Adhikarana অধ্যাযোপক্রমঃ · Śloka
🔊 Audio coming soon
সর্বাঙ্গসুন্দরী ব্যাখ্যা ( কৃত)
রসভেদীযাদনন্তরং দোষাদিবিজ্ঞানীয আরভ্যতে| যতো "দোষভেষজবশাদুপযোজ্যাঃ" ইত্যুক্তম্, অত ঈদৃক্স্বরূপাস্তে দোষা ইতি জ্ঞাপনার্থমধ্যাযোঽযমুচ্যতে-
আযুর্বেদরসাযনম্ ব্যাখ্যা ( কৃত)
০
Adhikarana দোষাদিবিজ্ঞানীযাধ্যাযঃ (২) · Śloka ২
রসভেদীযাদনন্তরং দোষাদিবিজ্ঞানীয আরভ্যতে| যতো "দোষভেষজবশাদুপযোজ্যাঃ" ইত্যুক্তম্, অত ঈদৃক্স্বরূপাস্তে দোষা ইতি জ্ঞাপনার্থমধ্যাযোঽযমুচ্যতে - - - - অথাতো দোষাদিবিজ্ঞানীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| গদ্যসূত্রে||২||
रसभेदीयादनन्तरं दोषादिविज्ञानीय आरभ्यते| यतो "दोषभेषजवशादुपयोज्याः" इत्युक्तम्, अत ईदृक्स्वरूपास्ते दोषा इति ज्ञापनार्थमध्यायोऽयमुच्यते - - - - अथातो दोषादिविज्ञानीयमध्यायं व्याख्यास्यामः| इति ह स्माहुरात्रेयादयो महर्षयः| गद्यसूत्रे||२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-দোষা আদযো যেষাং তে-দোষাদযঃ, তেষাং বিজ্ঞানং-প্রাকৃতেন বৈকৃতেন চ স্বরূপেণা ৯ বগমঃ, তস্মৈ হিতো যঃ, তমধ্যাযং ব্যাখ্যাস্যামঃ| আদিশব্দেন ধাতবো মলাশ্চ সঙ্গ্রহ্যন্তে| তত্স্বরূ ১০ পাবগমেন চ ত এব দোষাঃ সম্যগ্জ্ঞাতা ভবন্তি| ধাতূনাং মলানাং চ দোষাধারভূতত্বাত্|
আযুর্বেদরসাযনম্ ব্যাখ্যা ( কৃত)
আ০ র০-হেতুস্কন্ধানন্তরং লক্ষণস্কন্ধমারভতে| তত্র দোষাদিবিজ্ঞানীযমধ্যাযং ব্যাখ্যাতুং প্রতিজানীতে-অথেতি| দোষাদিবিজ্ঞানাধীনত্বাল্লক্ষণস্য| দোষদূষ্যবৈষম্যং চ রোগলক্ষণম্| বৈষম্যজ্ঞানং চ সাম্যজ্ঞানাধীনম্| অত এবাদৌ সাম্যজ্ঞানম্|
Adhikarana দেহস্য মূলং দোষাদযঃ (১) · Śloka ১
দোষধাতুমলা মূলং সদা দেহস্য--| |১|
दोषधातुमला मूलं सदा देहस्य--| |१|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-দোষাঃ-বাতাদযঃ, ধাতবো-রসাদযঃ, মলাঃ-মূত্রাদযঃ, তে দেহস্য মূলমিব মূলম্| যথা,-বৃক্ষস্য স্কন্ধশাখাদিযুক্তস্য মূলং প্রধানম্, তদারব্ধত্বাত্| তথা,-দেহস্য দোষধাতুমলাঃ|
আযুর্বেদরসাযনম্ ব্যাখ্যা ( কৃত)
আ০ র০-তত্র সাম্যফলমাহ-দোষধাতুমলা ইতি| দোষা-বাতাদযঃ| ধাতবো-রসাদযঃ| মলাঃ-পুরীষাদযঃ| মূলং-কারণম্| সদা-সর্বাসু জন্মাদ্যবস্থাসু| সমা ইতি প্রকরণাল্লভ্যতে|
Adhikarana বাযোঃ সাম্যলক্ষণম্, পিত্তস্য সাম্যলক্ষণম্, শ্চ্লেষ্মণঃ সাম্যলক্ষণম্ (১-৩) · Śloka ৩
তং চলঃ| উত্সাহোচ্ছ্বাসনিশ্বাসচেষ্টাবেগপ্রবর্তনৈঃ||১|| সম্যগ্গত্যা চ ধাতূনামক্ষাণাং পাটবেন চ| অনুগৃহ্ণাত্যবিকৃতঃ, পিত্তং পক্ত্যূষ্মদর্শনৈঃ||২|| ক্ষুত্তৃড্রুচিপ্রভামেধাধীশৌর্যতনুমার্দবৈঃ| শ্লেষ্মা স্থিরত্বস্নিগ্ধত্বসন্ধিবন্ধক্ষমাদিভিঃ||৩||
तं चलः| उत्साहोच्छ्वासनिश्वासचेष्टावेगप्रवर्तनैः||१|| सम्यग्गत्या च धातूनामक्षाणां पाटवेन च| अनुगृह्णात्यविकृतः, पित्तं पक्त्यूष्मदर्शनैः||२|| क्षुत्तृड्रुचिप्रभामेधाधीशौर्यतनुमार्दवैः| श्लेष्मा स्थिरत्वस्निग्धत्वसन्धिबन्धक्षमादिभिः||३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তং চ-দেহং, চলো-বাযুঃ, উত্সাহাদিভিরনুগৃহ্ণাতি-উপকুরুতে| উত্সাহঃ-সর্বচেষ্টাসূদ্যোগঃ, উচ্ছ্বাসঃ-ঊর্ধ্বং শ্বসনং শ্বাসমুক্তিঃ, নিশ্বাসঃ-শ্বাসস্য শরীরান্তঃ প্রবেশনম্, চেষ্টনং-চেষ্টা বাক্কাযমনোব্যাপারঃ, বেগানাং প্রবর্তনং-বাতবিণ্মূত্রাদীনাং বহির্নিরসনম্, এতৈশ্চ মারুতো দেহমনুগৃহ্ণাতি| পিত্তং পক্ত্যাদিভিরনুগৃহ্ণাতি| পক্তিঃ-পাকঃ| ঊষ্মা-ঔষ্ণ্যম্| দর্শনং-দৃষ্টিঃ| মেধা-বুদ্ধিবিশেষঃ| ধীঃ-প্রজ্ঞা| শৌর্যং-পৌরুষম্| তনুমার্দবং-শরীরমৃদুত্বম্| শ্লেষ্মা স্থিরত্বাদিভিরনুগৃহ্ণাতি| ক্ষমা-ক্ষান্তিঃ|
আযুর্বেদরসাযনম্ ব্যাখ্যা ( কৃত)
আ০ র০-বাযোঃ সাম্যং লক্ষযতি-তং চল ইতি| তং-দেহম্| চলো-বাযুঃ| উত্সাহঃ-অধ্যবসাযঃ| উচ্ছ্বাসঃ-শ্বাসনির্গমঃ| নিশ্বাসঃ-শ্বাসপ্রবেশঃ| চেষ্টা-গমনাদিক্রিযা| বেগপ্রবর্তনং-বিণ্মূত্রাদিপ্রবৃত্তিঃ| ধাতূনাং সম্যগ্গতিঃ-মার্গেণাদ্রুতবিলম্বিতসঞ্চারঃ| অক্ষাণাং পাটবং-ইন্দ্রিযাণাং বিষযগ্রহণসামর্থ্যম্| অনুগৃহ্ণাতি-উপকরোতি| অবিকৃতঃ-সমঃ| পিত্তস্য সাম্যং লক্ষযতি-পিত্তমিতি| পক্তিঃ-পাকঃ| ঊষ্মা-ঔষ্ণ্যম্| দর্শনং-চাক্ষুষজ্ঞানম্| ক্ষত্-বুভুক্ষা| তৃট্-পিপাসা| রুচিঃ-প্রীতিঃ| প্রভা-কান্তিঃ| মেধা-জ্ঞানধারণম্| ধীঃ-জ্ঞানম্| শৌর্যং-বলম্| তনুত্বং-অস্থূলত্বম্| মার্দবং-সৌকুমার্যম্| শ্লেষ্মণঃ সাম্যং লক্ষযতি-শ্লেষ্মেতি| স্থিরত্বং-দৃঢাঙ্গত্বম্| স্নিগ্ধত্বং-স্নেহাক্তত্বমিব| সন্ধিবন্ধঃ-সুশ্লিষ্টসন্ধিত্বম্| ক্ষমা-সহিষ্ণুত্বম্| আদিশব্দাদলৌল্যাদযঃ| "তমনুগৃহ্ণাত্যবিকৃতঃ" ইতি বাক্যদ্বযেঽনুবর্ততে|
Adhikarana ধাতূনাং শ্রেষ্ঠকর্মাণি (৪) · Śloka ৪
ইদানীং ধাতূনাং কর্মাণ্যাহ - - - - প্রীণনং জীবনং লেপঃ স্নেহো ধারণপূরণে| গর্ভোত্পাদশ্চ ধাতূনাং শ্রেষ্ঠং কর্ম ক্রমাত্স্মৃতম্||৪||
इदानीं धातूनां कर्माण्याह - - - - प्रीणनं जीवनं लेपः स्नेहो धारणपूरणे| गर्भोत्पादश्च धातूनां श्रेष्ठं कर्म क्रमात्स्मृतम्||४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-প্রীণনাদীনি কর্মাণি রসাদীনাং ক্রমাত্-ক্রমেণ শ্রেষ্ঠানি স্মৃতানি, মুনিভিরিতি শেষঃ| সঙ্গ্রহোক্তানি মধ্যমান্যপরাণি কর্মাণ্যেষাং সন্ত্যেব| যথা,-রসস্য তুষ্টিরক্তপুষ্ট্যাদিকং কর্ম, রক্তস্য চ বর্ণপ্রসাদো মাংসপোষণম্, মাংসস্য বলং মেদঃপুষ্টী চ মেদসঃ স্বেদদার্ঢ্যাস্থিপুষ্টযশ্চ, অস্থ্নো মজ্জপোষণম্, মজ্জ্ঞো বলমস্থিপূরণং শুক্রপুষ্টিশ্চ, শুক্রস্য হর্ষো বলং চ, এতৈর্ধাতবো দেহমনুগৃহ্ণন্তীত্যর্থঃ| প্রীণনং-আপ্যাযনম্| রসো হি সম্যগভ্যবহরতঃ স্রোতাংসি প্রবিশ্যেন্দ্রিযপ্রসাদমভিনির্বর্তযন্ মনসঃ প্রীতিমাদধাতি| জীবনং-ওজোবৃদ্ধিকরম্, রক্তকর্ম| লেপঃ-উপদেহো, মাংসস্য কর্ম| তদুপলিপ্তান্যস্থীনি চেষ্টাং ক্ষমন্তে| স্নেহো-নেত্রাদিষু স্নিগ্ধতা, মেদসঃ কর্ম| ধারণং-ঊর্ধ্বধারণম্, অস্থিকর্ম| পূরণং-স্নেহেনাস্থ্নাম্, মজ্জ্ঞঃ কর্ম| শুক্রস্য গর্ভোত্পত্তিঃ, শ্রেষ্ঠং কর্মেতি যোজ্যম্|
আযুর্বেদরসাযনম্ ব্যাখ্যা ( কৃত)
আ০ র০-ধাতূনাং সাম্যং লক্ষযতি-প্রীণনমিতি| প্রীণনং-তৃপ্তিঃ, অবিকৃতস্য রসস্য শ্রেষ্ঠং কর্ম| জীবনং-প্রাণধারণম্, রক্তস্য| লেপো-ভিত্তের্মৃত্তিকযেব, মাংসস্য| স্নেহঃ স্নিগ্ধত্বম্, মেদসঃ| ধারণং-অবলম্বনম্, অস্থ্নঃ| পূরণং-অস্থিপূরণম্, মজ্জ্ঞঃ| গর্ভোত্পাদঃ শুক্রস্য| শ্রেষ্ঠগ্রহণাদন্যান্যপ্যুত্তরধাতুপুষ্ট্যাদীনি সন্তীতি জ্ঞাপযতি|
Adhikarana মলানাং কর্মাণি (৫) · Śloka ৫
ইদানীং মলানাং কর্মাণ্যাহ - - - - অবষ্টম্ভঃ পুরীষস্য, মূত্রস্য ক্লেদবাহনম্| স্বেদস্য ক্লেদবিধৃতিঃ|৫|
इदानीं मलानां कर्माण्याह - - - - अवष्टम्भः पुरीषस्य, मूत्रस्य क्लेदवाहनम्| स्वेदस्य क्लेदविधृतिः|५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অবষ্টম্ভো-দেহধারণশক্তিঃ, শ্রেষ্ঠং কর্ম পুরীষস্য স্মৃতম্| মূত্রস্য ক্লেদবাহনং শ্রেষ্ঠং কর্ম, মূত্রং ক্লেদং নির্বাহযতি| স্বেদস্য ক্লেদবিধারণং শ্রেষ্ঠং কর্ম, ক্লেদাভাবে হি শোষঃ স্যাত্, মধ্যমত্বক্ঽঽস্নেহকচরোমধারণমপি|
আযুর্বেদরসাযনম্ ব্যাখ্যা ( কৃত)
আ০ র০-পুরীষস্য সাম্যং লক্ষযতি-অবষ্টম্ভ ইতি| অবষ্টম্ভো-ধারণম্| মূত্রস্য সাম্যং লক্ষযতি-মূত্রস্যেতি| ক্লেদবাহনং-ক্লেদস্য বহির্নির্গমনম্| স্বেদস্য সাম্যং লক্ষযতি-স্বেদস্যেতি| কেশবিধৃতিঃ-রোম্ণামবলম্বনম্| "শ্রেষ্ঠং কর্ম" ইতি বাক্যত্রযেঽনুবর্ততে| তেন অনিলানলধারণবস্তিপূরণক্লেদধারণাদীন্যন্যান্যপি কর্মাণি জ্ঞেযানি|
Adhikarana বৃদ্ধবাযোঃ কর্মাণি (৫-৬) · Śloka ৬
