৬. অন্নস্বরূপবিজ্ঞানীযাধ্যাযঃ

Devanagari IAST (Roman)Telugu Tamil Malayalam Kannada Gujarati Bengali Gurmukhi

Hide commentary

Adhikarana অধ্যাযোপক্রমঃ · Śloka

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অন্নবিধৌ প্রকৃতেঽল্পবক্তব্যাত্বাত্পূর্বং দ্রবদ্রব্যমভিধাযান্নং বক্তি-

Adhikarana অন্নস্বরূপবিজ্ঞানীযাধ্যাযঃ ষষ্ঠঃ (২) · Śloka ২

অথাতোঽন্নস্বরূপবিজ্ঞানীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসুত্রে)|২|

View original

अथातोऽन्नस्वरूपविज्ञानीयमध्यायं व्याख्यास्यामः| इति ह स्माहुरात्रेयादयो महर्षयः| (गद्यसुत्रे)|२|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অন্নস্য স্বরূপং-স্বভাবো রসবীর্যবিপাকপ্রভাবগুণকর্মাদি, তস্য বিজ্ঞানং-অবগম:, তস্মৈ হিতোঽধ্যাযঃ-অন্নরূপবিজ্ঞানীযঃ, তং ব্যাখ্যাস্যামঃ| শেষং পূর্ববদ্ব্যাখ্যেযম্| দ্রব্যশব্দশ্চাপ্রযুক্তোঽপ্যর্থস্য গমক ইত্যন্নদ্রব্যস্বরূপবিজ্ঞানীয ইতি দ্রষ্টব্যম্| তথা হি পূর্বস্মিন্নধ্যাযে মন্দমতিপ্রবোধনায প্রযুক্তো দ্রব্যশব্দঃ|আচার্যা হি বৈচিত্র্যেণ গ্রন্থরচনাং বিদধতি| তত্র প্রাক্ স্বরূপশব্দো ন নির্দিষ্টঃ, ইহ চ দ্রব্যশব্দঃ| অথবোভযমপ্রযুক্তমপি গম্যতে মধ্যলোপাখ্যযা তন্ত্রযুক্ত্যাঽন্তলোপায চ| অদ্যতে যত্তত্-অন্নম্ ধান্যমাংসাদি| ধান্যং চ দ্বিধা শূকশিম্বিধান্যভেদেন তত্র প্রাধান্যাচ্ছূকধান্যস্য পূর্বমুপন্যাসঃ| প্রাধান্যং চাস্য ভূযস্ত্বোপযোগিত্ত্বাত্|

আযুর্বেদরসাযনম্ ব্যাখ্যা ( কৃত)

আ০ র০-অন্নস্বরূপবিজ্ঞানীযমধ্যাযং ব্যাখ্যাতুং প্রতিজানীতে-অথেতি| যতঃ পূর্বাধ্যাযে দ্রব আহার উক্তঃ, ইহ ত্বদ্রবঃ| স চান্নশব্দবাচ্যঃ| অত এবাযমন্নস্বরূপবিজ্ঞানীযঃ| তত্র সপ্তবর্গাঃ| বক্ষ্যতি হি (হৃ.সূ.অ. ৬/১৭২)- "শূকশিম্বিজপক্বান্নমাংসশাকফলৌষধৈঃ| বর্গিতৈরন্নলেশোঽযমুক্তো নিত্যৌপযোগিকঃ||" ইতি|

Adhikarana শূকধান্যবর্গঃ রক্তশাল্যাদিগুণাঃ (১-৪) · Śloka ৪

শিম্বীধান্যস্য তু তদ্ব্যঞ্জনত্ত্বেন স্বল্পোপযোগিত্ত্বাত্ প্রাযেণাপথ্যাত্ত্বাচ্চাপ্রাধন্যং, ইত্যাহ- অথ শূকধান্যবর্গঃ| রক্তো মহান্ সকলমস্তূর্ণকঃ শকুনাহৃতঃ| সারামুখো দীর্ঘশূকো রোধ্রশূকঃ সুগন্ধিকঃ||১|| পুণ্ড্রঃ পাণ্ডুঃ পুণ্ডরীকঃ প্রমোদো গৌরসারিবৌ| কাঞ্হ্চনো মহিষঃ শূকো দূষকঃ কুসুমাণ্ডকঃ||২|| লাঙ্গলা লোহবালাখ্যঃ কর্দমাঃ শীতভীরুকাঃ| পতঙ্গাস্তপনীযাশ্চ যে চান্যে শালযঃ শুভাঃ||৩|| স্বাদুপাকরসঃ স্নিগ্ধা বৃষ্যা বদ্ধাল্পবর্চসঃ| কষাযানুরসাঃ পথ্য লঘবো মূত্রল হিমাঃ||৪||

View original

शिम्बीधान्यस्य तु तद्व्यञ्जनत्त्वेन स्वल्पोपयोगित्त्वात् प्रायेणापथ्यात्त्वाच्चाप्राधन्यं, इत्याह- अथ शूकधान्यवर्गः| रक्तो महान् सकलमस्तूर्णकः शकुनाहृतः| सारामुखो दीर्घशूको रोध्रशूकः सुगन्धिकः||१|| पुण्ड्रः पाण्डुः पुण्डरीकः प्रमोदो गौरसारिवौ| काञ्ह्चनो महिषः शूको दूषकः कुसुमाण्डकः||२|| लाङ्गला लोहवालाख्यः कर्दमाः शीतभीरुकाः| पतङ्गास्तपनीयाश्च ये चान्ये शालयः शुभाः||३|| स्वादुपाकरसः स्निग्धा वृष्या बद्धाल्पवर्चसः| कषायानुरसाः पथ्य लघवो मूत्रल हिमाः||४||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০- তত্র রক্তশালিমহাশালী-সুপ্রথিতাবেব| কলমোমগধাদিষু প্রসিদ্ধঃ| স এব মহাতণ্ডুল ইতি কাশ্মীরেষু| তূর্ণকশ্চ-তত্রৈব আজব ইতি প্রসিদ্ধঃ| শকুনহৃতো-যো মগধেষু বুদ্ধোত্পাদকাল উত্তরকুরুভ্যো হংসৈরানীতো ভৃঙ্গারপাত্রে বিশাখাখ্যযা বাপিতো বিস্তরং গতঃ| অত এব শকুনিনাঽঽহৃতঃ শকুনাহৃত ইত্যন্বর্থা

আযুর্বেদরসাযনম্ ব্যাখ্যা ( কৃত)

Adhikarana রক্তশালিগুণাঃ (৫) · Śloka ৫

শূকজেষু বরস্তত্র রক্তস্তৃষ্ণাত্রিদোষহা| |৫|

View original

शूकजेषु वरस्तत्र रक्तस्तृष्णात्रिदोषहा| |५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তত্র-তেষু মহাশালিকলমাদিষু মধ্যে, রক্তো-রক্তশালিসংজ্ঞো বরঃ, তৃষ্ণাং বাতাদীশ্চ ত্রিদোষান্নিহন্তি| অস্য চ প্রাগুপাদানেনৈব বরত্বে লব্ধে বরগ্রহণং যুক্ত্যা

আযুর্বেদরসাযনম্ ব্যাখ্যা ( কৃত)

আ০ র০-রক্তশালিগুণানাহ-শূকজেষ্বিতি| তত্র-তেষু শালিষু মধ্যে, রক্তো-রক্তশালিঃ, শূকজেষু বরঃ| তথা চ খারণাদিঃ-"পথ্যত্বে শূকধান্যানাং প্রবরা রক্তশালযঃ|" ইতি| অত এব 'শূকজেষু শালযো বরাঃ, তেষু শালিষু রক্তো বরঃ' ইতি ব্যাখ্যানমসত্| তৃষ্ণাত্রিদোষহা-তৃষ্ণাঘ্হ্নস্ত্রিদোষঘ্নশ্চ|

Adhikarana মহাশাল্যাদীনাং গুণাঃ (৫) · Śloka ৫

| মাহাংস্তমনু কলমস্তং চাপ্যনু ততঃ পরে||৫||

View original

| माहांस्तमनु कलमस्तं चाप्यनु ततः परे||५||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তস্যানু-রক্তশালেঃ পশ্চাত্, মহান্ শালির্বরঃ| তং চ-মহান্তমনু কলমঃ, মহত্সংজ্ঞাত্ কলমঃ কিঞ্চিদূন ইত্যর্থঃ| ততঃ-অনন্তরম্, পরে-অন্যে শালযো

আযুর্বেদরসাযনম্ ব্যাখ্যা ( কৃত)

আ০ র০-মহাশাল্যাদীনাং গুণানাহ-মহাংস্তমন্বিতি| তমনু-রক্তশালের্হীনো মহান্| তং চাপ্যনু-কলমো মহতো হীনগুণঃ| পরে-তূর্ণকাদযঃ, তেনৈব ন্যাযেন হীনাঃ| তেন যো যস্মাদুত্তরঃ স তস্মাদ্ধীনঃ| ননু, রক্তশাল্যাদীনাং যথোত্তরমপকর্ষ উচ্যতে, স চ পাঠক্রমমপেক্ষতে, স তু প্রতিতন্ত্রং ভিদ্যতে| তদ্যথা-"লোহিতশালিকলমকদম্বকপাণ্ডুকসুগন্ধিকশকুনাহৃতপুষ্পাণ্ডকপুণ্ডরীকমহাশালিশীতভীরুরোধ্রপুষ্পকদীর্ঘাশূককাঞ্চনমহিষশূকহাযনদূষকমহাদূষকপ্রভৃতযঃ শালযঃ| মধুরা বীর্যতঃ শীতা লঘুপাকা বলাবহাঃ| পিত্তঘ্নাল্পানিলকফাঃ স্নিগ্ধা বদ্ধাল্পবর্চসঃ|| তেষাং লোহিতকঃ শ্রেষ্টো দোষঘ্নঃ শুক্রমূত্রলঃ| চক্ষুষ্যো বর্ণকৃত্স্বর্যোহৃদ্যো বল্যস্তৃষাপহঃ|| ব্রণ্যো জ্বরহরশ্চৈব সর্বদোষবিষাপহঃ| তস্মাদল্পন্তরগুণাঃ ক্রমশঃ শালযোঽপরাঃ||' ইতি সুশ্রুতঃ (সূ. অ. ৪৬/৪)| "রক্তশালির্মহাশালিঃ কলমঃ শকুনাহৃতঃ| তূর্ণকো দীর্ঘশূকশ্ছ গোউরঃ পাণ্ডুকলাঙ্গলওউ|| সুগন্ধিকা লোহবালাঃ সারিবাখ্যাঃ প্রমোদকাঃ| পতঙ্গাস্তপনীযাশ্ছ যে চন্যে শালযঃ শুভাঃ|| শীতা রসে বিপাকে চ মধুরাঃ স্বল্পমারুতাঃ| বদ্ধাল্পবর্চসঃ স্নিগ্ধা বৃংহণা মূত্রশুক্রলাঃ|| রক্তশালির্বস্তেষাং তৃষ্ণাঘ্নস্ত্রিমলাপহঃ| মহাংস্তমনু কলমস্তং চাপ্যনু ততঃ পরে||" ইতি চরকঃ (সূ.অ. ২৭/৭)| "রক্তঃ শ্যেনাহৃতো গোউরঃ সুগন্ধঃ কাঞ্চনো মহান্| পতঙ্গঃ কলমঃ পাণ্ডুর্লোহবালঃ প্রমোদকঃ|| দীর্ঘনালঃ শীতভিরুঃ সারিবঃ শঙ্খমৌক্তিকঃ| তূর্ণকো দীর্ঘশূকাখ্যো লাঙ্গলাদ্যাশ্ছ শালযঃ|| শীতলা মধুরাঃ স্নিগ্ধা গ্রাহিণো মাংসশুক্রলাঃ| বাতপিত্তহরা বল্যাঃ সৃষ্টমূত্রাঃ সহাযনাঃ|| স্নিগ্ধঃ শীতো লঘুর্গ্রাহী তৃষ্ণাঘ্নঃ শুক্রমূত্রলঃ| রক্তশালিস্ত্রিদোষঘ্নঃ কলমোν মহাংস্ততঃ||' ইতি খারণাদিঃ| "রক্তো মহান্ সকলমঃ" ইত্যাদ্যম্| এবমেব সঙ্গ্রহে (সূ.অ.৭)| তস্মাত্কোঽত্র ক্রমঃ? উচ্যতে| ইহ রক্তশালিশব্দেন মৃদুমধুরস্নিগ্ধসুরভিশুক্লবিশদস্থূলাযতত্বাদীনাং লোকপ্রসিদ্ধানাং স্বগুণানামুত্কর্ষ উপলক্ষ্যতে| তেষু যথা যথা সমুত্কর্ষস্ত উত্তমাঃ| যথা যথা অপকর্শস্তে হীনাঃ| উপলক্ষণানি পুনর্বক্তুর্বিবক্ষাভেদাদ্ভিন্নানি| যানেব গুণান্ সুশ্রুতখারণাদী কলমশব্দেনোপলক্ষযতঃ, তানেব চরকবাগ্ভটোউ মহাশালিশব্দেন| ননু, সম্বন্ধং বিনা নোপলক্ষণত্বম্, ন চ কলমস্য মহাশালিগুণৈর্মহাশালের্বা কলমগুণৈঃ কদাচিত্সম্বন্ধঃ| মৈবম্| যদ কলমো মহাশালিক্ষেত্রে নিষ্পদ্যতে, তদা তযোস্তুল্যগুণত্বাত্| স্বক্ষেত্রজাদেব মহাশালেঃ স্বক্ষেত্রজ এব কলমো হীনঃ| এবমিতরেষ্বপি বাচ্যম্| তস্মাত্সর্বমেব প্রমাণম্, উক্তপ্রকারেণাবিরোধাত্|

Adhikarana যবকাদীনাং পূর্বস্য পূর্বস্য নিন্দিতত্বম্ (৬-৭) · Śloka ৭

যবকা হাযনাঃ পাংসুবাষ্পনৈষধকাদযঃ| স্বাদূষ্ণা গুরবঃ স্নিগ্ধাঃ পাকেঽম্লাঃ শ্লেষ্মপিত্তলাঃ||৬|| সৃষ্টমূত্রপুরীষাশ্চ পূর্বং পূর্বং চ নিন্দিতাঃ| |৭|

View original

यवका हायनाः पांसुबाष्पनैषधकादयः| स्वादूष्णा गुरवः स्निग्धाः पाकेऽम्लाः श्लेष्मपित्तलाः||६|| सृष्टमूत्रपुरीषाश्च पूर्वं पूर्वं च निन्दिताः| |७|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-যবকাদযঃ শালিবিশেষাঃ স্বাদবঃ| তথা, উষ্ণাদিগুণযুক্তাঃ| তথা, সৃষ্টে মূত্রপুরীষে যৈস্তে সৃষ্টমূত্রপুরীষাঃ| পূর্বং পূর্বং চ নিন্দিতাঃ-তেন যবকাঃ সর্বেভ্যোঽপি গর্হিতাঃ, তদন্বন্যে কিঞ্চিত্কিঞ্চিত্ক্রমেণ গর্হিতা ইতি বিজ্ঞেযম্| নৈষধকাদয ইত্য- ত্রাঽঽদিশব্দেন চম্পকপত্রিকাদযঃ শালিবিশেষা গৃহ্যন্তে|

আযুর্বেদরসাযনম্ ব্যাখ্যা ( কৃত)

আ০ র০-যবকাদিশালিগুণানাহ-যবকা ইতি| *পাংশুবাষ্পঃ-কোরকঃ| পূর্বং পূর্বং চ নিন্দিতাঃ-যো যস্মাত্পূর্বঃ স তস্মাদ্ধীনগুণঃ, মৃদ্বাদিবিপরীতগুণানামুত্কর্ষাত্|

Adhikarana ষষ্টিকগুণাঃ (৭-৮) · Śloka ৮

| স্নিগ্ধো গ্রাহী লঘুঃ স্বাদুদুস্ত্রিদোষঘ্নঃ স্থিরো হিমঃ||৭|| ষষ্টিকো ব্রীহিষু শ্রেষ্ঠো গৌরশ্চাসিতগৌরতঃ| |৮|

View original

| स्निग्धो ग्राही लघुः स्वादुदुस्त्रिदोषघ्नः स्थिरो हिमः||७|| षष्टिको व्रीहिषु श्रेष्ठो गौरश्चासितगौरतः| |८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ব্রীহিষু মধ্যে ষষ্টিকঃ শ্রেষ্ঠঃ, রক্তশালিরিব শালিষু| তথা, স্নিগ্ধাদিগুণযুক্তঃ| স্থিরো হিম ইতি শরীরস্তৈর্যকরো জ্বরশ্রমক্লমগ্লানিহরঃ| অত এব রসাযনপ্রযোগে জ্বরাদোউ ছ তত্র তত্র ক্ষামবপুষামুপদিষ্টঃ| যবস্তু স্তৈর্যকরোঽপি নাম্নাতো গুরুবাতলত্বাদিতি বেদ্যম্| ষষ্টিকশ্ছ দ্বিবিধঃ,-গৌরঃ কৃষ্ণগোউরশ্চ| অত্রাসিতগোউরতো গৌরঃ ষষ্টিকঃ শ্রেষ্টঃ| (তথা চ সুশ্রুতে (সূ.অ.৪৬|৯)-"রসে পাকে চ মধুড়্রাঃ পিত্তানিলহরাস্তথা| শালীনাং চ গুণৈস্তুল্যা বিজ্ঞ্হেযাঃ কফশুক্রলাঃ|| ষষ্টিকঃ প্রবরস্তেষাং কষাযানুরসো লঘুঃ|" কৃষ্ণাত্রেযঃ:-ষষ্টিকঃ সুরকব্রীহিপাটলোটকনালকাঃ| কৃষ্ণব্রীহিঃ শীতভীরুঃ প্রমোদোহাযনস্তথা|| অনভিষ্যন্দিনঃ স্নিগ্ধাঃ কষাযমধুরা হিমাঃ| লঘবঃ কটুপাকাশ্ছ ষষ্টিকোঽত্রাপি পূজিতঃ||" খারণাদিঃ- "কষাযমধুরো গ্রাহী দোষঘ্নঃ ষষ্টিকো লঘুঃ|" পরাশরেঽপ্যুক্তম্- "রক্তো মহাচ্ছকুনাহৃতঃ ষষ্টিককলমপ্রমোদপতড্গাঃ শীতগৌরদীর্ঘশূকসুগন্ধিকপাণ্ডুতপনীযাঃ শালয এবংভূতাঃ| মধুরবহলাঃ স্থিরাঃ স্নিগ্ধাঃ পিত্তানিলপ্রশমনা লঘবঃ সঙ্গ্রাহিকাঃ শীতাঃ|" ইতি| চরকে ত্বেবং পঠ্যতে (সূ.অ.৫|৩)-"তত্র শালিষষ্টিকমুদ্গলাবকপিঞ্জলৈণশশশরভবরাহাদীন্যাহারদ্রব্যাণি প্রকৃতিলঘূন্যপি মাত্রাপেক্ষীণি ভবন্তি|" তথা চ চরকো জ্বরে পঠতি (চি.অ.৩|১৭৬)-"রক্তশাল্যাদযঃ শস্তাঃ পুরাণাঃ ষষ্টিকৈঃ সহ| যবাগ্বোদনলাজার্থে জ্বরিতানাং জ্বরাপহাঃ||" ইতি|

আযুর্বেদরসাযনম্ ব্যাখ্যা ( কৃত)

Adhikarana মহাব্রীহ্যাদিগুণাঃ (৮-১০) · Śloka ১০

| ততঃ ক্রমান্মহাব্রীহিকৃষ্ণব্রীহিজতূমুখাঃ||৮|| কুক্কুটাণ্ডকলাবাখ্যপারাবতকশূকরাঃ| বরকোদ্দালকোজ্জ্বালচীনশারদদর্দুরাঃ||৯|| গন্ধনাঃ কুরুবিন্দাশ্চ গুণৈরল্পান্তরাঃ স্মৃতাঃ| |১০|

View original

| ततः क्रमान्महाव्रीहिकृष्णव्रीहिजतूमुखाः||८|| कुक्कुटाण्डकलावाख्यपारावतकशूकराः| वरकोद्दालकोज्ज्वालचीनशारददर्दुराः||९|| गन्धनाः कुरुविन्दाश्च गुणैरल्पान्तराः स्मृताः| |१०|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ততঃ-ষষ্টিকাত্, মহাব্রীহ্যাদযঃ ক্রমাদ্গুণৈরল্পান্তরাঃ-গুণৈর্হীনাঃ|

আযুর্বেদরসাযনম্ ব্যাখ্যা ( কৃত)

আ০ র০-মহাব্রীহ্যাদীনাং গুণানাহ-ততঃ ক্রমাদিতি| ততঃ-কৃষ্ণষষ্টিকাত্, মহাব্রীহ্যাদযঃ ক্রমেণ গুণৈরল্পান্তরাঃ| ষষ্টিকস্য সর্বশ্রেষ্ঠত্বাদ্ধীনত্বেনাল্পান্তরত্বম্| কৃষ্ণষষ্টিকাদ্ধীনগুণো মহাব্রীহিঃ, ততঃ কৃষ্ণব্রীহিঃ, ইত্যাদি| অত্রাপি কমভেদপরিহারঃ পূর্ববত্|

Adhikarana ষষ্টিকাদিভ্যোঽন্যব্রীহিগুণাঃ (১০-১১) · Śloka ১১

| স্বাদুরম্লবিপাকোঽন্যো ব্রীহিঃ পিত্তকরো গুরুঃ|১০| বহুমূত্রপুরীষোষ্মা, ত্রিদোষস্ত্বেব পাটলঃ| |১১|

View original

| स्वादुरम्लविपाकोऽन्यो व्रीहिः पित्तकरो गुरुः|१०| बहुमूत्रपुरीषोष्मा, त्रिदोषस्त्वेव पाटलः| |११|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-এভ্যঃ ষষ্টিকাদিভ্যোঽন্যঃ-অনুক্তো, ব্রীহিঃ স্বাদুঃ- মধুররসঃ, অম্লবিপাকঃ পিত্তকরো গুরুর্বহুমূত্রপুরীষোষ্মা ছ| পাটলঃ- পটলাকুসুমাকারঃ| ত্রিদোষঃ-ত্রিদোষকোপনঃ| ত্রিদোষস্ত্বেবেত্যত্রৈবশব্দোঽতিশযখ্যাপনায| অতিশযেন ত্রিদোষল ইত্যর্থঃ| অতিত্রিদোষলত্বেনাস্যাঽভ্যবহারনিষেধং করোতি| অত এব চ রসাদিমত্ত্বং ন ব্যধাদস্য শাস্ত্রকারঃ|

আযুর্বেদরসাযনম্ ব্যাখ্যা ( কৃত)

আ০ র০-অথাবিশিষ্টব্রীহিগুণানাহ-স্বাদুরিতি| অন্যঃ-উক্তেভ্য ইতরঃ| ঊষ্মা-ঔষ্ণ্যম্| পাটলগুণানাহ-ত্রিদোষস্ত্বিতি| ত্রযো দোষা যস্মাত্সঃ- ত্রিদোষঃ| এবগ্রহণাত্সর্বাস্ববস্থাসু দোষলত্বম্| অত এবান্যেষাং দ্রব্যাণামবস্থাতো গুণান্যত্বং জ্ঞেযম্| তথা (সঙ্গ্রহে সূ.অ. ৭)-"সর্বথা দোষজিত্তক্রং গ্রহণ্যাং, দোষকৃদ্র্ব্রণে| শালিঃ পিষ্টো গরীযস্ত্বং গোধূমাদপি গচ্ছতি||" ইত্যাদি|

Adhikarana ষষ্টিকাদিভ্যোঽন্যব্রীহিগুণাঃ (১০-১১) · Śloka ১১

| স্বাদুরম্লবিপাকোঽন্যো ব্রীহিঃ পিত্তকরো গুরুঃ||১০|| বহুমূত্রপুরীষোষ্মা, ত্রিদোষস্ত্বেব পাটলঃ| ||১১||

View original

| स्वादुरम्लविपाकोऽन्यो व्रीहिः पित्तकरो गुरुः||१०|| बहुमूत्रपुरीषोष्मा, त्रिदोषस्त्वेव पाटलः| ||११||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

Adhikarana প্রিযঙ্গুগুণাঃ (১২) · Śloka ১২

| ভগ্নসন্ধানকৃত্তত্র প্রিযঙ্গুর্বৃংহণী গুরুঃ||১২||

View original

| भग्नसन्धानकृत्तत्र प्रियङ्गुर्बृंहणी गुरुः||१२||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তত্র-তেষু তৃণধান্যেষু মধ্যে, প্রিযাঙ্গুঃ-কঙ্গুঃ, ভগ্নস্যাঙ্গস্য সন্ধানং করোতি| তথা, গুরুঃ| সুশ্রুতে তূক্তম্ (সূ.অ.৪৬|২৪)-"রক্তাঃ পীতাশ্চ কৃষ্ণাশ্চ শ্বেতাশ্চৈব প্রিযঙ্গবঃ| যথোত্তরং প্রধানাঃ স্যূ রূক্ষাঃ কফহরাঃ স্মৃতাঃ||" ইতি|

আযুর্বেদরসাযনম্ ব্যাখ্যা ( কৃত)

আ০ র০-কঙ্গুগুণানাহ-ভগ্নসন্ধানেতি| ভগ্নসন্ধানকৃত্-ভগ্নস্যাঙ্গস্য সন্ধানং করোতি|

Adhikarana কোরদূষগুণাঃ (১৩) · Śloka ১৩

কোরদূষঃ পরং গ্রাহী স্পর্শে শীতো বিষাপহঃ| |১৩|

View original

कोरदूषः परं ग्राही स्पर्शे शीतो विषापहः| |१३|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কোরদূষঃ-কোদ্রবঃ, অত্যর্থং সঙ্গ্রাহী| তথা স্পর্শশীতো বিষাপহশ্চ|

আযুর্বেদরসাযনম্ ব্যাখ্যা ( কৃত)

আ০ র০-কোদ্রবগুণানাহ-কোরদূষ ইতি| পরং-অতিশযেন গ্রাহী, স্পর্শে শীতশ্চ| অতিশযবচনাত্ কঙ্গ্বাদীনামপি গ্রাহিত্বং হিমস্পর্শত্বং চ জ্ঞেযম্|

Adhikarana যবগুণাঃ (১৩-১৪) · Śloka ১৪

| রূক্ষঃ শীতো গুরুঃ স্বাদুঃ সরো বিড্বাতকৃদ্যবঃ||১৩|| বৃষ্যঃ স্থৈর্যকরো মূত্রমেদঃপিত্তকফান্ জযেত্| পীনসশ্বাসকাসোরুস্তম্ভকণ্ঠত্বগামযান্||১৪||

View original

| रूक्षः शीतो गुरुः स्वादुः सरो विड्वातकृद्यवः||१३|| वृष्यः स्थैर्यकरो मूत्रमेदःपित्तकफान् जयेत्| पीनसश्वासकासोरुस्तम्भकण्ठत्वगामयान्||१४||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-যবো রূক্ষাদিগুণৈর্যুক্তো বিড্বাতকরো বৃষ্যঃ স্থৈর্যকৃচ্চ| তথা, মূত্রাদীন্ জযেত্|

আযুর্বেদরসাযনম্ ব্যাখ্যা ( কৃত)

আ০ র০-যবগুণানাহ-রূক্ষঃ শীত ইতি| কণ্ঠামযাঃ-গলগণ্ডাদযঃ| ত্বগামযাঃ-কুষ্ঠাদযঃ|

Adhikarana অনুযবগুণাঃ (১৫) · Śloka ১৫

ন্যূনো যবাদনুযবঃ| |১৫|

View original

न्यूनो यवादनुयवः| |१५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অনুযবো নাম শূকধান্যবিশেষো লোকপ্রসিদ্ধঃ| স যবান্ন্যূনঃ-স্বল্পৈর্যবগুণৈর্যুক্তঃ|

আযুর্বেদরসাযনম্ ব্যাখ্যা ( কৃত)

আ০ র০-অনুযবগুণানাহ-ন্যূন ইতি| নিঃশূকো যবো-অনুযবঃ|

Adhikarana বংশোদ্ভবযবগুণাঃ (১৫) · Śloka ১৫

রুক্ষোষ্ণো বংশজো যবঃ| |১৫|

View original

रुक्षोष्णो वंशजो यवः| |१५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বংশোদ্ভবো-বেণুজো যবো রুক্ষোষ্ণো ভবতি|

আযুর্বেদরসাযনম্ ব্যাখ্যা ( কৃত)

আ০ র০-বেণুযবগুণানাহ-রূক্ষোষ্ণ ইতি| সঙ্গ্রহে তু (সূ. অ. ৭)- "উষ্ণাঃ সরা বেণুযবাঃ কষাযা বাতপিত্তলাঃ|" ইতি|

Adhikarana গোধূমগুণাঃ (১৫-১৬) · Śloka ১৬

| বৃষ্যঃ শীতো গুরুঃ স্নিগ্ধো জীবনো বাতপিত্তহা||১৫|| সন্ধানকারী মধুরো গোধূমঃ স্থৈর্যকৃত্সরঃ| |১৬|

View original

| वृष्यः शीतो गुरुः स्निग्धो जीवनो वातपित्तहा||१५|| सन्धानकारी मधुरो गोधूमः स्थैर्यकृत्सरः| |१६|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-গোধূমো বৃষ্যাদিগুণযুক্তঃ| জীবনঃ-ওজোভিবর্ধনঃ| তথা, বাতপিত্তহরঃ| সন্ধানকারী-ঊরুপ্রভৃতের্ভগ্নস্য সন্ধানং করোতি| তথা, স্থৈর্যকৃত্সরশ্চ| চরকে (সূ,অ. ২৭|২০) ত্বন্যথৈব গুণা উক্তাঃ| যথা-"স্থৈর্যকৃত্সকষাযশ্চ বল্যঃ শ্লেষ্মবিকারহা| সন্ধানকৃদ্বাতহরো গোধূমঃ স্বাদুশীতলঃ||"ইতি|

আযুর্বেদরসাযনম্ ব্যাখ্যা ( কৃত)

আ০ র০-গোধূমগুণানাহ-বৃষ্যঃ শীত ইতি| সরঃ-অনুলোমনঃ|

Adhikarana নন্দীমুখীগুণাঃ (১৬-১) · Śloka ১

| পথ্যা নন্দীমুখী শীতা কষাযমধুরা লঘুঃ||১৬|| ইতি শূকধান্যবর্গঃ||১||

View original

| पथ्या नन्दीमुखी शीता कषायमधुरा लघुः||१६|| इति शूकधान्यवर्गः||१||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-নন্দীমুখী-(কৃশদীর্ঘা গোধূমজাতিঃ|) পথ্যা-শরীরায হিতা, শীতা কষাযমধুরা লঘুশ্চ| ইতি শূকধান্যবর্গঃ| অস্মাদনন্তরং শিম্বীধান্যবর্গস্য সম্বন্ধপ্রযোজনং প্রাগুক্তমেব|

আযুর্বেদরসাযনম্ ব্যাখ্যা ( কৃত)

আ০ র০-নন্দীমুখীগুণানাহ-পথ্যা নন্দীমুখীতি| দীর্ঘসূক্ষ্মো গোধূমো-নন্দীমুখী| সঙ্গ্রহে তু (সূ. অ. ৭)- "উদ্দালকস্তু বীর্যোষ্ণো নীবারঃ শ্লেষ্মবর্ধনঃ| শীতবীর্যা বিশেষেণ স্নিগ্ধা বৃষ্যা মধূলিকা||" ইতি| ইতি শূকধান্যবর্গঃ|

Adhikarana শিম্বীধান্যবর্গঃ (১৭-১৮) · Śloka ১৮

অথ শিম্বীধান্যবর্গঃ| মুদ্গাঢকীমসূরাদি শিম্বীধান্যং বিবন্ধকৃত্| কষাযং স্বাদু সঙ্গ্রাহি কটুপাকং হিমং লঘু||১৭|| মেদঃশ্লেষ্মাস্ত্রপিত্তেষু হিতং লেপোপসেকযোঃ| |১৮|

View original

अथ शिम्बीधान्यवर्गः| मुद्गाढकीमसूरादि शिम्बीधान्यं विबन्धकृत्| कषायं स्वादु सङ्ग्राहि कटुपाकं हिमं लघु||१७|| मेदःश्लेष्मास्त्रपित्तेषु हितं लेपोपसेकयोः| |१८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০- শিম্ব্যাঃ-কোশ্যাঃ, ধান্যং-মুদ্গাদিকং, যত্ শিম্বীধান্যং তদ্বিবন্ধকৃত্| কেষাং বিবন্ধং করোতি ? সামর্থ্যাত্ স্রোতসাম্, ন তু পুরীষাদীনাম্| তথা চ সঙ্গ্রাহীত্যত্রৈব পঠতি শাস্ত্রকৃত্| সঙ্গ্রাহিলক্ষণং চ তত্রান্তরে| যথা-"ভেদি তত্পিণ্ডতান্ ভাবান্ শকৃদাদীন্ভিনত্তি যত্| বিপরীতমতো গ্রাহি" ইতি| তস্মাদ্বিবন্ধং স্রোতসামেবেত্যবেহি| তথা, কষাযং স্বাদু কটুপাকং শীতবীর্যং লঘু চ| মসূরাদীত্যত্রাঽঽদিশব্দেন মকুষ্ঠচণকাদীনাং গ্রহণম্| তথা, মেদআদিষু হিতম্, প্রকৃতত্বাদভ্যবহারে তথা লেপ উপসেকে চেতি| চশব্দোঽত্র লুপ্তনির্দিষ্টো বোধ্যঃ| লেপঃ-প্রদেহঃ| উপসেকঃ-পরিষেকঃ| কষাযশীতরূক্ষত্বেন কটুপাকিত্বেন চ বাতকৃত্ত্বং শিম্বীধান্যস্য শাস্ত্রকৃতোক্তম্| অত এবেদমুপপন্নম্-"মুদ্গোঽল্পচলঃ" ইতি| যদি হি শিম্বীধান্যস্য মারুতকৃত্ত্বং সমেযাত্, তদৈতদ্বক্তুং যুজ্যতে| তস্মাত্ বাতকৃত্ত্বমস্যাস্তীতি স্থিতম্| তস্মিংশ্চ সত্যাধ্মানকারিত্বমপ্যুপপন্নমেব| অত এব সঙ্গ্রহেঽস্যাধ্মানকারিত্বমুক্তম্| মুদ্গাদীনাং চ বিশেষাস্তত্রৈবোক্তাঃ (সং. সূ. অ. ৭)| যথা-"হরিতাস্তেষ্বপি বরা মকুষ্ঠাঃ কৃমিকারিণঃ| বর্ণ্যাঃ পরং প্রলেপাদ্যৈর্মসূরা গ্রাহিণো ভৃশম্||" ইতি|

আযুর্বেদরসাযনম্ ব্যাখ্যা ( কৃত)

আ০ র০-অথ শিম্বিধান্যবর্গঃ| তত্র মুদ্গাদিগুণানাহমুদ্গাঢকীতি| মুদ্গো দ্বিদিধঃ,-ক্ষেত্রমুদ্গো বনমুদ্গশ্চ| আঢকীতুবরী| মসূরো দ্বিবিধঃ,- কৃষ্ণঃ পাণ্ডুশ্চ| তত্র পাণ্ডুঃ-মঙ্গল্যাখ্যঃ| আদিশব্দাত্সঙ্গ্রহোক্তাঃ (সূ. অ. ৭)- "শিম্বিজা মুদ্গমাঙ্গল্যবনমুদ্গমকুষ্ঠকাঃ| মসূরচবলাঢক্যশ্চণকাশ্চ পৃথগ্বিধাঃ||" ইতি| শিম্বিভবং ধান্যং-শিম্বিধান্যম্| বিবন্ধকৃত্-বাতাবরোধকম্| সঙ্গ্রাহি-মলাবরোধকম্| লেপোপসেকযোঃ প্রযুক্তং মেদঃপ্রভৃতিষু হিতম্| উপসেকো-ব্যঞ্জনম্, যেন মিশ্রীকৃত্যৌদনাদি ভুজ্যতে| স চাত্র যোগ্যত্বাত্সূপঃ| উক্তং চ চরকেণ (সূ. অ. ২৭/২৭)- "পিত্তশ্লেষ্মণি শস্যন্তে সূপেষ্বালেপনেষু চ|" ইতি|

Adhikarana শিম্বীধান্যনাং সামান্যগুণাঃ মুদ্গগুণাঃ কলাযগুণাঃ রাজমাষগুণাঃ (১৮-১৯) · Śloka ১৯

| বরোঽত্র মুদ্গোঽল্পচলঃ, কলাযস্ত্বতিবাতলঃ||১৮|| রাজমাষোঽনিলকরো রূক্ষো বহুশকৃদ্গুরুঃ| |১৯|

View original

| वरोऽत्र मुद्गोऽल्पचलः, कलायस्त्वतिवातलः||१८|| राजमाषोऽनिलकरो रूक्षो बहुशकृद्गुरुः| |१९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০- অত্র-এষু শিম্বীধান্যেষু মধ্যে, মুদ্গ উত্তমঃ| তথা, অল্পং চলং-পবনং করোতীত্যল্পচলঃ _ তুর্ব্যতিরেকে| কলাযঃ পুনরতিশযেন বাতলো ভবতি| রাজমাষো রূক্ষো বহু শকৃত্করোতীতি বহুশকৃত্| তথা, গুরুঃ| তথা, অনিলকরঃ- "কৃঞো হেতুঃ" ইতি তাচ্ছীল্যে টঃ, কলাযবন্নাতিবাতলঃ, অন্যশিম্বীধান্যাচ্চাতিবাতলোঽযমিতি বেদ্যম্, অনিলকরগ্রহণাত্| অন্যথাশিম্বীধান্যসামান্যলক্ষণেন বাতমাত্রকরণস্য লব্ধত্বাদনিলকরগ্রহণং ন কুর্যাত্|

আযুর্বেদরসাযনম্ ব্যাখ্যা ( কৃত)

Adhikarana কুলত্থগুণাঃ (১৯-২০) · Śloka ২০

| উষ্ণাঃ কুলত্থাঃ পাকেঽম্লাঃ শুক্রাশ্মশ্বাসপীনসান্||১৯|| কাসার্শঃকফবাতাংশ্চ ঘ্নন্তি পিত্তাস্রদাঃ পরম্| |২০|

View original

| उष्णाः कुलत्थाः पाकेऽम्लाः शुक्राश्मश्वासपीनसान्||१९|| कासार्शःकफवातांश्च घ्नन्ति पित्तास्रदाः परम्| |२०|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০- কুলত্থা উষ্ণবীর্যাঃ পাকেঽম্লাঃ| তথা, শুক্রাদীন্ ঘ্নন্তি- অশ্ম-অশ্মরী বক্ষ্যমাণলক্ষ্ণা| তথা, পিত্তাস্রদাঃ পরং-অতিশযেন রক্তপিত্তকরাঃ| কষাযস্বাদুসঙ্গ্রাহিত্বং শিম্বীধান্যসামান্যলক্ষণেনৈষাং বেদ্যম্, দৃষ্টিনাশনত্বং চোষ্ণবীর্যত্বেন রক্তপিত্তকরত্বেন চ| সঙ্গ্রহে তু স্পষ্টং কৃত্বোক্তম্ (সূ. অ. ৭)-"কষাযস্বাদুরূক্ষোষ্ণাঃ কুলত্থা রক্তপিত্তলাঃ| পীনসশ্বাসকাসার্শোহিক্কাঽঽনাহকফানিলান্| ঘ্নন্তি শুক্রাশ্মরীং শুক্রং দৃষ্টিং শোফং তথোদরম্| গ্রাহিণো লঘবস্তীক্ষ্ণা বিপাকেঽম্লা বিদাহিনঃ" ইতি|

আযুর্বেদরসাযনম্ ব্যাখ্যা ( কৃত)

Adhikarana নিষ্পাবগুণাঃ (২০-২১) · Śloka ২১

| নিষ্পাবো বাতপিত্তাস্রস্তন্যমূত্রকরো গুরুঃ||২০|| সরো বিদাহী দৃক্শুক্রকফশোফবিষাপহঃ| |২১|

View original

| निष्पावो वातपित्तास्रस्तन्यमूत्रकरो गुरुः||२०|| सरो विदाही दृक्शुक्रकफशोफविषापहः| |२१|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

আ০ র০-নিষ্পাবগুণানাহ-নিষ্পাব ইতি| নিষ্পাবোবল্লঃ|

Adhikarana মাষগুণাঃ (২১-২২) · Śloka ২২

| মাষঃ স্নিগ্ধো বলশ্লেষ্মমলপিত্তকরঃ সরঃ||২১|| গুরূষ্ণোঽনিলহা স্বাদুঃ শুক্রবৃদ্ধিবিরেককৃত্| |২২|

View original

| माषः स्निग्धो बलश्लेष्ममलपित्तकरः सरः||२१|| गुरूष्णोऽनिलहा स्वादुः शुक्रवृद्धिविरेककृत्| |२२|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-মাষঃ স্নিগ্ধো বলাদিকরঃ| তথা, সরো গুরূরূষ্ণশ্চ| তথা, বাতহা স্বাদুশ্চ| তথা, শুক্রস্য বৃদ্ধিং শুক্রস্যৈব বিরেকং-বহিঃপ্রেরণং, করোতি|

আযুর্বেদরসাযনম্ ব্যাখ্যা ( কৃত)

আ০ র০-মাষগুণানাহ-মাষঃ স্নিগ্ধ ইতি| শুক্রস্যৈব বৃদ্ধিং, শুক্রস্যৈব বিরেকং-শীঘ্রপ্রবৃত্তিং, করোতি স তথা|

Adhikarana কাকাণ্ডোলাত্মগুপ্তাফলগুণাঃ (২২) · Śloka ২২

| ফলানি মাষবদ্বিদ্যাত্কাকাণ্ডোলাত্মগুপ্তযোঃ||২২||

View original

| फलानि माषवद्विद्यात्काकाण्डोलात्मगुप्तयोः||२२||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কাকাণ্ডোলা চাত্মগুপ্তা চ, তযোঃ ফলানি মাষবদ্বিদ্যাত্-মাষসমগুণানি বিজানীযাত্| কাকাণ্ডোলা-কটভী| আত্মগুপ্তা-কপিকচ্ছূঃ|

আযুর্বেদরসাযনম্ ব্যাখ্যা ( কৃত)

আ০ র০-কাকাণ্ডোলাত্মগুপ্তাফলগুণানাহ-ফলানীতি| এতযোঃ ফলানি মাষবদ্বিদ্যাত্| কাকাণ্ডোলা-নিঃশূকা কপিকচ্ছূঃ| আত্মগুপ্তা-কপিকচ্ছূঃ|

Adhikarana তিলগুণাঃ (২৩) · Śloka ২৩

উষ্ণস্ত্বচ্যো হিমঃ স্পর্শে কেশ্যো বল্যস্তিলো গুরুঃ| অল্পমূত্রঃ কটুঃ পাকে মেধাঽগ্নিকফপিত্তকৃত্||২৩||

View original

उष्णस्त्वच्यो हिमः स्पर्शे केश्यो बल्यस्तिलो गुरुः| अल्पमूत्रः कटुः पाके मेधाऽग्निकफपित्तकृत्||२३||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তিল উষ্ণবীর্যঃ| তথা, ত্বচ্যঃ| তথা, স্পর্শে শীতঃ| কেশ্যো বল্যো গুরুশ্চ| তথা, অল্পমূত্রঃ-অল্পমূত্রকরঃ| পাকে কটুঃ| তথা, মেধাদীন্ করোতি| ত্বচ্যকেশ্যবল্যা হিতার্থা যত্প্রত্যযান্তাঃ| স্নিগ্ধত্বমনিলঘ্নত্বং কষাযকটুতিক্তরসত্বং নানাজাতিত্বং চেহাস্য গ্রন্থকৃতা লাঘবান্নোক্তম্| সঙ্গ্রহে তূক্তমেব (সূ. অ. ৭)| যথা-"স্নিগ্ধোষ্ণতিক্তকটুককষাযমধুরস্তিলঃ| ত্বচ্যঃ কেশ্যো গুরুর্বৃষ্যঃ স্পর্শশীতোঽনিলাপঃ|| অল্পমূত্রঃ কটুঃ পাকে মেধাঽগ্নিকফপিত্তকৃত্| কৃষ্ণঃ প্রশস্তস্তমনু শুক্লস্তমনু চারুণঃ||" ইতি| অন্যে ত্বনযা যুক্ত্যা সঙ্গ্রহোক্তমর্থং সঙ্গৃহ্ণতে| স্নিগ্ধত্বং তাবত্তিলস্য তৈলেষু মুখ্যস্য স্নেহস্য যোনিভূতত্বাত্সিদ্ধম্, কফপিত্তকৃদিতি বচনাত্স্নিগ্ধত্বাচ্চ সামর্থ্যাল্লব্ধং বাতঘ্নত্বম্, কষাযস্বাদ্বিতি শিম্বীধান্যসামান্যগুণকথনেন কষাযস্বাদুত্বং লব্ধমিতি| এতদেবোররীকৃত্য ব্রণপ্রতিষেধে বক্ষ্যতি (হৃ.উ.অ.২৫|৫৪)-কল্কং সংরোহণং কুর্যাত্তিলানাং মধুকান্বিতম্| স্নিগ্ধোষ্ণতিক্তমধুরকষাযত্বৈঃ স সর্বজিত্||" ইতি|

আযুর্বেদরসাযনম্ ব্যাখ্যা ( কৃত)

Adhikarana অতসীগুণাঃ কুসুম্ভবীজগুণাঃ (২৪) · Śloka ২৪

স্নিগ্ধোমা স্বাদুতিক্তোষ্ণা কফপিত্তকরী গুরুঃ| দৃক্শুক্রহৃত্কটুঃ পাকে, তদ্বদ্বীজং কুসুম্ভজম্||২৪||

View original

स्निग्धोमा स्वादुतिक्तोष्णा कफपित्तकरी गुरुः| दृक्शुक्रहृत्कटुः पाके, तद्वद्बीजं कुसुम्भजम्||२४||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

Adhikarana মাষযবকযোরবরত্বম্ (২৫) · Śloka ২৫

মাষোঽত্র সর্বেষ্ববরো, যবকঃ শূকজেষু চ| |২৫|

View original

माषोऽत्र सर्वेष्ववरो, यवकः शूकजेषु च| |२५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অত্র-শিম্বীধান্যেষু, মাষোঽশ্রেষ্ঠঃ| শূকজেষু-শূকধান্যেষু, যবকোঽশ্রেষ্ঠঃ|

আযুর্বেদরসাযনম্ ব্যাখ্যা ( কৃত)

আ০ র০-মাষস্য সর্বধান্যাবরত্বমাহ-মাষোঽত্রেতি| যবকস্য শূকধান্যেষ্ববরত্বমাহ-যবকঃ শূকজেষ্বিতি| চকারোঽবরত্বাকর্ষণার্থঃ|

Adhikarana নবধান্যগুণাঃ পুরাণধান্যগুণাঃ শীঘ্রজন্মাদিসূপ্যগুণাঃ (২৫-১) · Śloka ১

নবং ধান্যমভিষ্যন্দি, লঘু সংবত্সরোষিতম্||২৫|| শীঘ্রজন্ম তথা সূপ্যং নিস্তুষং যুক্তিভর্জিতম্| |২৬| ইতি শিম্বীধান্যবর্গঃ||১||

