১৪. দ্বিবিধোপক্রমণীযাধ্যাযঃ

সর্বাঙ্গসুন্দরী ব্যাখ্যা ( কৃত)

দোষোপক্রমণীযাদনন্তরং দ্বিবিধোপক্রমণীযারম্ভেঽযং সম্বন্ধঃ| পূর্বং সামান্যেনোপক্রমো দোষোপক্রমণীযেঽভিহিতঃ|

আযুর্বেদরসাযনম্ ব্যাখ্যা ( কৃত)

০

সর্বাঙ্গসুন্দরী ব্যাখ্যা ( কৃত)

স০-দ্বিবিধং-দ্বিপ্রকারং চ তদুপক্রমণং চ দ্বিবিধোপক্রমণম্, তস্মৈ হিতো দ্বিবিধোপক্রমণীযঃ| শেষং পূর্ববত্| উপক্রমশ্চ সমাসতো দ্বিবিধঃ, তন্ত্রান্তরপঠিতানাং চতুর্ণামুপক্রমাণামত্রৈবান্তর্ভবাত্|

আযুর্বেদরসাযনম্ ব্যাখ্যা ( কৃত)

আ০ র০-দ্বিবিধোপক্রমণীযমধ্যাযং ব্যাখ্যাতুং প্রতিজানীতে-অথেতি| যতঃ পূর্বাধ্যাযে দোষাণামুপক্রম উক্তঃ| তস্যেদানীং ভেদা বাচ্যাঃ| তত্র দ্বৌ ভেদৌ মুখ্যৌ| অত এবাযং দ্বিবিধোপক্রমণীযঃ|

সর্বাঙ্গসুন্দরী ব্যাখ্যা ( কৃত)

স০-হি-যস্মাত্, উপক্রম্যস্য-চিকিত্স্যস্য, দ্বিত্বাদ্ধেতোরুপক্রমো দ্বিধৈব মতঃ-ইষ্টঃ| এবশব্দোঽবধারণং কুর্বন্ পরমতং ক্ষিপতি|

আযুর্বেদরসাযনম্ ব্যাখ্যা ( কৃত)

আ০ র০-উপক্রমভেদানাহ-উপক্রম্যস্যেতি| উপক্রম্যস্য-রোগস্য| দ্বিত্বাত্-সামনিরামভেদেন|

সর্বাঙ্গসুন্দরী ব্যাখ্যা ( কৃত)

স০-তত্র-তযোর্দ্বযোরুপক্রমযোঃ, এক সন্তর্পণরূপ উপক্রমো, দ্বিতীযশ্চাপতর্পণরূপ উপক্রমঃ| বৃংহণো লঙ্ঘনশ্চ তযোঃ-সন্তর্পণাপতর্পণযোঃ, পর্যাযৌ তত্পর্যাযাবুদাহৃতৌ|| বৃংহণং তদুচ্যতে যদ্দেহস্য বৃহত্ত্বায ভবতি| লঙ্ঘনং তদুচ্যতে যদ্দেহস্য লাঘবায-লাঘবোত্পাদনায, ভবতি|

আযুর্বেদরসাযনম্ ব্যাখ্যা ( কৃত)

আ০ র০-বৃংহণলঙ্ঘনযোর্লক্ষণমাহ-বৃংহণমিতি| যদ্দেহস্য বৃহত্ত্বায-স্থৌল্যায, তদ্দৃংহণম্| যল্লাঘবায-কাশ্র্যায, তল্লঙ্ঘনম্|

সর্বাঙ্গসুন্দরী ব্যাখ্যা ( কৃত)

স০-তচ্চ তচ্চ তে,-সন্তর্পণাপতর্পণে, ভৌমাপমিতরচ্চ ভবতঃ| ভূমেরিদং ভৌমম্| অপামিদমাপম্| ভৌমযুক্তমাপং সন্তর্পণম্| ইতরত্-ভৌমাপাদন্যদগ্নিবায্বাকাশাত্মকমপতর্পণম্| প্রাযোগ্রহণাত্কিঞ্হ্চিদ্ভৌমাপমপ্যপতর্পণম্| যথা,-যবকমসূরমকুষ্ঠতণ্ডুলীযাদি| তথা, অগ্নিপবনোত্কটস্য কটুকস্যাপি শুণ্ঠীপিপ্পল্যাদেঃ সন্তর্পণত্বম্, বৃষ্যত্বেন সন্তর্পণকার্যদর্শনাত্|

আযুর্বেদরসাযনম্ ব্যাখ্যা ( কৃত)

আ০ র০-লঙ্ঘনবৃংহণে উদাহরতি-ভবত ইতি| ভৌমমাপ্যং চ দ্রব্যং বৃংহণম্| ইতরত্-আগ্নেযং বাযব্যং নাভসং চ লঙ্ঘনম্| ইতি বিভাগেন তে-দ্বে ভবতঃ|

সর্বাঙ্গসুন্দরী ব্যাখ্যা ( কৃত)

স০-স্নেহনাদি যচ্চতুর্বিধং কর্ম, তদপি দ্বিতযং-সন্তর্পণাপতর্পণরূপং, নাতিবর্ততে-নাতিক্রামতি| কুতো হেতোঃ ? ইত্যাহ-ভূতানাং সন্তর্পণাপতর্পণরূপাত্ দ্বৈধ্যাত্-দ্বিপ্রকারকত্বাত্|

আযুর্বেদরসাযনম্ ব্যাখ্যা ( কৃত)

আ০ র০-স্নেহাদীনামুপক্রমাণাং বৃংহণে, রূক্ষাদীনাং চ লঙ্ঘনেঽন্তর্ভাবমাহ-স্নেহনং রূক্ষণমিতি| ভূতানাং দ্বৈধ্যাত্-স্নেহনরূক্ষণাদিকদ্রব্যকারণানাং পৃথিব্যাদীনাং বৃংহণলঙ্ঘনরূপদ্বৈবিধ্যাব্যভিচারাত্|

সর্বাঙ্গসুন্দরী ব্যাখ্যা ( কৃত)

স০-তত্র-তযোঃ সন্তর্পণাপতর্পণযোর্বৃংহণলঙ্ঘনাপরপর্যাযযোর্মধ্যে, যল্লঙ্ঘনং-অপতর্পণম্, তত্ দ্বিধা| কথম্ ? ইত্যাহ-শোধনং শমনং চেতি| ইতি হেত্বর্থে, যতঃ শোধনং শমনং চ ততো দ্বিধেত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-লঙ্ঘনভেদানাহ-শোধনমিতি|

সর্বাঙ্গসুন্দরী ব্যাখ্যা ( কৃত)

