Adhikarana অধ্যাযোপক্রমঃ · Śloka
🔊 Audio coming soon
সর্বাঙ্গসুন্দরী ব্যাখ্যা ( কৃত)
রাজযক্ষ্মনিদানাদনন্তরং মদাত্যযনিদানারম্ভঃ| যতো যথা রাজযক্ষ্মা দোষত্রযজস্তথা মদাত্যযোঽপি| বক্ষ্যতি হি তত্র (শ্লো. ১৪) - "সর্বেঽপি সর্বৈর্জাযন্তে ব্যপদেশস্তু ভূযসা|" ইতি|
Adhikarana মদাত্যযাদিনিদানাধ্যাযঃ (২) · Śloka ২
তস্মান্মদাত্যযনিদানমুচ্যত ইত্যাহ - - - - অথাতো মদাত্যযাদিনিদানং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| গদ্যসূত্রে||২||
तस्मान्मदात्ययनिदानमुच्यत इत्याह - - - - अथातो मदात्ययादिनिदानं व्याख्यास्यामः| इति ह स्माहुरात्रेयादयो महर्षयः| गद्यसूत्रे||२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পূর্ববদ্ব্যাখ্যা|
আযুর্বেদরসাযনম্ ব্যাখ্যা ( কৃত)
০০০০০
Adhikarana মদ্যস্য গুণাঃ (১) · Śloka ১
তীক্ষ্ণোষ্ণরূক্ষসূক্ষ্মাম্লং ব্যবায্যাশুকরং লঘু| বিকাষি বিশদং মদ্যমোজসোঽস্মাদ্বিপর্যযঃ||১||
तीक्ष्णोष्णरूक्षसूक्ष्माम्लं व्यवाय्याशुकरं लघु| विकाषि विशदं मद्यमोजसोऽस्माद्विपर्ययः||१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তীক্ষ্ণোষ্ণাদিগুণং মদ্যম্| অস্মাত্-মদ্যাত্, ওজসো বিপর্যযো-বৈপরীত্যম্, যথা-মন্দশীতস্নিগ্ধসান্দ্রমধুরস্থিরচিরকৃদ্গুরুশ্লক্ষ্ণপিচ্ছিলত্বম্|
আযুর্বেদরসাযনম্ ব্যাখ্যা ( কৃত)
০০০০০
Adhikarana মদ্যগুণ এবোত্কর্ষতো বিষেঽপি (২) · Śloka ২
তীক্ষ্ণাদযো বিষেঽপ্যুক্তাশ্চিত্তোপপ্লাবিনো গুণাঃ| জীবিতান্তায জাযন্তে বিষে তূত্কর্ষবৃত্তিতঃ||২||
तीक्ष्णादयो विषेऽप्युक्ताश्चित्तोपप्लाविनो गुणाः| जीवितान्ताय जायन्ते विषे तूत्कर्षवृत्तितः||२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-এত এব তীক্ষ্ণাদযো দশ গুণা বিষেঽপ্যুক্তাঃ| চিত্তমুপপ্লাবিতুং শীলং যেষাং তে চিত্তোপপ্লাবিনঃ,-চিত্তবিভ্রমকারিণঃ| ন কেবলং মদ্য ইত্যপিশব্দার্থঃ| ননু, যদি ত এব তীক্ষ্ণাদযো গুণা বিষে, ত এব মদ্যে, তত্কথং বিষস্থা এব তীক্ষ্ণাদযো মারযন্তি ন মদ্যস্থাঃ ? ইত্যত্র যুক্তিমাহ-জীবিতান্তাযেত্যাদি| বিষস্থাস্তীক্ষ্ণাদযো যে গুণাস্তে মারণায সম্পদ্যতে, উত্কর্ষবৃত্তিতঃ-উত্কর্ষবর্তনাত্|
আযুর্বেদরসাযনম্ ব্যাখ্যা ( কৃত)
০০০০০
Adhikarana প্রথমমদস্য লক্ষণম্ (৩-৪) · Śloka ৪
কথং কৃত্বা মদ্যং চেতো বিকারং নযতি ? ইত্যাহ - - - - তীক্ষ্ণাদিভির্গুণৈর্মদ্যং মন্দাদীনোজসো গুণান্| দশভির্দশ সঙ্ক্ষোভ্য চেতো নযতি বিক্রিযাম্||৩|| আদ্যে মদে| |৪|
कथं कृत्वा मद्यं चेतो विकारं नयति ? इत्याह - - - - तीक्ष्णादिभिर्गुणैर्मद्यं मन्दादीनोजसो गुणान्| दशभिर्दश सङ्क्षोभ्य चेतो नयति विक्रियाम्||३|| आद्ये मदे| |४|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তীক্ষ্ণাদিভির্দশভির্গুণৈর্মন্দাদীনোজসঃ সম্বন্ধিনো গুণান্ সঙ্ক্ষোভ্য-সমন্তাদ্দুষ্টতামাপাদ্য, চেতো বিক্রিযাং-বিকারং নযতি, আদ্যে মদে| ননু, তীক্ষ্ণাদিভির্মন্দাদীনিত্যেতাবদেবাস্তু, কিং দশভির্দশেত্যনেন? পাঠাদেব হি দশসঙ্খ্যাঽবগমিষ্যতে| অস্ত্যেতত্| কিন্তু সর্বৈরেব তীক্ষ্ণাদিভিঃ সর্বানপি মন্দাদীন্ সঙ্ক্ষোভ্য চেতো বিক্রিযাং মদ্যং নযতি, ন তু কিযদ্ভিরপি তীক্ষ্ণাদিভিঃ কিযত এব মন্দাদীন্, ইতি প্রতিপাদনায সঙ্খ্যাগ্রহণম্| উত্কর্ষতারতম্যতস্ত্বস্ত্যেব বিশেষঃ, তেন সর্বত্র মদেনৈব তুল্যঃ ক্ষোভ ইতি বেদ্যম্| আদ্যে চ মদে যথাস্বং প্রবোধজনকে পুমান্ স্থিতো মদ্যপানাত্তাদাত্বিকং সুখং সমধিগচ্ছতীত্যনুক্তমপি সম্ভাব্যতে| তথা চ মুনিঃ (চ. চি. অ. ২৪|৬৪)- "পঞ্চস্বর্থেষু কান্তেষু যা রতিঃ প্রথমে মদে| যূনাং বা স্থবিরাণাং বা তস্যা নাস্ত্যুপমা ভুবি||" ইতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana দ্বিতীযমদস্য লক্ষণম্ (৪) · Śloka ৪
দ্বিতীযে তু প্রমাদাযতনে স্থিতঃ| দুর্বিকল্পহতো মূঢঃ সুখমিত্যধিমুচ্যতে||৪||