View original

नवं धान्यमभिष्यन्दि, लग़ु संवत्सरोषितम्||२५|| शीघ्रजन्म तथा सूप्यं निस्तुषं युक्तिभर्जितम्| |२६| इति शिम्बीधान्यवर्गः||१||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০- নবং প্রত্যগ্রং, ধান্যমভিষ্যন্দি-আভিমুখ্যেন স্যন্দযতি| তাচ্ছীল্যে ণিনিঃ| মালিন্যাত্স্রোতসাং স্রুতিরূপং শ্লেষ্মাণং করোতীত্যর্থঃ| অর্থাত্পুরাণমনভিষ্যন্দি| সংবত্সরোষিতং-বর্ষাতীতং, লঘু ভবতি| নবং চার্থাদ্গুর্বিত্যনুক্তমপ্যুক্তং ভবতি| তন্ত্রান্তরেঽপ্যুক্তম্- "বর্ষস্থিতং সর্বমন্নং পরিত্যজতি গৌরবম্| ন তু ত্যজতি তদ্বীর্যং বীর্যং মুঞ্চত্যতঃ ক্রমাত্||" ইতি| শীঘ্রেত্যাদি| লঘ্বিত্যনুবর্ততে| সূপ্যং-মুদ্গাদি যচ্ছীঘ্রজন্ম, তল্লঘু ভবতি| তথা, বিগততুষং যুক্ত্যা ভর্জিতং-ভৃষ্টং লঘু ভবতি| সঙ্গ্রহে ত্বেবমুক্তম্ (সূ.অ.৭)-"নবং ধান্যমভিষ্যন্দি সেক্যং কেদারজং চ যত্| লঘু বর্ষোষিতং দগ্ধভূমিজং স্থলসম্ভবম্|" ইতি| ইতি শিম্বীধান্যবর্গঃ| নির্দিষ্টে শূকশিম্বীধান্যে| তযোশ্চ সংস্কৃতযোরুপযোগ ইতি কৃতান্নবর্গঃ প্রারভ্যতে-

আযুর্বেদরসাযনম্ ব্যাখ্যা ( কৃত)

আ০ র০-নবধান্যগুণানাহ-নবং ধান্যমিতি| অভিষ্যন্দি-স্রোতঃস্রাবি| পুরাণধান্যগুণানাহ-লঘু সংবত্সরোষিতমিতি| সংবত্সরোষিতং-সংবত্সরমেবোষিতম্, সংবত্সরদ্বযাদ্যুষিতস্য নির্বীর্যত্বাত্| যদাহ খারণাদিঃ-"বর্ষস্থিতং সর্বধান্যং পরিত্যজতি গৌরবম্| ন তু ত্যজতি তদ্বীর্যং, বীর্যং মুঞ্চত্যতঃ ক্রমাত্ "|| ইতি| শীঘ্রজন্মাদিসূপ্যগুণানাহ-শীঘ্রজন্মেতি| সূপে হিতংসূপ্যং শিম্বীধান্যম্, তথা-তদ্বত্, লঘু ইত্যর্থঃ| শীঘ্রং অল্পেন কালেন, জন্ম-নিষ্পত্তির্যস্য তত্তথা| নিস্তুষং-অপনীতত্বক্| যুক্ত্যা-সম্যগ্যোগেন, ভর্জিতং-দ্রবং বিনা স্বেদিতম্| নবস্যাভিষ্যন্দিত্বাত্ পুরাণস্যানভিষ্যন্দিত্বম্| পুরাণাদীনাং লঘুত্বাত্তদ্বিপরীতানাং গুরুত্বমর্থসিদ্ধম্| সঙ্গ্রহে তু (সূ. অ. ৭)-"হরিতাস্তেষ্বপি বরা, মকুষ্ঠাঃ কৃমিকারিণঃ| বর্ণ্যাঃ পরং প্রলেপাদ্যৈর্মসূরা গ্রাহিণো ভৃশম্|| কুশাম্রশিম্বী মধুরা বাতপিত্তহরা হিমা| মধুরাঃ শীতলা গুর্ব্যো বলঘ্নো রূক্ষণাত্মিকাঃ|| স্নেহাঢ্যা বলিভির্ভোজ্যা বিবিধাঃ শিম্বীজাতযঃ|" ইতি| ইতি শিম্বীধান্যবর্গঃ|

Adhikarana কৃতান্নবর্গঃ মণ্ডাদীনাং যথাপূর্বং লাঘবম্ মণ্ডগুণাঃ (২৬-২৮) · Śloka ২৮

অথ কৃতান্ন(পক্বান্ন)বর্গঃ| | মণ্ডপেযাবিলেপীনামোদনস্য চ লাঘবম্||২৬|| যথাপূর্বং শিবস্তত্র মণ্ডো বাতানুলোমনঃ| তৃড্গ্লানিদোষশেষঘ্নঃ পাচনো ধাতুসাম্যকৃত্||২৭|| স্রোতোমার্দবকৃত্স্বেদী সন্ধুক্ষযতি চানলম্| |২৮|

View original

अथ कृतान्न(पक्वान्न)वर्गः| | मण्डपेयाविलेपीनामोदनस्य च लाघवम्||२६|| यथापूर्वं शिवस्तत्र मण्डो वातानुलोमनः| तृड्ग्लानिदोषशेषघ्नः पाचनो धातुसाम्यकृत्||२७|| स्रोतोमार्दवकृत्स्वेदी सन्धुक्षयति चानलम्| |२८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-মণ্ডাদীনাং যথাপূর্বং লাঘবম্| তেনৌদনমপেক্ষ্য লঘ্বী বিলেপী, ততোঽপি পেযা, পেযাতো মণ্ডো লঘুতর ইত্যর্থোঽবতিষ্ঠতে| মণ্ডপেযাবিলেপ্যোদনানাং যথাপুর্বং লাঘবমিত্যেব বক্তব্যে যদত্রৌদনস্য পৃথক্পাঠঃ, স ইদং জ্ঞাপযতি,-মণ্ডাদযো লাজোপাদানা বেদ্যাঃ, ন তু তণ্ডুলোপাদানাঃ, যথা-ওদনঃ, ইতি| তথা চ মুনিঃ (চ, সূ,অ.২৭|২৫২)-"শৃতঃ পিপ্পলিশুণ্ঠীভ্যাং যুক্তো লাজাম্বুদাডিমৈঃ| মণ্ডঃ সন্দীপযত্যগ্নিং বাতং চাপ্যনুলোমযেত্||" ইতি| তদুক্তম্_"দ্রব্যস্যার্ধপলং দত্ত্বা তোযস্য প্রস্থমাবপেত্| অর্ধশেষং গৃহীত্বা তত্কর্ষৌ দ্বৌ দাডিমস্য চ|| যুক্তং সৈন্ধববিশ্বাহ্বধান্যকৈঃ শাণমাত্রকৈঃ| দ্বিকর্ষমাত্রৈর্লাজৈশ্চ ভূযঃ সংক্বথিতং চ তত্|| পিপ্পলীজীরকাভ্যাং চ শাণৈকেনাবচূর্ণিতম্| পেযাস্বেষ বিধিঃ কল্প্যো দাডিমাদিকৃতাস্বপি||" ইতি| তথা (সুশ্রুতে সূ. অ. ৪৬|৩৪৫)-"সিক্থৈর্বিরহিতো মণ্ডঃ পেযা সিক্থসমন্বিতা| ধনসিক্থা বিলেপী স্যাদ্যবাগূর্বিরলদ্রবা||" ইতি| অন্যে তু মণ্ডলক্ষণং পেযালক্ষণং চান্যথৈবেচ্ছন্তি| তথা তল্লক্ষণম্-"লাজাম্বুসৈন্ধবকণাধান্যনাগরদাডিমৈঃ| যুক্তো বিমৃদিতঃ পূতো মণ্ডঃ সংস্কৃত উচ্যতে|| নির্দ্রব্যা প্রাকৃতা পেযা তক্রদাডিমতণ্দুলৈঃ|" ইতি| সামান্যপেযাযাশ্চ তক্রদাডিমলাজাদিসাধিতাযা গুণনির্দেশোঽযম্, ন তু বিশিষ্টাযা জ্বরচিকিত্সাদিবিহিতাযা ইতি দ্রষ্টব্যম্| তস্যাস্তু তত্রৈবেত্যর্থঃ, বিশেষগ্রহণাত্কর্মান্তরনির্দেশাচ্চ| তত্র-তেষু মণ্ডাদিষু মধ্যে, মণ্ডঃ শিবঃ| তথা, বাতানুলোমনঃ| তথা, তৃষং গ্লানিং দোষশেষং চ হন্তীতি তৃড্গ্লানিদোষশেষঘ্নঃ| "অমনুষ্যকর্তৃকে চ" ইত্যত্র ঠক্| দোষস্য শেষো দোষশেষঃ| এষ এব হি বিহিতবমনস্য বিহিতবিরেচনস্য বা কিঞ্চিচ্ছেষো যো দোষঃ, তস্য| দোষশেষেতি বচনজ্ঞাপকাত্ কৃতবমনবিরেচনস্য দোষশেষকরণম্| তেন চ বমনকর্মণি বিরেচনকর্মণি বা কর্তব্যেঽতিযোগভযাত্ দোষশেষঃ কার্যঃ, ইত্যযমর্থো যুক্ত্যা প্রতিপাদিতঃ| তথা, মণ্ডঃ পাচনো ধাতুসাম্যকরশ্চ| তথা, স্রোতসাং মার্দবং করোতি| তথা, স্বেদযতীতি স্বেদী, বহ্নিং চ দীপযতি|

আযুর্বেদরসাযনম্ ব্যাখ্যা ( কৃত)

Adhikarana পেযাগুণাঃ (২৮-২৯) · Śloka ২৯

| ক্ষত্তৃষ্ণাগ্লানিদৌর্বল্যকুক্ষিরোগজ্বরাপহা||২৮|| মলানুলোমনী পথ্যা পেযা দীপনপাচনী| |২৯|

View original

| क्षत्तृष्णाग्लानिदौर्बल्यकुक्षिरोगज्वरापहा||२८|| मलानुलोमनी पथ्या पेया दीपनपाचनी| |२९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ক্ষুচ্চ তৃষ্ণা চ, তাভ্যং গ্লানিঃ, সা চ দৌর্বল্যং চ কুক্ষিরোগশ্চ জ্বরশ্চ, তানপহন্তি যা সৈবংভূতা পেযা| দৌর্বল্যং- কার্শ্যম্| তথা, মলান্-বাতাদীন্, অনুলোমযতি-স্বমার্গস্থান্ করোতি| তথা, পথ্যা-শরীরস্য হিতা| তথা, দীপনী চাসৌ পাচনী চেতি "পুংবত্কর্মধারয" ইতি পুংবদ্ভাবঃ|

আযুর্বেদরসাযনম্ ব্যাখ্যা ( কৃত)

অ০ র০-পেযাগুণানাহ-ক্ষুত্তৃষ্ণেতি| কুক্ষিরোগঃ-অতীসারঃ| পথ্যা-ঔষধরূপত্বাত্|

Adhikarana বিলেপীগুণাঃ (২৯-৩০) · Śloka ৩০

| বিলেপী গ্রাহিণী হৃদ্যা তৃষ্ণাঘ্নী দীপনী হিতা||২৯|| ব্রণাক্ষিরোগসংশুদ্ধদুর্বলস্নেহপাযিনাম্| |৩০|

View original

| विलेपी ग्राहिणी हृद्या तृष्णाघ्नी दीपनी हिता||२९|| व्रणाक्षिरोगसंशुद्धदुर्बलस्नेहपायिनाम्| |३०|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বিলেপী গ্রাহিণী হৃদ্যা তৃষ্ণাঘ্নী দীপনী হিতা চ| ব্রণশ্চাক্ষিরোগশ্চ সংশুদ্ধশ্চ দুর্বলশ্চ স্নেহপাযী চ, তেষাং হিতা| ব্রণাক্ষিরোগশব্দৌ মত্বর্থীযাকারান্তৌ|

আযুর্বেদরসাযনম্ ব্যাখ্যা ( কৃত)

আ০ র০-বিলেপীগুণানাহ-বিলেপীতি| ব্রণাদীনাং হিতা| সংশুদ্ধঃ-সম্যক্কৃতবমনাদিঃ| যঃ স্নেহনার্থং প্রত্যহং স্নেহং পিবতি সঃ-স্নেহপাযী|

Adhikarana ওদনগুণাঃ (৩০-৩১) · Śloka ৩১

| সুধৌতঃ প্রস্রুতঃ স্বিন্নোঽত্যক্তোষ্মা চৌদনো লঘুঃ||৩০|| যশ্চাগ্নেযৌষধক্বাথসাধিতো ভৃষ্টতণ্ডুলঃ| বিপরীতো গুরুঃ ক্ষীরমাংসাদ্যৈর্যশ্চ সাধিতঃ||৩১||

View original

| सुधौतः प्रस्रुतः स्विन्नोऽत्यक्तोष्मा चौदनो लघुः||३०|| यश्चाग्नेयौषधक्वाथसाधितो भृष्टतण्डुलः| विपरीतो गुरुः क्षीरमांसाद्यैर्यश्च साधितः||३१||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ওদনঃ সুষ্ঠু ধৌতস্তথা প্রস্রুতো-নিশ্চোতিতঃ স্বিন্নোঽত্যক্তবাষ্পশ্চ লঘুর্ভবতি| যশ্চৌদন আগ্নেযৌষধানাং-মরীচচিত্রকাদীনাং ক্বাথেন সাধিতঃ, সোঽতিলঘুঃ| তথা, ভৃষ্টাস্তণ্ডুলা যস্মিন্নোদনে সোঽতিলঘুতমঃ| যথোক্তলক্ষণাদোদনাদ্বিপরীতো-যোঽধৌতাদিঃ, স গুরুঃ| ক্ষীরমাংসাদিভিঃ-মধুরৈর্যশ্চ সাধিতঃ, সোঽতিগুরুঃ|

আযুর্বেদরসাযনম্ ব্যাখ্যা ( কৃত)

Adhikarana ওদনোদাহরণা পরিভাষা (৩২) · Śloka ৩২

ইতি দ্রব্যক্রিযাযোগমানাদ্যৈঃ সর্বমাদিশেত্| |৩২|

View original

इति द्रव्यक्रियायोगमानाद्यैः सर्वमादिशेत्| |३२|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ইতি-অনযা দিশা, সর্বং-পেযাদিকং পূর্বোক্তং বক্ষ্যমাণং চ ভক্ষ্যাদিকং, দ্রব্যেণ ক্রিযযা সংযোগেন মানেন চাদিশেত্| তত্র দ্রব্যতো যথা-ওদনস্য রক্তশাল্যাদিজস্য লাঘবম্, যবকাদিজস্য তু গৌরবম্| ক্রিযাতো যথা-সাক্ষাদগ্নিপাকাদিসংস্কারাচ্ছূল্যস্য মাংসস্য লঘ্বাদিগুণযোগঃ, অপরস্য ত্বন্যথাত্বং দৃশ্যতে| তথা চোক্তং তন্ত্রান্তরে-"বৃষ্যং বাতহরং বল্যং পথ্যং শূল্যামিষং লঘু| অপথ্যং গুরু বিষ্টম্ভি মাংসং যচ্চ রসোদ্ধতম্||" ইতি| তন্ত্রান্তরে চোক্তম্-"স্বিন্নং মাংসং গুরু স্তম্ভি শূলপক্বং ত্রিদোষজিত্|" ইতি| ক্রিযা-সংস্কার ইত্যর্থঃ| যোগঃ-সংযোগঃ, তেন যথা-আগ্নেযচিত্রকাদ্যৌষধক্বাথৈঃ সাধিতস্য লাঘবম্| মানতো যথা-বহুভির্লঘুভিরল্পৈশ্চ গুরুভির্যুক্তৈর্লঘুরেব, বিপরীতৈস্তু বিপরীত এব| আদ্যগ্রহণেন দেশাদিপরিগ্রহঃ| জাঙ্গলদেশপ্রভবতণ্ডুলকৃতো লঘুঃ, আনূপদেশতণ্ডুলকৃতো গুরুরিত্যাদি বোধ্যম্|

আযুর্বেদরসাযনম্ ব্যাখ্যা ( কৃত)

আ০ র০-ওদনপ্রসঙ্গাদোদনোদাহরণাং পরিভাষামাহ-ইতি দ্রব্যেতি| ইতি-এবমোদনবত্| দ্রব্যাদীনাং কারণানাং স্বরূপং শাস্ত্রেণ বুদ্ধাকার্যাণাং স্বরূপমকথিতমপি স্ববুদ্ধ্যা নির্ধার্য মন্দবুদ্ধীনাং কথযেদিত্যর্থঃ| তত্র, কার্যত্বেন পরিণতং কারণং-দ্রব্যম্| তত্পরিণামহেতুঃ কর্তৃব্যাপারঃ-ক্রিযা| প্রধানদ্রব্যে দ্রব্যান্তরসম্পর্কো-যোগঃ| সংযোগিনাং ন্যূনাধিকসমত্বং-মানম্| আদ্যশব্দাদ্দেশকালৌ| তত্র, দ্রব্যস্যোত্পত্তিস্থিতিপরিণামস্থানং-দেশঃ| উত্পত্ত্যাদিসময আমাদ্যবস্থাশ্চ-কালঃ| তত্র, দ্রব্যেণাদেশো যথারক্তশালীনামোদনঃ পথ্যো, যবকানামপথ্যঃ| ক্রিযযা যথা-ভৃষ্টবিদলিতনিস্তুষীকৃতানং সূপ্যানাং সূপো লঘুঃ, ইতরেষাং গুরুঃ| যোগেন যথা-মরীচাদিযুক্তা মাংসভক্ষ্যা লঘবঃ, মরীচাদ্যযুক্তা গুরবঃ| মানেন যথা-মিশ্রকৌদনে মুদ্গাদ্যল্পত্ববহুত্বাভ্যাং লঘুত্বগুরুত্বে| উত্পত্তিদেশেন যথা-দগ্ধাবনিজাতানাং শালীনামন্নং লঘু, ইতরেষাং গুরু| উক্তং হি সুশ্রুতেন (সূ. অ. ৪৬/১৫)- "দগ্ধাযামবনৌ জাতাঃ শালযো লঘুপাকিনঃ|" ইতি| স্থিতিদেশেন যথা-দুর্ভাজনস্থাভির্দ্রাক্ষাভিঃ কৃতং পানকং দোষলম্, ইতরাভিরদোষলম্| উক্তং হি (সঙ্গ্রহে সূ.অ.৭)-"দুর্ভাজনস্থা দ্রাক্ষাঽম্লা দোষলা চ প্রাজাযতে|" ইতি| পরিণামদেশেন যথা-মৃণ্মযে পাত্রে সিদ্ধানাং তন্দুলানামোদনো গুরুঃ, তাম্রমযে লঘুঃ| উত্পত্তিকালেন যথা-আর্তবেন দিব্যোদকেন সিদ্ধমন্নং পথ্যম্, অনার্তবেনাপথ্যম্| স্থিতিকালেন যথারাত্রিমুষিতেন শৃতশীতেনালোডিতমপথ্যম্, ইতরেণ পথ্যম্| পরিণামকালেন যথা-শীঘ্রজন্মনা সূপ্যেন কৃতঃ সূপো লঘুঃ, চিরজন্মনা গুরুঃ| আমাদ্যবস্থাকালেন যথা-আমেন শুষ্কেণ বা মূলকেন কৃতো যূষঃ পথ্যঃ, জীর্ণেনাদ্রেণ বা কৃতোঽপথ্যঃ| ইত্যাদি স্ববুদ্ধ্যা সর্বমূহ্যম্|

Adhikarana মাংসরসগুণাঃ (৩২) · Śloka ৩২

| বৃংহণঃ প্রীণনো বৃষ্যশ্চক্ষুষ্যো ব্রণহাং রসঃ||৩২||

View original

| बृंहणः प्रीणनो वृष्यश्चक्षुष्यो व्रणहां रसः||३२||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-রস ইতি মাংসরসঃ, আদিশব্দলোপাত্| স বৃংহণাদিগুণযুক্তঃ| কৃতাকৃতস্য চ রসস্যাযং গুণনির্দেশো বোধ্যঃ| রসো হি স্নেহশুণ্ঠ্যাদিযুতঃ-কৃত ইত্যুচ্যতে, বিপরীতস্তু-অকৃতঃ| তত্র কৃতস্য তন্ত্রান্তরে বিধানমুক্তং গুণাশ্চ| যথা-"ছাগলং সক্থিজং মাংসং নিরস্থি তৈত্তিরং তথা| চতুষ্পলোন্মিতং সূক্ষ্মং কল্পিতং ক্ষালিতং জলে|| পিপ্পলীপিপ্পলীমূলশুণ্ঠীচিত্রকধান্যকৈঃ| দ্বিশাণৈঃ সংযুতে তোযে ক্বাথ্যং সার্ধাঢকোন্মিতে|| মাংসেঽরিমন্ দ্বিপলং তত্র দাডিমাত্কুট্টিতাত্ক্ষিপেত্| তং রসং মর্দিতং পূতং হিঙ্গুসৈন্ধবজীরকৈঃ|| যুক্তং সুধূপিতং পথ্যং শুদ্ধানাং শুদ্ধিকাঙ্ক্ষিণাম্| শুষ্যতাং ব্যাধিমুক্তানাং ব্রণিনাং বাতরোগিণাম্|| ভগ্নবিশ্লিষ্টসন্ধীনাং ক্ষীণধাত্বিন্দ্রিযৌজসাম্|" ইতি| তন্ত্রান্তরে চোক্তম্-"রসস্তত্র বরোঽনম্লঃ শাকুনো বৃংহণঃ সরঃ| তক্রসিদ্ধস্তু বিষ্টম্ভী লঘুর্বাতকফাপহঃ|| ফলাম্লগোরসোদারং সবিশ্বাজাজিধান্যকম্| স্নিগ্ধং মাংসং হিতং বল্যং বৃহণং রোচনং গুরু|| কাসমর্দকধান্যাম্লদাডিমাদিরজঃকৃতাঃ| লেহাস্তক্রাদিজাশ্চান্যে যোনিবদ্গুরুরোচনাঃ|| মালুধানীযবাসাদিপুষ্পৈর্যোঽতিগুণঃ খলঃ| ফলমূলৈর্ঘনাদানং ব্যঞ্জনং পাকতো ঘনম্|| লেহবত্খল ইত্যন্যে দোষলঃ স্বস্বযোনিবত্| তদ্বচ্চ তিলকল্কাম্লপ্রাযঃ কাম্বলিকো মতঃ|| কট্বরঃ কফজিদ্গ্রাহী পিত্তলো রোচকো লঘুঃ| মাংসাদজাজিশুণ্ঠ্যাদিগলিতঃ সট্টকো লঘুঃ|| ইতি|

আযুর্বেদরসাযনম্ ব্যাখ্যা ( কৃত)

আ০ র০-মাংসরসগুণানাহ-বৃংহণ ইতি| প্রীণনঃ-তৃপ্তিজননঃ| রসো-মাংসরসঃ| উক্তং হি সঙ্গ্রহে (সূ.অ.৭)-"পিশিতেন রসস্তত্র, যূষো ধান্যৈঃ, খলঃ ফলৈঃ| মূলৈশ্চ তিলকল্কাম্লপ্রাযঃ কাম্বলিকঃ স্মৃতঃ||" ইতি| স চ কৃতাকৃতদকলাবণিকভেদান্ত্রিধা| উক্তং হি সঙ্গ্রহে (সূ. অ.৭)-"জ্ঞেযাঃ কৃতাকৃতাস্তে তু স্নেহাদিযুতবর্জিতাঃ| অল্পমাংসাদযঃ স্বচ্ছা দকলাবণিকাঃ স্মৃতাঃ||' ইতি| তথা, তনুসান্দ্রভেদাদম্লস্বাদুভেদাচ্চ দ্বিধা| উক্তং হি সঙ্গ্রহে (সূ. অ. ৭)-"বিদ্যাদ্যূষে রসে সূপে শাকে চৈবোত্তরোত্তরম্| গৌরবং তনুসান্দ্রাম্লস্বাদুষ্বেষু পৃথক্ পৃথক্||" ইতি| সঙ্গ্রহে তু (সূ. অ. ৭)-"শুষ্যতাং ব্যাধিমুক্তানাং নরাণাং শুদ্ধিকাঙ্ক্ষিণাম্| কৃশক্ষামক্ষতোরস্কক্ষীণধাত্বিন্দ্রিযৌজসাম্|| দৃষ্টিশ্রবণবন্হ্যাযুর্বলবর্ণস্বরার্থিনাম্| ভগ্নবিশ্লিষ্টসন্ধীনাং ব্রণিনাং বাতরোগিণাম্|| হৃদ্যঃ পথ্যঃ পরং বৃষ্যো বৃংহণঃ প্রীণনো রসঃ|" ইতি| শুষ্যতাং-বৃদ্ধিং ত্যজতাম্| কৃশানাং-স্থূলত্বং ত্যজতাম্| ক্ষামাণাং-বলংত্যজতাম্|

Adhikarana মুদ্গযূষগুণাঃ (৩৩) · Śloka ৩৩

| মৌদ্গস্তু পথ্যঃ সংশুদ্ধব্রণকণ্ঠাক্ষিরোগিণাম্|৩৩|

View original

| मौद्गस्तु पथ्यः संशुद्धव्रणकण्ठाक्षिरोगिणाम्|३३|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-মৌদ্গো রসো-যূষো, ব্রণিনাং কণ্ঠরোগিণাং অক্ষিরোগিণাং চ পথ্যঃ| অস্য চ সংস্কৃতস্য বিধানমুক্তম্-"মুদ্গানাং দ্বিপলং তোযে শৃতমর্ধাঢকোন্মিতে| পাদস্থং মর্দিতং পূতং দাডিমস্য পলেন তু| যুক্তং সৈন্ধববিশ্বাহ্বধান্যকৈঃ পাদকার্ষিকৈঃ| কণাজীরকযোশ্চূর্ণাচ্ছাণৈকেনাবচূর্ণিতম্| সংস্কৃতো মুদ্গযূষোঽযং পিত্তশ্লেষ্মহরো মতঃ|" তথা-"পটোলপত্রাচ্ছাণো দ্বে মুদ্গানাং দ্বিপলং জলে| দ্রব্যাদ্বাত্রিংশদ্গুণিতে অর্ধস্থে দাডিমাত্পলম্|| কর্ষমামলকানাং চ ক্ষিপ্ত্বা পুনরধিশ্রযেত্| পূর্বং তত্সৈন্ধবাদ্যৈশ্চ যুক্তমাজ্যেন যোজিতম্|| পটোলপত্রকাখ্যোঽযং যূষঃ পিত্তোত্থরোগজিত্| নিম্বপত্রৈর্নিম্বযূষমেবমেব প্রকল্পযেত্|| মুলকাচ্ছুণ্ঠিকা স্বিন্না ঘৃতভৃষ্টা সধান্যকা| হিঙ্গুজীরকসংযুক্তা ততো মথিতদাডিমে|| সসৈন্ধবে বিনিক্ষিপ্য পুনরগ্নাবধিশ্রযেত্| তাবদ্যাবন্মৃদূভূতং ততস্ত্র্যূষণসংযুতম্|| সুধূপিতং হিঙ্গুঘৃতৈশ্চাতুর্জাতাবচূর্ণিতম্| শুণ্ঠীরসং দীপনীযং বাতশ্লেষ্মামযাপহম্|| অকৃতাকৃতযূষাচ্চ রসাচ্চ জলসাধিতাত্| স্নেহাম্লপটুযুক্তাচ্চ পূর্বঃ পূর্বো লঘুর্মতঃ|| (সঙ্গ্রহে সূ. অ. ৭)-বিদ্যাদ্যুষে রসে সূপে শাকে চৈবোত্তরোত্তরম্| গৌরবং তনুসান্দ্রাম্লস্বাদুষ্বেষু পৃথক্ তথা||" তথোক্তম্ (সঙ্গ্রহে সূ.অ.৭)-"খলকাম্বলিকৌ হৃদ্যৌ ছেদিনৌ স্বৌষধানুগৌ| পিশিতেন রসস্তত্র, যূষো ধান্যৈঃ খলঃ ফলৈঃ|| মূলৈশ্চ তিলকল্কাম্লপ্রাযঃ কাম্বলিকঃ স্মৃতঃ| জ্ঞেযাঃ কৃতাকৃতাস্তে তু স্নেহাদিযুতবর্জিতাঃ|| অল্পমাংসাদযঃ স্বচ্ছা দকলাবণিকাঃ স্মৃতাঃ|" ইতি| স্বল্পেন মাংসেন শুণ্ঠ্যদিভিঃ স্বল্পৈঃ স্বচ্ছা যে ক্রিযন্তে, তে দকলাবণিকা বোধ্যাঃ| এবং যূষে যত্র ধান্যমল্পং, খলাদৌ বা মূলাদীন্যল্পানি, তত্রাপি দকলাবণিকত্বং বোধ্যম্| তন্ত্রান্তরে চোক্তম্ (সুশ্রুতে সূ.অ.৪৬|৩৮০)-"অথ গোরসধান্যাম্লফলাম্লৈরন্বিতং চযত্| যথোত্তরং লঘু হিতং সংস্কৃতাসংস্কৃতং তথা|| প্রভূতাস্তমলোযূষঃ সূপাল্লঘুতরঃ স্মৃতঃ| সূপস্তু রসযূষাভ্যাং স্থৈর্যাদ্গুরুতরো মতঃ|| তং সরোগো ন চাশ্রীযান্ন চাল্পাশী কথঞ্চন|" ইতি|

আযুর্বেদরসাযনম্ ব্যাখ্যা ( কৃত)

Adhikarana কুলত্থযূষগুণাঃ (৩৩) · Śloka ৩৩

| বাতানুলোমী কৌলত্থো গুল্মতূনীপ্রতূনিজিত্||৩৩||

View original

| वातानुलोमी कौलत्थो गुल्मतूनीप्रतूनिजित्||३३||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কৌলত্থো যূষো বাতমনুলোমযতি| গুল্মাদীংশ্চ জযতি| তূনীপ্রতূনীরোগৌ-গুল্মনিদানে বক্ষ্যমাণলক্ষণৌ|

আযুর্বেদরসাযনম্ ব্যাখ্যা ( কৃত)

আ০ র০-কুলত্থযূষগুণানাহ-বাতানুলোমীতি| তূনিপ্রতূন্যৌ-গুল্মনিদানে (হৃংই.অ.১১/৬১) বক্ষ্যেতে|

Adhikarana তিলবিকৃত্যাদিগুণাঃ (৩৪) · Śloka ৩৪

তিলপিণ্যাকবিকৃতিঃ শুষ্কশাকং বিরূঢকম্| শণ্ডাকীবটকং দৃগ্ঘ্নং দোষলং গ্লপনং গুরু||৩৪||

View original

तिलपिण्याकविकृतिः शुष्कशाकं विरूढकम्| शण्डाकीवटकं दृग्घ्नं दोषलं ग्लपनं गुरु||३४||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তিলস্য বিকৃতিঃ পিণ্যাকস্য চ| তথা শুষ্কশাকাদি দৃষ্টিঘ্নং ত্রিদোষকরং গ্লানিকরং গুরু চ| অঙ্কুরিতং সস্যং-বিরূঢকম্| শাণ্ডাক্যা সহ সংযুতং মাষাদিবটকং-শাণ্ডাকীবটকম্|

আযুর্বেদরসাযনম্ ব্যাখ্যা ( কৃত)

Adhikarana রসালাগুণাঃ (৩৫) · Śloka ৩৫

রসালা বৃংহণী বৃষ্যা স্নিগ্ধা বল্যা রুচিপ্রদা| |৩৫|

View original

रसाला बृंहणी वृष्या स्निग्धा बल्या रुचिप्रदा| |३५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-রসালা-করমথিতেন মরীচশর্করাদিযুক্তেন দধ্না কৃতা উল্লেখিকাসংজ্ঞা, বৃংহণী-দেহস্য বৃহত্ত্বকরী, বৃষ্যাদিগুণযুক্তা চ|

আযুর্বেদরসাযনম্ ব্যাখ্যা ( কৃত)

আ০ র০-রসালাগুণানাহ-রসালেতি| মরীচশর্করাদিযুক্তং করমথিতং দধি-রসালা|

Adhikarana পানকগুণাঃ (৩৫-৩৬) · Śloka ৩৬

| শ্রমক্ষুত্তৃট্ক্লমহরং পানকং প্রীণনং গুরু||৩৫|| বিষ্টম্ভি মূত্রলং হৃদ্যং যথাদ্রব্যগুণং চ তত্| |৩৬|

View original

| श्रमक्षुत्तृट्क्लमहरं पानकं प्रीणनं गुरु||३५|| विष्टम्भि मूत्रलं हृद्यं यथाद्रव्यगुणं च तत्| |३६|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-পানকং শ্রমাদিহরং প্রীণনাদিগুণযুক্তম্| প্রীণনং-মনঃ প্রীতিকরম্| যথাদ্রব্যগুণং চ-স্বস্বদ্রব্যগুণেন চ যুক্তম্| পর্পটাদীনাং লাঘবাদিহ গুণা নোক্তাঃ| যথা (সঙ্গ্রহে সূ. অ. ৭)-"পর্পটা লঘবো রুচ্যা লঘীযান্ ক্ষারপর্পটঃ| হৃদ্যা বৃষ্যা রুচিকরা গুরবো রাগখাণ্ডবাঃ|| প্রীণনা ভ্রমতৃট্ছর্দিমদমূর্চ্ছাশ্রমচ্ছিদঃ|" ইতি|

আযুর্বেদরসাযনম্ ব্যাখ্যা ( কৃত)

আ০ র০-পানকগুণানাহ-শ্রমক্ষুত্তৃডিতি| গুডাম্লিকাদিসংস্কৃতমুদকাদি দ্রবং-পানকম্| যথাদ্রব্যগুণং-যৈর্দ্রব্যৈঃ ক্রিযতে তদ্গুণাননুবর্ততে| এতেন সুশ্রুতাদিভিরুক্তানাং দ্রাক্ষাদিপানকানাং গুণা উক্তাঃ|

Adhikarana লাজাগুণাঃ (৩৬-৩৭) · Śloka ৩৭

| লাজাস্তৃট্ছর্দ্যতীসারমেহমেদঃকফচ্ছিদঃ||৩৬|| কাসপিত্তোপশমনা দীপনা লঘবো হিমাঃ| |৩৭|

View original

| लाजास्तृट्छर्द्यतीसारमेहमेदःकफच्छिदः||३६|| कासपित्तोपशमना दीपना लघवो हिमाः| |३७|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-লাজাস্তৃডাদীংশ্ছিন্দন্তি| কাসপিত্তে চোপশমযন্তি| তথা, দীপনা লঘবঃ শীতবীর্যাশ্চ|

আযুর্বেদরসাযনম্ ব্যাখ্যা ( কৃত)

আ০ র০-লাজানাং গুণানাহ-লাজা ইতি| ভৃষ্টানাং শালীনাং তণ্ডুলাঃ-লাজাঃ|

Adhikarana পৃথুকগুণাঃ (৩৭) · Śloka ৩৭

| পৃথুকা গুরবো বল্যাঃ কফবিষ্টম্ভকারিণঃ||৩৭||

View original

| पृथुका गुरवो बल्याः कफविष्टम्भकारिणः||३७||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-হরিতধান্যানি নিস্তুষভৃষ্টমুশলহতানি-পৃথুকাশ্চিপিটসংজ্ঞা গুরুত্বাদিযুক্তাঃ|

আযুর্বেদরসাযনম্ ব্যাখ্যা ( কৃত)

আ০ র০-পৃথুকগুণানাহ-পৃথুকা ইতি| অশুষ্কধান্যানাং ভৃষ্টাস্তণ্ডুলাঃ-পৃথুকাঃ|

Adhikarana ধানাগুণাঃ (৩৮) · Śloka ৩৮

ধানা বিষ্টম্ভিনী রূক্ষা তর্পণী লেখনী গুরুঃ| |৩৮|

View original

धाना विष्टम्भिनी रूक्षा तर्पणी लेखनी गुरुः| |३८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ধানা-ভৃষ্টযবাদি, বিষ্টম্ভিনী রূক্ষাদিগুণযুক্তা চ|

আযুর্বেদরসাযনম্ ব্যাখ্যা ( কৃত)

Adhikarana সক্তুগুণাঃসক্তুভক্ষণগুণাঃ (৩৮-৪০) · Śloka ৪০

| সক্তবো লঘবঃ ক্ষুত্তৃট্শ্রমনেত্রামযব্রণান্||৩৮|| ঘ্নন্তি সন্তর্পণাঃ পানাত্সদ্য এব বলপ্রদাঃ| নোদকান্তরিতান্ন দ্বির্ন নিশাযাং ন কেবলান্||৩৯|| ন ভুক্ত্বা ন দ্বিজৈশ্ছিত্ত্বা সক্তূনদ্যান্ন বা বহূন্| |৪০|

View original

| सक्तवो लघवः क्षुत्तृट्श्रमनेत्रामयव्रणान्||३८|| घ्नन्ति सन्तर्पणाः पानात्सद्य एव बलप्रदाः| नोदकान्तरितान्न द्विर्न निशायां न केवलान्||३९|| न भुक्त्वा न द्विजैश्छित्त्वा सक्तूनद्यान्न वा बहून्| |४०|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-সক্তবো লঘবঃ, ক্ষুধাদীংশ্চ ঘ্নন্তি| তথা, উদকপীতাঃ সন্তর্পণাঃ, সদ্য এব বলং কুর্বন্তি| তাংশ্চ জলেনান্তরিতান্-ব্যবহিতান্, নাশ্নীযাত্| অন্যভোজনেষু হ্যন্তরাপানং বিহিতম্, ন তথা সক্তুষু কার্যমিতি বোধযতি| (অপরে ত্বেবমাহুঃ-আদৌ পিণ্ডী মধ্যে জলমন্তে চ পিণ্ডীত্যুদকান্তরিতা ইতি|) তথা, ন দ্বিঃ-দ্বৌ বারৌ নাদ্যাত্| ন নিশাযাং- রাত্র্যাম্| ন কেবলান্-উদকাদিরহিতান্| ন ভুক্ত্বা-অন্যদ্ভোজনাদি| ন দ্বিজৈশ্ছিত্ত্বা-দন্তৈঃ করস্থাং পিণ্ডীং ছিত্ত্বেত্যর্থঃ| বহূংশ্চ সক্তূংন্নাদ্যাত্| তন্ত্রান্তরে চোক্তং রূক্ষবাতলত্বং সক্তূনামিহ নোক্তম্, লঘুত্বাদিনৈবাবগতত্বাত্| ননু, রূক্ষবাতলত্বং চেদভ্যুপগম্যতে সক্তূনাম্, ততঃ সন্তর্পণা ইত্যনুপপন্নম্| সদ্য এব বলপ্রদা ইত্যেতদপ্যযুক্তম্| ভুক্তো হ্যাহারঃ পরিণমন্ রসধাতুগতো ধাতুপুষ্টযে, নান্যথা| অত্রাচক্ষ্মহে| প্রভাবাদুভযমপ্যেতদুক্তম্| সক্তূনাং হ্যযমচিন্ত্যঃ প্রত্যক্ষবেদ্যঃ প্রভাবঃ,যত্পীতাঃ সন্তঃ সদ্যঃ সন্তর্পযন্তি| সদ্য এব চ বলং প্রযচ্ছন্তি| বাজীকরণং হি-অপরিণতমেব স্বকার্যং জনযতি| তথা চ মদ্যং,-অপরিণতমেব মদং জনযতি| তস্মাত্সন্তর্পণত্বং বলপ্রদত্বং চৈষামুপপন্নমেব| তন্ত্রান্তরে চোক্তম্-"তুল্যাজ্যঃ সক্তুপ্রাশস্তু বৃষ্যো ভেদী রসাযনম্| (সং.সূ.অ.৭)-'তৃট্ছর্দিশ্রমনুন্মন্থঃ শীতস্তৃষ্ণানিবর্তকঃ|| প্রমেহক্ষযকুষ্ঠানি ন চ স্যুর্মন্থপাযিনাম্| নিচযাত্কঠিনা গুর্বী পিণ্ডী প্রোক্তা মৃদুর্লঘুঃ|| সক্তূনাং দ্রবতাযোগাল্লঘীযস্যবলেহিকা|' লাজসক্তুকৃতাঽপি স্যাদ্বিলেপী তু গরীযসী||" ইতি|

আযুর্বেদরসাযনম্ ব্যাখ্যা ( কৃত)

আ০ র০-সক্তুগুণানাহ-সক্তব ইতি| ভৃষ্টানাং নিস্তুষযবানাং চূর্ণং-সক্তবঃ| পীতা এব বলপ্রদাঃ, ন তু ভক্ষিতালীঢা বা| সদ্য এব, ন তূত্তরকালমিত্যেবশব্দার্থঃ| সঙ্গ্রহে তু (সূ.অ. ৭)-"নিচযাত্কঠিনা গুর্বী প্রোক্তা পিণ্ডী লঘুর্মৃদুঃ| সক্তূনাং দ্রবতাযোগাল্লঘীযস্যবলেহিকা|| শষ্কুলীমোদকাদীনাং ব্যাখ্যাতৈবং চ কল্পনা| কর্কন্ধুবদরাদীনাং শ্রমক্ষুত্তৃট্ক্লমচ্ছিদঃ|| সক্তবোঽম্লরসা হৃদ্যা যথাদ্রব্যগুণাশ্চ তে|" ইতি| সক্তুভক্ষণং নিযমযতি-নোদকান্তরিতানিতি| যেষাং ভোজনমধ্যে উদকং পীযতে তে-উদকান্তরিতাঃ| দ্বৌ বারৌদ্বিঃ| কেবলান্-উদকাদিরহিতান্| দ্বিজৈশ্ছিত্ত্বা-করস্থাং পিণ্ডীং দন্তৈর্বিচ্ছিদ্য ভক্ষিতান্| বহূন্-অতিমাত্রান্| উদকান্তরিতাদীনাং প্রত্যেকং নিষেধকরণত্বাত্ পৃথক্ নকারকরণম্|

Adhikarana পিণ্যাকগুণাঃ (৪০) · Śloka ৪০

| পিণ্যাকো গ্লপনো রূক্ষো বিষ্টম্ভী দৃষ্টিদূষণঃ||৪০||

View original

| पिण्याको ग्लपनो रूक्षो विष्टम्भी दृष्टिदूषणः||४०||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-পিণ্যাকাখ্যো-যস্তিলাদীনাং নিষ্পীডিততৈলঃ কল্কো, গ্লপনো-গ্লানিকরঃ| গ্লপন ইতি গ্লাযতের্ণিজন্তাত্ "গ্লাস্রাবনুবমাং চ" ইতি মিত্ত্বাদ্ধ্রস্বঃ, বাহুলকাত্কর্তরি ল্যুট্| তথা, বিষ্টম্ভী দৃষ্টিবিকারকৃচ্চ|

আযুর্বেদরসাযনম্ ব্যাখ্যা ( কৃত)

আ০ র০-পিণ্যাকগুণানাহ-পিণ্যাক ইতি| উদ্ধৃততৈলস্তিলাদিপিণ্ডঃ-পিণ্যাকঃ| গ্লপনো-গ্লানিকরঃ| দৃষ্টিদূষণঃ-দৃষ্টিরোগপ্রদঃ|

Adhikarana বেসবারগুণাঃ (৪১) · Śloka ৪১

বেসবারো গুরুঃ স্নিগ্ধো বলোপচযবর্ধনঃ| |৪১|

View original

वेसवारो गुरुः स्निग्धो बलोपचयवर्धनः| |४१|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বেসবারো-নাগরধান্যকাজাজিহিঙ্গুঘৃতাদিসংস্কৃতং কুট্টিতং মাংসম্| স গুরুঃ স্নিগ্ধো বলবর্ধনঃ শরীরোপচযবর্ধনশ্চ|

আযুর্বেদরসাযনম্ ব্যাখ্যা ( কৃত)

আ০ র০-বেসবারগুণানাহ-বেসবার ইতি| স্বিন্নং পিষ্টং গুডজীরকাদিবিমিশ্রিতং মাংসং-বেসবারঃ| উপচযঃ-বপুষ্পুষ্টিঃ|

Adhikarana মুদ্গাদিজবেসবারগুণাঃ (৪১) · Śloka ৪১

| মুদ্গাদিজাস্তু গুরবো যথাদ্রব্যগুণানুগাঃ||৪১||

View original

| मुद्गादिजास्तु गुरवो यथाद्रव्यगुणानुगाः||४१||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-মুদ্গাদিজাতস্তু বেসবারা যে ইণ্ডরিকাদিভির্দ্রব্যৈঃ সূক্ষ্মচ্ছিন্নৈঃ ক্রিযন্তে লোকে পূরণশব্দেন প্রসিদ্ধাঃ, তে গুরবঃ প্রকৃতিদ্রব্যগুণাশ্চ| আদিশব্দেন মাষাদযো গৃহ্যন্তে| (অন্যে ত্বাদিশব্দাত্ বার্তাকসূরণালূকাদীন্ গৃহ্যন্তে|) তন্ত্রান্তরে চোক্তম্-"সর্পিস্তৈলগুডক্ষীরৈর্যবগোধূমপৈষ্টিকাঃ| পূপা বিষ্টম্ভিনঃ শীতাঃ পৈষ্টিকা বাতলাঃ খরাঃ|| বৃষ্যা বল্যাঃ সরা মাষৈর্বাতঘ্না মৃদুপিচ্ছিলাঃ| যথান্নং গুরবো বল্যাঃ স্থূলাশ্চ কঠিনাশ্চ যে|| তৈলপক্বাস্তু ত্বগ্দৃগ্ঘ্না গরীযাংসো বিদাহিনঃ| কাসারসারা লঘবো লাজৈর্লঘুতরাঃ স্মৃতাঃ|| বাতপিত্তহরো বৃষ্যো ঘৃতপূরঃ কফপ্রদঃ| সদ্যঃ প্রাণকরো রুচ্যো মাংসলো রক্তলো গুরুঃ|| লঘীযান্ মণ্ডককৃতো গরীযান্ ফলপূরিতঃ মধুরোত্কারিকা বৃষ্যা, কাসারঃ পিচ্ছিলো গুরুঃ|| গুডমত্স্যণ্ডিকাখণ্ডক্ষীরেক্ষুরসমাক্ষিকৈঃ| পূপাঃ শুক্রবলশ্লেষ্মরুচিদাস্তর্পণাঃ ক্ষণাত্|| নানাদ্রব্যৈঃ সমাযুক্তাঃ পক্বামক্লিন্নভর্জিতৈঃ| নিমর্দকো গুরুঃ স্নিগ্ধো বৃষ্যো বলবতাং হিতঃ|| ঘারিকেণ্ডরিকাপূরবটিকাবটকাদযঃ| বিশদা রোচনা বল্যা গুরবঃ স্যুঃ স্বযোনিবত্|| যাবকঃ পিচ্ছিলঃ স্নিগ্ধঃ প্লীহোদাবর্তহা গুরুঃ| ভৃষ্টস্বিন্নতযা বাঽঽদ্যো কণ্ঠ্যোঽতিকাসিনাম্|| জ্বরোদাবর্তমেহানাং পথ্যো বাতানুলোমনঃ| ওলকং হরিতাবস্থং শিম্বিজত্বাত্খরং গুরু|| মন্দজর্যো যবাদিত্বাদভ্যোষো বৃংহণঃ সরঃ||" ইতি|সিদ্ধসারে চোক্তম্-"অত্যুষ্ণা মণ্ডকাঃ পথ্যাঃ শীতলা গুরুবো মতাঃ|' ইতি|

আযুর্বেদরসাযনম্ ব্যাখ্যা ( কৃত)