| বৃদ্ধস্তু কুরুতেঽনিলঃ||৫|| কার্শ্যকার্ষ্ণ্যোষ্ণকামত্বকম্পানাহশকৃদ্গ্রহান্| বলনিদ্রেন্দ্রিযভ্রংশপ্রলাপভ্রমদীনতাঃ||৬||
| वृद्धस्तु कुरुतेऽनिलः||५|| कार्श्यकार्ष्ण्योष्णकामत्वकम्पानाहशकृद्ग्रहान्| बलनिद्रेन्द्रियभ्रंशप्रलापभ्रमदीनताः||६||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বৃদ্ধঃ পুনর্বাযুঃ কার্শ্যাদীন্ করোতি| বলাদীনাং ভ্রংশেন সম্বন্ধঃ| বলস্য প্রাণোপঘাতো ভ্রংশঃ| নিদ্রাযাস্তু নাশো ভ্রংশঃ|
আযুর্বেদরসাযনম্ ব্যাখ্যা ( কৃত)
আ০ র০-অথ বৈষম্যজ্ঞানম্| তত্তু পঞ্চধা| বক্ষ্যতি-হি (হৃ. নি. অ. ১/২)- "নিদানং পূর্বরূপাণিরূপাণ্যুপশযস্তথা| সম্প্রাপ্তিশ্চেতি বিজ্ঞানং রোগাণাং পঞ্চধা স্মৃতম্||" ইতি| তত্রাদৌ রূপম্, তস্যান্তরঙ্গত্বাত্| পূর্বরূপং তু রূপমেবাব্যক্তম্| বক্ষ্যতি হি (হৃ. নি. অ. ১/৬)- "লিঙ্গমব্যক্তমল্পত্বাব্দ্যাধীনাং তদ্যথাযথম্| তদেব ব্যক্ততাং যাতং রূপমিত্যভিধীযতে||" ইতি| বৈষম্যং চ দ্বিধা,-বৃদ্ধিক্ষযভেদাত্| তত্রাদৌ বৃদ্ধিলক্ষণম্| তত্র বাযোরাঃ-বৃদ্ধ ইতি| কার্শ্যং-কৃশত্বম্| কার্ষ্ণ্যং-কৃষ্ণবর্ণত্বম্| উষ্ণকামত্বং-উষ্ণাভিলাষঃ| কম্পো-বেপথুঃ| আনাহঃ-বদ্ধোদরতা| শকৃদ্গ্রহঃ-পুরীষরোধঃ| বলাদীনাং ভ্রংশো-নাশঃ| প্রলাপঃ-অসম্বদ্ধপ্রলাপঃ| ভ্রমঃ-চক্ররূঢস্যেব| দীনতা- ম্লানত্বম্|
Adhikarana বৃদ্ধপিত্তস্য কর্মাণি (৭) · Śloka ৭
পীতবিণ্মূত্রনেত্রত্বক্ক্ষুত্তৃড্দাহাল্পনিদ্রতাঃ| পিত্তম্|৭|
पीतविण्मूत्रनेत्रत्वक्क्षुत्तृड्दाहाल्पनिद्रताः| पित्तम्|७|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পীতস্য বিডাদিভিস্ত্বগন্তৈঃ সম্বন্ধঃ, ততঃ ক্ষুদাদিভির্দ্বন্দ্বঃ, ততস্তলপ্রত্যযঃ| পিত্তং বৃদ্ধং পীতবিণ্মূত্রাদীন্ করোতি|
আযুর্বেদরসাযনম্ ব্যাখ্যা ( কৃত)
আ০ র০-পিত্তস্যাহ-পীতবিণ্মূত্রেতি| বিণ্মূত্রনেত্রত্বচাং পীতত্বম্| ক্ষুত্তৃষাবিহ তীব্রে জ্ঞেযে, সমযোঃ স-লক্ষণত্বাত্| দাহঃ-সন্তাপঃ| অল্পনিদ্রতা-নিদ্রাল্পত্বম্|
Adhikarana বৃদ্ধশ্লেশ্মণঃ কর্মাণি (৭-৮) · Śloka ৮
| শ্লেষ্মাঽগ্নিসদনপ্রসেকালস্যগৌরবম্||৭|| শ্বৈত্যশৈত্যশ্লথাঙ্গত্বং শ্বাসকাসাতিনিদ্রতাঃ| |৮|
| श्लेष्माऽग्निसदनप्रसेकालस्यगौरवम्||७|| श्वैत्यशैत्यश्लथाङ्गत्वं श्वासकासातिनिद्रताः| |८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শ্লেষ্মা বৃদ্ধোঽগ্নিসাদাদীন্ করোতি| শ্বৈত্যং- গাত্রশুক্লতা| শৈত্যং-অঙ্গানাং শিশিরত্বম্|
আযুর্বেদরসাযনম্ ব্যাখ্যা ( কৃত)
আ০ র০-শ্লেষ্মণ আহ-শ্লেষ্মেতি| অগ্নিসদনং-অগ্নিমান্দ্যম্| প্রসেকো-লালাস্রাবঃ| আলস্যং-অনুত্সাহঃ| গৌরবং-দুর্বহাঙ্গত্বম্| শ্বৈত্যং-শুক্লত্বম্| শৈত্যং-শীতস্পর্শত্বম্| শ্লথাঙ্গত্বং-অবযবশৈথিল্যম্| শ্বাসকাসৌ-রোগৌ| অতিনিদ্রতা-নিদ্রাধিক্যম্|
Adhikarana বৃদ্ধরসস্য কর্মাণি (৮) · Śloka ৮
| রসোঽপি শ্লেষ্মবত্|৮|
| रसोऽपि श्लेष्मवत्|८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রসশ্চ শ্লেষ্মবত্, রসোঽপি বৃদ্ধোঽগ্নিসাদাদীন্ বিদধাতীত্যর্থঃ|
আযুর্বেদরসাযনম্ ব্যাখ্যা ( কৃত)
আ০ র০-রসস্যাহ-রসোঽপীতি| শ্লেষমবদগ্নিসাদাদীন্ করোতি| অপিশব্দোঽন্যানষ্যতিদেশান্ সূচযতি| তেন রক্তং পিত্তবত্, মাংসমেদসী শ্লেষ্মবত্|
Adhikarana বৃদ্ধরক্তস্য কর্মাণি (৮-৯) · Śloka ৯
| রক্তং বিসর্পপ্লীহবিদ্রধীন্||৮|| কুষ্ঠবাতাস্রপিত্তাস্রগুল্মোপকুশকামলাঃ| ব্যঙ্গাগ্নিনাশসম্মোহরক্তত্বঙ্নেত্রমূত্রতাঃ||৯||
| रक्तं विसर्पप्लीहविद्रधीन्||८|| कुष्ठवातास्रपित्तास्रगुल्मोपकुशकामलाः| व्यङ्गाग्निनाशसम्मोहरक्तत्वङ्नेत्रमूत्रताः||९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রক্তং বৃদ্ধং বিসর্পাদীন্ করোতি| উপকুশো নাম দন্তরোগজাতিঃ, উত্তরতন্ত্রে (অ. ২১|২১) বক্ষ্যমাণলক্ষণা|
আযুর্বেদরসাযনম্ ব্যাখ্যা ( কৃত)
আ০ র০-রক্তস্যাহ-রক্তমিতি| বীসর্পাদযো ব্যঙ্গান্তাঃ রোগাঃ| তত্রোপকুশো-দন্তমাংসজরোগঃ| ব্যঙ্গং-ক্ষুদ্ররোগবিশেষঃ| সম্মোহো-মূর্চ্ছা| ত্বঙ্নেত্রমূত্রাণাং রক্তত্বম্|
Adhikarana বৃদ্ধমাংসস্য কর্মাণি (১০) · Śloka ১০
মাংসং গণ্ডার্বুদগ্রন্থিগণ্ডোরূদরবৃদ্ধিতাঃ| কণ্ঠাদিষ্বধিমাংসং চ|১০|
मांसं गण्डार्बुदग्रन्थिगण्डोरूदरवृद्धिताः| कण्ठादिष्वधिमांसं च|१०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মাংসং বৃদ্ধং গণ্ডাদীন্ রোগান্ করোতি| গণ্ডশব্দেন গণ্ডমালা গলগণ্ডশ্চ গৃহীতৌ, আদ্যন্তলোপাত্| ইতরশ্চ গণ্ডো গণ্ডমাংসাঢ্যাত্| গণ্ডশ্চার্বুদং চ গ্রন্থিশ্চ গণ্ডার্বুদগ্রন্থযঃ| গণ্ডৌ চ ঊরূ চোদরং চ তেষাং বৃদ্ধিতা| ততো দ্বন্দ্বঃ| তাঃ করোতি| বৃদ্ধিতা-বৃদ্ধিত্বম্| কণ্ঠাদিষ্বধিকং মাংসং চ কুরুতে| আদিশব্দেন তালুজিহ্বাদিপরিগ্রহঃ|
আযুর্বেদরসাযনম্ ব্যাখ্যা ( কৃত)
আ০ র০-মাংসস্যাহ-মাংসমিতি| গণ্ডাদযো রোগাঃ| গণ্ডো-গলগণ্ডাদিঃ| গণ্ডযোরূর্বোরুদরে চ বৃদ্ধতা-স্থৌল্যম্| কণ্ঠাদিষু-কণ্ঠতালুজিহ্বাদিষু| অধিমাংসং-মাংসস্যোপরি মাংসম্|
Adhikarana বৃদ্ধমেদসঃ কর্মাণি (১০-১১) · Śloka ১১
তদ্বন্মেদস্তথা শ্রমম্||১০|| অল্পেঽপি চেষ্টিতে শ্বাসং স্ফিক্স্তনোদরলম্বনম্| |১১|
तद्वन्मेदस्तथा श्रमम्||१०|| अल्पेऽपि चेष्टिते श्वासं स्फिक्स्तनोदरलम्बनम्| |११|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০- মেদোঽপি বৃদ্ধং গণ্ডাদীন্ কুরুতে| তথাল্পেঽপি চেষ্টিতে শ্রমং কুরুতে, শ্বাসং চ| তথা, স্ফিজোঃ স্তনযোরুদরস্য চ লম্বনং কুরুতে|
আযুর্বেদরসাযনম্ ব্যাখ্যা ( কৃত)
আ০ র০-মেদস আহ-তদ্বদিতি| তদ্বত্-মাংসবত্| তথা, অল্পেঽপি চেষ্টিতে শ্রমশ্বাসৌ| স্ফিগাদীনাং লম্বনম্| স্ফিজৌ-কটিপ্রোথৌ|
Adhikarana বৃদ্ধাস্থ্নঃ কর্মাণি (১১) · Śloka ১১
| অস্থ্যধ্যস্থ্যধিদন্তাংশ্চ|১১|
| अस्थ्यध्यस्थ्यधिदन्तांश्च|११|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অস্থি বৃদ্ধমধ্যস্থ্যধিহন্তাংশ্চ কুরুতে|
আযুর্বেদরসাযনম্ ব্যাখ্যা ( কৃত)
আ০ র০-অস্থ্ন আহ-অস্থীতি| অধ্যস্থি-অধিকমস্থি| অধিদন্তাঃ-অধিকা দন্তাঃ|
Adhikarana বৃদ্ধমজ্জ্ঞঃ কর্মাণি (১১-১২) · Śloka ১২
মজ্জা নেত্রাঙ্গগৌরবম্||১১|| পর্বসু স্থূলমূলানি কুর্যাত্কৃচ্ছ্রাণ্যরূংষি চ| |১২|
मज्जा नेत्राङ्गगौरवम्||११|| पर्वसु स्थूलमूलानि कुर्यात्कृच्छ्राण्यरूंषि च| |१२|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মজ্জা বৃদ্ধো নেত্রযোরঙ্গানাং চ গৌরবং কুর্যাত্| কুরুত ইতি প্রকৃতে কুর্যাদিত্যুক্তং স্পষ্টার্থম্| পর্বসু-অঙ্গুল্যাদিসন্ধিষু, অরূংষি-পিটিকাবিশেষান্, কুর্যাত্| কীদৃশানি ? স্থূলমূলানি,-স্থূলানি মূলানি যেষাং তানি| তথা, কৃচ্ছ্রাণি-কৃচ্ছ্রসাধ্যানি|
আযুর্বেদরসাযনম্ ব্যাখ্যা ( কৃত)
আ০ র০-মজ্জ্ঞ আহ-মজ্জেতি| অঙ্গগৌরবেণৈবাক্তে নেত্রগৌরবে নেত্রগ্রহণমতিশযার্থম্| পর্বসু-সন্ধিষু| স্থূলমূলানি-মূলপ্রদেশে স্থূলানি| কৃচ্ছ্রাণি-কষ্টসাধ্যানি| অরূংষি-ব্রণান্|
Adhikarana বৃদ্ধশুক্রস্য কর্মাণি (১২) · Śloka ১২
| অতিস্ত্রীকামতাং বৃদ্ধং শুক্রং শুক্রাশ্মরীমপি||১২||
| अतिस्त्रीकामतां वृद्धं शुक्रं शुक्राश्मरीमपि||१२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শুক্রং বৃদ্ধমতিস্ত্রীকামতাং কুর্যাত্, শুক্রাশ্মরীং চ| অপিশব্দাদ্বলস্নেহাদ্যপি|
আযুর্বেদরসাযনম্ ব্যাখ্যা ( কৃত)
আ০ র০-শুক্রস্যাহ-অতীতি| অতিস্ত্রীকামতা-পুনঃ পুনঃ স্ত্রীসঙ্গেচ্ছা| শুক্রাশ্মরী-রোগঃ|
Adhikarana বৃদ্ধশকৃতঃ কর্মাণি (১৩) · Śloka ১৩
কুক্ষাবাধ্মানমাটোপং গৌরবং বেদনাং শকৃত্| |১৩|