द्वितीये तु प्रमादायतने स्थितः| दुर्विकल्पहतो मूढः सुखमित्यधिमुच्यते||४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অনন্তরং দ্বিতীযে তু মদে স্থিতঃ-প্রাপ্তঃ, স্বার্থৈর্দুষ্টৈস্তৈস্তৈর্বিকল্পৈর্হতঃ-পুরুষার্থাদ্বিনষ্টঃ, অত এব মূঢঃ-কার্যাকার্যানভিজ্ঞঃ, সুখমিত্যধিমুচ্যতে-সুখমিতি জ্ঞানেন প্রথমমদোত্পন্নেন তদানীমধিমুচ্যতে-অধিকং কৃত্বা তেন সুখেন পরিত্যজ্যতে| তাদাত্বিকমাদ্যং সুখং নানুভবতি, ওজসো বিহতত্বাত্| অন্যে ত্বাহুঃ,-অবমুচ্যতে-নিশ্চিনোতি সুখমেতদিত্যভিনিবিশতে| কিম্ভূতে মদে স্থিতঃ ? প্রমাদাযতনে, প্রমাদানাং-সাহসানামিহামুত্র চাশুভহেতূনাং, [ আযতনে- ] স্থানে|
আযুর্বেদরসাযনম্ ব্যাখ্যা ( কৃত)
০০০০০
Adhikarana দ্বিতীযতৃতীযসন্ধিস্থিতস্য লক্ষণম্ (৫) · Śloka ৫
মধ্যমোত্তমযোঃ সন্ধিং প্রাপ্য রাজসতামসঃ| নিরঙ্কুশ ইব ব্যালো ন কিঞ্চিন্নাচরেজ্জডঃ||৫||
मध्यमोत्तमयोः सन्धिं प्राप्य राजसतामसः| निरङ्कुश इव व्यालो न किञ्चिन्नाचरेज्जडः||५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মধ্যমোত্তমযোঃ-দ্বিতীযতৃতীযযোঃ, সন্ধিং প্রাপ্য-অন্তরং লব্ধ্বা, পুরুষো রাজসতামসো ন কিঞ্চিদশুভং নাচরেত্-অপি তু সর্বমশুভমাচরেত্| রাজসসহিতস্তামসো রাজসতামসঃ| শাকপার্থিবাদিত্বাত্ মধ্যম (উত্তর) পদলোপী সমাসঃ, রাজসো বা তামসো বেত্যর্থঃ| রাজসতামসগ্রহণাত্ সাত্বিকঃ পুরুষো নেদৃশীমবস্থাং প্রাপ্নোতীতি গমযতি| নিরঙ্কুশ ইব ব্যালঃ| যথা,-ব্যালো-দুষ্টহস্তী, জডো-বধিরঃ, তথা নিরঙ্কুশো, ন কিঞ্চিদশুভং নাচরেত্, উন্মার্গপ্রবৃত্তত্বাত্| তন্ত্রান্তরে চৈবমুক্তম্-"সাত্বিকে শৌচদাক্ষিণ্যহর্ষমণ্ডনলালসঃ| গীতাধ্যযনসৌভাগ্যসুরতোত্সাহকৃন্মদঃ|| রাজসে দুঃখশীলত্বমাত্মত্যাগং সসাহসম্| কলহং সানুবন্ধং চ করোতি পুরুষে মদঃ|| অশৌচনিদ্রামাত্সর্যাগম্যাগমনলোলতাঃ| অসত্যভাষণং চাপি কুর্যাদ্বৈ তামসে মদঃ||" ইতি| ব্যালগ্রহণাদ্যঃ শুদ্ধস্বভাবো হস্তী স সৃণিরহিতোঽপি কদাচিদ্ধস্ত্যারোহশব্দশ্রবণাত্ কালোচিতং সঙ্কেতমুপলভ্য যুক্তমাচরত্যেবেতি, অতো ব্যালো নিরঙ্কুশ ইতি দ্বিতযমুপন্যস্তম্| তেজসঃ কিঞ্চিচ্ছেষত্বাত্ নিন্দ্যামিমামবস্থাং প্রাপ্তঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana তৃতীযমদস্য লক্ষণম্ (৬-৭) · Śloka ৭
অত এবাহ - - - - ইযং ভূমিরবদ্যানাং দৌঃশীল্যস্যেদমাস্পদম্| একোঽযং বহুমার্গাযা দুর্গতের্দেশিকঃ পরম্||৬|| নিশ্চেষ্টঃ শববচ্ছেতে তৃতীযে তু মদে স্থিতঃ| মরণাদপি পাপাত্মা গতঃ পাপতরাং দশাম্||৭||
अत एवाह - - - - इयं भूमिरवद्यानां दौःशील्यस्येदमास्पदम्| एकोऽयं बहुमार्गाया दुर्गतेर्देशिकः परम्||६|| निश्चेष्टः शववच्छेते तृतीये तु मदे स्थितः| मरणादपि पापात्मा गतः पापतरां दशाम्||७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অবদ্যানাং-নিন্দ্যানাং, ইযং-মদাবস্থা, ভূমিঃ-আকরঃ| তথা, দৌঃশীল্যস্য-অসমাহিতত্বস্য, ইদং-মদাবস্থান্তরং, আস্পদং-আবসথঃ| একোঽযং-মদবিশেষো, বহুমার্গাযাঃ-অনেকমুখাযা দুর্গতেঃ, পরং কৃত্বা দেশিকঃ-আচার্যঃ| স০-তৃতীযে-উত্তমে মদে, স্থিতো নরস্তেজসো বিহতত্বাত্ নিশ্চেষ্টঃ-চেষ্টযা কাযবাঙ্মনোলক্ষণযা রহিতঃ, অত এব শববচ্ছেতে-মৃতানুকল্পঃ স্বপিতি| এবং চ সত্যসৌ পাপাত্মা মরণাদপি পাপতরামবস্থাং প্রাপ্তঃ| যতো মৃতো মরণাত্সমনন্তরমেব শরীরান্তরং প্রাপ্য সুখাদীন্ বিন্দতে| তৃতীযাং মদাবস্থাং প্রাপ্তস্তু পুরুষোঽপরশরীরাপ্রাপ্তের্ন কথাঞ্চিত্ সুখাদ্যনুভবতীতি মরণাদপ্যস্য নিকৃষ্টত্বম্|
আযুর্বেদরসাযনম্ ব্যাখ্যা ( কৃত)
০০০০০
Adhikarana মদ্যশীলননিষেধঃ (৮) · Śloka ৮
ধর্মাধর্মং সুখং দুঃখমর্থানর্থং হিতাহিতম্| যদাসক্তো ন জানাতি কথং তচ্ছীলযেদ্বুধঃ||৮||
धर्माधर्मं सुखं दुःखमर्थानर्थं हिताहितम्| यदासक्तो न जानाति कथं तच्छीलयेद्बुधः||८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যস্মিন্নাসক্তো-যদাসক্তো, ধর্মাদীন্ ন জানাতি| তত্-তথাবিধং মদ্যং, বুধো-মতিমান্, কথং শীলযেত্-অভ্যসেত্| তত্র ধর্মো-দানাধ্যযনদেবগুরুপূজাদিকঃ| অধর্মো-হিংসাদিঃ| সুখং-আহ্লাদকোঽনুভবঃ| দুঃখং-উপতাপঃ| অর্থঃ-উভযলোকহিতম্| অনর্থঃ-অহিতম্| শীলযেদিত্যনেন তত্রাসক্তিং নিষেধতি, ন তু মদ্যপানমপি|