আ০ র০-মুদ্গাদিবেসবারগুণানাহ-মুদ্গাদিজা ইতি| যেষু মাংসস্থানেষু মুদ্গচণকাদযো গৃহ্যন্তে তে-মুদ্গাদিজাঃ| যথাদ্রব্যগুণমনুগচ্ছন্তীতি-যথাদ্রব্যগুণানুগাঃ, যাবন্তঃ প্রকৃতিদ্রব্যগুণাস্তাবন্তস্তেষাং ভবন্তীত্যর্থঃ| সাকল্যেঽব্যযীভাবঃ|

Adhikarana পচনপাত্রবিশেষাদ্গুণবিশেষাঃ (৪২-২) · Śloka ২

কুকূলকর্পরভ্রাষ্ট্রকন্দ্বঙ্গারবিপাচিতান্| একযোনীংল্লঘূন্বিদ্যাদপূপানুত্তরোত্তরম্||৪২|| ইতি কৃতান্ন (পক্বান্ন) বর্গঃ||২||

View original

कुकूलकर्परभ्राष्ट्रकन्द्वङ्गारविपाचितान्| एकयोनींल्लघून्विद्यादपूपानुत्तरोत्तरम्||४२|| इति कृतान्न (पक्वान्न) वर्गः||२||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

আ০ র০-পচনপাত্রবিশেষাদ্গুণবিশেষানাহ-কুকূলেতি| কুকূলং-শ্বভ্রম্, "কুকূলং শঙ্কুভিঃ কীর্ণে শ্বভ্রে না তু তুষানলে|" ইতি (বিশ্বপ্রকাশমেদিনীকোশযোঃ) বচনাত্| তেন চ মৃন্মযমুত্তানমপূপপচনপাত্রং লক্ষ্যতে শ্বভ্রাকারম্| তদেব ন্যুব্জং- পরম্| তদেব সচ্ছিদ্রং-ভ্রাষ্ট্রম্| লোহমযং ন্যুব্জং-কন্দুঃ| অঙ্গারশব্দেন অঙ্গারপূর্ণং পাত্রম্, হসন্তীত্যাদি| পিষ্ঠকৃতাস্তনবো বিস্তৃতাঃ- অপূপাঃ| একযোনিগ্রহণং প্রকৃতিদ্রব্যাদ্যবিশেষেঽপিপাত্রকৃতমেবোত্তরোত্তরং লাঘবমিতি জ্ঞাপনার্থম্, যথা যথাঽগ্নিসন্নিকর্ষস্তথা তথা লাঘবমিত্যর্থঃ| সঙ্গ্রহে তু (সূ.অ.অ৭)-"প্রভূতাভ্যন্তরমলোমাষসূপঃ পরং স্মৃতঃ| খলকাম্বলিকৌ হৃদ্যৌ ছেদিনৌ স্বৌষধানুগৌ|| পর্পটা লঘবো রূক্ষা লঘীযান্ ক্ষারপর্পটঃ| হৃদ্যা বৃষ্যা রুচিকরা গুরবো রাগখাণ্ডবাঃ| প্রীণনা ভ্রমতৃট্ছর্দিমদমূর্চ্ছাভ্রমচ্ছিদঃ| তৃট্ছর্দিশ্রমনুন্মন্থ শীতঃ সদ্যো বলপ্রদঃ|| প্রমেহক্ষযকুষ্ঠাদ্যা ন চ স্যুর্মন্থপাযিনাম্|" ইতি ইতি কৃতান্নবর্গঃ|

Adhikarana মাংসবর্গঃ হরিণাদযো দশ মৄগাঃ (৪৩) · Śloka ৪৩

অথ মাংসবর্গঃ| হরিণৈণকুরঙ্গর্ক্ষগোকর্ণমৃগমাতৃকাঃ| শশশম্বরচারুষ্কশরভাদ্যা মৃগাঃ স্মৃতাঃ||৪৩||

View original

अथ मांसवर्गः| हरिणैणकुरङ्गर्क्षगोकर्णमृगमातृकाः| शशशम्बरचारुष्कशरभाद्या मृगाः स्मृताः||४३||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-হরিণাদযো দশ-মৃগাঃ স্মৃতাঃ| আদিশব্দেন কালপুচ্ছকপৃষতাদযঃ সঙ্গ্রহোক্তা গৃহ্যন্তে (সূ.অ.৭)-("কালপুচ্ছকচারুষ্কবরপোতশশোরণাঃ| শ্বদংষ্ট্রারামশরভকোহকার কশম্বরাঃ| করালকৃতমালৌ চ পৃষতশ্চ মৃগাঃ স্মৃতাঃ||" ইতি)

আযুর্বেদরসাযনম্ ব্যাখ্যা ( কৃত)

আ০ র০-অথ মাংসবর্গঃ| মাংসমষ্টধা,-মৃগবিষ্কিরপ্রতুদবিলেশযপ্রসহমহামৃগজলচরমত্স্যভেদেন| তত্র মৃগানাহ-হরিণৈণেতি| হরিণাদযো-মৃগাঃ| তেষু হরিণঃ-তাম্রবর্ণঃ| এণঃ-কৃষ্ণবর্ণঃ| কুরঙ্গো-লঘুচতুরগতিঃ| ঋক্ষোনীলাণ্ডঃ| গোকর্ণো-গোসদৃশকর্ণো রাসভাকারঃ| মৃগমাতৃকা-লঘুপৃথূদরা শশাভা| শশো-বিলেশযঃ| শম্বরঃ-বিকটবহুবিষাণঃ| চারুষ্কঃ-চারুতনুঃ| শরভঃ-অষ্টচরণঃ| আদ্যশব্দাত্ পৃষতকরালাদযঃ| উক্তং হি সঙ্গ্রহে (সূ. অ. ৭)-"কালপুচ্ছকচারুষ্কবরপোতশশোরণাঃ| শ্বদংষ্ট্রারামশরভক্রোষ্টুকারকশম্বরাঃ|| করালকৃতমালৌ চ পৃষতশ্চ মৃগা স্মৃতাঃ|" ইতি|

Adhikarana লাবাদয একবিংশতির্বিষ্কিরাঃ (৪৪-৪৬) · Śloka ৪৬

লাববার্তীকবর্তীররক্তবর্ত্মককুক্কুভাঃ| কপিঞ্জলোপচক্রাখ্যচকোরকুরুবাহবঃ||৪৪|| বর্তকো বর্তিকা চৈব তিত্তিরিঃ ক্রকরঃ শিখী| তাম্রাচূডাখ্যবকরগোনর্দগিরিবর্তিকাঃ||৪৫|| তথা শারপদেন্দ্রাভবরটাদ্যাশ্চ বিষ্কিরাঃ| |৪৬|

View original

लाववार्तीकवर्तीररक्तवर्त्मककुक्कुभाः| कपिञ्जलोपचक्राख्यचकोरकुरुबाहवः||४४|| वर्तको वर्तिका चैव तित्तिरिः क्रकरः शिखी| ताम्राचूडाख्यबकरगोनर्दगिरिवर्तिकाः||४५|| तथा शारपदेन्द्राभवरटाद्याश्च विष्किराः| |४६|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

আ০ র০-বিষ্কিরানাহ-লাববার্তীকেতি| পক্ষিমধ্যে যে বিকীর্য ভক্ষযন্তি তে বিষ্কিরাঃ| তত্র লাবঃ-চিত্রযোধী| বার্তীকো-বনচটকঃ স্বল্পসঙ্ঘাতচারী| বর্তীরঃ-অল্পকপিঞ্জলসদৃশঃ| কুক্কুভো দ্বিবিধঃ,-স্থলজো জলজশ্চ, রক্তবর্ত্মকবিশেষণাত্স্থলজো গৃহ্যতে| উক্তং হি-"নীলচ্ছবিঃ কৃষ্ণগলঃ স্যাদ্গ্রামচটকাকৃতিঃ| কুক্কুভঃ কুক্কুভারাবঃ স্থলজো রক্তবর্ত্মকঃ||" ইতি| কপিঞ্জলো-গৌরতিত্তিরিঃ| উপচক্রঃ-শ্বভ্রচরঃ কৃশচঞ্চুর্মদাবিলঃ| চকোরো-রক্তাক্ষঃ| কুরুবাহুঃ-নীলগ্রীবো রক্তশিখঃ শ্বেতপক্ষঃ| বর্তকো-বর্তীরাদল্পঃ| তত্সদৃশা-বর্তিকা, ততোঽপ্যল্পা| তিত্তিরিঃ-চিত্রপক্ষঃ| ক্রকরঃক্রকচশব্দকারী পীতকৃষ্ণগলঃ কৃষ্ণচঞ্চুচরণো রক্তপৃষ্ঠঃ| শিখী-মযূরঃ| তাম্রচূডাখ্যঃ-কুক্কুটঃ| বকরো-বকসদৃশঃ| গোনর্দো-গোক্ষ্বেডঃ| গিরিবর্তিকা-গিরিকাখ্যা বর্তিকাভেদঃ, পর্বতচারী| সারপদঃ-কঙ্কসদৃশশ্চারুগতিঃ| ইন্দ্রাভঃ-কঙ্কসদৃশো বিবিধবর্ণঃ| বরটঃ-হংসসদৃশঃ| আদ্যশব্দাত্তিত্তিরীটাদযঃ|

Adhikarana জীবংজীবকাদযো দশ প্রতুদাঃ (৪৬-৪৭) · Śloka ৪৭

| জীবঞ্জীবকদাত্যূহভৃঙ্গাহ্বশুকসারিকাঃ||৪৬|| লট্বাকোকিলহারীতকপোতচটকাদযঃ| প্রতুদাঃ|৪৭|

View original

| जीवञ्जीवकदात्यूहभृङ्गाह्वशुकसारिकाः||४६|| लट्वाकोकिलहारीतकपोतचटकादयः| प्रतुदाः|४७|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-জীবঞ্জীবকাদযঃ প্রতুদা দশ স্মৃতাঃ| প্রতুদ্য-তুণ্ডেনাহত্য শাল্যাদের্ভক্ষণাত্ প্রতুদাঃ| আদিশব্দেন সঙ্গ্রহোক্তাঃ খঞ্জরীটকপারাবতাদযো গৃহ্যন্তে|

আযুর্বেদরসাযনম্ ব্যাখ্যা ( কৃত)

আ০ র০-প্রতুদানাহ-জীবঞ্জীবকেতি| প্রতুদ্য ভক্ষযন্তীতি প্রতুদাঃ| তত্র জীবঞ্জীবকঃ-একোদরো দ্বিশিরাঃ| দাত্যূহঃ-অন্ধকাকঃ| ভৃঙ্গাহ্বো-ভৃঙ্গরাজঃ কৃষ্ণবর্ণচটকসদৃশঃ শিখাবান্ গোপ্রেরকঃ| শুকঃ-কীরঃ| সারিকা-মেধাবিনী| লট্বা-রক্তপুচ্ছাধোভাগঃ| কোকিলঃ-পরপুষ্টঃ| হারীতো-হরিতপীতঃ| কপোতঃ-পাণ্ডুকঃ| চটকঃ-কলবিঙ্কঃ| আদিশব্দাত্খঞ্জরীটাদযঃ| উক্তং হি সঙ্গ্রহে (সূ.অ. ৭)-"শতপত্রো ভৃঙ্গরাজঃ কোযষ্টির্জীবজীবকঃ| (খঞ্জরীটকহারীতদুর্নামাগিরিশা গৃহাঃ|| লট্বা লডূষো বটহা গোক্ষ্বেডো ডিণ্ডিমাণবঃ| জটীদুন্দুভিপার্কারলোহপৃষ্ঠকুলিঙ্গকাঃ|| সারিকাশুকশার্ঙ্গাখ্যচিরীটীককুযষ্টিকাঃ| মঞ্জুলীযকদাত্যূহগোপাপুত্রপ্রিযাত্মজাঃ|| কলবিঙ্কঃ পরভৃতঃ কপোতোঽঙ্গারচূডকঃ| পারাবতঃ পাণাবিক ইত্যুক্তাঃ প্রতুদাদ্বিজাঃ||" ইতি|

Adhikarana ভেকাদযশ্চত্বারো বিলেশযাঃ (৪৭) · Śloka ৪৭

| ভেকগোধাহিশ্বাবিদাদ্যা বিলেশযাঃ||৪৭||

View original

| भेकगोधाहिश्वाविदाद्या बिलेशयाः||४७||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ভেকাদযশ্চত্বারো বিলেশযাঃ| বিলে বাহুল্যেন শেরত ইতি বিলেশযাঃ| আদিশব্দেন শ্বেতশ্যামশল্যকাদযো গৃহ্যন্তে|

আযুর্বেদরসাযনম্ ব্যাখ্যা ( কৃত)

আ০ র০-বিলেশযানাহ-ভেকগোধেতি| বিলে-বিবরে, শেরতে-নিবসন্তীতি বিলেশযাঃ| তত্র ভেকো-মণ্ডূকঃ| গোধাপঞ্চনখগ্রাহিণী| অহিঃ-সর্পঃ| শ্বাবিত্-শলাকাসদৃশরোমা| আদ্যশব্দান্নকুলাদযঃ| সঙ্গ্রহে তু (সূ.অ.৭)- "শ্বেতঃ শ্যামশ্চিত্রপৃষ্ঠঃ কালকঃ কাকুলী মৃগঃ| ভেকচিলককূচীকা গোধাশল্যকশাণ্ডকাঃ|| বৃষাহিকদলীশ্বাবিন্নকুলাদ্যা বিলেশযাঃ|" ইতি|

Adhikarana গবাদযঃ প্রসহাঃ (৪৮-৫০) · Śloka ৫০

গোখরাশ্বতরোষ্ট্রাশ্বদ্বীপিসিংহর্ক্ষবানরাঃ| মার্জারমূষকব্যাঘ্রবৃকবভ্রুতরক্ষবঃ||৪৮|| লোপাকজম্বুকশ্যেনচাষবান্তাদবাযসাঃ শশঘ্নীভাসকুররগৃধ্রোলূককুলিঙ্গকাঃ||৪৯|| ধূমিকা মধুহা চেতি প্রসহা মৃগপক্ষিণঃ| |৫০|

View original

गोखराश्वतरोष्ट्राश्वद्वीपिसिंहर्क्षवानराः| मार्जारमूषकव्याघ्रवृकबभ्रुतरक्षवः||४८|| लोपाकजम्बुकश्येनचाषवान्तादवायसाः शशघ्नीभासकुररगृध्रोलूककुलिङ्गकाः||४९|| धूमिका मधुहा चेति प्रसहा मृगपक्षिणः| |५०|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

Adhikarana বরাহাদযো দশ মহামৃগাঃ (৫০-৫১) · Śloka ৫১

| বরাহমহিষন্যঙ্কুরুরুরোহিতবারণাঃ||৫০|| সৃমরশ্চমরঃ খড্গো গবযশ্চ মহামৃগাঃ| |৫১|

View original

| वराहमहिषन्यङ्कुरुरुरोहितवारणाः||५०|| सृमरश्चमरः खड्गो गवयश्च महामृगाः| |५१|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বরাহাদযো দশ মহামৃগ সজ্ঞা| বারণো-হস্তী|

আযুর্বেদরসাযনম্ ব্যাখ্যা ( কৃত)

Adhikarana হংসাদযোঽপ্চরাঃ (৫১-৫২) · Śloka ৫২

| হংসসারসকাদম্ববককারণ্ডবপ্লবাঃ||৫১|| বলাকোত্ক্রোশচক্রাহ্বমদ্গুক্রৌঞ্চাদযোঽপ্চরাঃ| |৫২|

View original

| हंससारसकादम्बवककारण्डवप्लवाः||५१|| बलाकोत्क्रोशचक्राह्वमद्गुक्रौञ्चादयोऽप्चराः| |५२|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-হংসাদযঃ ক্রৌঞ্চান্তা অপ্সু চরণাদপ্চরসংজ্ঞাঃ| আদিশব্দেন রক্তশীর্ষকাদযো গৃহ্যন্তে|

আযুর্বেদরসাযনম্ ব্যাখ্যা ( কৃত)

আ০ র০-জলচরানাহ-হংসসারসেতি| যেঽপ্সু-জলে চরন্তি তে অপ্চরাঃ| তত্র হংসো-মানসৌকাঃ| সারসো-লক্ষ্মণঃ| কাদম্বঃ| বকঃ-পাণ্ডুরপক্ষঃ প্রসিদ্ধঃ| কারণ্ডবঃ-শুক্লো হংসসদৃশঃ| প্লবো-মহান্ প্রসেবকগলঃ| বলাকা-বিসকণ্ঠিকা| উত্ক্রোশঃ-কুররসদৃশঃ| চক্রাহ্বঃ-চক্রবাকঃ| মদ্গুঃ-জলকাকঃ| ক্রৌঞ্চঃ-কুঙ্ আদিশব্দাচ্চাতকাদযঃ| উক্তং চ সঙ্গ্রহে (সূ.অ. ৭)-"কাকতুণ্ডঘনারাবমদ্গুক্রৌঞ্চাম্বুকুক্কুটাঃ| মৃণালকণ্ঠচক্রাহ্ববলাকারক্তশীর্ষকাঃ|| উত্ক্রোশঃ পুণ্ডরীকাক্ষশরারীমণিতুণ্ডিকাঃ| নন্দশ্চ মল্লিকাদ্যাশ্চ পক্ষিণো জলচারিণঃ||" ইতি|

Adhikarana রোহিতকাদযো মত্স্যাঃ (৫২-৫৪) · Śloka ৫৪

| মত্স্যা রোহিতপাঠীনকূর্মকুম্ভীরকর্কটাঃ||৫২|| শুক্তিশঙ্খোদ্রশম্বূকশফরীবর্মিচন্দ্রিকাঃ| চুলূকীনক্রমকরশিশুমারতিমিঙ্গিলাঃ||৫৩|| রাজীচিলিচিমাদ্যাশ্চ| |৫৪|

View original

| मत्स्या रोहितपाठीनकूर्मकुम्भीरकर्कटाः||५२|| शुक्तिशङ्खोद्रशम्बूकशफरीवर्मिचन्द्रिकाः| चुलूकीनक्रमकरशिशुमारतिमिङ्गिलाः||५३|| राजीचिलिचिमाद्याश्च| |५४|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-রোহিতকাদয একোনবিংশতির্জলোদ্ভবা মত্স্যসংজ্ঞাঃ| চশব্দোঽনুক্তকদলকপর্দকাদিসমুচ্চযার্থঃ|

আযুর্বেদরসাযনম্ ব্যাখ্যা ( কৃত)

Adhikarana ইত্যষ্টধা মাংসম্ (৫৪-১) · Śloka ১

মাংসমিত্যাহুরষ্টধা| |৫৪| (মৃগ্যং বৈষ্কিরিকং কিঞ্চ প্রাতুদং চ বিলেশযম্| প্রাসহং চ মহামৃগ্যমপ্চরং মাত্স্যমষ্টধা||১||

View original

मांसमित्याहुरष्टधा| |५४| (मृग्यं वैष्किरिकं किञ्च प्रातुदं च बिलेशयम्| प्रासहं च महामृग्यमप्चरं मात्स्यमष्टधा||१||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ইত্যষ্টভিঃ প্রকারৈস্তন্ত্রকারা মাংসমাহুঃ|

আযুর্বেদরসাযনম্ ব্যাখ্যা ( কৃত)

আ০ র০-উক্তানাং বর্গাণাং মাংসত্বমাহ-মাংসমিত্যাহুরিতি| ইতি-উক্তপ্রকারেণ, অষ্টধা-অষ্টধা-অষ্টপ্রকারং, মাংসমাহুঃ|

Adhikarana ব্যামিশ্রাদযঃ (৫৪) · Śloka ৫৪

| যোনিষ্বজাবী ব্যামিশ্রগোচরত্বাদনিশ্চিতে||৫৪||

View original

| योनिष्वजावी व्यामिश्रगोचरत्वादनिश्चिते||५४||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-যোনিষু পূর্বোক্তাস্বষ্টাসু মধ্যে, ব্যামিশ্রগোচরত্বাত্-ব্যামিশ্রবিষ্যত্বাত্, অজাবী-ব্যামিশ্রে| অজাবী-ছাগোরভ্রৌ, তে অনিশ্চিতে, তে হি জাঙ্গলেঽপি দেশে বর্ততে অনূপেঽপি| অজাবী ইতি স্ত্রীলিঙ্গনির্দেশোঽত্র বিবক্ষিত এব| কেচিত্তু 'অনিশ্চিতৌ' নিজগদুঃ| ননু, তিত্তিরিরপি ধন্বানূপচারী প্রথিতঃ| তত্কথমসাবিহ জাঙ্গলঃ কীর্তিতঃ? ব্রূমঃ| তত্স্বভাবত্বাত্| যদ্যপ্যুভযচরোঽযং, তথাঽপি জাঙ্গলস্বভাবত্বাজ্জাঙ্গলোঽযম্| বিকীর্য ভক্ষণাচ্চ বিষ্কিরত্বং তিত্তিরের্নিশ্চিতং নিমিত্তমস্তি| তস্মাদযং জাঙ্গল এব বক্তুং যুক্তাঃ| হরিণাদীনাং চ কিরাতকৈবর্তাদিভ্যো নানাদেশপ্রসিদ্ধাঃ সংজ্ঞা বেদ্যাঃ|

আযুর্বেদরসাযনম্ ব্যাখ্যা ( কৃত)

Adhikarana মাংসস্য ত্রৈবিধ্যম্ (৫৫) · Śloka ৫৫

আদ্যান্ত্যা জাঙ্গলানূপা মধ্যৌ সাধারণৌ স্মৃতৌ| |৫৫|

View original

आद्यान्त्या जाङ्गलानूपा मध्यौ साधारणौ स्मृतौ| |५५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-আদৌ ভবাঃ-আদ্যাঃ,- মৃগবিষিকরপ্রতুদাখ্যাঃ, জাঙ্গলচারিত্বাজ্জাঙ্গলশব্দবাচ্যাঃ| এবমন্ত্যাঃ-মহামৃগাপ্চরমত্স্যাখ্যাঃ,-আনূপাঃ| মধ্যৌ-দ্বৌ বিলেশযপ্রসহাখ্যৌ,-সাধারণৌ, জাঙ্গলানূপচারিণাবিত্যর্থঃ| মধ্যাবিতি দ্বিবচননির্দেশসামর্থ্যাদাদ্যন্তানাং বর্গাণাং প্রত্যেকং ত্রিত্বমনুমীযতে ত্রিগ্রহণমন্তরেণাপি|

আযুর্বেদরসাযনম্ ব্যাখ্যা ( কৃত)

আ০ র০-মাংসস্য ত্রৈবিধ্যমাহ-আদ্যান্ত্যা ইতি| আদ্যাস্ত্রযো মৃগবিষ্কিরপ্রতুদাঃ-জাঙ্গলাঃ| অন্ত্যাস্ত্রযো মহামৃগজলচরমত্স্যাঃ-আনূপাঃ| মধ্যৌ দ্বৌ বিলেশযপ্রসহৌসাধারণৌ|

Adhikarana জাঙ্গলানাং গুণাঃ (৫৫-৫৬) · Śloka ৫৬

| তত্র বদ্ধমলাঃ শীতা লঘবো জাঙ্গলা হিতাঃ||৫৫|| পিত্তোত্তরে বাতমধ্যে সন্নিপাতে কফানুগে| |৫৬|

View original

| तत्र बद्धमलाः शीता लघवो जाङ्गला हिताः||५५|| पित्तोत्तरे वातमध्ये सन्निपाते कफानुगे| |५६|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তত্র-তেষু জাঙ্গলানূপসাধারণেষু মধ্যে, জাঙ্গলা বদ্ধমলাঃ- গ্রথিতং পুরীষং কুর্বন্তি| শীতবীর্যা লঘবঃ| সন্নিপাতে হিতাঃ| কিম্ভূতে? পিত্তোত্তরে,-পিত্তাধিকে| তথা বাতো মধ্যো যস্মিংস্তস্মিন্ মধ্যমমরুতি| তথা কফানুগে,-কফোঽনুগো-অবলো হীনো, যস্মিংস্তস্মিন্ স্বল্পশ্লেষ্মণি|

আযুর্বেদরসাযনম্ ব্যাখ্যা ( কৃত)

আ০ র০-জাঙ্গলগুণানাহ-তত্র বদ্ধমলা ইতি| বদ্ধমলাঃ-বদ্ধপুরীষাঃ| সন্নিপাতে-দোষত্রযপ্রকোপে হিতাঃ| কফানুগে-হীনকফে|

Adhikarana শশগুণাঃ (৫৬) · Śloka ৫৬

| দীপনঃ কটুকঃ পাকে গ্রাহী রূক্ষো হিমঃ শশঃ||৫৬||

View original

| दीपनः कटुकः पाके ग्राही रूक्षो हिमः शशः||५६||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-শশোঽগ্নিদীপনঃ পাকে কটুকো, গ্রাহী, রূক্ষঃ, শীতশ্চ| গ্রাহিশীতত্বং চাস্য জাঙ্গলত্বাদেব লব্ধমপ্যতিশযার্থং পুনরিহোপাত্তম্| স্বাদুকষাযত্বাদিকমেষামিহ যুক্ত্যোক্তম্| সঙ্গ্রহে তু (সূ.অ.৭) স্পষ্টং কৃত্বোক্তম্| যথা-"তত্র বদ্ধমলা রুচ্যা মাংসানামুত্তমা হিমাঃ| কষাযস্বাদুবিশদা লঘবো জাঙ্গলা হিতাঃ|| তাম্রোঽত্র হরিণঃ কৃষ্ণস্ত্বেণো হৃদ্যস্ত্রিদোষজিত্| লঘীযান্ ষড্রসশ্চাসৌ, গ্রাহী রূক্ষো হিমঃ শশঃ|| কটুপাকোঽগ্নিকৃত্পথ্যঃ সন্নিপাংতেঽনিলাবরে|" ইতি|

আযুর্বেদরসাযনম্ ব্যাখ্যা ( কৃত)

আ০ র০-অত্র কেষাংচিদ্বিশেষঃ| তত্র শশগুণানাহদীপন ইতি|

Adhikarana বর্তকাদিগুণাঃ,তিত্তিরিগুণাঃ (৫৭-৫৮) · Śloka ৫৮

ঈষদুষ্ণগুরুস্নিগ্ধা বৃংহণা বর্তকাদযঃ| তিত্তিরিস্তেষ্বপি বরো মেধাগ্নিবলশুক্রকৃত্||৫৭|| গ্রাহী বর্ণ্যোঽনিলোদ্রিক্তসন্নিপাতহরঃ পরম্| |৫৮|

View original

ईषदुष्णगुरुस्निग्धा बृंहणा वर्तकादयः| तित्तिरिस्तेष्वपि वरो मेधाग्निबलशुक्रकृत्||५७|| ग्राही वर्ण्योऽनिलोद्रिक्तसन्निपातहरः परम्| |५८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বর্তকাদারভ্য যাবজ্জাঙ্গলসমাপ্তিস্তাবত্সর্বে ঔষ্ণ্যগৌরবস্নিগ্ধত্বৈরল্পৈর্যুক্তাঃ| তেষ্বপি মধ্যে তিত্তিরিঃ শ্রেষ্ঠো মেধাদিকরশ্চ| তথা, সঙ্গ্রহী| তথা, বর্ণ্যো বাতাধিকসন্নিপাতহরশ্চ| স চ তিত্তিরির্ধন্বন্যানূপে চ দেশে বিচরতি, অতঃ স্নিগ্ধ উষ্ণো গুরুর্বৃংহণশ্চ| তথা চ সঙ্গ্রহে (সূ.অ.৭)-"ধন্বানূপবিচারিত্বাত্ স্নিগ্ধোষ্ণগুরুবৃংহণঃ|"ইতি|

আযুর্বেদরসাযনম্ ব্যাখ্যা ( কৃত)

Adhikarana শিখিগুণাঃ (৫৮) · Śloka ৫৮

| নাতিপথ্যঃ শিখী পথ্যঃ শ্রোত্রস্বরবযোদ্দশাম্||৫৮||

View original

| नातिपथ्यः शिखी पथ्यः श्रोत्रस्वरवयोद्दशाम्||५८||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-শিখী-বর্হী, নাতিপথ্যঃ| শ্রোত্রাদীনাং পথ্যঃ| বযসঃ রতম্ভনকারিত্বেন পথ্যঃ|

আযুর্বেদরসাযনম্ ব্যাখ্যা ( কৃত)

আ০ র০-মযূরগুণানাহ-নাতিপথ্য ইতি| নাতিপথ্যঃ-নাতিস্বস্থহিতঃ, দোষচযকারিত্বাত্| শ্রোত্রাদীনাং তু পথ্যঃ, তদ্দার্ঢ্যকারিত্বাত্|

Adhikarana কুক্কুটগুণাঃ (৫৯) · Śloka ৫৯

তদ্বচ্চ কুক্কুটো বৃষ্যঃ| |৫৯|

View original

तद्वच्च कुक्कुटो वृष्यः| |५९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তদ্বচ্চ কুক্কুটো-মযূরতুল্যগুণো বৃষ্যশ্চ|

আযুর্বেদরসাযনম্ ব্যাখ্যা ( কৃত)

আ০ র০-কুক্কুটগুণানাহ-তদ্বচ্চেতি| তদ্বত্-মযূরতুল্যগুণঃ|

Adhikarana গ্রাম্যকুক্কুটগুণাঃ (৫৯) · Śloka ৫৯

গ্রাম্যস্তু শ্লেষ্মলো গুরুঃ| |৫৯|

View original

ग्राम्यस्तु श्लेष्मलो गुरुः| |५९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-গ্রাম্যঃ পুনঃ কুক্কুটঃ শ্লেষ্মলো গুরুশ্চ|

আযুর্বেদরসাযনম্ ব্যাখ্যা ( কৃত)

আ০ র০-গ্রাম্যকুক্কুটগুণানাহ-গ্রাম্যস্ত্বিতি| গ্রামে ভবো-গ্রাম্যঃ|

Adhikarana ক্রকরোপচক্রকযোর্গুণাঃ (৫৯) · Śloka ৫৯

| মেধাঽনলকরা হৃদ্যাঃ ক্রকরাঃ সোপচক্রকাঃ||৫৯||

View original

| मेधाऽनलकरा हृद्याः क्रकराः सोपचक्रकाः||५९||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ক্রকরা উপচক্রকাশ্চ মেধামগ্নিং চ কুর্বন্তি হৃদ্যাশ্চ|

আযুর্বেদরসাযনম্ ব্যাখ্যা ( কৃত)

আ০ র০-ক্রকরোপচক্রযোর্গুণানাহ-মেধানলকরা ইতি| অনলো-বহ্নিঃ|

Adhikarana কাণকপোতগুণাঃ (৬০) · Śloka ৬০

গুরুঃ সলবণঃ কাণকপোতঃ সর্বদোষকৃত্| |৬০|

View original

गुरुः सलवणः काणकपोतः सर्वदोषकृत्| |६०|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কাণঃ কপোতো গুরুরীষল্লবণস্ত্রিদোষকৃচ্চ|

আযুর্বেদরসাযনম্ ব্যাখ্যা ( কৃত)

আ০ র০-কাণকপোতগুণানাহ-গুরুঃ সলবণ ইতি| কাণকপোতঃ-অল্পারুণকপোতভেদঃ|

Adhikarana চটকগুণাঃ (৬০) · Śloka ৬০

| চটকাঃ শ্লেষ্মলাঃ স্নিগ্ধা বাতঘ্নাঃ শুক্রলাঃ পরম্||৬০||

View original

| चटकाः श्लेष्मलाः स्निग्धा वातघ्नाः शुक्रलाः परम्||६०||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-চটকাঃ শ্লেষ্মলত্বাদিগুণযুক্তা অতিশযেন শুক্রকৃতশ্চ|

আযুর্বেদরসাযনম্ ব্যাখ্যা ( কৃত)

আ০ র০-চটকগুণানাহ-চটকা ইতি| চরকস্ত্বাহ (সূ.অ. ২৭/৭২)-"চটকা মধুরাঃ স্নিগ্ধাঃ কফশুক্রবিবর্দ্ধনাঃ| সন্নিপাতহরাশ্চৈব শমনা মারুতস্য চ||" ইতি| তত্র সন্নিপাতস্য সম্পৃক্তদোষত্রযবাচিত্বাত্ সম্পৃক্তানেব ত্রীন্ দোষান্ ঘ্নন্তি, ন ত্বসম্পৃক্তান্| অত এব'শমনা মারুতস্য চ' ইত্যুক্তম্| তস্মাত্ শ্লেষ্মলত্বং ন সংসৃষ্টবিষযম্|

Adhikarana বিলেশযাদীনাং গুণাঃ (৬১) · Śloka ৬১

গুরূষ্ণস্নিগ্ধমধুরা বর্গাশ্চাতো যথোত্তরম্| মূত্রশুক্রকৃতো বল্যা বাতঘ্নাঃ কফপিত্তলাঃ||৬১||

View original

गुरूष्णस्निग्धमधुरा वर्गाश्चातो यथोत्तरम्| मूत्रशुक्रकृतो बल्या वातघ्नाः कफपित्तलाः||६१||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অতঃ-অনন্তরম্, বিলেশযাদ্যা বর্গা যথোত্তরং গুরুত্বেন উষ্ণত্বেন স্নিগ্ধত্বেন মধুরত্বেন চাধিকাঃ| যো যস্মাদুত্তরো বর্গঃ , স তস্মাদ্গুরুত্বাদিভিরধিক ইত্যর্থঃ| তথা, যথোত্তরমেব মূত্রশুক্রকৃতো বল্যা বাতঘ্নাঃ শ্লেষ্মপিত্তলাশ্চ|

আযুর্বেদরসাযনম্ ব্যাখ্যা ( কৃত)

আ০ র০-বিলেশযাদিবর্গাণাং গুণানাহ-গুরূষ্ণস্নিগ্ধমধুরা ইতি| অতঃ-এভ্যো জাঙ্গলেভ্যঃ পরে| বর্গাঃ-বিলেশযাদযঃ| যথোত্তরং-বিলেশযেভ্যঃ প্রসহা গুর্বাদিগুণযুক্তাঃ, ততো মহামৃগাঃ, ততো জলচরাঃ, ততো মত্স্যা ইতি|

Adhikarana মহামৃগগুণাঃ, ক্রব্যাদপ্রসহগুণাঃ (৬২-৬৩) · Śloka ৬৩

এবং বর্গপঞ্চকস্য সামান্যগুণানুক্ত্বা, অপবাদমাহ- শীতা মহামৃগাস্তেষু, ক্রব্যাদপ্রসহাঃ পুনঃ| লবণানুরসাঃ পাকে কটুকা মাংসবর্ধনাঃ||৬২|| জীর্ণার্শোগ্রহণীদোষশোষার্তানাং পরং হিতাঃ| |৬৩|

View original

एवं वर्गपञ्चकस्य सामान्यगुणानुक्त्वा, अपवादमाह- शीता महामृगास्तेषु, क्रव्यादप्रसहाः पुनः| लवणानुरसाः पाके कटुका मांसवर्धनाः||६२|| जीर्णार्शोग्रहणीदोषशोषार्तानां परं हिताः| |६३|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তেষু বর্গেষু মধ্যে মহামৃগাঃ শীতবীর্যাঃ| ক্রব্যং-আমমাংসং ভুঞ্জতে যে, তে ক্রব্যাদাঃ| ক্রব্যাদাস্তু যে প্রসহাঃ-মার্জারগৃধ্রোলূকাদযঃ, তে লবণানুরসাঃ পাকে কটুকা মাংসবর্ধনাশ্চাতিতরাম্| জীর্ণার্শঃপ্রভ্রুত্যামযানামতিশযেন হিতাঃ|

আযুর্বেদরসাযনম্ ব্যাখ্যা ( কৃত)

Adhikarana আজমাংসগুণাঃ (৬৩-৬৪) · Śloka ৬৪

| নাতিশীতগুরুস্নিগ্ধং মাংসমাজমদোষলম্||৬৩|| শরীরধাতুসামান্যাদনভিষ্যন্দি বৃংহণ্ম্| |৬৪|

View original

| नातिशीतगुरुस्निग्धं मांसमाजमदोषलम्||६३|| शरीरधातुसामान्यादनभिष्यन्दि बृंहण्म्| |६४|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-নাতিশব্দোঽত্রেষদর্থে| যদি তু প্রতিষেধনমাত্রমভীষ্টমভবিষ্যদাচার্যস্য, ততো নঞ এব কেবলস্যোপাদানমকরিষ্যত্| তস্মাদীষদর্থ এব বিবক্ষিতঃ| অত এবং ব্যাখ্যানযন্তি, যথা-অনতিদগ্ধো গ্রাম ইতি| অদোষলমিতি অল্পদোষলম্, (পথ্যমিত্যর্থঃ| তথা চ হারীতঃ-"ত্রিদোষনুদ্দেহধাতুসামান্যাচ্ছাগলং লঘু|" ইতি| অন্যে তু চরকমতমনুসরন্ত এবং ব্যাখ্যানযন্তি,-অদোষলমিতি নঞ্ ঈষদর্থে, কিঞ্চিচ্ছীতগুরুত্বাদল্পদোষলম্| যথা-অবৃক্ষো গ্রাম ইতি|) শরীরস্য ধাতুঃ শরীরধাতুঃ, প্রকৃতত্বাত্পুরুষশরীরস্য মাংসাখ্যো ধাতুঃ, তস্য সামান্যাত্-তুল্যত্বাত্, আজং মাংসমনভিষ্যন্দি বৃংহণং চ| গুণকৃতং চাত্র সামান্যং গৃহ্যতে, ন দ্রব্যকৃতম্| দ্রব্যকৃতে হি সামান্যে গৃহ্যমাণে তুরগোরগাদিমাংসমপি পুরুষশরীরধাতোর্মাসাখ্যস্য মাংসত্বেন ভবতীতি তদ্প্যমভিষ্যন্দি বৃংহণং চ স্যাত্, ন কেবলমাজং মাংসম্| গুণকৃতে তু সামান্যে গৃহীতে শরীরধাতু সামন্যাদাজমেব মাংসমনভিষ্যন্দি বৃংহণং চেতি বক্তুং যুজ্যতে| মাংসগ্রহণং চাত্রোপলক্ষণার্থম্| ন কেবলমাজং মাংসং পুরুষশরীরধাতুনা মাংসাখ্যেন তুল্যম্, যাবদন্যেঽপি যে ছাগশরীরগতা ধাতবস্তেঽপি মনুষ্যশরীরধাতুনা তুল্যগুণাঃ, তেঽপ্যনভিষ্যন্দিনো বৃংহণাশ্চ| অনযা ভঙ্গ্যা পুরুষমাংসস্যাপ্যাচার্যেণাত্র গুণা উক্তাঃ| ননু, বৃংহণং যদ্দ্রব্যং তদ্ভৌমাপ্যমভিষ্যন্দি চ| অপামেবাঽসাধারণো ধর্মঃ স্রবণরূপঃ| তত্কথমনভিষ্যন্দীত্যুক্তম্ ? ব্রূমঃ| দ্রব্যপ্রভাবাত্| ঈদৃশোঽযং দ্রব্যপ্রভাবো যদ্বৃংহণমপি দ্রব্যমনভিষ্যন্দীতি|

আযুর্বেদরসাযনম্ ব্যাখ্যা ( কৃত)

আ০ র০-আজমাংসগুণানাহ-নাতিশীতেতি| অদোষলংদোষত্রযবিরুদ্ধম্, ত্রিদোষঘ্নমিত্যর্থঃ| নঞত্র বিরুদ্ধার্থঃ| উক্তং হি কারণাদিনা-"অবিদাহ্যনতিস্নিগ্ধং নাতিশীতলমামিষম্| ছাগং লঘু ত্রিদোষঘ্নমনভিষ্যন্দি বৃংহণম্||" ইতি| হারীতেন চ-"ত্রিদোষঘ্নং দেহধাতুসামান্যাচ্ছাগলং লঘু|" ইতি| গুরুত্বলঘুত্বযোর্গুণত্বপাকত্বাভ্যামবিরোধঃ| ত্রিদোষঘ্নত্বং বাতোত্তরত্রিদোষবিষযম্, কিঞ্চিত্পিত্তকফকরত্বাত্| উক্তং চ সুশ্রুতে (সূ.অ. ৪৬/৮৭)-"নাতিশীতগুরু স্নিগ্ধো মন্দপিত্তকফঃ স্মৃতঃ| ছাগলস্ত্বনভিষ্যন্দী তেষাং পীনসনাশনঃ||" ইতি| ননু, বৃংহণস্য দধ্যাদেরভিষ্যন্দিত্বদর্শনাত্ কথং বৃংহণমনভিষ্যন্দি ? ইত্যত আহ-শরীরধাতুসামান্যাত্,- শরীরং-অর্থান্মনুষ্যস্য, তস্য ধাতবোরসাদযঃ, তৈঃ সামান্যং-সদৃশগুণত্বম্, যদ্গুণা মনুষ্যস্য ধাতবস্তদ্গুণা এবাজস্য| অতোঽত্যন্তসামান্যাদ্বৃংহণমপ্যনভিষ্যন্দি| যদ্ধি কৈশ্চিদ্গুণৈঃ সমং কৈশ্চিদ্বিপরীতং তত্ বৃংহণং চাভিষ্যন্দি চ| যথা-স্ত্যানং ঘৃতং স্ত্যানঘৃতপ্রক্ষেপাদ্বর্ধতে ন চাভিষ্যন্দতে| তদেবোষ্ণঘৃতপ্রক্ষেপাদ্বর্ধতেঽভিষ্যন্দতে চ|

Adhikarana আবিকমাংসগুণাঃ (৬৪) · Śloka ৬৪

| বিপরীতমতো জ্ঞেযমাবিকং বৃংহণং তু তত্||৬৪||

View original

| विपरीतमतो ज्ञेयमाविकं बृंहणं तु तत्||६४||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অতঃ-আজমাংসাত্, বিপরীতমাবিকং মাংসং-অত্যুষ্ণস্নিগ্ধগুরু সদোষলমভিষ্যন্দি চেতি| বৃংহণত্বস্যাপি বিপর্যযে প্রাপ্তে তদপবাদমাহ-বৃংহণং তু তদিতি| তুশব্দোঽবধারণে| বৃংহণমেব তদিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-আবিকমাংসগুণানাহ-বিপরীতমিতি| অতঃ-আজমাংসাত্, বিপরীতং-অতিশীতগুরুস্নিগ্ধং ত্রিদোষকরমভিষ্যন্দি চ| বিপরীতত্বাত্কর্শনত্বে প্রাপ্ত আহ-বৃংহণং তু তদিতি| অজাব্যোঃ প্রসহপ্রস্তাবে গুণকথনমনিশ্চিতত্বেঽপি প্রাযঃ প্রসহত্বজ্ঞাপনার্থম্| অত এব সুশ্রুতেন গ্রাম্যেষু পঠিতৌ (সূ.অ.৪৬/৮৫)-"অশ্বাশ্বতরগোখরোষ্ট্রবস্তোরভ্রমেদঃপুচ্ছপ্রভৃতযো গ্রাম্যাঃ|" ইতি| গ্রাম্যাশ্চাত্র প্রসহেষূক্তাঃ|

Adhikarana গোমাংসগুণাঃ (৬৫) · Śloka ৬৫

শুষ্ককাসশ্রমাত্যগ্নিবিষমজ্বরপীনসান্| কার্শ্যং কেবলবাতাংশ্চ গোমাংসং সন্নিযচ্ছতি||৬৫||

View original

शुष्ककासश्रमात्यग्निविषमज्वरपीनसान्| कार्श्यं केवलवातांश्च गोमांसं सन्नियच्छति||६५||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-গোমাসং শুষ্ককাসাদীন্নিযচ্ছতি|

আযুর্বেদরসাযনম্ ব্যাখ্যা ( কৃত)

আ০ র০-গোমাংসগুণানাহ-শুষ্ককাসেতি| শুষ্ককাসঃ কফাদিনিষ্ঠীবনরহিতঃ| কেবলবাতান্-শুদ্ধবাতজান্ ব্যাধীন্| বহুবচনাদ্বাতশব্দেন বাতব্যাধযো গৃহ্যন্তে|

Adhikarana মহিষমাংসগুণাঃ (৬৬) · Śloka ৬৬

উষ্ণো গরীযান্মহিষঃ স্বপ্নদার্ঢ্যবৃহত্ত্বকৃত্| |৬৬|

View original

उष्णो गरीयान्महिषः स्वप्नदार्ढ्यबृहत्त्वकृत्| |६६|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-মহিষ উষ্ণো গুরুতরঃ স্বপ্নাদীংশ্চ করোতি| গুরু শব্দাদীযসুনি "প্রিযস্থির" ইত্যাদিনা গরাদেশঃ| দার্ঢ্যমিতি "বর্ণদৃঢ" ইত্যাদিনা ষ্যঞ্|

আযুর্বেদরসাযনম্ ব্যাখ্যা ( কৃত)

আ০ র০-মহিষগুণানাহ-উষ্ণো গরীযানিতি| গরীযান্-অন্যেভ্যো মাংসেভ্যো গুরুঃ| স্বপ্নো-নিদ্রা|

Adhikarana বরাহমাংসগুণাঃ (৬৬) · Śloka ৬৬

| তদ্বদ্বরাহঃ শ্রমহা রুচিশুক্রবলপ্রদঃ||৬৬||

View original

| तद्वद्वराहः श्रमहा रुचिशुक्रबलप्रदः||६६||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বরাহঃ-সূকরঃ, তদ্বত্-মহিষগুণো, জ্ঞেয ইত্যর্থঃ| তথা, শ্রমহা রুচ্যাদিপ্রদশ্চ|

আযুর্বেদরসাযনম্ ব্যাখ্যা ( কৃত)

আ০ র০-বরাহগুণানাহ-তদ্বদ্বরাহ ইতি| তদ্বত্-মহিষবত্| ননু, "স্বেদনং বৃংহণং বৃষ্যং তর্পণং শীতলং গুরু| শ্রমানিলহরং স্নিগ্ধং বারাহং বলবর্ধনম্||" ইতি সুশ্রুতেন (সূ.৪৬/১০২) শীতত্বমুক্তম্, ইহ তু তদ্বদ্বচনাদুষ্ণত্বমিতি বিরোধঃ| ন চাতিদেশিকমুষ্ণত্বমৌপদেশিকেন শীতত্বেন বাধ্যত ইতি বাচ্যম্, "স্বাদ্বম্লপাকং স্নিগ্ধোষ্ণং বাতঘ্নং বৃংহণং গুরু| স্বেদনং তর্পণং হৃদ্যং বল্যং শৌকরমামিষম্||" ইতি খারণাদিবচনাদুষ্ণত্বস্যাপ্যৌপদেশিকত্বাত্| মৈবম্| উষ্ণত্বস্য স্পর্শবিষযত্বাত্| স্পর্শোষ্ণং শীতবির্যমপ্যুষ্ণোদকাদি স্বেদনং দৃষ্টম্| ন তূষ্ণবীর্যমপি স্পর্শশীতং কাঞ্জিকাদি হিমং চ স্বেদনম্| অতো যুক্তৈবেযং বিষযব্যবস্থা|

Adhikarana মত্স্যগুণাঃ (৬৭) · Śloka ৬৭

মত্স্যাঃ পরং কফকরাঃ| |৬৭|

View original

मत्स्याः परं कफकराः| |६७|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-"গুরূষ্ণস্নিগ্ধমধুরা বর্গাশ্চাতো যথোত্তরম্|" ইত্যনেন গ্রন্থেনাতিগুরূষ্ণস্নিগ্ধমধুরত্বমতিমূত্রশুক্রকৃত্ত্বমতিবল্যত্বমতিবাতঘ্নত্বমতিকফপিত্তলত্বং চ মত্স্যানামুক্তম্| "পরং কফকরাঃ" ইত্যনেনাঽতঃ কফকৃত্তমা মত্স্যা ইতি বোধযতি| সঙ্গ্রহে স্পষ্টার্থমেবমুক্তম্ (সূ.অ.৭)-"কফপিত্তকরা মত্স্যাঃ পরং পবননাশনাঃ|" ইতি|

