যামমেদোবিষাপহঃ সর্বশস্ত্রানুশস্ত্রাণাং চ বরিষ্ঠঃ, ছেদনভেদনপাটনলেখনকরণাত্| যতঃ সম্বাধাবকাশজেশু দুঃখাবচারণীযশস্ত্রেষু নাসার্শোবুদাদিষু শস্ত্রেণ চাসিধ্যত্সু দুষ্টব্রণেষু বহুশঃ প্রকোপিষু প্রযুজ্যতে| স দ্বিধা বাহ্যান্তঃপরিমার্জনভেদেন|" ইতি|

সর্বাঙ্গসুন্দরী ব্যাখ্যা ( কৃত)

স০-সঃ-ক্ষারঃ, অর্শঃসু বিষযে পেযঃ| তথাঽগ্নিসাদে, তথাশ্মর্যাং, গুল্মাদিষু চ| আদিগ্রহণাদানাহশূলাদিষু চ|

আযুর্বেদরসাযনম্ ব্যাখ্যা ( কৃত)

আ০ র০-অন্তঃপরিমার্জনস্য বিষযমাহ-স পেয ইতি| সঙ্গ্রহে তু (সূ.অ.৩৯)-"স যথাস্বমেবোপদেক্ষ্যতে|" ইতি|

সর্বাঙ্গসুন্দরী ব্যাখ্যা ( কৃত)

সং-স ক্ষারো যোজ্যঃ সাক্ষাত্-লেপনেন, মষাদিষু| আদিগ্রহণাত্ চর্মকীলবর্ত্মতিলকাদিপরিগ্রহঃ|

আযুর্বেদরসাযনম্ ব্যাখ্যা ( কৃত)

আ রং-বহিঃপরিমার্জনস্য বিষযমাহ-যোজ্য ইতি|

সর্বাঙ্গসুন্দরী ব্যাখ্যা ( কৃত)

সং-পানলেপনভেদেন দ্বিধোঽপি ক্ষারঃ পিত্তাদৌ ন যোক্তব্যঃ| চলে-বাতে| অবলে-প্রাণাহীনে| { জ্বরে, অতিসারে, হৃদ্রোগে, মূর্ধরোগে, পাণ্ড্বামযে-পাণ্ডুরোগে, অরুচৌ-অরোচকে, কৃতসংশুদ্ধৌ-কৃতবমনবিরেকে, শ্বযথৌ সর্বগাত্রগে-সর্বাঙ্গে শূনে, তথা ভীরৌ, গর্ভিণ্যাম্, ঋতুমত্যাম্, } প্রোদ্বৃত্তফলযোনিঃ-বক্ষ্যমাণা উত্তরতন্ত্রে গুহ্যরোগবিজ্ঞানে| প্রকর্ষেণোদ্বৃত্তং ফলং-রজোরূপং, যস্যা যোনেঃ সা প্রোদ্বৃত্তফলযোনিঃ| রজ এব ফলং গর্ভাখ্যফলসাধনোপাযত্বাত্| প্রোদ্বৃত্তফলযোনের্লক্ষণমুক্তম্, যথা (হৃ. উ. অ. ৩৩|৩৩)-"বেগোদাবর্তনাদ্যোনিং প্রপীডযতি মারুতঃ| সা ফেনিলং রজঃ কৃচ্ছ্রাদুদাবৃত্তং বিমুঞ্চতি|| ইযং ব্যাপদুদাবৃত্তা" ইত্যাদি| তথা শিশৌ-বালে, বৃদ্ধে-গতবযসি| তথা ধমন্যাদিষু শরীরদেশেষু, দেশেঽল্পমাংসে-খল্পপিশিতে| তথা, বৃষণাদিষু শরীরদেশেষু| তথা, অক্ষ্ণোঃ-নেত্রযোঃ বর্ত্মরোগং বর্জযিত্বাঽন্যত্র ক্ষারো ন প্রযোজ্যঃ| বর্ত্মরোগে তু ক্ষারো যোজ্য এব| শীতবর্ষোষ্ণা ইতি হেমন্তশিশিরপ্রাবৃড্গ্রীষ্মাঃ, দুর্দিনং-মেঘাদ্যাকুলদিবসম্, এষু ক্ষারো ন যোজ্যঃ|

আযুর্বেদরসাযনম্ ব্যাখ্যা ( কৃত)

আ রং-দ্বযোরপি ক্ষারযোর্নিষেধমাহ-ন ত্বিতি| চলৈবাতে| অবলে-দুর্বলে| প্রোদ্দৃত্তা-সংস্থানবিপর্যযং প্রাপ্তা, ফলযোনিঃ-গর্ভাশযো, যস্যাঃ সা তথা| তরুণাস্থি-নাসাদ্যস্থি|

সর্বাঙ্গসুন্দরী ব্যাখ্যা ( কৃত)