স০-যদৌষধং দোষান্-বাতাদীনন্তঃস্থিতান্, বহিরীরযেত্-ক্ষিপেত্, তচ্ছোধনম্| তচ্চ পঞ্চধা,-পঞ্চবিধম্| তদেব পঞ্চবিধত্বমাহ-নিরূহ ইত্যাদি| নিরূহো-বস্তিঃ, তথা বমনম্, তথা কাযবিরেকঃ শিরোবিরেকশ্চ, তথাঽস্রবিস্রুতিঃ-রক্তস্রাবশ্চ, ইতি পঞ্চধা শোধনম্| সর্বশরীরস্য শিরঃপ্রভৃতেরধোমলনির্হরণং যত্ স কাযবিরেকশব্দেনোচ্যতে| যত্তু কেবলং শিরঃসংজ্ঞকস্য শরীরাবযবস্য ঘ্রাণেনোর্ধ্বমলনির্হরণং স শিরোবিরেকঃ|

আযুর্বেদরসাযনম্ ব্যাখ্যা ( কৃত)

আ০ র০-শোধনস্য লক্ষণং ভেদাংশ্চাহ-যদীরযেদিতি, নিরূহ ইতি| যদ্দোষান্ বহির্নিষ্কাসযেত্তচ্ছোধনম্| তত্তু নিরূহাদিভেদাত্ পঞ্চধা| কাযরেকো-বিরেচনম্| শিরোরেকো-নস্যম্|

সর্বাঙ্গসুন্দরী ব্যাখ্যা ( কৃত)

স০-যদৌষধং দোষান্-বাতাদীন্, ন শোধযতি-নান্তঃস্থিতান্ বহির্নিষ্কাসযতি, তথা সমান্-স্বপ্রমাণস্থান্, নোদীরযতি-ন চোত্ক্লেশযতি, বিষমাংশ্চ-স্বপ্রমাণাদ্ধীনাধিকভবাবস্থিতান্, সমীকরোতি-স্বপ্রমাণস্থান্ বিদধাতি, তচ্ছমনমুচ্যতে| তচ্চ সপ্তধা,-সপ্তপ্রকারম্, পাচনাদিভেদেন| পাচযতীতি পাচনম্| পচতোঽগ্রেঃ পক্তুং শক্তিমধিকাং যদুত্পাদযতি তদ্দ্রব্যং ক্রিযা বা পাচনমুচ্যতে| যথা,-লঙ্ঘনং মুস্তাদি বা| দীপনং যথা,-ঘৃতাদি| তন্ত্রান্তরে চ দীপনপাচনযোর্লক্ষণমুক্তম্| যথা,_"যদগ্নিকৃত্পচেন্নামং দীপনং তদ্যথা ঘৃতম্| পাচনং তদ্বিপর্যস্তং যথা বক্ষ্যামি লঙ্ঘনম্||" ইতি| [ক্ষারপাণিনাঽপ্যুক্তম্-"পাচনং পাচযেদ্দোষান্ সামান্ শমনমেব তু| দীপনং হ্যগ্নিকৃত্ত্বামং কদাচিত্পাচযেন্ন বা||" ইতি| ] ক্ষুত্তৃট্শব্দাভ্যাং ক্ষুতৃষ্ণানিগ্রহাবিহ গৃহীতৌ|

আযুর্বেদরসাযনম্ ব্যাখ্যা ( কৃত)

আ০ র০-শমনস্য লক্ষণং ভেদাংশ্চাহ-ন শোধযতীতি, পাচনমিতি| যদ্দোষান্ ন শোধযতি-বহির্ন নিষ্কাসযতি, সমান্-জবিকৃতান্, নোদীরযতি-ন বিকৃতিং নযতি, বিষমান্-নিকৃতাণ্, সমীকরোতি-প্রকৃতিং নযতি, তচ্ছমনম্| তচ্চ পাচনাদিভেদাত্ সপ্তধা| ক্ষুত্-অন্নবর্জনম্| তৃট্-উদকবর্জনম্|

সর্বাঙ্গসুন্দরী ব্যাখ্যা ( কৃত)

স০-তুশব্দো বিশেষে| বিশেষস্তু লঙ্ঘনাপেক্ষযা| শোধনং শমন চেতি দ্বিধা লঙ্ঘনমুক্তম্| বৃংহণমপি শোধনং ভবতি| যথা,-দুগ্ধাদিদ্রব্যম্, শোধনস্বভাবদ্রব্যাত্| তেন যথাবিধেন দ্রব্যেণ কেবলস্য বাতস্য পিত্তযুক্তস্য বা কোপ আশঙ্ক্যতে| যথা-লঙ্ঘনেন শোধনদ্রব্যেণ হরীতক্যাদিনা| ততো বৃংহণস্য বিশেষার্থস্তুশব্দঃ কৃতঃ| বৃংহণং যচ্ছোধনং তন্মরুতঃ কেবলস্য পিত্তসহিতস্য বা শমনম্, ন তু লঙ্ঘনশোধনবত্কোপনম্| এবকারোঽবধারণার্থঃ| বৃংহণং শোধনরূপং বাতস্য পিত্তযুক্তস্য বা শমনমেবোক্তম্, ন কোপনং জাতুচিদিত্যর্থঃ| লঙ্ঘনং তূভযরূপমপি বাতস্য বাতপিত্তযোর্বা কোপেনমেব|

আযুর্বেদরসাযনম্ ব্যাখ্যা ( কৃত)

আ০ র০- শোধনশমন-ব্যতিরিক্তস্যৌষধস্যাভাবাত্ তযোশ্চ লঙ্ঘনভেদত্বাত্ বৃংহণস্যানৌষধত্বে প্রাপ্তে, বৃংহণং শমনমেবেত্যাহ-বৃংহণং শমনং ত্বিতি| শুদ্ধস্য পিত্তসংসৃষ্টস্য চ বাযোর্বিষমস্য সমীকরণাচ্ছমনম্ |

সর্বাঙ্গসুন্দরী ব্যাখ্যা ( কৃত)

স০-কর্শিতশব্দস্য ব্যাধ্যাদিভিঃ প্রত্যেকং সম্বন্ধঃ| ব্যাধিকর্শিতান্ বৃংহযেত্| এবং শেষেষ্বপি যোজ্যম্| ভারাদিভিঃ ক্ষীণস্য প্রত্যেকং সম্বন্ধঃ| ভারক্ষীণান্ বৃংহযেত্| এবং শেষেষু| রূক্ষাদীন্ বৃংহযেত্| গ্রীষ্মেঽপরানপি-অন্যাননুক্তানপি বৃংহযেত্| [ইত্থং চ গ্রীষ্মে সর্বানপি বৃংহযেত্,] অতিতরাং তু ব্যাধিকর্শিতাদীন্ বৃংহযেত্|

আযুর্বেদরসাযনম্ ব্যাখ্যা ( কৃত)

আ০ র০-বৃংহণস্য বিষযমাহ-বৃংহযেদিত্যাদি| গ্রীষ্মেঽপরানপি-স্বস্থানপি|

সর্বাঙ্গসুন্দরী ব্যাখ্যা ( কৃত)

স০-মাংসাদিভির্বৃংহযেত্ বস্তিভিশ্চ| কথম্ভূতৈর্বস্তিভিঃ ? মধুরস্নিগ্ধৈঃ, ন তু রূক্ষতীক্ষ্ণৈঃ, তেষামপতর্পণস্বভাবত্বাত্| স্বপ্নো-নিদ্রা| শয্যাসুখং-খট্বাজনিতং শর্ম| নির্বৃতিঃ-চিত্তস্যামাকুলত্বম্|