আযুর্বেদরসাযনম্ ব্যাখ্যা ( কৃত)

আ০ র০-মত্স্যগুণানাহ-মত্স্যাঃ পরমিতি|

Adhikarana চিলিচীমগুণাঃ (৬৭) · Śloka ৬৭

চিলিচীমস্ত্রিদোষকৃত্| |৬৭|

View original

चिलिचीमस्त्रिदोषकृत्| |६७|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-চিলিচীমসংজ্ঞো মত্স্যস্ত্রিদোষকরঃ|

আযুর্বেদরসাযনম্ ব্যাখ্যা ( কৃত)

আ০ র০-চিলিচীমগুণাঃ-চিলিচীম ইতি|

Adhikarana লাবাদযঃ স্বে স্বে বর্গৈ শ্রেষ্ঠাঃ (৬৭) · Śloka ৬৭

| লাবরোহিতগোধৈণাঃ স্বে স্বে বর্গে বরাঃ পরম্||৬৭||

View original

| लावरोहितगोधैणाः स्वे स्वे वर्गे वराः परम्||६७||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

আ০ র০-মাংসেষু বরং নির্দ্ধারযতি-লাবরোহিতেতি| লাবো-বিষ্কিরেষু বরঃ| রোহিতো-মত্স্যেষু বরঃ| গোধা-বিলেশযেষু বরা| এণো-মৃগেষু বরঃ| পরমিতি বরেভ্যোঽপি বরাঃ| বরাস্তু সঙ্গ্রহে উক্তাঃ (সূ.অ.৭)-"এণঃ কুরঙ্গো হরিণঃ শশো লাবঃ কপিঞ্জলঃ| তিত্তিরিঃ ক্রকরো গোধা শ্বাবিদ্গৃধ্রোমৃগাধিপঃ|| বর্হিণঃ সারিকা ন্যঙ্কুর্হংসো রোহিতকচ্ছপৌ| বর্মী চাগ্র্যাঃ স্ববর্গেষু, প্রবরাস্তেষ্বপি স্মৃতাঃ|| লাবৈণগোধাসিংহাশ্চ, নিন্দিতো গৌঃ সদর্দুরঃ| ঋষ্যঃ কাণকপোতশ্চ শেষমুক্তং যথাযথম্||" ইতি|

Adhikarana সদ্যোহতাদিমাংসং সেব্যম্ (৬৮) · Śloka ৬৮

মাংসং সদ্যোহতং শুদ্ধং বযঃস্থং চ ভজেত্| |৬৮|

View original

मांसं सद्योहतं शुद्धं वयःस्थं च भजेत्| |६८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-মাংসং সদ্যোহতং ভজেত্, সদ্যোহতস্য মাংসং ভজেদিত্যর্থঃ| তথা, শুদ্ধং-স্নায্বস্থ্যাদিরহিতম্| তথা, বযসি তিষ্ঠতীতি বযঃস্থম্,- যদ্যপি সর্বং মাংসং বযঃস্থমেব, তথাঽপীহ বযঃস্থমিত্যুক্ত্যা শোভনং তরুণং বয ইতি গম্যতে| তস্মাদ্যূনঃ প্রাণিনো মাংসং ভজেত্, ন বালবৃদ্ধযোরিতি|

আযুর্বেদরসাযনম্ ব্যাখ্যা ( কৃত)

Adhikarana মৃতমাংসং ত্যাজ্যম্ (৬৮) · Śloka ৬৮

ত্যজেত্| মৃতং কৃশং ভৃশং মেদ্যং ব্যাধিবারিবিষৈর্হতম্||৬৮||

View original

त्यजेत्| मृतं कृशं भृशं मेद्यं व्याधिवारिविषैर्हतम्||६८||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-মৃতং-স্বযং মৃতং ন ভজেত্, অবিজ্ঞাতস্বরূপেণ ব্যাধিনামৃতস্য প্রাণিনো যন্মাংসং তত্ত্যজেদিত্যর্থঃ| কৃশং-দুর্বলং ন ভজেত্| তথা, ভৃশং মেদ্যং-অতিমেদুরং মাসং ত্যজেত্| তথা, ব্যাধিনা-বিজ্ঞাতস্বরূপেণ হতস্য, বারিণা বিষেণ চ হতস্য, নির্জীবীকৃতস্য, যন্মাংসং তত্ত্যজেত্| সঙ্গ্রহে তু (সূ,অ.৭) হংসাদীনাং বিশেষা উক্তাঃ| যথা-"হংসঃ স্বরকরঃ পিত্তরক্তজিন্মধুরো হিমঃ| কুলীরঃ পরমং বৃষ্যো বৃংহণঃ প্রীণনো গুরুঃ|| গোধা নিযচ্ছতি বিষং মূষকঃ শুক্রবর্ধনঃ| গুরুণ্যণ্ডানি বালানাং কষাযমধুরং পলম্|| বৃদ্ধানাং স্নাযুভূযিষ্ঠমবল্যং গুরু দোষলম্|" ইতি|

আযুর্বেদরসাযনম্ ব্যাখ্যা ( কৃত)

Adhikarana পুংস্ত্রিযোরবযবাদি বিশেষেণ গৌরবলাঘবে (৬৯-৩) · Śloka ৩

পুংস্ত্রিযোঃ পূর্বপশ্চার্ধে গুরুণী, গর্ভিণী গুরুঃ| লঘুর্যোষিচ্চতুষ্পাত্সু, বিহঙ্গেষু পুনঃ পুমান্||৬৯|| শিরঃস্কন্ধোরুপৃষ্ঠস্য কট্যাঃ সক্থ্নোশ্চ গৌরবম্| তথাঽঽমপক্বাশযযোর্যথাপূর্বং বিনির্দিশেত্||৭০|| শোণিতপ্রভৃতীনাং চ ধাতূনামুত্তরোত্তরম্| মাংসাদ্গরীযো বৃষণমেঢ্রবৃক্কযকৃদ্গুদম্||৭১|| ইতি মাংসবর্গঃ||৩||

View original

पुंस्त्रियोः पूर्वपश्चार्धे गुरुणी, गर्भिणी गुरुः| लघुर्योषिच्चतुष्पात्सु, विहङ्गेषु पुनः पुमान्||६९|| शिरःस्कन्धोरुपृष्ठस्य कट्याः सक्थ्नोश्च गौरवम्| तथाऽऽमपक्वाशययोर्यथापूर्वं विनिर्दिशेत्||७०|| शोणितप्रभृतीनां च धातूनामुत्तरोत्तरम्| मांसाद्गरीयो वृषणमेढ्रवृक्कयकृद्गुदम्||७१|| इति मांसवर्गः||३||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-পুংস্ত্রিযোঃ পূর্বপশ্চার্ধে যথাসংখ্যং গুরুণী| পূর্বং চ পশ্চং চ পূর্বপশ্চে, তযোরর্ধে| পুংসঃ পূর্বার্ধং গুরু, স্ত্রিযঃ পশ্চার্ধং গুর্বিত্যর্থঃ| গর্ভিণী গুরুঃ-গর্ভিণীমাংসং গুরু| চত্বারঃ পাদা যেষাং তে চতুষ্পাদঃ, তেষু চতুষ্পাত্সু-গবাদিষু মধ্যে, স্ত্রী লঘুঃ| চতুষ্পাদিতি "সংখ্যাসু পূর্বস্য" ইত্যন্তলোপঃ| বিহঙ্গেষু-দ্বিজেষু তু, পুমান্ লঘুঃ| শিরঃপ্রভৃতীনাং মাংসানাং যথাপূর্বং গুরুত্বং নির্দিশেত্| এবং সক্থ্যাদিমাংসেভ্যঃ শিরোমাংসং গুরুতমমিত্যবতিষ্ঠতে| আমপক্বাশযযোশ্চ যথাপূর্বং গুরুত্বনির্দেশঃ| তেন পক্বাশযাদামাশযো গুরুঃ| রক্তাদীনাং ধাতূনাং যথোত্তরং গুরুত্বং নির্দিশেত্| তেন লোহিতান্মাংসং গুরু, মাংসান্মেদ ইত্যাদি| "মাংসাদ্গরীযো বৃষণমেঢ্রবৃক্কযকৃদ্গুদম্|" ইত্যত্রাঽপ্যুত্তরোত্তরমিত্যনুবর্ততে| তেন মাংসাদ্গুরুতরো বৃষণঃ তস্মান্মেঢ্রঃ, যাবত্সর্বগরিষ্ঠং গুদং নির্দিশেদিতি| ইতি মাংসবর্গঃ| মাংসবর্গাদনন্তরং শকবর্গো নিগদ্যতে--

আযুর্বেদরসাযনম্ ব্যাখ্যা ( কৃত)

আ০ র০-অবযবাদিবিশেষেণ গৌরবলাঘবে আহ-পুংস্ত্রিযোরিতি| পুংসঃ-পুল্লিঙ্গস্য মৃগাদেঃ শরীরস্য, পূর্বার্দ্ধং-নাভ্যাদিশিরোন্তং গুরু| স্ত্রীণাং তু পশ্চার্দ্ধং-নাভেরধোভাগং গুরু| গর্ভিণী তু সর্বৈব গুরুঃ| চতুষ্পাত্সু মধ্যে যোষিত্-স্ত্রী লঘুঃ| বিহঙ্গেষু-পক্ষিষু মধ্যে, পুমান্ লঘুঃ| শিরস্কন্ধোর্বিতি যথাবযবেষু মধ্যে পৃষ্ঠস্য কট্যাঃ সক্থ্নোরিতি পৃষ্ঠাদিত্রযস্য যথাপূর্বং গৌরবং নির্দিশেত্| সক্থিভ্যাং কটী গুরুঃ, কট্যাঃ পৃষ্ঠং গুরু| সক্থিশব্দেন জঙ্ঘে গ্রাহ্যে, ঊর্বোঃ পৃথগ্গ্রহণাত্| "শিরোবত্পাদগৌরবম্" ইতি খারণাদিনা পাদযোঃ শিরস্তুল্যত্ববচনাত্ চকারাত্ পাদযোশ্চ গৌরবং বিদ্যাত্| শিরঃস্কন্ধোরূণশ্চ গৌরবং বিদ্যাত্| ঊরুভ্যাং স্কন্ধৌ গুরূ, তাভ্যাং শিরো গুরু| উরুস্কন্ধশিরঃসক্থিকটীপৃষ্ঠানাং যথোত্তরং গৌরবমিত্যর্থঃ| উক্তং চ সুশ্রুতেন (সূ.অ.৪৬/১৩০)-"তথা সক্থিস্কন্ধক্রোডশিরঃপাদকরকটীপৃষ্ঠচর্মকালেযকযকৃদন্ত্রাণি|" ইতি| কালেযকং-বৃক্কঃ| তথাঽঽমপক্বাশযযোঃ-পক্বাশযাদামাশযো গুরুরিত্যর্থঃ| শোণিতপ্রভৃতীনামুত্তরোত্তরং-শোণিতাদিভিঃ শব্দৈঃ শোণিতসারাদযো গৃহ্যন্তে, তেন শোণিত সারস্য প্রাণি নো মাংসাত্ মাংসসারস্য মাংসং গুরু, ততো মেদঃসারস্য, ততোঽস্থিসারস্য, ততো মজ্জসারস্য, ততঃ শুক্রসারস্যেতি| ননু, এবং চেত্ ত্বক্সত্বেঽপি গ্রাহ্যে| বক্ষ্যতি হি (হৃ. শা. অ. ৩/১১৭)-"ত্বগ্রক্তাদীনি সত্বান্তান্যগ্র্যাণ্যষ্টৌ যথোত্তরম্| বলপ্রমাণজ্ঞানার্থং সারাণ্যুক্তানি দেহিনাম্||" ইতি| সত্যম্| কিন্তু ত্বক্সারস্য মাংসত্বেনানুপযোগাত্ সত্বসারস্য তির্যক্ষ্বসম্ভবাদগ্রহণম্| রক্তাদিধাতূনামেব যথোত্তরং গৌরবে ব্যাখ্যাযমানে কো দোষঃ? ইতি চেত্ ন| মাংসপ্রস্তাবে তেষামপ্রস্তুতত্বাত্| সুশ্রুতেনাপি(সূ. অ. ৪৬/১৩০)-"স্থানাদিকৃতং মাংসস্য গুরুলাঘবমুপদেক্ষ্যামঃ| তদ্যথা-রক্তাদিশুক্রান্তেষু ধাতুষূত্তরোত্তরা গুরবঃ|" ইত্যুক্তম্| তথা চ চরকঃ (সূ.অ. ২৭/৩২৮)-"চরঃ শরীরাবযবাঃ স্বভাবো ধাতবঃ ক্রিযা| লিঙ্গং প্রমাণং সংস্কারো মাত্রা চাস্মিন্ পরীক্ষ্যতে||" ইতি শরীরাবযবাদিবদ্ধাতূনাং গুরুলাঘবত্বেনোপাদানাত্| কিঞ্চ ধাতবশ্চেদ্বিবক্ষিতাঃ স্যুঃ, তদা রসাদীনামিতি ব্রূযাদিতি| মাংসাদ্দৃষণাদি যথোত্তরং গরীযঃ, বৃষণান্মেঢ্রম্, মেঢ্রাদ্দ্বৃক্কৌ, বৃক্কাভ্যাং যকৃত্, যকৃত্-কালখণ্ডম্, ততো গুদম্, মাংসাদিতি শিরোমাংসাত্| যদাহ খারণাদিঃ-"সক্থিস্কন্ধা উরঃ শীর্ষং মুষ্কৌ ত্বঙ্ মেহনং কটিঃ| বৃক্কৌ যকৃদ্গুদে বক্ষশ্চামিষন্মধ্যমেব চ|| গুরূত্তরোত্তরং বিদ্যাচ্ছিরোবত্পাদগৌরবম্|" ইতি| ননু, খারণাদিস্ত্বচোঽধিকং কট্যা গৌরবমাহ, শিরঃপাদযোস্তুল্যম্| সুশ্রুতস্তু শিরসোঽধিকং পাদযোঃ, কট্যা অধিকং ত্বচঃ| তত্কিমত্র প্রমাণম্ ? উচ্যতে| ত্বক্চর্মণোরর্থভেদাদবিরোধঃ| ন হি ত্বগেব চর্ম| কিন্তর্হি? বাহ্যা-ত্বক্, সংহতিঃ-চর্ম| শিরঃপাদমিতি দ্বন্দ্বৈকত্বে কৃত্বা ক্রোডাচ্ছিরঃপাদং গুর্বিতি ব্যাখ্যেযম্, ন তু ক্রোডাচ্ছিরস্ততঃ পাদাবিতি| সঙ্গ্রহে তু (সূ. অ. ৭)-"তাম্রোঽত্র হরিণঃ কৃষ্ণস্ত্বেণো হৃদ্যাস্ত্রিদোষজিত্| লঘীযান্ ষড্রসশ্বাসৌ, গ্রাহী রূক্ষো হিমঃ শশঃ|| কটুপাকোঽগ্নিকৃত্পথ্যঃ সন্নিপাতেঽনিলাবরে| তদ্বল্লাবোঽপ্যরূক্ষশ্চ কিঞ্চিদ্রূক্ষঃ কপিঞ্জলঃ|| পারাবতাঃ কপোতাশ্চ তদ্বদ্বন্যাঃ সুপূজিতাঃ| গোধা নিযচ্ছতি বিষং, মূষকঃ শুক্রবর্দ্ধনঃ|| হংসঃ স্বরকরঃ পিত্তরক্তজিন্মেদুরো হিমঃ| প্রতিস্রোতোবিচারিত্বাদাকাশপ্লবনেন চ|| রোহিতঃ প্রবরস্তেষাং, পরং চিলিচিমোঽবরঃ| অগোচরবিচারিত্বাত্সর্বদোষকরো হি সঃ|| কুলীরঃ পরমং বৃষ্যো বৃংহণঃ প্রীণনো গুরুঃ| গুরূণ্যণ্ডানি বালানাং কষাযমধুরং পলম্|| বৃদ্ধানাং স্রাযুভূযিষ্ঠমবল্যং গুরু দোষলম্|" ইতি| ইতি মাংসবর্গঃ|

Adhikarana শাকবর্গঃ পাঠাদিজশাকগুণাঃ (৭২) · Śloka ৭২

অথ শাকবর্গঃ| শাকং পাঠাশঠীসূষাসুনিষণ্ণসতীনজম্| ত্রিদোষঘ্নং লঘু গ্রাহি সরাজক্ষববাস্তুকম্||৭২||

View original

अथ शाकवर्गः| शाकं पाठाशठीसूषासुनिषण्णसतीनजम्| त्रिदोषघ्नं लघु ग्राहि सराजक्षववास्तुकम्||७२||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-পাঠাদিজং শাকং ত্রিদোষহরং লঘু গ্রাহি চ| তদ্বত্ রাজক্ষবকবাস্তুকে|

আযুর্বেদরসাযনম্ ব্যাখ্যা ( কৃত)

Adhikarana সুনিষণ্ণাগুণাঃ (৭৩) · Śloka ৭৩

সুনিষণ্ণোঽগ্নিকৃদ্বৃষ্যস্তেষু| |৭৩|

View original

सुनिषण्णोऽग्निकृद्वृष्यस्तेषु| |७३|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তেষু মধ্যে, সুনিষণ্ণঃ-স্বস্তিকাখ্যো, জলমধ্যে ভবতি| পত্রৈশ্চাঙ্গেরীতুল্যোঽগ্নিকরো বৃষ্যঃ|

আযুর্বেদরসাযনম্ ব্যাখ্যা ( কৃত)

আ০ র০-অত্রকেষাংচিদ্বিশেষঃ| তত্র সুনিষণ্ণগুণানাহসুনিষণ্ণ ইতি|

Adhikarana রাজক্ষবগুণাঃ (৭৩) · Śloka ৭৩

রাজক্ষবঃ পরম্| গ্রহণ্যর্শোবিকারঘ্নঃ|৭৩|

View original

राजक्षवः परम्| ग्रहण्यर्शोविकारघ्नः|७३|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-রাজক্ষবঃ-ক্ষুদ্বিবোধনো রাজশাকাখ্যঃ, পরং-অত্যর্থং, গ্রহণ্যর্শোবিকারঘ্নঃ|

আযুর্বেদরসাযনম্ ব্যাখ্যা ( কৃত)

আ০ র০-রাজক্ষবগুণানাহ-রাজক্ষব ইতি|

Adhikarana বাস্তুকগুণাঃ (৭৩) · Śloka ৭৩

| বর্চোভেদি তু বাস্তুকম্||৭৩||

View original

| वर्चोभेदि तु वास्तुकम्||७३||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বাস্তুকং তু-পুনঃ রক্তবাস্তুকাখ্যং, বর্চোভেদি-পুরীষস্য ভেদনম্|

আযুর্বেদরসাযনম্ ব্যাখ্যা ( কৃত)

আ০ র০-বাস্তুকগুণানাহ-বর্চোভেদীতি| বর্চোভেদিসরম্|

Adhikarana কাকমাচীগুণাঃ (৭৪) · Śloka ৭৪

হন্তি দোষত্রযং কুষ্ঠং বৃষ্যা সোষ্ণা রসাযনী| কাকমাচী সরা স্বর্যা|৭৪|

View original

हन्ति दोषत्रयं कुष्ठं वृष्या सोष्णा रसायनी| काकमाची सरा स्वर्या|७४|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কাকমাচীং ত্রিদোষঘ্নী, কুষ্ঠনাশিনী, বৃষ্যা, কিঞ্চিদুষ্ণা, সরা-ভেদিনী, স্বরহিতা চ| স্বাস্থ্যসংবাহকত্বেন চ রসাযনসদৃশী|

আযুর্বেদরসাযনম্ ব্যাখ্যা ( কৃত)

Adhikarana চাঙ্গেরীগুণাঃ (৭৪-৭৫) · Śloka ৭৫

| চাঙ্গের্যম্লাঽগ্নিদীপনী||৭৪|| গ্রহণ্যর্শোঽনিলশ্লেষ্মহিতোষ্ণা গ্রাহিণী লঘুঃ| |৭৫|

View original

| चाङ्गेर्यम्लाऽग्निदीपनी||७४|| ग्रहण्यर्शोऽनिलश्लेष्महितोष्णा ग्राहिणी लघुः| |७५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-চাঙ্গেরী-ক্ষুদ্রাম্লিকা, অম্লা, অগ্নিদীপনী, গ্রহণ্যাদিষু হিতা, উষ্ণবীর্যা, সঙ্গ্রাহিণী, লঘ্বী চ|

আযুর্বেদরসাযনম্ ব্যাখ্যা ( কৃত)

আ০ র০-চাঙ্গেরীগুণানাহ-চাঙ্গেরীতি| চাঙ্গেরী-অম্লপত্রিকা|

Adhikarana পটোলাদীনাং গুণাঃ (৭৫-৭৮) · Śloka ৭৮

| পটোলসপ্তলারিষ্টশার্ঙ্গেষ্টাবল্গুজাঽমৃতাঃ||৭৫|| বেত্রাগ্রবৃহতীবাসাকুতিলীতিলপর্ণিকাঃ| মণ্ডূকপর্ণীকর্কোটকারবেল্লকপর্পটাঃ||৭৬|| নাডীকলাযগোজিহ্বাবার্তাকং বনতিক্তকম্| করীরং কুলকং নন্দী কুচৈলা শকুলাদনী||৭৭|| কটিল্লং কেম্বুকং শীতং সকোশাতককর্কশম্| তিক্তং পাকে কটু গ্রাহি বাতলং কফপিত্তজিত্||৭৮||

View original

| पटोलसप्तलारिष्टशार्ङ्गेष्टावल्गुजाऽमृताः||७५|| वेत्राग्रबृहतीवासाकुतिलीतिलपर्णिकाः| मण्डूकपर्णीकर्कोटकारवेल्लकपर्पटाः||७६|| नाडीकलायगोजिह्वावार्ताकं वनतिक्तकम्| करीरं कुलकं नन्दी कुचैला शकुलादनी||७७|| कटिल्लं केम्बुकं शीतं सकोशातककर्कशम्| तिक्तं पाके कटु ग्राहि वातलं कफपित्तजित्||७८||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

আ০ র০-পটোলাদিগুণানাহ-পটোলেতি| পটোলং-রাজীফলম্| সপ্তলা-সাতলা| অরিষ্টো-নিম্বঃ| শার্ঙ্গেষ্টা-অঙ্গারবল্লী| অবল্গুজো-বাকুচী| অমৃতা-গুডূচী| বেত্রো-বংশসদৃশঃ, তস্যাগ্রং-অগ্রভাগঃ| বৃহতী দ্বিধা,-সিংহী ব্যাঘ্রী চ| বাসা-আটরূষকঃ| কুন্তিলী-চঞ্চুসদৃশী দীর্ঘপত্রা| তিলপর্ণিকা-বদরকঃ| মণ্ডূকপর্ণী-ব্রাহ্মী| কর্কোটং-কর্কোটীফলম্| কারবেল্লকং-সুষবীফলম্| পর্পটো-জ্বরঘ্নঃ| নাডীকলাযো-মত্স্যাক্ষঃ| গোজিহ্বা-দার্বিপত্রিকা| বার্তাকং-বৃন্তাকম্| বনতিক্তকং-কিরাততিক্তম্| করীরং-গূঢপত্রম্| কুলকংকাকতিন্দুকম্| নন্দী-মেষশৃঙ্গী| কুচৈলা-কৃষ্ণপাঠা| শকুলাদনী_কটুরোহিণী| কটিল্লং-রক্তপুনর্নবা| কেম্বুকং-প্রসিদ্ধম্| কোশাতকং-কৃতবেধনম্| কর্কশং-কম্পিল্লম্| পটোলাদিকং শীততিক্তাদিগুণম্| অত্র পটোলনিম্বাবল্গুজামৃতাবেত্রাগ্রকর্কোটককারবেল্লেষু বিবাদঃ| তত্র পটোলফনং প্রতি সুশ্রুতঃ (সূ.অ. ৪৬/২৬৮)-"কফপিত্তহরং ব্রণ্যমুষ্ণং তিক্তমবাতলম্| পটোলং কটুকং পাকে বৃষ্যং রোচনদীপনম্||" খারণাদিঃ-"সস্নেহোষ্ণং লঘু স্বাদু পাকে দোষানুলোমনম্| উক্তং তিক্তং তিক্তং ত্রিদোষঘ্নং শাকং নিম্বপটোলযোঃ|| তথা,-পটোলনিম্বং বাতঘ্নং তিক্তমন্যত্তু বাতলম্|" ইতি| তত্র খারণাদ্যুক্তং ত্রিদোষঘ্নত্বমেব গ্রাহ্যম্, অন্যথাঽন্বযানুপপত্তেঃ- বাগ্ভটোক্তস্য হি "বাতলম্" ইত্যস্য সপ্তলাদিভিরন্বযত্বেন সার্থক্যাত্, পটোলস্য কফপিত্তহরত্বাদিভিঃ| অত এব হরিশ্চন্দ্রজৈজ্জটাদযষ্টীকাকারা অপ্যুদ্দৃতব্যক্তিব্যতিরেকেণ গণগুণা ইত্যাহুঃ| সুশ্রুতোক্তস্য তু "অবাতলম্" ইতি শব্দস্য বাত-ঘ্নত্বমেবার্থঃ, বিরুদ্ধার্থত্বান্নঞঃ| যদ্যপি বাতোদাসীনত্ববাতঘ্নত্বযোঃ সহানবস্থানলক্ষণো বিরোধোঽস্তি, তথাপ্যবাত-লশব্দেন বাতোদাসীনত্বং ন গ্রাহ্যম্, তন্ত্রান্তরবিরোধস্য তদ-বস্থত্বাত্| অথবা, অবাতলশব্দেন বাতকরণাভাব উচ্যতে, স চ বাতঘ্নত্বেঽপ্যস্তি, ইত্যবিরোধঃ| অত এব রসেভেদীযে বক্ষ্যতি (হৃ. সূ.অ. ১০/৩৫)-"তিক্তং কটু চ ভূযিষ্ঠমবৃষ্যং বাতকোপনম্| ঋতেঽমৃতাপটোলীভ্যাং শুণ্ঠীকৃষ্ণারসোনতঃ||" ইতি| মাধবকশমনং মূলং তস্য বিরেচনম্||" ইতি| উষ্ণত্বশীতত্বযোরুষ্ণত্বং গ্রাহ্যম্, অনবকাশত্বাত্| শীতলত্বং বাতলত্ববত্ সাবকাশম্| নিম্বে তু খারণাদ্যুক্তং ত্রিদোপঘ্নত্বং ফলবিষযম্, সস্নেহত্বাদীনাং ফল এব সম্ভবাত্ পটোলসাহচর্যাচ্চ| চরকসশ্রুতাদ্যুক্তং বাতলত্বং পত্রবিপযম্| অবল্গুজস্য পিত্তকরত্ববাতঘ্নত্বে আহ খারণাদিঃ-"অবল্গুজঃ সৈডগজঃ পিত্তকৃত্কফবাতজিত্|" ইতি| তত্ফলবিষযম্, ধান্যবর্গে পাঠাত্| অত এবোক্তং সঙ্গ্রহে (সূ. অ. ১২)- "অবল্গুজৈডগজযোর্বীজং বাতকফপ্রণুত্|" ইতি| পিত্তঘ্নত্বং বাতলত্বং চ পত্রবিষযম্| সুশ্রুতোঽপ্যাহ (সূ. আ. ৪৬/২৬৫)- "অবল্গুজঃ কটুঃ পাকে তিক্তঃ পিত্তকফাপহঃ|" ইতি| গুডূচ্যাস্ত্রিদোষঘ্নত্বমুষ্ণত্বং চোক্তং সঙ্গ্রহে (সূ. অ. ১২)- "তিক্তাঽমৃতা ত্রিদোষঘ্নী গ্রাহিণ্যুষ্ণা রসাযনী| দীপনী জ্বরতৃট্দাহকামলাবাতরক্তনুত্||" ইতি| তত্র ত্রিদোষঘ্নত্বোষ্ণত্বে গ্রাহ্যে, অনবকাশত্বাত্| বাতলত্ব শীতলত্বে তু পটোলবত্সাবকাশে| তথা, বেত্রাগ্রস্য খারণাদিনা ত্রিদোষঘ্নত্বমুক্তম্-"চঞ্চুর্মর্মরিকা পাঠা বেত্রাগ্রং সুনিষণ্ণকম্| শঠীশাকং চ সঙ্গ্রাহি দোষত্রযহিতং লঘু||" ইতি| তত্র ত্রিদোষঘ্নত্বং গ্রাহ্যম্, হারীতেন বাতলস্যাপোহিতত্বাত্,-"সর্বং তিক্তং বাতলমবৃষ্যং চান্যত্র বেত্রাগ্রপটোলাত্|" ইতি| সুশ্রুতেন অনুক্তত্বাচ্চ, (সূ. অ. ৪৬/২৭০)- "আটরূষকবেত্রাগ্রগুডূচীনিম্বপর্পটাঃ| কিরাততিক্তসহিতাস্তিক্তাঃ পিত্তকফাপহাঃ||" ইতি| কর্কোটকারবেল্লযোঃ সুশ্রুতেন বাতঘ্নত্বমুক্তম্ (সূ.অ. ৪৬/২৬৯)-"কফবাতহরং তিক্তং রোচনং কটুকং লঘু| বাড়্তাকং দীপনং প্রোক্তং জীর্ণং সক্ষারপিত্তলম্|| তদ্বত্কর্কোটকং বিদ্যাত্কারবেল্লকমেব চ||" ইতি| তত্র বাতলত্বং গ্রাহ্যম্, আতিদেশিকাদৌপদেশিকস্য বলীযস্ত্বাত্ সাদৃশ্যস্য চ কতিপযৈরপি গুণৈশ্চরিতার্থত্বাচ্চ| উপমানাদুপমেযস্য হীনগুণত্বাত্| কিঞ্চ চরকাদিবিরুদ্ধঃ সুশ্রুতপাঠো ন প্রমাণমিত্যুক্তং জৈজ্জটেন| বিগীতশ্চাযমতিদেশপাঠঃ|

Adhikarana পটোলগুণাঃ (৭৯) · Śloka ৭৯

হৃদ্যং পটোলং কৃমিনুত্স্বাদুপাকং রুচিপ্রদম্| |৭৯|

View original

हृद्यं पटोलं कृमिनुत्स्वादुपाकं रुचिप्रदम्| |७९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

সামান্যগুণানুক্ত্বা কেষাংচিদ্গুণকর্মবিশেষমাহ- স০-পটোলং হৃদ্যাদিগুণযুক্তম্| মুনিনা (?) তু ত্রিদোষশমনত্বমুক্তম্-"পটোলপত্রং পিত্তঘ্নং বল্লী চাস্য কফাপহা| ফলং ত্রিদোষশমনং মূলং চাস্য বিরেচনম্||" ইতি|

আযুর্বেদরসাযনম্ ব্যাখ্যা ( কৃত)

আ০ র০-অত্র কেষাংচিদ্বিশেষঃ| তত্র পটোলগুণানাহহৃদ্যমিতি|

Adhikarana বৃহতীদ্বযগুণাঃ (৭৯) · Śloka ৭৯

| পিত্তলং দীপনং ভেদি বাতঘ্নং বৃহতীদ্বযম্||৭৯||

View original

| पित्तलं दीपनं भेदि वातघ्नं बृहतीद्वयम्||७९||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বৃহতীদ্বযং,-স্থূলবৃহতী-মহোটিকাখ্যা, ক্ষুদ্রবৃহতী-কণ্টকারিকাখ্যা| তদেতদুভযং পিত্তকরমগ্নিদীপনং শকৃদাদীনাং ভেদনং বাতঘ্নং চ|

আযুর্বেদরসাযনম্ ব্যাখ্যা ( কৃত)

আ০ র০-বৃহতীদ্বযগুণানাহ-পিত্তলমিতি|

Adhikarana বৃষগুণাঃ (৮০) · Śloka ৮০

বৃষং তু বমিকাসঘ্নং রক্তপিত্তহরং পরম্| |৮০|

View original

वृषं तु वमिकासघ्नं रक्तपित्तहरं परम्| |८०|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বৃষং ছর্দিকাসৌ হন্তি| রক্তপিত্তং চাত্যর্থং জযতি|

আযুর্বেদরসাযনম্ ব্যাখ্যা ( কৃত)

আ০ র০-বাসাগুণানাহ-বৃষমিতি|

Adhikarana কারবেল্লগুণাঃ (৮০) · Śloka ৮০

| কারবেল্লং সকটুকং দীপনং কফজিত্পরম্||৮০||

View original

| कारवेल्लं सकटुकं दीपनं कफजित्परम्||८०||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কারবেল্লমীষদ্রসে কটুকমগ্নিদীপ্তিকরমতিশ্লেষ্মঘ্নম্|

আযুর্বেদরসাযনম্ ব্যাখ্যা ( কৃত)

আ০ র০-কারবেল্লগুণানাহ-কারবেল্লমিতি|

Adhikarana বার্তাকগুণাঃ (৮১) · Śloka ৮১

বার্তাকং কটু তিক্তোষ্ণং মধুরং কফবাতজিত্| সক্ষারমগ্নিজননং হৃদ্যং রুচ্যমপিত্তলম্||৮১||

View original

वार्ताकं कटु तिक्तोष्णं मधुरं कफवातजित्| सक्षारमग्निजननं हृद्यं रुच्यमपित्तलम्||८१||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

Adhikarana করীরগুণাঃ (৮২) · Śloka ৮২

করীরমাধ্মানকরং কষাযং স্বাদু তিক্তকম্| |৮২|

View original

करीरमाध्मानकरं कषायं स्वादु तिक्तकम्| |८२|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-করীরং-গূঢপত্রাখ্যম্, আধ্মানকরং রসে কষাযমধুরতিক্তকম্|

আযুর্বেদরসাযনম্ ব্যাখ্যা ( কৃত)

আ০ র০-করীরগুণানাহ-করীরমিতি|

Adhikarana কোশাতকাবল্গুজকযোর্গুণাঃ (৮২) · Śloka ৮২

| কোশাতকাবল্গুজকৌ ভেদিনাবগ্নিদীপনৌ||৮২||

View original

| कोशातकावल्गुजकौ भेदिनावग्निदीपनौ||८२||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কোশাতকাবল্গুজকৌ ভেদিনাবগ্নিদীপনৌ চ| অনযোশ্চ পিত্তকারিত্বং বাতকফঘ্নত্বং চ বেদ্যম্| তথা হি-প্রাযেণ যদুষ্ণং গুডূচ্যাদিদ্রব্যং, তত্পিত্তলং বাতকফহরং চ দৃষ্টম্| তথা চাহ মুনিঃ(?)-"কফবাতনুদবল্গুজঃ" ইতি| তদেবমন্যত্রাপ্যৌচিত্যেন দোষকরত্বাদি কল্প্যম্| সঙ্গ্রহে (সূ.অ.৭) চান্যেঽপ্যুক্তাঃ| যথা-"সতরূঢং কদম্বং চ রূক্ষং গ্রাহি হিমং গুরু| কুমারজীবলোণিকা নলিনী চুচুপর্ণিকা|| স্বাদু রূক্ষং সলবণং বাতশ্লেষ্মকরং গুরু| শ্যামাশাল্মলিকাশ্মর্যফঞ্জীকর্ণিকযূথিকাঃ| বৃক্ষাদনীক্ষীরবৃক্ষবিম্বীতনিকবৃক্ষকাঃ| রোধ্রঃ শণঃ কর্বুদারঃ সশেলুর্বৃষমূষিকা|| ভল্লাতকঃ কোবিদারঃ কমলোত্পলকিংশুকম্| পটোলাদিগুণং স্বাদু কষাযং পিত্তজিত্পরম্|| বাতপিত্তহরা ভণ্ডী পর্বিণী পর্বপুষ্পিকা| লঘুরুষ্ণা সরা তিক্তাসোরুবূকা চ লাঙ্গলী| বাতলৌ কটুতিক্তাম্লভেদিনৌ তিলবেতসৌ| বিশ্বরাস্নাবলাশাকং বাতঘ্নমতিসারনুত্|| বাতং বত্সাদনী হন্যাত্কফং কণ্ডীরচিত্রকৌ|" ইতি| মুনিনা চান্যেঽপ্যুক্তাঃ (চ.সূ.অ.২৭|১০২)-"ন্যগ্রোধোদুম্বরাশ্বত্থপ্লক্ষপদ্মাদিপল্লবাঃ| কষাযাঃ স্তম্ভনাঃ শীতা হিতাঃ পিত্তাতিসারিণাম্||" ইতি| তথা, সুশ্রুতে গদিতম্ (সূ.অ.৪৬|২৮২)-"করীরকুসুমং জ্ঞেযং কফপিত্তহরং লঘু| আগস্ত্যং নাতিশীতোষ্ণং নক্তান্ধানাং প্রশস্যতে|| চাতুর্থকজ্বরহরং নস্যযোগেন শীলিতম্| রাজবৃক্ষস্য নিম্বস্য শিগ্রোঃ সিংহমুখস্য চ|| কফপিত্তহরং পুষ্পং কুষ্ঠঘ্নং কুটজস্য চ| শ্রেযসী তিলপর্ণী চ বিল্বপত্রং চ বাতনুত্||" ইতি|

আযুর্বেদরসাযনম্ ব্যাখ্যা ( কৃত)

আ০ র০-কোশাতকাবল্গুজকযোর্গুণানাহ-কোশাতকেতি|

Adhikarana তণ্ডুলীযগুণাঃ (৮৩) · Śloka ৮৩

তণ্ডুলীযো হিমো রূক্ষঃ স্বাদুপাকরসো লঘুঃ| মদপিত্তবিষাস্রঘ্নঃ|৮৩|

View original

तण्डुलीयो हिमो रूक्षः स्वादुपाकरसो लघुः| मदपित्तविषास्रघ्नः|८३|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তণ্ডুলীযো-মণ্ডীরকাখ্যঃ, শীতবীর্যো রূক্ষঃ স্বাদুপাকরসো লঘুর্মদাদিনাশনশ্চ|

আযুর্বেদরসাযনম্ ব্যাখ্যা ( কৃত)

আ০ র০-তণ্ডুলীযগুণানাহ-তণ্ডুলীয ইতি| তণ্ডুলীযঃ-অল্পমারিষঃ|

Adhikarana মুঞ্জাতগুণাঃ (৮৩-৮৪) · Śloka ৮৪

মুঞ্জাতং বাতপিত্তজিত্||৮৩|| স্নিগ্ধং শীতং গুরু স্বাদু বৃংহণং শুক্রকৃত্পরম্| |৮৪|

View original

मुञ्जातं वातपित्तजित्||८३|| स्निग्धं शीतं गुरु स्वादु बृंहणं शुक्रकृत्परम्| |८४|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-মুঞ্জাতং বাতপিত্তহৃত্ স্নিগ্ধাদিগুণযুতমতিশুক্রকৃচ্চ|

আযুর্বেদরসাযনম্ ব্যাখ্যা ( কৃত)

আ০ র০-মুঞ্জাতগুণানাহ-মুঞ্জাতমিতি| মুঞ্জাতং-কন্দবিশেষঃ, কাশমীরে প্রসিদ্ধঃ|

Adhikarana পালঙ্ক্যাগুণাঃ (৮৪) · Śloka ৮৪

| গুর্বী সরা তু পালঙ্ক্যা|৮৪|

View original

| गुर्वी सरा तु पालङ्क्या|८४|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

আ০ র০-পালঙ্ক্যাগুণানাহ-গুর্বীতি| ঈষল্লোহিতচীরিতপত্রা বাস্তুকসদৃশা-পালঙ্ক্যা| "বাস্তুকেন সমা জ্ঞেযা ঈষল্লোহিতপত্রিকা| তথা চীরিতপত্রা চ পালঙ্ক্যা সা প্রকীর্তিতা||" ননু, "চিল্লী বাস্তুকবত্ জ্ঞেযা পালঙ্ক্যা তণ্ডুলীযবত্| বাতকৃদ্বদ্ধবিণ্মূত্রা রূক্ষা পিত্তকফে হিতা||' ইতি সুশ্রুতেন (সূ.অ. ৪৬/২৬১) বদ্ধবিণ্মূত্রোক্তা, ইহ তু সরেতি বিরোধঃ| মৈবম্| আমা বদ্ধবিণ্মূত্রা, পক্বা তু সরেতি বিষযভেদাত্| যদাহ চরকঃ-"সর্বাণি সূপ্যকানি" ইত্যাদৌ পালঙ্ক্যাং পঠিত্বা, (চ. সূ. অ. ২৭/৯৯)-"শাকং গুরু চ রূক্ষং চ প্রাযো বিষ্টভ্য জীর্যতি| মধুরং শীতবীর্যং চ পুরীষস্য চ ভেদনম্||" ইতি| সুশ্রুতোক্তং চ পিত্তকফহিতত্বং পিত্তাবৃতকফবিষযমিতি| "পালঙ্ক্যা পিচ্ছিলা গুর্বী শ্লেষ্মলা ভেদিনী হিমা||" ইতি সঙ্গ্রহে (সূ. অ. ৭) শ্লেষ্মলত্ববচনাত্|

Adhikarana উপোদকাগুণাঃ (৮৪) · Śloka ৮৪

| মদঘ্নী চাপ্যুপোদকা||৮৪||

View original

| मदघ्नी चाप्युपोदका||८४||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-উপোদকা মদনাশিনী| অপিশব্দাত্ গুর্বী সরা চ| উপোদকা-মযালী, খণ্ডপালঙ্ক্যেতি প্রথিতা|

আযুর্বেদরসাযনম্ ব্যাখ্যা ( কৃত)

আ০ র০-উপোদকাগুণানাহ-মদঘ্নীতি| উপোদকা-পোতকী| চকারাত্ পূর্ববত্| উক্তং চ সঙ্গ্রহে (সূ.অ.৭)-"মদঘ্ন্যুপোদকা চঞ্চুর্গ্রাহী তৌ পূর্ববত্তথা||" ইতি|

Adhikarana চঞ্চুগুণাঃ (৮৫) · Śloka ৮৫

পালঙ্ক্যাবত্স্মৃতশ্চঞ্চুঃ স তু সঙ্গ্রহণাত্মকঃ| |৮৫|

View original

पालङ्क्यावत्स्मृतश्चञ्चुः स तु सङ्ग्रहणात्मकः| |८५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-চঞ্চুঃ পালঙ্ক্যাসদৃশো গুণৈঃ স্মৃতঃ| স পুনশ্চঞ্চুঃ সঙ্গ্রহণাত্মকো-ন ভেদী|

আযুর্বেদরসাযনম্ ব্যাখ্যা ( কৃত)

আ০ র০-চঞ্চুগুণানাহ-পালঙ্ক্যাবদিতি| গুরুরিতি সিদ্ধে পালঙ্ক্যাবদ্বচনমুক্তানুক্তপালঙ্ক্যাগুণপ্রাস্যর্থম্| ননু, "লঘুঃ পাকে তু জন্তুঘ্নঃ পিচ্ছিলো ব্রণিনাং হিতঃ| কষাযমধুরো গ্রাহী চঞ্চুস্তেষাং ত্রিদোষহা||' ইতি সুশ্রুতেন (সূ.অ. ৪৬/২৫১) লঘুত্বং ত্রিদোষহরত্বং চোক্তম্| ইহ তু গুরুত্বং শ্লেষ্মলত্বং চেতি বিরোধঃ| মৈবম্| ত্রিদোষহরত্বলঘুত্বে এব গ্রাহ্যে, আতিদেশিকস্যৌপদেশিকেন বাধাত্| অত এবোক্তং খারণাদিনা-"চঞ্চুর্মর্মরিকা পাঠা বেত্রাগ্রং সুনিষণ্ণকম্| শঠী শাকং চ সঙ্গ্রাহী দোষত্রযহিতং লঘু||" ইত্যাদি|

Adhikarana বিদারীগুণাঃ (৮৫-৮৬) · Śloka ৮৬

| বিদারী বাতপিত্তঘ্নী মূত্রলা স্বাদুশীতলা||৮৫|| জীবনী বৃংহণী কণ্ঠ্যা গুর্বী বৃষ্যা রসাযনম্| |৮৬|

View original

| विदारी वातपित्तघ्नी मूत्रला स्वादुशीतला||८५|| जीवनी बृंहणी कण्ठ्या गुर्वी वृष्या रसायनम्| |८६|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বিদারী-শৃগালিকা, বাতপিত্তহরা মূত্রলাদিগুণযুক্তা রসাযনং চ| কন্দস্যৈবাযং গুণনির্দেশো বোধ্যঃ| তথা চ মুনিঃ (চ.সূ.অ.২৭|১১৭)-"জীবনো বৃংহণো বৃষ্যো বল্যঃ শস্তো রসাযনম্| বিদারিকন্দঃ কণ্ঠ্যশ্চ মূত্রলঃ স্বাদুশীতলঃ||" ইতি|

আযুর্বেদরসাযনম্ ব্যাখ্যা ( কৃত)

আ০ র০-বিদারীগুণানাহ-বিদারীতি| বিদারী-ভূকুষ্মাণ্ডী, তস্যাঃ কন্দোঽত্র গ্রাহ্যঃ| উক্তং চ (চরকেণ সূ. অ. ২৭/১১৭)- "বিদারিকন্দো বল্যশ্চ মূত্রলঃ স্বাদুশীতলঃ|" ইতি|

Adhikarana জীবন্তীগুণাঃ (৮৬) · Śloka ৮৬

| চক্ষুষ্যা সর্বদোষঘ্নী জীবন্তী মধুরা হিমা||৮৬||

View original

| चक्षुष्या सर्वदोषघ्नी जीवन्ती मधुरा हिमा||८६||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-জীবন্তী চক্ষুষ্যাদিগুণযুক্তা| যা মধুড়্রা সা শীতবীর্যা চ| যা ত্বমধুরা সা এভির্গুণৈঃ কিঞ্চিদূনা| তথা চোক্তং সঙ্গ্রহে (সূ.অ.৭)-"চক্ষুষ্যা সর্বদোষঘ্নী জীবন্তী মধুরা হিমা| শাকানাং প্রবরা, ন্যূনা দ্বিতীযা কিঞ্চিদেব তু||" ইতি| মুনিনা তু জীবন্ত্যাঃ শতাবর্যাদ্যাশ্চ বাতপিত্তহরত্বমগাদি| তত্পাঠো হি (চ,সূ.অ.২৭|১০৪)-"ভণ্ডীশতাবরীশাকং বলাজীবন্তিজং চ যত্| পর্বণ্যাঃ পর্বপুষ্প্যাশ্চ বাতপিত্তহরং মতম্||" ইতি|

আযুর্বেদরসাযনম্ ব্যাখ্যা ( কৃত)

আ০ র০-জীবন্তীগুণানাহ-চক্ষুষ্যেতি| জীবন্তী-স্বর্ণবর্ণমূলনালাদিকা| সঙ্গ্রহে তু (সূ. অ. ৭)- "শাকানাং প্রবরা, ন্যূনা দ্বিতীযা কিঞ্চিদেব তু|" ইতি|

Adhikarana কূষ্মাণ্ডাদিগুণাঃ (৮৭-৮৮) · Śloka ৮৮

কূষ্মাণ্ডতুম্বকালিঙ্গকর্কার্বের্বারুতিণ্ডিশম্| তথা ত্রপুসচীনাকচির্ভটং কফবাতকৃত্||৮৭|| ভেদি বিষ্টম্ভ্যভিষ্যন্দি স্বাদুপাকরসং গুরু| |৮৮|