আযুর্বেদরসাযনম্ ব্যাখ্যা ( কৃত)
০০০০০
Adhikarana মদ্যেঽতিপীতে মোহাদযঃ (৯-১০) · Śloka ১০
মদ্যে মোহো ভযং শোকঃ ক্রোধো মৃত্যুশ্চ সংশ্রিতাঃ| সোন্মাদমদমূর্চ্ছাযাঃ সাপস্মারাপতানকাঃ||৯|| যত্রৈকঃ স্মৃতিবিভ্রংশস্তত্র সর্বমসাধু যত্| |১০|
मद्ये मोहो भयं शोकः क्रोधो मृत्युश्च संश्रिताः| सोन्मादमदमूर्च्छायाः सापस्मारापतानकाः||९|| यत्रैकः स्मृतिविभ्रंशस्तत्र सर्वमसाधु यत्| |१०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মদ্যেঽতিপীতে মোহাদযঃ সংশ্রিতাঃ-আশ্রিতাঃ, মদ্যাতিপানাদনন্তরং মোহাদীনাং সদ্ভাবাত্| অথবা কিমত্র বহুনাঽভিহিতেন| যত্র-যস্মিন্ মদ্যে, স্মৃতের্বিভ্রংশো-লোপঃ, তত্র যত্কিঞ্চিদ্বিদ্যতে তত্সর্বমসাধু-অশোভনম্| যত্রৌজসৌ ন বিহতির্হৃত্প্রবোধশ্চ স প্রথমো মদঃ| যত্রাল্পা বিহতিরোজসঃ স মধ্যমঃ| যত্র সর্বস্যৌজসৌ বিহতিঃ স উত্তমঃ| তথা চ মুনিঃ (চ. চি. অ. ২৪|৩৫) - "ওজস্যবিহতে পূর্বো হৃদি চ প্রতিবোধিতে| মধ্যমো বিহতেঽল্পে তু বিহতে তূত্তমো মদঃ||" ইতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana অযুক্তিযুক্তমদ্যস্য ত্রিবর্গাদিনাশকত্বম্ (১০-১১) · Śloka ১১
| অযুক্তিযুক্তমন্নং হি ব্যাধযে মরণায বা||১০|| মদ্যং ত্রিবর্গধীধৈর্যলজ্জাদেরপি নাশনম্| |১১|
| अयुक्तियुक्तमन्नं हि व्याधये मरणाय वा||१०|| मद्यं त्रिवर्गधीधैर्यलज्जादेरपि नाशनम्| |११|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যস্মাদযুক্ত্যা যোজিতমন্নমপি-যত্প্রাণকরং তদপি, কর্মবশাদ্ব্যাধযে মরণায বা সম্পদ্যতে| মদ্যং ত্বযুক্তিযোজিতং ত্রিবর্গাদেরপি নাশনম্| যুক্তিপীতং পুনস্তদেব ত্রিবর্গাদীনাং সাধনমিত্যপিশব্দেন দ্যোতযতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana মদ্যপানস্য বিষযঃ (১১-১২) · Śloka ১২
তামেব যুক্তিং বক্ষ্যমাণেন গ্রন্থেন প্রতিপাদযন্নাহ - - - - | নাতিমাদ্যন্তি বলিনঃ কৃতাহারা মহাশনাঃ||১১|| স্নিগ্ধাঃ সত্ত্ববযোযুক্তা মদ্যনিত্যাস্তদন্বযাঃ| মেদঃকফাধিকা মন্দবাতপিত্তা দৃঢাগ্নযঃ||১২||
तामेव युक्तिं वक्ष्यमाणेन ग्रन्थेन प्रतिपादयन्नाह - - - - | नातिमाद्यन्ति बलिनः कृताहारा महाशनाः||११|| स्निग्धाः सत्त्ववयोयुक्ता मद्यनित्यास्तदन्वयाः| मेदःकफाधिका मन्दवातपित्ता दृढाग्नयः||१२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যত এবংবিধা নরা নাতিমাদ্যন্তি, ততো বলবদ্ভিঃ পুরুষৈঃ কৃতাহারৈর্মহাশনৈঃ স্নিগ্ধৈঃ সত্বযুক্তৈর্বযোযুক্তর্মদ্যোচিতৈস্তদন্বযৈঃ-মদ্যপকুলপ্রসূতৈঃ, মেদোধিকৈঃ কফাধিকৈঃ স্বল্পবাতপিত্তৈর্দৃঢাগ্নিভিঃ-অপকারসহিষ্ণ্বগ্নিভিঃ, মদ্যং পেযম্, নাতো বিপর্যস্তৈঃ, ইত্যন্যতন্ত্রকারকথিতাযা যুক্তেরত্রৈবান্তর্ভাবোঽনেন তন্ত্রকৃতা কৃতঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana মদ্যপানস্যাবিষযঃ (১৩-১৭) · Śloka ১৭
বিপর্যযেঽতিমাদ্যন্তি বিশ্রব্ধাঃ কুপিতাশ্চ যে| মদ্যেন চাম্লরূক্ষেণ সাজীর্ণে বহুনাঽতি চ||১৩|| বাতাত্পিত্তাত্কফাত্সর্বৈশ্চত্বারঃ স্যুর্মদাত্যযাঃ| সর্বেঽপি সর্বৈর্জাযন্তে ব্যপদেশস্তু ভূযসা||১৪|| সামান্যং লক্ষণং তেষাং প্রমোহো হৃদযব্যথা| বিড্ভেদঃ প্রততং তৃষ্ণা সৌম্যাগ্নেযো জ্বরোঽরুচিঃ||১৫|| শিরঃপার্শ্বাস্থিরুক্কম্পো মর্মভেদস্ত্রিকগ্রহঃ| উরোবিবন্ধস্তিমিরং কাসঃ শ্বাসঃ প্রজাগরঃ||১৬|| স্বেদোঽতিমাত্রং বিষ্টম্ভঃ শ্বযথুশ্চিত্তবিভ্রমঃ| প্রলাপশ্চর্দিরুত্ক্লেশো ভ্রমো দুঃস্বপ্নদর্শনম্||১৭||