আযুর্বেদরসাযনম্ ব্যাখ্যা ( কৃত)

আ০ র০-বৃংহণান্যাহ-মাংসক্ষীরেত্যাদি| মধুরস্ত্রিগ্ধৈর্বস্তিভিঃ| শয্যাসুখং-নিদ্রাং বিনা শযনেঽবস্থানম্| নির্বৃতিঃ-সন্তোষঃ| হর্ষণং-আনন্দঃ|

সর্বাঙ্গসুন্দরী ব্যাখ্যা ( কৃত)

স০-মেহাদীনামিনির্মত্বর্থীযঃ| মেহিপ্রভৃতীন্ লঙ্ঘযেত্| শিশিরে পুনরপরানপি-অন্যানপি, ইতি ব্যাধিতানাং গ্রহণম্| স্বস্থানাং তু শিশিরে হেমন্তবিধির্বিশেষেণোক্ত এব| শিশিরশব্দঃ শীতমাত্রোপলক্ষণার্থঃ| তেন হেমন্তেঽপি লঙ্ঘযেদিত্যর্থ উপলভ্যতে|

আযুর্বেদরসাযনম্ ব্যাখ্যা ( কৃত)

আ০ র০-লঙ্ঘনস্য বিষযমাহ-মেহামেদোষেত্যাদি| আমদোষঃ-অজীর্ণম্|

সর্বাঙ্গসুন্দরী ব্যাখ্যা ( কৃত)

স০-লঙ্ঘযেদিতি বর্ততে| তত্র-তেষু লঙ্ঘনীযেষু মধ্যে, সংশোধনাখ্যৈর্লঙ্ঘনৈঃ স্থৈল্যাদ্যধিকান্ তথা, আমদোষাদিভিরার্তান্ লঙ্ঘযেত্| মধ্যেত্যাদি| তথা মধ্যস্থৌল্যবলপিত্তকফানেভিরেব- আমদোষাদিভির্গদৈরাতুরান্ প্রাযঃ পূর্বং পাচনদীপনৈর্লঙ্ঘনভেদৈর্লঙ্ঘযেত্| প্রাযোগ্রহণং দেশকালাদ্যপেক্ষযা নিযমস্যাসর্ববিষযত্বজ্ঞাপনার্থম্| হীনস্থৌল্যবলাদিকাংস্তু সতঃ ক্ষুত্তৃষ্ণানিগ্রহৈঃ-বুভুক্ষাপিপাসাবেগবিধারণাখ্যৈর্লঙ্ঘনবিশেষৈর্লঙ্ঘযেত্| দোষৈঃ-বাতপিত্তকফৈর্মধ্যবলৈরার্তান্, তথা দৃঢান্-শক্তান্, সমীরণাদিভির্লঙ্ঘযেত্| আযাসো-ব্যাযামঃ| কিমুত-কিংপুনঃ ? অল্পবলৈর্দোষৈরার্তান্ সমীরণাদিভির্লঙ্ঘযেত্| সুতরাং হীনবলৈরার্তান্ লঙ্ঘযেদেবেত্যর্থঃ|

আযুর্বেদরসাযনম্ ব্যাখ্যা ( কৃত)

আ রং-লঙ্ঘনভেদস্য শোধনস্য বিষযমাহ-তত্র সংশোধনৈরিতি| অধিকস্থৌল্যাদীন্ লঙ্ঘনীযান্ সংশোধনৈর্লঙ্ঘযেত্| পাচনদীপনযোর্বিষযমাহ-আমদৌষেতি, বিবন্ধগৌরবেতি, মধ্যস্থৌল্যাদিকানিতি| আমদোষাদিভিরর্তান্ মধ্যস্থৌল্যাদিকান্ পূর্বং পাচনদীপনৈর্লঙ্ঘযেত্, পশ্চাচ্ছোধনৈঃ| ক্ষুত্তৃষোর্বিষযমাহ-এভিরেবেতি, ক্ষুত্তৃষ্ণানিগ্রহৈরিতি| এভিঃ-আমদোষাদিভিঃ| ব্যাযামাতপমারুতানাং বিষযমাহ-দোষৈস্ত্বার্তানিতি, সমীরণেতি| মধ্যবলৈর্দোষৈর্রার্তান্ সমীরণাদিভির্লঙ্ঘযেত্| কিং পুনরল্পবলৈর্দোষৈরার্তান্? সুতরাং হীনবলৈরার্তান্ লঙ্ঘযেদেবেত্যর্থঃ|

সর্বাঙ্গসুন্দরী ব্যাখ্যা ( কৃত)

স০-লঙ্ঘনীযান্-লঙ্হ্ঘনার্হান্ মেহামদোষাদিযুতান্, ন বৃংহযেত্|

আযুর্বেদরসাযনম্ ব্যাখ্যা ( কৃত)

আ০ র০-লঙ্ঘনীযেষু পুরুষেষু বৃংহণসাধ্যরোগোত্পত্তৌ বৃংহণে প্রাপ্তে নিষেধমাহ-ন বৃংহযেদিতি|

সর্বাঙ্গসুন্দরী ব্যাখ্যা ( কৃত)

স০-যে পুনর্বৃংহ্যাস্তান্ লঙ্ঘনসাধ্যামযার্তান্ মৃদু কৃত্বা লঙ্ঘযেত্,-মৃদুনা লঙ্ঘনপ্রকারেণাপতর্পযেদিত্যর্থঃ| যুক্ত্বা বাপ্রযোগেণ সন্তর্পণাপতর্পণব্যামিশ্রলক্ষণেন, দেশকালাদীনাং বলতঃ-অনুরোধেন, তানুপাচরেত্-উপক্রমেত্, বিনৈব লঙ্ঘনাদিত্যর্থঃ| আদিগ্রহণেন সত্ত্বসাত্ম্যাদিগ্রহণম্|

আযুর্বেদরসাযনম্ ব্যাখ্যা ( কৃত)

আ০ র০-বৃংহণীযেষু প্রুরুষেশু লঙ্ঘনসাধ্যরোগোত্পত্তৌ স্বল্পং লঙ্ঘনং কার্যমিত্যাহ-বৃংহ্যাংস্ত্বিতি| দেশাদিবশেন ত্বন্যথাঽপ্যুপাচরেদিত্যাহ-যুক্ত্যা বেতি| তান্-লঙ্ঘ্যান্ বৃংহ্যাংশ্চ|

সর্বাঙ্গসুন্দরী ব্যাখ্যা ( কৃত)

স০-বৃংহিতে সতি বলং পুষ্টিশ্চ স্যাত্| তথা, বৃংহণসাধ্যা য আমযাস্তেষাং সঙ্ক্ষযো-বিনাশঃ স্যাত্|

আযুর্বেদরসাযনম্ ব্যাখ্যা ( কৃত)