সং-কালমুষ্ককো-মোক্ষঃ| অশ্বকর্ণঃ-কুশিকঃ| মহাবৃক্ষঃ-স্নুহী| আস্ফোতো-গিরিকর্ণিকা| বৃক্ষকো-নন্দীবৃক্ষঃ| ইন্দ্রবৃক্ষঃ-কুটজঃ| পূতীকঃ-পূতীকরঞ্জঃ| নক্তমালঃ-করঞ্জঃ| অশ্বমারঃ-করবীরঃ| কালমুষ্ককাদীন্ মূলাদিসহিতান্ খণ্ডং খণ্ডং কল্পিতান্-পরশ্বাদিনা ছিন্নান্| তথা কোশাতকীশ্চতস্রো, যবস্য চ শূকং নালং-যবস্য শূকো নালোঽবযবো ভবতি, তাংশ্চ নিবাতে দেশে শিলাতলে-শিলাপৃষ্ঠে, পৃথক্ মুষ্ককাদীন্নিচযীকৃত্য, মুষ্ককচযে চ সুধাশ্মানি-সুধাশর্করাঃ, প্রক্ষিপ্য দীপযেত্-জ্বালযেত্| কৈঃ ? তিলানাং কুতলৈঃ-কাণ্ডৈঃ| সুধাশ্মানি চেতি নপুংসকত্বং চিন্ত্যম্| পৃথগ্দীপনে চৈষামচিন্ত্যপ্রভাবঃ| এবং তানি দগ্ধ্বাঽনন্তরমগ্নৌ বিগতে সুধাশ্মনাং ভস্ম দ্রোণং পৃথক্কৃত্বা-ব্যস্তং সংস্থাপ্য, ইতরভস্মনঃ-শম্যাকাদিদ্রব্যভস্মনো, দ্রোণমাদায-গৃহীত্বা| কিম্ভূতং দ্রোণম্ ? মুষ্কক উত্তরঃ-অধিকো, যস্য তমাদায, জলমূত্রযোঃ প্রত্যেকমর্ধভারেণ তত্-ভস্ম, গালযেত্| কথং গালযেত্ ? মহতা-বিস্তীর্ণেন, বাসসা| কিযন্তং কালম্ ? যাবত্ ক্ষারনিষ্যন্দঃ-ক্ষারস্রাবঃ, পিচ্ছিলরক্তাচ্ছস্তথা তীক্ষ্ণো জাতঃ-সম্পন্নঃ, তদা-তস্মিম্কালে, তং-ক্ষারনিষ্যন্দং, গৃহীত্বা লৌহ্যাং স্নেহপাকবিধিনা পচেত্| কিং কুর্বন্ ? দর্ব্যা-খজকসংজ্ঞযা, বিঘট্টযন্-আলোডযন্| ততঃ-অনন্তরং, তস্মিন্-ক্ষারনিষ্যন্দে, পচ্যমানে তাঃ-প্রাক্ স্থাপিতাঃ সুধাভস্মশর্করাঃ, { যা মুষ্ককমধ্যে প্রক্ষিপ্য দত্তাঃ,} তথা শুক্তীঃ-প্রাণিবিশেষাস্থীনি, তথা ক্ষীরপকং-প্রলেপকং (?) খটিকাসংজ্ঞম্, তথা শঙ্খনাভীশ্চাগ্নিবর্ণান্ কৃত্বা, ক্ষারোত্থে-ক্ষারনিষ্যন্দে, কুডবোন্মিতে-পলাষ্টকপরিমাণে ক্বথিতক্ষারোত্থে, আযসভাজনে- তীক্ষ্ণলোহপাত্রগতে, বহুশঃ-বহূন্ বারান্, নির্বাপ্য-শীতীকৃত্য, তেনৈব-ক্ষারনিষ্যন্দেন, দৃষদি পিষ্ট্বা তস্মিন্পচ্যমানে ক্ষারনিষ্যন্দে, প্রতীবাপং বিনিক্ষিপেত্| দ্রবদ্রব্যে দ্রব্যান্তরং শ্লক্ষ্ণপিষ্টং দীযতে স প্রতীবাপ উচ্যতে| ন চ কেবলমেষ এব প্রতীবাপত্বেন ক্ষেপ্তব্যো যাবত্ দক্ষাদীনামপি শকৃত্ শ্লক্ষ্ণং কৃত্বা বিনিক্ষিপেত্| দক্ষঃ-কুক্কুটঃ| (শিখী-মযূরঃ| গৃধ্রঃ-শ্যেনঃ| কঙ্ককপোতকৌ-পক্ষিণৌ| } তথা চতুষ্পদাং-গবাদীনাং, তথা পক্ষিণাং পিত্তং, তথা হরিতালমনোহ্বালবণানি চ { অলং-হরিতালম্| মনোহ্বা-মনঃশিলা| লবণং-সৈন্ধবাদি| এতানি } শ্লক্ষ্ণানি কৃত্বা প্রতীবাপং বিনিক্ষিপেত্| অতঃ-প্রতীবাপাদনন্তরং, পরিতঃ-সমন্তাত্, দর্ব্যা তমবঘট্টযেত্| সবাষ্পৈরিত্যাদি| যদা-যস্মিন্ কালে, স ক্ষারনিষ্যন্দঃ সবাষ্পৈঃ-সোষ্মভিঃ, বুদ্বুদৈর্ঘনো লেহ ইবোত্তিষ্ঠেত্-উদ্গচ্ছেত্, যদা {সান্দ্রতযা পচ্যমানঃ সন্ লেহতুল্যো } দর্বীপ্রলেপী স্যাদিত্যর্থঃ| তদা-তস্মিন্ কালে অযোমযে-লোহভাণ্ডে, স্থিতো যবরাশৌ স্থাপ্যঃ| কিং কৃত্বা ? অবতার্য চুল্লীতঃ, তথা শীতঃ সন্| অযং মধ্যমঃ ক্ষারঃ|

আযুর্বেদরসাযনম্ ব্যাখ্যা ( কৃত)

আ রং-বহিঃপরিমার্জনস্য দহনবিধিমাহ-কালমুষ্ককেতি| সঙ্গ্রহে তু (সূ. অ. ৩৯)-"অথ বহিঃপরিমার্জনস্ত্রিবিধো মধ্যো মৃদুস্তীক্ষ্ণশ্চ| তস্য পাকবিধিঃ| শরদি শুচিরুপোষিতঃ শুক্লবাসাঃ প্রশস্তেঽহনি প্রশস্তপ্রদেশজাতং মধ্যবযসমনুপহতং মহান্তং কালমুষ্ককং সুরাপললসুমনোক্ষতাদিভিশ্চতুর্দিশং বলিং দত্ত্বা প্রদক্ষিণং চাম্যর্চ্যৈনমধিবাসযেত্| দৈবতেভ্যো নমস্তেভ্যো নিবসন্তীহ যে শ্রিতাঃ| গন্তুমর্হন্ত্যসংক্রুদ্ধাস্ত্যক্ত্বেমং বা সমর্পযন্|| ভেষজার্থে গ্রহীষ্যামি সর্বপ্রাণভৃতামিমম| বৃক্ষং ন লোভান্ন ক্রোধাদ্ ব্রাহ্মণার্থে বিশেষতঃ|| ইতি| অথাপরেদ্যুস্তত্র যদ্যদ্ভুতং বৈকৃতং বা কিঞ্চিন্ন পশ্যেত্ ততো যুগমাত্রমারুঢে সবিতরি ব্রাহ্মণান্ বাচযিত্বা তং পাদপং পূর্বাগ্রমুত্তরাগ্রং বা পাতযেত্| এবং চ পারিভদ্রকাদিষু|" ইতি| কালমুষ্ককঃ-কৃষ্ণো মোক্ষকঃ| মহাবৃক্ষঃ-স্নুহী| আস্ফোতঃ-কোবিদারঃ| বৃক্ষকঃ-কুটজঃ| ইন্দ্রবৃক্ষঃ-অর্জুনঃ| পরিকল্পিতান্-ছিন্নান্| চতস্রঃ কোশাতকীঃ-ক্ষ্বেডো ধামার্গবঃ পটোলী দেবদালী চ| নিচযীকৃত্য-পুঞ্জীকৃত্য| পৃথক্-প্রত্যেকম্| তেষু পুঞ্জেষু মধ্যে যঃ কালমুষ্ককপুঞ্জস্তত্র সুধাশ্মানি প্রক্ষিপেত্| সুধা-প্রাসাদাদিধবলীকরণং দ্রব্যম্, তত্ যেভ্যো দগ্ধেভ্যো জাযতে তানি সুধাশ্মানি| ততঃসর্বান্ পুঞ্জান্ তিলানাং কুতলৈর্দীপযেত্| সমূলনালঃ শুষ্কতিলঃ-কুতলম্| দীপনং-বহ্নিনা প্রজ্বালনম্| গালনবিধিমাহ-দগ্ধ্বেতি| দগ্ধ্বা-ভস্মীকৃত্য| অগ্নৌ বিগতে-শান্তে সতি| সুধাশ্মনাং ভস্ম পৃথক্কৃত্বা, ইতরদ্রব্যভস্মান উত্তরং-সপাদতাং নীতম্,- শম্যাকাদীনাং সমানাং চত্বার আঢকাঃ, মুষ্ককস্যৈক আঢক ইত্যর্থঃ| জলস্যার্ধভারো মুত্রস্যার্ধভার ইত্যুভযোর্ভারেণালোড্য মহতা বস্ত্রেণ গালযেত্| পুনঃপুনস্তেনৈব পরিস্রাবেণালোড্য যাবত্পিচ্ছিলো রকোঽচ্ছস্তীক্ষ্ণশ্চ পরিস্রাবো ভবতি| পাকবিধিমাহ-তদা চেতি| তদা তং ক্ষারনিষ্যন্দং গৃহীত্বা, ক্ষারং পক্ত্বা(?) লৌহ্যাং-লোহপাত্রে, পচেত্| তাঃ-যা মুষ্ককভস্মনঃ পৃথক্ কৃতাঃ| ক্ষীরপকং-খটিকা| শঙ্খনাভিঃ-শঙ্খস্যাবর্তঃ| বহুশঃ-বহূন্ বারান্, ত্রীণি তাপনানি ত্রীণী নির্বাপণানীত্যর্থঃ| পেষণস্য ক্ষরোদকস্য মানোক্ত্যা পেষ্যমানমনুক্তমপি কল্প্যম্| দক্ষাদীনাং পক্ষিণাং শকৃত্-পুরীষম্| চতুষ্পদাং পক্ষিণাং চ পিত্তম্| অলং-হরিতালম্| দক্ষাদিবিষ্ঠাদিকং শ্লক্ষ্ণং চূর্ণং কৃত্বা নিক্ষিপেত্| অতঃ-আবাপানন্তরং, সুতরাং পরিতো দর্ব্যাঽবঘট্টযেত্| লেহবদ্ধনঃ-লেহ ইব সান্দ্রঃ| অযোমযে-লোহপাত্রে, বিনিক্ষিপ্য যবরাশিমধ্যে স্থাপ্যঃ| অযং মধ্যমঃ ক্ষারঃ, ম্রুদুতীক্ষ্ণযোর্বক্ষ্যমাণত্বাত্|