View original

कूष्माण्डतुम्बकालिङ्गकर्कार्वेर्वारुतिण्डिशम्| तथा त्रपुसचीनाकचिर्भटं कफवातकृत्||८७|| भेदि विष्टम्भ्यभिष्यन्दि स्वादुपाकरसं गुरु| |८८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কূষ্মাণ্ডাদিকং কফবাতকৃত্ ভেদি বিষ্টম্ভ্যভিষ্যন্দি স্বাদুপাকরসং গুরু চ|

আযুর্বেদরসাযনম্ ব্যাখ্যা ( কৃত)

আ০ র০-কুষ্মাণ্ডাদিগুণানাহ-কূষ্মাণ্ডেতি| কূষ্মাণ্ডংপুষ্পফলম্| তুম্বং-অলাবুঃ| কালিঙ্গং-কলিঙ্গডম্| কর্কারুঃ-খর্বুজঃ| এর্বারুঃ-কর্কটী| তিণ্ডিশং-ছাটকম্| ত্রপুসং-বালুকম্| চীনাকং-বীণকম্| চির্ভটং-ডঙ্গরম্| ভেদি-মলানাম্| বিষ্টম্ভি-বাযোঃ| গুরুত্বে চ ক্রম উক্তঃ খারণাদিনা-"ত্রপুসৈর্বারুকর্কারুকূষ্মাণ্ডালাবুচির্ভাটঃ| মধুরা রূক্ষণাঃ শীতা গৌরবং তূত্তরোত্তরম্||' ইতি|

Adhikarana কূষ্মাণ্ডগুণাঃ (৮৮-৮৯) · Śloka ৮৯

অত্র বিষেশমাহ | বল্লীফলানাং প্রবরং কূষ্মাণ্ডং বাতপিত্তজিত্||৮৮|| বস্তিশুদ্ধিকরং বৃষ্যম্| |৮৯|

View original

अत्र विषेशमाह | वल्लीफलानां प्रवरं कूष्माण्डं वातपित्तजित्||८८|| बस्तिशुद्धिकरं वृष्यम्| |८९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বল্লীফলানাং মধ্যে কূষ্মাণ্ডং-পুষ্পফলসংজ্ঞ বরম্| তথা, বাতপিত্তহরং বস্তিশুদ্ধিকরং বৃষ্যং চ|

আযুর্বেদরসাযনম্ ব্যাখ্যা ( কৃত)

আ০ র০- অত্র কেষাংচিদ্বিশেষঃ| তত্র কূষ্মাণ্ডগুণানাহবল্লীফলানামিতি|

Adhikarana ত্রপুসগুণাঃ (৮৯) · Śloka ৮৯

ত্রপুসং ত্বতিমূত্রলম্| |৮৯|

View original

त्रपुसं त्वतिमूत्रलम्| |८९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ত্রপুসং পুনরতিশযেন মূত্রলম্|

আযুর্বেদরসাযনম্ ব্যাখ্যা ( কৃত)

আ০ র০-ত্রপুসগুণমাহ-ত্রপুসমিতি| অতিগ্রহণাত্ কূষ্মাণ্ডাদীনামীষন্মূত্রলত্বম্|

Adhikarana তুম্বগুণাঃ কালিঙ্গাদীনাং গুণাঃ বালকূষ্মাণ্ডাদের্গুণাঃ পক্বকূষ্মাণ্ডাদের্গুণাঃ (৮৯-৯০) · Śloka ৯০

| তুম্বং রূক্ষতরং গ্রাহি কালিঙ্গৈর্বারুচির্ভটম্||৮৯|| বালং পিত্তহরং শীতং বিদ্যাত্পক্বমতোঽন্যথা| |৯০|

View original

| तुम्बं रूक्षतरं ग्राहि कालिङ्गैर्वारुचिर्भटम्||८९|| बालं पित्तहरं शीतं विद्यात्पक्वमतोऽन्यथा| |९०|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০- তুম্বং-অলাবুসংজ্ঞং রূক্ষতরম্| এর্বারুকাদ্যপি রূক্ষম্, তুম্বং ত্বতিশযেনেত্যর্থঃ| তথা, গ্রাহি| পূর্বাণি তু সামান্যগুণোক্ত্যা ভেদীন্যেব| চরকমুনিমতানুসারিণস্ত্বেবং ব্যাচক্ষতে,-তুম্বং রূক্ষতরম্, কালিঙ্গৈর্বারুচির্ভটং গ্রাহীতি| কালিঙ্গং- কর্চরম্| এর্বারুঃ-কর্কটিকা| চির্ভটং-ডঙ্গরম্, মালবেষু প্রসিদ্ধম্, অতিপ্রসিদ্ধং জালন্ধরাদিষু| এতচ্চ বালং-অসম্পূর্ণরসাদি, পিত্তহরং শীতবীর্যং চ| অতো-বালাদ্বিপরীতম্, পক্বং পিত্তকরমুষ্ণবীর্যং চেত্যর্থঃ| সুশ্রুতেনোক্তম্ (সূ.অ.৪৬|২১৮)-" নীলং যত্ত্রপুসং বালং বৃষ্যং পিত্তহরং মতম্| তত্পাণ্ডু কফকৃজ্জীর্ণমম্লং পিত্তকরং স্মৃতম্||" ইতি|

আযুর্বেদরসাযনম্ ব্যাখ্যা ( কৃত)

আ০ র০-তুম্বগুণানাহ-তুম্বং রূক্ষতরমিতি| তরগ্রহণাত্ কূষ্মাণ্ডাদীনামীষদ্রূক্ষত্বম্| কালিঙ্গাদীনাং গুণানাহ-গ্রাহি কালিঙ্গেতি| গ্রাহীতি কেচিত্তুম্বেন সম্বধ্নন্তি| তদসত্| "অলাবু ভেদনং তেষাং ত্রপুসং ত্বতিমূত্রলম্| এর্বার্রুকং সৃষ্টমূত্রং, গ্রাহি কর্কারুচির্ভটম্||" ইতি খারণাদিবচনাত্| বালকুষ্মাণ্ডাদের্গুণানাহ-বালমিতি| কেচিত্কালিঙ্গাদিবিষযত্বমেবাস্য বাক্যস্যাহুঃ| তদসত্| "পিত্তনুত্তেষু কূষ্মাণ্ডং বালম্" ইতি, "বালং সুনীলং ত্রপুসং তেষাং পিত্তহরং স্মৃতম্|" ইতি চ সুশ্রুতবচনাত্ (সূ.অ. ৪৬/২১৩)| পক্বস্য কূষ্মাণ্ডাদের্গুণানাহ-পক্বমিতি| অতোঽন্যথা-পিত্তকরমুষ্ণং চ| পক্বং-ঈষত্পম্ক্বম্, সম্যক্পক্বস্য বক্ষ্যমাণত্বাত্|

Adhikarana শীর্ণবৃন্তস্য কূষ্মাণ্ডাদের্গুণাঃ (৯০-৯১) · Śloka ৯১

| শীর্ণবৃন্তং তু সক্ষারং পিত্তলং কফবাতজিত্||৯০|| রোচনং দীপনং হৃদ্যমষ্ঠীলাঽনাহনুল্লঘু| |৯১|

View original

| शीर्णवृन्तं तु सक्षारं पित्तलं कफवातजित्||९०|| रोचनं दीपनं हृद्यमष्ठीलाऽनाहनुल्लघु| |९१|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-শীর্ণবৃন্তং-কর্চরম্, ঈষত্ক্ষারং পিত্তলং কফবাতঘ্নং চ| রুচিকরমগ্নিদীপ্তিকৃত্ হৃদ্যম্, অষ্ঠীলামানাহং চ হন্তি, লঘু চ|| "ঘনোঽষ্ঠীলোপমো গ্রন্থিরষ্টীলোর্ধ্বং সমুন্নতঃ|" ইতি (হৃ. নি. হ. ১১|৬০) অষ্ঠীলালক্ষণম্| সাটোপমত্যুগ্ররুজমাধ্মানমুদরে ভৃশম্| ঊর্ধ্বাধোবাতরোধেন তমানাহং প্রচক্ষতে " ইতি (হৃ. নি. অ. ১১|৫৯) আনাহলক্ষম্|

আযুর্বেদরসাযনম্ ব্যাখ্যা ( কৃত)

আ০ র০-শীর্ণবৃন্তস্য কূষ্মাণ্ডাদের্গুণানাহ-শীর্ণবৃন্তমিতি| অষ্ঠীলানাহৌ-গুল্মনিদানে বক্ষ্যেতে| পিত্তলত্বং-কূষ্মাণ্ডং বিনা, "শুক্লং লঘূষ্ণং সক্ষারং দীপনং বস্তিশোধনম্| সর্বদোষহরং হৃদ্যং পথ্যং চেতোবিকারিণাম্||" ইতি (সূ.অ.৪৬/২১৩) সুশ্রুতবচনাত্| শীর্ণবৃন্তশব্দেন সম্যক্পক্বং লক্ষ্যতে| সম্যক্পক্বস্য হি বৃন্তং শীর্যতে|

Adhikarana মৃণালাদিগুণাঃ (৯১-৯২) · Śloka ৯২

| মৃণালবিসশালূককুমুদোত্পলকন্দকম্||৯১|| নন্দীমাষককেলূটশৃঙ্গাটককসেরুকম্| ক্রৌঞ্চাদনং কলোড্যং চ রূক্ষং গ্রাহি হিমং গুরু||৯২||

View original

| मृणालबिसशालूककुमुदोत्पलकन्दकम्||९१|| नन्दीमाषककेलूटशृङ्गाटककसेरुकम्| क्रौञ्चादनं कलोड्यं च रूक्षं ग्राहि हिमं गुरु||९२||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

Adhikarana কলম্বাদিগুণাঃ (৯৩-৯৬) · Śloka ৯৬

কলম্বনালিকামার্ষকুটিঞ্জরকুতুম্বকম্| চিল্লীলট্বাকলোণীকাকুরূটকগবেধুকম্||৯৩|| জীবন্তঝুঞ্ঝ্বেডগজযবশাকসুবর্চলাঃ| আলুকানি চ সর্বাণি তথা সূপ্যানি লক্ষ্মণম্||৯৪|| স্বাদু রূক্ষং সলবণং বাতশ্লেষ্মকরং গুরু| শীতলং সৃষ্টবিণ্মূত্রং প্রাযো বিষ্টভ্য জীর্যতি||৯৫|| স্বিন্নং নিষ্পীডিতরসং স্নেহাঢ্যং নাতিদোষলম্| |৯৬|

View original

कलम्बनालिकामार्षकुटिञ्जरकुतुम्बकम्| चिल्लीलट्वाकलोणीकाकुरूटकगवेधुकम्||९३|| जीवन्तझुञ्झ्वेडगजयवशाकसुवर्चलाः| आलुकानि च सर्वाणि तथा सूप्यानि लक्ष्मणम्||९४|| स्वादु रूक्षं सलवणं वातश्लेष्मकरं गुरु| शीतलं सृष्टविण्मूत्रं प्रायो विष्टभ्य जीर्यति||९५|| स्विन्नं निष्पीडितरसं स्नेहाढ्यं नातिदोषलम्| |९६|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কলম্বাদিকং মধুরং রূক্ষং কিঞ্চিল্লবণং বাতশ্লেষ্মকরং গুরু চ| শীতবির্যং সৃষ্টমূত্রপুরীষং চ| মূত্রপুরীষে সৃজতি-বহিঃ ক্ষিপতি| বিষ্টভ্য-উদরপ্রদেশে পিণ্ডীভূয, জীর্যতি-পরিণমতি| প্রাযোগ্রহণং কিঞ্চিদেষাং মধ্যে নৈবংস্বরূপমিতি জ্ঞাপনার্থম্| কলম্বং-কদম্বঃ| নালিকা-দীর্ঘনালরূপা কলম্বুসংজ্ঞা| মার্ষো-গন্ধারিকা| কুটিঞ্জরং-তাম্রমূলকম্| কুতুম্বকো-দ্রোণপুষ্পী| চিল্লী-পৃথুপত্রং যবশাকং কুনামসংজ্ঞম্| লট্বাকো-গুগ্গুলুশাকম্| লোণীকা-লোণারঃ| কুরুটকঃ-স্থিতিবারকঃ| গবেধুকং-তৃণধান্যবিশেষঃ| জীবন্তো-বৃহদ্গান্ধারম্| ঝুঞ্ঝুঃ-ঝুঞ্ঝুরুকঃ| এডগজঃ-প্রপুন্নাটঃ| যবশাকং-হ্নস্বপত্রা চিল্লী| সুবর্চলা-রবিভক্তা| আলুকানি চ সর্বাণি-নানাবিধানি রক্তালুকমধুকালুকাদিভেদেন| সূপ্যানি-মুদ্গরাজমাষাদিপত্রাণী| লক্ষ্মণং-মধুযষ্টিকা| এতচ্চ সর্বং স্বিন্নং নিষ্পীডিতরসমতিবহুস্নেহং চ নাত্যপথ্যম্| সুশ্রুতে(?)চোক্তম্-"সংস্কৃতং বেসবারেণ সস্নেহং শাকমিষ্যতে| রাজিকাসক্তুভক্তাদিসংস্কারং চানুবর্ততে||" ইতি|

আযুর্বেদরসাযনম্ ব্যাখ্যা ( কৃত)

আ০ র০-কলম্বাদিগুণানাহ-কলম্বনালিকেতি| কলম্বো-নাড্যাকারঃ সূক্ষ্মসুষিরো বহুতোযজঃ| নালিকা-তস্মাদল্পা শ্লক্ষ্ণা মার্পঃ-মণ্টকঃ| কুটিঞ্জরঃ-প্রসিদ্ধঃ| কুতুম্বকো-দ্রোণপুষ্পী| চিল্লী-প্রসিদ্ধা| লট্বাকং-গুগ্গুলুশাকম্| লোণীকা-ঘোলিকা| কুরূটকঃ-শিতিবারকঃ| গবেধুকা-কসিকা| জীবন্তো-রক্তনালো মার্ষঃ| ঝুঞ্ঝুঃ-ঝুঞ্ঝুরূকঃ| এডগজঃ-প্রপুন্নাটঃ| যবশাকং-চিল্লীসদৃশং লঘুপত্রম্| সুবর্চলা-রবিভক্তা| সর্বাণ্যালুকানি-পিণ্ডালুকমধ্বালুকহস্ত্যালুকাদীনি| সূপ্যানি-মুদ্গাদীনাম্ শিম্ব্যঃ পত্রাণি চ| লক্ষ্মণা _ রক্তবিন্দুচ্ছদা, তস্যা ইদং লাক্ষ্মণম্| লক্ষ্মণং-যষ্টীমধু, তস্যেদং লাক্ষ্মণমিত্যেকে| প্রাযোগ্রহণং প্রপুন্নাটাদিষু ব্যভিচারার্থম্| যদাহ সুশ্রুতঃ (সূ.অ. ৪৬/২৭১)-"কফাপহং শাকমুক্তং বরুণপ্রপুনাটযোঃ| রূক্ষং লঘু চ শীতং চ বাতপিত্তপ্রকোপণম্||" ইতি| বিষ্টব্য জীর্যতি-পচ্যমানং বিষ্টম্ভং করোতীত্যর্থঃ| অত এব পক্বং সত্ সৃষ্টবিণ্মূত্রম্| সঙ্গ্রহে তু (সূ. অ. ৭)- চিল্লীনিষ্পাবলট্বাককুরূটকগবেধুকাঃ| যাতুকা শালকল্যাণী ত্রিপর্ণী পীলুপর্ণিকা|| কুমারজীবলোণীকাযবশাকসুবর্চলাঃ| কুকুণ্ডনলিনীঝুঞ্ঝুমৃগধূমকলাক্ষ্মণম্|| আলুকানি চ সর্বাণি তথা সূপ্যানি রালকঃ| জীবন্তকশ্চঞ্চুপর্ণী প্রপুন্নাটঃ কুঠেরকম্||' ইতি| কলম্বাদীনাং সংস্কারাদিবশাদ্বিশেষমাহ-স্বিন্নং নিষ্পীডিতরসমিতি| পূর্বং স্বিন্নম্, ততো নিষ্পীডিতরসম্, ততো বহুনা স্নেহেন সাধিতম্, ন তু স্নেহাক্তম্, নাতিদোষলমিতি| অতিদোষলগ্রহণাত্ কলম্বাদীনাং কিঞ্চিত্পিত্তকরত্বমপি জ্ঞেযম্| বাতশ্লেষ্মকরত্বোক্তিস্ত্বতিশযার্থা| উক্তং চ সুশ্রুতেন (সূ. অ.৪৬/২৭৫)- "স্বাদুপাকরসাঃ শীতাঃ শ্লেষ্মলা নাতিপিত্তলাঃ| লবণানুরসা রূক্ষাঃ সক্ষারা বাতলাঃ সরাঃ||' ইতি|

Adhikarana লঘুপত্রাচিল্লীগুণাঃ (৯৬) · Śloka ৯৬

| লঘুপত্রা তু যা চিল্লী সা বাস্তুকসমা মতা||৯৬||

View original

| लघुपत्रा तु या चिल्ली सा वास्तुकसमा मता||९६||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-লঘুপত্রা যা চিল্লী-যবশাকবিশেষঃ, সা তু বাস্তুকসমা গুণৈর্মতা|

আযুর্বেদরসাযনম্ ব্যাখ্যা ( কৃত)

আ০ র০-চিল্লীবিশেষস্য গুণানাহ-লঘুপত্রেতি|

Adhikarana তর্কারীবরূণযোর্গুণাঃ (৯৭) · Śloka ৯৭

তর্কারীবরুণং স্বাদু সতিক্তং কফবাতজিত্| |৯৭|

View original

तर्कारीवरुणं स्वादु सतिक्तं कफवातजित्| |९७|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তর্কারী-অরণিকা, বরুণঃ-তমালঃ, সমাহারেণ তযোর্দ্বন্দ্বঃ| এতত্স্বাদু কিঞ্চিত্তিক্তং কফবাতঘ্নং চ|

আযুর্বেদরসাযনম্ ব্যাখ্যা ( কৃত)

আ০ র০-তর্কারীবরুণযোর্গুণানাহ-তর্কারীতি| তর্কারী অগ্নিমন্থঃ| বরুণঃ-সেতুবৃক্ষঃ| যত্তু সুশ্রুতেন বরুণস্য বাতপিত্তপ্রকোপণত্বমুক্তম্, তত্সংসৃষ্টবিষযম্|

Adhikarana পুনর্নবাদিগুণাঃ (৯৭-৯৮) · Śloka ৯৮

| বর্ষাভ্বৌ কালশাকং চ সক্ষারং কটুতিক্তকম্||৯৭|| দীপনং ভেদনং হন্তি গরশোফকফানিলান্| |৯৮|

View original

| वर्षाभ्वौ कालशाकं च सक्षारं कटुतिक्तकम्||९७|| दीपनं भेदनं हन्ति गरशोफकफानिलान्| |९८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বর্ষাভ্বৌ-পুনর্নবে, তথা কালশাকং, কিঞ্চিত্ক্ষারং রসে চ কটুতিক্তং বহ্নিদীপনং ভেদনং গরাদীংশ্চ হরতি| কঠিল্লোঽপি বর্ষাভূঃ স চ প্রাগুক্তগুণঃ| তথা চ নিঘণ্টুঃ (ধন্বন্তরীযঃ বর্গঃ ১|২৭৪)-"পুনর্নবা বিশাখশ্চ কঠিল্লঃ শশিবাটিকা| বৃশ্চীরঃ ক্ষুদ্রবর্ষাভূর্দীর্ঘপত্রঃ কঠিল্লকঃ|| পুনর্নবোঽপরঃ ক্রূরঃ সদ্যো মণ্ডলপত্রকঃ| শ্বেতমূলো বর্ষকেতুর্মহাবর্ষাভুরুচ্যতে||" ইতি|

আযুর্বেদরসাযনম্ ব্যাখ্যা ( কৃত)

আ০ র০-বর্ষাভূদ্বযস্য কালশাকস্য চ গুণানাহ-বর্ষাভ্বাবিতি| বর্ষাভ্বৌ-হৃস্বমহত্যৌ রক্তশ্বেতপুনর্নবে| কালশাকং-কালিকাশাকম্| অনিলঘ্নত্বং তু কালশাকং বিনা, তস্য বাতলত্বাত্| যদাহ খারণাদিঃ-"কালশাকং সকারঞ্জং কটুকং বাতকোপনম্| দীপনীযং প্রশস্তং চ বিষশোফোদরার্শসাম্||" ইতি| চরকোঽপি (সূ. অ. ২৭/৮৮)- "লঘূষ্ণং বাতলং রূক্ষং কালাখ্যং শাকমুচ্যতে|" ইতি| অত এব মাধবকারো বর্ষাভূভ্যাং পৃথগাহ-"কালশাকং গরশ্লেষ্মশোফঘ্নং দীপনং লঘু|" ইতি, "বর্ষাম্ব্বৌ কফবাতঘ্নৌ হিতৌ শোফোদরার্শসাম্|" ইতি চ|

Adhikarana চিরিবিল্বাঙ্কুরগুণাঃ (৯৮) · Śloka ৯৮

| দীপনাঃ কফবাতঘ্নাশ্চিরিবিল্বাঙ্কুরাঃ সরাঃ||৯৮||

View original

| दीपनाः कफवातघ्नाश्चिरिबिल्वाङ्कुराः सराः||९८||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-চিরিবিল্বঃ-পূতিকরঞ্জঃ, তস্যাঙ্কুরা বহ্নিদীপনাঃ কফবাতঘ্নাঃ সরাশ্চ|

আযুর্বেদরসাযনম্ ব্যাখ্যা ( কৃত)

আ০ র০-চিরিবিল্বাঙ্কুরগুণানাহ-দীপনা ইতি| চিরিবিল্বঃ-করঞ্জঃ|

Adhikarana শতাবর্যঙ্কুরগুণাঃ (৯৯) · Śloka ৯৯

শতাবর্যঙ্কুরাস্তিক্তা বৃষ্যা দোষত্রযাপহাঃ| |৯৯|

View original

शतावर्यङ्कुरास्तिक्ता वृष्या दोषत्रयापहाः| |९९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-শতাবর্যা অঙ্কুরাঃ-প্ররোহাঃ, তিক্তরসা বৃষ্যাঃ শুক্রকৃতস্ত্রিদোষঘ্নাশ্চ|

আযুর্বেদরসাযনম্ ব্যাখ্যা ( কৃত)

আ০ র০-শতাবর্যঙ্কুরগুণানাহ-শতাবর্যঙ্কুরা ইতি|

Adhikarana বংশাঙ্কুরগুণাঃ (৯৯) · Śloka ৯৯

| রূক্ষো বংশকরীরস্তু বিদাহী বাতপিত্তলঃ||৯৯||

View original

| रूक्षो वंशकरीरस्तु विदाही वातपित्तलः||९९||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বংশকরীরো-বংশাঙ্কুরো, রূক্ষো বিদাহী বাতপিত্তকৃত্|

আযুর্বেদরসাযনম্ ব্যাখ্যা ( কৃত)

আ০ র০-বংশাঙ্কুরগুণানাহ-রূক্ষ ইতি| বংশো-বেণুঃ, তস্য করীরঃ-অঙ্কুরঃ| ননু, দোষল ইত্যুচ্যতাম্, সুশ্রুতেন কফকরত্বস্যোক্তত্বাত্-"বেণোঃ করীরাঃ কফলা মধুরা রসপাকতঃ| বিদাহিনো বাতকরাঃ সকষাযা বিরূক্ষণাঃ||" ইতি| মৈবম্| অনার্ষোঽযং পাঠঃ, জৈজ্জটোপেক্ষিতত্বাত্| আর্ষস্তু-"বেণোহ্ করীরাঃ শ্লেষ্মঘ্নাঃ" ইত্যাদি| উক্তং হি সঙ্গ্রহে (সূ. অ. ৭)- "বংশকরীরাস্তু বিদাহিনঃ| বাতপিত্তকরা রূক্ষাঃ কটুপাকাঃ কফাপহাঃ||" ইতি| মাধবকারেণাপ্যুক্তম্-"বাতপিত্তকরা রূক্ষাঃ কটুকা রসপাকতঃ| বেণোঃ করীরাঃ শ্লেষ্মঘ্নাঃ সকষাযা বিদাহিনঃ|| ইতি| যত্তুকন্দবর্গে সৌশ্রুতীযাঃ পঠন্তি (সূ.অ. ৪৬/৩০৫)-"বেণোঃ করীরা গুরবঃ কফমারুতকোপনাঃ|" ইতি| তদপ্যনার্ষম্, পুনরুক্তত্বাত্| বংশমূলাঙ্কুরবিষযং বা|

Adhikarana পত্তূরগুণাঃ (১০০) · Śloka ১০০

পত্তূরো দীপনস্তিক্তঃ প্লীহার্শঃকফবাতজিত্| |১০০|

View original

पत्तूरो दीपनस्तिक्तः प्लीहार्शःकफवातजित्| |१००|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-পত্তুরো দীপনস্তিক্তরসঃ প্লীহাদিজিত্| পত্তূরো-মত্স্যাক্ষকঃ|

আযুর্বেদরসাযনম্ ব্যাখ্যা ( কৃত)

আ০ র০-পত্তূরগুণানাহ-পত্তূর ইতি| পত্তূরো-লোহমারঃ|

Adhikarana কাসমর্দগুণাঃ (১০০) · Śloka ১০০

| কৃমিকাসকফোত্ক্লেদান্ কাসমর্দো জযেত্সরঃ||১০০||

View original

| कृमिकासकफोत्क्लेदान् कासमर्दो जयेत्सरः||१००||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কাসমর্দঃ সরঃ কৃম্যাদীংশ্চ নাশযতি| উত্ক্লেদঃস্রোতসাং মালিন্যেনার্দ্রত্বম্|

আযুর্বেদরসাযনম্ ব্যাখ্যা ( কৃত)

আ০ র০-কাসমর্দগুণানাহ-কৃমীতি| উত্ক্লেদঃ-ক্লেদাধিক্যম্|

Adhikarana কুসুম্ভশাকগুণাঃ (১০১) · Śloka ১০১

রূক্ষোষ্ণমম্লং কৌসুম্ভং গুরু পিত্তকরং সরম্| |১০১|

View original

रूक्षोष्णमम्लं कौसुम्भं गुरु पित्तकरं सरम्| |१०१|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কুসুম্ভশাকং রূক্ষমুষ্ণবীর্যমম্লং গুরু পিত্তকৃত্সরং চ|

আযুর্বেদরসাযনম্ ব্যাখ্যা ( কৃত)

আ০ র০-কৌসুম্ভগুণানাহ-রূক্ষোষ্ণমিতি| কৌসুম্ভংকুসুম্ভশাকম্|

Adhikarana সার্ষপশাকগুণাঃ (১০১) · Śloka ১০১

| গুরূষ্ণং সার্ষপং বদ্ধবিণ্মূত্রং সর্বদোষকৃত্||১০১||

View original

| गुरूष्णं सार्षपं बद्धविण्मूत्रं सर्वदोषकृत्||१०१||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

আ০ র০-সার্ষপগুণানাহ-গুরুষ্ণমিতি| সার্ষপং-সর্ষপশাকম্| সঙ্গ্রহে তু (সূ. অ.৭)-"সক্ষারমধুরং স্নিগ্ধমুষ্ণং গুরু চ সার্ষপম্| শাকানামবরং বদ্ধবিণ্মূত্রং সর্বদোষকৃত্||' ইতি|

Adhikarana বালমূলকগুণাঃ (১০২-১০৩) · Śloka ১০৩

যদ্বালমব্যক্তরসং কিঞ্চিত্ক্ষারং সতিক্তকম্| তন্মূলকং দোষহরং লঘু সোষ্ণং নিযচ্ছতি||১০২|| গুল্মকাসক্ষযশ্বাসব্রণনেত্রগলামযান্| স্বরাগ্নিসাদোদাবর্তপীনসাংশ্চ|১০৩|

View original

यद्बालमव्यक्तरसं किञ्चित्क्षारं सतिक्तकम्| तन्मूलकं दोषहरं लघु सोष्णं नियच्छति||१०२|| गुल्मकासक्षयश्वासव्रणनेत्रगलामयान्| स्वराग्निसादोदावर्तपीनसांश्च|१०३|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-যন্মূলকং বালং, অব্যক্তরসং-অস্ফুটাস্বাদম্, তথা কিঞ্চিত্ক্ষারং-ঈষত্ক্ষারগুণযুক্তং কার্যতোঽনুমীযমানম্, তথা সতিক্তং-ঈষত্তিক্তকং রসনেন্দ্রিযস্য কিঞ্চিদুদ্বেজকম্, তন্মূলকং দোষাণাং হরং-দোষহরম্, নান্যাবস্থম্| বালং মূলকং দোষহরমিত্যনেনাস্য বিশিষ্টা বালাবস্থা দোষহরত্বেন নিযম্যতে| ন সর্বং বালাবস্থং দোষহরম্, অপি ত্বীদৃগ্রূপমিত্যর্থঃ| অন্যে তু দোষযোর্হরং-দোষহরম্, ইত্যত্র সমাসং কৃত্বা |বাতশ্লেষ্মঘ্নত্বমেবাস্য প্রতিজানতে| যতঃ কিঞ্চিদুষ্ণবীর্যত্বাত্ পিত্তকরত্বমস্যাস্ত্যেব| কিঞ্চিত্তিক্তরসোপেতত্বেন পিত্তকর্তৃত্বমস্য ব্যাহর্তুং ন যুক্তম্| বক্ষ্যতি হি (হৃ.সূ.অ.৯|২৫)-"রসং বিপাকস্তৌ বীর্যং প্রভাবস্তান্যপোহতি|" ইতি| এবং চৈতন্মূলকং বাতশ্লেষ্মঘ্নমেব যুক্তম্, ন তু পিত্তহৃচ্চ, ইতি তেষামভিপ্রাযঃ| এতচ্চ মূলকং গুল্মাদীন্নিযচ্ছতি| পীনসাংশ্চেতি চশব্দঃ সমুচ্চযে| অন্যানপ্যেবংপ্রাযান্ রোগান্নিযচ্ছতীতি| সুশ্রুতস্তু (সূ.অ.৪৬|২৪০)-সর্বদোষহরা লঘ্বী কণ্ঠ্যা মূলকপোতিকা|" ইতি যদ্ভেদান্তরমূচে, তদপ্যত্রৈব বালমূলকলক্ষণেঽন্তর্ভূতমিতি তন্ত্রকৃতেহ পৃথঙ্নোক্তম্|

আযুর্বেদরসাযনম্ ব্যাখ্যা ( কৃত)

Adhikarana মহত্মূলকগুণাঃ (১০৩-১০৪) · Śloka ১০৪

মহত্পুনঃ||১০৩|| রসে পাকে চ কটুকমুষ্ণবীর্যং ত্রিদোষকৃত্| গুর্বভিষ্যন্দি চ|১০৪|

View original

महत्पुनः||१०३|| रसे पाके च कटुकमुष्णवीर्यं त्रिदोषकृत्| गुर्वभिष्यन्दि च|१०४|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অব্যক্তরসাদিলক্ষণাবস্থাং বিহায যাবদ্ব্যক্তরসাদ্যবস্থং তত্সম্পদ্যতে| ততোঽনন্তরং ক্রমেণ রসবিপাকযোঃ কটুকমুষ্ণবীর্যং তন্মূলকং মহত্-বৃদ্ধং ত্রিদোষকৃদ্ গুর্বভিষ্যন্দি চ ভবতি| বৃদ্ধস্য চ মূলকস্যানেকা অবস্থাঃ সম্ভবন্তি| তত্র চাস্যাদ্যাবস্থাযাং কিঞ্চিত্ত্রিদোষকৃত্ত্বম্, অন্ত্যাবস্থাযাং ত্বতিশযেন ত্রিদোষকৃত্ত্বং বেদ্যম্| সঙ্গ্রহে (সূ.অ.৭) ত্বস্য স্বাদুবিপাকিত্বমুক্তম্| তত্পাঠে-"মহত্পুনঃ| রূক্ষোষ্ণং কটুকং স্বাদু বিপাকে সর্বদোষকৃত্||" ইতি| তচ্চামবিষযম্|

আযুর্বেদরসাযনম্ ব্যাখ্যা ( কৃত)

আ০ র০-মহদ্গুণানাহ-মহত্পুনরিতি| মহত্-জরঠম্| সঙ্গ্রহে তু স্বাদুপাকমুক্তম্ (সূ.অ. ৭)-"মহত্পুনঃ| রূক্ষোষ্ণং কটুকং স্বাদু বিপাকে সর্বদোষকৃত্||" ইতি| তচ্চামবিষযম্| তথা চ খারণাদিঃ-"রূক্ষং বিদাহি তীক্ষ্ণোষ্ণং কটুকং স্বাদু পচ্যতে| উত্ক্লেদি স্তম্ভি গুর্বামং মূলকং ত্রিমলোল্বণম্||" ইতি| অগ্নিপক্বং তু কটুপাকমেব|

Adhikarana স্নিগ্ধসিদ্ধমূলকগুণাঃ (১০৪) · Śloka ১০৪

| স্নিগ্ধসিদ্ধং তদপি বাতজিত্||১০৪||

View original

| स्निग्धसिद्धं तदपि वातजित्||१०४||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অপিশব্দ এবার্থে| তদেব-মহন্মূলকং স্নিগ্ধস্বিন্নং বাতজিত্| স্নিগ্ধং চ তত্স্বিন্নং চ স্নিগ্ধস্বিন্নম্| ন ত্বস্নিগ্ধস্বিন্ন্মাত্রমিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-স্নিগ্ধসিদ্ধগুণানাহ-স্নিগ্ধসিদ্ধমিতি| স্নিগ্ধৈর্ঘৃতমাংসরসাদিভিঃ সাধিতং-স্নিগ্ধসিদ্ধম্| যদ্দোষলং মহদপি স্নিগ্ধসিদ্ধং বাতঘ্নম্| কিংপুনর্যদ্দোষঘ্নং বালম্ ? ইত্যপিশব্দার্থঃ|

Adhikarana শুষ্কমূলকগুণাঃ (১০৫) · Śloka ১০৫

বাতশ্লেষ্মহরং শুষ্কং সর্বম্| |১০৫|

View original

वातश्लेष्महरं शुष्कं सर्वम्| |१०५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-সর্বং-বালং বৃদ্ধং চ মূলকং, শুষ্কং সত্ বাতশ্লেষ্মহরম্|

আযুর্বেদরসাযনম্ ব্যাখ্যা ( কৃত)

আ০ র০-শুষ্কগুণানাহ-বাতশ্লেষ্মহরমিতি| তদপীত্যনুবর্ততে| পূর্ববদপিশব্দার্থঃ|

Adhikarana আমমূলকগুণাঃ (১০৫) · Śloka ১০৫

আমং তু দোষলম্| |১০৫|

View original

आमं तु दोषलम्| |१०५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-আমং পুনর্মূলকং হরিতকত্বেন যদ্ভক্ষ্যতে তদ্দোষলম্| সর্বমিত্যত্রাযত্নকৃতেন সম্বন্ধেন সম্বধ্যতে| তেনাদোষলস্য বালস্যাপ্যামস্য দোষলত্বম্, ন তু বৃদ্ধস্যৈবেত্যর্থঃ| মূলকং নীলকণ্ঠাপরসংজ্ঞম্|

আযুর্বেদরসাযনম্ ব্যাখ্যা ( কৃত)

আ০ র০-আমগুণানাহ-সর্বমিতি| সর্বং-বালং মহচ্ছুকমার্দ্রং চ| আমং-অনগ্নিপক্বম্|

Adhikarana পিণ্ডালুগুণাঃ (১০৫) · Śloka ১০৫

| কটূষ্ণো বাতকফহা পিণ্ডালুঃ পিত্তবর্ধনঃ||১০৫||

View original

| कटूष्णो वातकफहा पिण्डालुः पित्तवर्धनः||१०५||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-পিণ্ডালুঃ কটুকো রসে, বীর্যে চোষ্ণো, বাতকফঘ্নঃ পিত্তকরশ্চ|

আযুর্বেদরসাযনম্ ব্যাখ্যা ( কৃত)

আ০ র০-পিণ্ডালুগুণানাহ-কটূষ্ণ ইতি| পিণ্ডালুঃ বারাহীকন্দঃ| স হি বক্ত্রালুরুচ্যতে| উক্তং হ্যাযুর্বেদপ্রকাশে পণ্ডিতকেশবেন-"বারাহীকন্দঃ পিণ্ডালুস্তথা শবরকন্দকঃ| প্রোক্তো মূলকমূলাভো বক্ত্রালুস্ত্বক্ছদস্তথা||' ইতি| পিণ্ডশব্দেন চ গ্রাসবাচিনা গ্রসনং-বক্ত্রং লক্ষ্যতে| ননু, "গৌণমুখ্যযোর্মুখ্যে কার্যসম্প্রত্যযঃ' ইতি ন্যাযাত্পিণ্ডালুশব্দস্য মুখ্যমর্থং পিণ্ডালুকং বিহায গৌণোঽর্থো বারাহীকন্দঃ কথং গ্রাহ্যঃ ? ইতি চেন্ন| 'গঙ্গাযাং ঘোষঃ' ইত্যাদৌ মুখ্যার্থবাধে গৌণার্থগ্রহণাত্| অত্র চ মুখ্যার্থস্য বাধঃ কট্বাদিগুণাযোগাত্| অত এবাহ সুশ্রুতঃ (সূ. অ. ৪৬/৩০৪)- "পিণ্ডালুকং কফকরং গুরু বিষ্টম্ভি শীতলম্|" ইতি| গৌণস্য তু কট্বাদিগুণযোগঃ| উক্তং হ্যাযুর্বেদপ্রকাশে-"কিটিকন্দঃ কটুঃ স্বাদুস্তিক্তোষ্ণঃ কটুপাক্যপি| স্বর্যো রসাযনং বৃষ্যো বল্যঃ পিত্তবিবর্ধনঃ|| হন্তি শ্লেষ্মরুত্কুষ্ঠমেহমূত্রামযকৃমীন্|" ইতি| সুশ্রুতোঽপ্যাহ (সু. অ. ৪৬/৩০৯)-"বরাহকন্দঃ শ্লেষ্মঘ্নঃ কটুকো রসপাকতঃ| মেহকুষ্ঠকৃমিহরো বৃষ্যো বল্যো রসাযনম্||' ইতি| কিঞ্চ পিণ্ডালুকং চেদ্বিবক্ষিতম্, তদা"আলুকানি চ সর্বাণি" ইত্যত্র প্রস্তাবে ব্রূযাত্| পিণ্ডালুকমিতি চ প্রযুঞ্জীত| নাপি পিণ্ডালুকেপিণ্ডালুরিতি শব্দো মুখ্যঃ, গৌণত্বে তু তুল্যঃ| ননু, বক্ত্রালুশ্চে দ্বিবক্ষিতস্তর্হি বক্ত্রালুরিত্যেব স্পষ্টমুচ্যতাম্| সত্যম্| কিন্ত্বেবংবিধৈরপি লাক্ষণিকৈঃ শব্দৈর্দ্রব্যাণ্যুচ্যন্তে, ইতি দ্যোতযিতুং পিণ্ডালুরিত্যুক্তবান্| যথা-রোধ্রাদৌ কদম্বে বাচ্যে কুত্সিতাম্ব ইতি, কুত্সিতশব্দেন হি কুশব্দসমানার্থেন কদাদেশো লক্ষ্যতে| অসনাদাবর্জুনে বাচ্যে শ্বেতবাহ ইত্যাদি| "বহুভিঃ পঠ্যমানস্য পাঠত্যেযং সমর্থনা| হেমাদ্রিণা কৃতা কিন্তু তুণ্ডালুরিতি পঠ্যতাম্||" ইতি|

Adhikarana কুঠেরাদিহরিতকগুণাঃ (১০৬-১০৭) · Śloka ১০৭

কুঠেরশিগ্রুসুরসসুমুখাসুরিভূস্তৃণম্| ফণিজ্জার্জকজম্বীরপ্রভৃতি গ্রাহি শালনম্||১০৬|| বিদাহি কটু রূক্ষোষ্ণং হৃদ্যং দীপনরোচনম্| দৃক্শুক্রকৃমিহৃত্তীক্ষ্ণং দোষোত্ক্লেশকরং লঘু||১০৭||

View original

कुठेरशिग्रुसुरससुमुखासुरिभूस्तृणम्| फणिज्जार्जकजम्बीरप्रभृति ग्राहि शालनम्||१०६|| विदाहि कटु रूक्षोष्णं हृद्यं दीपनरोचनम्| दृक्शुक्रकृमिहृत्तीक्ष्णं दोषोत्क्लेशकरं लघु||१०७||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কুঠেরাদি শালনং গ্রাহি বিদাহি কটুকং রসপাকযো রূক্ষমুষ্ণবীর্যম্ হৃদ্যমগ্নিদীপনং চ| তথা, দৃগাদিহৃত্তীক্ষ্ণম্| তথা, দোষান্-বাতাদীন্, উত্ক্লেশযতি-কোপযন্ স্থানাচ্চালযতি, ইতী দোষোত্ক্লেশকরম্, লঘু চ| শালনং-অবদংশঃ, যেন সহান্নং ভোক্তুং যুজ্যতে| কুঠেরো-বৈকুণ্ঠকঃ| শিগ্রুঃ-ফলপত্রকঃ| সুরসঃ-কৃষ্ণতুলসী| সুমুখঃ-কটুপত্রকঃ| আসুরী-রাজিকা| ভূস্তৃণং-গুহ্যবীজকম্| 'ফণিজ্জকো-মরিচকস্তীক্ষ্ণগন্ধঃ প্রকীর্তিতঃ|' আর্জকঃ-খরপত্রকঃ| জম্বীরঃ-করপত্রকঃ| প্রভৃতিশব্দেন সঙ্গ্রহোক্তা গৃহ্যন্তে (সূ.অ.৭)-"ধান্যতুম্বরুসালেযযবানীশৃঙ্গবেরকাঃ| পর্ণাশো গৃঞ্জনোঽজাজী কণ্ডীরং গজপিপ্পলী|| ফণিজ্জার্জকজম্বীরখরাশ্বাকালমালিকাঃ| দীপ্যকঃ ক্ষবকো দ্বীপী বস্তগন্ধাদি বদ্ধবিট্||" ইতি| তন্ত্রান্তরে চোক্তম্-"কটুতিক্তরসা শীতা কফপিত্তবিনাশিনী| বিপাকে মধুরা লঘ্বী তস্করাঙ্গুলিকা স্মৃতা||" ইতি|

আযুর্বেদরসাযনম্ ব্যাখ্যা ( কৃত)

আ০ র০-কুঠেরাদিহরিতকগুণানাহ-কুঠেরেতি| কুঠেরঃ-কালমালা| শিগ্রুঃ-শোভাঞ্জনঃ| সুরসঃ-তুলসী| সুমুখঃ-কুঠেরসদৃশোঽল্পঃ| আসুরী--রাজিকা| ভূস্তৃণং-মালাতৃণম্| ফণিজ্জঃ-মরিচকঃ| অর্জকঃ-পর্ণাসঃ| জম্বীরঃ-জম্বীরসদৃশঃ কিঞ্চিত্তীক্ষ্ণঃ| প্রভৃতিশব্দাত্ কুস্তুম্বর্যাদযঃ| উক্তং হি সঙ্গ্রহে (সূ. অ. ৭)- "ধান্যতুম্বরুশৈলেযযবানীশৃঙ্গবেরিকাঃ| পর্ণাশো গৃঞ্জনোঽজাজী গণ্ডীরো গজপিপ্পলী|| ফণিজ্জার্জকজম্বীরখরাশ্বাকালমালিকাঃ| দীপ্যকঃ ক্ষবকো দ্বীপী বস্তগন্ধাদি বদ্ধবিট্||' ইতি| শালনং-হরিতকম্, যদুপদংশেষু যুজ্যতে যেন চ ব্যঞ্জনং বাস্যতে| উক্তং হি সঙ্গ্রহে (সূ. অ. ৭)- "বর্গো হরিতকাখ্যোঽযমুপদংশেষু যুজ্যতে| বাসনো ব্যঞ্জনানাং চ হৃদ্যো রোচনদীপনঃ||" ইতি| দোষোত্ক্লেশকরত্বং চৈষামার্দ্রাবস্থাযামেব, ফলব্যতিরেকেণ চ| যদাহ চরকঃ (সূ. অ. ২৭/১৭২)- "শুষ্কাণি কফবাতঘ্নান্যেতান্যেষাং ফলানি চ|"" ইতি|

Adhikarana সুরসগুণাঃ (১০৮) · Śloka ১০৮

হিধ্মাকাসবিষশ্বাসপার্শ্বরুক্পূতিগন্ধহা| সুরসঃ|১০৮|

View original

हिध्माकासविषश्वासपार्श्वरुक्पूतिगन्धहा| सुरसः|१०८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-সুরসো হিধ্মাদিঘ্নঃ| পূতিগন্ধং-দৌর্গন্ধ্যং, সৌরভ্যোত্পাদনাদ্ধন্তি|

আযুর্বেদরসাযনম্ ব্যাখ্যা ( কৃত)

আ০ র০-অত্র কেষাংচিদ্বিশেষঃ| তত্র সুরসগুণানাহ-হিধ্মাকাসেতি| পূতিগন্ধো-দৌর্গন্ধ্যম্|

Adhikarana সুমুখগুণাঃ (১০৮) · Śloka ১০৮

| সুমুখো নাতিবিদাহী গরশোফহা||১০৮||

View original

| सुमुखो नातिविदाही गरशोफहा||१०८||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-সুমুখঃ-কটুপত্রাখ্যঃ, কিঞ্চিদ্বিদাহী গরশোফৌ চ হন্তি|

আযুর্বেদরসাযনম্ ব্যাখ্যা ( কৃত)

আ০ র০-সুমুখগুণানাহ-সুমুখ ইতি| গরং-কৃত্রিমবিষম্|

Adhikarana আর্দ্রিকাগুণাঃ (১০৯) · Śloka ১০৯

আর্দ্রিকা তিক্তমধুরা মূত্রলা ন চ পিত্তকৃত্| |১০৯|

View original

आर्द्रिका तिक्तमधुरा मूत्रला न च पित्तकृत्| |१०९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-আর্দ্রিকা-আর্দ্রধানিকা, তিক্তমধুরা মূত্রকরী পিত্তং চ ন করোতি|

আযুর্বেদরসাযনম্ ব্যাখ্যা ( কৃত)

আ০ র০-আর্দ্রীকাগুণমাহ-আর্দ্রিকেতি| আর্দ্রিকা-কুস্তুম্বরী| ন চ পিত্তকৃদিতি হরীতকত্বাত্প্রাপ্তং হরীতকত্বাত্প্রাপ্তং পিত্তোত্ক্লেশনত্বং নিষেধতি|

Adhikarana লশুনগুণাঃ (১০৯-১১১) · Śloka ১১১

| লশুনো ভৃশতীক্ষ্ণোষ্ণঃ কটুপাকরসঃ সরঃ||১০৯|| হৃদ্যঃ কেশ্যো গুরুর্বৃষ্যঃ স্নিগ্ধো রোচনদীপনঃ| ভগ্নসন্ধানকৃদ্বল্যো রক্তপিত্তপ্রদূষণঃ||১১০|| কিলাসকুষ্ঠগুল্মার্শোমেহক্রিমিকফানিলান্| সহিধ্মাপীনসশ্বাসকাসান্ হন্তি রসাযনম্||১১১||