विपर्ययेऽतिमाद्यन्ति विश्रब्धाः कुपिताश्च ये| मद्येन चाम्लरूक्षेण साजीर्णे बहुनाऽति च||१३|| वातात्पित्तात्कफात्सर्वैश्चत्वारः स्युर्मदात्ययाः| सर्वेऽपि सर्वैर्जायन्ते व्यपदेशस्तु भूयसा||१४|| सामान्यं लक्षणं तेषां प्रमोहो हृदयव्यथा| विड्भेदः प्रततं तृष्णा सौम्याग्नेयो ज्वरोऽरुचिः||१५|| शिरःपार्श्वास्थिरुक्कम्पो मर्मभेदस्त्रिकग्रहः| उरोविबन्धस्तिमिरं कासः श्वासः प्रजागरः||१६|| स्वेदोऽतिमात्रं विष्टम्भः श्वयथुश्चित्तविभ्रमः| प्रलापश्चर्दिरुत्क्लेशो भ्रमो दुःस्वप्नदर्शनम्||१७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যথানির্দিষ্টাদ্বৈপরিত্যেন, যথা-অবলিনো যাবদদৃঢাগ্নয ইতি| তথা, বিশ্রব্ধাঃ-অমৃতমিবেদং স্পৃহণীযং সুরেভ্যঃ পেপীযতেঽস্মাভিরিতি তদ্গতমনসো বিশ্বস্তাঃ, তথা কুপিতাঃ-ক্রুদ্ধাঃ, যে তেঽতিমাদ্যন্তি| মদ্যেনেত্যাদি| অম্লরূক্ষেণ চ মদ্যেন পীতেন সর্ব এবাতিমাদ্যন্তি| অত্র চাত্যম্লেনেতি বেদ্যম্, মদ্যস্য সর্বস্যৈবাম্লপ্রাযত্বাত্| রূক্ষেণ-ন ত্বীষত্স্নিগ্ধেন| তথা, সাজীর্ণে-সশব্দ ঈষদর্থে ঈষদজীর্ণে, তস্মিন্নেব মদ্যে পীতেঽতিমাদ্যন্তি| তথা, অতিবহুনা পীতেন মদ্যেনাতিমাদ্যন্তি| স০-বাতাদিভিঃ পৃথক্ঽঽস্থিতৈর্দোষৈঃ সন্নিপাতেন চেতি চত্বারো মদাত্যযা বস্তুস্বভাবাজ্জাযন্তে, নোনাধিকাঃ| সর্বেঽপি মদাত্যযাঃ সর্বৈরপি দোষৈর্জাযন্তে| ভূযসা-বাহুল্যেন তু, ব্যপদেশঃ-সংজ্ঞা ভবতি, অযং বাতমদাত্যযো যাবত্ সন্নিপাতমদাত্যযোঽযমিতি| স০-তেষাং-মদাত্যযানাং, সামান্যং লক্ষণং-অবিভাগেন [চিহ্নম্], প্রমোহাদিদুঃস্বপ্নদর্শনপর্যন্তম্|
আযুর্বেদরসাযনম্ ব্যাখ্যা ( কৃত)
০০০০০
Adhikarana বাতজস্য লক্ষণম্ (১৮) · Śloka ১৮
বিশেষাজ্জাগরশ্বাসকম্পমূর্ধরুজোঽনিলাত্| স্বপ্নে ভ্রমত্যুত্পততি প্রেতৈশ্চ সহ ভাষতে||১৮||
विशेषाज्जागरश्वासकम्पमूर्धरुजोऽनिलात्| स्वप्ने भ्रमत्युत्पतति प्रेतैश्च सह भाषते||१८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাতেন মদাত্যযে জাগরাদিকং প্রেতৈঃ সহ ভাষত ইতি পর্যন্তং স্যাত্|
আযুর্বেদরসাযনম্ ব্যাখ্যা ( কৃত)
০০০০০
Adhikarana পিত্তজস্য লক্ষণম্ (১৯) · Śloka ১৯
পিত্তাদ্দাহজ্বরস্বেদমোহাতীসারতৃড্ভ্রমাঃ| দেহো হরিতহারিদ্রো রক্তনেত্রকপোলতা||১৯||
पित्ताद्दाहज्वरस्वेदमोहातीसारतृड्भ्रमाः| देहो हरितहारिद्रो रक्तनेत्रकपोलता||१९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পিত্তেন মদাত্যযে দাহাদিকং রক্তনেত্রকপোলতাপর্যন্তং স্যাত্|
আযুর্বেদরসাযনম্ ব্যাখ্যা ( কৃত)
০০০০০
Adhikarana কফজস্য লক্ষণম্ (২০) · Śloka ২০
শ্লেষ্মণা ছর্দিহৃল্লাসনিদ্রোদর্দাঙ্গগৌরবম্| ||২০||
श्लेष्मणा छर्दिहृल्लासनिद्रोदर्दाङ्गगौरवम्| ||२०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শ্লেষ্মণা মদাত্যযে ছর্দ্যাদিকমঙ্গগৌরবপর্যন্তং স্যাত্|
আযুর্বেদরসাযনম্ ব্যাখ্যা ( কৃত)
০০০০০
Adhikarana ত্রিদোষজস্য লক্ষণম্ (১) · Śloka ১
| সর্বজে সর্বলিঙ্গত্বম্||১||
| सर्वजे सर्वलिङ्गत्वम्||१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সর্বজে মদাত্যযে সর্বলিঙ্গত্বং ভবতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana ধ্বংসকবিক্ষযযোর্নিদানম্ (২০-২১) · Śloka ২১
সম্প্রতি ধ্বংসকবিক্ষযৌ লক্ষযতি - - - - | মুক্ত্বা মদ্যং পিবেত্তু যঃ||২০|| সহসাঽনুচিতং বাঽন্যত্তস্য ধ্বংসকবিক্ষযৌ| ভবেতাং মারুতাত্কষ্টৌ দুর্বলস্য বিশেষতঃ||২১||
सम्प्रति ध्वंसकविक्षयौ लक्षयति - - - - | मुक्त्वा मद्यं पिबेत्तु यः||२०|| सहसाऽनुचितं वाऽन्यत्तस्य ध्वंसकविक्षयौ| भवेतां मारुतात्कष्टौ दुर्बलस्य विशेषतः||२१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-উচিতং মদ্যং মুক্ত্বা-চিরং কালং পরিত্যজ্য, যঃ পুরুষস্তদেব সহসা-অতিমাত্রযা পিবেত্, অথবাঽন্যদ্যন্মদ্যং যদনুচিতং-অসাত্ম্যং মদ্যং, তত্সহসা-অতিমাত্রং পিবেত্, তস্য-পুরুষস্য, ধ্বংসকবিক্ষযৌ ব্যাধী মারুতাদ্ভবেতাং-জাযেযাতাম্| কিম্ভূতৌ ? কষ্টৌ,-কৃচ্ছ্রসাধ্যৌ| দুর্বলস্য পুনঃ পুংসস্তৌ বিশেষেণ ভবেতাম্|
আযুর্বেদরসাযনম্ ব্যাখ্যা ( কৃত)
০০০০০
Adhikarana ধ্বংসকস্য লক্ষণম্ (২২) · Śloka ২২
ধ্বংসকে শ্লেষ্মনিষ্ঠীবঃ কণ্ঠশোষোঽতিনিদ্রতা| শব্দাসহত্বং তন্দ্রা চ|২২|
ध्वंसके श्लेष्मनिष्ठीवः कण्ठशोषोऽतिनिद्रता| शब्दासहत्वं तन्द्रा च|२२|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ধ্বংসকে শ্লেষ্মনিষ্ঠীবাদযঃ স্যুঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana বিক্ষযস্য লক্ষণম্ (২২-২৩) · Śloka ২৩