সর্বাঙ্গসুন্দরী ব্যাখ্যা ( কৃত)

স০ -মৃদৌ ক্ষারে সুধাদীনি নির্বাপ্য-তস্মিন্নিষ্যন্দে প্রক্ষিপ্যৈব, অপনযেত্-বিসর্জযেত্, ন তু পিষ্ট্বা বিনিক্ষিপেত্| তীক্ষ্ণে ক্ষারে পূর্ববত্-মধ্যমক্ষারতুল্যং, প্রতিবাপনং-নির্বাপ্য পিষ্ট্বা বিনিক্ষিপেদিতি| ন চৈতাবদেবাত্র প্রতিবাপনমিত্যাহ-তথেত্যাদি| লাঙ্গলিকাদীনি বিডপর্যন্তানি চ তত্র প্রতিবাপং বিনিক্ষিপেত্| সপ্তরাত্রাত্ পরং-অনন্তরং, সঃ-ক্ষারো, যোজ্যঃ|

আযুর্বেদরসাযনম্ ব্যাখ্যা ( কৃত)

আ র০ -মৃদুতীক্ষ্ণক্ষারযোর্বিশেষমাহ-ন ত্বিতি| মৃদৌ ক্ষারে মধ্যমবত্সর্বম্| আবাপে তু বিশেষঃ| নির্বাপ্যাপনযেত্, ন তু পিষ্ট্বা ক্ষিপেত্| নির্বাপণদ্রবমেব ক্ষিপেদিত্যর্থঃ| দক্ষবিষ্ঠাদিকং চ ক্ষিপেত্| তীক্ষ্ণেঽপি সর্বং মধ্যমবত্| লাঙ্গলিকাদ্যাবাপোঽধিকঃ| পূতীকপল্লবাঃ-করঞ্জপত্রাণি| তালপত্রী-মুশলী| সঃ-ত্রিবিধোঽপি-ক্ষারঃ, সপ্তরাত্রাত্পরং যোজ্যঃ| সপ্তরাত্রং যবরাশৌ স্থপ্য ইত্যর্থঃ|

সর্বাঙ্গসুন্দরী ব্যাখ্যা ( কৃত)

স০-তীক্ষ্ণঃ ক্ষারো বাতশ্লেষ্মমেদঃসমুত্থেষ্বর্বুদাদিষু যোজ্যঃ| মহত্স্বেব যোজ্যঃ, মধ্যেষু, ক্ষারান্তরবিধানাত্| আদিগ্রহণাদন্যেষ্বপি তত্সাধ্যেষু রোগেষ্বযং ক্ষারো যোজ্যঃ| মধ্যেষ্বেষ্বেবেতি| এষ্বেব-অনিলকফমেদোজেষু বিকারেষ্বর্বুদাদিষু, মধ্যেষু-নোত্কৃষ্টেষু নাপি হীনেষু, মধ্যঃ ক্ষারো যোজ্যঃ| অন্য ইতি| অন্যো- মৃদঃ ক্ষারঃ, পিত্তরক্তসমুত্থেষ্বর্শঃসু যোজ্যো, ন তীক্ষ্ণমধ্যৌ ক্ষারৌ| বলার্থমিত্যাদি| ক্ষীণপানীযে-ঘনীভূতে ক্ষারে, বলার্থং-বলাধানার্থং, পুনঃ-ভূযঃ, ক্ষারাম্বু-ক্ষারবিধিস্রুতং জলম্ , আবপেত্-দদ্যাত্|

আযুর্বেদরসাযনম্ ব্যাখ্যা ( কৃত)

আ র ০ -ক্ষারত্রযে বিষযত্রযমাহ-তীক্ষ্ণ ইতি| তত্র কফবাতমেদোজেশু ক্ষারসাধেয্ষু তীক্ষ্ণেষু তীক্ষ্ণ্ল্ যোজ্যঃ| তে(এ)ষ্বেব মধ্যেষু মধ্যমঃ| পিত্তাস্রজন্মসু ক্ষারসাধ্যেষু অন্যো-মৃদুঃ| তথা, গুদজন্মসু-অর্শঃসু, কফবাতজেষ্বপি| ক্ষীণপানীযে ক্ষারেঽন্যত্ ক্ষারাম্বু নিক্ষিপেত্|

সর্বাঙ্গসুন্দরী ব্যাখ্যা ( কৃত)

স০-[ ক্ষারে নাতিতীক্ষ্ণাদযো দশ গুণা ভবন্তি|] শীঘ্রং গচ্ছতি-আশু ব্যাপ্নোতীতি শীঘ্রগঃ| শিখরী-উপরিষ্টাত্পিটিকাবান্| মুখেন-কাঞ্জিকাদিনা, নির্বাপ্যতে-শীতীক্রিযতে, ইতি সুখনির্বাপ্যঃ| বিষ্যন্দোঽস্যাস্তীতি বিষ্যন্দী-স্রুতিমান্, ন বিষ্যন্দী-ন স্রুতিমান্| ন চাতিরুক্-ন চার্তিমান্| নাতিতীক্ষ্ণাদযো দশ গুণা যস্য স দশগুণঃ ক্ষারঃ| সঙ্গ্রহে চাস্য দশৈব দোষা গদিতাঃ| তদ্যথা (সূ. অ. ৩৯)- "অত্যুষ্ণোঽতিশীতোঽতিতীক্ষ্ণোঽতিমৃদুরতিতনুরতিঘনোঽতিপিচ্ছিলোঽতিবসর্পী হীনৌষধো হীনপাকশ্চেতি|" ইতি| শস্ত্রস্য যত্কর্ম-ছেদনপাটনলেখনাদিকং, তথা তেজসো-বহ্নেরপি, যত্কর্ম-ব্যাধ্যুপশমলক্ষণং, তত্করোতি| অধুনা ত্বন্তরানুভবদ্বারেণ ক্ষারস্য গুণান্নির্দিশতি-আচূষন্নিবেত্যাদি| সংরম্ভাত্-ক্ষোভাত্, গাত্রমাচূষন্নিব, তথাঽঽপীডযন্নিব, তথা সর্বতঃ-সর্বস্মিন্, অনুসরন্-গচ্ছন্, দোষান্-তত্সাধ্যান্, মূলত উন্মূলযতি-উদ্ধরতি| তথা, কর্ম-স্বীযং দাহাদিকং, কৃত্বা গতরুজঃ-পুরুষস্য, স্বযমেব-যত্নং বিনৈব, উপশাম্যতি|

আযুর্বেদরসাযনম্ ব্যাখ্যা ( কৃত)