कुक्षावाध्मानमाटोपं गौरवं वेदनां शकृत्| |१३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শকৃত্-পুরীষং, বৃদ্ধং কুক্ষাবাধ্মানাদীন্ কুর্যাত্| কুর্যাদিতি সম্ভাবনাযাং লিঙ্| আধ্মানং-আনাহঃ| আটোপঃ-অন্ত্রকূজনাদি| [গৌরবং-গুরুত্বম্, বেদনাং চ কুক্ষৌ|]
আযুর্বেদরসাযনম্ ব্যাখ্যা ( কৃত)
আ০ র০-শকৃত আহ-কুক্ষাবিতি| কুক্ষৌ-উদরে, আধ্মানাদীনি| আধ্মানং-বাতেনোদরপূরণম্| আটোপো-গুডগুডাশব্দঃ| গৌরবং-দুর্বহত্বম্| বেদনাং-শূলম্| শকৃত্-পুরীষম্|
Adhikarana বৃদ্ধমূত্রস্য কর্মাণি (১৩) · Śloka ১৩
| মূত্রং তু বস্তিনিস্তোদং কৃতেঽপ্যকৃতসংজ্ঞতাম্||১৩||
| मूत्रं तु बस्तिनिस्तोदं कृतेऽप्यकृतसंज्ञताम्||१३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মূত্রং বৃদ্ধং বস্তের্নিস্তোদং-অতিব্যথাং কুর্যাত্| তথা কৃতেঽপি মূত্রেঽকৃতসংজ্ঞতাং-অকৃতাভাসত্বমিব কুর্যাত্|
আযুর্বেদরসাযনম্ ব্যাখ্যা ( কৃত)
আ০ র০-মূত্রস্যাহ-মূত্রমিতি| বস্তিনিস্তোদো-বস্তিদেশে ব্যথা| কৃতমপি মূত্রোত্সর্গমকৃতমিব মন্যতে|
Adhikarana বৃদ্ধস্বেদস্য কর্মাণি (১৪) · Śloka ১৪
স্বেদোঽতিস্বেদদৌর্গন্ধ্যকণ্ডূঃ| |১৪|
स्वेदोऽतिस्वेददौर्गन्ध्यकण्डूः| |१४|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-স্বেদো বৃদ্ধোঽতিস্বেদাদীন্ কুর্যাত্|
আযুর্বেদরসাযনম্ ব্যাখ্যা ( কৃত)
আ০ র০-স্বেদস্যাহ-স্বেদ ইতি| অতিস্বেদঃ-স্বেদাধিক্যম্| দৌর্গন্ধ্যং-দুর্গন্ধতা| কণ্ডূঃ-কচ্ছূঃ|
Adhikarana এবং দূষিকাদযো মলাঃ (১৪) · Śloka ১৪
এবং চ লক্ষযেত্| দূষিকাদীনপি মলান্ বাহুল্যগুরুতাদিভিঃ||১৪||
एवं च लक्षयेत्| दूषिकादीनपि मलान् बाहुल्यगुरुतादिभिः||१४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-এবং-অনেন প্রকারেণ, দূষিকাদীনপি মলান্ লক্ষযেত্-অনুমিনুযাত্| দূষিকা-অক্ষিমলঃ| আদিশব্দাত্ ঘ্রাণকর্ণনাসামলাদীনাং গ্রহণম্| কথং লক্ষযেত্ ? ইত্যাহ-বাহুল্যেত্যাদি| মলবাহুল্যেন তত্স্থানগৌরবেণ চ| আদিগ্রহণাত্কণ্ডূক্লেদাদযো গৃহ্যন্তে|
আযুর্বেদরসাযনম্ ব্যাখ্যা ( কৃত)
আ০ র০-দূষিকাদীনাহ-এবং চেতি| দূষিকা-নেত্রমলঃ| আদিশব্দাত্ কর্ণমলাদযঃ| এবমিতি যথা| স্বাধিক্যস্বাশযগৌরবাদিভিঃ পুরীষাদযো বৃদ্ধা লক্ষ্যন্তে| আদিশব্দাত্ স্বাশযব্যথাদযঃ|
Adhikarana ক্ষীণানিলস্য কর্মাণি (১৫) · Śloka ১৫
বৃদ্ধানাং বাতাদীনাং লিঙ্গান্যভিধায, ক্ষীণানাং বাতাদীনাং লিঙ্গান্যাহ - - - - লিঙ্গং ক্ষীণেঽনিলেঽঙ্গস্য সাদোঽল্পং ভাষিতেহিতম্| সংজ্ঞামোহস্তথা শ্লেষ্মবৃদ্ধযুক্তামযসম্ভবঃ||১৫||
वृद्धानां वातादीनां लिङ्गान्यभिधाय, क्षीणानां वातादीनां लिङ्गान्याह - - - - लिङ्गं क्षीणेऽनिलेऽङ्गस्य सादोऽल्पं भाषितेहितम्| संज्ञामोहस्तथा श्लेष्मवृद्धयुक्तामयसम्भवः||१५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অনিলে ক্ষীণে-স্বপ্রমাণাপচিতে, বক্ষ্যমাণানি লিঙ্গানি| বাযোস্তু সর্বক্ষযে দেহ এব ন স্যাত্, কস্য তল্লিঙ্গং স্যাত্| কিং পুনস্তল্লিঙ্গম্ ? ইত্যাহ-অঙ্গস্যেত্যাদি| অঙ্গস্য সাদঃ-ক্রিযাস্বসামর্থ্যম্| ঈহিতং-চেষ্টিতম্, কাযিকং কর্ম| ভাষিতং চেহিতং চ ভাষিতেহিতম্,-অল্পবচনাঽল্পচেষ্টিতত্বং চ স্যাত্| তথা, সংজ্ঞামোহঃ-সংবিদোঽভাবঃ| তথা, শ্লেষ্মবৃদ্ধৌ য উক্তাঃ-অগ্নিসাদপ্রসেকাদযঃ, তেষামামযানাং সম্ভবো ভবতি|
আযুর্বেদরসাযনম্ ব্যাখ্যা ( কৃত)
আ০ র০-অথ ক্ষযলক্ষণম্| তত্র বাযোরাহ-লিঙ্গমিতি| অঙ্গস্য সাদঃ-শ্রান্তত্বমিব| ভাষিতেহিতমল্পম্| ভাষিতং-বাচিকং কর্ম| ঈহিতং-কাযিকম্| সংজ্ঞা-বুদ্ধিঃ, তস্যা মোহোবিবেচনাক্ষমত্বম্| শ্লেষ্মবৃদ্ধযুক্তমযাঃ-অগ্নিসদনাদযঃ|
Adhikarana ক্ষীণপিত্তস্য কর্মাণি (১৬) · Śloka ১৬
পিত্তে মন্দোঽনলঃ শীতং প্রভাহানিঃ| |১৬|
पित्ते मन्दोऽनलः शीतं प्रभाहानिः| |१६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-লিঙ্গং ক্ষীণে ইত্যনুবর্ততে| পিত্তে ক্ষীণে লিঙ্গমেতত্| অগ্নির্মন্দঃ শীতং কান্তিহানিশ্চ স্যাত্|
আযুর্বেদরসাযনম্ ব্যাখ্যা ( কৃত)
আ০ র০-পিত্তস্যাহ-পিত্ত ইতি| মন্দোঽনলঃ-অগ্নিমান্দ্যম্| শীতং-হিমস্পর্শেনেব দুঃখম্| প্রভাহানিঃ-কান্তিনাশঃ|
Adhikarana ক্ষীণকফস্য কর্মাণি (১৬) · Śloka ১৬
কফে ভ্রমঃ| শ্লেষ্মাশযানাং শূন্যত্বং হৃদ্দ্রবঃ শ্লথসন্ধিতা||১৬||
कफे भ्रमः| श्लेष्माशयानां शून्यत्वं हृद्द्रवः श्लथसन्धिता||१६||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কফে ক্ষীণে ভ্রমো ভবতি| তথা, শ্লেষ্মাশযানাং শূন্যত্বং ভবতি| শ্লেষ্মাশযাঃ-উরঃশিরঃসন্ধ্যাদ্যাঃ| [তথা, হৃদ্দ্রাবাদযঃ স্যুঃ| হৃদ্দ্রবঃ-হৃদি কম্প ইত্যর্থঃ|]
আযুর্বেদরসাযনম্ ব্যাখ্যা ( কৃত)
আ০ র০-কফস্যাহ-কফ ইতি| ভ্রমঃ-চক্রারূঢস্যেব| শ্লেষ্মাশযানাং-উরঃপ্রভৃতীনাম্| শূন্যত্বং-রিক্তত্বম্| হৃদ্দ্রবঃ-অনুকম্পযেব পীডা হৃদযস্য| শ্লথসন্ধিতা-সন্ধিশৈথিল্যম্|
Adhikarana ক্ষীণরসস্য কর্মাণি (১৭) · Śloka ১৭
রসে রৌক্ষ্যং শ্রমঃ শোষো গ্লানিঃ শব্দাসহিষ্ণুতা| |১৭|
रसे रौक्ष्यं श्रमः शोषो ग्लानिः शब्दासहिष्णुता| |१७|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রসে ক্ষীণে রৌক্ষ্যাদযঃ স্যুঃ|
আযুর্বেদরসাযনম্ ব্যাখ্যা ( কৃত)
আ০ র০-রসস্যাহ-রস ইতি| রৌক্ষ্যং-স্নেহাভাবঃ| শ্রমঃ-শ্রান্তত্বম্| শোষো-মুখাদীনাম্| গ্লানিঃ-ক্লমঃ| শব্দাসহিষ্ণুতা-শব্দশ্রবণদ্বেষঃ|
Adhikarana ক্ষীণরক্তস্য কর্মাণি (১৭) · Śloka ১৭
| রক্তেঽম্লশিশিরপ্রীতিশিরাশৈথিল্যরূক্ষতাঃ||১৭||
| रक्तेऽम्लशिशिरप्रीतिशिराशैथिल्यरूक्षताः||१७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রক্তে ক্ষীণেঽম্লাদ্যভিলাষাদযঃ স্যুঃ|
আযুর্বেদরসাযনম্ ব্যাখ্যা ( কৃত)
আ০ র০-রক্তস্যাহ-রক্ত ইতি| অম্লশীতযোরভিলাষঃ| শিরাণাং শৈথিল্যম্| রূক্ষতা_শরীরস্য|
Adhikarana ক্ষীণমাংসস্য কর্মাণি (১৮) · Śloka ১৮
মাংসেঽক্ষগ্লানিগণ্ডস্ফিক্ঽঽশুষ্কতাসন্ধিবেদনাঃ| |১৮|
मांसेऽक्षग्लानिगण्डस्फिक्ऽऽशुष्कतासन्धिवेदनाः| |१८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মাংসে ক্ষীণেঽক্ষগ্লানিঃ, গল্লযোঃ স্ফিজোশ্চ শুষ্কত্বম্, সন্ধীনাং বেদনাঃ স্যুঃ, স্ফুটন্তীব সন্ধয ইত্যর্থঃ|
আযুর্বেদরসাযনম্ ব্যাখ্যা ( কৃত)
আ০ র০-মাংসস্যাহ-মাংস ইতি| অক্ষগ্লানিঃ-ইন্দ্রিযদৌর্বল্যম্| গণ্ডযোঃ স্ফিজোশ্চ শুষ্কতা| সন্ধীনাং ব্যথা|
Adhikarana ক্ষীণমেদসঃ কর্মাণি (১৮) · Śloka ১৮
| মেদসি ক্ষীণে কট্যাঃ প্লীহ্নো বৃদ্ধিঃ কৃশাঙ্গতা||১৮||
| मेदसि क्षीणे कट्याः प्लीह्नो वृद्धिः कृशाङ्गता||१८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মেদসি ক্ষীণে কট্যাঃ স্বাপঃ প্লীহবৃধিঃ কৃশাঙ্গত্বং চ|
আযুর্বেদরসাযনম্ ব্যাখ্যা ( কৃত)
আ০ র০-মেদস আহ-মেদসীতি| কঠ্যাঃ স্বপনংস্পর্শাজ্ঞত্বম্| প্লীহ্নো বৃদ্ধিঃ| ইতরেষামঙ্গানাং কার্শ্যম্|
Adhikarana ক্ষীণস্যাস্থ্নঃ কর্মাণি (১৯) · Śloka ১৯
অস্থ্ন্যস্থিতোদঃ শদনং দন্তকেশনখাদিষু| |১৯|
अस्थ्न्यस्थितोदः शदनं दन्तकेशनखादिषु| |१९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অস্থ্নি ক্ষীণেঽস্থ্নাং তোদো ভবতি| শদনং-শাতঃ, পাত ইত্যর্থঃ| কেষাম্ ? দন্তাদীনাম্|
আযুর্বেদরসাযনম্ ব্যাখ্যা ( কৃত)
আ০ র০-অস্থ্ন আহ-অস্থ্নীতি| অস্থিতোদঃ-অস্থ্নাং ব্যথা| দন্তাদীনাং শদনং-শাতঃ| আদিশব্দাদ্রোমাদযঃ|
Adhikarana ক্ষীণমজ্জ্ঞঃ কর্মাণি (১৯) · Śloka ১৯
| অস্থ্নাং মজ্জনি সৌষির্যং ভ্রমস্তিমিরদর্শনম্||১৯||
| अस्थ्नां मज्जनि सौषिर्यं भ्रमस्तिमिरदर्शनम्||१९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মজ্জনি ক্ষীণেঽস্থ্নাং সৌষির্যং ভ্রমাদিশ্চ|
আযুর্বেদরসাযনম্ ব্যাখ্যা ( কৃত)