| বিক্ষযেঽঙ্গশিরোতিরুক্||২২|| হৃত্কণ্ঠরোগঃ সম্মোহঃ কাসস্তৃষ্ণা বমির্জ্বরঃ| |২৩|
| विक्षयेऽङ्गशिरोतिरुक्||२२|| हृत्कण्ठरोगः सम्मोहः कासस्तृष्णा वमिर्ज्वरः| |२३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বিক্ষযে অঙ্গশিরোতিরুগাদ্যাঃ স্যুঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana নিবৃত্তমদ্যস্য ফলম্ (২৩-১) · Śloka ১
| নিবৃত্তো যস্তু মদ্যেভ্যো জিতাত্মা বুদ্ধিপূর্বকৃত্||২৩|| বিকারৈঃ স্পৃশ্যতে জাতু ন স শারীরমানসৈঃ| |২৪| ইতি মদাত্যযনিদানম্||১||
| निवृत्तो यस्तु मद्येभ्यो जितात्मा बुद्धिपूर्वकृत्||२३|| विकारैः स्पृश्यते जातु न स शारीरमानसैः| |२४| इति मदात्ययनिदानम्||१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শারীরমানসানাং রোগাণাং মদ্যং কারণমিতি কৃত্বা যঃ পুমান্ জিতাত্মা মদ্যেভ্যো নিবৃত্তো বুদ্ধিপূর্বকৃত্-বিমৃশ্যকারী, স কদাচিচ্ছারীরৈর্মানসৈর্বা বিকারৈর্ন স্পৃশ্যতে-নাক্রম্যতে| ইতি মদাত্যযঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana মদমূর্চ্ছাযসন্ন্যাসানাং হেতুত্রযমধিষ্টানত্রযং বলোত্তরত্বং চ (২৪-২৫) · Śloka ২৫
অথ মদ্যবচ্চেতোবিহতিকারণসামান্যান্মদাদীন্ লক্ষযতি - - - - | রজোমোহাহিতাহারপরস্য স্যুস্ত্রযো গদাঃ||২৪|| রসাসৃক্ঽঽচেতনাবাহিস্রোতোরোধসমুদ্ভবাঃ| মদমূর্চ্ছাযসন্ন্যাসা যথোত্তরবলোত্তরাঃ||২৫||
अथ मद्यवच्चेतोविहतिकारणसामान्यान्मदादीन् लक्षयति - - - - | रजोमोहाहिताहारपरस्य स्युस्त्रयो गदाः||२४|| रसासृक्ऽऽचेतनावाहिस्रोतोरोधसमुद्भवाः| मदमूर्च्छायसन्न्यासा यथोत्तरबलोत्तराः||२५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রজঃপ্রধানস্য মোহপ্রধানস্য তথাঽপথ্যাহারপরস্য ত্রযো গদাঃ স্যুঃ-জাযেরন্| কিম্ভূতাঃ ? রসশ্চাসৃক্ চ চেতনা চ, তা বহন্তি যানি স্রোতাংসি, তেষাং রোধঃ সমুদ্ভবো-হেতুঃ, যেষাং তে রসাসৃক্ঽঽচেতনাবাহিস্রোতোরোধসমুদ্ভবাঃ| মদমূর্ছাযসন্ন্যাসাঃ-এতত্সংজ্ঞাঃ| তে চ যথোত্তরবলোত্তরাঃ| যো য উত্তরো যথোত্তরম্, বলস্যোত্তরং-উত্কর্ষঃ, যথোত্তরং বলোত্তরং যেষাং ত এবম্| মদান্মূর্ছাযো বলবান্ তস্মাদপি সন্ন্যাস ইত্যর্থঃ|
আযুর্বেদরসাযনম্ ব্যাখ্যা ( কৃত)
আ০ র০- রজঃপরঃ-দুর্লভং লিপ্সুঃ| মোহপরোদুর্বোধবুভুত্সু| রসরক্তপ্রাণবাহিনাং ত্রযাণামন্তঃস্ত্রোতসাং রোধঃ-অসম্যগ্বহনম্| হেতুত্রযেঽধিষ্ঠানত্রযেঽপি যথোত্তরাধিক্যং জ্ঞেযম্, বলাদ্জিক্যান্যথাঽনুপপত্তেঃ|
Adhikarana মদঃ সপ্তবিধঃ (২৬) · Śloka ২৬
অথ মদং লক্ষযতি - - - - অথ মদনিদানম্| মদোঽত্র দোষৈঃ সর্বৈশ্চ রক্তমদ্যবিষৈরপি| |২৬|
अथ मदं लक्षयति - - - - अथ मदनिदानम्| मदोऽत्र दोषैः सर्वैश्च रक्तमद्यविषैरपि| |२६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অত্র-এষু মদাদিষু মধ্যে, মদঃ সপ্তধা,-পৃথগ্দোষৈঃ সন্নিপাতেন রক্তেন মদ্যেন বিষেণ চ|
আযুর্বেদরসাযনম্ ব্যাখ্যা ( কৃত)
আ০ র০- মদস্য ভেদানাহ-মদোঽত্রেতি| দোষৈস্ত্রযো ভেদাঃ|
Adhikarana বাতজস্য লক্ষণম্ (২৬-২৭) · Śloka ২৭
| সক্তানল্পদ্রুতাভাষশ্চলঃ স্খলিতচেষ্টিতঃ||২৬|| রূক্ষশ্যাবারুণতনুর্মদে বাতোদ্ভবে ভবেত্| |২৭|
| सक्तानल्पद्रुताभाषश्चलः स्खलितचेष्टितः||२६|| रूक्षश्यावारुणतनुर्मदे वातोद्भवे भवेत्| |२७|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাতোদ্ভবে মদে সতি পুমান্ সক্তানল্পদ্রুতাভাষণাদিলক্ষণো ভবেত্|
আযুর্বেদরসাযনম্ ব্যাখ্যা ( কৃত)
আ০ র০- বাতজলক্ষণমাহ-সক্তানল্পেতি| চলং-সকম্পম্|স্খলিতং-সপ্রতিবন্ধম্|
Adhikarana পিত্তজস্য লক্ষণম্ (২৭) · Śloka ২৭
| পিত্তেন ক্রোধনো রক্তপীতাভঃ কলহপ্রিযঃ||২৭||
| पित्तेन क्रोधनो रक्तपीताभः कलहप्रियः||२७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পিত্তেন ক্রোধনাদিলক্ষণঃ|
আযুর্বেদরসাযনম্ ব্যাখ্যা ( কৃত)
আ০ র০- পিত্তেন ক্রোধনাদিলক্ষণঃ|
Adhikarana কফজস্য লক্ষণম্ (২৯) · Śloka ২৯
স্বল্পসম্বদ্ধবাক্পাণ্ডুঃ কফাদ্ধ্যানপরোঽলসঃ| ||২৯||