আ র০-ক্ষারগুণানাহ-নাতিতীক্ষ্ণমৃদুরিতি| শীঘ্রগঃ-শীঘ্রব্যাপী| সিতঃ-শ্বেতঃ| শিখরং-চিরসংস্থস্য দ্রব্যস্যোপরিপিণ্ডিকা, তদ্বান্-শিখরী| সুখেন নির্বাপ্যঃ-শীততাং নেযঃ| ন বিষ্যন্দী-ক্লেদং নোত্পাদযতি| যচ্ছস্ত্রেণাগ্নিনা চ কার্যং তত্ ক্ষারঃ করোতি| আচূষন্-অন্তর্গতং সমাকর্ষন্| আপীডযন্-সঙ্কোচযন্| সংরম্ভাত্-বেগেন| সঙ্গ্রহে তু (সূ. অ.৩৯)-"দশ ক্ষারগুণা দশৈব চ দোষাঃ| তদ্যথা,- অত্যুষ্ণোঽতিশীতোঽতীক্ষ্ণোঽতিমৃদুরতিতনুরতিঘনোঽতিপিচ্ছিলোঽতিবিসর্পী হীনৌষধৌ হীনপাকশ্চেতি|" ইতি|

সর্বাঙ্গসুন্দরী ব্যাখ্যা ( কৃত)

স ০ -ক্ষরসাধ্যে ব্যাধাবর্শোর্বুদাদৌ ছেদাদৌ [ ছিন্নে-দ্বিধাকৃতে, লিখিতে-শস্ত্রেণ বিঘৃষ্টে, স্রাবিতে-প্রচ্ছাদ্য নির্হৃতশোণিতে, ] কর্মণি কৃতে ক্ষারো যোজ্যো, নাকৃতে ছেদাদৌ, ইতি ক্ষারস্য বিষযো দর্শিতঃ| ক্ষারং শলাকযা দত্ত্বা মাত্রাশতমুপেক্ষেত, ন কাঞ্জিকাদিনা নির্বাপণং কার্যমিত্যর্থঃ| কিম্ভূতযা শলাকযা ? প্লোতেন-চৈলখণ্ডেন, প্রাবৃতঃ-স্থগিতো, দেহঃ বিগ্রহো যস্যাঃ|

আযুর্বেদরসাযনম্ ব্যাখ্যা ( কৃত)

আ র ০ -অথ ক্ষারপ্রযোগবিধিঃ| তত্র সঙ্গ্রহে (সূ. অ.৩৯)-"তত্র ক্ষারকর্মণ্যুপহরেত্ পিচুবর্তিশলাকাদর্ব্যঞ্জলিকঘৃতমধুশুক্ততুষোদকমুস্তুক্ষারোদকশীতপ্রদেহশযনাসনাদীনি| অথ ক্ষারার্হস্যোপবিষ্টস্য সংবিষ্টস্য বা পরিচারকোপগৃহীতস্য" ইতি| ক্ষারপ্রযোগমাহ-ক্ষারসাধ্য ইতি|

সর্বাঙ্গসুন্দরী ব্যাখ্যা ( কৃত)

স০-তত্র ক্ষারসাধ্যেষ্বর্শঃসু ক্ষারপাতনং কৃত্বা মাত্রাশতং যাবত্তাবদ্ধস্তেন যন্ত্রমাবৃতাননং-ছাদিতমুখং, কুর্যাত্|

আযুর্বেদরসাযনম্ ব্যাখ্যা ( কৃত)

আ র০-অর্শঃসু বিশেষমাহ-তত্রার্শঃস্বিতি| হস্তেনাবৃতাননং-পাণিনা মুখং পিহিতম্|

সর্বাঙ্গসুন্দরী ব্যাখ্যা ( কৃত)

স০-ক্ষারসাধ্যেষু বর্ত্মরোগেষু বর্ত্মনী নির্ভুজ্য-কুটিলীকৃত্য, ততঃ ক্ষারস্পর্শপরিহারায পিচুনা-কার্পাসাদিমযেন, কৃষ্ণভাগং-তারকপ্রদেশং, আচ্ছাদ্য ক্ষারং বিনিক্ষিপেত্| তত্র চ পদ্মপত্রতনুঃ ক্ষারলেপো দেযঃ, ন গুদার্শঃস্বিব ঘনঃ| পদ্মপত্রমিব তনুরিতি "উপমানানি সামান্যবচনৈঃ" ইতি সমাসঃ| ঘ্রাণার্বুদেষু চ পদ্মপত্রতনুঃ ক্ষারলোপো যোজ্যঃ| কথং তত্র লেপো দেযঃ ? ইত্যাহ-

আযুর্বেদরসাযনম্ ব্যাখ্যা ( কৃত)

আ র০-বর্ত্মরোগেষু বিশেষমাহ-বর্ত্মরোগেষ্বিতি| বর্ত্মনী নির্ভুজ্য-উদ্দৃত্ততাং নীত্বা, পিচুনা কৃষ্ণভাগমাচ্ছাদ্য বর্ত্মরোগেষু ক্ষারং বিনিক্ষিপেত্|

সর্বাঙ্গসুন্দরী ব্যাখ্যা ( কৃত)

স০-প্রত্যাদিত্যং-রবিসম্মুখং, নিষণ্ণস্য-সংস্থিতস্য| তথা, অগ্রে নাসিকা-অগ্রনাসিকা, তামুন্নম্য-উত্ক্ষিপ্য| কিযন্তং কালং লেপো ধার্যঃ ? ইত্যাহ| মাত্রাঃ পঞ্চাশদ্বিধার্যঃ| বর্ত্মসু চাল্পতরা মাত্রাঃ স্থানস্য সুকুমারত্বাত্|

আযুর্বেদরসাযনম্ ব্যাখ্যা ( কৃত)

আ র০-ঘ্রাণার্বুদেষু বিশেষমাহ-ঘ্রাণার্বুদেষ্বিতি| অগ্রনাসিকাং-নাসাগ্রম্|

সর্বাঙ্গসুন্দরী ব্যাখ্যা ( কৃত)

স০-কর্ণজেঽর্শসি তদ্বত্-তেন ঘ্রাণার্বুদেন তুল্যম্, স এব পদ্মপত্রতনুঃ ক্ষারলেপস্তা এব পঞ্চাশন্মাত্রা ধার্যঃ|

আযুর্বেদরসাযনম্ ব্যাখ্যা ( কৃত)

আ র০-কর্ণার্শঃসু বিশেষমাহ-তদ্বদর্শসীতি| তদ্বত্-নাসার্বুদবত্|

সর্বাঙ্গসুন্দরী ব্যাখ্যা ( কৃত)

স০-অনু-পশ্চাত্ ক্ষারলেপদাননিযমিতাত্কালাদনন্তরং, ক্ষারং প্রমার্জনেন-চৈলাদিনা, পরিমৃজ্য-শোধযিত্বা, সুদগ্ধং ক্ষারস্থানমর্শোর্বুদাদ্যধিষ্ঠানমবগম্য-সম্যগ্দাহলক্ষণেন জ্ঞাত্বা, তত্-ক্ষারদগ্ধং স্থানং, ঘৃতমধুলেপিতং কৃত্বা পযঃপ্রভৃতিভির্নিবাপযেত্-শীতীকুর্যাত্| ততঃ-অনন্তরং, স্বাদুশীতৈর্দ্রব্যৈঃ-মধুযষ্টিকাদিভিঃ, সাজ্যৈঃ-সঘৃতৈঃ, লেপযেত্| অভিষ্যন্দীনি-স্রুতিরূপশ্লেষ্মকারীণি, ভোজ্যানি-অন্নপানানি মাষদধ্যাদীনি, ভোজ্যানি-ভক্ষযিতব্যানি| কিমর্থম্ ? ক্লেদনায-ক্ষারদগ্ধস্থানবিশরণায| যতঃ ক্ষারদগ্ধং ক্লিন্নং সচ্ছীর্যতে|

আযুর্বেদরসাযনম্ ব্যাখ্যা ( কৃত)