আ০ র০-মজ্জ্ঞ আহ-অস্থ্নমিতি| অস্থ্নাং সৌষির্যং সরন্ধ্রত্বম্| ভ্রমঃ-চক্রারূঢস্যেব| তিমিরদর্শনং-সর্বস্যৈব বস্তুনস্তমোরূপত্বেনাবভাসঃ|
Adhikarana ক্ষীণশুক্রস্য কর্মাণি (২০) · Śloka ২০
শুক্রে চিরাত্ প্রসিচ্যেত শুক্রং শোণিতমেব বা| তোদোঽত্যর্থং বৃষণযোর্মেঢ্রং ধূমাযতীব চ||২০||
शुक्रे चिरात् प्रसिच्येत शुक्रं शोणितमेव वा| तोदोऽत्यर्थं वृषणयोर्मेढ्रं धूमायतीव च||२०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শুক্রে ক্ষীণে শুক্রং চিরাত্ প্রসিচ্যেত, রক্তং বা| প্রসিচ্যেতেতি কর্মকর্তরি| বৃষণযোরতিশযেন তোদো-ব্যথা স্যাত্| মেঢ্রং-শিশ্নং, ধূমাযতীব চ| ধূমাযতীতি লোহিতাদেরাকৃতিগণত্বাত্ ক্বিপ্, অকৃত্সার্বধাতুকেত্যাদিনা দীর্ঘঃ|
আযুর্বেদরসাযনম্ ব্যাখ্যা ( কৃত)
আ০ র০-শুক্রস্যাহ-শুক্র ইতি| শুক্রং সম্ভোগে চিরাত্ প্রসিচ্যেত, শোণিতমেব বা| প্রসিচ্যেত-স্রবেত্| বৃষণযোরত্যর্থং বেদনা| মেঢ্রং ধূমাযতি| লোহিতাদিক্যষন্তাত্ পরস্মৈপদম্|
Adhikarana ক্ষীণপুরীষস্য কর্মাণি (২১) · Śloka ২১
পুরীষে বাযুরন্ত্রাণি সশব্দো বেষ্টযন্নিব| কুক্ষৌ ভ্রমতি যাত্যূর্ধ্বং হৃত্পার্শ্বে পীডযন্ ভৃশম্||২১||
पुरीषे वायुरन्त्राणि सशब्दो वेष्टयन्निव| कुक्षौ भ्रमति यात्यूर्ध्वं हृत्पार्श्वे पीडयन् भृशम्||२१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পুরীষে ক্ষীণে বাযুঃ কুক্ষৌ ভ্রমতি| অন্ত্রাণি বেষ্টযন্নিব শব্দং জনযন্ যাত্যূর্ধ্বম্| কিং কুর্বন্ ? হৃত্পার্শ্বে ভৃশং পীডযন্|
আযুর্বেদরসাযনম্ ব্যাখ্যা ( কৃত)
আ০ র০-পুরীষস্যাহ-পুরীষ ইতি| অন্ত্রাণি বেষ্টযন্নিব সশব্দো বাযুঃ কুক্ষৌ ভ্রমতি, কদাচিত্ হৃদযপার্শ্বে পীডযন্নূর্ধ্বং যাতি|
Adhikarana ক্ষীণমূত্রস্য কর্মাণি (২২) · Śloka ২২
মূত্রেঽল্পং মূত্রযেত্কৃচ্ছ্রাদ্বিবর্ণং সাস্রমেব বা| |২২|
मूत्रेऽल्पं मूत्रयेत्कृच्छ्राद्विवर्णं सास्रमेव वा| |२२|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০- মূত্রে ক্ষীণেঽল্পং মূত্রযেত্, কৃচ্ছ্রাদ্বিবর্ণং সরক্তমেব বা|
আযুর্বেদরসাযনম্ ব্যাখ্যা ( কৃত)
আ০ র০-মূত্রস্যাহ-মূত্র ইতি| অল্পং মূত্রং কৃচ্ছ্রান্মূত্রযেত্| তচ্চ বিবর্ণং-রক্তমিশ্রবর্ণাভং, রক্তমিশ্রমেব বা| এবকারেণ রক্তবর্ণাভাসত্বং ব্যাবর্ত্যতে| অত এব বিবর্ণশব্দেন তল্লভ্যতে|
Adhikarana ক্ষীণস্বেদস্য কর্মাণি (২২) · Śloka ২২
| স্বেদে রোমচ্যুতিঃ স্তব্ধরোমতা স্ফুটনং ত্বচঃ||২২||
| स्वेदे रोमच्युतिः स्तब्धरोमता स्फुटनं त्वचः||२२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-স্বেদে ক্ষীণে রোম্ণাং চ্যুতিঃ-শাতঃ, রোম্ণাং চ স্তব্ধত্বম্| ত্বচঃ-চর্মণঃ, স্ফুটনং-দরণম্|
আযুর্বেদরসাযনম্ ব্যাখ্যা ( কৃত)
আ০ র০-স্বেদস্যাহ-স্বেদ ইতি| কেষাংচিদ্রোম্ণাং চ্যুতিঃ, কেষাংচিত্ স্তব্ধতা| ত্বচঃ স্ফুটনং-বিদারণম্|
Adhikarana ঘ্রাণামলানাং ক্ষযলিঙ্গম্ (২৩) · Śloka ২৩
ইদানীং ঘ্রাণাদিমলানামপি সামান্যেনক্ষযলিঙ্গমাহ - - - - মলানামতিসূক্ষ্মাণাং দুর্লক্ষ্যং লক্ষযেত্ ক্ষযম্| স্বমলাযনসংশোষতোদশূন্যত্বলাঘবৈঃ||২৩||
इदानीं घ्राणादिमलानामपि सामान्येनक्षयलिङ्गमाह - - - - मलानामतिसूक्ष्माणां दुर्लक्ष्यं लक्षयेत् क्षयम्| स्वमलायनसंशोषतोदशून्यत्वलाघवैः||२३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মলানামতিসূক্ষ্মাণাং-সুস্বল্পানাং দূষিকাদীনাং, দুঃখেন বোদ্ধুং শক্যং-দুর্লক্ষ্যম্, ক্ষযং লক্ষযেত্-জানীযাত্| কৈঃ ? মলানাং স্থানানি-মলাযনানি, স্বানি চ তানি মলাযনানি চ-স্বমলাযনানি, তেষাম্ সংশোষতোদশূন্যত্বলাঘবানি-স্বমলাযনসংশোষতোদশূন্যত্বলাঘবানি, তৈঃ|
আযুর্বেদরসাযনম্ ব্যাখ্যা ( কৃত)
আ০ র০-দূষিকাদীনামাহ-মলানামিতি| অতিসূক্ষ্মাণাং-অত্যল্পানাম্| অতিসূক্ষ্মত্বাদেব দুর্লক্ষ্যম্| মলাযনং-মলমার্গো নেত্রাদিঃ, তস্য সংশোষাদযঃ|
Adhikarana দোষধাতুমলানাং সমাসতো বৃদ্ধিক্ষযনিদানম্ (২৪-২৫) · Śloka ২৫
এবং ব্যাসেন দোষধাতুমলানাং বৃদ্ধিক্ষযাবভিধায সমাসতোঽভিধাতুমিদমাহ- দোষাদীনাং যথাস্বং চ বিদ্যাদ্দৃদ্ধিক্ষযৌ ভিষক্| ক্ষযেণ বিপরীতানাং গুণানাং বর্ধনেন চ||২৪|| বৃদ্ধিং মলানাং সঙ্গাচ্চ ক্ষযং চাতি বিসর্গতঃ| |২৫|
एवं व्यासेन दोषधातुमलानां वृद्धिक्षयावभिधाय समासतोऽभिधातुमिदमाह- दोषादीनां यथास्वं च विद्याद्दृद्धिक्षयौ भिषक्| क्षयेण विपरीतानां गुणानां वर्धनेन च||२४|| वृद्धिं मलानां सङ्गाच्च क्षयं चाति विसर्गतः| |२५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-দোষধাতুমলানাং বৃদ্ধিক্ষযৌ জানীযাত্| কথম্ ? যথাস্বং দোষাদীনাং গুণেভ্যো বিপরীতা যে গুণাস্তেষাং গুণানাং ক্ষযেণ বর্ধনেন চ দেহগতেন দোষাদীনাং যথাক্রমং বৃদ্ধিং ক্ষযং চ বিদ্যাত্| যথা,-বাযোর্গুণা রূক্ষলঘুশীতাদযঃ, তেষাং বিপরীতাঃ-স্নিগ্ধগুরূষ্ণাদযঃ, তেষাং স্নিগ্ধাদীনাং দেহে যদা ক্ষযো দৃশ্যতে তদা বাযোর্বৃদ্ধিং বিদ্যাত্| যদা তু তেষাং স্নিগ্ধাদীনাং দেহে বৃদ্ধির্দৃশ্যতে তদা বাযোঃ ক্ষযো জ্ঞেযঃ| এবং স্ববুধ্দ্যা বিকল্প্য মলানাং ধাতূনাং চ বাচ্যম্| বৃদ্ধিং মলানামিত্যাদি| ন কেবলং মলানাং পূর্বোক্তেন প্রকারেণ বৃদ্ধিক্ষযৌ জ্ঞেযৌ, যাবদমুনাঽপি বক্ষ্যমাণেন লক্ষণেন তেষাং বৃদ্ধিক্ষযৌ জ্ঞেযৌ, [ইতি চশব্দেন দ্যোতযতি]| এবং স্ববুধ্দ্যা বিকল্প্য, মলানাং সঙ্গাত্-বহিরনিঃসরণলক্ষণাচ্চ বৃদ্ধিং বিদ্যাত্| তেষামেব মলানামতিবিসর্গাত্-অতিপ্রবর্তনাত্ ক্ষযং বিদ্যাত্|
আযুর্বেদরসাযনম্ ব্যাখ্যা ( কৃত)
আ০ র০- নিদানমাহ- দোষাদীনামিতি| যথাস্বং বিপরীতানাং গুণানাং ক্ষযেণ নিদানেন দোষাদীনাং বৃদ্ধিং, বর্ধনেন ক্ষযং, জানীযাত্| তৌ চ রূক্ষাদীনাং গুণানাং বহুত্বাল্পত্বাভ্যাং ক্রমাদ্ভবতঃ| তত্র ক্ষযেণোত্পন্নং বিকারং বাযোর্বৃদ্ধিরিতি ব্যবস্যেত্, বর্ধনেনোত্পন্নং ক্ষয ইতি| এবং পিত্তাদিষ্বপি| তথা, মলানামপ্যতিসঙ্গান্নিদানাদ্দোষাদীনাং বৃদ্ধিং বিদ্যাত্, অতিবিসর্গাত্ ক্ষযম্| তত্রাতিসঙ্গো-যথাকালমশোধনাদ্বেগবিধারণাদ্বিষ্টম্ভকাহারবিহারশীলনাচ্চ| অতিবিসর্গো-অতিশোধনাদ্বেগোদীরণাত্স্রংসনাহারবিহারসেবনাচ্চ|
Adhikarana ক্ষযবৃদ্ধ্যোঃ পীডাকরত্বে তারতম্যম্ (২৫) · Śloka ২৫
| মলোচিতত্বাদ্দেহস্য ক্ষযো বৃদ্ধেস্তু পীডনঃ||২৫||
| मलोचितत्वाद्देहस्य क्षयो वृद्धेस्तु पीडनः||२५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-দ্বাবপি মলানাং বৃদ্ধিক্ষযৌ পীডাকরৌ দেহস্য| তত্রাপি য এষাং ক্ষযঃ স বৃদ্ধিতোঽপ্যতিশযেন পীডাকরঃ, অনৌচিত্যাত্| দেহিনাং হি প্রাযেণ মলক্ষযোঽনুচিতো-অনভ্যস্তঃ, বৃদ্ধিস্তূচিতৈবেতি ন তথা পীডাং করোতি|
আযুর্বেদরসাযনম্ ব্যাখ্যা ( কৃত)
আ০ র০-ক্ষযবৃ- পীডাকরত্বে তারত্ম্যমাহ-মলোচিতত্বাদিতি| দোষাদীনাং বৃদ্ধির্দেহপীডনী| ক্ষযস্তু ততোঽপি দেহপীডনঃ| কুতঃ? মলোচিতত্বাত্| দেহো হি মলসাত্ম্যঃ| সাত্ম্যং চ বহ্নপি নাতিবাধতে| বক্ষ্যতি(?)-"সাত্মযং হ্যাশু বলং ধত্তে নাতিদোষং চ বহ্নপি|" ইতি| মলশব্দেন দোষধাতুমলানাং গ্রহণম্| বক্ষ্যতি হি (হৃ. সূ.অ. ১৯/৮৬) - "বিট্শ্লেষ্মপিত্তাদিমলোচ্চযানাং বিক্ষেপসংহারকরঃ স যস্মাত্|" ইতি|
Adhikarana দোষদূষ্যযোরাশ্রযাশ্রযিভাবঃ, আশ্রযাশ্রযিভাবস্য ফলম্, অপবাদঃ, বৃদ্ধিক্ষযজবিকারেষু লঙ্ঘন বৃংহণম্ (২৬-২৯) · Śloka ২৯
অথ দোষাদীনামাশ্রযাশ্রযিভাবং দর্শযতি - - - - তত্রাস্থনি স্থিতো বাযুঃ, পিত্তং তু স্বেদরক্তযোঃ| শ্লেষ্মা শেষেষু, তেনৈষামাশ্রযাশ্রযিণাং মিথঃ||২৬|| যদেকস্য তদন্যস্য বর্ধনক্ষপণৌষধম্| অস্থিমারুতযোর্নৈবং, প্রাযো বৃদ্ধির্হি তর্পণাত্||২৭|| শ্লেষ্মণাঽনুগতা তস্মাত্ সঙ্ক্ষযস্তদ্বিপর্যাত্| বাযুনাঽনুগতোঽস্মাচ্চ বৃদ্ধিক্ষযসমুদ্ভবান্||২৮|| বিকারান্ সাধযেচ্ছীঘ্রং ক্রমাল্লঙ্ঘনবৃংহণৈঃ| |২৯|