আ০ র০-অথ বৃংহতিলঙ্ঘিতলক্ষণম্| তত্র বৃংহতস্য লক্ষণমাহ-বৃংহিতে স্যাদিতি|

সর্বাঙ্গসুন্দরী ব্যাখ্যা ( কৃত)

স০-বিমলেন্দ্রিযতাদিস্তন্দ্রানাশশ্চেত্যন্তো গ্রন্থো লঙ্ঘিতলক্ষণম্| বিমলেন্দ্রিযতা-করণপাটবম্| ক্ষুত্তৃষোঃ সহ-এককালমুদযঃ| শুদ্ধহৃদযেতি| হৃদযং চোদ্গারশ্চ কণ্ঠশ্চ হৃদযোদ্গারকণ্ঠম্, শুদ্ধং চ তদ্ধৃদযোদ্গারকণ্ঠং চ তস্য ভাবঃ হৃদযোদ্গারকণ্ঠতা| বিমলেন্দ্রিযতাদীনাং পদানামসমস্তানাং নির্দেশো দোষদেশাদ্যনুরোধেনৈকস্য দ্বযোস্ত্রিচতুরাণাং বহুতরাণাং বা সর্বেষাং চ লঙ্হ্ঘিতলক্ষণত্বং ভবেত্, ন ত্বেকস্য দ্বযোর্বহূনাং চোত্পত্তৌ লঙ্ঘিতলক্ষণত্বং ভবেত্, মুনিরপ্যনেনৈব হেতুনঽসমাসেনৈব লক্ষণং ব্যধত্ত| যথা (চ. সূ. অ. ২২|৩৪) - "বাতমূত্রপুরীষাণাং বিসর্গে গাত্রলাঘবে| হৃদযোদ্গারকণ্ঠাস্যশুদ্ধৌ তন্দ্রাক্লমে গতে|| স্বেদে জাতে রুচৌ চৈব ক্ষুত্পিপাসাসহোদযে| কৃতং লঙ্ঘনমাদেশ্যং নির্ব্যথে চান্তরাত্মনি||" ইতি|

আযুর্বেদরসাযনম্ ব্যাখ্যা ( কৃত)

আ০ র০-লঙ্ঘিতস্য লক্ষণমাহ-বিমলেন্দ্রিযতেতি, ক্ষুত্তৃডিতি, ব্যাধিমার্দবমিতি| সর্গো মলানাং-মলপ্রবৃত্তিঃ|

সর্বাঙ্গসুন্দরী ব্যাখ্যা ( কৃত)

স০-তে-বৃংহণলঙ্ঘনে, অনপেক্ষিতমাত্রাদিসেবিতে অতিস্থৌল্যাতিকার্শ্যাদীন্ কুরুতঃ| অনপেক্ষিতাশ্চ তে মাত্রাদযশ্চ-অনপেক্ষিতমাত্রাদযঃ, তৈঃ সেবিতে| মাত্রাদ্যনপেক্ষযা কৃতে ইত্যর্থঃ| তে চ-অতিস্থৌল্যাতিকার্শ্যাদযঃ, সৌষধাঃ-সভেষজাঃ, বক্ষ্যন্তে-পুরস্তাদ্ভণিষ্যন্তে|

আযুর্বেদরসাযনম্ ব্যাখ্যা ( কৃত)

আ০ র০-অতিবৃংহতাতিলঙ্ঘিতযোর্লক্ষণমাহ-অনপেক্ষিতেত্যাদি, অতিস্থৌল্যেতি| মাত্রাদেশকালাদীননপেক্ষ্যাতিসেবিতং বৃংহণমতিস্থৌল্যাদীন্ কুরুতে, লঙ্ঘনং ত্বতিকার্শ্যাদীন্ কে তেঽতিস্থৌল্যাদযোঽতিকার্শ্যাদযশ্চ? ইত্যত আহ-বক্ষ্যন্তে তে চেতি|

সর্বাঙ্গসুন্দরী ব্যাখ্যা ( কৃত)

স০-অতিবৃংহিতশ্চাতিলঙ্ঘিতশ্চেত্যেকবদ্ভাবঃ| অতিবৃংহিতেঽতিলঙ্ঘিতে চ তৈরেব-অতিস্থৌল্যাদিভিঃ, তথাঽতিকার্শ্যাদিভিশ্চ, রূপং-বৃংহণলঙ্ঘনাতিযোগলক্ষণং বেদ্যম্| চশব্দঃ সমুচ্যযে|

আযুর্বেদরসাযনম্ ব্যাখ্যা ( কৃত)

আ০ র০-অতিস্থৌল্যাদীনাং কার্যত্বাত্ কথং লক্ষণত্বম্ ? ইত্যত আহ-রূপং তৈরেযেতি| যত্র কার্যৈকসমধিগম্যং কারণম্, তত্র কার্যমেব লক্ষণমিত্যর্থঃ|

সর্বাঙ্গসুন্দরী ব্যাখ্যা ( কৃত)

স০-অতিবৃংহিতমতিস্থৌল্যাদীন্ কুরুতে| 'অতিবৃংহিতং কুরুতে' ইত্যনুপাত্তেনাপি প্রকৃতত্বাদত্র কর্তৃপদেন ক্রিযাপদেন চ সম্বন্ধঃ কার্যঃ| অত এব তদপেক্ষযাঽতিস্থৌল্যাদীনাং দ্বিতীযা| অথবা যোগ্যতযৈবানুপাত্তেনাপি সম্বন্ধঃ ক্রিযাদিনা ভবত্যেব, সুকবিলক্ষণস্যৈবংস্থিতত্বাত্| তথা চ ভগবতো ব্যাসস্য-"যশ্চ নিম্বং পরশুনা যশ্চৈনং মধুসর্পিষা| যশ্চৈনং গন্ধমাল্যেন সর্বস্য কটুরেব সঃ||" ইতি| অত্র হি ছেদসেকালঙ্করণক্রিযাপেক্ষযা নিম্বাদীনাং দ্বিতীযাঽর্থসম্বন্ধশ্চ| স০-তত্র-তেষ্বতিস্থৌল্যাদিষু, মেদোনিলশ্লেষ্মনাশনং সর্বং-অন্নপানৌষধমিষ্যতে|

আযুর্বেদরসাযনম্ ব্যাখ্যা ( কৃত)

আ০ র০-অতিস্থৌল্যাদীনাহ-অতিস্থৌল্যাপচীতি, কাসসন্ন্যাসেতি| অতিস্থৌল্যাদীন্ 'অতিবৃংহণং কুর্যাত্' ইত্যধ্যাহারঃ| আ০ র০-অতিস্থৌল্যাদীনামৌষধমাহ-তত্র মেদোনিলশ্লেষ্মনাশনমিতি|

সর্বাঙ্গসুন্দরী ব্যাখ্যা ( কৃত)