আ র০-ক্ষারপ্রযোগানন্তরং কৃত্যমাহ-ক্ষারমিতি| সুদগ্ধমবগম্য-সম্যগ্দগ্ধং জ্ঞাত্বা, পযোমস্ত্বাদিভিঃ সিঞ্চেত্| পযোমস্তুকাঞ্জিকানাং বিকল্পঃ|

সর্বাঙ্গসুন্দরী ব্যাখ্যা ( কৃত)

স০-যদি চ ক্ষারদগ্ধমিভিষ্যন্দিভিরপি ভোজ্যৈরুপযুক্তৈঃ স্থিরমূলত্বাত্-দৃঢমূলত্বাত্, তদ্রোগাধিষ্ঠানং ন শীর্যতে, ততো ধান্যাম্লস্য বীজং-অবযববিশেষঃ, তেন তথা মধুকতিলাভ্যাং চালেপযেত্| তিলকল্কো মধুযষ্টিযুক্তো ঘৃতান্বিতো ব্রণস্য রোপণঃ|

আযুর্বেদরসাযনম্ ব্যাখ্যা ( কৃত)

আ র০-উদগ্ধেঽপ্যশীর্ণে কৃত্যমাহ-যদি চেতি| ধান্যাম্লবীজং-ধান্যাম্লতলস্থং দ্রব্যম্| সঙ্গ্রহে তু (সূ. অ. ৩৯)- "সুবর্ণক্ষীরিযুক্তৈর্বা ত্রিবৃদ্বিডঙ্গসারবদ্ভির্বা তিলৈরালেপযেত্| মালতীবৃষাঙ্কোটনিম্বাস্ফোতপটোলীকরবীরপত্রক্বাথো বা ব্রণপ্রক্ষলনম্| এষামেব চ কল্কক্বাথে সিদ্ধং সর্পিস্তৈলং বা রোপণম্| নাগপুষ্পমঞ্জিষ্ঠাচন্দনতিলপর্ণিকাসু বা যথাব্যাধিদোষং চ ব্রণবদুপক্রমেত্|" ইতি|

সর্বাঙ্গসুন্দরী ব্যাখ্যা ( কৃত)

স০-পক্বজম্বূফলবদসিতং-কৃষ্ণং, তথা সন্নং-নিম্রং, সম্যগ্দগ্ধং স্থানং বিদ্যাত্|

আযুর্বেদরসাযনম্ ব্যাখ্যা ( কৃত)

আ র০-সুদগ্ধলক্ষণমাহ-পক্বজম্ব্বসিতমিতি| পক্বজম্বূফলবদসিতং-শ্যামম্| সন্নং-নিম্নম্|

সর্বাঙ্গসুন্দরী ব্যাখ্যা ( কৃত)

স০-বিপর্যযে-পক্বজম্ব্বসিতাদিলক্ষণবিপর্যযে, তথা তাম্রতাতোদকণ্ড্বাদ্যৈঃ, আদিগ্রহণাত্ শোফবিস্ফোটাদিভিঃ, দুর্দগ্ধং স্থানং বিদ্যাত্|

আযুর্বেদরসাযনম্ ব্যাখ্যা ( কৃত)

আ র০-দুর্দগ্ধলক্ষণমাহ-বিপর্যয ইতি| বিপর্যযে-তাম্রাদিবর্ণত্ব উত্সন্নত্বে চ, তাম্রতাদ্যৈশ্চ|

সর্বাঙ্গসুন্দরী ব্যাখ্যা ( কৃত)

স০-তং-তথাভূতং জ্ঞাত্বা, পুনর্দহেত্-ভূযস্তত্র ক্ষারং পাতযেত্, দাহায|

আযুর্বেদরসাযনম্ ব্যাখ্যা ( কৃত)

আ র০-দুর্দগ্ধে পুনর্দাহমাহ-তং পুনরিতি|

সর্বাঙ্গসুন্দরী ব্যাখ্যা ( কৃত)

স০-অতিদগ্ধে সতি রক্তং স্রবেত্| তথা, মূর্চ্ছাদযো জাযন্তে| আদিগ্রহণাদ্বিসর্পশোফৌষবিস্ফোটাদযোঽপি|

আযুর্বেদরসাযনম্ ব্যাখ্যা ( কৃত)

আ র০-অতিদগ্ধলক্ষণমাহ-অতিদগ্ধ ইতি|

সর্বাঙ্গসুন্দরী ব্যাখ্যা ( কৃত)

স০-গুদেঽতিদগ্ধে বিশেষেণ বিণ্মূত্রযোঃ সংরোধঃ, তথা তযোরেবাতিপ্রবর্তনং কদাচিদ্ভবতি| বিশেষগ্রহণাত্ পূর্বোক্তা রক্তস্রাবাদযোঽপি| তথা, পুংস্ত্বোপঘাতঃ-শুক্রক্ষযাত্কান্তাগমনাসামর্থ্যম্| অথবা, গুদস্য শাতনাত্-বিদারণাত্, নিশ্চযেন মৃত্যুর্ভবেত্

আযুর্বেদরসাযনম্ ব্যাখ্যা ( কৃত)

আ র ০ -গুদাতিদগ্ধলক্ষণমাহ-গুদ ইতি|

সর্বাঙ্গসুন্দরী ব্যাখ্যা ( কৃত)

স০-নাসাযাং ক্ষারাতিদগ্ধাযাং নাসিকাবংশস্য দরণাকুঞ্চনে উদ্ভবতঃ| তথা, বিষযাজ্ঞানং-গন্ধস্যাবেদনং চ ভবেত্|

আযুর্বেদরসাযনম্ ব্যাখ্যা ( কৃত)

আ র০-নাসাতিদগ্ধলক্ষণমাহ-নাসাযামিতি|

সর্বাঙ্গসুন্দরী ব্যাখ্যা ( কৃত)

স০-তদ্বত্-তেন ক্ষারাতিদগ্ধনাসিকাবিষযাজ্ঞানেন তুল্যং, ক্ষারাতিদগ্ধেষু শ্রোত্রাদিকেষু-শ্রোত্রচক্ষূরসনেষু স্থানেষু, বিষযাজ্ঞানং স্যাত্|

আযুর্বেদরসাযনম্ ব্যাখ্যা ( কৃত)

আ র০-শ্রোত্রাদ্যতিদগ্ধলক্ষণমাহ-তদ্বদিতি| তদ্বত্-নাসাবত্| বংশস্থানে তত্তদবযবো জ্ঞেযঃ|

সর্বাঙ্গসুন্দরী ব্যাখ্যা ( কৃত)

স০-তস্মিন্নতিক্ষারদগ্ধে বিশেষেণাম্লৈঃ-কাঞ্চিকাদিভিঃ, সেকো হিতঃ| মধুঘৃততিলাশ্চ লেপ ইষ্টঃ| তথা সর্বৈব চ শিশিরা ক্রিযা বাতপিত্তহরা চেষ্টা| সঙ্গ্রহে চোক্তম্ (সূ. অ.৩৯)- "পাযযেতাতিযোগেঽত্র তং শীঘ্রং সঘৃতং দধি| সগুডং বা দধিসরং তৈলং বা সসিতোপলম্||" ইতি| অম্ল ইত্যাদি| তস্মাদ্ধেতোঃ ক্ষারদগ্ধমম্লৈঃ-কাঞ্জিকাদিভিঃ, নির্বাপযেত্তরাম্| যস্মাদম্লঃ শীতঃ স্পর্শেন| তেন চ-অম্লেন, ক্ষার উপসংহিতো-যুক্তঃ, আশ্বেব কটুকলবণভূযিষ্ঠতাম্ ত্যক্ত্বা স্বাদুতাং যাতি| তরাংগ্রহণমতিশযেনাম্লৈর্নির্বাপযেত্ দেশসাত্য্মানুরোধাত্ কদাচিত্ ক্ষীরাদিভিরপীতি গমযতি| ইতি ক্ষারবিধিঃ| অগ্নিকর্মবিধিমাহ-