अथ दोषादीनामाश्रयाश्रयिभावं दर्शयति - - - - तत्रास्थनि स्थितो वायुः, पित्तं तु स्वेदरक्तयोः| श्लेष्मा शेषेषु, तेनैषामाश्रयाश्रयिणां मिथः||२६|| यदेकस्य तदन्यस्य वर्धनक्षपणौषधम्| अस्थिमारुतयोर्नैवं, प्रायो वृद्धिर्हि तर्पणात्||२७|| श्लेष्मणाऽनुगता तस्मात् सङ्क्षयस्तद्विपर्यात्| वायुनाऽनुगतोऽस्माच्च वृद्धिक्षयसमुद्भवान्||२८|| विकारान् साधयेच्छीघ्रं क्रमाल्लङ्घनबृंहणैः| |२९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তত্র-তেষু বাতাদিষু মধ্যে, অস্থ্নি বাযুঃ স্থিতঃ-আশ্রিতঃ| পিত্তং তু স্বেদরক্তযোঃ স্থিতম্| শ্লেষ্মা শেষেষু-রসমাংসমেদোমজ্জশুক্রমূত্রপুরীষাদিষু স্থিতঃ| যতশ্চৈবমাশ্রযাশ্রযিভাবোদোষধাতূনাং, তেন হেতুনা, আশ্রযাশ্রযিণাং মিথঃ-পরস্পরং, যদেকস্য-আশ্রযস্য বর্ধনং, তদন্যস্য-আশ্রযিণোঽপি বর্ধনম্, যদাশ্রযস্য ক্ষপণং তদাশ্রযিণোঽপি ক্ষপণম্| ননু, এবমস্থ্নো বাতাশ্রযস্য যদ্বর্ধনং তদস্যাশ্রযিণো বাতস্যাপি বর্ধনং, যদস্য ক্ষপণং তদপি বাতস্য ক্ষপণং প্রাপ্নোতীত্যত আহ-অস্থীত্যাদি| অস্থিমারুতযোর্নৈবং বর্ধনক্ষপণৌষধম্, সম্ভবতীত্যধ্যাহার্যম্| হি-যস্মাত্, প্রাযো-বাহুল্যেন, যা বৃদ্ধিঃ-বর্ধনং দোষধাতূনাম্, সা তর্পণাত্-বৃংহণাদ্ভবতি| প্রাযোগ্রহণং বাযুপরিহারার্থম্| সা চ শ্লেষ্মণাঽনুগতা-অনুবদ্ধা| যত এবং যা বৃদ্ধিঃ সা সন্তর্পণাত্, তস্মাদ্ধেতোর্য এষাং দোষাদীনাং ক্ষযঃ স প্রাযো-ভূযিষ্ঠম্, অপতর্পণাত্-লঙ্ঘনরূপাদ্ভবতি| স চ সঙ্ক্ষযো বাযুনাঽনুগতঃ| এবং যদস্থ্নো বর্ধনমৌষধম্, তত্ স্নিগ্ধমধুরাদি বৃংহণরূপং বাতস্য ক্ষপণম্| যচ্চ বাতস্য বর্ধমৌষধম্, তত্ রূক্ষতিক্তাদ্যপতর্পণং লঙ্ঘনরূপমস্থ্নঃ ক্ষপণম্| তদর্থমেতদুক্তম্-অস্মাচ্চেত্যাদি| যত এবং বৃদ্ধেঃ সন্তর্পণরূপত্বং ক্ষযস্যাপতর্পণরূপত্বম্, অতো বৃদ্ধিক্ষযসম্ভবান্ বিকারান্ দোষধাতূনাং সম্বন্ধিনঃ ক্রমাল্লঙ্ঘনবৃংহণৈঃ সাধযেত্-উপক্রমেত্| কথম্ ? শীঘ্রং চিরোত্থিতা হি তে দুশ্চিকিত্স্যাঃ স্যুঃ| বৃদ্ধ্যুত্থান্ বিকারান্ লঙ্ঘনৈঃ, ক্ষযোত্থান্ বৃংহণৈরিতি ক্রমার্থঃ|
আযুর্বেদরসাযনম্ ব্যাখ্যা ( কৃত)
আ০ র০-দূষ্যাণাং বৃদ্ধিক্ষযহেত্বাদিবিজ্ঞানার্থং দোষদূষ্যযোরাশ্রযাশ্রযিভাবমাহ-তত্রেতি| তত্র-তেষু দোষাদিষু মধ্যে| শেষেষু-রসমাংসমেদোমজ্জশুক্রমূত্রপুরীষাদিষু| আশ্রযাযিভাবস্য ফলমাহ তেনেতি| তেন-আশ্রযাশ্রযিভাবেন হেতুনা| এষাং-দোষাদীনাম্| আশ্রযাশ্রযিণাং আধারাধেযভাবেন স্থিতানাম্| যদেকস্য বর্ধনক্ষপণৌষধং তদেবান্যস্য| কথম্? মিথঃ,-পরস্পরম্| যদাশ্রযস্য তদাশ্রযিণঃ, যদাশ্রযিণস্তদাশ্রযস্যেত্যর্থঃ| বর্ধনং-বৃদ্ধি হেতুঃ| ক্ষপণং-ক্ষযহেতুঃ| ঔষধং-বৈষম্যনিবর্তকম্, সাম্যহেতুরিত্যর্থঃ| অপবাদমাহ-অস্থিমারুতযোরিতি| অস্থিমারুতযোরাশ্রযাশ্রযিভাবেঽপ্যেবং ন জ্ঞেযম্| যদ্ধি বাযোর্বর্ধনং রূক্ষাদি, তদস্থ্নঃ ক্ষপণম্| যদস্থ্নো বর্ধনং স্নিগ্ধাদি, তদ্বাযোঃ ক্ষপণম্| অস্থ্নো বৃদ্ধৌ লঙ্ঘনমৌষধম্| বাযোর্বৃদ্ধৌ বৃংহণম্| অস্থিক্ষযে বৃংহণমৌষধম্, বাতক্ষযে লঙ্ঘনমিতি| অথোপশযং বিবক্ষুশ্ছিকিত্সামাহ| চিকিত্সৈব হি প্রযুজ্যমানা উপশয উচ্যতে| বক্ষ্যতি হি (হৃ. নি. অ. ১/৬) -"হেতুব্যাধিবপর্যস্তবিপর্যস্তার্থকারিণাম্| ঔষধান্নবিহারাণামুপযোগং সুখাবহম্|| বিদ্যাদুপশযং ব্যাধেঃ স হি সাত্ম্যমিতি স্মৃতঃ|" ইতি| চিকিত্সা চ দ্বিবিধা,-বৃংহণলঙ্ঘনভেদাত্| তত্র বৃংহণলঙ্ঘনে বিভজতি-প্রাযো বৃদ্ধিরিতি| বৃদ্ধিজান্ বিকারান্ লঙ্ঘনেন সাধযেত্, ক্ষযজান্ বৃংহণেন| কুতোঽযং বিভাগঃ? হি-যস্মাত্, বৃদ্ধিস্তর্প্রণাত্বৃংহণাদ্ভবতি| সা চ শ্লেষ্মণাঽনুগতা,-যত্র যত্র বৃদ্ধিস্তত্র তত্র শ্লেষ্মা, পিত্তাদিবৃদ্ধাবপি শ্লেষ্মানুগমোঽস্তীত্যর্থঃ| তস্মাত্সর্বেষু বৃদ্ধিবিকারেষু লঙ্ঘনমৌষধম্, হেতুবিপরীতত্বাত্ শ্লেষ্মানুগমেন ব্যাধিবিপরীতত্বাচ্চ| তথা, সঙ্ক্ষযস্তদ্বিপর্যযাত্-তর্পণবিপর্যযাল্লঙ্ঘনাদ্ভবতি| স চ বাযুনাঽনুগতঃ,-যত্র যত্র ক্ষযস্তত্র তত্র বাযুঃ, কফাদিক্ষযেঽপি বাযোরনুগমোঽস্তীত্যর্থঃ| তস্মাত্সর্বেষু ক্ষযবিকারেষু বৃংহণমৌষধম্, হেতুবিপরীতত্বাদ্বাতানুগমেন ব্যাধিবিপরীতত্বাচ্চ|
Adhikarana অপবাদঃ (২৯) · Śloka ২৯
ননু, এবং বাতবৃদ্ধ্যুত্থান্ বিকারান্ লঙ্ঘনৈস্তত্ক্ষযোত্থান্ বৃংহণৈরিতি স্যাত্| অত ইদমাহ - - - - | বাযোরন্যত্র, তজ্জাংস্তু তৈরেবোত্ক্রমযোজিতৈঃ||২৯||
ननु, एवं वातवृद्ध्युत्थान् विकारान् लङ्घनैस्तत्क्षयोत्थान् बृंहणैरिति स्यात्| अत इदमाह - - - - | वायोरन्यत्र, तज्जांस्तु तैरेवोत्क्रमयोजितैः||२९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাযুং হিত্বা বৃদ্ধ্যুত্থান্ বিকারান্ লঙ্ঘনৈঃ, ক্ষযোত্থান্ বৃংহণৈঃ সাধযেত্| তজ্জান্-বাযুসম্ভবান্ বিকারান্, পুনস্তৈরেব-লঙ্ঘনবৃংহণৈরুত্ক্রমযোজিতৈরুপক্রমেত্| যথানির্দিষ্টক্রমাদ্বিপরীতঃ ক্রমঃ-উত্ক্রমঃ| যথা,-বাতবৃদ্ধ্যুত্থান্ বিকারান্ বৃংহণৈঃ তত্ক্ষযোত্থাংশ্চ লঙ্ঘনৈরিতি|
আযুর্বেদরসাযনম্ ব্যাখ্যা ( কৃত)
আ০ র০-এতচ্চ সর্বং বাযোরন্যত্র| বাযুবৃদ্ধৌ তর্পণং ন হেতুঃ, ন বা লঙ্ঘনমৌষধমিত্যর্থঃ| তর্হি তত্র কিম্? ইত্যত আহ-তজ্জানিতি| তজ্জান্-বাযুবৃদ্ধিক্ষযজান্| বৃদ্ধিজান্ বৃংহণেন সাধযেত্, ক্ষযজান্ লঙ্ঘনেন, ইত্যুত্ক্রমযোজনা| বাযুবৃদ্ধির্লঙ্ঘনাত্, ক্ষযো বৃংহণাদিত্যত এব জ্ঞেযম্| প্রাযোগ্রহণাব্দ্যভিচারোঽপি| যথা (সঙ্গ্রহে সূ. অ. ৭) -"কফে লঙ্ঘনসাধ্যেঽপি কর্তরি জ্বরগুল্মযোঃ| তুল্যেঽপি দেশকালাদৌ লঙ্ঘনং ন সমং মতম্||" ইতি|
Adhikarana রক্তবৃদ্ধ্যুত্থাদীনাং রক্তস্রুতিবিরেচনাদিভিরুপক্রমঃ, ধাতোর্বৃদ্ধিক্ষযকরণপ্রকারঃ (৩০-৩৩) · Śloka ৩৩
দোষাণাং বিশেষচিকিত্সেহ নোক্তা, দোষোপক্রমণীযে বক্ষ্যমাণত্বাত্| রসচিকিত্সা চ "রসোঽপি শ্লেষ্মবত্" ইত্যুক্তের্নেহ পুনর্নির্দিষ্টা| অতো রক্তাদীনাং চিকিত্সামাহ - - - - বিশেষাদ্রক্তবৃদ্ধ্যুত্থান্ রক্তস্রুতিবিরেচনৈঃ| মাংসবৃদ্ধিভবান্ রোগান্ শস্ত্রক্ষারাগ্নিকর্মভিঃ||৩০|| স্থৌল্যকার্শ্যোপচারেণ মেদোজানস্থিসঙ্ক্ষযাত্| জাতান্ ক্ষীরঘৃতৈস্তিক্তসংযুতর্বস্তিভিস্তথা||৩১|| বিড্বৃদ্ধিজানতীসারক্রিযযা, বিট্ক্ষযোদ্ভবান্| মেষাজমধ্যকুল্মাষযবমাষদ্বযাদিভিঃ||৩২|| মূত্রবৃদ্ধিক্ষযোত্থাংশ্চ মেহকৃচ্ছ্রচিকিত্সযা| ব্যাযামাভ্যঞ্জনস্বেদমদ্যৈঃ স্বেদক্ষযোদ্ভবান্||৩৩||
दोषाणां विशेषचिकित्सेह नोक्ता, दोषोपक्रमणीये वक्ष्यमाणत्वात्| रसचिकित्सा च "रसोऽपि श्लेष्मवत्" इत्युक्तेर्नेह पुनर्निर्दिष्टा| अतो रक्तादीनां चिकित्सामाह - - - - विशेषाद्रक्तवृद्ध्युत्थान् रक्तस्रुतिविरेचनैः| मांसवृद्धिभवान् रोगान् शस्त्रक्षाराग्निकर्मभिः||३०|| स्थौल्यकार्श्योपचारेण मेदोजानस्थिसङ्क्षयात्| जातान् क्षीरघृतैस्तिक्तसंयुतर्बस्तिभिस्तथा||३१|| विड्वृद्धिजानतीसारक्रियया, विट्क्षयोद्भवान्| मेषाजमध्यकुल्माषयवमाषद्वयादिभिः||३२|| मूत्रवृद्धिक्षयोत्थांश्च मेहकृच्छ्रचिकित्सया| व्यायामाभ्यञ्जनस्वेदमद्यैः स्वेदक्षयोद्भवान्||३३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বৃদ্ধিক্ষযোপক্রমে এবং স্থিতেঽপি বিশেষেণ রক্তবৃদ্ধ্যুত্থান্ রক্তস্রুতিবিরেচনৈরুপক্রমেত| মাংসবৃদ্ধিজান্ শস্ত্রক্ষারাগ্নিকর্মভিঃ| মেদোবৃদ্ধিক্ষযাভ্যাং জাতান্-মেদোজানিতি মধ্যমপদলোপোঽত্র দ্রষ্টব্যঃ| মেদোবৃদ্ধিজান্ বিকারান্ স্থৌল্যোপচারেণ দ্বিবিধোপক্রমণীযোক্ত্যা স্থৌল্যচিকিত্সযা, মেদঃক্ষযজান্ কার্শ্যোপচারেণোপাচরেত্| অস্থিক্ষযজান্ ক্ষীরঘৃতৈস্তিক্তসংযুতৈঃ, বস্তিভিস্তথা-তথারূপৈস্তিক্তসংযুতৈরিত্যর্থঃ| ননু, যানি বাতকৃন্তি দ্রব্যাণি তান্যস্থিক্ষযোদ্ভববিকারাণাং বৃদ্ধিকরণানীতি তদ্দ্রব্যোপযোগোঽত্র ন যুক্তঃ, তিক্তস্য বাতকৃতত্বাত্| অত্রোচ্যতে| যদ্দ্রব্যং স্নিগ্ধং শোষণং খরত্বমুত্পাদযতি তদস্থ্নো বর্ধনং যুক্তম্, খরস্বভাবত্বাদস্থ্নাম্| ন চৈবংবিধমেকং দ্রব্যমস্তি, যত্ স্নিগ্ধং শোষণং চ| তস্মাত্ ক্ষীরঘৃতৈস্তিক্তসংযুতৈর্বস্তিভিশ্চ তিক্তসংযুতৈশ্চেত্যুপদিষ্টম্| ক্ষীরঘৃতস্য তিক্তযুক্তস্য খরস্বভাবত্বাত্| বিড্বৃদ্ধিজান্-পুরীষবৃদ্ধিজান্, অতীসারচিকিত্সযা সাধযেত্| বিট্ক্ষযোদ্ভবান্ মেষাজমধ্যাদিভিঃ সাধযেত্| মেষ-উরভ্রঃ, অজঃ-চ্ছাগঃ, তযোর্মধ্যং-অন্তরাধিঃ| কুল্মাষঃ-অর্ধস্বিন্নো মাষাদির্হিঙ্গুঘৃতাদিসংস্কৃতঃ| মাষদ্বযং-মাষো রাজমাষশ্চ| আদিশব্দেন কাকাণ্ডোলাত্মগুপ্তাদীনাং গ্রহণম্| মূত্রবৃদ্ধ্যুত্থান্ মেহচিকিত্সযা, মূত্রক্ষযোত্থান্ মূত্রকৃচ্ছ্রচিকিত্সযা, স্বেদক্ষযজান্ ব্যাধীন্ ব্যাযামাদিভিঃ সাধযেত্|