স০-কুলত্থাদিকং স্থূলাযেষ্যতে| জূর্ণঃ-তৃণধান্যবিশেষো দক্ষিণাপথে জোন্ধলক ইতি প্রসিদ্ধঃ| দণ্ডাহতং-মথিতম্| ত্রিফলাদীনামন্যতমং মধুনা লিহ্যাত্| তথা, রসাঞ্জনাদেশ্চ প্রযোগোঽগ্নিমন্থরসসহিতো হিতঃ, অতিস্থূলাযেতি প্রকৃতেন যোজ্যম্| বিডঙ্গাদিযোগঃ সর্বসমভাগোঽতিস্থৌল্যদোষজিত্|

আযুর্বেদরসাযনম্ ব্যাখ্যা ( কৃত)

আ০ র০-কুলত্থেতি, মস্ত্বিতি| জূর্ণৌ-যাবনালঃ| মধূদকং-মধুমিশ্রমুদকম্| দণ্ডাহতং-তক্রম্| ত্রিফলাদীংশ্চতুরো যোগানাহ-মধুনা ত্রিফলামিতি| রসাঞ্জনাদীম্শ্চতুরঃ প্রযোগানাহ-রসাঞ্জনস্যেতি, শিলাজতুপ্রযোগশ্চেতি| সাগ্নিমন্থরস ইতি চতুর্ভিঃ সম্বধ্যতে| অগ্নিমন্থরসঃ-তর্কারীস্বরসঃ| বিডঙ্গাদিযোগমাহ-বিডঙ্গমিতি, যবামলকচূর্নমিতি| ক্ষারো-যবক্ষারঃ| কাললোহরজো-লোহচূর্ণম্|

সর্বাঙ্গসুন্দরী ব্যাখ্যা ( কৃত)

স০-ব্যোষাদীনি দ্রব্যাণি চতুর্বিংশতিঃ পরস্পরসমভাগানীত্যেকো ভাগঃ, তত্সমো মধুনো দ্বিতীযো ভাগঃ, ঘৃতস্য তৃতীযঃ, তৈলস্য চতুর্থঃ, এষাং সর্বেষাং মিশ্রীভূতানাং ষোডশগুণা যবসক্তবঃ| তদেতত্পীতমতিস্থৌল্যাদিকান্ পূর্বোক্তান্ সর্বান্ রোগান্নিহন্তি| অন্যাংশ্চ তথা বিধান্ রোগান্-বৃংহণোত্থানিত্যর্থঃ| তথা, হৃদ্রোগাদীন্ নিহন্তি| তথা, বুদ্ধ্যাদিকরং সন্নস্য-মন্দস্যাগ্নের্দীপনং চ|

আযুর্বেদরসাযনম্ ব্যাখ্যা ( কৃত)

আ০ র০-ব্যোষাদিযোগমাহ-ব্যোষকট্বীতি, হিঙ্গুসৌবর্চলেতি, নিশে বৃহত্যাবিতি, এষামিতি, সক্তুভিরিতি, অতিস্থৌল্যাদিকানিতি, হৃদ্রোগকামলেতি, বুদ্ধিমেধাস্মৃতিকরমিতি| কেম্বুকান্মূলম্| কেম্বুকং-স্বনামপ্রসিদ্ধম্| ষোডশগুণৈঃ-চূর্ণাপেক্ষযা| পীতং-শীতোদকেন| সঙ্গ্রহে তু (সূ. অ. ২৪) -"গুর্বাদিবৃদ্ধসংলীনশ্লেষ্মমিশ্রোঽন্নজো রসঃ| আম এব শ্লথীকুর্বন্ ধাতূন্ স্থৌল্যমুপনযেত্|| অতিস্থৌল্যাদতিক্ষুত্তৃট্স্বেদশ্বাসাতিনিদ্রতাঃ| দৌর্গন্ধ্যং গদ্গদত্বং চ ভবেন্মেদোঽতিপুষ্টিতা| স্রোতঃসু মেদোরুদ্ধেষু বাযুঃ কোষ্ঠে বিশেষতঃ|| চরন্ প্রজ্বলযত্নগ্নিং ক্ষুত্তৃষৌ স্তস্ততোঽধিকম্| স্থূলং কোটরবদ্দৃদ্ধৌ দহতোঽগ্ন্যনিলৌ চ তৌ|| স্বেদবাহিশিরামূলভবাদ্বিষ্যন্দনাদপি| মেদসঃ শ্লেষ্মযোগাচ্চ ভবতি স্বেদভূরিতা|| কোষ্ঠ এব বিপক্কেঽস্য সংরুদ্ধস্রোতোসো রসে| সর্বত্রালব্ধবৃত্তিত্বাত্ প্রাযো মেদঃ প্রচীযতে|| তচ্ছেষাঽপি রসোঽল্পত্বান্নালং রক্তাদিপুষ্টযে| তুল্যেঽপি রক্তাদিচযে প্রাক্ চিতং চীযতেতরাম্|| মেদস্তেনাসমত্বেন ধাতূনাং বিদধাতি তত্| শ্বাসাদীনচিরাচ্চান্যান্ জ্বরোদরভগন্দরান্|| মেহোরুস্তম্ভপিটিকাবিদ্রধিপ্রভৃতীন্ গদান্| অযথোপচযোত্সাহশ্চলস্ফিগুদরস্তনঃ|| অতিস্থূলঃ স্মৃতো যোজ্যং তত্রান্নং মারুতাপহম্| মদনং ত্রিফলামুস্তাস্পতাহ্বারিষ্টবত্সকম্|| সপাঠারগ্বধং পীতমতিবৃংহণরোগজিত্| তদ্বদ্বত্সকশম্যাকদেবদারুনিশাদ্বযম্|| সমুস্তপাঠাখদিরত্রিফলানিম্বগোক্ষুরম্| মদনাদীনি চালেপঃ স্নানাদিষ্বপি যোজযেত্|| হিঙ্গুগোমেদকব্যোষকুষ্ঠক্রৌঞ্চাস্থিগোক্ষুরম্| এলাবৃষকষড্গ্রন্থাখরাশ্বোপলভেদকম্|| তক্রেণ দধিমণ্ডেন পীতং কোলরসেন বা| মূত্রকৃচ্ছ্রং কৃমীন্ মেহান্ স্থূলতাং চ ব্যপোহতি|| কৃমিঘ্নত্রিফলাতৈলসক্তুত্র্যূষণদীপ্যকৈঃ| লোহোদকাপ্লুতো মন্থঃ শস্তো বৃংহণরোগিণাম্|| যোজ্যং তথা যথাব্যাধি স্বেদাসৃক্স্রাবণাদ্যপি|" ইতি|

সর্বাঙ্গসুন্দরী ব্যাখ্যা ( কৃত)

স০-অতিকার্শ্যাদযোঽতিলঙ্ঘনাজ্জাযন্তে| স্নেহাদীনাং ক্ষযশব্দেন সমাসঃ, বস্ত্যাদীনাং চ রুজাশব্দেন| মূত্রগ্রহাদ্যাশ্চেত্যাদ্যশব্দেন নানাবিধানাং বাতরোগাণাং গ্রহণম্|

আযুর্বেদরসাযনম্ ব্যাখ্যা ( কৃত)