View original

| लशुनो भृशतीक्ष्णोष्णः कटुपाकरसः सरः||१०९|| हृद्यः केश्यो गुरुर्वृष्यः स्निग्धो रोचनदीपनः| भग्नसन्धानकृद्बल्यो रक्तपित्तप्रदूषणः||११०|| किलासकुष्ठगुल्मार्शोमेहक्रिमिकफानिलान्| सहिध्मापीनसश्वासकासान् हन्ति रसायनम्||१११||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-লশুনোঽতিতীক্ষ্ণোঽত্যুষ্ণবীর্যঃ, কটুপাকরসঃ সরঃ- ভেদী, হৃদ্যাদিগুণযুক্তশ্চ| কিলাসাদীন্ হন্তি, রক্তপিত্তং চ করোতি| কিলাসং-শ্বিত্রম্| কন্দস্যৈবাযং গুণবীর্যনির্দেশো বোধ্যঃ| পত্রমধ্যযোর্মধুরত্বাত্ ভৃশোষ্ণত্বানুপপত্তিঃ| তথা চোক্তং সঙ্গ্রহে (সূ.অ.৭)-"পত্রে সক্ষারমধুরো মধ্যে মধুরপিচ্ছিলঃ| তীক্ষ্ণোষ্ণো লশুনঃ কন্দে" ইতি|

আযুর্বেদরসাযনম্ ব্যাখ্যা ( কৃত)

Adhikarana পলাণ্ডুগুণাঃ (১১২) · Śloka ১১২

পলাণ্ডুস্তদ্গুণন্যূনঃ শ্লেষ্মলো নাতিপিত্তলঃ| |১১২|

View original

पलाण्डुस्तद्गुणन्यूनः श्लेष्मलो नातिपित्तलः| |११२|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-পলাণ্ডুঃ-ধবলাক্ষকাখ্যঃ, তদ্গুণন্যূনঃ,-তস্য-রসোনস্য গুণাস্তদ্গুণাঃ, তৈর্হীনঃ| লশুনাত্কিঞ্চিদ্ধীনগুণ ইত্যর্থঃ| তথা শ্লেষ্মলো নাতিপিত্তং চ করোতি| ন তু লশুনবত্কফঘ্নোঽতিপিত্তকৃচ্চ| কফবাতার্শসাং স্বেদে ভক্ষণে চ প্রভাবাত্পথ্যঃ| তন্ত্রান্তরেঽন্যোঽপ্যুক্তঃ, যথা (সুশ্রুতে সূ.অ.৪৬|২৪৭)-"স্নিগ্ধো রুচিষ্যঃ স্থিরধাতুকারী বল্যোঽথ মেধাকফপুষ্টিদশ্চ| স্বাদুর্গুরুঃ শোণিতপিত্তশস্তঃ সপিচ্ছিলঃ ক্ষীরপলাণ্ডুরুক্তঃ"|| ইতি|

আযুর্বেদরসাযনম্ ব্যাখ্যা ( কৃত)

আ০ র০-পলাণ্ডুগুণানাহ-পলাণ্ডুরিতি| তদ্গুণৈঃ-লশুনগুণৈস্তীক্ষ্ণোষ্ণত্বাদিভিঃ, ন্যূনঃ-হীনশক্তিভির্যুক্তঃ| সঙ্গ্রহে তু (সূ. অ. ৭)- "বিপাকে মধুরস্তু সঃ| কফং করোতি পিত্তং চ, কেবলানিলনাশনঃ||" ইতি|

Adhikarana গৃঞ্জনকগুণাঃ (১১২-১১৩) · Śloka ১১৩

| কফবাতার্শসাং পথ্যঃ স্বেদেঽভ্যবহৃতৌ তথা||১১২|| তীক্ষ্ণো গ্ড়ঞ্জনকো গ্রাহী পিত্তিনাং হিতকৃন্ন সঃ| |১১৩|

View original

| कफवातार्शसां पथ्यः स्वेदेऽभ्यवहृतौ तथा||११२|| तीक्ष्णो ग्ऱञ्जनको ग्राही पित्तिनां हितकृन्न सः| |११३|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-গৃঞ্জনকস্তীক্ষ্ণো গ্রাহী পিত্তিনামহিতশ্চ|

আযুর্বেদরসাযনম্ ব্যাখ্যা ( কৃত)

আ০ র০-গৃঞ্জনকগুণানাহ-কফবাতার্শসামিতি| গৃঞ্জনকঃ-পলাণ্ডুভেদঃ| উক্তং চ বাষ্পচন্দ্রেণ-"গন্ধাকৃতিরসৈস্তুল্যো গৃঞ্জনস্তু পলাণ্ডুনা| সূক্ষ্মনালাগ্রপত্রত্বাদ্ভিদ্যতেঽসৌ পলাণ্ডুতঃ||' ইতি| স চ স্বেদনে ভোজনে চ প্রযুক্তঃ কফবাতজান্যর্শাসি হন্তি, পিত্তবতাং নরাণামপথ্যঃ|

Adhikarana সূরণগুণাঃ (১১৩-১১৪) · Śloka ১১৪

| দীপনঃ সূরণো রুচ্যঃ কফঘ্নো বিশদো লঘুঃ||১১৩|| বিশেষাদর্শসাং পথ্যঃ| |১১৪|

View original

| दीपनः सूरणो रुच्यः कफघ्नो विशदो लघुः||११३|| विशेषादर्शसां पथ्यः| |११४|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-সূরণো নাম কন্দবিশেষো দীপনো রুচ্যঃ শ্লেষ্মঘ্নো বিশদো লঘুরর্শসামতিপথ্যশ্চ|

আযুর্বেদরসাযনম্ ব্যাখ্যা ( কৃত)

আ০ র০-সূরণগুণানাহ-দীপনঃ সূরণ ইতি| বিশদোবিশদগুণঃ|

Adhikarana ভূকন্দগুণাঃ (১১৪) · Śloka ১১৪

ভূকন্দস্ত্বতিদোষলঃ| |১১৪|

View original

भूकन्दस्त्वतिदोषलः| |११४|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ভূকন্দঃ ভূস্ফোটাখ্যঃ প্রাবৃডুদ্ভবঃ প্রসিদ্ধ এব| স চাত্যর্থং দোষলঃ|

আযুর্বেদরসাযনম্ ব্যাখ্যা ( কৃত)

আ০ র০-ভূকন্দগুণানাহ-ভূকন্দ ইতি| ভূকন্দোভূস্ফোটঃ|

Adhikarana পত্রাদীনাং যথোত্তরং গুরূত্বম্ (১১৪) · Śloka ১১৪

| পত্রে পুষ্পে ফলে নালে কন্দে চ গুরুতা ক্রমাত্||১১৪||

View original

| पत्रे पुष्पे फले नाले कन्दे च गुरुता क्रमात्||११४||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

Adhikarana শাকেষু জীবন্ত্যাঃশ্রেষ্ঠত্বম্ সর্ষপাণামবরত্বম্ (২-১১৫) · Śloka ১১৫

বরা শাকেষু জীবন্তী সার্ষপং ত্ববরং পরম্| ইতি শাকবর্গঃ||২|| |১১৫|

View original

वरा शाकेषु जीवन्ती सार्षपं त्ववरं परम्| इति शाकवर्गः||२|| |११५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-শাকেষু মধ্যে জীবন্তী বরা| সার্ষপং পুনরবরম্| ইতি শাকবর্গঃ|

আযুর্বেদরসাযনম্ ব্যাখ্যা ( কৃত)

আ০ র০-শাকানং তারতম্যমাহ-বরা শোকেষ্বিতি| পরমিতি-অন্যান্যপি প্রশস্তানি, জীবন্তী তু প্রশস্ততরা| যদাহ সুশ্রুতঃ (সূ. অ. ৪৬/৩৩৫)- "সতীনো বাস্তুকশ্চঞ্চুশ্চিল্লী মূলকপোতিক| মণ্ডূকপর্ণী জীবন্তী শাকবর্গে প্রশস্যতে||" ইতি| সঙ্গ্রহে তু (সূ. অ. ৭)-"শ্যামাশাল্মলিকাশ্মর্যফঞ্জীবাষ্পিকযূথিকাঃ| বৃক্ষাদনীক্ষীরবৃক্ষবিম্বীতুনিকবৃক্ষকাঃ|| রোধ্রঃ শণঃ কর্বুদারঃ সশেলুর্বৃষমূষিকা| ভল্লাতকঃ কোবিদারঃ কমলোত্পলকিংশুকম্|| পটোলাদিগুণং স্বাদু কষাযং পিত্তজিত্পরম্| বদ্ধমূত্রা সরা ফঞ্জী করীরং স্যাদভীরুজম্|| সতিক্তং লঘু চক্ষুষ্যং বৃষ্যং দোষত্রযপ্রণুত্| বাতপিত্তহরা ভণ্ডী পর্বণী পর্বপুষ্পিল্কা|| [*সত রূঢং কদম্বং চ রূক্ষং গ্রাহি হিমং গুরু| লঘুরুষ্ণা সরা তিক্তাসোরুবূকা চ লাঙ্গলী|| বাতলৌ কটুতিক্তাম্লৌ ভেদিনৌ তিলবেতসৌ| তদ্বত্ পঞ্চাঙ্গুলো, বংশকরীরাস্তু বিদাহিনঃ|| বিল্বরাস্রাবলাশাকং বাতঘ্নমতিসারজিত্| বাযুং বত্সাদনী হন্যাত্কফং গণ্ডীরচিত্রকৌ|| ] ইতি| ইতি শাকবর্গঃ|

Adhikarana ফলবর্গঃ দ্রাক্ষাগুণাঃ (১১৫-১১৭) · Śloka ১১৭

অথ ফলবর্গঃ| | দ্রাক্ষা ফলোত্তমা বৃষ্যা চক্ষুষ্যা সৃষ্টমূত্রবিট্||১১৫|| স্বাদুপাকরসা স্নিগ্ধা সকষাযা হিমা গুরুঃ| নিহন্ত্যনিলপিত্তাস্রতিক্তাস্যত্বমদাত্যযান্||১১৬|| তৃষ্ণাকাসশ্রমশ্বাসস্বরভেদক্ষতক্ষযান্| |১১৭|

View original

अथ फलवर्गः| | द्राक्षा फलोत्तमा वृष्या चक्षुष्या सृष्टमूत्रविट्||११५|| स्वादुपाकरसा स्निग्धा सकषाया हिमा गुरुः| निहन्त्यनिलपित्तास्रतिक्तास्यत्वमदात्ययान्||११६|| तृष्णाकासश्रमश्वासस्वरभेदक्षतक्षयान्| |११७|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

ফলানামাহারকালে শাকেভ্যোঽল্পোপযোগিত্বাচ্ছাকবর্গাদনন্তরং ফলবর্গ উচ্যতে| খরনাদেঽপ্যুক্তম্-"ভুক্তাবসানে ফলং ভুজ্যতে, ইতি ফলবর্গোঽভিধীযতে" ইত্যাহ স০-ফলেষুত্তমা-ফলোত্তমা গোস্তনীপর্যাযা দ্রাক্ষা| সা বৃষ্যাদিগুণযুক্তা| সকষাযা-ঈষত্কষযা| অনিলাদীন্ ক্ষযান্তান্ হন্তি| উদাবর্তহরত্বং চরকমুনিনাঽস্যা উক্তম্| তচ্চ স্নিগ্ধত্ববৃষ্যত্বসৃষ্টবিণ্মূত্রত্বেনেহোক্তপ্রাযম্| অন্যাসাং চ দ্রাক্ষাণাং গুণহীনত্বং দেশাদ্যনুরোধাত্ কল্প্যম্|

আযুর্বেদরসাযনম্ ব্যাখ্যা ( কৃত)

আ০ র০-অথ ফলবর্গঃ| তত্র দ্রাক্ষগুণানাহ-দ্রাক্ষেতি| উত্তমেতি সিদ্ধে ফলগ্রহণমুত্তমেভ্যোঽপ্যুত্তমার্থম্| উত্তমান্যুক্তানি সুশ্রুতেন (সূ.অ. ৪৬/৩৩৪)- "দাডিমামলকং দ্রাক্ষা খর্জূরং সপরূষকম্| রাজাদনং মাতুলুঙ্গং ফলবর্গে প্রশস্যতে||" ইতি| তিক্তাস্যত্বং-মুখস্য তিক্তরসত্বম্| বাতঘ্নত্বং চ-কোষ্ঠবাতব্যতিরেকেণ, "বাতহৃত্ত্বেঽপি মৃদ্বীকাখর্জূরং কোষ্ঠবাতকৃত্|" ইতি সঙ্গ্রহবচনাত্ (সূ. অ. ৭)|

Adhikarana দাডিমগুণাঃ (১১৭-১১৮) · Śloka ১১৮

| উদ্রিক্তপিত্তাঞ্জযতি ত্রীন্দোষান্স্বাদু দাডিমম্||১১৭|| পিত্তাবিরোধি নাত্যুষ্ণমম্লং বাতকফাপহম্| সর্বং হৃদ্যং লঘু স্নিগ্ধং গ্রাহি রোচনদীপনম্||১১৮||

View original

| उद्रिक्तपित्ताञ्जयति त्रीन्दोषान्स्वादु दाडिमम्||११७|| पित्ताविरोधि नात्युष्णमम्लं वातकफापहम्| सर्वं हृद्यं लघु स्निग्धं ग्राहि रोचनदीपनम्||११८||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

Adhikarana মোচাদিগুণাঃ (১১৯-১২২) · Śloka ১২২

মোচখর্জূরপনসনারিকেলপরূষকম্| আম্রাততালকাশ্মর্যরাজাদনমধূকজম্||১১৯|| সৈবীরবদরাঙ্কোল্লফল্গুশ্লেষ্মাতকোদ্ভবম্| বাতামাভিষুকাক্ষোডমুকূলকনিকোচকম্||১২০|| উরুমাণং প্রিযালং চ বৃংহণং গুরু শীতলম্| দাহক্ষতক্ষযহরং রক্তপিত্তপ্রসাদনম্||১২১|| স্বাদুপাকরসং স্নিগ্ধং বিষ্টম্ভি কফশুক্রকৃত্| |১২২|

View original

मोचखर्जूरपनसनारिकेलपरूषकम्| आम्राततालकाश्मर्यराजादनमधूकजम्||११९|| सैवीरबदराङ्कोल्लफल्गुश्लेष्मातकोद्भवम्| वातामाभिषुकाक्षोडमुकूलकनिकोचकम्||१२०|| उरुमाणं प्रियालं च बृंहणं गुरु शीतलम्| दाहक्षतक्षयहरं रक्तपित्तप्रसादनम्||१२१|| स्वादुपाकरसं स्निग्धं विष्टम्भि कफशुक्रकृत्| |१२२|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

আ০ র০-মোচাদিগুণানাহ-মোচখর্জূরেতি| মোচংকদলীফলম্| খর্জূরং-খর্জূরীফলম্| পনসং-কণ্টকিফলম্| নারিকেলং-ত্র্যক্ষম্| পরূষকং-ধন্বনসদৃশং মৃদ্বল্পাস্থিফলম্| আম্রাতঃ-কপীতনঃ| তালঃ-তালদ্রুমঃ| কাশ্মর্যংশ্রীপর্ণী| রাজাদনং-কপিপ্রিযম্| মধূকো-মধুদ্রুমঃ| মধূকজং দ্বিবিধং,- ফলং পুষ্পং চ| যদাহ সুশ্রুতঃ (সূ. অ.৪৬/১৮৬)- "বৃংহণীযমহৃদ্যং তু মধূককুসুমং গুরু| বাতপিত্তোপশমনং ফলং তস্যোপদিশ্যতে||' ইতি| দ্বিবিধমপ্যত্র গ্রাহ্যম্, গুণাভেদাত্| তেভ্যো জাতং ফলম্| সৌবীরবদরেবদরভেদৌ| উক্তং হি-"কর্কন্ধু কোলং বদরং সৌবীরং সিঞ্চতীফলম্| যথোত্তরং মহত্স্বাদু পঞ্চধা বদরীফলম্||' ইতি| তত্র কোলকর্কন্ধুনী স্বাদুত্বাভাবান্নাত্র পঠিতে| বক্ষ্যতি হি (অ. ৬/১৩৭)- "তথাঽম্লং কোলকর্কন্ধু" ইত্যাদি| সিঞ্চতীফলং তিক্তকষাযত্বান্নোক্তম্| অত এব সঙ্গ্রহে তিন্দুকাদৌ পঠিত্বা বিশেষগুণা উক্তাঃ (সূ. অ. ৭)-"বৃংহণং বাতপিত্তঘ্নং স্নিগ্ধং সিঞ্চতিকাফলম্|" ইতি| ননু, "কর্কন্ধুকোলবদরমামং পিত্তকফাবহম্| পক্বং পিত্তানিলহরং স্নিগ্ধং সমধুরং সরম্|| পুরাতনং তৃট্শমনং শ্রমঘ্নং দীপনং লঘু|" ইতি সুশ্রুতেন (সূ. অ. ৪৬/১৪৫) কোলতুল্যং বদরমুক্তম্, ইহ তু সৌবিরতুল্যমিতি বিরোধঃ| মৈবম্| সুশ্রুতেনাপি সৌবীরতুল্যমুক্তম্ (সূ. অ. ৪৬/১৪৬)- "সৌবীরবদরং স্নিগ্ধং মধুরং বাতপিত্তজিত্|" ইতি| সৌবীরং চ বদরং চেতি দ্বন্দ্বৈকত্বম্| পূর্বত্র তু কোলং চ তদ্বদরং চেতি কর্মধারযাত্| বিপরীতং কুতো ন স্যাত্ ? ইতি চেন্ন| সঙ্গ্রহে বিশেষগুণোক্তৌ (সূ.অ.৭)-"বদরং সরণাত্মকম্|" ইতি বদরগ্রহণাত্| ন চ বদরশব্দেন সৌবীরম্, সৌবীরমিত্যকরণাত্ সরত্বাভাবাচ্চেতি| অঙ্কোল্লঃ-অঙ্কোঠঃ| ফল্গুঃ-কাকোদুম্বরিকা| শ্লেষ্মাতকঃ-শেলুঃ| বাতামাদ্যুরুমাণান্তং-উত্তরাপথে প্রসিদ্ধম্| বাতামঃ-স্নিগ্ধমধুরমজ্জং ফলম্| আক্ষোডং-মদনফলসদৃশং মধ্যে কিঞ্চিদুন্নতরেখম্| মুকূলকং-দন্তীফলসদৃশম্| নিকোচকং-অঙ্গ্কোল্লফলসদৃশম্| প্রিযালং-চারফলম্| রক্তপিত্তপ্রসাদনং-রক্তপিত্তযোর্নির্মলীকরণম্|

Adhikarana তালফলগুণাঃ কাশ্মর্যজগুণাঃ বাতামাদিগুণাঃ প্রিযালগুণাঃ, প্রিযালমজ্জগুণাঃ, কোলমজ্জগুণাঃ (১২২-১২৫) · Śloka ১২৫

| ফলং তু পিত্তলং তালং সরং কাশ্মর্যজং হিমম্||১২২|| শকৃন্মূত্রবিবন্ধঘ্নং কেশ্যং মেধ্যং রসাযনম্| বাতামাদ্যুষ্ণবীর্যং তু কফপিত্তকরং সরম্||১২৩|| পরং বাতহরং স্নিগ্ধমনুষ্ণং তু প্রিযালজম্| প্রিযালমজ্জা মধুরো বৃষ্যঃ পিত্তানিলাপহঃ||১২৪|| কোলমজ্জা গুণৈস্তদ্বত্তৃট্ছর্দিঃকাসজিচ্চ সঃ| |১২৫|

View original

| फलं तु पित्तलं तालं सरं काश्मर्यजं हिमम्||१२२|| शकृन्मूत्रविबन्धघ्नं केश्यं मेध्यं रसायनम्| वातामाद्युष्णवीर्यं तु कफपित्तकरं सरम्||१२३|| परं वातहरं स्निग्धमनुष्णं तु प्रियालजम्| प्रियालमज्जा मधुरो वृष्यः पित्तानिलापहः||१२४|| कोलमज्जा गुणैस्तद्वत्तृट्छर्दिःकासजिच्च सः| |१२५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

আ০ র০-অত্র কেষাংচিদ্বিশেষঃ| তত্র তালফলগুণানাহফলং ত্বিতি| যত্তু, "ফলং স্বাদুরসং তেষাং তালজং গুরুপিত্তহৃত্||" ইতি সুশ্রুতেন (সূ. অ. ৪৬/১৭৯) পিত্তহরত্বমুক্তম্, তত্ পক্ববিষযম্| অত এব চরকেণ সিদ্ধানীতি বিশেষিতম্ (সূ. অ. ২৭/১২৬)-"তালসস্যানি সিদ্ধানি নারিকেলফলানি চ| বৃংহণস্নিগ্ধশীতানি বল্যানি মধুরাণি চ||' ইতি| ব্যাখ্যাতং চ বাষ্পচন্দ্রেণ,- "তালসস্যানিতালফলানি, সিদ্ধানি-পক্বানি, মধুরস্নিগ্ধশীতত্বেন বাতপিত্তহরত্বং কফকরত্বং চ বেদ্যম্|" ইতি| কাশ্মর্যজগুণানাহ-কাশ্মর্যজমিতি| বাতামাদিগুণানাহ-বাতামাদীতি| বাতামাদিপ্রিযালান্তম্| প্রিযালগুণানাহ-অনুষ্ণং তু প্রিযালজমিতি| নঞত্র বিরুদ্ধার্থঃ| উষ্ণশব্দেন বীর্যং পিত্তং চ, তেন শীতলং পিত্তঘ্নং চ প্রিযালজম্| উক্তং চ সুশ্রুতেন (সূ. অ. ৪৬/১৫৬)-"বাতপিত্তহরং বৃষ্যং প্রিযালং গুরু শীতলম্|" ইতি| প্রিযালমজ্জগুণানাহ-প্রিযালমজ্জেতি| মজ্জা-অস্থ্যন্তর্বর্তি বীজম্| কোলমজ্জগুণানাহ-কোলমজ্জেতি| কোলং-বদরম্|

Adhikarana বিল্বগুণাঃ (১২৫-১২৬) · Śloka ১২৬

| পক্বং সুদুর্জরং বিল্বং দোষলং পূতিমারুতম্||১২৫|| দীপনং কফবাতঘ্নং বালং, গ্রাহ্যুভযং চ তত্| |১২৬|

View original

| पक्वं सुदुर्जरं बिल्वं दोषलं पूतिमारुतम्||१२५|| दीपनं कफवातघ्नं बालं, ग्राह्युभयं च तत्| |१२६|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বিল্বং পক্বং সুদুর্জরং পূতিমারুতং চ-দুর্গন্ধ্যপানবাতকৃত্ ভবতি| বালং-অসম্পূর্ণমনুপচিতং বিল্বং, দীপনং কফবাতঘ্নম্| উভযং-আমং পক্বং চ, গ্রাহি-মূত্রপুরীষাদেঃ সঙ্গ্রহণম্|

আযুর্বেদরসাযনম্ ব্যাখ্যা ( কৃত)

Adhikarana কপিত্থগুণাঃ (১২৬-১২৭) · Śloka ১২৭

| কপিত্থমামং কণ্ঠঘ্নং দোষলং, দোষঘাতি তু||১২৬|| পক্বং হিধ্মাবমথুজিত্, সর্বং গ্রাহি বিষাপহম্| |১২৭|

View original

| कपित्थमामं कण्ठघ्नं दोषलं, दोषघाति तु||१२६|| पक्वं हिध्मावमथुजित्, सर्वं ग्राहि विषापहम्| |१२७|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-আমং কপিত্থং কণ্ঠং হন্তি, দোষলং-ত্রিদোষকৃত্| পক্বং কপিত্থং দোষঘ্নং হিক্কাচ্ছর্দিহৃচ্চ| সর্বং-আমং পক্বং চ কপিত্থং, গ্রাহি বিষাপহং চ| আমকপিত্থস্য কষাযত্বং কণ্ঠঘ্নত্বেনৈবোদিতম্, অম্লত্বং চাম্লবর্গমধ্যে পাঠাদবগতম্| পক্বস্য চ মধুরত্বং সুপ্রসিদ্ধমিতীহৈতন্নোক্তম্| তথা, আমকপিত্থগুণকথনেন চ তথাবিধানি কষাযাম্লস্বভাবানি বিবিধানি কপিত্থানি সদৈবামকপিত্থগুণানি বেদ্যানি| পক্বকপিত্থগুণকথনেন চ তথাবিধানি মাধুর্যানুবিদ্ধানি সদা পক্বগুণানি বেদ্যানি|

আযুর্বেদরসাযনম্ ব্যাখ্যা ( কৃত)

Adhikarana জাম্ববগুণাঃ (১২৭-১২৮) · Śloka ১২৮

| জাম্ববং গুরু বিষ্টম্ভি শীতলং ভৃশবাতলম্||১২৭|| সঙ্গ্রাহি মূত্রশকৃতোরকণ্ঠ্যং কফপিত্তজিত্| |১২৮|

View original

| जाम्बवं गुरु विष्टम्भि शीतलं भृशवातलम्||१२७|| सङ्ग्राहि मूत्रशकृतोरकण्ठ्यं कफपित्तजित्| |१२८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-জাম্ববং গুর্বাদিগুণযুক্তম্, মূত্রশকৃতোশ্চ সঙ্গ্রহণম্| কণ্ঠায ন হিতম্, কফপিত্তজিচ্চ| জাম্ববমিতি ফলার্থে "জম্ব্বা বা " ইত্যণ্|

আযুর্বেদরসাযনম্ ব্যাখ্যা ( কৃত)

আ০ র০-জাম্ববগুণানাহ-জাম্ব্বমিতি| জাম্ববং জম্বুফলম্|

Adhikarana আম্রগুণাঃ (১২৮-১২৯) · Śloka ১২৯

আম্রস্য ত্র্যবস্থস্যাপ্যুপযোগদর্শনাত্তথৈব গুণানাহ | বাতপিত্তাস্রকৃদ্বালং, বদ্ধাস্থি কফপিত্তকৃত্||১২৮|| গুর্বাম্রং বাতজিত্পক্বং স্বাদ্বম্লং কফশুক্রকৃত্| |১২৯|

View original

आम्रस्य त्र्यवस्थस्याप्युपयोगदर्शनात्तथैव गुणानाह | वातपित्तास्रकृद्बालं, बद्धास्थि कफपित्तकृत्||१२८|| गुर्वाम्रं वातजित्पक्वं स्वाद्वम्लं कफशुक्रकृत्| |१२९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

আ০ র০-অথাম্রম্| তত্র বালাম্রগুণানাহ-বাতপিত্তাস্রেতি| সঙ্গ্রহে তু (সূ. অ. ৭)-"বালং কষাযকট্বম্লং রূক্ষং বাতাস্রপিত্তকৃত্|" ইতি| বদ্ধাস্থিগুণানাহ-বদ্ধাস্থীতি| বদ্ধাস্থি-সংহতাবযবাস্থি, মধ্যাবস্থমিত্যর্থঃ| সঙ্গ্রহে তু (সূ.অ.৭)-" সম্পূর্ণমাম্রমম্লং চ রক্তপিত্তকফপ্রদম্|" ইতি| পক্বগুণানাহ-গুর্বাম্রমিতি| সঙ্গ্রহেতু (সূ.অ.৭)-"স্বাদু সাম্লং গুরু স্নিগ্ধং মারুগ্ঘ্নমপিত্তলম্| হৃদ্যং পর্যাগতং শ্লেষ্মমাংসশুক্রবলপ্রদম্|| সহকারসো হৃদ্যঃ সুরভিঃ স্নিগ্ধ রোচনঃ| [*দীপনঃ পিত্তবাতঘ্নঃশুক্রশোণিতশুদ্ধিকৃত্|| ]" ইতি| "ত্বঙ্মূলপল্লবং গ্রাহি কষাযং পিত্তনাশনম্|" ইতি (ধন্বন্তরীযনিঘণ্টৌ বর্গঃ ৫/৭)|

Adhikarana বৃক্ষাম্লগুণাঃ (১২৯) · Śloka ১২৯

| বৃক্ষাম্লং গ্রাহি রূক্ষোষ্ণং বাতশ্লেষ্মহরং লঘু||১২৯||

View original

| वृक्षाम्लं ग्राहि रूक्षोष्णं वातश्लेष्महरं लघु||१२९||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বৃক্ষাম্লং গ্রাহ্যাদিগুণৈর্যুক্তম্| বাতশ্লেষ্মহৃল্লঘু চ| কোশাম্রং চ কিঞ্চিদেতস্মান্ন্যূনগুণং জ্ঞেযম্| তথা চ সঙ্গ্রহে (সূ.অ.৭)-"বৃক্ষাম্লং গ্রাহি রূক্ষোষ্ণং লঘু রোচনদীপনম্| বাতশ্লেষ্মহরং কিঞ্চিদূনং কোশাম্রজং ততঃ|| ইতি|

আযুর্বেদরসাযনম্ ব্যাখ্যা ( কৃত)

আ০ র০-বৃক্ষাম্লগুণানাহ-বৃক্ষাম্লমিতি| বৃক্ষাম্লংত্ত্তিডীকম্| পক্বস্যৈবৈতে গুণাঃ| "বাতাপহং তিন্তিডীকমামং পিত্তবলাসকৃত্|" ইতি সুশ্রুতেন (সূ. অ. ৪৬/১৫৯) তু বালস্য বলাসকরত্বমুক্তম্| সঙ্গ্রহে তু (সূ.অ.৭)-"রোচনদীপনম্| বাতশ্লেষ্মহরং কিঞ্চিদূনং কোশাম্রজং ততঃ||" ইতি|

Adhikarana শমীফলগুণাঃ (১৩০) · Śloka ১৩০

শম্যা গুরূষ্ণং কেশঘ্নং রূক্ষম্| |১৩০|

View original

शम्या गुरूष्णं केशघ्नं रूक्षम्| |१३०|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ফলাপেক্ষযা ষষ্ঠী| শম্যাঃ ফলং গুরু উষ্ণবীর্যং কেশঘ্নং রূক্ষং চ|

আযুর্বেদরসাযনম্ ব্যাখ্যা ( কৃত)

আ০ র০-শমীফলগুণানাহ-শম্যা ইতি| শম্যাঃ ফলম্| "ফলং তু পিত্তলং" ইত্যতঃ ফলমনুবর্ততে|

Adhikarana পীলুগুণাঃ (১৩০-১৩১) · Śloka ১৩১

পীলু তু পিত্তলম্| কফবাতহরং ভেদি প্লীহার্শঃকৃমিগুল্মনুত্||১৩০|| সতিক্তং স্বাদু যত্পীলু বাত্যুষ্ণং তত্ত্রিদোষজিত্| |১৩১|

View original

पीलु तु पित्तलम्| कफवातहरं भेदि प्लीहार्शःकृमिगुल्मनुत्||१३०|| सतिक्तं स्वादु यत्पीलु वात्युष्णं तत्त्रिदोषजित्| |१३१|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-পীলুফলং চ পিত্তলং যাবদ্গুল্মনুত্| সতিক্তং-ঈষত্তিক্তং মধুরং চ যত্পীলু তন্নাত্যুষ্ণং ত্রিদোষজিচ্চ|

আযুর্বেদরসাযনম্ ব্যাখ্যা ( কৃত)

আ০ র০-পীলুফলং চ পিত্তলং যাবদ্গুল্মনুত্| তত্র কটুকগুণানাহ-পীলুত্বিতি| অত্র কটুকং পীলু গ্রাহ্যম্, তিক্তমধুরস্য বক্ষ্যমাণত্বাত্, "কটুপাকরসং ভেদি তীক্ষ্ণোষ্ণং পীলু পিত্তলম্|" ইতি সঙ্গ্রহবচনাচ্চ (সূ.অ.৭)| তিক্তমধুরগুণানাহ-সতিক্তমিতি|

Adhikarana মাতুলুঙ্গগুণাঃ (১৩১-১৩৩) · Śloka ১৩৩

মাতুলুঙ্গস্য ত্বঙ্মাংসকেসরাণাং পৃথগুপযোগদর্শনাত্ পৃথগেব গুণানাহ | ত্বক্তিক্তকটুকা স্নিগ্ধা মাতুলুঙ্গস্য বাতজিত্||১৩১|| বৃংহণং মধুরং মাংসং বাতপিত্তহরং গুরু| লঘু তত্কেসরং কাসশ্বাসহিধ্মামদাত্যযান্||১৩২|| আস্যশোষানিলশ্লেষ্মবিবন্ধচ্ছর্দ্যরোচকান্ গুল্মোদরার্শঃশূলানি মন্দাগ্নিত্বং চ নাশযেত্||১৩৩||

View original

मातुलुङ्गस्य त्वङ्मांसकेसराणां पृथगुपयोगदर्शनात् पृथगेव गुणानाह | त्वक्तिक्तकटुका स्निग्धा मातुलुङ्गस्य वातजित्||१३१|| बृंहणं मधुरं मांसं वातपित्तहरं गुरु| लघु तत्केसरं कासश्वासहिध्मामदात्ययान्||१३२|| आस्यशोषानिलश्लेष्मविबन्धच्छर्द्यरोचकान् गुल्मोदरार्शःशूलानि मन्दाग्नित्वं च नाशयेत्||१३३||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বীজপূরকস্য ত্বক্ তিক্তকটুকা রসে, স্নিগ্ধা বাতঘ্নী চ| খরনাদস্ত্বাহ-"ত্বঙ্মাতুলুঙ্গাত্কটুকা গুর্বী বাতপ্রকোপনী| ইতি চরকেঽপ্যুক্তম্ (?)-"গুর্বী ত্বগস্য কটুকা মারুতস্য প্রকোপনী|" ইতি| এতন্মতানুসারিণস্ত্বত্রৈবং পাঠং পঠন্তি,-"ত্বক্তিক্তকটুকাঽস্নিগ্ধা মাতুলুঙ্গস্য বাতকৃত্|" ইত্যকারপ্রশ্লেষাত্| মাংসং-কেসরাদর্বাক্, বৃংহণং মধুরং বাতপিত্তহৃত্ গুরু চ| তস্য-মাতুলুঙ্গস্য কেসরং, তত্কেসরং লঘু| তথা, কাসাদীন্ মন্দাগ্নিত্বান্তান্নাশযেত্|

আযুর্বেদরসাযনম্ ব্যাখ্যা ( কৃত)

Adhikarana ভল্লাতকগুণাঃ (১৩৪) · Śloka ১৩৪

ভল্লাতকস্য ত্বঙ্মাংসং বৃংহণং স্বাদু শীতলম্| তদস্থ্যগ্নিসমং মেধ্যং কফবাতহরং পরম্||১৩৪||

View original

भल्लातकस्य त्वङ्मांसं बृंहणं स्वादु शीतलम्| तदस्थ्यग्निसमं मेध्यं कफवातहरं परम्||१३४||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ত্বক্ চ মাংসং চ ত্বঙ্মাংসং ভল্লাতকসম্বন্ধি, বৃংহণং মধুরং শীতলং চ| তস্য-ভল্লাতকস্যাস্থি,-তদস্থি, অগ্নিসমং-তীক্ষ্ণত্বাত্ অগ্নিবত্স্ফোটককর্তৃত্বাত্(চ্চ)| অথবা, অগ্নিঃ-চিত্রকঃ, তস্য গুণদোষকর্তৃতযা তুল্যং ভল্লাতকাস্থীতি| তথা, মেধাযৈ হিতম্| অতিকফবাতঘ্নম্|

আযুর্বেদরসাযনম্ ব্যাখ্যা ( কৃত)

Adhikarana পালেবতগুণাঃ (১৩৫) · Śloka ১৩৫

স্বাদ্বম্লং শীতমুষ্ণং চ দ্বিধা পালেবতং গুরু| রুচ্যমত্যগ্নিশমনম্|১৩৫|

View original

स्वाद्वम्लं शीतमुष्णं च द्विधा पालेवतं गुरु| रुच्यमत्यग्निशमनम्|१३५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-পালেবতং-রৈবতকাখ্যং দ্বিধা| কথং দ্বিপ্রকারম্ ? ইত্যাহ-স্বাদু অম্লং চ, তত্তু যথাসংখ্যেন শীতমুষ্ণং চ| তথা, দ্বযমপি গুরু রুচ্যমত্যগ্নিশমনং চ| অথবা যথাসম্ভবং সম্বন্ধঃ,-মধুরং গুরু অত্যগ্নিশমনং চ, অম্লং রুচ্যমিতি|

আযুর্বেদরসাযনম্ ব্যাখ্যা ( কৃত)

আ০ র০-পালেবতগুণানাহ-স্বাদ্বম্লমিতি| পালেবতংতিন্দুকাকারম্| তদ্দ্বিবিধং,- স্বাদু অম্লং চ| যন্মধুরং তচ্ছীতম্, যদম্লং তদুষ্ণম্, উভযমপি গুর্বাদিগুণম্|

Adhikarana পক্বারুকগুণাঃ (১৩৫-১৩৬) · Śloka ১৩৬

| রুচ্যং মধুরমারুকম্||১৩৫|| পক্বমাশু জরাং যাতি নাত্যুষ্ণগুরুদোষলম্| |১৩৬|

View original

| रुच्यं मधुरमारुकम्||१३५|| पक्वमाशु जरां याति नात्युष्णगुरुदोषलम्| |१३६|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-মধুরমারুকং রুচ্যং ভবতি| অপক্বস্যৈবৈতে গুণা বেদ্যাঃ| যস্মাদাহ-পক্বমিত্যাদি| পক্বং সত্তদাশু-দ্রাগেব পরিণামং যাতি| কিঞ্জিদুষ্ণবীর্যম্ কিঞ্চিদ্গুরু, কিঞ্চিদ্দোষলং-অপথ্যম্| নিঘণ্টাবুক্তম্ (ধন্বন্তরীযে ব.৫|৩৮)-"আরুকং বীরসেনং চ বীরা বীরারুকং তথা| বিদ্যাজ্জাতিবিশেষেণ তচ্চতুর্বিধমারুকম্|| ইতি|

আযুর্বেদরসাযনম্ ব্যাখ্যা ( কৃত)

আ০ র০-পক্বারুকগুণানাহ-রুচ্যমিতি| আরুকং-বীরসেনম্| আশু জরাং যাতি-শীঘ্রং পচ্যতে| নাত্যুষ্ণগুরুদোষলত্বং-অম্লাপেক্ষযা| অত এব দোষশব্দেন পিত্তশ্লেষ্মাণৌ গ্রাহ্যৌ| অম্লস্য হি পিত্তশ্লেষ্মলত্বং বক্ষ্যতি| তথা চ খারণাদিঃ-"নাত্যুষ্ণং গুরু বাতঘ্নং বৃংহণং নাতিপিত্তলম্| আরুকং মধুরপ্রাযমম্লং তু কফপিত্তলম্||" ইতি| আরুকং-ভব্যমিত্যেকে| তন্ন| "ভব্যং স্বাদুকষাযাম্লং রূক্ষং গুর্বাত্স্যশোধনম্| শীতং গ্রাহ্যরুচিচ্ছর্দিরক্তপিত্তকফাপহম্||" ইতি খারণাদিনা পৃথগ্গুণকথনাত্|

Adhikarana অম্লদ্রাক্ষাপরূষককরমর্দকগুণাঃ (১৩৬-১৩৭) · Śloka ১৩৭

| দ্রাক্ষাপরূষকং চার্দ্রমম্লং পিত্তকফপ্রদম্||১৩৬|| গুরূষ্ণবীর্যং বাতঘ্নং সরং সকরমর্দকম্| |১৩৭|

View original

| द्राक्षापरूषकं चार्द्रमम्लं पित्तकफप्रदम्||१३६|| गुरूष्णवीर्यं वातघ्नं सरं सकरमर्दकम्| |१३७|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-দ্রাক্ষাপরূষকং সকরমর্দকং চার্দ্রং-অশুষ্কম্, অম্লং সত্ পিত্তশ্লেষ্মকরং গুরূষ্ণবীর্যং বাতঘ্নং সরং চেতি| করমর্দকং-সুষেণম্|

আযুর্বেদরসাযনম্ ব্যাখ্যা ( কৃত)

আ০ র০-অথ দ্রাক্ষাদীনামম্লানাং গুণাঃ| তত্র দ্রাক্ষাদিত্রযস্যার্দ্রস্য গুণানাহ-দ্রাক্ষাপরূষকমিতি| অম্লানি যানি দ্রাক্ষাপরূষককরমর্দকানি তান্যার্দ্রাণি চেত্তদা পিত্তপ্রদত্বাদিগুণানি|

Adhikarana অম্লকোলাদিগুণাঃ (১৩৭-১৩৮) · Śloka ১৩৮

| তথাঽম্লং কোলকর্কন্ধুলকুচাম্রাতকারুকম্||১৩৭|| ঐরাবতং দন্তশঠং সতূদং মৃগলিণ্ডিকম্| নাতিপিত্তকরং পক্বং শুষ্কং চ করমর্দকম্||১৩৮||

View original

| तथाऽम्लं कोलकर्कन्धुलकुचाम्रातकारुकम्||१३७|| ऐरावतं दन्तशठं सतूदं मृगलिण्डिकम्| नातिपित्तकरं पक्वं शुष्कं च करमर्दकम्||१३८||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

আ০ র০-কোলাদীনাং গুণানাহ-তথাঽম্লমিতি| অম্লানুবৃত্তাবম্লগ্রহণমার্দ্রনিবৃত্ত্যর্থম্| অম্লং যত্কোলাদিকং তদার্দ্রং শুষ্কং বা, তথা-তদ্বত্, পিত্তপ্রদত্বাদিগুণমিত্যর্থঃ| কোলকর্কন্ধুনী-বদরভেদৌ| লকুচং-গ্রন্থিফলম্| ঐরাবতং-নারঙ্গং এলানং চ| দন্তশঠং-জম্বীরং ফলাম্লিকাখ্যং চ| তূদং তোদনং আম্রাতকং (কোশাম্রং) চ| উক্তং চ খারণাদিনা-"ফলাম্লিকৈরাবতককোশাম্রকরমর্দকম্| আম্রাতকং দন্তশঠমম্লোষ্ণং রক্তপিত্তলম্||" ইতি| মৃগলিণ্ডিকং-মৃগবিট্সদৃশং কর্কটাখ্যম্| দ্রাক্ষাদের্মৃগলিণ্ডিকান্তস্য পক্বস্য বিশেষগুণমাহ-নাতিপিত্তকরমিতি| পক্বং দ্রাক্ষাদিকমম্লমপি নাতিপিত্তকরম্, স্বাদুপাকত্বাত্| তথাঽঽহ মাধবকারঃ-"দ্রাক্ষাকরীরকর্কন্ধুবদরাণ্যারুকাণি চ| পরূষকাণি চাম্লানি কফপিত্তকঃরাণি চ|| স্বাদুপাকানি যান্যেষাং নাতিপিত্তকরাণি চ||" ইতি| যত্তূক্তং সুশ্রুতেন (সূ.অ. ৪৬/১৭২)- "অত্যম্লং পিত্তজননমামং বিদ্যাত্পরূষকম্| তদেব পক্বং মধুরং বাতপিত্তনিবর্হণম্||" ইতি| তত্পক্বাবস্থাযাং মধুরপরূষকবিষম্| যত্তু পক্বমপ্যম্লত্বং ন জহাতি, তত্কিঞ্চিত্পিত্তকরমেব| এবং দ্রাক্ষাদিষ্বপি বোধ্যম্| শুষ্কস্য করমর্দস্য বিশেষগুণমাহ-শুষ্কমিতি| নাতিপিত্তকরমিতি চকারেণানুকৃষ্যতে| শুষ্কস্য করমর্দস্য বিপর্যযতন্ত্রযুক্ত্যা পিত্তঘ্নত্বে প্রাপ্তে কিঞ্চিত্পিত্তকরত্বং বিধীযতে|

Adhikarana শুষ্কাম্লীকাফলাদিগুণাঃ (১৩৯) · Śloka ১৩৯

দীপনং ভেদনং শুষ্কমম্লীকাকোলযোঃ ফলম্| তৃষ্ণাশ্রমক্লমচ্ছেদি লঘ্বিষ্টং কফবাতযোঃ||১৩৯||

View original

दीपनं भेदनं शुष्कमम्लीकाकोलयोः फलम्| तृष्णाश्रमक्लमच्छेदि लघ्विष्टं कफवातयोः||१३९||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অম্লীকাফলং কোলফলং চ শুষ্কং সদ্দীপনং ভেদনং তৃষ্ণাদিনাশনং লঘু কফবাতযোশ্চ পথ্যম্|

আযুর্বেদরসাযনম্ ব্যাখ্যা ( কৃত)

আ০ র০-শুষ্কাণামম্লিকাদীনাং গুণানাহ-দীপনমিতি| অম্লিকা-চিঞ্চাফলম্| কোলযোরিতি দ্বিবচনাত্ কোলকর্কন্ধুনোর্গ্রহণম্| সুশ্রুতেন (সূ. অ. ৪৬/১৪৫) হি দ্ব যোরপি তুল্যগুণত্বমুক্তম্, দর্শিতং চ বদরব্যাখ্যানে| কফবাতযোরিষ্টং-কফবাতঘ্নমিত্যর্থঃ| সরমিতি সামান্যোক্ত্যা ভেদনত্বে সিদ্ধে ভেদনমিতি নিযমার্থম্, শুষ্কাণ্যেবাম্লিকাদীনি ভেদনানি| অত এব খারণাদিনা-"গ্রাহ্যম্লং বদরং রুচ্যং লঘূষ্ণং মারুতাপহম্| মধুরং তদ্গুরু স্নিগ্ধং শীতং পিত্তানিলাপহম্||" ইত্যুক্তং গ্রাহিত্বমশুষ্কবিষযম্|

Adhikarana ফলানাং মদ্যে লকুচমবরম্ (১৪০) · Śloka ১৪০

ফলানামবরং তত্র লকুচং সর্বদোষকৃত্| |১৪০|

View original

फलानामवरं तत्र लकुचं सर्वदोषकृत्| |१४०|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ফলানাং সর্বেষাং মধ্যে লকুচমবরং-অপ্রধানং, ত্রিদোষকরং চ| চরকমুনিস্ত্বস্য পিত্তশ্লেষ্মকৃত্ত্বমেবানুজজ্ঞে| তত্পাঠো হি (সূ.অ. ২৭|১২৮)-"অম্লং পরূষকং দ্রাক্ষা বদরাণ্যারুকাণি চ| পিত্তশ্লেষ্মপ্রকোপীণি কর্কন্ধুলকুচানি চ||" ইতি| সঙ্গ্রহে ত্বতোঽপ্যধিকমুক্তম্ (সূ.অ.৭)-"তিন্দুকাশ্মন্তকাসীসফলিনীবিম্বতোদনম্| টঙ্কাশ্বকর্ণবকুলগাঙ্গেরুধবধন্বনম্| শ্বেতপাকং কপিত্থানি সিঞ্চতীভব্যজাম্ববম্| ক্ষীরিবৃক্ষফলং বীজং পৌষ্করং কফপিত্তজিত্|| কষাযমধুরং রূক্ষং শীতলং গুরু লেখনম্| বিবন্ধাধ্মানজননং স্তম্ভনং বাতকোপনম্|| বৃংহণং বাতপিত্তঘ্নং স্নিগ্ধং সিঞ্চিতিকাফলম্| ভব্যং বিশদমম্লং চ, জাম্ববং ত্বতিবাতলম্|| বিষ্টম্ভকৃদকণ্ঠ্যং চ সাম্লং তু ক্ষীরিবৃক্ষজম্| পিত্তশ্লেষ্মঘ্নমম্লং চ বাতলং চাক্ষকীফলম্|| নীপং শতাক্ষিকং প্রাচীনামলং তৃণশূল্যজম্| অস্মাদল্পান্তরগুণং সেঙ্গুদং সবিকঙ্কতম্|| ফলং করঞ্জং বিষ্টম্ভি পিত্তশ্লেষ্মাবিরোধি চ|"ইতি| মুনিনা ত্বতোঽপি কিঞ্চিদধিকমুক্তম্| যথা (চ.সূ.অ.২৭|১৫০)-"রোচনো দীপনো হৃদ্যঃ সুগন্ধিস্ত্বগ্বিবর্জিতঃ| কর্চূরঃ কফবাতঘ্নঃ শ্বাসহিক্কার্শসাং হিতঃ|| বাতলং কফপিত্তঘ্নং বিদ্যাত্কর্পটকীফলম্| মধুরাণ্যতিপাকানি বাতপিত্তহরাণি চ|| অশ্বত্থোদুম্বরপ্লক্ষন্যগ্রোধানাং ফলানি তু| প্রাচীনামলকং চৈব দোষঘ্নং গরঘাতি চ|| ইঙ্গুদং তিক্তমধুরং স্নিগ্ধোষ্ণং কফবাতজিত্|" ইতি| সুশ্রুতে চোক্তম্ (সূ.অ.৪৬|১৮৯,১৬০)-|"সুগন্ধি মধুরং স্নিগ্ধং লবলীফলমুচ্যতে| বৃক্ষাম্লাল্পান্তরগুণং কোশাম্রফলমুচ্যতে||" ইতি| সম্প্রতি যাদৃশং ফলং শাকং চ ত্যাজ্যম্, তদুপদিশন্নাহ-