আযুর্বেদরসাযনম্ ব্যাখ্যা ( কৃত)

আ রং-অতিদগ্ধে প্রতীকারমাহ-বিশেষাদিতি| বিশেষগ্রহণাত্ পূর্বোক্তবন্নির্বাপণম্| উক্তং চ সঙ্গ্রহে (সূ.অ. ৩৯)-"তমতিপ্রবৃত্তমাশু পূর্বোক্তৈরেব নির্বাপণৈঃ পুনঃপুনর্নির্বাপযেত্| অতশ্চ দাহ্যমতিপ্রমাণং ন সকৃদেব দহেদিতি|" ইতি| তথা (সং.সূ.অ. ৩৯)-"জ্বরাতিসারতৃণ্মোহমূর্চ্ছাহৃদ্রোদনার্তিভিঃ| কক্ষং দহত্যগ্নিরিব শরীরং ক্ষারবিভ্রমঃ|| পাযযেতাতিযোগেঽত্র তং শীঘ্রং সঘৃতং দধি| সগুডং বা দধিসরং তৈলং বা সাসিতোপলম্|| ধাত্রীফলকপিত্থাম্লদাডিমস্বরসে ঘৃতম্| দ্বিগুণে সাধিতং পানসেকৈঃ ক্ষারাতিরুগ্ঘরম্|| দাডিমামলকাম্রাতকপিত্থকরমর্দকাত্| আম্রাচ্চ মাতুলুঙ্গাচ্চ রসং মৃদ্বগ্নিনা পচেত্|| ততোঽতিবৃত্তক্ষারায দদ্যান্মাত্রাং যথাবলম্| ক্ষারো নিবর্ততে তেন প্রসাদং ত্বক্ চ গচ্ছাতি|| শোণিতাতিপ্রবৃত্তৌ চ বাহ্যান্তঃশিশিরো বিধিঃ|" ইতি| ইতি ক্ষারবিধিঃ|

সর্বাঙ্গসুন্দরী ব্যাখ্যা ( কৃত)

স০-ক্ষারাদপ্যগ্নেঃ প্রশস্যতরত্বম্| কুতঃ ? তেন-অগ্নিনা, দগ্ধানাং রোগাণামর্শঃপ্রভৃতিনামসম্ভবাত্| ভূযোঽগ্নিদগ্ধো রোগঃ প্ররোহং ন যাতি, মূলাদুন্মূলনাদিত্যর্থঃ| ভেষজক্ষারশস্ত্রৈশ্চ যে রোগা ন শান্তাস্তেষাং বহ্নিনা সাধনাত্ জ্বলনো জ্যাযান্|

আযুর্বেদরসাযনম্ ব্যাখ্যা ( কৃত)

আ র০-অথাগ্নিকর্মবিধিঃ| তত্রাগ্নিপ্রশংসামাহ-অগ্নিরিতি|

সর্বাঙ্গসুন্দরী ব্যাখ্যা ( কৃত)

স০-সঃ-অগ্নিদাহঃ ত্বগাদিষু যুজ্যতে|

আযুর্বেদরসাযনম্ ব্যাখ্যা ( কৃত)

আ র০-অগ্নিভেদ্যা(দাহ্যা)ন্যঙ্গান্যাহ-ত্বচীতি|

সর্বাঙ্গসুন্দরী ব্যাখ্যা ( কৃত)

স০-তত্র মষাদিষু রোগেষু ত্বগ্দাহঃ কার্যো বর্ত্যাদিভিঃ| বর্তিঃ-পিচুবর্তিঃ| আদিগ্রহণাদন্যেষ্বপি ক্ষুদ্রোগাধ্যাযোক্তেষু ত্বগ্দাহো যোজ্যঃ| শরাদিভিরিত্যাদিগ্রহণাদন্যৈরপি দেশান্তরপ্রসিদ্ধৈস্ত্বগ্দাহঃ কার্যঃ|

আযুর্বেদরসাযনম্ ব্যাখ্যা ( কৃত)

আ র০-ত্বগ্দাহবিষযমাহ-মষেতি| সঙ্গ্রহে তু (সূ.অ. ৪০)-"সরুক্স্তব্ধপ্রম্লাযদঙ্গাভিষ্যন্দাধিমন্থশিরোভ্রূশঙ্খললাটরুজার্দিতেষু যথাস্বমভিষ্যন্দাদিষু তু ভ্রূশঙ্খললাটদেশেষু|" ইতি| ত্বগ্দাহসাধনান্যাহ-বর্তিগোদন্তেতি| বর্তিঃ-গুগ্গুল্বাদিকৃতা| গোদন্তো-গবাং দন্তঃ| সূর্যকান্তঃ-স্ফটিকঃ| আদিশব্দাত্ পিপ্পল্যজাশকৃচ্ছলাকাদযঃ|

সর্বাঙ্গসুন্দরী ব্যাখ্যা ( কৃত)

স০-অর্শঃপ্রভৃতিষু রোগেষু মধুস্নেহাদিভির্মাংসদাহঃ কার্যঃ| আদিগ্রহণেনার্বুদগণ্ডমালাদযো গৃহ্যন্তে| তত্র কদাচিন্মধুনা, কদাচিত্পৃথক্স্নেহৈঃ, কদাচিজ্জাম্ববৌষ্ঠেন, জাম্ববৌষ্ঠঃ-শলাকাবিশেষো যন্ত্রবিধাবুক্তঃ (হৃ. সূ. অ. ২৫|২৬) যেন ক্ষারো দীযতে, কদাচিদ্গুডেন, কদাচিদেবংপ্রাযেণান্যেনাপি দেশবিশেষপ্রসিদ্ধেন|

আযুর্বেদরসাযনম্ ব্যাখ্যা ( কৃত)

আ র০-মাংসদাহবিষযমাহ-অর্শ ইতি| আদিশব্দাদবুদগণ্ডমালাশ্লীপদান্ত্রবৃদ্ধ্যবগাঢপূযলসীকব্রণাদযঃ| মাংসদাহসাধনান্যাহ-মধুস্নেহেতি| আদিশব্দাত্ সূচীশলাকামধূচ্ছিষ্টতাম্রাযোরূপ্যকাংস্যাদযঃ|

সর্বাঙ্গসুন্দরী ব্যাখ্যা ( কৃত)

স০-শ্লিষ্টবর্ত্মাদিষু সিরাদিদাহঃ কার্যঃ| তৈরেব-মধুস্নেহাদিভিঃ|

আযুর্বেদরসাযনম্ ব্যাখ্যা ( কৃত)

আ র০-শিরাদিদাহবিষযমাহ-শ্লিষ্টবর্ত্মনীতি| আদিশব্দাচ্ছিরাস্নাযুসন্ধ্যস্থিচ্ছেদদন্তনাডযুপপক্ষ্মকলগণাদযঃ|০

সর্বাঙ্গসুন্দরী ব্যাখ্যা ( কৃত)

স০-ক্ষারবারিতান্ ন দহেত্| ন কেবলং যেষু ক্ষারো বারিতস্তান্ ন দহেত্, যাবদন্তঃশল্যং তথাঽন্তর্লোহিতং যেষাং তান্, তথা ভিন্নঃ-শস্ত্রাদিনা, কোষ্ঠঃ-শরীরমধ্যো, যেষাং তান্, তথা ভূরিভির্ব্রণৈরার্তান্ [ চ ন দহেত্ ]|০

আযুর্বেদরসাযনম্ ব্যাখ্যা ( কৃত)