আ০ র০-অতিকার্শ্যাদীনাহ-অতিকাড়্শ্যমিতি, স্নেহেতি, স্নেহেতি, বস্তীতি, প্রলাপেতি, বর্চোমূত্রেতি| স্নেহাদীনাং নবানাং ক্ষযঃ| স্নেহঃ-স্নিগ্ধত্বম্| বস্ত্যাদীনাং সপ্তানাং রুজা|

সর্বাঙ্গসুন্দরী ব্যাখ্যা ( কৃত)

স০-অত্র চাতিকার্শ্যমেব বরমতিস্থৌল্যাদিতি বেদ্যম্, ন কার্শ্যমাত্রং স্থৌল্যমাত্রং বা| যস্মাদতিস্থূলাতিকৃশাবেব লঙ্ঘনবৃংহণাভ্যামুপক্রম্যাবত্র বিবক্ষিতৌ, ন স্থূলকৃশৌ সামান্যেন|

আযুর্বেদরসাযনম্ ব্যাখ্যা ( কৃত)

আ০ র০-স্থৌল্যাত্ কার্শ্যস্য সুখসাধ্যত্বমাহ-কার্শ্যমেবেতি|

সর্বাঙ্গসুন্দরী ব্যাখ্যা ( কৃত)

স০-যস্মাত্ স্থূলস্য ভেষজং বৃংহণং নালং-ন সমর্থম্, ন চ লঙ্ঘনং সমর্থম্| যস্মাত্স্থূলস্য ভেষজমতিমেদোগ্নিবাতজিত্| যন্মেদঃক্ষপণং তদগ্নিনাশকৃদ্বাতহৃচ্চ| স্থূলস্য হি বৃংহণেন মেদোঽতিতরামুপচীযতে, লঙ্ঘনেন চ মেদঃক্ষপণং ভবতি, কিন্ত্বগ্নিপবনাবস্যোপচীযতে| যস্মাত্ বৃংহণং-মাংসক্ষীরাদি, যচ্চ লঙ্ঘনং-কোদ্রবশ্যামাকাদি, তত্পূর্বস্মাদ্ধেতোঃ স্থূলস্য ন ভেষজম্|

আযুর্বেদরসাযনম্ ব্যাখ্যা ( কৃত)

আ০ র০-স্থৌল্যস্য কৃচ্ছ্রসাধ্যত্বে হেতুমাহ-ন হি স্থূলস্যেতি| বৃংহণং লঙ্ঘনং বা ন স্থূলস্য ভেষজম্| যতস্তস্যাতিমেদোগ্নিবাতজিদ্ভেষজমলং-সমর্থম্| লঙ্ঘনমতিমেদোজিত্ ভবতি, ন ত্বত্যগ্নিবাতজিত্| বৃংহণমত্যগ্নিবাতজিদ্ভবতি, ন ত্বতিমেদোজিত্|

সর্বাঙ্গসুন্দরী ব্যাখ্যা ( কৃত)

স০-যত্-যস্মাত্, ক্রশিমা মধুরস্নিগ্ধতৃপ্তিভিঃ সৌখ্যেন-অনাযাসেন চ, নশ্যতি-শাম্যতি, তস্মাত্কার্শ্যং স্থৌল্যাদ্বরম্| যতশ্চ স্থবিমা-স্থূলত্বং, অত্যন্তবিপরীতনিষেবণৈঃ শাম্যতি| অত্যন্তং বিপরীতানি চ তানি নিষেবণানি চাত্যন্তবিপরীতনিষেবণানি তৈঃ,-তিক্তকটুকষাযপ্রাযৈঃ রূক্ষৈরন্নপানৌষধসেবনৈরিত্যর্থঃ| স্থূলকৃশযোশ্চ যদি বৃংহণসাদ্যস্তুল্যো ব্যাধিঃ স্যাত্, তার্হি স্থূলস্যোপক্রমবিরোধাত্তথা সুখেন ন শাম্যতি যথা কৃশস্য| লঙ্ঘনসাধ্যোঽপি বিসূচিকাদির্যাদি চৈতযোঃ স্যাত্, সোঽপি কৃশস্য শীঘ্রমুপশমং গচ্ছতি| স্থূলস্য তু বিরুদ্ধোপক্রমত্বাত্ দুঃখেন শাম্যতি| তথা হি-অত্র প্রধানোপক্রমঃ স্বেদঃ, স চ তাবন্ন ঘটতে| "ন স্বেদযেদতিস্থূলম্" (হৃ. সূ. অ. ১৭|২১) ইতি নিষেধাত্| অথৈনং লঙ্ঘযতি তদা (সঙ্গ্রহে সূ. অ. ২৪) - "স্রোতঃসু মেদোরুদেষু বাযুঃ কোষ্ঠে বিশেষতঃ| চরন্ প্রজ্বলযত্যগ্নিং ক্ষুতৃষৌ স্তস্ততোঽধিকম্| স্থূলং কোটরবদ্দৃদ্ধৌ দহতোঽগ্ন্যনিলৌ চ তৌ||" ইত্যাদি ন্যাযাদ্বাতসখেনাগ্নিনা বনস্যেবাস্য মহতি ব্যাপদুত্পদ্যতে| অথ বৃংহণোপক্রমঃ ক্রিযতেঽস্য তদাঽঽমদোষো বর্ধেত| কৃশস্য ত্ববিরুদ্ধোপক্রমত্বাদ্বিসূচিকাদিঃ সুখেনোপক্রম্যঃ| তস্মাত্কার্শ্যমেব স্থৌল্যাদ্বরম্| ক্রশিমেতি কৃশশব্দাত্পৃথ্বাদিপাঠাদিমনিচ্, রঋতো হলাদেরিতি রেফাদেশঃ| স্থবিমেতি দৃঢাদেরাকৃতিগণত্বাদিমনিজিতি কেচিত্| তস্মিংশ্চ সতি স্থূলদূরেতি যণাদিপরস্য লোপঃ, ঋকারস্য চ গুণঃ|

আযুর্বেদরসাযনম্ ব্যাখ্যা ( কৃত)

আ০ র০-কার্শ্যস্থৌল্যযোর্বরাবরত্বে হেত্বন্তরমাহ-মধুরেত্যাদি, ক্রশিমেত্যাদি| মধুরস্নিগ্ধানং সৌহিত্যৈঃ, তৃস্যভ্যাসার্থং বহুবচনম্| ক্রশিমা-কার্শ্যম্| স্থবিমা-স্থৌল্যম্| স চাত্যন্তবিপরীতনিষেবণৈর্নশ্যতি| অত্যন্তবিপরীতানি-অত্যগ্লাতিরূক্ষাদীনি, অতিদুঃখং চ|

সর্বাঙ্গসুন্দরী ব্যাখ্যা ( কৃত)

স০-তত্র-কৃশে, বৃংহণং সর্বং পানান্নৌষধং যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-কার্শ্যস্যৌষধমাহ-যোজযেদিতি|