আযুর্বেদরসাযনম্ ব্যাখ্যা ( কৃত)

আ০ র০-লকুচগুণানাহ-ফলানামিতি| এতচ্চ সর্বদোষকরত্বমনম্লস্য, অম্লস্য বাতঘ্নেষু কোলাদিষু পঠিতত্বাত্| সঙ্গ্রহে তু (সূ.অ.৭)-[*"নারিকেলং গুরু স্নিগ্ধং পিত্তঘ্নং স্বাদু শীতলম্| বলমাংসকরং হৃদ্যং বৃংহণং বস্তিশোধনম্|| মোচং স্বাদুরসং প্রোক্তং কষাযং নাতিশীতলম্| রক্তপিত্তহরং বৃষ্যং রুচ্যং শ্লেষ্মকরং গুরু|| স্নিগ্ধং স্বাদুকষাযং চ রাজাদনফলং গুরু| ] মধূকজমহৃদ্যং তু বদরং সরণাত্মকম্|| তিন্দুকাশ্মন্তকাশীতিফলিনীবিম্বিতোদনম্| টঙ্কাশ্বকর্ণবকুলগাঙ্গেরুধবধন্বনম্|| শ্বেতপাকং কপিত্থানি সিঞ্চতীভব্যজাম্ববম্| ক্ষীরিবৃক্ষফলং বীজং পৌষ্করং কফপিত্তজিত্|| কষাযমধুরং রূক্ষং শীতলং গুরু লেখনম্| বিবন্ধাধ্মানজননং স্তম্ভনং বাতকোপনম্|| বৃংহণং বাতপিত্তঘ্নং স্নিগ্ধং সিঞ্চতিকাফলম্| ভব্যং বিশদমম্লং চ, [ *জাম্ববং ত্বতিবাতলম্|| বিষ্টম্ভকৃদকণ্ঠ্যং চ ] সাম্লং তু ক্ষীরিবৃক্ষজম্| পিত্তশ্লেষ্মঘ্নমম্লং চ বাতলং চাক্ষকীফলম্|| কষাযং রোচনং হৃদ্যং বাতলং লবলীফলম্| ফলং করঞ্জং বিষ্টম্ভি পিত্তশ্লেষ্মা বিরোধি চ|| নীপং শতাক্ষিকং প্রাচীনামলং তৃণশূল্যজম্| পীলুনোঽল্পান্তরগুণং সেঙ্গুদং সবিকঙ্কতম্||' ইতি|

Adhikarana ত্যাজ্যানি ধান্যশাকফলানি (১৪০-৩) · Śloka ৩

| হিমানলোষ্ণদুর্বাতব্যাললালাদিদূষিতম্||১৪০|| জন্তুজুষ্টং জলে মগ্নমভূমিজমনার্তবম্| অন্যধান্যযুতং হীনবীর্যং জীর্ণতযাঽতি চ||১৪১|| ধান্যং ত্যজেত্তথা শাকং রূক্ষসিদ্ধমকোমলম্| অসঞ্জাতরসং তদ্বচ্ছূষ্কং চান্যত্র মূলকাত্||১৪২|| প্রাযেণ ফলমপ্যেবং তথাঽঽমং বিল্ববর্জিতম্| |১৪৩| ইতি ফলবর্গঃ||৩||

View original

| हिमानलोष्णदुर्वातव्याललालादिदूषितम्||१४०|| जन्तुजुष्टं जले मग्नमभूमिजमनार्तवम्| अन्यधान्ययुतं हीनवीर्यं जीर्णतयाऽति च||१४१|| धान्यं त्यजेत्तथा शाकं रूक्षसिद्धमकोमलम्| असञ्जातरसं तद्वच्छूष्कं चान्यत्र मूलकात्||१४२|| प्रायेण फलमप्येवं तथाऽऽमं बिल्ववर्जितम्| |१४३| इति फलवर्गः||३||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-দূষিতশব্দঃ প্রত্যেকং সম্বদ্যতে| ধান্যং কেদারস্থং হিমেন দূষিতং ত্যজেত্| তথা, অনলেন প্রবৃদ্ধেন দূষিতং, উষ্ণেন আতপাদিনা, দুর্বাতেন-পুরোবাতাদিনা, তথা, ব্যালানাং-সর্পাদীনাং লালযা দূষিতং ত্যজেত্| আদিগ্রহণেন শবকোথমূত্রপুরীষাদীনাং গ্রহণম্| তথা, জন্তুভিঃ-কৃম্যাদিভিঃ, জুষ্টং-সেবিতম্| জলে মগ্নং-আশিখং বুডিতম্| অভূমৌ-বিপরীতভুবি জাতং-অভূমিজম্, যা যস্যোচিতা ভূমিস্ততোঽন্যা-বিপরীতা| অনার্তবং অপ্রাপ্তসমযম্, যস্মিন্নৃতৌ যস্যোত্পত্তিঃ প্রসিদ্ধা ততোঽন্যস্মিন্ জাতমিত্যর্থঃ| তল্লক্ষণং চ রসাদীনামপরিপূর্ণত্বেন বিজ্ঞেযম্| অন্যেন-বিজাতীযেন ধান্যেন সংযুতং কেদারগতম্| { যথা, রক্তশালির্যবকেন সহ বিরুধ্যতে| তথা, মুদ্গো মাষেণ| } (এবং শূকধান্যং বিজাতীযেন শূকধান্যেন| তথা, শিম্বীধান্যং শিম্বীধান্যেন বিজাতীযেন সহ বিরুদ্ধং ত্যজেত্) { কেচিচ্ছূকধান্যেন সহ বিরুদ্ধমিতি বর্ণযন্তি| অন্যে তু জীর্ণং নবেনমিশ্রিতমন্যধান্যযুতমিতি ব্রুবতে| } জীর্ণতযা-অতিপুরাণত্বেন, হীনবীর্যং-নষ্টশক্তি| এবংবিধং ধান্যং ত্যজেত্| তথা, শাকমপি ত্যজেত্| কীদৃশম্ ? রূক্ষসিদ্ধং-নিঃস্নেহসিদ্ধমিত্যর্থঃ| অথবা, রূক্ষেণ-কাঞ্জিকাদিনা সিদ্ধং-রূক্ষসিদ্ধম্| অকোমলং-জরঠম্| অসঞ্জাতরসং-অপরিপূর্ণস্বরূপমিত্যর্থঃ| তদ্বচ্ছুষ্কং-তথৈব শুষ্কশাকমপ্যসঞ্জাতরসবত্ ত্যজেত্, অন্যত্র মূলকাত্| শুষ্কমূলকং ভজেদেব| প্রাযেণ ফলমপ্যেবংবিধং ত্যজেত্| প্রাযোগ্রহণং দ্রাক্ষাপরূষকাদীনাং শুষ্কাণামপি পথ্যত্বাদত্যাজ্যত্বজ্ঞাপনার্থম্| তথা, আমং-অসম্প্রাপ্তপাকং ফলং, ত্যজেদিতি বর্ততে| কিং সর্বম্ ? নেত্যাহ-বিল্ববর্জিতম্| বিল্বং ত্বামমপি পথ্যত্বাদ্ভজেদেবেত্যর্থঃ| ইতি ফলবর্গঃ| ফলবর্গাদনন্তরং বিবিধৌষধবর্গারম্ভঃ, প্রাযেণাস্যাঽঽহারোপযোগিত্বাত্| তত্রাপি লবণানাং পূর্বমুপন্যাসো যুক্তঃ, সুতরামুপযোগিত্বাত্| ইত্যাহ-

আযুর্বেদরসাযনম্ ব্যাখ্যা ( কৃত)

Adhikarana ঔষধবর্গঃ লবণসামান্যগুণাঃ (১৪৩-১৪৪) · Śloka ১৪৪

অথৌষধবর্গঃ| | বিষ্যন্দি লবণং সর্বং সূক্ষ্মং সৃষ্টমলং মৃদু||১৪৩|| বাতঘ্নং পাকি তীক্ষ্ণোষ্ণং রোচনং কফপিত্তকৃত্| |১৪৪|

View original

अथौषधवर्गः| | विष्यन्दि लवणं सर्वं सूक्ष्मं सृष्टमलं मृदु||१४३|| वातघ्नं पाकि तीक्ष्णोष्णं रोचनं कफपित्तकृत्| |१४४|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

Adhikarana সৈন্ধবগুণাঃ (১৪৪-১৪৫) · Śloka ১৪৫

| সৈন্ধবং তত্র সস্বাদু বৃষ্যং হৃদ্যং ত্রিদোষনুত্||১৪৪|| লঘ্বনুষ্ণং দৃশঃ পথ্যমবিদাহ্যগ্নিদীপনম্| |১৪৫|

View original

| सैन्धवं तत्र सस्वादु वृष्यं हृद्यं त्रिदोषनुत्||१४४|| लघ्वनुष्णं दृशः पथ्यमविदाह्यग्निदीपनम्| |१४५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তত্র-তেষু লবণেষু মধ্যে, সৈন্ধবং সস্বাদু-ঈষন্মধুরং, বৃষ্যং হৃদ্যং ত্রিদোষঘ্নং লঘু তথা কিঞ্চিদুষ্ণং দৃষ্টেঃ পথ্যং কিঞ্চিদ্বিদাহি অগ্নিদীপনং চ| সামন্যগুণাশ্চ বিষ্যন্দিসূক্ষ্মসৃষ্টমলত্বরোচনান্যস্য সন্ত্যেব|

আযুর্বেদরসাযনম্ ব্যাখ্যা ( কৃত)

আ০ র০-অথ বিশেষগুণাঃ| তত্র সৈন্ধবগুণানাহসৈন্ধবমিতি| সস্বাদু-ঈষন্মধুরম্| অনুষ্ণং-ঈষদুষ্ণম্| ননু, "সস্নেহং মধুরং পাকে বর্ণ্যং রোচনদীপনম্| দোষত্রযঘ্নং চক্ষুষ্যং শীতং সস্বাদু সৈন্ধবম্||" ইতি খারণাদিনা শীতমুক্তম্| তত্কথমনুষ্ণম্ ? অত্র ব্রূমঃ| শীতমিব শীতম্, চক্ষুষ্যত্বপিত্তঘ্নত্বাদিকার্যকরত্বাত্| অবশ্যং চৈবমঙ্গীকর্তব্যম্, "সৈন্ধবং সারসং পাক্যং সৌবর্চলমথৌদ্ভিদম্| পূর্বং পূর্বং গুণোত্কৃষ্টমুষ্ণং তেষাং যথোত্তরম্||" ইতি খারণাদিনৈবোষ্ণত্বস্যোক্তত্বাত্| সুশ্রুতোঽপ্যাহ (সূ.অ. ৪৬/৩১৩)- "সৈন্ধবসামুদ্রবিডসৌবর্চলরোমকৌদ্ভিদপ্রভৃতীনি লবণানি যথোত্তরমুষ্ণানি বাতহরাণি কফপিত্তকরাণি চ| যথাপূর্বং স্নিগ্ধানি স্বাদূনি সৃষ্টমূত্রপুরীষাণি চ|" ইতি| দৃশঃ পথ্যং-চক্ষুষ্যম্|

Adhikarana সৌবর্চলগুণাঃ (১৪৫-১৪৬) · Śloka ১৪৬

| লঘু সৌবর্চলং হৃদ্যং সুগন্ধ্যুদ্গারশোধনম্||১৪৫|| কটুপাকং বিবন্ধঘ্নং দীপনীযং রুচিপ্রদম্| |১৪৬|

View original

| लघु सौवर्चलं हृद्यं सुगन्ध्युद्गारशोधनम्||१४५|| कटुपाकं विबन्धघ्नं दीपनीयं रुचिप्रदम्| |१४६|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-সৌবর্চলং লঘু হৃদযায হিতং সুগন্ধি উদ্গারং শোধযতি-দুষ্টং সচ্ছুদ্ধং করোতি| কটুপাকং চ| তথা, বিবন্ধং স্রোতসাং হন্তি-বিবন্ধঘ্নম্| অগ্নিদীপ্তিরুচিকৃত্|

আযুর্বেদরসাযনম্ ব্যাখ্যা ( কৃত)

আ০ র০-সৌবর্চলগুণানাহ-লঘু সৌবর্চলমিতি| উদ্গারশোধনং-দুষ্টোদ্গারপ্রশমনম্|

Adhikarana বিডগুণাঃ (১৪৬-১৪৭) · Śloka ১৪৭

| ঊর্ধ্বাধঃকফবাতানুলোমনং দীপনং বিডম্||১৪৬|| বিবন্ধানাহবিষ্টম্ভশূলগৌরবনাশনম্| |১৪৭|

View original

| ऊर्ध्वाधःकफवातानुलोमनं दीपनं बिडम्||१४६|| विबन्धानाहविष्टम्भशूलगौरवनाशनम्| |१४७|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বিডং ঊর্ধ্বংমধশ্চ কফবাতাননুলোমযতি| তথা, দীপনং বিবন্ধাদিঘ্নং চ|

আযুর্বেদরসাযনম্ ব্যাখ্যা ( কৃত)

Adhikarana সামুদ্রগুণাঃ (১৪৭) · Śloka ১৪৭

| বিপাকে স্বাদু সামুদ্রং গুরু শ্লেষ্মবিবর্ধনম্||১৪৭||

View original

| विपाके स्वादु सामुद्रं गुरु श्लेष्मविवर्धनम्||१४७||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-সামুদ্রং বিপাকে মধুরং গুরু কফবর্ধনং চ|

আযুর্বেদরসাযনম্ ব্যাখ্যা ( কৃত)

আ০ র০-সামুদ্রগুণানাহ-বিপাক ইতি|

Adhikarana ঔদ্ভিদগুণাঃ (১৪৮) · Śloka ১৪৮

সতিক্তকটুকক্ষারং তীক্ষ্ণমুত্ক্লেদি চৌদ্ভিদম্| |১৪৮|

View original

सतिक्तकटुकक्षारं तीक्ष्णमुत्क्लेदि चौद्भिदम्| |१४८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ভূমিমুদ্ভিদ্য যদ্ভবতি তদৌদ্ভিদম্, ঈষত্তিক্তকটুকক্ষারং তীক্ষ্ণমুত্ক্লেদি চ- দোষোত্ক্লিষ্টকরম্|

আযুর্বেদরসাযনম্ ব্যাখ্যা ( কৃত)

আ০ র০-ঔদ্ভিদগুণানাহ-সতিক্তেতি| ভূমিমুদ্ভিদ্যোত্পন্নস্য ক্ষারোদকস্য সূর্যরশ্মিভির্বহ্নিনা বা ক্বথনাদ্যল্লবণং তত্-ঔদ্ভিদম্| উত্ক্লেদি-ক্লেদাভিবৃদ্ধিকরম্|

Adhikarana কৃষ্ণলবণগুণাঃ (১৪৮) · Śloka ১৪৮

| কৃষ্ণে সৌবর্চলগুণা লবণে গন্ধবর্জিতাঃ||১৪৮||

View original

| कृष्णे सौवर्चलगुणा लवणे गन्धवर्जिताः||१४८||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-কৃষ্ণে লবণে সৌবর্চলগুণাঃ-লঘুত্বাদযো, গন্ধেন বর্জিতাঃ-সৌগন্ধ্যরহিতাঃ, সন্তীতি শেষঃ|

আযুর্বেদরসাযনম্ ব্যাখ্যা ( কৃত)

আ০ র০-কৃষ্ণলবণগুণানাহ-কৃষ্ণ ইতি| অত এব নির্গন্ধং সৌবর্চলমিত্যাচক্ষতে|

Adhikarana রোমকলবণগুণাঃপাংসুজগুণাঃ (১৪৯) · Śloka ১৪৯

রোমকং লঘু, পাংসূত্থং সক্ষারং শ্লেষ্মলং গুরু| |১৪৯|

View original

रोमकं लघु, पांसूत्थं सक्षारं श्लेष्मलं गुरु| |१४९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-রোমকং লবণং লঘু| পাংসূত্থং-শিলালবণম্, ঈষত্ ক্ষারং শ্লেষ্মলং গুরু চ|

আযুর্বেদরসাযনম্ ব্যাখ্যা ( কৃত)

আ০ র০-রোমকগুণানাহ-রোমকমিতি| রোমকং-শাকম্ভরীদেশোত্থম্| পাংসুজগুণানাহ-পাংসূত্থমিতি| পাংসূত্থং-ক্ষারমৃত্তিকোদ্ভবম্|

Adhikarana লবণানাং প্রযোগে সৈন্ধবাদিপ্রযোজনম্ (১৪৯) · Śloka ১৪৯

| লবণানাং প্রযোগে তু সৈন্ধবাদি প্রযোজযেত্||১৪৯||

View original

| लवणानां प्रयोगे तु सैन्धवादि प्रयोजयेत्||१४९||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-লবণানাং প্রযোগে সৈন্ধবমাদি কৃত্বা প্রযোজযেত্-অন্যত্র প্রদেশে লবণানি দ্বিত্রাণি ত্রিচতুরাণি বা যত্র প্রযুজ্যন্তে তত্র সৈন্ধবমাদি কৃত্বা প্রযোজ্যানি| যথা-হিঙ্গ্বাদিচূর্ণে "দ্বিপটু" ইত্যুক্তম্| তত্র সৈন্ধবসৌবর্চলে প্রযোজ্যে| { যত্র ত্রযাণাং প্রযোগঃ, তত্র সৈন্ধবসৌবর্চলবিডানি| এবমৌদ্ভিদাদীনাং লবণবর্গে পঠিতানামন্যত্রাঽপি } বেদ্যম্| খরনাদে চোক্তম্-"সৈন্ধবং সারসং পাক্যং সৌবর্চলমথৌদ্ভিদম্| পূর্বং পূর্বং গুণোত্কৃষ্টমৌষ্ণ্যং তেষাং যথোত্তরম্|| ইতি|

আযুর্বেদরসাযনম্ ব্যাখ্যা ( কৃত)

আ০ র০-প্রসঙ্গাচ্চিকিত্স্তোপযোগিনীং পরিভাষামাহলবণানামিতি| যত্র লবণানামেকব্দ্যাদীনাং সৈন্ধবাদিশব্দৈর্বিনা প্রযোগ উক্তঃ, তত্র সৈন্ধবাদি প্রযোজযেত্| সৈন্ধবমাদি যত্র তদ্যথা ভবতীতি ক্রিযাবিশেষণম্| যথা, যত্রৈকং লবণম্, তত্র সৈন্ধবম্| যত্র দ্বে, তত্র সৈন্ধবসৌবর্চলে| যত্র ত্রীণী, তত্র সৈন্ধবসৌবর্চলবিডানীত্যাদি| যত্র সংখ্যাং বিনা বহুবচনম্, তত্র পঞ্চৈব গ্রাহ্যাণি| "সৌর্বচলং সৈন্ধবং চ বিডমৌদ্ভিদমেব চ| সামুদ্রেণ সহৈতানি পঞ্চ স্যুর্লবণানি চ||" ইতি চরক(?) বচনাত্| যথা (হৃ.চি.অ. ১০/৬)-"চতুর্ণা প্রস্থমম্লানাং ত্র্যূষণাচ্চ পলত্রযম্| লবণানাং চ চত্বারি শর্করাযাঃ পলাষ্টকম্|| তচ্চূর্ণং শাকসূপান্নরাগাদিষ্ববচারযেত্| কাসাজীর্ণারুচিশ্বাসহৃত্পাণ্ড্বামযশূলনুত্||" ইত্যত্র| এতদেব স্পষ্টীকৃতং সঙ্গ্রহে (চি. অ. ১২)-"দাডিমকপিত্থবৃক্ষাম্লাম্লীকানাং পৃথক্ পৃথক্ কুডবং লবণপঞ্চককুডবং ত্র্যূষণত্রিপলং শর্করাপলাষ্টকং চৈকত্র চূর্ণিতমন্নপানে প্রণীতমজীর্ণারুচিশ্বাসকাসগুল্মপ্লী হগ্রহণীহৃত্পাণ্ডুরোগঘ্নম্|" ইতি|

Adhikarana যবক্ষারগুণাঃ (১৫০) · Śloka ১৫০

গুল্মহৃদ্গ্রহণীপাণ্ডুপ্লীহানাহগলামযান্| শ্বাসার্শঃকফকাসাংশ্চ শমযেদ্যবশূকজঃ||১৫০||

View original

गुल्महृद्ग्रहणीपाण्डुप्लीहानाहगलामयान्| श्वासार्शःकफकासांश्च शमयेद्यवशूकजः||१५०||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-যবশূকজো-যবক্ষারো, গুল্মাদীন্ শমযতি|

আযুর্বেদরসাযনম্ ব্যাখ্যা ( কৃত)

আ০ র০-অথ ক্ষারঃ| তত্র যবক্ষারগুণানাহ-গুল্মেতি|

Adhikarana সামান্যক্ষারগুণাঃ (১৫১-১৫২) · Śloka ১৫২

ক্ষারঃ সর্বশ্চ পরমং তীক্ষ্ণোষ্ণঃ কৃমিজিল্লঘুঃ| পিত্তাসৃগ্দূষণঃ পাকী ছেদ্যহৃদ্যো বিদারণঃ||১৫১|| অপথ্যঃ কটুলাবণ্যাচ্ছুক্রৌজঃকেশচক্ষুষাম্| |১৫২|

View original

क्षारः सर्वश्च परमं तीक्ष्णोष्णः कृमिजिल्लघुः| पित्तासृग्दूषणः पाकी छेद्यहृद्यो विदारणः||१५१|| अपथ्यः कटुलावण्याच्छुक्रौजःकेशचक्षुषाम्| |१५२|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

Adhikarana হিঙ্গুগুণাঃ (১৫২-১৫৩) · Śloka ১৫৩

| হিঙ্গু বাতকফানাহশূলঘ্নং পিত্তকোপনম্||১৫২|| কটুপাকরসং রুচ্যং দীপনং পাচনং লঘু| |১৫৩|

View original

| हिङ्गु वातकफानाहशूलघ्नं पित्तकोपनम्||१५२|| कटुपाकरसं रुच्यं दीपनं पाचनं लघु| |१५३|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-হিঙ্গু বাতাদিঘ্নং পিত্তকোপনং কট্বাদিগুণযুক্তং চ|

আযুর্বেদরসাযনম্ ব্যাখ্যা ( কৃত)

আ০ র০-তত্র হিঙ্গুগুণানাহ-হিঙ্গ্বিতি|

Adhikarana হরীতকীগুণাঃ (১৫৩-১৫৭) · Śloka ১৫৭

| কষাযা মধুরা পাকে রূক্ষা বিলবণা লঘু||১৫৩|| দীপনী পাচনী মেধ্যা বযসঃ স্থাপনী পরম্| উষ্ণবীর্যা সরাঽঽযুষ্যা বুদ্ধীন্দ্রিযবলপ্রদা||১৫৪|| কুষ্ঠবৈবর্ণ্যবৈস্বর্যপুরাণবিষমজ্বরান্| শিরোঽক্ষিপাণ্ডুহৃদ্রোগকামলাগ্রহণীগদান্||১৫৫|| সশোষশোফাতীসারমেদমোহবমিক্রিমীন্| শ্বাসকাসপ্রসেকার্শঃপ্লীহানাহগরোদরম্||১৫৬|| বিবন্ধং স্রোতসাং গুল্মমূরুস্তম্ভমরোচকম্| হরীতকী জযেদ্ব্যাধীংস্তাংস্তাংশ্চ কফবাতজান্||১৫৭||

View original

| कषाया मधुरा पाके रूक्षा विलवणा लघु||१५३|| दीपनी पाचनी मेध्या वयसः स्थापनी परम्| उष्णवीर्या सराऽऽयुष्या बुद्धीन्द्रियबलप्रदा||१५४|| कुष्ठवैवर्ण्यवैस्वर्यपुराणविषमज्वरान्| शिरोऽक्षिपाण्डुहृद्रोगकामलाग्रहणीगदान्||१५५|| सशोषशोफातीसारमेदमोहवमिक्रिमीन्| श्वासकासप्रसेकार्शःप्लीहानाहगरोदरम्||१५६|| विबन्धं स्रोतसां गुल्ममूरुस्तम्भमरोचकम्| हरीतकी जयेद्व्याधींस्तांस्तांश्च कफवातजान्||१५७||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-হরীতকী কষাযা-কষাযরসা| কষাযরসত্বাত্কটুবিপাকিত্বং প্রাপ্তমিত্যাহ-মধুরা পাক ইতি| তথা, রূক্ষা| বিলবণেতি বচনং লবণং বর্জযিত্বা শেষাঃ পঞ্চরসা অস্যাঃ সন্তীতি বেদযতি| ননু, এবং কষাযেত্যনর্থকম্, যতঃ পঞ্চসু রসেষু লবণহীনেষু মধ্যে কষাযোঽনুপ্রবিষ্ট এব| অস্ত্যেবৈতত্| কষাযেত্যেতদতিশযখ্যাপনায, কষাযো রসোঽস্যাং বাহুল্যেনাস্তীত্যর্থঃ| তথা চ মুনিঃ (চ.চি.অ.১|২৯)-"হরীতকীং পঞ্চরসামুষ্ণাং বিলবণাং শিবাম্|" ইতি| তথা, লঘু| দীপনী-অগ্রেঃ| পাচনী-আমাদেঃ| মেধ্যা-মেধাযৈ হিতা| বযস ইত্যাদি,- কালকৃতা শরীরাবস্থা যৌবনাদির্বযস্তস্য, পরং-অতিশযেন, স্থাপনী-স্থিরীকরণী| উষ্ণেত্যেতাবতৈবোষ্ণবীর্যেত্যস্যার্থস্য লব্ধত্বাত্ বীর্যগ্রহণমতিশযোষ্ণবীর্যত্বখ্যাপনার্থম্| সরা- ভেদনী| তথা, আযুষে হিতা| বুদ্ধিঃ-বর্তমানার্থগ্রাহিণী প্রজ্ঞা, ইন্দ্রিযাণি-চক্ষুরাদীনি, তেষাং বলং প্রদদাতি যা সৈবম্| কুষ্ঠাদীন্ রোগান্ জযতি| খরনাদে ত্বেবমভ্যধাযি-"স্বাদ্বম্লভাবাত্পবনং, কটুতিক্ততযা কফম্| কষাযমধুরত্বাচ্চ পিত্তং হন্তি হরীতকী||" ইতি|

আযুর্বেদরসাযনম্ ব্যাখ্যা ( কৃত)

আ০ র০-হরীতকীগুণানাহ-কষাযেতি| কষাযেতি পঞ্চরসত্বেঽপ্যতিশযার্থম্| বিলবণা-স্বাদ্বম্লকটুকষাযতিক্তরসেত্যর্থঃ| বুদ্ধেরিন্দ্রিযাণাং চ বলপ্রদা| পুরাণজ্বরো-জীর্ণজ্বরঃ| শোষো-রাজযক্ষ্মা| মোহো-মূর্চ্ছা| স্রোতসাং বিবন্ধঃ-স্রোতোরোধঃ| কফবাতজানিতি কুষ্ঠাদীনাং বিশেষণম্| তাংস্তাংশ্চেতিঅন্যেষামপ্যেবংপ্রকারণামানুলোম্যাদিসাধ্যানাং গ্রহণার্থম্| ননু, "স্বাদ্বম্লভাবাত্পবনং, কটুতিক্ততযা কফম্| কষাযমধুরত্বাচ্চ পিত্তং হন্তি হরীতকী||" ইতি খারণাদিনা পিত্তঘ্নত্বমপ্যুক্তম্| তত্কিমিতি কফবাতযোর্গ্রহণম্| সত্যম্| পিত্তজানপি ব্যাধীন্ জযেত্, কফবাতজাংস্ত্বতিশযেন, উষ্ণবীর্যত্বাত্| খারণাদিনা হরীতকীলক্ষণমুপ্যুক্তম্-"ক্ষিপ্তাঽম্ভসি নিমজ্জেদ্যা গুণকৃত্সা প্রকীর্তিতা|" ইতি|

Adhikarana আমলকগুণাঃ (১৫৮) · Śloka ১৫৮

তদ্বদামলকং শীতমম্লং পিত্তকফাপহম্| |১৫৮|

View original

तद्वदामलकं शीतमम्लं पित्तकफापहम्| |१५८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তযা-হরীতক্যা, তুল্যং বর্তত ইতি তৃতীযান্তাদ্বতিঃ| হরীতকীসমানগুণমামলকমিত্যর্থঃ| বিশেষং ত্বস্যাহ-অভযোষ্ণা ইদং শীতং,- শীতবীর্যম্| তথা, অম্লং-অম্লরসং, পিত্তকফঘ্নং চেতি| কৃষ্ণাত্রেযস্ত্বামলকং ত্রিদোষঘ্নমাখ্যত্| যথা-"অম্লভাবাজ্জযেদ্বাতং পিত্তং মাধুর্যশৈত্যতঃ| কফং রূক্ষকষাযত্বাদেবমেতত্ত্রিদোষনুত্||" সুশ্রুতেঽপি (সূ.অ.৪৬|১৪৩) ত্রিদোষঘ্নত্বমুক্তম্| তদ্গ্রন্থো হি-"চক্ষুষ্যং সর্বদোষঘ্নং বৃষ্যমামলকীফলম্| হন্তি বাতং তদম্লত্বাত্ পিত্তং মাধুর্যশৈত্যতঃ|| কফং রূক্ষকষাযত্বাত্ ফলেভ্যোঽভ্যধিকং তু তত্|" ইতি|

আযুর্বেদরসাযনম্ ব্যাখ্যা ( কৃত)

আ০ র০-আমলকগুণানাহ-তদ্বদিতি| তদ্বত্-হরীতকীবত্| সা তূষ্ণা কষাযোত্কটা, অতিশযেন কফবাতঘ্নী| ইদং তু শীতমম্লোট্কতমতিশযেন পিত্তকফঘ্নমিতি ব্যতিরেকঃ|

Adhikarana অক্ষগুণাঃ (১৫৮) · Śloka ১৫৮

| কটু পাকে হিমং কেশ্যমক্ষমীষচ্চ তদ্গুণম্||১৫৮||

View original

| कटु पाके हिमं केश्यमक्षमीषच्च तद्गुणम्||१५८||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অক্ষং-বিভীতকং, পাকে কটুকং শীতবীর্যং কেশেভ্যো হিতম্| তথা, ঈষতদ্গুণং,-তাভ্যাং-হরীতকীধাত্রীভ্যাং, সমানা গুণা যস্য তত্তদ্গুণং কিঞ্চিদক্ষম্| ননু, হরীতক্যাদীনাং স্থূলসূক্ষ্মাদিভেদেনানিযতস্বরূপত্বাত্কথমিবোপযোগঃ ক্রিযতাম্ ? ইতি কেচিত্| তান্ ব্রূমহে| অক্ষং তাবদত্র কর্ষপ্রমাণং গ্রাহ্যম্| তথা চ ধন্বন্তরিরাখ্যত্ (ধংইঘণ্টৌ ব.১|২৯২)-"বিভীতকঃ কর্ষফলো" ইত্যাদি| অন্বর্থা হীযং সংজ্ঞা| কর্ষং-কর্ষপ্রমাণং, ফলং যস্য স কর্ষফল ইতি| তদেবং বিভীতকস্য ফলং যত্কর্ষপ্রমাণং তদ্গ্রাহ্যমিত্যবতিষ্ঠতে| হরীতক্যা অপি প্রমাণং নিযতমেব| হরীতক্যা অপি প্রমাণং নিযতমেব| তন্ত্রান্তরেঽপ্যুক্তম্-"নবা স্নিগ্ধা ঘনা বৃত্তা গুর্বী ক্ষিপ্তা তথাঽম্ভসি| নিমজ্জেদ্যা প্রশস্তত্বাত্ গুণকৃত্সা প্রকীর্তিতা| নবাদিগুণযুক্তত্বং তথৈকত্বং দ্বিকর্ষতা| হরীতক্যাঃ ফলে যেনং তেনৈতচ্ছ্রেষ্ঠমুচ্যতে||" ইতি| তদেবং দ্বিকর্ষপ্রমাণত্বং হরীতক্যাঃ স্থিতম্| ধাত্রীফলস্যপি যুক্ত্যা নিযতপ্রমাণত্বমেব| তথা চোক্তং তন্ত্রান্তরে "অভযৈক প্রদাতব্যা দ্বাবেব তু বিভীতকৌ| ধাত্রীফলানি চত্বারি ত্রিফলেযং প্রকীর্তিতা|| ইতি| তদেবমামলকানামর্ধকর্ষপ্রমাণত্বমবতিষ্ঠতে| তস্মান্নিযতপ্রমাণত্বং ত্রিফলাযাঃ স্থিতম্|

আযুর্বেদরসাযনম্ ব্যাখ্যা ( কৃত)

আ০ র০-বিভীতকগুণানাহ-কটু পাক ইতি| অক্ষং বিভীতকম্| তদ্গুণং-আমলকগুণম্| কটু পাক ইতি স্বাদুপাকত্বাপবাদঃ| অহিমমিতি শীতবীর্যস্য নিষেধাদুষ্ণবীর্যত্বস্যৈব প্রতিপ্রসবঃ| ঈষদিত্যতিশযো নিষিধ্যতে| স চাম্লত্বস্যৈব, ন পিত্তকফাপহত্বস্য| তস্য তন্ত্রান্তরে বিধানাত্| যদাহ সুশ্রুতঃ (সূ.অ. ৪৬/২০০)-"ভেদনং লঘু রূক্ষোষ্ণং বৈস্বর্যং কৃমিনাশনম্| চক্ষুষ্যং স্বাদুপাক্যক্ষং কষাযং কফপিত্তজিত্||' ইতি| খারণাদিরপি-"কষাযমধুরং শীতং লঘু পিত্তকফাপহম্| বিভীতকফলং তস্মান্ত্রিফলা সার্বযৌগিকী||" ইতি| স্বাদুপাকীতি,- স্বাদু-মধুররসম্, পাকিপাচনম্| অত এব খারণাদিনা কষাযমধুরমুক্তম্| শীতমিতি শীতস্পর্শম্, সুশ্রুতেনোষ্ণত্বস্যোক্তত্বাত্, "উষ্ণবীর্যা" ইতি বীর্যগ্রহণাচ্চ|

Adhikarana ত্রিফলাগুণাঃ (১৫৯) · Śloka ১৫৯

ইযং রসাযনবরা ত্রিফলাঽক্ষ্যামযাপহা| রোপণী ত্বগ্গ্দক্লেদমেদোমেহকফাস্ত্রজিত্||১৫৯||

View original

इयं रसायनवरा त्रिफलाऽक्ष्यामयापहा| रोपणी त्वग्ग्दक्लेदमेदोमेहकफास्त्रजित्||१५९||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ইযং-ঈদৃশী, ত্রিফলা রসাযনবরা| চক্ষূরোগঘ্নী| রোপণী-ব্রণানাম্| ত্বগ্গদাঃ-কুষ্ঠাদযঃ, ক্লেদো-ব্রণাদীনাং স্রাবঃ মেদঃ-চতুর্থো ধাতুঃ, মেহঃ-প্রমেহঃ, কফঃ-শ্লেষ্মা, অস্রং-রক্তম্, তানি জযতি যা সৈবম্|

আযুর্বেদরসাযনম্ ব্যাখ্যা ( কৃত)

আ০ র০-হরীতক্যাদিত্রযস্য মিলিতস্য সংজ্ঞাং কুর্বন্ গুণানাহ-ইযমিতি| ইযং-হরীতক্যামলকবিভীতকাখ্যা ফলত্রযী, ত্রিফলেতি খ্যাতা রসাযনবরত্বাদিগুণা চ| অক্ষ্যামযো-নেত্ররোগঃ| ত্বগ্গদাঃ-কুষ্ঠাদযঃ|

Adhikarana চতুর্জাতগুণাঃ ত্রিজাতকগুণাঃ (১৬০) · Śloka ১৬০

সকেসরং চতুর্জাতং ত্বক্পত্রৈলং ত্রিজাতকম্| পিত্তপ্রকোপি তীক্ষ্ণোষ্ণং রূক্ষং রোচনদীপনম্||১৬০||

View original

सकेसरं चतुर्जातं त्वक्पत्रैलं त्रिजातकम्| पित्तप्रकोपि तीक्ष्णोष्णं रूक्षं रोचनदीपनम्||१६०||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

আ০ র০-ত্বগাদেস্ত্রযস্য চতুষ্টযস্য চ সংজ্ঞাং কুর্বন্ গুণানাহ-সকেসরমিতি| ত্বক্পত্রৈলং-ত্রিজাতকম্| তদেব সকেসরং-চতুর্জাতসংজ্ঞম্| দ্বযমপি পিত্তপ্রকোপিত্বাদিগুণম্| কেচিত্পূর্বার্দ্ধমপঠিত্বোত্তরার্দ্ধ মরিচেন যোজযন্তি| তদসত্| ত্রিফলাবত্ ত্রিজাতকচতুর্জাতকাভ্যামপি প্যবহারাত্ পিত্তপ্রকোপিত্বাদিগুণযোগশঙ্কাযা নির্বীজত্বাচ্চ| ন হি তন্ত্রান্তরে এতত্প্রতিকূলা গুণা উক্তাঃ, কিন্ত্বনুকূলাঃ| যথা চিকিত্সাকলিকাযাম্ (শ্লো.৬০)-"ত্বক্পত্রকৈলং ত্রিসুগন্ধমেতত্ প্রকীর্তিতং বাতকফাপহারি| বর্ণ্যং বিষঘ্নং চ সনাগপুষ্পং জ্ঞেযং চতুর্জাতকমেতদেব||" ইতি|

Adhikarana মরিচগুণাঃ (১৬১) · Śloka ১৬১

রসে পাকে চ কটুকং কফঘ্নং মরিচং লঘু| |১৬১|

View original

रसे पाके च कटुकं कफघ्नं मरिचं लघु| |१६१|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-রসে পাকে চ কটুকং মরিচং কফঘ্নং লঘু চ| কটুরসত্বেন কটুপাকত্বে লব্ধে পাকগ্রহণ্মতিশযার্থম্|

আযুর্বেদরসাযনম্ ব্যাখ্যা ( কৃত)

আ০ র০-মরিচগুণানাহ-রসে পাক ইতি| যত্তু "রোচনং দীপনং ছেদি সুগন্ধি কফবাতজিত্| নাত্যুষ্ণং কটুকং তীক্ষ্ণং মরিচং নাতিপিত্তলম্||' ইতি খারণাদিনা নাত্যুষ্ণত্বং বাতিপিত্তলত্বং চোক্তম্| তদার্দ্রাবস্থাবিষযম্, তস্য স্বাদুপাকিত্বাত্| উক্তং চ সুশ্রুতেন (সূ.অ. ৪৬/২২৪)-"স্বাদুপাক্যার্দ্রমরিচং গুরু শ্লেষ্মপ্রসেকি চ|" ইতি|

Adhikarana পিপ্পলীগুণাঃ (১৬১-১৬৩) · Śloka ১৬৩

| শ্লেষ্মলা স্বাদুশীতাঽঽর্দ্রা গুর্বী স্নিগ্ধা চ পিপ্পলী||১৬১|| সা শুষ্কা বিপরীতাঽতঃ স্নিগ্ধা বৃষ্যা রসে কটুঃ| স্বাদুপাকাঽনিলশ্লেষ্মশ্বাসকাসাপহা সরা||১৬২|| ন তামত্যুপযুঞ্জীত রসাযনবিধিং বিনা| |১৬৩|

View original

| श्लेष्मला स्वादुशीताऽऽर्द्रा गुर्वी स्निग्धा च पिप्पली||१६१|| सा शुष्का विपरीताऽतः स्निग्धा वृष्या रसे कटुः| स्वादुपाकाऽनिलश्लेष्मश्वासकासापहा सरा||१६२|| न तामत्युपयुञ्जीत रसायनविधिं विना| |१६३|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-আর্দ্রা-অশুষ্কা, পিপ্পলী শ্লেষ্মলা স্বাদুরসা শীতবীর্যা গুরুঃ স্নিগ্ধা চ| সা-পিপ্পলী, শুষ্কা অতঃ-আর্দ্রাযাঃ পিপ্পল্যাঃ সকাশাত্, বিপরীতা-শীতবিপর্যযেণোষ্ণা, গুরুবিপর্যযেণ লঘুঃ, স্নিগ্ধবিপর্যযস্ত্বত্র নাস্তি স্নিগ্ধেত্যুক্তত্বাত্| তথা, বৃষ্যা রসে কটুশ্চ| কটুরসত্বাচ্চ কটুপাকত্বং প্রাপ্তমিত্যাহ-স্বাদুপাকা| তথা, অনিলাদীন্ হন্তি, সরা চ| এবংবিধামপি তাং-পিপ্পলীং, নাত্যর্থং যুঞ্জীত, রসাযনবিধিং বিনা| পিপ্পলীং বর্ধমানাদিরসাযনবিধান এবাতিশযেনোপযুঞ্জীত|

আযুর্বেদরসাযনম্ ব্যাখ্যা ( কৃত)

আ০ র০-আর্দ্রপিপ্পলীগুণানাহ-শ্লেষ্মলেতি| শুষ্কপিপ্পলীগুণানাহ-সা শুষ্কেতি| অতঃ-আর্দ্রাযাঃ, বিপরীতা-শ্লেষ্মঘ্নী উষ্ণা লঘুশ্চ| বিপরীতাদ্রূক্ষত্বে প্রাপ্তে স্নিগ্ধেতি বচনম্, তিক্তাদিকেষু প্রাপ্তেষু রসে কটুরিতি, বৈপরীত্যাদেব শ্লেষ্মঘ্নত্বে সিদ্ধে পুনঃ শ্লেষ্মগ্রহণং চ নিযমার্থম্, অনিলশ্লেষ্মঘ্ন্যেব, ন পিত্তঘ্নী| ননু, পিত্তঘ্নত্বশঙ্কৈব কুতঃ ? ইতি চেত্, "কটুকা পিপ্পলী পিত্তং শমযতি, শীতবীর্যত্বাত্" ইতি সুশ্রুতবচনাত্ (সু.অ. ৪০/৫)| সুশ্রুত বচনস্য কা গতিঃ ? ইতি চেত্, আর্দ্রা পিপ্পলী| তস্যাঃ কটুকত্বং কুতঃ ? ইতি চেত্, প্রত্যক্ষসিদ্ধত্বাত্| স্বাদুত্বোক্তিস্ত্বতিশযার্থা| সুশ্রুতস্যাপ্যার্দ্রাবিষযত্বমভিপ্রেতম্| যত আহ (সু. সূ. অ. ৪৬/২২৩)-"তেষু গুর্বী স্বাদুশীতা পিপ্পল্যার্দ্রা কফাবহা| শুষ্কা কফনিলঘ্নী সা বৃষ্যা পিত্তপ্রকোপিণী||" ইতি| উক্তং চ মাধবকারেণ-"সা পিত্তশমনী পূর্বং দর্শিতা বীর্যবাদিনা| শাস্ত্রকারেণ নির্দিষ্টা সা সত্যং পিত্তকোপিনী| যদ্বাঽঽর্দ্রা পিত্তশমনী শুষ্কা পিত্তপ্রকোপিণী||" ইতি| পিপ্পল্যা অতিসেবাং নিষেধতি-ন তামিতি| চরকাচার্যেণ ত্বত্রোপপত্তিরুক্ত (বি. অ. ১/১৮)-"অথ খলু ত্রীণি দ্রব্যাণি নাত্যুপযুঞ্জীতাধিকমন্যেভ্যো দ্রব্যেভ্যঃ| তদ্যথাপিপ্পলী ক্ষারো লবণমিতি| পিপ্পল্যো হি-কটুকাঃ সত্যো মধুরবিপাকা গুর্ব্যো নাত্যর্থং স্নিগ্ধোষ্ণাঃ প্রক্লেদিন্যো ভেষজাভিমতাশ্চ সত্যঃ শুভাশুভকারিণ্যো ভবন্তি| আপাতভদ্রাঃ প্রযোগসমমসাদ্গুণ্যাদ্দোষসঞ্চযানুবদ্ধাঃ| সততমুপযুজ্যমানা হি গুরুপ্রক্লেদিত্বাত্ শ্লেষ্মাণমুত্ক্লেশযন্তি, ঔষ্ণ্যাত্পিত্তম্| ন চ বাতপ্রশমাযোপকল্পন্তে, অল্পস্নেহোষ্ণভাবাত্| যোগবাহিন্যঃ খলু তা ভবন্তি| তস্মাত্পিপ্পলীর্নাত্যুপযুঞ্জীত||" ইতি|

Adhikarana নাগরগুণাঃ (১৬৩-১৬৪) · Śloka ১৬৪

| নাগরং দীপনং বৃষ্যং গ্রাহি হৃদ্যং বিবন্ধনুত্||১৬৩|| রুচ্যং লঘু স্বাদুপাকং স্নিগ্ধোষ্ণং কফবাতজিত্| |১৬৪|

View original

| नागरं दीपनं वृष्यं ग्राहि हृद्यं विबन्धनुत्||१६३|| रुच्यं लघु स्वादुपाकं स्निग्धोष्णं कफवातजित्| |१६४|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-নাগরং-শ্রুঙ্গবেরং, দীপনাদিগুণযুক্তম্| গ্রাহি-বিড্বিবন্ধকৃত্| তথা, হৃদ্যম্| বিবন্ধনুত্-স্রোতঃশুদ্ধিকৃত্|

আযুর্বেদরসাযনম্ ব্যাখ্যা ( কৃত)

আ০ র০-শুণ্ঠীগুণানাহ-নাগরমিতি| নাগরং-শুণ্ঠী| গ্রাহি-মলানাম্| বিবন্ধনুতু-বাযোঃ|

Adhikarana আর্দ্রকগুণাঃ,ত্রিকটুকগুণাঃ (১৬৪-১৬৫) · Śloka ১৬৫

| তদ্বদার্দ্রকমেতচ্চ ত্রযং ত্রিকটুকং জযেত্||১৬৪|| স্থৌল্যাগ্নিসদনশ্বাসকাসশ্লীপদপীনসান্| |১৬৫|

View original

| तद्वदार्द्रकमेतच्च त्रयं त्रिकटुकं जयेत्||१६४|| स्थौल्याग्निसदनश्वासकासश्लीपदपीनसान्| |१६५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-আর্দ্রকং শুণ্ঠীসমানগুণমেব| এতচ্চ ত্রযং-মরিচপিপ্পলীশুণ্ঠ্যাখ্যং, ত্রিকটুসংজ্ঞং স্থৌল্যাদীন্ জযেত্|

আযুর্বেদরসাযনম্ ব্যাখ্যা ( কৃত)