स्वल्पसम्बद्धवाक्पाण्डुः कफाद्ध्यानपरोऽलसः| ||२९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কফাত্ স্বল্পসম্বদ্ধবাগাদিলক্ষণঃ|
আযুর্বেদরসাযনম্ ব্যাখ্যা ( কৃত)
আ০ র০- কফজলক্ষণমাহ-স্বল্পসম্বদ্ধবাগিতি|
Adhikarana সন্নিপাতজস্য লক্ষণম্ (২৮) · Śloka ২৮
| সর্বাত্মা সন্নিপাতেন|২৮|
| सर्वात्मा सन्निपातेन|२८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সর্বাত্মা-সর্বদোষলক্ষণঃ, সন্নিপাতেন|
আযুর্বেদরসাযনম্ ব্যাখ্যা ( কৃত)
আ০ র০- সর্বজলক্ষণমাহ-সর্বাত্মেতি|
Adhikarana রক্তজস্য লক্ষণম্ (২৮-২৯) · Śloka ২৯
| রক্তাত্স্তব্ধাঙ্গদৃষ্টিতা||২৮|| পিত্তলিঙ্গং চ| |২৯|
| रक्तात्स्तब्धाङ्गदृष्टिता||२८|| पित्तलिङ्गं च| |२९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রক্তাত্-রক্তমদাত্, স্তব্ধদৃষ্টিতা তথা পিত্তমদলিঙ্গং চ স্যাত্|
আযুর্বেদরসাযনম্ ব্যাখ্যা ( কৃত)
আ০ র০- রক্তজলক্ষণমাহ-রক্তাদিতি|
Adhikarana মদ্যজস্য লক্ষণম্ (২৯) · Śloka ২৯
মদ্যেন বিকৃতেহাস্বরাঙ্গতা| |২৯|
मद्येन विकृतेहास्वराङ्गता| |२९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মদ্যেন মদে বিকৃতা চেষ্টা তথা স্বরস্য বিকৃতত্বমঙ্গস্য চ|
আযুর্বেদরসাযনম্ ব্যাখ্যা ( কৃত)
আ০ র০- মদ্যজলক্ষণমাহ-মদ্যেনেতি|
Adhikarana বিষজস্য লক্ষণম্ (২৯) · Śloka ২৯
| বিষে কম্পোঽতিনিদ্রা চ সর্বেভ্যোঽভ্যধিকস্তু সঃ||২৯||
| विषे कम्पोऽतिनिद्रा च सर्वेभ्योऽभ्यधिकस्तु सः||२९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বিষে-বিষোত্থে মদে, কম্পোঽতিনিদ্রা চ স্যাত্| স চ-বিষমদঃ, সর্বেভ্যোঽধিকঃ|
আযুর্বেদরসাযনম্ ব্যাখ্যা ( কৃত)
আ০ র০- বিষজলক্ষণমাহ-বিষে কম্প ইতি|
Adhikarana রক্তজাদিষু দোষানুবন্ধঃ (৩০-২) · Śloka ২
লক্ষযেল্লক্ষণোত্কর্ষাদ্বাতাদীন্ শোণিতাদিষু| |৩০| ইতি মদনিদানম্||২||
लक्षयेल्लक्षणोत्कर्षाद्वातादीन् शोणितादिषु| |३०| इति मदनिदानम्||२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শোণিতাদ্যুত্থেষু মদেষু বাতাদীন্ লক্ষযেত্-জানীযাত্| কুতঃ ? লক্ষণোত্কর্ষাত্-স্বস্বলক্ষণোত্কর্ষেণ|
আযুর্বেদরসাযনম্ ব্যাখ্যা ( কৃত)
আ০ র০- অদোশজেষ্বপি দোষানুবন্ধমাহ-লক্শযেদিতি| নাত্র যথাসঙ্খ্যম্| কিন্তু যথাসম্ভবম্|
Adhikarana মূর্ছাযশ্চতুর্বিধঃ, বাতজস্য লক্ষণম্ (৩০-৩১) · Śloka ৩১
অথ মূর্চ্ছাযং লক্ষযতি - - - - অথ মূর্চ্ছাযনিদানম্| | অরুণং কৃষ্ণনীলং বা খং পশ্যন্প্রবিশেত্তমঃ||৩০|| শীঘ্রং চ প্রতিবুধ্যেত হৃত্পীডা বেপথুর্ভ্রমঃ| কার্শ্যং শ্যাবারুণা ছাযা মূর্ছাযে মারুতাত্মকে||৩১||
अथ मूर्च्छायं लक्षयति - - - - अथ मूर्च्छायनिदानम्| | अरुणं कृष्णनीलं वा खं पश्यन्प्रविशेत्तमः||३०|| शीघ्रं च प्रतिबुध्येत हृत्पीडा वेपथुर्भ्रमः| कार्श्यं श्यावारुणा छाया मूर्छाये मारुतात्मके||३१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মারুতোদ্ভবে মূর্ছাযে অরুণাদ্যন্যতমবর্ণমাকাশং পশ্যন্ পুমাংস্তমঃ প্রবিশেত্-মূঢাবস্থাং প্রাপ্নোতি| শীঘ্রং চ প্রতিবুধ্যেত-সংজ্ঞাং লভেত্| হৃত্পীডাবেপথুভ্রমযুতস্তথা কার্শ্যাদি চ স্যাত্|
আযুর্বেদরসাযনম্ ব্যাখ্যা ( কৃত)
আ০ র০- মূর্চ্ছাযস্য তু দোষজা এব চত্বারো ভেদাঃ তত্র বাতজলক্ষণমাহ-অরুণমিতি| তমঃ প্রবিষেত্-অজ্ঞানব্যাত্পো ভবেত্| প্রতিবুধ্যেত-তমসো নির্গচ্ছেত্|
Adhikarana পিত্তজস্য লক্ষণম্ (৩২-৩৩) · Śloka ৩৩
পিত্তেন রক্তং পীতং বা নভঃ পশ্যন্ বিশেত্তমঃ| বিবুধ্যেত চ সস্বেদো দাহতৃট্তাপপীডিতঃ||৩২|| ভিন্নবিণ্নীলপীতাভো রক্তপীতাকুলেক্ষণঃ| |৩৩|
पित्तेन रक्तं पीतं वा नभः पश्यन् विशेत्तमः| विबुध्येत च सस्वेदो दाहतृट्तापपीडितः||३२|| भिन्नविण्नीलपीताभो रक्तपीताकुलेक्षणः| |३३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পিত্তেন মূর্ছাযে রক্তং পীতং বা নভঃ পশ্যংস্তমঃ পুমান্ বিশেত্-মূঢাবস্থাং প্রাপ্নুযাত্| সহ স্বদেন বিবুধ্যেত-সংজ্ঞাং লভতে| তথা দাহাদিপীডিতস্তথা ভিন্নবিডাদিকঃ|
আযুর্বেদরসাযনম্ ব্যাখ্যা ( কৃত)
আ০ র০- পিত্তজলক্ষণমাহ-পিত্তেনেতি| দাহঃ-অগ্নিনেব দুঃখম্| তাপঃ-সুর্যেণেব|