সর্বাঙ্গসুন্দরী ব্যাখ্যা ( কৃত)

স০-অচিন্তযা-চেতসঃ শোককার্যাদ্যনাকুলত্বেন, তথা হর্ষণেন-চিত্ততুষ্ট্যা, তথা সন্তর্পণেন-আহারবিশেষাদিনা বৃংহণেন, তথা স্বপ্নপ্রসঙ্গাত্-অতিনিদ্রাসেবনেন, কৃশঃ পুষ্যতি-সর্বোপচিতধাতুঃ সম্পদ্যতে| ক ইব ? বরাহ এব,-শূকরো যথা| অন্যেভ্যশ্চ পুষ্টিহেতুভ্যঃ কৃশবিষযে স্বপ্ন এব প্রধান ইতি দর্শযিতুং বরাহো দৃষ্টান্তত্বেনোপন্যস্তো গ্রন্থকৃতা| তথা হি-বরাহস্য স্বপ্নমন্তরেণ ন কশ্চিত্তথাবিধোঽভ্যবহারাদিরুপলভ্যতে, যথাঽসৌ পুষ্টোঽতিমেদুরো দৃশ্যতে| অতিস্থূলাতিকৃশযোশ্চ লক্ষণং মুনিনাঽভ্যধাযি (চ. সূ. অ. ২১|৯) - "মেদোমাংসাতিবৃদ্ধত্বাচ্চলস্ফিগুদরস্তনঃ| অযথোপচ্চযোত্সাহো নরোঽতিস্থূল উচ্যতে||" তথা (চ. সূ. অ. ২১|১৪)- "শুষ্কস্ফিগুদরগ্রীবো ধমনীজালসন্ততঃ| ত্বগস্থিশেষোঽতিকৃশঃ স্থূলপর্বা নরো মতঃ||" ইতি| স০-মাংসেন সমমপরং দেহবৃহত্ত্বকরং ন চ বিদ্যতে| সর্ববৃহত্ত্বকরেভ্যো মাংসমতিবৃংহণমিত্যর্থঃ| বিশেষেণ মাংসাদমাংসং দেহবৃহত্ত্বকৃত্| কুতঃ ? ইত্যাহ-মাংসেন সম্ভৃতত্বাত্,-পুষ্টত্ত্বাত্|

আযুর্বেদরসাযনম্ ব্যাখ্যা ( কৃত)

আ০ র০-অচিন্তাদিচতুষ্টযং কার্শ্যস্য প্রধানমৌষধমিত্যাহ-অচিন্তযেতি, স্বপ্নপ্রসঙ্হ্গাচ্চেতি| হর্ষণেন-প্রিযদর্শনাদিনা| সন্তর্পণেন-সৌহিত্যেন| স্বপ্নপ্রসঙ্গাত্-নিদ্রাভ্যাসাত্| আ০ র০-কার্শ্যস্য প্রধানতরমৌষধমাহ-ন হীত্যাদি| কার্শযস্য প্রধানতমমৌষধমাহ-মাংসাদেত্যাদি| মাংসাদানাং-মাংসাসেবিনাং মাংসম্, মাংসেন সম্ভৃতত্বাত্-পুষ্টত্বাত্, বিশেষেতো দেহবৃহত্ত্বকৃত্ ইত্যনুষঙ্গঃ| সঙ্গ্রহে তু (সূ.অ.২৪)-"অতিকার্শ্যেন নাযাসবর্ষশীতোষ্নতৃট্ক্ষুধঃ| তৃপ্তিহগুল্মার্শোবহ্নিমন্দতাঃ| কৃশং প্রাযশ্চ বাধন্তে রক্তপিত্তানিলামযাঃ| শুষ্কস্ফিগুদরগ্রীবঃ স্থূলপর্বা শিরাততঃ| উচ্যতেঽতিকৃশস্তত্র প্রাগুক্তো বৃংহণো বিধিঃ|| অশ্বগন্ধা বিদার্যাদ্যো বৃষ্যাশ্চৌষধযো হিতাঃ| লঙ্ঘনোত্থেষু রোগেষু শেষেষ্বপ্যুপকল্পযেত্|| যত্তদাত্বে সমর্থং স্যাদ্যচ্চাভ্যাসেন পুষ্টযে| সদ্যঃক্ষীণো যতঃ সদ্যোবৃংহণেনোপচীযতে|| চিরং ক্রমেণ চ ক্ষীণস্তদভ্যাসেন তত্র চ| বৃংহণং দেহমাত্রাগ্নিমলাদীন্ বীক্ষ্য যোজযেত্|| ক্রমান্মাংসরসাংস্তল্মাদ্দকলাবণিকান্ লঘূন্| বেসবারীকৃতৈস্তদ্বজ্জাঙ্গলৈশ্চ কৃতাকৃতান্|| রসাংস্তথা চ ক্ষীরাদীংস্তর্পণাংস্তর্পণান্ পুনঃ| যুঞ্জ্যাত্কৃশানাং জ্বরিণাং কাসিনাং মূত্রকৃচ্ছ্রিণাম্|| তৃষ্যতামুর্ধ্ববাতানাং মূঢমারুতবর্চসাম্| সমকৃষ্ণাসিতাতৈলক্ষৌদ্রাজ্যো হি সতর্পণঃ|| মন্থস্তদ্বত্সিতাক্ষৌদ্রমদিরাসক্তুযোজিতঃ| ফাণিতং সক্তবঃ সর্পৈর্দধিমণ্ডোঽম্লকাঞ্জিকম্|| তর্পণং মূত্রকৃচ্ছ্রঘ্নমুদাবর্তহরং পরম্| মন্থঃ খর্জূরমৃদ্বীকাবৃক্ষাম্লাম্লিকদাডিমৈঃ|| পরূষকৈঃ সামলকৈঃ সদ্যস্তৃষ্ণাদিরোগজিত্| স্বাদুরম্লো জলকৃতঃ সস্নেহো রূক্ষ এব বা|| সদ্যঃ সন্তর্পণো মন্থঃ স্থৈর্যবর্ণবলপ্রদঃ|" ইতি|

সর্বাঙ্গসুন্দরী ব্যাখ্যা ( কৃত)