আযুর্বেদরসাযনম্ ব্যাখ্যা ( কৃত)
আ০ র০-অথ কেষাংচিদ্বিশেষঃ| তত্র রক্তবৃদ্ধিজানাহবিশেষাদিতি| রক্তস্রুতিঃ-শিরাব্যধাদিঃ| মাংসবৃদ্ধিজানাহ-মাংসবৃদ্ধিভবানিতি| মেদোজানাহ-স্থৌল্যেতি| মেদোবৃদ্ধিজান্ স্থৌল্যোপচারেণ-দ্বিবিধোপক্রমণীযাধ্যাযোক্তেন| মেদঃক্ষযনান্ কার্শ্যোপচারেণ| অস্থিক্ষযজানাহ-অস্থিসঙ্ক্ষযাদিতি| তথেতি তিক্তসংযুতৈঃ| তথা চ খারণাদিঃ-"পঞ্চকর্মাণি সর্পীষি সতিক্তা বস্তযস্তথা| পযঃ" ইতি| ন চৈবং তিক্তসংযুতৈরিতি বস্তীনামেব বিশেষণং বক্তুং যুক্তম্, "বস্তযঃ ক্ষীরসর্পীষি তিক্তকোপহিতাশ্ছ যে|" ইতি চরকবচনাত্ (সূ. অ. ২৮/২৪)| বিড্বৃদ্ধিজানাহ-বিড্বৃদ্ধিজানিতি| অতীসারক্রিযযা অতীসারচিকিত্সিতেন| বিট্ক্ষযজানাহ-বিট্ক্ষযোদ্ভবানিতি| মেষাজযোর্মধ্যং-অন্তরাধিঃ| মাষদ্বযং-মাষো রাজমাষশ্ছ| আদিশব্দান্মত্স্যমাংসাদযঃ| মূত্রবৃদ্ধিক্ষযজানাহ-মূত্রেতি| মূত্রবৃদ্ধিজান্ প্রমেহচিকিত্সযা| মূত্রক্ষযজান্ কৃচ্ছ্রচিকিত্সযা| স্বেদক্ষযজানাহ-ব্যাযামেতি|
Adhikarana ধাতুজানামুপক্রমান্তরম্ (৩৪-৩৫) · Śloka ৩৫
স্বস্থানস্থস্য কাযগ্নেরংশা ধাতুষু সংশ্রিতাঃ| তেষাং সাদাতিদীপ্তিভ্যাং ধাতুবৃদ্ধিক্ষযোদ্ভবঃ||৩৪|| পূর্বো ধাতুঃ পরং কুর্যাদ্দৃদ্ধঃ ক্ষীণশ্চ তদ্বিধম্| |৩৫|
स्वस्थानस्थस्य कायग्नेरंशा धातुषु संश्रिताः| तेषां सादातिदीप्तिभ्यां धातुवृद्धिक्षयोद्भवः||३४|| पूर्वो धातुः परं कुर्याद्दृद्धः क्षीणश्च तद्विधम्| |३५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-স্বস্থানং কাযাগ্নেঃ-পক্বামাশযযোর্মধ্যম্| যথা চ বক্ষ্যতি (হৃ. সূ. অ. ১২|১০) - "পিত্তং পঞ্চাত্মকং তত্র পক্বামাশযমধ্যগম্|" ইত্যাদি যাবত্ "পাচকং নাম তত্ স্মৃতম্|" ইতি| তত্র পক্বামাশযমধ্যে তিষ্ঠতীতি স্বস্থানস্থঃ, তস্যৈবংবিধস্য কাযাগ্নেঃ-জাঠরানলস্য, অংশাঃ-ভাগাঃ, ধাতুষু-রসাদিষু সংশ্রিতাঃ| তেষাং-অগ্ন্যংশানাম্, সাদেন-মান্দ্যেন, ধাতূনাং বৃদ্ধ্যুদ্ভবঃ| তথা তেষামংশানামতিদীপ্ত্যা-অতিতৈক্ষ্ণ্যাত্, ধাতুক্ষযোদ্ভবঃ| পূর্বো-রসাখ্যো, ধাতুর্বৃদ্ধো ভূত্বা পরং-রক্তাখ্যং, ধাতুং বৃদ্ধং কুর্যাত্| পূর্বশ্চ ক্ষীণো ধাতুঃ পরং ধাতুং তদ্বিধং-ক্ষীণমেব কুর্যাত্|
আযুর্বেদরসাযনম্ ব্যাখ্যা ( কৃত)
আ০ র০-ধাতুজানামুপক্রমান্তরমাহ-স্বস্থানস্থস্যেতি| স্বস্থানস্থত্য-গ্রহণীস্থস্য| কাযাগ্নেঃ-অন্নপক্তুঃ| অংশাঃ-ক্ষুদ্রাণি রূপান্তরাণি| ধাতুষু-ধাত্বাশযেষু, সর্বধাত্বগ্নয ইত্যর্থঃ| তেষাং সাদেন-মান্দ্যেন ধাতুবৃদ্ধযুদ্ভবঃ, অতিদীপ্ত্যা ধাতুক্ষযশ্ছ| ধাতুবৃদ্ধৌ মান্দ্যোপক্রমঃ, ধাতুক্ষযে তৈক্ষ্ণ্যোপক্রমঃ কার্য ইত্যর্থঃ| তথা, পূর্বো ধাতুর্বৃদ্ধঃ পরং বৃদ্ধং কুর্যাত্, ক্ষীণঃ ক্ষীণম্| পরধাতোর্বৃদ্ধৌ পূর্বস্য ক্ষযঃ কার্যঃ, ক্ষযে ব্রুদ্ধিরিত্যর্থঃ| ইত্যুপশযপ্রকরণম্|
Adhikarana বৃদ্ধিক্ষযবিকারসংপ্রাপ্তিঃ, মলাযনানি (৩৫-৩৬) · Śloka ৩৬
| দোষা দুষ্টা রসৈর্ধাতূন্ দূষযন্ত্যুভযে মলান্||৩৫|| অধো দ্বে, সপ্ত শিরসি, খানি স্বেদবহানি চ| মলা মলাযনানি স্যুর্যথাস্বং তেষ্বতো গদাঃ||৩৬||
| दोषा दुष्टा रसैर्धातून् दूषयन्त्युभये मलान्||३५|| अधो द्वे, सप्त शिरसि, खानि स्वेदवहानि च| मला मलायनानि स्युर्यथास्वं तेष्वतो गदाः||३६||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-দোষা দুষ্টা রসৈঃ-মধুরাদিভির্মিথ্যাযোগাতিযোগসেবিতৈঃ কুপিতাঃ, ধাতূন্ দূষযন্তি| উভযে-দোষা ধাতবশ্চ, মলান্ দূষযন্তি| মলা মলাযনানি দূষযন্তীতি সম্বন্ধঃ| তথা চ মুনিঃ (চ. সূ. অ. ৭|৪২) - "মলাযনানি বাধ্যন্তে দুষ্টৈর্মাত্রাধিকৈর্মলৈঃ|" ইতি| কানি মলাযনানি ? ইত্যাহ-অধো দ্বে ইত্যাদি| অধো দ্বে-গুদমেঢ্রাখ্যে, সপ্ত শিরসি খানি-দ্বে অক্ষিণী দ্বৌ কর্ণৌ দ্বৌ নাসাপুটাবাস্যং চেতি, তথা স্বেদবহানি-রোমকূপাখ্যানি ছিদ্রাণি সর্বশরীরগতানি, মলাযনানি স্যুঃ| অতো-দূষণাত্কারণাত্, তেষু-মলাযনেষু দুষ্টেষু, যথাস্বং গদাঃ-রোগাঃ স্যুঃ| যো যস্য স্বো- যথাস্বম্|
আযুর্বেদরসাযনম্ ব্যাখ্যা ( কৃত)
আ০ র০-বৃদ্ধিক্ষযবিকারসম্প্রাপ্তিমাহ-দোষা দুষ্টা ইতি| রসৈঃ-মধুরাদিভিঃ, দুষ্টা দোষাঃ-বাতাদযো,ধাতূন্-রসাদীন্, দূষযন্তি| রসগ্রহণং বীর্যাদীনামুপলক্ষণম্| উভযে-দোষা ধাতবশ্ছ, মলান্-পুরীষাদীন্, দূষযন্তি| তে মলা মলাযনানি-স্রোতাংসি, দূষযন্তি| কানি পুনস্তানি? অধো দ্বে-গুহ্যং গুদশ্ছ| সপ্ত শিরসি-কর্ণৌ নেত্রে নাসিকে মুখং চ| স্বেদবহানি খানি-রোমকূপাঃ, তেষামসঙ্খ্যত্বাত্সঙ্খ্যানুক্তিঃ| অতো-দুষ্টেরনন্তরম্, তেষু-দুষ্টেষু দোষধাতুমলমলাযনেষু, গদাঃ স্যুঃ| কথম্? যথাস্বম্,- স্বস্থানানতিক্রমেণ| স্থানবিভাগ উক্তঃ সঙ্গ্রহে (সূ.অ. ১৯)-"বক্ষ্যন্তে বাতজাস্তত্র নিদানে বাতরোগিকে| পিত্তং ত্বচি স্থিতং কুর্যাদ্বিস্ফোটকমসূরিকাঃ|| রক্তে বিসর্পং দাহং চ মাংসে মাংসপাককোথনম্| সদাহান্ মেদসি গ্রন্থীন্ স্বেদাত্যুদ্বমনং তৃষম্|| অস্থ্নি দাহং ভৃশং মঞ্জ্ঞি হারিদ্রনখনেত্রতাম্| পূতি পীতাবভাসং চ শুক্রং শুক্রসমাশ্রিতম্|| শিরাগতং ক্রোধনতাং প্রলাপং স্রাযুগং তৃষম্| কোষ্ঠগং মদতৃট্দাহান্ ব্যাপিনোঽন্যাংশ্ছ যক্ষ্মণঃ| শ্লেষ্মা ত্বচি স্থিতঃ কুর্যাত্স্তম্ভংশ্বেতাবভাসতাম্| পাণ্ড্বামযং শোণিতগো মাংসসংস্থোঽর্বুদাপচী|| আর্দ্রচর্মাবনদ্ধাভগাত্রতাং চাতিগৌরবম্| মেদোগঃ স্থূলতাং মেহমস্থ্নাং স্তব্ধত্বমস্থিগঃ|| মজ্জগঃ শুক্লনেত্রত্বং শুক্রস্থঃ শুক্রসঞ্চযম্| বিবন্ধং গৌরবং চাতি শিরাস্থঃ স্তব্ধগাত্রতাম্|| স্রাযুগঃ সন্ধিশূন্যত্বং কোষ্ঠগো জঠরোন্নতিম্| অরোচকাবিপাকৌ চ তাংস্তাংশ্ছ কফজান্ গদান্|| বিণ্মূত্রযোঃ সাশ্রযযোস্তত্র তত্রোপদেক্ষ্যতে| উপতাপোপঘাতৌ চ স্বাশ্রযেন্দ্রিযগৈর্মলৈঃ||" ইতি|
Adhikarana ওজসঃ প্রাধান্যম্ (৩৭-৩৯) · Śloka ৩৯
দোষধাতুমলানাং সমবিষমাবস্থা গদিতা| ওজসস্তু নিরূপযন্নাহ - - - - ওজস্তু তেজো ধাতূনাং শুক্রান্তানাং পরং স্মৃতম্| হৃদযস্থমপি ব্যাপি দেহস্থিতিনিবন্ধনম্||৩৭|| স্নিগ্ধং সোমাত্মকং শুদ্ধমীষল্লোহিতপীতকম্| যন্নাশে নিযতং নাশো যস্মিংস্তিষ্ঠতি তিষ্ঠতি||৩৮|| নিষ্পদ্যন্তে যতো ভাবা বিবিধা দেহসংশ্রযাঃ| |৩৯|