Adhikarana কফজস্য লক্ষণম্ (৩৩-৩৪) · Śloka ৩৪
| কফেন মেঘসংকাশং পশ্যন্নাকাশমাবিশেত্||৩৩|| তমশ্চিরাচ্চ বুধ্যেত সহৃল্লাসঃ প্রসেকবান্| গুরুভিঃ স্তিমিতৈরঙ্গৈরার্দ্রচর্মাবনদ্ধবত্||৩৪||
| कफेन मेग़संकाशं पश्यन्नाकाशमाविशेत्||३३|| तमश्चिराच्च बुध्येत सहृल्लासः प्रसेकवान्| गुरुभिः स्तिमितैरङ्गैरार्द्रचर्मावनद्धवत्||३४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কফেন মূর্চ্ছাযে মেঘাভমাকাশং পশ্যংস্তম আবিশেত্, চিরেণ চ বুধ্যেত-সংজ্ঞা লভতে| হৃল্লাসাদিমান্, তথাঽঽদ্রেণ চর্মণাঽবনদ্ধো-বেষ্টিত ইব|
আযুর্বেদরসাযনম্ ব্যাখ্যা ( কৃত)
আ০ র০- কফজলক্ষণমাহ-কফেনেতি| স্তিমিতৈঃ-আর্দ্রৈঃ| আর্দ্রচর্মাবনদ্ধবত্-[অ]যথাবুদ্ধিং জনযদ্ভিঃ|
Adhikarana ত্রিদোষজস্য লক্ষণম্ (৩৫-৩৬) · Śloka ৩৬
সর্বাকৃতিস্ত্রিভির্দোষৈরপস্মার ইবাপরঃ| পাতযত্যাশু নিশ্চেষ্টং বিনা বীভত্সচেষ্টিতৈঃ||৩৫|| ইতি মূর্চ্ছাযনিদানম্|৩৬|
सर्वाकृतिस्त्रिभिर्दोषैरपस्मार इवापरः| पातयत्याशु निश्चेष्टं विना बीभत्सचेष्टितैः||३५|| इति मूर्च्छायनिदानम्|३६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ত্রিভির্দোষৈর্যো মূর্চ্ছাযঃ সর্বাকারঃ সোঽপরোঽপস্মার ইবাশু-শীঘ্রমেব, পুরুষং নিশ্চেষ্টং পাতযতি| বিনা বীভত্সচেষ্টিতৈঃ-অপস্মারোত্থানি নিন্দ্যানি চেষ্টিতানি বর্জযিত্বা, অন্যত্সর্বং সমানম্|
আযুর্বেদরসাযনম্ ব্যাখ্যা ( কৃত)
আ০ র০- সর্বজলক্ষণমাহ-সর্বাকৃতিরিতি| রুগ্বিনিশ্চযে (মা. নি. মূর্চ্ছা. শ্লো. ১) - " ক্ষীণস্য বহুদোষস বিরুদ্ধাহারসেবিনঃ| বেগাঘাতাদভিঘাতাদ্ধীনসত্বস্য বা পুনঃ|| করণাযতনেষূগ্রা বাহ্যেষ্বাভ্যান্তরেষু চ| নিবিষন্তে যদা দোষাস্তদা মূর্চ্ছান্তু মানবাঃ|| দ্রবস্বভাব ইত্যেকে দ্দষ্টা যদাভিমুহ্যতি| গুণাস্তীব্রতরত্বেন স্থিতাস্তু বিষমদ্যযোঃ|| ত এব তস্মাত্তাভ্যাং তু মোহৌ স্যাতাং যথোরিতোউ| স্তব্ধাঙ্গদ্দষ্টিস্ত্বসৃজা গূঢোশ্বাসশ্চ মূর্চ্ছিতঃ|| মদ্যেন বিলপংচ্ছেতে নষ্টবিভ্রান্তমানসঃ| গাত্রাণি বিক্ষিপন্ভূমৌ জরাং যাবন্ন তত্|| বেপথুস্বন্পতৃষ্ণাঃ স্যুস্তমশ্চ বিষমূর্চ্ছিতে| বেদিতব্যং তীব্রতরং যথাস্বং বিষলক্ষণৈঃ|| মূর্চ্ছা পিত্ততমঃপ্রাযা রজঃ পিত্তানিলাদ্ভ্রমঃ| তমোবাতকফাতন্দ্রা নিদ্রা শ্লেষ্মতমোভবা|| যোঽনাযাসঃ শ্রমো দেহে প্রভূতশ্বাসবর্জিতঃ| ক্লমঃ স ইতি বিজ্ঞেয ইন্দ্রিযার্থপ্রবাধকঃ|| হৃত্পীডা জৃম্ভণং গ্লানিঃ সংজ্ঞাদোউর্বল্যমেব চ| মূর্চ্ছানাং পুর্বরূপাণি যথাস্বং চ বিভাবযেত্|| পৃথিব্যাপস্তমোরূপং রক্তগন্ধস্তদন্বযঃ| তস্মাদ্রক্তস্য গন্ধেন মূর্চ্ছন্তি ভুবি মানবাঃ||" ইতি|
Adhikarana মদমূর্ছাযযোরৌষধং বিনা নিবৃত্তিঃ,সন্যাসস্যৌষধৈকনিবর্ত্যত্বম্ (৩৬) · Śloka ৩৬
ইদানীং সন্ন্যাসং লক্ষযিতুমাহ - - - - অথ সন্ন্যাসনিদানম্| দোষেষু মদমূর্চ্ছাযাঃ কৃতবেগেষু দেহিনাম্| স্বযমেবোপশাম্যন্তি, সন্ন্যাসো নৌষধৈর্বিনা||৩৬||
इदानीं सन्न्यासं लक्षयितुमाह - - - - अथ सन्न्यासनिदानम्| दोषेषु मदमूर्च्छायाः कृतवेगेषु देहिनाम्| स्वयमेवोपशाम्यन्ति, सन्न्यासो नौषधैर्विना||३६||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মদাশ্চ মূর্চ্ছাযাশ্চ মদমূর্চ্ছাযাঃ, কৃতবেগেষু দোষেষু সত্সু স্বযমেব-ঔষধং বিনাঽপি, শাম্যন্তি| সন্ন্যাসঃ পুনরৌষধৈর্বিনা ন শান্তিমেতি|
আযুর্বেদরসাযনম্ ব্যাখ্যা ( কৃত)
আ০ র০- মদমূর্চ্ছযোরওউষধাভেদান্মদভেদা অপি মূর্চ্ছাভেদত্বেনোক্তাঃ| মদাদীনামোউষধং বিনা নিবৃত্তিমাহ-দোষোষ্বিতি| সন্ন্যাসস্যৌষধৈকনিবর্ত্যত্বমাহ-সন্যাস ইতি|
Adhikarana সংন্যাসস্য সংপ্রাপ্তিঃ সংন্যাসস্য লক্ষণম্ (৩৭-৩৮) · Śloka ৩৮
বাগ্দেহমনসাং চেষ্টামাক্ষিপ্যাতিবলা মলাঃ| সন্ন্যাসং সন্নিপতিতাঃ প্রাণাযতনসংশ্রযাঃ||৩৭|| কুর্বন্তি, তেন পুরুষঃ কাষ্ঠীভূতো মৃতোপমঃ| ম্রিযেত শীঘ্রং শীঘ্রং চেচ্চিকিত্সা ন প্রযুজ্যতে||৩৮||