আ র০-অগ্নিদাহং নিষেধতি-ন দহেদিতি| অন্তঃশল্যান্ অন্তরসৃজশ্চ| সঙ্গ্রহে তু (সূ.অ. ৪০)-"উষ্ণে চ কালে আত্যযিকে তু ব্যাধৌ কৃতোষ্ণপ্রতীকারস্য পিচ্ছিলমন্নমশিতবতোঽগ্নিকর্ম কুর্যাত্|" ইতি| তথা (সং. সূ. অ. ৪০)-"অথ দাহার্হমাতুরং কৃতস্বস্ত্যযনমুপহৃতসর্বোপকরণং প্রাক্শিরঃসংবিষ্টমাপ্তাবলম্বিতং কৃত্বা বৈদ্যো নির্ধূমবৃহত্স্থিরদীপ্তখাদিরবাদরাদ্যঙ্গারৈরযোঘটনপ্রকারেণ ভস্ত্রানিলাধ্মাতৈর্ব্যজনেন চোর্ধ্বানির্গচ্ছজ্জ্বালতযাঽঽপাদিতাপাদ্যমান ভাসুরাগ্নিব্রণৈর্জাম্ববৌষ্ঠাদিভির্ব্যাধিপ্রদেশবশাত্ বলযার্ধচন্দ্রস্বস্তিকাষ্ঠাপদবিন্দুরেখাপ্রতিসারণবিকল্পৈর্মুহুর্মুহুর্হিতোপহিতাভির্বাগ্ভিরদ্ভিশ্চাতুরমাশ্বাসযন্ দহেদাসম্যগ্দাহলিঙ্গোপত্তেঃ| উচ্ছূনসুষিপ্রলূনদন্তনাডীসজন্তুদুষ্টব্রণেষু তু স্নেহমধূচ্ছিষ্টগুডৈঃ পূরযিত্বা দহেত্|" ইতি|

সর্বাঙ্গসুন্দরী ব্যাখ্যা ( কৃত)

স০-সুদগ্ধং-অগ্নিনা রোগাধিষ্ঠানং জ্ঞাত্বা, ঘৃতমধুভ্যামভ্যক্তং কৃত্বা, স্নিগ্ধশীতৈঃ- মধুযষ্টিশালিমূলাদিভিঃ, প্রলেপযেত্|

আযুর্বেদরসাযনম্ ব্যাখ্যা ( কৃত)

আ র০-দাহানন্তরং কৃত্যমাহ-সুদগ্ধমিতি|

সর্বাঙ্গসুন্দরী ব্যাখ্যা ( কৃত)

স০-তস্যেত্যনেন সুদগ্ধং স্থানং পরামৃশ্যতে| তস্য-সুদগ্ধস্য স্থানস্য, লিঙ্গং-লক্ষণং, স্থিতে রক্তে-দহ্যমানাবস্থাপ্রবৃত্তাসৃজি নিবৃত্তে সতি, শব্দবত্-বুদ্বুদশব্দবত্, তত্স্থানং ভবেত্| তথা, লসিকান্বিতম্| লসিকা-কুশশস্ত্রাদিবিক্ষতে প্রথমং যা দৃশ্যতে জললবাকৃতিঃ| তথা, পক্বতালফলসদৃশম্, কদাচিত্কপোতসদৃশম্| সুখেন রোহতি-সুরোহম্| তথা, নাতিবেদনং-ন তীব্ররুক্|

আযুর্বেদরসাযনম্ ব্যাখ্যা ( কৃত)

আ র০-সুদগ্ধলক্ষণমাহ-তস্যেতি| তালং-তালফলকম্| কপোতঃ-পক্ষী| সঙ্গ্রহে তু (সূ.অ. ৪০)-"সশব্দং দহনং দুর্গন্ধিত্বং ত্বকসঙ্কোচশ্চ ত্বগ্দগ্ধে| কপোতবর্ণত্বমল্পশোফরুজতা শুষ্কসঙ্কুচিতব্রণতা চ মাংসদগ্ধে| কৃষ্ণোন্নতব্রণত্বং স্থিতে চ রক্তে লসীকাস্রুতিঃ শিরাদগ্ধে| কৃষ্ণারুণকর্কশস্থিরব্রণতা স্নাধ্বাদিদগ্ধে চ|" ইতি|

সর্বাঙ্গসুন্দরী ব্যাখ্যা ( কৃত)

স০-দুর্দগ্ধাত্যর্থদগ্ধযোঃ প্রমাদদগ্ধেন তুল্যং সর্বং লক্ষণং বোধ্যম্| ন চ লক্ষণমন্তরেণৈতত্সম্যগ্জ্ঞাযত ইতি তল্লক্ষণার্থং ভেদান্তরদর্শনার্থং বাঽঽহ-

আযুর্বেদরসাযনম্ ব্যাখ্যা ( কৃত)

আ র০-দুর্দগ্ধাতিদগ্ধযোর্লক্ষণমাহ-প্রমাদদগ্ধবদিতি|

সর্বাঙ্গসুন্দরী ব্যাখ্যা ( কৃত)

স০-তত্-প্রমাদদগ্ধং, চতুষ্প্রকারম্| কথম্ ? তুচ্ছেন-তুচ্ছদগ্ধলক্ষণেন, সহ| অবিমৃশ্যদগ্ধং হি কদাচিত্ সম্যগ্দগ্ধলক্ষণং, কদাচিদ্দুর্দগ্ধলক্ষণম্, কদাচিদতিদগ্ধলক্ষণম্, কদাচিচ্চ তুচ্ছদগ্ধলক্ষণং স্যাত্|

আযুর্বেদরসাযনম্ ব্যাখ্যা ( কৃত)

আ র০-প্রমাদদগ্ধভেদানাহ-চতুর্ধেতি| তুচ্ছং দুর্দগ্ধমতিদগ্ধং সুদগ্ধং চেতি চতুর্ধা|

সর্বাঙ্গসুন্দরী ব্যাখ্যা ( কৃত)

স০-তুচ্ছস্য-তুচ্ছদগ্ধস্য লক্ষণমিতি কার্যে কারণোপচারাদেবমুক্তম্| ত্বগিত্যাদি| ত্বগ্বিবর্ণা| সত্যত্যর্থমুষ্যতে-রুজ্যতে, ন চ স্ফোটানাং সমুদ্ভূতিরিতি তুচ্ছদগ্ধস্থানস্য লক্ষণম্| যত্কিঞ্চিন্মাত্রমেবাগ্নিনা স্পৃষ্টং তত্তুচ্ছদগ্ধমিত্যুচ্যতে|

আযুর্বেদরসাযনম্ ব্যাখ্যা ( কৃত)

আ র০-তুচ্ছলক্ষণমাহ-তুচ্ছস্যেতি|

সর্বাঙ্গসুন্দরী ব্যাখ্যা ( কৃত)

স০-যত্র প্রদেশে স্ফোটানামুদ্ভবো দাহযুক্তা তীব্রা ঊষারুজা, জাযতে, তদ্দুর্দগ্ধং রোগাধিষ্ঠানং বিদ্যাত্|

আযুর্বেদরসাযনম্ ব্যাখ্যা ( কৃত)

আ র০-দুর্দগ্ধলক্ষণমাহ-সস্ফোটদাহতীব্রোষমিতি| ঊষা-সর্ষপলিপ্তস্যেব ব্যথা|

সর্বাঙ্গসুন্দরী ব্যাখ্যা ( কৃত)