दोषधातुमलानां समविषमावस्था गदिता| ओजसस्तु निरूपयन्नाह - - - - ओजस्तु तेजो धातूनां शुक्रान्तानां परं स्मृतम्| हृदयस्थमपि व्यापि देहस्थितिनिबन्धनम्||३७|| स्निग्धं सोमात्मकं शुद्धमीषल्लोहितपीतकम्| यन्नाशे नियतं नाशो यस्मिंस्तिष्ठति तिष्ठति||३८|| निष्पद्यन्ते यतो भावा विविधा देहसंश्रयाः| |३९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রসাদীনাং ধাতূনাং শুক্রান্তানাং যত্পরং-উত্কৃষ্টং, তেজস্তদোজঃ স্মৃতম্, [ন তু শুক্রস্যৈব মলঃ|] তথা,হৃদযস্থমপি ব্যাপি| সকলশরীরব্যাপিনস্তস্য ষড্বিন্দুকস্য বিশেষেণ হৃদযং স্থানম্| তথা, দেহস্য স্থিতির্দেহস্থিতিস্তস্যা নিবন্ধনং-জীবিতাধিষ্ঠানমিত্যর্থঃ| অন্যে ত্বাহুঃ, পরশব্দেনৈতত্ দ্যোতযতি,-অন্যদপ্যোজোঽস্তি ন তদ্ধাতূনাং শুক্রান্তানাং তেজঃ, শ্লেষ্মাখ্যমিতি| তথা চোক্তং সঙ্গ্রহে (সূ. অ. ১৯) - "তেজো যত্সর্বধাতূনামোজস্তত্ পরমুচ্যতে| মৃদু সোমাত্মকং শুদ্ধং রক্তমীষত্সপীতকম্||" ইত্যাদি| যন্নাশে-যস্যৌজসোঽভাবে, নিযতং-নিশ্চিতং, প্রাণিনো নাশঃ-অভাবঃ| যস্মিন্নোজসি তিষ্ঠতি-বিদ্যমানে, তিষ্ঠতি-প্রাণিতি, দেহীতি শেষঃ| যতো-যস্মাত্, ভাবাঃ-পদার্থাঃ, নিষ্পদ্যন্তে-জাযন্তে| কিম্ভূতাঃ ? বিবিধাঃ-অনেকপ্রকারাঃ| তথা, দেহঃ সংশ্রযো যেষাং তে দেহসংশ্রযাঃ| লক্ষণমোজসো মুনিনাঽভ্যধাযি (চ. সূ. অ. ১৭|৭৪) - "হৃদি তিষ্ঠতি যচ্ছুদ্ধং স্নিগ্ধমীষত্সপীতকম্| ওজঃ শরীরে সঙ্খ্যাতং তন্নাশে না বিনশ্যতি||" ইত্যাদি|
আযুর্বেদরসাযনম্ ব্যাখ্যা ( কৃত)
আ০ র০-অথৌজোবিজ্ঞানম্, তস্যাপি মলত্বাত্| বক্ষ্যতি হি (হৃ. শা. অ. ৩/৬৩) -"কফঃ পিত্তং মলাঃ খেষু প্রস্বেদো নখরোম চ| স্নেহোঽক্ষিত্বগ্বিশামোজো ধাতূনাং ক্রমশো মলাঃ||" ইতি| যত্তুক্তং সঙ্গ্রহে (শা. অ. ৬) -"শুক্রস্য সার ওজঃ| অত্যন্তষুদ্ধতযা চাস্মিন্ মলত্বাভাবঃ| অন্যে পুনরত এব তস্য নেচ্ছন্তি পাকম্|" ইতি| তন্নরশরীরচরশুক্রবিষযম্| যত্তু সম্ভোগাদঙ্গনাগর্ভাশযগতমার্তবেনৈকত্র লোলীভূতং জীবাধিষ্ঠিতং শুক্রং, তস্য পাকাদ্রসাদিবন্মলসারৌ স্তঃ| তত্র মল ওজঃ, সারো গর্ভঃ| বক্ষ্যতি হি (হৃ. শা. অ. ৩/৬৩) -"রসাদ্রক্তং ততো মাংসং মাংসান্মেদস্ততোঽস্থি চ| অস্থ্নো মজ্জা ততঃ শুক্রং শুক্রাদ্গর্ভঃ প্রজাযতে||" ইতি| মলত্বং চ গর্ভাপেক্ষযা, রসাদ্যপেক্ষযা তু সাআত্বমেবেতি| অত এবাহ চরকঃ (সূ. অ. ৩০/৯, সঙ্গ্রহে চ সূ. অ. ১৯) -"যত্সারমাদৌ গর্ভস্য যচ্চ গর্ভরসাদ্রসঃ| সংবর্তমানং হৃদযং সমাবিশতি যত্পুরা|| যচ্ছরীররসস্নেহঃ প্রাণা যত্র প্রতিষ্ঠিতাঃ|" ইতি| ন চৈবমোজোনেকত্বং বাচ্যম্| যদেব হি শুক্রমলরূপমোজঃ, তদেব গর্ভহৃদযমনুপ্রবিষ্টমষ্টবিন্দুপ্রমাণমার্তবানুবিদ্ধত্বাদীষদ্রক্তপীতং জীবানুবিদ্ধং জীবশোণিতমুচ্যতে| উক্তং চ তন্ত্রান্তরে-"প্রাণাশ্রযস্যৌজসোঽষ্টৌ বিন্দবো হৃদযাশ্রিতাঃ|" ইতি| তথা চরকোঽপি (সূ. অ. ১৭/৭৪) -"হৃদি তিষ্ঠতি যচ্ছুদ্ধং রক্তমীষত্সপীতকম্| ওজঃ শরীরে ব্যাখ্যাতং তন্নাশান্ম্রিযতে নরঃ||" ইতি| তদেবাহাররসেন সমানগুণত্বাদাপ্যাযিতমর্ধাঞ্জলিপরিমাণং সর্বদেহব্যাপি রসাত্মকমুচ্যতে| যদ্বক্ষ্যতি (হৃ. শা. অ. ৩/১৮) -"দশমূলশিরা হৃত্স্থাস্তাঃ সর্বং সর্বতো বপুঃ| রসাত্মকং বহন্ত্যোজস্তন্নিবদ্ধং হি চেষ্টিতম্||' ইতি| খারণাদিরপ্যাহ-"রসধাতোঃ পরং ধাম পচ্যমানাত্প্রসীদতি| সৌম্যস্বভাবং রক্তাগ্রে যত্তদোজঃ প্রকীর্তিতম্||" ইতি| তদেব সর্বান্ ধাতূননুপ্রবিষ্টং তেষাং প্রভাবাতিশযমাদধানং তত্তেজ উচ্যতে| যদাহ সুশ্রুতঃ (সূ. অ. ১৫/২৩) -"রসাদীনাং শুক্রান্তানাং ধাতূনাং যত্পরংতেজঃ তদোজস্তদ্বলমিত্যুচ্যতে|" ইতি| তদেব পুনঃ পাকাচ্চামীকরমিবাপেতোপাধিমলমত্যন্তং শুক্রসার উচ্যতে| তস্মাচ্ছুক্রমলরূপং মূলভূতমেবাজ ইতি স্থিতম্| যত্তূক্তং চরকেণা (সূ. অ. ১৭/১১৫) -"প্রাকৃতস্তু বলং শ্লেষ্মা বিকৃতো মল উচ্যতে| স চৈবোজঃ স্মৃতঃ কাযে" ইতি| তদোজো হেতুত্বাত্ শ্লেষ্মণ ওজস্ত্বম্, আযুর্ঘৃতমিতিবত্| এতেনৈতদুপপন্নম্, "ধাতূনাং তেজসি রসে তথা জীবিতশোণিতে| শ্লেষ্মণি প্রাকৃতে বৈদ্যৈরোজঃশব্দঃ প্রকীর্তিতঃ||" ইতি| ওজসো মলত্বেঽপি পৃথক্বথনং প্রাধান্যখ্যাপনার্থম্| প্রাধান্যে হেতুমাহ-ওজস্ত্বিতি| ওজঃ পুনঃ পরং-প্রধানং স্মৃতম্| তদ্ধি শুক্রান্তানাং ধাতূনাং পরং তেজঃ| শুক্রান্তানাং গ্রহণং সর্বধাতুপ্রাপ্ত্যর্থম্| তথা, হৃদযস্থম্| ন কেবলং তত্স্থং ব্যাপ্যপি| দেহস্থিতিনিবন্ধন,- দেহস্য স্থিতযো-নানাবস্থাঃ, তাসাং নিবন্ধনং-কারণম্| কারণত্বমেব বিবৃণোতি-যন্নাশ ইতি|
Adhikarana ওজঃক্ষযলক্ষণং চিকিত্সা (৩৯-৪১) · Śloka ৪১
| ওজঃ ক্ষীযেত কোপক্ষুদ্ধ্যানশোকশ্রমাদিভিঃ||৩৯|| বিভেতি দুর্বলোঽভীক্ষ্ণং ধ্যাযতি ব্যথিতেন্দ্রিযঃ| দুঃচ্ছাযো দুর্মনা রূক্ষো ভবেত্ক্ষামশ্চ তত্ক্ষযে||৪০|| জীবনীযৌষধক্ষীররসাদ্যাস্তত্র ভেষজম্| |৪১|
| ओजः क्षीयेत कोपक्षुद्ध्यानशोकश्रमादिभिः||३९|| बिभेति दुर्बलोऽभीक्ष्णं ध्यायति व्यथितेन्द्रियः| दुःच्छायो दुर्मना रूक्षो भवेत्क्षामश्च तत्क्षये||४०|| जीवनीयौषधक्षीररसाद्यास्तत्र भेषजम्| |४१|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ওজঃ কোপাদিভিঃ ক্ষীযেত| তত্ক্ষযে-তস্যৌজসঃ ক্ষযে, বিভেতি দুর্বল ইত্যাদিলক্ষণম্| জীবনীযৌষধাদ্যাস্তত্র ভেষজম্| জীবনীযৌষধানি-জীবন্ত্যাদীনি দশ জীবনসংজ্ঞানি (হৃ. সূ. অ. ১৫|৮) তথাঽন্যানি যানি মধুরাণি ক্ষীরাদীনি দ্রব্যাণি| ক্ষীরস্য জীবনীযত্বেনৈব গ্রহণে সিদ্ধে পৃথক্পাঠোঽতিশযার্থঃ, অতিশযেনাত্র ক্ষীরমৌষধমিতি| রসো-মাংসরসঃ| আদি (দ্য)-গ্রহণেন কাকাণ্ডোলাত্মগুপ্তাঘৃতাদিপরিগ্রহঃ|
আযুর্বেদরসাযনম্ ব্যাখ্যা ( কৃত)
আ০ র০-ক্ষযহেতূনাহ-ওজঃ ক্ষীযেতেতি| ক্ষুত্-বুভুক্ষা| ধ্যানং-চিন্তা| আদিশব্দাত্-ভ্রমোন্ত্রাসকটুরূক্ষভোজনাদযঃ| ওজঃক্ষযং লক্ষযতি-বিভেতীতি| বিভেতি-ত্রস্যতি| দুর্বলো-হীনবলো ভবতি| অভীক্ষ্ণং-পুনঃপুনরকস্মাত্| ধ্যাযতি-চিন্তযতি| ব্যথিতেন্দ্রিযঃ-হৃদযাদিস্থানেষু ব্যাথাবান্| দুঃচ্ছাযো-মলিনকান্তিঃ| দুর্মনাঃ-গতোত্সাহঃ| রূক্ষো-নিস্নেহাঙ্গঃ| ক্ষামঃ-কৃশাঙ্গঃ| ক্ষযৌষধভঙ্গ্যা বৃদ্ধিহেতূনাহ-জীবনীযেতি| জীবনীযাঃ-জীবন্ত্যাদযঃ| রসো-মাংসরসঃ| আদি(দ্য) শব্দেন শর্করাদযঃ|
Adhikarana ওজোবৃদ্ধিলক্ষণম্ (৪১) · Śloka ৪১
| ওজোবৃদ্ধৌ হি দেহস্য তুষ্টিপুষ্টিবলোদযঃ||৪১||
| ओजोवृद्धौ हि देहस्य तुष्टिपुष्टिबलोदयः||४१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ওজোবিবৃদ্ধৌ সত্যাং দেহস্য তুষ্টিঃ-প্রহর্ষঃ, পুষ্টিঃ-বৃদ্ধিঃ, বলং-সামর্থ্যম্, এষামুদযঃ-সম্যগ্বৃদ্ধির্ভবতি|
আযুর্বেদরসাযনম্ ব্যাখ্যা ( কৃত)
আ০ র০-ওজোবৃদ্ধিং লক্ষযতি-ওজোবৃদ্ধাবিতি| তুষ্টিঃ সন্তোষঃ| পুষ্টিঃ-স্থৌল্যম্| বলোদযঃ-শক্ত্যুত্কর্ষঃ| ওজোবৃদ্ধেস্তুষ্ট্যাদিহেতুত্বান্ন বাতাদিবৃদ্ধিকারকারিত্বম্| ব্রূদ্ধমপি যদা ত্বোজো ব্যাপদ্যতে স্বস্থানাদ্বিস্রংসতে বা, তদা বাতাদিবদ্বিকারকারিত্বম্| তথা চ সুশ্রুতঃ (সূ. অ. ১৫/৩০) -"ত্রযো দোষা বলস্যোক্তা ব্যাপদ্বিস্রংসনক্ষযাঃ|" ইতি| বলং-ওজঃ|
Adhikarana সংক্ষেপেণ বৃদ্ধিক্ষযভেষজকথনম্ (৪২) · Śloka ৪২
ইদানীং সঙ্ক্ষেপেণ বৃদ্ধিক্ষযভেষজং কথযন্নাহ - - - - যদন্নং দ্বেষ্টি যদপি প্রার্থযেতাবিরোধি তু| তত্তত্ত্যজন্ সমশ্নংশ্চ তৌ তৌ বৃদ্ধিক্ষযৌ জযেত্||৪২||
इदानीं सङ्क्षेपेण वृद्धिक्षयभेषजं कथयन्नाह - - - - यदन्नं द्वेष्टि यदपि प्रार्थयेताविरोधि तु| तत्तत्त्यजन् समश्नंश्च तौ तौ वृद्धिक्षयौ जयेत्||४२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যদন্নং পুরুষো দ্বেষ্টি-নাভিনন্দতি, যদপ্যন্নং প্রার্থযেত, তত্তদন্নং দ্বিষ্টং ত্যজন্-পরিহরন্, ইষ্টমন্নং সমশ্নন্-ভক্ষযন্, দোষাণাং সম্বন্ধিনৌ বৃদ্ধিক্ষযৌ তৌ তৌ-যৌ যস্য দোষস্যাত্মীযৌ বৃদ্ধিক্ষযৌ, তৌ তৌ জযেত্| ননু, কিমবিশেষেণৈতত্ প্রার্থিতমশ্নন্ দোষক্ষযং জযেত্ ? নেত্যাহ-অবিরোধি তু| তুরবধারণে| অবিরোধ্যেব| তত্তথাবিধমন্নমশ্নন্ দোষাণাং ক্ষযং জযেত্, ন তু বিরোধ্যন্নমশ্নন্|
আযুর্বেদরসাযনম্ ব্যাখ্যা ( কৃত)