वाग्देहमनसां चेष्टामाक्षिप्यातिबला मलाः| सन्न्यासं सन्निपतिताः प्राणायतनसंश्रयाः||३७|| कुर्वन्ति, तेन पुरुषः काष्ठीभूतो मृतोपमः| म्रियेत शीघ्रं शीघ्रं चेच्चिकित्सा न प्रयुज्यते||३८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাক্ চ দেহশ্চ মনশ্চ, তেষাং চেষ্টাং-যথাস্বলক্ষণাং, আক্ষিপ্য মলাঃ-বাতপিত্তকফাঃ, সন্নিপতিতাঃ সন্তঃ-ত্রয এককার্যোদ্যতাঃ, সন্ন্যাসং কুর্বন্তি| কিম্ভূতাঃ ? অতিবলাস্তথা প্রাণাযতনসংশ্রযাঃ,-বিশেষেণ হৃদযাশ্রযাঃ| তেন-সন্ন্যাসেন, পুরুষঃ কাষ্ঠীভূতঃ-স্থাণুকুড্যকল্পঃ, তথা মৃতোপমঃ-তত্সদৃশো ভূত্বা, অনন্তরং শীঘ্রং ম্রিযেত| যদি শীঘ্রং চিকিত্সা ন প্রযুজ্যতে| ম্রিযেত ইতি সম্ভাবনাযাং লিঙ্|
আযুর্বেদরসাযনম্ ব্যাখ্যা ( কৃত)
আ০ র০- সন্ন্যাসস্য সম্প্রাত্পিমাহ-বাগ্দেহমনসামিতি| সন্ন্যাসলক্ষণমাহ-তেনেতি|
Adhikarana সংন্যাসস্ত্বরযা চিকিত্স্যঃ (৩৯-৩) · Śloka ৩
শীঘ্রং চিকিত্সনাজ্জীবেত্, ইত্যত্রৈবোদাহরণার্থমাহ - - - - অগাধে গ্রাহবহুলে সলিলৌঘ ইবাতটে| সন্ন্যাসে বিনিমজ্জন্তং নরমাশু নিবর্তযেত্||৩৯|| ইতি সন্ন্যাসনিদানম্||৩||
शीघ्रं चिकित्सनाज्जीवेत्, इत्यत्रैवोदाहरणार्थमाह - - - - अगाधे ग्राहबहुले सलिलौघ इवातटे| सन्न्यासे विनिमज्जन्तं नरमाशु निवर्तयेत्||३९|| इति सन्न्यासनिदानम्||३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অগাধে-অতলস্পর্শে, সলিলৌঘে, তথা গ্রাহবহুলে-মকরাদিপ্রাণহরপ্রাণিভূযসি, তথাঽতটে-অরোধসি| তথা তস্মিন্নিমজ্জন্তং নরমাশু-শীঘ্রং, নিবর্তযেত্-তস্মাদুদ্ধরেত্, এবং সন্ন্যাসেঽপি নিমজ্জন্তং নরমাশু নিবর্তযেত্| অনেনোদাহরণেন মদা(হা)ত্যযত্বমস্য ব্যাধেঃ প্রদর্শযন্ স্বল্পকালহাপনমপ্যত্র ব্যাধৌ ন কার্যমিতি দ্যোতযতি|
আযুর্বেদরসাযনম্ ব্যাখ্যা ( কৃত)
আ০ র০- সন্ন্যাসস্ত্বরযা চিকিত্স্য ইত্যাহ-অগাধ ইতি| ইতি মদাদিনিদানম্|
Adhikarana যুক্তিবিযুক্তস্য মদ্যপানস্য ফলম্ (৪০) · Śloka ৪০
ইদানীং মদাত্যযনিদানত্বান্মদ্যস্য মদ্যেনৈবোপসংহারং কুর্বন্নাহ - - - - মদমানরোষতোষপ্রভৃতিভিররিভির্নিজৈঃ পরিষ্বঙ্গঃ| যুক্তাযুক্তং চ সমং যুক্তিবিযুক্তেন মদ্যেন||৪০||
इदानीं मदात्ययनिदानत्वान्मद्यस्य मद्येनैवोपसंहारं कुर्वन्नाह - - - - मदमानरोषतोषप्रभृतिभिररिभिर्निजैः परिष्वङ्गः| युक्तायुक्तं च समं युक्तिवियुक्तेन मद्येन||४०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যুক্তিবিযুক্তেন মদ্যেন মদাদিভির্নিজৈঃ-সহজাতৈঃ, [অরিভিঃ-] শত্রুভির্দৃষ্টাদৃষ্টবিনাশকারিভিঃ, পরিষ্বঙ্গঃ-অতিসংশ্লেষো, ভবতি| ন কেবলং মদ্যেন মদাদ্যতিসঙ্গঃ, যাবদ্যুক্তাযুক্তং সমং-তুল্যং, সম্পদ্যতে| যুক্তমনুষ্ঠেযম্, অযুক্তমননুষ্ঠেযম্, তদুভযং সমং জাযতে, কার্যাকার্যং ন জানাতীত্যর্থঃ| যতশ্চৈবং ততো মদ্যপানে যুক্তের্গরীযস্ত্বম্| যুক্তিশ্চ প্রাগেব দর্শিতা| "আর্যাদ্বিতীযদলভবলক্ষ্ম প্রতিনিযতমবগম্য| উভযত্রাপ্যুপগীতিং বদন্তি যত্যংশকৈর্গদিতৈঃ||"
আযুর্বেদরসাযনম্ ব্যাখ্যা ( কৃত)
০০০০০
Adhikarana যুক্তিযুক্তস্য মদ্যপানস্য ফলম্ (৬) · Śloka ৬
পুনরপি যুক্তিং প্রদর্শযন্নাহ - - - - বলকালদেশসাত্ম্যপ্রকৃতিসহাযামযবযাংসি| প্রবিভজ্য তদনুরূপং যদি পিবতি ততঃ পিবত্যমৃতম্||৪১|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং তৃতীযে নিদানস্থানে মদাত্যযাদিনিদানং নাম ষষ্ঠোঽধ্যাযঃ||৬||
पुनरपि युक्तिं प्रदर्शयन्नाह - - - - बलकालदेशसात्म्यप्रकृतिसहायामयवयांसि| प्रविभज्य तदनुरूपं यदि पिबति ततः पिबत्यमृतम्||४१|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां तृतीये निदानस्थाने मदात्ययादिनिदानं नाम षष्ठोऽध्यायः||६||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বলকালাদীন্ প্রবিভজ্য-বুদ্ধ্যা বিমৃশ্য, তদনুরূপং-তদ্যোগ্যং, যদি পিবতি ততোঽমৃতং পিবতি| মদ্যব্যাজেনামৃতমাস্বাদযতীত্যর্থঃ| আর্যা| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং তৃতীযে নিদানস্থানে মদাত্যযাদিনিদানং নাম ষষ্টোঽধ্যাযঃ সমাপ্তঃ|| ৬||
আযুর্বেদরসাযনম্ ব্যাখ্যা ( কৃত)
আ০ র০- ইতি হেমাদ্রিটীকাযামাযুর্বেদরসাযনে| মদাত্যযনিদানং চ সমস্ত্যেন নিরূপিতম্||