স০-অতিদাহাদ্রোগাধিষ্ঠানস্য মাংসলম্বনাদযঃ স্যুঃ| [ সঙ্কোচঃ-সিরাদীনাম্| ধূপনং-ধূমাযনম্| বেদনা-রুজা| সিরাদীনাং নাশো-ব্যাপত্| ব্রণগাম্ভীর্যং-গম্ভীরব্রণতা| মৃত্যুঃ-মরণং চ| ]সম্যগ্দগ্ধলিঙ্গং তূক্তমেব "তস্য লিঙ্গং স্থিতে রক্তে" (শ্লো.৪৫) ইত্যাদিনা| তস্মাত্তত্পুনর্ন নির্দিষ্টম্| অধুনা চতুর্বিধস্যাস্য চিকিত্সিতমাহ-

আযুর্বেদরসাযনম্ ব্যাখ্যা ( কৃত)

আ র০-অতিদগ্ধলক্ষণমাহ-অতিদাহত ইতি| ধূপনং-ধূমাযনম্| সুদগ্ধস্য লক্ষণমুক্তং প্রাক্ (শ্লো.৪৫)| সঙ্গ্রহে তু (সূ.অ. ৪০)-"স্নেহদাহস্তু কষ্টতরো ভবতি| সহি স্নেহস্য সূক্ষ্মমার্গানুসারিত্বাদ্দূরমনুপ্রবিশতীতি|" ইতি|

সর্বাঙ্গসুন্দরী ব্যাখ্যা ( কৃত)

স০-তুচ্ছদগ্ধস্যাগ্নিনা প্রতপনং কার্যম্| তথা, উষ্ণম্ ভেষজং-ঔষধম্| রক্তস্য বিলযনার্থমেতত্| যতস্তুচ্ছদগ্ধেঽবশ্যং স্ত্যানমসৃগ্ভবতীতি যুক্ত্যা প্রতিপাদযন্নাহ-স্ত্যানেঽস্ত্র ইত্যাদি| লোহিতে স্ত্যানে সত্যতিশযেন রুগ্ভবতি| বিলীনে রক্তে পীডাযা মন্দতা-মন্দত্বং ভবতি| অতস্তুচ্ছদগ্ধেঽগ্নি প্রতপনং যোজ্যম্|

আযুর্বেদরসাযনম্ ব্যাখ্যা ( কৃত)

আ র০-তুচ্ছস্যৌষধমাহ-তুচ্ছস্যেতি| সঙ্গ্রহে তু (সূ.অ. ৪০)-"স্ত্যানে রক্তে হিমৈর্নোষ্মা নিষ্ক্রামতিযতো বহিঃ| বেদনা বর্দ্ধতে তেন রুধিরং চ বিদহ্যতে|| উষ্ণংনিষ্ক্রামযত্ কুর্যাদূষ্মাণং মন্দতাং রুজঃ|" ইতি|

সর্বাঙ্গসুন্দরী ব্যাখ্যা ( কৃত)

স০-দুর্দগ্ধে শীতমুষ্ণং চ পর্যাযেণৌষধম্| তত্রাদৌ-প্রথমং, হিমং ভেষজং যুঞ্জ্যাত্|

আযুর্বেদরসাযনম্ ব্যাখ্যা ( কৃত)

আ র০-দুর্দগ্ধস্যৌষধমাহ-দুর্দগ্ধ ইতি|

সর্বাঙ্গসুন্দরী ব্যাখ্যা ( কৃত)

স০-সম্যগ্দগ্ধে তবক্ষীর্যাদিভিলেপযত্| কিম্ভূতৈঃ ? সাজ্যামৃতৈঃ-ঘৃতগুডূচীযুক্তৈঃ| আদাবিত্যত্রাপি যোজ্যম্| আদৌ তৈর্লেপযেত্, ঊর্ধ্বং-অনন্তরং, পিত্তবিদ্রধিবত্ ক্রিযা কার্যেতি শেষঃ|

আযুর্বেদরসাযনম্ ব্যাখ্যা ( কৃত)

আ র০-সম্যগ্দগ্ধৌষধমাহ-সম্যগ্দগ্ধ ইতি| আজ্যেনামৃতযা চ সহ বর্তন্ত ইতি সাজ্যামৃতান্যৌষধানি|

সর্বাঙ্গসুন্দরী ব্যাখ্যা ( কৃত)

স০-অতিদগ্ধে দ্রুতং-শীঘ্রমেব, সর্বং-বহিরন্তশ্চ ভেষজং, পিত্তবিসর্প ইব কুর্যাত্|

আযুর্বেদরসাযনম্ ব্যাখ্যা ( কৃত)

আ র০-অতিদগ্ধস্যৌষধমাহ-অতিদগ্ধ ইতি| দ্রুতং-শীঘ্রম্|

সর্বাঙ্গসুন্দরী ব্যাখ্যা ( কৃত)

স০-স্নেহদগ্ধেঽতিতরাং রূক্ষং যোজযেত্| [ভৃশতরং রূক্ষং চাত্র ভেষজং তত্র তু যোজযেত্| তুশব্দান্ন কেবলং ] ভৃশতরগ্রহণাচ্চ বাহুল্যেন রূক্ষং [ প্রলেপাদি তত্র যোজযেত্ কিন্তু ] দেহদেশাদিসাত্ম্যবশাত্স্নিগ্ধমপি যথাবস্থং যথাযোগং যোজযেত্|

আযুর্বেদরসাযনম্ ব্যাখ্যা ( কৃত)

আ র০-স্নেহদগ্ধস্যৌষধমাহ-স্নেহদগ্ধ ইতি| ভৃশতরং-অত্যর্থম্| তুশব্দান্ন কেবলং ভৃশতরং রূক্ষং প্রলেপাদি, কিন্তু পূর্বোক্তমপি যথাবস্থং যোজযেত্|

সর্বাঙ্গসুন্দরী ব্যাখ্যা ( কৃত)

স০-বক্তব্যং যদ্বস্তু তস্য সর্বস্যৈবোক্তত্বাদিদং স্থানং সমাপ্যতে-নিষ্পাদ্যতে| কিম্ভূতং স্থানম্ ? রহস্যবত্, রহস্যং-অত্যর্থং গুহ্যরূপং, তদ্যস্যাস্তি তদ্রহস্যবত্| কস্য স্থানম্ ? হৃদযস্য| হৃদযশব্দেনাষ্টাঙ্গহৃদযমুপলক্ষ্যতে, যথা-সত্যভামা ভামেতি| কুত এতত্স্থানং রহস্যবত্ ? ইত্যাহ- সং-যস্মাদত্র-স্থানে, অর্থাঃ সূত্রিতাঃ-সূচিতাঃ| কিম্ভূতাঃ ? সূক্ষ্মাঃ,-তীক্ষ্ণতরমতিসমধিগম্যাঃ| যতস্তে এবার্থাঃ সর্বস্মিংস্তন্ত্রে প্রতন্যন্তে-বিস্তার্যন্তে| তস্মাদিদং স্থানং তন্ত্রসম্বন্ধিনামন্যস্থানানাং রহস্যবদিত্যুক্তমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটী- কাযাং সর্বাঙ্গসুন্দরাখ্যাযাং সূত্রস্থানে ক্ষারাগ্নিকর্মবিধি- র্নাম ত্রিংশত্তমোঽধ্যাযঃ সমাপ্তঃ|| ৩০||

আযুর্বেদরসাযনম্ ব্যাখ্যা ( কৃত)

আ র০-সূত্রস্থানমুপসংহরতি-সমাপ্যত ইতি| আ র০-[কস্মাদেতদ্রহস্যবদিত্যত আহ-অত্রার্থা ইতি|] ইতি হেমাদ্রিটীকাযামাযুর্বেদরসাযনে| ক্ষারাগ্নিকর্মজাধ্যাযঃ সামস্ত্যেন নিরূপিতঃ|| ৩০||