আ০ র০-বৃদ্ধিক্ষযৌ জ্ঞাত্বা যদনুষ্ঠেযং তত্সঙ্ক্ষেপেণাহ-যদন্নমিতি| যদ্যদন্ন দ্বেষ্টি তত্তত্ত্যজন্ তথা যদ্যত্প্রার্থযেত তত্তত্সমশ্নন্ তৌ তৌ বৃদ্ধিক্ষযৌ জযেত্| কিং তত্সর্বম্ ? নেত্যাহ-অবিরোধি ত্বিতি| যত্প্রার্থযেত্ তচ্চেদবিরোধি-অপথ্যং ন ভবতি, তত্সমশ্নীযাদিত্যর্থঃ| তচ্ছব্দেঽপি বীপ্সাকরণাত্ যচ্ছব্দেঽপি বীপ্সা জ্ঞেযা|
Adhikarana যথারুচ্যুপচারস্য নানুচিতত্বম্, বাতাদীনাং বিপরীতসমানযো রুচিকরত্বম্ (৪৩) · Śloka ৪৩
ননু, দ্বেষ্যান্নত্যাগেনেষ্টান্নভক্ষণেন | চ ] কুতো হেতোর্দোষাণাং বৃদ্ধিক্ষযৌ জযেত্ ? ইত্যাহ - - - - কুর্বতে হি রুচিং দোষা বিপরীতসমানযোঃ| বৃদ্ধাঃ ক্ষীণাশ্চ ভূযিষ্ঠং লক্ষযন্ত্যবুধাস্তু ন||৪৩||
ननु, द्वेष्यान्नत्यागेनेष्टान्नभक्षणेन | च ] कुतो हेतोर्दोषाणां वृद्धिक्षयौ जयेत् ? इत्याह - - - - कुर्वते हि रुचिं दोषा विपरीतसमानयोः| वृद्धाः क्षीणाश्च भूयिष्ठं लक्षयन्त्यबुधास्तु न||४३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-হি-যস্মাত্, দোষাঃ-বাতাদযো, বিপরীতসমানযোঃ রুচিং কুর্বন্তি| কিম্ভূতাঃ সন্তঃ ? বৃদ্ধাঃ ক্ষীণাশ্চ, যথাক্রমম্| বৃদ্ধাঃ-প্রমাণাধিকাঃ সন্তঃ, স্বগুণেভ্যো যদ্বিপরীতগুণমন্নং তেষাং ক্ষপণহেতুঃ, তদ্বিষযাং রুচিং-প্রীতিমুত্পাদযন্তি| ভূযিষ্ঠং-বাহুল্যেন| ক্ষীণাঃ-স্বপ্রমাণাপচিতাঃ সন্তো, যত্স্বসমানগুণমাহারজাতং তেষাং বর্ধনহেতুঃ, তদ্বিষযাং প্রীতিমুত্পাদযন্তি| যথা,-বাতো বৃদ্ধঃ স্নিগ্ধাম্লমধুরমন্নমভিলষতি|পিত্তং বৃদ্ধং শীতমধুররুক্ষতিক্তকশাযমন্নভিলষতি| শ্লেষ্মা বৃদ্ধো রূক্ষোষ্ণকটুতিক্তকষাযমন্নমভিলষতি| বাতঃ ক্ষীণো রূক্ষকষাযাদ্যন্নমভিলষতি| পিত্তং ক্ষীণমম্ললবণকটুকমন্নমভিলষতি| শ্লেষ্মা ক্ষীণঃ স্নিগ্ধমধুরাম্ললবণমন্নমভিলষতি| ভূযিষ্ঠমিত্যনেন প্রাযিকত্বমস্যা ব্যবস্থাযা দর্শযতি| তেন দোষগতিবৈচিত্র্যাদন্যথাঽপি ক্বচিদ্ভবতি| যথা,-কস্যচিন্নরস্য বাতোঽপি ক্ষীণঃ স্নিগ্ধমধুরাদ্যন্নমভিলষতি, পিত্তমপি বৃদ্ধমম্ললবণাদ্যন্নমভিলষতি, শ্লেষ্মাঽপি বৃদ্ধো মধুরাম্লাদ্যন্নমভিলষতীতি ব্যভিচারাত্| অত এবাবুধাঃ-অপণ্ডিতাঃ, ন লক্ষযন্তি-ন বিদন্তি, যথা-কিময দোষঃ ক্ষীণ উত বৃদ্ধ ইতি|
আযুর্বেদরসাযনম্ ব্যাখ্যা ( কৃত)
আ০ র০-ন চ যথারুচ্যুপচারস্যানুচিতত্বমাশঙ্কনীযমিত্যাহ-কুর্বতে হীতি| হি-যস্মাত্, বৃদ্ধা দোষাঃ বিপরীতে রুচিং কুর্বতে, ক্ষীণাঃ সমানে| চকারাদ্দৃদ্ধা দোষাঃ সমানে দ্বেষং কুর্বতে, ক্ষীণাস্তু বিপরীতে, ইত্যপি জ্ঞেযম্| অযমর্থঃ,-যদা বাযোর্বৃদ্ধিস্তদা তদ্বিপরীতানাং স্নিগ্ধাদিগুণানাং রুচিস্তত্সমানানাং রূক্ষাদিগুণানাং দ্বেষ উত্পদ্যতে, অত ইষ্টসেবনাদ্দ্বিষ্টত্যাগাদ্বাযোর্বৃদ্ধিং জযেত্| যদা তু বাযোঃ ক্ষযস্তদা তত্সমানানাং রূক্ষাদিগুণানাং রুচিস্তদ্বিপরীতানাং স্নিগ্ধাদিগুণানাং দ্বেষ উত্পদ্যতে, অত ইষ্টসেবনাদ্দ্বিষ্টত্যাগাদ্বাযোঃ ক্ষযং জযেত্| এবং পিত্তাদিষ্বপি| দোষশব্দো দোষধাতুমলানামুপলক্ষণম্| ভূযিষ্ঠং-প্রাযেণ, কদাচিদন্যথাঽপি রুচিদ্বেষৌ ভবতঃ| যথা বক্ষ্যতি (হৃ. নি. অ. ১৬/৩০) সামে বাযৌ-"কটুরূক্ষাভিলাষেণ তদ্বিধোপশযেন চ|" ইতি| এবং সত্যপ্যেতাদৃশীং স্থিতিমবুধা ন লক্ষযন্তি| এতেন বুদ্ধিমতা ভিষজা পরীক্ষ্যাযমুপচারঃ কার্যঃ| মন্দবুদ্ধীনাং তু যথোপদেশমিত্যুক্তং ভবতি| উক্তং চ সঙ্গ্রহে (সূ. অ. ১৫) -"যথোক্তনুসরণমেব তু শ্রেযো মন্দবুদ্ধেঃ|" ইতি|
Adhikarana উক্তযো রুচিদ্বেষযোরুপপত্তিঃ (৪৪) · Śloka ৪৪
ন চানেনৈব লক্ষণেন বৃদ্ধাঃ ক্ষীণাশ্চ লক্ষণীযাঃ| কিং তর্হি ? অন্যদপি লক্ষণমস্তীত্যাহ - - - - যথাবলং যথাস্বং চ দোষা বৃদ্ধা বিতন্বতে| রূপাণি, জহতি ক্ষীণাঃ, সমাঃ স্বং কর্ম কুর্বতে||৪৪||
न चानेनैव लक्षणेन वृद्धाः क्षीणाश्च लक्षणीयाः| किं तर्हि ? अन्यदपि लक्षणमस्तीत्याह - - - - यथाबलं यथास्वं च दोषा वृद्धा वितन्वते| रूपाणि, जहति क्षीणाः, समाः स्वं कर्म कुर्वते||४४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যথাবলং-বলানতিক্রমেণ, যথাস্বং চ-যদ্যদাত্মীযং যথা, রূপাণি-গুণকর্মলক্ষণানি, দোষা বৃদ্ধা বিতন্বতে-বিস্তারযন্তি| ক্ষীণাশ্চ বলানতিক্রমেণ যথাস্বং রূপাণি জহতি-ত্যজন্তি| যথা,-বাযুর্বৃদ্ধো রৌক্ষ্যশৈত্যপারুষ্যস্রংসব্যাসাদীনি বিস্তারযতি| ক্ষীণস্তু বাযুঃ পূর্বোক্তানি রৌক্ষ্যাদীনি জহাতি, অত এব ন ব্যঞ্জযতি| অথ সমা দোষাঃ কিং বিদধতি ? ইত্যাহ-সমা ইত্যাদি| যদা ন বৃদ্ধা ন চ ক্ষীণাঃ-সমা দোষাঃ,-স্বপ্রমাণস্থাঃ, তদা স্বং কর্ম-উত্সাহোচ্ছ্বাসাদিকং যথোক্তং কুর্বতে| তল্লক্ষণত্তে লক্ষণীযাঃ| তদেবং বৃদ্ধক্ষীণসমা দোষা বেদ্যাঃ|
আযুর্বেদরসাযনম্ ব্যাখ্যা ( কৃত)
আ০ র০-উক্তযো রুচিদ্বেষযোরুপপত্তিমাহ-যথাবলমিতি| বৃদ্ধা দোষা রূপাণি-রৌক্ষ্যাদীনি, বিতন্বতে-বিশেষেণ প্রকটযন্তি| তান্যেব ক্ষীণা জহতি-ন্যূনানি দর্শযন্তীত্যর্থঃ| যথাবলং-বৃদ্ধা অধিকানি, বৃদ্ধতরা অধিকতরাণি, বৃদ্ধতমা অধিকতমানীত্যর্থঃ| এবং ক্ষীণেষ্বপি| যথাস্বং-বাযূ রাক্ষ্যাদীনি, পিত্তমৌষ্ণ্যাদীনি, শ্লেষ্মা স্নেহাদীনীত্যর্থঃ| এতদুক্তং ভবতি,- শরীরে যো যো গুণোঽধিকো ভবতি তস্য তস্য দ্বেষ উত্পদ্যতে, যো যো হীনস্তস্য তস্য রুচিঃ| বাযো বৃদ্ধে রূক্ষাদযঃ শরীরে অধিকা ভবন্তি, ততস্তেষাং দ্বেষ উত্পদ্যতে, ক্ষীণেঽত এব হীনাঃ, অতস্তেষাং রুচিঃ| এবং পিত্তাদিষ্বপি| সমেষু পুনর্দোষেষ্বপূর্বৌ রুচিদ্বেষৌ নোত্পদ্যেতে ইত্যাহ-সমাঃ স্বমিতি| স্বশব্দেন জাতিবযোদেশকালানুরূপং শারীরং কর্মোচ্যতে, ন দোষকর্ম| তস্য যথাস্বমিত্যনেনৈব লব্ধত্বাত্| তস্মাজ্জাত্যাদিবশাদ্যস্য যথা রুচিদ্বেষৌ তস্য তথৈবানুবর্তযন্তি সমা দোষাঃ, নান্যথা কুর্বন্তীত্যর্থঃ|
Adhikarana দোষবৈষম্যানুত্পাদনে যত্নঃ (১১) · Śloka ১১
ক্ষীণা দোষাঃ ক্ষীণত্বাদেবাকিঞ্চিত্করত্বাত্ কদাচিত্পীডাং নোত্পাদযন্ত্যেব, ইতি বিচিন্ত্যাল্পমতযো বৈদ্যাঃ ক্ষীণদোষবর্ধনার্থং কদাচিদনাদরং কুর্যুরিত্যাহ - - - - য এব দেহস্য সমা বিবৃদ্ধ্যৈ ত এব দোষা বিষমা বধায| যস্মাদতস্তে হিতচর্যযৈব ক্ষযাদ্বিবৃদ্ধেরিব রক্ষণীযাঃ||৪৫|| ইতি শ্রীবৈদ্যপতিসিংহগুপ্তসুনূশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে দোষাদিবিজ্ঞানীযো নামৈকাদশোঽধ্যাযঃ||১১||
क्षीणा दोषाः क्षीणत्वादेवाकिञ्चित्करत्वात् कदाचित्पीडां नोत्पादयन्त्येव, इति विचिन्त्याल्पमतयो वैद्याः क्षीणदोषवर्धनार्थं कदाचिदनादरं कुर्युरित्याह - - - - य एव देहस्य समा विवृद्ध्यै त एव दोषा विषमा वधाय| यस्मादतस्ते हितचर्ययैव क्षयाद्विवृद्धेरिव रक्षणीयाः||४५|| इति श्रीवैद्यपतिसिंहगुप्तसुनूश्रीमद्वाग्भटविरचितायामष्टाङ्गहृदयसंहितायां सूत्रस्थाने दोषादिविज्ञानीयो नामैकादशोऽध्यायः||११||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-য এব দোষাঃ সমাঃ সন্তো দেহস্য বিবৃদ্ধ্যৈ-বর্ধনায ভবন্তি, ত এব দোষা বিষমাঃ-স্বপ্রমাণাদধিকা হীনা বা সন্তো, বধায-দেহবিঘাতায স্যুঃ| যস্মাদেবং ততস্তে দোষা হিতচর্যযৈব ক্ষযাত্-হীনত্বাদ্রক্ষণীযাঃ| কুত ইব ? বিবৃধেরিব| যথা বিবৃদ্ধেঃ-বিশেষেণ বর্ধনাত্তে রক্ষ্যন্তে, তথা ক্ষযাদপি রক্ষণীযা ইতি| উপজাতির্বৃত্তম্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে দোষাদিবিজ্ঞানীযাধ্যায একাদশঃ সমাপ্তঃ|| ১১||
আযুর্বেদরসাযনম্ ব্যাখ্যা ( কৃত)
আ০ র০-দোষবৈষম্যানুত্পাদনে যত্নং বিধত্তে-য এব দেহস্যেতি| হিতচর্যযা-পথ্যাভ্যামাহারবিহারাভ্যাম্, চরতের্গতিভক্ষণার্থত্বাত্| এবশব্দেন হিতচর্যাযা অযোগঃ, অহিতচর্যাযাশ্ছ যোগো ব্যবচ্ছিদ্যতে| ইতি হেমাদ্রিটীকাযামাযুর্বেদরসাযনে| দোষাদীনাং প্রকরণং সামস্ত্যেন নিরূপিতম্|| ১১||