স০-যদ্গুরু যচ্চাপতর্পণং, তত্সমাসেন স্থূলে হিতং মাক্ষিকশালূকাদি| এতাদ্ধি রৌক্ষ্যান্মেদঃ ক্ষপযতি, গৌরবাচ্চ শীঘ্রং জরাং ন গচ্ছতি| যদতো বিপরীতং-লঘু সন্তর্পণং চ, তদতিকৃশে হিতং শালিষষ্টিকৈণেযশশলাবকপিঞ্জলাদিকম্| অতিকৃশস্য হ্যগ্নিরপি কৃশো ভবতি| তস্মাদ্যপি তস্য গুর্বন্নপানৌষধমুপযুজ্যতে, ততোঽগ্নিসাদোঽস্য জাযতে| তথাঽস্য লঘু অপতর্পণমুপযুজ্যতে, তদ্ভূযঃ কার্শ্যাযাস্য স্যাত্| তস্মাল্লঘু সন্তর্পণং চ যত্তত্কৃশায হিতম্| গুরু চেত্যত্র চশব্দাল্লঘু চ যদতর্পণং শ্যামাককোরদূষাদিকং, তথাঽন্যদপি যন্ন গুরু ন চ লঘু মেদোঘ্নং জাগরব্যবাযব্যাযামচিন্তাদিকং, তচ্চ স্থূলে হিতমিতি গম্যতে| উভযোঃ-স্থূলকৃশযোর্যবগোধূমং হিতম্| কিম্ভূতং যবযোগধূমম্ ? ইত্যাহ-তদ্যোগ্যেত্যাদি| তযোঃ-স্থূলকৃশযোঃ, যোগ্যা-উচিতা, আহিতা-কৃতা, কল্পনা-সংযোগসংস্কারাদিনোপযোগোঽপাযো বা, যস্মিন্ যবগোধূমে, তদেবম্| যবাঃ স্থূলে হিতাঃ, গোধূমাঃ কৃশে, ইত্যর্থঃ| 'হিতযোগে চতুর্থী বক্তব্যা" ইত্যস্য প্রাযিকত্বাত্ স্থূলে হিতমিত্যত্র ন চতুর্থী| অন্যেঽপি হ্যেবং প্রযোগা দৃশ্যন্তে| যথা রুদ্রটস্য (কাব্যালঙ্কারে অ. ৫|১৪ টী.) - "সামাজা ধীমতাং হিতম্|" ইতি| তথাঽস্যৈব (হৃ. সূ. অ. ৬|২৯) - "বিলেপি গ্রাহিণী হৃদ্যা তৃষ্ণাঘ্নী দীপনী হিতা| ব্রণাক্ষিরোগসংশুদ্ধদুর্বলস্নেহপাযিনাম্||" ইতি|

আযুর্বেদরসাযনম্ ব্যাখ্যা ( কৃত)

আ০ র০-স্থৌল্যকার্শ্যযোঃ সঙ্ক্ষেপাদৌষধমাহ-গুরু চাতর্পণমিত্যাদি, যবগোধূমমিত্যাদি| গুরুত্বে সতি যদপতর্পণং তত্স্থূলে হিতম্| লঘুত্বে সতি যত্সন্তর্পণং তত্কৃশে হিতম্| যবাশ্চ গোধূমাশ্চ যবগোধূমম্| তদুভযোঃ স্থূলকৃশযোঃ ক্রমেণ হিতম্| তচ্চ তদুচিতকৃতকল্পনম্| যথা,-স্থূলে তৈলতক্রাদিসিদ্ধা ভক্ষ্যাঃ কৃশে ব্রুতক্ষীরাদিসিদ্ধাঃ| সঙ্গ্রহে তু (সূ. অ. ২৪) -"স্থৌল্যকার্শ্যে প্রকৃত্যাঽপি স্যাতাং তত্রাপ্যযং বিধিঃ| সততব্যাধিততযা সদা যোজ্যো বিভজ্য চ|| মাত্রাদিযুক্তে সেবেত যস্তু লঙ্ঘনবৃংহণে| সমধাত্বগ্নিদেহোঽসৌ সিংহসংহননো ভবেত্|| দৃঢেন্দ্রিযবলত্বাচ্চ ন দ্বন্দ্বৈরভিভূযতে|" ইতি|

সর্বাঙ্গসুন্দরী ব্যাখ্যা ( কৃত)

স০-দোষাণাং-পৃথগ্রূপাণাং সংসর্গসন্নিপাতাদিতরতমভেদেনাঽঽনন্ত্যং যাতানাং যা গতিঃ, তথা তেষামেব স্থানবৃদ্ধিক্ষযলক্ষণা যা গতিঃ, তথা তির্যগূর্ধ্বাধোলক্ষণা যা গতিঃ, তথা শাখাকোষ্ঠাস্থিসন্ধিলক্ষণা চ যা গতিঃ, তযা| অতিরিচ্যন্তে-বহবো ভবন্ত্যুপক্রমাঃ| কথম্ ? ইত্যাহ-গ্রাহিভেদ্যাদিভেদতঃ,-গ্রাহী চ ভেদী চ গ্রাহিভেদিনৌ, তাবাদী যেষাং-রোগানুরোধান্নানাবিধানামুপক্রমাণাং, তে গ্রাহিভেদ্যাদযঃ, তেষাং ভেদো-বিশেষো, গ্রাহিভেদ্যাদিভেদঃ, তস্মাত্| যদ্যপ্যতিরিচ্যন্তে-অনন্তাঃ সম্পদ্যন্তে, তথাঽপি দ্বিত্বাত্-সন্তর্পণাপতর্পণরূপাত্, ন তেঽতিরিচ্যন্তে| সন্তর্পণরূপত্বমপতর্পণরূপত্বং বা বর্জযিত্বা ন তেষামুপক্রমাণাং রূপান্তরং সম্ভবতীত্যর্থঃ| কথমিব নাতিরিচ্যন্তে? ইত্যাহ-ভিন্না অপি গদা ইব| যথা,-বাতাদিদোষবশান্নানাবিধা অপি জ্বরাদযো বৃংহণলঙ্ঘনসাধ্যত্বং [সামত্বং নিরামত্বং বা ] নাতিবর্তন্তে, যথোপক্রমা অপীতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে দ্বিবিধোপক্রমণীযাধ্যাযশ্চতুর্দশঃ সমাপ্তঃ|| ১৪||

আযুর্বেদরসাযনম্ ব্যাখ্যা ( কৃত)

আ০ র০-"স্নেহনং রূক্ষণং কর্ম" (শ্লো. ৩) ইত্যাদিনা সর্বোপক্রমাণাং পৃথক্ত্বেঽপ্যুপক্রমদ্বযেঽন্তর্ভাব উক্তঃ| ইদানীং তেষাং পৃথক্ত্বমেব কুতঃ? ইত্যত আহ-দোষগত্বেতি| দোষগত্যা-দ্দোষশ(স)রণত্বেন, যথা যথা দোষা ভিদ্যন্তে তথা তথোপক্রমা ভিদ্যন্তে| যথা,-অতিপ্রবৃত্তে গ্রাহী, অপ্রবৃত্তে ভেদী, দাহে শীতঃ, শীতে উষ্ণঃ, ইত্যাদি| পৃথক্ত্বে হেতুশ্চেত্পৃথক্ত্বমেবাস্তু, নেত্যাহ-ন তে দ্বিত্বাদিতি| দ্বিত্বাঞ্চাতিরিচ্যন্তে-বৃংহণত্বং লঙ্ঘনত্বং বা সামান্যং ন ত্যজন্তি| যথা,-নানাবিধা অপি গদাঃ সামত্বং নিরামত্বং বা| ইতি হেমাদ্রিটীকাযামাযুর্বেদরসাযনে| ব্দ্যুপক্রমপ্রকরণং সামস্ত্যেন নিরূপিতম্|| ১৪||