আ০ র০-আর্দ্রকগুণানাহ-তদ্বদিতি| তদ্বত্-নাগরবত্| সঙ্গ্রহে ত্বনযোর্বিশেষ উক্তঃ (সূ.অ. ৭)-"আর্দ্রকাজ্জাযতে শুণ্ঠী সংস্কারেণ লঘীযসী||" ইতি, "আমং গ্রাহিতরং তক্রং নাগরীকৃতমার্দ্রকম্|" ইতি চ| মরিচাদিত্রযস্য সংজ্ঞাং কুর্বন্ গুণানাহ-এতচ্চেতি| এতত্ত্রযং-মরিচপিপ্পলীনাগরাখ্যং ত্রিকটুকসংজ্ঞম্| তচ্চ স্থৌল্যাদীঞ্জযেত্| আর্দ্রকস্য নাগরাদভিন্নত্বান্মরিচাদিত্রযং গৃহ্যতে|

Adhikarana চবিকাপিপ্পলীমূলযোর্গুণাঃ (১৬৫) · Śloka ১৬৫

| চবিকাপিপ্পলীমুলং মরিচাল্পান্তরং গুণৈঃ||১৬৫||

View original

| चविकापिप्पलीमुलं मरिचाल्पान्तरं गुणैः||१६५||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-চবিকাপিপ্পলীমূলং মরিচাত্ স্তোকবিশেষং গুণৈর্ভবতি কটুরসবিপাকং কফঘ্নং লঘূষ্ণবীর্যং চেত্যর্থঃ| গুণশব্দেন রসবিপাকাদযোঽপি পারতন্ত্র্যাদ্গৃহ্যন্তে, ন তু পারিভাষিকা এব গুরুলঘ্বাদযঃ, ব্যাপ্তের্ন্যাযাত্|

আযুর্বেদরসাযনম্ ব্যাখ্যা ( কৃত)

আ০ র০-চব্যপিপ্পলীমূলযোর্গুণানাহ-চবিকেতি|

Adhikarana চিত্রকগুণাঃ (১৬৬) · Śloka ১৬৬

চিত্রকোঽগ্নিসমঃ পাকে শোফার্শঃকৃমিকুষ্ঠহা| |১৬৬|

View original

चित्रकोऽग्निसमः पाके शोफार्शःकृमिकुष्ठहा| |१६६|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-চিত্রকো-দহনসংজ্ঞঃ, অগ্নিসমঃ পাকে-অত্যন্তোষ্ণ ইত্যর্থঃ| তথা, শোফাদীন্ হন্তি|

আযুর্বেদরসাযনম্ ব্যাখ্যা ( কৃত)

আ০ র০-চিত্রকগুণানাহ-চিত্রক ইতি| পাকে-পাচনক্রিযাযাম্, অগ্নিসমঃ-অগ্নিবত্, আমাদীন্ পচতীত্যর্থঃ|

Adhikarana পঞ্চকোলগুণাঃ (১৬৬-১৬৭) · Śloka ১৬৭

| পঞ্চকোলকমেতচ্চ মরিচেন বিনা স্মৃতম্||১৬৬|| গুল্মপ্লীহোদরানাহশূলঘ্নং দীপনং পরম্| |১৬৭|

View original

| पञ्चकोलकमेतच्च मरिचेन विना स्मृतम्||१६६|| गुल्मप्लीहोदरानाहशूलघ्नं दीपनं परम्| |१६७|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-এতচ্চ-পূর্বোক্তং, মরিচরহিতং-পিপ্পলীপিপ্পলীমূলচব্যচিত্রকশুণ্ঠ্যাখ্যং, পঞ্চকোলসংজ্ঞং স্মৃতং বৈদ্যকে তন্ত্রে| তথা, গুল্মাদিঘ্নমতিদীপনং চ|

আযুর্বেদরসাযনম্ ব্যাখ্যা ( কৃত)

আ০ র০-পিপ্পল্যাদিপঞ্চকস্য সংজ্ঞাং কুর্বন্ গুণানাহপঞ্চকোলকমিতি| এতত্-ত্রিকটুকং চবিকাদিত্রযং চ, মরিচরহিতং পঞ্চকোলকসংজ্ঞম্| গুল্মাদিঘ্নং চাত্যন্তমগ্নের্দীপনং চ|

Adhikarana বৃহত্পঞ্চমূলগুণাঃ (১৬৭-১৬৮) · Śloka ১৬৮

| বিল্বকাশ্মর্যতর্কারীপাটলাটিণ্টুকৈর্মহত্||১৬৭|| জযেত্কষাযতিক্তোষ্ণং পঞ্চমূলং কফনিলৌ| |১৬৮|

View original

| बिल्वकाश्मर्यतर्कारीपाटलाटिण्टुकैर्महत्||१६७|| जयेत्कषायतिक्तोष्णं पञ्चमूलं कफनिलौ| |१६८|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

আযুর্বেদরসাযনম্ ব্যাখ্যা ( কৃত)

Adhikarana হস্বপঞ্চমূলগুণাঃ (১৬৮-১৬৯) · Śloka ১৬৯

| হ্রস্বং বৃহত্যংশুমতীদ্বযগোক্ষুরকৈঃ স্মৃতম্||১৬৮|| স্বাদুপাকরসং নাতিশীতোষ্ণং সর্বদোষজিত্| |১৬৯|

View original

| ह्रस्वं बृहत्यंशुमतीद्वयगोक्षुरकैः स्मृतम्||१६८|| स्वादुपाकरसं नातिशीतोष्णं सर्वदोषजित्| |१६९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-পঞ্চমূলমিতি বর্ততে| হৃস্বং কনীযো লঘু অল্পমিতি পর্যাযাঃ বৃহতীদ্বযং-ক্ষুদ্রবৃহতী মহাবৃহতী চ| অংশুমতীদ্বযং- শালিপর্ণী পৃশ্নিপর্ণী চ গোক্ষুরকো-ভক্ষটকঃ| ইদং হৃস্বং পঞ্চমূলং স্বাদুপাকরসং নাতিশীতং নাত্যুষ্ণং সর্বদোষজিচ্চ| [ গোক্ষুরাদিভিঃ পঞ্চভির্লঘু দ্বিতীযং পঞ্চমূলম্|]

আযুর্বেদরসাযনম্ ব্যাখ্যা ( কৃত)

আ০ র০-বৃহত্যাদিপঞ্চকস্য সংজ্ঞাং কুর্বন্ গুণানাহ হ্রস্বমিতি| বৃহত্যাদিপঞ্চকং-হ্রস্বপঞ্চমূলসংজ্ঞং, স্বদুপাকাদিগুণং চ| বৃহতীদ্বযং-ব্যাঘ্রী সিংহী চ| অংশুমতীদ্বযং-শালিপর্ণী *পৃশ্নিপর্ণী চ| গোক্ষুরকঃ-ত্রিকণ্টকঃ| নাতিশব্দোঽত্র নিষেধে, ন ত্বীষদর্থে, শীতোষ্ণযোরেকত্রানবস্থানাত্, অনুষ্ণাশীতমিত্যর্থঃ| সুশ্রুতেন তু গোক্ষুরস্থানে এরণ্ডঃ পঠিতঃ|

Adhikarana মধ্যমপঞ্চমূলগুণাঃ (১৬৯-১৭০) · Śloka ১৭০

| বলাপুনর্নবৈরণ্ডশূর্পপর্ণীদ্বযেন তু||১৬৯|| মধ্যমং কফবাতঘ্নং বাতিপিত্তকরং সরম্| |১৭০|

View original

| बलापुनर्नवैरण्डशूर्पपर्णीद्वयेन तु||१६९|| मध्यमं कफवातघ्नं वातिपित्तकरं सरम्| |१७०|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বলাদিভিঃ পঞ্চভির্মধ্যমং পঞ্চমূলম্| এতচ্চ কফবাতঘ্নং নাতিপিত্তকরং সরং চ| { বলাদিভিঃ পঞ্চভিস্তৃতীযং পঞ্চমূলম্| } অধুনা চতুর্থং পঞ্চমূলমাহ-

আযুর্বেদরসাযনম্ ব্যাখ্যা ( কৃত)

Adhikarana জীবনাখ্যপঞ্চমূলগুণাঃ (১৭০-১৭১) · Śloka ১৭১

| অভীরুবীরাজীবন্তীজীবকর্ষভকৈঃ স্মৃতম্||১৭০|| জীবনাখ্যং তু চক্ষুষ্যং বৃষ্যং পিত্তানিলাপহম্| |১৭১|

View original

| अभीरुवीराजीवन्तीजीवकर्षभकैः स्मृतम्||१७०|| जीवनाख्यं तु चक्षुष्यं वृष्यं पित्तानिलापहम्| |१७१|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অভীরুবীরাদিভিঃ পঞ্চভির্জীবনাখ্যং পঞ্চমূলং চক্ষুষ্যাদিগুণযুক্তম্|

আযুর্বেদরসাযনম্ ব্যাখ্যা ( কৃত)

Adhikarana তৃণসংজ্ঞকপঞ্চমূলগুণাঃ (১৭১-৭) · Śloka ৭

| তৃণাখ্যং পিত্তজিদ্দর্ভকাসেক্ষুশরশালিভিঃ||১৭১|| ইত্যৌষধবর্গঃ||৭||

View original

| तृणाख्यं पित्तजिद्दर्भकासेक्षुशरशालिभिः||१७१|| इत्यौषधवर्गः||७||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তৃণসংজ্ঞং পঞ্চমূলং দর্ভকাসেক্ষুশরশালিভিঃ| তচ্চ পিত্তজিত্| সঙ্গ্রহে ত্বধিকমুক্তম্ (সূ.অ.১২)| যথা-"সুবর্ণং বৃহণং স্নিগ্ধং মধুরং রসপাকযোঃ| বিষদোষহরং শীতং সকষাযং রসাযনম্| রূপ্যং স্নিগ্ধং কষাযাম্লং বিপাকে মধুরং সরম্| বযসঃ স্থাপনং শীতং লেখনং বাতপিত্তজিত্|| তাম্রং সতিক্তমধুরং কষাযং লেখনং লঘু| কটুপাকরসং শীতং রোপণং কফপিত্তজিত্|| কাংস্যং কষাযানুরসং বিশদং লেখনং সরম্| দৃষ্টিপ্রসাদনং রূক্ষং তিক্তং পিত্তকফাপহম্|| সতিক্তলবণং ভেদি পাণ্ডুত্বকৃমিবাতনুত্| লেখনং পিত্তলং কিঞ্চিত্ ত্রপু, সীসং চ তদ্গুণম্|| চক্ষুষ্যং কৃষ্ণলোহং তু কষাযং স্বাদু তিক্তকম্| লেখনং বাতলং শীতং কৃমিপিত্তকফপ্রণুত্|| (গাত্রশৈথিল্যপালিত্যপাণ্ডুঘ্নং শোষশোফজিত্| তদ্বত্তীক্ষ্ণং বিশেষেণ তদ্বিকাশি সুদুর্জরম্|| পদ্মরাগমহানীলপুষ্পরাগবিদূরকাঃ|) মুক্তাবিদ্গুমবজ্রেন্দ্রবৈডূর্যস্ফটিকাদিকম্|| মণিরত্নং সরং শীতং কষাযং স্বাদু লেখনম্| চক্ষুষ্যং ধারণাত্তত্তু পাপ্মাঽলক্ষ্মীবিষাপহম্|| সক্ষার উষ্ণবির্যশ্চ কাচো দৃষ্টিকৃদঞ্জনাত্| শঙ্খোদধিমলৌ শীতৌ কষাযাবতিলেখনৌ|| তুত্থকং কটু সক্ষারং কষাযং বিশদং লঘু| লেখনং ভেদি চক্ষুষ্যং কণ্ডূকৃমিবিষাপহম্|| বিশদো গৈরিকঃ স্নিগ্ধঃ কষাযমধুরো হিমঃ| কফঘ্নী তিক্তকটুকা মনোহ্বা লেখনী সরা|| স্নিগ্ধং কষাযকটুকং হরিতালং বিষপ্রণুত্| কষাযমধুরং শীতং লেখনং স্নিগ্ধমঞ্জনম্|| রক্তপিত্তবিষচ্ছর্দিহিধ্মাঘ্নং দৃক্প্রসাদনম্| স্রোতোঽঞ্জনং বরং তত্র ততঃ সৌবীরকাঞ্জনম্|| (সর্বদোষপ্রশমনং কাসমেহক্ষযাপহম্||) কফঘ্নমুষ্ণং কটুকং শিলাজতু রসাযনম্| (তিক্তং চ ছেদনং যোগবাহিত্বাত্সর্বরোগজিত্||) কষাযা মধুরা রূক্ষা কাসঘ্নী বংশরোচনা| তুগাক্ষীরী ক্ষযশ্বাসকাসঘ্নী মধুরা হিমা|| কারব্যৌ কুঞ্জিকাঽজাজী কবরী ধান্যতুম্বরু| অন্নগন্ধহরং রুচ্যং দীপনং কফবাতজিত্|| বাষ্পিকা কটুতিক্তোষ্ণা কৃমিশ্লেষ্মহরা পরম্| তদ্বচ্চ রাজিকা (বিঘ্নসাদনী দীপনী পরম্|| শূলাটোপহরা) রুচ্যা, দীপ্যকঃ কোষ্ঠশূলজিত্| অহৃদ্যাঃ সর্ষপাঃ স্নিগ্ধা বাষ্পিকাবত্প্রকীর্তিতাঃ|| শতাহ্বাকুষ্ঠতগরসুরদারুহরেণবঃ| এলৈলবালুসরলত্বগ্ব্যাঘ্রনখচোরকাঃ|| লঘূষ্ণাঃ কটুকাঃ পাকে কফবাতনিবর্হণাঃ| সৈর্যকস্তিক্তমধুরঃ স্নিগ্ধোষ্ণঃ কফবাতজিত্|| বস্তিমূত্রবিবন্ধঘ্নো বৃষ্যো গোক্ষুরকো হিমঃ| পাচনং কফপিত্তঘ্নং তিক্তং শীতং বিষাদ্বযম্|| কফঘ্নং তিক্তকটুকং মুস্তং সঙ্গ্রাহি পাচনম্| তিক্তাঽমৃতা ত্রিদোষঘ্নী গ্রাহিণ্যুষ্ণা রসাযনী|| দীপনী জ্বরতৃড্দাহকামলাবাতরক্তনুত্| তিক্তশীতৌ জ্বরহরৌ লঘূ ভূনিম্বপর্পটৌ|| নিম্বস্তিক্তো হিমঃ কুষ্ঠকৃমিপিত্তকফাপহঃ| মহানিম্বঃ পরং গ্রাহী কষাযো রূক্ষশীতলঃ|| গুগ্গুলুঃ পিচ্ছিলঃ স্পর্শে বিশদোঽভ্যবহারতঃ| সস্বাদুঃ সকটুস্তিক্তঃ সকষাযো রসাযনম্|| ব্রণ্যঃ স্বর্যঃ কটুঃ পাকে রূক্ষঃ সূক্ষ্মোঽগ্নিদীপনঃ| ক্লেদমেদোনিলশ্লেষ্মগণ্ডমেহাপচীকৃমীন্|| পিটিকাগ্রন্থিশোপাংশ্চ হন্ত্যুষ্ণঃ স্রংসনো লঘুঃ| শঙ্খপুষ্পী সরাতিক্তা মেধ্যা কৃমিবিষাপহা|| কটুতিক্তোষ্ণমগুরু স্নিগ্ধং বাতকফাপহম্| পিত্তাস্রবিষতৃড্দাহকৃমিঘ্নং গুরু রূক্ষণম্|| সর্বং সতিক্তমধুরং চন্দনং শিশিরং পরম্| লঘু রক্তং, তথোশীরং বাতলং পাচনং চ তত্| জ্বরাতিসারবমথুরক্তপিত্তকফাপহম্| মধুকং রক্তপিত্তঘ্নং ব্রণশোধনরোপণম্|| গুরু স্বাদু হিমং বৃষ্যং চক্ষুষ্যং স্বরবর্ণকৃত্| কটুতিক্তে নিশে কুষ্ঠমেহপিত্তকফাপহে|| প্রলেপাজ্জযতঃ কণ্ডূং শোফং দুষ্টব্রণং বিষম্| প্রপৌণ্ডরীকং চক্ষুষ্যং শিশিরং ব্রণরোপণম্|| কষাযমধুরং তিক্তং রক্তপিত্তপ্রসাদনম্| বলাত্রযং স্বাদু বৃষ্যং স্নিগ্ধং শীতং বলপ্রদম্|| তত্র নাগাঽধিকং বল্যা ক্ষতক্ষীণহিতা গুরুঃ| তাম্বূলং কটু সক্ষারং রুচ্যমুষ্ণং কফপ্রণুত্|| ভেদি সম্মোহকৃত্পূগং কষাযং স্বাদু রোচনম্| জাতিপত্রী কটুফলং কঙ্কোলকলবঙ্গকম্|| লঘু তৃষ্ণাপহং হৃদ্যং বক্ত্রদৌর্গন্ধ্যনাশনম্| সস্বাদুতিক্তস্তৃষ্ণাঘ্নঃ কর্পূরশ্ছেদনো হিমঃ|| লতাকস্তূরিকা তদ্বন্মুখশোষহরা পরম্| কষাযমধুরং শীতং পদ্মং পিত্তকফাস্ত্রজিত্|| তদ্বদ্বকুলপুন্নাগকুমুদোত্পলপাটলম্| সচম্পকং ততো ন্যূনং গুণৈঃ কোরণ্টকিংশুকম্|| মালতীমল্লিকাপুষ্পং তিক্তং জযতি মারুতম্| বিষপিত্তকফান্নাগং সিন্দুবারং চ তদ্গুণম্|| কফঘ্নং কৈতকং তিক্তং শৈরীষং বিষহারি চ| বাতলং পুষ্পমাগস্ত্যং কষাযং কফপিত্তজিত্|| বন্ধূকং শ্লেষ্মলং গ্রাহি তদ্বদেব চ যূথিকা| কফঘ্নমুষ্ণবীর্যং চ কুঙ্কুমং ব্রণশোধনম্|| অবল্গুজৈডগজজং বীজং বাতকফপ্রণুত্| আস্যা বর্ণশ্লেষ্মমেদঃসৌকুমার্যকৃদন্যথা|| অতোঽধ্বাঽগ্নিবলাযূংষি কুর্যাচ্চঙ্ক্রমণং সুখম্| মারুতস্যানুলোম্যং চ খুডস্তম্ভশ্রমাপহম্|| অন্বর্থসংজ্ঞং পাদত্রং বলকৃচ্ছুক্রলং তথা| বর্ণ্যং নেত্রহিতং ছত্রং বাতবর্ষাতপাপহম্|| প্রবাতং রৌক্ষ্যবৈবর্ণ্যস্তম্ভকৃদ্দাহতৃড্ভ্রমান্| শ্রমাগ্নিমূর্চ্ছাশ্চ জযেদপ্রবাতমতোঽন্যথা|| প্রাগ্বাযুরুষ্ণোঽভিষ্যন্দী ত্বগ্দোষার্শোবিষেকৃমীন্| সন্নিপাতজ্বরশ্বাসমামবাযুং চ কোপযেত্|| যাম্যোঽসৃগ্বাতকফকৃচ্ছীতঃ স্বাদুকষাযকঃ| কষাযঃ পশ্চিমো রূক্ষো লঘুর্নাতিবিদহ্যতে|| বাতকৃত্ কফপিত্তঘ্নো মূর্চ্ছাদাহভ্রমাপাহঃ| স্নিগ্ধঃ শীতো লঘুঃসাত্ম্য উত্তরঃ ষড্রসোঽনিলঃ|| ঐশানঃ কটুরূক্ষোষ্ণ আগ্নেযশ্চৈব মারুতঃ| অম্লো বিদাহী নৈঋত্যো বাযব্যস্তিক্ত উচ্যতে|| আতপো ভ্রমতৃট্স্বেদদাহমূর্চ্ছাবিবর্ণতাঃ| কুর্যাত্পিত্তাস্রবহ্নীংশ্চ, ছাযা ত্বেতান্ব্যপোহতি|| তমঃ কষাযকটুকং, জ্যোস্না মধুরশীতলা|| ইতি|

আযুর্বেদরসাযনম্ ব্যাখ্যা ( কৃত)

আ০ র০-দর্ভাদিপঞ্চকস্য সংজ্ঞাং কুর্বন্ গুণানাহ-তৃণাখ্যমিতি| দর্ভাদিপঞ্চকং তৃণপঞ্চমূলসংজ্ঞং পিত্তজিচ্চ| দর্ভঃ-কুশঃ| কাশঃ-কাশেক্ষুঃ| ইক্ষুঃ-গুডদণ্ডঃ| শরো-মুঞ্জঃ| শালযঃ-স্বনামপ্রসিদ্ধাঃ| সঙ্গ্রহে তু (সূ. অ. ১২)-"অজশৃঙ্গী হরিদ্রা চ বিদারী সারিবাঽমৃতা| বল্যাখ্যং কণ্টকখ্যং তু শ্বদংষ্ট্রাভীরুসৈর্যকৈঃ|| সহিংস্রাকরমর্দীকৈঃ সর্বদোষহরে চ তে| সুবর্ণং বৃংহণং স্নিগ্ধং মধুরং রসপাকযোঃ|| বিষদোষহরং শীতং সকষাযং রসাযনম্| রূপ্যং স্নিগ্ধং কষাযাম্লং বিপাকে মধুরং সরম্|| বযসঃ স্থাপনং শীতং লেখনং বাতপিত্তজিত্| তাম্রং সতিক্তমধুরং কষাযং লেখনং লঘু|| কটুপাকরসং শীতং রোপণং কফপিত্তজিত্| কাংস্যং কষাযানুরসং বিশদং লেখনং সরম্|| দৃষ্টিপ্রসাদনং রূক্ষং তিক্তং পিত্তকফাপহম্| সতিক্তলবণং ভেদি পাণ্ডুত্বকৃমিবাতনুত্|| লেখনং পিত্তলং কিঞ্চিত্ ত্রপু, সীসং চ তদ্গুণম্| চক্ষুষ্যং কৃষ্ণলোহং চ কষাযং স্বাদু তিক্তকম্| লেখনং বাতলং শীতং কৃমিপিত্তকফপ্রণুত্| কৃষ্ণলোহং-লোহম্| [*গাত্রশৈথিল্যপালিত্যপাণ্ডুঘ্নং শোষশোফজিত্|| তদ্বত্তীক্ষ্ণং বিশেষেণ তদ্বিকাষি সুদুর্জরম্| পদ্মরাগমহানীলপুষ্পরাগবিদূরকাঃ|| ] মুক্তাবিদ্রুমবজ্রেন্দ্রবৈডূর্যস্ফটিকাদিকম্| মণিরত্নং সরং শীতং কষাযং স্বাদু লেখনম্|| চক্ষুষ্যং ধারণাত্তত্তু পাষ্মালক্ষ্মীবিষাপহম্| [*ধন্যমাযুষ্যমোজস্যং হর্ষোত্সাহকরং শিবম্|| ] সক্ষার উষ্ণবীর্যশ্চ কাচো দৃষ্টিকৃদঞ্জনাত্| শঙ্খোদধিমলৌ শীতৌ কষাযাবতিলেখনৌ|| তুত্থকং কটু সক্ষারং কষাযং বিশদং লঘু| লেখনং ভেদি চক্ষুষ্যং কণ্ডূকৃমিবিষাপহম্|| বিশদো গৈরিকঃ স্নিগ্ধঃ কষাযমধুরো হিমঃ| কফঘ্নী তিক্তকটুকা মনোহ্বা লেখনী সরা|| স্নিগ্ধং কষাযকটুকং হরিতালং বিষপ্রণুত্| কষাযং মধুরং শীতং লেখনং স্নিগ্ধমঞ্জনম্|| রক্তপিত্তবিষচ্ছর্দিহিধ্মাঘ্নং দৃক্প্রসাদনম্| স্রোতোঽঞ্জনং বরং তত্র ততঃ সৌবীরকাঞ্জনম্|| কফঘ্নং তিক্তকটুকং ছেদি সোষ্ণং রসাঞ্জনম্| সর্বদোষপ্রশমনং কাসমেহক্ষযাপহম্|| কফঘ্নমুষ্ণং কটুকং শিলাজতু রসাযনম্| তিক্তং চ ছেদনং যোগবাহিত্বাত্সর্বরোগজিত্|| [*বিশেষাত্ কৃচ্ছ্রমেহার্শঃপাণ্ডুশোফকফাপহম্|] কষাযমধুরা রূক্ষা কাসাঘ্নি বংশরোচনা|| তুগাক্ষীরী ক্ষযশ্বাসকাসঘ্নী মধুরা হিমা| কারব্যৌ কুঞ্চিকাজাজী কবরীধান্যতুম্বরু|| অন্নগন্ধহরং রূচ্যং দীপনং কফবাতজিত্| কারব্যৌ-শতপুষ্পাদ্বযম্| কুঞ্চিকা-কৃষ্ণজীরকম্| বাষ্পিকা কটুতিক্তোষ্ণা কৃমিশ্লেষ্মহরা পরম্|| তদ্বচ্চ রাজিকা [*বিঘ্নসাদনী দীপনী পরম্| শূলাটোপহরা ] রুচ্যা, দীপ্যকঃ কোষ্ঠশূলজিত্|| অহৃদ্যাঃ সর্ষপাঃ স্নিগ্ধা বাষ্পিকাবচ্চ কীর্তিতাঃ| শতাহ্বাকুষ্ঠতগরসুরদারুহরেণবঃ|| এলৈলবালসরলত্বগ্ব্যাঘ্রনখচোরকাঃ| লঘূষ্ণাঃ কটুকাঃ পাকে কফবাতনিবর্হণাঃ|| সৈর্যকস্তিক্তমধুরঃ স্নিগ্ধোষ্ণঃ কফবাতজিত্| বস্তিমূত্রবিবন্ধঘ্নো ব্রুষ্যো গোক্ষুরকো হিমঃ|| পাচনং কফপিত্তঘ্নং তিকং শীতং বিষাদ্বযম্| কফঘ্নং তিক্তকটুকং মুস্তং সঙ্গ্রাহি পাচনম্|| তিক্তাঽমৃতা ত্রিদোষঘ্নী গ্রাহিণ্যুষ্ণা রসাযনী| দীপনী জ্বরতৃড্দাহকামলাবাতরক্তনুত্|| তিক্তশীতৌ জ্বরহরৌ লঘূ ভূনিম্বপর্পটৌ| নিম্বস্তিক্তো হিমঃ কুষ্ঠকৃমিপিত্তকফাপহঃ|| মহানিম্বঃ পরং গ্রাহী কষাযো রূক্ষশীতলঃ| গুগ্গুলুঃ পিচ্ছিলঃ স্পর্শে বিশদোঽভ্যবহারতঃ|| সস্বাদুঃ সকটুস্তিক্তঃ সকষাযো রসাযনম্| ব্রণ্যঃ স্বর্যঃ কটুঃ পাকে রূক্ষঃ সূক্ষ্মোঽগ্নিদীপনঃ|| ক্লেদমেদোনিলশ্লেষ্মগণ্ডমেহাপচীকৃমীন্| পিটিকাগ্রন্থিশোফাংশ্চ হন্ত্যুষ্ণঃ স্রংসনো লঘুঃ|| শঙ্খপুষ্পী সরা তিক্তা মেধ্যা কৃমিবিষাপহা| কটুতিক্তোষ্ণমগুরু স্নিগ্ধং বাতকফাপহম্|| পিত্তাস্রবিষতৃড্দাহক্লমঘ্নং গুরু রূক্ষণম্| সর্বং সতিক্তমধুরং চন্দনং শিশিরং পরম্|| লঘু রক্তং, তথোশীরং বাতলং পাচনং চ তত্| জ্বরাতীসারবমথুরক্তপিত্তকফাপহম্|| মধুকং রক্তপিত্তঘ্নং ব্রণশোধনরোপণম্| গুরু স্বাদু হিমং বৃষ্যং চক্ষুষ্যং স্বরবর্ণকৃত্|| কটুতিক্তে নিশে কুষ্ঠমেহপিত্তকফাপহে| প্রলেপাজ্জযতঃ কণ্ডূং শোফং দুষ্টব্রণং বিষম্|| প্রপৌণ্ডরীকং চক্ষুষ্যং শিশিরং ব্রণরোপণম্| কষাযমধুরং তিক্তং রক্তপিত্তপ্রসাদনম্|| বলাত্রযং স্বাদু বৃষ্যং স্নিগ্ধং শীতং বলপ্রদম্| তত্র নাগাঽধিকং বল্যা ক্ষতক্ষীণহিতা গুরুঃ|| তাম্বূলং কটু সক্ষারং রুচ্যমুষ্ণং কফপ্রণুত্| ভেদি সম্মোহকৃত্পূগং কষাযং স্বাদু রোচনম্|| জাতিপত্রী কটুফলং কঙ্কোলকলবঙ্গকম্| লঘু তৃষ্ণাপহং হৃদ্যং বক্ত্রদৌর্গন্ধ্যনাশনম্|| সস্বাদুতিক্তস্তৃষ্ণাঘ্নঃ কর্পূরশ্ছেদনো হিমঃ| লতকস্তূরিকা তদ্বন্মুখশোষহরা পরম্|| কষাযমধুরং শীতং পদ্মং পিত্তকফাস্রজিত্| তদ্বদ্বকুলপুন্নাগকুমুদোত্পলপাটলম্|| সচম্পকং ততো ন্যূনং গুণৈঃ কোরণ্টকিং শুকম্| মালতীমল্লিকাপুষ্পং তিক্তং জযতি মারুতম্|| বিষপিত্তকফান্নাগং সিন্দুবারং চ তদ্গুণম্| কফঘ্নং কৈতকং তিক্তং শৈরীষং বিষহারি চ|| বাতলং পুষ্পমাগস্ত্যং কষাযং কফপিত্তজিত্| [*চাতুর্থিকজ্বরহরং নাবনেনোপযোজিতম্|| ] বন্ধূকং শ্লেষ্মলং গ্রাহি তদ্বদেব চ যূথিকা| কফঘ্নমুষ্ণবীর্যং চ কুঙ্কুমং ব্রণশোধনম্|| অবল্গুজৈডগজজং বীজং বাতকফপ্রণুত্| আস্যা বর্ণশ্লেষ্মমেদঃসৌকুমার্যকৃদন্যথা|| অতোঽধ্বাঽগ্নিবলাযূংষি কুর্যাচ্চঙ্ক্রমণং সুখম্| মারুতস্যানুলোম্যং চ খুডস্তম্ভশ্রমাপহম্|| অন্বর্থসংজ্ঞং পাদত্রং বলদৃক্শুক্রবর্ধনম্| বর্ণ্যং নেত্রহিতং ছত্রং বাতবর্ষাতপাপহম্|| প্রবাতং রৌক্ষ্যবৈবর্ণ্যস্তম্ভকৃদ্দাহতৃড্ভ্রমান্| শ্রমাগ্নিমুর্চ্ছাশ্চ জযেদপ্রবাতমতোঽন্যথা|| প্রাগ্বাযুরুষ্ণোঽভিষ্যন্দী ত্বগ্দোষার্শোবিষকৃমীন্| সন্নিপাতজ্বরশ্বাসমামবাযুং চ কোপযেত্|| যাম্যোঽসৃগ্বাতকফকৃচ্ছীতঃ স্বাদুকষাযকঃ| কষাযঃ পশ্চিমো রূক্ষো লঘুর্নাতি বিদহ্যতে|| বাতকৃত্ কফপিত্তঘ্নো মূর্চ্ছাদাহভ্রমাপহঃ| স্নিগ্ধঃ শীতো লঘুঃ সাত্ম্য উত্তরঃ ষড্রসো মরুত্|| ঐশানঃ কটুরূক্ষোষ্ণ আগ্নেযশ্চৈব মারুতঃ| অম্লো বিদাহী নৈঋত্যো বাযব্যস্তিক্ত উচ্যতে|| আতপো ভ্রমতৃট্স্বেদদাহমূর্চ্ছাবিবর্ণতাঃ| কুর্যাত্পিত্তাস্রবহ্নীংশ্চ, ছাযা ত্বেতানপোহতি|| তমঃ কষাযকটুকং, জ্যোত্স্না মধুরশীতলা| ভবতি চাত্র| রসাদিভেদৈরিতি ভেষজানাং দিঙ্মাত্রমুক্তং ন যতোঽস্তি কিঞ্চিত্| অনৌষধং দ্রব্যমিহাববোধো রূপস্য তেষাং বনগোচরেভ্যঃ||" ইতি| ইত্যৌষধবর্গঃ| অথ মাত্রাদিপ্রকরণম্ (সঙ্গ্রহে সূ.অ.৭)-"শূকশিম্বিজপক্বান্নমাংসশাকফলাশ্রযৈঃ| বর্গৈরন্নৈকদেশোঽযং ভূযিষ্ঠমুপযোগবান্|| নির্দিষ্টো রসবীর্যাদ্যৈর্যথাস্বং কর্মসাধনে| ন শক্যং বিস্তরেণাপি বক্তুং সর্বং তু সর্বথা|| হিতাহিতত্বেঽপ্যেকান্তনিযমোঽস্মাদনিশ্চিতঃ| মাত্রাযোগক্রিযাদেশকালাবস্থাদিভেদতঃ|| ততস্ততো যতো দৃষ্টাস্তে তে ভাবাস্তথা তথা| মাত্রযা সেবিতং মদ্যং হন্তি রোগাংস্তদুদ্ভবান্|| নিষেব্যমাণং তিলশো বিষমপ্যমৃতাযতে| হীনাতিমাত্রমশনং মরুন্নিচযকোপনম্|| ভজেতে বিষরূপত্বং তুল্যাংশে মধুসর্পিষী| ক্ষারোঽম্লরসসংযোগে মধুরীভবতি ক্ষণাত্|| উত্তুণ্ডুক্যাস্তিন্দুকেন তিক্ততা মধুরাযতে| হিঙ্গুগৈরিকসিন্ধূত্থং গন্ধবর্ণরসাধিকম্|| পূগতাম্বূলশঙ্খেভ্যো বর্ণগন্ধরসোদ্ভবঃ| কোদ্রবো হন্ত্যসৃক্পিত্তং করোত্যেব বিদাহিভিঃ|| কুষ্ঠং তত্কার্যপি তিলো হন্তি ভল্লাতকৈঃ সহ| গুডঃ কর্তাঽগ্নিসাদস্য স হিনস্ত্য ভযাদিভিঃ|| তৃষ্যত্যগ্নৌ সমদনং সর্পিরপ্যুপদিশ্যতে| জীবনীযমপি ক্ষীরং বিষলেশেন মৃত্যবে|| তুল্যে অপি হতোঽন্যোন্যং বিষে স্থাবরজঙ্গমে| সক্তবো বাতলা রূক্ষাঃ পীতাস্তে তর্পযন্তিতু|| বিনাঽপি চোপযোগেন মণিমন্ত্রাদি কার্যকৃত্| আড়্দ্রকাজ্জাযতে শুণ্ঠী সংস্কারেণ লঘীযসী|| লঘুভ্যোঽপি হি সক্তুভ্যো গুরবঃ সিদ্ধপিণ্ডকাঃ| ভৃষ্টঃ ক্ষুণ্ণোঽপি পৃথুকো রক্তশালের্লঘোর্গুরুঃ|| শালিঃ পিষ্টো গরীযস্ত্বং গোধূমাদপি গচ্ছতি| লঘুপিত্তহরা লাজা ব্রীহিতো গুরুপিত্তলাত্|| সঙ্গ্রাহিণো লঘোর্মুদ্গাত্ কুল্মাষো ভেদনো গুরুঃ| আমং গ্রাহিতরং তক্রং নাগরীকৃতমার্দ্রকম্|| গুডাত্তোযাচ্চ সুতরাং মূত্রলং গুরু পানকম্| গরীযো গুডদধ্যুক্তং রসালা চাতিশুক্রলা|| দণ্ডাভিমথনাদ্দধ্নো গুরুণশ্চাতিশোফদাত্| অনুদ্ধৃতস্নেহমপি তক্রং শোফহরং লঘু| সর্পিঃ স্নিগ্ধতরং হন্তি নার্দিতং নবনীতবত্| চক্ষুষ্যোঽপি হিগোধূমস্তৈলপক্বস্তু দৃষ্টিহা| মূলকং দোষজননং সিদ্ধং তু তদদোষলম্| উষ্ণং বিষীভবত্যেব বিষঘ্নমপি মাক্ষিকম্| দুর্ভাজনস্থা দ্রাক্ষাম্লা দোষলা চ প্রজাযতে| শ্লক্ষ্ণশুষ্কঘনো লেপশ্চন্দনস্যাপি দাহকৃত্|| ত্বগ্গতস্যোষ্মণো রোধাচ্ছীতকৃত্ত্বন্যথাঽগুরোঃ| মেধ্যস্তিলঃ স্পর্শশীতোঽমেধ্যং তৈলং খলোঽহিমঃ|| তস্যৈব শ্লেষ্মকারিত্বং ন তৈলস্য খলস্য বা| দধ্নঃ শ্বযথুকারিত্বং ন তক্রনবনীতযোঃ|| ভূমিসাত্ম্যং দধিক্ষীরকরীরং মরুবাসিষু| ক্ষারহ্ প্রাচ্যেষু, মত্স্যাস্তু সৈন্ধবেষ্বশ্মকেষু তু|| তৈলাম্লং, কন্দমূলাদি মলযে, কৌঙ্কণে পুনঃ| পেযা, মন্থ উদীচ্যেষু, গোধূমোঽবন্তিভূমিষু| বাহ্লীকা বাহ্লবাশ্চীনাঃ শূলীকা যবনাঃ শকাঃ| মাংসগোধূমমার্দ্বীকশস্ত্রবৈশ্বানরোচিতাঃ|| দেহসাত্ম্যং ঘৃতং ক্ষীরং মদ্যং মাংসং চ কস্যচিত্| পেযা যূষো রসোঽন্যস্য গোধূমোঽন্যস্য শালযঃ|| অহিতৈরপি তেষাং চ তৈরেবোপহিতং হিতম্| অন্নপানৌষধং দোষমাত্রাকালাদ্যপেক্ষযা|| সাত্ম্যং হ্যাশু বলং ধত্তে নাতিদোষং চ বহ্বপি| স্রংসনং সত্ পযো গব্যং ভবতি গ্রাহি কস্যচিত্|| মন্দাগ্নির্ভবতি প্রাযঃ কফবাতোত্তরো হিমে| বিষঘ্নেনাপি পযসা দেহেঽহের্বর্দ্ধতে বিষম্|| স্থূলস্থবিরবালাদৌ বমনাদি নিষিধ্যতে| তক্রমামং কফং কোষ্ঠে হন্তি কণ্ঠে করোতি তু|| বাতহৃত্ত্বেঽপি মৃদ্বীকাখর্জূরং কোষ্ঠবাতকৃত্| নাতিপথ্যঃ শিখী পথ্যঃ শ্রোত্রস্বরবযোদৃশাম্|| দৃষ্টেঃ স্পর্শহিমং দ্রব্যং শ্রোত্রস্যোষ্ণং তু পূজিতম্| পযঃ স্বাদু সরং শীতং, বিপরীতং ততো দধি|| কালেন জাযতে তস্মাত্ ক্ষীরবচ্চ পুনর্ঘৃতম্| পযো দধি চ বাতঘ্নমজাতং বাতলং তু তত্|| তক্রং গ্রাহি কষাযাম্লমম্লমেব তু ভেদনম্| ধাতকীগুডতোযানি কারণং মদ্যশুক্তযোঃ|| শীতে ন তু তদাদ্যন্তে স্নিগ্ধাম্ললবণা হিতাঃ| উদমন্থদিবাস্বপ্নৌ গ্রীষ্মাদন্যত্র গর্হিতৌ|| সমযোগেঽপি ঘর্মাদ্যা বাতাদিচযহেতবঃ| ঋতুষ্বন্যো রসেষ্বন্যো রৌক্ষ্যস্নেহবলক্রমঃ|| রসাযনং কাকমাচী সদ্যঃ, পর্যুষিতা বিষম্| মূলকং দোষজিদ্বালং, বিপরীতং তু কন্দবত্|| জ্বরে পেযা কষাযাশ্চ সর্পিঃ ক্ষীরং বিরেচনম্| ষডহং ষডহং যুঞ্জ্যাদ্বীক্ষ্য দোষবলাবলম্|| ছর্দিহৃদ্রোগগুল্মার্তে বমনং চ চিকিত্সিতে| নিষিদ্ধমপি নির্দিষ্টং বস্তিরর্শসকুষ্ঠিনোঃ|| জ্বরে তুল্যর্তুদোষত্বং প্রমেহে তুল্যদূষ্যতা| রক্তগুল্মে পুরাণত্বং সুখসাধ্যাত্বহেতবঃ|| আশ্চোতনমভিষ্যন্দে যুঞ্জীতোর্ধ্বং দিনত্রযাত্| অঞ্জনং পক্বদোষস্য প্রতিশ্যাযে চ নাবনম্|| নাতিপ্রবৃদ্ধে তিমিরে শিরামোক্ষো বিধীযতে| দুষ্টাস্রসম্ভবেঽপীষ্টো নাস্রপিত্তে শিরাব্যধঃ|| অপথ্যং পথ্যমপ্যন্নং নিশাযাং নেত্ররোগিণাম্| অহিতাঃ সক্তবঃ শুষ্কা হিতাস্তে তু প্রমেহিণঃ| গুল্মিনঃ ক্ষীরদধ্যাদি হপুষাদিযুতং হিতম্| বাতলং বাতকোপেঽপি বর্ষাসু মধু শস্যতে|| তদেব মদ্যং মদ্যস্য বিষস্য তু বিষান্তরম্| ঘৃতমানূপদেশোত্থং হেমন্তে চ বলাধিকম্|| আলস্যগৌরবে রূপং বাতজেঽপি জ্বরে পুরঃ| স্বেদৈর্যাতি শমং দাহঃ প্রাযো লশুনপানজঃ|| দিবাস্বমাজ্জরাং যাতি ভুক্তমন্যেদ্যুরদ্য ন| কোষ্ঠে রুদ্ধোঽগ্নিকৃদ্বাযুর্মেদসাঽর্শোভিরগ্নিহৃত্|| দুষ্পানং দুর্জরং সর্পির্দীপনং চ পযোঽন্যথ| সর্পাদিশবকোথেভ্যাং বৃশ্চিকানাং সমুদ্ভবঃ|| তে তৈরেব পুনর্দষ্টাঃ সদ্যো জহতি জীবিতম্| স্বযমেব বিষং তীব্রং তান্ পুনর্নাতিবাঘতে|| সর্বাঙ্গব্যাপি তেশাং চ শুক্রবত্ সংস্মৃতং বিষম্| তন্মাংসমুপযোগায মাংসবর্গে চ পঠ্যতে|| ছর্দিঘ্নী মাক্ষিকাবিট্ চ মক্ষিকৈব তু বামযেত্| কফে লঙ্ঘনসাধ্যেঽপি কর্তরি জ্বরগুল্মযোঃ|| তুল্যেঽপি দেশকালাদৌ লঙ্ঘনং ন সমং মতম্| সর্বথা দোষজিত্তক্রং গ্রহণ্যাং, দোষকৃদ্রণে|| পীনসশ্বাসকাসাদৌ সিদ্ধমেব প্রশস্যতে| ইত্যেতেঽন্যে চ বহবঃ সূক্ষ্মা দুর্লভহেতুকাঃ|| ধর্মা বিচিত্রা ভাবেষু কিঞ্চিত্তেষাং নিদার্শিতম্| দিশাঽনযা শেষমপি স্বযমূহেত বুদ্ধিমান্|| ন শাস্ত্রমাত্রশরণো ন চানালোচিতাগমঃ|" ইতি|

Adhikarana সংগ্রহশ্লোকঃ (৯৬) · Śloka ৬

শূকশিম্বীজপক্বান্নমাংসশাকফলৌষধৈঃ| বর্গিতৈরন্নলেশোঽযমুক্তো নিত্যোপযোগিকঃ||১৭২|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচি তাযমষ্টাঙ্গহৃদযসংহিতাযাং সূত্রস্থানেঽন্নস্বরূপবিজ্ঞানিযো নাম ষষ্ঠোঽধ্যাযঃ||৬||

View original

शूकशिम्बीजपक्वान्नमांसशाकफलौषधैः| वर्गितैरन्नलेशोऽयमुक्तो नित्योपयोगिकः||१७२|| इति श्रीवैद्यपतिसिंहगुप्तसूनुश्रीमद्वाग्भटविरचि तायमष्टाङ्गहृदयसंहितायां सूत्रस्थानेऽन्नस्वरूपविज्ञानियो नाम षष्ठोऽध्यायः||६||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-সম্প্রতি সুখগ্রহণধারণার্থং সঙ্গ্রহশ্লোকমাহ-স০-শূকধান্যাদিভির্বর্গিতৈঃ-বর্গীকৃতৈঃ, অযমন্নস্য লেশঃ-একদশঃ স্তোকমাত্রো, নির্দিষ্টঃ| কিম্ভূতঃ? নিত্যোপযোগো বিদ্যতে যস্য স নিত্যোপযোগিকঃ, সদোপযোগবানিত্যর্থঃ| মাত্রাযোগক্রিযাদেশকালাবস্থাদিবিশেষাচ্চোক্তানামপি দ্রব্যাণামন্যথাত্বং দৃষ্টম্| যথা-"তিলশো নিষেব্যমাণং বিষমপি সঞ্জাযতেঽমৃতসমানম্| ভল্লাতকঃ সহ তিলৈস্তত্কার্যপি কুষ্ঠমুপহন্তি|| সংস্কারেণ লঘুভ্যঃ সক্তুভ্যঃ সিদ্ধপিণ্ডিকা গুরবঃ| মরুবাসিষু তু সাত্ম্যং দধিপীলুশমীকরীরাণাম্|| ঘৃতদুগ্ধৈর্হেমন্তে মন্দাগ্নিঃ কফোত্তরো ভবেত্প্রাযঃ| দধিদুগ্ধং বাতঘ্নং তদজাতং বাতকৃদ্ভবতি|| রেচনমপি চ ক্ষীরং গব্যং সঙ্গ্রাহি কস্যচিদ্ভবতি|" ইতি| তস্মাদেবমাদি স্ববুদ্ধ্যৈবোহ্যম্| শাস্ত্রকৃতা তু গ্রন্থগৌরবভযাত্স্পষ্টং কৃত্বা নোক্তম্, প্রদেশান্তরেষু যুক্ত্যৈব প্রতিপাদিতমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গাসুন্দরাখ্যাযাং সূত্রস্থানেঽন্নস্বরূপাদিবিজ্ঞানীযোঽধ্যাযঃ ষষ্ঠঃ|| ৯৬||

আযুর্বেদরসাযনম্ ব্যাখ্যা ( কৃত)

আ০ র০-অধ্যাযার্থমুপসংহরতি-শূকশিম্বিজেতি| অন্নশব্দেনাহারোপযোগীনি দ্রব্যাণি, তেষাং লেশঃ-একদেশঃ| উপযোগমর্হতি-ঔপযৌগিকঃ| নিত্যং-সর্বকালমৌপযোগিকো নিত্যৌপযোগিকঃ| যস্য তু কাদাচিত্ক উপযোগঃ স নোক্তঃ, গ্রন্থবিস্তরভযাত্| বর্গিতৈঃ-বর্গীকৃতৈঃ, শূকজাদিভিঃ প্রকরণভেদৈরিত্যর্থঃ| ইতি হেমাদ্রিটীকাযামাযুর্বেদরসাযনে| অন্নস্বরূপবিজ্ঞানং সামস্ত্যেন নিরূপিতম্|| ৬||

← 5. dravadravyavijñānīyādhyāyaḥ 7. annarakṣādhyāyaḥ →